CLOSE WINDOW

D1669
བོད་ཡིག

/ @##/ /rgya gar skad du/ shrI gu gra la b+ha ta guh+ya ar+tha d+ha ro byU he nA ma/ bod skad du/ dpal rta mchog rol pa'i gsang ba'i don rnam par dgod pa zhes bya ba/ dpal rdo rje sems dpa' la phyag 'tshal lo/ /thugs rjes cha mnyam la rgyud gzigs//so so'i don bzhin rnam drug sogs/ /dbugs 'byin phrin las kun gyi bdag /rta mchog dkyil 'khor la phyag 'tshal/ /lha chen dregs byed 'dul byed pa'i/ /rta yi rgyal po sgrub pa'i thabs/ /rgyud las ji skad 'byung ba bzhin/ /rnal 'byor 'jug pa'i don phyir bshad//rang bzhin ngang tshul bzang las byung / /gnyis med yon tan skye bas thob/ /skyabs 'gro byang sems sdom pa can/ /dbang thob dam tshig 'jigs med pa/ /theg chen gsang sngags blo gros mchog /rta mchog dkyil 'khor la dga' bas/ /phyi nang g.yeng ba rab bsal te//rang gi 'dod don 'bras bur gnyer/ /mkhar ni rnam pa sna tshogs dang / /de bzhin chu bo'i 'gram dag gam/ /rgyal khams gzhan las 'grub pa ru/ /rdo rje rta ni bsgrub par bya/ /'gro la snying rje chen po yis/ /bdag gzhan bsgrub par dam bcas nas/ /sbyor ldan nus mthu gsum bskyed pas//bdag dang 'gro ba sbyang ba dang / /dbang po'i dkyil 'khor mdun dmigs te/ /dang po bya ba'i rim rdzogs spyad/ /sgrib tshogs las grol dag byed pa'i/ /sems can tshad med blo yis gzung / /bar chad bgegs bsal srung byed pa'i/ / 'khor lo me 'od ra ba gur/ /phyogs bcur khro bo'i tshogs bskyed pa'i/ /cho ga rang gi las bzhin bsgom/ /thams cad spros bral de bzhin nyid/ /gnyis med byang chub sems dbyings las/ /'gro ba khyab pa'i thugs rje rgyun/ /stong gsal nam mkha'i shugs ltar 'byung / /rdo rje sems dpa' skal bzang dpal//rnam 'phrul ting 'dzin gnas la bzhugs/ /e yaM baM laM maM suM raM/ /oM na maHsarba ta thA ga ta a nu rA ya mi maN+Da la hUM b+hUM/ chos 'byung nam mkha'i rang bzhin las/ /'byung ba'i dkyil 'khor rim bzhin brtsegs/ /ri rab me 'od rgyan gsal zhing //kha dog dbyibs rgyan mtshan mar bcas/ /bde gshegs yon tan snang ba'i gnas/ /sna tshogs pad+ma rin po che/ /'khor lo sna tshogs rdo rje dbus/ /pho brang gru bzhi sgo khyud dang / /rta babs bzhi yis mdzes byas pa/ /sa gzhi nam mkha'i logs kyi phyogs//rigs kyi rin chen 'tsher ba la/ /rang byung nyi shu rtsa lnga'i 'od/ /sna lnga'i rtsig pa'i dra ba dang / /dra phyed rin chen pha gus mtshan/ /sna tshogs rdo rje ka ba brgyad/ /rin chen mu tig me tog phreng / /rgyal mtshan bla re rnga yab gdugs/ /'dod yon lnga yi lha mo 'khyug / zla phyed rdo rje rin chen dang / /ba dan dril bu'i sgra snyan sgrogs/ /dkyil 'khor gang yang rung ba la/ /sna tshogs rdo rjes rnam par mtshan/ /mtshams su bum pa gang ba bzhi/ /rigs kyi mtshan mas mdzes par byas/ /dbus kyi lte ba nas bzung ste/ /sgo nas bar du pad+ma'i gdan/ / dbus su lha chen yab yum brgyad/ /phyogs bzhir bsnol te rnam par bsam/ /phyi rol ra ba rim gsum brgyan/ /phyogs mtshams dur khrod chen po brgyad/ /de mtha' 'dod pa'i longs spyod dang / /rdo rje ra bas bskor ba'o/ /thams cad dag par mos pa yis/ /sdig med stobs kyis ngo mthon du//drag shul sbyor bas mnyam sbyor bas/ /'jig rten thams cad gzhom par bya/ /rnam thar bzhi yis snyoms 'jug gi/ /'gog gnas gdul