35a1 des bu ston la'o// @##/ /rgya gar skad du/ de bI tA re e ka bing+sha ti sto tra bi shud+d+he tsuN+Da ma Ni nA ma/ bod skad du/ lha mo sgrol ma nyi shu rtsa gcig la bstod pa/ rnam dag gtsug gi nor bu zhes bya ba/ mgon
35a2 po thugs rje chen po dang ldan pa 'phags pa spyan ras gzigs dbang phyug la phyag 'tshal lo//phyag 'tshal rab tu dpa' ba'i sgrol ma/ /spros med rnam dag nam mkha'i dkyil na/ /pad+ma gser mdog gdan la bzhugs pa'i/ /sku mdog dmar mo me yi 'od can/ /phyag
35a3 'tshal zhal gcig phyag brgyad spyan rgyas//dga' ba'i phyag rgya dang po gnyis ni/ /rdo rje dril bu spyi bor bsnol nas/ /g.yas 'og mda' gzhu thugs kar 'dzin ma/ /phyag 'tshal gsum pas 'khor lo bsnams te/ /bzhi pa shes rab ral gri 'debs tshul/ /g.yon gyi
35a4 gsum pas thugs kar dung 'dzin//bzhi pa na ni zhags pas brgyan ma/ /phyag 'tshal dkar mo zla mdangs sgrol ma/ /sku gsum rdzogs pa'i zhal gsum g.yas sngo/ /g.yon zhal 'dzam bu chu bo'i gser mdog /rten 'brel dag pa'i phyag ni bcu gnyis/ /phyag 'tshal
35a5 dang po mnyam pa'i phyag rgya//gnyis pa na ni kha T+wAM ga bsnams/ /'bar ba'i 'khor lo gsum pas legs 'dzin/ /bzhi pa yid bzhin nor bu bsnams ma/ /phyag 'tshal lnga pa rdo rje rab 'chang / /drug pa na ni me tog phreng 'dzin/ /g.yon gyi gnyis pa ril ba spyi blugs/ /
35a6 nyon mongs dri ma ma lus 'khrud ma/ /phyag 'tshal gsum pas ut+pal legs 'dzin/ /stong pa'i sgra sgrogs bzhi pa dril bu/ /lnga pa gter gyi bum pa thogs ma/ /drug pa po tis 'gro la chos ston/ /phyag 'tshal gser mdog can gyi sgrol ma/ /sna tshogs pad+ma zla
35a7 ba'i gdan la//rdo rje skyil krung shin tu mdzes brjid/ /phyag bcu pha rol phyin bcu dag ma/ /phyag 'tshal dang po thugs kar phreng 'dzin/ /gnyis pa na ni shes rab ral gri/ /gsum pa mda' 'phen nyon mongs 'bigs ma/ /bzhi pa rdo rje lnga pa dbyu gu/ /phyag 'tshal
35b1 g.yon gyis dar dpyangs rab bsnams//gnyis pa zhags pa gsum pa pad+ma/ /bzhi pa'i phyag gis dril bu dkrol ma/ /lnga pa na ni snying rje'i gzhu thogs/ /phyag 'tshal gtsug tor rgyal ba'i sgrol ma/ /chu skyes pad+ma ser po'i steng du/ /zag med bde rgyas zla ba'i gdan
35b2 steng //sems dpa'i skyil krung brtan par bzhugs ma/ /phyag 'tshal dge ma gser gyi mdog can/ /thugs rje'i rang bzhin 'gro la rab brtse/ /zhal gcig phyag bzhi bdud bzhi 'joms ma/ /g.yas kyi dang pos dngos grub mchog stsol/ /phyag 'tshal rgyun mi
35b3 'chad pa'i bsam gtan//gnyis pa na ni phreng ba 'dzin ma/ /g.yon gyi dang po phyag mtshan gun+d+he/ /gnyis pa rin chen dbyu gu bsnams ma/ /phyag 'tshal hUM sgra sgrogs pa'i sgrol ma/ /dri med zla ba'i gdan gyi steng na/ /nyon mongs skyon bral dag pa'i sku mdog /btso ma
