| བོད་ཡིག |
86a7 @##/ /rgya gar skad du/ badzra g+haN+Da lak+Sha Na nA ma/ bod skad du/ rdo rje dril bu'i mtshan nyid ces bya ba/ sangs rgyas la phyag 'tshal lo/ /rdo rje'i grub pa bshad par bya'o/ /de 'dzin pa la rtag bstan pa/ /sor bzhi pa dang bcu pa dang bcu gnyis pa dang / bcu drug pa dang / brgyad
86b1 pa dang /nyi shu'i tshad kyi gser gyi rdo rjes sa'i gtso bo'i rig pa 'dzin pa nyid dang / rtag tu rab tu bzang po thob po/ /rgyal po rab kyi rgyal po gong ma nyid zangs kyi rdo rjes 'dod pa 'grub bo/ /rdo'i rdo rjes lha ma yin gyi dbang po kun dang / gnod sbyin rnams kyang bskyod pa'o/ /don
86b2 thams cad 'grub par 'byung ba lcags kyis te/lcags gcig gis dpal che/ nad med/ nor kun thob pa'o/ /gza' thams cad la seng ldeng gis so/ /ma du ga'i shing gis gnod sbyin bsgrub bo/ /des chos kyi don bsgrub bo/ /lha'i shing gis dgra med par 'gyur ro/ /mi'i
86b3 rus pas mi'i srog 'phrog go//shel gyis thams cad dbang po'i gzhu ltar snang ngo / /zhe sdang gi las la nim pa yis so/ /wa'i b+hu shing gis gsad pa dang / skams pa dang / sha za 'grub rtag tu rab tu bzang ba'o/ /dri za gnod sbyin kun 'grub bo/ /su ru tsan+dan
86b4 gyis so//sa yis gzugs gzhan du rnam par 'gyur ro/ /srin pos skye gnas 'grub bo/ /mya ngan med pa'i shing las byas pa'i rdo rjes nor 'phel lo/ /dmar po 'am dkar po tsan+dan gyis gang 'dod pa rab tu thob bo/ /rtse lnga pa sran te shel gyis rtag tu bsrung ba rgyal ba'i
86b5 zhabs drung bzlas pa byas na 'grub bo//dri zhim pos mchod pas zhi ba'i sems dang ngag gang bzlas pa rdo rjer bzung nas byas na 'grub bo/ /sgrub pa pos sngags pa gzung ngo / /ming med pa rdo rje bcang ba byas te sems rtse gcig pas so/ /rdo rje'i rgyu gang las byung ba'i mtshan nyid
86b6 rab tu btus te phyag 'tshal nas shes rab ye shes zhib tu bri ba med pa'o//rdo rje'i mtshan nyid brjod nas dril bu'i mtshan nyid 'og nas 'byung bas shes so/ /gser gyis byas pa rtse lnga pa 'od bzang po cha gsum pa bzung ba'o/ /rtse mo bye ba rnams bye brag tu'o/ /dang po dril bu'i gdong
86b7 bshad pa ni/dpal gyi gdong dang / pad+ma'i gdong dang / ba lang gi gdong khog pa bsil ba'i dbyibs su'o/ /de lta bu'i dril bu phun sum tshogs pa 'byung ngo / /dpal gyi gdong gis rgyas pa'i las thams cad 'grub bo/ /pad+ma'i gdong ni pad+ma'i dbyibs su byas te/ dbang
87a1 gi las byed pa'o//ba lang gi gdong du byas pa'i dril bus zhi ba'i las ster bar byed pa'o/ /sor bdun pa dang / brgyad pa dang / sor bcu gnyis pas shes rab dang thabs kyi bdag nyid kyi'o/ /rang byung gi shes rab kyi rnam pa ni dril bu'i kha dog pa chos
87a2 'byung ba'i dbyibs dran pa'o//ye shes ldan pa lnga'i thabs kyis rdo rje steng na gnas pa'o/ /chos 'byung gi nang du hriM gi yi ge las de bsgom par bya'o/ /dril bu de chos kyi dbyings kyi dbang phyug ma sangs rgyas thams cad kyi yum mo/ /yi ge hUM las rdo rje ye shes lnga'i ngo bo dran par bya'o/ /
87a3 de ni rdo rje 'dzin pa thams cad kyi rgyal po sangs rgyas thams cad kyi gnas so/ /'di skad 'byung ba'i dril bu de lus ngag yid gsum gyi rnam pa'o/ /khog pa sangs rgyas thams cad kyi sku rdo rje'i gnas dran pa'o/ /de'i steng du pad+ma 'dab ma brgyad pa gsung rdo rje'o/ /de'i steng du bum
87a4 pa'i bsam gtan te byang chub kyi sems kyis yang dag par gang ba'o//de'i steng du sems kyi rdo rje bsgom mo/ /pad+ma'i steng du de bzhin gshegs pa bzhi'i mtshan pa'i rnam pa'o/ /'khor lo/ rin po che/ pad+ma/ sna tshogs rdo rje'o/ /lnga pa spyi bor yang dag par gnas pa'i rdo rje
87a5 'dzin pa rang gi rnam pa'o//sa gzhi khog pa'i rnam pa ni lha mo sangs rgyas spyan yang dag par gnas pa'o/ /chu'i rnam pa ni mA ma kI bum pa yang dag par gnas pa byas pa'o/ /me'i rnam pa ni gos dkar mo'i rang bzhin no/ /khong pa'i rlung gi rnam pa dbus su bltas pa sgrol ma'o/ /
87a6 stong pa'i dbus na rdo rje lce g.yo ba'i gsung ngo / /nam mkha'i ni bum pa'i steng na rdo rje 'dzin pa'i mgon po yang dag gnas pa'o/ /sa'i snying po dang 'jig rten dbang phyug mgon po ni rdo rje 'dzin pa gzhan no/ /mtshan ma'i steng du phreng bas bskor ba ni gsum po de'i tshul
87a7 gyis brjod pa'o//spre'u'i gdong ni byang chub sems dpa'i lha'o/ /de'i gdong ni steng du rdo rje'i phreng ba'i rnam pa ni sgo skyong dang dpa' bo chen po khro bo bcu drug pa'o/ /sangs rgyas thams cad kyi rnam pa'i dril bu shes rab kyi sgra'i rnam pa de'i rdo rje sems dpa'i snyoms par 'jug
87b1 pa'i rdo rje dbyings kyi dbang phyug ma'o//chos 'byung ba'i maN+Dal gyi zhing du gnas pa sna tshogs pad+ma'i steng du gnas pa/ sku mdog dkar mo bsgom mo/ /rdo rje dang dril bu'i mtshan nyid [(]rdzags [,]rdzogs [)]so// //paN+Di ta pa ra he ta dang / lo tsA ba nag tsho dge slong shes rab
rgyal mtshan gyis bsgyur ba'o/