CLOSE WINDOW

D1666
བོད་ཡིག

slob dpon ku ku rA dzas mdzad pa rdzogs so/ /rgya gar gyi mkhan po bid+yA kar sid+ha dang / zhu chen gyi lo tsA ba ban+de lha rin po ches bsgyur cing zhus te gtan la phab pa'o/ /[]@##/ /rgya gar skad du/ shrI bai ro tsa na gu h+yA r+tha d+ha ro byU ha nA ma/ bod skad du/ dpal rnam par snang mdzad kyi gsang ba'i don rnam par dgod pa zhes bya ba/ dpal rdo rje sems dpa'i la phyag 'tshal lo/ /dngos bdag gsal ba gnyis med mchog /longs spyod rnam sprul bde chen sku/ /rigs kyi 'khor lo rab mdzes pa'i/ / dkyil 'khor kun 'byung gnas phyag 'tshal/ /zhi 'gog mya ngan 'das sogs 'joms/ /rgyu 'bras lam zhen dbugs sbyin mdzad/ /dpal ldan rnam snang gsang ba'i don/ /rnam dgod sgrub thabs mchog bshad bya/ /rang bzhin ngang tshul bzang las byung / /gnyis med yon tan skye ba thob//skyabs 'gro byang sems sdom pa can/ /dbang thob dam tshig 'jigs med pa/ /theg chen gsang sngags blo gros mchog /rnam snang dkyil 'khor la dga' bas/ /phyi nang g.yeng ba rab bsal te/ /rang gi 'dod don 'bras bu gnyer/ /rten gnas dgon pa gtsug lag khang //ri yi rtse rnams thams cad du/ /rnam pa du ma sna tshogs pa'i/ /sangs rgyas dgongs pa bsgrub par bya/ /'gro la snying rje chen po yis/ /bdag gzhan sgrol bar dam bcas nas/ /sbyor ldan nus mthu gsum bskyed pas/ / bdag dang 'gro ba sbyang ba dang / /dbang po'i dkyil 'khor mdun dmigs te/ /dang po bya ba'i rim rdzogs spyad/ /sgrib tshogs las sgrol dag byed pa'i/ /sems can tshad med blo yis gzung / /bar chad bgegs bsal srung byed pa'i/ /'khor lo me 'od ra ba gur//phyogs bcur khro bo'i tshogs bskyed pa'i/ /cho gas rang gi las bzhin bsgom/ /thams cad [(]spos [,]spros [)]bral de bzhin nyid/ /gnyis med byang chub sems dbyings las/ /'gro la khyab pa'i thugs rje'i rgyun/ /stong gsal nam mkha'i shugs ltar byung //rdo rje sems dpa' skal bzang dpal/ /rnam 'phrul ting 'dzin gnas la zhugs/ /e yaM raM baM laM suM raM/ /oM na maHsarba ta thA ga ta a nu rA ga ya mi maN+Da la hUM b+hUM/ chos 'byung nam mkha'i rang bzhin las/ /'byung ba'i dkyil 'khor rim bzhin brtsegs//ri rab me 'od rgyan gsal zhing / /kha dog dbyibs rgyan mtshan mar bcas/ /bde gshegs yon tan snang ba'i gnas/ /sna tshogs pad+ma rin po che/ /'khor lo sna tshogs rdo rje dbus/ /khang pa gru bzhi sgo khyud dang / /rta babs bzhi yis mdzes byas pa//sa gzhi nam mkha' logs kyi phyogs/ /rigs kyi rin chen 'tsher ba la/ /rang 'byung nyi shu rtsa lnga'i 'od/ /sna lnga'i rtsig pa dra ba dang / /dra phyed rin chen pha gus mtshan/ /'khor los mtshan pa'i ka ba brgyad/ /rin chen mu tig me tog phreng / /rgyal mtshan bla re rnga yab gdugs//'dod yon lnga yi lha mo mchog /zla phyed rdo rje rin chen dang / /ba dan dril bu'i sgra snyan sgrogs/ /pho brang 'khor lo rtse brgyad la/ /pad mtshan mu khyud 'khor lo'i phreng / /mtshams su bum pa gang ba bzhi/ /rigs kyi mtshan mas rnam par mdzes//bar skabs re'u cha brgyad la/ /mtshams phyed 'khor lo'i