57b5 @##/ /rgya gar skad du/ mr-i t+yuSh+ThA ka ba/ bod skad du/ 'chi ba bslu ba/ dpal sgrol ma chen mo la phyag 'tshal lo/ /sgrol ma ljang ser cho ga yis/ /'chi bdag chad pa zhi mdzad cing / /mkha' 'gro srin po'i gnod pa rnams/ /sgrol bas sgrol ma mchog
57b6 yin no//re zhig rmi ltas dang lus kyi rnam 'gyur la sogs pa 'chi ba'i rtags rnams rmis shing / dus ma yin par 'chi ba'i dus byed pa rnams kyi 'jigs pa chen po zhi bar bya ba'i phyir snying po'i grangs bgrangs shing ma yengs pa'i bsam gtan mang du goms pa'i rnal 'byor pas
57b7 dben pa'i sa phyogs su stan bde ba la 'dug ste/lus kyi 'jug pa sngon du btang / byams pa dang snying rje chen po sems can la bskyed pa sgyu ma lta bu'i blo cung zhig goms par byas te/ skad cig gis dpal sgrol ma chen mo sku mdog ljang ser rin po che sna tshogs kyis sku
58a1 legs par spras pa/phyag gnyis kyis thugs kar chos smra ba'i phyag rgyas ut+pal sngon po 'dzin pa/ pad+ma dang zla ba'i steng du skyil krung gis bzhugs pa/ de'i thugs kar pad+ma dang zla ba'i steng du tAM ljang ser de las 'od zer phyogs bcur 'phros pas dus
58a2 ma yin par tshe'i dus byed pa'i sems can rnams kyi 'chi bdag gi mthu med par byas la/tshur la bsdus la sgyu ma lta bu'i blos sdug bsngal gyis nyen pa'i sems can rnams la dmigs shing snying po'i mchog 'di brjod par bya'o/ /oM tA re tut+tA re tu re b+ha ya ha ra Ni hUM hUM hUM mr-i t+yU daN+Da
58a3 ya ma daN+Da ya mA d+hu na swA hA/zhes pa bzlas shing / gzungs dang sbyin sreg dang gtor ma dang mchod pa phul la bstod pa bya'o/ /de'i rjes la gro ga la gur gum gyis 'khor lo rtsibs bdun pa bris la che ge mo'i sdig pa zhi bar gyur cig la sogs pa spel la snying po dang gzungs
58a4 dgod par bya'o//de nas rin po che'am rdza sar pa kha sbyar ram/ rwa 'am shing gi za ma tog gi nang du 'khor lo dril la skud pa dmar pos snod lan mang du bcing / dar ram ras dkar po'i na bzas g.yogs la dge 'dun gyi sde chen po'i gtsug lag gi shing ngam/ mchod
58a5 rten gyi shing la bcings la/dus khyad par can la mchod pa chen pos mchod cing bsgom pa dang snying po dang gzungs dang bstod pa rnams brjod par bya'o/ /'phags ma sgrol ma stobs mo che/ /khyed kyi gsang sngags rjes dran pas/ /'chi bdag gnod pa zhi gyur nas/ /
58a6 zhabs kyi rdul la reg par shog /'phags pa 'jam pa'i dbyangs kyis byin gyis brlabs pa/ paN+Di ta chen po ta thA ga ta rak+Shi tas mdzad pa 'chi ba bslu ba rdzogs so// //cog gru lo tsA ba mya ngan med pa'i dpal gyis bsgyur ba'o//