300a3 @##/ /rgya gar skad du/ b+ha ga bAn shrI mahA su kha badzra satwa sA d+ha naM/ bod skad du/ bcom ldan 'das dpal bde ba chen po rdo rje sems dpa'i sgrub pa'i thabs/ dpal rdo rje sems dpa' la phyag 'tshal lo/ /bde ba kun gyi mchog rig mnyam med ye shes
300a4 gzugs//'dod chags zhe sdang gti mug nga rgyal phrag dog min/ /bdag nyid kun du rtag gnas srid gsum mchog gsum gzugs/ /dpal ldan tshad med bde ba'i rgya mtsho mi 'gyur ba/ /bde chen bde skyed rdo rje sems dpa' mgon po la/ /'gro ba gsum gyi gnyen
300a5 gyur phyogs pas phyag byas te//sems can dus ngan rnyog pas nyen cing dge ster ba/ /yul la chags pa'i nyon mongs mun nag chen po rnams/ /bla ma'i lung gis ser sna'i tha ba 'joms 'gyur ba/ /bde byed byang chub bla med bde ba thob pa'i phyir/ /'di yi sgrub
300a6 pa cho ga cung zad bshad par bya//'jig rten mgon po rdo rje sems/ /skyob pa pos ni rnam gsum pa/ /rnal 'byor rgyud ni thams cad las/ /bde bas thams cad lha nyid do/ /rdo rje byang chub sems 'di ni/ /sangs rgyas kun gyi ngo bo ste/ /de bas bdag nyid kun
300a7 sbyor bas//sangs rgyas thams cad 'grub par 'gyur/ /sangs rgyas thams cad bdag nyid de/ /de bzhin dpa' bo thams cad pas/ /rang gi lha yi sbyor ba yis/ /de bas bdag nyid bsgrub par bya/ /rdo rje byin rlabs tshul gyis su/ /ting nge 'dzin ni bdag dbang
300b1 bskur//snying po'i phyag rgya sngags rig gis/ /gsang ba'i mchod pa mchog gis bskul/ /sbyor dang rab sbyor sbyor che ba/ /rnal 'byor thams cad bsgrub par bya/ /de nyid bcu la sogs tshul gyis/ /thams cad skye 'gyur bsgrub par bya/ /'di yis sangs rgyas thams cad dang / /
300b2 de bzhin dpa' bo thams cad dag /ci bder yul la longs spyod pas/ /tshe 'di nyid la thos par 'gyur/ /de nas bcom ldan 'das dpal bde ba chen po rdo rje sems dpa' bsgrub par 'dod pas thog mar rdo rje slob dpon la bsnyen bkur ji lta ba bzhin du byas nas/ /
300b3 dam tshig gi sdom pa'i dbang la sogs pa mnos te/ ji lta ba'i gnas sam/ theg pa'am/ khyim mam/ gzhal med khang ngam/ skyed mos tshal gyi gnas la sogs par/ /rang gi stan 'jam zhing reg na bde ba pad+ma sna tshogs kyi 'dab mas g.yogs pa de ni
300b4 gdan thams cad kyi nang na bsngags pa ste/dpal rdo rje sems dpa' gang du rnam par rol pa sangs rgyas thams cad dang mnyam par sbyor ba mkha' 'gro ma sgyu ma'i bde blangs te/ oM badzra pad+ma a sa na ma hA yo ga pi ta hU~M zhes byin gyis brlabs nas/ stan bde ba la sbyor ba'i
300b5 dbang phyug rnam par gnas te ji ltar byin gyis brlabs pa de bzhin du thams cad kyi stan dang sbyar ro//mnyam par gzhag nas rgyal ba kun/ /nye bar nam mkha' thams cad la/ /rdo rje se gol bcibs pa yis/ /rdo rje gtogs pas bsdu bar bya/ /dzaHhUM baM hoHsangs
300b6 rgyas kun//rab tu sbyor bas yang dag brjod/ /thal mo gsum gyi sbyor ba yis/ /zhi ba'i thal mos mnyes par bya/ /cho ga bzhin du phyag byas te/ /ci rigs mchod pa rnams byas la/ /'dod pa lnga yi yon tan rnams/ /dbang po kun nas spro bar bya/ /dngos grub thams cad sgrub
