CLOSE WINDOW

D1714
བོད་ཡིག

/ @##/ /rgya gar skad du/ tat+t+wa kA ri kA/ bod skad du/ de kho na nyid kyi tshig le'ur byas pa/ dpal rdo rje sems dpa' la phyag 'tshal lo/ /rtog pa'i dra ba spangs pa yi/ /zab mo rnam pa kun la khyab/ /kun nas 'phro ba grangs med pa//kun tu bzang po phyag 'tshal lo/ /gang zhig snying gi pad+ma'i lte ba la gnas pa/ /mar me 'bar ba phra ba lta zhing mi bskyod sems/ /yul la mi 'jug khams gsum thams cad gnyis med 'byung / /chos dbyings yang dag nyid la phyag 'tshal bdag mchog go//nang du zhugs pa dbang po thams cad g.yo ba'i rta/ /ye shes ma lus rgyal ba mnyam 'byung khams gsum la/ /phan pa bskyed pa rab tu 'byung ba mthong ba 'di/ /'byung ba rtag tu nam mkha'i dri ma med pa'i dpal/ /sangs rgyas rjes dran rnal 'byor pa/ /chos rjes dran pa'i sgom pa pos//chos rjes dran pa'i rnal 'byor gyis/ /chos sku'i rang bzhin 'byung ba po/ /dbus su mar me'i rnam par shes/ /shes mchog gi ni rtogs pa yi/ /rgyun du 'bar bsgom rtag par ni/ /'bar ba de la the tshom med/ /snying la rtag tu gnas pa yis//yi ge rnam med thig le gcig /de nyid bsgoms pa'i skyes bu de/ /ye shes bskyed pa mchog gi gnas/ /gnas 'dir rdo rje mkha' 'gro ma/ /snying rje'i sems kyis rol cing gnas/ /gnas 'dir sangs rgyas thams cad dang / /byang chub sems dpa' 'gro ba gsum//de dag thams cad mchod pa 'di sngon lam/ /de rnams gsal bar de nyid rtag tu 'dir/ /mchod pa 'di ni rgyal ba thams cad dang / /nang gi bdag nyid rdo rje rnal 'byor la/ /rnal 'byor rdo rje 'byung bar 'gyur/ /de nas rdo rje mchod 'byung ba//mchod pa'i lam 'di 'byung ba'o/ /mchod pa lnga yi rnal 'byor gyis/ /myur bar sangs rgyas nyid thob bo/ /lnga yis mchod pa'i rnal 'byor pas/ /de dag rgyud du bshad pa yin/ /phyi yi mchod pa'i sems ni gzhan/ /nges pa'i rang bzhin sems goms bya//lha yi 'byung gnas bsgom pa la/ /de ni yid kyi mchod pa chen po ste/ /sangs rgyas thams cad rab tu brtse bar dgongs/ /bshad pa chung ngu yang dag 'byung ba 'di/ /rgyun du don dam med pa de nyid do/ /don dam bde ba yang dag 'byung ba 'di/ /bshad dam ma bshad ci yang med pa'o//gnas chen nyi shu rtsa bzhi'i bye brag kun/ /zhing chen 'di dag tu ni yang dag zhugs/ /zhing dag tu ni 'gro bar mi bya'o/ /ngal dub las ni de yin de nyid min/ /de ni de kho na nyid thob pa min/ /mi bden de dag kha cig tsam yang med/ /des na de kho na yod skyes bu de/ /mi bden de dag kha cig tsam yang med//zhing dang nye ba'i zhing dang tshan+do rnams/ /der ni phyin pas dri ma med pa 'byung / /des na khro'am grags par 'dod pa yis/ /skyes bu zhing du 'gro bar byed pa de/ /bdag gi gong du brjod pa de nyid do/ /sems can mos pa'i sems kyis rnal 'byor pas/ /bsam gtan mchog las bde ba gzhan na med//khams dug de dag phyi rol rnal 'byor yin/ /de bas 'di ltar bsam gtan las bya'o/ /khams dug 'di dag bskor ba ni/ /phyi rol pa yi rnal 'byor yin/ /des na phyi rol spang bar bya'o/ /gnas dang rnal 'byor rol pa yis/ / mthong ba rdo rje'i rnal 'byor ma/ /rnam par dag pa'i ye shes spyan/ /dpal ldan rnal 'byor rab tu brtan/ /snying rje chen po'i sems kyis so/ /de yis mchog gi dngos grub dag /ji ltar 'dod pa ster ba 'grub/ /ye shes chags bral rnal 'byor pa/ /sgrub pa rab tu nges pa 'di//sna tshogs 'bad pas yang dag ldan/ /brtul zhugs spyod pa cung zad tsam/ /de nyid byas pas brtul zhugs gnas/ /gang dag rab tu spyod pa byas/ /bza' ba brtan pa brtul zhugs can/ /bsam gtan bza' ba yid skyes pa/ /smyon pa'i spyod pa'i gzugs can de//de ltar gcer bu'am gcer bu ma yin/ /gang dang gang yin de dang des/ /rang gi lta sgom byed pa rnams/ /de kho na nyid rnam par bsam/ /zla drug rim pas bden pa la/ /lkugs pa lta bur rab tu gnas/ /rnal 'byor chen po mar me 'bar/ / ye shes mchog 'bar des mthong nas/ /rnal 'byor ma nges g.yog byed do/ /ji ltar pad+ma bzang po la/ /ngang pa dga' bas gral du gnas/ /dpal ldan rdo rje yang dag par/ /the tshom med par 'byung bar 'gyur/ /gzugs brnyan lta bur 'jig rten 'di/ /sems can kun gyi don byed pa//'dir ni bdag gis sems can don/ /dag pa'i sems kyis byas pa yis/ /'di dag snying rje cung zad tsam gyis ni/ /gang brjod des ni 'byung bar 'gyur ba yi/ /de nyid sbas pa bdag gis rgyas ma byas/ /bla ma'i drin bzung yang dag mtha' la mos/ /sems srid dge ba'i bsags stobs kyis//bshes gnyen mi 'gyur mngon par rjes yi rang / /de kho na nyid man ngag yang dag bris/ /'phel ba bdag gis gang thob 'di yis sems can gyi/ /snying po'i sgom mchog spyod bzang myur du bdag /rin chen 'od zer 'jig rten kun la shog /