35b4 g.ya' bral gser gyi mdangs ldan//phyag 'tshal dpa' mo shes rab bdag nyid/ /thugs rjes 'khor ba zhe la mnan nas/ /ma rungs 'dul phyir hUM gi sgra sgrogs/ /dug gsum srid pa'i g.yul las rgyal ma/ /phyag 'tshal bden gnyis dag pa'i phyag rgya/ /'gro
35b5 rnams thugs rjes rab tu bzung phyir//g.yas pa'i phyag gis mchog sbyin mdzad cing / /g.yon pas pad+ma ser po 'dzin ma/ /phyag 'tshal rnam par rgyal ba'i sgrol ma/ /chu skyes pad+ma dmar po'i steng du/ /gti mug dag phyir nyi ma'i gdan steng / /sems dpa'i skyil
35b6 krung 'gro la gzigs ma//phyag 'tshal lha dang drang srong rnams kyis/ /khyod zhabs pad+mo spyi bor blangs nas/ /thugs rje che mnga' khyod la rab bstod/ /'gro ba kun gyi re gnas gyur ma/ /phyag 'tshal pad+ma rA ga'i mdangs ldan/ /phyag bzhi g.yas kyi dang po nyid na/ /rdo rje
35b7 'phyar zhing de 'og ral gri//g.yon gyis sdigs mdzub zhags pa bsnams ma/ /phyag 'tshal rgol ba 'joms pa'i sgrol ma/ /pad+ma ser dang nyi ma'i gdan la/ /dpa' ba'i stang stabs 'gying bag g.yon brkyang / /tsham rngam nag mo khros pa'i bzhin 'phyar/ /phyag
36a1 'tshal na bza' gser mdog gos gyon//dbu skra gyen brdzes ltos 'gros brgyan ma/ /rin chen cod pan mkha' la rab 'phyar/ /phyag zhabs rin chen gdu bus brgyan ma/ /phyag 'tshal phyag bzhi g.yas kyi dang po/ /'khor lo 'dzin cing gnyis
36a2 pa ral gri//skye gnas steng du zhags pa bsnams nas/ /g.yon gyi tha mas sdigs mdzub rab gdengs/ /phyag 'tshal dbang mchog ster ba'i sgrol ma/ /nyi ma pad+ma dkar po'i steng du/ /gdug pa 'dul phyir chu srin gdan steng / /skyil krung phyed ma gser gyi mdog can/ /
36a3 phyag 'tshal khros pa'i gnyer ma dang ldan/ /brjid pa'i sku mdog zhal gcig phyag bzhi/ /g.yas na mya ngan med pa'i yal ga /gnyis pa rin chen bsnams shing mchog stsol/ /phyag 'tshal g.yon gyi dang po pad+ma/ /nyon mongs skyon gyis ma gos phyir bsnams/ /g.yon
36a4 gyi tha mas bum pa legs thogs//'gro ba kun la dbang mchog ster ma/ /phyag 'tshal seng ldeng nags kyi sgrol ma/ /yi ge tAM las 'khrungs pa'i lha mo/ /chos kyi dbyings kyi ye shes mtshon pa'i/ /skra 'khyil me tog gis brgyan mdzes ma/ /phyag 'tshal g.yas
36a5 brkyang zhabs la g.yon pas//thabs dang shes rab mi 'bral 'khril bas/ /pad+ma zla ba'i steng na bzhugs ma/ /zhal gcig phyag gnyis zhi ba'i gzugs can/ /phyag 'tshal g.yas pas 'gro la mchog stsol/ /g.yon na ut+pal rgyan rnams yongs rdzogs/ /sngo
36a6 ljang 'gying bag ras ma'i mdog can//gzhon nu spyan yangs nu ma rgyas ma/ /phyag 'tshal mya ngan sel ba'i sgrol ma/ /ma chags pad+ma dmar po'i steng du/ /zla ba'i dkyil 'khor zhabs kyis mnan te/ /rol pa'i 'dug stangs 'gying bag mdzes ma/ /phyag 'tshal 'jig
