CLOSE WINDOW

D1676
བོད་ཡིག

/slad kyi lo tsA ba phyi ma dag gis sum thug tu zhu chen bcos pa'o/ /[]@##/ /rgya gar skad du/ tsa tu ra tAM gAR+tha A lo ka nA ma/ bod skad du/ yan lag bzhi'i don snang bar byed pa zhes bya ba/ bcom ldan 'das dpal rdo rje 'dzin pa la phyag 'tshal lo//mkha' mnyam gsal ba gnyis med pa'i/ /yon tan rin chen sna tshogs gzhi/ /thams cad rang bzhin bde chen sku/ /bkod pa kun snang rol ston 'dud/ /bstan pa'i snying po dri med bka'/ /gsang don gsang ba kun gyi mchog /bsdu zhing de ngan gsal mdzad pa'i//mchog rnams kun la phyag 'tshal lo/ /dpal ldan bde mchog rgyud dag las/ /rim 'jug sgrub chen don bkod pa'i/ /tshig don rtogs dka'i rim pa dag /rnam gsum dgu yi gzhung gsal phyir/ /bsnyen sgrub cho ga'i rim rgyas par/ /dngos gzhi dgongs mdzad sbrel bsdus pa//dam pa'i rjes 'brangs mtha' gnyis bsal/ /gzhung bral 'khrul sogs dgag phyir bshad/ /bskal pa bye ba grangs med par/ /sangs rgyas thams cad ma thob pa/ /phyag rgya'i cho ga gang dag gis/ /tshe 'di nyid la thob par 'gyur/ /de ni bdag gis brtag par bya//sangs rgyas kun dag bde ba'i mchog /bdag nyid bzhin du bsgrubs pa las/ /sangs rgyas kun dag bde mchog go/ /rnal 'byor yang dag ma yin sems/ /lha la dmigs par byed pa bdag /rnal 'byor gzugs brnyan rang bzhin te/ /lugs ma la sogs rnal 'byor skye//yang dag mchog sems rnal 'byor pa/ /lha la dmigs par byed pa dag /rang gi dam tshig bdag sbyor bas/ /mi 'gyur dam pa grub par 'gyur/ /gzugs brnyan lugs ma la sogs la/ /rnal 'byor 'byung bar mi 'gyur gyi/ /byang chub sems la rab brtson na//de las rnal 'byor lhar 'gyur ro/ /chos rnams thams cad snang grol dbyings/ /kun gsal stong nyid zung 'jug dngos/ /rang bzhin ma bcos lhun gyis grub/ /bde ba chen po mchog gi rgya/ /byang sems mkha' dbyings dag pa las/ /yon tan ma rtsal kun 'byung snang / /sna tshogs snang ba ris ma 'grub//rtog dpyod zhen chags yul las 'das/ /dbu mar yang ni mi dmigs te/ /shes rab pha rol phyin sbyor ba/ /thabs kyi snying rje'i bdag nyid rnams/ /de bas de ni snying rje'i thabs/ /shes rab pha rol phyin par gsal/ /'di ni rnal 'byor bcom ldan 'das/ / rdo rje sems dpa' de bzhin gshegs/ /sangs rgyas thams cad mnyam sbyor ba/ /mkha' 'gro sgyu ma bde ba'i mchog /yang dag grub pa gcig pu nyid/ /ji ltar 'dod pa bzhin du sbyar/ /rtog pa'i cho ga thams cad la/ /grub pa dam pa mchog gi mchog /sna tshogs las kyi sbyor ba yi//cho ga sna tshogs 'dod pa yis/ /sems can rnams ni 'dul ba dang / /bde ba thams cad bsgrub pa'i phyir/ /bcom ldan rnal 'byor de nyid ni/ /sangs rgyas thams cad rnam 'phrul bas/ /sems can kun don rnam 'phrul nas/ /myur du shin tu 'grub par 'gyur/ /'das dus bskal pa rim bzhin du//log pa'i lam zhugs rnam drug pos/ /bdag gzhan gnyis ga phung byed cing / /dregs byed chen por gyur pa la/ /thabs gzhan dag gis mi 'dul phyir/ /sangs rgyas thugs rje chen po yis/ /dgongs mdzad gsang ba bla ma'i mchog / rnam 'phrul chen po bstan pa yin/ /sems dpa' sangs rgyas kun gyi dngos/ /rdo rje sems dpa' bde ba'i mchog /gsang ba mchog gi dgyes pa la/ /thams cad bdag nyid rtag tu bzhugs/ /'di ni rang byung bcom ldan 'das/ /gcig pu rab tu che ba'i lha/ /rgyal ba kun gyi dgongs mdzad mchog /'khor lo gsang ba'i rgyud chen dag /rim bzhin brda don gsal mdzad cing / /nges skyes phyag rgyas gtan la dbab/ /shes bya'i dkyil 'khor gsal gyur nas/ /rten mchog gi ni don sbyar nas/ /yan lag bzhi snang bcu drug tshogs/ /rgyu rkyen tshogs 'bras mdzad bcas rdzogs//gang zhig yun rings sbyangs pa'i mthus/ /snying rje chen po'i goms shugs can/ /dad brtson lta bas blo gsal zhing / /des brtags dkyil 'khor dbang thob pas/ /smin lam rdzogs byed 'gyur med gnas/ /bla mas bsgo ba'i don bzhin spyod//bdag gzhan don sgrub lam la gnas/ /blo gros mchog gyur gsang ba'i snod/ /dkyil 'khor theg par ma zhugs shing / /dam tshig spangs shing gsang don rmongs/ /shes rab che dang snying rje bral/ /log sman gus pa med spangs bya/ /gang du 'bras bu phun tshogs shing //dben pa'i dgon pa nyams dga' ba/ /gzhan dbang dgra yi tsher ma med/ /chu mchog shing gis mdzes byas par/ /kun du sna tshogs skal bzang por/ /kun du sna tshogs bde mchog gis/ /kun du sna tshogs dgos pa rnams/ /ci bde bar ni bsgrub par bya/ /rten dang dgon pa gtsug lag khang //ri yi rtse rnams thams cad du/ /rnam pa du ma sna tshogs pa'i/ /sangs rgyas dgongs pa bsgrub par bya/ /pad+ma'i skyed mos tshal dga' dang / /chu bo dag gi mdo dag tu/ /pad+ma 'dzin pa'i dgos pa rnams/ /rnam pa du mar 'grub par 'gyur/ /rgyal po'i pho brang dga' ba dang //pad+mo skyed mos tshal nyid du/ /rnam pa sna tshogs du ma yis/ /rgyal ba'i dgongs pa bsgrub par bya/ /mkhar ni rnam pa sna tshogs dang / /de bzhin chu bo'i 'gram dag gam/ /rgyal khams gzhan las grub pa ru/ /rdo rje rta ni bsgrub par bya//yul 'khor yo byad rgyan bcas dang / /cha lugs rnam pa sna tshogs kyis/ /gnas kyi sa gzhi mdzes byas te/ /sgrub pa'i skyes bu dbye ba las/ /sgrub pa rnam pa sna tshogs kyis/ /bdag gzhan bya ba sna tshogs 'grub/ /gzhan don dmigs pa'i las la ni/ /slob dpon de nyid bcu sogs shes//tshad ldan rang rgyud dag pa yis/ /dkyil 'khor dbang bskur sgrub pa dang / /phrin las tshogs bsags bsrung don du/ /bsnyen 'gro bsnyen pa rdzogs byas pas/ /sa gzhi sa bon la 'jug cing / /yang dag dkyil 'khor rgyas pa yi/ /gzhung bzhin 'jug par bya ba ste//rtog pa sna tshogs las 'phros pa'o/ /bdag don bya ba de las gzhan/ /sa gzhi sta gon sngon brtsams phyir/ /bdag nyid rang gi lhar sbyor bas/ /lus ngag yid gsum mthu bskyed cing / /bdag dang 'gro ba sbyang byas nas/ /rang bzhin dag pa'i rnam par bsam/ / bya ba'i rgyud sogs gsungs pa yi/ /gtor sbyin chen po'i cho ga yis/ /mgron tshogs bzhi po tshim byas nas/ /bsgo ba'i phrin las drag tu bya/ /phyogs bzhir srung ba'i stegs bu la/ /bsrung ba'i yi ge brtsams te gzhag /yang dag gsang ba'i dkyil 'khor 'dir/ /gsang ba'i dam can so so nas//'du ba las ni ma gtogs shing / /nyan pa las ni mi dbang ba'i/ /bgegs dang 'byung po thams cad kun/ /da lta nyid du so sor [(]dngas[,]dengs[)]/ /ji ste bka' las 'das gyur na/ /rdo rje 'dzin rgyal khros nas kyang / /rdo rje mtshon chen 'bar ba yis/ /gtan du brlag cing phung bar 'gyur//hUM badzra dz+wa la raM yaM/ khaM tsakra bi shwa hUM phaT phaT/ thabs dang shes rab sgrub pa pos/ /phyi dang nang gi bskang bshags kyis/ /rin chen snod mdzes dri yang bsgribs/ /rnam dag ris gsal ji bzhin pa'o/ /thugs ka'i 'od zer spro bsdu yis/ /dkyil 'khor mdun du dgug bya ste//dga' chen dpal las byung ba yi/ /se gol dpung mgor lan gsum gtogs/ /rdo rje bcing skyo'i se gol gyis/ /sangs rgyas thams cad bsdu bar bya/ /oM badzra sa mA dzaHhUM/ oM thams cad spros bral de nyid che/ /mkha' mnyam ye shes rtogs med mchog /gnyis snang so sor smin dgongs mdzad/ /thugs rjes smon lam thabs mkhas pas/ /dbang po'i gzhu bzhin ci 'dul ston/ /phyogs bcu'i rgyal ba sras dang bcas/ /lha mo dag mchog dam pa'i lha/ /dkyil 'khor tshogs rnams dgongs su gsol//dzaHhUM baM hoH/ oM e h+ye hi ma hA ka ru Ni ka sa ma ya s+t+waM/ sna tshogs gar las byung ba yi/ /rdo rje thal mo spyi bor sbyar/ /oM rdo rje rgyal po yon tan mchog /byang chub mchog ston 'dren mdzad cing / /nyon mongs mtsho skems sgron mas brgyan/ /thugs rje can la skyabs su mchi//phyogs bcu kun na bzhugs pa yi/ /rdzogs sangs thub pa sras tshogs bcas/ /thugs rje chen po mnga' rnams la/ /gus par phyag 'tshal skyabs su mchi/ /oM a ti b+hu hUM/ oM hriHhriHtraM hUM/ mtshon cha drug gi tshul 'dra yi/ /thal mo kha yi gnas su gtug / oM na maHsarba tro ta hUM/ oM hriHhriHtraM ho/ /mchod pa so so'i rjes mthun par/ /lha mo gar bcas phyag rgya bcing / /oM stong gsum mi mjed gnas 'di dang / /gzhan yang phyogs bcu'i 'jig rten gyi/ /las kyi longs spyod mngon rgyud dang / /sangs rgyas yon tan snang ba yi/ / mchod rdzas bzang po khyad par can/ /dngos su sbyar tshogs sems kyis sprul/ /me tog gzugs mdzes kha dog dang / /dbyibs rnams sna tshogs mtha' yas mchog /bdug spos dri mchog khyad par can/ /so so'i rgyu las byung ba'i dri/ /mar me rin chen shing gi 'od//mun pa'i tshogs 'joms gsal byed rgyun/ /dri mchog bzang pos sbyar ba chu/ /rnam rtog dri ma dag byed rgyun/ /bza' btung sna tshogs rgyu las byung / /tshim byed ro mchog brgya ldan rdzas/ /yan lag brgyad ldan khrus kyi chu/ /mchod yon tshul du dga' bde'i mchog /dkyil 'khor kun la legs 'bul na/ /mgon po thugs rje can gyis bzhes/ /oM badzra puSh+pe oM/ /oM badzra d+hU pe hUM/ oM badzra A lo ke hrIH/ oM badzra gan+d+he hoH/ oM badzra na wi t+ye treM/ oM badzra A ha ra hi/ sman dang 'bru yi rnam pa dang //bla re na bza' rgyal mtshan gdugs/ /ba dan phreng ba sna tshogs dang / /do shal dpung rgyan sor gdub spras/ /dam pa rnams kyi longs spyod rkyen/ /bsod nams mthu las byung ba yi/ /yon tan thams cad 'byung ba'i gnas/ /nor bu rin chen 'khor lo'i mchog / blon po dmag dpon btsun mo bzang / /rta mchog glang po rin chen mchog /rnam spras nye ba'i rin chen bdun/ /bkra shis rdzas mchog bcu drug mchog /bum pa bzang po rgyan la sogs/ /pa Ta'i phreng ba mdzes sogs rnams/ /dkyil 'khor kun la legs 'bul na/ /mgon po thugs rje can gyis bzhes//oM na maHsarba ta thA ga te b+h+yo/ /a laM ka ra ya na pe nu hUM swA hA/ bo d+he d+haM sha rat+na me g+ha ra na hUM/ oM sna tshogs gzugs mdzes sgra snyan zhing / /dri zhim ro mchog brgya ldan pa/ /reg bya'i bde ba sprin phung bzhin/ /nam mkha' gang bar byung ba dang / /gang gzhan 'gro ba drug po dag /lha tshogs lha mor bcas 'gyur bas/ /rgyan rnams kun gyis legs mdzes par/ /glu dbyangs tshigs su bcad pa dang / /khro tshogs gar gyis bskyod byas pa'i/ /stong gsum rdul snyed sprul byas rnams/ /dkyil 'khor kun la legs 'bul na/ /mgon po thugs rje can gyis bzhes//oM na maHsarba ta thA ga te b+h+yo/ /bi shwA mu khe b+h+yiHsarba ta da khaM ut+ga te s+pha ra Na hi maM ga ga na khaM swA hA/ oM rigs lnga'i dam tshig rdzas chen po/ /ye shes lnga rdzogs grub pa'i dbyings/ /rgyud lnga'i sems can kun grol zhing / /rgyud lnga'i sems can bdud rtsi 'di/ / snying po tshim byed bcud kyi mchog /byang chub sems sogs bde ba'i rgyun/ /ma lus kun gyi reg bya las/ /rol pa sna tshogs snang ba dang / /srid gsum brtan g.yo'i dngos po dang / /nyon mongs sgo gsum spyod tshogs dang / /phung po khams dang skye mched kyi/ /gzugs bzang mchod sprin thams cad kun//sku lnga rigs lnga ye shes lnga/ /lha mo sras bcas ngo bo nyid/ /'khor 'das snang ba'i dkyil 'khor kun/ /sna tshogs dngos med byang chub sems/ /gnyis su med par 'bul lags na/ /mnyam nyid blang dor med pas bzhes/ /oM na maH sarba pany+tsa rA sa ya na a mr-i te hUM phaT/oM bo d+hi tsit+ta ma hA su kha hUM/ /brda med rtse gcig sems nges par/ /rdo rje thal mo snying gar sbyar/ /hUM bdag dang mtha' yas sems can gyi/ /mgon po'i spyan sngar bshags pa ni/ /thog ma med nas dus 'di'i bar/ /mi dge las kyi dbang song ste//nyon mongs sgo gsum skyes pa yi/ /mi dge bcu dang mtshams med lnga/ /lta log sgro skur zhen log gis/ /rnam grol lam las gol gyur dang / /nyon mongs nye ba'i nyon mongs tshogs/ /shes dang mi spang gzhan gzung dang / /bgyid dang bgyid du stsal ba dang / /gang gzhan rjes su yi rang bshags//mgon po rnams kyi spyan lam du/ /rang bzhin kha na ma tho sdig /mi 'chab rim bzhin nges bshags shing / /phyis kyang mi byed sdom pa gzung / /bcas sdom so sor thar pa las/ /rtsa ba yan lag nyams pa dang / /skyabs 'gro mkhan sogs slob dpon spangs//dad pa'i dge 'dun dbyen sogs dang / /log tsho nyes byas phra la sogs/ /tshul khrims zhig 'gyur las rnams bshags/ /hUM byang chub sems sogs ma skyes shing / /sdom pa rnam par spangs pa dang / /pha rol phyin gzhung nyams pa yi/ /log pa'i lam la zhugs pa dang //tshangs pa'i gnas nas bsdu ba bzhi/ /lam sogs sum cu rtsa bdun dang / /ma 'dres 'bras bu mdzad par bcas/ /smod spangs sdig rnams dus 'dir bshags/ /hUM gsang ldan rdo rje che ge mos/ /rdo rje slob dpon smod 'gal zhing / /lha spangs mched la 'khus pa dang //sngags dang phyag rgya spangs pa dang / /snod min gsang ba bsgrags la sogs/ /gnyis gsum nyi shu rtsa brgyad tshogs/ /yan lag cha shas nyams las 'das/ /'gyod sems nges par bshags par bgyi/ /oM na maHkA ya wAka tsit+ta sarba pA paM shud+d+ha shud+d+ha hUM swA hA/'das dang da ltar ma byon tshogs/ /rgyal ba sras dang bcas rnams kyi/ /dad brtson shes rab che bskyed cing / /rgyu 'bras tshogs gnyis bsags byas nas/ /mdzad pa bcu gnyis la sogs dang / /khyad par gsang sngags mdzad pa yis/ /'gro rnams lam gnyis mdzad thob la//bdag gi rjes su yi rang ngo / /lam gzhan 'phags pa rang rgyal dang / /nyan thos so so skye bo yi/ /dge bsam sgom sogs gang spyad la/ /phrag dog med par rjes yi rang / /phyogs rnams kun na bzhugs pa yi/ /mgon po thugs rje'i dbang gis ni//'gro ba'i mos pa bzhin ston cing / /sngon gyi smon lam ji lta bar/ /dam chos btsun par mdzad pa'i ched/ /bskul ba'i sa la bzhugs pa dang / /ji ltar tshangs pa'i rgyal tshogs kyis/ /chos 'khor 'gro ba'i don bskor phyir/ /gser gyi 'khor lo stong ldan phul/ /'jig rten mgon la bdag gsol 'debs//rgyal ba bde gshegs bcom ldan 'das/ /thog ma 'di nas tha ma'i bar/ /mdzad pa rnam gsum mthar phyin nas/ /sku lnga ye shes chen por ni/ /myur du sprul pa bsdu bzhed rnams/ /'gro rnams kun gyi don slad du/ /bskal pa ji srid gnas kyi bar//gzugs mang sprul sku'i tshul bzhugs shing / /mtshan dpe cho 'phrul mi 'jigs stobs/ /bkra shis tshogs kyis rgyas mdzad cing / /rtag tu nyi zla sgrib gsal ltar/ /snyoms mdzad 'gro ba'i mun sel mdzod/ /ji lta ji ltar 'dul 'gyur ba/ /de lta de ltar 'gro ba rnams//sdug bsngal rgyu dang de nyid las/ /bsgral zhing thar bar byas nas ni/ /bde tshogs ldan par bya ba dang / /bla med 'bras bu bskyed bya'i phyir/ /dang po thabs kyis bdag bsgral nas/ /smon lam rdzu 'phrul dpag med dang / /zhi gnas lhag mthong mngon shes sogs/ /thogs pa med par 'byung ba yis//myur du mthu stobs brtas gyur nas/ /g.yel med 'gro don brtson byed cing / /thams cad dbugs dbyung byas nas ni/ /rdo rje 'dzin pa'i gnas bkod pa'o/ /phyogs bcu dag na bzhugs pa yi/ /sangs rgyas byang chub sems dpa' dang / /bla ma rdo rje lcam dral dang //dkyil 'khor tshogs rnams dgongs su gsol/ /bdag ming 'di zhes bgyi ba yis/ /skye ba 'di dang gzhan dag tu/ /dge rtsa spyi dang khyad par don/ /sngon bgyis bgyid la rjes yi rang / /ji ltar sngon gyi de bzhin gshegs/ /rgyal ba sras bcas tshogs gyur pas/ / bla na med pa'i byang chub tu/ /thugs mchog rin chen bskyed pa ltar/ /bla med yang dag rdzogs pa yi/ /byang chub chen por sems bskyed de/ /rgyal ba rnams kyi rjes su slob/ /mdor na 'gro ba ma lus pa/ /sku gsum 'bras bu thob bya'i phyir/ /dkyil 'khor drug gi sprul pa yis/ /rnam par rol pa'i don gnas bya//de las byung ba'i 'bras bzang mchog /kun mkhyen gnas mchog snyoms mdzad pa/ /dngos rnams gang la'ang chags med de/ /byang chub sems dpa'i las chen pos/ /'gro ba thams cad bcom ldan 'das/ /rdo rje 'dzin pa'i gnas thob shog /sna tshogs snang grags rnam grol ba//dbyings na cho 'phrul dgag med kyang / /de yi cho 'phrul de nyid pas/ /nam mkha'i mtha' ltar sngo dang bral/ /'khor gsum yongs su dag par ni/ /mnyam nyid bde ba chen po'i ngang / /thams cad 'du 'bral med pa yi/ /don nyid ngo bo lhun grub shog /rdo rje khu tshur gnyis gzhibs te/ /mtheb chen bsgrengs nas g.yob par bya/ /oM badzra gats+tsha muH/ rdo rje thal mos lan gsum du/ /mi drag smad gnyis brdab par bya/ /oM badzra tu Sh+ya hoH/ ma lus 'gro ba thams cad la/ /mnyam snyoms nyid du dmigs nas kyang / /byams pa'i sems ni nyer gnas pas//sdug bsngal gsum dang brgyad dag gis/ /gdungs pa'i nyam thag gang yin pa/ /de dag sdug bsngal med 'dod phyir/ /sems can grangs med skur sprul nas/ /'od zer mthu dang rdzu 'phrul tshogs/ /dpag med sprul pas don mthun tshul/ /byams pa chen pos khyab par bya//rnam gsum snying rje chen po yis/ /de dag bde ba thob byas te/ /'dod pa'i yon tan lnga sogs kyi/ /bde ba dag la sprul bya ste/ /yid bzhin nor bu rin chen ltar/ /sems can grangs med skur sprul nas/ /'od zer mthu dang rdzu 'phrul tshogs/ /'phangs med sems can kun la gtang //don ldan dga' ba chen po'i blos/ /reg pas 'gro ba'i bag chags kun/ /rim gyis byang sems lam rnam bdun/ /myur bar byang chub rdzogs mthar phyin/ /sku dang ye shes phun sum tshogs/ /bkod pa'i yon tan dpag med snang //gzhir gyur btang snyoms chen po'i blos/ /ngan pa'i mtshan rtags rnam bral nas/ /gsal sems snyoms gnas bral ba med/ /rang bzhin byang sems mnyam pa'i dbyings/ /mi rtog ting 'dzin chen po yis/ /mtha' las grol ba'i sems nyid bskyed/ /'di ni tshangs pa'i gnas bzhi las//mchog tu gyur pa'i tshad med bzhi/ /snying po sngags kyis spro byas la/ /rig bcas 'od zer khyab par gnas/ /phyogs gzhan rtog pa sna tshogs kyis/ /rkang dang sreg mnan cho ga dang / /gsar bu shis bar byas pa'i las/ /las kyi cho ga gzhan bstan pa'o/ / rdo rje sems dpa'i sbyor ba yis/ /dga' ba'i rdo rje las byung ba'i/ /dpung mgor se gol brdab byas nas/ /rdo rje bcing kyo'i se gol sgras/ /'jig rten khams ni ma lus pa/ /sangs rgyas rdo rje 'dzin bcas kun/ /dam tshig mchog gi gsang sngags kyis/ /til gyi gong bu bzhin du rgyas//shin tu gdug cing gtum pa la/ /zhi bas phan par mi 'gyur te/ /shes rab thabs kyi rnal 'byor pas/ /khro bor de bzhin gshegs kun mdzad/ /khro bo'i tshul can khros pas kyang / /'jig rten gsum dag sreg byed na/ /sangs rgyas thams cad khros pa yis/ /khams gsum ma lus smos ci dgos//de nas sna rtse'i rtsa mo la/ /yid ni brtan par yang dag zung / /sna yi dbugs rings dro ba las/ /rgyal bas phyag rgya'i sbyor ba 'byung / /bcom ldan de nyid rnal 'byor pas/ /rdo rje khro bor bsgyur nas phyung / /dpal chen rdo rje he ru ka /'bar bas thal ba rab tu 'jug//sems dpa' sngon mo 'bar ba'i ngang / /'od kyi dkyil 'khor dmar po 'bar/ /dur khrod kyi ni me dang 'dra/ /'bar ba chen po skra 'bar ba/ /thod pa mang po'i dbu rgyan can/ /'jigs pa chen po'i dus ltar drag /dur khrod bzhin du rab tu 'jigs/ /khro la sogs pa'i tshul ldan pa//zhal rnams sna tshogs 'gyur ba dang / /smin ma khro gnyer bcas par bsgyur/ /'bar ba'i lta bas gar byas pas/ /gu lang dbang chen de dbang bcas/ /nyi zla gshin rje'i tshangs par bcas/ /gnas bcas dag ni 'bar bcas nas/ /thal ba bzhin du rab tu bshig /rdo rje rdo rje kha T+wAM ga /dril bu'i sgra ni gsil ba yis/ /thams cad phab nas slar yang ni/ /thal bar gyur pa'ang 'tsho bar byed/ /g.yas gnyis lcags kyu ral gri ste/ /g.yon gnyis zhags pa thod pa thogs/ /'og ma gnyis kyis mda' dang gzhu/ /brkyang bskum nyi ma'i gdan la gnas//de yi 'bar ba'i nyi ma las/ /byung ba'i grib ma mi zad pa/ /bskyed nas ma lus bdud la sogs/ /gdug pa rnams kyi khrag za nus/ /rang sngags 'od zer g.yo ba'i mthus/ /shin tu bgegs med sa mthong nas/ /rdo rje sa gzhi ra sogs bsgom/ /'khor lo me 'od mtshon char bcas//'dod pa'i rgyal po dregs chen pos/ /sum+b+ha ni yi sngags brjod cing / /brjid gnon khro ba chen po'i tshul/ /phyogs bcu'i bgegs rnams bkug mdzad nas/ /pho mor bsnol te nyi mar bkod/ /so so'i tshogs bcas myos par mdzad/ /oM sum+b+ha ni sum+b+ha hUM/gr-i h+Na gr-i h+Na hUM/ gr-i h+NA pa ya gr-i h+NA pa ya/ A na ya hoH b+ha ga bAn/ bid+ya rA dza hUM phaT/ in+d+ra ye dzaH/ yA ma ya dzaHba ru Na ye dzaH/ ku be ra ye dzaH/ ag+ne ye dzaH/ nai r+R-i ti ye dzaH/ ba ya be ye dzaH/ i shwa na ye dzaH/ tsan+d+ra ye dzaH/ sUr+ya na ye dzaH/ su ri ta ye dzaH/ a d+hi pa ta na ye dzaH/ ye shes che las sprul pa'i sku//zhal gsum phyag drug 'jigs pa'i gzugs/ /g.yas dkar g.yon dmar mthing nag sku/ /rdo rje thod khrag ral gri zhags/ /tho ba lcags kyu g.yas dang g.yon/ /dur khrod 'jigs pa'i cha lugs brgyan/ /oM badzra kro d+ha bi dzA ya hUM/ ha na ha na hUM phaT/ oM badzra kro d+ha ya mAn+ta ka hUM tiSh+Tha