300b7 byed pa//zhi ba'i thal mo'i sbyor ba yis/ /sha rdza gan+dar tshul gyis su/ /rdo rje dbyangs kyis bstod par bya/ /mnyam nyid mi g.yo mnyam nyid mchog gi chos nyid can/ /thugs rje'i bdag nyid 'gro ba'i sdug bsngal sel bar mdzad/ /yon tan mtha' yas dngos grub thams cad sbyin
301a1 mdzad pa//dri med mi g.yo mnyam med dam pa'i chos mchog can/ /yon tan shin tu phra ba'i cha la'ang tshad med de/ /dpe ni nam mkha' dang yang bskrun du yod ma yin/ /dngos grub mtha' yas mnyam med dpe dang bral ba rnams/ /sems can khams la dngos grub mchog rnams nges
301a2 par stsol//rtag tu dri ma med pa'i thugs rje'i shugs las byung / /smin lam grub pa 'gag pa med pa'i chos nyid can/ /'gro ba'i don bsgrub rab tu brtson pa mtha' yas pa/ /thugs rje chen po bdag nyid rtag tu rnam par snang / /tshad med tshad dang bral ba shin tu rdzogs pa yis/ /bde bar
301a3 gshegs pa'i go 'phang dam pa brnyes gyur kyang //khams gsum rnams la dngos grub mchog stsol mdzad pa yi/ /thugs rje'i spyod pa mi g.yo 'gag pa yongs mi 'gyur/ /e ma'o shin tu bzang po'i chos nyid mchog dang ldan/ /mchog sbyin rnams kyi nang na go 'phang mchog brnyes
301a4 pas//khams gsum kun la rtag tu dngos grub mchog stsol mdzad/ /mgon po dus gsum sgrib pa med par rab mkhyen pa/ /dam tshig mchog gsum dngos grub dam pa bdag la stsol/ /de nas sngon tshe gang byas pa'i/ /sdig pa rnams ni bshags par bya/ /rgyal ba rnams ni
301a5 dge mdzad la//ma lus rjes su yi rang bya/ /de rnams gsol gdab par bya ba/ /skad cig skad cig sems par bya/ /ma lus pa yi dge ba rnams/ /sems can rnams la bsngo bar bya/ /de nas brtson 'grus chen po'i go bgos pa/ /snying rje chen pos brlan pa'i sems gzhan
301a6 la phan pa gcig pu mthar gyur pa'i mchog ma lus lus pa med pa'i 'jig rten na gnas pa'i 'gro ba thams cad bdag gis sdug bsngal gyi rgya mtsho las bsgral bar bya'o snyam du bsams te/de bzhin gshegs pas thams cad kyi sku dang gsung dang thugs rdo rje'i bdag po bde ba chen po
301a7 dpal rdo rje sems dpa'i ting nge 'dzin mngon du byas nas pad+ma'i lag pa g.yas g.yon gyi mthil la ma Ta yi ge gnyis las nyi ma dang zla ba'i dkyil 'khor gyi cha thams cad kyis rnam par mdzes par mngon du brtags te/de'i steng du 'dis rdo rje dang pad+mor bsam par bya ste/ oM
301b1 ma hA su kha sa man+ta b+ha dra hU~M a zhes brjod nas rdo rje'i tshig las mngon du bsdu ba dang /spro ba bya ba ni 'od zer gyi rgyan sna tshogs kyi phreng bas spro ba dang bsdu ba bya ste/ g.yon pa'i sor mo thams cad du yi ge sa bon lnga las gzugs mar bsam/ g.yas kyi rnams la gtso bo rnams tshul 'di
301b2 bsam mo//aM a aM a aM/ hU~M hU~M trAM hrIHa/ de nas snying po 'dis rdo rje thal mo bcing bar bya'o/ /oM badzra any+dza li oM/ /rdo rje khu tshur bsdams pa'i snying po ni/ oM badzra ban+d+hahU~M/ de yang snying po 'di lan gnyis sam gsum du brjod de dbab par byin gyis brlab po/ /oM badzra pad+ma saM yo ga