36a7 rten dbang du mdzad ma//sku mdog pad+ma rA ga ltar dmar/ /bzhad pa'i gad rgyangs tut+tA ra yis/ /'gro ba'i nyon mongs ma lus sel ma/ /phyag 'tshal zhal gcig phyag bzhis bdud 'dul/ /dang po gnyis ni spyi bor thal sbyar/ /g.yas 'og ral gri phyag rgya dang ldan/ /
36b1 g.yon na mya ngan med pa'i yal ga /phyag 'tshal 'gro ba 'gugs pa'i sgrol ma/ /gzi brjid phung po nyi ma'i steng na/ /pad+ma'i gdan la rol pas g.yas brkyang / /'gying bag nag mo dbang gi las mdzad/ /phyag 'tshal dpa' mo gyad kyi cha byad/ /mtshan mo sprin rum mun pa'i
36b2 mdog can//shin tu 'jigs rung bdud dpung zil gnon/ /nor gyi char 'bebs phongs pa sel ma/ /phyag 'tshal yi ge hUM gi sbyor bas/ /phyogs mtshams rnams nas gza' chen brgyad 'gugs/ /zhal gcig phyag gnyis g.yas pa lcags kyu/ /g.yon pas
36b3 rol pa'i zhags pa bsnams ma//phyag 'tshal bkra shis ster ba'i sgrol ma/ /sna tshogs pad+ma zla ba'i gdan la/ /rdo rje skyil krung gser gyi mdangs ldan/ /zhal gcig phyag brgyad zla tshes brgyan ma/ /phyag 'tshal g.yas kyi dang po rtse gsum/ /gnyis pa na ni thugs
36b4 rje'i lcags kyu//gsum pa rdo rjes bdud kyi dpung 'joms/ /bzhi pa shes rab ral gri bsnams ma/ /phyag 'tshal g.yon gyi dang po nor bu/ /longs spyod spel phyir thugs kar bsnams nas/ /'gro ba kun la bkra shis ster ma/ /gnyis pa lcags kyu gsum pa
36b5 dbyu gu//bzhi pa nor gyi bum pa bsnams ma/ /phyag 'tshal smin par byed pa'i sgrol ma/ /bskal pa'i me ltar 'bar ba'i dbus su/ /nyi ma pad+ma dmar po'i gdan la/ /bzhengs pa'i 'dor stabs g.yas brkyang g.yon bskum/ /phyag 'tshal sku mchog shin tu mi
36b6 bzad//pad+ma rA ga lta bur dmar zhing / /dpa' ba'i cha byad zhal gcig phyag bzhi/ /drag mo chen mo dgra dpung 'joms ma/ /phyag 'tshal g.yas kyi dang po ral gri/ /gnyis pa mda' yis nyon mongs 'bigs ma/ /g.yon pa 'khor lo gnyis pa gzhu
36b7 thogs//mchu dang smin ma khro gnyer gyen zlog /phyag 'tshal khro gnyer g.yo ba'i sgrol ma/ /nyi ma pad+ma dmar po'i gdan la/ /g.yas brkyang gar gyis mi ro mnan nas/ /sku mdog nag mo 'jigs gzugs ldan ma/ /phyag 'tshal zhal dang smin ma rab bsdus/ /
37a1 g.yas dkar g.yon dmar khro gnyer dang ldan/ /dmar ba'i spyan gsum sdang mig rab bgrad/ /mi yi rgyu ma zhal du gsol ma/ /phyag 'tshal sbrul dang stag gi gos gsol/ /thod pa'i cod pan mgo bo'i do shal/ /ral gri dbyu gu lcags kyu
37a2 bsnams nas//g.yon pa mgo thod zhags pa 'dzin ma/ /phyag 'tshal dge legs zhi ba'i sgrol ma/ /pad+ma dkar po zla ba'i gdan la/ /rdo rje'i skyil krung zla ba'i mdog can/ /zhal gcig phyag drug sdig pa 'joms ma/ /phyag 'tshal don rtogs g.yas kyi dang po/ /