tiSh+Tha hUM phaT/oM badzra kro d+ha ha ya gr-i wa hUM/ hu lu hu lu hUM phaT/ oM badzra krod+ha a mr-i ta kun+Da li hUM ts+tshin+da ts+tshin+da hUM phaT/ /oM badzra kro d+ha nI la daN+Da hUM da ha da ha hUM phaT/ oM badzra kro d+ha Ar+ya A tsa la hUM/ ban+d+ha ban+d+ha hUM phaT/ oM badzra kro d+ha a ba ra dzi te hUM/ tiSh+Tha tiSh+Tha hUM phaT/ oM badzra kro d+ha trai lokya bi dza ya hUM bin+da bin+da hUM phaT/oM badzra kro d+ha hUM ka ra hUM gardza gardza hUM phaT/ oM badzra kro d+ha ma hA pa la hUM s+pho Ta s+pho Ta hUM phaT/ rdo rje bdud rtsi rnam 'phrul bas/ /rdo rje tho ba phyag bsnams shing / /phyogs mtshams steng 'og btab nas ni/ /rang gi gnas su nges par 'debs/ /oM badzra g+ha g+ha g+hA ta ya g+hA ta ya sarba duSh+TAn phaT/badzra d+ha ro A dz+nyA ba ya ti/ kA ya bAka tsit+ta badzra kI la ya hUM phaT/ oM phyogs bcu khro bo'i dkyil 'khor rnams/ /'jigs pa'i mtshon cha me 'od 'phro/ /rigs mthun khro bo'i 'khor tshogs dang / /dbang bskur rigs kyi skus brgyan pa'o/ /sangs rgyas kun gyi dam tshig dpal//rdo rje sems dpa' snang ba bde/ /de bzhin gshegs pa'i lha rdzas mchog /rin chen rgyan la sogs pas brgyan/ /dril bu rgyal mtshan mchog ldan pa'i/ /bla re dam pa bres pas na/ /rdo rje tshig dang mchod la sogs/ /glu dang sil snyan rnam par 'phrul/ /me tog bdug pa'i sbyor ba dang //mar me dri la sogs par ldan/ /sangs rgyas thams cad mnyam sbyor ba/ /mkha' 'gro sgyu ma bde mchog sgrub/ /me tog dkar dang dmar ba dang / /mthing ga ser po kun bsdus pa/ /me tog phyag rgya mchog 'di ni/ /'dod pa'i yon tan lnga las 'phro/ / rgya skyegs mthing ga ljang gu'i mchog /tshon sna bzhi yis btsos pa dang / /dkar po lnga yi phyag rgya dag /snga ma bzhin du mnyam par 'gyur/ /khams las byung ba thams cad dang / /srog dang rtsa ba de bzhin te/ /rnam par mdzes shing dri zhim pa/ /snga ma bzhin du mnyam pa 'grub/ / tsan+dan gnyis dang gla rtsi dang / /ga pur na ka la la gyi/ /bdug pa bu ram dang sbyar ba/ /las rnams thams cad rab sgrub pa'o/ /gan+d+ha dri dang gu gul dag /sardza ga pur gla rtsi dang / /rdzas 'di dag la btsos pa'i mar/ /me mar byas na snang ba skyed/ /tsan+dan [(]gum [,]gur [)]kum pri ka dang / / ga bur dang ni gla rtsi dag /btsos pa'i bdug pa bsgrub pa ste/ /spos kyi phyag rgyas spos mchog 'gyur/ /kak+ko la dang sug smel dang / /gla sgang ga bur gla rtsi dang / /'di dag zhib tu btags pa ni/ /seng ldeng bu ram dag dang sbyar/ /shing tsha pa tra lo 'dra dang / /na le sham dang ga pur sbyar//ha sa ka ri shing mngar gyis/ /sbrus pa kha yi spos yin no/ /me tog dmar po sangs rgyas la/ /rdo rje can la sna tshogs pa/ /'jig rten dbang la kha dog dkar/ /ser po mkha' las byung ba la/ /tsan+dan bdug pa sangs rgyas la/ /rdo rje can la tu ruSh+ka/ /spyan ras gzigs la ka pi ta//lce pog rdo rje nyi ma la/ /mar me'i phreng ba sangs rgyas la/ /rdo rje can la mar me bdun/ /spyan ras gzigs la mar me brgya/ /stong ni rdo rje nyi ma la/ /sangs rgyas rnams la tsan+dan spos/ /rdo rje can la gur gum yin/ /spyan ras gzigs la tsan+dan dmar/ /ga pur rdo rje nyi ma la//me tog kun dang bdug pa kun/ /de bzhin mar me thams cad dang / /spos rnams thams cad ji snyed pa/ /rdo rje rta la dbul du rung / /sgeg mo dang ni na chung dang / /mos dang de bzhin bdud rtsi dang / /gcig pu dpa' dang 'dod chags sra/ /g.yon can bran mo de bzhin te/ /lan tshwa la sogs ro kun dang //ka ra la sogs bdud rtsi sbyin/ /bdag nyid kun gyi ro 'grub pa/ /sha dang chang du ldan pa yi/ /bza' ba sna tshogs 'grub pa ni/ /dga' ba'i longs spyod skal mchog ste/ /tshe yi dam tshig rab tu bsgrub/ /a mra smin dang rgun 'brum dang / /pa na se dang na le kar/ / a ka ru la sogs pa yi/ /'bras bu'i phyag rgya thams cad 'grub/ /kha ra sbrang rtsis byugs pa yi/ /a mra la sogs tshi gu byug /ha sa ka ri mar la sogs/ /mnyam pa'i dri yis bsku bar bya/ /yung dang rgya skyegs la sogs pa'i/ /tshon gyis mthun par kha bsgyur nas/ /shun pa gro ga la sogs byas//mchod pa'i tshe na dbul bar bya/ /sangs rgyas rnams la bshos dbul ba/ /sha dang chang ni rnam par spangs/ /glu dang sil snyan grub pa dang / /gdugs dang rgyal mtshan ba dan dang / /sha dang chang du bcas pa ni/ /gtor ma'i mchog ste tshogs pa'o/ /bdag gi phyug ste skal bzang po//rdo rje las ni dpal grub pa'o/ /bshos dang gtor ma dkar po dang / /pad+ma me tog ldan pa ni/ /spyan ras gzigs dbang gtso bo la/ /phul na dgos pa thams cad 'grub/ /rgyal po kha zas la sogs pa/ /sha dang chang du ldan pa dang / /glu dang sil snyan skal bzang dag /rdo rje nyi ma'i 'khor la 'bul/ /kha zas kun gyi ro kun dang / /sha dang sha yi mchog rnams dang / /sha yi sbyor ba sha skam dang / /bshos dag rdo rje lha la dbul/ /gzhan yang bza' btung longs spyod tshogs/ /g.yos kyi ston mo mang du bsham/ /dkyil 'khor chen po'i phyogs kun nas//spos chen sil snyan phreng thogs shing / /gar dbyangs dro thabs drug 'gyur rtse/ /gzings bstod dga' ba'i bzhin rgyas spyod/ /hUM 'phags mchog thugs rje'i dus la bab/ /khyad par bstan pa'i dus la bab/ /dam tshig bskang ba'i dus la bab/ /dngos grub stsal ba'i dus la bab//mthu chen mthu stobs bcom ldan 'das/ /byin chen byin rlobs bcom ldan 'das/ /dbang chen dbang bskur bcom ldan 'das/ /dngos grub mchog stsol bcom ldan 'das/ /bdag gi las rnams gang sgrub pa/ /'bras bu dus 'dir mchis par mdzod//a la la ho b+ha ga bAn/ sa ma ya ho/ /sa ma ya s+t+waM/ oM ye nas rnam pa kun ldan pa'i/ /gsang ba chen po'i dkyil 'khor 'dir/ /gsal la brtan pa'i rnal 'byor pas/ /gnyis med brda yis mtshan par byos/ /oM stong gsum stong gi 'jig rten na/ /phyogs bzhi'i dkyil 'khor dbus rnams kyi//skye 'gro rdul snyed gnas pa kun/ /bde gshegs lnga yi dkyil 'khor dbyings/ /phyogs dus kun nas tshogs pa'i lha/ /gnyis su med pas phyag 'tshal lo/ /hUM oM hri traM haM/ a ti b+hu ho/ /pra ti b+hu ho/ /ta thA ga to gu ru pa ti a la la ho/ /lus ngag spyi dang khyad par gyi//gsang sngags brda yi phyag rgya 'dzin/ /byin rlabs mtshan ma gsal grub phyir/ /phyag rgya'i mtshan nyid spyad par bya/ /he ru ka yi gnas bcu dang / /dur khrod chen po'i gnas brgyad du/ /dam tshig rtags kyi mtshan ma yi/ /dpal gyi chas brgyad rgyan dang bcas/ /'khor ba'i rgyu rkyen 'bras bu rnams//thugs rjes rtsad nas gcod pa'i phyir/ /spyi dang khyad par rtags dag dang / /don gyi sgo nas gzhom par mdzad/ /sems nyid bde ba chen po'i gnas/ /phung po dur khrod gzhal yas khang / /dga' ba chen po'i glu dang gar/ /dngos kyang mchod pa'i rdzas su bsngo/ / dbang bsgyur chen po'i ting 'dzin sogs/ /thams cad tshul bzhin byin brlabs te/ /cir yang gyur pa'i yig 'bru las/ /'bar ba'i khang pa rnam par brjid/ /rang 'od sa bon so so las/ /bkod pa'i rgyan gyi dkyil 'khor che/ /sku gsung thugs kyi gsang chen pos/ /bsgrub rdzas de dag byin gyis brlabs//kro d+he shwa ri dag byed kyis/ /mtshan ma'i gnas kun sbyang par bya/ /mtshan ldan pad+ma'i pho brang du/ /'chi med lcags kyu tshogs pa dag /dpa' bo 'bru dgu'i 'phro 'du yis/ /thams cad bdud rtsi byang chub sems/ /mchod dang gtor tshogs zhal zas rnams/ / kun bzang dkyil 'khor rnam par dag /oM ma hA badzra tsakra maN+Dal hUM/ hUM oM hi hri traM haM/ oM AHhUM/ oM mahA kro d+he shwa ri sarba trab phyaM shwa d+ha ya AHhUM/ oM AHhUM sarba pany+tsa a mr-i te hUM hri tha/ oM te dzo ba liM te b+ha la b+ha ti gu h+ya sa ma ya swA hA/ so so'i ting 'dzin phyag rgya dang / /sngags kyis gsal bar byas nas ni//sgrub pa'i dkyil 'khor gnas rnams su/ /de dag so sor dgod par bya/ /dkyil 'khor sngon 'gro rdzogs byas nas/ /bsnyen sgrub yan lag rnam bzhi yis/ /las kun 'bras bu'i gnas sbyor ba'i/ /phyag rgya'i dkyil 'khor bsgrub par bya/ /dang po chos kyi dbyings nyid la//dmigs pa med pa'i don gyis bsgom/ /dngos po med par bdag sbyor bas/ /nam mkha' kun dang mnyam sbyor ba'o/ /oM ma hA shU n+ya tA dz+nyA na badzra [(]swA [,]swa [)]b+hA wa At+ma kou0f85haM/ /chos kyi dbyings kyi ye shes kyis/ /thams cad du yang khyab byas la/ /chos kun stong gsal rang bzhin m ed//mi dmigs snying rje chen po'i ngang / /oM d+harma d+hA tu swa b+hA wa At+ma kou0f85haM/ rdo rje sems dpa'i ting 'dzin gyis/ /mkha' dbyings sna tshogs la gnas nas/ /cir yang gyur pa'i yig 'bru bsam/ /'od zer tshul du 'phros nas kyang / /ma lus nye bar khyab byas te/ /re zhing dam p a'i tshul du dgongs//e 'byung [(]'a kha' [,]mkha' [)]dbyings gru gsum dkar/ /gyen bsgreng bzang po'i mkha' dbyings nas/ /yaM 'byung rlung gi dkyil 'khor dbyibs/ /dud kha sra mkhregs sgrol ma'i mkha'/ /baM las chu dkyil dkar zhing zlum/ /bum pas mtshan pa mA ma kI/ /laM las gser gyi sa gzhi ste//gru bzhi spyan ma rdo rjes mtshan/ /khaM las sna tshogs can gyi mtsho/ /lcags ri mu khyud nor bus mtshan/ /suM las ri rab bang rim lcog /rin chen sna tshogs rgyu las grub/ /raM las me dkyil dkar ser 'bar/ /zur mang gos dkar nam mkha'i dbyings//sra mkhregs rdo rje'i gzhi stengs la/ /kun 'byung 'khor lo sna tshogs 'bum/ /de dbus b+h+rUM las gzhal yas khang / /ye shes rin chen sna tshogs rgyan/ /nang gi dkyil 'khor gnas rnams su/ /re'u mig 'khor lo mtshungs pa brgyad/ /rdo rje phreng ba'i tshogs kyis brgyan//sna tshogs pad+ma gdan gyis mtshan/ /dkyil 'khor phyi rim gnas brgyad du/ /dur khrod shing dang zhing skyong dang / /phyogs skyong rnal 'byor mtsho dang sprin/ /klu rgyal de dag gnas brgyad du/ /sha za 'byung po gshin rje dang / /mkha' 'gro bya khyi ro langs dang / /ce spyang khros pa'i sgra 'byin cing //ro yi tshogs la longs spyod mdzad/ /rang 'byung mchod rten dang bcas pa/ /phreng ba rim gsum phyi rol gyi/ /ra ba'i mtshams su gnas pa las/ /kun 'byung rgyan gyis mtshan spras pa'o/ /de dbus 'khor lo'i lte ba la/ /pad zla nyi ma'i gdan stengs su/ / dpal mchog dang po gnas mdzad nas/ /'phrul dga'i ting 'dzin mngon par ston/ /chos rnams thams cad rnam brtags na/ /dngos med mtshan ma kun dang bral/ /zla dkyil A li bcu drug bzhi/ /nyi dkyil kA lis brgyan pa'i 'od/ /'phro 'du mdzad par bcas pa yis/ /nyis 'gyur mtshan dang dpe byad gsal//de dag 'od du gyur pa la/ /'od phung kha dog sna lnga nyid/ /hUM las rdo rje rtse lnga pa/ /dkar po bum par hUM gis mtshan/ /thog ma tha ma med pa'i dbyings/ /dang po rdo rje chen po yin/ /badzra a haM/ 'od zer lnga yi 'phro 'du yis/ /dkyil 'khor drug gi las mdzad nas//sku gsung thugs dbyings zhugs pa las/ /'od zer phreng mdzes brjid pa'i mchog /de las sku mchog phyag rgya yis/ /sngags kyi yi ge brjod par bya/ /oM ma hA su kha badzra satwa a/ dzaHhUM baM hoH/ su ra ta s+t+waM/ de dag ye shes byang chub sems/ /mngon byang lnga yi bdag nyid do/ / shel mdog dkar te 'od 'bar ba'i/ /ri bo nyi ma'i mdangs chags pa/ /bzhin 'dzum snum zhing nyams tshogs rgyas/ /chags tshul dar la bab pa bzhin/ /zhal phyag mtshungs zhing sngon dmar ser/ /g.yas na rdo rje rtse lnga 'bar/ /g.yon pa kha T+wAM dril bur bcas/ /'og ma gnyis kyis mda' dang gzhu//rin chen rgyan dang na bza' dang / /mgul du do shal dpung rgyan dang / /phyag zhabs gdu bu se mo do/ /mtshan dpe phyag rgya lnga yis mdzes/ /rdo rje rtse lnga'i phyag rgya ni/ /gnas lnga dag tu gtugs bya ste/ /sngags kyis bde gshegs thams cad kyi/ /sku gsung thugs sogs rnam par bsam//oM na maHsarba ta thA ga ta kA ya wAka tsit+ta gu Na karma badzra swa b+hA wa At+ma kou0f85haM/ lus kyi ba spu'i gnas rnams su/ /dkyil 'khor drug gi rdul phran gnas/ /mkha' dbyings dbang phyug phyag rgya yis/ /gnas kun byin gyis brlab par bya/ /oM d+harmA d+hA tu swa b+hA wa At+ma kou0f85haM/ rang 'od yum dang 'khril ba las/ /gsang gnas hUM dang As brgyan te/ /ye shes rdo rje phaT dang bcas/ /rtse mo nor bu 'bar bas mtshan/ /rnam thar pad+ma e dkyil can/ /mdog ser lte ba ze'u 'bru dmar/ /sa ma ya sogs brdas bskul nas/ /dza hUM baM hoHsa rol ba bya/ /oM pra be sha ya phaT/a la la la la ho/ /bde ba chen po'i 'od zer gyis/ /phyogs bcu'i rgyal ba mnyes mdzad de/ /'gro ba'i lus ngag yid rtog sbyangs/ /sku gsung thugs kyi rgyun gyis brjid/ /stong gsum til gang 'bru 'dra rnams/ /thams cad 'od kyis slar bsdus nas/ /sangs rgyas drug gi yi ger gyur//ba spu'i bu ga kun du thim/ /thugs ka'i gnas su zhu ba dag /bde ba chen po'i gnas nas bab/ /'dod chags chen po dga' ba'i mes/ /sku dang bcas pa 'od du gyur/ /sngon gyi goms shugs lha mo bzhis/ /phyogs bzhi nas ni bskul byas te/ /stong pa shin tu rnal 'byor yod med mthu//nam mkha' nyid du dam tshig nye bar gnas/ /bde gshegs bde bar gshegs pa bzhengs su gsol/ /rdo rje sems dpa' skal bzang dpal khyod bdag /ye shes gsal ba'i rgyud bskul nas/ /thugs rjes 'gro la dmigs mdzad de/ /rgyu yi rjes mthun mgon po'i sku//rdo rje sems dpa' bzhengs par 'gyur/ /mtshan ma rgyan sogs cha lugs dang / /sku mdog phyag mtshan snga ma bzhin/ /lus dang ngag sems rdo rje yis/ /mtshan ma'i phyag rgyar ldan byas te/ /thams cad 'byung ba'i sbyor ba yis/ /bdag gi lhar ni bdag nyid bya//oM AHhUM/ thugs gsal nyi ma la gnas pa'i/ /ye shes sems dpa' hUM sngags bcas/ /gsang ba'i phyag rgya rnam pa bzhis/ /las kun grub byed dngos grub gsal/ /'od zer 'phro 'du'i sbyor ba yis/ /ye shes dkyil 'khor spyan drangs te/ /thugs ka nas byung lha mo bzhis//bdud rtsi bum pas khrus byas nas/ /gnas gsum dbang bskur dri bral byas/ /slar 'dus tshangs bug gnas su thim/ /mthe bo sems dpa'i skyil mo krung / /mdzub mo gnyis ni rtse mo dgug /gung mo gnyis ni mnyam par sbyar/ /lhag ma rdo rje thal mo bya/ /spyi bo dang ni dpral ba dang /lhan pa gnyis dang ltag par sbyar/ /oM a b+hi Shiny+tsa maM/ sor mo thams cad nang du bsnol/ /rtse mo ngos rnams kun sprad nas/ /mthe bong rdo rjes mnan pa ni/ /sna dang mig phugs lta bu ste/ /gong bzhin mgo bo'i gnas lngar gtugs/ /rin chen thod phreng skur bcas 'gyur//hUM a b+hi Shiny+tsa maM/ sangs rgyas kun gyi rin chen mchog /dpung rgyan kun du brgyan par bya/ /oM rat+na mA le a b+hi Shiny+tsa trAM/ dbu rgyan bcings pas bcings nas ni/ /'gying zhing mtha' nas grol bar bya/ /oM pa Ta laM ba a b+hi Shiny+tsa hUM/ dar gyi mtha' ma dpyangs pa ltar/ /byas nas thal mo brdab par bya//oM badzra tu Sh+ye ho/ /khams gsum dag na rin chen gzhan/ /sangs rgyas rin chen lta bu med/ /sangs rgyas kun gyi rin po che/ /dbu rgyan can ni de bas mchog /gzhan gyi nor min mi 'phrog pa/ /lha yi chu ni dag pa ste/ /thod pa'i phreng ba'i dbu rgyan dang / sangs rgyas gtsug gi nor bu yi/ /rjes su chags pa'i rnam mang dga' ba'i pad+mo rnams/ /dga' ba mchod pas gsal bar rjes su mchod byas pas/ /mchog tu rtag pa'i rnal 'byor bde bas bde grub mdzod/ /e ma'o mchog tu bde ba'i dam tshig ngo bo nyid/ /mchog tu bde ba'i rnal 'byor skal bzang mchog dgyes pa//rang gi dam tshig rtag la rol cig rol cig ho/ /yab yum gsang gnas hUM dang dzaHsa/ /rdo rje pad+ma bskyed byas nas/ /ling+ga 'greng bar rang byung ba/ /brla yi dbus su gzhug byas te/ /ling ga rdo rjer byin brlabs nas/ /rdo rje sems sogs sku bstod do//byang chub sems de kun du dag /ma lus nye bar khyab byas nas/ /'dod par bya ba rab tu mnyes/ /'od 'dus thog ma'i gzugs la gzung / /gnas nas so so'i gdan dag la/ /chos kyi snying pos lha rnams bskyed/ /hUM las rdo rje sems dpa' ste/ /skyil krung dbus kyi gdan la'o/ / dzaHlas dpal ldan bde mchog ma/ /hUM las e ma bde mchog ma/ /baM las lha mo snang mdzad ma/ /hoHlas de bzhin slob ma'o/ /'di dag gtso bo'i phyogs bzhi yi/ /ri'u cha'i gdan la rim bzhin gnas/ /oM las sangs rgyas byang chub ma/ b+h+rUM las chos kyi 'khor lo ste/ /haM las khams gsum rnam rgyal yin//khaM las 'dod pa kun mdzad ma'o/ /'di dag shar la sogs pa yi/ /re'u mig 'khor lo'i rtse la gnas/ /oM las gling bu trAM pi wang / /paM las rnga chen rdza rnga ma/ /lha mo 'di bzhi me mtshams kyi/ /'khor lo'i rtse la rim bzhin gnas/ /a las me tog A spos ma//aM las mar me i dri chab/ /'di dag mtshams kyi gnas bzhi ru/ /rim pa bzhin du bskyed pa'o/ /dzaHhUM baM hoHsa sgo bzhi ru/ /rta mgrin 'phang mtho la sogs bskyed/ /b+ha gar ling+ga bcug byas nas/ /der ni mtshan ma bsgom par bya/ /rdo rje sems dpa' phyag rgya che/ / sku gnyis ldan pa spro bar bya/ /oM ma hA su kha badzra satwa AHdzaHhUM baM hoH/ su ra ta s+t+waM dza/ shes rab pha rol phyin pa dang / /thabs la mkhas pa'i phrin las kyis/ /'dul phyir rdo rje sems dpa' ni/ /skye ba dag gi rigs yin no/ /bde mchog 'gying bcas gar mdangs can/ /g.yon pas gzhu 'dzin g.yas mda' 'dren//rin chen phreng mdzes gos rgyan bklubs/ /phyogs bcur 'gro ba'i don dbyung spro/ /dzaHbadzra tiSh+ThA sa ma ke madz+dza/ mthar phyin rigs mthun las mdzad ma/ /slar 'dus shar gyi gdan la gnas/ /e ma bde ba gser gyi mdog /g.yas pas ling+ga rdo rje mtshan//g.yon pas b+ha ga rin chen snod/ /bde spros 'gying bcas lho phyogs su/ /hUM badzra kI li kI la hUM dz+dza/ snang mdzad dmar po g.yas pa na/ /sna tshogs rdo rje g.yon dag gis/ /'gying bcas thod pa'i snod bdud rtsi/ /kha T+wAM ga rten nub phyogs gnas/ / baM badzri ni sma ra rata dz+dza/ slob ma mo ni mdog ljang ser/ /g.yas kyis mda' bcas bdag po 'khyud/ /g.yon pas dkyil tshul bdud rtsi'i snod/ /sangs rgyas sku 'dzin byang gi phyogs/ /ho badzra kA me shwa ri traM dza/ kun kyang rgyan bcas zhi ba'i mdangs/ /'od kyi dkyil 'khor 'bar bas mdzes//chags pa bzhin 'dzum stegs pa'i mchog /bdag po chags tshul skul bar byed/ /sangs rgyas byang chub dkar mdangs dmar/ /tshangs pa'i mgo bzhis mtshan pa yi/ /mda' bzhi dus gcig 'phen pa'i tshul/ /'phro 'dus 'khor lo'i shar phyogs gnas/ /oM a ha ma du badzri g+huM g+huM dz+dza/chos kyi 'khor lo dkar mdangs ser/ /g.yas pa'i gung mo'i rtse mo la/ /'khor lo rtse brgyad gnyis brtsegs bstod/ /'khor lo'i lho phyogs rtse la gnas/ /oM badzra me g+he gu lu gu lu bruM dz+dza/ khams gsum rnam rgyal dmar skya'i mdog /g.yas gnyis tri shUl rtse gsum stong //g.yon pas rdo rje rtse lnga 'dzin/ /gar mdzad 'khor lo'i nub phyogs gnas/ /oM ma hA sha ra ti badzri oM oM dz+dza/ 'dod pa'i dbang mo ljang gu'i mdog /phyag gnyis dpag bsam me tog shing / /lcug ma rlung gis bskyod pa 'dzin/ /gar mdzad 'khor lo'i byang du gnas//oM khaM badzra shi shi ri hUM hUM dz+dza/ gling bu sngon mo rdo rjes mtshan/ /sna tshogs sgra sgrogs me yi phyogs/ /e he ra ti badzra bi la si ni tra Ta dz+dza/ pi wang ser mo rdo rjes mtshan/ /glu dbyangs drug ldan bden bral phyogs/ /he ra ti badzra te te teM dz+dza/ rdza rnga dmar mo rdo rje'i rnga/ / brdung mdzad rlung mtshams la gnas pa'o/ /he ra ti badzra hA sa ha baM dza/ rdza rnga ljang gu rdza rnga la/ /rdo rjes mtshan brdung dbang ldan phyogs/ /he ra ti badzra nraM t+ye pe pa pe pa dzaM dz+dza/ me tog dmar ser rdo rjes mtshan/ /gzhong thogs me yi mtshams su gnas/ /oM badzra puSh+pe dz+dza/ spos me dkar sngon rdo rjes mtshan//spos thogs bden bral mtshams su gnas/ /oM badzra d+hU pe dz+dza/ mar me dmar mo rdo rjes mtshan/ /gsal 'dzin rlung gi mtshams su gnas/ /oM badzra A lo ke dz+dza/ dri chab ljang gu rdo rjes mtshan/ /dga' 'thor dbang ldan mtshams su gnas/ / oM badzra gan+d+he dz+dza/ rta mgrin 'phang mtho dkar mdangs can/ /lcags kyu rta mgo ljang gu shar/ /oM badzra aM ku sha dz+dza/ phag gdong nag mo zhags pa g.yon/ /g.yas pas mche ba lho yi sgor/ /oM badzra pA sha hUM dz+dza/ snang ba dmar mo phyag gnyis kyis/ /nyi zla lcags sgrog nub kyi phyogs//oM badzra shriM kha le baM dz+dza/ thal byed ljang gu g.yas dril bu/ /g.yon pas b+han+d+ha sku bcas byang / /oM badzra gaN+De hoHdz+dza/ lha mo 'di dag mdzes pa'i mdangs/ /rin chen rgyan dang phreng bas brgyan/ /kun mkhyen ye shes las grub phyir/ /dkyil 'khor lha rnams thams cad kyi//mig la sangs rgyas rnam snang mdzad/ /rna ba rdo rje nyi ma rgya/ /kha la pad+ma gar dbang phyug /sna la rta mchog rol pa mchog /yid la rdo rje he ru ka /lus la rdo rje sems dpa'o/ /gnas gsum phyag rgya'i tshogs ldan zhing / /thugs kar ye shes sems dpa' gnas/ /rang rigs dkyil 'khor spyan drangs nas//dbang bskur rigs kyi mtshan ma bsam/ /lag gnyis gar thabs bskyed byas te/ /g.yas g.yon mdun rol bskor bar bya/ /rdo rje bcing ba'i rgya gnyis las/ /rdo rje se gol brdab par bya/ /dmigs med mkha' ltar dag pa khyab pa'i sku//spyan 'dren gshegs su gsol bar mi dmigs kyang / /thugs rje'i ngang nyid chos sku dag pa las/ /ye shes sgyu mar rol cing gshegs su gsol/ /bsnyengs pa mi mnga' stobs bcu'i shugs ldan zhing / /ma 'dres sangs rgyas chos rnams rab tu rdzogs/ /dpa' bo chen po longs spyod rdzogs pa'i sku//mkha' 'gro kun dang thabs cig gshegs su gsol/ /thugs rje chen po'i sku mnga' gsung gnyis rdzogs/ /mi 'jigs thugs mnga' seng ge bskyod du med/ /gdug pa'i tshogs mang zil gyis gnon mdzad pa/ /bcom ldan 'gro la brtse slad gshegs su gsol//dzaHhUM baM hoH/ e h+ye hi b+ha ga bAn/ ma hA ka ru Ni k-i D-i sh+ya ho sa ma ya s+t+waM/ rdo rje gar las byung ba yi/ /dgug gzhug bcing dang pad+ma'i rgya/ /bde gshegs pho brang dkyil 'khor 'dir/ /'gro ba ma lus bsgral ba'i phyir/ /don gyi dbang gis dgongs nas kyang //'khor bcas gshegs shing bzhugs su gsol/ /oM AHhUM/ kA ya bAka tsit+ta tiSh+Tha badzra hUM/ dpal ldan g.yon pa 'gying ba'i thabs/ /g.yas pa ba dan gsum pa phyar/ /sri zhur bcas shing steg pa'i mchog /bdag nyid rdo rje sems dpa' dpal//'dzum dang bcas pa'i mig gis blta/ /bsam g.yos thal mo sbyar bar bya/ /sgyu 'phrul dga' ba'i rdo rje rol mo'i tshogs/ /gzhan la snang ba'i dkyil 'khor rnam par mdzes/ /tshangs pa'i tshogs rnams zil gyis gnon mdzad pa'i/ /rtog pa du ma'i sgro 'dogs gcod par mdzad//gnyis med ye shes gnyis can rnam mtha' yas/ /snang stong gnyis med bde chen dbyings la rol/ /kun 'byung yon tan stsol med lhun 'grub snang / /rgyan gyi dkyil 'khor rnam bkod rang las byung / /mdzad pa rgya chen grogs med kun grub pas/ /tshogs bcas rol pas bya ba kun rdzogs mdzad//sna tshogs sku sprul rigs kyi sku gnas mchog /zab cing rgya che gsung dbyangs rdo rje'i glu/ /ye shes zag med thams cad mkhyen pa'i thugs/ /rin chen tshogs kyis legs spras kun 'byung zhing / /bdag gzhan spyod tshogs las rnams 'bras mthar phyin//dkyil 'khor mdzes pa'i lha la phyag 'tshal lo/ /oM AHhUM/ a ti b+hu ho/ /sarba ta thA ga ta naM kA ro ya mi a la la ho/ /oM a ti b+hu hUM/ ta thA ga tA sa ma yo ga sid+d+hi AHhUM/ skad kyi gsangs ni mtho dman dang / /gre 'gyur hUM bcas sogs pa'i glus/ /'gying la sogs pa'i tshul bcas nas//ji lta'i tshul bzhin gar byed cing / /bskor ba'i gar rnams sna tshogs kyis/ /mchod pa thams cad dbul bar bya/ /oM pa na pe na pe nu su ra ta/ di pu par mu/ sarba ta thA ga ta/ sa ma yo ga sid+d+hi AHhUM/ gyen du 'thor dang thur du 'bebs/ /gsal med 'degs sogs so so'i rgya//gling bu dang ni rgyud gcig dang / /rgyud mangs rgyud drug sil snyan brdung / /dngos 'byor 'phrul pa gang yang rung / /rigs kyi dkyil 'khor mnyes par bya/ /oM AHhUM/ rab tu dga' ba'i bdag la phyag 'tshal lo/ /de bzhin gshegs pa dam pa grub par mdzod//dam tshig dam pa grub par mdzad du gsol/ /mchod pa chen po thams cad dag par mdzod/ /mchod pa chen po thams cad grub par mdzod/ /a la la ste mchod par 'bul/ /a la la ste dam tshig bskangs/ /a la la ste dgyes par mdzod/ /a la la ste dngos grub stsol//dgyes mnyam longs spyod mchog la rol/ /oM shrI rA ga hUM/ a badzra[(] buSh+pe [,]puSh+pe [)]hUM/ a badzra d+hU pe d+hu/ a badzra A lo ke hrIHa badzra gan+d+hegaM/ oM he ra ti badzra bi la si na tra Ta/ he ra ti badzra g+hi te te teM/ he ra ti badzra hA se ha ha peM/ he ra ti badzra nr-i t+ya pe pe pe pa dzaM/ a la la la la ho/ /tshad med bzhi yi phyag rgya yis//dkyil 'khor mdun bskul g.yo byas nas/ /dga' ba'i khams snyoms 'od dpung tshogs/ /ma 'dres so so'i gnas su bstim/ /hUM sems dpa' sangs rgyas kun gyi dngos/ /rdo rje sems dpa' bde ba'i mchog /gsang ba mchog gi dgyes pa na//thams cad bdag nyid rtag tu bzhugs/ /bde ba kun la zhen pa dang / /dngos grub thams cad rnam dag phyir/ /rdo rje sems dpa'i bde ba'i mchog /zla ba nya ltar rtsa dmar sku/ /'dod chags kun la chags pa'i phyir/ /chags pa chen po'i bcom ldan 'das/ /rdo rje sems dpa'i phyag rgya 'di//dmar po sna tshogs 'bar ba'i 'od/ /ba dan gsum pa'i phyag rgya yis/ /rdo rje rtse lnga thugs kar bstod/ /kha T+wAM ba dan dril bskyod sgra/ /'gying tshul sku yi gnas su brtan/ /lhag mthong thabs kyi mnga' gsor zhing / /zhi gnas shes rab gzhu yis mdzes//g.yas dang g.yon gyi sbyor ba yis/ /bde ba'i cha lugs gar byed cing / /sems dpa'i skyil mo krung bcas nas/ /dpung rnams thams cad rab tu 'joms/ /oM ma hA su kha badzra satwA aH/ dzaHhUM baM hoH/ su ra ta s+t+waM/ ma hA sU tra hUM s+t+waM/ zla ba'i kha dog 'dzum pa'i zhal//dngos grub thams cad dag pa dang / /pad+mo 'dod chags rnam dag phyir/ /brla yi dbus ni dkar la dmar/ /phyag mchog lo ma sngon po 'dra/ /de bzhin bde ba'i dbang phyug dang / /bde bar reg pa'i dbang phyug pas/ /dkar zhing ser ba'i brla dang ldan//lha rdzas sna tshogs kha dog mchog /'bar ba sna tshogs 'khrugs pa'i 'od/ /pad+mo sna tshogs la gnas pa/ /thams cad dag par rab tu gnas/ /sangs rgyas pad+ma la sogs mchog /rin chen sna tshogs rgyan dang gos/ /sangs rgyas thams cad 'dus pas so/ /mi mjed la sogs brgyan pa bzhin//bya ba dang ni bzlog pa dang / /dbrog pa dag kyang khyab par mdzad/ /bdag la 'khyud pa'i phyag rgya yis/ /yan lag thams cad 'phrog pa 'grub/ /dzaHbadzraM driSh+Ti sa ma ya ke ma Ta/ ma hA mutra hUM/ rnam pa sna [(]tshog [,]tshogs [)]dam tshig chags/ /bde ba 'bab pa'i gar byed pa//bdag la 'khyud pa'i phyag rgya mchog /dbus kyi lha mchog chen mo'o/ /hUM badzra kI li kI li hUM/ mahA mu tra hUM/ se ral kha yi tshul dag tu/ /rdo rje kha T+wAM ga bzung ste/ /bdag la 'khyud pa'i phyag rgya ni/ /pad bcas rdo rje rgya gram mchog /baM ba dzri Ni sma ra rata Ta/ mahA mu dra hUM/ rdzogs sangs rgyas kyi kham phor grub//bdag la 'khyud pa'i phyag rgya yis/ /rdo rje sems dpa' dpal sbyor ba/ /dbus kyi lha mo mchog chen mo/ /hoHbadzra kA me/ shwa ri trAM/ ma hA mu dra hUM/ gtsug lag ji lta'i rjes mthun par/ /dpal rdzogs rgya che gar dag gis/ /mda' bzhi yongs su 'phang nas ni/ /bdud bzhi las ni rgyal bar 'gyur//oM aM ma du badzri g+huM g+huM/ ma hA mu dra hUM/ rkang pa bteg cing phang pa dang / /bshig ste 'phang pa'i stabs dag gis/ /'khor lo'i phyag rgya bstod nas ni/ /khams gsum dag las mchongs par 'gyur/ /oM badzra me g+he gu lu gu lu hUM/ ma hA mu dra hUM/ bya ba dang ni bzlog pa dang //dbrog pa dag gi khyad par du/ /sna tshogs [(]phrag [,]phyag [)]rgya gar byed cing / /khams gsum dag ni bsdu bar bya/ /oM ma hA shwar da badzri oM oM/ ma hA mu dra hUM/ lcags kyus gang yang rung bzung nas/ /bdag la 'khyud pa'i phyag rgya yis/ /bud med thams cad rtsen nas ni/ / dpag bsam shing dang yongs su 'grub/ /oM khaM badzra she shi ri hUM hUM/ ma hA mu dra hUM/ gling bu len pa'i tshul ston cing / /ji ltar 'bab pa'i gar byed pas/ /stabs gtugs glu bcas bsgyings pa'i tshul/ /yid 'phrog sngags kyis las mdzad pa'o/ /oM he ra ti badzra bi la si na tra Ta/ ma hA mu tra hUM/pi wang len pa'i tshul ston cing / /ji ltar 'bab pa'i gar byed pas/ /sna tshogs bsgyur cing de don 'phrul/ /dga' dbyangs bsgyur bas gnas gsum bskyod/ /he badzra g+he te te teM/ ma hA mu dra hUM/ cang te'i tshul ston rnal 'byor pa'i/ /ji ltar dbab pa'i gar byed pas/ /sku gsung theg chen rgyud ston pa'i//phyag rgya gar gyis kun las rgyal/ /oM he rA ti badzra hA se ha ha paM/ ma hA mu dra hUM/ rdza rnga'i tshul ston rnal 'byor pa/ /ji ltar 'bab pa'i gar byed cing / /g.yas g.yon mdun rgyab blta ba'i bzhin/ /bzhi sbyor glu bcas kun bstan pa'o/ /oM he rA ti badzra nr-i te pe te pe pe paM dzaHma hA mu dra hUM/cang te'u'i tshul ston rnal 'byor pas/ /sbyin pa'i mchog gnas rnam par grol/ /gzugs mchog lha rdzas me tog rgya/ /sa gzhi mdun rol g.yas g.yon bstod/ /sna tshogs dpung pa 'thor byed pa'o/ /he ra ti badzra puSh+pe/ ma hA mu dra hUM/ tshul khrims dri mchog tshim byed pa'i//bdud mchog spos legs sbyar ba'i mchog /g.yas skor bteg te phyogs bcur bsgyur/ /mdun du phyogs par sngo byed pa'o/ /oM badzra d+hU pa ma hA mu dra hUM/ bzod gsol shes rab ting nge 'dzin/ /mun tshogs gsal byed mar me'i rgya/ /kun du bskor ba'i gar bsgyur zhing //thugs ka'i mtshan ma gsal ston pa'o/ /oM badzra A lo ke /ma hA mu dra hUM/ brtson 'grus rtse gcig 'gyur ba med/ /chos kun dag byed byug pa'i dri/ /srin mtheb rang gnas rtse gsum 'thor/ /phyogs kun dngos ni bcos dag 'gyur/ oM badzra gan+d+he/ ma hA mu dra hUM/pad+ma can de'i bdud rtsi bstod/ /myang ba rngub pa ltar byed pa'i/ /lcags kyu'i phyag rgya rdo rjer bcas/ /'gugs pa'i tshul las grub pa'o/ /oM badzra aM ku sha dzaHma hA mu dra hUM/ rdo rje mche ba 'jigs pa'i rgya/ /sna yi myang ba'i rngub pa yis/ /rin chen zhags bcas gsol ka'i tshul//rang gi las la sbyor byed pa'o/ /oM badzra pA she hUM/ ma hA mu dra hUM/ rdo rje lcags sgrog nyi zlar bcas/ /mig btsums zhen par blta ba yis/ /khams gsum kun la gzigs pa'i rgya/ /phyag rgya'i las kyis bsten byed pa'o/ /oM badzra shriM kha le baM/ ma hA mu dra hUM/ mtshan ldan sku mchog bdud rtsis bkang / /thams cad bdag nyid myang ba yis/ /stong pa gsung dbyangs rgyun mi 'chad/ /thal 'jig rgyud rnams slar 'tsho mdzad/ /oM badzra g+haN+De hoHma hA mu dra hUM/ rdo rje sems dpa' skal bzang dpal khyod bdag /bdag cag sgrub la rtog par mdzad du gsol//kye de bzhin gshegs pa kun gyi bdag nyid bde/ /mkha' 'gro sgyu ma sna tshogs bde ba'i mchog /'gro ba'i rgyud rnams rnam pa sna tshogs 'dul/ /dngos grub bdag la grub par mdzad du gsol/ /a la la ho/ /de bzhin gshegs pa'i sbyor ba rnams/ /rnam pa sna tshogs gar rnams bstan du gsol//dzaHhUM baM hoH/ kye bde ba chen po'i mchog kun gyi/ /bde bas zung la rnam par 'phrul par mdzad/ /hUM snang bar mdzad du gsol/ /a la la ho/ /bde gshegs mkha' 'gro slob ma gzung du gsol/ /mtshan ma'i yi ge pad+ma'i dkyil/ /kun gyi rtse la bsgom byas nas/ / 'od zer 'phro 'du'i sbyor ba yis/ /rang sngags chos kyi phyag rgyar bcas/ /oM na mo badzra sarba stu ta sarba bud+d+he b+h+yaHhUM swA hA/ rdo rje sems dpa'i dkyil 'khor gyi/ /sbyor ba'i sngags kyi mthu dag gis/ /la sogs mchod pa ma lus pa/ /lus pa med par kun la sbyar/ /mdzub mos mthe bo mnan nas ni//rang gi mthe bos mdzub mo mnan/ /dpal grub can gyi phyag rgya ste/ /mdzub mo mig gi 'bras bur bya/ /rdo rje thal mo mnyam sbyor nas/ /khong stong du ni byas nas su/ /gsang sngags dam tshig sbyor bzhag ste/ /rim bzhin mtha' nas grol bar bya/ /oM badzra satwa sa ma ya/ ma nu pA la ya/badzra satwa twe no pa tiSh+Tha/ draM D+ho me b+ha ba/ su to Sh+yo me b+ha ba/ a nu rak+to me b+ha ba/ su po Sh+yo me b+ha ba/ sarba sid+d+hiM me pra yats+tsha/ sarba karmA su tsa me/ tsit+taM shre yaHku ru hUM/ ha ha ha ha ho/ /b+ha ga bAn/ sarba ta thA ga ta/ badzra mA me muny+tsa/ badzrI b+ha ba ma hA sa ma ya satwa AH/ srin lag mthe'u chung yan lag dbus/ / mthe bo legs par gzhag par bya/ /de nas khu tshur bcings nas ni/ /mdzub mo legs par dgug par bya/ /gsang sngags la sogs sbyor byas pas/ /so so'i las la gzhug bya ste/ /las kyi phyag rgya'i 'ching grol gyis/ /rang gi phrin las kun spyod pa'o/ /dman pa'i phyag rgya rnam pa bzhis/ / dngos grub sna tshogs las sbyor ba'o/ /bde bar gshegs so bcom ldan 'das/ /rgyal ba rgya mtsho ye shes kyis/ /srid pa'i rgya mtsho mtha' yas kun/ /kun bzang mchod sprin mchog tu rol/ /oM na maHsarba ta thA ga te b+h+yo/ /bi shwa mu khe b+h+yeHsarba tad+khaM ung+ga te hi maM ga ga na khaM swA hA/ oM 'byung ba lnga las thams cad 'byung //rang las ma byung gang yang med/ /gtsang sme'i dri rtog kun bral ba'i/ /bdud rtsi byang chub sems chen pos/ /bdag sogs gnyis med mchod pa'i phyir/ /mnyam pa chen pos gnas la rol/ /hUM ma hA su kha bo d+hi tsit+ta a la la ho a la la ho/ /oM mnyam med mi g.yo mnyam nyid mchog gi chos nyid can//thugs rjes bdag nyid 'gro ba'i sdug bsngal sel bar mdzad/ /yon tan mtha' yas dngos grub thams cad sbyin mdzad pa/ /dri med mi g.yo mnyam pa med pa'i chos mchog can/ /oM yon tan shin tu phra ba'i cha la'ang tshad med de/ /dpe ni nam mkha' dang yang bskrun du yod ma yin//dngos grub mtha' yang mnyam med dpe dang bral ba rnams/ /sems can khams la dngos grub mchog rnams nges par stsol/ /oM rtag tu dri ma med pa'i thugs rje shugs las byung / /smon lam grub pa 'gag pa med pa'i chos nyid can/ /'gro ba'i don grub rab tu brtson pa mtha' yas pa//thugs rje chen po'i bdag nyid rtag tu rnam par snang / /oM tshad med tshad dang bral ba shin tu rdzogs pa yis/ /bde bar gshegs pa'i go 'phang dam pa brnyes gyur kyang / /khams gsum rnams la dngos grub mchog tu stsol mdzad cing / /thugs rje'i spyod pa mi g.yo 'gag par yongs mi 'gyur//oM e ma'o shin tu bzang po'i dngos grub mchog dang ldan/ /mchog sbyin rnams kyi nang na go 'phang mchog brnyes pa/ /khams gsum rnams la rtag tu dngos grub mchog stsol mdzad/ /mgon po dus gsum bsgrib pa med par rab mkhyen pa/ / dam tshig mchog gsum dngos grub dam pa bdag la stsol/ /oM phyogs bcu nam mkha'i mtha' klas par/ /sems can kun gyi don sgrub la/ /ji ltar thugs kyi dbang phyug bzhin/ /de nyid spyod par bdag gyur cig /ji srid thog ma med dus nas/ /'khor ba yi ni mthar thug par//de srid sems can phan pa nyid/ /mtha' yas spyod par bdag gyur cig /sngags kyi tshul gyis sems can rnams/ /de tshe bdag gis dul 'gyur zhing / /kun gyis rig 'dzin gnas [(]thong [,]thob [)]nas/ /de nyid mgon po mthong bar shog /lha rnams kun gyi gnas zhugs pa'i//ye shes sems dpa'i sngags 'khor lo/ /nyi zla rten dang brten pa'i sngags/ /'khor lo'i tshul ldan shes rab thabs/ /yi ge mtshan ma sku yi gnas/ /yan lag rnam gsum ldan byas te/ /gsal ba nyid kyi sgo nas brtsam/ /bgrang ba las ni 'das pa'o/ /rtse gcig gnas su 'khor ba dang //las dang rgyu dang 'phro ba las/ /mchod bskul las mdzad bsdu byed cing / /dkyil 'khor gsal bar gyur pa'o/ /oM badzra satwa ma hA sa ma ya AHhUM swAhA/ thun mong gi gsang sngags yi ge bcu bzhi pa'o/ /so so'i las la snyoms zhugs nas/ /rang gi thun mtshan sngags yig bcas//'phro 'dus rang gi las mdzad nas/ /sku gsung thugs kyi gsal grub pa'o/ /oM ma hA su kha badzra satwa AH/ dzaHhUM baM hoH/ su ra ta s+t+waM/ khyad par gyi snying po yi ge bco brgyad pa'o/ /sngags gzhan rim bzhin gsal ldan pas/ /go rims 'khrul med bzlas brjod bya//las rdzogs mchod bstod bskul byas nas/ /rang gi gnas su bsdu bar bya/ /thun mtshams gzhan du bsam bya ba/ /bzlas brjod khyad par phyed pa'i tshad/ /bzhi'am drug tu rim bzhin bzla/ /kun bzang mchod pa nas brtsams te/ /de mthar phyin pa'i las rdzogs nas/ /glu gar dbyangs kyis dngos grub bskul//rigs kyi dkyil 'khor gsal byas nas/ /tshogs gnyis rdzogs par sgrub byed pa'i/ /tshogs kyi dga' bde'i longs spyod kyis/ /rnal 'byor bcas pa mnyes par bya/ /lha rnams mnyes shing tshim pa dang / /las kun bsgrub par bya ba'i phyir/ / las rnams ma lus bsdus pa yi/ /sbyin sreg cho ga rgyas par brtsam/ /rta mchog mkha' 'gro 'khor bcas la/ /lhag pa'i mchod pas mnyes byas nas/ /rang gi las la sbyar bya ste/ /dngos grub don phyir mtshams su gzhag /nang par dkyil 'khor mchod bstod cing / /bskor bcas rgyun du bshags te gdon//ye shes dam tshig gnyis med bsdu/ /rdul tshon gtsang ma'i gnas su gzhag /rdo rje sems dpa' dpal sbyor ba/ /ji lta'i gzugs dang dbyibs su ldan/ /bde ba nyid kyis kun du bdag /kun gyis bdag la gzhug par bya/ /chags pa med cing ma chags med//dbu mar yang ni dmigs su med/ /bud med kun gyi rgyu sbyor 'di/ /gnyis su med pa'i theg pa'i mchog /mnyam nyid dkyil 'khor kun gyi gzhi/ /don dam bde ba chen po'i sku/ /de bzhin nyid dbyings ye shes kyi/ /lha nyid brtson pas bsgom par bya//mdzod gnas dpa' bo'i gzugs brnyan mchog /rin chen sna lnga'i phreng bas 'khrigs/ /tshon gang zla nyi'i gdan la gnas/ /pho brang sgo bzhi gdan pad+ma/ /chos kyi snying po nyi shu gcig/ /zla mdangs 'khor lo'i tshul 'chang ba'o/ /mi gsal gsal ba'i rnam par brtag /'phro 'dus rigs kyi skur rdzogs shing / /rgyan chas cha lugs gsal byas te/ /rang gi phrin las spro byed pa'o/ /phyag rgya bzhi rdzogs dbang bskur ldan/ /ye shes dkyil 'khor gnyis med bstim/ /mchod bstod las la bskul gsal 'grub/ /yun ring mtshan ma lnga yi mthar//dkyil 'khor rgyas pa la dmigs te/ /kun gyi gsang ba'i mdzod rgyas par/ /dmigs pa gcig bzhin gsal ba ru/ /brten par gyur nas spro bar bya/ /rgya cher gnas gsum rdo rje la/ /bum pa'i khang par dkyil 'khor bsgom/ /rim bzhin gtso bo'i rnam pa gnas//'khor gyi lha mo mthar thug par/ /dkyil 'khor gnyis med rdzogs pa'i mthar/ /mnyes mdzad 'gro ba'i don la sbyar/ /dpa' bo mtshan ma gsang gsum sngags/ /'phro 'du'i phreng ba kun 'khor bas/ /'gal me'i 'khor lo'i rnam pa bzhin/ / gnas kun bar chad med par brtsam/ /smig rgyu du ba srin bu me/ /mar me zla nyi'i 'od bzhin du/ /thig le rgyas pa'i dkyil 'khor gyis/ /phyag rgya chen po'i lam la sbyor/ /gnyis med rol pa'i mkha' gsang du/ /gtso bo'i mtshan ma gsal gyur nas/ /bum par rten dang brten pa'i lha//gtso bo nas bzung rim par bsgom/ /phyag rgya rgyan chas cha lugs kyi/ /rigs kyi dkyil 'khor rdzogs pa dang / /phyag rgya bzhis mtshan dbang bskur 'bras/ /skye mched byin brlabs gsal bar bya/ /ye shes lha dang sbyor gnas nas/ /dman pa'i phyag rgya bzhi yis gdab//mchod bstod 'gro ba'i don spro ba/ /rim bzhin mtshan ma lnga yi bar/ /lha rnams kun sbyor gnas rgyas par/ /rnam gcig bskul gsal ji lta bar/ /spro dang bsdu ba'i tshul brtan pa/ /phra rags dkyil 'khor mthar phyin pa'o/ /des ni phrin las dngos grub kyi//phra mo'i las kun brtsams pas 'grub/ /de ltar thig le phra mo'i tshul/ /dkyil 'khor lha yi rnam dag gi/ /mtshan mas dmigs pa sbyang byas te/ /chos sku'i phyag rgya chen por gnas/ /gang zag bzhi yi dbye ba yis/ /rang gi phrin las sbyor ba'i mthus/ /bsnyen sgrub yan lag bzhi rdzogs te//mchog gyur phyag rgya bzhi mthar phyin/ /bsnyen sgrub sbyor ba bzhi dag gis/ /dang po'i dkyil 'khor mnyes byas pa/ /spyi yi bsnyen pa dang po ste/ /thun mong bzhi yi dkyil 'khor yin/ /rnal 'byor de nyid bcom ldan 'das/ /rdo rje sems dpa' bsgrub 'dod pas//bar chad med par zhi rgyas dbang / /phrin las sna tshogs sgo dag nas/ /nye ba'i bsnyen pa brtsam pa'i phyir/ /dkyil 'khor bzhi yi las la 'jug /dang po zhi ba chen po'i las/ /rgyud sbyang bsrung zhing lhag gnas dang / /dngos grub shis pa brtag pa'i phyir/ /rnam snang dkyil 'khor nye bar bsnyen//de bzhin nyid nas brtsam bya ste/ /phreng bas brgyan pa'i bar du bsgom/ /nang gi dkyil 'khor dbyings dag ni/ /re'u mig zlum po 'khor los brgyan/ /'khor lo'i phreng bas rnam par spras/ /sna tshogs pad+ma'i gdan gyis mtshan/ /phyi rol ra ba dur khrod dang //kun 'byung khor yug tu bzhis mtshan/ /mngon par byang chub rnam lnga yis/ /mgon po rgyu yi sems dpa' bskyed/ /sku mdog rgyan cha nas bzung ste/ /byin rlabs rdzogs pas dag par bya/ /rang 'od rig ma bskyed pa nas/ /lha mos bskul ba'i mthar thug brtsam//thugs rjes 'gro ba'i rgyud gzigs te/ /khaM dang 'khor lo las byung ste/ /zhing oM b+h+ruM khaM gis bskyed pa'i/ /'dul phyir rnam snang mdzad du gyur/ /gser mdog zhal bzhi phyag bzhi mdzes/ /zhal gsum dkar dmar ljang gu'i mdog /chos kyi 'khor lo'i rtsibs rnams la//sna tshogs mtshan mas brgyan pa'am/ /lhung bzed khar gsil chos gos dang / /dam pa'i chos kyi glegs bam 'dzin/ /rin chen sna tshogs rgyan dang gos/ /mtshan dpe phyag rgya lnga yis spras/ /sku gsung thugs kyi rdo rje dang / /ye shes sems dpa' sngags dang bcas//sangs rgyas kun gyis dbang bskur zhing / /dbu la rigs kyi bdag pos brgyan/ /rdo rje thal mo mnyam sbyar te/ /lag gnyis nor bu rin chen du/ /ji ltar rigs pas mnyam sbyar nas/ /mdzub mo mthe bo rtse mo bzhi/ /yongs su bsgyur te bteg nas su/ /dpral ba'i gnas su gzhag