CLOSE WINDOW

D1674
བོད་ཡིག

/yang dag nyid du grol gyur cig /dpal he ru ka zhes bya ba'i sgrub thabs slob dpon chen po thu bo ra dza ha stis mdzad pa rdzogs so// // @##/ /rgya gar skad du/ shrI badzra he ru ka sA d+ha na nA ma/ bod skad du/ dpal he ru ka'i sgrub pa'i thabs zhes bya ba/dpal rdo rje sems dpa' la phyag 'tshal lo/ /mgon po bde chen las byung ba'i/ /rigs sku ye shes kun gyi bdag /dregs byed rgyu 'bras 'joms mdzad pa'i/ /stobs chen khro rgyal dpal la 'dud/ /yang dag grub pa'i las gzhung gi/ /bsnyen sgrub bzhi yi rim pa las/khro bo'i dkyil 'khor sgrub pa'i thabs/ /dgos don 'brel pa'i sgo nas bshad/ /rtsod dus sems can gdul dka' zhing / /log pa'i lam la gnas dag la/ /mdzad spyod zhi bas mi 'dul phyir/ /khro bo'i phrin las bstan pa yin/ /de nyid grub pa'i gzhung dag la//log rtog 'khrul pas bslad pa dag /nges pa'i gzhung don rtogs bya'i phyir/ /legs bsdus bstan pa gsal bar bya/ /'jug pa'i rnal 'byor rtsal ldan dang / /shes rab kyis ni blo phye nas/ /nges par brtag pa'i sa gzhi las/ / bla mas nges pa'i lung 'di bstan/ /snum pa yi ni dam tshig dang / /gtsang dang 'jigs pa'i brtul zhugs can/ /de dag goms nas nyams su blang / /grub pa'i dbang phyug phun sum tshogs/ /blo zhan shes rab chung bas ni/ /bsgrubs kyang grub par mi 'gyur te//phung byed gnyi ga bsregs pas na/ /de bas gzhan du bstan pa min/ /dur khrod dang ni lha rten dang / /ma mo'i gnas la sogs 'dug nas/ /rdo rje 'dzin pa'i dgos pa dag /rnam pa du mar 'grub par 'gyur/ /phyi dang nang gi rdzas bsags nas/ /rang rgyud dag pa'i rnal 'byor pas//bgegs tshogs nye bar zhi bya dang / /tshogs bsags bsrung ba'i don ched du/ /'byung po'i gtor ma btang nas ni/ /gsang ba'i don gyi las rnams bya/ /bdag nyid rang gi lhar sbyor bas/ /lus ngag yid gsum mthu bskyed cing / /bdag dang 'gro ba sbyang byas nas//rang bzhin dag pa'i rnam par bsam/ /snying ga'i sngags kyi 'phro 'du yis/ /dkyil 'khor mdun du bsam byas nas/ /rtse gcig sems kyis mchod sogs dang / /'gro don spyod pa rgya cher bya/ /rdo rje sems dpa' la sogs pa/ /thugs rje che dang ldan pa yi//dkyil 'khor lnga la sogs pa yi/ /zhi ba'i mchod pas mnyes byas te/ /bsnyen pa'i dus su goms byas nas/ /'khor bcas mchod pa rdzogs par bya/ /de yang spyi dang so so yi/ /sgrub pa'i bye brag rnam gnyis te/ /bsdus dang rgyas la dga' ba yi//dbye ba gnyis su shes par bya/ /dang por chos kyi dbyings nyid la/ /dmigs pa med pa'i don gyis bsgom/ /dngos po med par bdag sbyor bas/ /nam mkha' kun dang mnyam sbyor ba'o/ /oM ma hA shu n+ya tA dz+nyA na badzra swa b+hA wa At+ma kou0f85haM/ chos k yi dbyings kyi ye shes kyis//thams cad du ni khyab pa las/ /chos kun stong gsal rang bzhin med/ /mi dmigs snying rje chen po'i ngang / /oM d+harma d+hA tu swa b+hA wa At+ma kou0f85haM/ skad cig ma yis skur gnas te/ /hUM gi 'od zer 'phros pa'i mthus/ /rdo rje rgya gram sa g zhi la//ra ba gur dang bla re dang / /phyogs bcur me 'od 'bar ba yi/ /mtshon cha'i phreng bas 'khor bar bsgom/ /rdo rje sems dpa'i ting 'dzin gyis/ /mkha' dbyings sna tshogs la gnas nas/ /cir yang gyur pa'i yig 'bru las/ /'od zer tshul du spros nas kyang / / ma lus nye bar khyab byas te/ /re zhig rngam pa'i tshul du dgongs/ /e las mkha' dbyings gru gsum dkar/ /bzang po'i mkha' dbyings gyen bsgreng nas/ /yaM las rlung dkyil gzhu yi dbyibs/ /dud kha sra mkhregs sgrol ma'i mkha'/ /raM las me 'od dmar ser las/ /gru gsum gos dkar nam mkha'i dbyings//baM las chu dkyil dkar zhing zlum/ /bum pas mtshan pa mA ma kI/ /lam las gser gyi sa gzhi ste/ /gru bzhi spyan la rdo rjes mtshan/ /khaM las rak+ta'i dba' klong 'khyil/ /'dod chags chen po'i rang bzhin rtags/ /kaM byung keng rus ri rab ste//rin chen rgyan