301b3 A be sha A be sha ma hA su kha/oM badzra satwa hU~M a/ su ra ta s+t+waM/ dzaHhU~M baM hoHbcings pa de 'bab par gyur gyi bar du brjod nas de nas snying gar dgrol bar bya'o/ /oM badzra ban+d+ha ma hA kro d+ha ha na da ha pa tsa ga ta ya/ sarba duSh+Ta pra duSh+TaM/ me ma na sid tsa/ dz+nyA na mahA ta mon+ta ka ra bi ti tsi gi ra bi ki ra hU~M/ trad
301b4 ta trad te ta trad te/de nas rang gi lus mi shes pa'i dri ma dang bral nas zla ba lta bur yongs su dag par bsgoms te/ oM sar+b+ba bi shud+d+hi d+harmA ta sa ma ya hUM zhes yid la brjod do/ /de nas bcings pa de slar gnyis su bcings nas mdzub mo gnyis brkyang ba las lcags kyu ltar bcus te/
301b5 de bzhin du rang gi snying gar sngags 'dis grol bar bya'o/ /oM badzra ban+d+ha aM gu sha mahA kro d+ha dzaHhU~M baM hoH/ /hU~M hU~M phaT phaT/ de nas bdag nyid shin tu rnam par dag par bsams te/ ye shes yongs su dag pa tsam la dmigs nas sangs rgyas bcom ldan 'das de dag gis bdag la 'dis
301b6 bskul bar bsam mo//stong pa yod med shin tu rnal 'byor mthus/ /nam mkha' bzhin du dam tshig nye bar gshegs/ /bde gshegs bde bar gshegs pa bzhengs su gsol/ /rdo rje sems dpa'i skal bzang dpal khyod bdag /de nas de bdag gis bdag la bskul bar rig nas
301b7 bdag nyid bde ba chen po rim pa 'di ltar bskyed par bya'o//hU~M gis phyag rgya dang bcas par byin gyis brlab par bya ste/ de la phyag rgya ni rdo rje bcings pa las brkyang ste/ mthe'u chung dang srin lag gi dbus su mthe bong rtse sbyar nas/ dbab pa byas la/ snying gar dbu ma rtse mo can du byas te/
302a1 a'i pad+ma'i steng du gzhag go/ /oM mahA su kha sa man+ta pa tra a b+hi Shiny+tsa hU~M a zhes brjod nas dbab pa'i phyag rgya bskyod do/ /yang na a las zla ba'i dkyil 'khor du brtags te/ sa bon rgyal po rdo rje sems dpa'i kun gzhi rnam par shes pa bzhin bsams te/ hU~M gdan
302a2 la a la sogs pas kyang 'od zer gyi chas brgyan pa ltar bsams nas sa bon hU~M de las rdo rje rtse lnga par bsam mo//hU~M hU~M hU~M hU~M hU~M zhes brjod pa 'dis rdo rje rtse lnga pa 'dir mngon du 'grub ste/ rdo rje'i ye shes de las ye shes rnam lngar gzugs dang kha dog sna tshogs su byung nas/ /de
302a3 bzhin gshegs pa thams cad kyi dkyil 'khor chen po la sogs par kun du snang bar byed par bsams te/de bdag nyid rdo rje la slar 'dus pas phyag rgya chen po'i tshul du gyur par bsams la/ thams cad bde byed dkar ba'i phyir/ /thams cad dag la rnam dag ste/ /zla ba gang
302a4 ba dkar ba'i sku//rdo rje sems dpa' mchog tu bde/ /rdo rje sems dpa'i phyag rgya ni/ /dmar po sna tshogs 'bar ba'i 'od/ /g.yas kyis 'dud pa'i snying ga ru/ /'dzum bcas rdo rje gsor bar mdzad/ /sems dpa'i skyil krung dbyibs su gnas/ /chu skyes spyan yang yid
302a5 tsam rgyas//sangs rgyas rin chen dbu rgyan rnams/ /sna tshogs rgyan gyis rnam par bklubs/ /rgyab tu 'od dang 'dra ba yi/ /zla ba'i dkyil 'khor 'od kyi mchog /a las yang dag bskyed byas te/ /de nas kun du spro bar bya/ /sangs rgyas rin chen khams gsum ni/ /rin chen gzhan
