CLOSE WINDOW

D1663
བོད་ཡིག

/ //bod kyi dge bshes la phan phyir/ /smr-i ti dz+nyA na kIrti yis/ /TI ka bsgyur ba'i dge 'di yis/ /sems can byang chub thob par shog//[]@#/ /rgya gar skad du/ sarba bud+d+ha sa mAny+dza pany+tsi kA/ bod skad du/ sangs rgyas thams cad dang mnyam par sbyor ba'i dka' 'grel/rnal 'byor gyi dbang phyug dam pa bcom ldan 'das rdo rje rnon po la phyag 'tshal lo/ /sangs rgyas kun dang mnyam sbyor ba/ /mkha' 'gro sgyu ma bde ba'i mchog /sems can kun gyi bde bskyed pa/ /dngos kun bdag nyid phyag 'tshal lo/ /ma rmongs blos kyang rtogs dka' ba'i//rgyud kyi mchog ces bya ba ste/ /tshul bzhin gzhan gyis gsol bskul bas/ /ji bzhin gsal bar rnam par byed/ /'dir kha cig na re ci'i phyir rgyud 'dir mgo la sdud par byed pas/ 'di skad bdag gis thos pa zhes bya ba la sogs pa gleng gzhi ma bstan zhes rgol bar byed pa la/la la dag gis bshad pa/ bcom ldan 'das yongs su mya ngan las 'das pa na/ rigs kyi bu dag nga yongs su mya ngan las 'das nas/ khyed rnams kyis dam pa'i chos rnams bsdu bar bya ste/ /thams cad kyi dang por 'di skad bdag gis thos pa'i dus gcig na zhes bya ba byos shig ces gsungs la/bcom ldan 'das ni mi gnas pa'i mya ngan las 'das pa'o zhes rab tu bstan pa'i phyir te/ de bas na rtag tu bzhugs zhes bya ba'i rim pa 'di nyid kyis mngon no/ /gzhan dag na re 'khor los sgyur ba chen po mngon sum du ston par gyur pas rgyud sh+lo ka khri nyis stong sum brgya pa gsungs pa las stong nyis brgya pa 'di ni rgyud phyi ma yin te/de bas na der dang po rtsom pa na gleng gzhi grags zin pas 'dir yang ma smras so zhes 'dod do/ /de la chos kyi rjes su 'brang ba'i gang zag ni brjod par bya ba dang /'brel pa dang dgos pa dang / dgos pa'i yang dgos pa dag yod na/ 'jug par 'gyur bas 'dir de dag bstan par bya ste/ 'di la bcom ldan 'das rdo rje sems dpa' sangs rgyas thams cad dang mnyam par sbyor ba mkha' 'gro ma'i sgyu ma'i bde ba'i mchog dngos po thams cad kyi bdag nyid ni brjod par bya ba yin la/de ston pa'i tshig rgyud 'di ni brjod pa'o/ /de bas na brjod par bya ba dang / rjod pa'i mtshan nyid du 'brel pa ni 'brel pa'o/ /der yang bcom ldan 'das kyis gdul bya'i 'gro ba rnams dga' bar bya ba ni dgos pa'o/ / dkyil 'khor du 'jug pa la sogs pa sgrub pa dang / bsgrub par bya ba ma tshang ba med pa'i rim pas mthar phyin par nus shing / rang gi ngo bo nyid mngon sum du byed pa'i mtshan nyid ni dgos pa'i yang dgos pa nyid yin par shes par bya'o/ /da ni rgyud 'di'i rtog pa bcu'i bdag nyid las dang po de kho na nyid snang ba dam pa'i yul la 'jug pa ye shes kyi phyag rgya brtag pa'i ngo bo nyid sdud par byed pa bcom ldan 'das phyag na rdo rjes dang por gnas phun sum tshogs pa bstan pa la 'jug pa'i phyir/sems dpa' zhes bya ba la sogs pa gsungs so/ /sems dpa' sangs rgyas kun gyi dngos//zhes bya ba la sogs pa sems can rnams kyi don la shin tu chags pas na sems dpa'o/ /lha thams cad kyi ngo bo nyid du gyur pas na/ sangs rgyas kun gyi dngos po mi phyed pa'i ye shes kyi ngo bo nyid pas na rdo rje sems dpa'o/ /mchog tu yang bde ba dang yid bde ba'i ngo bo nyid pas bde ba'i mchog go//bde ba'i mchog la sogs pa dang / nang du yang dag 'dus pa mdzad par gyur pa'am/ nyan thos la sogs pa la sba bar bya ba yin pas na gsang ba pa'o/ /thams cad kyi rab tu gyur pas na mchog go/ /nyes pa ma lus dang bral ba'am/rdo rje lha mo dang mnyam par sbyor ba'i dgyes pa'i gnas skabs nyid kyis na dgyes pa na'o/ /de bzhin gshegs pa thams cad kyi ngo bo nyid du gyur pa'am/ nam mkha'i khams su gtogs pa thams cad mnyam pas na/ thams cad bdag nyid de dpal rdo rje sems dpa'i gzhal yas khang du bcom ldan 'das rdo rje sems dpa' rtag tu bzhugs so zhes bya bar sbyar ro//bzhi po de dag kyang rim pa bzhin du bstan pa'i phyir/ 'di ni zhes bya ba la sogs pa gsungs te/ 'di ni zhes bya ba ni rdo rje sems dpa'o/ /bdag nyid rdzogs pa'i sangs rgyas la sogs par bsgoms pa las byung bas na rang byung ste/de nyid kyis na sangs rgyas thams kyi rang bzhin no/ /bla na med pa'i dbang phyug dang ldan pas bcom ldan 'das te/ de nyid kyis na sems dpa'o/ /gnyis pa med pas na gcig pu'o/ /de nyid kyis na rdo rje sems dpa' ni che ba'i lha ste gtso bor gyur pa'o//mi bskyod pa la sogs pa ni sangs rgyas thams cad de bde ba'i mchog la sogs pa rdo rje lha mor yongs su gyur nas de rnams kyis yang dag par ram/ kun nas sbyor ba dang / rjes su sbyor ba dang / shin tu sbyor bas sems snyoms par zhugs shing gnyis su med par bsgoms pas phan tshun dgyes shing dngos po thams cad kyi bdag nyid kyi mtshan nyid du sbyor bas na/de'i phyir sangs rgyas thams cad mnyam par sbyor bar ston to/ /nam mkha' la spyod pa'i dngos grub thams cad ni mkha' 'gro'o/ /de nyid ni sgyu ma'i gzugs can pas sgyu ma ste/ des bla na med pa'i bde ba dang yid bde ba thob pa de'i ngo bo nyid ni bcom ldan 'das so//de bas na/ sangs rgyas thams cad mnyam sbyor ba/ /mkha' 'gro sgyu ma bde ba'i mchog /ces bya ste de nyid bde ba'i mchog tu bshad pa yin no/ /gal te de ltar lha mo'i tshogs kyi nang du zhugs na kun nas nyon mongs pa can du 'gyur ro snyam pa la chags pa med ces bya ba la sogs pa gsungs te/chags pa med ces bya ba ni chags pa dang bral ba ni nyan thos kyi byang chub la sogs pa'o/ /dbu mar zhes bya ba ni sgrub pa'i thabs gnyis su med pa'i ye shes te/ de dag thams cad kyang mi dmigs te/don dam par rang bzhin med pa'i phyir ro/ /lha mo rnams kyis kun nas nyon mongs pa med pa'i lan bstan pa'i phyir/ bud med kun gyi zhes bya ba la sogs pa gsungs te/ bud med thams cad kyi sgyu ma ni rjes su zhugs pa yang yin pas na 'di ni shes rab kyi pha rol tu phyin pa'i phyag rgya yin no//de nyid gsal bar bya ba'i phyir 'di ni gnyis med ces bya ba la sogs pa gsungs te/ gnyis ni gzung ba dang 'dzin pa ste/ de med pas na gnyis su med pa'o/ /'di gnyis kyis 'gro zhing phyin pas na theg pa ste/ byang chub sems dpa' chen po sangs rgyas kyi sa'i 'bras bu dang bcas pa'o//nyan thos la sogs pa'i theg pa las phul du byung bas na mchog go/ /rnam par snang mdzad la sogs pa'i lha mo dang bcas pa'i yang yod dam med ces bya ba la sogs pa rang gi shes rab kyi pha rol tu phyin pas don yod pa yin par shes par bya'o//yang na bud med thams cad kyi sgyu ma'i phyag rgya ni bde ba'i mchog la sogs pa'i phyag rgya chen po la sogs pa yin pa las rigs kyi tshogs gcig par byas so/ /gnyis su med pa zhes bya ba la sogs pas ni don dam pas 'di'i ngo bo nyid ston pa ste/'dis ni bcom ldan 'das don dam par gnyis su med pa'i ye shes kyi ngo bo nyid du bstan pa yin no/ /kun rdzob tu ni gdul bya'i dbang du 'di ni sgyu ma'i phyag rgyar sprul te/ rnam pa 'di gnyis kyang sangs rgyas thams cad dang mnyam par sbyor ba yang dag par bstan pa yin no//gang zhig 'di ston na ci thabs gzhan dag gis sems can gyi don bya ba med dam zhe na/ de'i phyir sgyu ma dag ni zhes bya ba la sogs pa gsungs te/ sgyu ma dag ni thams cad pas/ /zhes bya ba las sprul pa thams cad kyi nang na bud med kyi sgyu ma ste/ bde ba'i mchog la sogs pa'i phyag rgya ni rab tu khyad par che ste/des gdul bar bya ba rnams la rim gyis gong ma'i 'bras bu ster cing / bla na med pa'i bde ba dang yid bde ba'i ngo bo rdo rje sems dpa'i go 'phang thob par byed pas shin tu khyad par du 'phags par gyur te/ de bas na de nyid nye bar bstan te/ bcom ldan 'das rdo rje sems dpa' ni gnyis su med pa'i ye shes kyi ngo bo bya ba thams cad dang bral ba la rgyu gang gis na/'di ltar khyad par du gyur ce na ngo bo nyid kyis zhes bya ba la sogs pa gsungs te/ de ci'i phyir zhe na/ ngo bo nyid kyis lhun gyis grub cing grub zin pa'o/ /rgyu gang gis she na/ mthu dag gis te bsod nams dang ye shes kyi tshogs kyi che ba'i bdag nyid rang nyid kyis bsam zhing 'dod pa ste/ des bdag nyid kyi smon lam la brten pa'i bar gyis so/ /de ltar 'di'i rgyu'i che ba'i bdag nyid bstan nas 'bras bu che ba'i bdag nyid nye bar bstan pa'i phyir/ 'jig rten gsum zhes bya ba la sogs pa gsungs te/'jig rten gsum ni sa 'og sa steng sa bla'i mtshan nyid can no/ /bud med 'dis zhes bya ba ni bde ba'i mchog la sogs pa sgrub par brtson pa'i bud med do/ /'dis zhes bya ba ni shes rab kyi pha rol tu phyin pa yongs su rdzogs pa'am sgyu ma'i phyag rgya'o//gus par byed pa zhes bya ba ni che ba'i bdag nyid can du byed pa'o/ /ci dka' ba spyod pa rnams 'grub par 'gyur ram mi 'gyur zhe na/ rnyed dang zhes bya ba la sogs pa gsungs te/ rnyed pa la sogs pa la mngon par spyod bzhin du yang 'grub par 'gyur na rnyed pa la sogs pa yongs su spong ba la lta ci smos te/gang gi phyir ngan par spyad pa ste/ sgrub pa'i spyod pa ma tshang ba rnams kyang 'grub par 'gyur te/ des na dngos grub mngon du byed pa'i phyir ro zhes bya bar sbyar ro/ /mkha' 'gro ma'i don bstan par bya ba'i phyir rang gi ngo bo zhes bya ba la sogs pa gsungs te/rang gi ngo bo yongs su bsgyur na zhes pa ni rang gi gnas yongs su gyur pa'i sngon du bya ba ste/ bde ba'i mchog la sogs pa ni dngos po'i gnas skabs su grub pa yongs su rdzogs pa'o/ /bud med kun gyi sgyu ma ni bud med thams cad kyi sbyor ba bsgoms pas so//grub pa ni rdzogs par gyur pa 'di ni/ ngo mtshar sgyu ma'i phyag rgya 'di/ /zhes bya ste/ bcom ldan 'das kyi ngo mtshar sna tshogs pa ste/ bde ba'i mchog la sogs pa'i phyag rgya ni mkha' 'gro ma zhes bya'o zhes bya ba ni tshig gi lhag ma'o/ /skad gang gis she na/brdar bstan to zhes pa ste/ sangs rgyas thams cad kyi brda'i tshig tu'o/ /sgra'i nges pa'i tshig nyid bstan par bya ba'i phyir/ DA ni nam mkhar 'gro ma zhes bya ba la sogs pa gsungs te/ DA zhes bya ba'i yi ge'i khams las ni mkha' 'gro ma zhes bya'o/ /de bas na/nam mkha' kun du spyod grub pas/ /mkha' 'gro ma zhes rab tu grags/ /zhes bya ste/ rab tu grags par nye bar 'gro ba'o/ /thams cad du ma lus pa'i phyag rgya ni rdo rje sems dpa'i phyag rgya yin la de yang thams cad du ma lus pa'i bde ba'i mchog yin te/ nam mkha' kun du 'gro bas na mnyam par sbyor bas thams cad ni/mkha' 'gro ma zhes rab tu grags so/ /de yang 'di skad ston par 'gyur te/ gang yang bcom ldan 'das rdo rje sems dpa' thams cad du 'gro ba grub pa'i phyag rgya chen po ni nam mkha' kun du 'gro ba zhes bya ba nyid yin no/ /sangs rgyas khams zhes pa ni sangs rgyas la sogs pa'i khams ni sangs rgyas kyi khams te/de ni mkha' 'gro ma zhes bya ba'i don ni/ rnam par snang mdzad la sogs pa 'khor dang bcas pa'i yang khams kyi sgra 'di nyid kyis bstan to/ /de bas na de rnams kyis kun du 'gro bar grub pa de ni/sangs rgyas kun gyi bdag nyid kyi/ /mkha' 'gro ma zhes rab tu grags/ /zhes bya bar sbyar ro/ /'dir yang sgom pa brtan pa'i blos dang po snying po dang spel ba'i yi ge de las byung ba'i rlung gi dkyil 'khor la gnas pa'i rdo rje nam mkha' lding gis rnam par bskyod bzhin pa'i rang gi lha'i bdag nyid ji lta ba bzhin du bsgoms na/nam mkhar 'gyur ro zhes man ngag las bshad do/ /bshad ces bya ba ni rab tu grags so/ /sangs rgyas kun gyi zhes bya ba ni rdo rje sems dpa'i dngos grub las thob pa ste/ bde ba chen po zhes bshad pa yang de nyid yin no//sgyu ma thams cad rab sbyor ba/ /zhes bya ba ni dkyil 'khor ma lus par sprul pa la rab tu 'jug pa las gang zhig skyes pa'i bde ba dam pa de ni bde ba'i mchog ces bshad pa ste/ de bas na de'i ngo bo nyid du gyur pas bcom ldan 'das sangs rgyas thams cad mnyam par sbyor ba mkha' 'gro sgyu ma bde ba'i mchog ces bya bar grags so//da ni sgyu ma thams cad kyi rab tu sbyor ba ma lus par bstan pa'i phyir/ kun du zhes bya ba la sogs pa gsungs te/ yul kun du dang dngos po kun nas dang / dngos po thams cad kun du ste dus kun du dang rnam pa kun te/ rnam pa thams cad du bdag nyid kho nar 'gyur ro zhes bya ba ni lhag ma'o/ /ci'i phyir zhe na/ 'di ltar sangs rgyas zhes bya ba la sogs pa gsungs te/ de ltar 'dis ni bcom ldan 'das de dngos po thams cad kyi ngo bo nyid du bstan cing / mnyam par gzhag pa'i sgom pa'i sbyor ba ston to//de bas na dngos po thams cad kyi bdag nyid de nyid rgyas par bstan pa'i phyir/ sangs rgyas brtan g.yo zhes bya ba la sogs pa gsungs so/ /sems ni kun nas nyon mongs pa thams cad kyi gnas su gyur pas na/ sems ni kun gzhi rnam par shes pa'o/ /de nyid stong pa nyid brtan par bsgoms pas gzung ba dang 'dzin pa las rnam par dben par gyur pa zla ba'i dkyil 'khor gyi rnam pa ni sems dpa' zhes brjod do//chos thams cad dngos po med pa'i ngo bo nyid du dmigs pa la sems rtse gcig tu sbyor ba ni ting nge 'dzin to/ /zla ba'i dkyil 'khor yongs su rdzogs par bsgoms pa ni byang chub tu sems bskyed pa yin la/de nyid byang chub kyi don du spyod pa yin pas byang chub spyod pa'o/ /de'i steng du rdo rje bsgom pa'i nga rgyal bskyed la/ de bzhin gshegs pa rjes su zhugs pa las rang gi lha'i ngo bor bsgom pa nas/ ji srid mchod pa'i mthar thug pa'i bar gyi lha'i sbyor ba bshad pa ni/gdul bya'i sbyor bas rnam pa tha dad par gyur pa ni sna tshogs nyid do/ /gzhan dag na re byang chub kyi spyod pa ni rgyal bar byed pa dang / sbrang rtsir byed pa'i gzugs kyis sems can gyi don byed pa yin la/de kho na nyid ni rnam pa tha dad pas sna tshogs pa nyid de/ snying stobs rdul dang mun gyis kyang / gang phyir sems can don 'gyur bas/ /des na bdag ni kun bzang ste/ /byang chub spyod pas ji bzhin 'gro/ /zhes gsungs pas so zhes zer ro/ /'di ltar rnam pa sna tshogs pa de nyid bstan pa'i phyir/de bzhin bdud dang zhes bya ba la sogs pa gsungs te/ lam log par 'jug pa'i sems can sems gsod pas nyen pas na/ bdud de rdo rje sems dpa'o/ /de nyid bdud bzhi las rgyal bar gyur pas na bdud las rgyal ba'o/ /rang gi sems so sor rtogs pa ni byang chub yin la de nyid sangs rgyas te/rnam par snang mdzad do/ /ye shes lnga yi bdag nyid can rtse lnga pa'i khro bo'i rdo rje ni rdo rje'o/ /rdo rje 'dzin par mdzad pas rdo rje 'dzin nyid do/ /so sor rtog pa'i ye shes kyi bdag nyid can rang bzhin gyis rnam par dag pa'i chos nyid ngo bo ni pad+ma'o//pad+mo 'dzin par mdzad pas na pad+mo 'chang ste/ pad+mo gar gyi dbang phyug go/ /mnyam pa nyid kyi ye shes kyi ngo bo nyid rin po che zur brgyad pa ni nor bu'o/ /de 'dzin par mdzad pas na rdo rje nyi ma'o/ /rta mchog ni drag po'i tshul kun gyi ngo bo nyid la gnas pa yin pas na bshad do//de dag gi yang zhes bya ba ni rdo rje sems dpa' zhes bya ba la sogs pa bdud la sogs par bstan pa'i rigs ni 'khor yin no/ /thugs rje'i bdag nyid can du gyur pas na 'dod chags so/ /nyan thos dang rang sangs rgyas kyi thar pa'i bdag nyid can du gyur pas 'dod chags dang bral bas na 'dod chags dang bral ba'o//dngos grub thams cad la rjes su dgyes pas na 'dod pa'o/ /dngos grub thams cad mi 'gyur ba'i bde ba can yin pas na grol ba ste/ de yang bcom ldan 'das 'dod pa dang thar pa ci lta bu lags/ 'dod chags chen po bcom ldan 'das//dngos grub kun la rjes su dgyes/ /dngos grub thams cad mi 'gyur ba/ /bde ba chen po shes par bya/ /zhes gsungs pas so/ /'das pa la sogs pa'i ngo bo nyid du gyur pas na dus gsum mo/ /'dod pa dang gzugs dang gzugs med pa'i srid pa'i ngo bo nyid pas na srid gsum mo//theg pa gsum gyi bdag nyid can pas na mchog gsum mo/ /rgyal bar byed pa la sogs pa spun gsum gyi ngo bo nyid pas na 'jig rten gsum mo/ /'dod pa la sogs pa'i khams can pas na khams gsum mo/ /rnam pa tha dad pas rnam pa sna tshogs pas so//ri la sogs pa ni gnas pa'o/ /mi la sogs pa ni 'gro ba'o/ /kun du khyab pas na thams cad du'o/ /mtha' yas mchog ni thog ma dang mtha' thug pa med pa'o/ /chos kyi dbyings dang mnyam par ston pa nyid dang mtshungs pa'o/ /nam mkha'i dbyings dang 'dra ba ni mur thug pa med pa ste/chos kyi dbyings dang nam mkha'i dbyings nges pa'i tshig gnyis smos pa ni 'jig rten las 'das pa dang / 'jig rten pa la grags pa yin par blta bar bya'o/ /dngos po thams cad ni chos thams cad de/ de dag gis ni rang byung nyid du gyur par ston to/ /nam mkha' kun gyi skabs na dpal//zhes bya ba ni nam mkha' thams cad du go skabs yod pa'i dpal gang la yod pa de la de skad ces bya ste/ nam mkha' thams cad kyi skabs can gyi dpal gang la yod pa zhes sbyar ro/ /'dis ni bcom ldan 'das zhes bya ba ston to/ /rdo rje sems dpa' de bzhin gshegs//zhes bya ba 'dis ni gcig pu rab tu che ba'i lha zhes bya ba ston to/ da ni thob par byed pa'i thabs kyi sbyor ba'i ngo bo nyid kyi phyag rgya bstan par bya ba'i phyir bskal ba bye ba zhes bya ba la sogs pa gsungs te/ sangs rgyas thams cad ni rdo rje sems dpa' la sogs pa'o//sangs rgyas kun bdag gis ni bde ba'i mchog la sogs pa'i mtshan nyid can gyis te/ bde ba'i mchog ni bde ba'i dam pa rgyu dang 'bras bur bcas pa'o/ /bdag nyid bsgrubs pa ni lha'i gzugs su rang yongs su gyur pa'o/ /shin tu ni phul du byung bar ro//sangs rgyas kun bdag bde mchog go/ /zhes pa ni rdo rje sems dpa' la sogs pa'i ngo bo nyid kyis bla na med pa'i bde ba dang / yid bde ba nyams su myong ba'o/ /bdag nyid bsgoms pa'i mtshan nyid can gyi bsam pa dang / dgos pa can ni yang dag pa'i sems dang ldan pa ste/yang dag pa'i sems kyis de kho na nyid la dmigs pa'i sems dang sbyor bar gyur pa ni yang dag pa'i sems la sbyor ba'o/ /gzhan dag gi rnal 'byor yang dag pa ma yin pa'i sems de dang mi ldan pa des ni de'i gzugs brnyan gyi rang bzhin te/ gzugs brnyan gyi ngo bo la dmigs pa las skyes pa ni yang dag pa ni ma yin no//de las bzlog pa ji lta bu zhe na/ yang dag mchog sems zhes bya ba la sogs pa gsungs so/ /rang gi lha'i bdag nyid du bsgoms pa'i bdag nyid ni rang gi mchog go/ /rang gi sems kyi mtshan nyid du sbyor ba ni bdag sbyor ba ste/sems can rnams kyi sems gang yin/ /zhes bya ba la sogs pa gsungs pa'o/ /mi 'gyur ba ni rnam par mi g.yo ba'o/ /gzugs brnyan ni gzugs su byas pa'o/ /lugs ma ni sku gdung gis yongs su bkang ste byas pa la sogs pa'o/ /sogs pa'i sgras ni ri mor bris pa la sogs pa'o//gang gi phyir 'di ltar byang chub sems la rab tu brtson pa ste/ byang chub kyi sems bsgoms pa'i rim gyis rnal 'byor pa ste/ sngags pa rgyu des na bdag nyid lhar 'gyur ro zhes bya ba ni lhag ma'o/ /byang chub kyi sems ni stong pa nyid du bsgoms pa'i rim gyis zla ba'i dkyil 'khor yongs su rdzogs par gyur pa'i bdag nyid 'di ci skad du sngar bshad pa yin no//rdo rje ni der rang gi mtshan mar bstan pa'i bdag nyid do/ /sangs rgyas kun gyi ni ji ltar bdag nyid kyi lha'i gzugs su gyur pa'i bdag rang gi yin gyis phyi rol gyi lugs ma la sogs pa ni ma yin no/ /de lta bas na tshul 'di ltar rang gi dam tshig la sbyor ba ni thams cad du bdag sbyor ba ste/ye shes sems dpa' dang gnyis su med pa'i ngo bos sangs rgyas thams cad thob ste bsgoms pa'i stobs kyis ji ltar rnal 'byor pa rang nyid lha'i go 'phang mngon sum du byed pa'o/ /bdag ces bya ba ni rang gi sems so//nyid kyi sgra ni nges par gzung ba'o/ /sangs rgyas thams cad ni de bzhin gshegs pa thams cad do/ /dpa' bo thams cad ni mdo sde'i tshul las nges par skyes pa'i byang chub sems dpa' nyid do/ /rdo rje 'dzin pa thams cad ni sngags kyi tshul las mngon par grub pa'i byang chub sems dpa' nyid du gyur pa ste/bsgoms pa'i stobs kyis tshe 'di nyid la 'thob par 'gyur ro zhes bya bar sbyar ro/ /bcom ldan 'das zhes bya ba la sogs pa ni sdud par byed pa'i rang bzo yongs su dgag pa'o/ /de kho na nyid dam pa de ni thams cad mkhyen pa'i ye shes rnam pa lnga ste de nyid snang ba'o//de kho na nyid ni yul te de la 'jug pa ni ji ltar ye shes kyi bdag nyid can gyi rang gi lha'i phyag rgya gang yin pa ste/ de ni de kho na nyid snang ba dam pa'i yul la 'jug pa'i ye shes kyi phyag rgya zhes bya'o/ /de gzhung gang gis brtag pa de la ni de skad ces bya'o/ /brtag pa dang po'i 'grel pa'o// //de ltar mngon par byang chub pa lnga'i sgo nas rdo rje sems dpa' sbyor ba'i rang gi ngo bor bshad pa yin te/ ye shes tsam gyis snyoms par 'jug /sbyor ba zhes byar shes par bya/ /zhes gsungs pas so/ /der rnal 'byor pa nges pa dang ldan pa rjes su gzung ba'i phyir/ye shes sems dpa' nang du bstim pa sngon du song bas/ bcom ldan 'das rjes su sbyor ba'i ngo bo nyid kyis bzhugs par bstan par bya ba'i phyir/ 'di ni rnal 'byor bcom ldan 'das/ /zhes bya ba la sogs pa gsungs te/ 'di ni zhes pa ni 'das ma thag pa'i rnal 'byor gyi bdag nyid can te/rdo rje sems dpar bdag sbyor bas/ /rab tu 'grub po zhes bya bar ro/ /rdo rje sems dpar bdag sbyor ba/ /zhes bya ba ni mdun na bzhugs pa de dang gnyis su med par gyur nas bdag nyid thams cad du lha'i sku dang / gsung dang / thugs su snang bas thams cad 'bebs pa'o//sangs rgyas thams cad mnyam sbyor ba/ /zhes bya ba'i don ni bshad zin to/ /rnal 'byor ni de la bsgom pa goms par byed pa'o/ /de'i dbang phyug ni sgrib pa thams cad dang bral ba la dbang thob pa ste/ thams cad las mchog tu gyur pa'i dbang phyug chen po'i bar du'o//de las gang bla na med pa'i bde ba ste/ de ni sangs rgyas thams cad dang mnyam par sbyor ba rnal 'byor gyi dbang phyug gi bde ba chen po yin la de yang rab tu 'grub par 'gyur ro zhes rgyu dang 'bras bu nye bar gzhag pa'o/ /de nyid rgyur bstan par bya ba'i phyir/ de bas zhes bya ba la sogs pa gsungs te/ de bas zhes pa ni rjes su sbyor ba'o/ /sangs rgyas bde ba kun zhes pa ni lha thams cad kyi rang bzhin te/ bde ba de ni bde ba nyid kyis 'thob par 'gyur ba'o/ /bde ba de nyid rjes su bstan par bya ba'i phyir sangs rgyas thams cad ces bya ba la sogs pa gsungs so//bde ba nyid kyis zhes gang gsungs pa de bstan par bya ba'i phyir/ 'di la zhes bya ba la sogs pa gsungs te/ de la ni rjes su sbyor ba la'o/ /khrus ni gtsang sbra la sogs pa'o/ /de mi dgos pas ci ltar 'dod pa bzhin spyod pa'o/ /bsdam pa ni lan tshwa la sogs pa yongs su spong ba ste/de mi dgos pas thams cad bza' ba'o/ /dka' thub ni yul thams cad las ldog pa ste/ de mi dgos pas na thams cad spyod pa'o/ /dka' ba spyod pa ni rig pa'i brtul zhugs te/ de mi dgos pas 'dod pa'i dga' ba la ci dgar spyod pa'o//spyod pa ci dgar 'dod pa byed/ /ces pa ni ci dgar 'dug cing nyal ba'o/ /de ltar rjes su sbyor ba'i che ba'i bdag nyid bstan nas rjes su sbyor ba de bstan par bya ba'i phyir/ bskal pa zhes bya ba la sogs pa gsungs te/ sangs rgyas dam pa thams cad ni rang gi ngo bo ji bzhin pa'o//phyag rgya'i cho ga zhes pa ni lha'i skur mdun du gzhag pas so/ /bsgrubs nas zhes pa ni 'dir nang du bstim pa'o/ /bdag nyid ces bya ba ni sngar bshad pa'i sbyor ba'i bdag nyid can gyi phyag rgya chen po'i gzugs su'o/ /sgrub pa ni rjes su sbyor ba'i bar du byin gyis brlab pa'o/ / brtag par bya zhes pa ni sngar bshad par bya zhes pa'o/ /byin gyis brlabs pa de nyid gsal bar bya ba'i phyir/ sangs rgyas thams cad byin gyis rlob/ /ces bya ba gsungs te/ de nas yang gcig nas gcig tu brgyud pas sangs rgyas thams cad rab tu 'grub pa'o/ /ldan pa zhes pa ni de nyid de dang lhan cig tu gnyis su med par gyur pa'o//sangs rgyas thams cad ni zhes bya ba ni rang gi lha'i sbyor ba ji bzhin pa'o/ /bden pa dag kyang mthong zhes pa ni dam tshig thob pa'o/ /rnal 'byor thams cad mnyam par sbyor bas zhes bya ba ni 'khor gyi gzugs kyis gnas pa'o/ /'di dang sangs rgyas thams cad la ni rjes su sbyor ba byas pa'i sngags 'di'o//bud med dag kyang zhes pa la kyang gi sgra ni skyes pa'ang grol bar 'gyur bya ste/ skyes pa'i gzugs spongs nas lha mo'i ngo bor yongs su gyur pa'o/ /de yis zhes pa ni ji skad du bshad pa'i rjes su sbyor ba byas pa'o/ /'di ni zhes pa ni sngags pa'o//bdag nyid kun gnas pas ni zhes pa ni phyogs thams cad na gnas pa'o/ /mchod pa thams cad ni phyi rol gyi dkyil 'khor ba'i sna tshogs kyi yo byad kyi ngo bo ste/ de nyid kyi sprin chen po la sogs pa grangs mang pos khyab pa ste des mchod pa'o/ /de bzhin gshegs pa thams cad kyis mchod pa byas pa ni/bdag nyid thams cad kyis mchod par 'os pa ste/ dpal rdo rje sems dpa' nyid dam/ bdag nyid thams cad kyi lha nyid ji lta ba bzhin du 'grub par 'gyur ro zhes bya bar sbyar ro/ /thams cad bdag nyid ces pa ni thams cad kyis yongs su bskor ba'i dngos po thams cad kyi bdag nyid yongs su bsgom pa yin la/de'i bdag nyid yin pas na/ bcom ldan 'das rdo rje sems dpa' ni rnal 'byor thams cad do/ /de'i nye bar sbyor ba ni de'i nga rgyal gyis nye bar sbyar ba'o/ /des dpal ni gzhir gyur zhes pa ste/ rdo rje sems dpa'i sku tshe dang lang tsho dang nad med pa dang bde ba dam pa'o/ /rnal 'byor pa thams cad kyi nye bar sbyor ba bstan pa'i phyir/ rnal 'byor kun ni zhes bya ba la sogs pa gsungs te/ khams gsum zhes pa ni/ gzugs la sogs pa'i yul te/ de rnams rnal 'byor kun gyi longs spyod kyis bstan cing nyams su myong bzhin du bdag nyid kyi rang gi lha'i sku'i nga rgyal dang ldan pa la mchod do//bstan pa 'ba' zhig tu yang ma zad do/ rnal 'byor kun gyi bde ba dag /bdag nyid kun du myong byed na/ /zhes bya ba ste/ rang nyid sngar bshad pa'i rjes su sbyor bas mchod cing /lhag par sbyor bas 'grub par 'gyur ba'o/ /shin tu zhes pa ni bde ba'i rab tu dga' ba ste/ lha mo thams cad dang yang dag par sbyor ba'i mtshan nyid can lhag pa'i sbyor ba'i bar yang 'thob par 'gyur ba'o/ /sangs rgyas kun gyi bdag nyid ni rang gi lha'i ngo bo ji lta ba bzhin no//des mchod pas bcud kyis len pa bzhin du bde ba'o/ /sangs rgyas thams cad kyi bdag nyid ra sa ya ni bde ba des rdo rje sems dpar yang dag par sbyor ba ni ye shes sems dpar yang dag par sbyor ba'o/ /de rtogs par byed pas na dpal rdo rje sems dpar kun du sbyor ba'i brtag pa'o//brtag pa gnyis pa'i 'grel pa'o// //de ltar bcom ldan 'das kyis dpal rdo rje sems dpa'i kun du sbyor ba'i ngo bo nyid bstan nas/ de la brtan par gyur pa'i rnal 'byor pas/ shin tu sbyor ba la rab tu 'jug par bya'o zhes bstan par bya ba'i phyir/'di ni zhes bya ba la sogs pa gsungs te/ tshigs su bcad pa dang po 'di gnyis ni sngar bshad pa'i rtog pa gnyis pa dang 'di'i lhan cig pa'i 'brel pa bstan pa yin no/ /dpal rdo rje sems dpa' sbyor ba'i mthu nyid kyis ni zhes bya ba la sogs pa ni shin tu sbyor ba bstan te/dpal rdo rje sems dpa'i sbyor ba dang / rjes su sbyor ba byas pa'i rnal 'byor pas shin tu sbyor ba ni dpal rdo rje sems dpa' kun tu sbyor ba'o/ /de'i mthu ni brtan par byas pa'o/ /des na bde ba chen po ste/ /rdo rje sems dpa'i ngo bo nyid du gyur pa'i rgyas btab pas na phyag rgya bde ba chen po'o//rnal 'byor pa bde ba mos pa kun zhes bya ba ni kye ma'o/ /bde ba dang 'dus pa nyid kyis bde ba phul du byung ba'o/ /de ltar dngos grub thams cad bde ba mos pa'i dbang phyug dag lha mo gnyis dang yang dag par 'dus pa'i rig pa'i