spras rdo rjes mtshan/ /de dbus b+h+rUM las gzhal yas khang / /gru bzhi sgo dang sgo khyud can/ /rin chen thod pa sna tshogs dang / /nyi zla rdo rje'i rgyan gyis mdzes//dkyil 'khor zla gam gnas pa la/ /re'u mig dgu pa rdo rjes mdzes/ /sna tshogs lha mo'i phreng ba dang //'phan gdugs rnga yab rta babs ldan/ /zhing 'phrul tshangs pa'i g.yang gzhi sogs/ /dur khrod rgyan gyis 'jigs par brgyan/ /rin chen ka gdung tog dang bcas/ /'dod yon sna tshogs rgyan gyis mdzes/ /dkyil 'khor phyi rim gnas brgyad du/ /dur khrod shing dang zhing skyong dang //phyogs skyong rnal 'byor mtsho dang sprin/ /klu rgyal la sogs gnas brgyad du/ /sha za 'byung po gshin rje dang / /mkha' 'gro bya khyi ro la sogs/ /ce spyang khro tshogs sgra 'byin cing / /ro yi tshogs la longs spyod mdzad/ /rang byung mchod rten dang bcas pa/ / phreng ba rim gsum phyi rol gnas/ /de dbus 'khor lo'i lte ba la/ /pad+ma dregs byed nyi zla'i steng / /dpal mchog dang po gnas gyur nas/ /sprul pa'i ting 'dzin la gnas mdzad/ /chos rnams thams cad rnam brtags na/ /dngos med mtshan ma kun dang bral/ /byang sems ye shes dang po'i gzugs//A li zla dkyil gsal bar bsgom/ /byang sems ye shes gnyis pa'i rtags/ /de steng kA li nyi mar bcas/ /mtshan dang dpe byad gsal ba'i don/ /mdzad pa'i 'phro 'dur bcas pa'o/ /de dag 'od du gyur pa las/ /hUM las rdo rje rtse lnga pa//dkar po bum pa hUM gis mtshan/ /badzra a haM/ gdod ma tha ma med pa'i dbyings/ /dang po rdo rje chen po yin/ /'od zer lnga yi 'phro 'du yis/ /dkyil 'khor drug gi las mdzad nas/ /sku gsung thugs dbyings bzhugs pa las/ /'od zer phreng mdzes brjid pa'i mchog /de la sku mchog phyag rgya yi/ /sngags kyi yi ge brjod par bya/ /oM ma hA su kha badzra satwa a/ dzaHhUM baM hoHsu ra ta s+t+waM/ de dag ye shes byang chub sems/ /mngon byang lnga yi bdag nyid do/ /dpal ldan rdo rje sems dpa' che/ /dkar dmar zhal lnga phyag bzhi pa/ / rdo rje kha T+wAM rdo rjer bcas/ /'og ma gnyis kyis mda' dang gzhu/ /rin chen rgyan dang na bza' can/ /dbu la rin chen phreng bas mdzes/ /lus kyi ba spu'i gnas rnams su/ /dkyil 'khor drug gi rdul phran gnas/ /rdo rje rtse lnga'i phyag rgya ni/ /gnas lnga dag tu gtugs bya ste//sngags kyis bde gshegs thams cad kyi/ /sku gsung thugs sogs rnam par bsam/ /oM na maHsarba ta thA ga ta kA ya wAka tsit+ta gu Na karma badzra swa b+hA wa At+ma kou0f85haM/ rang 'od yum dang 'khril pa yi/ /gsang gnas hUM dang As brgyan te/ / ye shes rdo rje phaT dang bcas/ /rtse mo nor bu 'bar bas mtshan/ /rnam thar pad+ma e dkyil can/ /mdog ser lte ba ze'u 'bru dmar/ /sa ma ya sogs brdas bskul nas/ /dzaHhUM baM hoHsa rol pa bya/ /oM pra be sha ya phaT/ a la la la la ho/ bde ba chen po'i 'od zer gyis//phyogs bcu'i rgyal ba mnyes mdzad nas/ /'gro ba'i lus ngag yid gsum sbyang / /sku gsung thugs kyi rgyan gyis brjid/ /thams cad 'od kyis slar bsdus nas/ /stong gsum til gong 'bru 'dra rnams/ /sangs rgyas drug gi gsung du gyur/ /ba spu'i bu ga kun du thim//thugs ka'i gnas su zhugs pa dag /bde ba chen po'i gnas nas babs/ /'dod chags chen po dga' ba'i mes/ /sku dang bcas pa 'od du gyur/ /sngon gyi goms shugs lha mo bzhis/ /phyogs bzhi nas ni bskul mdzad de/ /stong pa shin tu rnal 'byor yod med mthu//nam mkha' nyid du dam tshig nye bar gnas/ /bde gshegs bde bar gshegs pa bzhengs su gsol/ /rdo rje sems dpa' skal bzang dpal khyod bdag /ye shes gsang ba'i rgyud bskul nas/ /thugs rjes 'gro la gzigs mdzad de/ / 'bras bu'i sems dpa' snga ma bzhin/ /cho ga gsum gyis gsal bar bya/ /de nas bcom ldan rdo rje can/ /rdo rje sems dpa'i sbyor ba yis/ /rdo rje se gol phyag rgyas ni/ /sangs rgyas thams cad bsdu bar mdzad/ /'jig rten khams ni ma lus pa/ /sangs rgyas rdo