| བོད་ཡིག |
83b4 paN+Di ta pa ra he ta dang / lo tsA ba nag tsho dge slong shes rab rgyal mtshan gyis bsgyur ba'o// @##/ /rgya gar skad du/ pi thi kra ma tA ra de bI sto traM/ bod skad du/ gnas chen gyi rim pa'i lha mo sgrol ma'i bstod pa/
83b5 bcom ldan 'das 'phags ma lha mo sgrol ma la phyag 'tshal lo/ /skye dang mtha' dbus rnam pa med/ /e yi yi ge'i rigs las skyes/ /ye shes bdud rtsi'i khu bas myos/ /zhing gnas lha mo nyid phyag 'tshal/ /bco lnga'i dus kyi rnam pa med/ /dus med thig le'i tshul
83b6 gnas pa//skyil krung phyed pa'i gar gyis gnas/ /zhing gnas lha mo nyid phyag 'tshal/ /dang po mtha' dang dbus ma'i tshul/ /rigs lnga'i rgyan gyis brgyan pa yi/ /ye shes lnga ni gcig gi tshul/ /zhing gnas lha mo nyid phyag 'tshal/ /sa dang chu dang me dang rlung / /nam mkha'
83b7 rnam pa thams cad du//khams lnga yi ni rnam pa'i tshul/ /zhing gnas lha mo nyid phyag 'tshal/ /A li kA li las byung ba/ /dbyangs dang gsal byed thams cad la/ /yi ge med pa'i rnam pa thob/ /zhing gnas lha mo nyid phyag 'tshal/ /sku gsum rigs la 'jug pa'i tshul/ /
84a1 thar lam rab tu 'byung ba yis/ /rigs kyi tshul med lhag pa'i tshul/ /zhing gnas lha mo nyid phyag 'tshal/ /stong phrag bdun cu gnyis gnas pa'i/ /rtsa yi bu ga'i sbubs kyi nang / /a wa d+hU tI'i dbus gnas pa/ /zhing gnas lha mo nyid phyag 'tshal/ /
84a2 stong pa shin tu stong pa dang / /stong pa chen po gang du gnas/ /thams cad stong pa steng na gnas/ /zhing gnas lha mo nyid phyag 'tshal/ /brjod pa tsam las skye 'gag med/ /brjod pa'i mtha' la gnas pa dang / /tshig bzhi dag gi gang du 'pho/ /zhing gnas lha mo nyid phyag 'tshal/ /
84a3 nang du rang la gnas pa yi/ /'khor lo bzhi yi rnam par gnas/ /byang chub lhag pa'i tshul gnas pa'i/ /zhing gnas lha mo nyid phyag 'tshal/ /nyi shu rtsa bzhi dag gi yul/ /zhing gi 'dren pa'i lha mo de/ /zhing bzhir snyoms par gnas pa yis/ /zhing gnas lha mo nyid phyag 'tshal/ /
84a4 mu stegs lta ba khyab 'jug ma/ /nyi ma tshangs pa'i rang bzhin kun/ /ci yang med pa'i gzugs 'dzin ma/ /zhing gnas lha mo nyid phyag 'tshal/ /oM gyi gsang sngags 'di nyid la/ /bdag gis mos pa'i sems kyis ni/ /mi bskyod rdo rje byas pa yis/ /sems
can rjes su 'dzin par shog /