38b2 slob dpon chen po sUr+ya gup+ta'i zhabs kyis mdzad pa rdzogs so// //rgya gar gyi mkhan po dI paM ka ra shrI dz+nyA na dang / bod kyi lo tsA ba rgya brtson 'grus seng ges mtho lding gser gyi lha khang du bsgyur cing zhus te gtan la phab/ /[]@##/ /rgya gar skad du/
38b3 srag+d+ha ra sto tra/ bod skad du/ phreng ba 'dzin pa'i bstod pa/ 'phags ma sgrol ma la phyag 'tshal lo/ /nyi ma 'char ka'i snang ba ltar dmar lha mchog rnams kyi mgo yi gtsug gi nor bu'i dpal/ /phun sum tshogs pas dmar ba smug rtsi gsal po dngar bkod shin tu yun
38b4 rings ma lon 'dra'i//'phags ma khyod zhabs dag la thal sbyar cod pan gyis mnan yan lag mchog btud bdag gis ni/ /gus pas sgrol ma phongs skyabs bstod pa gser gyi me tog phreng ba rnams kyis mchod par bgyi/ /skad ngan ngu ba'i bzhin ldan rgal bar dka' ba'i
38b5 sdug bsngal me la lus dag rnam ltung ba//ci dang ci bya zhes rmongs lan gcig min pa'i rtsom pa byas kyang 'bras dang bral bas skyo/ /mkha' la nyi zla'i dpal ni gzhan las mang du thos nas blta bar re ba bcas gyur pa'i/ /mig nyams gzhan gyi 'gro ba lta bu bdag ni sdig
38b6 'joms khyed la gus pas rten par bgyid//khyed kyi thugs rje sems can rnams ni kun la bye brag med par 'jug pa ma lags sam/ /de dag gzung bas bdag 'dra yang ni de dag nang du gzung bar 'gyur la gdon mi za/ /mtha' dag 'gro ba'i sdig pa'i mun par tsha zer can
38b7 gzugs nus pa la yang do zla med//de lta mod kyi kye ma bdag smad nyes byas ngan pas brjid cing sdug bsngal ldan pa nyid/ /skal ba zhan pa bdag smad smad pa zhig ste nyin byed 'od zer gyis kyang mun pa sel/ /gangs can las byung 'jug ngogs chus dkrigs pa yi dum bu
39a1 'khyags shing bsil ba dag tu bsgom//rin chen gling gi lam srang dang ni nor bu'i phug yangs khang pa dag gi nang du dbul/ /'jig rten kun gyi yum gcig ma khyod mgon du byas kyang mgon ma mchis so bcom ldan ma/ /nu ma'i rgyu las lan mang dag tu
39a2 rnam par ngu ba'i bu la ma yang skyo bar 'gyur//nyi ma so sor dam pa ma yin don gnyer rnams la rab bskul pha yang khro ba 'dzin/ /'jig rten gyi ni re 'dod 'bras bus yangs ldan dpag bsam shing chen 'khri shing mchog ni khyod/ /mngon par don gnyer don rnams kun la
39a3 stsol gyi nam yang rnam gyur de dag ci yang med//gang la nyon mongs tshogs kyi me 'bar lus can de dang de yis sgrol ma nga nyid cis/ /bdag nyid zhal bzhes dam bcas sdug bsngal 'og tu bying ba bdag la 'bras bu ldan par mdzod/ /srog chags rnams kyi sdug bsngal shugs ni
39a4 rtsub cing zil gnon 'di dag ji snyed 'phel gyur pa//yang dag rdzogs pa'i sangs rgyas theg par smon lam blo mnga' rnams kyi brtse ba'ang de snyed nyid/ /de ltar bstod pa'i tshig gi zol gyis cho nge'i sgra dag gsang mthon sgrogs shing lag bsgreng la/ gzhan dag gis kyang
39a5 btang snyoms bya bar 'os pa min na yum gcig khyod kyis lta yang ci//gzhan dag rnams kyis mngon 'dod 'byor par 'dod pa khyed las thob pa rnams mthong bzhin/ /mi dge las byung nang gi gdung ba rgyun chags bzod blag med pas shin tu yang yang sreg /gal te kho bo