rje 'dzin bcas rgyan//shin tu gdug cing gtum pa la/ /zhi bas phan par mi 'gyur te/ /shes rab thabs kyi ngo bo las/ /khro bor de bzhin gshegs kun mdzad/ /khro bo'i tshul can khros pas kyang / /'jig rten gsum dag sreg byed na/ /sangs rgyas thams cad khros pa yis//khams gsum ma lus smos ci dgos/ /de nas sna yi rtse mo la/ /yid ni yang dag brtan par gzung / /sna yi dbugs ring dro ba las/ /rgyal ba'i sbyor ba'i phyag rgya 'byung / /bcom ldan de nyid rnal 'byor pas/ /rdo rje khro bor bsgyur nas phyung / /oM shrI he ru ka sa ma ya heHsarba duSh+Ta/sa ma ya mu dra pra b+haM dza ka hUM phaT/ snga ma las ni gnas gyur te/ /bskal pa'i me dpung 'khrigs pa bzhin/ /khrag 'thung mthing nag 'jigs pa'i sku/ /'bar ba chen po'i 'od zer can/ /zhal g.yas zhi ba'i rang bzhin dkar/ /dbus ma mthing nag nag po'i zhal//g.yon pa rmongs byed ser po ste/ /rgyab ma chags mdzad dmar po'o/ /smin mtshams khro gnyer glog bzhin 'gyu/ /spyan gsum khro gnyer mche gtsigs zhal/ /dbu skra sma ra ser nag mdzes/ /spu rnams rdo rje gyen du 'khyil/ /sgeg pa dpa' ba 'jigs su rung //dgod dang gshe dang 'jigs par byed/ /snying rje rngam dang zhi ba yi/ /sku gsung thugs kyi gar thabs can/ /g.yas g.yon dang pos rdo rje dang / /rdo rje kha T+wAM dril bur bcas/ /de 'og gnyis kyis 'jigs byed kyi/ /pags pa bklubs kyi tshul du bskor/ / gsum pa gnyis na mda' dang gzhu/ /g.yas kyi bzhi pas dung khrag 'dzin/ /g.yon gyi bzhi pas thod pa ru/ /snying chen po yis bkang ba'o/ /la lar zhal gcig phyag gnyis pa/ /mthing nag 'jigs pa'i me 'od can/ /g.yas pas ba dan gsum pa phyar/ /rdo rje rtse lnga 'bar phreng can//rdo rje kha T+wAM dril bur bcas/ /thod pa gang ba g.yon pa na/ /'bar ba chen po skra 'bar ba/ /thod pa mang po'i dbu rgyan can/ /'jigs pa chen po'i dus ltar drag /dur khrod bzhin du rab tu 'jigs/ /zhal rnams sna tshogs 'gyur ba dang / /'bar ba'i lta bas gar byed pa//rdo rje rdo rje kha T+wAM ga /dril bu'i sgra ni gsil ba yis/ /thams cad phab nas slar yang ni/ /thal bar gyur pa 'ang 'tsho bar byed/ /gti mug dbang mdzad theg chen brgyan/ /glang chen ko rlon stod g.yogs mnabs/ /'dod chags gzhan gyi rgol ba'i tshogs//tshar bcad stag gi pags pa yin/ /nga rgyal thugs rjes 'gro sgrol rtags/ /'jigs byed chen po'i tsha ra ma/ /zhe sdang gzung 'dzin rnam dag pas/ /gnas brgyad sbrul gyi phreng ba can/ /chags pa gnyis dang ldan pa yis/ /sku la rak+ta'i thig les brgyan//phrin las sna tshogs mdzad pa yis/ /thal ba'i tshom bus mtshan pa yin/ /byang sems gnyis med dri bral don/ /zhag gi ri mos spras pa'o/ /phrag dog sku gsung rgyan ldan pas/ /thod phreng thod dang se ral thogs/ /dregs byed zil gyis mnan pa'i phyir/ / nyi zla snyan gyi gong rgyan byas/ /lus dang ngag sems rdo rje yi/ /mtshan ma'i phyag rgyar ldan byas te/ /thams cad 'byung ba'i sbyor ba yis/ /bdag gi slar ni bdag nyid bya/ /oM AHhUM/ thugs gsal nyi ma la gnas pa'i/ /ye shes sems dpa' hrIHdang bcas/ /'od zer 'phro 'du'i sbyor ba yis//ye shes dkyil 'khor spyan drangs te/ /lha mos bdud rtsi'i bum pas dkris/ /thod phreng la gnas rigs lngas brgyan/ /lag pa shin tu brkyang ba yis/ /mdzub mo gnyis ni mdud par bcing / /gung mo mthe bo'i rtse mo can/ /rdo rje'i phyag rgya yongs su bsgyur//bteg nas khro gnyer lag bzhag ste/ /hi bcas dbang bskur sngags brjod bya/ /yab yum mkha' gsang hi dang as/ /rdo rje pad+mar bskyed byas nas/ /ling+ga 'greng ba rang byung ba/ /brla yi dbus su bsgom byas nas/ /ling+ga pad+ma byin brlabs te/ /khrag 'thung 'dra ba'i gzugs skye'o//byang chub sems de kun du dgod/ /ma lus nye bar khyab byas nas/ /'dod par bya ba rab tu mnyes/ /'od 'dus thog ma'i gzugs la gzung / /gsang gnas so so'i gdan dag la/ /chos kyi snying po'i