par bya//oM a b+hi Shiny+tsa mAM/ rin chen myu gu 'khor lo'i phreng / /dar dpyangs dgyes pa'i thal mor bcas/ /rang 'od yum dang 'khril ba nas/ /gnas nas khaM dang shaM brgyan te/ /ling+ga 'bar ba'i rin chen phaT/ /rtse mo 'khor lo rnam par mdzes/ /rnam thar pad+ma e dkyil can//mdog ser lte ba ze'u 'bru dmar/ /sa ma ya sogs brdas bskul nas/ /dzaHhUM baM hoHsa rol pa bya/ /ling+ga 'greng ba rang 'byung ba/ /brla yi dbus su gzhug byas nas/ /ling+ga mtshan mar byin brlabs te/ /rdo rje dbyings dag sngon skye'o/ /gsang gnas so so'i gdan dag la//chos kyi snying pos lha rnams bskyed/ /khaM las rnam par snang mdzad nyid/ /dbus kyi gdan la bsgom par bya/ /shaM las sangs rgyas dbyangs ma ste/ /raM las de bzhin dpal mo ma/ /maM las kun du bzang mo yin/ /thaM las zad med snod 'dzin ma'o/ /'di bzhi'i gtso bo'i phyogs rnams su/ / pho brang pad+ma bzhi la gnas/ /haM las sangs rgyas sku ldan ma/ /tshaM las lha mo zhal mdzes mo/ /traM las de bzhin sprin chen mo/ /daM las nam mkha'i spyan ma yin/ /gling bu ma sogs lha mo rnams/ /rdo rje sems dpa'i dkyil 'khor bzhin/ /b+ha gar ling+ga bcug byas nas//der ni mtshan ma bsgom par bya/ /rnam par snang mdzad gzugs 'dra ba'i/ /sku gnyis ldan pa spro bya'o/ /oM b+h+rU khaM dz+dza/ phyogs bcur don byas 'dus pa dag /gtso bo yab yum la gzhug bya/ /sangs rgyas dbyangs ma chu shel mdangs/ /rgyan mdzes lce yi phyag rgyas mtshan//oM badzra satwa shaM dz+dza/ dpal mo gser mdog phyag gnyis kyis/ /cha lang 'khrol zhing gar mdzad pa'o/ /oM badzra rat+na raM dz+dza/ kun du bzang mo dmar gsal mdangs/ /phyag gnyis rdo rje rin po che/ /oM badzra d+harmA maM dz+dza/ zad med snod 'dzin sna tshogs mdog /rgyan chas snod dang dung 'dzin pa'o//oM badzra karma thaM dz+dza/ 'di bzhi dbus kyi lha mo ste/ /phyag rgya'i sku dang 'khril bar bzhugs/ /sangs rgyas sku ldan me long mdog /phyag gnyis mi bskyod thugs kar 'dzin/ /haM satwa badzra dz+dza/ zhal mdzes sngo skya phyag gnyis kyis/ /me long mdangs gsal rlung yab 'dzin//tshaM badzra rat+ne dz+dza/ sprin chen bai dUr+ya mdog phyag /rdo rje'i sprin las ser ba 'bebs/ /taM badzra pad+me dz+dza/ nam mkha'i spyan ma gur gum mdog /phyag na pad+ma la gnas spyan/ /daM bi shwa badzra dz+dza/ 'di dag phyogs kyi 'khor lo la/ /rim pa bzhin du dgod par bya/ /lha mo 'di dag mdzes pa'i mdangs//rin chen dar dang phreng bas brgyan/ /byin brlabs dbang bskur rdzogs byas pas/ /dam tshig dkyil 'khor gsal bar gyur/ /sbyor bas rang rig dkyil 'khor bskul/ /zhi ba'i tshul bcas mdun du bzhugs/ /rdo rje dpal gyi thal mo bsgyur/ /bsam pa g.yos pas phyag rgya'o//oM a ti b+hu oM/ /gar bsgyur rdo rje thal mo bsgyur/ /g.yon skor spyi bo'i mtshams su gzhag /skal bzang oM zhes bya ba'i glu/ /mchod pa thams cad dbul bar bya/ /tshad med bzhi yi sbyor ba yis/ /lha rnams gnyis su med par gyur/ /oM rnal 'byor de nyid bcom ldan 'das//rdo rje sems dpa' de bzhin gshegs/ /thar pa thams cad rnam dag phyir/ /sangs rgyas phyag rgya dpal du gnas/ /don dam rnam par dag pa'i phyir/ btso ma gser gyi kha dog bzhin/ /chags med la sogs chags chen phyir/ /dkar zhing sna tshogs gsal ba'i mdangs//chos kyi rgyal srid rab bsgrub pa/ /rin chen chos las lhag pa med/ /de bas theg chen byang chub sems/ /rgyal ba rdo rje rin chen can/ /g.yas pa'i mthe bong gung mo gnyis/ /g.yon pa'i khu tshur bcangs pa yis/ /sor mo kun la reg pa ni/ /rtsa ba'i phyag rgya yin par grags//'di ni sangs rgyas thams cad kyi/ /shes rab pha rol phyin gsal yin/ /g.yas pa'i yan lag gnon pa yis/ /g.yon pa'i yan lag kun las rgyas/ /sems dpa'i skyil mo krung bcas na/ /dpung rnams thams cad 'joms par byed/ /oM b+hU khaM ma hA mu dra oM/rdo rje khu tshur bcangs nas kyang / /lag pa g.yon pas bkab nas ni/ /sangs rgyas kun brjod dngos grub rnams/ /ma lus lus pa med par 'grub/ /oM badzra satwa shaM ma hA mu dra oM/ de bzhin dpal ldan he ru ka'i/ /rdo rje khu tshur chen po dgab/ /dpa' bo ma yis dngos grub rnams//ma lus lus pa med par 'grub/ /oM badzra rat+na raM ma hA mu dra oM/ pad+mo'i bud med khu tshur ni/ /de bzhin lag pa g.yon pas dgab/ /byang chub spyod pa rab grub rnams/ /ma lus lus pa med par 'grub/ /oM badzra d+harma mAM ma hA mu dra oM/ rin chen 'dzin pa'i khu tshur yang / / lag pa g.yon pas bkab nas ni/ /sangs rgyas nor kun dngos grub rnams/ /ma lus lus pa med par 'grub/ /oM badzra karma ma hA mu dra oM/ sangs rgyas khu tshur bcangs nas su/ /lag pa g.yon pas bkab nas ni/ /sangs rgyas kun gyi tshe sgrub pa/ /ma lus lus pa med pa 'grub//haM satwa badzra ma hA mu dra oM/ bud med phyag rgya bcings nas su/ /lag pa g.yon pas bkab na ni/ /dngos grub thams cad myur 'grub pa/ /ma lus lus pa med par 'grub/ /tshaM badzra rat+ne ma hA mu dra oM/ /rta mchog dpal gyi khu tshur yang / /lag pa g.yon pas bkab nas ni//thams cad 'gugs pa rab bsgrub pa/ /ma lus lus pa med par 'grub/ /trAM badzra pad+me ma hA mu dra oM/ dpal grub spyan gyi khu tshur yang / /lag pa g.yon pas bkab na ni/ /snang ba thams cad rab 'grub 'gyur/ /ma lus lus pa med par 'grub/ /daM bi shwa badzra ma hA mu dra oM/oM 'jig rten khams mang rdul phran snyed/ /grangs med khyab par spros pa yis/ /rgyal ba'i don rnams rab dag tu/ /phra ba'i rdul gyi grangs snyed pa/ /sprul pa'i sku rnams rab dag tu/ /phra ba'i rdul gyi grangs snyed ni/ /srid pa bde chen de bzhin gshegs/ /rnam 'phrul rnam pa sna tshogs kyis//rdul phran grangs snyed de bzhin gshegs/ /rnam par 'phrul pas rol mdzad do/ /rnam par snang mdzad dpal sbyor ba/ /a la la ho bde grub mdzod/ /oM ru ru s+phu ru dz+wa la tiSh+Tha sid+d+ha lots+tsha ne sarba ar+tha sid+d+ha ni swA hA/ rdo rje thal mo mnyam sbyar nas/ /mdzub mo gnyis kyi rtse mo dgug /mthe bo'i rtse mo mnyam par bzhag /khong stong mi 'gyur dam pa po/ /spyi bo'i gtsug tu bzhag nas kyang / /sngags bcas rim bzhin grol bar bya/ /rdo rje khu tshur legs bcings la/ /bdag gi mthe bo nang nas gzhug /zhi ba'i las rnams bsgrub pa yis//phyag rgya sngags rnams mnyam sbyor ba'o/ /phyi nang gsang ba'i mchod tshogs dag /byin brlabs sngags dang phyag rgyas dbul/ /mnyam med mi g.yo la sogs pa'i/ /bstod pa'i phyag rgyas mnyes par bya/ /smon lam rgya chen btab byas nas/ /bzlas brjod thig le phra mo dang / / dkyil 'khor de nyid gang rung gis/ /mtshan ma'i dkyil 'khor brtan par bya/ /sgrib sbyang bde ba bskyed pa'i phyir/ /rin chen bum pa byabs pa'i rdzas/ /sngags kyi bra ti me tog phreng / /bza' btung phyag rgya bdud rtsi'i tshogs/ /lam mnyes mgron tshim las grub byed/ /tshogs dang sbyin sreg lhag ma'i las//las rdzogs mchod bstod bskul byas shing / /rang gi gnas su bsdus nas ni/ /mtshan ma kun dang yongs bral ba'i/ /mnyam nyid dbyings su gnas par bya/ /yod pa ma yin med pa min/ /dbu mar yang ni dmigs su med/ /shes rab pha rol phyin sbyor ba/ / sangs rgyas byang chub rab bsgrub pa'o/ /thams cad dbang du bya ba'i phyir/ /pad+ma gar dbang mchod byas te/ /chags bcas bsdus shing gzung byas nas/ /tshe yi cho ga rgya cher bya/ /gzhi yi ting 'dzin rim pa nas/ /phreng bas brgyan pa'i bar du bsgom/ /nang gi dkyil 'khor dbyibs dag ni//re'u cha dgu dang pad+mas bskor/ /pad+ma'i lcug ma mu khyud mdzes/ /sna tshogs pad+ma'i gdan gyis mtshan/ /phyi rol ra ba dur khrod dang / /kun 'byung khor yug tu bzhis mtshan/ /mngon par byang chub rnam lnga yis/ /mgon po rgyu yi sems dpa' bskyed/ /sku mdog rgyan cha nas bzung ste//byin brlabs rdzogs pas dag par bya/ /rang 'od rig ma bskyed pa nas/ /lha mos bskul ba'i mthar thug brtsam/ /thugs rjes 'gro la dmigs nas bzhengs/ /hrIHdang pad+mo las byung ba'o/ /oM swa b+hA wa bi shud+d+ha pad+ma narte shwa re hrIH/ dpal ldan pad+ma gar dbang phyug /zla gsal shel mdangs zhal bco lnga//lnga bcu gnyis ldan mtshan bcas gar/ /zhal bzhi mnyam pa'i pad+ma la/ /zla mdog dmar mdangs zhal bzhi pa/ /phyag g.yas nyi shu rtsa lnga na/ /pad+ma rdo rje sogs kyis mtshan/ /kha dog bdun ldan nyi shu lnga/ /rin chen sna tshogs rgyan gos bklubs/ / mtshan dpe phyag rgya lnga yis spras/ /sku gsung thugs kyi rdo rje dang / /ye shes sems dpa' sngags dang bcas/ /sangs rgyas kun gyis dbang bskur zhing / /dbu la rigs kyi bdag pos brgyan/ /mthe bong sems dpa'i skyil mo krung / /mdzub mo gnyis kyi rtse mo dgug /gung mo gnyis ni mnyam par sbyar//lhag ma rdo rje thal mo'i 'od/ /rdo rje rin chen phyag rgya 'di/ /rang 'byung rnams kyi dbang bskur ba'o/ /oM a b+hi Shiny+tsa hriH/ pad+ma'i myu gu phyag rgya'i phreng / /dar dpyangs dgyes pa'i thal mo bcas/ /rang 'od yum dang 'khril ba las/ /gsang gnas hrIHdang dzaHsa brgyan te//pad+ma 'bar ba phaT dang bcas/ /rnam thar pad+ma e dkyil can/ /mdog ser lte ba ze'u 'bru dmar/ /brdas bskul byin brlabs rol par mdzad/ /ling+ga bsgring ba rang byung ba/ /brla yi dbus su gzhug byas nas/ /ling+ga pad+mor byin brlabs te/ /pad+mo gar bdag sngon skye'o//gsang gnas so so'i gdan dag la/ /chos kyi snying pos lha rnams bskyed/ /hrIHlas pad+ma gar dbang phyug /gsang gnas dbus kyi gdan la bsgom/ /dzaHyis rnam par gzigs pa ste/ /hUM gis lha mo sgrol ma'o/ /baM gyis lha mo rgyan bcas ma//hoHyis khro gnyer chen mo'o/ /hUM gis gtum pa'i dbang phyug ma/ /hes ni sna tshogs pad+ma yin/ /a las pad+ma'i na bza' ste/ /hoHyis 'dod pa'i dbang mo'o/ /gling bu ma la sogs pa yi/ /lha mo gzhan rnams snga ma bzhin/ /b+ha gar ling+ga bcug byas nas//der ni hrIHyig bsgom par bya/ /pad+ma gar dbang gzugs 'dra ba/ /sku gnyis ldan par spro ba'o/ /oM swa b+hA wa bi shud+d+ha pad+ma narte shwa ri dz+dza/ phyogs bcur don byas 'dus pa dag /gtso bo yab yum gzhug par bya/ /rnam gzigs dkar dmar mdangs ldan pa/ /g.yon pas pad+mar g.yas 'byed shar//oM sarba ta thA ga te pad+mi dz+dza/ sgrol ma dkar gsal g.yon dkur brten/ /ut+pal sngo g.yas bud med lho/ /oM badzra pad+mi dz+dza/ rgyan can dmar mo g.yon pad dkar/ /g.yas pas 'khor lo rtse brgyad nub/ /he pad+mi pad+mi baM dz+dza/ khro gnyer ljang gu g.yon pa mthing //dkur brten g.yas pas rtse gsum byang / /ho pad+ma ni ra dza dz+dza/ pad gtum dbang phyug mthing ga g.yon/ /pad+ma g.yas pas rdo rje 'dzin/ /hUM pad+ma tsaN+De shwa ri hUM phaT dz+dza/ /sna tshogs pad+ma sngon mo g.yon/ /sna tshogs pad 'dzin g.yas 'khor lo/ /he ma hA bi shwa pad+ma mu dre sid+d+ha hUM phaT dz+dza/pad+ma'i na bza' ser mo g.yon/ /pad mthing g.yas pas chu srin rgyal/ /hrIHpad+ma pad+me hUM aM dz+dza/ rdo rje pad+ma dbang phyug ljang / /g.yon na pad+ma g.yas rdo rje/ /ho pad+me bi shwa kra ma hUM dz+dza/ 'di bzhi phyi rol pad+ma yi/ /shar sogs rim bzhin gnas pa'o/ /'od 'bar sna tshogs 'khrugs 'od bcas//pad+ma rgyan bcas phreng bas mdzes/ /dbang bskur byin brlabs rdzogs byas te/ /dbu la rigs kyi bdag pos mtshan/ /sbyor bas rigs kyi dkyil 'khor bskul/ /chags pa'i tshul bcas mdun du bzhugs/ /thal mo pad+ma kha 'bus bzhin//rang gi 'byor ldan snying gar bcing / /mthe bo mthe'u chung 'dab ma bzhin/ /rgyas par 'dud pa'i phyag kyang bya/ /oM a ti b+hu hrIH/ gar bsgyur g.yas g.yon thal mos brdab/ /pad+mo gar gyi mchod pa 'bul/ /tshad med bzhi yi sbyor ba yis/ /lha rnams gnyis su med par bya//hrIHrnal 'byor de nyid bcom ldan 'das/ /rdo rje sems dpa' de bzhin gshegs/ /'dod chags thams cad rnam dag phyir/ /pad+ma'i phyag rgya dpal du gnas/ /mi 'gyur dam pa dag pa'i phyir/ /shel sgong bzhin du dag pa 'dra/ /'dod chags thams cad bsal ba'i phyir/ / 'bar ba sna tshogs 'khrigs pa'i 'od/ /sangs rgyas rin chen rab tu spras/ /gos dang sna tshogs rgyan gyis mdzes/ /sangs rgyas thams cad 'dus pa yi/ /bde ba can bzhin dam par 'gyur/ /gar thabs rnam pa sna tshogs kyis/ /yongs su bsgyur zhing gar byas pa/ /pad+ma'i mtshan mchog pad+mor bcas//phyag ni rgya rnams 'khor lo bskor/ /g.yas dang g.yon gyi sbyor ba yis/ /skyil mo krung ni phyed mar bcas/ /oM swa b+hA wa bi shud+d+ha pad+ma narte shwa ri hrIHma hA mu dra hrIH/ snyems pa'i lag pa g.yon pa yis/ /pad+ma dmar po ci bder gzung / /rang gi snying gar 'dren pa'i tshul//g.yas pas 'dab ma kha 'byed pa'o/ /oM sarba ta thA ga tA pad+me dz+dzaHma hA mu dra hrIH/ snyems pa'i lag pa g.yon pa yi/ /skyil mo krung ni phyed mar bya/ /pad+ma sngon po ci bder gzung / /rang gi snying gar 'dren tshul gyis/ /bud med phyag rgya bcing bar bya/ /hUM badzra pad+mi ma hA mu dra hrIH/snyems pa'i lag pa g.yon pa yis/ /pad+ma dkar po ci bder gzung / /'khor lo'i phyag rgya bcings nas ni/ /chos kyi 'khor lo rab tu bskor/ /he pad+mi pad+mi baM ma hA mu dra hrIH/ snyems pa'i lag pa g.yon pa yis/ /pad+ma mthing ga ci bder gzung / /g.yas pa rab tu gar byed pa//dpal gyi phyag rgya ba dan gsum/ /ho pad+ma ni ra dzaM ma hA mu dra hrIH/ snyems pa'i lag pa g.yon pa yis/ /pad+ma dmar po ci bder gzung / /g.yas pas rdo rje stod byed cing / /gzhan dag zil gnon 'jigs pa'i tshul/ /hUM pad+ma tsaN+Di shwa ri hUM phaT/ ma hA mu dra hrIH/ snyems pa'i lag pa g.yon pa yis/ /sna tshogs pad+ma ci bder gzung / /g.yas kyi 'khor lo'i phyag rgya yis/ /khams gsum phrin las gnon pa'o/ /he ma hA bi shwa pad+ma mu dre sid+d+h+ya hUM phaT/ ma hA mu dra hrIH/ snyems pa'i lag pa g.yon pa yis/ /pad+ma mthing ga ci bder gzung //g.yas pas rab tu gar byed pas/ /chu srin tshul du bsgreng bar bya/ /hrIHpad+mi pad+mi hUM AHma hA mu dra hrIH/ snyems pa'i lag pa g.yon pa yis/ /pad+ma le brgan ci bder gzung / /rang gi snying gar 'dren tshul gyis/ /rdo rje'i phyag rgya bcing bar bya/ /ho pad+mo shwa tra ma hUM dz+dza/ma hA mu dra hrIH/ de bzhin gshegs pa thams cad la/ /sogs pa'i gzugs mchog sna tshogs 'dzin/ /sems can rnam pa sna tshogs kyis/ /'dul mchog dngos grub mchog mnga' ba/ /sems dpa' pad+mo dga' ba'i mchog /sgyu ma'i dga' ba bstan du gsol/ /a la la ho//e ma ho/ /gar dbang thar pa'i gar mdzod cig /sangs rgyas rdo rje 'dzin pa'i bdag /tshangs pa 'jug sel dbang phyug bdag /nyi zla bdag lags a la la ho/ /pad+mo sgyu ma dpal sna tshogs/ /'dul mdzad dga' ba'i tshul dgar mdzod/ /pad+mo dam tshig sangs rgyas kyi//dbang phyug gar rnams mdzad du gsol/ /'dod chags rnam par sbyong ba dag /thams cad da rung rnam par sbyong / /pad+mo 'dzin pas mngon sum du/ /spyan sngar gar mkhan gar mdzod cig /oM tA re tut+tA re swAhA/ rdo rje thal mo mnyam sbyar nas/ /gong ma mnyam pa rab tu bsgrub//mthe bo mthe'u chung 'dab ma bzhi/ /pad+ma dri med rab tu rgyas/ /brdeg pa'i khu tshur bcangs pa las/ /mthe bo dag la gung mo gzhag /pad+ma'i khu tshur grub pa ste/ /thams cad grub pa'i las la sbyar/ /phyi nang gsang ba'i mchod tshogs dag /byin rlabs sngags dang phyag rgyas dbul//mnyam med mi g.yo la sogs pa'i/ /bstod pa'i phyag rgya mnyes par bya/ /smon lam rgyas gdab byas nas ni/ /bzlas brjod thig le phra mo dang / /dkyil 'khor de nyid gang rung gis/ /mtshan ma'i dmigs pa brtan par bya/ /pho brang bkra shis mtshan ldan du//pad+ma la gnas gsang ba'i ming / /bdud rtsis bkang ba bsgrub pa'i mchog /rigs kyi dkyil 'khor phyag rgyar bcas/ /gsang sngags mtha' rgyan ma nyams par/ /'phro 'du'i dmigs pa gsal ldan zhing / /bskul tshig glu dbyangs phyag rgya'i gar/ /bza' btung tshogs bcas rol pas spyad//lha mnyes mgron tshim las grub byed/ /tshogs sgrub sbyin sreg lhag ma'i las/ /las rdzogs mchod bstod bskul byas shing / /rang gi gnas su bsdus nas ni/ /mtshan ma kun dang yongs bral ba'i/ /gnyis med dbyings su gnas par bya//ji ltar pad+ma dmar po 'di/ /chags pa'i nyes pas mi gos pa/ /rnal 'byor ldan pas de bzhin du/ /gnas kyi nyes pas yong mi gos/ /thams cad rgyas par bya ba'i phyir/ /rdo rje nyi ma'i tshogs sgrub ste/ /dpal dang gzi mdangs kun grub pa'i/ /rgyas pa'i longs spyod dgod par bya//gzhi yi ting 'dzin nas bzung ste/ /phreng bas brgyan pa'i bar du bsgom/ /pho brang nang gi mtshan bcas sogs/ /rin chen 'bar ba cha brgyad pa/ /nyis rim lte ba re'u cha dgu/ /rin chen phreng ba mu khyud 'dzin/ /ka ba mchog brgyad rin chen tog /sna bdun pad+ma'i gdan gyis mtshan//phyi rol ra ba dur khrod dang / /kun 'byung khor yug tu bzhis mtshan/ /mngon par byang chub rnam lnga yis/ /mgon po rgyu yi sems dpa' bskyed/ /sku mdog rgyan cha nas bzung ste/ /byin rlabs sprul pas dag par bsgom/ /rang 'od rig ma bskyed pa nas/ / lha mos bskul ba'i mthar thug brtsam/ /thugs rjes 'gro ba'i rgyud gzigs te/ /taM yig nor bu mda' las byung / /oM sid+d+h+ya b+hu sid+d+h+ya b+hu/ sid+d+h+ya sa ma sid+d+h+ya sha/ ma hA badzra rat+na b+ha wA ta trAM/ dpal ldan rdo rje nyi ma rgyal/ /gser mdog zhal bzhi phyag mdzes mtshungs/ /g.yas pas mda' gsor g.yon gzhu 'dzin//'dzum bcas g.yon mig gyen du gzigs/ /g.yas kyi 'og mas ral gri 'dzin/ /g.yon pa pad+ma nyi dkyil la/ /rdo rje rtse lnga 'bar ba gnas/ /zhabs gnyis rgyal po'i skyil mo krung / /khro mdangs pad+ma rA ga'i mdog /nyi ma'i dkyil 'khor 'bar bas mtshan/ / rin chen sna tshogs rgyan dang gos/ /mtshan dpe phyag rgya lnga yis mtshan/ /sku gsung thugs kyi rdo rje dang / /ye shes sems dpa' sngags dang bcas/ /sangs rgyas kun gyi dbang bskur zhing / /dbu la rigs kyi bdag pos brgyan/ /rdo rje thal mo mnyam sbyar nas//mdzub gnyis mnyam ste phyi ru dgu/ /mthe bong gnyis ni rab tu brkyang / /rdo rje nor bu dpral bar gzhag /oM a b+hi Shiny+tsa trAM/ rin chen myu gu'i phyag rgya phreng / /dar dpyangs dges pa'i thal mor bcas/ /rang 'od yum dang 'khril ba las/ /gsang gnas hrIHdang as brgyan te/ / rin chen 'bar ba phaT dang bcas/ /brdas bskul gnyis med rol ba mdzad/ /ling+ga bsgreng ba rang byung ba/ /brla yi dbus su gzhug byas nas/ /ling+ga rin chen byin brlabs te/ /rdo rje nyi mar bdag mngon bskyed/ /gsang gnas so so'i gdan dag la/ /chos kyi snying pos lha rnams bskyed//trAM las rdo rje nyi ma ste/ /gsang gnas dbus kyi gdan la'o/ /dzaHlas lha mo dbang bskur ma/ /hUM gis lha mo gter ldan mchog /baM las rgyal mtshan mchog ldan ste/ hoHlas lha mo mchod chen mo/ /de bzhin oM las mda' 'dzin rgyal/ /hrIHlas ral gri 'dzin ma yid//ho yis lha mo nyi ma ste/ /haM las rdo rje me ma'o/ /lhag pa'i lha mo gling sogs rnams/ /rdo rje sems dpa'i dkyil 'khor bzhin/ /b+ha gar ling+ga bcu gnas ni/ /der ni taM yig bsgom par bya/ /rdo rje nyi ma'i gzugs 'dra ba/ /sku gnyis ldan par spro bya'o/ /oM sid+d+h+ya b+hu sid+d+h+ya b+hu sid+d+h+ya sa ma sid+d+h+ya sha /ma hA badzra rat+na b+ha ba ta ta traM dz+dza/ phyogs bcur don mdzad 'dus pa dag /gtso bo yab yum la gzhug bya/ /lha mo dbang bskur dkar gsal mdangs/ /dbu rgyan rtse lnga bum pa'i chu/ /badzra satwa dzaHdz+dza/ gter ldan ser mo phyag gnyis na/ /rin chen gter gyi bum pa thogs//badzra rat+na hUM dz+dza/ rgyal mtshan mchog ldan dmar ba'i mdangs/ /rgyal mtshan rin chen tog bcas 'dzin/ /badzra rat+na ma baM dz+dza/ /mchod chen ljang sngon rin chen snod/ /rin chen mchod rdzas gang ba 'dzin/ /badzra karma hoHdz+dza/ de dag gtso bo'i phyogs bzhi yi/ re'u cha'i pad+ma dag la gnas/ /mda' gzhu dmar ser mtshan thun phyag /shar gyi phyogs kyi rtse la dgod/ /oM pra ti badzra ni ma dz+dza/ rdo rje kha T+wAM baiDUr+ya/ ral gri kha T+wAM lho yi rtse/ /oM badzra pra ti hrIHdz+dza/ rdo rje nyi ma dmar ser mdangs/ /nyi ma'i dkyil 'khor nub kyi phyogs/ /oM tsin+ta ma ni ho dz+dza/rdo rje me mo ljang ser mdog /rdo rje snod bcas mi 'dzin byang / /oM badzra ma Sha hA Sh+TaM dz+dza/ /phyi rol shar sogs pad+ma'i gdan/ /rin chen 'bar ba'i rtsibs la gnas/ /'od 'bar sna tshogs 'khrugs 'od bcas/ /rin chen rgyan phreng na bza' bklubs/ /byin rlabs dbang bskur rigs bdag gis//dam tshig dkyil 'khor gsal bar 'gyur/ /sbyor bas rang gi dkyil 'khor bskul/ /rgyal ba'i tshul brjid gdan la bzhugs/ /lus kun sa la bsnyal byas te/ /gnas gsum thal sbyar phyag 'tshal lo/ /oM a ti b+hU trAM/ gar bsgyur rin chen thal sbyar nas/ /nyi ma'i tshogs mnyes mchod pa dbul//tshad med bzhi yi sbyor ba yis/ /lha rnams gnyis su med par bya/ /trAM rnal 'byor de