phreng bas mdzes/ /khyams kyi cha yi mtshams bzhi dang / /sgo gnas la sogs pad+ma'i gdan/ /phyi rol ra ba rim gsum brgyan/ /phyogs mtshams dur khrod chen po brgyad/ /de mtha' 'dod pa'i longs spyod dang //rdo rje ra bas bskor ba'o/ /yod pa ma yin med pa min/ /dbu mar yang ni dmigs su med/ /shes rab pha rol phyin sbyor ba/ /sangs rgyas byang chub rab sgrub pa'o/ /rnam thar sgo bzhir snyoms 'jug gi/ /'gog gnas gdul bya'i don bral la//phyogs bcu'i rgyal bas bskul mdzad de/ /mngon byang lnga yis rdzogs skur 'gyur/ /sems dang sems dpa'i ting 'dzin dang / /byang chub spyod pa sna tshogs nyid/ /de bzhin bdud dang bdud las rgyal/ /de yi byang chub sangs rgyas yin/ /oM ma hA su kha badzra satwa aHdzaHhUM baM hoHsu ra ta s+t+waM/rdo rje sems dpa' bde chen sku/ /dkar zhing dmar ba'i mdangs gsal lo/ /zhal bzhi rnam gzigs phyag bzhi pa/ /dang po rdo rje rtse lnga 'bar/ /rdo rje kha T+wAM dril bcas 'khrol/ /'og ma gnyis kyis mda' dang gzhu//mtshan dpe phyag rgya lnga yis mdzes/ /stod g.yogs dar dkar gser ris can/ /sku smad tshi gu'i na bza' la/ /rin chen phreng ba'i [(]rkad [,]rked [)]chings 'dril/ /mgul du do shal dpung rgyan dang / /phyag bzhi gdu bu se mo do/ /rdo rje rtse lnga'i phyag rgya ni//gnas lnga dag tu gtugs bya ste/ /sngags kyi bde gshegs thams cad kyi/ /sku gsung thugs sogs rnam par bsam/ /oM na maHsarba ta thA ga ta kA ya wAka tsit+ta gu Na kar+m+ma badzra swa b+hA wa At+ma kou0f85haM/ lus kyi ba spu'i gnas rnams su/ /dkyil 'khor drug g i rdul phran gnas//mkha' dbyings dbang phyug phyag rgya yis/ /gnas kun byin gyis brlab par bya/ /oM d+harma d+hA tu swa b+hA wa At+ma kou0f85haM/ rdo rje thal mo mnyam sbyar te/ /lag gnyis nor bu rin chen dung / /ji ltar rigs pa mnyam sbyar nas/ /mdzub mo mthe bong r tse mo bzhi//yongs su bsgyur te bteg nas su/ /dpral bar legs par gzhag par bya/ /khaM a b+hi Shiny+tsaM maM/ rat+na mA le a b+hi Shiny+tsa traM/ pa ta laM a b+hi Shiny+tsa oM/ badzra tuSh+ya ho/ /byin brlabs rigs kyi dbu rgyan gyis/ /rgyu yi mgon po rdo rje 'chang / /sangs rgyas rnam par snang mdzad sku//cha lugs mtshan ma rgyan gsal gyur/ /zhal bzhi ser dkar ljang dmar mdog /sku mdog gangs ri nyi shar bzhin/ /phyag na chos gos lhung bzed dang / /'khar gsil dam chos glegs bam 'dzin/ /'khor los sgyur rgyal cha lugs dang //longs spyod kun gyis nyer mdzes par/ /thun mong rgyan sogs tshang pa las/ /khyad par rtags kyis rnam spras pa'o/ /rang 'od ngo bo las byung ba'i/ /thabs dang shes rab gnyis med yum/ /sangs rgyas spyan ma dkar gsal mdangs/ /zhal gcig phyag gnyis sgyu rtsal can//g.yas pa 'khor lo thod pa g.yon/ /rin chen rgyan sogs phreng ba dang / /na bza' dril bu rked chings can/ /phyung nas byin gyis brlabs mdzad de/ /thabs dang shes rab ldan gyur pa/ /gnas bzhi yi ge mtshan ma sngags/ /dkyil 'khor gdan la legs gnas rnams//spro dang bsdu ba'i sbyor ba yis/ /phyag rgya bzhi yis rnam par gsal/ /lha yi bum pas