bde ba phul du byung ba yin no zhes khong du chud par bya'o//bud med mchog rnams zhes bya ba ni dkyil 'khor gyi lha mo lhag ma thams cad do/ /skye bar 'gyur zhes bya ba so sor rjes su 'grub pa ste/ de dag thams cad ni shin tu sbyor ba'i 'bras bu bstan pa yin no/ /de yi zhes bya ba ni rdo rje sems dpa'o//de zhes pa ni bde ba'i mchog la sogs pa ste/ de ltar lhag par sbyor ba byas pa'i rnal 'byor pa la gdon mi za bar mngon du 'gyur bar shes par bya'o/ /de lta bu'i dam tshig gang yin pa ni gzhung lugs te/ de las byung ba ni skyes pa'o/ /de las na de nyid ni sdug pa ste/ mngon par 'dod par bya ba'o//dam tshig bdag rjes 'brang zhes bya ba ni bdag gi sngags dang phyag rgya la sogs pa'i gzhung lugs kyi rjes su 'gro ba'o/ /shin tu sbyor ba ni lha mo dang tha mi dad par gyur pa'o/ /de nyid ni sbyor ba chen po dang / shin tu sbyor ba'i bar yin no/ /dngos po thams cad kyi ngo bo nyid pas na thams cad bdag nyid de rdo rje sems dpa'o//de'i dam tshig mchog ni 'da' bar mi bya ba ste/ tshig snga ma dang ni gsum pa de'i skyes bu'i mtshams sbyor ba'o/ /gcig bzhin zhes bya ba ni rdo rje sems dpa' ste/ rdo rje sems dpa' gcig pu'i spyod pa gcig pu'i bgrod pa'i ngang tshul can gang yin pa de ni gcig pu spyod do//lhan cig spyod pa ni lhan cig spyod pas na lhan cig spyod pa ste/ lha mo'i gtso mo bzhi po dag go/ /rjes su spyod pa de las gzhan pa ste/ de dag thams cad sdud pa'o/ /thams cad dga' ba ma lus pa'i/ /zhes bya ba ni lhag par sbyor ba bsgoms pas phyag rgya thams cad de/dkyil 'khor thams cad kyi lha mo'i phyag rgya ma lus pa'o/ /thams cad lha mo 'dus pas ni/ /zhes pa ni sngar bshad pa'o/ /de nyid kyis ni ma lus skal ba bzang po kun te bdag nyid bsgrubs pa'o/ /rnam pa thams cad skal ba bzang po dang ldan pa'i sbyor ba'i bde bas so sor rjes su 'byung bar 'gyur ba ste/lha mo dang 'dus pa'i bde ba rab tu thob par 'gyur ba'o/ /phyag rgya 'dis zhes pa ni ji ltar rang nyid lha mo thams cad kyi phyag rgyas rgyas btab pas na tha mi dad par 'gyur ba'o/ /rdo rje sems dpa' gang yin pa de nyid ni che ba'i lha yin pas de ni rdo rje sems dpa' che ba'i lha'o/ /thams cad rnal 'byor bde bas mos//zhes bya ba ni rnal 'byor thams cad las skyes pa'i bde ba la zhugs pa'o/ /sdig med ni nyes par spyod pa med pa'o/ /stobs kyis ni stobs dang bcas pas so/ /ngo 'thon du ni mngon sum du'o/ /phan tshun du ni rab dga' bas/ /zhes pa ni gcig la gcig reg par dga' zhing dga' ba rnams skyes pas so//skyes bu'i tshul gyis zhes pa ni bdag nyid kyi'am skyes bu bzhin du spyod pa'o/ /dbang po kun las 'byung ba yi/ /zhes pa ni ba spu'i bu ga thams cad nas byung ba'o/ /rnal 'byor bde ba thams cad kyis//zhes bya ba ni rnal 'byor thams cad las 'byung ba'i bde ba 'bab pas so/ /kye ma'o bde ba las byung ba/ /zhes pa ni b+ha ga dang ling ga las nges par byung ba'o/ /rin chen tshogs rnams thams cad kyis/ /zhes bya ba ni/ byang chub kyi yan lag la sogs pa'i rin po che mthon po dang sil snyan rnams kyis so//rab tu rmongs pas zhes pa ni zhugs pa ste/ lha mo thams cad kyi longs spyod de rnams la brten par byed pa'o/ /bdag gi che ba'i lhar sbyor ba ni rang gi lhar bdag nyid bsgom pa ste/ rjes su sbyor ba de nang du zhugs pa'o/ /rnal 'byor thams cad las byung ba'i bde ba ni rnal 'byor thams cad kyi bde ba ste/myong bar byed pas ni nyams su myong ba'o/ /tshe dang lang tsho dang nad med pa dang bde ba mchog ces bya ba 'dis ni bde ba'i mchog la sogs pa'i lha mo bzhi rim bzhin ston to/ /sangs rgyas kun gyi sku chen dang / /zhes bya ba la sogs pa ni/ sangs rgyas kyi byang chub la sogs pa bzhi po dag go/ /sangs rgyas kun gyi rgyal po che/ /zhes pa ni rnam par snang mdzad do/ /rdo rje 'dzin pa kun gyi bdag /ces bya ba la sogs pa ni he ru ka la sogs pa gsum ston to/ /de dag dang ni zhes bya ba ni/ rang gi lha mo rnams ji lta bas so/ / de zhes pa ni lha gzhan dag gis sbyor ba'o/ /'khor los sgyur ba rab tu 'grub/ /ces pa ni dkyil 'khor drug la dbang bsgyur bar skye ba'o/ /rgya chen ni yon tan che ba'o/ /mchog ni 'jig rten thams cad las 'das pa'o/ /dngos grub kun gyi bde mos pa/ /zhes pa ni nam mkhar 'gro ba la sogs pa'i dngos grub kyi bde ba phul du byung ba ste/bde ba'i dbang phyug kun ni rdo rje sems dpa' dang rnam par snang mdzad la sogs pa'i ngo bo nyid de de nyid mos pa'o/ /mkha' 'gro ma sgyu ma bde ba'i mchog ces pa ni nam mkha' la spyod pa la sogs pa'i dngos grub kyi bde bas phul du byung ba dang lhan cig tu sngar bshad pa'i lha mo rnams dang lhan cig mnyam par sbyor bas skal ba bzang po ste/lha mo thams cad dang yang dag par 'dus pa rdo rje sems dpa' ni skal ba bzang po can no/ /de nyid dpal te lha mo rnams kyi'o/ /'da' bar mi bya bas na dam tshig go/ /de tshig gis rtogs pas na rtog pa 'di la de skad ces bya'o//brtag pa gsum pa'i 'grel pa'o// //de ltar bcom ldan 'das sbyor ba dang rjes su sbyor ba dang / shin tu sbyor ba'i bdag nyid du brtag pa gsum gyis bstan na sa thams cad du nyams pa med pa'i ye shes grub pa'i phyir/ sbyor ba thams cad bsgom pa'i mtshan nyid can/sna tshogs thams cad kyi skal ba bzang po mchog gi dngos grub ces bya ba dpal dam tshig gi rtog pa'i ngo bo bstan par bya ba'i phyir/ 'di ni zhes bya ba la sogs pa gsungs te/ tshigs su bcad pa 'dis ni rab tu 'jug pa'i brtag pa dang / rjes su 'brel pa'i sgo nas brtag pa gzhan gnyis dang /rjes su 'brel par blta bar bya'o/ /lha mo thams cad dang mnyam par sbyor ba zhes bya ba ni/ lha mo thams cad dang yongs su spyod pa ste/ des na bdag nyid bsgrubs shing lha mo dang lhan cig mnyam par sbyor bas na skal ba bzang po ste/ de nyid kyis na 'di ltar bud med kyi rol pa'i nang du zhugs pas mchog 'dod pa'o//lha mo yang dag par 'dus pa'i bde ba phul du byung ba'i nyams su myong ba'i kun du sbyor ba gang yin pa de ni yang dag sbyor ba'i bde ba myong ba'o/ /phul du byung ba'i rjes su chags pas lha mo thams cad la yid chags pas 'dod chags te/sbyor ba thams cad kyis rnal 'byor pa grub pa'o/ /dbyangs ni 'dir sgra la bya'o/ /reg bya ni bde ba'i reg pas reg pa yin par shes par bya'o/ /de dag rang gi spyad pa spyod pa ni bde ba bzung bas nye bar longs spyod pa'o/ /de ltar rdo rje sems dpa'i 'bras bu'i nye bar longs spyod pa bstan nas/rnam par snang mdzad la sogs pa'i 'bras bu la nye bar longs spyod pa bstan pa'i phyir sangs rgyas zhes bya ba la sogs pa gsungs te/ byang chub pa'i pha rol tu phyin pa dang / rin po che'i pha rol tu phyin pa dang / chos kyi pha rol tu phyin pa dang / las kyi pha rol tu phyin pa dang /sbyin pa'i pha rol tu phyin pa dang / tshul khrims kyi pha rol tu phyin pa dang / bzod pa'i pha rol tu phyin pa dang / brtson 'grus kyi pha rol tu phyin pa dang / bsam gtan gyi pha rol tu phyin pa dang / shes rab kyi pha rol tu phyin pa dang / thabs kyi pha rol tu phyin pa dang / smon lam gyi pha rol tu phyin pa dang /stobs kyi pha rol tu phyin pa dang / ye shes kyi pha rol tu phyin pa ste/ pha rol tu phyin pa de dag thams cad dang / kun du bzang po la sogs pa'i gzugs rnams dang / skye ba med pa'i byang chub kyis dang / rab tu dga' ba dang / dri ma med pa dang / 'od byed pa dang / 'od 'phro ba dang /sbyang dka' ba dang / mngon du gyur pa dang / ring du song ba dang / mi g.yo ba dang / legs pa'i blo gros dang / chos kyi sprin dang / kun du 'od de bcu gnyis po de dag go/ /bdud med ces bya ba ni/ bdud rnams kyi zil gyis gnon pa dang bral ba'o/ /dngos grub ces pa ni rab tu grub pa'o//dka' ba dang zhes pa ni sems can dman pa dag gis bskal pa grangs med gsum gyi bar du brtson 'grus phul du byung bas bsgrub par bya ba yin pas so/ /bde ba chen po ni dngos grub thams cad mi 'gyur ba'i bde ba'i ngo bo nyid yin pa'i phyir ro/ /skal ba bzang po bde myong ba//zhes pa ni shin tu phul du byung ba'i bde ba myong ba'i phyir skal ba bzang po ste/ byang chub pa'i phyir bdag nyid kyis rnal 'byor thams cad phyin ci ma log par bsgoms pas 'grub par 'gyur ba'o zhes bya bar sbyar ro/ /dngos grub thams cad ni nam mkha' spyod pa la sogs pa'i dngos grub ste/de rnams rim gyis rdzogs pa ni byung ba'o/ /sangs rgyas zhes bya ba ni rnam par snang mdzad do/ /phrogs nas zhes bya ba ni bsgoms pa'i stobs kyis rang gi dbang du byas pas so/ /nye bar spyad par bya zhes pa ni nyams su myong ba'o/ /sangs rgyas rgyal srid chen po kun ni rdo rje nyi ma'i go 'phang ngo //sangs rgyas kun gyi grub chen po/ /mchog gi dbang phyug dam pa dag/ /ces bya ba ni rta mchog gi go 'phang ngo / /bdag gi don phun sum tshogs pa bstan nas gzhan gyi don phun sum tshogs pa bstan pa'i phyir/ mthu chen zhes bya ba la sogs pa gsungs so//grub dang zhes pa ni dka' thub zlog ma'o/ /dran pa ni 'dod pa'i lha'o/ /sangs rgyas don kun zhes pa la sangs rgyas kyi don kun sbyin pa dang / sangs rgyas kyi bya ba thams cad byed do zhes bya bar sbyar ro/ /sde rnams thams cad rab tu 'joms pa ni bdud kyi sde thams cad rab tu 'joms pa'o//'khor los sgyur ba ni chos kyi 'khor lo rab tu bskor ba'o/ /rdzu 'phrul gyis rnam par 'phrul ba ni rdzu 'phrul gyis rnam par rol pa'o/ /de nyid rgya cher bstan pa'i phyir la lar zhes bya ba la sogs pa gsungs te/ byang chub kyi sems chen po ni bla na med pa yang dag par rdzogs pa'i byang chub kyi sems so//spyod pa ni sbyin pa la sogs pa'i mtshan nyid do/ /mthun par 'gro ba ni ji ltar rjes su 'tsham pa'o/ /shin tu 'pho ba ni skye ba yongs su 'dzin pa'o/ /byang chub chen por gshegs pa ni/ /byang chub pa'i phyir gshegs pa ste/byang chub kyi snying por nye bar gshegs zhes bya ba'i bar du'am/ yang na byang chub chen po nyid ni dga' ston chen po ste/ dga' zhing mos pa chen po yin pas na/ byang chub chen por gshegs pa'o/ /'khor lo bskor ba ni chos kyi 'khor lo bskor ba la rab tu 'jug pa'o//nges pa'i gar zhes pa ni rnam par rol pa'o/ /ma lus par phyag rgyas btab pa ni/ byang chub tu sems bskyed pa'o/ /sna tshogs pa ni rnam pa du ma'o/ /thams cad ni rigs rnam pa lnga po skal ba bzang po dang / mchog kyang yin par gang grub pa de ston pas sna tshogs thams cad kyi skal ba bzang po mchog gi dngos grub ces bya'o//dpal ni lha mo rnams so/ /dam tshig ni 'da' bar mi bya ba ste/ rdo rje sems dpa'o/ /de ston pas na dpal dam tshig gi rtog pa'o/ /brtag pa bzhi pa'i 'grel pa'o// //de ltar bcom ldan 'das sbyor ba la sogs pa'i bdag nyid du bstan nas/dkyil 'khor gyi cho ga la sogs pa'i sbyor ba bstan par bya ba'i phyir/ ji skad du bshad pa'i sbyor ba bzhi po dang ldan pa'i rnal 'byor pas ni sngar bstan pa'i dngos grub rnams kyi gtam dang / phyag mtshan gyi phyag rgya dang sna tshogs pa'i phyag rgyas dgos pa 'grub par 'gyur bas/bcom ldan 'das gtam gyi phyag rgya'i ye shes kyi ngo bo nyid du bstan par bya ba'i phyir/ 'di ni zhes bya ba la sogs pa gsungs te/ tshigs su bcad pa 'dis ni rtog pa snga ma dang rjes su 'brel pa ston to//rnal 'byor zhes pa ni ji skad bshad pa'i rnal 'byor gyi ngo bo nyid yin pas so/ /ji ltar sems can rnams 'dul ba'i tshul gyis gnas skabs kyis gshegs pa'i phyir/ de bzhin gshegs pa'o/ /yang dag grub pa gcig pu nyid/ /ces pa ni don dam pa nyid du'o//ji ltar 'dod pa bzhin du sbyar/ /zhes pa ni/ 'dod chags la spyod pa la sogs pa'i sems can rnams gdul ba'i phyir rim pa ji lta ba ste/ bsam pa ji lta ba bzhin du sbyor ba ni rdo rje sems dpa' nyid rnam par snang mdzad la sogs pa'i skur bsgom pa'o/ /rtog pa'i chog thams cad la//zhes pa ni cho ga 'di rnams nyid la'o/ /mchog gi ni 'jig rten pa'i dngos grub rnams kyi dam par gyur pas so/ /mchog ni de las kyang lhag par gyur pa'i dngos po med pa ste/ grub pa de'i ngo bo nyid du gyur pa'o/ /'di 'jig rten pa'i dngos grub 'ba' zhig tu yang ma zad pa de nyid bstan par bya ba'i phyir/sna tshogs zhes bya ba la sogs pa gsungs te/ sna tshogs las kyi sbyor ba yis/ /zhes pa ni rdo rje sems dpa' dang rnam par snang mdzad la sogs pa'i sku sprul pas so/ /cho ga sna tshogs 'dod pa yi/ /zhes pa ni/ 'dod chags kyi bde ba dang /zhe sdang dang / gti mug dang / nor la sred pa dang / 'gyod pa la sogs pa la spyod pa'o/ /'dul ba dang zhes pa ni 'dod chags la sogs pa rab tu spangs pa'i phyir ro/ /sangs rgyas thams cad rnam 'phrul bas/ /zhes pa ni rdo rje sems dpa' dang rnam par snang mdzad la sogs pa'i rol pas so//ji ltar 'grub par 'gyur zhe na/ nyin re'am zhes pa la sogs pa gsungs so/ /ji bzhin byin gyis brlabs nas ni/ /zhes bya ba ni ji ltar bdag nyid sred pa gsum gyi skyed mos tshal du gnas pas so/ /sangs rgyas bde mchog bya ba ni rdo rje sems dpa' la sogs pa'i tshogs kyi dkyil 'khor gyi sbyor bas so//ji ltar zhe na/ khams kyi zhes bya ba la sogs pa gsungs te/ khams kyi ngo bo thams cad ni gser dngul la sogs pa'i rang bzhin no/ /srog dang gso ba la sogs pa'i rang bzhin las byas pa'o//rtsa ba las byung ba ni shing gi rang bzhin las byas pa'o/ /dkyil 'khor gang dang gang zhes pa ni rdo rje sems dpa' la sogs pa'i dkyil 'khor gang dang gang ngo / /bsten pa zhes pa ni bsgom pa'o/ /de dang der zhes bya ba ni dkyil 'khor ro/ /mchod pa byas nas zhes pa ni mchod pa'o//de las gzhan yang zhes bya ba ni de'i 'og tu sgo so so'i gtam ston pa'o/ /rtog pa kun gyi zhes bya ba ni/ rdo rje sems dpa' la sogs pa'i dbugs dbyung ba'o/ /ci rigs par ni sprul byas pa'i/ /zhes bya ba ni ci rigs par rol pa'o/ /'di skad ston par 'gyur te/ ci ltar rang gi tshogs kyi dkyil 'khor du rang gi lhar sbyor ba'i slob ma dang lhan cig tu rang gi phyag mtshan dang / phyag rgyar ldan pas ji ltar bdag nyid dbugs dbyung bar smras pa bzhin du slob ma rnams la yang smra bar bya ste/ de rnams kyis rang gi lha'i sbyor bas rang gi mngon par dad pa phun sum tshogs pa rdzogs par bya ba'i phyir smra ba bzhin du bsgrub par bya'o//'dod chags la spyod pa'i sems can rnams kyi dbang du mdzad nas/ bcom ldan 'das rdo rje sems dpa' dbugs dbyung ba bstan pa'i phyir/ sems dpa' zhes bya ba la sogs pa gsungs te/ mi gnas pa'i mya ngan las 'das pa la bzhugs pas na/ da ltar byung ba bzhin no/ /mi 'gyur ba'i ngo bo nyid pas na 'da' bar dka' ba ste/ chos kyi sku la bya bar dgongs so/ /'dul ba'i phyir zhes pa ni de rnams kyis sems can rnams 'dul ba'o/ /byas pa yin zhe na/ bya ba ni kun rdzob tu'o/ /dpal rdo rje sems dpa'i dbugs dbyung ba'o zhes bya ba ni dpal rdo rje sems dpas dbugs dbyung ba ste/ 'dis 'dod chags la sogs pa la spyod pa'i sems can rnams dbugs dbyung ba'o/ /de ltar ngo bo nyid kyi sku'i bdag nyid can nyid kun rdzob tu 'dod chags la spyod pa gdul bar bya ba'i phyir/bcom ldan 'das dngos po thams cad kyi ngo bo nyid du bstan nas/ zhi ba la spyod pa'i sems can rnams gdul bar bya ba'i phyir/ chos kyi dbyings rnam par dag pa la bzhugs pas thams cad kyi ngo bo nyid kyi tshul bstan par bya ba'i phyir/'das pa'i dus na zhes bya ba la sogs pa gsungs te/ stong pa nyid la shin tu brtson pa ni lhag ma dang bcas pa dang / lhag ma med pa'i mya ngan las 'das pa la brtson pa dang ldan pa'o/ /'gog pa'i chos nyid la sbyor bas/ /zhes bya ba ni ji skad du bshad pa'i mya ngan las 'das pa gnyis dang 'brel pa'o//'gags shing zhes pa ni lhag ma dang bcas pa'o/ /yongs su mya ngan las 'das zhes bya ba ni lhag ma med pa'o/ /grol ba thams cad ni nyan thos la sogs pa'i yongs su mya ngan las 'das pa'o/ /de'i rnam par byang ba ni gnyis su med pa'i rang bzhin gyi chos khong du chud nas thugs rje chen po bskyed pa'o//bskyed ces bya ba ni byas pa'o/ /stong pa ma yin zhes bya ba ni bden pa ste/ yongs su brtags pa las byung ba de yod pa'o/ /mi stong min zhes bya ba ni yongs su brtags pa nyid med pa'o/ /dbu ma ni de gnyi ga med par 'dzin pa'i ye shes te/dbu ma rab tu bsgrub pa'i bar de yang rnam par rtog pa'i spyod yul yin pas na mi dmigs te/ de nyid ni shes rab kyi pha rol tu phyin pa'i sbyor ba zhes brjod do/ /snying rje chen pos yongs su bzung bas snying rje'i bdag nyid 'gro ba'i don byed pa'i phyir/sangs rgyas rnams kyi thabs yin no zhes bya ba ni lhag ma'o/ /de ni zhes pa ni rdo rje sems dpa' ste/ chos kyi tshig rnam par snang mdzad du 'gyur ro zhes bya bar sbyar ro/ /rnam par 'phrul ba bstan pa'i phyir/ snying rje zhes bya ba la sogs pa gsungs te/ gang la snying rje nyid dang thabs yod cing shes rab kyi pha rol tu phyin pa ni dri ma med pas de skad ces bya'o//rtog pa med pa'i chos rnams la/ /zhes bya ba ni rtog pa thams cad dang bral yang gdul bya'i dbang gis dkyil 'khor dang phyag rgya la sogs pa thams cad tu rtog cing yongs su gyur pa'o//rnam par mi rtog pa'i zhes bya ba ni gnyis su med pa'i ngo bo ste/ sems can gyi don la rtog par byed pa'i kun rdzob bo/ /don dam par ni brag ca'i sgra dang 'dra ste/ sgra brnyan dang mtshungs pa nyid do/ /chos ni dam tshig gsum mo/ /de ston pa'i tshig gang yin pa de ni chos kyi tshig go//de las bya ba ni chos kyi tshig tu gyur pa'i 'og tu'o/ /theg pa chen po ni dmigs pa dang / sgrub pa dang / ye shes dang / brtson 'grus dang / thabs kun dang las chen po dang ldan pa ste/ byang chub sems dpa'i lam 'bras bu dang bcas pa dang / shes rab kyi pha rol tu phyin pa la sogs pa'i mdo sde rnams kyi ngo bo nyid do//tshe 'di nyid la sangs rgyas la sogs pa'i nges par bskyed pas che ba'i phyir/ theg pa chen po'i chen po ste/ rdo rje'i theg pa'o/ /de las gang yang dag par byung ba'i yon tan rgyas pa ni sku gsum gyis bsdus pa ston te/mnyam med ces bya ba la sogs pa'o/ /glu ni bstod pa'o/ /dus gsum pa ni dus rnam pa gsum mo/ /dam tshig gsum ni sku gsum gyi bdag nyid do/ /ci lta bu zhe na/ mnyam med ces bya ba la sogs pa gsungs te/ mi g.yo ba zhes bya ba 'dis ni chos kyi sku ston to//mnyam pa nyid ni de bzhin nyid do/ /de nyid mchog gi chos so/ /mnyam pa nyid de gang la yod pa de ni mnyam pa nyid mchog gi chos nyid can te/ 'di nyid kyis ni longs spyod rdzogs pa'i sku ston to/ /thugs rje'i bdag nyid 'gro ba'i sdug bsngal sel zhes bya ba 'dis ni/sprul pa'i sku'i sgo nas gzhan gyi don mdzad pa ston te/ de dag gsum par yang mnyam pa med pa'o/ /sdug bsngal sel ba ni snang ba dang / mi snang ba sdug bsngal rnams 'jig par mdzad pa'o/ /yon tan mtha' yas pa ni mthar thug pa med pa'o/ /dngos grub thams cad sbyin par mdzad pa ni 'jig rten dang 'jig rten las 'das pa'i dngos grub thams cad stsol ba'i ngang tshul can gang yin pa de la de skad ces bya'o//ci'i phyir de sdug bsngal rnams sel zhing yon tan gyi dngos grub stsol bar mdzad ce na/ thugs rje'i bdag nyid ces gsungs pa'i phyir ro//gal te thugs rje'i bdag nyid can yin yang gang gis 'di ltar spyod pa yin no zhe na/ dri med ces bya ba la sogs pa gsungs te/ sgrib pa thams cad dang bral bas dri ma med pa'o/ /mu stegs can gzhan rnams kyis mi bskyod pas na mi g.yo ba'o//rim gyis nyan thos dang / rang sangs rgyas dang / byang chub sems dpa' rnams dang / thun mong ma yin pas mnyam pa med pa'i mchog gi stobs dang / mi 'jigs pa la sogs pa ste/ de gang dag la yod pa de ni dam pa'i mchog chos can no/ /mnyam pa med pa zhes gang gsungs pa de gsal bar bstan pa'i phyir yon tan zhes bya ba la sogs pa gsungs te/gang gis mi mnyam zhe na/ yon tan shin tu phra ba ste/ rab dang / 'bring dang / tha ma'i dbye ba phye ba'i yon tan no/ /tshad med pa ni mtha' med pa'o/ /gang dang mi mnyam zhe na/ dpe ni nam mkha' zhes pa ste/gang gi phyir dper bya ba ni nam mkha' ltar tshad med pa dang yang bskrun du yod pa ma yin na dpe dman pas lta smos kyang ci dgos/ yon tan med pa de rnams ni sems can khams la zhes bya ba la sogs pa gsungs te/ sems can gyi khams rnams la sangs rgyas kyi dngos grub mchog nges par stsal ba'o//de dag nyid gang gis byung zhe na/ rtag tu zhes bya ba la sogs pa gsungs te/ gang gi phyir de rnams ni thugs rje chen po'i dbang gis kun nas bslangs pas rtag tu dri ma med pa ste/ kun nas nyon mongs pa med pa'o/ /smon lam grub pa ni mi gnas pa'i mya ngan las 'das pa'o//dgag pa med pa'i chos nyid can ni 'gag pa med pa'i ngo bo nyid do/ /mtha' yas par khyab pa ni khyab par gyur pa'o/ /thugs rje chen po'i bdag nyid ni sangs rgyas so/ /rtag tu ni mtha' med pa'o/ /rnam par snang ba ni gsal bar gyur pa'o/ / gang zhig gis she na/ tshad med ces bya ba la sogs pa gsungs te/ tshad med pa ni nyan thos dang rang sangs rgyas dang byang chub sems dpa' rnams te/ de rnams pas kyang dpag tu med pa'o/ /shin tu rdzogs pa ni 'bras bu mthar thug pa'o/ /bde bar gshegs pa'i go 'phang ni yongs su mya ngan las 'das pa ste/der gshegs par ston kyang ngo / /de dag kyang gang yin zhe na/ 'gag par yang mi 'gyur zhes bya ba gsungs te/ gang gi phyir de'i snying rje chen po'i rgyus mya ngan las 'das pa'i chos can du mi 'gyur te/ de bas na mi 'gag pa'i chos can nyid do//de nyid kyis na e ma'o shin tu bzang ba'i chos nyid ces bya ba la sogs pa 'dis mngon par gsol ba 'debs pa bstan to/ /dam tshig gsum ni sku gsum gyi bdag nyid de/ de'i rgyur gyur pa'i dngos grub kyi bdag nyid dang ldan pas/ mchog sbyin dngos grub rab mchog stsol bas bdag la stsol cig pa'o//mchog sbyin rnams kyi nang na go 'phang dam pa mchog brnyes pa ni sbyin pa'i mchog gi gtsor gyur pa'o/ /rtag tu ni lus la med pa'o/ /dus gsum na dus rnam pa gsum gyi mthar thug pa'o/ /sgrib pa med pa ni sgrib pa thams cad dang bral ba'o//'di ni zhes bya ba la sogs pa ni nye bar sdud pa'i sngon du 'gro bas bstod pa'i che ba'i bdag nyid bstan to/ /lan cig tsam brjod kyang sangs rgyas su 'grub par 'gyur ba ni/ bag chags kyi stobs bskyed cing brtson pa rnams la nges par 'gyur bar dgongs so//sangs rgyas kun ni rdo rje sems dpa' dang / rnam par snang mdzad la sogs pa'o/ /de rnams dang bdag nyid sbyor ba ni de dang gnyis su med pa'o/ /dam tshig gsum gyis ni sku gsum gyis so/ /sku ni lta bas mi ngoms pa/ /zhes bya ba ni sku mthong na mi mthun pa med pa'o//mchog rnams kun sbyin pa ni rang nyid bstan pa grub pa'o/ /de nas de'i zhes bya ba ni bstod pa'i rgyal po'o/ /bsgrub pa dang zhes bya ba ni gang gis bsgrubs pa'o/ /shin tu brtags pa yi zhes bya ba ni mchog tu rjes su 'brel pa ste/ gang gis sku gsum gyi bdag nyid kyi 'bras bu thob pa gang yin pa 'di nyid grub pa'o//dngos grub ni shin tu mthar phyin pa'o/ /rdo rje se gol gtogs pa yis/ /zhes pa ni lag pa g.yas kyis rdo rje se gol dang / /g.yon gyis se gol dang / gnyi ga'i se gol dang / thal mo lan gsum zhes pa ni g.yas dang g.yon gnyi ga'i ste/ji lta ba'i se gol gsum mo/ /dbang po gang dang gang lam 'gyur/ /zhes bya ba ni mthong ba la sogs pa'i spyod yul la 'jug pa'o/ /de dang de'i ngo bo zhes bya ba ni de dang de'i bdag nyid kyi rang bzhin du'o/ /sangs rgyas kun dang mnyam sbyor zhing / /zhes bya ba ni rang gi lha'i nga rgyal du bsgom pa'o//chags pa zhes bya ba ni Sha da dza ko ha la sogs pa'i glu'o/ /Sha da pa la sogs pa zhes bya ba ni/ tsok+sha pany+tsa ma la sogs pa'i glu blang ba'o/ /bzlas par bya zhes bya ba ni gdon pa'o/ /'di skad ston par 'gyur te/ go rims snga mas rang gi lha'i sbyor ba dang ldan pas/dkyil 'khor gyi lha rnams rang gi lus kyi nang du ji lta ba bzhin du bsgoms la/ mnyam par gzhag pa'i sbyor ba dang ldan pas spyod lam thams cad du dngos po thams cad bdag nyid kyi gzugs su lhag par mos la/ Sha da pa la sogs pa'i glu rnams dang / bstod pa'i rgyal po brjod na 'grub par 'gyur ro/ /thams cad bdag nyid ni rnam par snang mdzad do/ /dam tshig gsum la sogs pa ni rnam par snang mdzad la sogs pa'o/ /rtog pa thams cad ni sangs rgyas 'gro ba'i lam gyis so/ /zhe sdang la sogs pa'i sems can rnams gdul ba'i phyir/bcom ldan 'das kyis sprul pa'i sku'i ngo bo nyid du bstan pa'i don du he ru ka'i dbugs dbyung ba nye bar bstan pa'i phyir 'das pa'i dus na zhes bya ba la sogs pa gsungs te/ khro ba zhes bya ba ni bsam pa'o/ /gtum pa zhes bya ba ni sbyor ba'o/ /gdug pa shin tu rno bar gyur pa'o//bag chags kyi mtshams sbyor bas zhes bya ba ni/ rgyu mthun pa'i 'bras bu yongs su gyur pa'o/ /shes rab thabs kyi zhes pa ni shes rab dang snying rje'i rgyu dang ldan pa'o/ /khro bo ni khro bo nyid du'o/ /de ni 'di skad ston par 'gyur te/ chos rnams sgyu ma dang 'dra bar thugs su chud pas sems can gdug pa rnams la/thugs rje nye bar gzhag ste/ de rnams gdul bar bya ba'i phyir/ bcos ma'i khro bo he ru ka'i skur de bzhin gshegs pa thams cad mdzad par gyur pa ste/ ji skad du/ rdo rje chen po he ru ka /'bar bas thal bar rab tu 'jig /sangs rgyas kun gyi khro bo che/ /zhes gsungs pas so/ /gang gis na 'di khro bos chad pas gcod par byed ce na/ khro bo'i tshul 'chang zhes bya ba la sogs pa gsungs te/ khros pa ni drang srong rnams kyi'o/ /ji lta bu zhe na/ khro bo'i tshul ni gnas pa ste/tshul la gnas pas na tshul 'chang ba ste/ tshul tsam la gnas pa'i khro bos kyang 'jig rten gsum dag bsreg par nus na/ gzhan du nyes pa thams cad dang bral zhing yon tan phun sum tshogs pa thams cad la dbang bsgyur ba'i sangs rgyas rnams kyis lta smos kyang ci dgos zhes bya bar dgongs so//rnam pa gang gis khro bo yang dag par 'byin par mdzad ce na/ de nas zhes bya ba la sogs pa gsungs te/ sna'i dbugs ring po dro ba dang bcas pa ni ye shes te/ de dbugs phyung ba dang bcas pa'i sbyor ba'o/ /phyag rgya'i sbyor ba zhes bya ba ni khro bo'i snyoms par 'jug pa'o//de nyid ces pa ni rdo rje sems dpa'o/ /phyung ba zhes bya ba ni nges par bskyed pa'o/ /khro bo la sogs pa'i tshul dang ldan pa zhes bya ba ni khro ba dang / dpa' ba dang / sgeg pa dang / 'jig sa su rung ba'i ngang tshul dang ldan pa'o/ /des na rnam pa sna tshogs pa ste/zhal bzhi dang ldan pas rnam par bsgyur ba'o/ /des phab nas zhes pa ni dbang du byas pa'o/ /grib ma zhes bya ba ni mkha' 'gro ma'o/ /thams cad rdo rje mnyam sbyor ba/ /zhes bya ba ni khro bo thams cad du mnyam par sbyor ba'o/ /des mkha' 'gro ma'i dkyil 'khor 'bar ba'o//des ci zhig mdzad ce na/ shin tu gdug cing ces bya ba la sogs pa gsungs so/ /rdo rje 'dod khro zhes bya ba ni shes rab dang thabs kyi khro bo'o/ /rtag pa bla med thams cad kyis/ /zhes bya ba ni khro bo'i sprul pa thams cad kyis so/ /da ni bcom ldan 'das mnyam pa nyid kyi ye shes kyi ngo bo nyid du gyur pa longs spyod rdzogs pa'i sku'i bdag nyid du bstan cing gti mug la spyod pa'i sems can rnams gdul bar bya ba'i don du pad+ma gar gyi dbang phyug gi dbugs dbyung ba bstan pa'i phyir/'das pa'i dus na zhes bya ba la sogs pa gsungs te/log par lta ba la gnas pa ni med par lta ba la mngon par zhugs pa'o/ /de nyid ces bya ba ni rdo rje sems dpa'o/ /byang chub sems ni