302a6 dang mtshungs pa med//sangs rgyas kun gyi rin po che/ /de bas dbu rgyan mchog ces bya/ /bdag gi gzhan gyis mi 'phrogs te/ /dag cing dang ba'i chu 'dra ba/ /ngo bo nyid kyi mthar gyur pas/ /rang bzhin gyi ni dngos grub 'grub/ /de nas byin rlabs tshul gyis su/ /snying ga smin
302a7 mtshams mgrin spyi bor//gar bcas lag pa 'dud pa yis/ /rdo rje phyag rgya bcing bar bya/ /byin rlabs phyag rgya 'di yin te/ /rdo rje khu tshur bcings byas te/ /mdzub mo mthe bo'i mtshan nyid du/ /g.yas pa'i mthe bo dbang po yis/ /kha ru bcug nas bsdam par
302b1 bya//'di yis byin gyis brlabs pa yis/ /rdo rje dga' chen thob par 'gyur/ /bde ba chen po bde byed che/ /phyi yi gsang ba rnam sdud yid/ /rdo rje dga' ba rab bcings nas/ /dbu ma bcings ba nang du gzhug /mthe bo mthe'u chung mnyam bsnol ba'i/ /rdo rje'i phyag rgya bsgrub par
302b2 bya//bcing ba de yis byin brlabs na/ /rdo rje 'dzin pa mchog tu 'gyur/ /'di yis ji ltar rigs pa yis/ /blo dang ldan pas dbang bskur bya/ /dar gyi bcing bas bcing bya ste/ /'gying dang bcas pas mtha' dgrol bya/ /dar dpyangs 'dra ba'i tshul nyid kyis/ /thal mo yis ni
302b3 bstan par bya//sngags shes pa yis sngags 'di yis/ /hU~M a b+hi Shiny+tsa maM/ /'di ni rang gi rigs kyi dbang bskur ba'i byin gyis brlab pa'i rim pa'o/ /mthe bo sems dpa'i skyil krung las/ /mdzub mo rtse mo dgug par bya/ /gung mo mchog gnyis mnyam sbyor mnyam/ /lhag ma rdo rje
302b4 thal mo 'od//sangs rgyas rin chen dbang bskur rgya/ /rang byung ba yis dbang bskur bas/ /rgyal srid mchog gi dngos grub kun/ /ma lus lus pa med par 'grub/ /spyi bo dang ni dpral ba gnyis/ /glo dang de bzhin rgyab nyid du/ /byas nas dar dpyangs tshul du bya/ /oM bud+d+ha a b+hi She
302b5 ke ru ru s+phu ru dz+wa la tiSh+Tha bud+d+ha lo tsa sar+b+ba ar+tha sA d+ha na a b+hi Shiny+tsa maM swA hA/sangs rgyas kun gyis dbang bskur ba'o/ /rdo rje rab tu dga' ba'i phyag rgyas snga ma bzhin dbang bskur ro/ /oM badzra rat+na aM b+hi She ka hi ri mi ti ri ni shrI ya a b+hi Shiny+tsa maM swA hA/ rdo rje rin chen gyis dbang bskur ba'o/ /oM
302b6 pad+ma a b+hi She ka tA re tu re tut+tA re a b+hi Shiny+tsa maM swA hA//de'i phyag rgya ni sangs rgyas rin chen gyis dbang bskur bas dbu ma'i rtse mo phab pa ni pad+ma rin chen gyi phyag rgya ste/ 'dis snga ma bzhin du dbang bskur ro/ /rdo rje thal mo rab sbyar te/ /gnyis kyis rin chen 'dzin pa ltar/ /ji ltar
302b7 rigs pas mnyam par bya//mthe bo'i rtse mo gdong bzhi yis/ /phyag rgya de nas rab bsgyur te/ /g.yas pa nyid du gzhag par bya/ /blo dang ldan pa'i sngags 'di yis/ /sngags rigs de bzhin dbang bskur bya/ /oM rat+na rat+na a b+hi She ke traM traM/ b+ha b+ha ta ta tra tra tra tra a b+hi Shiny+tsa maM swA hA/
303a1 rin chen rigs kyi dbang bskur ba'o/ /rdo rje thal mo gdab pa ste/ /mdzub mo'i rtse mo yud tsam dgug /mthe bo dpa' bo'i skyil krung du/ /lhag ma rnams ni 'od bzhin btang / /sngon bzhin yang ni sbyang bar bya/ /las kyi rin chen dbang bskur ba'o/ /oM badzra kar+m+ma