39a6 sdig can lags na khyod la gus pa chen po 'di ni ci phyir 'phel//khyod nyid gcig pu'i mtshan gyis kyang ni thos dang dran pas 'phral la sdig pa sel bar byed/ /de lta na yang bdag gi bya ba'i khur dag dong ba ji ltar lags zhes bden gsungs pa/ /nad pa 'chi bar 'gyur
39a7 yang sman pa'i snying rje rgya chen phan pa khon par bgyid dam ci//sgyu mang ser sna nga rgyal phrag dog rang skyon tha chad rnams kyis dus mnyam rim par yang / /du ma dag gi thun mong char gyur tshogs khang ja mo bzhin du bskor bar gyur pas na/ /khyed kyi zhabs pad mchod pa skad
39b1 cig tsam yang ma rnyed gang de'i don du khyad par las//phongs pas yi ge dman par tshig 'di bkod do bdag gi 'dod pa don med ma gyur cig /dus mtha'i rlung rab 'khrugs pas dkrugs pa'i chu ni g.yo zhing 'gul ba'i rlung 'khor ral pa can/ /rab 'khrugs kun du bskyod
39b2 cing rba rlabs ngos brdabs sgra grag gad rgyangs chen po sgrogs pa las//gru chag chu ru snying rje ngu ba'i cho nge dang ldan g.yo ba med cing zhan gyur pa/ /lha mo khyod la bstod pa rnams kyis 'phral la chu gter 'gram du rang dga' thar bar 'gyur/ /du ba 'tshubs pa sprin 'dra khong nas
39b3 rab byung me stag mkha' khyim nang du rnam par rgyu//me dpung me lce 'phro zhing rab 'bar drag po'i khang par mal stan dag la rab 'khod pa/ /thal sbyar cod pan ldan pas khyed la btud byas ldab ldib dag tu gsol ba 'debs pa rnams/ /glog rab 'gyu ba'i rtse dga' rab 'bar chu 'dzin shugs
39b4 kyis skad cig nyid la sgrib par byed//myos pa'i chu rgyas 'gram pa gnyis ka'i ngos la babs pas bung ba dag gi phreng ba can/ /hUM zhes bya bas bos par gyur pa'i gling chen zla bos zhe sdang me sbar gnyis 'thung gi/ /so rtse rab tu mtho ba'i khyogs la blangs pa'i lus can dag gis
39b5 khyod rjes dran pa na//rtse mo che ldan mgo rtse'i rdzong la 'dug cing rab tu dga' bas 'chi bdag phyir zlog byed/ /mdung rings drag pos bsnun bsad mi yi mgo dang gsal shing dag gi 'khri shing dga' ston can/ /nags tshal stong par chom rkun lag rtses ral gri g.yo zhing brdeg par
39b6 gzas pas dregs rgyas pa//khro gnyer dang bcas smin 'khyog zur mig gis bltas mig can rnams ni khyed mtshan dpal gyi gzhi/ /gsal bar 'dri ba'i gnas la bsam pa'i smyu gu skyo med rnams kyis bran du bkol bar byed/ /rab rno sder mo'i rtse ni rdo rje lta bur bsnun pas
39b7 glang chen myos pa'i klad 'gems nas//khrag mang rab tu zags pas bkrus pa'i ral pa gsal po 'jigs rung ya ngas phrag pa khebs/ /khros te rgyang nas steng du 'phyong 'dod mche ba rnon po gtsigs pa'i kha can ri dgas dgra/ /khyod la 'os pa'i bstod pa don ldan tshig dag
40a1 bkod pas skrag ste log nas 'gro bar 'gyur//gdengs can rnam 'gyur du ba'i khyim dang mun pa'i dbyibs can gsal bar phud sgra dag gi tshogs/ /byed pa dang ldan kha gdangs ro 'dzin thag pa gshin rje'i zhags 'dra che zhing g.yo ba dag /sdig pa las byung