rnam sbyang phyir/ /zhes pa ni log par lta ba rab tu spong ba sngon du 'gro bas sems can rnams kyi yang dag pa'i ye shes bskyed pa'i phyir ro//pad+mo chags par sbyor bas ni/ /zhes pas ni thugs rje chen po'i ngo bo nyid du gyur pa'o/ /rdo rje chos su gnas par gyur/ /zhes pa ni/ 'dod chags rnam par dag pas bzhugs pa'o/ /de nyid bstan pa'i phyir/ ji ltar pad+ma zhes bya ba la sogs pa gsungs so//rdo rje chos su gnas par gyur/ /zhes bya ba la/ la la dag ni rdo rje chos kyi gzugs su yongs su gyur nas/ de nas pad+ma gar gyi dbang phyug tu skyes pa yin no zhes zer ro/ /'dod chags thams cad dag pas na/ /zhes bya ba ni thugs rje'i 'dod chags rnam par dag pa ste/de nyid kyis na bcom ldan 'das 'di'i sku mdog kyang pad+ma lta bu'o/ /gdul ba'i thabs ni sna tshogs kyis/ /zhes pa ni sgeg mo la sogs pa'i gar stabs dang ldan pas zhal sna tshogs su rnam par bsgyur ba'o/ /sna tshogs pa ni gdul bar mos/ /zhes pa ni rnam par gzigs pa la sogs pa'i sprul pa dang /'dul bar mdzad pas na 'dul ba ste/ lta ba la spyod pa'i gdul bya rnam pa sna tshogs 'dul bas na/ sna tshogs pa 'dul bar mos pa'i rgyur gyur pa'o/ /kun tu spyan ras gzigs pa ni/ 'dod chags rnam par dag pa'i so sor rtog pa'i ye shes kyi spyan ras kyis gzigs pa'o//dbang phyug ni de la dbang thob pa'o/ /pad+mo sgyu ma mnyam sbyor ba'i/ /zhes pa ni/ pad+ma'i rigs kyi dkyil 'khor gyi ngo bos gnas nas/ /des nam mkha' la spyod pa 'grub pa ste/ pad+ma'i sgyu ma'i mnyam sbyor ba'i mkha' 'gro ma rnams so//de nyid ni sgyu ma'am/ sprul pa ste des bde ba'i dam pa thob par gyur pa'o/ /des kyang ci zhig mdzad ce na/ dpal pad+mo gar dbang la sogs pa gsungs so/ /rtog pa bla na med ces bya ba ni/ 'jig rten dbang phyug gi sprul pa'o/ /rnam par sbyangs pa ni lta ba dang bral bar mdzad pa'o//bcom ldan 'das rnam par smin pa'i sku'i ngo bo nyid du bstan nas sred pa la spyod pa'i sems can rnams rjes su gzung bar bya ba'i don du rdo rje nyi ma'i dbugs dbyung ba bstan pa'i phyir/ 'das pa'i dus na zhes bya ba la sogs pa gsungs so/ / yi dwags rnams kyi zhes bya ba ni yi dwags su gtogs pa rnams kyi'o/ /de nyid ces bya ba ni rdo rje sems dpa'o/ /pad+mo'i don gyi zhes pa ni/ 'jig rten thams cad kyi don la yang dag par 'das pa'o/ /nor chen po ni sngon gyi 'phen shugs kyi dbang gis sems can rnams kyi bsam pa yongs su rdzogs par mdzad pa'o//rdo rje nyi ma byung bar 'gyur/ /zhes pa ni rdo rje nyi ma nyid du yongs su gyur pa'o/ /nam mkha'i snying po thams cad phyogs/ /zhes bya ba la sogs pa la nam mkha'i snying po'i dbang bskur ba'i ngo bo nyid dang / gter thams cad kyi rang bzhin gyis kun gyi re ba yongs su rdzogs par mdzad pa dang /rgyal mtshan mchog gi gzugs can yin pas so/ /bud med la sogs pa rin po che mchog thams cad 'bebs pa ni/ mchod pa chen po'i ngo bo nyid pas so/ /shes rab dang snying rje'i bdag nyid de nyi ma lta bu bas nyi ma'o//ci'i phyir zhe na/ gang gi phyir rab tu gdung ba zhes gsungs pas so/ /bya ba dang ni zhes pa ni 'phangs pa ste/ mda' la sogs pas 'thob pa'o/ /bzlog pa dang zhes pa ni lag pas 'phang ba 'khor lo la sogs pa rnams kyis so/ /'phrog pas zhes pa ni 'phangs nas slar bzung ba ste/zhags pa la sogs pa rnams kyis so/ /sdud par byed ces pa ni 'jig rten gsum po ser sna byed pa las rgyal zhing nor che ba nyid du mngon du mdzad ces bya ba'i don to/ /'jig rten gsum rgyal ni rdo rje nyi ma ste/ de la sogs pa'o/ /rtog pa thams cad ni rin po che'i tshogs rnams sprul pas na/rab tu bskangs zhes bya ba'i don te/ sred pa rnam par sbyangs nas rdo rje nyi ma'i go 'phang thob par mdzad pa'o/ /le lo can gyi sems can rnams rjes su gzung ba'i don du rta mchog tu nye bar bstan pa'i phyir/ 'das pa'i dus na zhes bya ba la sogs pa gsungs so//brtson 'grus shin tu chung ba ni shin tu yang le lo che ba'o/ /drag shul gyi sbyor ba ni pha rol gnon pa'i rtsal lo/ /de rnam par dag pa ni le lo bsal nas/ brtson 'grus la rab tu 'jog pa'o/ /de'i phyir drag shul gyi sbyor ba rnam par dag pa'i tshul du rta mchog tu byung bar gyur pa ste/rta mgrin nyid du gyur pa'o/ /thams cad yang dag mos pa yin/ /zhes bya ba ni le lo spong ba sngon du 'gro bas/ brtson 'grus bskyed par 'dod pas so/ /ngo mthon ni mngon sum du'o/ /pha rol gnon pa'i rtsal dag gis//zhes pa ni nus mthu'o/ /byi ba zhes pa ni gzhan gyi chung ma la nye bar 'gro ba'o/ /chom po yis zhes pa ni mngon sum gyis 'phrog pa'o/ /brid pa zhes bya ba ni dor thabs so/ /sgyu dag ces pa ni mig 'phrul gyis so/ /dgra cha lnga ni 'khrul 'khor gyis 'phangs pa la sogs pa ste 'og nas 'chad do//de rnams kyis 'thab pas na/ dgra cha lnga yis brgal ba'o/ /lha mo b+hi ma zhes bya ba ni dka' thub zlog ma'o/ /mi'i dbang phyug ma zhes bya ba ni sred pa dang / dbang phyug ma zhes bya'o/ /rdo rje 'dzin zhes bya ba ni rdo rje sems dpa'o//byang chub kyi sems ni byang chub kyi rang bzhin can no/ /sgrub par byed ces bya ba ni sems can rnams kyi rgyud la bskyed pa'o/ /sangs rgyas byang chub ni zhi ba'i chos nyid thugs su chud pa'i ngo bo nyid do/ /de las bskyed pa ni rnam par snang mdzad yin te/ de rab tu bcom pa ni drag po'i sbyor bas sems can rnams rnam par gnon pa ste/rang gi rnal 'byor ni drag po'i sbyor ba'i bdag nyid do/ /rgyas 'debs pa ni brtson 'grus kyi sbyor ba'o/ /rtog pa bla na med pa thams cad ni rigs thams cad kyi'o/ /gtam gyi sbyor bas ni phyag rgya shes pa'i rtog pa'i 'grel pa ste/rtog pa lnga pa'i 'grel pa'o// //da ni ji skad bshad pa bzhin bsgom pas dkyil 'khor du dam tshig gsum thob par gyur na/ 'grub par bstan pa'i phyir phyag mtshan dang / phyag rgyal sogs cho gas 'dir bsgrub par bya ba yin pas/ bcom ldan 'das rdo rje sems dpa' tshogs kyi dkyil 'khor gyi tshul gyis bzhugs so zhes bstan pa'i phyir de nas gzhan yang zhes bya ba la sogs pa gsungs so/ /rnam kun sna tshogs ni kun du sna tshogs pa'i gzugs kyi lha mos nye bar mtshon pa'o/ /de nyid dam pas na mchog tu gyur pa ste/bla na med pa'i bde ba dang / yid bde ba'i ngo bo nyid rdo rje sems dpa'i rgyur gyur pas so/ /sangs rgyas thams cad mnyam sbyor ba/ /mkha' 'gro sgyu ma bde ba'i mchog /gsang ba la sogs pa khyad par du 'phags pa'i srid pa gsum du rtag tu gnas nas bsgrub par bya'o zhes bya bar sbyar ro//dpal ni dpal lha mo'i rnal 'byor can ni bud med rnams te/ de yod pas na dpal ldan te/ kun nas yongs su bskor zhes bya ba'i don to/ /sangs rgyas kun gyi dngos po ni sangs rgyas thams cad kyi rang bzhin te/ de'i ngo bo nyid du gyur ba zhes bya ba'i bar du'o//rdo rje sems dpa' 'byung ba ni rdo rje sems dpa'i ting nge 'dzin dang ldan pa'o/ /bde ba zhes bya ba ni bya ba'i khyad par ro/ /de bzhin gshegs pa'i bdag nyid can ni rig pa'i rgyal po la sogs pa ste/ des spras pa'o/ /dri ni byug pa'o/ /srid pa gsum zhes pa ni khang pa sum rtseg go//skyed mos tshal ni 'og nas 'byung ba'i rang gi skyed mos tshal lo/ /'jam zhing zhes pa ni shin tu mnyam pa ste/ stan nang tshangs can la bya'o zhes man ngag las bshad do/ /sna tshogs pad+mo ni ras gang la pad+ma rnam pa sna tshogs pa bris pa gang yin pa'o//g.yogs pa ni des dgab pa'o/ /thams cad dag pa'i gdan zhes pa ni bdag po'i gdan no/ /sangs rgyas thams cad mnyam sbyor ba/ /zhes bya ba ni/ sbyor ba'i dkyil 'khor la sbyor ba'o/ /de la dbang thob pas na dbang phyug ste/ des rnam par 'phrul bas so//rdo rje sems dpa' la sogs pa'i lha ni rdo rje sems dpa'i lha ste lha zhes bya ba ni gsal ba'am rol pas na lha ste/ bde ba'i mchog la sogs pa'o/ /de na zhes pa ni gdan no/ /rnam par 'phrul bar mdzad ces pa ni gar byed cing bdag gang 'byung ba gang la ston pa'o//stan de dag ni zhes pa ni thams cad dag pa'i gdan no/ /thams cad la zhes pa ni kun la'o/ /ji ltar gnas pa zhes pa ni gnas gang dang gang yin pa dang / phyogs gang dang gang yin par gzhag pa ni ji ltar gnas pa bzhin te/ de la ji lta ba bzhin gnas pa ni ji ltar bdag nyid gnas phyogs dang phyogs mtshams kyi mtshan nyid de/ji ltar zhes pa ni bdag po'i stan ji lta ba'o/ /dgod pa ni der gzhag pa ste/ sna tshogs pad+ma'i ras kyis g.yogs pa de bzhin du dkyil 'khor thams cad du lha mo thams cad la yang de las chung ba'i stan bya ba yin no//gzhan yang sna tshogs pad+ma'i gsang ba las byung ba ste/ 'dab ma brgyad yod pas na sna tshogs pa yin la/ de nyid ras kyis g.yogs pa yang yin te/ byang chub kyi sems kyi rang bzhin zla ba'i dkyil 'khor gyis g.yogs pas so/ /'di lta bu ni thams cad dag pa'i gdan te/gang du bdag po rnams lha mo rnams dang rnam par rol pa na phyi rol tu 'di ltar rtog pa yin te/ de rnams kyi de yang rtog pa tsam ste/ lha mo rnams dang gnyis kyi bar gyi mchog dpal rdo rje sems dpa' la sogs pa'i ming yin pa'i phyir ro/ /gru bzhi pa zhes bya ba la sogs pa ni phyi rol gyi dkyil 'khor gyi bye brag yin no//nang gi yang / kun tu sna tshogs skal bzang po/ /zhes bya ba la sogs pa 'chad do/ /sgo srung dang ni ldan par bya/ /zhes bya ba ni rdo rje lcags kyu la sogs pas byin gyis brlabs pa'i sgo'o/ /de nyid kyis na rta gdong la sogs pa'i sgo srung bzhi dgod pa yin no//rang gi lha dang ldan pa'i zhes pa ni lugs ma la sogs pa'i rang gi lha'i cod pan la sogs pas brgyan pa'o/ /bud med dag ni legs par grub/ /ces bya ba ni bud med la rang gi rgyan gyis brgyan pa'o/ /'di skad ston par 'gyur te/ dkyil 'khor ji lta ba bzhin du bris la/ nang gi dkyil 'khor gyi dbus su rdo rje sems dpa'i rnal 'byor dang ldan pa ste/ lag pa g.yas pa na rdo rje bstod de 'dzin pa/ g.yon 'gying bag gis dril bu 'dzin pa/ yang g.yas dang g.yon dag na mda' gzhu 'dren par bdag nyid lhag par mos par gnas par bya'o//stan de nyid kyi shar phyogs kyi 'dab ma la bde ba'i mchog gi rnal 'byor can gyi bud med g.yon 'gying bag gis gzhu 'dzin pa g.yas kyis mda' 'dren pa'o/ /lho phyogs kyi 'dab ma la a ho su kha'i rnal 'byor can g.yas kyis bdag po la 'khyud pas gnas pa/g.yon 'gying bas b+ha ga dang ling ga 'dzin pa'o/ /nub phyogs kyi 'dab ma la sgrol ma'i rnal 'byor dang ldan pa g.yas kyis sna tshogs rdo rje 'dzin pa/ g.yon 'gying bas se ral kha'i tshul du bstan pas rdo rje kha T+wAM ga dang bcas pa'i ka pA la thogs pa'o/ /byang gi phyogs kyi 'dab ma la sha shi'i rnal 'byor dang ldan pa lag pa g.yas pas bdag po la dga' bas 'khyud pa/g.yon pa 'gying bas ka pA la sangs rgyas kyi sku gzugs 'dzin pa/ mdog dkar po 'chang ba'o/ /nang gi dkyil 'khor gyi shar la sogs pa'i re'u cha rnams la sangs rgyas rnams kyi byang chub dang chos kyi 'khor lo bskor ba dang /khams gsum las rgyal ba dang / 'dod pa thams cad kyi lcug ma'i gzugs can rnams rim bzhin du g.yon na rang gi phyag mtshan 'dzin pa'o/ /de bzhin du shar lho la sogs pa'i re'u cha la rta gdong la sogs pa'i gzugs can bzhi pa'o//de'i phyi rol gyi re'u mig rdo rje thig gi nang gi mtshams rnams su gling bu la sogs pa'i gzugs rnams kyang de bzhin no/ /de bzhin du phyi rol gyi dkyil 'khor gyi mtshams rnams su me tog ma la sogs pa'i rnal 'byor pa ma gtogs so/ /shar la sogs pa'i sgo rnams su lcags kyu dang /zhags pa dang / lcags sgrog dang / dril bu 'dzin pa rnams dgod do/ /bde mchog la sogs pa bzhi'i gdan ni sna tshogs pad+ma bya'o/ /rnam par snang mdzad kyi dkyil 'khor gyi dbus su chos kyi 'khor lo'i phyag rgyas rnam par snang mdzad kyi sku dang ldan par dgod do//gdan de nyid kyi shar la sogs pa'i 'dab ma rnams la lhung bzed dang / chos gos dang / khar gsil dang / dam pa'i chos kyi glegs bam gyi phyag rgya rnams rim pas dgod do/ /shar la sogs pa'i re'u cha rnams la sangs rgyas kun brjod ma la sogs pa bzhi po 'og nas 'chad pa'i rang gi phyag mtshan rnams 'gying ba dang bcas par 'dzin cing khu tshur g.yon pa lag pa g.yas pas bkab nas gnas pa'o//me la sogs pa'i mtshams su sangs rgyas thams cad kyi byang chub la sogs pa bzhi pa'o//de bzhin du lhag ma rnams kyang dpal rdo rje sems dpa'i dkyil 'khor du bshad pa'i lha rnams kyi sku dgod par bya ste/ rdo rje sems dpa'i cho ga yis/ /rtog pa thams cad rab tu bsgrub/ /ces gsungs pas so/ /lha de dag thams cad kyang gdan ni sna tshogs pad+ma bya'o//de bzhin du he ru ka la sogs pa'i dkyil 'khor la yang gdan gyi nges pa rnams shes par bya'o/ /he ru ka'i dkyil 'khor du yang nang gi dkyil 'khor gyi dbus su he ru ka'i sku zhal bzhi pa/ phyag rgya gnyis pa phrag pa g.yon par rdo rje kha T+wAM ga dril bu dang bcas pa se ral kha'i tshul du 'dzin pa/kha T+wAM ga brten pa'i phyag g.yon gyis ma hA rak+tas bkang ba'i ka pA la'i bum pa thogs pa g.yas kyis ba dan gsum pa'i tshul gyi rdo rje rtse lnga pa'i 'bar ba'i phreng ba can 'dzin pa gos chen po bla gos su gyon par dgod do/ /shar la sogs pa'i 'dab ma rnams la rdo rje 'bar ba dang /rdo rje kha T+wAM ga dang / ma hA rak+tas bkang ba'i ka pA la'am kham phor dang / ma hA maM sa zhes bya ba drag pos rnyed pa rnams dgod do/ /bsgrub pa'i yang rdo rje 'bar ba thogs par bya'o/ /lhag ma rnams ni ji ltar mos pa bzhin du bsgrub bo/ / bcom ldan 'das kyi shar gyi re'u cha la dkar mo gdong bzhi pa tshangs pa'i mgo bo 'dab bzhi btsugs pa thogs nas g.yon brkyang nas 'dug pa'o/ /lhor rku byed ma g.yon khro bo'i khu tshur gyis snying gar lcags kyu 'dzin pa/ g.yas kyi gung mo'i rtser 'khor lo rtsibs brgyad pa 'dzin pa/khams gsum gnon pa'i phyir rkang pa g.yon pa 'degs pas gnas pa'o/ /rgyab tu rab rmongs ma phag gi mgo can chang snod thogs pas bzlog pa'i phyir g.yon brkyang pas gnas pa'o/ /g.yon du ro langs ma bdud rtsi'i bum pa dkar pos dbang bskur zhing gnas pa'o//shar lhor sbos byed ma lag na lcug ma thogs pa dur khrod na gar byed par gnas pa'o/ /lho nub tu gtum mo lag na ba dan thogs pa rlung gi dkyil 'khor la zhon pas gnas pa'o/ /nub byang du sme ba lag na me thab 'bar ba thogs pa g.yas brkyang bas gnas pa'o//thal ba rab tu 'jig pa la sogs pa ni rdo rje sems dpa'i dkyil 'khor du bshad pa las 'dir yang de rnams shin tu 'dug pa'i gnas pas de rnams nyid kyi gnas gzhag par bya'o/ /pad+ma'i dbang phyug gi dkyil 'khor la yang sna tshogs pa dang / dmar po dang / ljang gu dang dkar po dang /sngon po dang / ser po dang / le brgan gyi pad+ma la pad+mas mtshan pa'i rdo rje la sogs pa yang phyag gi rtse mor thogs nas lag pa brkyang ste 'khor lor byas pas gar mdzad pa/ g.yon dkur brten pas sna tshogs pad+ma 'dzin pa/ phyag g.yas pas snying gar kha 'byed pa shel gyi mdog can 'bar ba sna tshogs pa/'khrug pa'i 'od kyi dkyil 'khor can du dgod do/ /sgrub pa po yang g.yon dkur brten pas pad+ma 'dzin pa la/ g.yas kyis snying gar 'byed pa'o/ /lhag ma rnams ni ji ltar mos pa bzhin du bsgrub par bya'o/ / lho phyogs kyi re'u cha la rnam par gzigs ma/ pad+ma dmar po kha dbye ba bskor ba'i tshul gyis 'dzin pa'o/ /lho phyogs kyi re'u cha la sgrol ma lag pa g.yon pas pad+ma ljang gu 'dzin cing / lag pa g.yas pa khu tshur snying gar bstod nas 'jog pa'o/ /nub phyogs kyi re'u cha la rgyan can ma g.yon gyis pad+ma dkar po 'dzin pa/lag pa g.yas kyis 'khor lo rtsibs brgyad pa bstod de 'dzin pa'o/ /byang gi re'u cha la khro gnyer ma g.yon na ut+pal sngon po 'dzin pa g.yas na ba dan gsum pas gar byed cing mdung thogs pa'o/ /shar lho'i re'u cha la pad+mo gnas ma g.yon na pad+ma dkar po 'dzin pa/g.yas kyis gar byed pa'i tshul gyis chu srin gyi [(]rgya [,]rgyal [)]mtshan 'dzin pa'o/ /lho nub kyi re'u cha la rdo rje pad+ma'i dbang phyug ma g.yon na pad+ma le brgan thogs pa/ g.yas na snying gar rdo rje rtse lnga pa bstod nas 'dzin pa'o/ / nub byang du pad+ma gtum ma'i dbang phyug ma ni g.yon 'gying bas pad+ma 'dzin pa/ g.yas kyis rtse gsum gar byed pas 'dzin pa'o/ /byang shar du sna tshogs pad+ma g.yon 'gying bas sna tshogs pad+ma 'dzin pa/ g.yas kyis 'khor lo rtsibs brgyad 'dzin pa'o//de dag thams cad kyang g.yon pa 'gying bag dang bcas pas rang gi pad+ma ji lta ba bzhin du 'dzin par bya'o/ /lhag ma ni rdo rje sems dpa'i dkyil 'khor du bshad pa las 'dir phyag mtshan pad+mas mtshan pas gzhag par bya'o/ /rdo rje nyi ma'i dkyil 'khor du yang dbus su bcom ldan 'das sku mdog dmar po la g.yon na gzhu 'dzin/g.yas na mda' gsor ba/ yang g.yon na dkyil 'khor/ g.yas na ral gri bsnams par dgod do/ /sgrub pa po yang nyi ma'i dkyil 'khor thogs pa'o/ /lhag ma rnams kyang ji ltar mos pa bzhin du bsgrub par bya'o//shar la sogs pa re'u cha rnams la dbang bskur ma la sogs pa rin po che'i cod pan dang / gter gyi bum pa dang / rgyal mtshan dang / me tog la sogs pas bkang ba'i mchod pa'i snod rnams lag na thogs pa'o/ /shar lho la sogs pa'i mtshams kyi re'u cha rnams su yang phyag mtshan de dag nyid do//lhag ma ni de dag sngar bshad pa las 'dir rin po ches mtshan pa phyag mtshan 'dzin par bya'o/ /de dag nyid dang dkyil 'khor gzhan dag gi dbus su ni dpal rta mchog gi sku phyag bzhi pa zhabs bzhi pa ste/de yang g.yon gyi khu tshur gyis sna tshogs pad+ma 'dzin pa/ g.yas kyi ba dan gsum pa'i tshul gyis sna tshogs rdo rje bteg nas 'dzin pa'o/ /yang gnyis kyis rdo rje sems dpa' la sogs pa'i phyag mtshan dag las ci 'dod pa thogs par dgod par bya'o//sgrub pa po yang sna tshogs rdo rje thogs par bya'o/ /lhag ma rnams ni ji ltar mos pa bzhin bsgrub par bya'o/ /de dag ni rang gi phyag rgyas mtshan pa'o/ /des skal ba bzang po dang ldan pas skal ba bzang ngo / /tshogs kyi dkyil 'khor zhes bya ba ni mdza' ba'i 'dus pa'o//brtag par bya ba ni bskyed par bya ba'o/ /grub pa zhes bya ba ni sngags kyis drangs pa'o/ /yi ge hUM las byung ba'i rdo rje'i rnam pa'i cha shas kyi rang bzhin gyi chu'o/ /de yang rdo rje dang bcas pa ni rdo rje byin gyis brlab pa'o/ /mtshal chen po ni khrag chen po'o/ / bsgrubs pa ni sngags kyis ji lta ba bzhin du mngon par bsngags te zhes bya ba'i bar du'o/ /mthu yis zhes pa ni che ba'i bdag nyid du grub pa'o/ /rab tu bsgrub pa ni snga ma bas kyang mchog tu gyur pa ste/ stobs dang ldan pas ni dang po blang ngo / /stobs med pas ni gzhan dag go pad+ma'i snod ces bya ba ni thod pa'o//de nyid rab tu grub pa nyid du bstan pa'i phyir chags pa chen po zhes bya ba la sogs pa gsungs te/ rdo rje thugs zhes bya ba ni stong pa nyid kyi ye shes so/ /de ni stong pa nyid kyi ye shes ngo bo nyid kyi rgyu mthun pa rdo rje sems dpa'i ste/ de'i khu ba rdo rje sems dpa'i ngo bo ni khrag go/ /de bas de'i sngags la sogs pas mngon par 'dus byas par gyur pa ni/ mtshal chen po ni sgrub pa dag ces bya ba'am/ gang 'di sngags kyi yi ger byas la nang du bstim pa sngon du song bas shes rab dang thabs las byung ba ji lta bar nges par 'byin pa 'di ni mtshal chen po nyid du bsgrubs pa'o//de nyid rim pa snga mas mngon par 'dus byas pa/ rdo rje mchu yis zhes bya ba dmar chen po ga pur dang tsan+dan dang bcas par sbyar la gang gi tshe/ tshogs kyi dkyil 'khor du bzhag pa de'i tshe ni ra sa ya na kun slong ba zhes bya'o//zhi ba'i btung ba bzhin zhes bya ba ni ji ltar zhi ba'i sbyor ba rnams [(]gyis [,]kyis [)]lan gsum du byas la myong bar byed pa de bzhin du'o/ /sangs rgyas kun gyi bdag nyid kyi/ /ra sa ya'i bde ba zhes bya ba ni rdo rje sems dpa'i ngo bo nyid kyi ra sa ya na'i bde bas so/ /'dis zhes bya ba ni bshad ma thag pa ste'o//rdo rje sems dpa'i tshe la sogs pa ni lha mo bzhi'i bdag nyid kyi dngos grub po/ /'dus pa ni dkyil 'khor ro/ /der sbyor bas zhugs pa ni/ 'dus pa der ni zhugs pa dag /ces bya'o/ /tshogs kyi dkyil 'khor brtag par bya/ /zhes gsungs pa de bstan par bya ba'i phyir/de nas khrus byas zhes bya ba la sogs pa gsungs so/ /slong bas zhes bya ba ni/ stong pa shin tu rnal 'byor yod med mthus/ /zhes bya ba la sogs pa'i glu yis so/ /dal gyis su zhes bya ba ni rim gyis so/ / gos dgab pa yi sbyor ba yis/ /zhes bya ba ni gos kyis g.yogs pa'i tshul gyis so/ /bdag gis 'byung ba bskul bar bya ba ni bdag nyid kyi lha'i skur thams cad 'byung ba'i sbyor bas bsgom pa'o/ /des ni 'di skad ston par 'gyur te/ rang gi stan la skyil mo krung gis rdo rje dang dril bur ldan par 'dug ste/rang gi snying gar zla ba'i dkyil 'khor la yi ge hUM dgod la/ stong pa nyid du rnal 'byor zhes bya ba la sogs pa'i glus bskul nas/ bdag nyid nam mkha' dang 'dra bar bltas la/ de nyid zla ba'i dkyil 'khor 'dra bar byas nas/ snying po brjod pa sngon du 'gro bas rdo rje sems dpa'i nga rgyal gyis rdo rje sems dpar gyur nas ma hA sa ma ya satwa haM zhes brjod/ rang gi dam tshig gi phyag rgyas kyang sa ma yo haM/ /zhes brjod de/ de nyid la sa ma ya satwa a d+hi tiSh+Tha mAM/ zhes bya ba'i snying po la sogs pas byin gyis brlabs la/rdo rje sems dpa' bde ba zhes bya ba la sogs pa'i rang gi glu dang gar sngon du 'gro bas phyag rgya chen po bcing bar bya ba 'di ni bdag 'byung ba rnam pa gcig go/ /yang dkyil 'khor du bcom ldan 'das gsang ba'i lcags kyu yi ge hUM dang ldan pas spyan drangs la/ji lta ba bzhin du byin gyis brlabs pa dang / dbang bskur ba byas la gsang ba'i mchod pa sngon du 'gro ba'i de kho na nyid la sogs pa byas pa'i rdo rje bzung ba byas nas nam mkha' la 'dug ste/ 'jig rten gyi khams thams cad stong pa nyid du byas la/ 'og tu yi ge hUM las rdo rjer bsams la/ de las nam mkha'i khams kyi mthas klas pa'i rdo rje byung la/ de yongs su rdzogs pa las yang sna tshogs pa rnam par bsams la/ snying po gdon pas rdo rje kha thur du bltas pas sa la bzhag nas nam mkha' thams cad kyi gnas la rab tu gnas par gyur pa rnams/a nu rA ga ya hUM/ zhes brjod cing de ltar mos pas sna tshogs pa'i pad+ma'i gdan bskyed la/ dngos po'i sbyor ba la sogs pa'i go rims ji lta bas rtag par gyur nas yang bdag nyid kyis gtam gyi phyag rgya dang rjes su mthun pas 'dod chags la spyod pa'i sems can rnams la bltas nas/de rjes su gzung bar bya ba'i phyir rang gi snying ga'i rdo rje sems dpa' bsams la/ dpal rdo rje sems dpa'i bde ba zhes bya ba la sogs pa'i glus yang dag par bskul na rdo rje sems dpar 'gyur ro//de ltar dang po'i sbyor ba dang ldan pa la stong pa shin tu rnal 'byor zhes bya ba la sogs pa'i glus bskul ba'i phyir rang gi snying po brjod pas bdag nyid kyi snying ga las lha mo'i tshogs rnams phyung ste/ rang gi bdag po'i glu'i rjes su 'gro ba'i phyag rgya chen po rnams kyis rang gi gnas su nges par 'jog pa 'di ni rnam pa gnyis so//yang la la dag ni yi ge ho dmar po 'bar ba'i bar du bcug pa'i yi ge hUM gi bdag nyid can rang gi sems tsam gyis sbyor ba'i bdag nyid kyi phyag rgya nyid bkug nas zla ba'i dkyil 'khor zhu bar gyur pa'i 'khor los sgyur ba chen po las rang gi sngags kyi rang gi lcags kyus bkug nas zhugs nas phyogs bcu thams cad kyi stobs bcu dang ldan pa'ang zhugs par byas la/de rnams bde ba'i mchog la sogs pa'i gzugs su gyur te/ slong ba dang yang dag par bskul ba la sogs pa mngon par 'gro bas rang gi lha mo bzhi rnams kyis ji lta bar bskul bas bdag 'byung bar gyur pa la lha rnams 'byin pa yang snying ga'i rdo rje'i lte bar gnas pa'i rang gi rig pa dang gnyis su med par gyur pa'i bdag po'i mthar thug pa'i byang chub kyi sems gos dang 'dra ba las 'byung bar blta bar bya'o zhes zer ro//rdzogs pa'i sangs rgyas ni rdo rje sems dpa' la sogs pa'o/ /de nyid 'char bar byed pas na nyi zla'o/ /nges pa'i lam ni glu'i cha ma tra phyed tsam pa'i cha ste/ ci rigs par rings pa dang / bar ma dang / brdal bas nges par 'jug pa ni rnam par 'das pa'o//brtan zhing grub pa slong byed pa/ /zhes bya ba ni dang po rab tu rtsom par byed pa dang / rab tu sgrub par byed pa la sogs pa brtan pa sar pa slong bar byed pa ni brtan pa zhes bya ste/ glu bzang ba gang dang gang rtsom par byed pa la bya'o//de skad du brtan pa la sogs pa'i glu blang bar bya'o zhes bshad pas so/ /de nyid brtan par bya ba'i phyir stong pa zhes bya ba la sogs pa gsungs te/ lha mo thams cad dang stong pa nyid kyi ro nges par sbyor ba gang la yod pa de la de skad ces bya ste/ kye nyid la nges par sbyor ba can sems can gyis yongs su brtags pa'i gzung ba dang /'dzin pa gang yin pa de rnams med pas stong pa'o/ /mthu ni de la dmigs pa'i zag pa med pa'i ye shes kyi bye brag ste/ de rnams kyis nam mkha' nyid du nye bar gnas pa ste/ thabs dang shes rab gnyis su med par gyur pas byang chub kyi sems ji lta ba bzhin du 'thob pa'o zhes la la dag 'dod do//de la dam tshig ni de nyid 'da' bar mi bya ba yin pas so/ /de ltar gyur pa'i bde bar gshegs pa ni rdo rje sems dpa'o/ /bde bar gshegs pa zhes pa ni rtag pa la sogs pa'o//bzhengs su gsol zhes pa ni/ rnal 'byor dang rjes su mthun pa'i tshul du 'jug pa'o/ /rdo rje sems dpa' zhes pa la kye dpal rdo rje sems dpa' bdag nyid bsgrubs pa skal ba bzang po khyod gang yin pa de ni bdag yin no zhes mdor bsdus pas rang gi 'byung ba ston to//shin tu mya ngan yongs 'das pa/ /zhes pa ni lhag ma med pa'i mya ngan las 'das pa'o/ /yang srid ces pa ni 'khor ba'o/ /lam bzhi ni bstan pa dang / sna tshogs dang 'gyur ba dang / g.yas pa zhes bya ba ni glu'i yan lag bzhi ste/ ma tra phyed dang / gnyis dang bzhi dang brgyad kyi chas rim bzhin shes par bya'o/ /sna tshogs 'brang ba zhes pa ni sna tshogs kun du brkyang zhing mngon du byas pa ste/ gnas 'dis ni sna tshogs par 'brangs pa'o/ /'jig rten gsum gyis phyag byas pa ni rnam par snang mdzad kyi ngo bo nyid pas so//'jig rten gsum gyi ston pa po ni he ru ka'i bdag nyid pas so/ /'jig rten gsum la sbyin pa sbyin pa ni rdo rje nyi ma'i ngo bo nyid pas so/ /'jig rten gsum po bdag la sgrubs pa zhes bya ba pad+ma gar gyi dbang phyug nyid du mngon du mdzod cig pa'o/ /de dag 'byin pa'i 'bras bu bstan pa'i phyir/rdo rje sems dpa' zhes bya ba la sogs pa gsungs te/ lha mo thams cad dang lhan cig rdo rje sems dpa' kun du sbyor ba ni thams cad sbyor ba'o/ /de nyid thams cad du sna tshogs pa'i skal ba bzang po'o/ /a ra li kun ni rdo rje sems dpa'o//'grub par 'gyur ba ni mngon sum du 'gyur ba ste/ de nyid dam rnal 'byor pa lha mo thams cad dang ldan pa'i a ra li kun ni rdo rje sems dpa'o/ /grub par 'gyur ba ni skye ba'o/ /bdag gi don phun sum tshogs pa sngon du 'gro ba bstan nas lan cig ces bya ba la sogs pa bskul ba'i tshig gnyis kyis gzhan gyi don phun sum tshogs pa bstan pa yin te/gzhan yang 'dis ni shin tu sbyor ba'i sgrub pa nyid kyang bstan pa'i phyir/ bstan zhing zhes bya ba la sogs pa gsungs so/ /sna tshogs 'brang ba zhes bya ba ni shin tu sbyor bas so//de nas zhes bya ba ni bskul ba byas pa'i bsgom pa'i dus su tshogs kyi dkyil 'khor gyi dbus su 'dug pa'i lha mo rnams kyis rdo rje sems dpa'i bdag nyid la rjes su chags pa zhes bya ba la sogs pa'i dam pa de kho na nyid kyis