303a2 rat+na a b+hi She ke hi hi hi hi/shrI pad+ma ba da mu She a b+hi Shiny+tsa maM swA hA/ rig sngags spyis bdag la dbang bskur bar bstan te rang gi rigs kyi thog ma nyid du dbang bskur ro/ /de ltar bdag nyid dbang bskur bar byas nas/ go bgo bar ste/ rdo rje khu tshur brkyang ba las mgrin par bzhag
303a3 ste/oM badzra ka ba tsa yA maM haM baM yaM/ zhes bya ba'i snying po brjod nas bcings pa de las mdzub mo brkyang ste/ so so nas gdong sprad pa mdud pa'i tshul gyis snying ga nas brtsams te/ spyi bo'i gtsug gi bar du sngags 'dis oM TuM ka ba tsa yaM maM hUM/ lan gsum du byas na lus la
303a4 cis kyang mi phyed par 'gyur ro//de nas a las bcom ldan 'das ma rdo rje shin tu dga' ba ma'am rdo rje sems ma bskyed de/ bcom ldan 'das kyi cha lugs dang / kha dog dbyibs su ldan pa g.yas g.yon gyi pad+mo'i dbyibs can du shes rab kyi pha rol tu phyin pa la snga ma
303a5 bzhin du byin gyis brlab pa la sogs pa bya ste/gnyis su med pa'i ting nge 'dzin kyis brtsam par bya ba ni lung ngo / /dzaHhU~M baM hoHzhes brjod cing bcing ba ni nang gi dbu ma'i lcags kyu rang gi snying gar lcags kyus drang bar bya/ de nyid gdong reg pa ni zhags pa'o/ /de nyid lu gu rgyud
303a6 ltar byas pa ni bcing ba'o//de nyid rtse mo bsdams pa ni dgyes pa'o/ /'di ni gsang ba'i phyag rgya ste/ phyi'i phyag rgya rnams kyis kyang sbyar bar bya'o/ /de la de rnams kyi phyag rgya ni 'di lta ste/ rdo rje bcing ba gnyis su bya ste/ g.yon pa'i steng du g.yas pa bzhag nas mthe'u chung bsnol ba la
303a7 g.yon gyi mdzub mo bsgreng ba'i tshigs nas g.yas kyi mdzub mo dgug pa ni rdo rje 'dod pa'i phyag rgya ste/oM badzra kA ma aM ku sha ka ta ka ta hU~M dzaHzhes pa'i snying po dang bcas pas drang bar bya'o/ /de nyid las phan tshun du mdzub mo gnyis zhags pa ltar bcings te/ oM badzra pra be sha ya pra be+e sha ya swA hA/
303b1 zhes bya ba'i snying po dang bcas pas gzhug go/ /de nyid las phan tshun shin tu bskums te/ oM badzra kA ma ban+d+ha ban+d+ha baM/ zhes pas bcing bar bya'o/ /de nyid las mthe'u chung gnyis lu gu rgyud ltar gzung ste rgyab sbyar ba 'di ni rdo rje dgyes pa'o/ /oM badzra duSh+Ti kA ma su ke sho ta ya ho/ /zhes brjod nas phyag
303b2 rgya des dgyes par bya ste/bde ba'i thal mo 'am/ zhi ba'i thal mo gsum gyis dgyes pa bskyed nas mdun du rdo rje shin tu dga' ba la sogs pa mngon du blta bar bya ba'i phyir dbyangs kyis bskul bar bya'o/ /rdo rje sems dpa' bde chen skal bzang khyod bdag lags so sgrub la rtogs par mdzad
303b3 du gsol//de bzhin gshegs pa kun gyi bdag nyid bde ba mkha' 'gro sgyu ma sna tshogs bde ba'i mchog /'gro ba'i rgyud rnams rnam pa sna tshogs 'dul mchog grub pa bdag la grub par mdzad du gsol/ /a la la ho/ /de bzhin gshegs pa'i sbyor ba rnam pa sna tshogs gar rnams