bya'i don bral la/ /phyogs bcu'i rgyal bas bskul mdzad de/ /mngon byang lnga yi rdzogs skur gyur//sems dang sems dpa'i ting 'dzin dang / /byang chub spyod pa sna tshogs nyid/ /de bzhin bdud dang bdud las rgyal/ /de ni byang chub sangs rgyas yin/ /oM ma hA su kha badzra satwa AHdzaHhUM baM hoH/ rdo rje sems dpa' bde chen sku/ /dkar zhing dmar ba'i mdangs gsal 'od//zhal bzhi rnam gzigs phyag bzhi pa/ /dang po rdo rje rtse lnga 'bar/ /rdo rje kha T+wAM dril bcas 'khrol/ /'og ma gnyis kyis mda' dang gzhu/ /mtshan dpe phyag rgya lnga yis mdzes/ /stod g.yogs dar dkar gser ris can/ /sku smad tshi gu'i na bza' gsol/ /rin chen phreng ba'i rked chings can//mgur chu do shal dpung rgyan dang / /phyag zhabs gdu bu se mo do/ /rdo rje rtse lnga'i phyag rgya ni/ /gnas lnga dag tu gtugs byas te/ /sngags kyis bde gshegs thams cad kyi/ /sku gsung thugs sogs rnam par bsam/ /oM na maHsarba ta thA ga ta kA ya wAka tsit+ta gu Na kar+m+ma badzra swa b+hA wa At+ma kou0f85haM//lus kyi ba spu'i gnas rnams su/ /dkyil 'khor drug gi rdul phran gnas/ /mkha' dbyings dbang phyug phyag rgya yis/ /gnas kun byin gyis brlab par bya/ /oM d+harma d+hA tu badzra swa b+hA wa At+ma kou0f85haM/ /sangs rgyas r in chen pad+mo dang //de bzhin rdo rje rin chen dang / /yid bzhin nor bu rin chen mchog /rta mchog rab tu 'grub par 'gyur/ /haM a b+hi Shiny+tsa maM/ rat+na mA le a b+hi Shiny+tsa traM/ pa Ta laM ba a b+hi Shiny+tsa oM/ /badzra tu Sh+ya ho/ byin brlabs rigs kyi dbu rgyan gyi/ /rgyu yi mgon po rdo rje 'chang //dpal ldan rta mchog rol pa'i sku/ /cha lugs mtshan ma rgyan gsal gyur/ /zhal bzhi pa la phyag brgyad pa/ /de bzhin zhabs kyang rnam pa bzhi/ /g.yas pa ba dan gsum pa bsgreng / /sna tshogs rdo rje ral gri mda'/ /g.yon pa khu tshur sna tshogs pad/ / mdung dang dbyug pa gzhu 'dzin pa'o/ /g.yas pas gsum grub dpal mo mnan/ /gnyis pas grol ma dga' ba'o/ /g.yon pas mig gsum khyab 'jug dang / /gnyis pas tshangs pa dga' rab gnon/ /zhal rnams dmar dang nag po dang / /dkar zhing rta mgo ljang gu ston//sku yi kha dog ljang gu la/ /phyag rnams dmar zhing zhabs gnag pa'o/ /khro rtags drug cu rtsa gcig dang / /'bar ba chen po'i rgyan gyis mdzes/ /rang 'od ngo bo las byung ba'i/ /dam tshig sgrol ma mdog ljang skya/ /sna tshogs rdo rje thod pa thogs/ /rin chen rgyan mdzes 'jo sgeg stabs//phyung nas byin gyis brlabs mdzad de/ /thabs dang shes rab ldan par 'gyur/ /gnas bzhi yi ge mtshan ma sngags/ /dkyil 'khor gdan la legs gnas rnams/ /spro dang bsdu ba'i sbyor ba yis/ /phyag rgya bzhi yis rnam par gsal/ /lha mo'i bum pas khrus byas te//dbang bskur rigs kyi bdag por bsam/ /haM las bskyed pa'i ling ga ni/ /rgya gram gsang lam phaT kyis mtshan/ /a yis dag byas b+ha ga'i dbyibs/ /pad+ma'i 'dab brgyad e gnas pa/ /sna tshogs brda yis bskul byas nas/ /thabs shes gnyis med rol par mdzad//oM pra be sha phaT/ a la la la la ho/ byang chub sems kyi 'od zer gyis/ /phyogs bcu'i dkyil 'khor mnyes par mdzad/ /lha rnams rang la gzhug bya ste/ /gnyis ka'i dga' ba rab tu spel/ /khams gsum 'gro gnas dag pa dang / /rnal 'byor mtshan ma rnam par sbyang //gsang ba'i gnas