40a2 slar yang khyod skyong bdag nyid khyod kyi yon tan bgrang bar lhur len pas//ut+pal phreng ba'i rgyan gyis 'byor pa bung ba myos pa'i phreng bas dkris ltar 'dzin par 'gyur/ /rje bo'i smin ma bskyod pas 'jigs pa dag gis rgod cing 'phyag pas drangs la co do gzings/ /g.yo zhing
40a3 sgra sgrogs bran khol rnams kyis rtsub mor smra byed zhags pa'i mdud pa dam pos bcings//bkres skom dag gis kha dang mgrin skams gang zhig 'phags ma sgrol ma'i zhabs la skyabs 'gro ba/ /de ni byams pa'i gnyen gyis spangs kyang mtha' med rgud pa de dag 'phral du gtong
40a4 bar 'gyur//sgyu ma 'phrul pa'i lam gyi rim pas rnam par 'gyur ba du ma dag gis chas byas shing / /log pa'i gzugs tsam rjes su 'tsham pa'i mtshon cha'i 'od zer tshogs ni rab tu mi bzad ldan/ /mi ro las bton rgyu ma'i thag pa'i tshogs kyi phreng bas rnam par spras pa'i
40a5 srin po rnams//khyed rgyud las btus gsang sngags dran pas sdig pa phrogs pa'i srung ma gzhom med byed par 'gyur/ /glang chen sgra sgrogs char sprin lus can myos byed chu bo'i rgyun dang ldan pas mun gtibs shing / /mtshon cha 'od zer rnams ni glog rab 'gyu ltar rab
40a6 gsal mda' yi char 'bab g.yul ngo 'gyed pa'i tshe//rnam par snang ba'i dgra bo dpung pa'i stobs ni rab mchog ldan pa rnams kyis bkag gyur pa/ /khyod kyi dgra bo gsod pa'i dpa' bo gcig gis 'phral du dgra yi sa gzhi phye mar rlog /sdig spyod dag gi rjes 'brang phol
40a7 mig chabs can dag las rnag khrag rul pa rab 'dzag cing //sha lpags myags pa la chags rtsa yi sgo yi bu gar 'gul ba'i srog chags kyis zos lus zad rnams/ /khyod zhabs nye bar brten pa'i sman mchog ri lu gus shing chags pa yis/ /sa le sbram dang mtshungs
40b1 pa'i lus dang pad+ma dkar po ltar yangs mig dang ldan par 'gyur//gang gi rna ba'i snod na bla ma rnams kyis gnang ba'i man ngag slong mo mi gnas shing / /thos pa'i nor dang bral bas mkhas pa'i tshogs rnams dag tu lkugs pa nyid du khas len gang / /de yang khyed la gus pa'i nus
40b2 pas rgyan rnams thams cad mdzes byed 'byor par bcas pa yis//ngag gi dbang phyug thob nas mi bdag mdun sar rgol ba'i seng ge'i khri dag 'phrog par byed/ /sa gzhi mal stan rdul gyis lus bsgos skyed ngos ras ral yan lag dag ni rnam par mngon/ /shig gi tshe dag
40b3 rab gtser gzhan gyi grong khyer mdun du gyo mor zas ni don gnyer ba//khyod mnyes bgyid la brtson pas na chung mchog gis bzung ba'i rnga yab 'dzum gyis rab mdzes shing / /myos pas long ba'i gnyis 'thung sos gtams gdugs gcig gyen du bteg pa'i sa gzhi 'dzin
40b4 par 'gyur//g.yog dang las mtha' bzo dang dbang po gso ba'i thabs kyi rnam grangs dag gis rab skyo zhing / /skye ba snga mar rab bsgrubs bsod nams bsags pa'i dge 'bras nor ni thob par ma gyur pa'i/ /nor med rnams kyis skye bo bkres pa'i yum gyur phongs las