37a3 rgyal ba'i spyod yul thugs kar phreng 'dzin/ /gnyis pa na ni legs pa'i phyag rgya/ /gsum pa'i phyag gis dbyu gu 'dzin ma/ /phyag 'tshal g.yon gyi dang po pad+ma/ /gnyis pa na ni ril ba spyi blugs/ /gsum pa 'dab rgyas ut+pal steng du/ /'gro ba'i lam ston po
37a4 ti bsnams ma//phyag 'tshal chags pa 'joms pa'i sgrol ma/ /pad+ma dmar po nyi ma'i gdan la/ /spros med sems dpa'i skyil krung mdzes brjid/ /zhal gcig spyan gsum byi ru'i mdog can/ /phyag 'tshal hUM gi rig pa dang ldan/ /thabs dang shes rab 'brel pa'i
37a5 phyag gnyis//g.yas pas rtse gsum thugs kar bsnams nas/ /dgra yi lus la rab tu bsnun ma/ /phyag 'tshal g.yon pas sdigs mdzub rab 'phyar/ /snying po 'bras bur bcas pa'i shing 'dzin/ /thugs kyi snying po yi ge bcu pas/ /dgos pa'i dngos grub ma
37a6 lus 'byung ma//phyag 'tshal bde ba sgrub pa'i sgrol ma/ /pad+ma dkar po 'bar ba'i steng du/ /zla ba'i dkyil 'khor nyi ma'i gdan la/ /sems dpa'i skyil krung dpa' bar bzhugs ma/ /phyag 'tshal bde ba'i sku mdog dmar ser/ /zhal gcig phyag gnyis hUM gi phrin
37a7 las//'jig rten gsum po dbang du bsdus nas/ /bde ba thams cad grub par mdzad ma/ /phyag 'tshal thogs med nam mkha'i lus can/ /phyag gnyis thugs kar 'dzin pa'i phyag rgya/ /zla ba'i dkyil 'khor rab tu bsnams nas/ /rin chen du ma'i rgyan gyis mdzes
37b1 ma//phyag 'tshal rnam par rgyal ba'i sgrol ma/ /pad+ma dkar po'i steng gi zla ba'i/ /dkyil 'khor dbus na 'dab bzangs ngang pa'i/ /steng du sems dpa'i skyil krung bzhugs ma/ /phyag 'tshal zag med bde chen rab rgyas/ /sku mdog dkar mo dung gi mdangs ldan/ /zhal gcig
37b2 phyag bzhi tA ra gnyis brjod//yi ge phaT kyis dug rnams sel ma/ /phyag 'tshal dga' ba'i phyag rgya dang ldan/ /phyag gnyis spyi bor lcags kyu rab 'dzin/ /g.yas 'og mchog sbyin g.yon gyi gnyis pa/ /ut+pal steng du po ti bsnams ma/ /phyag 'tshal sdug
37b3 bsngal sreg byed sgrol ma//pad dkar zla ba'i dkyil 'khor dbus na/ /bde ba'i stan la sems dpa'i skyil krung / /cung zad g.yas brkyang bar ni bzhugs ma/ /phyag 'tshal dkar mo dung gi mdangs ldan/ /sna tshogs dkar dmar 'od zer phreng bas/ /'gying bag
37b4 sku la rab tu brgyan nas//'gro ba'i nyon mongs ma lus sel ma/ /phyag 'tshal bden gnyis dag pa'i phyag rgya/ /phyag gnyis thugs kar me thab bsnams nas/ /sdug bsngal ma lus bsreg par mdzad cing / /'gro rnams thar pa'i lam la 'god ma/ /phyag 'tshal
37b5 dngos grub 'byung ba'i sgrol ma//sku mdog dmar ser las kyi rigs mtshon/ /pad+ma dkar po steng gi zla ba'i/ /dkyil na sems dpa'i skyil krung bzhugs ma/ /phyag 'tshal dpal mo zhal gcig phyag gnyis/ /thabs dang shes rab 'brel pa'i phyag rgya/ /thugs kar