nyid bcom ldan 'das/ /rdo rje sems dpa' de bzhin gshegs/ /nor mchog rnam par sbyang ba'i phyir/ /rdo rje nyi ma'i phyag rgyar gnas/ /nam mkha' snying po thams cad phyogs//re ba thams cad yongs rdzogs par/ /bud med la sogs rin chen mchog /rin chen thams cad mkha' las 'bebs/ /drag po 'dus pa'i 'jig rten rnams/ /drag po nyid kyis sgrub par byed/ /nyi ma'i gzugs dang spyod lam dang / /tshul dang gzi brjid chen po ston//rdo rje gzhu dang mda' mchog dang / /shin tu legs par bzung ba ste/ /mdangs gsal 'dzum dang bcas pa'i spyan/ /g.yon pas 'byed cing gyen du 'degs/ /rdo rje pus mo gnyis gzhibs te/ /rgyal po'i skyil mo krung bcas nas/ /rang gi stan la 'dug nas ni/ /bgegs rnams thams cad gzhig par bya//oM sid+d+h+ya b+hu sid+d+h+ya b+hu sid+d+h+ya sa ma sid+d+h+ya sha /ma hA badzra rat+na b+ha wa ta ta trAM/ ma hA mu dra trAM/ khams gsum gnas kun dag mdzad cing / /chos kyi rgyal por dbang bskur ba'i/ /ye shes lngas mtshan rgyan gyis spras/ /skyon gyis ma gos sgrib tshogs spangs/ /badzra satwa dzaHma hA mu dra traM/rgyal srid kun la longs spyod cing / /'phags pa'i nor tshogs zag pa med/ /rang bzhin mi 'gyur lhun grub rgyas/ /rtag tu 'gyur med rnam par spyod/ /badzra rat+na hUM ma hA mu dra traM/ chos kun mtshan ma las rgyal zhing / /yon tan tshogs ldan nub pa med//chags pa'i thugs rjes kun khyab mdzad/ /mchog gi mtshan mas mnyes pa'i tshul/ /badzra d+harmA baM ma hA mu dra traM/ mnyes mdzad phrin las kun spyod cing / /kun 'byung yon tan snod bcud sogs/ /rnam kun spungs pa'i sprin chen po/ /sna tshogs las mdzad 'gyur ba med//badzra karmA hoH ma hA mu dra traM/ thabs dang shes rab 'brel pa'i mchog /rgya chen zab mo'i dbyings su sbyor/ /chags pa'i skyon bral rgyas byed mdangs/ /thugs rjes mdzad pas bshol ba med/ /oM pra ti badzra ni phaT/ ma hA mu dra traM/ sku gsung thugs mchog rtags ldan pas//sna tshogs sgrar bcas khams gsum gnon/ /shes rab mtshon tshogs g.yul las rgyal/ /don dam 'gyur med mkha' 'gro ma/ /oM badzra pra ti hriHma hA mu dra trAM/ sra brtan mi shigs 'gro rgyud khyab/ /'od mdangs gsal ba'i dkyil 'khor can/ /lhag pa'i thugs gnyis dbri dkrol med//de nyid bzhin 'das tshul ston pa'o/ /oM tsin+ta ma ni ho ma hA mu dra traM/ drag po bskal pas 'khrigs byas nas/ /mi mthun gnas kyi rgyud kun bsreg /kun spyod yon tan mthar phyin pa'i/ /gsung gsum rten bcas 'gro la ston/ /oM badzra ma ShA ma hA ShuM mahA mu dra traM/traM khams gsum kun gyi rgyal srid bdag /sna tshogs mchog gi nor ldan pas/ /'jal dum g.yul 'gyed la sogs pa'i/ /rnam mang sangs rgyas kyis 'dul ba/ /rnam pa sna tshogs 'jal dum las/ /rnam par rgyal ba'i rgyal mtshan can/ /rdo rje nyi ma'i rgyal po yi/ /bde mchog sgyu ma bstan du gsol//sems can sprin la byang chub sems/ /mchog sbyin sna tshogs char 'bebs pa/ /bdag gi re ba thams cad bsgrub/ /myur ston a la la la ho/ /mi zad gter gyi dbang bskur ba/ /khyad par bdag la bstan du gsol/ /hUM pa pa ta ta T+ra T+ra ta ta/ taM taM swA hA/ rdo rje thal mo mnyam sbyar la//mdzub mo mnyam par phyir bkug ste/ /mthe bo rdo rje g.yogs pa ni/ /rdo rje dpal gyi nor bu yin/ /rdo rje khu tshur rin chen mchog /'bebs pa thams cad yongs rdzogs pa'o/ /phyi nang gsang ba'i mchod tshogs bdag /byin rlabs sngags dang phyag rgya 'bul/ /mnyam med mi g.yo la sogs pa'i//bstod pa'i phyag rgyas mnyes par bya/ /smon lam rgya chen btab byas nas/ /slar brjod thig le phra mo dang / /dkyil 'khor de nyid gang rung gis/ /mtshan ma'i dkyil 'khor brtan par bya/ /'byor tshogs yon tan rgyas pa'i phyir/ /rin chen snod bzang legs spras par//dkyil 'khor pho brang thig gis dbye/ /bza' btung brda sbyor bdud rtsis bkang / /rigs kyi bsgom bzlas 'phro 'dur bcas/ /glu gar dbyangs kyi sprul par bya/ /gnyis med rol pas longs spyod cing / /rten gyi dkyil 'khor bcang bar bya/ /lha mnyes mgron tshim las grub byed//tshogs 'khor sbyin sreg lhag ma'i las/ /las rdzogs mchod bstod bskul byas shing / /rang gi gnas su bsdus nas ni/ /mtshan ma kun dang yongs bral ba'i/ /mnyam nyid dbyings su gnas par bya/ /shin tu gdug cing drag po la/ /zhi bas phan par mi 'gyur te//shes rab thabs kyi sbyor ba ni/ /rnam par rgyal phyir rab tu drag /sna tshogs las rnams brtsam pa'i phyir/ /rta mchog dkyil 'khor mchod bya ste/ /bro gar phyag rgya'i tshogs bcas pas/ /rang gi las gzhung rnam par 'phrul/ /de bzhin nyid nas brtsam bya ste/ /phreng bas brgyan pa'i bar du bsgom//nang gi dkyil 'khor dbyibs dag ni/ /sna tshogs pad+ma 'dab brgyad mdzes/ /'khor los mtshan pa mu khyud mchog /rim gnyis rgya gram pad+ma'i gdan/ /phyi rol ra ba dur khrod dang / /kun 'byung khor yug gru bzhis mtshan/ /mngon par byang chub rnam lnga yis//mgon po rgyu yi sems dpa' bskyed/ /sku mdog rgyan cha nas bzung ste/ /byin brlabs rdzogs pas dag par bya/ /rang 'od rig ma bskyed pa nas/ /lha mos bskul ba'i mthar thug brtsam/ /thugs rjes 'gro rgyud gzigs mdzad de/ /haM yig rgya gram las byung ba'o//oM sum+b+ha ni sum+b+ha hUM/ rta mchog ljang ser zhal gsum pa/ /dbus steng rta mgo ljang sngon bcas/ /bgegs bcas drag tshul zhi mdangs khros/ /lag ngar brgyad pa dpa' bo'i mchog /g.yas pas ba dan gsum pa'i phyag /'degs pa'i tshul du mdzad pa dang //gnyis pa rdo rje rgya gram 'dzin/ /'og ma gnyis na ral gri mda'/ /g.yon gyis sna tshogs pad+ma dang / /shag ti rtse gcig be con gzhu/ /g.yas kyi rmig pa dang po yis/ /dngos grub gsum dang dpal mo gnon/ /gnyis pas zhi la dga' ba mo/ /g.yon pas drag po khyab 'jug dang //gnyis pas tshangs pa 'dod pa'i lha/ /rin chen sna tshogs rgyan dang gos/ /khro 'dzum phyag rgya lnga yis spras/ /sku gsung thugs kyi rdo rje dang / /ye shes sems dpa' sngags dang bcas/ /sangs rgyas kun gyis dbang bskur zhing / /dbu la rigs kyi bdag pos brgyan//sangs rgyas rin chen pad+mo dbang / /de bzhin rdo rje rin chen dang / /yid bzhin nor bu rin chen mchog /rta mchog rab tu 'grub par 'gyur/ /oM a b+hi Shiny+tsa haM/ rgya gram phreng ba'i phyag rgya dang / /dar dpyangs dgyes pa'i thal mor bcas/ /rang 'od yum dang 'khril ba las//gsang gnas hUM dang as brgyan te/ /rgya gram 'bar ba phaT dang bcas/ /rnam par thar pa e dkyil can/ /sa ma ya sogs brdas bskul nas/ /dzaHhUM baM hoHsa rol pa bya/ /ling+ga 'greng ba rang 'byung ba/ /brla yi dbus su gzhug bya ste/ /ling+ga sna tshogs rdo rje ste//rta yi rgyal por bdag sngon bskyed/ /gsang gnas so so'i gdan dag la/ /chos kyi snying pos lha rnams bskyed/ /haM gi rta mchog rgyal po ste/ /gsang gnas dbus kyi gdan la'o/ /dzI las sna tshogs pad+ma'i rgya/ /ha las sna tshogs rdo rje ma/ /khyad par rta yi lha mo ste//g.yas g.yon phyogs kyi pad+ma la'o/ /'khor gzhan rigs rnams gang rung gi/ /lha mo nyi shu gong ma bzhin/ /b+ha gar ling+ga bcug nas ni/ /der ni hUM yig bsgom par bya/ /rta mchog rol pa'i gzugs dag ni/ /sku gnyis ldan pas spro bya'o/ /oM sum+b+ha ni sum+b+ha hUM dz+dza/ phyogs bcur don byas 'dus pa dag /gtso bo yab yum la gzhug bya/ /sna tshogs pad+ma ljang ser 'phro/ /mtshan mthun phyag rgya g.yas kyi phyogs/ /oM b+hi sha badzra d+ha bo dz+dzaH/ sna tshogs rdo rje ljang sngon 'phro/ /mtshan mthun phyag 'dzin g.yon gyi phyogs/ /oM b+hi sha badzra satwa dz+dza/ 'khor gzhan lha mo tshogs bcas pa//sna tshogs rdo rje rgyan phreng mdzes/ /byin rlabs dbang bskur rdzogs byas pas/ /dam tshig dkyil 'khor gsal bar snang / /sbyor bas rang rigs dkyil 'khor bskul/ /sna tshogs tshul gyis mdun du bzhugs/ /dpal ldan rdo rje 'gying ba'i thabs/ /'dzum pa'i mig gis phyag bya'o//oM a ti b+hu haM/ gang ngam 'on te stong yang rung / /yang na ci 'byor pa yis kyang / /dam tshig mnyam par bsgrub pa yis/ /mchod pa thams cad 'grub par 'gyur/ /tshad med bzhi yi sbyor ba yis/ /lha rnams gnyis su med par bya/ /hUM rnal 'byor de nyid bcom ldan 'das//rdo rje sems dpa' de bzhin gshegs/ /drag shul sbyor bas rnam sbyor ba/ /rta mchog phyag rgyas rab tu gnas/ /thams cad pad+mo mos pa yis/ /sdig med stobs kyi ngo 'thon du/ /rab tu gnon pa'i stsal dag gis/ /'jig rten thams cad rab tu 'joms/ /'dod chags can la g.yem par ston//gdug pa rnams las gdug par 'gyur/ /zhi ba rnams la zhi ba'i mchog /drag shul can la drag shul sbyor/ /zhal bzhi pa la phyag bzhi pa/ /zhal bzhi pa la rmig pa bzhi/ /rta mgrin rgyal po chen po ste/ /dbang phyug dam pa 'grub par 'gyur/ /g.yon pa'i khu tshur mdzub mo yis//dpal ldan pad+ma sna tshogs 'dzin/ /rdo rjer bcas shing slong ba 'grub/ /g.yas pas ba dan gsum pa byas/ /g.yas dang g.yon pa'i sbyor ba yis/ /brkyang bskum pa yi tshul byas nas/ /khro bo'i skyil mo krung bcas te/ /'jig rten thams cad rab tu bshig / haM myos byed stong pas lhag pa yi/ /bde bar 'dod pa'i gzugs ston pa/ /'dul ba'i dbang gis gshin rje'i tshogs/ /stong pas lhag par rab tu 'jigs/ /zhi ba'i skur yang tshangs pa'i tshogs/ /stong pas shin tu lhag par ston/ /dkyil 'khor kun gyi mchog dag tu/ /de bzhin gshegs kun grub par mdzod//thams cad dag par mos pa yis/ /ngo 'thon stobs kyis non pas gnon/ /e hi i hi dbang phyug tshogs/ /thams cad rab shig rab tu shig /rab kyi rtsal gyis non pa yis/ /stobs kyi ngo 'thon dbang phyug gnon/ /sbyor chen hu lu hu lu yi//mig gsum pa las gsum grub drongs/ /rab kyi rtsal gyis mngon gnon pa'i/ /stobs kyis ngo 'thon mthu chen gnon/ /mnyam sbyor ru tra ma snying las/ /dpal mo drongs shig rab drongs shig /rab kyi rtsal gyis gnon pa yis/ /stobs kyi ngo 'thon tshangs pa gnon/ sbyor chen tshangs pa'i sgyu ma las/ /sgrol ma drongs shig smar ta/ /rab kyi rtsal gyis gnon pa yi/ /stobs kyis ngo 'thon dga' dbang gnon/ /mnyam sbyor kun gyis bdag la dga'/ /drongs shig a la la la ho/ /gdug cig khro la rab gtum pa'i/ /sems can bsgral ba'i phyir bsgrub zhugs//a la la ho a la la la ho/ /oM sum+b+ha ni sum+b+ha hUM phaT/ ma hA mu dra haM/ mdza' bo mi la bya ba'ang min/ /yongs rtog de dag med kyang bla/ /de 'dra'i mdza' bo sgyu bzhin pas/ /de la mdza' zhes su zhig zer/ /rgol ba mi la bya ba min/ /yongs su rtog pa med kyang bla/ /de 'dra'i rgol ba sgrub bzhin pas//de la su zhig pa zhes zer/ /oM shrI pad+ma ba Da ba ma kha yo gi shwa ri hi hi hi hi haM/ rdo rje thal mo mnyam sbyar nas/ /mthe'u chung srin lag mnyam par brkyang / /mdzub mo rtse bsnyams bkug pa ni/ /dpal mchog rta zhes grags pa yin/ /rdo rje khu tshur dpal bcings la//sor mo thams cad yongs su bzung / /de ltar phyag rgya gong ma dang / /rang rang las la sbyar bar bya/ /phyi nang gsang ba'i mchod tshogs dag /byin rlabs sngags dang phyag rgyas dbul/ /mnyam med mi g.yo la sogs pa'i/ /bstod pa'i phyag rgyas mnyes par bya/ /smon lam rgya chen gdab byas nas//bzlas brjod thig le phra mo dang / /dkyil 'khor de nyid gang rung gis/ /mtshan ma'i dkyil 'khor brtan par bya/ /glu gar bro sngags phyag rgya'i tshogs/ /phrin las rnam bzhi'i bzhin ltar 'dzum/ /las kyi bskul tshig dang bcas pa'i/ /sna tshogs stang stabs 'phro 'du'i gar//lha mnyes mgron tshim las grub byed/ /tshogs dang sbyin sreg lhag ma'i las/ /las rdzogs mchod bstod bskul byas shing / /rang gi gnas su bsdus nas ni/ /mtshan ma kun dang yongs bral ba'i/ /mnyam nyid dbyings su gnas par bya/ /thams cad dag par mos pa yis//sdig med stobs kyis ngo 'thon du/ /drag shul sbyor bas mnyam sbyar bas/ /'jig rten thams cad gzhom par byed/ /phyag rgya sgrub pa'i dus su ni/ /snga ma las ni gnas bsgyur te/ /bskal pa me dpung 'khrigs pa bzhin/ /'bar ba'i tshogs ni rnam par bsam//gzhi dang rten pa'i ting 'dzin nyid/ /sbyor ba bzhi yis gsal byas te/ /dam tshig 'phro 'du'i yan lag dag /mngon sum snang ba ltar gnas nas/ /ye shes dkyil 'khor la dmigs shing / /mdun nas gnyis med dkyil 'khor gyi/ /cho ga rdzogs par spyad byas pas//ye shes dkyil 'khor bsgrub par bya/ /'khor bcas mchod pa rdzogs nas ni/ /bsnyen pa'i lung bzhin brtson pas 'bad/ /bsnyen par gnas pa'i dbang thob nas/ /bsgom dbyangs yi ge 'bru brgyad bstan/ /'phro 'du'i yan lag kun ldan pas/ /dbyangs drug blangs pas don drug gsal//sngags mchog yi ge'i 'bru brjod pas/ /des ni drag po'i dkyil 'khor bskyed/ /dge mchog dngos grub kun bsdus te/ /gnas gsum bskor zhing gsang mchog sgrub/ /khyad par gsang sngags rim pa bzhin/ /'phro 'du mchod bstod bskul tshig ldan//mthar phyin gsang sngags rgyal po yis/ /las kyi sbyor ba kun brtsam bya/ /mnyes shing mgron tshim las grub byed/ /tshogs dang sbyin sreg lhag pa'i las/ /las rdzogs mchod bstod bskul byas shing / /rang gi gnas su bsdus nas ni/ /mtshan ma kun dang yongs bral ba'i//mnyam nyid dbyings su gnas par bya/ /thams cad nam mkha'i mtshan nyid de/ /nam mkha' la yang mtshan nyid med/ /khams gsum dag ni ma lus pa/ /thams cad sgyu ma lta bu ste/ /ji ltar sgyu ma thams cad du/ /mthong ba dang ni reg par 'gyur/ /dmigs su yod pa ma yin te//de bzhin 'gro ba kun gyi tshul/ /dbugs dbyung dkyil 'khor rnam drug dag /sbyor ba bzhi dang ldan par bya/ /sbyor dang rjes su sbyor ba dang / /shin tu sbyor dang sbyor chen po/ /ye shes tsam la snyoms 'jug pa/ /sbyor ba zhes ni bshad pa yin//yum ldan byin brlabs rol pas mchod/ /gzhug pa rjes su sbyor ba'o/ /dag mdzad dkyil 'khor rdzogs byas nas/ /'phro 'du shin tu sbyor ba yin/ /byin brlabs dbang bskur las rdzogs pa/ /sbyor ba chen po zhes bya'o/ /sgrub pa dngos grub tshul bzhin du//mtshan brtags gsal ba'i gnas shes pas/ /bdag gzhan don tshogs las sbyar te/ /re dog mtha' kun bral bas blang / /de bzhin nyid nas brtsam bya ste/ /phreng bas brgyan pa'i bar du bsgom/ /nang gi dkyil 'khor dbyibs dag ni/ /thig bzhis rnam par phye ba la//so so'i pho brang ji lta bar/ /rigs bsdus dkyil 'khor rgyas pa'i tshul/ /dbus su rigs bdag 'khor lo ste/ /shar du de bzhin gshegs pa'i rigs/ /lho phyogs rdo rje drag po'i tshogs/ /nub tu pad+ma rnam dag chos/ /byang phyogs yon tan rin chen mdzod/ /shar mtshams bzhi dkyil sdud pa'i tshul//lho mtshams drag po sreg byed ltar/ /nub mtshams dbang mdzad g.yo ba'i bzhin/ /byang mtshams rgyas pa dbang chen ltar/ /rang rang phreng bas mdzes par bya/ /pho brang kha dog rin chen bzhi/ /sna tshogs pad+ma gdan gyis mtshan/ /phyi rol ra ba dur khrod dang //kun 'byung khor yug tu bzhis mtshan/ /mngon par byang chub rnam lnga yis/ /mgon po rgyu yi sems dpa' bskyed/ /sku mdog rgyan cha nas bzung ste/ /byin rlabs rdzogs pas dag par bya/ /rang 'od rig ma bskyed pa nas/ /lha mos bskul ba'i mthar thug par//thugs rjes 'gro rgyud la gzigs nas/ /'od kyi gong bu las 'phro ba'i/ /thig le rin chen sna lnga'i mdangs/ /phyogs mtshams dbus kyi lte ba la/ /yi ge 'phro 'dus mtshan ma ste/ /sngags kyi phyag rgya chen po'i sku/ /sku mdog phyag chan rgyan cha dang / /cha lugs so so'i dkyil 'khor bzhin//sku gsung thugs kyi rdo rje dang / /ye shes sems dpa' sngags dang bcas/ /sangs rgyas kun gyis dbang bskur zhing / /dbu la rigs kyi bdag pos mtshan/ /so so'i dbang bskur phyag rgya dang / /rang gi gsang sngags bcas pa'o/ /rin chen myu gu la sogs dang //dar dpyangs dgyes pa'i thal mor bcas/ /so so'i yum dang 'khril ba las/ /gsang gnas byin rlabs bcas bskul te/ /snyoms 'jug chos kyi snying po las/ /rigs dgu'i dkyil 'khor gsal bar bsgom/ /phyi nang sngags kyis spro mdzad nas//rang rig dkyil 'khor gnas la 'khod/ /byin rlabs dbang bskur rdzogs byas pas/ /dam tshig dkyil 'khor gsal bar 'gyur/ /ye shes dkyil 'khor rgyas dmigs pas/ /mdun gyi dkyil 'khor mnyes par bya/ /gnyis med dkyil 'khor rgyas btab nas/ / cho ga lhag mas mnyes par bya/ /rnam shes ye shes bye brag gis/ /dkyil 'khor drug gi rim pa bzhin/ /yi ge gcig pa'i sngags bzlas shing / /las bzhi'i bskul sngags gsang ba la/ /mtha' brgyan gyur pas gsol gdab cing / /bar skabs mchod bstod 'phro 'du dang //glu dbyangs gar gyis bskul bar bya/ /rnam shes ye shes bye brag gis/ /mtshan ma gang rung gsal bar brtag /rdo rjes mi mthun 'joms byed cing / /'khor los khams gsum gtso bor 'gyur/ /mda' yis phra bar 'bigs byed cing / /ral gris lha min grong khyer 'joms//pad+mas lha mo la sogs 'gugs/ /rtse gsum lha dbang dul 'gyur zhing / /bum pas bkra shis bdud rtsi 'grub/ /rgya gram sa 'og gser 'gyur rtsi/ /nyi mas gser mdog 'od dang ldan/ /lcags kyus srid pa'i rtse mor 'gro/ /nor bus grong khyer rgyas par byed//me long mngon par shes pa 'grub/ /pi wang sna tshogs gsung sgrogs shing / /gling bus chos kyi tshig brjod pa'o/ /gzhan yang gzugs sogs mang bshad pa'i/ /yul drug snang ba'i mtshan ma kun/ /ting 'dzin sngags dang las sbyar zhing / /brtson ldan bar chad med pas gzung //g.yas g.yon nyi zla'i dkyil 'khor la/ /yab yum sa bon bcu gnyis bsgom/ /zung du spros shing 'dus pa las/ /rigs kyi lha tshogs snyoms 'jug pa'o/ /sor mo phan tshun sbyor rdzas bsnol/ /gnyis med rdo rje thal mo'i rgya/ / de rjes rdo rje bsdams pa las/ /g.yon mdzub rtse mo'i nang dag tu/ /g.yas pa'i mthe bo'i mtshan ma gzhug /legs bsdams spyod pa dga' chen dpal/ /'di ni sangs rgyas thams cad kyi/ /thun mong sngon 'gro'i yan lag yin/ /dga' chen dpal gyi rdo rje las/ /gung mo bcings pa'i nang du gzhug /mthe bong mthe'u chung rtse mo can/ /rdo rje'i phyag rgya yongs su bsgyur/ /de las gung mo lcags kyu ni/ /snying gar sbyor ba dgug pa'i mchog /rdo rje bsdams pa byas nas ni/ /gung mo bcings pa'i nang du gzhug /mthe'u chung mthe bo'i rtse mo can/ /rdo rje'i phyag rgya yongs su bsgyur//de las gung mo lcags kyu ni/ /rdo rje 'khor lo snang mdzad rgya/ /rdo rje'i rgya bcings sbyor ldan pas/ /thal mo khong stong khebs pa yi/ /rdo rje'i phyag rgya bcings pa las/ /gung mo de bzhin bkug nas ni/ /rdo rje rdo rje zhes brjod de/ /gung mo nam mkha' rdo rje mchog /rdo rje bsdams pa la gnas te/ /rdo rje'i rtse mo de bzhin bsnyams/ /mdzub mo gnyis kyi rtse mo dgug /rdo rje phyag rgya dag byed pa'o/ /rdo rje pad+mor byas pa las/ /gung mo bcing pa'i dbus na gnas/ /mthe'u chung bsnyams pa'i rtse mo mde'u/ /rdo rje mda' ni yongs su 'phang //rdo rje'i phyag rgya yongs bcings na/ /gung mo bcings pa phyi rol gzhag /rdo rje sna tshogs dpal gyi rgya/ /ldang ba thams cad rab sgrub pa'o/ /lta bas mi ngoms pa yi sku/ /thams cad bdag nyid ston par mdzad/ /legs so zhes pa grub pa ni/ /dam pa dag kyang rab tu stsol//bsam pa thams cad yongs rdzogs pa'i/ /grub pa kun mchog nyams dga' ba/ /ji ltar 'dod pa'i longs spyod dag /thams cad kyi ni bdag nyid stsol/ /dbang phyug bde ba la sogs drug /sku dang ye shes gsal bar 'grub/ /phan gnod byed pa rnam gnyis pa'i//gzugs dang sgra dang dri dag gi/ /mtshan ma rnam gsum snang ba na/ /bye brag tu ni shes par bya/ /gal te dngos grub mi gsal na/ /zhi rgyas dbang dang mngon spyod dang / /mnan dang bzlog gi las brtsam zhing / /spogs pa'i cho gas bskyar bar bya/ /lha mnyes mgron tshim las sgrub byed//tshogs 'khor sbyin sreg lhag ma'i las/ /las rdzogs rigs kyi sku brten pas/ /dngos grub legs sbyor 'gyur med brtan/ /mchog tu gyur pa'i phyag rgya bzhis/ /las sbyar 'bras bu mdzad bcas 'grub/ /bsod nams ye shes tshogs chen po'i/ / cho gas las kun 'grub byed cing / /rig 'dzin go 'phang rdzogs byed pas/ /'khor lo 'khor lo che gnas sbyor/ /rang gi lha yi sbyor ldan pas/ /rdzas rnams sbyang zhing byin gyis brlab/ /gru bzhi pa la sgo bzhi pa/ /rta babs bzhi yis mdzes par byas/ /rang gi lha dang 'dra ba yis/ / bud med rnams ni legs bsgrubs pa/ /rdo rje rin chen pad+ma sogs/ /sgo srung dang ni ldan par bya/ /sangs rgyas thams cad mnyam sbyor ba/ /sbyor ba'i dbang phyug rnam 'phrul bas/ /rdo rje sems dpa' dpal gyi lha/ /de na rnam par 'phrul pa mdzad/ /dkyil 'khor so so'i ting 'dzin gyis/ / sbyor ba snga ma bzhin du gsal/ /skal bzang rang gi phyag rgyas mtshan/ /tshogs kyi dkyil 'khor brtag par bya/ /ye shes dkyil 'khor la dmigs shing / /mdun gyi dkyil 'khor sprul byas la/ /tshad med phyag rgya bzhis bstims nas/ /gsang ba'i phyag rgya bzhi rgyas gdab/ /lha mo kun gyi bde ba'i mchog /mdzes pa'i zhal ni rnam 'gyur zhing / /bde bar myong ba rab sbyar ba/ /mdzes par blta zhing gar byed pa'o/ /bud med mkhas pa sgyu ma che/ /mdzes pa'i bzhin ni rnam par 'gyur/ /ri mor bcas shing steg pa'i mchog /mdzes pas lta ba'i gar byed pa'o/ / sangs rgyas byang chub mnyam sbyor ba/ /rab tu dga' bas lta zhing 'dzum/ /shin tu srid pa yang dag bsgrub/ /gsang bar blta la gnas pa'i rgya/ /steg la sogs pa'i nyams dang ldan/ /mdzes pa'i bzhin ni rnam 'gyur zhing / /rim gror bcas pa steg pa'i mchog /steg pa'i lta bas gar byed pa'o//mche ba cung zad gtsigs pa'i zhal/ /khro zhing 'dzum dang bcas pa'i bzhin/ /khro las gyur par bcas shing 'dzum/ /gsal bar lta zhing legs par gnas/ /'dod chags myos pas g.yem spyo ba/ /mdzes pa'i bzhin ni rnam par 'gyur/ / drag po mche ba gnon po gtsigs/ /gdug pa za ba 'jigs 'jigs lta/ /dngos po kun gyi bde ba mchog /rab tu dga' bar blta zhing 'dzum/ /spyi bor rta mgrin 'phang mtho ba/ /mche gtsigs ljang ser kha dog gsal/ /lha mo kun gyi bde ba mchog /mdzes pa'i ma mchu sos mnan cing //'dod chags bde bas g.yem spyo ba/ /steg pa'i ma mchu sos mnan pa'o/ /sbyor ba kun gyi bde ba mchog /mdzes pa'i ma mchu g.yo bar byed/ /sha chen gyi ni ro myang zhing / /mdzes pa'i ma mchu sos mnan cing / /bde ba kun gyi ro myang zhing / /ma mchu rnam par mdzes par bya'o//bde ba myong ba rab sbyor bas/ /zam zim blta ba'i rnam 'gyur bcas/ /bud med mkhas pa sgyu ma mchog /mdzes par lta ba'i gar byed pa'o/ /sangs rgyas gsang ba'i mnyam sbyor ba/ /lta ba rab zhi bde bar gnas/ /smin mtshams khro gnyer 'gyur bar bcas/ /lta ba rab 'bar rnam par 'gyur//steg pa la sogs ro dang ldan/ /sgeg bcas lta ba'i gar byed pa/ /khro zhing 'gyur ba bcas par 'dzum/ /lta ba gsal bar bde bar gnas/ /rigs kyi dkyil 'khor so so'i rgya/ /phyag rgya gla dang bcas pa dag /hUM la sogs pas sna drangs te/ / mchod tshogs kun la sbyar bar bya/ /de nas tshogs kyi zhal zas rnams/ /lha tshogs rnal 'byor rnams la 'bul/ /rdo rje bla ma chen po dang / /bdag dang gzhan yang 'dod dgus mchod/ /lha mo mtshan ldan sgyu rtsal can/ /las mkhan grogs dang bcas pa yis/ / pad+ma mtshan ldan dpa' bos bkang / /bdud rtsi rdzas mchog byin brlabs pas/ /bkra shis dbyangs dang gar tshogs kyis/ /thams cad rnam rtog med par mchod/ /ston mo'i yan lag gzhan dag kyang / /rim pa bzhin du drang bar bya/ /oM thams cad rnam dag bdud rtsi'i rang bzhin te//sku lnga chos lnga gnyis med ngo bo gcig /de phyir dag las dag pa nyid mchod de/ /chos nyid la thim ye shes rnam par rol/ /a la la ho/ /rnal 'byor dkyil 'khor kun gyis kyang / /gar dang dbyangs su bcas pa yis/ /a ho su kha zhes brjod cing / /dga' mgu'i tshul gyis blang bar bya//rigs kyi dkyil 'khor gsal byas nas/ /lce la so so'i mtshan ma dang / /chos kyi snying po bsam bya ste/ /rang gi lus la gnas par sbyor/ /dus gsum rab zhi mchog rnams kyis/ /hUM la sogs pa glu blang zhing / /lha mo'i ka ka sha ta sogs/ /glu rnams rjes su blang bar bya//hUM rab tu dga' ba'i rjes su chags pa yi/ /mda' gzhu rab tu phra ba'i rgyas bcas pa'i/ /rab tu dga' ba'i sbyor ba'i bde bas myos/ /bde ba thams cad bdag la grub par mdzod/ /rab tu bde mchog rnam pa sna tshogs rnams/ /rgyal ba'i rgyal mtshan bsgreng ba'i longs spyod dang //rab tu dga' ba'i dbang phyug bde mchog grub/ /de bzhin gshegs pa rab bzhugs ho rta mchog /rab tu sna tshogs bde mchog rol cig ho/ /bde bas slong ba rnam rol snang bar mdzod/ /ho de bzhin gshegs pa kun gyi mkha' 'gro yi/ /sgyu ma'i tshogs kyis slob ma gzung du gsol//oM gyi glu yi phyag rgya ni/ /tshangs pa'i dbyangs kyis ci bder blang / /oM rdo rje sems dpa' bsdus pa na/ /rdo rje rin chen bla na med/ /rdo rje chos ni gsung ba dang / /rdo rje las rnams byed par 'gyur/ /rdo rje drag po gad mo che/ /'khur ba'i dbugs kyi rlung 'byin cing //'brug gi sgra ltar zab pa yi/ /ru lu ru lu'i sgra phyung nas/ /hUM rdo rje las kyi mda' gzhu la phyag 'tshal lo/ /dpal rdo rje chags pa'i dam tshig la phyag 'tshal lo/ /rdo rje kha T+wAM ga rab tu 'dzin pa la phyag 'tshal lo/ /dpal rdo rje dril bu rab tu 'khrol ba la phyag 'tshal lo/ /te zhes bya ba glu yi rgya//thams cad dag par rab sgrub pa'i/ /te lar rab tu drag cing gzhan drag la/ /drag po'i bud med sku ltar rab tu snang / /'gro ba mtha' yas 'dul phyir la la ni/ /rab rno'i 'khor lo phyag na bsnams pa'i sku/ /la lar rab tu nges shing zhi ba yi/ /mi 'gyur sbyin pa'i tshangs pa'i skur ston mdzad//la lar rab 'bar chags pa pad+mo yi/ /rgyal po'i dam tshig bdag la grub par mdzod/ /hi zhes bya ba glu yi rgya/ /khams gsum rnam par rgyal bar byed/ /hi thams cad dbang phyug dam pa mi zad pa'i/ /gter mchog bdag la grub par mdzad du gsol//kun mchog rgyal mtshan rgyal ba bsgreng rdo rje/ /rin chen shin tu che ba bdag la mdzad/ /ka ka la lag dang gtso rgya yi dbyangs/ /de bzhin rab tu gdangs snyan dang / /ka ha la yi glu yi rgya/ /'joms pa thams cad rab sgrub pa'o/ /hi lar mkhas pa'i gzugs kyang 'dzin/ / la lar dus mtha' dus ltar drag /la lar rgyal dbang bzhin du zhi/ /la lar rta mchog sbyor bas 'grub/ /de dag sku yi glu yi mchog /phyag rgya sngags kyi sbyor bcas pa'o/ /tshogs sgrub chen po'i dus su ni/ /phyag rgya yi ni yan lag dag /brda dang sbyor ba sna tshogs kyis/ /'khor lo rim bzhin bskor byas te//dpa' bo btung bas tshim 'gyur nas/ /bgegs bskrad sbyang zhing byin gyis brlab/ /de yi dam tshig de 'byung ba'i/ /sdug pa dam tshig bdag rjes 'brang / /shin tu sbyor dang sbyor chen po/ /thams cad bdag nyid dam tshig mchog /gcig bzhin du ni gcig spyod pa//lhan cig spyod pa rjes spyod drug /lha mo kun gyi longs spyod la/ /ci bde bar ni bsten par bya/ /de nas khrus byas dri zhim lus/ /ci 'byor pa yi gos dang rgyan/ /sna tshogs rnam par bgos nas ni/ /me tog phreng ldan kha dri zhim/ /sna tshogs kun gyi skal bzang pos/ /slong bas dal gyis dal gyis su//gos dgab pa yi sbyor ba yis/ /bdag gis dbyung ba bskul bar bya/ /rdzogs pa'i sangs rgyas nyi zla rnams/ /shar ba dag gis mthong ba yis/ /nges pa'i lam dang kun ldan pa/ /rnam par 'das pas rnam par brgyan/ /dbang bskur kun las byung ba yi/ / mchod pa'i sprin chen rnam bkod pa/ /rab 'byams tshogs rnams thams cad kyis/ /kun gyi bdag nyid mchod par byed/ /bdud rtsi rnam pa lnga po dag /so so'i phrad dang sbyar byas nas/ /tshogs kyi dbus su bzhag pa ni/ /ra sa yan kun slong ba'o/ /rigs kyi dkyil 'khor 'phro 'du sngags/ / dngos grub bskul tshig dbyangs kun blang / /oM AHhUM hUM oM hi hri trAM haM/ he pany+tsa a mr-i ta ra sa ya na sid+d+hi/ sarba ar+tha sid+d+hi/ hUM oM hi hri traM haM/ hri tha/ oM pa hu bi wi ta/ dzI ban+sa n+ta ti/ a she Sha ne she Sha/ sA d+ha bi na ya/ sarba ta thA ga ta tsa le pra tsa le/ gurba bi gurba/ sarba sham+ba re hUM/ bi sha bi sha hUM/ oM ba hu bi wi ta/ rag san+ta ni/ a she Sha she Sha/ /sarba bi na ya/ sarba ta thA ga ta/ tsa le pra tsa le/ gurba bi gurba/ sarba sham+pa re/ hUM hUM hUM/ oM ba hu bi wi ta/ rai ta san+ta ni/ a she Sha ni she Sha/ sarba bi na ya/ sarba ta thA ga ta/ tsa le pra tsa le/ kurba bi kurba/ /sarba sham+pa re/ru lu ru lu hUM b+h+yo hUM/ shAn+ting ku ru pa shaM ku ru/ puSh+TiM ku ru/ mA ra ya/ baM hUM swAhA phaT/ mchog gi bdud rtsi don sbyar ba'i/ /gsang sngags yi ge bcu gcig pa/ /bdud rtsi lnga par bcud len don/ /dngos grub gnas kun gsal bar byed/ /'od dang du ba sprin dang sgra//lha mo gzugs ston brten par gnas/ /nye bar spyod pa'i bsnyen sgrub bzhi/ /yan lag bzhi yi gnas sbyor te/ /mtha' sngags bskul tshig 'brel pa yis/ /rigs kyi phrin las gsal bar 'grub/ /rang gi lha yi sbyor ldan pas/ /srin lag dang ni mthe bong rtses/ /zhi ba'i btung ba bzhin myang shing //lha gzhan la yang dbul bar bya/ /gnas kun thig les brgyan byas shing / /rigs kyi dngos grub blang bar bya/ /de dus 'gro don rgya che dang / /dbang bskur las kun brtsam bya zhing / /bdag don 'gro ba'i gnas sbyor te/ /dam tshig sdom pa gzung bar bya/ / gling bu dang ni rgyud gcig dang / /de bzhin rgyud mangs rgyud drug dang / /sil snyan phyag rgyar bshad pa rnams/ /glu skad gong ma dang sbyar brdung / /dzaHhUM baM hoHru tra ma tra/ smar raT/ hu lu hu lu/ pra sita/ Tak+ki hUM dzaHki ni du ni hUM ruM/ Tak+ki/ hUM dzaHhu lu hu lu/ a la la ho/ shud+d+ha sid+d+ha/ da ri sha ya ban ta g+he na g+he/ ta g+he g+he/ Ta Ta g+he g+he g+he/ g+he g+he ta ta/ g+he ta g+he/ hen don/ Tak+ki hUM dza/ g+he ta/ Tak+ki hUM/ tran a la la ho/ /ru Ta ma tra/ thal mo brdab pa brtag pa'o/ /ta g+he g+he/ ha g+he g+he/ ta g+hen ta g+hen/ ta g+hen g+he ta/ g+hen g+hen g+hen/ rgyun gyi rnga'o/ / A A A/ haM haM haM/ baM baM baM/ d+haM d+haM d+haM/ dam tshig gsum gyi rnga'o/ /d+he koM koM koM d+he/ badzra badzra nar ne/ koM koM koM koM/ hUM b+h+yo hUM b+h+yo hUM b+h+yo hUM b+h+yo hUM b+h+yo hUM b+h+yo/ ru lu ru lu hUM b+h+yo/ d+heM koM koM/ koM koM koM koM/ d+heM koM koM koM/ dpal he ru ka'i rnga'o/ /pad+ma pad+ma hri/ pad+ma pad+ma hri/ dpal pad+mo'i thal mo brdab pa'i rnga'o//traM traM traM/ ba ba ba ba ba ba ba/ Ta Ta Ta Ta Ta Ta Ta/ tran tran tran tran/ tran tra te/ Ta tud te/ rud tad tad ta/ rgyal po'i rnga'o/ /Tak+ki hUM dza/ snyems pa'i 'gros so/ /tra tra tra tra tra tra tra/ myur zhing rab tu myur ba'o/ /Ta ta ba/ Ta ta ba/ hUM Ta ta ba/ Ta ta ba hUM/ dpal rta mchog rnam par rol pa'o/ /Ta Ta pa Ta Ta pa Ta Ta ba/TaT pa TaT pa TaT pa/ Ta ta/ shin tu myur ba'i rnga'i phyag rgya'o/ /lha rnams mnyes par bya ba dang / /las rnams 'grub par bya ba'i phyir/ /thog ma bar skabs mtha' rnams su/ /sbyin sreg drug gi las brtsam bya/ /dkyil 'khor chen po'i shar phyogs su/ /las kun ba dang rgyas pa brtsam//byang du zhi ba lhor mngon spyod/ /nub tu dbang dang dgug pa'i las/ /thab khung kun gyi nang rgya ru/ /khru gang zabs su phyed brkos shing / /kha khyer rim gsum bskyed byas pa/ /rim bzhin sor ni bzhi bzhir gnas/ /zhi la zlum po rgyas gru bzhi/ /dbang la zla gam gru gsum drag /dkar ser dmar nag rim bzhin mdog /las kun dbyibs dang mdog kun ldan/ /dgug pa lcags kyu mtshon cha'i tshogs/ /rang gi rigs mthun kha dog can/ /'khor lo rin chen pad+ma dang / /rdo rjes mtshan cing phreng bas brgyan/ /so so'i rigs dang mthun pa yi//bud shing rang gi dbyibs su brtsig /sor bzhi brgyad dang bcu drug gnyis/ /yam shing me tog dri yis brgyan/ /rtse mo'i cha las rtse mo ste/ /so so'i mar gyis byug pa'o/ /thab [(]gyi [,]kyi [)]phyi rol 'khor dag tu/ /ku sha rgyan dang tshon cha dang / /me long rnga ma yol bar bcas//tshon cha sna lnga'i thag pas bskor/ /g.yas su rdo rje dril bu dang / /yam shing til dang rlung yab gzhag /g.yon du dri chu me tog dang / /dUr ba ku sha'i chun po gzhag /mdun du mchod pa rnam lnga dang / /mchod rdzas gzhan yang gzhag par bya/ /mchod yon yan lag brgyad ldan pa//dri sna me tog dkar po dang / /zho dang dUr bas bkang ba dang / /'bras dkar yungs kar mar dang zho/ /mchod rdzas kun gyi sna ba dgod/ /bgegs bsal bsrung sbyang byin gyis brlab/ /rdo rje sems dpa'i ting 'dzin gyis/ /rigs kyi dkyil 'khor gsal byas nas/ /chas gos lnga po dbu rgyan phreng //phyag rgya lnga sogs rgyan gyis mchan/ /mdun du dpal mchog las byung ba'i/ /raM skyes las dang rjes mthun pa'i/ /dkar ser dmar gnag go rims bzhin/ /zhi sogs las mdzad me lha bskyed/ /mig gsum gdong bzhi rim pa can/ /gsus po che la phyag bzhi pa//mi 'jigs rgya phreng spyi blugs dang / /dbyig pa srad bu'i phreng ba thogs/ /snying gsum mdo yum dang 'khril/ /pad+ma'i gdan la rnam par gnas/ /dbang bskur byin rlabs dbu rgyan bcas/ /me ri 'bar bas mtshan pa'o/ /dam tshig sems dpa'i gzugs 'dra ba'i/ / ye shes 'phrul pa spyan drangs nas/ /thab kyi logs su gzhag byas la/ /bsang gtor mchod yon zhabs bsil dang / /nye reg phul te phyag rgya bzhi/ /gnyis su med par bstan par bya/ /oM Ta ki hUM dza hUM/ dzaHhUM baM hoH/ sa yaya s+t+waM/ g.yas pas ku sha'i chun po bzung / /phyogs rnams kun du bsang gtor bya//so so'i las dang mthun pa'i me/ /rlung yab ba dan dang bcas sbar/ /oM dz+nyA na dz+wa la raM/ lag gnyis mchod yon phyag rgya yis/ /dud chos blangs te dbul bar bya/ /dgang gzar blugs gzar tshad ldan la/ /mtshan ma'i ye shes brgyan byas te/ / 'od bcas mar khus bkang nas ni/ /lan gsum lha yi zhal du bstim/ /oM na maHsa man+ta bud+d+hA nAM/ ag+na ye swAhA/ dgang blugs kyi sngags so/ /mchod pa rnam pa lnga yi tshogs/ /so so'i sngags dang phyag rgyas dbul/ /oM ag+na ye swAhA/ /yam shing gi'o/ /oM sarba pA paM da ha na badzrA ya swAhA//pA pa da ha na swAhA/ /til dang mar bsres pa'i 'o/ /oM badzra A yu She swAhA/ /dUr ba'i myu gu mar gyis byugs pa'o/ /oM badzra push+pe ye swA hA/ /'bras ma grus pa dang / /mar bsres pa'i 'o/ /oM sarba saM pa de swAhA/ zho'i 'o/ /oM a pra ti ha ta ni ha d+ha badzrA ya swA hA/ ku sha rkyang ba'i 'o//oM pra bar sat+ka ra pra tits+tsha ho zhes pa yang dgang blugs so/ /nye reg la sogs byas nas ni/ /dpa' bo rdo rje dril 'khrol zhing / /bstod pa'i phyag rgyas mnyes byas nas/ /gar dbyangs rol mos bskul bar bya/ /lag gnyis lto sbyor spyod byas te/ /rdzas rnams lan gsum sbyang bar bya//oM ki lI ki lI/ bi ma la ri'u tri/ ta ki ni hr-i da ya hUM phaT/ de nas dkyil 'khor gang yin pa'i/ /lha rnams me yi gnas su gzhug /gong ma'i dkyil 'khor rim pa bzhin/ /rang gnas gdan la legs bzhugs sam/ /ma 'brel me lha'i khang pa ru//dam tshig dkyil 'khor rim bzhin bsam/ /ye shes dkyil 'khor spyan drangs te/ /dgug gzhug la sogs gnyis med par/ /mchod bstod las rnams sngon bzhin las/ /gsang sngags mtha' sngags skul tshig bcas/ /oM lha yi me lha shin tu tshogs/ /lha yi dri yis nye bar byugs//me tog bzang po 'di bzhes la/ /gnas 'di nyid du bzhugs su gsol/ /oM mar me 'od zer 'bar ba ni/ /ngan 'gro'i mun pa 'joms byed pa'i/ /lha yi mig 'byed dam pa 'di/ /bdag la dgongs te bzhes su gsol/ /oM tsan+dan ga pur bcas pa yi/ / dri mchog bdug spos dam pa yi/ /dbang po'i sgo rnams tshim pa'i mchog /byin gyis rlobs la bzhes su gsol/ /oM sna tshogs lha yi dri ldan pa/ /sna tshogs ga pur gyis ni brgyan/ /sna tshogs hUM las yang dag byung / /dri mchog 'di dag bzhes su gsol/ /oM kha dog dri dang ror ldan pa'i//bza' ba'i bye brag sna tshogs dag /zhal zas phun sum tshogs pa'i gzhi/ /'gro ba'i don du bzhes su gsol/ /lha rnams mnyes shing tshim pa dang / /'dod pa'i 'bras bu gsol btab cing / /mchod bstod bskul tshig las byas te/ /snga ma'i dkyil 'khor gnas su dgod//gal te ma 'brel spyan drangs lha/ /thugs ka nas bton kha la bzhag /zhal bsil la sogs dbul byas te/ /sngar bzhin gshegs gsol bsdus pa dag /sngags dang phyag rgyas gshegs su gsol/ /oM khyed kyis sems can don kun mdzad/ /rjes su mthun pa'i dngos grub stsol//sangs rgyas yul du gshegs nas kyang / /slar yang byon par mdzad du gsol/ /oM AHhUM/ badzra gats+tsha muH/ rigs kyi dkyil 'khor bsdu byas nas/ /lhag mas me lha mchod byas te/ /sngar bzhin gshegs gsol bsdus pa dag /mnyam nyid rang la gnas par bya'o//de nas las kyi rdo rje yis/ /dkyil 'khor phyi rol mtshams dag tu/ /khor yug zlum po'i rim pa la/ /drags byed mkha' 'gro'i tshogs rnams kyi/ /pho brang gdan dang mtshan ma'i rtags/ /rin chen rgyan tshogs phreng bar bcas/ /sna tshogs bza' btung gtor ma'i tshogs//lhag ma'i tshogs bcas dgram par bya/ /rdzas rnams tshogs nas dri yis bsang / /bdud rtsi'i rgyun dbab sbyang zhing bsrung / /dbus kyi lha tshogs rdo rje'i steng / /haM las rta mchog rgyal po bsgom/ /phrin las rnam bzhi'i dkyil 'khor la/ /dug gsum 'byung bzhi rang rtags phreng //sgo bzhi bar khyams phyi rol sgo/ /rang gi mtshan mas mdzes par byas/ /mdun du dbang phyug chen po ste/ /g.yas su tshangs pa brgya byin lha/ /g.yon du khyab 'jug 'dod lha ste/ /chung ma bzhon pa la gnas pa'i/ /mtshan ma rgyan bcas 'jigs pa'i tshul//rang gi sa bon sngags las skyes/ /dbang ldan me lha'i rgyal po dang / /srin po'i rgyal po rlung gi bdag /chung ma bzhon pa'i gdan dang bcas/ /lho 'am shar du lha chen brgyad/ /lho ru gshin rje ma mo'i tshogs/ /nub phyogs pho nya klu yi 'khor/ /byang du gnod sbyin chen po brgyad//sgo bzhir nyi zla sa bdag che/ /sa yi lha mo gnas pa'o/ /phyi khyams ma tshogs dbang phyug rnams/ /sgo bzhir mkha' 'gro chen mo bzhi/ /kun kyang rgyan bcas cha lugs dang / /lag cha bzhon par bcas pa yi/ /chung ma khyo dang bran tshogs g.yog /gsang sngags las bskyed gsal bar dgod/ /dgug cing gnas su gzhug byas nas/ /zil gnon dam tshig phyag rgya bstan/ /mchod bstod las la bskul byas nas/ /rta mgrin phyag rgya rnam gnyis bcing / /hUM khro las rnga tshan 'bar ba'i skur ston cing //'jigs byed lha chen yab yum zhabs kyis gnon/ /drag po'i dkyil 'khor sna tshogs ston mdzad pa'i/ /dbu mang rta skad 'tsher zhing gar mdzad pa/ /nyi ma 'bum gyi 'od mdangs sku la rdzogs/ /khro rgyal 'khor bcas ma lus gshegs su gsol/ / oM sum+b+ha ni sum+b+ha hUM/ dzaHhUM baM hoH/ A kaD+D+ha ya/ A kaD+D+ha ya/ pra be sha ya pra be sha ya/ ban+d+ha ya ban+d+ha ya/ to Sha ya to Sha ya/ mo ha ya mo ha ya/ oM e A ra li ho/ /hriM hriM hriM/ oM 'jigs byed lha chen dbang phyug dang / /de bzhin tshangs pa brgya byin dang / /khyab 'jug 'dod dga'i dbang phyug dang //'jig rten skyong ba'i lha klu dang / /gnod sbyin gshin rje ma mo'i tshogs/ /mtshams kyi dbang ldan la sogs pa'i/ /gal te rdzu 'phrul mthu mnga' rnams/ /bran tshogs g.yog dang chung mar bcas/ /dpa' bo'i spyan sngar dam bcas bzhin/ /rang gi dam tshig rang byos la//tshogs kyi dkyil 'khor bsrung ba'i phyir/ /'khor bcas gnas 'dir gshegs su gsol/ /oM e h+ya hi/ ru lu ru lu dzaHhUM baM hoH/ oM badzra DA ki nI b+h+yo e a ra li dzaHdzaH/ oM DA ki nI A kAR+Sha ya A kAR+Sha ya/ pra be+e sha ya pra be sha ya/ ban+d+ha ya ban+d+ha ya/ to Sha ya to Sha ya/mo ha na mo ha na/ sarba na ta ki nan/ hr-i da ya hUM phaT dza dzaHhUM baM hoH/ Ta ki ni hUM dzaH/ Ta ki phyag rgyas dgug pa'o/ /oM shrI he ru ka /ma hA badzra/ sarba duSh+Tan sa ma ya mu dra pra pany+tsa kra hUM phaT/ he ru ka'i phyag rgyas zil gyis mnan pa'o/ /oM badzra ba ta mu kha/ A kA ra Sha ya/ A kAR+Sha ya/pra be sha ya/ pra be sha ya/ ban+d+ha ya/ ban+d+ha ya/ to Sha ya/ to Sha ya/ sarba D+Sha ki nan/ hr-i da yan/ ha ha hi hi/ oM AHhUM/ rta mgrin phyag rgyas dbang du bsdu ba'o/ /rdo rje phur pa gdab byas pas/ /bgegs kun g.yo ba med par byas/ /ye shes mes bsregs bdud rtsis gsos//sbyang zhing byin brlabs lha yi skur/ /sku gsung thugs kyi rdo rje dang / /rigs kyi bdag po'i mtshan mas brgyan/ /snga ma'i phyag rgya'i cha lugs las/ /'od mdangs rgyan chas 'bar ba yi/ /'khor bcas bsdus pa'i dga' 'gyur kun/ /dam tshig lha dang gnyis med sbyor//oM thugs rje chen pos gzigs nas kyang / /sna tshogs rnam par 'phrul mdzad cing / /gar mkhan 'khor lo'i rgyud mnga' ba'i/ /drag po'i zhi mdzad khyod la phyag 'tshal lo/ /sna tshogs gar gyis rnam par 'phrul la phyag 'tshal lo/ /rdo rje la sogs mtshon chas rol la phyag 'tshal lo//ma lus lha yi lha mchog skyong la phyag 'tshal lo/ /dpa' bo rtsal rdzogs stobs bcu'i shugs la phyag 'tshal lo/ /haM a ti bu ho/ /a la la ho/ /ma lus mchod gtor rdzas rnams kun/ /ho ho hriHyis bsregs sbyangs brlab/ /rin chen dbyibs mdzes spras pa'i snod//'dod lnga'i longs spyod bdud rtsi'i mtsho/ /lha mos 'khril ba'i dgyes stobs shing / /kun bzang mchod sprin gang bar dmigs/ /dang po dri yi chus bsangs nas/ /mchod yon zhabs bsil me tog 'thor/ /so so'i ting 'dzin phyag rgyas sngags//mchod gtor rim bzhin dbul bar bya/ /oM badzra puSh+pe/ oM badzra d+hU pe/ oM badzra gan+d+he/ oM badzra nai be d+ye pU dza s+pha ra Na swAhA/ oM tad+ya thA/ na ma badzra ma hA de ba/ badzra biSh+N+ya/ badzra bra ma/ badzra in+d+ra/ badzra kA ma de ba/ badzra a yu d+ha/ badzra mA ya/ badzra sho d+ha/ badzra b+hai ra wa/ badzra ga na pa ti/ badzra d+ha sha gr-i ba/ badzra pA sha kA la/ badzra ku ma