lha gnas bskyed/ / hrIHlas dpal chen he ru ka /gsang ba'i dkyil 'khor dbus su dgod//hrIHlas lha mo gau rI ma/ /h+niHlas de bzhin tsau rI ma/ /dz+hiHlas lha mo pra mo yin/ /dz+hi las be+et+ta phyogs bzhir dgod/ /mtshams su hUM phaT las byung ba'i/ /lha mo puk+ka la sogs bzhi/ /maM khaM yaM raM las byung ba'i/ /phyi rol mda' 'dzin la sogs bskyed//a A aM aHbzhi po las/ /lha mo me tog la sogs rnams/ /dzaHhUM baM hoHyi ge las/ /sgo bzhir rta mgrin 'phang mtho sogs/ /b+ha ga la ni ling+ga gzhag /ling+ga rdo rjer byin brlabs nas/ /khrag 'thung 'dra ba'i sku gnyis ni/ /spro zhing rang la thim par bya//hUM badzra gu h+ya sid+d+hi pa ra ma yo ge shwa ri hrIH/ gau rI dkar ser zhi ba'i mdangs/ /zhal bzhi phyag brgyad brjid pa'i stongs/ /g.yon brkyang gar gyis bzhugs mdzad cing / /mda' bzhi dus gcig bkang ba la/ /tshangs pa'i mgo bzhi sbyangs pa ste/ /'phro 'du dang bcas mdun du bzhugs//hUM hUM badzra tsaN+Di shwa ri kha T+wAM gi ma hA badzra ka pA la mA la ku ru ku ru l+lu hrIH/ tso ri dmar po drag po'i zhal/ /g.yon pas lcags kyu kha T+wAM 'khyud/ /g.yas pa'i gung mos rtsibs brgyad bstod/ /g.yas bteg g.yon stobs lho yi phyogs/ /hUM badzra nA rA ya ni dzra/ pra mo dbu gnyis gong ma phag /'og ma dmar po phyag bzhi pa/ /g.yas kyi dang pos rdo rje rtse gsum bsnams/ /g.yon gyi dang pos kham phor 'chang / /'og gnyis khu tshur so sor 'chang / /'khor lo 'dzin cing bteg pa'i tshul/ /g.yas brkyang stabs bcas nub phyogs su/ /rmongs tshul mdog dmar pad+ma la//hUM badzra pa tA ke dza/ bait+ta mdog dkar slong tshul gzigs/ /g.yas na kham phor bdud rtsi'i gang / /g.yon pa ba dan gsum pa mdzad/ /dga' bzhin byang gi phyogs su gnas/ /hUM badzra ha ri ni ma Ta/ puk+ka drag po gar byed tshul/ /bol bzhi brla dpung dkar ba la//lus sbubs nya bzhi dmar ba ste/ /phyag mchog lo ma sngon po 'dra/ /g.yas na rdo rje rtse lnga 'bar/ /g.yon pas dpag bsam lcug ma 'dzin/ /gar gyi gzugs thabs 'gyur dang bcas/ /me mtshams 'khor lo'i stan la gnas/ /hUM badzra shu le grab+hi ta ma ta/ tsan+dan gyen du dbugs 'byin tshul/ /gzhan gyi srog 'phrog kha dog gnag /g.yas pas ra skyes rdo rjes mtshan/ /rlung 'thor rdo rje khu tshur 'dzin/ /g.yon pas tri shUl gar dang bcas/ /bden bral 'khor lo'i stan la gnas/ /hUM badzra ki shi ts+tshin+da n+da ma ta/ g+hasma ro ldan tshul du gzigs//ser nag g.yas pas ral gri 'dzin/ /g.yon pa me thabs g.yon brkyang tshul/ /rlung mtshams 'khor lo'i stan la gnas/ /hUM badzra pe mA la pA she ma ta/ sme sha kun gyi las mdzad ma/ /khrag 'thung dpal dang 'dra ba ste/ /g.yas pas rdo rje dung khrag gsol//g.yon gyis thod pa zhags par bcas/ /rdo rje kha T+wAM se ral kha/ /dbang ldan 'khor lo'i rtsibs la gnas/ /kun kyang thod phreng sbrul dang bcas/ /zhing lpags rlon pa gos su gsol/ /gdan ni pad+ma sna tshogs la/ /zhing dang nyi mas mtshan pa'o/ / he badzra ra ti paM/ mda' 'dzin dkar mo mda' dang gzhu/ /me mtshams phyogs kyi gru chad la/ /oM ma hA ra ta badzre ho/ kha T+wAM ser mo kha T+wAM ga /rdo rje dril can bden bral mtshams/ /oM badzra lo tsa ne yaM ya/ 'khor lo 'dzin ma dmar ser mo/ /rtsib brgyad 'dzin pa rlung gi phyogs/ / raM ma hA shrI badzri hi/ sna tshogs ba dan ljang gu la/ /sna tshogs 'phan dril dbang ldan mtshams/ /AHbadzra puSh+pe/ me tog ser mo me tog snod/ /rdo rjes mtshan pa bar khyams me/ /AHbadzra d+hU pi/ spos me sngon mo rdo rje pog /khyams kyi bden bral pad gnas pa'i/ /AHbadzra A lo ke mar me dmar mo rdo rje sgron//bar khyams rlung phyogs pad+mar gnas/ /AHbadzra gan+d+he/ dri chab ljang gu dag byed 'thor/ /bar khyams dbang ldan pad+mar gnas/ /oM badzra o ku sha dzaH/ shar sgo rta mgrin 'phang mtho dkar/ /g.yas na rta gdong g.yon lcags kyu/ / oM