52b1 / @##/ /rgya gar skad du/ bo d+hi tsit+ta ma hA su kha AM na ya/ bod skad du/ byang chub kyi sems bde ba'i man ngag /bde ba chen po byang chub kyi sems la phyag 'tshal lo/ /
52b2 gsang rgyud mtha' dag las man ngag gang ba'i don/ byang chub kyi sems 'da' ka ma'i man ngag 'di ltar lags te/ 'chi 'pho dus su 'di ltar ro/ /da ltar bdag gi lus khyab par gnas pa'i sems 'di ni 'ubs kyis 'dus nas/ snying ga'i dkyil na 'od mtshon gang ba cig
52b3 gnas so//yi ge shis pas 'od du mi lta ste/ hUM yungs 'bru tsam cig lhang nger gnas so/ /de nas tshor ba dang bral drod shor te/ 'jig rten pa'i spyod yul dang bral ba'o/ /de tsam na 'od mthing ga de snying gi dkyil nas/ byang chub kyi sems kyi gsang ba'i lam g.yas kyi srog rtsa
52b4 dar dkar gyi skud pa 'dra ba'i nang nas yar yengs kyis byung ste/spyi bo'i gtsug tu byung / ril gyis dril nas/ lhang gis shar tsam na/ de nas yar 'dom gang tsam gyis chod nas rnam par dag pa chos kyi pho brang / rang bzhin lhun gyis grub pa'i gnas na/ dpal kun du bzang po
52b5 bzhugs te/rang gis khyab gdal ba dang bzhin lhang nge bar te/ sku la mdun dang rgyab mi mnga' bar/ bde ba chen po'i nang du lhang nger bzhugs pa dang / bdag gi sems hUM ngam thig le yungs 'bru spyi bo nas yar byung ba gnyis kar sbyin la sbrang bu chags pa'am/ chu dang 'o ma 'dres
52b6 pa'i tshul du/kun du bzang po dang gnyis gcig tu lhang nger gnas par gyur to/ /de ltar chos kyi dbyings kyis gar khyab par kun du bzang pos khyab/ kun du bzang pos gar khyab par bdag gi sems kyis khyab ste/ gzung 'dzin gyi rnam rtog dang bral nas chos kyi sku thob ste/
52b7 skyid pa chen po g.yung drung gi gnas su khyab gdal la lhang nge bar gnas so/ /de'i ngang las mi 'gyur lhang nger gnas pa ni/ rdzogs pa chen po'i lta ba mur thug pa'o/ /de'i ngang las sa ler gnas pa ni/ rdzogs pa chen po'i bsgom pa mthar phyin pa'o/ /de'i ngang las yud tsam bar
53a1 mi 'da' ba ni/rdzogs pa chen po'i dam tshig mthar phyin pa'o/ /de lta bu'i don la sems rtse gcig tu bsgom mo/ /byang chub kyi sems bde ba chen po'i man ngag rdzogs so// //rgya gar gyi mkhan po dI paM kA ra shrI dz+nyA na nyid dang / zhu chen gyi lo tsA ba dge
ba'i blo gros kyis bsgyur cing gtan la phab pho brang byang chub 'od kyis zhus pa'o/