khrus byas te/ /dbang bskur rigs kyi bdag por bsam/ /khaM las skyes pa'i ling ga ni/ /'khor lo gsang lam phaT kyis mtshan/ / a yig dag byas b+ha ga'i dbyibs/ /pad+ma'i 'dab brgyad e gnas pa/ /sna tshogs brda yis bskul byas nas/ /thabs shes gnyis med rol par mdzad/ /oM pra be sha phaT/ a la la la la ho/ /byang chub sems kyi 'od zer gyis/ /phyogs bcu'i dkyil 'khor mnyes par mdzad//lha rnams rang la gzhug byas te/ /gnyis ka'i dga' ba rab tu 'phel/ /khams gsum 'gro gnas dag pa dang / /rnal 'byor mtshan ma rnam par sbyang / /gsal ba'i gnas su gzhal yas khang / /rgyan sogs gdan rnams sngon bzhin dbyung //thig le gnas su mtshan byas na/ /spros pa yi ge'i dkyil 'khor gsal/ /khaM las rnam par snang mdzad de/ /gsang gnas dbus kyi pad+ma la'o/ /haM las sangs rgyas kun brjod ma/ /tshaM las de bzhin dpa' mo ste/ /traM las kun tu bzang mo yin//d+haM las mi zad snod 'dzin ma'o/ /aM las sangs rgyas kun ldan pa/ /b+hUM las zhal bzang gzung ma ste/ /ha las lha mo sprin chen mo/ /khaM las nam mkha'i spyan ma'o/ /de dag nang gi phyogs bzhi dang / /phyi nas re'u cha'i phyogs bzhir ro/ /aM las gling bu traM pi wang //baM las rnga chen dzaM rdza rnga/ /me mtshams la sogs re'u mig tu/ /lha mo bzhi ni gnas pa yin/ /a A me tog spos me ma/ /aM aHmar me dri chab ma'o/ /bar khyams mtshams kyi gnas bzhi ru/ /lha mo bzhi ni gnas pa yin/ / dzaHlas rta mgrin 'phang mtho ma/ /hUM las phag gdong mche ba can/ /baM las nyi zla me 'bar ma/ /hoHlas thal byed sgo bzhir gnas/ /oM b+hu khaM dzaH/ rang gi gnas nas spro bya ste/ /slar 'dus rang gi lus la gzhug /oM sa tak+Sha/ sangs rgyas kun brjod chu shel mtshungs//rgyan mdzes lce yi phyag rgya 'dzin/ /oM badzra rat+na raM/ dpa' bo shin tu rgyal mo mchog /gsar mdog phyag gnyis thal mo 'dzin/ /oM badzra d+harma pa/ kun bzang pad+ma rA ga'i mdog /phyag gnyis rdo rje rtse lnga tog /oM badzra kar+m+ma haM/ mi zad snod 'dzin sna tshogs mdog /rgyan dang snod kyang chos kyi dung / /oM satwa badzra/ sangs rgyas kun brgyan gur kum mdog /thugs kar sangs rgyas mi bskyod sku/ /tshiM badzra ra ti ho/ /lha mo zhal bzangs me long mdog /phyag gnyis me long rlung g.yab 'dzin//traM badzra pad+ma/ sprin chen bai DUr+ya mdog mtshungs/ /phyag gnyis sprin chen ser ba 'bebs/ /d+ha bi shwa badzra/ nam mkha'i spyan ma ser skya'i mdangs/ /phyag gnyis pad bcas mig gi rgya/ /he ra ti tsakra pi la si tra thA/ gling bu sngon mo sna tshogs sgra/ / 'khor los mtshan pa'i gling bu [(]sgogs[,]sgrogs[)]/ /he ra ti tsakra ke te te te te/ pi wang ser mo drug ldan dbyangs/ /'khor los mtshan pa'i pi wang bsgreng / /he ra ti tsakra ha se ha sa baM/ rnga chen dmar mo 'khor lo'i rnga/ /phrin las so so'i tshul bzhin du/ /he ra ti tsakra ni pi te pa pa ba dzaM/rdza rnga ljang gu rdza rnga ma/ /'khor los mtshan pa'i rol stabs tshul/ /a badzra puSh+pe/ me tog dmar ser 'khor los mtshan/ /rin chen gzhong pa gang ba 'dzin/ /a badzra d+hU pe/ spos me dkar sngon bdug pa'i snod/ /'khor los mtshan pa g.yas su 'jog /a badzra A lo ke/ mar me dmar mo 'khor los mtshan/ /snod mang mar me'i sdong po 'dzin/ /a badzra gan+d+he/ dri chab ljang skya 'khor los mtshan/ /dung chos g.yon 'dzin g.yas par 'thor/ /oM badzra aM ku sha dzaH rta gdong dkar mo lcags kyu dang //thod pa rta mgo ljang gu 'dzin/ /oM badzra pA she hUM/ phag gdong sngon mo g.yas mche ba/ /g.yon pa rin chen zhags pa 'dzin/ /oM badzra shri khaM le baM/ snang ba dmar mo phyag gnyis kyis/ /lcags sgrog nyi ma zla bas mtshan/ /oM badzra gaN+De hoH/ thal byed ljang gu g.yas dril bu//g.yon pas thod pa mtha' yas sku/ /kun kyang rgyan phreng na bza' dang / /rigs kyi mtshan ma 'gying bag bzhin/ /'dzum btag dgod pa'i so zur ston/ /rang gi cha lugs gar gyi gnas/ /mgon po ro mnyam la zhugs nas/ /chos dbyings ye shes snyoms 'jug pas//lha mos bdag po bskul mdzad de/ /sems can kun don rnam 'phrul mdzad/ /brten pa'i dkyil 'khor lha rnams kyi/ /skye mched drug la sangs rgyas drug /phyag rgya bzhi yi mtshan ma dang / /rigs kyi bdag pos nye bar mtshan/ / thugs ka'i 'od zer spro bsdu yis/ /ye shes dkyil 'khor bskul mdzad cing / /dzaHhUM baM hoH'i sbyor tshogs dang / /rdo rje bsdu ba'i phyag rgya bcing / /stong pa shin tu yod med rnal 'byor mthu/ /nam mkha' nyid du dam tshig nye bar gnas/ /bde gshegs bde bar gshegs pa bzhengs su gsol//rnam par snang mdzad skal bzang dpal khyod bdag /dzaHhUM baM hoHe h+ye hi b+ha ga bAn ma hA kA ru Ni ka Di Sh+ya ho/ /sa ma ya ho/ /sa ma ya s+t+waM/ bde gshegs pho brang dkyil 'khor 'dir/ /'gro ba ma lus bsgral ba'i phyir/ /don gyi dbang gis dgongs nas kyang //'khor bcas gshegs shing bzhugs su gsol/ /kA ya wAka tsit+ta hUM/ sgyu 'phrul dga' ba'i rdo rje rol mo'i tshogs/ /gzhan la snang ba'i dkyil 'khor rnam par mdzes/ /a la la ho/ /tshangs pa'i tshogs rnams zil gyis non mdzad cing //rtog pa du ma'i sgro 'dogs gcod par mdzad/ /a la la ho/ /gnyis med ye shes gnyis can rnam mtha' yas/ /snang stong bde chen mnyam nyid dbyings la rol/ /a la la ho/ /kun 'byung yon tan rtsol med lhun grub snang / /rgyan gyi dkyil 'khor rnam dgod rang las byung //a la la ho/ /mdzad pa rgya chen 'gog med kun grub pas/ /tshogs bsags rol pas bya ba kun rdzogs pa/ /a la la ho/ /sku gsung thugs kyi yon tan phrin las rgyan/ /dkyil 'khor mdzes pa'i lha la phyag 'tshal lo//a la la ho/ /rdo rje dpal gyi thal mo sgyur/ /bsam g.yos bzhin rgyas gnas su 'dud/ /oM a ti pu ho/ /ban+da nAM kA ro ya mi gu ru pa ti a la la ho/ /oM 'byung ba che las thams cad 'byung / /stong gsum rdul snyed ma lus pa'i/ /gzugs sgra dri ro reg bya chos//lha mo'i tshogs rnams ma lus spro/ /me tog bdug pa mar me dang / /dri tshogs kun gyis mchod par bya/ /oM pa ne peM po nu su ra ta ti pu par mu/ sarba ta thA ga ta sa ma yo ga sid+d+ha AHhUM/ oM badzra puSh+pe/ badzra d+hU pe/ badzra A lo ke/ badzra gan+d+he/ pra tIts+tsha ho/shrI b+ha ga bAn