su gzhal yas khang / /rgyan sogs gdan rnams sngon bzhin 'byung / /thig les gnas su mtshan byas nas/ /spros pas yi ge'i dkyil 'khor gsal/ /hi las bskyed pa'i rta mchog ni/ /gsang gnas dbus kyi pad+ma la'o/ /dziM las sna tshogs pad+ma'i rgya//ha las sna tshogs rdo rje ma'o/ /dkyil 'khor gang yang rung ba yi/ /lha mo nyi shu'i tshogs rnams la/ /khyad par lha mo gnyis kyis lhag /chos kyi snying po'i phyogs su bskyed/ /oM sum+b+ha ni/ sum+b+ha hUM/ phyogs bcu'i 'gro ba sbyang byas nas/ /yab yum sku la gzhug par bya//oM bi shwa badzra d+harmA hoH/ sna tshogs pad+ma dmar skya mo/ /phyag gnyis pad+ma'i gar thabs sgyur/ /oM bi shwa badzra satwa aH/ sna tshogs rdo rje ljang gu'i mdog /sna tshogs rdo rje thod pa 'dzin/ /lha mo 'di dag thams cad kyang / /rin chen rgyan dang na bza' bklubs/ / 'dzum steg dgod pa'i so zur ston/ /rang gi cha lugs kun gyis gnas/ /mgon po ro mnyam la bzhugs nas/ /chos dbyings ye shes snyoms 'jug las/ /lha mo bdag po bskul mdzad de/ /sems can kun don rnam 'phrul mdzad/ /rten gyi dkyil 'khor lha rnams kyi/ /skye mched drug la sangs rgyas drug /phyag rgya bzhi yi mtshan ma dang / /rigs kyi bdag pos nye bar mtshan/ /thugs ka'i 'od zer lcags kyu yis/ /ye shes dkyil 'khor bskul mdzad de/ /dzaHhUM baM hoH'i sbyor tshogs dang / /rdo rje bsdu ba'i phyag rgya bcing / /stong pa shin tu yod med rnal 'byor mthu//nam mkha' nyid du dam tshig nye bar gnas/ /bde gshegs bde bar gshegs pa bzhengs su gsol/ /rta mchog rol pa skal bzang dpal khyod bdag /dzaHhUM baM hoH/ e h+ye hi b+ha ga bAn/ ma hA ka ru Ni ka dr-i sh+ya ha/ /sa ma ya ho/ /sa ma ya s+t+waM/ bde gshegs pho brang dkyil 'khor 'dir//'gro ba ma lus bsgral ba'i phyir/ /don gyi dbang gis dgongs nas kyang / /'khor bcas gshegs shing bzhugs su gsol/ /kA ya wAka tsit+ta hUM/ sgyu 'phrul dga' ba'i rdo rje rol pa'i tshogs/ /gzhan la snang ba'i dkyil 'khor rnam par mdzes/ / a la la ho/ /tshangs pa'i tshogs rnams zil gyis gnon mdzad cing / /rtag pa du ma'i sgro 'dogs gcod par mdzad/ /a la la ho/ /gnyis med ye shes gnyis can rnam mtha' yas/ /snang stong bde chen mnyam nyid dbyings la rol/ /a la la ho/ /kun 'byung yon tan stsol med lhun grub snang //rgyan gyi dkyil 'khor rnam dgod rang las byung / /a la la ho/ /mdzad pa rgya chen 'gog med kun grub pas/ /tshogs bcas rol pas bya ba kun rdzogs pa/ /a la la ho/ /sku gsung thugs mchog yon tan phrin las rgyan/ /dkyil 'khor mdzes pa'i lha la phyag 'tshal lo//a la la ho/ /dpal don rdo rje 'gying ba'i thabs/ /'dzum pa'i mig gis phyag bya'o/ /haM a ti pu ho/ /ban+d+ha naM kA ro ya mi/ gu ru pa ti/ a la la ho/ /oM 'byung ba che las thams cad 'byung / /stong gsum rdul snyed ma lus pa'i/ /gzugs sgra dri ro reg bya chos/ /lha yi tshogs rnams ma lus spro//me tog bdug pa mar me dang / /dri tshogs kun gyis mchod par bya'o/ /oM pa na pe na pe nu su ra ti pu pa ra mu sarba ta thA ga ta/ sa ma yo ga sib+d+hi AHhUM/ oM badzra puSh+pe/ badzra d+hU pe/ badzra A lo ke/ badzra gan+d+he/ pra tIts+tsha ho/ /shrI b+ha ga bAn kha kha khA hi/ gyen du 'thor zhing thur du 'bebs/ / bskor zhing de bzhin nyug pa dag /me tog bdug pa mar