CLOSE WINDOW

D1694
བོད་ཡིག

/ @##/ /rgya gar skad du/ de bI tA ra ku bA kyA de sha nA ma sto tra/ bod skad du/ lha mo sgrol ma la smre sngags kyi gsol ba 'debs pa zhes bya ba'i bstod pa/ rje btsun ma 'phags ma sgrol ma la phyag 'tshal lo//phyag 'tshal phyag 'tshal 'jig rten kun sgrol ma/ /phyag 'tshal skyabs med phongs pa kun skyob ma/ /phyag 'tshal yang yang dran pas rjes 'dzin ma/ /de ring da lta mgon med bdag la skyob/ /khyod sngon skyob pa rnam gzigs spyan chab las//gang 'khrungs de tshe de ma thag 'di skad/ /srid gnas gang su 'jigs pas 'jigs 'gyur yod/ /de kun ngas skyabs zhes gsungs dam bca' dgongs/ /mkha' ltar thugs zab mkha' 'dra yi/ /mdog 'chang 'gro la rjes brtse ma/ /srid gnas 'gro ba lag 'dzin par//zhal bzhes slu ba ma mdzad cig /khyod nyid rig 'dzin lha tshogs nang / /zag med dga' bdes rnam rol bgyid/ /khyod 'bangs bu ni me nang bsreg /kye kye thogs med mkhyen ldan gzigs/ /bdag rang gis ni nongs bgyis nas/ /me chu dgra sogs 'jigs gyur pa'ang //gal te khyod sku rjes dran gyur/ /skyob mdzad lags na bdag cis min/ /nyid phyag mchod sbyin bdud rtsi yi/ /rgyun 'bebs yi dags 'bum phrag kyang / /cig car tshim bgyid kho bo mes/ /lus zhu thig le 'bebs ma lags/ / yid 'ong phyag mtshan ut+pal rtsi/ /mngar bsil grib ma bsil ldan pas/ /cung zad reg na'ang gdung sel ma/ /gus ldan bu bdag nyug mi mdzad/ /thugs rjes brkyang ba'i zhabs g.yas kyi/ /mtho bong rgyun bzangs thur 'bebs nas/ /ngan 'gro'i gnas gsum tshim mdzad na//phongs pa bdag cag gyi nar dor/ /ting 'dzin g.yon bskum skyil krung gi/ /gar gyis sa gsum bde mdzad ma/ /sbrang bu mer bcug kho bo lta/ /gar stabs rlung gis cis mi bskyod/ /'dzum zhal dgyes mas gang gzigs na/ /phag sdig gdol pa mdze can yang //lha gzugs sdug mdzes sgyur spyod na/ /kho bo gcig spyan yul ma gyur/ /sgeg ldem 'gying mdzes gzi 'od ldan/ /khyod sku sus mthong de don 'grub/ /don gnyer rtse gcig rjes slob bu/ /bdag la nyid gzugs ston ma lags/ /khyod spyan ut+pal dkyus ring gis//zur gzigs 'dod pa'i lhar 'drar 'gyur/ /rtag tu nyid kyi gdan gnas dag /ji ltar snang yang mkhyen ma lags/ /lha snyan mda' ma sgra kun gyi/ /rjes zhugs yul dus kun rig ma/ /kho bo nyam thag nga ros 'bod/ /'brug sgra brag ri ltar gyur gyi/ /skyob ma lha yi shangs dran pas//gang+gA'i bye rgal dri rab bsrung / /bdag 'dir mes tshig sha tshil gsur/ /rgya chen phyogs khyab tshor ma lags/ /thub chen ma gcig zla ba'i ljags/ /bung ba'i mchu rtse'i ro mkhyen na/ /seng ge 'phrog byed mchod sbyin du/ /ro bro ba la ljags rmongs srid//phra rab rdul brgya'i rdul bye ma/ /rdo rje'i lus mnga' reg mkhyen ma/ /sdig rgyal khros pas me lha mchod/ /mi bzad reg byed cis mi reg /phyogs dus rnam kun thogs med par/ /ma chags ma 'dres ci dga' yang / /mkhyen ma de ring skal ngan bdag / gnas skabs 'di 'drar gyur ma dgongs/ /rang gzhan gnyis sdig rang spyod dam/ /gzhan stobs gzhan dbang gyur de yang / /thabs stobs brgya mnga' khyod skyabs mdzad/ /bdag 'dir nongs pa gang mchis grang / /gcig tu gzhan la phan zhugs pas/ /mi ni brgya rtsa brgyad zhugs btsal//de dbus kho bo khyod 'bangs bsreg /kye ma yum gcig bdag g.yar tsha/ /sngon las 'bras bu rjes gcod pa'i/ /gnas gyur de dang de las kyang / /khyod thugs gsung dang sku 'jig bgyid/ /de las gzhan bdag nyid cir dgongs/ / kyi hud khyod lha zhabs pad drung / /bsil ba'i gnas nas 'bar ba'i mes/ /mer brtson ji bzhin dmyal mes 'tshed/ /'di ci sus khur lags zhes gsung / /de bas mgon med mgon gcig ma/ /khyod thabs thugs rje thogs med des/ /bdag dang 'gro ba ci dga' yang / / mdzad min mdzad srid khyed zhus pas/ /'on kyang kho bo 'dir tshig pas/ /lus can kun gyi zug rngu dang / /nyon mongs sdig las tshig gyur cig /da ni su la re bar bya/ /kha che'i slob dpon thams cad mkhyen pa'i bshes gnyen zhes bya ba/ mi brgya dang bdun gyis bskor ba la tsan+dan gyi mes bsregs pa'i tshe/nyid kyi yi dam gyi lha rje btsun ma 'phags ma sgrol ma la smre sngags kyi tshigs su bcad pa 'dis gsol ba btab pa dang / skad cig yud tsam thang cig la 'phags ma'i phyag nas char gyi rgyun gnya' shing tsam babs nas/ mtsho nang gi pad+ma ltar gyur to zhes grag go/