kha kha khA hi/ lag pa g.yas g.yon gnyis dag gi/ /mdzub mo mthe'u chung mdzes par bsgyur/ /rdo rje thal mo sbyar nas su/ /de bzhin g.yon pa bsgyur bar bya/ /de ni sbyor ba bteg nas ni/ /spyi bo'i mtshams su gzhag par bya/ /skal bzang oM zhes bya ba'i glus//mchod pa thams cad dbul bar bya/ /oM gyi glu yi phyag rgya ni/ /tshangs pa'i dbyangs kyis ci dgar blang / /dzaHhUM baM hoH/ rnal 'byor de nyid bcom ldan 'das/ /rdo rje sems dpa' de bzhin gshegs/ /thar pa thams cad rnam dag phyir//sangs rgyas phyag rgya dpal du gnas/ /don dam rnam par dag pa'i phyir/ /btso ma gser gyi kha dog bzhin/ /chags med la sogs chags chen phyir/ /dkar zhing sna tshogs gsal ba'i mdangs/ /chos kyi rgyal srid rab bsgrub pa/ /rin chen chos las lhag pa med//de bas theg chen byang chub sems/ /rgyal ba rdo rje rin chen can/ /g.yas pa'i mthe bong gung mo gnyis/ /g.yon pa'i khu tshur bcangs pa yi/ /sor mo kun la reg pa ni/ /rtsa ba'i phyag rgya yin par grags/ /g.yas pa'i yan lag gnon pa yis//g.yon pa'i yan lag kun las rgyal/ /sems dpa'i skyil mo krung bcas pa/ /bdud rnams thams cad 'joms par byed/ /oM b+hu khaM swAhA/ rdo rje khu tshur bcangs nas su/ /g.yon pas dgag pa kun brjod ma/ /he ru ka yi khu tshur che//g.yon pas dgab pa dpa' mo yin/ /pad+mo rdo rje khu tshur ni/ /g.yon dgab kun tu bzang mo'o/ /rin chen 'dzin pa'i khu tshur yang / /g.yon pas dgab pa mi zad snod/ /sangs rgyas khu tshur bcangs nas su/ /dgab pa sangs rgyas kun ldan dpal/ / bud med phyag rgya bcings nas su/ /dgag pa zhal bzang gzung ma yin/ /rta mchog dpal gyi khu tshur yang / /dgab pa sprin chen me yi rgya/ /dpal grub spyan gyi khu tshur dag /dgab pa nam mkha'i spyan ma'o/ /gling bu ma tshogs lha mo yi/ /phyag rgya'i dkyil 'khor snga ma bzhin//rang byung lha mo dang bcas pa'i/ /phyag rgya sngags kyis gnyis med 'gyur/ /'jig rten khams mang rdul phran grangs med khyab par spros pa ni/ /rgyal ba'i don rnams rab tu phra ba'i rdul gyi grangs snyed ni/ /srid pa'i bde chen de bzhin gshegs kun rnam 'phrul tshogs bcas kyis//rdul phreng grangs snyed de bzhin gshegs pa'i rnam par 'phrul par mdzod/ /mchod pa chen po thams cad 'grub par mdzod/ /ho dpal rnam par snang mdzad sbyor ba a la la la la ho/ /de ring grub par mdzod/ /so so'i ljags kyi pad+mo la//chos kyi snying pos mtshan pa'i dkyil/ /oM ru ru spu ru dz+wa la tiSh+tha sid+d+hi lo tsa ne sarbAr+tha sA d+ha ni swA hA/ rdo rje thal mo mnyam sbyar nas/ /mdzub mo gnyis kyi rtse mo dgug /mthe bo'i rtse mo mnyam par gzhag /khong stong mi 'gyur dam pa'o/ / sngags bcas gnas su gzhag bya ste/ /rim bzhin mtha' nas dgrol bar bya'o/ /oM AHhUM/ rab tu dga' ba'i bdag la phyag 'tshal lo/ /de bzhin gshegs pa'i dam pa grub par mdzod/ /dam tshig dam pa grub par mdzad du gsol/ /mchod pa chen po thams cad dag par mdzod//mchod pa chen po thams cad grub par mdzod/ /mnyam pa chen po'i gnas la rol du gsol/ /oM rdo rje sems dpa' bsdus pa na/ /rdo