bskul bar bya'o/ /rjes su chags pa ni/so sor rig pas rjes su chags pa ste/ bde mchog go/ /dga' ba ni 'khyud pa'i bde ba dang ldan pa ste e ma bde ba'o/ /pad+ma rnam par dag pa ni nyon mongs pa'i dri ma thams cad dang bral ba ste sgrol ma'o/ /mchod pa ni dbang phyug chen po thams cad rab tu thob pa ste shi shi'o//de dag ni rnam par zhi zhing sna tshogs pa rnam pa du ma yin pas na/ rjes su chags pa'i rnam mang dga' ba'i pad+mo rnam par dag pa'i mchod pa'o zhes pa'i tshig rnam par sbyar te/ de lta bu'i rjes su chags pa'i rnam pa mang po'i dga' ba'i pad+mo rnam par dag pa'i mchod pa de rnams kyis khyed la gsal zhing mngon pas rjes su mchod pa byas pa'o//ngo bo nyid ji lta bu zhe na/ mchog tu rtag pa'i rnal 'byor te/ mchog tu phul tu byung zhing rgyun mi 'chad par sbyor ba'i bde ba'i bdag nyid rnams kyis bde ba'o zhes bya ba ni khyad par ro//de bas grub par mdzod cig ces bya ba ni gsol ba 'debs pa'o/ /mchog tu bde ba'i ngo bo nyid ni bde ba chen po'i rang bzhin no/ /dam tshig ni 'da' bar mi bya'o/ /mchog tu bde ba'i shin tu rnal 'byor ni mchog tu bde ba'i rgyur gyur pa ste/ des bdag nyid bsgrubs shing mchog tu bde ba mngon par 'byor pas na skal bzang ngo //thams cad las phul du byung bas na mchog ste/ shin tu yang bstod cing don thams cad dga' bas dgyes pa'o/ /rol cig pa ni gsol ba 'debs pa'o/ /yang rol cig pa ni shin tu yid du 'ong ba'o/ / ho ni rjes su chags pas so/ /gang dang rol ce na/ rang gi dam tshig ces bya ba la sogs pa gsungs te/ rang gi dam tshig ces bya ba ni bde ba'i mchog go/ /skyon med ces pa ni e ma'o bde ba'o/ /rtag pa ni sgron ma'o/ /dam tshig de nyid ni shi shi'i dbang du mdzad nas gsungs pa'o//mchog tu gsang ba'i zhes bya ba ni sbyor ba'i mtshan nyid do/ /bdag po ni rab tu gsang ba de la dbang ba'o/ /mchog ni phul du byung ba ste/ rab tu gsang zhing mchog tu gyur pa khyod kyis lha mo 'di rnams dang rol cig ces bya bar sbyar ro/ /'gro ba'i rgyu ni zhes bya ba la sogs pas ni don dam pa'i phun sum tshogs pas bskul ba yin te/'gro ba ni sems can no/ /rgyud ni sprul pa rnams so/ /rnam pa sna tshogs pa ni/ rnam pa tha dad pa du mas ngo mtshar du gyur pa ste/ de lta bu'i rnam pa sna tshogs pa'i rgyud rnams kyis gdul ba ni sems can gyi don gyi thabs so//gsal ba ni mngon sum du snang ba'o/ /mkhyen pa ni de la mkhas pa ste/ 'gro ba rnams gdul ba la mkhas shing 'dul bar gsal bar mkhyen pa zhes de la bod pa'o/ /brtan pa ni ri la sogs pa'o/ /g.yo ba ni mi la sogs pa ste/ gang dngos po thams cad ngo bo nyid du gyur pa la kye dngos po brtan g.yo kun gyi ngo bor gyur zhes bod pa ste/ngo bo nyid du gyur pa'i don gyis na dam tshig thams cad kyi dngos po ste rgyur gyur pa'o/ /rgyal ba kun gyi bdag nyid rnal 'byor bde ba zhes bya ba ni/ sangs rgyas thams cad dang mnyam par sbyor ba/ mkha' 'gro sgyu ma bde ba'i mchog go//kye ma zhes pa ni ngo mtshar du gyur pa'o/ /dam pa rtag pa'i dngos grub chen po zhes pa ni/ shin tu mchog tu gyur cing rgyun mi 'chad pa'i dngos grub kyi dga' ba'o/ /ston ces pa ni dga' bar mdzod ces pa'o/ /dza zhes bya ba la sogs pa ni spyan drang bar bya ba'i phyir/lha mo bzhi'i sgo nas bskul ba'i tshig ste/ bde ba'i mchog gi sgo nas so sor rig par mdzod cig pa'o/ /e ma'o bde bas rnam par 'phrul zhing sgrol mas gar mdzod cig pa'o/ /hUM ni 'gro ba'i don du khro bo mngon du mdzod cig pa'o/ /a la la ho zhes pa ni ngo mtshar ro//[(]slab [,]slob [)]ma gzhug tu gsol zhes bya ba ni tshe rab tu spel cig pa'o/ /bde ba'i mchog la sogs pa lha mo bzhi'i rim pa'i glu dang sbyor ba bstan to/ /de ltar bcom ldan 'das la lha mo rnams kyis gsol ba btab nas/ gzhan yang ji ltar rang nyid kyi de kho na nyid kyi glus gsol ba 'debs pa yin te/de yang rnam mang zhes pa la sogs pa la rnam pa mang po'i 'dod chags kyi rgyun yod pa gang yin pa/ 'jig rten gyi khams ma lus par gtogs pa'i sems can lus pa med pa de rnams ni/ rnam pa mang po'i 'dod chags rgyud kyi sems can ma lus lus pa med pa ste/'dod chags la spyod pa'i sems 'dul ba ni/ 'dod chags kyis 'dod chags spong ba'o/ /de la mkhas pa ni mkhyen pa'o/ /de bzhin gshegs pa thams cad bud med dang skyes pa'i mtshan nyid kyis 'jig rten gyi khams ma lus pa'i khongs su gtogs pa'i sems can lus pa med pa ste/de rnams 'dul ba ni rdo rje sems dpa'i reg pa'i bde ba dang / yid bde ba bskyed pa'o/ /de la mkhas pa zhes bya ba ni snga ma bzhin no/ /rnam pa mang po'i khro bo'i rgyud ces pa ni srog gcod par byed pa'i sems can ma lus pa lus pa med pa de rnams kyang de bzhin du shes par bya ste/de rnams bsdu ba ni srog nye bar bsdu bas bde bar byed pa ste/ de la mkhas pa zhes bya ba ni snga ma bzhin no/ / rten phra rten hUM/ zhes bya ba la sogs pa ni bskul ba'i dam tshig yin par shes par bya'o/ /de rnams nyid kyis ni shin tu sbyor ba ji lta ba bzhin du gnas pa'i rim pas rjes su chags pa la sogs pa'i las rnams yin par shes par bya'o/ /grub pa'i dbang phyug ni dngos grub la dbang thob pa'o//de'i bar du grub pa ni sbyor ba mthar phyin pa'o/ /grub par 'gyur zhes pa ni de rnams kyis shes par 'gyur ba'o/ /glu 'di dag ni zhes pa ni ji skad du bshad pa'i glu dang phyag rgya rnams kyis so/ /ston pa'i zhes pa ni lha rnams so//phyag rgya phab pa ni phyag rgyas byin gyis brlabs pas 'grub pa'o/ /de 'ba' zhig tu ma zad de/ bde ba'i mchog la sogs pa'i bud med bsgom pa las brtson pas kyang 'grub pa'o/ /ci'i phyir zhe na/ bud med ma yin pa ste skyes pa dag kyang phyag rgya de 'bebs na'o//rdo rjer bcas pa'i mtshan ma 'dzin pa'i rnal 'byor ma rang gi lhag pa'i lha rnams 'dra bar byin gyis brlab pa ni 'bebs pa ste/ des nye bar mdzes par gyur pa'o/ /sngon med rol mo sil snyan gar/ /rnam par 'phrul pas zhes bya ba ni gling bu la sogs pa rnams kyis so//'grub par 'gyur ba ni nges par ro/ /lha'i gzugs la sogs pa ni sprul pas so/ /rang gi lha ni gnas kyi bdag por bdag nyid mthong ba'o/ /mchod pa ni lha'i mchod pa me tog la sogs pa rnams te/ de rnams kyis mnyam par sbyor ba ni mchod pa'o/ /des na skal ba bzang po ste de nyid kyis na mchog gi 'dod chags can no//rnam pa kun gyi skal ba bzang po ni rdo rje sems dpa'i sbyor ba dang ldan pa'o/ /skyon med pa ni bde ba 'di nyid yang dag par sgrub par byed pa ni yongs su spyod pa'o/ /dpal rdo rje sems dpa'i dngos grub ni de la sbyor ba des na de dang lhan cig sbyor ba de las dngos grub thams cad kyi bde ba'i dkyil 'khor rjes su myong bar 'gyur ro//ci'i phyir zhe na/ sangs rgyas sgyu mas byin brlabs pas/ /zhes pa ste/ bde ba'i mchog la sogs pa ni sangs rgyas kyi sgyu ma'i nus pa bskyed pas so/ / de ltar glu yis bskul ba'i che ba'i bdag nyid bstan nas/ rgyal mtshan nye bar bstan pa'i phyir/ de nas zhes bya ba la sogs pa gsungs te/ de nas zhes bya ba ni bskul ba'i 'og tu'o/ /bud med dag ni bzhi rnams dang / /zhes pa ni me tog la sogs pa mchod pa'i rnal 'byor ma rnams kyis so//gar gyi phyag rgya'i mchod pa yis/ /zhes pa ni dang po gar bya ba ste/ 'di nyid kyi 'og nas gyen du 'degs pa la sogs pa'i mchod pa'i phyag rgya bcing bas so/ /mchod pa thams cad ces pa ni ji ltar bdag nyid lha mo thams cad dang 'dus pa'i me tog la sogs pa'i mchod pa'o//de ni 'di skad ston par 'gyur te/ go rims snga mas dkyil 'khor gyi mchog gi ting nge 'dzin byas la/ glu rnams kyi bdag nyid ji lta ba bzhin du bskyed la 'dus pa bya zhing dbang bskur ba thob nas lcags kyu la sogs pas spyan drang ba la sogs pa byas te/mchod pa phul nas las kyi phyag rgya rnams kyis rang gi lha'i phyag rgyas mchod pa la sogs pa bya'o/ /de ltar las kyi rgyal po mchog gi ting nge 'dzin rdzogs par byas nas/ dpal bde ba chen po'i phyag rgya dang / yi ge hUM gis 'khor lo bteg la de bzhin du bdag nyid byin gyis brlabs nas yongs su bskor ba nas brtsams te/dkyil 'khor ji lta ba bzhin du bris la shin tu bsgrub par bya ba'i bud med la gsang ba'i lcags kyus hUM dang bcas pa'i 'khor lo la bstim zhing 'dus pa byas la bstod nas spyan drang ba la sogs pa bya ste/mchod yon phul nas phyag rgya bzhis rgyas btab ste/ dbang bskur nas bum pa lnga la sogs pa'i cho ga rjes su bsgrubs la/ bcom ldan 'das 'khor dang bcas pa rnams rang gi gsang ba'i de kho na nyid 'di nyid kyi me tog la sogs pa'i mchod pa rnams kyis mchod par bya'o//rab tu dga' ba'i bdag la phyag 'tshal lo zhes bya ba ni rdo rje sems dpa' ste/ bdag la dam tshig mchog grub par mdzod cig ces bya bar sbyar ro/ /de bzhin gshegs pa'i dam par grub par mdzod/ / oM hUM/ zhes bya ba ni me long lta bu'i ye shes kyi ngo bo nyid du gyur pa/ me tog gi de kho na nyid do/ /dam tshig dam pa zhes bya ba ni mnyam pa nyid kyi ye shes kyi ngo bo nyid du gyur pa 'dug pas so/ /mchod pa chen po thams cad grub par mdzod/ /oM hUM zhes bya ba ni so sor rtog pa'i ye shes kyi ngo bo nyid du gyur pa mar mes so//yang mchod pa chen po zhes bya ba la sogs pa ni bya ba sgrub pa'i ye shes kyi ngo bo nyid du gyur pa byug pa yin par shes par bya'o/ /phyag rgya 'di zhes pa ni gsang ba'i rgyud kyi phyag rgyas so/ /mchod pa thams cad ni me tog la sogs pa'i mchod pa'o//'di dag dang zhes bya ba ni bshad ma thag pa'i rang gi gsang ba'i de kho na nyid dang ste me tog la sogs pa'i lha mo rnams dang rang gi phyag rgya ji lta ba mchod pa bya'o/ /med na bdag nyid kyis bya'o/ /de nas slob ma thams cad gzung bar bya'o/ / de la go rims ni 'di yin te/ dkyil 'khor ji lta ba bzhin la go rims snga mas mchod pa'i mthar thug pa'i bar du rdzogs par byas la phyag la sogs pa bya ste/ bdag nyid zhugs nas bdag thams cad kyi slob dpon du dbang bskur zhing sna tshogs 'byung ba'i bcom ldan 'das 'khor dang bcas pa mngon par phyogs par bsgoms la/bdag nyid rdo rje'i bdag nyid dang / ngo bo nyid kyis dag pa dang / bdag med pas mnyam pa nyid kyis lha thams cad dang / gcig tu gyur par rim bzhin du/ /oM badzra At+ma kou0f85haM/ oM swa b+hA shud+d+hou0f85haM/ oM sarba sa ma you0f85haM/zhes brjod la bdag nyid lhag par mos pas der dbus su 'dug ste/ bdag nyid kyis rol mo'i rjes su 'gro ba'i glu 'don bzhin du gtam dang / phyag mtshan dang / phyag rgyal sogs pa shin tu mnyam par gzhag nas bsgrub par bya'o/ /gang gi tshe rjes su bsgrub par 'dod pa de'i tshe bdag la dbang bskur ba'i mthar thug pa'i bar du rdzogs par bya ba la sogs pa byas la/slob ma gzhug pa'i phyir gsol ba btab ste/ bdag byin gyis brlab pa la sogs pa byas nas/ dkyil 'khor gyi bdag po'i sbyor bar slob ma byas te/ shi ri su kha badzra satwa su b+ha ga s+t+waM ma haM/zhes brjod la/ gar sngon du 'gro ba'i thal mo sbyar la spyi bor bzhag ste/ me tog gi phreng ba dang bcas pa'i lam glu dbul bar bya ste/ rdo rje bdag po'i snying po brjod pas gzhug par bya'o/ /cho ga'i bya ba thams cad kyang brjod par bya'o/ /de bzhin du rnam par snang mdzad la sogs pa'i dkyil 'khor la yang stong par shin tu sbyor ba zhes bya ba la sogs pa'i glu dang bcas pas bskul ba sngon du 'gro ba dang /yang rim pa de nyid kyis rdo rje sems dpa' ltar bskyed la/ de nas bdag gi bdag po ji lta ba'i mtshan ma mngon sum du byas la/sbyor ba ji lta bas dkyil 'khor gyi rgyal po'i mchog ji lta ba bzhin du gzhag la bdag nyid 'byung ba'i glus bskul ba'i bar du rdzogs par byas la gzhug par bya ste/ gsang ba 'dus pa la sogs pa'i cho gas slob ma gzhug pa la sogs pa thams cad kyang 'dir blta bar bya'o//sangs rgyas nyid rin po che bas na sangs rgyas rin chen no/ /ji lta bar ni zhes gsungs pa ni/ phreng ba la sogs pa'i dbang bskur ba yang 'dir shes par bya'o/ /dmar chen po myang ba ni gzhug pa'i 'og tu blta bar bya'o/ /mkha' 'gro sgyu ma'i tshogs kyis kyang //zhes bya ba ni rgyas 'debs ma dang / rmongs byed ma dang / gnod byed ma rim gyis so/ /de nas zhes bya ba ni dbang bskur ba'i 'og tu'o/ /mi 'gog chos nyid sbyor ba yis/ /zhes bya ba ni mi gnas pa'i mya ngan 'das pa'i rgyu yis so/ /bdag gi ngo bo yang spangs shing //zhes pa la ni bdag nyid ni shin tu ma g.yogs par gyur pa'o zhes bdag nyid kyi khyad par te/ phung po thams cad la sogs pa dang / gzugs la sogs pa ni btags pa tsam yin par shes par byas nas yongs su spangs pa ni 'dir ltos pa med pa yin te/ bsgom pa'i rjes su mthun pa'i gzugs la sogs pa'i yul rnams la nye bar longs spyod pa'i sgo nas bde bar bya ba'i tshul gzhan la bshad pa'i spyod pas bdag mi gzir ba ni dka' thub kyis mi gzir ba'o/ /ci bde bar ni bde bar spyad/ /ces pa ni bsam gtan dang rjes su mthun pa'i gzugs la sogs pa'i longs spyod rnams la nye bar longs spyod cig pas rtse gcig par gyis shig pa'o//rnal 'byor longs spyod thams cad la/ /zhes pa ni bdag nyid lha'i nga rgyal dang ji lta ba bzhin du ldan pa'i longs spyod do/ / ji nas kyang mi 'jigs pa ni gang las 'jigs pa med pa'o/ /dga' bar gyis zhes pa ni rnam par rol cig pa'o/ /yul la nye bar spyod pa 'chi ba'i 'og tu ngan song gi 'jigs pa yod do zhes rtog pa la sdig pa med kyis zhes bya ba la sogs pa gsungs so//ci'i phyir zhe na/ dam tshig ces bya ba la sogs pas gang gsungs pa ste/ dam tshig ni lha dang gnyis su med par gyur pa'o/ /'da' bar dka' ba ni sdig pa thams cad bsod nams kyi rang bzhin du gyur pas na bsgrub par dka' bas so/ /grub pa ni sangs rgyas kyi byang chub ste/bde ba'i mchog la sogs pa'i gzugs kyis yongs su rdzogs pa'o/ /lhan cig spyod pa ni bde ba'i mchog la sogs pa'i lha mo'i gtso mo rnams so/ /sdug pa ni yid du 'ong ba de rnams so/ /yang dag nyid kyis zhes pa ni rang gi lha'i nga rgyal gyis so//rnal 'byor bcas dang zhes bya ba ni rnal 'byor bzhi dang ldan pa'o/ /gsang bcas pa'i zhes bya ba ni gsang ba'i phyag rgya'i ye shes de nyid dang ldan pa'o/ /rgya zhes bya ba ni phyag rgya dang 'dra ba'o/ /de nas zhes bya ba ni phyag rgya la sogs pa byin pa'i 'og tu'o/ /kun gyi slob dpon rab gnas pa//zhes bya ba ni/ rdo rje sems dpa' dang rnam par snang mdzad la sogs pa'i dkyil 'khor gyi slob dpon nyid du gnas pa'o/ /chos ni zhes bya ba ni chos dang mi 'gal ba'i tshul gyis so/ /rdo rje sems dpa'i dpal gyi tshul/ /zhes pa ni rdo rje sems dpa'i dkyil 'khor gyi rim pa'o//rtog pa thams cad rab sgrub cing / /zhes pa ni sangs rgyas rdo rje 'chang la sogs pa dkyil 'khor gyi dngos grub stsol ba'o/ /rtog pa kun la rab sbyor ba'i/ /zhes bya ba 'dis ni thun mong gi cho ga nyid du ston to/ /ngo bo nyid phyir zhes bya ba ni dam pa'i de kho na nyid chen po'i mchog gi tshul gyis so//gang 'di ltar sangs rgyas la sogs pa'i dkyil 'khor dang rtog pa shes pa ni don med par 'gyur ro zhe na/ sna tshogs las kyi sbyor ba dang / /zhes bya ba la sogs pa gsungs te/ rnal 'byor de nyid ces bya ba la sogs pas ni rnam par snang mdzad la sogs pa'i thabs ston to//gzugs brnyan ngo bor sbyor ba yi/ /zhes bya ba ni gzugs brnyan gyi ngo bo nyid do/ /phyag rgya'i sbyor ba zhes bya ba ni lha'i phyag rgya 'chang bas so/ /gar bya'o zhes pa ni sgom shig pa'o/ /dam tshig rnam pa sna tshogs kyis//zhes pa ni lhag ma'i lus kun gyis so/ /de ltar zhes bya ba ni bshad ma thag pa'i cho gas so/ /sangs rgyas kyi zhing ni zhes bya ba la sogs pa 'dis ni/ bdag po lnga'i che ba nyid ston to/ /de la sogs pa'i zhes bya ba 'dis ni tshad med pa nyid du bstan to/ /yang de la sogs pa zhes bya ba la sogs pas ni nye bar sdud pa'o//sangs rgyas thams cad dang mnyam par sbyor ba mkha' 'gro sgyu ma'i dkyil 'khor gyi rtog pa ste/ rtog pa drug pa'i 'grel pa'o// //dkyil 'khor dang rtog pa 'di ni dkyil 'khor thams cad dang phyag rgya'i ye shes dang ldan pa'i dbang du mdzad nas/bcom ldan 'das dkyil 'khor thams cad dang / phyag rgya'i ye shes kyi rtog pa'i ngo bo nyid du bstan pa'i phyir/ de nas gzhan yang zhes bya ba la sogs pa gsungs so/ /rdo rje sems dpa' dpal gyi lha mo zhes bya ba ni sangs rgyas kyi'o/ /'khor lo thams cad rab sprul pa'o zhes pa ni dkyil 'khor rtog pa thams cad de/la la las ni phug gi sna tshogs pa dag tu zhes zer te/ der ni brtul zhugs kyi gnas rnam pa sna tshogs pa'i bar la bya'o/ /cha lugs rnam pa sna tshogs pa/ /zhes pa ni cha lugs rnam pa tha dad pa'o//sgrub pa sna tshogs kyis zhes pa ni/ yo byad rnam pa sna tshogs pas so/ /pad+mo dmar po ni pad+ma bzhin du dmar ba'o/ /gnas ji lta ba ni skyed mos tshal la sogs pa'o/ /'khor lo rnams ci 'dra ba ni gru bzhi la sogs pa'o/ /bkod pa ji 'dra ba ni sgo khyud la sogs pa'i bkod pa ci 'dra ba'o//'gro ba ci 'dra ba zhes pa ni gdul bya ci 'dra ba'o/ /'khor rnams bkod pa ci 'dra ba ni/ lha rnams ci 'dra bar bkod pa de dang 'dra ba'i cho ga yongs su rdzogs pas dkyil 'khor la mchog rgyal bas mdzad cing sprul par gyur pa ste/dkyil 'khor de mthong bar de'i bsod nams ci 'dra ba da ltar bris pa'i yang de bzhin no/ /phyogs kun mnyam pa nyid bsgrub cing / /zhes pa ni shis pa dang mi shis pa'i phyogs la mngon par zhen par ma byed cig pa'o/ /shar zhes bya ba ni shar phyogs la sogs par sangs rgyas rnams dgod pa'o//don dam par na dkyil 'khor rnams brtag par mi nus pa yin na/ ji ltar na 'dir yang bsod nams su 'gyur zhes pa la/ dkyil 'khor zhes pa la sogs pa gsungs so/ /rang gi lha'i rang bzhin zhes pa ni rang gi lha'i gzugs kyis so//grub pa ni rdzogs pa'o/ /kun du sna tshogs skal bzang po/ /zhes bya ba ni/ kun nas lha mo thams cad dang yang dag par ldan pa'o/ /kun du sna tshogs 'khor lo can ni thams cad du sna tshogs shing ma lus pa'i 'khor dang ldan pa ste/rdo rje sems dpa'o/ /kun du sna tshogs grub pa'i phyir/ /zhes pa ni sngar bshad pa'i dkyil 'khor bzhin du 'di'i yang nang du zur bzhi pa la sogs pa kun nas rnam pa thams cad du yongs su rdzogs pa'o/ /de ni 'di skad ston par 'gyur te/ dkyil 'khor thams cad dang 'dra ba las/ nang du yang zur bzhi nyid la sogs pa dang ldan par byas la ka ba brgyad kyis nye bar mdzes par bya ba'i rdo rje thig gdab par bya'o/ /de'i phyi rol du zur bzhi pa gnyis pa sgo dang bcas pa sna gcig gis bris pa ni dkyil 'khor kun du sna tshogs pa ste/rdo rje sems dpa'i dkyil 'khor ro/ /de dag thams cad kyi phyi rol du dkyil 'khor gyi phyed kyi tshad la ka ba brgyad kyis nye bar mdzes par byas pa'i rdo rje'i dkyil 'khor cig shos la ni rang gi tshon sna gcig gis bris par blta bar bya'o//dkyil 'khor gyi nang yang de bzhin du bstan to/ phyi rol thams cad du yang snga ma bzhin du zur bzhir bya'o/ /dkyil 'khor zhes bya ba ni zlum po de dag tu yang rdo rje'i thig skud btab la phyi rol du ni ri mo zur bzhi bya'o/ /rdo rje can gyi zhes bya ba ni he ru ka yi'o//zla gam bzhin zhes bya ba ni rlung gi dkyil 'khor te/ rdo rje ra bas bskor ba'i phyi rol du ni ri mo zur bzhis bskor ba'o/ /pad+ma'i dbyibs zhes bya ba ni pad+ma 'dab ma brgyad pa 'dra ba la pad+ma'i phreng bas bskor ba'o/ /phyi rol du ri mo zur bzhis bskor ba'o/ /rin chen dbyibs zhes bya ba ni rin po che zur brgyad pa 'dra ba la/rin po che'i lcug mas yongs su bskor ba phyi rol du ni ri mo zur bzhis bskor ba'o/ /ji ltar 'dod pa ni ji ltar dga' ba'o/ /ci 'byor pa ni ci rnyed pas so/ /dkyil 'khor lnga po 'di dag las 'di'i dkyil 'khor ni nges pa med pas 'di'i gnas su dpal rta mchog gzhag par bya'o//de nyid de'i dkyil 'khor du 'gyur ro zhes bya ba'i bar du'o/ /ci lta ci ltar 'dod dang zhes bya ba ni mngon spyod dang dbang du bya ba la sogs pa dang / rgyas pa'i las rnams la ci 'dod pa thams cad do//ji lta'i dus dang ni snga dro dang / mtshan mo dang / nyi ma phyed dang / phyi dro rnams su rim bzhin du rdo rje sems dpa' la sogs pa'i dkyil 'khor du rim bzhin 'jug pa'o/ /ci bde bar ni slob ma dbang bskur ba la sogs pa chu dang bsdam pa la sogs pa med par ro//rdo rje ni rdo rje rgya gram mo/ /phyag na bsnams pas dpal rta mchog kyang de skad ces bya'o/ /dkyil 'khor kun du ma zhugs shing / /zhes pa ni dkyil 'khor rnams su 'jug ma myong ba'o/ /dam tshig rnams ni spangs pa dang / /zhes pa ni dam tshig rnams mi srung ba'o//gsang ba yang dag ces bya ba ni 'og nas bshad pa'i skal ba nyid kyis slob dpon skal ba bzang po'o/ /ci'i phyir zhe na/ gang gis na brtan zhing thog ma dang / tha ma med pa'i rnal 'byor pa dmigs pa ste/ de mi spang ngo zhes bya bar sbyar ro//kun du sna tshogs skal bzang por/ /zhes bya ba ni rdo rje sems dpa' ste/ de ni bdag nyid bsgrubs pas skal ba bzang po'o/ /bdag med chos nyid dang ldan pa ni chos thams cad stong pa nyid du mngon par zhen pa'o/ /de'i khyad par ji lta bu zhe na/ dam tshig la sdang ba ste/de rjes su spyod pa la sdang ba gang yin pa'o/ /de nyid kyis na skal ba ngan pa'o/ /sangs rgyas ni rnam par snang mdzad de/ de ni srid pa shin tu bsgrubs pa ste/ mi gnas pa'i mya ngan las 'das pa rdzogs pas skal ba bzang po shin tu yongs su mya ngan las 'das pa ni lhag ma med pa'i mya ngan las 'das pa thob pa'o//dpal phyag na rdo rje ni he ru ka'o/ /dam pa'i nor mchog sdud pa'i phyir/ /zhes bya ba ni/ rang gi ting nge 'dzin gyi stobs kyis nor chen po sdud par ston pa'o/ /dka' thub ni lus yongs su gdung ba'o//rgyal srid mchog rnams kun bsdus pas/ /zhes bya ba ni drag po'i sbyor ba'i dbang phyug go/ /thub pa ni ya mtshan can rnams so/ /kun gyi slob dpon ni rdo rje sems dpa'i rnal 'byor pa ste/ ji skad du/ dpal rdo rje sems dpar sbyor bas/ sangs rgyas kun gyi bdag nyid sbyor//sangs rgyas phyag rgya'i brda yis ni/ /slob dpon thams cad ces brjod do/ /zhes pas so/ /bde ba thams cad ni rdo rje sems dpa'o/ /de'i bdag nyid kyi ngo bo nyid de sgrub pa'o/ /slob ma la sogs pa'i zhes pa'i sgras ni 'dir bu la sogs pa rnams so//'jug pas zhes pa ni slob mas so/ /g.yas pa yis ni zhes bya ba ni yon thogs pas so/ /gsang ba'i de kho na nyid bshad nas gzhug par bya'o/ /kun du sna tshogs bla ma la/ /zhes pa'i sgras ni dkyil 'khor gyi rdo rje slob dpon no/ /de ni zhes bya ba ni gtang dka' ba la sogs pa'o//'dod dgur gyur pa ni mngon par dga' ba'o/ /sangs rgyas byang chub mchog gi yon/ /zhes pa ni dpal rdo rje 'dzin pa'i he ru ka'i sbyor ba gang yin pa de'i go 'phang thob pa ste/ yon gang zhig dpal rdo rje 'dzin pa la sbyor ba'i yon des so//pad+mo can pad+mo'i rigs kyi slob dpon gyi'o/ /rdo rje nyi ma ni rin po che'i slob dpon gyi'o/ /shin tu brgyan pa zhes bya ba ni gling mchog chas rnams dang ldan pa'o/ /rta'i rgyal po zhes bya ba ni rta mgrin gyi dkyil 'khor gyi slob dpon gyi'o/ / sangs rgyas rin chen dbang bskur ba/ /zhes pa ni sangs rgyas nyid rin po che ste/ des dbang bskur ba'o/ /de nyid bstan pa'i phyir/ spyi bo zhes bya ba la sogs pa gsungs te/ sangs rgyas lnga'i dbu rgyan dang ka pA la'i phreng ba'i dbu rgyan gyis thams cad kyi slob dpon du dbang bskur ba'i phyir thod pa nyid rin po che 'am/sangs rgyas nyid dbu rgyan no zhes tshig gis mtshams sbyar bar bya ste/ spyi bor dbu rgyan 'di nyid 'chang ba'i dbye ba ni 'di nyid yin par blta bar bya'o/ /rin po che gcig las byas pa ni sangs rgyas gcig gis mtshan pa dang /thod pa gcig gis mtshan pa'o/ /de bzhin sna tshogs rgyan gyis spras/ /zhes pa ni thams cad du lo ma dang / lcug ma sna tshogs pas spel ba'o/ /de nyid gsal bar bya ba'i phyir sangs rgyas zhes bya ba la sogs pa gsungs te/ sangs rgyas kyi dbang bskur ba ni cod pan la sangs rgyas kyis mtshan pa'o//pad+mas dbang bskur ba ni thod pas cod pan la mtshan pa ste/ de dag gis slob ma thams cad kyi bde ba'i mchog la sogs pa'i rnal 'byor ma thams cad kyis dbang bskur ba'o/ /rin chen rdo rje zhes bya ba ni rin po ches spras pa'i rdo rje'o//rdo rje yin zhes bya ba ni rdo rje 'bar bas mtshan pa'o/ /sangs rgyas sku zhes bya ba ni 'od dpag med kyi sku mtshan pa'o/ /nor bu yin zhes bya ba ni rdo rje dang bcas pa'i rin po che'o/ /sangs rgyas rin chen zhes pa ni sangs rgyas rin po che ni sangs rgyas rin chen te/rdo rje sems dpa' dang / rnam par snang mdzad gnyis kyi cod pan gnyis so/ /pad+mo zhes bya ba ni 'od dpag med kyis dbang bskur ba'o/ /rdo rje zhes pa ni he ru ka'i dbang bskur ba'o/ /yid bzhin nor bu zhes pa ni rdo rje nyi ma'i dbang bskur ba'o//thams cad mchog ni rta mchog la/ /zhes bya ba ni rta mchog gi slob dpon gyi'o/ /mtshan ma'i phyag rgya zhes pa ni rdo rje la sogs pa'o/ /de nyid kyi dbye ba bstan pa'i phyir/ kun du zhes bya ba la sogs pa gsungs te/ kun du sna tshogs pa'i rnam pa dang bcas pa ni skal ba bzang po ni/kun du sna tshogs pa skal ba bzang po'o/ /rang byung rnams kyi ni rdo rje sems dpa'i ste/ 'dir dam tshig gsum bstan pa ni rdo rje dang dril bu'i phyag rgya dang / spyan gyi phyag rgya dang / gzhu dang mda'i phyag rgya yin par shes par bya'o/ /ci de dag kho na zhe 'am nam mkha' zhes bya ba la sogs pa gsungs te/nam mkha'i dbyings bzhin du mthar thug pa med pa bde ba'i mchog la sogs pa lha mo rnams kyi ngo bo nyid gzhu dang mda'i gzugs kyis gnas pa ni/ bcom ldan 'das nyid kyi mtshan ma'i phyag rgya'o/ /mchog ces bya ba'ang de nyid yin par shes par bya'o//de nyid bstan par bya ba'i phyir gzhu dang mda' dang zhes bya ba la sogs pa gsungs te/ mda' dang bcas pa'i gzhu ni bde ba mchog go/ /skal ldan ni skyes pa'i mtshan no/ /skal ba bzang ni b+ha ga'i phyag rgya ste/ de'i steng du skal ldan gzhag pa ni e ma bde ba'o/ / thod pa dang / kha T+wAM ga dang / sna tshogs rdo rje ni sgrol ma yi'o/ /thod pa kham phor dang / sna tshogs rdo rje la 'od dpag med kyi sku gzhag pa ni shi shi'o/ /mdas phug pa'i 'og gzhi dang / gzhu ni sangs rgyas kyi byang chub bo/ /'khor lo rtsibs brgyad pa ni chos nyid kyi 'khor lo mA ma kI'o//rdo rje rtse lnga pa ni 'jig rten gsum las rnam par rgyal ma yi'o/ /dpag bsam gyi shing lcug mas dkris pa ni 'dod pa thams cad kyi lcug ma yi'o/ /pad+ma'i steng du mgos bstod nas/ rta skad 'tsher ba'i rta mgo ljang gu ni rta gdong ma yi'o/ /phag gi mche ba ni rdo rje gdong gi'o//zla ba dang nyi ma'i dkyil 'khor rdo rje spyan gyi'o/ /thod pa'i dbus su sna tshogs rdo rje la sangs rgyas kyi sku gzhag pa ni thal bas rab tu 'jug pa'i ro langs ma yi'o/ /rdo rje gling bu ni rgyud gcig ma yi'o/ /sna tshogs rdo rjes mtshan pa'i pi wang ni rgyud mangs ma yi'o//mu kun+da ni sdug ma yi'o/ /rdza rnga ni rdza rnga ma yi'o/ /me tog gi za ma tog dang / spos khang gang ba dang / mar me'i sdong bu dang / dri yi phor bu ni go rims bzhin du me tog ma dang / bdug pa ma dang / mar me ma dang / dri chab ma yi'o/ /chos gos dang / lhung bzed dang / 'khar gsil dang / dam pa'i chos kyi glegs bam gyi phyag rgya ni bcom ldan 'das rnam par snang mdzad kyi'o/ /lce'i phyag rgya dang / cha lang chung ngu dang / rdo rje rtse lnga pa dang / rin po che'i za ma tog ni rim bzhin du sangs rgyas kun brjod ma dang / rgyan can ma dang /kun tu bzang mo dang / mi bzad pa'i za ma tog ma yi'o/ /sangs rgyas kyi sku gzugs dang / me long dang / sprin dang bcas pa'i rdo rje ser ba dang / mig gi phyag rgya ni rim bzhin du sangs rgyas thams cad yan lag dang ldan ma dang / gzugs ma zhal bzangs ma dang /sprin chen mo dang / nam mkha'i spyan rnams kyi'o/ /rdo rje 'bar ba dang / kha T+wAM ga dang bcas pa'i thod pa dang / dmar chen pos kham phor bkang ba yin par shes par bya'o/ /snying rje chen po ni snying gi pad+ma ste/ de nyid ni sha chen no/ /phyag rgya de dag ni dpal he ru ka yi'o//mda' rnon po dang / lcags kyu dang / chang dang chu rnams ni rim bzhin du dkar mo dang / rku byed ma dang / rab rmongs ma dang / ro langs ma yi'o/ /rlung gis bskyod ma'i lcug ma dang / ras dang / 'bar ba'i me rnams ni rim bzhin du sbos byed ma dang / gtum mo dang / sme ma yi'o/ /bcom ldan 'das pad+ma gar gyi dbang phyug gi ni sna tshogs pa ste/ dmar mo dang / ljang gu dang / dkar po dang / ser po dang le brgan gyi pad+ma'o/ /rnam par lta ma dang / sgrol ma dang / rgya can ma dang / khro gnyer ma dang / pad+mo la gnas ma dang /sna tshogs pad+ma'i dbang phyug ma rnams kyi rim bzhin du pad+ma'i kar ni ka dang / khu tshur dang / 'khor lo rtsibs brgyad pa dang / mdung rtse gsum pa dang / chu srin gyi [(]rgya [,]rgyal [)]mtshan dang / rdo rje rtse lnga pa rnams so/ /bcom ldan 'das rdo rje nyi ma ni gzhu dang / mda' dang / ral gri dang / nyi ma'i dkyil 'khor rnams so/ /lha mo dbang bskur ma dang / rin po che'i gter dang / rgyal mtshan gyi mchog dang / mchod pa chen po rnams ni rim bzhin du rin po che cod pan dang / gter gyi bum pa dang / rgyal mtshan dang / chun 'phyang la sogs pa rgyan thams cad kyis bkang ba'i snod rnams thogs par shes par bya'o//dpal rta mchog gi ni sna tshogs pad+ma dang sna tshogs rdo rje ste/ phyag rgya rnam pa gnyis so/ /dkyil 'khor thams cad kyi phyag rgya shes pa'i rtog pa ste/ rtog pa bdun pa'i 'grel pa'o// // mchod pa med par dngos grub mi 'byung bas bcom ldan 'das mchod pa thams cad mnyam par sbyor ba/ dpal skal ba bzang po dam tshig gi rtog pa'i ngo bo nyid du bstan par bya ba'i phyir/ de nas gzhan yang zhes bya ba la sogs pa gsungs te/ de nas gzhan yang zhes bya ba ni dkyil 'khor gyi phyag rgya shes pa'i 'og tu'o//rdo rje sems dpa' dpal gyi lha ni rnam par snang mdzad la sogs pa yin pas/ dpal rdo rje sems dpa' dang lha ni rdo rje sems dpa' dpal gyi lha ste/ de rnams kyi rnam pa thams cad du kun nas sna tshogs shing ma lus pa mchog tu gyur pas na/ rnam pa kun du sna tshogs mchog go/ /mchod pa thams cad ni rnam par sprul pa'o zhes bya ba ni mchod pa thams cad mngon par sprul pa'o/ /de ni 'di skad ston par 'gyur te/ dkyil 'khor du 'dus pa la sogs pa'i yo byad dang / gzhan dag gis mchod pa'i bar du rdzogs par byas la/phyag bya ba'i phyag rgya rnams kyis bya ba'o/ /de'i rim pa yang 'di yin te/ dpal bde ba'i rdo rje sems dpa' zhes bya ba'i glu dang / rdo rje gar byas la g.yon pa'i rdo rje khu tshur 'gying bag dang bcas pas rdo rje dril bu bzung la/ g.yas pa ba dan gsum par byas te/ gnas la sri zhur bcas shing bteg pa'i mchog gis mig 'gul ba dang bcas pa'i mgo g.yon du btud la/ oM A di b+hU hUM/ zhes brjod la bsam pa g.yos pas bdag nyid kyis rdo rje sems dpa' la phyag bya'o/ /khengs pa gzhan dag nyid bstan par bya ba'i phyir/ drag po zhes bya ba la sogs pa gsungs te/nye dbang bcas zhes bya ba ni khyab 'jug dang bcas pa'o/ /tshangs par bcas zhes bya ba ni skye dgu'i bdag po dang bcas pa'o/ /legs byas nas zhes bya ba ni byas pa'o/ /mchog tu gsal ba'i cha shas grangs kyi zhes bya ba la sogs pa'i glu dang gar byas la rdo rje thal mo bskor te/oM A di b+hU oM/ zhes brjod la bsam pa g.yos pas phyag bya'o/ /rnam pa sna tshogs zhes bya ba ni glu dang rdo rje gar byas la he ru ka'i khu tshur las mthe'u chung mche ba dang 'dra bar khar bzhag la/ oM A di b+hU ha ha ha ha ha ru lu ru lu hUM/ zhes brjod la smin ma g.yos pa bteg pa'i tshul gyis rab tu dgod pas phyag bya'o//thal mo pad+mo kha dbus bzhin/ /zhes bya ba ni thal mo stong par byas pas pad+mor bya ba'o/ /rang gi sbyor ldan zhes bya ba ni rang gi lha'i sbyor ba'o/ /pad+ma de nyid bstan par bya ba'i phyir mthe bong mthe'u chung zhes bya ba la sogs pa gsungs te/mthe bong mthe'u chung 'dab ma bzhi pa'i kha gyes pa lta bur byas pa nas des 'dus pa ste/ mthe bong mthe'u chung 'dab ma bzhi pa byas pa 'dus par bya'o/ /des ni 'di skad ston par 'gyur te/ de bzhin gshegs pa thams cad la sogs pa la/ rnam pa sna tshogs pa zhes bya ba la sogs pa ni glu dang rdo rje gar byas la pad+ma kha 'bus pa'i thal mo sbyar te/ mthe bong gnyis dang mthe'u chung pad+ma 'dab ma bzhi pa'i phyag rgya snying gar bzhag la/ oM A d+hi b+hU hrIHzhes brjod la pad+ma gar gyi dbang phyug la phyag bya'o/ /srid gsum rgyal srid kun gyi zhes bya ba la sogs pa'i glus cho gar byas la yan lag thams cad sa la phab ste/snying ga la sogs par rim bzhin du rin po che'i thal mo sbyar la/ oM A d+hi b+hU hrIH/ zhes brjod la phyag bya'o/ /dregs pa stong gi zhes bya ba sogs pa'i glu gar byas la/ rdo rje 'gying thabs 'dzin pas/oM A d+hi b+hU/ zhes bya ba la sogs pa dang / gzhan dag brjod nas mig btsums pa dang bcas pas rta mchog la phyag bya'o/ /mchod pa'i phyag rgyar bstan par bya ba'i phyir/ gar gyi rgyu rnams zhes bya ba la sogs pa gsungs te/ bya ba'i zhes bya ba ni bi skam+b+hi la sogs pa'o/ /tshul ston zhes pa ni yan lag can dang / tshig can dang / do shal dang / sems dpa' zhes bya ba bzhi pa'o/ /'gying dang bcas pa zhes bya ba ni stong pa dang bcas pa'o/ /ji lta'i tshul bzhin gar byed cing / /zhes bya ba ni rjes su mthun pa'i las la rab tu 'jug pa'o//bskor ba'i gar rnams sna tshogs kyis/ /zhes bya ba ni slob ma thams cad tshogs pa'i gar gyis so/ /mchod pa thams cad ces bya ba ni dkyil 'khor thams cad kyi mchod pa chen po'o/ /de nyid bstan par bya ba'i phyir lag pa g.yas g.yon zhes bya ba la sogs pa gsungs te/mdzes bsgyur te zhes bya ba ni 'gying bag dang bcas pa'i mchog gi gar ro/ /'di yis zhes bya ba ni bshad ma thag pa'o/ /phyag rgyas btab nas zhes bya ba ni dpal bde ba chen po rdo rje sems dpa' zhes bya ba la sogs pa'i glu dang gar sngon du byas pas g.yon pa'i [(]mdzum [,]mdzub [)]mo khu tshur bcangs la/g.yas pas ba dan gsum par byas pa'am/ dpal rdo rje sems dpa'i phyag rgya chen po dang / yi ge hUM gi glus yang dag par mchod la 'deg par bya'o/ /da ni bde ba'i mchog la sogs pa'i sbyor bas mchod pa ston te/de yi zhes bya ba ni blang ba'i phyag rgyas so/ /bteg nas su zhes pa ni nges par bcing ba'i sbyor bas so/ /spyi bo'i mtshams su zhes bya ba ni snying gar gyen du blta bar gzhag par bya'o/ /gzhag par bya ba zhes bya ba ni/ thal mo sbyar ba brtan par byas te'o/ /'gram pa'i phyogs su yongs bsgyur na//zhes bya ba ni gar sngon du 'gro bas 'gram pa gnyis kyi phyogs su bskor ba'o/ /thams cad 'bebs pa'i gar byed pa/ /zhes bya ba ni/ ji ltar rang nyid bde ba'i mchog la sogs pa'i lha mo thams cad kyi phyag rgya chen po dang rab tu ldan par gar byed pa'o//de nas zhes bya ba ni gong ma dang 'brel pa'o/ /mchod pa thams cad ces bya ba ni bde ba'i mchog la sogs pa'i lha mo rnams kyi phyag rgya chen po'i mchod pa'o/ /dbul bar bya zhes bya ba ni brtan par bya'o/ /rnam par snang mdzad kyi mchod pa bstan par bya ba'i phyir/ lag pa g.yas g.yon zhes bya ba la sogs pa gsungs te/ 'jig rten khams sam rdul phran grangs rnyed ces bya ba la sogs pa'i glu dang / rdo rje gar byas te/ rdo rje thal mo g.yon nas bskor ba legs par byas la yi ge oM gyi glu dang / bcom ldan 'das rnam par snang mdzad sangs rgyas kun brjod ma la sogs pa'i phyag rgya chen po rnams kyis mchod de/he ru ka'i mchod pa bstan par bya ba'i phyir/ lag pa g.yas g.yon zhes bya ba la sogs pa gsungs te/ rnam pa sna tshogs zhes bya ba la sogs pa'i glu dang / dkar mo la sogs pa dang yang rim bzhin du gar bya ste/rdo rje thal mo gyen du bkrol ba bcing ba sngon du 'gro bas he ru ka dkar mo la sogs pa'i phyag rgya chen po rnams dang / ha ha ha ha/ ru lu ru lu hUM/ zhes bya ba'i rdo rje gad rgyangs byed cing mchod pa bya'o/ /pad+ma gar gyi dbang phyug ni/ de bzhin gshegs pa kun zhes bya ba la sogs pa rnam par lta ba'i glu dang gar sngon du 'gro bas yi ge de'i glus g.yas dang g.yon gyi thal mo brdebs shing /pad+mo gar gyi dbang phyug la rnam par lha mo la sogs pa'i phyag rgya chen po [(]rnam [,]rnams [)]kyis mchod do/ /rdo rje nyi ma ni khams gsum kun gyi rgyal srid ces bya ba la sogs pa'i glu dang /dbang bskur ba la sogs pa'i sngon du 'gro bas thal mo sbyar la/ mtheb mo dang [(]mdzum [,]'dzub [)]mo bkug pa'i sbyor bas rin po che'i thal mo sbyar ba bcings la/ yi ge d+h+ri'i glus rdo rje nyi ma'i dbang bskur ba la sogs pa'i phyag rgya chen po rnams kyis rdo rje nyi ma mchod do//rta mchog kyang mos byed stong pa zhes bya ba la sogs pa rang gi lha mo'i glu dang rim bzhin du gar byas la bdag nyid ji lta bar dkyil 'khor gyi mchod pa'i phyag rgya bcings la/ ji ltar 'dod pa'i snying po gzhan gang yang rung bas rta mchog la sogs pa'i phyag rgya chen po rnams kyis mchod par bya'o//ji skad me tog la sogs pa'i mchod pa byas te/ zhes bshad pa'i me tog la sogs pa'i mchod pa de'i phyag rgya bstan pa'i phyir gyen du 'thor zhing zhes bya ba la sogs pa gsungs so/ /de ni 'di skad ston par 'gyur te/bdag nyid ji ltar sngar bshad pa'i mchod pa'i phyag rgyas gyen du 'thor ba la sogs par sbyar bar bya'o/ /gang ngam zhes bya ba ni me tog la sogs pa'i yo byad dang ldan pa'o stong pa ni de med pa'o/ /yang na ci 'byor pa ni de rnams las spyir gang yang rung ba rnyed pa'o/ / dam tshig mnyam pa ni ldan pa'o/ /sgrub pa ni lha bsgrub pa ste/ snying po rnams dang phyag rgya dang sgom pa sngon du 'gro bas so/ /mchod pa'i mchog thams cad kyis mchod pa byas pa'o/ /mnyam par sbyor ba ni yang dag par 'byor pa'o/ /de bdag nyid bsgrubs pas na/ skal ba bzang po ste rdo rje sems dpa'o//de nyid dpal lo/ /dam tshig ni rjes su mi 'da' ba nyid do/ /de ston pa'i tshig de ni rtog pa zhes bya'o/ /mchod pa thams cad mnyam par sbyor ba dpal skal ba bzang po'i rtog pa ste/ rtog pa brgyad pa'i 'grel pa'o// //rnal 'byor pa rnams kyi dkyil 'khor la sogs pa bsgrub pas bdag dang gzhan gyi don rdzogs par gyur pa yang rol mo dang bcas pa'i phyag rgya shes pa dang ldan dgos pas/bcom ldan 'das kun du sna tshogs kyi dam tshig gi bdag nyid du bstan par bya ba'i phyir/ de nas gzhan yang zhes bya ba la sogs pa gsungs te/de la chos kyi dkyil 'khor la sogs par bdag nyid bsgrub pas so so'i kha dog dang / 'dug thabs dang / phyag mtshan dang / phyag rgya ji lta ba dang ldan pas/ rdo rje sems dpa' la sogs pa'i phyag rgya chen po gzhag la bsgom par bya'o/ / thams cad 'byung ba phyag rgya zhes pa'i bar du bstan pa 'di yin te/ bde ba kun la ni bde ba dang yid bde ba bla na med pa'o/ /des zhen pa ni dmar ba'o/ /de bas na dngos grub thams cad rnam par dag pa'i phyir te/ byang chub kyi sems rnam par dag pa'o/ /rgyu de gnyis kyis na zla ba yongs su rdzogs pa lta bu dang /sku rtsa dmar ba'o gdul bya thams cad la chags pa ni/ 'dod chags kun te/ thugs rje chen po'i des rjes su chags shing dga' bar byed la/ rgyu des na dmar po sna tshogs 'bar ba'i 'od de/ kha dog dmar ba'i ri mo du mas rnam pa sna tshogs su 'bar ba'i 'od gang la yod pa'i tshig gis mtshams sbyar te/dmar po dang / ljang gu dang / sngon po dang / ser po dang / dkar po rnams nang du rdul phran bzhin du mchog tu 'bar bar gyur pa'i 'od kyi dkyil 'khor dmar po zhes bya ba'i bar du'o/ / sangs rgyas rin chen ni thams cad kyi mchog tu gyur pa'i sangs rgyas lnga'i cod pan dang ldan pa'o/ /gzhan gyi nor min zhes pa ni gzhan la med pa'o/ /lha yi chu ni stong pa nyid kyi ye shes te/ des dag pa'o/ /mthu dang zhes bya ba ni bsod nams dang ye shes kyi che ba'i bdag nyid kyis so//ngo bo dag ni rang gi lhag pa'i bsam pa'i bdag nyid kyi smon lam gyi bar gyis so/ /rang bzhin gyis ni de grub pa'o zhes bya ba ni lhun gyis yongs su grub pa'o/ /rgya des na/ thod pa'i phreng ba'i dbu rgyan dang / sangs rgyas kyi gtsug gi nor bu dang / kha T+wAM ga yang sems can rnams gdul ba la dbang bas kun nas nyon mongs 'jig rten dbang phyug ste/kun nas nyon mongs pa can gyi 'jig rten gyi khams dbang du byed pa grub pa mo dpal rdo rje sems dpa' dang yang dag par sbyor ba gang yin pa de ni rdo rje sems dpa' dpal sbyor ba ste/ sbyor ba dang rjes su sbyor bas gnas pa'o//lha mo kun dang 'dus pa yi/ /zhes pa ni shin tu sbyor ba bstan par gyur pa ste/ de nyid kyis na kun du sna tshogs skal bzang po'o/ /mkha' 'gro ma ni thams cad grub/ /ces pa ni/ rnal 'byor thams cad kyi bdag nyid rdo rje sems dpa' rab tu grub pa'o//rgyas btab pa ni rgyas 'debs ma'o/ /rmongs par byas pa ni rmongs byed mas so/ /bslang ba ni tshe 'phel mas so/ /phyag rgya 'di yis zhes pa ni rdo rje sems dpa'i phyag rgyas so/ /rab tu dga' ba la rab tu sbyor ba ni sbyor ba dang rjes su sbyor ba'i mtshan nyid kyis shin tu sbyor bas mchog tu dga' ba la rjes su sbyor ba'o//des bdag nyid bsgrubs pas skal ba bzang por gyur pa dpal rdo rje sems dpa'i ngo bo nyid gang yin pa dang / bde ba'i mchog gang yin pa'i bde ba'i mthar thug par gyur pa ni rol pa rdzogs pa'o/ /g.yas dang g.yon gyi sbyor ba yis//zhes pa ni rkang pa g.yas pas rkang pa g.yon pa mnan pa'i sbyor ba ste/ des bde ba'i cha lugs de ci lta ba bde bar ro/ /da ni bde ba'i mchog la sogs pa'i phyag rgya chen po rnams bstan par bya ba'i phyir/ zla ba'i kha dog ces bya ba la sogs pa/ / gsungs te/ zla ba'i kha dog 'dzum pa ni gang gi zhal zla ba'i dkyil 'khor lta bu yod pa ni zla ba'i kha dog 'dzum pa'i zhal lo/ /dngos grub thams cad dag pa dang / /zhes bya ba ni/ byang chub kyi sems rnam par dag pa'o/ /thugs rje chen po rnam par dag pas kyang brla'i dbus na dmar la dkar ba'o//phyag mchog lo ma sngon po 'dra/ /zhes pa ni phyag dang mchog yin la/ lo ma dang sngon po ni lo ma sngon [(]pho [,]po [)]ste/ rim bzhin du phyag dang mchog lo ma dang sngon po 'dra ba de la de skad ces bya ste/ phyag gi mdog ni sngo la rtse mo ni lo ma'i mdog can no zhes bya ba'i bar du'o//ci'i phyir zhe na/ de bzhin bde ba'i dbang phyug ces bya ba ste/ rdo rje sems dpa' bde ba'i dbang phyug la dbang thob pa'o/ /de nyid kyi bde ba bskyed pa'i reg pa ni bde ba'i reg pa ste/ 'di la dbang thob pa'o/ /dkar zhing ser ba'i brla dang zhes pa ni 'og tu mdog dkar ba nyid do//de nyid ni lha rdzas sna tshogs kha dog ste kha dog lnga pa'o/ /kha dog dkar po la sogs pa ji skad bstan pa rnams lha mo bzhi po de rnams kyi so so yin par shes par bya ba'am zhe na/ de dag ni spyir yan lag thams cad kyi sgo nas kha dog la sogs pa bstan pa yin no//'bar ba sna tshogs 'bar ba'i 'od/ /ces pa ni/ 'bar ba sna tshogs pa rnams kyis kun du 'khrugs pa'i 'od dang ldan pa gang yin pa de la de skad ces bya'o/ /pad+mo sna tshogs la gnas pas/ /zhes pa ni stan gang yin pa de ni sna tshogs pad+ma la gnas pa'o//thams cad dag par rab tu gnas/ /zhes pa ni/ chos thams cad rang bzhin gyis rnam par dag pa la dmigs pa'i ye shes thams cad dag pa ste/ don dam par de'i ngo bo nyid du gyur pas na thams cad dag pa la rab tu gnas pa'o/ /yang na thams cad dag par rab tu gnas pa ni rdo rje sems dpa' ste/de rab tu gnas pa ni de dang 'brel pa'o/ /sangs rgyas te zhes bya ba ni sangs rgyas gcig gis dbang bskur ba'o/ /pad+ma zhes bya ba ni thod pa gcig gis dbang bskur ba'o/ /de la sogs pa'i rin po che mchog la sogs pa'i gang yin pa de rnams la de skad ces bya ste/sangs rgyas dang pad+ma la sogs pa'i rin po che mchog rnam pa sna tshogs pa'i rgyan dang gos yod pa gang yin pa de ni/ sangs rgyas pad+ma la sogs mchog /rin chen pad+ma rgyan dang gos/ /zhes bya'o/ /sangs rgyas thams cad 'dus pa yi//zhes pa ni/ sangs rgyas thams cad 'dus par gyur pa ste/ des mi mjed la sogs pa kun nas nyon mongs pa can gyi 'jig rten gyi khams rgyan bzhin du gyur pa'o/ /bya ba dang ni zhes pa ni 'dir lhod par 'dzin par gyur pa'o/ /zlog pa ni rang gi snying gar bstod pa'i tshul gyis gzhu bzung nas bde ba dang yid bde ba la sogs pas mnyam pa dang mi mthun pa'i phyogs zlog pa'o//'phrog ma ni lag pa g.yas pa brkyang zhing g.yon pa bskum pa la sogs pa'o/ /bdag la 'khyud pa'i phyag rgya yis/ /zhes pa ni g.yon 'gying bas so//yan lag thams cad 'phrog pa ni/ /yan lag thams cad kyi bya ba'o/ /grub pa ni rab tu grub pa ste mkhas pa'i bar du'o/ /'di skad ston par 'gyur te/ bya ba la sogs pa la mkhas par spyod pas g.yon pa 'gying bas gzhu bzung la/ lag pa g.yas pas mda' 'dren pa'i tshul gyis gnas pa'o//mchog tu dga' ba la rab tu sbyor bas skal ba bzang po dpal rdo rje sems dpa' la bde ba'i mchog gi mda' dang gzhus bde ba'i mchog gi mthar thug par byas pa ni rol pa zhes bya ba'o/ /e ma'o bde ba'i phyag rgya chen po bstan pa'i phyir/rnam pa sna tshogs zhes bya ba la sogs pa gsungs te/ rnam pa sna tshogs pa'i dam tshig ni sprul pa sna tshogs pas mtshan pa gang yin pa rdo rje sems dpa' de la de skad ces bya ste/ rnam pa sna tshogs pa'i dam tshig la zhen pas chags par gyur pa'o//bde ba des na de la 'bab cing gzhan gyi rgyud de la rab tu 'jug pa'o/ /bdag la 'khyud pa'i phyag rgya ni g.yon 'gying ba ste/ de nyid mchog yin pas gang gi dbus kyi lha mchog chen po de la 'khyud nas gnas pa ni/ dbus kyi lha mchog chen po ste/ tshig snga ma'i khyad par gyis na de'i skyes bu'i mtshams sbyar ba ste/g.yon pas ni 'gying bag gis b+ha ga dang ling ga 'dzin la g.yas kyis ni bdag po la dga' bas 'khyud pa'i bar dang / gdan gcig na 'dug pa'o/ /bde chen dbang phyug ni bde ba chen po la dbang byed pa ste/ rdo rje sems dpa'o//mchog tu dga' ba ni shin tu sbyor ba'i ngo bo nyid bcom ldan 'das rdo rje sems dpa' la dam tshig gis 'khyud pa yin la/ des na bde ba'i mchog ste/ bde ba de'i mthar thug pa ni rol pa zhes bya'o/ /sgron ma'i phyag rgya chen po bstan par bya ba'i phyir/ se ral kha zhes bya ba la sogs pa gsungs te//se ral kha yi tshul dag tu/ /zhes pa ni tshangs pa'i skud pa thogs pa'i tshul gyis so/ /rdo rje rtse gsum pas rtse mor mtshan pa'i kha T+wAM ga'i rdo rje kha T+wAM ga ste/ de'i lag pa g.yon pas thod pa dang bcas par 'dzin pa'o/ /pad+ma'i ka pA la sna tshogs rdo rje zhes pa ni rdo rje rtse bcu gnyis pa dang bcas par 'jog pas na pad bcas rdo rje rgya gram mchog go//de nyid ni bdag la 'khyud pa'i phyag rgya ste/ g.yas bsnyems pa dang / pad+ma dang bcas pa'i rdo rje rgya gram dang / bdag la 'khyud pa'i phyag rgya yis/ /zhes mtshams sbyor ba ste/ phyag g.yas 'gying ba dang bcas pas sna tshogs rdo rje 'dzin cing phyag g.yon gyis se ral kha'i tshul du rdo rje kha T+wAM ga bzung ste bzhugs pa'i bar du'o/ /mchog tu dga' ba la rab tu sbyor ba/ skal ba bzang po dpal rdo rje ni kha T+wAM ga'i gzugs can rdo rje sems dpa' ste/ de dang ldan pas na de yang dag par bsgreng ba'o//des na bde ba'i mchog rol pa zhes bya'o/ /shi shi'i phyag rgya chen po bstan par bya ba'i phyir/ rdzogs sangs rgyas kyi zhes pa la sogs pa gsungs te/ rdzogs pa'i sangs rgyas ni tshe dpag tu med pa'o/ /grub pa ni bzhugs pa ste/ kham phor zhes pa ni ka pA la gang la rdzogs pa'i sangs rgyas bzhugs pa'o//bdag la 'khyud pa'i phyag rgya ni g.yon bsnyems pas so/ /dbus kyi lha mchog chen po zhes bya ba ni/ de bzhin du g.yon dkur brten pas kham phor ka pA la sna tshogs rdo rje'i steng na sangs rgyas kyi sku gzugs bzhugs pa thogs/g.yas kyi gtso bo bstod nas 'khyud pa'i bar du'o/ /mchog tu dga' ba la rab tu sbyor ba skal ba bzang po rdo rje'i tshe ni/ rdzogs pa'i sangs rgyas kyi khams phor grub ste/ des na bde ba'i mchog de dang yang rol pa'o/ /rtsa ba ni gtso bo ste dbus kyi re'u cha'o//phyag rgya'i tshogs ni de na yod pa'i phyag rgya'i tshogs rnams so/ /sangs rgyas kyi byang chub ma'i phyag rgya chen po bstan pa'i phyir/ gtsug lag ji lta'i zhes bya ba la sogs pa gsungs te/ gtsug lag ci lta'i rjes mthun pa/ /zhes bya ba ni/ 'phong gi dpyad kyi rjes su mthun par ro//dpal rdzogs pa ni bde blag can gyi sbyor ba ste/ des gar byed pa'o/ /mda' bzhi yongs su 'phangs na ni/ /zhes pa ni stong pa nyid la sogs pa rnam par thar pa sgo bzhi'i ngo bo nyid kyi mda' bzhi yongs su 'phen pa ste/ nyon mongs pa'i bdud la sogs pa bzhi'i rang bzhin tshangs pa chen po mgo bzhi pa las rgyal bar gyur pas na/bdud bzhi dag las rgyal bar gyur cig /mda' bzhis tshangs pa'i gdong pa bzhi pa'i mgo phug nas gnas pa yin par shes par bya'o/ /de bas na tshangs pa chen po'i mgo 'bigs pa'i dpal rdo rje sems dpa' gang yin pa de la de skad ces bya'o//chos kyi 'khor lo ma'i phyag rgya chen po bstan pa'i phyir/ rkang pa bteg cing zhes bya ba la sogs pa gsungs te/ rkang pa bteg pa ni rkang pa'i phyi rol du bteg pa'o/ /phab pa ni g.yon pa yang de bzhin du bya ba'o/ / gshib pa ni gnyi ga nang du 'dud pa'o/ /mchod pa ni g.yas pa steng du 'jog pa ste des stabs byed pa'o/ /'khor lo'i phyag rgya bstod na ni/ /zhes bya ba ni lag pa g.yas pa'i gung mo sor mo'i rtse mo la lte bar bzhag ste/ steng du 'dzin par byas nas rkang pa 'degs pa la sogs pa sbyor bas rkang pa g.yas pa bteg la ji lta ba bzhin du 'khor lo bstod nas 'dzin pa yin pa shes par bya'o//la la dag ni rkang pa bteg pa la sogs pa dag ni rim bzhin du g.yas brkyang ba dang / g.yon brkyang ba dang / zlum po'i 'dug stangs dang /sa ga'i 'dug stangs te/ rkang stabs bzhi po yin no zhes rtog go/ /khams gsum las rnam par rgyal ba'i phyag rgya chen po bstan par bya ba'i phyir/ bya ba dang ni zhes bya ba la sogs pa gsungs te/ bya ba dang ni zhes bya ba la sogs pa ni 'dir gar gyi bstan bcos nas bshad pa rnams so//sna tshogs kyi phyag rgya zhes bya ba ni rang gi phyag mtshan gyi phyag rgyas so/ /'di skad ston par 'gyur te/ bya ba la sogs pa'i rim pas rdo rjes mtshan pa'i mdung rtse gsum pa'i phyag rgya 'dzin pas gar byed pa'o/ /'dod pa'i dbang mo'i phyag rgya chen po bstan par bya ba'i phyir/lcug ma zhes bya ba la sogs pa gsungs te/ lcug ma gang yang rung ba ni/ a mra la sogs pa'i lcug ma gang yang rung ba g.yas pas bzung la g.yon pa 'gying ba dang bcas pas 'dod pa thams cad kyi lcug ma gnas pa yin par shes par bya'o/ /rta gdong gi phyag rgya chen po bstan par bya ba'i phyir/myang ba zhes bya ba la sogs pa gsungs te/ myang ba rngub pa ltar byas pas/ /zhes bya ba ni myang ba'i tshul sngon du song bas hUM zhes brjod pas so/ /rdo rje'i gdong yang sna la hUM/ /zhes bya ba la sogs pa rngub cing myong ba'i tshul sngon du 'gro bas gnas par byed pa'o//mig tshugs zhen par blta ba ni/ /zhes bya ba ni/ kun nas myang ba'i tshul du blta bas zla ba dang nyi ma'i dkyil 'khor thogs nas rdo rje sgron ma gnas pa'o/ /thams cad bdag nyid myang ba yis/ /zhes bya ba ni thams cad bdag nyid de/dngos po thams cad kyis myang ba'o/ /'di skad ston par 'gyur te/ ro langs ma kham phor ka pA la dang / sna tshogs rdo rje'i steng du sangs rgyas kyi sku bzhag pa 'dzin te gnas pa'o/ /lhag ma rnams kyi phyag rgya chen po ni 'dir sngar bshad zin pa dang / gzhung nyid du gsal bas rnam par ma bkrol lo//de nas phyag rgya ye shes 'di/ /zhes bya ba ni bshad ma thag pa'i phyag rgya chen po'i ye shes so/ /glu zhes bya ba ni 'og nas 'chad pa rnams so/ /srid pa shin tu bsgrubs pas ni/ /zhes bya ba ni mi gnas pa'i mya ngan las 'das pa thob pa ste/ 'dis ni rol pa dang bcas pas gar byas la rdo rje sems dpa'i dkyil 'khor du bdag nyid phyag rgya chen po ji lta ba bzhin du bcing bar bya'o//glu bstan par bya ba'i phyir/ rdo rje sems dpa' zhes bya ba la sogs pa gsungs te/ kye rgyun mi 'chad pa'i bde ba dang / yid bde ba'i ngo bo nyid du gyur pa'i dpal rdo rje sems dpa' khyod dang bdag ni gnyis su med pa'i ngo bo nyid las gyur pas bdag gi phyir mngon du gyur par bsgrubs la rtogs shing khong du chud par mdzad du gsol zhes pa'o//mkha' 'gro sgyu ma sna tshogs pa ni sprul pa sna tshogs pa ste/ des 'gro ba'i rgyud rnams rnam pa sna tshogs 'dul ba'i mchog /grub pa bdag la grub par mdzad du gsol/ /zhes pa ni bde ba mchog gi ngo bos so/ /mngon du mdzod cig ces bya ba ni/ kye bde ba'i ngo bo nyid kyis so/ /de bzhin gshegs pa kun gyi ngo bo nyid kyi bde ba ni byang chub kun gyi bde ba chen po'o/ / de'i bdag nyid kyi mkha' 'gro sgyu ma ni sgrol ma'i sprul pa'o/ /de nyid sna tshogs bde ba'i mchog ste/ sgrol ma'i ngo bo nyid kyi don rnams grub par mdzod cig ces bya ba'i don to/ /a la la la la ho zhes bya ba la sogs pa rnam pa sna tshogs pa'i de bzhin gshegs pa'i gar rnams mdzad du gsol zhes pa ste/shi shi'i sprul par rab tu ston cig ces bya bar sbyar ro/ /dzaHhUM baM hoH/ zhes bya ba ni/ rim bzhin du bde mchog dang sgrol ma la sogs pa rnams kyi nye bar bskul ba ste/ zung la rnam par sprul zhes pas kyang bde mchog dang / kye ma bde ba mchog gi rim bzhin du bskul ba'o//hUM snang bar mdzad du gsol zhes bya ba ni sgrol ma'i 'o/ /slob ma gzung du gsol zhes pa ni shi shi yi'o/ /de bzhin gshegs kun sna tshogs mkha' 'gro sgyu ma zhes bya ba ni lha mo lhag ma rnams kyis so/ / rnam par snang mdzad kyi 'byung ba bstan pa'i phyir/ rnal 'byor de nyid ces bya ba la sogs pa gsungs te/ de nyid ces bya ba ni rdo rje sems dpa'o/ /thar pa thams cad ni 'jig rten dang 'jig rten las 'das pa ste/ srid pa las nges par 'byung ba'i mtshan nyid do/ /de'i rnam par dag pa ni gang zag dang chos la bdag med par khong du chud pa'o//de rdzogs pa ni sangs rgyas kyi phyag rgya la rab tu gnas pa'o/ /don dam pa ni chos kyi dbyings te/ de ni rnam par dag pa'i phyir ro/ /chags med ni nye bar dmigs pa thams cad kyi phyir phyogs pa'o/ / sogs pa'i sgra ni zhe sdang dang bral ba dang / khong khro bas ma bcos pa dang / dngos po rnams la rjes su chags pa mi dmigs pa dang / gti mug dang bral ba ste/ bdag la sogs pa'i rnam par rtog pa spangs pa'o/ /gang chags pa med pa la sogs pa dang / chags pa chen po dang ldan pa de dag ni/chags med la sogs chags chen phyir te/ de dag gis ni chags pa med pa la sogs pas ni dkar ba yin la/ chags pa chen po ste/ thugs rje chen po dang ldan pas na sna tshogs gsal ba'i mdangs can no/ /rin chen chos ni chos kyi bdag nyid can gyi rin po che'o//de las lhag pa ni gzhan pa'o/ /byang chub kyi sems ni byang chub kyi bdag nyid can gyi sems te/ byang chub la 'jug pa'i sems so/ /de'i don theg pa chen po ston pa'i bdag nyid can gyi chos te/ de nyid ni rdo rje rin chen no/ /de 'di la yod pas na/ de bas theg chen byang chub sems//rgyal ba rdo rje rin chen can/ /zhes bya'o/ /bcom ldan 'das kyi phyag rgya chen po ni/ g.yon pa'i khu tshur bcangs pas g.yas pa'i mthe bong dang / mdzub mo gnyis kyis sor mo thams cad la reg pa'o/ /shes rab pha rol phyin gsal zhing //zhes pa 'dis ni de nyid ston te/ phyag rgya 'dis ni phung po lnga dang / rigs lnga ma lus par bdag med par ston pa yin no/ /g.yas pa'i yan lag ces bya ba la sogs pa'i sgras ni skyil mo krung bcas pa'i tshul bstan pa yin no/ /rdo rje khu tshur bcangs nas ni/ / zhes bya ba ni/ sangs rgyas kun brjod ma'i phyag rgya chen po yin te/ lag pa g.yas pa'i mthe bong nang du bcug ste/ srin lag gi rtsar mthe bong gi ltos rtse mo mnan pa'i rdo rje khu tshur bcangs la/ lag pa g.yon pas steng nas g.yogs shing dgab pa'o/ /gzhan dag na re sangs rgyas kun brjod ma la sogs pa ni/rdo rje khu tshur gos dri ma med pas bkab ste/ phyag rgya bcings la gzung ngo zhes zer ro/ /rdo rje khu tshur de nyid las mthe'u chung brkyang ba ni he ru ka'i phyag rgya ste/ de la lag pa g.yas pas byas la g.yogs par bya'o/ /de bzhin zhes bya ba ni lag pa g.yon pa de ltar byas pa ni shin tu rgyal mo yi'o//pad+ma'i bud med khu tshur ni/ /zhes bya ba ni khu tshur bcangs pa la gung mo dang / mdzub mo dang / mthe bo'i rtse mo sbyar bar byas pa ni pad+ma'i khu tshur te/ lag pa g.yas pas byas la g.yon pas dgab pa ni kun tu bzang po'i phyag rgya'o//rin chen mdzes pa'i khu tshur yang / /zhes bya ba ni/ khu tshur byas la rtse mo sbyar bar byas pa ni/ rin po che'i khu tshur te/ lag pa g.yas pas bcings la lag pa g.yon pas dgab pa ni mi zad pa'i za ma tog gi phyag rgya'o/ /sangs rgyas khu tshur bcings nas su//zhes bya ba ni/ mthe bo'i steng du sor mo thams cad kyi rtse mo gzhag pa la lag pa g.yas pas byas la/ g.yon pas dgab pa ni sangs rgyas thams cad kyi yan lag dang ldan ma'i'o/ /gzhan dag na re 'dir snying gar sangs rgyas gzhag pa dang / dpung pa gnyis su rdzogs pa'i sangs rgyas kyi dpung rgyan can/mgrin par sangs rgyas gtso bo 'jog pa mgul rgyan dang / do shal dang / mgo thams cad du sangs rgyas kyi sku gzugs yod pa/ lag pa g.yas pas sangs rgyas 'dzin pas byin gyis brlabs pas na/ sangs rgyas thams cad kyi yan lag dang ldan ma zhes bya'o zhes man ngag las bshad do//bud med phyag rgya bcings nas su/ /zhes bya ba ni lag pa g.yas pa'i khu tshur bcings la lag pa g.yon pas dgab pa ni zhal bzangs ma'i phyag rgya'o/ /la la na re lag pa g.yon pa'i khu tshur rang gi snying gar bstod pa'i tshul ni bud med kyi phyag rgya ste/de 'dzin pa la lag pa g.yon pas me long bzung ste/ dga' bas rang gi rang bzhin gyi gzugs brnyan blta bas gnas pa'o/ /de bas na zhal bzangs ma zhes zer ro/ /sor mo thams cad kyis mthe bo bsdus pa ni rta mchog gi khu tshur te/de lag pa g.yon pas bkag pa ni sprin chen mo'i phyag rgya'o/ /khu tshur bcangs nas mdzub mo dang mthe bong gnyis mig gi rnam par byas pa ni grub pa'i spyan gyi khu tshur te/ lag pa g.yas pas bcings la g.yon pas bkab pa ni nam mkha'i spyan gyi phyag rgya'o/ /khu tshur de dag thams cad kyang rang gi mtshan ma nang du 'dzin par blta bar bya'o//de dag gi sku mdog ni go rims bzhin du shel dang / gser dang / pad+ma dmar po dang / sna tshogs pa dang / gur gum dang / me long gi mdog dang / bai DUr+ya dang / ser po rnams so/ /gling bu la sogs pa'i phyag rgya chen po ni rdo rje sems dpa'i dkyil 'khor du bshad pas/'di dang dkyil 'khor gzhan dag tu yang rang gi lha lhag ma ji lta ba bzhin du der yang de nyid kyi phyag rgya chen po rnams kyang blta bar bya'o/ /phyag rgya shes pa ni bshad ma thag pa'i phyag rgya chen po shes pa'o//sangs rgyas sprul pa'i klu mchog ni/ /zhes bya ba ni de bzhin gshegs pa 'byung ba'i glu'o/ /glu 'di dag nyid rim bzhin du bstan pa'i phyir/ slong bar byed pa zhes bya ba la sogs pa gsungs te/ slong bar byed pa dang sna tshogs 'brang ba dag ni sngar bstan pas bshad pa yin no//de ni 'di skad ston par 'gyur te/ sha rdza'i dbyangs kyis glu gnyis pa'i glu blangs pa dang / de ba ti'i dbyangs kyis glu blangs la 'di dang sbyar ba yin te/ 'dir dang po 'gying ba dang bcas pa'i rjes su gar byas pa sngon du 'gro bas phyag rgya chen po de dag thams cad bcing bar bya'o//'jig rten gyi khams mang zhes bya ba la sogs pa ni 'jig rten gyi khams rdul phra rab kyi grangs snyed khyab pa'i sku'i tshogs dang ldan pa gang yin pa de la ni de skad ces bya ba ste/ de rnams kyi rgyal ba'i don thams cad la rab tu 'jug cing /rab tu phra ba'i rdul gyi grangs snyed kyi rgyal ba'i don thams cad la gsal bar 'jug pas rgyal ba'i don rnams rab tu phra ba'i rdul gyi grangs snyed de/ de rnams kyi rnam par 'phrul par mdzod cig ces sbyar te/ rdul phran gyi grangs snyed du yongs su sprul pa'i sku'i tshogs kyis 'jig rten gyi khams thams cad du khyab cing so sor zhugs pa gang yin pa des gsal zhing mngon sum du rdul phran gyi grangs snyed kyis gang du rnam par rol pa de la de skad ces bya ste/byed pa'i tshig med par bstan pa yin no/ /srid pa ni mi gnas pa'i mya ngan las 'das pa ste/de nyid ni bde ba chen po'o/ /de la bod pa ni de bzhin gshegs kun rnam sprul sna tshogs kyis zhes pa ste/ rnam par snang mdzad la sogs pa'i sprul pa rnams so/ /rnam par 'phrul par mdzod cig ces bya ba ni mdzes par gar mdzod cig pa'o/ / ho zhes bya ba ni dgyes par bya/ dpal rnam par snang mdzad sbyor ba pa zhes pa yang bod pa'i tshig ste/ de ring khyed bdag rab tu grub par mdzod cig pa ni tshig gi lhag ma'o/ /de nas bud med ces bya ba la sogs pa ni sngar bshad zin to/ /dpal he ru ka'i 'byung ba bstan pa'i phyir/de dag nyid ces bya ba la sogs pa gsungs te/ de nyid ces bya ba ni rdo rje sems dpa'o/ /dam tshig la sdang ba zhes pa ni mi bden la gdug cing gtum pa rnams so/ /phyag rgya chen mo ni 'dir bcom ldan 'das te sngar bstan pa'o/ /gos chen po ni phyugs chen po'i pags pa'o//blugs pa chen po zhes bya ba ni thod pa'i cod pan gcig ste/ rdo rje kun nas 'bar bas mtshan pa de'i thod pa'i phreng ba can gyi cod pan no/ /la la dag ni tshogs kyi dkyil 'khor gzhan dag tu blugs pa zhes pa ni/ rdo rje phyag rgya yin par yongs su rtog la gos chen po yang dur khrod kyi thal bar 'dzin par bstan to//phyag mtshan dang phyag rnams kyis ni 'di ltar phyag brgyad par rtog ste/ gnyis kyis ni ba dan gyi tshul du mi'i pags pa 'dzin la/ gnyis kyis ni dbang bskur ba'i tshul gyis rdo rje'i phyag rgya 'dzin la yang g.yas kyis ni rdo rje rtse lnga pa 'bar ba gsor/g.yon gyis ni rdo rje kha T+wAM ga 'dzin/ yang g.yas kyis ma hA rak+tas bkang ba'i kham phor 'dzin/ yang g.yon gyis ni ma hA maM sas bkang ba'i ka pA la 'dzin pa'o zhes zer ro/ /gzhan dag na re phyag bzhi pa la gnyis ni mi'i pags pa'i gos 'dzin la/gnyis ni snga ma bzhin no zhes zer ro/ /rdo rje kha T+wAM zhes bya ba ni rdo rje gsum pas mtshan pa'i kha T+wAM de la dril bu btags la/ de'i sgra sil sil 'khrol ba ni rdo rje kha T+wAM ga rdo rje dang bcas pa la dril bu 'khrol bar sgra dang ldan pa'o zhes pa gnyis pa'o mtshams sbyar ba'o//de dag dang ldan pas na rdo rje kha T+wAM ga dang rdo rjer bcas pa'i dril bu 'khrol ba'i sgrar bcas pa zhes bya'o/ /phyag rgya sna tshogs rnam 'phrul ba/ /zhes bya ba ni phyag rgya chen po'i gar byed pa la rab tu 'jug pas so/ /se ral kha'i tshul du dpung pa g.yon pa la kha T+wAM ga yan lag la brten pa'i tshul dang ldan pa'i phyag rgya chen po de ji lta bu zhe na/se ral kha'i zhes bya ba la sogs pa gsungs te/ de ni 'di skad ston pa yin te/ ma hA rak+tas bkang ba'i ka pA la 'dzin pa'i lag pas rdo rje kha T+wAM ga la rgyab brten byas te/g.yas pa ba dan gsum pas 'bar ba'i phreng ba can gyi rdo rje rtse lnga pa bsnams pa'o/ /g.yas dang g.yon gyi sbyor ba yis/ /zhes bya ba ni brla g.yon pa la rkang pa g.yas pa gzhag pas so/ /bde bar 'bab pa'i gar byed pas/ /zhes bya ba ni gnas pa 'dis 'dus pas so//skyil mo krung ni phyed bcas la/ /zhes bya ba ni rkang pa g.yon pa sa la gzhag pas so/ /rkang pa rang gi brlas zhes bya ba ni brla g.yon pa dang sbyar bas so/ /bsdams nas zhes bya ba ni yang rkang pa g.yas pa g.yon pa'i steng du gzhag ste/ brla'i bar du bcug nas btsir ba'o//de nyid kyis ni zhes bya ba ni skyil mo krung ngo / /de nas bde bar brla bsdams nas/ /zhes bya ba ni/ de'i nang du gnas pa'i bsgrub par bya ba'i rkang pa g.yas pas rkang pa g.yon pa bde bar bsdams nas/ ji ltar mngon par 'dod pa bzhin du phyir btags pa la sogs pa byed do//sgyu ma zhes pa ni dga' ba'i dor thabs so/ /de dag ces bya ba ni skyil mo krung gi phyag rgya'o/ /de nas brla phrag bskyod pa yis/ /zhes bya ba ni de'i nang du bsgoms pa'i bud med kyi rkang pa g.yas pas brla g.yon pa bskyod cing bsgul bas/dpal he ru ka'i 'bab pa ste/ de'i sbyor bas sangs rgyas kyi mkha' 'gro gang yin pa de la de skad ces bya'o/ /dkyil 'khor 'dir zhi ba'i gdong can ni dkar mo'o/ /rmongs pa'i gdong can ni rab rmongs ma'o/ /shin tu dga' ba'i gdong can ni sbos byed ma'o//rnam par 'gyur ba'i gdong can ni gtum mo'o/ /shi ba ldang ba'i tshul gyis gdong can ni sme sha can te/ las rnams kyang zhi ba dang / drag po dang / rmongs pa dang / 'chi ba slong ba dang / 'chi ba ldang ba dang / lta ba rnams ni rim bzhin shes par bya'o/ /de bzhin du me tog dang /bdug pa dang / chang dang chu dang / lcug ma dang / ras dang / me mar rnams kyang bsgrub par bya ba gang yin pa de la re res sbyin na des rgyas 'debs so/ /rtse gcig mnyam par sbyor ba yis/ /zhes bya ba ni dkar mo'i sbyor ba dang ldan pa'i bsam gtan gyis kyang phyag rgyas 'debs pa'o//gnyer ba'i tshul ni rku byed ma'i sbyor ba dang ldan pas snying 'dren pa'o/ /bde ba sbyin pa'i tshul gyis ni rab myos ma'i sbyor ba dang ldan pas rmongs par byed pa'o/ /ro langs ma'i sbyor ba dang ldan pas ni shi ba la chus mngon par 'thor zhing slong ba'o//se gol brdab pa dang ldan pa na sbos byed ma'i sbyor ba dang ldan pas ni gar byed pa'o/ /dal bus gyen du rab 'byin pas gtum mo sbyor ba dang ldan pas gsod par byed pa'o/ /dbugs 'byin pa'i tshul gyis sme sha ma'i rnal 'byor gyis za bar byed pa'o/ /gzhan yang g.yon du lta bas blta zhing /dkar mo'i sbyor ba dang ldan pas rgyas 'debs so/ /bsgrub par bya ba'i snying gar blo bcug la yi ge ho zhes pa dang lag pas drang ba'i rku byed ma'i sbyor bas snying 'byin pa'o/ /mngon du za ba'am bsgrub par bya ba la'o/ /byed pa ni rab rmongs ma'i sbyor bas rmongs par byed do//mngon du yid kyis 'khyud pa'i ro langs ma'i sbyor bas 'chi ba slong bar byed do/ /bsgrub par bya ba dang gnyis su med par gyur nas gar byed pa'i sbos byed ma'i sbyor bas gsod par byed do/ /bsgrub par bya ba dang gcig tu gyur pa bde ba'i rab tu rmongs pas rnam par myos pa'i gtum pa'i sbyor bas brgyal bar byed do//za ba'i tshul can sme sha ma'i sbyor bas za bar byed do/ /mda' bzhi btsugs pa'i tshul gyis tshangs pa gdong bzhi pa'i mgo bo ltung bar byed pa'i rgyas 'debs so/ /'jig rten gsum las brgal ba'i tshul can rku byed ma'i sbyor bas lcags kyus 'dren cing snying 'byin to//sa la 'dren pa'i tshul can rab rmongs ma'i sbyor bas rmongs par byed do/ /bdud rtsi'i bum pas dbang bskur ba'i tshul can ni ro langs ma'i'o/ /rang gi phyag rgya'i tshul bstan pa ni ro langs ma'i sbyor ba ste/ de dang ldan pas 'chi ba slong bar byed do/ /bsgrub par bya ba dang lhan cig gnyis su med par gyur pas dur khrod du mchog tu sbyor ba thams cad las mngon par 'dod pa'i dbang gis rdzogs par gyur par blta bar bya'o/ /bdun pa las kyi phyag rgya yin/ /zhes bya ba ni de dag nyid ni las kyi don gyi phyag rgya'o//mdog ni dkar ba dang / dmar ba dang / nag po dang / dkar po dang / ljang gu dang / sngon po dang / nag po'o/ /phyag rgya'i lan zhes bya ba ni gzhan dag gis legs par rgyas 'debs pa de'i don du mi tshugs par bya ba'i phyir rab tu sbyor ba bya ba gang yin pa de ni phyag rgya'i lan te/dpal ldan g.yon dkur brten pa la/ /dpal ldan lag pa g.yas pas pad+ma'i khu tshur bcings la/ mig rab tu bltas pa'i rdo rje pad+mo'i slong ba 'di dang / rdo rje glu dang gar dang ldan pa'i phyag rgyas so/ /gang zhig 'joms par byed ce na/ de nas zhes pa ste/he ru ka la sogs pa'i phyag rgya zhes pa'o/ /dpal ldan rdo rje'i sbyor ba ni he ru ka'o/ /de'i glu blang ba ni/ gang gis gar byed pa sngon du 'gro bas phyag rgya chen po bcings pa'o/ /gzigs pa rnam pa sna tshogs 'gyur ba'i phyag rgyas thob la zhes bya bas ni zhal drag po ston to//'o byed 'khyud pas rmongs mdzad de/ /zhes bya ba ni zhal gnyis pa rab tu rmongs pa'o/ /bde ba'i mchog ston kun gsol zhes bya ba ni zhal gsum pa za byed kyi rang bzhin no/ /bde mchog ngo mtshar bstan du gsol/ /zhes bya ba ni zhal bzhi pa sgeg pa'o/ /rgyas btab ces bya ba la sogs pas ni zhal bzhi'i sgo nas rim pa bzhin du bskul ba'o//hUM a la la la ho snang bar mdzod ces pa ni snang ba bskul ba'o/ /lhag ma rnams ni snga ma bzhin no/ /dkar mo la sogs pa'i glu bstan pa'i phyir dam tshig dag la zhes bya ba la sogs pa gsungs te/dam tshig la gzhug tu gsol zhes pa ni 'da' bar ma mdzad cig pa'o/ /nyon mongs kun las rgyal bar mdzod/ /ces pa ni nyon mongs pa thams cad las rgyal ba ste he ru ka'o/ /ma lus pa dag bsnams su gsol/ /zhes pa ni gang gis sems can thams cad la longs spyod pa'o zhes bya bar sbyor ro//pad+ma gar gyi dbang phyug gi 'byung ba bstan pa'i phyir/ rnal 'byor de nyid ces bya ba la sogs pa gsungs te/ de nyid ces bya ba ni rdo rje sems dpa'o/ /'dod chags thams cad ni bdag la sogs par zhen pa'o/ /de'i rnam par dag pa ni//gang zag dang chos la bdag med par bsgoms pas rnam par rtog pa dang bral ba'o/ /pad+ma'i phyag rgya dpal du gnas/ /zhes bya ba ni/ 'dod chags rnam par dag pa ston pa'i phyag rgya chen po sku mdog dkar po mi 'gyur ba ni 'dod chags thams cad stong pa nyid do//de'i grub pa ni thugs su chud pa'o/ /shel sgong shin tu dag pa 'dra/ /zhes bya ba ni/ shel gyi mdog can no/ /'dod chags thams cad ni gdul ba'i dbang gis du ma nyid du gnas pa'i thugs rje chen po'o/ /des gsal ba'i phyir 'bar ba sna tshogs 'khrigs pa'i 'od de/kha dog rnam pa sna tshogs pas 'bar zhing 'khrigs pa'i 'od kyi dkyil 'khor can no/ /sangs rgyas tshe'i zhes bya ba ni tshe dpag med do/ /de nyid rin po che ste des spras pa ni/ dbang bskur zhing brgyan pas na/ sangs rgyas tshe'i rin po ches spras pa'i phyir 'di ni rgyan rnam pa sna tshogs dang ldan pa'o//zhes mtshams sbyar ba'o/ /sangs rgyas thams cad 'dus pa yis/ /zhes bya ba ni/ de bzhin gshegs pa 'dus pa mdzad pas so/ /bde ba can bzhin dam par 'gyur ro zhes pa ni/ 'jig rten gyi khams bde ba can dang 'dra'o//gar thabs rnam pa sna tshogs kyis/ /zhes bya ba ni rnam pa sna tshogs pa'i gar thabs kyis yongs su bsgyur zhing rab tu 'byung ba ste/ des pad+ma dang sna tshogs pad+ma la sogs pa pad+mas mtshan pa dang / rdo rje dang / dung dang / ral gri dang / 'khor lo dang / dbyig pa dang / gtun shing la sogs pa ni pad+ma dang bcas par gnas pa ni pad+mar bcas pa'o/ /pad+ma'i mchog pad+mar bcas pa des phyag rgya rnams 'khor lor bskor zhes bya bar sbyar ro/ /pad+ma'i sgyu mas rnam sbyangs nas/ /zhes bya ba ni pad+ma'i mkha' 'gro ma rnams kyis so/ /rkang pa g.yas pa sa la gzhag ste/pad+ma'i gdan gyis rkang pa g.yon pa skyil mo krung gi tshul du gzhag pa ni skyil mo krung phyed pa'o/ /bud med phyag rgya zhes pa ni khu tshur gyi phyag rgya'o/ /bcing bar bya zhes pa ni bcings pa ste 'jog pa'o/ /snying gar zhes bya ba ni lhag ma ste/ lag pa g.yon pas gzung bar bya'o//chu srin tshul du bsgreng bar bya/ /zhes pa ni mchod rten gyi rgyal mtshan 'dzin pa ste rnam par lta ba'o/ /de ltar grub pa ni rnam dag dpal du 'gyur ro/ /de bzhin du sgrol ma la sogs pa ni byang chub mchog la sogs pa ste/ de dag kyang rim bzhin bstan pa'i mdog ni ljang gu dang /sngon po dang / dkar po dang / gser mdog dang / dmar po'o/ /de nas zhes bya ba ni bshad ma thag pa'o/ /phyag rgya zhes pa ni las thams cad kyi phyag rgya'o/ /rab tu bsgrub ces pa ni rnam par dag pa bud med la sogs pa thob pa ste/ gang gis gar sngon du song bas phyag rgya chen po bcing ba byas nas/kye sems dpa' pad+mo dag mchog tu sgyu ma'i dga' ba bstan du gsol zhes brjod par sbyar ro/ /de bzhin gshegs pa kun la sogs pa zhes bya ba la sogs pa'i sgras rdo rje 'dzin pa tshangs pa la sogs pa'i gzugs 'dzin pa yin par shes par bya'o//sems can rnam pa sna tshogs 'dul ba ni gti mug rab tu spong ba'i mtshan nyid can yin pas na/ sems can rnam pa sna tshogs 'dul ba dang / mchog gi dngos grub mnga' ba'o zhes pa gnyis pa'i mtshams sbyar ba'o/ /de la sems dpa' pad+ma dga' mchog sgyu ma'i dga' ba zhes pa ni/pad+ma'i mkha' 'gro'i dga' ba'o/ /kye gar dbang mthar dga' ba'i gar mdzod cig ces pa ni thar pa la dgyes pas/ sems can thams cad kyi gti mug rab tu spong bar spyod pa'i'o/ /de bzhin gshegs pa kun la sogs pa'i gzugs mchog sna tshogs 'dzin zhes bya ba de nyid gsal bar bstan pa'i phyir/sangs rgyas zhes bya ba la sogs pa gsungs te/ pad+mo sgyu ma zhes pa ni pad+ma'i dga' ba'i sgyu ma'i dga' ba'i dpal lo/ /rnam pa sna tshogs zhes bya ba la sogs pas ni lha mo rnams kyi glu bstan pa yin te/ rnam pa sna tshogs pa ni rnam pa tha dad pa'i tshul gyis sems can rnams 'dul bar mdzad pa'i phyir/bya ba sna tshogs pa'i gar gyi rnam pa ste/ des gar mdzad pa'o/ /des dag pa ni pad+mo dam tshig dbang phyug sangs rgyas gar rnams mdzad du gsol zhes pa ste/ kye grogs po rnams zhes pa'o/ /pad+mo 'dzin pa'i gar gyi mchog ji lta bu zhe na/'dod chags sad par mdzad pa yin te/ ji ltar pad+ma rab dmar yang / /zhes bya ba la sogs pa de la spyan ras gzigs dbang phyug gis thugs rje chen po rab tu 'phel bar mdzad pa'i sems can thams cad rnam par sbyong zhing gar mdzad pa'o//rdo rje nyi ma'i gleng gzhi bstan par bya ba'i phyir/ rnal 'byor de nyid ces bya ba la sogs pa gsungs te/ de nyid ces bya ba ni rdo rje sems dpa' ste/ ser sna can rnams ser sna rab tu spangs te/ 'khor gsum yongs su dag pa'i sbyin pa la 'jog pa ni nor mchog rab tu sbyang ba ste/de'i phyir nyi ma lta bu'i gzugs dang / spyod lam dang tshul dang / gzi brjid chen po gang la yod pa de la de skad ces bya'o/ /phyag g.yas pas ni mda' 'dzin/ g.yon pas ni gzhu 'dzin/ yang g.yas pas ni ral gri bsnams/ g.yon na ni rdo rje nyi ma'i dkyil 'khor bsnams la/sgeg pa dang ldan zhing 'dzum pa dang bcas pa'i g.yon pa 'byed cing gyen du 'degs pa'o/ /rdo rje pus mo gnyis bcings te zhes bya ba ni/ pus mo g.yon pa'i steng du pus mo g.yas pa'i lha nga gzhag pa'o/ /bdag gi stan la 'dug nas ni/ /zhes bya bas ni/rkang pa g.yon pas skyil mo krung phyed kyi tshul gyis yang dag par mnan pa ni bdag gi stan te/ rkang pa g.yas pa rkang pa g.yon pa'i 'og tu gzhag par bya'o/ /ji lta'i tshul dag ston pa dag /ces bya ba ni/ ji lta'i cod pan phyed la sogs par ston pas so/ /'di dag gi sku mdog ni rim bzhin du pad+ma dmar po dang /le brgan dang / bai DUr+ya dang / gser gyi mdog can no/ /la la na re rnam par snang mdzad la sogs pa'i lha mo rnams ni rang rang gi bdag po'i sku mdog dang mthun pa'o zhes zer mod kyi de ni ma yin te/ kha dog ma tshang ba nyid kyi phyir dang / mnyam par thal ba'i phyir dang / cho ga'i nang nas de skad mi smos pa'i phyir ro/ /las rnams thams cad rab bsgrub pa/ /zhes bya ba ni drag po la sogs pa khams gsum na gnas pa rnams btul ba'o/ /rgyal po sgyu ma mchog gi glu/ /zhes bya ba ni rdo rje nyi ma 'byung ba'i glu ste/ gang gis gar sngon du 'gro ba'i phyag rgya chen po bcings pa'o/ /khams gsum ni 'jig rten gsum mo/ /kun gyi rgyal srid ni der dbang bskur ba'i sprul pa ste/ des na gdul bya rnams kyi ser sna spang ba'i phyir/ dbang bskur ba la sogs pa ni mchog gi nor dang ldan pa'o/ /'di ni dbang bskur ba'i sgo nas bskul ba'o//'jal dum g.yul 'gyed rnam mang khyad par sangs rgyas kyis 'dul bzhes bya ba ni sdums dang 'dul ba dang chad pa phul du byung bas so/ /de nas g.yul 'gyed pas rgyal ba ni/ ser sna rab tu spong bar mdzad nas sems can phun sum tshogs pa rnam pa mang po thob par mdzad pa gang yin pa de la de skad ces bya'o//de ni rgyal po bde mchog sgyu ma ste/ gter gyi sgo nas bskul ba'o/ /rnam pa sna tshogs 'jal dum rnam par rgyal ba ni sems can rnams kyi rgyud la yod pa'i ser sna rnams spong ba'o/ /de'i don du rgyal mtshan te rgyal mtshan mchog gi sprul pa gang la yod pa de la de skad ces bya ste/'di ni rgyal mtshan mchog gi sgo nas bskul ba'o/ /rgyal po ni rdo rje nyi ma ste/ de yi ngo bo nyid du gyur pa bde ba'i mchog ni bde ba'i dam pa'o/ /de thob pa'i phyir sems can rnams kyi mchod pa chen po sprul pa'i sgyu ma'o//de nyid ni tshul ldan te tshul zhes pa ni sprul pa bzhin du blta bar bya ste/ 'di yang mchod pa chen po'i sgo nas bskul ba'o/ /gzhan yang sems can sprin la byang chub ces bya ba ni dbang bskur ba'i sgo nas so/ /mchod sbyin sna tshogs zhes bya ba la sogs pa ni gter gyi sgo nas so//bdag gi re ba kun sgrubs myur du ston/ /zhes bya ba ni rgyal mtshan mchog gi sgo nas so/ /a la la zhes bya ba la sogs pas ni/ mchod pa chen po'i sgo nas lha mo rnams kyi glu bstan par bya ba'i phyir/ mi zad gter gyi zhes bya ba la sogs pa gsungs te/ mi zad gter gyi dbang bskur ba'i//zhes bya ba ni/ mi zad pa dang / dbang bskur ba dang / rnam par rgyal ba dang / rgyal mtshan dang mchod pa ste/ ma lus pa zhes bya ba ni thams cad du khyad par 'di dag thams cad kyang dbang bskur ba la sogs pa'i sprul pa rnams kyis so/ /de dag thams cad kyang bud med rin po che rnams kyi phyir te/sems can rnams kyi dbang bskur ba la sogs pa'i don du rnam par dag pa'i bud med thob pa'i rgyu nyid do/ /rin chen sna tshogs kun nang na/ /bud med rin chen gcig pu mchog /ces pa ste/ rin po che bsags pa thams cad kyi nang na bud med rin po che gcig pu ni mchog ste/dam par gyur pa nyid yin no/ /ji lta bu zhe na/ bud med rin chen dag pa dam pa ni dbang bskur ba la sogs pa'i ngo bo nyid dang / nyes pa thams cad dang bral ba yin pas na bud med rin po che gang yin pa de ni dbang bskur ba la sogs pa dang /ting nge 'dzin dang bsgom pa la sogs pa thams cad kyi rtsa ba'o/ /de bas na de las thob pa ni rgyal srid thams cad mnyam sbyor ba ste/ rdo rje nyi ma'i sbyor ba'o/ /dpal rta mchog gi sbyor ba bstan pa'i phyir/ rnal 'byor de nyid ces bya ba la sogs pa gsungs te/thams cad dag par mos pa yis/ /zhes bya ba ni le lo spang ba sngon du byas pas sems can rnams brtson 'grus bskyed par dgongs pas so/ /'jig rten thams cad ces bya ba ni dbang phyug dam pa la sogs pa'o/ /rab tu 'joms zhes bya ba ni/ gnon pa ste phyag gi rnam pa gyen du 'byung ba'i cha bye brag la sogs pa'o//phyag bzhi pa zhes bya ba ni so sor bstan pa ste/ g.yon na khu tshur gyis sna tshogs pad+ma bsnams/ g.yas pa ba dan gsum pa bsgreng ba'i tshul gyis sna tshogs rdo rje bsnams pa'o/ /phyag gnyis na ni rdo rje sems dpa' la sogs pa'i phyag mtshan las ci dga' bar bsnams pa'o//gzhan dag na re phyag ni rnam pa bzhi bzhi zhes zer te/ rgyud gzhan dang rjes su mthun pa ste/ g.yas kyi bzhi la ba dan gsum pa bsgreng ba'i tshul can dang / sna tshogs rdo rje bsnams pa dang / ral gri dang mda' bsnams pa ste bzhi'o//g.yon gyi khu tshur gyis sna tshogs pad+ma 'dzin pa dang / mdung dang / dbyig pa dang / gzhu bsnams pa ste/ phyag brgyad pa'o zhes zer ro/ /zhabs bzhi pa zhes bya ba g.yas brkyang ba dang / g.yas kyis gsum grub ma dang dpal mo gnon pa g.yon gyis mig gsum pa dang /khyab 'jug gnon pa/ yang g.yas g.yon gnyis kyis grol ma dang / dga' ba dang / tshangs pa dang / lha'i dbang phyug rim bzhin gnon pas bzhugs nas snga ma bzhin du gar sngon du 'gro bas phyag rgya chen po bcing ba'o/ /glu bstan pa'i phyir/myos byed stong pas lhag pa'i zhes bya ba la sogs pa gsungs te/ myos byed ni 'dod pa'i lha ste/ de stong pas lhag pa'i bde bas 'dod pa'i gzugs ston pa ste/ yid 'phrog pa'i skur sprul pa mdzad pas [(]po[,]so[)]/ /'dis ni zhal dang po sgeg par bstan to/ / gdul ba'i dbang gis zhes bya ba la sogs pas na/ zhal drag po bstan to/ /gzhan yang zhi ba'i skur yang zhes bya ba la sogs pas ni gsum pa zhi ba ste/ tshangs pa'i zhal lo/ /thams cad dag pas zhes bya ba la sogs pas ni bzhi pa rta gdong ngo / /hi hi hi hi zhes bya ba ni pha rol gnon pas rab tu 'joms pa'o//hu lu hu lu zhes bya ba ni zhugs shigs pa'o/ /ru Ta ma Ta zhes bya ba ni dga' ba dang bral ba'o/ /sma ra ra ti ni mngon par dran pa ste/ zhi ba'i nyams dang ldan pa mngon sum du mdzod cig pa'i bar du'o/ /a la la la la ho zhes bya ba ni ngo mtshar du gyur pa'o//sum+b+ha zhes bya ba ni ltung bar mdzod cig pa'o/ /ni sum+b+ha ni zhes bya ba ni brgyal bar ro/ /hUM zhes bya ba ni gsod pas so/ /phaT phaT zhes bya ba ni gdul ba ste/ de dag ni bskul ba'i tshig go/ /lha mo rnams kyi glu bstan pa'i phyir/ mdza' bo mi la zhes bya ba la sogs pa gsungs te/'di ltar bya ba'am mi bya ba yongs su rtog pa'i dga' ba gang yin pa'i mir skye ba ni mdza' ba de yang bcos ma ste/ de la mdza' bo yin zhes mdza' bar su zhig smra/ yang rgol bar brtsam pa gang du bya ba'am mi bya zhes yongs su rtog pa skyes pa de yang rgol ba bcos ma ste/de la dpa' ba yin zhes su zhig zer bar 'gyur/ sna tshogs pad+ma la sogs pa lha mo gnyis ni glu 'di nyid las rjes su dpag pa yin no zhes la la zer ro/ /dkyil 'khor du lha rnams kyi dam tshig gis bzhugs par bya ba dang / rnal 'byor pa rnams kyi yang bdag nyid kyis bsgrubs pas rang gi dam tshig rnams kyis byin gyis brlabs pa'i dam tshig gi phyag rgya rnams bstan pa'i phyir/mdzub mo zhes bya ba la sogs pa gsungs te/ mdzub mos mthe bong mnan nas ni/ /zhes bya ba ni thal mo sbyar ba byas la/ mdzub mo gnyis bkug ste/de'i rtse mo rang gi mthe bo'i rtse mos mnan pa'o/ /rang gi mthe bos mdzub mo mnan/ /zhes bya ba ni mdzub mo de dag nyid dang mthe bo sbyar nas rim gyis bzhugs pa ni dpal grub spyan no/ /rdo rje thal mo sbyar ba bcings la rim pa de nyid kyis rdo rje spyan gnyis byas te/ rdo rje spyan gnyis las mdzub mo gnyis bkug ste/mig gi rnam pa lta bur sbyar nas bcings pa ni dpal rdo rje spyan no/ /grub pa ni rdzogs pa'o/ /'dis ni zhes bya ba ni rdo rje spyan gyis sangs rgyas thams cad la sogs pa nyid du 'grub par 'gyur ba'o/ /rdo rje 'dzin pa thams cad ni rdo rje sems dpa' dang /bde ba'i mchog la sogs pa ste/ de rnams dbang du byed pa'o/ /des na de dag kun gyi