ra/ badzra ya ma rA dza/ badzra ya ma ka la/ badzra ya ma duSh+TAn/ badzra ya ma kro d+ha/ badzra ya ma tsakra/ badzra ya ma shU la/ badzra ya ma sa ra/ badzra ya ma mu raM/ badzra nA ga tsakra/ badzra nA ga ba su ka /badzra nA ga karko Ta/ badzra nA ga pad+ma/badzra nA ga ma hA pad+ma/ badzra nA ga shaM kha pA la/ badzra nA ga ga yu/ badzra nA ga ku li ka /badzra nA ga ba la ta/ badzra nA ga gu su/ badzra ya ma Ni b+ha dra ye/ badzra pUr+Na b+ha dra ye/ badzra da na d+ha ya/ badzra ma hA d+hA dza na/ badzra dzi bi ku lan+d+ha ya/ badzra dzaM b+ha la mu khan+ta ya/ badzra dzaM b+ha la dz+wa lain+d+ra ya/badzra ki li mi li ni/ badzra ag+na ye/ badzra ni r+R-i te/ badzra bai raM ba/ badzra I sha na ye/ badzra nA ga u li ka /badzra nA ga pa la ti/ badzra sur+ya ba/ badzra tsan+d+ra ba/ badzra gaM tsi tri/ badzra pra ti bi de ba/ badzra DI ki nI kA la badzra b+h+yo/ badzra DA ki nI kA la rat+na b+h+yo/ badzra DA ki nI kA la pad+ma b+h+yo/ /badzra DA ki nI kA la karma b+h+yo//sa pA ri wa ra/ i daM d+hU pa/ puSh+pa/ dI paM/ gan+d+haM/ nai bi t+ye/ di san ka taM/ pa lI pra ha raM/ pra tits+tsha/ yu ba buM dza/ na ma sarba satwa/ nan ba ti/ rat+N+d+ya/ su bar+Na/ d+ha na d+h+ya n+ya/ a yu yo ba na/ a rokya/ sad su khaM/ a pa ha ra kaM/ shAn+tiM ku ru/puSh+TiM ku ru/ pa shaM ku ruM/ mA ra ya/ sarba karma ar+tha sid+d+hi hUM hUM swA hA/ oM thams cad gnyis med thugs rje'i mchog /rdo rje gsang gsum gnas las byung / /dam pa'i dka' spyod byang chub sems/ /drag po'i gzung 'dzin mkha' 'gro'i tshogs/ /dam tshig bstan pa gnas bsrung zhing //rnal 'byor sgrub pa'i las mdzad ma/ /don kun phrin las sngags kyi mthus/ /'gro ba'i gnas kun rnam par dag /byang chub spyod pa rgya mtsho'i tshogs/ /dam bcas phrin las sna tshogs kyis/ /sangs rgyas thams cad mnyam sbyor ba'i/ /mkha' 'gro sgyu ma'i don ston mdzad//oM shin tu drag chen sprul pa'i sku/ /khams gsum gnas kun g.yo mdzad pa/ /kaM las sprul pa'i lha chen po/ /dkar ser khyu mchog gdan la bzhugs/ /zhal phyag mtshungs par tri shU la/ /dgra sta ral gri thod khrag sha /spyan gsum ral pa thod phreng rgyan//rin chen sna tshogs gos kyis bklubs/ /zla ba phyed pa'i ru mtshon can/ /sgeg dgyes chags pa'i gzi mdangs kyis/ /u ma ljang skya thod pa thogs/ /zhi ba rin chen rgyan bcas 'khril/ /stobs ldan dpa' bo dpa' mo'i tshogs/ /'khor bcas gnas 'dir 'dus pa rnams//mchod gtor rgyun bcas 'di bzhes shig /rang gi dam tshig dran byos la/ /zhi rgyas dbang drag las kun dang / /thun mong dngos grub 'dod pa'i don/ /bdag sogs rnal 'byor sgrub pa'i tshogs/ /ma lus thogs med grub par mdzod/ /oM khams gsum gtso bo 'byin byed lha//oM las sprul pa'i tshangs pa che/ /gser mdog gdong bzhi phreng bas mdzes/ /g.yas gnyis pad ser ral gri thogs/ /g.yon gnyis 'khor lo rin chen 'od/ /ngang pa zla ba'i khri stengs gnas/ /khams gsum bskyod tshul rnam grub ma//mdzes ma kun gzugs yum dang 'khril/ /oM byang chub sems dpa' gtso bo mchog /a las sprul pa'i lha dbang rgyal/ /dkar gsal zla rgyas mdangs dbang phyug /gos rgyan rin chen tshogs kyis bklubs/ /g.yas gnyis rdo rje rtse gsum rin/ /g.yon gnyis rin chen phreng ba bum//glang chen rin chen khri stengs na/ /sha rtsi dkar mo'i rin chen pad/ /'khril tshul 'dod pa'i longs spyod tshogs/ /rin chen sna bdun tshogs la rol/ /oM stobs ldan drag po mthu bo che/ /haM las sprul pa khyab 'jug gtso/ /mthing nag khro bo'i tshul 'chang ba//'khor lo rtse gsum mda' dang gzhu/ /'jigs pa'i cha lugs gos rgyan bklubs/ /ri dwags shing rta rin chen khri/ /gzugs 'dzin drag mo pad+ma 'dzin/ /mtshon cha 'khrigs pa'i phreng ba can/ /oM ma lus 'dod tshogs kun gyi bdag /d+haM las byung ba'i 'dod lha mchog /ser skya sna tshogs rgyan gyis bklubs/ /g.yas gnyis mda' mchog rin po che/ /g.yon gnyis rin chen gzhu pad+ma/ /'dod dpung rin chen kun la spyod/ /drag po gnas rgyal rin chen skyes/ /rin chen khri bcas rta yi tshogs/ /lha yi bdud sogs mos pa'i dpung //yan lag bzhi bcas las mdzad pa/ /oM shar gyi phyogs nas lha chen tshogs/ /gsang ba'i bka' 'dzin dam tshig can/ /a yig sngags kyis sprul pa rnams/ /zhi ba'i rgyan bcas byang sems gsal/ /rdo rje mtshon cha gser mdog 'od/ / zhal phyag bzhi pa rdo rje rin/ /pad+ma bum pa bdud rtsi'i rgyun/ /rin chen gos rgyan yum dang bcas/ /rgyal po chen po'i tshul 'dzin cing / /glang chen rin chen stegs la gnas/ /rdo rje sgyu ma sngo bsangs mdog /g.yas gnyis 'khor lo ral gri 'dzin/ /g.yon gnyis dung dang pad+mo thogs//nyi ma'i 'od mdangs stan la gnas/ /dbu rgyan phreng ba gos kyis bklubs/ /btsun mo'i 'khor tshogs sum cu gnyis/ /rdo rje glang sna dkar ser mdangs/ /g.yas gnyis gtun shing ral gri dang / /g.yon gnyis phreng ba rin chen 'khor/ /chu srin rin chen pad+ma'i khri//mche gtsigs khro tshul drag po spyan/ /btsun mo gtum chen bdud rtsi'i snod/ /rdo rje 'jigs byed khro bo'i mchog /sngo nag me 'od 'bar ba'i phreng / /g.yas gnyis rtse gsum 'khor lo myur/ /g.yon gnyis mtshon cha me 'od phreng / /ma mo'i gdan la yum dang 'khril//thod rus sbrul gyi phreng bas brgyan/ /rdo rje tshogs bdag ljang ser sku/ /rin chen gos rgyan 'jigs pa'i tshogs/ /g.yas gnyis bdud rtsi rin po che/ /g.yon gnyis zla ba rtse gsum mdung / /rdo rje brag chen rlung dkyil myur/ /btsun mo stobs chen brgyad kyi dbus//rdo rje srin mo sngo skya'i 'od/ /srid gsum thal byed rnga skad sgrogs/ /g.yas gnyis gri gug dbyug pa 'dzin/ /g.yon gnyis pad+mo'i thod pa 'chang / /thub dka' srin po'i gdan la gnas/ /yum bcas rgyan phreng 'jigs pa'i tshul/ /rdo rje zhags pa gnas kun rgyal//mdog gnag mi lpags thod pa'i rgyan/ /g.yas gnyis zhags pa rtse gsum 'od/ /g.yon gnyis gri gug thod pa'i snod/ /lus ngan sprul pa'i khri la gnas/ /yum tshogs pho nya gtso bo brgyad/ /rdo rje gzhon nu gdong drug lha/ /dmar ser zhi ba'i rgyan gyis mdzes//g.yas na rin chen pad+ma mda'/ /g.yon na phreng ba bum bzang gzhu/ /ngang pa pad+mo rdzing bcas gdan/ /phyag rgya yum sogs gnas drug ma/ /oM lho yi rgyal chen gshin rje'i tshogs/ /byang sems yang las 'phrul ba'i gzugs/ /khro bo 'joms byed rgyan phreng bklubs//'jigs pa'i gzugs mchog khro gnyer 'gyur/ /mche gtsigs pheM sgrogs spyan gsum bgrad/ /ser skya'i skra 'bar sma ra can/ /ma tshogs yum bcas thal zhag khrag /lus byugs thod phreng ma he'i gdan/ /rdo rje gshin rje'i rgyal chen po/ /sngo nag 'khor lo ral gri 'dzin//rdo rje gshin rje dus kyi tshogs/ /mdog dmar glegs bam khram shing thogs/ /rdo rje gshin rje sdang ba 'joms/ /ser skya rtse gsum ba dan dril/ /rdo rje gshin rje khro bo mchog /sngo nag ral gri thod khrag sha /rdo rje gshin rje 'khor lo'i bdag /dud ka 'khor lo phreng ba me/ /rdo rje gshin rje mdung 'dzin gnon/ /sngo skya mdung rtse gsum pa rlung / /rdo rje gshin rje mda' 'dzin rgyal/ /dmar skya mda' gzhu glog phreng rgyan/ /rdo rje gshin rje thub pa che/ /sngo nag gri gug thod khrag sprin/ /dur khrod gnas che gtum pa yi//mkha' 'gro 'jigs byed brgyad rnams kun/ /mdog nag mun pa'i tshogs ltar gtibs/ /lag na gri gug thod khrag sha /dus 'dzin 'chi bdag zlog byed cing / /ma mo sbed pa'i gdon la brtson/ /oM nub phyogs rdo rje klu yi tshogs/ /byang chub sems sogs phuH las sbrul//rdzu 'phrul mthu stobs byin rlabs can/ /rin chen 'bar ba'i sbrul mgo'i rgyan/ /pho brang rin chen khang mdzes na/ /bdud rtsi'i rgya mtsho rdzing bu'i tshogs/ /btsun mo yum tshogs dga' ba rnams/ /rin chen pad+ma'i skyed tshal gnas/ /rdo rje mtha' yas sngo bsangs mdog /sbrul zhags rin chen bum pa thogs/ /rdo rje nor rgyas mdog dkar la/ /nor bu rtse dgu phreng ba'i tshul/ /rdo rje 'jog po dmar mdangs can/ /sprin phung rin chen char 'bebs mdzed/ /rdo rje karko Ta nag po/ /rin chen phreng ba pad+ma'i rgya/ /rdo rje pad+ma chu shel mdangs/ / 'dod pa'i zhal zas bdud rtsi'i rgyun/ /rdo rje pad chen dkar skya'i mdangs/ /me tog ut+pal sgra snyan sgrogs/ /rdo rje dung skyong gser gyi mdog /phreng ba ljon shing me tog rgyan/ /rdo rje rigs ldan sna tshogs sku/ /chu srin rin chen gter mdzod sbyor/ /oM byang gi gnod sbyin 'jigs pa'i gtso//pho brang rin chen gnas kyi bdag /mi'u thung gzugs 'dra stobs ldan pa/ /byang sems rigs sogs haM las sprul/ /rin chen bum tshogs nor bu'i tshogs/ /pad+ma bdun brtsegs rin chen khri/ /dpag bsam rgyan phreng bum pa'i lho/ /rgyal blon btsun mo'i tshogs dang bcas//rdo rje gang bzang chu shel mdog /rin chen mkha' mdzod zla gsal mdangs/ /rdo rje bum bzang gser lta bu/ /rtse gsum bum pa lag na 'dzin/ /rdo rje nor bzang bai DUr+ya/ /nor bu rin chen phreng ba'i tshogs/ /rdo rje rnam thos gser gyi mdangs/ /mchod rten rin chen dbyig pa thogs//rdo rje lus ngan ljang skya'i 'od/ /rin chen dbyug pa lcug ma'i rgyun/ /rdo rje gnon 'jigs mthing shun mdog /ral gri ut+pal me tog phreng / /rdo rje gnon gnas nyi ma'i mdangs/ /shing thog ne'u le'i rkyal bu 'thor/ /rdo rje sde bzang in+d+ra'i mdog /glegs bam rin chen bum pa'i chu/ /khro gnyer spyan dmar dbu skra 'khyil/ /mche ba cung zad 'dzum mdangs brgyan/ /rin chen go cha mtshon sna tshogs/ /'dod pa'i longs spyod kun gyis myos/ /oM mtshams kyi rgyal chen dpa' bo'i dpung / / rang gi 'khor tshogs 'dul mdzad pa/ /byang chub sems sogs gzhan don mdzad/ /sa bon a ri yaM ming las/ /'phrul bas byin rlabs gzugs dang ldan/ /gtso bo rang rig rgyan gyis mdzes/ /rdo rje me lha dmar ser 'od/ /bgrang phreng spyi blugs srad bus brgyan/ /rdo rje srin po dmar ser 'od//chu srin pad+ma 'jigs byed gzugs/ /rdo rje rlung lha dud kha'i mdog /ba dan phreng ba kha mang rgya/ /rdo rje dbang ldan in+d+ra rin/ /be con rtse gsum 'od phreng 'khrigs/ /btsun mo'i 'khor tshogs las mdzad pa/ /ra skyes chu srin sha ba dang / /mi ro'i stan la rin chen brgyan//'dod pa'i longs spyod dga' rtser rol/ /oM sgo bzhi pho nya mthun pa'i grogs/ /rnal 'byor dam can skyong mdzad pa/ /steng 'og nyin mtshan dus 'byed cing / /byang chub sems sogs spyod ldan pas/ /tshad med bzhi yis rnam par rol/ /sa bon suM tsaM pra taM las/ / 'byung ba'i gzi brjid 'od po che/ /btsun mo dam pa'i gnas longs spyod/ /blon po ded dpon dpung bcas pas/ /dam chos bstan pa rgyas par mdzad/ /rdo rje nyi ma me shel mdangs/ /pad+ma rin chen shing rtar ldan/ /rdo rje zla ba chu shel 'od/ /bdud rtsi ku mu ngang pa'i khri/ /rdo rje sa 'dzin gser gyi mdog /bum pa bgrang phreng pad+ma'i gdan/ /rdo rje thags bzangs btsod [(]gyi [,]kyi [)]mdog /go mtshon 'brug gi khri la gnas/ /'jig rten gsum la mnga' mdzad pa'i/ /stobs ldan phrin las myur ba'i tshul/ /oM bde gshegs sras tshogs bka' nyan bran/ /mkha' 'gro'i rgyal po rgyal mo rnams//rnam pa rang gi gzugs nyid la/ /rang bzhin bde gshegs sku gsung thugs/ /phyag rgya rnam bzhi dbu rgyan dang / /rigs kyi bdag por dbang bskur ba'i/ /rgyal ba'i sras tshogs thugs rje can/ /bka' gsang dam tshig bran byos la/ /rmad byung mthu dang rdzu 'phrul gyis//rig 'dzin sgrub pa'i grogs mdzod cig /dgra bgegs nad gdon bar chad rnams/ /phrin las kun gyis 'dul mdzad cing / /tshe dbang bkra shis bde legs tshogs/ /dus kun du ni rgyas par mdzod/ /oM phyi rol ma tshogs mkha' 'gro'i sku/ /thams cad 'phrul pa'i rdzu 'phrul can//sna tshogs dbang phyug phrin las kyis/ /rtag tu rang gi don brtson zhing / /drag po mkha' 'gro'i tshogs bsdus pas/ /gzhan don las la rnam par rol/ /sprul pa yang sprul 'jigs pa'i gzugs/ /gsod don sha khrag las la brtson/ /shar gyi rdo rje sgyu 'phrul gtso//gzugs chen nam mkha'i gos gyon ma/ /keng rus rnam par 'gyur ba dang / /mkha' chen 'dra ba'i sgyu ma che/ /rdo rje'i thog 'bebs mthu rtsal can/ /mun pa'i tshogs 'joms snang ba'i sku/ /rdo rje rigs tshogs mkha' 'gro'i rgyal/ /dkar mo rdo rje rtse gsum dang //'khor lo gtun shing gri gug mtshon/ /mda' rnon lcags kyu zhags pa dang / /ral gri thod dbyug mdung 'phen ma/ /mi mgo rgyu ma'i phreng ba thogs/ /'jigs pa'i mtshon cha me ltar 'phro/ /gtum pa'i rngam tshig 'brug bzhin sgrogs/ /shar gyi gnas mchog lhun po'i rtse//dkyil 'khor 'bar ba'i las mdzod cig /lho phyogs rin chen 'od mdzes brgyan/ /byang chub gnas bsrung rdzu 'phrul che/ /khro gnyer 'jigs pa'i sprul pa can/ /gshin rje'i tshogs 'joms mche ba thogs/ /'od chen khams gsum khyab pa mo/ / rin chen dbyug pa'i glu dbyangs sgrogs/ /sngon 'gro ral gri thod khrag 'thung / /'khor lo sti ra me thab dang / /bdud kyi khram shing zhags pa bdun/ /rtse gsum mgo thod dum bu dang / /dra ba lcags kyu 'bar ba thogs/ /'jigs pa'i 'od 'bar rin chen gnas/ /rgya mtsho 'khyil ba'i klung gnas spyon//ban chen yi dwags gdan rnams su/ /sprul pa'i nyi ma'i 'od zer ltar/ /dam bcas phrin las skabs la bab/ /nub phyogs pad+ma'i 'dod chags ma/ /rdo rje keng rus gnas kun 'joms/ /shugs 'chang rlung gi grong khyer bdag /sgrub pa'i gsang 'dzin phyag rgya can/ /ro yi phreng bas bskyod pa'i gnas/ /mtshon cha glog gi phreng thogs ma/ /dmar po thod dbyig rgyu ma'i phreng / /gri gug 'then thag zangs dung dang / /mkha' lding mi snying khrag 'dzag ma/ /mda' yi me tog lcug ma dang / / rdo rje'i phreng ba thod dbyug 'chang / /ro yi nags tshal lcug ma can/ /khams gsum 'khrug pa'i khrag mtsho nas/ /dbang po srid gsum chags mdzad spyon/ /byang gi rdo rje las mchog gtso/ /kun du bzang mo yid kyi shugs/ /rdo rje gnod byed dpa' mo'i mchog /dpal ldan bzang mo'i rgyan cha can//'bar ba'i spyan can drag po'i gzugs/ /las rnams kun la mnga' mdzad rgyal/ /ljang gnag rdo rje rgya gram khrag /me ri 'bar bcas lcags kyu zhags/ /gnod sbyin dbyug pa bdud rtsi dang / /be con zla dkyil thag mdung dri/ /'khrul 'khor me tog lcug ma dang //rtse gsum ba dan mi yi rkang / /gnod byed stobs mchog 'jigs pa'i ri/ /byang gi gtum 'phrul rol ba'i tshogs/ /ma mo mkha' 'gro gzugs can rnams/ /dam tshig mchog gi gnas grub mdzod/ /oM bud+d+ha DA kI ni man ba liM ta pra tits+tsha ho oM phaT khA hi/ oM badzra DA kI ni man ba liM taM pra tits+tsha ho hUM phaT khA hi/oM rat+na DA kI ni man ba liM ta pra tits+tsha ho hraM phaT khA hi/ oM pad+ma DA kI ni man ba liM ta pra tits+tsha ho hri phaT khA hi/ oM karma DA kI ni man ba liM ta pra tits+tsha ho haM phaT khA hi/ dzaHhUM baM hoH/ A be sha ya/ A be+e sha ya/ pra be sha ya/ pra be sha ya/ pra tits+tsha ho/ /shrI b+ha ga bAn/kha kha kha/ le le le/ khA hi khA hi khA hi/ oM g+hu ru tro ha ka /sa ma ya pra sha khA hi/ bag sha su nan/ bud+d+ha k+She Ta pra tiSh+TaM pa ya khA hi/ pad+ma'i phyag rgyas kha chus mchod pa'o/ /lag gnyis rgyab sbyar snying gar gtad/ /mdzub bsnol srin lag mig gi tshul/ /gung mtheb gnyis gdangs rtse sprad kha//mthe'u chung gyen du bsgreng ba'i rgyas/ /'jig rten pa yi las tshogs rnams/ /phyogs kun dngos grub rgyas byed pa'o/ /oM pad+ma ba mu karma sid+d+hi hUM/ phyag rgya bdun rol bsgyur byas te/ /mtheb gung mdzub srin gong bzhin sbyar/ /dngos grub mchog rnams dbang byas pas//rten byed mi 'bral kun spyod mdzod/ /oM pad+ma ba mu khe a be sha ya hrIH/ rdo rje khu tshur bcangs pa yi/ /mthe bo rtse bzhi mche ba'i tshul/ /mchod gtor phyogs kun gnas bsgyur bas/ /las kun bya ba mthar phyin 'gyur/ /oM badzra e sa hUM/ pU sa hUM/ sa ma ya bag sha hUM/oM ru lu ru lu hUM b+h+yo hUM/ phyag rgya'i ting 'dzin sngags bcas ldan/ /gtor ma'i las bskul gnas su btang / /slar log dkyil 'khor ma nyams blos/ /bkra shis dngos grub bskul bar bya/ /oM dngos grub dbang phyug yang dag bden pa'i stobs/ /phun sum tshogs pa kun du 'byung ba'i gzhi//stobs mchog mi 'jigs gdon bral 'tshe ba med/ /bcom ldan bkra shis mi 'gyur brtan par shog /oM sangs rgyas thams cad mnyam par sbyor ba yi/ /mkha' 'gro sgyu ma bde ba chen po'i mchog /dkyil 'khor phyag rgya gsang sngags sbyor ba'i mthus/ /rigs kun bkra shis mi 'gyur brtan par shog /oM thams cad dngos grub don tshogs rgya chen po/ /thun mong mngon shes rnam lnga sgo gsal zhing / /gser 'gyur bum pa bcud len bdud rtsi'i tshogs/ /bcu drug bkra shis mi 'gyur brtan par shog /oM mtshan mchog dpe byad mi 'gyur brtan zhing brjid//bdud 'dul bkra shis gdugs mchog rgyal mtshan dung / /'khor lo dpal be'u gser nya bum pa mtshon/ /nye ba'i bkra shis mi 'gyur brtan par shog /oM zhi rgyas dbang drag mnan bzlog las rnams kun/ /thams cad skad cig mthu yis grub 'gyur zhing / bdag gzhan cha lugs gnas kun sbyor byed pa'i/ /phrin las bkra shis mi 'gyur brtan par shog /oM rgyal ba thams cad gnyis med mnyam pa'i dbyings/ /ye shes sku mchog rigs dang sprul pa'i tshogs/ /ma 'dres dngos grub 'bras bzang dpe dang bral/ /snyoms 'jug mi 'gyur bkra shis brtan par shog /las rdzogs rnal 'byor pho mo kun/ /lu gu rgyud kyi phyag rgyas 'brel/ /oM mi gnas ye shes thugs kyi dkyil 'khor du/ /'gyur ba med pa lhun gyis grub pa dang / /rab 'byam rgyal ba'i bka' la dbang thob nas/ / 'gro ba yongs kyi dpal du 'gyur bar shog /'di lta bu yi man ngag lung ston cing / /bka' drin che ba'i dge ba'i bshes gnyen dang / /srog gi lu gu rgyud kyi 'brel pa rnams/ /'og min lhun gyis grub pa'i gnas mchog tu/ /dus gsum 'du 'bral med par 'grogs pa dang //gsang chen thugs kyi dkyil 'khor chen po ru/ /bla med sku gsung thugs mchog grub gyur nas/ /rgyal ba'i mdzad pas 'gro rnams sgrol byed shog /rang rig dkyil 'khor rgyas pa dag /phrin las bcu drug gnas 'jug cing / /phyag rgya gsang sngags 'khrul 'khor sbyor//bsam gtan bya ba'i las bzhin du/ /bdag gzhan don 'gyur dus tshod shes/ /cho ga rten 'brel rdzogs par spyad/ /de yang rten gyi dbye ba yis/ /bsam gtan bzlas brjod sbyin sreg dang / /las sbyor 'khrul 'khor rdzas las sgrub/ /mos sogs goms pa'i shugs kyis 'jug /dang por sbyor ba mthun pa'i las/ /sngon du 'gro ba'i cho ga rdzogs/ /las kyi yan lag dag byas na/ /rung zhing byin gyis brlabs pa tsam/ /gsang ba las dang mthun gnas su/ /grogs sogs dbang bskur byin brlabs ldan/ /mos pas byang chub mchog sems bskyed//dad brtson blo gros 'gyur ba med/ /gsang ba'i phyag rgya rgya chen sgo/ /tshul bzhin the tshom med pas 'grub/ /de ltar byin rlabs myur ba'i mthus/ /las kyi rtog tshogs rab 'jig pa'o/ /sbyor ba ji snyed yod pa kun/ /byed pa rnam pa sna tshogs la/ / rdo rje sems dpa' dpal gyi rgyu/ /dngos grub thams cad rab grub pa'o/ /bya ba dang ni bzlog pa dang / /khyad par du ni dbrog pa dag /yan lag kun du byed pa'i nang / /des ni nor rnams kun kyang dbrog /'o byed 'khyud pa la sogs pas/ /khams gsum pa yang rgyas 'debs so//thar par byed cing gsod par byed/ /sbyor ba'i longs spyod thams cad kyis/ /khams gsum po ni ma lus par/ /rgyas btab rmongs byas blangs nas su/ /gar byas nas ni za bar byed/ /sbyor ba kun gyi bde myong bas/ /khams gsum pa ni ma lus par/ /rgyas btab rmongs byas zos pa dang //thal bar gyur pa'ang 'tsho bar byed/ /sbyor ba thams cad phyag rgya yi/ /rigs mchog gtso bo'i lha mor bcas/ /sna tshogs phrin las ma lus la/ /rang gi tshul bzhin rnam par sbyar/ /ras dang gro ga shing sogs la/ /gur gum gi'u wang tshon sna las/ /bdag gzhan pho mo la dmigs te//rten gyi gsang sngags sbyor bcas bri/ /mu khyud phreng ba rim gsum nang / /sna tshogs rdo rje'i lte ba la/ /'khor lo rtsibs brgyad nyis 'gyur brtsegs/ /rang gi mtshan mas brgyan par bri/ /'khor lo lte ba rnams la ni/ /rigs bdag rtsa ba'i dkyil 'khor sngags//'khor lo gnyis par yi ge brgya/ /sna tshogs mtshams bzhir zhal bzhi pa/ /mu khyud nang mar phreng ba'i sngags/ /gnyis par yi ge ma mo rnams/ /gsum pa rigs kyi mtshon cha phreng / /bar mtshams bsgrub bya'i ming gsol 'debs/ /de la phreng ba'i gsang sngags che//rdo rje sems dpa'i sbyor ba gnyis/ /rigs gzhan dkyil 'khor phyag rgya'i tshogs/ /thams cad shar nas g.yas su bskor/ /oM AHhUM shrI de ba ta/ badzra satwa sto tra na mo stu sti sarba bud+d+ha/ sa ma yo gI na ma hUM hUM swAhA/ oM AHhUM shrI badzra swa dz+yo s+t+ya te su rA ga na mo sarba bud+d+ha sa ma yo gI dz+wa la saM b+hA ra na ma hUM hUM swA hA/oM AHhUM ma hA rA ga mu ga ta/ shrI