37b6 gser gyi bum pa bsnams ma//dngos grub ma lus par ni ster ma/ /phyag 'tshal bum pa bzang dang nor bu/ /'dod 'jo'i ba dang dpag bsam shing chen/ /khyod zhabs dran pas 'dod dgu 'byung 'gyur/ /gang la ci 'dod re ba skong ma/ /phyag 'tshal yongs su rdzogs
37b7 byed sgrol ma//ha las skyes pa'i khyu mchog steng du/ /pad+ma zla ba'i dkyil 'khor gdan la/ /phyed skyil rol pa'i 'dug stangs mdzes brjid/ /phyag 'tshal dkar mo zhal gcig spyan gsum/ /rnam par thar pa'i sgo gsum gzigs ma/ /zhe sdang ma spangs gnas su
38a1 dag phyir//dur khrod stag gi sham thabs bcings ma/ /phyag 'tshal g.yas pas mu tig phreng 'dzin/ /thugs rje mi bzad rab tu khros pas/ /g.yon pa'i phyag na rtse gsum mdung thogs/ /dug gsum 'khor ba'i rgyu la bsnun ma/ /zla ba yar ngo'i tshes
38a2 brgyad dag la//gang gis rnam dag gtsug gi nor bu/ /bstod pa'i rgyal po gus pa'i blo yis/ /lan grangs nyi shu rtsa gcig brjod na/ /rgyal po sbrul dang srin po mi rgod/ /me dang chu dang stag dang seng ge /'jigs pa chen po brgyad las grol 'gyur/ /mu ge nad dang
38a3 'byung pos 'tshe ba//sdug bsngal yid mi bde las grol 'gyur/ /sdig pa chen po rnams dang skal ngan/ /'khrug dang 'thab rtsod nyes pa mi 'byung / /nyon mongs mya ngan gdung ba rnams sel/ /sa 'og gter dang mig sman ri lu/ /rkang mgyogs la sogs dngos
38a4 grub brgyad thob//sku dang gsung dang thugs kyi dbang phyug /rdzu 'phrul kun 'gro gnas la sogs pa'i/ /dbang phyug las la dka' ba ma yin/ /bdag por byed dang dga' mgur bsgrub pa'i/ /'dod dgu 'byung ba'i dngos grub 'grub pa/ /de bzhin yon tan brgyad kyang
38a5 thob 'gyur//yid bzhin nor bu dpag bsam shing dang / /dpal ldan 'dod 'jo'i ba dang bum mchog /bde ba dang bcas nor rnams 'grub 'gyur/ /mtshan mo rgyu dang lto 'phye 'byung po/ /sha za'i tshogs kyis glags rnyed mi 'gyur/ /tshangs pa khyab 'jug dbang phyug chen
38a6 po//'jig rten gsum gyi bdag po rnams kyis/ /dgos pa'i don rnams 'grub par mdzad cing / /bar du gcod pa rnams ni sel 'gyur/ /gang du tshe yi 'du byed btang dus/ /bde ba can gyi zhing du skye 'gyur/ /dngos grub 'byung gnas rje btsun sgrol ma'i/ /lha mchog
38a7 rnams la bdag gis bstod pas//dge ba dri med zla ba rgyas 'dra'i/ /'od ltar dkar ba thob pa des ni/ /'jig rten rtsod pa'i skyon bral rdzogs pa'i/ /sangs rgyas thob nas sems can rnams la/ /bde chen char pa 'bebs par shog cig /sgrol ma mngon par 'byung
38b1 ba'i le'u bdun cu rtsa gnyis pa/rnal 'byor bla na med pa'i rgyud kyi nang nas/ lha'i rnam grangs bstan pa'i le'u bcu gsum pa/ bcom ldan 'das shAkya thub pas gsungs pa dang mthun par/ lha mo sgrol ma nyi shu rtsa gcig la bstod pa rnam dag gtsug gi nor bu zhes bya ba/