phyag rgya 'di dag yin no/ /rdo rje can gyi phyag rgya ni rdo rje sems dpa' de nyid kyi yang yin no/ /rdo rje thal mo sbyar la mdzub mo gnyis bkug ste/ mthe bong gnyis bar du bcug pa ni/ gtsug tor thams cad dang rnam par snang mdzad 'khor dang bcas pa yi'o/ /gyen du dbye ni zhes bya ba rdo rje thal mo sbyar nas gzhag pa las de nyid kyi sor mo rnams gyen du phye nas mdzub mo gnyis bkug la mthe bong gnyis mche ba 'dra bar 'jog pa ste/ 'di ni he ru ka dang de'i lha mo rnams kyi'o/ /rmongs par byed pa zhes bya ba ni brgyal bar byed pa'o/ /rdo rje thal mo mnyam par sbyar nas/ gung mo gnyis mnyam par byas la mthe bong dang mthe'u chung kha phye ba ni pad+ma'i rgyal po 'khor dang bcas pa yi'o/ /mdzub mo mnyam par phyir bkug ste/ zhes bya ba ni mdzub mo gnyis mnyam par byas te/ phyi rol nas bkug pa'o/ /mthe bo rdo rje g.yogs pa ni/ /zhes bya ba ni mthe bo gnyis rdo rjer byas la de'i rtse mo gnyis rtse sbyar nas rjes su bcings pa ste/ 'di ni rdo rje nyi ma lha mo dang bcas pa yi'o/ /mthe'u chung srin lag mnyam par sbyar//zhes bya ba ni mthe'u chung srin lag dang bcas pa brkyang ba ni rkang pa bzhi yi'o/ /mdzub mo rtse mnyam bkug pa ni/ /zhes bya ba ni mdzub mo gnyis mnyam por sbyar la mgrin pa ltar phyi rol bkug pa'o/ /rdo rje dril bu la sogs pa rang gi phyag mtshan dang / phyag rgya 'dzin pa sngon du 'gro bas phyag rgya chen po bcing bar bya'o zhes pa'i dam tshig chen po'i phyag rgya shes pa bstan par bya ba'i phyir/lus dang ngag sems zhes bya ba la sogs pa gsungs te/ lus dang ngag dang / sems nyid rdo rje ste/ de rnams kyi lha dang rjes su 'brel pas so/ /thams cad 'byung ba'i sbyor ba yis//zhes bya ba ni thams cad 'byung ba'i tshul gyis so/ /bdag gis lhar ni zhes pa ni bdag gi lhag pa'i lhar bdag nyid gyur pa de bzhin du sems dpa' chen po spyan drangs pa la sogs pa nas byin gyis brlab pa dang dbang bskur ba la sogs pa'i rim pa rdzogs par byas nas de'i nga rgyal dang ldan pas bsgom pa la sogs pa bya'o//sbyor ba dang / rjes su sbyor ba dang shin tu sbyor ba'i bdag nyid can gyi rnal 'byor gyi phyag rgya shes pa bstan pa'i phyir/ rdo rje sems dpa' zhes bya ba la sogs pa gsungs te/ dpal rdo rje sems dpa' kun du sbyor ba ni thams cad 'byung ba'i sbyor ba ste/des gzugs dang dbyibs ji lta ba dang ldan pa'i sku dang gsung dang thugs rdo rje sems kyi phyag rgya dang ldan pa ni rang gi lhar gyur pa'i sbyor ba can no/ /kun gyi bdag nyid ni rdo rje sems dpa'o/ /kun gyi bdag la ni rang gi lus la'o/ /zhugs par bya ba ni rjes su sbyor ba'o/ / chags pa med cing zhes bya ba la sogs pas ni bdag shin tu sbyor ba ji lta ba dang ldan pa'o/ /de ni 'di skad ston par 'gyur te/ ji skad gsungs pa'i rim pas sbyar ba dang / rjes su sbyor ba rdzogs pas chags pa dang / ma chags pa la sogs pa stong pa nyid du bsgoms nas/ lha mo rnams dang lhan cig tu bdag nyid bsgom par bya'o/ /de bzhin du rnam par snang mdzad kyi rnal 'byor pas kyang / yod pa ma yin med pa min/ /zhes bya ba la sogs pas de kho na nyid bsgom par bya'o/ /de bzhin du dpal he ru ka'i rnal 'byor pas ni/ thams cad nam mkha'i mtshan nyid de//zhes bya ba la sogs pas de kho na nyid bsgom par bya'o/ /de bzhin du pad+ma gar gyi dbang phyug gi rnal 'byor pas ni/ ji ltar pad+ma dmar po 'di/ /zhes bya ba la sogs pas de kho na nyid bsgom pa'o/ /de bzhin du rdo rje nyi ma'i rnal 'byor pas ni/ shin tu gdug cing drag po la/ /zhes bya ba la sogs pas de kho na nyid bsgom par bya'o//de bzhin du rta mchog gi rnal 'byor pas ni/ thams cad dag par mos pa yis/ /zhes bya ba la sogs pas de kho na nyid bsgom par bya'o/ /sbyor ba la sogs pa dang ldan pa'i rnal 'byor pa thams cad bstan pa'i phyir/ sbyor ba ji snyed pa la sogs pa gsungs te/sbyor ba ji snyed ces bya ba ni gar dang glu'i bstan bcos las so/ /kun shes bya ba ni gar la sogs pa'i bstan bcos las bshad pa rnams kyis so/ /bya ba dang ni zhes bya ba la sogs pa ni bde ba mchog gi phyag rgya'o/ /'o byed ces bya ba la sogs pa ni/e ma bde ba'i phyag rgya'o/ /sbyor bar longs spyod ces bya ba la sogs pa ni sgron ma'i phyag rgya'o/ /sbyor ba kun gyi zhes bya ba la sogs pa ni shi shi'i phyag rgya'o/ /rnam par snang mdzad la sogs pa'i phyag rgya nye bar bstan pa yang de bzhin du blta bar bya'o/ /dkyil 'khor du rang gi bdag nyid bsgrubs pas lha rnams kyi zhal gyi phyag rgya la sogs pas rgyas btab pa de nyid bya'o zhes pa ni zhal gyi phyag rgya ji snyed pa bstan pa'i phyir/lha mo kun gyi zhes bya ba la sogs pa gsungs te/ lha mo kun ni bde ba'i mchog la sogs pa'o/ /bde ba chen po ni de dang 'dus par gyur pa'o//de las byung ba ni mdzes pa'i zhal rnam par bsgyur ba ste/ des rdo rje sems dpa' thal bar 'gyur ba dang / 'tsho bar byed ces bya bar sbyar te/ lha mo de rnams nyid dang 'dus pa'i bde ba myong nas sbyor bar mdzes par lta bas gar byed cing mig rnam par 'degs pa gang yin pa dang //zhal rnam par bsgyur ba de la de skad ces bya'o/ /bde ba'i mchog la sogs pa de rnams kyi zhal gyi phyag rgya bstan pa'i phyir/ bud med mkhas pa zhes bya ba la sogs pa gsungs te/ bud med mkhas pa ni sgyu rtsal la byang ba'o/ /de rnams kyi sgyu ma chen po ni/ de rnams kyis mdzes pa'i zhal rnam par bsgyur ba'i rnam par sgeg pas rnam par bsgyur ba'o//ri mor bcas shing sgeg pa'i mchog ni mdzes pa'i rnam par lta bas gar byed cing zhal gyi mdangs dang ldan pa gang yin pa ste snga ma bzhin no/ /sangs rgyas byang chub ces bya ba la sogs pas ni bcom ldan 'das rnam par snang mdzad 'khor dang bcas pa'i zhal gyi phyag rgya bstan te/sangs rgyas kyi byang chub ni sangs rgyas kun brjod ma la sogs pa'o/ /de dang 'dus pa ni mnyam par sbyor ba'o/ /de las rab tu dga' bar byed cing de rnams las gzigs shing 'dzum pa gang yin pa de la de skad ces bya ste/sangs rgyas byang chub len pa'i rab tu dga' zhing lta ba dang [(]mdzum [,]mdzub [)]mo zhes mtshams sbyor ro/ /shin tu srid pa yang dag bsgrubs/ /zhes pa ni mi gnas pa'i mya ngan las 'das pa yongs su rdzogs te de'i don du'o/ /gsang ba lta ba la gnas nas/ /zhes pa ste/ zhi ba'i lta bas gnas pa gang yin pa de la de skad ces bya'o//dpal he ru ka'i zhal gyi phyag rgya dang / rang gi dbugs dbyung ba ni de'i 'khor gyi yang bdag gi 'byung ba bzhin du shes par bya'o/ /steg la sogs pas zhes bya ba la sogs pas ni pad+ma gar gyi dbang phyug 'khor dang bcas pa'i zhal gyi phyag rgya ston to//'dzum pa'i phyag rgya bstan pa'i phyir/ lha mo kun gyi zhes bya ba la sogs pa gsungs te/ lha mo thams cad dang yang dag par 'dus pa mdzad pa'i bde ba chen po ni lha mo kun gyi bde ba chen po'o/ /de dang mdzes pa ni mtshungs pa'o/ /mnan pa ni dpal rdo rje sems dpa' yi'o//'dod chags thams cad ces bya ba nas thal bar 'gyur ba yang 'tsho bar byed ces bya ba'i bar gyis ni rim bzhin du/ bde ba'i mchog la sogs pa'i 'khor dang bcas pa yi'o/ /rnam par snang mdzad 'khor dang bcas pa'i rab tu dga' bar bya ba'i phyir bstan pa yin no/ / dpal he ru ka 'khor dang bcas pa ni rdo rje ha zhes bshad pa'o/ /pad+ma gar gyi dbang phyug 'khor dang bcas pa yi ni steg pa la sogs pa'i dbyings dang ldan pa'i rjes su 'gro ba'i 'dzum pa'o/ /rdo rje nyi ma 'khor dang bcas pa yi ni khro ba dang bcas pa'i zhal 'dzum pa'o/ /rta mchog gi ni rab tu dga' ba'i tshogs kyis 'dzum pa ste/sngar bshad pa bzhin no/ /lta ba'i phyag rgya shes par bstan pa'i phyir/ bde ba myong bar 'gyur ba la sogs pa gsungs te/ bde ba myong ba ni lha mo rnams dang lhan cig shin tu sbyor bas sbyor ba ni bde ba myong bas rab sbyor ba'o/ /des zam zim du blta zhing rnam par 'gyur ba de rnams kyis te/'di ni rdo rje sems dpa' yi'o/ /bud med mkhas pa zhes bya ba la sogs pas ni/ bde ba mchog la sogs pa yi'o/ /sangs rgyas gsang ba yis zhes bya ba la sogs pa ni/ rnam par snang mdzad 'khor dang bcas pa'i'o//smin mtshams khro gnyer 'gyur bcas dang / /zhes bya ba la sogs pa ni/ dpal he ru ka dang de'i 'khor dang bcas pa'i ste/ rang gi 'byung ba bzhin du blta bar bya'o/ /khro zhing 'gyur dang bcas pas 'dzum/ /zhes bya ba la sogs pa ni rdo rje nyi ma 'khor dang bcas pa'o//steg la sogs pa'i ro dang ldan/ /zhes bya ba la sogs pa ni pad+ma gar gyi dbang phyug 'khor dang bcas pa'i'o/ /chos kyi phyag rgya bstan pa'i phyir/ /na mo stu zhes bya ba la sogs pa gsungs te/ lce la rdo rje bzang po bsgom pa mngon du byas nas/ snying gar zla ba'i dkyil 'khor la dgod pa ni/rdo rje sems dpa' 'khor dang bcas pa'i chos kyi phyag rgya'o/ /oM ru ru zhes bya ba la sogs pa ni rnam par snang mdzad 'khor dang bcas pa'i chos kyi phyag rgya nyid kun du bstan pa yin no/ /brdar bstan pa'i yan lag gi sgo nas lha mo bzhi'i dbus su b+ha ga zhes bya ba la sogs pas ni/he ru ka 'khor dang bcas pa'i'o/ /bdag po'i snying po zla ba'i tshul du bstan pa'i phyir/ skad kyi gsangs ni zhes bya ba la sogs pa gsungs te/ skad kyi gsangs mthon po la sogs pa ni shing gi rgyud rnams la brdabs pa'i bye brag ste/ lus kyang de'i rjes su 'gro bar bya'o//gzhan dag na re dbyangs kyi mtha'i bye brag nyid kyi ma tra yin par 'dod do zhes zer ro/ /skad kyi gsangs mthon po ni dbyangs kyi bar du bcad pa'o/ /dma' ba ni dbyangs kyi bar du dbye ba'o/ /gre 'gyur ni dbyangs kyi bar na 'pho ba'o/ /bzlas pa ni chung ngu la sogs pa'i rim pas bzlas pa'o//shin tu zhi ba ni mi gtum pa'o/ /mchog rnams ni rol mo'o/ /gsum po de dag gis so/ /tshig rnams kun gyi zhes bya ba ni shin tu dga' ba'i rdo rje'i tshig la sogs rnams kyis so/ /ci 'dod pa zhes bya ba ni ji ltar dga' ba'o/ /glu kun gyi zhes pa ni sha ta pa la sogs pa rnams kyis so//yi ge hUM ni rdo rje sems dpa'i bzlas pa ste/ lha mo thams cad kyi yang de nyid de/ bdag po rdo rje sems dpa'i ngo bo nyid yin pa'i phyir ro/ /de rnams kyi rang gi snying po ni ji ltar 'og nas bshad pa'i rnams kyis so/ /kA ka li zhes bya ba ni de la ni sha ta lan gnyis sgrogs pa'o//yi ge oM ni rnam par snang mdzad kyi bzlas pa'o/ /tshangs pa'i dbyangs kyis zhes bya ba ni rig byed smra ba'i dbyangs kyis so/ /rdo rje drag po gad mo che/ /zhes bya ba ni/ dpal he ru ka'i ha ha zhes bya ba'i gad rgyangs so/ /'brug gi sgra ltar zab pa'i yi ge hUM spro ba'i glu gang la ru lu ru lu zhes bya ba gang yin pa de la de skad ces bya ste/'brug gi sgra ltar zab pa'i yi ge hUM gi sgra zab mo dang / ru lu ru lu'i sgra phyung ba gang yin pa'o/ /de ni 'di skad bstan par 'gyur te/ ha ha ha ha/ ru lu ru lu zhes bya ba ni dpal he ru ka'i bzlas pa yin no/ / pad+ma gar gyi dbang phyug gi ni ste zhes bya ba la sogs pa'o/ /hi zhes bya ba la sogs pa ni rdo rje nyi ma'i'o/ /de'i 'khor rnams kyi 'og nas 'chad do/ /'joms pa thams cad bsgrub pa'o/ /zhes bya ba ni/ rdo rje sems dpa' la sogs pa thams cad kyi snying po rnams 'joms pa ste/ drag po'i sbyor ba bsgrub cing bzung ba yin pas 'joms pa thams cad rab tu bsgrubs pa'o zhes mtshams sbyar ro/ /rdo rje sems dpa' la sogs pa de dag nyid kyi snying po rnams las gang la dga' ba dang / kA ha la sogs pa dang ldan pa'i bar ni rta mchog gi bzlas par byas pa yin no/ / la la na re rgyud kyi nang nas 'byung ba dang / rjes su mthun par hi hi hi hi hi zhes bya ba ni rta mchog gi bzlas pa yin no/ /oM ma hA su kha badzra satwa zhes bya ba la sogs pa rtog pa'i nang nas gsungs pa'i bdag po'i sngags ni dkyil 'khor thams cad kyi snying po'i nang nas lha mo thams cad kyi yod pas na de rnams ni gzhan dag tu ma bshad de/'di dag nyid kyis phun sum tshogs pa thams cad 'thob par 'gyur ba'i phyir ro/ /glu'i phyag rgya shes pa'o zhes bya ba ni bzlas pa'i phyag rgya shes pa'o/ /rol mo'i phyag rgya shes pa nye bar bstan pa'i phyir/ gling bu dang ni zhes bya ba la sogs pa gsungs te/gling bu ni khong stong gi rol mo'o/ /rgyud gcig pa ni pi wang ngo / /rgyud mangs ni ku mu da'o/ /rgyud stug ni rdza lnga'o/ /sil snyan ni de la brdung ba'i rol mo'i phyag rgya de rnams so/ /brdungs pa dpal ni gzhir gyur grub/ /ces bya ba ni lha mo bzhi pa'i dngos grub rnam pa bzhi ste/ phyag rgya chen po la sogs pa rnam pa bzhi bcings pa dang rjes su 'brel pas yi ge hUM la sogs pa ci rigs par spyod pa'i snying po la sogs pas de rnams dang lhan cig tu bya ba rnam pa sna tshogs pa 'grub pa'o/ /des kyang rnam par sel ba dang khyu mchog gi rol pa g+ha Ta na la sogs pa bya ba de dag nyid ni rol mo'i phyag rgya ste/dngos grub thams cad rab tu bsgrub pa'o/ /dzaHhUM baM hoHzhes bya ba ni rim bzhin bde ba mchog la sogs pa bzhi po'i snying po'o/ /ru Ta ma Ta zhes bya ba ni sangs rgyas byang chub kyi'o/ /sma ra ra Ta zhes bya ba ni chos kyi 'khor lo yi'o/ / ru lu ru lu zhes bya ba ni 'jig rten gsum las rnam par rgyal ma'i 'o/ /p+la srid t+ya dza zhes bya ba ni 'dod pa thams cad kyi lcug ma'i'o/ /Tak+ki hUM dza zhes bya ba ni rta gdong ma'i'o/ /hu lu hu lu zhes bya ba ni rdo rje gtso mo'i'o/ /a la la ho zhes bya ba ni sgrol ma'i'o/ /shud+d+ha sid+d+ha daR+sha ya sarbaM zhes bya ba ni thal ba rab tu 'jig pa ro langs ma'i'o//ka ni zhes bya ba ni gling bu ma'i'o/ /gu ni zhes bya ba ni rgyud gcig ma'i'o/ /hUM zhes bya ba ni rgyud mangs kyi'o/ /d+huM zhes bya ba ni rgyud stug gi'o/ /ta keng zhes bya ba la sogs pa ni rol mo'i tshig tu brjod pa'o/ /de bzhin du rnam par snang mdzad la sogs pa'i rol mo rnams la yang ci rigs par lha mo rnams kyi rol mo dang /snying po dang rol mo'i tshig tu brjod pa dang / yi ge rnams rjes su dpag par bya'o/ /thal mo brdab pa bstan pa zhes bya ba ni/ rtag pa zhes bya ba'i lam gyi thal mo brdab pa ste/ rol mo 'di ni rdo rje sems dpa'i 'o//rgyud kyi rnga bo che zhes bya ba ni/ rnam par ma chad pa'i rol mo yin par shes par bya'o/ /de dag ni bde mchog la sogs pa'i'o/ /oM zhes bya ba la sogs pa ni rnam par snang mdzad 'khor dang bcas pa'i'o/ /ko ko zhes bya ba la sogs pa ni dpal he ru ka 'khor dang bcas pa'i'o//pad+ma pad+ma zhes bya ba la sogs pa ni pad+ma'i dbang phyug ma 'khor dang bcas pa'i'o/ /traM zhes bya ba la sogs pa ni rdo rje nyi ma 'khor dang bcas pa'i'o/ /Ta ke hUM zhes bya ba la sogs pa ni dpal rta mchog gi'o/ /bsnyems pa'i 'gros so zhes bya ba la sogs pa bzhi ni zhal bzhi nyams dang ldan pa'i rjes su 'brel pa yin par shes par bya'o//rdo rje se gol gtogs pa yis/ /sangs rgyas thams cad bsdu bar bya/ /zhes bya ba gsungs pa'i gar [(]gi [,]gyi [)]phyag rgya shes pa'i gnas skabs bstan pa'i phyir/ rdo rje sems dpa' zhes bya ba la sogs pa gsungs te/g.yon pa'i se gol brdabs pa ni g.yon pa'i thal mo'o/ /thal mo dal bus brdabs pa zhes bya ba la sogs pa ni g.yas dang g.yon gnyis dus gcig se gol brdabs pa ni 'dus pa ste/ de nyid ni bsdu ba zhes bya'o/ /de lam gyi tshul bzhin 'brang ba zhes bya ba ni/ji ltar rtag pa la sogs pa'i lam bzhi dang rjes su mthun pa'o/ /rdo rje drag po ni dpal he ru ka'o/ /shAkya thub pa ni de bzhin gshegs pa'o/ /a ra li thams cad ni rdo rje sems dpa'o/ /rtag pa ni rnam par snang mdzad do/ /dngos po kun gyi rang bzhin gyis/ / zhes pa ni/ mngon par brtson pa la sogs te/ rnam par rgyu ba dang / bstan pa dang / dga' ba la sogs pa ci rigs pa'i tshul gyis gnas pa'i khyad par 'di dag gi nyams dang ldan pas nye bar gnas shing byin gyis rlob ste/ de dang 'dra ba'am/ dngos po thams cad kyi dpal rdo rje sems dpa' la sogs pa rnams la/rang gi mchod pa zhes bya ba la sogs pa'i tshig gis bskul bas na/ 'dir yang dkyil 'khor bsdus pa yin par rjes su dpag par bya'o/ /de ni 'di skad bstan par 'gyur te/ dpal rdo rje sems dpa'i dkyil 'khor snga ma bzhin du bris la/ dbus kyi re'u cha la rdo rje sems dpa'i dkyil 'khor bri/ shar la sogs pa'i re'u cha rnams su rnam par snang mdzad la sogs pa bzhi po'i 'o/ /shar lho mtshams kyi re'u cha la dpal rta mchog gi'o/ /lho nub la sogs pa'i re'u cha rnams la rdo rje gtso bo la sogs pa rnams dgod do/ / phyi rol gyi ri mo ni nang gi shar lho la sogs pa'i mtshams rnams su ni gling bu la sogs pa'o/ /de bzhin du phyi mtshams su ni me tog la sogs pa'o/ /shar phyogs la sogs pa'i sgo rnams su ni lcags kyu ma la sogs pa dgod do/ /de nas bsdu ba la sogs pa bya ste/ 'jug pa la sogs pa'i cho ga mngon par rdzogs nas nyams dang ldan pas phyag rgya dang /lan gyi phyag rgya dang bcas par gar gyi mchod pa bya'o/ /phyag rgya dang gar gyi mchod pa bstan pa'i phyir/ phyag rgya'i sbyor ba la sogs pa gsungs te/ 'di dag gi zhes bya ba ni 'og nas bshad pa'o//rang gi mchod pa zhes bya ba ni rang gi phyag rgya chen po'i mchod pa'o/ /phyag rgya phyag rgya'i lan rnams dang / /zhes bya ba la sogs pa ni/ rgol ba dang slar rgol ba la sogs pa dang 'brel pa'i phyag rgya chen po rnams kyis so/ /ji ltar rab tu sbyar zhe na/ kun tu zhes bya ba la sogs pa gsungs te/kun gyi slob dpon ni dkyil 'khor thams cad kyi slob dpon no/ /kun 'byung la sogs sbyor ba yis/ /zhes pa ni sngar bshad zin to/ /gar byas te gar rtsom par byed pas bdag nyid ji srid du kun du sna tshogs skal ba bzang po ste/ rdo rje sems dpa'i phyag rgya dang 'dra bar 'gyur ba'o//rgol ba ni slob dpon gyi lus las byung ba ste/ des sangs rgyas thams cad 'byung bar 'gyur ba ni rnam par snang mdzad phyag rgya chen por rab tu bstan pa'o/ /slar rgol ba ni slob dpon te/ rdo rje 'dzin pa chen por bsgyur zhes pa'am/ dpal he ru ka'i phyag rgya chen por ro//rang gi 'byung ba zhes bya ba ni rdo rje sems dpa'i phyag rgya chen po'o/ /de bzhin du lha mo thams cad kyi sbyor ba la ci rigs par bya'o/ /rdo rje sems dpa' la sogs pa'i glu'o/ /la lar dri med ces bya ba la sogs pas ni rdo rje sems dpa'i sgo nas bskul ba'o/ /la lar rab tu 'jigs pa'i zhes bya ba la sogs pas ni/dpal he ru ka'i sgo nas so/ /la lar mdangs bzangs zhes bya ba la sogs pas ni rnam par snang mdzad kyi sgo nas so/ /la lar 'gro ba thams cad ces bya ba la sogs pas ni pad+ma gar gyi dbang phyug gi sgo nas so/ /gsung mchog tu ldan par ston zhes bya ba 'di dag ni rdo rje nyi ma'i sgo nas so//rdo rje sems dpa' bsgrub pa'i phyir/ /zhes bya ba la sogs pas ni rta mchog gi sgo nas so/ /lha mo rnams kyi glu bstan pa'i phyir/ rnam pa mang po zhes bya ba la sogs pa gsungs te/ sems can rnam pa mang po gdul ba'i phyir/ gang gi tshul rnams ni rnam pa mang po gdul bar mdzad pa'i tshul te/rnam par sel ba la sogs pa'i bya ba la rab tu sbyor ba des gar mdzad pa'o/ /de la dag pa'i gar ni pad+ma'i dam tshig ste/ gar gyi dbang phyug sangs rgyas khyed rnams gar mkhan yin pas gar mdzod cig pa'o/ /rnam pa mang po'i bde ba'i mchog gi rab tu gar mdzad pas de las thar pa rnams nyon mongs pa med pa thob par 'gyur bas so//rdo rje sems dpa' la sogs pa'i dkyil 'khor so so'i rdo rje'i glu'i mchod pa'i phyag rgya shes pa bstan pa'i phyir/ rab tu dga' ba zhes bya ba la sogs pa gsungs te/ rab tu dga' ba ni rdo rje sems dpa'o/ /rjes su chags pa ni de la dga' ba'o/ /de nyid ni mda' dang gzhu yin la rab tu phra ba'i phyir phyag rgya de gnyis kyi phra ba'i rgyas btab pa ste/ de ni bde ba'i mchog gi ngo bos so/ /rab tu dga' bas sbyor ba yi/ /zhes bya ba ni yang dag par sbyor ba ste/des bde bas na des myos par 'gyur ba'i phyir/ rab tu dga' bar sbyor ba'i bde bas myos pa'i zhes bya ba ste/ e ma bde ba'i sgo nas de la bod pa'o/ /rab tu bde mchog ces pa la rab tu bde ba'i mchog gi rnam pa sna tshogs pas rnam par rgyal bas na/ de'i phyir rgyal mtshan bsgreng ba'i tog can gang yin pa ste/sgrol ma'i sprul pa de ni rab tu bde ba'i mchog rnam pa sna tshogs rnam par rgyal ba'i rgyal mtshan bsgreng ba ste/ de'i nye bar longs spyod pa'o/ /rab tu dga' ba'i zhes bya ba la sogs pa ni/ shi shi sgo nas bskul ba ste/ rab tu dga' ba'i zhes bya ba la sogs pa ni sngar bshad zin to//kye zhes bya ba la sogs pa ni bde ba'i mchog la sogs pa'i bde bas kye bde ba'i mchog grub par mdzod cig pa'o/ /kye ma'o bde ba zhes pa ni b+ha ga dang ling ga'i phyag rgya'i bdag nyid do/ /e ma'o bde ba'o zhes bya ba ni lha mos bde ba stsol cig pa dang /sgrol mas snang bar mdzod la bdag la bde ba stsol cig pa ni lhag ma'o/ /e ma'o shi shi zhugs shig zhugs shig pa ni shin tu myur ba'i mkha' 'gro ma bde ba'i mchog tu zhugs pa'o/ /rdo rje sems dpa'i zhes bya ba la sogs pa ni rnam par snang mdzad 'khor dang bcas pa'i'o//de bzhin du hUM rdo rje las kyi mda' zhes bya ba la sogs pa ni dpal he ru ka 'khor dang bcas pa'i'o/ /zhal bzhis sgo nas bskul ba'i glu la rab tu grag cing zhes bya ba la sogs pa ni zhal drag po'i sgo nas te/ pad+ma gar gyi dbang phyug 'khor dang bcas pa'i'o/ /'gro ba mtha' yas zhes bya ba la sogs pa ni rgyab kyi dpa' bo'i zhal gyi sgo nas so//la lar rab tu nges shing zhes bya ba la sogs pa ni g.yon gyi zhi ba'i zhal gyi sgo nas so/ /la lar rab tu 'bar ba'i zhes bya ba la sogs pa ni dang po'i sgeg pa'i zhal gyi sgo nas so/ /thams cad dbang bskur zhes bya ba la sogs pa ni/bdud thams cad las rnam par rgyal ba'i lha mo bzhi'i sgo nas bskul ba'i glu ste/ rdo rje nyi ma'i'o/ /la lar mkhas pa'i zhes bya ba la sogs pa ni/ rta mchog zhal bzhi'i sgo nas bskul ba'o/ /mchod pa thams cad kyi phyag rgya shes pa nye bar bstan pa'i phyir/ me tog dkar dang zhes bya ba la sogs pa gsungs te/ljang gu zhes bya ba ni kha dog ljang ba'o/ /snga ma bzhin zhes bya ba ni bcos ma ma yin pa'i kha dog can gyi me tog dang 'dra'o/ /rim pa 'di nyid kyis tshon dgye ba'i go rims la yang blta bar bya'o/ /khams las byung ba ni khams byung rnams kyang me tog gi rang bzhin dri zhim par byas pa'o//snga ma bzhin zhes bya bas ni bcos ma ma yin pa dang 'dra'o/ /tsan+dan gnyis ni dkar po dang / dmar po'i bdag nyid do/ /gan da ni gan da ra sa'o/ /ro d+hi ni rdo dreg go/ /sardza ni ra sa'o/ /seng ldeng bu ram zhes bya ba ni/ seng ldeng dang bskol te ri lu byas pa'o//ka bi tsa bcas zhes bya ba ni tsan+dan dang tu ru skar bcas pa'o/ /rdo rje can la zhes bya ba ni rta mchog can no/ /gtor ma'i phyag rgya shes pa bstan pa'i phyir/ sgeg mo dang ni zhes bya ba la sogs pa gsungs te/ sgeg mo ni 'bru chang ngo / /na chung ni sbrang rtsi'i chang ngo //myong dang ni bu ram chang ngo / /bdud rtsi ni rgun chang ngo / /gcig [(]phu [,]pu [)]dpa' ba ni rgun chu'i btung ba'o/ /'dod chags sri ni tsha'o/ /g.yon can ni skyur po dus ring du lon pa'o/ /bran mo ni skyur po yun thung du lon pa'o/ /phyugs chen po ni skyes bu phyugs chen no/ /rdo rje las ni he ru ka'o//thang pa zhes bya ba ni thang gi phyogs nas byung ba'o/ /sha'i mchog ces bya ba ni/ sha'i mchog dag go/ /phyag rgyas dbang bskur ba'i phyag rgya shes pa dag nye bar bstan pa'i phyir/ mthe bo sems dpa' zhes bya ba la sogs pa gsungs te/ rdo rje thal mo sbyar la mthe bong g.yon pa g.yas pas sems dpa'i skyil mo krung gi tshul du mnan la mdzub mo gnyis bkug ste gung mo gnyis mnyam par sbyar la tshigs gnyis par lcags kyu'i tshul du gzhag sor mo lhag ma rdo rje thal mo'i tshul du gzhag go//sangs rgyas rin chen phyag rgya 'di ni spyi bor ni rnam par snang mdzad sku mdog dkar po byang chub mchog gi phyag rgya can/dpral ba'i steng du mi bskyod pa/ sku mdog dkar po sa gnon gyi phyag rgya can gyis brgyan pa/ g.yas su rin chen 'byung ldan baiDUr+ya'i mdog can mchog sbyin gyi phyag rgya dang ldan pa/ rgyab tu 'od dpag med gser btso ma'i mdog can chos kyi 'khor lo'i phyag rgya dang ldan pa/g.yon du don yod grub pa sku mdog ljang gu mi 'jigs pa rab tu stsol ba bskyed la/ oM a b+hi Shiny+tsa mAM zhes brjod la dbang bskur te/ dar dpyangs kyi mtha' ma yang ba ltar byas pa sngon du 'gro bas 'gying zhing mtha' nas dgrol ba byas la thal mos brtan par bya'o//sor mo thams cad nang du bsnol/ /zhes bya ba ni bcing ba nang du byas la sor mo thams cad nang du bsnol ba'o/ /sor mo'i rtse mo kun sprad nas/ /zhes bya ba ni sor mo thams cad kyi rtse mo phan tshun bsnol ba'i ngos sbyar ba'o/ /mthe bong rdo rje mnan pa ni/ /zhes bya ba ni rdo rjer byas pa'i mthe bos steng nas mnan pa'o//sna dang mig sbubs lta bu ste/ /zhes bya ba ni sna dang mig gi sbubs kyi bu ga 'dra ba'o/ /'di la yang hUM a b+hi Shiny+tsa mAM/ /zhes bya bas dbang bskur la thal mo'i mthar thug gi bar du'o/ /phyag rgya gnyis po de dag ni rdo rje sems dpa' 'khor dang bcas pa'i 'o//rdo rje thal mo bcings nas rdo rje rin po che bya ba ni dpal rnam par snang mdzad 'khor dang bcas pa'i ste/ a b+hi Shiny+tsa mAM/ zhes bya ba dang sbyar ro/ /dpal he ru ka 'khor dang bcas pa'i ni he ru ka'i rdo rje rang gi snying gar bya ba sngon du 'gro ba ste/ a b+hi Shiny+tsa mAM zhes bya bas dbang bskur ro/ / gnyis pa yang thod pa'i phreng ba cod pan gyi phyag rgya rdo rje sems dpa' dang 'brel ba ste/ dpal rdo rje sems dpa' pad+mo'i nor bu rin po che'i dbu rgyan zhes bya ba 'di'i ming gi rnam pa'o/ /rang gi snying po la a b+hi Shiny+tsa mAM/ zhes bya bas dbang bskur ro/ /mthe bong dpa' bo'i skyil mo krung /zhes bya ba ni rdo rje thal mo sbyar ba byas la mthe bong bcing ba byas te/ lhag ma rnams ni snga ma bzhin gzhag go/ /'di zhes pa ni a b+hi Shiny+tsa mAM zhes pad+ma'i dbang phyug 'khor dang bcas pas dbang bskur ro/ /rdo rje thal mo mnyam par sbyar la mthe bong gnyis mnyam par byas pa brkyang la mdzub mo bsnyams te rtse mo bkug la mthe bong gi rtse mo dang sbyar te/rin po cher byas pa ni dpal rdo rje nor bu'i phyag rgya bya ste/ rdo rje nyi ma 'khor dang bcas pa ste/ 'di dang a b+hi Shiny+tsa mAM zhes bya ba dang dbang bskur ro/ /sangs rgyas rin chen zhes bya ba ni cod pan lnga pa rdo rje sems dpa' dang 'brel ba'o/ / rnam par snang mdzad kyi yang rdo rje rin po che'i phyag rgya ste/ /sangs rgyas rin po cher byas pa'o/ /rdo rje rin po che zhes bya ba ni dpal he ru ka'i rdo rje'i phyag rgya'o/ /pad+ma dmar po zhes bya ba ni pad+ma gar gyi dbang phyug gi phyag rgya'o/ /rdo rje rin chen chen po zhes bya ba ni/rdo rje nyi ma'i phyag rgya'o/ /phyag rgya de dag thams cad la yang rta mchog gi snying pos dbang bskur ro/ /da ni snying ga'i zla ba la gnas pa'i rdo rje la sogs pa sems kyi gsang ba bskul ba'i rdo rje phyag rgya bstan pa'i phyir/ /sor mo phan tshun zhes bya ba la sogs pa gsungs te/ rdo rje bsdams pa zhes bya ba'i g.yon pa mdzub mo dang mthe bong gnyis mngal du byas la/der g.yas pa'i mthe bong mtshan bcug la bsdams pa 'di ni rdo rje sems dpa' 'khor dang bcas pa'i sku'i gsang ba skul bar byed pa'o/ /dga' ba'i rdo rje zhes bya ba ni bshad ma thag pa'i dga' chen dpal gyi rdo rje nyid do//gung mo bcings pa'i nang du gzhug /ces bya ba ni/ rdo rje bcing pa'i nang du phan tshun bsgyel nas gzhag pa'i nang du'o/ /mthe bong