303b4 bstan du gsol//dzaHhU~M baM hoHkye ma bde mchog bde bas gzung ba rnam par sprul pa snang bar mdzad du gsol/ a la la la la ho/ /de bzhin gshegs pa kun gyi sna tshogs sgyu ma mkha' 'gro slob mas gzung du gsol/ /de nas 'jug pa de langs te/ ma dang Ta las gyur pa'i mig gis
303b5 nam mkha'i ngos la bde bar gshegs pa rnams kyis til 'bru bzhin btags te rdo rje lcags kyu bcangs nas dzaHhU~M baM hoHzhes brjod cing rang gi lha la mchod pa'i phyir de rnams kyi snying gar gzhug par bya'o//yang na rang bzhin gyis grub pa'i phyag rgya stsal te/ cho ga ji lta ba bzhin du byin gyis
303b6 brlabs la/dbang bskur ba la sogs pa byas/ /mchod pa brtsam par bya'o/ /mdun du zla ba'i kha dog can/ /chu skyes zhal ni 'dzum dang bcas/ /phyag rgya mda' ltar 'dren pa 'dzin/ /sangs rgyas rin chen rnams kyis brgyan/ /rgyab tu lha mo chu srin gyi/ /pad+ma dmar po 'od dang ldan/ /
303b7 dpal byed dran pa sna tshogs kyi/ /sangs rgyas dbu rgyan mchog 'dzin ma/ /sngo mthing mchog gi phyag gnyis kyis/ /phyag rgya rang gis 'khyud pa yi/ /sangs rgyas dbu rgyan phreng ba la/ /sna tshogs rgyan gyis rnam par bklubs/ /'dud bcas g.yon nas sngo bsangs te/ /sangs rgyas gtsug gis rnam
304a1 par spras//rnal 'byor 'byor ldan bsam bya ba/ /rang gi snying po rdzogs par bya/ /bzhi po de rnams ni phyag rgya phyi mo'i tshogs su bstan te gzugs dang sgra dang dri dang ro'i lha mo rnams phyogs bzhir rang gi stan la pad+mo'i lo ma la gnas par bsam mo/ /pad+mo'i phyi
304a2 mtshams su sgeg mo dang /phreng ba ma dang / dbyangs can ma dang / gar ma la sogs pa grwa bzhir gzhag go /de bzhin du me tog ma dang / bdug pa ma dang / mar me ma dang / sna tshogs kyi dri la sogs pa yang phyogs mtshams su gzhag go/ /gling bu dang / pi wang dang /
304a3 cang te'u dang / rdza rnga dang / cha lang dang / dar dir dang / pa Ta ha brdung ba la sogs pa yang phyogs phyogs su gzhag go/ /shar gyi sgo ru bsam pa ni/ rdo rje lcags kyu 'dod pa mchog /g.yon du rdo rje zhags pa ste/ /nub tu rdo rje lcags kyu rgyud/ /byang du dril bu bshad pa ste/ /de rnams
304a4 rang gi las la brtson//kun kyang gzugs kyi mchog ldan pa/ /rang gi lha la rjes mthun pa'i/ /rang gi phyag mtshan 'dzin ldan par/ /sngags shes pas ni dgod par bya/ /rang gi lha yi sbyor ldan pas/ /ci rigs mnyam par gzhag bya ste/ /
304a5 mnyam par gzhag pa'i ting 'dzin nyid/ /rdo rje 'dzin du nye bar 'gyur/ /de nas ji ltar sbyor ba yi/ /sbyor dgyes pa yis rol byas te/ /sbyor ba bzhi yi tshul gyis su/ /mnyam par gzhag nas rab tu bya/ /mchod pa thams cad ma 'byor na/ /phyag rgya bcing zhing mchod bya ba/ /rang nyid lha
304a6 yi ngo bo la//de dag gis mchod dmigs par bya/ /brdung dang gar du bcas pa yis/ /steg bcas dga' bas bde ba yi/ /glu la sogs pa'i ro ldan pas/ /hU~M a/ bde ba chen po skal bzang khyod/ /thams cad 'dod pa bzhin du 'dod chags pas/ /bcom ldan 'das la bdag bzhes