bai ro tsa na/ sarba tsakra sa ma yo ga rA ga i ti na ma oM khaM swAhA/ oM AHhUM ka ru Na a ma la kro d+d+ha shrI he ru ka /sarba badzrod sa ma yo gI ni sto tra na mo stu ta na ma hi hUM phaT swAhA/ oM AHhUM shrI pad+ma rA ga shud+d+ha shud+d+ho sarba ma hA rA ga pad+mo sa ma yo gI ni na ma hi hUM swAhA/oM AHhUM shrI badzra b+ha ba ta o dza nya tot+ta rat+na sa ma yo gI ni na ma traM hUM swAhA/ oM AHhUM shrI a shod pa ra kra ma sarba bi shwa sa ma yo gI ma hA rA ga na ma haM hUM swAhA/ rigs kyi dkyil 'khor gsal ldan pas/ /rten gyi sbyor ba rang nyid bzhin/ /rdzogs par dgug gzhug brtan byas nas//byin brlabs dbang bskur shis byas la/ /mchod dbul bstod cing gsol ba gdab/ /grangs kyi bzlas brjod rdzogs pa dang / /tshogs bsags bsrung ba la rbo gdon/ /sgrub pos gzungs bzlas mchod par bya/ /sbyor ba'i dkyil 'khor gsal rdzogs pas//chas gos rgyan chas rdzas bsag cing / /rdo rje 'khrul 'khor sngags kyi mthus/ /phyi rol dgra bgegs bdud dpung tshogs/ /nyon mongs rnam rtog nang gi las/ /kun sbyor phyag rgya 'khrul 'khor sngags/ /bsam gtan rigs kyi cho ga ltar//yang dag brtson pa mthu yis 'jig /sa chu me rlung 'byung sogs 'khrug /thams cad zhi ba'i gnas su 'gyur/ /las mchog khro bo'i sbyor bcas pas/ /gtor ma gos dang mar me zas/ /yungs kar thal chen sngags kyi mthus/ /bgegs la bka' bsgo bskrad par bya//zhag bdun la sogs dus kyi mthar/ /sdig pa'i gzugs brnyan 'byung zhing sbyang / /me dang chu yis shis byas te/ /phyi nang las bzhin dag pa'i phyir/ /ming rus dag la gtan gzhag cing / /sngags kyi chu yis khrus byas te/ /dri mchog me tog bzang ldan dang / / gsang sngags 'khor los gnas kun brgyan/ /dbang po'i sgo rnams byin brlabs nas/ /gos byas phreng ba gdags par bya/ /dkyil 'khor gnas su rim pa bzhin/ /'jug pa'i cho ga tshul bzhin du/ /gsang ba'i sngags blo ldan pa yis/ /ro la mchod rdzas cho ga rdzogs/ / dkyil 'khor chen por rigs dbang sogs/ /bya ba'i cho ga skabs kyi don/ /'khor lo rdzogs pa'i gnas brtsams pas/ /bsreg khang rigs mchog pho brang du/ /ma lus dkyil 'khor gnyis med rdzogs/ /ye shes dkyil 'khor dgug gzhug bstim/ /rnal 'byor grogs sogs rgyan bcas pas//bza' btung rgyan dang bgo ba rnams/ /byin brlabs rim gyis lhar gsal zhing / /phyi nang gsang ba'i mchod chen dbul/ /las sngags mtha' rgyan 'brel pa'i mthus/ /stong gsum 'gro gnas sbyang bar bya/ /me lha mnyes pas las rdzogs te//dngos grub 'dod don gsol ba gdab/ /mnyam nyid mi g.yos bstod byas nas/ /smon lam rgya mtsho don mthar dbyung / /dkyil 'khor rnam gsum rdzogs byas pas/ /bde chen byang chub sems nyid sku/ /sngags kyis dag pa'i sku gdung rnams/ /sku gsung thugs ldan phyag rgya che//bskal par mi gnas phyag rgya rdzogs/ /rgyan sogs mchod pas mnyes par bya/ /rdo rje sems dpa' dpal sbyor ba/ /ji ltar gzugs dang dbyibs ldan pas/ /dur khrod lha yi gnas rnams dang / /ma mo'i gnas kyi thal ba mchog /thams cad bral ba'i srung ba ni/ / thig le'am so so'i ris gsum bya/ /phyogs mtshams nam mkha' sa bcings na/ /srung ba kun gyi bla med pa'o/ /rgya mtshor 'bab pa'i chu yi 'gram/ /lha rdzas zhi ba'i chu mchog gis/ /gtor ba dang ni blugs pa dang / /khrus byas pa dang phog pa yis/ /phyogs mtshams nam mkha' sa bcings na//srung ba kun gyi bla med pa'o/ /mi yi thod pa'i nang du ni/ /yungs kar bskyed nas blang bar bya/ /bza' btung lus la byugs pa dang / /phyogs bcur gtor bas bsrung bar 'gyur/ /dpa' bo gcig pa'i rten rnams kyis/ /sbyor ba gsum ldan srung ba'i mchog /de bzhin dkyil 'khor rgyas pas kyang / /thams cad rgyas 'debs rdor sems mchog /sangs rgyas kun bdag sbyor ldan pas/ /phyogs bcu legs pa'i 'khor lo'i tshul/ /bla dang 'og tu byin brlabs nas/ /bsrungs pas sangs rgyas kun dgongs 'gyur/ /he ru dpal gyi rnams 'phrul pas//thams cad kun du kun gyi bdag /thams cad bsrung ba mi 'gyur che/ /mi mthun gdon sogs mod la zhi/ /sna tshogs pad+mo kha 'byed pas/ /sgrib pa med par 'grub par 'gyur/ /'bar bas blta ba'i tshul zhugs na/ /rdo rje 'bar ba mi bzad 'grub/ /rdo rje khu tshur gnyis bcings nas//go cha bgo ba'i tshul du bya/ /'di yis srung ba byas nas ni/ /rdo rje sems dpa' dpal dang 'dra/ /mi chod pa dang mi phyed pa'i/ /rdo rje'i sku ni rab tu 'grub/ /dus rnams kun du 'gro gzhan dag /bsod nams tshe 'phel longs spyod tshogs/ / 'khrul 'khor phyag rgya sngags kyi mthus/ /bde gshegs 'khor los sgyur rgyal stobs/ /lha dbang klu yi dbang sogs kyis/ /'dod yon rin chen gter sogs dpal/ /lang tsho tshe dbang nad med bde/ /yon tan rgyas pa'i tshogs 'phel 'gyur/ / 'khor lo rtsibs brgyad rin chen phreng / /mu khyud yi ge'i phreng bas mdzes/ /rigs mchog lha yi mtshan ma sngags/ /dkyil 'khor rgyas pa'i tshul du dgod/ /bsam bya bris shing bkod pa dag /byin brlabs brtan par 'gyur med gnas/ /chos sems pa yi tshul ston cing //rdo rje khu tshur gnyis dag dang / /zhi sogs lta bas bltas na ni/ /rims dug nad kun rnam par sel/ /rdo rje khu tshur gnyis bcings nas/ /mthe'u chung lcags kyu lta bur sbrel/ /mdzub mo bsnyams pa'i rtse mo mnan/ /nad rnams thams cad zlog par byed/ /yongs su bsgyur te bteg nas su//dpral bar legs par gzhag par bya/ /ma lus lus pa med pa yi/ /sdug bsngal thams cad sel bar byed/ /rdo rje bsdams pa byas pa las/ /mdzub mo phan tshun mngon phyogs pa/ /zug rngu kun las grol 'gyur zhing / /nad rnams kun gyi gnod pa med/ / grub pa dpal gyi spyan bcings nas/ /de yi phyir mig long bas mthong / /sbyor ldan khu tshur dam pa yis/ /slad nas kha nas drangs te btung / /de bzhin rims gnod dug rnams kun/ /sbyor ldan khu tshur tshul gyis btung / /oM sarba ta thA gar+b+b+ha ta mis ho/ /'di ni rna bar bzlas pa'i mchog / zug rngu med cing 'bar ba'i mchog /lag g.yas sems dpa'i gtsug tor bcing / /byis pa nad med bde bar bsrung / /g.yas pa klu'i mgo gdengs ka brgya/ /'bar ba'i tshul ston 'bebs bcas pas/ /dug gi las rnams 'dul byed de/ /'chi ba'ang 'tsho bar byed pa'i mchog /g.yas pa'i mthe bo gung mo gnyis/ /g.yon pa'i khu tshur bcings pa yi/ /gung mo la ni reg byas te/ /gdon rnams kun las thal bar 'gyur/ /ba dan gsum po gnyis bcings nas/ /gung mo gnyis ni mdud par bcings/ /mdzub mo mthe'u chung rtse mo can/ / rdo rje'i phyag rgya yongs bsgyur bteg /smin mtshams bzhag pas mkha' 'gro yi/ /las rnams ma lus lus med 'grub/ /sbyor ba sngags dang phyag rgya'i mthus/ /glang po bya rta 'gro ba'i tshogs/ /skyed tshal me tog ldum ra rnams/ /thams cad gso ba bla na med//thams cad bdag nyid kun sbyor ba'i/ /gnas gsum 'khrul 'khor bsdu ba'i rgya/ /thun mong khams gsum las las byung / /dus 'dir dngos grub las tshogs 'joms/ /mchog gi phyag rgya ye shes sku/ /'dod don 'bras bu 'di sbyor dpal/ /chags pa gnyis tshul longs spyad pas//'bras bzang mdzad pa chen po 'grub/ /khu tshur snying gar bcings pa ni/ /bud med phyag rgyar de bshad de/ /bud med sbyor ba ma lus pa/ /lus pa med pa thams cad 'grub/ /g.yon pa 'gying ba'i tshul du byas/ /lag g.yas bdag gi snying gar ni/ /gyen du drang ba'i tshul byas nas//bud med thams cad dbang du gyur/ /dpal ldan pad+ma sna tshogs 'dzin/ /g.yon pa brdeg pa'i khu tshur dang / /g.yas pa ldang ba 'grub pa dang / /sangs rgyas dbang phyug ting 'dzin bya/ /g.yon pa dril bu sgra sgrogs shing / /g.yas pa yi ni lag pa yis/ /rdo rje gyen du gsor zhing bskor//sgyu ma thams cad dbyung bar bya/ /lag pa g.yon pa brla la gzhag /lag pa g.yas pa'i mdzub mo yi/ /sbyor ba sngags kyi mdangs bcas pa/ /mi dge'i las rnams sel bar byed/ /bdag gi snying gar 'dren tshul du/ /g.yon pa nor bu rin chen 'dzin/ / g.yas nas de rdzogs rin chen bdun/ /bsam pa thams cad yongs rdzogs byed/ /bdag gi snying gar 'dren tshul du/ /pad+mo sna tshogs dam pa 'dzin/ /g.yas pa rdo rje 'gying ba yis/ /dbang phyug dam pa thob par 'gyur/ /drag po'i las kyis 'dul mdzad pa'i/ /mtshon cha gsang sngags spu gris so//gnod gdug phyi nang dgra bgegs sogs/ /thal bar gyur pa'ang 'ching bar byed/ /mtshon cha lnga yi phyag rgya yis/ /khams gsum 'dul byed rgyal bar 'gyur/ /dbyibs dang bde blag sbyor ba dang / /kun du sbyor dang 'dren dang myur/ /'gyed dang 'phen dang gsal ba yis//[(]dag [,]drag [)]po'i las rnams kun la sbyor/ /drag shul sbyor bas gnon pa yi/ /'khrul 'khor sbyor ba sngags ldan pas/ /rkang pa brkyang dang gnon pa dang / /bskum nas 'degs pa'i stabs dag gis/ /g.yas g.yon sbyor ba'i phyag rgya ches//gzugs rnams thams cad mnan par bya/ /sdig med stobs kyis ngo mngon du/ /rigs kyi dkyil 'khor rgyu 'bras dang / /byang chub pha rol phyin sogs dang / /lha chen tshogs bcas mnan byas te/ /dga' sdug lha mo'i tshogs bcas dang / /yon tan longs spyod spyad par bya'o//rdo rje snying po gzhan 'joms byed/ /phyir bzlog rnam par rgyal ba'i mthus/ /'khor lo sngags phreng phyag rgya dang / /sbyor ba kun gyis spro byed pas/ /nyam nga lag dang bde phyogs dang / /thad ka de bzhin gyen du 'degs/ /'di dag bzlog pa'i phyag rgya ste//gnas gsum dag ni bzlog par bya/ /mar ma bdud rtsi rdzas rnams kyis/ /dngos grub blangs nas lha rnams la/ /mchod bstod gtong rag bro gar dang / /dga' ba'i 'gying bcas blang bar bya/ /smin ma mig dang so dang mchu/ /kha dang lus dang rkang lag gis/ /cha lugs bzhin du gar byed pas//phyag rgya yongs su grol ba yis/ /dkyil 'khor rgyas pa la dmigs nas/ /ye shes dkyil 'khor rim pa bzhin/ /rdzogs par phyung ste mdun bzhag nas/ /rim bzhin mchod bstod gshegs su gsol/ /phyag rgya sngags bcas tshigs bcad kyis/ /dgyes shing brtan par 'gro la gzigs//phyi rol ra ba rten gnas bcas/ /dam tshig dkyil 'khor rim bzhin bsdu/ /slar nyid bde ba chen po'i sku/ /thams cad phyag rgya yab yum gnas/ /dpal ldan g.yon pa 'gying dang bcas/ /dpal ldan lag pa g.yas pa yis/ /pad+mo khu tshur dpral bar bzhag /bdag gi mig ni gyen du blta/ /kaM haM rin chen rgya gram gnyis/ /spyi bo snying ga'i gnas rnams spro/ /oM TuM rdo rje khu tshur gyis/ /go cha bgos pa bcing par bya/ /spyi bo dang ni dpral ba gnyis/ /glo gnyis dang ni rgyab tu gnyis/ /rdo rje phreng bas bcings pa dang / /sangs rgyas gtsug gi nor bu dag /dar dpyangs tshul du bcings na ni/ /bsgyings dang bcas pas mtha' nas dgrol/ /dar dpyangs dkar dmar bzhi 'bur zhing / /thal mo brdabs pas brtan par bya/ /rdzas rnams legs par bkrol nas kyang / /rdul tshon chu bo chen por dor/ /ba yi rnam lngas legs byug cing //mchod rdzas rten sogs ci mang sbed/ /khro bo mchod bstod phur pa bton/ /bdud rtsis khrus gsol gzi byin bskyed/ /phyogs skyong rgyal po gsol bskyed mchod/ /mnyes byas zhi sems gshegs su gsol/ /rang gi lha yi sbyor ldan pas/ /rigs kyi dkyil 'khor bkang byas te//brda yi mtshams la sogs pa dgrol/ /srung ma tshogs mchod gtong rag gtang / /spyod lam ma nyams dkyil 'khor blos/ /mdzad spyod tshogs chen gnyis su brtag /bkra shis rgya chen gdon bya zhing / /pha rol phyin sogs mchod sbyin bsgrags/ /mtshan rtog bdud rnams 'joms mdzad cing //bsnyen sgrub kun gyi don gsal sbyor/ /tshogs dbang dkyil 'khor las la mkhas/ /dngos grub gding ldan rgyal po bzhi/ /sku gsung thugs lam ma nyams par/ /dus kun rgyun bzlas rgyun sbrel zhing / /dngos kun sbyor ba'i las kun mkhas//gong ma'i gtsang 'chang rgyal theb las/ /mtshams bcad bskang gso'i dngos sbyang bsham/ /gtor dang las brtson mkha' 'gro bskang / /bar skabs dkyil 'khor dbyibs gso mchod/ /thun mtshams bzlas brjod las rdo rje/ /spyan yangs lha gsal gsang sngags gdon//gus pas rtag tu lha mnyes brtson/ /grogs kyis bsgo ba'i las sbyin spyod/ /rtog bral gzung thub phyag rgya gsal/ /nges don zab mo'i gsang ba mchog /rim mam yang na cig car du/ /mchog gi rnal 'byor sbyangs pa'i mthus/ /tshe 'dis bde gshegs yul la sbyor//dka' ba kun gyis ma rnyed pa'i/ /dam pa'i nor bu rin po che/ /gang gi drin gyis bdag la rnyed/ /ya mtshan rmad byung ston pa'i gnas/ /sangs rgyas thams cad mnyam sbyor ba/ /rnal 'byor dbang phyug bde chen po/ /'di la khrus dang bsdams mi dgos/ / dka' thub dka' ba spyad mi dgos/ /dka' thub sdom pa med pa dang / /bde ba dang ni dga' bas 'grub/ /de bas ji ltar 'dod spyod cing / /kun za de bzhin thams cad spyod/ /spyod pa ci dgar 'dod par byed/ /g.yo ba dag kyang ci dgar byed/ /langs pa dang ni 'dug pa dang //'chag gam ji ltar gnas kyang rung / /dgod dam rab tu smra ba dang / /gang la ji ltar spyod kyang rung / /dkyil 'khor du yang ma zhugs pa'am/ /sgrib pa kun dang ldan pa yang / /rang gi lhar ni bdag sbyor na/ /bsod nams chung yang 'grub par 'gyur/ / de nyid rnal 'byor 'di yis ni/ /thams cad 'grub par byed pas na/ /ngan zos ngan spyod thams cad kyis/ /nyes pa dag tu yang mi 'gyur/ /bud med kun gyi sgyu ma'i rgya/ /'di ni gnyis med theg pa'i mchog /sgyu ma dag ni thams cad pas/ /bud med sgyu ma khyad par che//ngo bo nyid kyi mthu dag dang / /rang bzhin gyis ni de 'grub pa'o/ /'jig rten gsum 'dir bud med 'dis/ /gus par byed pa dag tu 'gyur/ /chags med chags dang bral ba min/ /dbu mar yang ni mi dmigs so/ /thams cad ma lus phyag rgya yi/ /thams cad ma lus bde mchog yin//byang chub sems ni rdo rje ste/ /sangs rgyas kun gyi bdag nyid yin/ /bde bas thams cad bdag sbyor bas/ /sangs rgyas thams cad thob par 'gyur/ /rdo rje sems dpa' bdag sbyor bas/ /dbab pa thams cad rab tu 'grub/ /sangs rgyas thams cad mnyam sbyor ba//rnal 'byor dbang phyug bde ba'i mchog /de bas bde ba nyid kyi phyir/ /sangs rgyas bde ba kun thob bo/ /kun du kun nas thams cad ni/ /bdag nyid rtag tu rnam pa kun/ /sangs rgyas la sogs brtan g.yo kun// kun gyi dngos por bdag gyur to/ / sems dang sems dpa' ting 'dzin dang / /byang chub spyod pa sna tshogs nyid/ /de bzhin bdud dang bdud las rgyal/ /de ni byang chub sangs rgyas yin/ /rdo rje rdo rje 'dzin nyid dang / /de bzhin pad+ma pad+ma 'chang / /nor bu nor bu 'dzin nyid dang / /de dag gi yang rigs yin no/ / dngos grub brlabs chen phrin las tshogs/ /grangs med rgya chen don spyod pas/ /bdag gzhan bya ba kun rdzogs par/ /ye shes 'khor lo tshogs chen sa/ /rnal 'byor chen po'i don gsal 'grub/ /mchog gi bsnyen sgrub phyag rgya bzhi/ /zung 'jug gnyis med rdzogs pa'i mthus/ / dngos grub rgya chen zab mo mtshan/ /lha mo kun dang mnyam sbyor ba/ /skal bzang mchog ni 'dod pa ste/ /yang dag sbyor ba bde myong ba/ /'dod chags ther zug brtan pa can/ /sangs rgyas kun gyi gzugs chen dang / /dbyangs dang dri dang ro dag kyang / /sangs rgyas kun gyi reg bya'i mchog /bdag gi spyad par de spyod do/ /dkyil 'khor rgya chen brtan pa'i blos/ /rigs mchog mnyes pa'i tshul la spyad/ /cung zad sbyor ba klog pa na/ /sgo gsum bsod nams tshogs 'gyur ba'i/ /pha rol phyin drug smon lam sogs/ /'gro don spyod pa rgya chen brtsam/ /sangs rgyas kun gyi bdag nyid kyi//ra sa ya ni bde ba 'dis/ /rdo rje sems dpa'i dpal tshe dang / /lang tsho nad med bde mchog grub/ /kun du kun nas thams cad du/ /sangs rgyas thams cad mnyam sbyor ba/ /mkha' 'gro sgyu ma bde ba'i mchog /rtag tu de ni 'grub par 'gyur/ /'di yis sangs rgyas thams cad dang //dpa' bo rnams dang thams cad dang / /rdo rje 'dzin pa thams cad du/ /tshe 'di nyid la 'grub par 'gyur/ /bdag don mi gnas mya ngan 'das/ /rigs drug dkyil 'khor rgya chen dang / /gzhan don 'jig rten bde longs spyod/ /lha chen kun gyi rgyal srid tshogs//thams cad dmar mdzad dbang bsgyur zhing / /'dod don gzhan la sbyin par mdzad/ /sangs rgyas byang chub sems dpa' yang / /phrogs nas kyang ni sbyin mdzad na/ /las mchog dag ni rab 'byams dang / /dngos grub gzhan lta smos ci dgos/ /mdzad spyod mtha' yas sngags tshul dag /las dang 'bras bu'i rjes 'gro byed/ /yan lag bzhi yi don snang ba/ /'jug byed bzhi las 'bras bu'i tshul/ /rten gyi sgrub po snang ba bzhi/ /bsnyen sgrub phyag rgya lam rim dang / /sa yi khyad par dngos grub 'bras/ /phrin las bzhi snang bcu drug tshogs/ /gsang ba bla na med pa'i tshul//sum cu rtsa gnyis brgya nyi shu/ /rtsa brgyad yang dag grub pa'i gzhung / /sgrub gzhung rgyas 'bring bsdus pa dang / /shin tu bsdus pa'i ngang tshul can/ /go rims gnas skabs dbye bar shes/ /thog mar sgrub blo phun tshogs pas/ /rten gyi yan lag bzhi ldan 'jug /tshogs bsags rnal 'byor sbyor rnal 'byor/ /mthong gsal rnal 'byor brtan rnal 'byor/ /rim bzhin goms pa gsal ba'i sgo/ /dang por sbyor dang brtan pa dang / /yang dag ye shes rnam par grol/ /mtshan ma rtags kyis goms byas pa'i/ / bcu drug 'jug pa'i bye brag gis/ /theg chen nyes don zung sdud sbyor/ /'gro drug rang rgyud brtags pa'i tshul/ /theg dman snang ba phyogs gcig pa/ /blo gros zab mo rgya chen don/ /nges 'byung zung 'jug mang po'i sgo/ /snang ba tshul mthun khyad par can/ /rnam pa'i chags bsal mtha' las grol//nyams myang rim gyis zhen chags bral/ /snang ba bzhi las bcu drug tshogs/ /bdag nyid gzhan tshogs gnyis kar 'brel/ /chags sdang btang snyoms tshul gyis 'jug /sdug bsngal kun 'byung 'gog lam dang / /rten 'brel rgyu 'bras bzlog pa'i tshul/ / bden gnyis rnam shes bden brdzun brtag /sgyu ma gnyis su med pa'i dngos/ /dkyil 'khor chu zla 'od gsal sku/ /zung 'jug bde ba chen po'i dbyings/ /sku gsum mdzad pa mdzad pa yis/ /theg pa'i snang ba ma 'gags pa'o/ /bsnyen pa las la sbyor byas nas/ /nye bsnyen gsal bar gyur pa las//sgrub pa snga ma'i gnas 'gyur te/ /sgrub chen 'bras bu la spyod pa'o/ /rim 'jug bsnyen sgrub bcu gnyis kyis/ /dkyil 'khor rgya chen gnas sbyor zhing / /zung 'jug bsnyen sgrub yan lag bzhis/ /zab mo'i dkyil 'khor gsal bar snang / /tshad med phyag rgya dman pa'i rgya//gsang ba'i phyag rgya mchog gi rgyas/ /gsal 'debs rgyal po mchog gi sku/ /bzhi yis bcu drug rdzogs byed pa'o/ /dang po sku gsal brtan pa dang / /dam tshig ye shes gnyis med mnyes/ /sku gsung thugs mchog byin brlabs mthus/ /bde gshegs rigs mchog ye shes sbyor//thabs kyis rgya che lam bgrod cing / /shes rab zab mo'i lam la 'jug /zung du 'brel pas phyag rgya'i lam/ /gnyis med bgrod pa'i lam mchog yin/ /rgyu rkyen gnyis med tshogs gnyis rdzogs/ /tshul bzhis bcu drug lam du 'gyur/ /tshogs drug rnam par sbyor ba yis//yon tan tshogs rdzogs don gsal sa/ /rig 'dzin sangs rgyas sa yi mthar/ /bzhi las bdun drug brgyad du snang / /rgyu 'bras dbye bas bcu drug tshogs/ /rim sbyar cig car thob pa'i tshul/ /mos spyod lam la sbyor ba dang / /sar chud las la spyod pa dang //rnam smin phyag rgya chen po dang / /bya ba mthar phyin sangs rgyas sa/ /tshe 'dis rig 'dzin gnas sbyor zhing / /de nas sangs rgyas sa drug rdzogs/ /'jig rten thun mong bdag don dang / /gzhan don mchog 'gyur dngos grub bzang / /bdag gzhan las snang sgo bzhi nas/ / bcu drug tshogs la longs spyod mdzad/ /mkha' 'gro tshogs med stobs ldan zhing / /mi mthun rkyen gyis 'jig pa med/ /ral gri mig sman rkang mgyogs bum/ /bdud rtsi'i bcud len rig 'dzin gser/ /sku gsung thugs sogs mi 'jigs stobs/ /phra zhing khyab mdzad dpal gyi gzhi//kun du brtan pas bdag gzhan don/ /zhi rgyas dbang dang mngon spyod rdzogs/ /phrin las bzhi spyod bcu drug tshogs/ /'bad pa med pa'i tshul gyis 'grub/ /mnyes shing srung mdzad btang dang grol/ /gso ba stobs 'phel rgyal byed brtan/ /dgug cing rengs shing rmongs pa dang //dbye mnan bskrad dang pham byed pa'o/ /dam pas rgyud don rgya chen tshogs/ /pad mdzes nyi mas rgyas ltar byas/ /bde mchog mkha' 'gro'i don bstan las/ /khyad par lhag pa gzhan du med/ /de nyid cung zhing gsal ba'i phyir/ /tshul 'jug dam pa'i rjes 'brangs te//rtogs par sla don mtha' gnyis bral/ /mkha' 'gro'i tshogs rnams bzod par mdzod/ /kun mchog rgya chen dri med dge/ /ston ka'i zla gsal sgrib bral ltar/ /'gro kun sangs rgyas thams cad dang / /mnyam par sbyor ba'i gnas thob shog /yan lag bzhi'i don snang bar byed pa zhes bya ba slob dpon mkhas shing dngos grub brnyes pa hUM mdzad grags pas mdzad pa rdzogs so// //mnga' bdag btsan po byang chub sems dpa'i bkas dpal bsam yas kyi [(]'chim [,]mchims [)]phu ru dkyil 'khor chen po'i slob dpon paN+Di ta dpal rdo rje bzhad pa dang /