40b5 'da' bar mdzad pa khyod la don//don du gnyer na slar yang gser gyi tshogs kyi gter dag sa las 'thon pa thob par 'gyur/ /'tsho ba chad las ngo tshar gyur cing gos zad chung ma dag gis rab tu spyo bar byed/ /bdag nyid gso phyir rang gi skye bo bu dang grogs po gnyen gyis ring du spangs
40b6 pa yis//khyed la rang gi sdug bsngal zhus pas rang gi khyim thab bud med gdu bu'i sil sil sgras/ /gnyid log sad par 'gyur zhing rta rmig rtse mos mtshams brkos khang khyim rnams kyi bdag po byed/ /'khor lo phyogs kyi 'khor lo la sbyor bud med mtshan brgyan 'od zer g.yo
40b7 zhing che ba dang //glang chen gtso bo mche ba drug ldan rta mchog spu kha sngo bsangs rma bya'i mgrin ltar 'tsher/ /nor bu nyi ma'i 'od zer ltar gsal dri med yon tan mdzod 'dzin mdzod khengs dang / /dmag dpon dpal sde ldan par bcom ldan 'das ma khyod kyi bka' drin cha shas phra
41a1 las 'gyur//tsan+dan chu yis dri zhim nor bu'i rdo la mdzes mas dus btab rtse dga' la chags pas/ /sdu gu ma yi bde ba'i nyer spyad mgron du bya ba mngon par gsang ba rab bsgrubs shing / /ral gri 'od zer gyis sngo spom mtho dpung pa gtun shing dang 'dra dpung
41a2 rgyan rol pa can//khyod kyi rigs drug rig 'dzin dbang po ma la ya yi me tog tshal du rang dgar 'gro/ /nu ma'i thon 'khor do shal gyis brgyan mig dkyus ring po rna ba'i ut+pal la 'gran cing / /lha mo yid 'ong man+da ra ba dang ldan ze 'bru gsar pa'i dris myos bung ba can/ /dril
41a3 chung sgra yis rjes 'brel rab tu gsal bar rkang gdub yid 'ong sgra snyan sgrogs par byed//'dod pas myos dga' gzhon nu ma rnams gus dang bcas par khyed mgon ldan pa don du gnyer/ /rdzing bu'i nang logs rin po ches spras gser gyi pad ldan ze'u 'bru rdo rje phreng ba can/ /
41a4 yongs 'du'i ljon pa las 'phro dri bzang dang ldan me tog rdul gyi bla re mthor bres te/ /pi wang gling bu sgrogs mkhas lha yi grong gi dga' ba rnams kyis snyan par rab bsgrags pa'i/ /dga' ba'i skyed tshal bgrod pa khyod la mchod pa bgyid pas yun ring nyams su myong bar 'gyur/ /
41a5 nang gi byed pa khyod la gtad pa'i bsod nams mthu ni rab 'bar yongs su smin pa yis/ /ga pur e la li shi shun pa a ka ru dang na la da phye'i dri ldan chu/ /'dod pa'i dregs pas rab 'bur bud med nu ma'i skyibs su rba rlabs 'khyil gnas dal 'bab pa/ /sman min chu yi
41a6 zer ma dang ldan chu rtsed mdzes ma dag dang lhan cig rtse bar 'gyur//tshig mtha'i gtso bo dul ba'i khur gyis cod pan dud pa rnams kyis bka' la phyag byas shing / /mtho ris steng du lha yis glang chen khrol khrol rgyan gyis spud pa'i lus can la zhon te/ /spu lang rab rgyas
41a7 lus can bde sogs lag pa'i thag pa khyogs kyis rgyun du bskyil gyur pa//khyed kyi spyan ras phog pas dag byas lag pa rdo rje ldan pa'i lhas skyong byed/ /gtsug gi rin chen rgyan gyis mnan bzhugs bde bar gshegs pa nam mkha'i dpal 'byor bla re can/ /nyi ma
41b1 'char ka bye ba lta bur rab gsal 'od zer rgyas pas 'jig rten gsum 'gengs shing //brtan par g.yas brkyang zhabs gcig gis mnan khur gyis tshangs dbang drag po khyab 'jug rnams 'dud pa'i/ /khyed sku bsgoms pa skye ba la brten rnams kyis srid pa'i 'jigs pa