304a7 shig /mchod pa thams cad kyi cho ga la sogs pa sbyor ba dang ldan pas dbul bar bya'o/ /dzaHhU~M baM hoH ru Ta ma Ta sma ra tra/ hu lu hu lu/ pri si ta/ ta ki hU~M/ tru ta ki ni/ hUM dza dza/ hu lu hu lu/ a la la ho/ /shud+d+h+ya/ sid+d+ha ya/ da ri sha ya/ sarba ka te ta g+he ta g+he ta g+he/ ta ta g+he ta g+he/ g+he g+he ta/
304b1 g+he te g+he ta/ g+he na to/ /ta ki hUM dza dza/ hu lu hu lu hu lu/ a la la la ho ru Ta ma Ta/ thal mo myur ba ste/ bcom ldan 'das dpal chen rdo rje sems dpa' bde ba chen po la 'dis mchod pa thams cad dbul bar bya'o/ /te g+he ta g+he/ ta g+he g+he/ ta g+he g+he/ g+he g+he ta/ rgyun gyi brdung ba'o/ /aM aM
304b2 aM/haM haM haM/ baM baM baM/ daM daM daM/ dam tshig gsum gyi brdung ba ste/ 'dis ni bcom ldan 'das sku gsung thugs bskul ba'i dam tshig gsum gyi gsang ba'i sbyor ba ste/ de rnams kyi brdung ba dbyangs su blang zhing shardza dang de ba ti dbyangs 'dis kyang sbyor ba'i bdag nyid kyis hU~M la
304b3 sogs pa'i dbyangs kyis bskul bar bya'o//rjes su chags pa'i rnam mang dga' ba'i pad+mo rnam dag pa'i/ /mchod pa gsal bas rjes su mchod byas mchog /rtag pa'i rnal 'byor bde bas bde ba grub par mdzod/ /kye mchog bde ba'i dam mchog rang gi ngo bo nyid/ /mchog
304b4 tu bde ba'i rnal 'byor shin tu skal bzangs chog brnyes pa//rang gi dam tshig skyon med rtag la rol cig rol cig ho/ /kye mchog tu gsang ba'i bdag po rang gi dam tshig yin pa'i phyir/ /rab tu gsang ba'i lha mo mchog rnams so/ /'gro ba'i rgyud ni rnam pa sna tshogs 'dul ba
304b5 gsal bar mkhyen//dam tshig thams cad dngos po brtan g.yo kun gyi ngo bor gyur/ /rgyal ba kun gyi bdag nyid rnal 'byor bde ba sgyu ma mkha' 'gro ho/ /kye dam pa rtag pa'i dngos grub chen po rab tu bsgrubs la ston/ dzaHhUM baM hoHkye ma ho bde mchog bde bas drongs/ /rnam par
304b6 sprul pa snang bar mdzod//a la la la ho/ /de bzhin gshegs pa thams cad kyi/ /mkha' 'gro sgyu ma sna tshogs kyi/ /slob ma dag ni gsung du gsol/ /'di ni bcom ldan 'das kyi sku dang gsung dang thugs bde bas bskul ba'o/ /g.yas dang g.yon gyi lag pa yis/ /
304b7 'gying ba'i tshul gyis gar byas te/ /g.yon gyi mthe bo srin lag sbyar/ /g.yas kyi ba dan gsum pa yis/ /phyag rgya 'di yis btab pa ni/ /sangs rgyas kun dang yang dag 'grogs/ /thams cad mchog gi dngos grub che/ /dbang phyug chen po rab tu 'grub/ /
305a1 de nyid dor ba'i tshul gyis su/ /slad du brdzun pa cher byas te/ /bsgyur nas g.yas kyi 'gram pa dang / /spyi gtsug mtshams su bzhag pa las/ /slad du gar gyi dbab tshul gyi/ /cha lugs kun gyis rab bsgyur cing / /skal bzang hU~M gi dbyangs ldan
305a2 pas//mchod pa thams cad dbul bar bya/ /la lar zla ba dri med dkyil 'khor stong pas mdzes pa'i gzugs su snang bar snang / /la lar rab tu 'jigs pa'i nyi ma bye ba phrag dgu'i 'od zer mchog pas 'jigs/ /la lar mdangs bzangs gzi chen zhi bar ldan pa rgyal ba'i
305a3 gzugs su snang //la lar 'gro ba thams cad mnyam par 'jog pa'i gzugs ldan gsung mchog ldan par ston/ /rdo rje sems dpa' grub phyir 'dul mkhas ma lus bde ba'i mchog rnams las/ /a ral thams cad mnyam sbyor grub par mdzod/ /ru Ta ta ma te