badzra pA she hUM/ lhor sgor phag gdong sngon mo ste/ /g.yas pas mche ba g.yon zhags 'dzin/ /oM badzra shrI kha le paM/ nub sgor snang byed dmar mo ni/ /phyag gnyis nyi zla lcags sgrog 'dzin/ /oM badzra gaN+De hoH/ /byang sgor thal byed mdog ljang gu/ /sangs rgyas gzugs dang dril bu'o//lha mo 'di dag thams cad kyang / /rin chen rgyan dang na bzas bklubs/ /sku mdzes khros pa'i mtshan ma 'dzin/ /sgo ba cung zhig 'gying ba'i tshul/ /kun mkhyen ye shes las grub phyir/ /'khor lo'i lha rnams thams cad kyi/ /mig la sangs rgyas rnam snang mdzad//rna bar rdo rje nyi ma yin/ /kha la pad+ma gar dbang phyug /sna la rta mchog rol pa ste/ /lus ni rdo rje he ru ka /yid la rdo rje sems dpa' gnas/ /gnas gsum phyag rgya'i tshogs ldan zhing / /thugs kar ye shes sems dpa' gnas/ /rang rig dkyil 'khor spyan drangs nas//dbang bskur rigs kyi mtshan ma bsam/ /gnyis med 'od zer lcags kyu yis/ /slong ba dal gyis bskul mdzad cing / /mdzes pa'i phyag rgya gyen du bsgreng / /smin mtshams dbus su gtad par bya/ /dzaHhUM baM hoH shrI he ru ka /ma hA badzra/ A kaD+D+h+ya ya/A kaD+D+h+ya ya/ pra be+e sha ya pra be+e sha ya/ ban+d+ha ya ban+d+ha ya/ to Sha ya to Sha ya/ badzra DA ki naM/ hr-i da ya hUM hUM phaT/ oM shrI he ru ka ma hA badzra sarba duSh+TaM sa ma ya mu Da pra ban tsa kra hUM phaT/ ye shes can gyi spyod yul nas/ /dpal chen khrag 'thung 'khor dang bcas/ /sems can don slad dam tshig dgongs//gnas 'dir brtse phyir gshegs su gsol/ /pad+ma'i phyag rgya g.yas nas bskor/ /gar bcas thal mo lan gsum brdab/ /oM e h+ye hi b+ha ga bAn/ dzaHhUM baM hoH/ ru lu ru lu/ dzaHhUM baM hoH/ e h+ye hi/ dr-i sh+ya ho/ sa ma ya s+t+waM/ dzaHhUM baM hoH/ shrI he ru ka /e h+ye hi/ dr-i sh+ya ho/ sa ma ya s+t+waM/ oM e A ra yi ho/hri hri hri/ dad pa dang ni dam tshig gis/ /tshur gshegs tshur gshegs he ru ka /chos sku zhi ba'i ngang las kyang / /gzugs sku 'jigs tshul bstan du gsol/ /thugs rje che la thabs mkhas pas/ /gdug pa 'dul phyir gshegs su gsol/ /tshogs rje tshogs bdag dpal dang ldan//tshogs kyi slob dpon gshegs su gsol/ /ye shes rtogs pa'i khyad par las/ /sprul pa mang po'i tshogs dang gshegs/ /thod phreng phyag rgya bcings pa las/ /g.yas nas rim bzhin bskor bar bya/ /oM shrI he ru ka ma hA badzra/ sarba duSh+Tan/ sa ma ya mu dra/ pra pe sha ya/ shrI he ru ka hUM phaT/ dzaHhUM baM hoH/ shrI he ru ka /ma hA badzra/ sarba duSh+Tan/ sa ma ya mu dra/ pra wan tsakra shrI he ru ka hUM phaT/ bde gshegs pho brang dkyil 'khor 'dir/ 'gro ba ma lus bsgral ba'i phyir/ /don gyi dbang du dgongs nas kyang / /'khor bcas ma lus gshegs su gsol//rdo rje thal mo bskyed nas kyang / /sor mo bsnol te bskyod par bya/ /oM shrI he ru ka /ma hA badzra sa ma ya hi/ sarba duSh+TAn/ sa ma ya mu dra/ pra ban tsakra hUM/ kA ya wAka tsit+ta/ tiSh+Tha badzra/ sems can don phyir nan tan mchog bskyed cing //ye shes thugs rjes bdag la dgongs nas kyang / /mi gnyis don phyir dngos grub mchog gi gnas/ /bdag la stsal zhing brtan par bzhugs su gsol/ /rdo rje khu tshur bcings pa las/ /mthe bong mthe'u chung so sor bsgreng / /oM shrI he ru ka /ma hA badzra/ sarba duSh+TAn/sa ma ya daMSh+Ta/ a paSh+ToM pa ya hUM phaT/ che mchog mnyam sbyor 'bar ba'i klong dkyil nas/ /thugs rje khros pas gdug pa 'dul mdzad pa/ /gsang sngags rmad byung drag po'i phrin las rnams/ /lhun gyis grub par byin gyis brlab tu gsol/ /dam tshig phyag rgya rnam gsum ni//rim bzhin bcings te bskul bar bya/ oM badzra gu h+ya dr-i sh+ya sa ma ya s+t+waM/ oM badzra gu h+ya dr-i sh+ya sa ma ya ho/ oM badzra gra h+ya dr-i sh+ya sa ma ya phaT/dam tshig sa la bzhes pa yi/ /dpal chen khrag 'thung 'khor dang bcas/ /dam tshig tshul bzhin ma bsrungs sam//grub