41b2 gcod pa'i slad du 'gyur//khro bo dang bcas mtshon cha'i 'od zer rab 'bar phyag dbyig cha yis nam mkha'i khongs dag khyab/ /gdu bu'i gdengs can dag gi gdengs ka mi bzad mi 'phrogs spyod ldan sdang rnams skrag mdzad bzhad/ /cang te'u drag po tshabs cher brdungs pa'i
41b3 tshe na ro langs rnams ni drag por pheg rdob cing //bag med rgyas pas ca co chen po sgrogs par byed pa'i drag mor la la dag gis mthong / /la las ba spu re re las byung nam mkha'i khyon gnas sa dang sa 'og dag na gnas/ /mtho ris la gnas tshangs dbang drag po la sogs mi dang
41b4 lha dang grub pa'i dri za klu//phyogs tshogs khyab pa'i 'od zer la bzhugs bde gshegs brgya phrag sprul pa mtha' yas dag gi sku/ /ngo mtshar 'jig rten gsum gyi phyag 'os brtan g.yo bkod pa'i dngos po ma lus ngo bor ro/ /la las rgya skyegs li khri'i tshon dang nyi zhon dmar
41b5 ba nyid ltar shin tu dmar ba dang //de bzhin gzhan gyis snum zhing 'od ldan mthon mthing rdo bcag btags pa'i phye ma ltar sngo dang / /la las 'o ma'i rgya mtsho bsrubs pa'i 'od ltar ches lhag dkar dang gser 'od lta bu ste/ /khyed sku sna tshogs ngo bo nye bar bzhag pa dang 'brel
41b6 dbye bas tha dad shel bzhin no//kun mkhyen ye shes sgron mas shes bya mtha' dag gsal byas de nyid dag gi dbang gcig pu/ /kun rig nyid dam de yi sras kyis khyod kyi yon tan tshogs kyi grangs ni mngon sum mkhyen/ /bdag 'dra gtor ma spyod pa sgrogs pa lta bur
41b7 kha gdangs ku co che bar 'don pa gang //de ni mi bzad sdug bsngal gdung bas nad bskyed sems kyi rgud pa bzhad gad dag gi rgyu/ /bdag gis zhu ba gang lags de ni nang gi dang por khyed kyis khyad par du mkhyen te/ /'on kyang lhag par de brjod ngal ba'i sgrub byed mi
42a1 mkhas bdag rang sems tshim pa yi rgyu//don shes zin yang gnyen 'dun byams pa'i mdun du sdug bsngal ldan pas tshig gis sdug bsngal ni/ /dug bzhin skyugs par gyur na snying yang seng zhes byed cing rnam par gnas par tshor ba bzhin/ /dge
42a2 legs kun dga'i rgya mtshor zla ba'i cha shas gsal po bsil ba'i gzigs par stsal du gsol//ye shes nyer bstan dag gis rgyas par mdzod cig thugs rjes sdig ldan nang gi mun pa sel/ /gang phyir 'gro ba dag na khyod bstod chu yis yid ni dag par byas pa kho bo la/ /
42a3 skye dgu rnams kyi dge legs gnas ni don yod khyod kyi yon tan bstod tsam gcig pu mthong / /khyod kyi yon tan tshogs kyi cha tsam bstod nas bdag gis 'di tsam zhes par ma nges pa'i/ /bsod nams bkra shis 'dod pa'i 'bras bu ro myang 'gro ba'i bar du spyad bya ba/ /gang
42a4 thob de yis 'jig rten 'di ni 'phags pa 'jig rten dbang phyug zhabs mthil bkra shis kyi//bde legs rtags can bde gshegs sras po'i sa gzhi bde ba can zhes bya de myur du bgrod par shog /phreng ba 'dzin pa'i bstod pa paN+Di ta chen po thams cad mkhyen pa'i bshes
gnyen gyis mdzad pa rdzogs so/