305a4 a la la la ho//rnam pa mang po 'dul bar mdzad pa'i tshul la gar mkhan mchog gis gar mdzad pa/ /dam tshig gar gyi dbang phyug sangs rgyas gar mkhan gar mdzod a la la la ho/ /rnam mang bde mchog rab tu gar mdzad pa yis thar pa'i bde ba'ang thob
305a5 par mdzod//'di yis ba dan gsum dang ldan par gar du bya'o/ /rab tu dga' dang rjes su chags par dga' ba'i mda' gzhu rab tu phra bas rgyas btab pas/ /rab tu dga' bar sbyor ba'i bde bas myos pa bde ba thams cad bdag la grub par mdzod/ /rab tu bde
305a6 ba'i rnam pa sna tshogs rnam par rgyal ba'i rgyal mtshan bsgreng ba'i longs spyod dang //rab tu dga' ba'i dbang phyug mchog tu grub pas de bzhin gshegs pa bzhugs/ /ho rta mchog ho/ /kye ma ho rab tu bde ba'i rnam pa sna tshogs rol cig ho/ /de bas slong rnam
305a7 par rol//hU~M snang bar mdzod/ /a la la la ho/ /de bzhin gshegs pa kun gyi mkha' 'gro sgyu ma rnam pa sna tshogs kyi slob ma gzung du gsol/ /kye bde ba'i mchog grub par mdzod/ /kye ma ho [(]bad [,]bde [)]bas bde ba stsol/ /dam pa rab tu zhugs par
305b1 mdzod//bdag la rab tu bde bar gyur/ /a la la la ho/ /kye ma ho shi shi bzhugs shig mkha' 'gro bde ba'i mchog /yongs su skor/ /kun du zhugs/ de nas gar dang ldan pa yis/ /dbyangs 'di rnams kyis glur blangs shing / /dpal ldan g.yon
305b2 du 'dud pa yis//g.yas kyi ba dan gsum du bya/ /de ltar g.yas dang g.yon tshul gyis/ /sems dpa'i skyil krung bsnyems byas te/ /steng du dor dang 'og tu dor/ /bskor dang de bzhin byug byas te/ /me tog bdug pa mar me mchog /dri yi mchod pa
305b3 bskor ba yis//lhag ma gar gyi tshul gyis su/ /gling bu pi wang rdza rnga mchog /de bzhin cang te'u rnams dag kyang / /g.yon gyi khu tshur rab bsdams te/ /lag pa g.yas pas brdung bya ste/ /rang gi ming gis bskul bcas pas/ /sngags pas mchod pa dbul
305b4 bar bya//zhi ba'i thal mo bde mchog gis/ /thal mo'i sbyor bas dgyes pa bskyed/ /g.yon du 'dod pas phyag bya zhing / /'dzum dang bcas pas lta ba'i mig /smin ma mig dang mchu gdon pa/ /kha dang lus kyi gdon pa yis/ /cha lugs ji bzhin gar bya ste/ /
305b5 phyag rgya thams cad dbul bar bya/ /na mo stu sar+b+ba bud+d+he b+h+yaH /zhes pas phyag rgya rab gnas te/ /mchod pa mchog gi dngos grub rnams/ /ma lus lus pa med par 'grub/ /phyag rgya 'di rnams kyis btab na/ /bdag nyid dang ni yang na gzhan/ /sgrub pa po ni myur 'grub ste/ /rdo rje sems
305b6 dpa' mchog 'drar 'gyur//langs pa'i tshe yang de bzhin du dbang bskur ba dang / srung ba la sogs pa byas te/ /bde ba'i thal mos dgyes pa bskyed nas ci dga' bar gnas par bya'o/ /oM rdo rje sems dpa' sdud pa dang / /rdo rje rin chen bla med pa/ /rdo rje chos ni gsung ba dang / /
305b7 rdo rje las ni byed par 'gyur/ /a ho su kha zhes pa'i ming / /rdo rje sems gang gang klog pa/ /sdig pa kun las grol 'gyur zhing / /bsod nams rnams ni byin brlabs 'gyur/ /bcom ldan 'das dpal bde ba chen po rdo rje sems dpa'i sgrub pa'i thabs rdzogs so// //