me mchog /dri yi mchod pa byung ba'o/ /gang ngam 'on te stong ngam rung / /yang na ci 'byor pa yis kyang / /dam tshig mnyam par bsgrub pa yis/ /mchod pa thams cad 'grub par 'gyur/ /ka ka la yang tso'u ra'i dbyangs/ /de bzhin rab tu gdangs snyan dang //ka ha la yi glu yi rgya/ /'joms pa thams cad 'grub pa'o/ /dzaHhUM baM hoH/ rnal 'byor de nyid bcom ldan 'das/ /rdo rje sems dpa' de bzhin gshegs/ /drag shul sbyor bas rnam sbyong dpal/ /rta yi phyag rgyar rab tu gnas/ / thams cad pad+mo mos pa yis/ /sdig med stobs kyi ngo mthon du/ /rab tu non pa'i rtsal dag gis/ /'jig rten thams cad rab tu 'joms/ /'dod chags can la g.yem par ston/ /gdug pa rnams la gdug par 'gyur/ /zhi ba rnams la zhi bar 'gyur/ /drag shul can la drag shul sbyor//zhal bzhi pa la phyag brgyad pa/ /zhabs bzhi pa la rmig pa bzhi/ /rta mgrin rgyal po rdo rje ste/ /dbang phyug dam pa bsgrub par bya/ /g.yon pa'i khu tshur mdzub mo yis/ /dpal ldan pad+ma sna tshogs 'dzin/ /rdo rjer bcas shing slob ma 'grub/ /g.yas pa ba dan gsum par bya//g.yas dang g.yon pa'i sbyor ba yis/ /brkyang dang bskum pa'i tshul byas nas/ /khro bo'i skyil mo krung bcas te/ /'jig rten thams cad rab tu 'jig /oM sum+b+ha ni/ sum+b+ha hUM/ lha mo nyi shu'i tshogs rnams kyis/ /phyag rgya so so'i dkyil 'khor bzhin//rang byung lha mo dang bcas pa'i/ /phyag rgya sngags kyis gnyis med 'gyur/ /myos byed stong pas lhag par bde ba'i 'dod pa'i gzugs ston pa/ /'dul ba'i dbang gis gshin rje stong bas lhag par rab tu 'jigs/ /zhi ba'i skur yang tshangs pa stong pas lhag par rab tu ston//dkyil 'khor kun gyi mchog tu de bzhin gshegs kun grub par mdzod/ /thams cad dag pas ngo 'thon stobs kyis non par mdzod/ /he he he he he/ dbang phyug thams cad rab shig rab tu shig /rab kyi rtsal gyis non pa'i stobs kyis ngo 'thon dbang phyug non/ / sbyor chen hu lu hu lu mig gsum po la gsum grub drongs/ /rab kyi rtsal gyis non pa'i stobs kyis ngo 'thon mthu chen non/ /mnyam sbyor ru tra ma tra'i snying las dpal mo drongs shig rab drongs shig /rab kyi rtsal gyis gnon pa'i stobs kyis ngo 'thon tshangs pa non/ /sbyor chen tshangs las sgrol ma drongs shig sma ra ti//rab kyi rtsal gyis non pa'i stobs kyis ngo 'thon dga' dbang non/ /mnyam sbyor kun gyis bdag la dga' dbang drongs/ /a la la la la ho/ /gdug cing khro la rab tu gtum pa yi/ /sems can bsgral ba'i phyir sgrub zhugs/ /a la la la la ho//oM sum+b+ha ni sum+b+ha hUM phaT/ /mdza' bo mi la bya'am mi bya yongs su rtog pa de dag med kyang bla'i/ /de 'dra'i mdza' bo sgyu ma yin pas de la mdza' zhes su zhig zer/ /rgol ba gang la bya'am mi bya yongs su rtag pa de dag med kyang bla'i/ /de 'dra'i rgol ba sgyu ma yin pas de la dpa' zhes su zhig zer//so so'i ljags kyi pad+ma la/ /mtshan ma chos kyi snying por bcas/ /shrI pad+ma pa Tab mu kha yo gI shwa ri/ hi hi hi hi hi/ rdo rje thal mo mnyam sbyar nas/ /mthe'u chung srin lag mnyam par brgyang / /mdzub mo rtse mnyam bkug pa ni/ /dpal mchog rta zhes grags pa yin//sngags bcas gnas su gzhag bya ste/ /rim bzhin mtha' nas dgrol bar bya'o/ /oM AHhUM/ rab tu dga' ba'i bdag la phyag 'tshal lo/ /de bzhin gshegs pa'i