pa'i mchog dag ma stsal na// /sku gsung thugs dang 'gal ba'o/ /zhig par gyur par gdon mi za/ /zil gnon bsrung zhing bsdigs pa'i phyir/ /las kyi phyag rgya rnam gsum bcing / /dzaHhUM baM hoH shrI he ru ka /ma hA badzra/ sarba duSh+Tan/ sa ma ya mu dra/ pra ban tsakra/ bag sha ya/ bag sha ya/ bi d+h+waM sa ya/ bi t+t+waM sa ya/ he b+ha ga bAn/ bu ta k+She tiSh+TaM pA ya hUM phaT/ sku gsung thugs su bdag sbyor bas/ /pho brang dkyil 'khor rang las sprul/ /nga ni bdud kyi bdud bdag ste/ /mkha' 'gro'i tshogs bcas ngas bsdus pa'o/ / oM shrI ka ra mu ka sha ra yA ya na maH/ oM shrI rA ga sa ma yA ya na maH/ oM shrI badzra kha T+wAM ga pra dz+wa la yA ya na maH/ oM shrI badzra gan+d+ha d+he pra dzA la yA ya na maH/ a ti pu ho/ pra ti pu ho/ /sarba ta thA ga ta/ ban+d+ha naM kA ro ya mi/ ma hA yo gI ni/ a la la ho/ oM bdag med phyogs bral don dam thugs chud cing //byams dang snying rjes dgra zin mi mnga' yang / /gdug pa 'dul phyir dus las mi 'da' ba'i/ /'jigs byed he ru ka la phyag 'tshal lo/ /nam mkha'i lus can gar yang thogs med cing / /'dod dgur sgyur ba'i gzugs can 'phrul mo che/ /ma srid byams ma'i tshul gyis grogs mdzad pa'i//phyi nang mkha' 'gro'i tshogs la phyag 'tshal lo/ /rnal 'byor de nyid bcom ldan 'das/ /rdo rje sems dpa' de bzhin gshegs/ /dam tshig la sdang rnam sbyang phyir/ /dur khrod gar gyi phyag rgya gsal/ /sangs rgyas khro byung khro ba ni/ / thal bar 'jig pa'i mchog yin te/ /sems dpa' sngon po 'bar ba can/ /'bar ba'i dkyil 'khor dmar po snang / /rdo rje kha T+wAM rdo rjer bcas/ /dril bu 'khrol ba'i sgrar bcas pa/ /gos chen po dang bklubs pa che/ /sha chen po dang sbrang rtsi che/ /dur khrod kun gyi 'byung po che//phyag rgya dpal ldan dbang phyug mchog /shin tu khro gtum gdug pa yi/ /sems can khams ni rnam sbyang zhing / /'di ni dpal ldan he ru ka'i/ /rdo rje rgya chen dbang phyug mchog /se ral kha yi tshul dag tu/ /kha T+wAM ga la rgyab brten bcas/ /lag pa g.yon par thod pa thogs//g.yas pa ba dan gsum pa byas/ /nam mkha'i phyag rgya rnal 'byor pa/ /nam mkha' kun du 'gro bar 'gyur/ /bud med la sogs rin chen mchog /dngos po thams cad mkha' las 'byin/ /g.yas dang g.yon gyi sbyor ba yis/ /bde ba dbab pa'i gar byed pa//skyil mo krung ni phyed bcas la/ /rkang pa rang gi brlas mnan pa'o/ /zhi dang drag po rmongs pa'i mchog /dga' ba'i gar byed sgyu mar bcas/ /shi ba'i ro sdang bsgyur ba yis/ /bde ba'i phyag rgya rab tu gnas/ /zhi dang drag po rmongs byed dang / / gyen du dbugs 'byin gar byed lus/ /lta ba'i phyag rgya grub pa'i mchog /gsang ba'i sbyor ba bde mchog go/ /tshangs pa chen po'i mgo dang ni/ /de bzhin 'jig rten gsum las rgyal/ /de bzhin sa las 'dren pa dang / /rang gi phyag rgya'i tshul bstan dang / / dur khrod dag gi gar byed dang / /de bzhin rlung gi dkyil 'khor dang / /rab tu 'jigs pa bsreg pa'i me/ /las kyi phyag rgyar rab tu gnas/ /gzigs pa rnam pa sna tshogs 'gyur ba'i rgyas thob la/ /rnam pa sna tshogs 'o byed 'khyud pas rmongs mdzad de//rnam pa sna tshogs bde ba'i mchod ston kun gsol la/ /rnam pa sna tshogs bde mchog ngo mtshar bstan tu gsol/ /rgyab btab rmongs byed mnabs su gsol/ /bde mchog ngo mtshar bde bar bzhugs/ /hUM a la la la la ho snang bar mdzod/ /rnal 'byor bde mchog sgyu mas sprul//dam tshig dag la 'jug tu gsol/ /nyon mongs kun las rgyal bar mdzod/ /ma lus bdag la mnabs su gsol/ /nyon mongs thams cad bsal bar mdzod/ /rdo rje thal mo gyen du dbye/ /mdzub mo gnyis kyi rtse mo dgug /mthe bong gnyis kyi mche ba gtsigs//'jigs pa'i rdo rje gnod sbyin ma'o/ /yi ge brgya pa dang ldan pa'i/ /dam tshig mchog gi phyag rgya ni/ /lha rnams kun gyi gnas dag tu/ /sngags dang sbyor te bskul bar bya/ /oM ba na poM/ pe nu su ra ta/ ti pu pa ra mu/ sarba ta thA ga ta/ sa ma ya yo gi sid+d+hi AHhUM/oM AHhUM/ rab tu dga' ba'i bdag la phyag 'tshal lo/ /de bzhin gshegs pa'i dam pa grub par mdzod/ /dam tshig dam pa grub par mdzad du gsol/ /mchod pa chen po thams cad dag par mdzod/ /mchod pa chen po thams cad grub par mdzod/ / a la la ste mchod par 'bul/ /a la la ste dam tshig skongs/ /a la la ste dgyes par mdzod/ /a la la ste dngos grub stsol/ /dgyes mnyam longs spyod mchog la rol/ /oM shrI badzra rA ga puSh+pe pu d+hU pe d+hu/ A lo ke hrIH/ gan+d+he gaM/ badzra lAs+ye hUM/ badzra gI ti hrIH badzra nri t+ye aH/a la la la la ho/ /bde bar gshegs pa khro rgyal gtso/ /rgyal ba rgya mtsho ye shes kyi/ /srid pa rgya mtsho mtha' yas kun/ /kun bzang mchod sprin mchog tu rol/ /na maHsarba ta thA ga te b+h+yo/ bi shwa mu khe b+h+yaH/sarba tad khaM ung+ga te/ s+pha ra Na hi maM ga ga na khaM swA hA/oM 'byung ba lnga las thams cad 'byung / /rang las ma byung gang yang med/ /gtsang sme dri rtog kun bral ba'i/ /bdud rtsi byang chub sems chen pos/ /bdag sogs gnyis med mchod pa'i phyir/ /mnyam pa chen po'i rgyan la rol/ /oM na maHsarba ta thA ga ta pany+tsa a mr-i ta AHhUM/kA ya sid+d+hi oM/ wAka sid+d+hi AH/ tsit+ta sid+d+hi hUM/ oM shrI he ru ka i daM d+hU pa puSh+pe/ dI pa/ gan+d+ha/ ba liM ta/ pra tIts+tsha ho/ shri b+ha ga bAn/ kha kha kha/ khA hi khA hi khA hi/ dzaHhUM baM hoH/ shrI he ru ka ma hA badzra/ A be+e sha ya/ A be sha ya/ pra be+e sha ya/pra be+e sha ya/ pra tIts+tsha ho/ /shrI bAn/ kha kha kha/ khA hi khI hi khA hi/ sgeg pa dpa' bo mi sdug 'jigs su rung / /dgod dang gshe dang 'jigs par byed pa dang / /snying rje rngam dang zhi ba la sogs pa'i/ /sku'i dngos po shin tu bsgyur ba yi/ /gar byas grub po rnal 'byor pa/ /gar gyi dbang phyug gtso bo che//bza' ba la sogs snying po can/ /maM sa la sogs bro mchog stsol/ /me tog la sogs tsan+dan phreng / /bzang dgur dbul lo bzhes su gsol/ /mi mo rnams kyi reg bya'i mchog /byin gyis rlobs shig rnal 'byor pa/ /sgrub pa'i rdzas 'di thams cad la//hUM dang phaT kyis ldan par brjod/ /oM shin tu brgyan pa'i rigs dang mtshan ldan mchog /bkra shis dbyangs dang gar gyis bskyod pa yis/ /lha mo rdul snyed phyogs bcur spro byas nas/ /byang sems bde ba'i mchod pa'i rnam par rol/ /hUM hUM hUM/ ma hA su kha bo d+hi tsit+ta a la la la la ho/he ru ka yi gnas bcu dang / /dur khrod chen po'i gnas brgyad nas/ /dpal chen khrag 'thung spyan drangs te/ /dur khrod mchog gi gnas 'di ru/ /zhing chen gsar snying sti rar bcas/ /dmar gyi ar+g+haM rgya mtsho bskyil/ /mkha' 'gro 'bar ba'i tshogs bcas rnams//ma lus bzhes nas bsnams su gsol/ /dzaHhUM baM hoH/ /shrI he ru ka /ma hA badzra/ sarba duSh+Tan/ sa ma ya mu dra/ mA ra kha kha/ khA hi khA hi/ hr-i da ya pi pa hUM phaT/ nga ni za byed chen po ste/ /khams gsum ma lus bsgral ba dang / /gdul ka ba dag gdul bya'i phyir//sha rus la sogs bza' bar bya/ /dzaHhUM baM hoH/ shrI he ru ka ma hA badzra sa ma ya/ ma hA maM sa/ ma hA rak+ta/ ma hA tsit+ta/ ma hA ba su ta/ ma hA pany+tsa a mr-i ta/ ma hA ar+g+haM pra tIts+tsha ho/ kha kha kha/ le le le/ hUM b+h+yo hUM b+h+yo hUM b+h+yo/ ko ta sha /ko ta pa/ ko ta ko ta/ ba sa pa/ ki ra rA ga /ko la sha /ko la ba/ ko la ko la ba/ ka la ba/ sh+Tatha/ rnam dag sgrib sbyang srid gsum skyon bral zhing / /ston ka'i zla gsal dri med zhal mnga' ba/ /bcom ldan bde gshegs dri med rdo rje'i dkyil 'khor dbyings/ /dus gsum rgyal ba thams cad bskyed pa'i yab//shes rab lha mo rigs kyi yum rnams dang / /phyag rgya gtum chen rngam pa'i tshogs la sogs/ /bsod nams ye shes tshogs kyi zhing rnams rdzogs/ /dgyes shing rol pa'i dus mchod sbyar ba 'di/ /bzhes te a la la ste