56b2 @##/ /rgya gar skad du/ tsau ra ban+d+ha na/ bod skad du/ chom rkun bcing ba/ mya ngan med pa'i sgrol ma la phyag 'tshal lo/ /glang chen stag dang mi rgod dang / /chom rkun 'jigs pa bsrung ba'i phyir/ /rlung gi bum pas lus sbyong ba/ /mya ngan med pa'i sgrol ma mchod/ /
56b3 de yang sgrub pa'i thabs nas ji ltar bshad pa'i cho gas 'phags ma'i tshogs yongs su mnyes par byas la/ nags tshal lam ri khrod la sogs pa gnas khyad par can du ri dgas kyi pags pa'am/ 'gan 'ji sngon po legs par btags pa la 'dug la/ byams pa dang snying rje
56b4 chen po sngon du song bas bdag gi snying gar paM las pad+ma a las zla ba'i dkyil 'khor gyi steng du tAM ser po de las phyogs bcur 'od 'phros 'phags ma dgyes pa dang sems can gyi don byas la/slar bsdus pas tAM la thim pa dang bdag nyid mya ngan med pa'i sgrol ma sku mdog gser btso
56b5 ma'i mdog 'dra ba rin po che sna tshogs kyi dbu rgyan cod pan dang ldan pa/zhal gsum phyag drug g.yas sngo g.yon dmar ba/ g.yas pas ral gri dang dgra sta dang mda'/ g.yon pas zhags pa dang gzhu dang dung 'dzin par bsgoms la/ oM tA re tut+tA re tu re b+ha ya ha ra Ne rak+Sha ba ra naM gup+tiM
56b6 bid+yAHsh+yA ma he swA hA/zhes pa'i sngags bzla zhing stag pa'i shun lpags la gur gum dang gi waM gis 'khor lo rtsibs bdun pa bris pa la snying po gzungs dang bcas pa lte ba la sogs pa la ci rigs pa bris la/ sbyin sreg dang gtor ma'i cho gas mchod la/ sngags dang 'od zer gyi rang bzhin gyi
56b7 'khor lo dril la mgrin pa'am/dpung pa la bcing bar bya'o/ /de nas 'brog dgon pa la sogs pa nyam nga ba'i gnas su sgrol ma gsal bar bskyed la sngon du goms par byas pa'i rlung bsre zhing snying po dang gzungs sngags bzla zhing bdag gi grib ma bzhin du g.yas su 'od zer can mya ngan
57a1 med pa'i cha lugs/phag bdun gyis drangs pa'i shing rta la bskyon nas mi 'jigs kyi sgras brgyan pa dang / g.yon logs na sdigs mdzub sgrol ma dmar mo zhal gcig phyag gnyis ma g.yas pas sdigs mdzub/ g.yon Da ma ru'i sgra 'byin pa/ lus gos
57a2 dang bral bas mi 'jigs pa'i dbyangs sgrogs shing gshegs par bsam mo//de nas bag tsha ba'i phyogs su thar pa dang me tog phreng 'dzin la sogs pa'i bstod pa bya'o/ /gcan gzan khro bo mang pos gang ba yis/ /tshang tshing nags sam chom rkun 'du ba'i gnas/ /lam med
nyam nga'i gnas su bdag lus pa/