rje rin chen bla na med/ /rdo rje chos ni glur blangs pas/ /rdo rje las ni byed par 'gyur/ /sangs rgyas byang chub mnyam sbyor ba/ /rab tu dga' bas blta zhing 'dzum//shin tu srid pa yang dag sgrub/ /gsal bar lta la gnas par mdzod/ /sna tshogs ban+d+ha brtag pa la/ /sna tshogs bdud rtsi'i rnam par dag /lnga lnga lnga yi 'phro 'du yis/ /mtshan ma rnam pa lnga dang ldan/ /'od dang du ba dri dang sgra//lha yi gzugs ston bdud rtsi bsgrub/ /rang byung gdod nas rnam par dag /mnyam pa'i don las rol par mdzad/ /byin brlabs mtshan dang rgyan ldan pa'i/ /mi mo rnams kyi reg bya'i mchog /byin gyis rlobs shig rnal 'byor pa/ /gsang ba chen po rnam par rol//grub pa'i rdzas 'di thams cad la/ /hUM dang phaT kyis ldan par mdzod/ /mnyam nyid mi g.yo la sogs pa'i/ /bstod pa'i glu rnams blangs byas nas/ /sil snyan kun gyi sgra rnams dang / /gar gyis lha rnams mnyes par bya/ /aM aM aM/ haM haM haM/ baM baM baM/ daM daM daM/ bdag cag dam tshig 'di la mngon du zhugs pa rnams/ /bcad gtubs lus la 'byung bar mi 'gyur zhing / /grib mas phog pa'i sdug bsngal mi bzod pa/ /sku yi phyogs tsam mthong na mod la 'tsho ba dang / /gzi mdangs lus la 'jug pa bye ba stong phrag gi//'od kyis phog pas 'jig rten khams kun snang ba dang / /lus ngag sems dang tshe ni rdo rjer rab gnas te/ /re smon thams cad dus 'dir 'grub par mdzad du gsol/ /de nas bzlas brjod rnam gnyis sam/ /thig le gnyis sam phra mo gnyis//rnam dag mtshan ma gsal ba dang / /mtshan ma med pa'i don bsam bya/ /mnyam nyid dkyil 'khor kun gyi mchog /don dam bde ba chen po'i sku/ /de bzhin nyid dbyings ye shes kyi/ /lha nyid brtson pas bsgom par bya/ /thun bzhi'i skabs su gtor ma btang //rdzogs nas dkyil 'khor mchod bstod cing / /rang las byung te mdun bzhag nas/ /gsol btab las la bskul bar bya/ /oM khyed kyis sems can don kun mdzad/ /rjes su mthun pa'i dngos grub stsol/ /sangs rgyas yul du gshegs nas kyang //slar yang 'gro ba'i don la dgongs/ /oM badzra gats+tsha muH/ de nas phyag rgya rnam bkod pa/ /rim bzhin bdag la bsdu byas nas/ /rnam gsum sems dpa' hUM la thim/ /rim bzhin thig le mnyam pa'i dbyings/ /rdzas 'byung mtshan ma'i skur gnas te//mtshan dpe rgyan dang cha lugs gsal/ /cho ga go bcings bsrung bya zhing / /dbang bskur dbu rgyan cod pan ldan/ /kaM haM oM tuM oM rat+na mA le a b+hi Shiny+tsa traM/ oM pa Ta laM ba e b+hi Shiny+tsa laM ba hUM/ spyod lam kun du ma nyams par/ /lha nyid du ni bsgom bya ste//dbang po snang ba'i yul dus rnams/ /dkyil 'khor rol pa'i tshul du brtag /bza' btung byin brlabs ma nyams par/ /sgyu ma gnyis med ye shes rol/ /byed spyod tshogs gnyis rgyu ru brtag /thams cad 'gro ba'i don phyir spyad/ /dpal ldan rnam snang dkyil 'khor gyi//gsang don rnam par bkod byas las/ /byung ba'i dge ba dri med des/ /khams gsum sku drug rnam gsal shog /dpal rnam par snang mdzad kyi gsang ba'i don rnam par dgod pa zhes bya ba/ slob dpon ku ku rA dzas mdzad pa rdzogs so/