dgyes par mdzod/ /oM badzra i sa hUM/be+e sa hUM/ sa ma ya bag shahUM/ ru lu ru lu hUM b+h+yo hUM/ dzaHhUM baM hoH/ pra ti dzaHhUM baM hoH/ ye shes mnyam nyid chos sku dag pa las/ /log rtog dbang gis sgro dang skur btab ste/ /bde dang sdug bsngal sna tshogs ngo bor smin/ /de bzlog don du rgyal ba'i dam mnos pas/ /rgyal ba zhi khro'i thugs dang ci 'gal ba//thugs rje'i ngang can rnams la bzod par gsol/ /bcom ldan rdo rje dpal chen he ru ka /khyod kyi thugs rje nam mkha'i mtha' dang mnyam/ /mkha' 'gro'i dkyil 'khor tshogs dang bcas pa yis/ /'gro la brtser dgongs tshangs par stsal du gsol//bdag cag dam tshig 'di la mngon du zhugs pa rnams/ /bcad gtubs lus la 'byung bar mi 'gyur zhing / /grib mas phog pa'i sdug bsngal mi bzod pa/ /sku yi phyogs tsam mthong bas mod la 'tsho ba dang / /gzi mdangs lus la 'jug pa bye ba stong phrag gi /'od kyis phog pas 'jig rten khams su snang ba dang / /lus ngag sems dang tshe ni rdo rje rab gnas te/ /re smon thams cad dus 'dir grub par mdzad du gsol/ /ye shes sems dpa'i sngags 'khor lo/ /lha rnams kun gyi gnas zhugs pa/ /yan lag rnam gsum ldan byas te//gsal ba gnyis kyi sgo nas brtsam/ /dang po rten dang brten pa'i sngags/ /'khor lo'i tshul ldan shes rab thabs/ /yi ge mtshan ma sku yi gnas/ /bgrang dang bgrang ba las 'das pa'o/ /rtse gcig gnas su 'khor ba dang / /langs dang rgyu dang 'phro ba las//mchod bskul las mdzad bsdu byed cing / /dkyil 'khor gsal bar gyur ba'o/ /las kyi sbyor ba kun sbyor zhing / /dbyangs drug blangs pas don drug gsal/ /oM ru lu ru lu hUM b+h+yo hUM/ thun mong gi snying po phrin las kun la 'jug pa'i yi ge 'bru brgyad pa'o//so so'i las la snyoms 'jug nas/ /rang gi mtshan ma sngags dang bcas/ /'phro 'dus rang gi las mdzad cing / /sku gsung thugs ldan bzlas par bya/ /oM shrI he ru ka badzra sa ma ya hi/ sarba duSh+TAn sa ya mu dra pra baM dza ka hUM phaT/ khyad par gyi snying po rtsa ba'i sngags yi ge nyi shu rtsa drug pa'o//sngags gzhan rim bzhin gsal ldan pas/ /go rims 'khrul med bzlas brjod bya/ /las rdzogs mchod bstod bskul bya zhing / /rang gi gnas su bsdu bar bya/ /mnyam nyid dkyil 'khor kun gyi mchog /don dam bde ba chen po'i sku/ / de bzhin nyid kyi ye shes sku/ /lha nyid brtson pas bsgom par bya/ /gzhan yang thig le'am phra mo dag /lha dang dkyil 'khor rnam dag gi /mtshan mas dmigs pa sbyang byas te/ /chos sku'i phyag rgya chen por gnas/ /rigs kyi dkyil 'khor gsal byas nas/ / tshogs gnyis rdzogs pas grub byed pa'i/ /tshogs kyi dga' bde'i longs spyod kyis/ /rnal 'byor tshogs kun mnyes byas so/ /rta mchog mkha' 'gro'i tshogs bcas pa/ /lhag ma'i mchod pas mnyes byas nas/ /rang gi las la sbyar byas te/ /dngos grub don phyir mtshams su gzhag /gang zhig thun bzhi la sogs par/ /dkyil 'khor de nyid bsgoms pas ni/ /ye shes dkyil 'khor gshegs su gsol/ /dam tshig dkyil 'khor rim bzhin bsdu/ /slar nyid sbyor ldan bsrung byas te/ /spyod lam rnal 'byor gnas par bya//tshogs 'gyur spyod lam bya ba yis/ /dus kun du ni 'gro don brtsam/ /sa stengs 'gro la grags pa yis/ /'gro la thugs rje rnam dag ston/ /rnam bkod rgya mtsho 'khrug 'dra las/ /bde ba'i grol lam stong gsal mdzad/ /srin bus grong khyer gsal min yang //dman rnams don phyir cung zad zhig /sgrub don dam pa'i gzhung gsal byas/ /grags sogs ngan rtog blos ma yin/ /thugs rje'i dgongs mdzad ji lta bzhin/ /ngal ba las byung nyi zer gyis/ /khams gsum mun sogs sel mdzad nas/ / yang dag grub pa'i 'bras thob shog /dpal he ru ka'i sgrub thabs zhes bya ba/ slob dpon chen po hUM mdzad rdo rjes mdzad pa rdzogs so// //rgya gar gyi mkhan po bir+yA ka ra sid+ha dang / zhu chen gyi lo tsA ba ban+de lha rin po ches bsgyur cing gtan la phab pa'o// //