dam pa grub par mdzod/ /dam tshig dam pa grub par mdzad du gsol/ /mchod pa chen po thams cad dag par mdzod//mchod pa chen po thams cad grub par mdzod/ /mnyam pa chen po'i gnas la rol du gsol/ /la lar mkhas pa'i gzugs kyang 'dzin/ /la lar dus mtha'i dus ltar drag /la lar rgyal ba'i dbang po bzhin du zhi/ /la lar rta mchog sbyor bas 'dod pa 'grub//sna tshogs ban+d+ha brtags pa la/ /sna tshogs bdud rtsi'i rnam par dgang / /lnga lnga lnga yi 'phro 'du yis/ /mtshan ma rnam pa lnga dang ldan/ /'od dang du ba dri dang sgra/ /lha mo'i gzugs ston bdud rtsi 'grub/ /rang 'byung gdod nas rnam par dag /mnyam pa'i don ldan rol par mdzod//byin rlabs rgyan dang mtshan ldan pa'i/ /mi mo rnams kyi reg bya'i mchog /byin gyis rlobs shig rnal 'byor pa/ /gsang ba chen po rnam par rol/ /grub pa'i rdzas 'di thams cad la/ /hUM dang phaT kyis ldan par mdzod/ /mnyam nyid mi g.yo la sogs pa'i//bstod pa'i glu rnams blangs byas nas/ /sil snyan kun gyi sgra rnams dang / /gar gyis lha rnams mnyes par bya/ /Tak+ki hUM dzaHTak+ki hUM dzaHTak+ki hUM dzaHtra tra tra tra tra tra tra tra/ Ta ta ba Ta ta ba hUM/ ta Ta be ta Ta be/ hi don/ ta Ta ba/ ta Ta ba/ ta Ta ba/ ta Ta ba/ ta Ta ba trathA/ bdag cag dam tshig 'di la mngon zhugs pas/ /bcad gtubs lus la 'byung bar mi 'gyur zhing / /grib mas phog pa'i sdug bsngal mi bzod pa/ /sku yi phyogs tsam mthong bas mod la 'tsho ba dang / /gzi mdangs lus la 'jug pa bye ba stong phrag gi/ /'od kyis phog pas 'jig rten khams su rab snang ba//lus ngag sems dang tshe ni rdo rjer rab gnas te/ /re smon thams cad dus 'dir thob par mdzad du gsol/ /de nas bzlas brjod rnam gnyis sam/ /thig le gnyis sam phra mo gnyis/ /rnam dag mtshan ma gsal ba dang / /mtshan ma med pa'i don bsam bya//mnyam nyid dkyil 'khor kun gyi mchog /don dam bde ba chen po'i sku/ /de bzhin nyid dbyings ye shes kyi/ /lha nyid brtson pas bsgom par bya/ /thun bzhi'i skabs su gtor ma gtang / /rdzogs nas dkyil 'khor mchod bstod cing / /rang las phyung ste mdun bzhag nas//gsol btab las la bskul bar bya/ /oM khyed kyis sems can don kun mdzad/ /rjes su mthun pa'i dngos grub stsol/ /sangs rgyas yul du gshegs nas kyang / /slar yang 'gro ba'i don la dgongs/ /oM badzra gats+tshA muH/ de nas phyag rgya rnam bkod pa/ /rim bzhin bdag la bsdu byas nas//rnam gsum sems dpa' hUM la thim/ /rang bzhin thig le mnyam pa'i dbyings/ /rjes 'byung mtshan ma'i skur gnas te/ /mtshan dpe rgyan dang cha lugs gsal/ /go cha go bcings bsrung bya zhing / /dbang bskur dbu rgyan cod pan ldan/ / kaM haM/ oM TuM hUM/ rat+na mA le a b+hi Shiny+tsa trAM/ oM ba Ta laM ba a b+hi laM ba hUM/ spyod lam kun du ma nyams par/ /lha nyid du ni bsgom bya ste/ /dbang po'i snang ba yul dus rnams/ /dkyil 'khor rol pa'i tshul du brtag /bza' btung byin brlabs ma nyams bzlas/ /sgyu ma gnyis med ye shes rol//byed spyod tshogs gnyis rgyu ru brtag /thams cad 'gro ba'i don phyir spyad/ /gang zhig dang po'i las can rnams/ /rab tu bzung zhing cung zhig tsam/ /bsdus las byung ba'i dge ba des/ /rta mchog dkyil 'khor 'grub par shog /dpal rta mchog rol pa'i gsang ba'i don rnam par dgod pa zhes bya ba/