mthe chung rtse mo can/ /zhes bya ba ni mthe'u chung dang mthe bong gnyis sbyar ba byas pa'o/ /'di ni rdo rje phyag rgya ste/ rdo rje sems dpa' 'khor dang bcas pa'i sems kyi gsang ba skul bar byed pa'o//de las zhes bya ba ni dga' ba chen po bde ba'i rdo rje las so/ /de las gung mo gnyis lcags kyur byas la/ snying gar bstod pa ni yang bcom ldan 'das de nyid 'khor dang bcas pa'i'o/ /gsang ba'i dam tshig rdo rje'i 'khor lo rnams ni rnam par snang mdzad 'khor dang bcas pa'i'o//rdo rje'i phyag rgya zhes bya ba ni bshad ma thag pa de nyid do/ /yang dag par byas pa ni gcig la gcig mthil sprad pa ste/ yi ge a brjod la spyod pa 'di ni gzhug pa'i phyag rgya'o/ /rdo rje khu tshur zhes bya ba ni sngar bshad ma thag pa'o/ /gung mo de bzhin bkug nas ni//zhes bya ba ni/ gung mo nam mkha' rdo rje mchog /ces bya ba ni gung mo de bzhin du bkug pa byas la rab tu nam mkha' ji lta bar 'gyur ro/ /mthe bo'i rtse mo de bzhin mnyam pa ni mthe ba gnyis phan tshun bcer nas sbyar ba'o/ /mdzub mo gnyis kyi rtse mo dgug / ces bya ba ni/ pad+ma 'dra bar mdzub mo bkug pa ste/ 'di ni pad+ma gar gyi dbang phyug 'khor dang bcas pa'i'o/ /rdo rje pad+ma zhes bya ba ni bshad ma thag pa'o/ /mthe'u chung bsnyams pa'i rtse mo mde'u zhes bya ba ni/ mthe'u chung gnyis legs par sbyar ba'o/ /rdo rje mda' ni yongs su 'phangs//zhes bya ba ni mda' 'phen pa'i tshul du byas pa ste/ 'di ni rdo rje nyi ma 'khor dang bcas pa'i'o/ /rdo rje'i phyag rgya zhes bya ba ni/ rnam par snang mdzad kyi phyag rgya'o/ /gung mo bcings pa'i phyi rol gzhag /ces bya ba ni/ gung mo gnyis phyi rol du legs par sbyar ba ni rta mchog gi phyag rgya'o//bstod pa dang bcas pa'i ming gi phyag rgya shes pa bstan pa'i phyir/ A li kA li zhes bya ba la sogs pa gsungs te/ A li kA li zhes bya ba ni yi ge'i phreng ngo / /mnyam pa ni mtshungs pa'o/ /kha yi thad kar mdud par bya/ /zhes bya ba ni/ ji ltar rang gi yi ge rnams rnam pa sna tshogs pa rtog pa bzhin du/de'i khar der yi ge hrIHla sogs pa'i yi ge thams cad dgod cing bri bar bya'o/ /gug skyed thams cad ni lcug ma'i lo 'dab kyi rnam par bya'o/ /yi ge yang gang du bris par gyur par yi ge ra ni myu gur bya'o/ /klad kor du gnas pa'i snying po ni nyi zla'o/ / tsheg drag gnyis ni zla ba gnyis su byas te/ yi ge bri ba 'dis/ rdo rje sems dpa' dpal sbyor ba/ /zhes bya ba la sogs pa ming tsam bris pas kyang sdig pa kun las thar bar 'gyur zhing bde ba thams cad las sbyor bar 'gyur ro/ /la la na re A li kA li zhes bya ba ni/ a la sogs pa'i yi ge'i phreng ste/ring po dang thung ngu la sogs pa'i bye brag gis mnyam po gnyis su byas la/ yi ge a yi ge a'i kha'i thad kar ri mos mdud par byas nas/ 'og gi a la sogs pa ring po dang thung ngu la sogs pa'i rim pas phyis ri mo rnams kyis yongs su mdud par bya'o/ / yi ge thams cad dgod par bya/ /zhes bya ba ni/ ka la sogs pa'i yi ge rnams kyang bkug nas 'od zer gyi rnam pa lta bu spros pa las zla ba'i dkyil 'khor gyi rnam par byang chub kyi sems bsgom par bya'o/ /gug skyed dag gis lcug ma la bya zhes bya ba ni gug skyed ni shes rab lcug ma ni snying rje ste/ zla ba phyed dang bcas pa ni klad kor dang bcas pa'i ra ni/ 'dir chos kyi dbyings kyi ngo bo nyid du bsam mo zhes rtog par byed de/ gang yang shes rab dang thabs kyi bdag nyid kyi yi ge ra'i mes zhu bar gyur nas sna tshogs pad+ma la gnas pa'i dkyil 'khor rdzogs par byas la ka la sogs pa'i 'od zer dang bcas pa 'dir gzhag pas sna tshogs pa bskyed cing spro ba dang bsdu ba la sogs pa ci lta ba bzhin du bya'o//de ltar bshad pa la sogs pa de dag kyang rnam par rtog pa tsam ste/ nang du yi ge bri ba'i gnas skabs ni ma yin te/ bstod pa dang bcas pa'i ming gi dbang du byas pa'i don dang 'brel pa ma yin no//rdo rje sems dpa' dpal gyi lha/ /zhes bya ba la sogs pa ni bstan pa'o/ /rdo rje sems dpa' dpal sbyor zhes bya ba ni rim gyis bshad pa'o/ /rab tu chags pa zhes bya ba ni chags pa'i sgras mtshan pa'o/ /mtshan bris na ni zhes bya bas ni mtshan gyi mchog ji lta ba bzhin du de rnams kyis bris pa dang /de bzhin du brjod pa dang / bsgrub pa'i bar gyi bsod nams kyang ngo / /bri ba dang gdon par byed pa 'ba' zhig tu yang ma zad de/ dkyil 'khor du ming gis dbang bskur ba'i tshe yang dpal gyi sgras mtshan par bya'o zhes bstan pa'i phyir lhag pa'i lha ni zhes bya ba la sogs pa gsungs so//lhag pa'i lha zhes bya ba ni rdo rje sems dpa' la sogs pa'o/ /de'i mtshan zhes bya ba ni/ rdo rje sems dpa' la sogs pa thams cad dpal gyi sgras mtshan par byas te/ rdo rje ming gis dbang bskur bar bya'o zhes pa'o/ /dpal rdo rje sems dpa' zhes bya ba la sogs pa'i ming rnams dang yon len pa sngon du 'gro bas bdag nyid ji lta ba bzhin du dbang bskur ba'i phyag rgya bcings la/oM 'di ltar nga yis lung bstan te/ /rdo rje sems dpa' de bzhin gshegs/ /ngan 'gro rnams las yongs bzlas la/ /shin tu srid pa sgrub pa po/ /kye che ge mo zhes bya ba ni rdo rje de bzhin gshegs pa sid+d+hi sa ma ya traM b+hur b+hu ba swaH/zhes brjod par bya'o/ /mi smra ba las mos pa rnams kyis bzlas brjod kyi dus su brda'i tha snyad bya ba'i don du brda'i phyag rgya shes pa nye bar bstan pa'i phyir/ spyi bor nyug pa zhes bya ba la sogs pa gsungs te/ smin ma g.yas pa bskul ba ni nam mkhar 'gro ba grub po zhes ston pa yin no//g.yon pas rnam par rgyal ba'i mchog ni dngos grub rab tu grub par ro/ /yang mig g.yon pa bskul ba ni bud med bzang mo yin no zhes pa dang / g.yas pas ni skyes pa bzang po'i'o zhes ston to/ /rna ba g.yas pa la reg pas ni sha zhes zer ba yin la/g.yon pas ni chang zhes zer ba yin no/ /ma mchu g.yon pa gnon pa ni bde ba la reg pa zhes pa'o/ /lkog ma la reg pa ni rtog pa thams cad smra ba'i mchog ste/ rtog pa thams cad smra zhing theg pa chen po bla na med pa zhes bya ba ston pa yin no/ /snying gar gyen du 'dren ma ni rdo rje thams cad gyen du 'dren pa'o//'khor ba shin tu sdud pa ni mi gnas pa'i mya ngan las 'das pa yongs su 'dzin pa nyid du smra ba yin no/ /lte ba la reg pas ni dbu ma'i lam la nan tan du bsgrubs pas chos kyi 'khor lo chen po'i dkyil 'khor yin no/ /rang gi dbang po zhes bya ba ni skyes pa'i bsgreng bar byed pa ni bde zhing bde bas sangs rgyas kyi byang chub thams cad thob par 'gyur ro zhes bstan pa yin no//g.yas pa ni bstod pa dang dgug pa'o/ /g.yon pa ni slar gtong ba'o/ /dpung pa g.yas pas yongs su 'khyud pa ni thams cad grub pa yin zhes smra ba yin la/g.yon pas ni dbang phyug thams cad grub pa yin no zhes smra ba yin no/ /lag pa g.yas pa'i khu tshur bcangs pa ni rgyas thob shig pa'i tshul lo/ /g.yon pa bkrol ba ni thang shing pa'o/ /brla g.yon pa rab tu brdabs pas ni 'dod pa chen po la shin tu brtson pa yin la g.yas pas ni chos la brtson par ston pa yin no//pus mo'i lha nga g.yon pa la brdabs pa ni mdud pa yin la/ g.yas pas phyag 'tshal ba ston pa yin no/ /dbyig pa g.yas pa rab tu brdabs pa ni rgyas 'debs pa'o/ /g.yon pas ni grol zhig par ston pa yin no/ /rkang pa g.yon pas sa gnon pa ni non cig pa'o//g.yas pa ni rab tu choms shig par ston pa yin no/ /brda'i phyag rgya 'di rnams kyis ni rdo rje sems dpa' la sogs pa'i sbyor ba dang ldan pas ji ltar rang gi brdas brtags pa nam mkhar 'gro ba la sogs pa 'grub cing rdzogs par 'gyur te/ phyag rgya'i sbyor ba de rnams kyi tha snyad du byed bzhin pa de yis ni mi 'grub cing mngon du mi 'gyur ba yang med do//dngos grub bslang ba la sogs pa'i phyag rgya 'debs pa dang / sangs rgyas kyi byang chub thams cad la sogs pa'i bde ba ci yod pa dang / rang gi don gyi lam de dag la sogs pa de rab tu 'grub cing /de rnams rdzogs pa kho nar 'gyur ro/ /rgyud kyi don rnam par dbye ba'i phyir dang / dkyil 'khor la sogs pa la yang gsang ba'i skad du smra ba'i don du sgra'i rnam grangs kyi brda'i ming bstan pa'i phyir/ oM A d+hi b+hu zhes bya ba la sogs pa gsungs te/ oM A d+hi b+hu zhes bya ba la phyag 'tshal ba'i phyir ro//de la lan gyi sgra ni slar smra ba ste/ lan du phyag 'tshal ba'i tshig brjod pa'o/ /sems dpa' sngon dang mtha' med pa/ /zhes bya ba sogs pas ni rdo rje sems dpa'i rnam grangs gsungs pa ste/ sngon dang mtha' med pa zhes bya ba ni/ yod bzhin dang po skye ba nyid med pa ste/lhag ma med pa'i mya ngan las 'das pa nyid do/ /rnam par rtog pa dang bcas pa rnams dang bral bas na rdo rje sems dpa'o/ /zag pa med pa'i bde ba rgyun mi 'chad pa'i bdag nyid du gyur pas mchog tu bde bas na/ 'di ni e ma'o bde bar bya'o/ /sangs rgyas rnams 'dus pa'i phyag rgya yin pas na sangs rgyas kyi phyag rgya'o//lha [(]ma [,]mo [)]rnams kyi rnam grangs bstan pa'i phyir/ bde mchog ces bya ba la sogs pa gsungs te/ bde mchog dang / e ma bde ba dang / sgrol ma dang / shi shi'i phyag rgya la sogs pa ni las kyi rgyus rgyas 'debs ma dang /rmongs byed ma dang / za ba mo dang / tshe 'phel ma zhes bya ba rim bzhin du bstan to/ /lha mo gzhan rnams ni sangs rgyas byang chub ces bya ba la sogs pa ming gi rnam grangs re re nyid do/ /gling bu la sogs pa nas rdza rnga'i bar gyi ming gi rnam grangs gling bu dang rgyud gcig pa la sogs pa'i rnam grangs so//me tog la sogs pa'i mchod pa rnams ni gla rtsi dang longs spyod ces bya ba la sogs pa'o/ /lha mo bzhi'i phyag mtshan gyi phyag rgya'i bya ba bshad pa'i phyir/ smin ma bskyod pa la sogs pa gsungs te/ bde ba mchog gi mda' gzhu ste/ brdegs pa'i lta ba'i bdag nyid pas smin ma bskyod pa zhes gsungs so//e ma bde ba yi ni b+ha ga dang ling ga zhes bya ba mngal gyi phyag rgya dang skyes bu'i mtshan gyis mtshan pa ste/ de bas na e ma'o bde ba'i zhes gsungs so/ /sgrol ma'i thod pa pad+ma yin par bshad/ /kha T+wAM ga yang rgyal mtshan zhes gsungs so//shi shi'i 'di ni sangs rgyas phyag rgya pad+mor gnas/ bde ba kun gyi ra sa ya na zhes gsungs so/ /sangs rgyas kun ni shi shi'i tshig gi sgras bshad do/ /'khor lo ni dam tshig go/ /skye bo dam pa kun tshogs pa/ /zhes bya ba ni dkyil 'khor gyi rnam grangs so//tshogs kyi dkyil 'khor du yang mdza' ba thams cad tshogs pas na mdza' ba 'dus pa zhes bya'o/ /de bas na shes par bya'o/ /tshogs kyi dkyil 'khor las gzhan dang gzhan du yang mdza' ba'i tshul dag gis dkyil 'khor ni 'di la yod do/ /rdo rje sems dpa' dang sbyor ba gnyis su med par gyur pa ni dkyil 'khor zhes bya'o//lha mo thams cad dang kun nas 'dus pa ni shin tu sbyor ba'i mtshan nyid de/ thams cad du sna tshogs pa'i skal ba bzang po zhes brjod do/ /rdo rje sems dpa' la sbyor ba/ /zhes bya ba ni/ de'i bdag nyid du bsgom pa'o//de ni sangs rgyas kun tu bdag nyid sbyor bas zhes bya ba ste/ sngar bshad pa ni rjes su sbyor ba'i mtshan nyid ye shes sems dpa' nang du bstim pa'o/ /rnam pa kun mkhyen shes pa'i phyir/ /zhes bya ba ni/ rnam pa thams cad kyi mchog dang ldan pa ste/de dang gnyis su med pa'i nga rgyal dang ldan pa de ni kun gyi slob dpon yin zhes gsungs so/ /gang gi tshe yang lha mo thams cad dang yang dag par 'dus pa'i bdag nyid kyi sbyor ba mngon du byed pa de'i tshe/ kun gyi slob dpon du rab tu gnas pa ste/ kun du sna tshogs skal bzang por yang shes par bya'o//kun gyi slob dpon rab tu gnas pa de'i sgrub pa ni rjes su sgrub pa'o/ /grub pa ni dpal rdo rje sems dpa'i dbang bskur bas dbang bskur ba ni rjes su sgrub pa ste/ rgyal mtshan yin par rnam par bshad do/ /mchog ni kun gyi slob dpon la sogs pa slob ma'i sgrub pa'i grogs mchog go//mtha' ma ni dkyil 'khor du 'jug pa'i skal ba can no/ /'bring ni de bzhin gshegs pa'i spyod par dbang bskur ba'o/ /sangs rgyas thams cad kyi rin po che mchog gi dbu rgyan ni sangs rgyas lnga'i dbu rgyan no/ /de ni sangs rgyas thams cad kyi rgyal po yin no zhes gsungs so//gnyis pa ni thod pa'i phreng ba'i dbu rgyan te/ de ni dpal gyi pad+mo'i tshul du bshad do/ /sangs rgyas rang bzhin grub gcig dang / /zhes bya ba ni sangs rgyas gcig gis mtshan pa'o/ /grub pa ni rab tu grags pa'o/ /pad+mo'i rang bzhin gcig ces bya ba ni/thod pa gcig gis mtshan pa'o/ /de gnyis ni rim bzhin du sangs rgyas dbang bskur ba dang / dbang bskur ba chen po yin zhes don thams cad grub pas gsungs so/ /yon gyi dam pa ni nor gyi dbyig thams cad dang / snying yang thams cad yin no zhes zer ro//tsan+dan dmar po ga bur dang bsres pa ni khrag chen po yin par shes par bya'o/ /gzhan dag na re ni khrag nag por brjod pa ni rdo rje 'dzin gyi'o/ /la la ni ga bur dang ldan par 'dod do/ /de nyid kyi dkyil 'khor gyi dbus su gzhag pa ni dpal thams cad dang ldan pa'i ra sa ya na zhes bya'o//dpal he ru ka'i gtor ma'i cho ga la phyugs chen po zhes gang gsungs pa de la yang bag zan las byas pa'i rang bzhin la tsan+dan dmar pos bskul ba'i mi'i gzugs brnyan yin par shes par bya'i yang dag pa nyid ni ma yin no/ /gang yang rta mchog gi gtor ma'i cho ga la sha smos pa de yang bag zan las byas pa kho nar shes par bya'o//gang yang rgyal po'i zas sha dang chang dang ldan po rdo rje nyi ma'i gtor ma'i gsungs pa de yang bag phye'i zan las byas pa kho na yin par shes par bya'o/ /la la na re de med na bya ba yin te/ 'bras bu bcos ma la sogs pa bzhin no zhes zer ro//mna' dang dam tshig ces pa ni rnam grangs so/ /sdom pa dang bde mchog ni rnam grangs te/ sangs rgyas thams cad ces gang gsungs pa de yang dam tshig ste/ bde mchog gi ngo bo nyid dang / e ma'o bde ba'i ngo bo nyid do/ / sgrol ma zhes bya ba ni rab tu gsal bar rnam par gzhag go/ /shi shi ni yang srid pa ste/ phyag rgya de dag thams cad kyang dam tshig ces bya bar brjod do/ /gang gis she na 'da' bar bya ba ma yin pa'i phyir ro/ /phyag rgya'i sbyor ba yin par bshad/ /ces pa'o/ /phyag rgya'i sbyor ba yin par gsungs la/de bzhin du sbyor ba yang phyag rgya yin par bshad do/ /rdo rje sems dpa' dpal sbyor ba/ /zhes bya ba ni/ dngos po thams cad kyi bdag nyid du bsgom pa la sbyor ba ste/ de ni sbyor ba thams cad ces bshad do/ /ci'i phyir zhe na/ da ni zhes bya ba la sogs pa gsungs te/gang gi phyir sna tshogs pa'i dam tshig thams cad kyi 'byung gnas yin zhing shin tu phul du byung ba'i bde ba dang / yid bde ba'i ngo bo nyid rdo rje'i dga' ba sems kyi gsang ba'i bdag nyid can te/ de bas na sbyor ba thams cad ces bya'o/ /de'i sbyor ba thams cad kyi bdag nyid de'i nye bar longs spyod pa ni gzugs la sogs pa'i khams gsum mo//de gsal bar bstan pa'i phyir/ de yi zhes bya ba la sogs pa gsungs te/ gzugs ni ri mo zhes bshad do/ /sgra ni glu yin zhes bya ba ni glu blangs pa'o/ /dri dang rab tu tshim par byed pa ni rnam grangs so//ro'i ming ni ra sa ya na zhes bya'o/ /rig pa bde ba ni reg pa gang las bde ba skyed par byed pa ste/ de ni bde ba'i reg pa'o/ /chos ni chos kyi skye mched de/ sbyor ba yin par bshad de/ de lta bu nyid ni sbyor ba thams cad kyi nye bar longs spyod pa thams cad kyis bdag gi lha'i sbyor ba dang ldan pas gang la ji ltar bde bar longs spyod pa de ni rang gi mchod pa'i dam tshig yin par shes par bya'o//rjes su sbyor bas mchod na ni/ /zhes bya ba ni/ ye shes sems dpa' yang gnyis su med par gyur pas gzugs la sogs pa la nye bar longs spyod par byed pa'o//sbyor ba kun gyi bde ba ni gzugs la sogs pa la nye bar longs spyod pa las bde ba gang skyes pa de ni/ bde ba chen po yin no zhes bshad do/ /rang gi lha'i bdag nyid du bsgoms pa ni ye shes tsam la snyoms par 'jug pa ste/de ni rnal 'byor zhes bshad pa yin no/ /ting nge 'dzin dang sbyor ba ni ming gi rnam grangs so/ /lha mo thams cad mnyam par sbyor ba shin tu sbyor ba'i mtshan nyid gang yin pa de ni sangs rgyas thams cad 'dus pa yin no zhes bshad do/ /gang gi tshe thams cad dang mnyam par sbyor ba la sogs pas gnas pa ni sangs rgyas kun gyis byin gyis brlabs pa ste/de la sangs rgyas thams cad mnyam par sbyor ba zhes bya ba 'thob bo/ /bsgrub pa de ni dga' bar spyod pa zhes bya'o/ /rjes su sbyor ba ni sngar bshad pa'i yon tan bsgrub pa zhes bya'o/ / lha mo rnams kyis skyes pa ltar byed pas dga' ba spyod pa ni slar rjes su bsgrub pa yin no zhes bshad do/ /bde ba'i mchog la sogs pa'i lha mo rnams dang 'dus pa'i shin tu sbyor ba'i mtshan nyid kyi bde ba gang yin pa de ni 'dus pa zhes bya ste/ rgyun la rab tu 'jug pa'o/ /de ni sbyor ba kun la mos pa ste/sangs rgyas thams cad kyi mnga' ni bde ba yin no zhes bshad do/ /dngos grub thams cad ldang ba'i sgra'i tshig can te/ thams cad du grub pa gang yin pa de ni ldang ba kun du 'gro ba dngos grub chen po ste/ ldang ba chen po'o/ /dngos grub chen po kun gyi mchog /rdo rje 'chang ba chen po nyid dang dbang phyug chen po bla na med pa ni/ bla na med pa'i dbang phyug yin no zhes bshad do/ /khams gsum pa'i sgrib pa thams cad dang bral bas rang gi rgyud dang dngos grub chen po thams cad kyi mchog dbang phyug chen por gyur pas bla na med pa'i bde ba ni dngos grub chen po kun gyi mchog dbang phyug chen po'i bde ba'i mchog ste/de ni sangs rgyas thams cad mnyam par sbyor ba/ sbyor ba'i dbang phyug chen po zhes bshad do/ /me tog ni khrag ces bshad do/ /bdug pa ni mdangs kyi tshig can no/ /mar me ni sha chen po zhes bya'o//dri dang spos thams cad kyi rnam grangs ni bshad zin to/ /'o mar gyur pa las byung ba ni phrum ste/ de ni zla ba nya ba zhes bya'o/ /sha'i ming ni sman zhes bya'o/ /chang ni bcud kyis len zhes bya'o/ /zas ni tshe zhes bya'o/ /sha dang chang du ldan pa'i bza' ba sna tshogs ni dga' ba'i longs spyod skal ba bzang po'i tshe'i dam pa yin no zhes bshad pa yin no//a mra'i 'bras bu smin pa la sogs pa ni bdud rtsi'i 'bras bu'o zhes bshad do/ /sgrol ba ni bde ba myang ba dang / bde bas rab tu rmongs pa yin no zhes bshad do/ / sbyor ba dang ting nge 'dzin ni rnam grangs te/ gang lha mo thams cad dang yang dag par 'dus pa'i lha mo'i sbyor ba'i mtshan nyid ni/ sangs rgyas thams cad 'dus pa zhes bshad do/ /a mra dang smin pa la sogs pa ming gi rnam grangs so/ /dpal rdo rje sems dpa'i sbyor ba'i glu dang /sil snyan dang / gar byed pa ni sangs rgyas thams cad kyi rnam par sprul pa zhes bya'o/ /rab tu zhi ba'i sil snyan dang / glu dang / gar zhes bya ba ni sangs rgyas kyi glu ste/ de ni shin tu rnam par 'phrul pa zhes bya'o/ /dur khrod kyi glu dang sil snyan dang gar byed pa ni dpal he ru ka'i yin te/de ni rab tu sprul pa zhes bya'o/ /chags pa dang bcas pa'i glu dang / sil snyan dang / gar ni pad+ma gar gyi dbang phyug gi ste/ de yang dpal rnam par sprul pa zhes bshad do/ /mi'i dbang po'i glu dang / sil snyan dang / gar ni rdo rje nyi ma dang 'brel pa ste/de yang shin tu rnam par sprul pa zhes bya'o/ /rab tu dga' ba'i glu dang / sil snyan dang gar ni rta mchog dang 'brel pa ste/ de ni rta mchog rnam par sprul pa zhes bya'o/ /bde zhes gang gsungs pa de rab tu bstan pa'i phyir/ de zhes bya ba la mkha' 'gro ma zhes bya ba la sogs pa gsungs te/kun du sna tshogs pa'i phyag rgya 'di ni rdo rje sems dpa'i phyag rgya chen po ste/ de ni nam mkha' thams cad du 'gro bas na/ sangs rgyas thams cad dang mnyam par sbyor ba'i mkha' 'gro ma zhes bshad do/ /sgyu ma'i gar gyi dbang phyug ni dpal he ru ka de ni/a ral+l-i zhes ming 'dogs so/ /sangs rgyas thams cad ces bya ba la sogs pa ni rdo rje sems dpa'i rnam grangs so/ /Tak+ki 'dod pa yin zhes bshad/ /ces bya ba la sogs pa ni/ dkyil 'khor la sbyor ba'i mtshan ston pa yin te/de nyid ni bde mchog la sogs pa lha mo bzhi'i ngo bo nyid kyis na Tak+ki la sogs par brjod pa yin no/ /rdo rje zhes bya ba la sogs pa ni de'i phyag rgya ste/ dam tshig gsum gyi rim pa zhes bya bar brjod par bya'o/ /bdug pa la sogs pa rim pa bzhin bstan pa'i phyir/dza zhes bya ba la sogs pa gsungs pa ni/ bde mchog la sogs pa'i snying po ste/ 'di dag ni rdo rje lcags kyu la sogs pa yang yin par shes par bya'o/ /[(]tiSh+tha [,]tiSh+Tha [)]hUM zhes pa ni drongs shig pa'o/ /kha kha khA hi a pi tsa a pi tsa da ra da ra/ ru Ta ma Ta/ hu lu hu lu/ a ra ra a ho//a la la ho zhes bya ba 'di dag dang / gzhan yang hi zhes bya ba la sogs pa'i don yang sangs rgyas kyi byang chub nas rdza rnga'i bar gyis te/ man ngag dang 'gal ba'i phyir snying po 'di dag la don bshad pa ni med do/ /'o na ci zhig ce na/ rol mo'i phyag rgya shes pa'i snying po nyid yin pas na don dang ldan pa ma yin no//gal te yang rtog pa gtsor bya na ni sgrub thabs su byas pas thams cad kyi gnas skabs su 'gyur ro/ /me tog la sogs pa yang yi ge hUM la sogs pa'i glu dang / bzlas pas mchod pa thams cad dbul bar bshad pas/ ji ltar gyi dkyil 'khor du bdag po'i snying po de nyid dang / bde mchog la sogs pa ni phyag rgyas 'debs pa la sogs pa'i las byed pas na/ rgyas 'debs ma la sogs pa'i rnam grangs su brjod do/ /sangs rgyas la sogs pa yi ni kun du bstan pa la sogs pa'i bshad pa rnams 'di skad bstan pa yin te/sangs rgyas la sogs pa ni kun du bstan pa la sogs tshig ni rdo rje sems dpa' yin par bshad de/ /rim bzhin du shin tu bstan pa la sogs pa'i rnam grangs so/ /rnam par snang mdzad kyi dkyil 'khor gyi ming bstan pa'i phyir/ sangs rgyas zhes bya ba la sogs pa gsungs te/sangs rgyas la sogs pa'i don dang rim bzhin no/ /oM zhes bya ba la sogs pa ni/ sangs rgyas kun brjod ma la sogs pa bzhi po'i snying po'o/ /thams cad mkhyen pa dang bde bar mkhyen pa gnyis kyi rgyu'i snying po ni/ yi ge oM dang / sarba bid ni rnam grangs so/ /oM ru ru tish+tha sing+d+ng+ha lo tsa ni sarba ar+tha sA d+ha ni swA hA/ zhes bya ba ni sangs rgyas thams cad kyi yan lag ldan pa'i bzhi po'i snying po yin no/ /de dag nyid kyi don bstan pa'i phyir/ 'khor ba'i dngos po zhes bya ba la sogs pa gsungs te/ 'khor ba'i dngos grub shes pa ni/'khor ba'i dngos grub mkhyen pa ste/ oM ru ru 'khor bar bzhugs shig /sid+d+ha lo tsa ne dngos grub mkhyen pas zag pa med pa'i mtshan nyid can gyi gdan la bzhugs te/ sems can gyi don thams cad 'di mchog tu mdzod cig ces pa ni/ don dam par mi gnas pa'i mya ngan las 'das pa'o//nye bar zhi ba ni nyon mongs pa dang shes bya'i sgrib pa dang bral ba ste/ don dam pa dang nye bar zhi ba ni/ don dam pa nye bar zhi ba ste/ don thams cad bsgrubs la don dam pas bzhugs shig /swA hAs nye bar zhi bas bzhugs shig ces bya bar sbyar ro//sangs rgyas la sogs pa'i rnam grangs kyis ni bdag po'i ngo bo nyid kyi bcom ldan 'das de nyid bstan pa yin no/ /rdo rje sems dpa' yang skal ba bzang po zhes bya ba'i tshig gis bstan te/ sangs rgyas la sogs pa'i ngo bo nyid yin pa'i phyir ro//dpal he ru ka'i dkyil 'khor gyi rnam grangs bstan pa'i phyir/ ko ta k+Sha zhes bya ba la sogs pa gsungs te/ ming bcu po 'di dag ni/ skye mched bcu'i sgo nas de nyid rab tu bstan pa'i phyir/ ming dang zhes bya ba la sogs pa gsungs so//rdo rje mtshon cha ba ti dang / /zhes bya ba ni/ rdo rje 'bar ba de nyid kyi ming ste/ bcom ldan 'das de nyid ni gnod sbyin zhes kyang bya'o/ /dpal he ru ka'i rdo rje chen po thal bar rab tu 'jig pa zhes bya ba ni/ rdo rje 'bar bas rab tu 'jig par byed par bstan pa'i phyir/de nyid ni/ sangs rgyas kun gyi khro bo che/ /zhes pa ste/ de'i 'bar ba'i rdo rje'i 'jig pa chen po zhes bya'o/ /kha T+wAM ga'i ni rgyal mtshan chen po zhes bya'o/ /thod pa kham phor ni pad+ma zhes bshad do/ /khrag chen po ni sbrang rtsi chen po zhes brjod do/ /hUM hUM hUM hUM zhes bya bya ba rnams ni rim bzhin du srungs shig pa dang myur cig pa'i don te/dkar mo la sogs pa bzhi'i snying po'o/ /ma Ta ru Ta sma ra ra Ta zhes bya ba 'di rnams rol cig dgongs shig ces bya ba la sogs pa'i don to/ /spos mo la sogs pa'i snying po'o/ /bcom ldan 'das 'di ni rdo rje 'dzin pa'i rgyal po chen po dbang phyug chen po'i dam pa ste/de ni skal ba bzang po zhes bshad do/ /sangs rgyas nyi ma 'jig rten gyi dbang phyug dang / rta mchog ni rdo rje sems dpa'i ngo bo nyid yin pa'i phyir/ rgyal po spyan ras gzigs zhes bya ba la sogs pas ni pad+ma gar gyi dbang phyug gi dkyil 'khor gyi ming bstan pa yin te/rnam par lta ba la sogs pa lha mo bzhi'i ngo bo nyid du gyur pas/ bcom ldan 'das spyan ras gzigs kyi dbang po zhes bya ba la sogs pa'o/ /shud+d+ha zhes bya ba la sogs pa ni/ rnam par lta ba la sogs pa drug gi snying po yin no//nam mkha'i snying po zhes bya ba la sogs pa ni rdo rje nyi ma'i dkyil 'khor du gtogs pa'i ming bstan pa yin te/ drug po'i bdag po'i ngo bo nyid yin pas na/ nam mkha'i snying po la sogs pa ni ming gi rnam grangs can ni bcom ldan 'das nyid yin par shes par bya'o//dbang bskur ba yi ni snyam zhes bya ba'i gter gyi ni pa pa'o/ /rgyal mtshan gyi rtse mo yi ni ta ta'o/ /mchod pa chen po ni tra Ta tra Ta tra Ta ces bya ba'i snying po'o/ /sangs rgyas byang chub la sogs pa'i dkyil 'khor gyi bar la yang rdo rje sems dpa' la sogs pa'i snying po de nyid yin no//la la dag ni lha mo rdo rje'i gtso mo'i gang yin pa de dag nyid do/ /thams cad kyi yang bde ba'i mchog la sogs pa'i lha mo rnams kyi ni rang gi bdag po'i snying po de nyid yin no zhes yongs su rtog go/ /sna tshogs pad+mo zhes bya ba la sogs pa ni rta mchog gi dkyil 'khor gyi ming ston pa yin te/'jig rten thams cad dang sna tshogs pad+mo zhes pa ni ming gi rnam grangs so/ /byang chub kyi sems chen po ni sna tshogs rdo rje zhes bya'o/ /thams cad dag par mos pa yis/ /zhes bya ba ni le lo thams cad bsal bar dgongs pa'o//grogs po zhes bya ba ni grogs po rnams kyis so/ /bzlas pa'i don la lhag par mos pa rnams kyis kyang yi ge hUM la sogs pa bzlas na 'grub par 'gyur bas/ ye shes kyi phyag rgya shes pa bstan pa'i phyir/ rjes su chags pa zhes bya ba la sogs pa gsungs te/rdo rje sems dpa' bzlas pa ni yi ge hUM ste/ de ni 'di yin te rjes su chags par bya'o zhes pa ste/ khyed kyi bdag nyid du mngon sum du byas so zhes pa'o/ /yi ge oM ni rnam par snang mdzad kyis bzlas par bya ba ste/ 'di'i don rjes su chud par bya'o zhes pa ste/khyed kyi bdag nyid kyi byang chub mngon sum du bya'o zhes pa'o/ /dpal he ru ka'i bzlas pa ni sngar bshad pa'i rdo rje ha ha bzhad pa'o/ /de'i rjes su sbyor bar bya'o zhes pa ste/ khyed kyi bdag nyid chen po dang gcig pur gyur pa bskyed par bya'o zhes pa'o/ /pad+ma gar gyi dbang phyug gi bzlas pa ni yi ge oM ste/de'i don rjes su sbyor bar bya'o zhes pa ste/ khyed kyi bdag nyid rang bzhin gyis dag pa'i chos nyid mngon sum du byas pa'o zhes pa'o/ /rdo rje nyi ma'i bzlas pa ni yi ge hi ste/ de'i don la rjes su yi rang bar bya'o zhes pa ste/ khyed kyi bla na med pa'i don gyi phun sum tshogs pa la rab tu dga' ba'i bdag nyid kyis 'jug par bya'o zhes pa'o//rta mchog gi bzlas pa ni yi ge hUM la sogs pa gang yang rung ba'o/ /de'i rjes su bstan par bya'o zhes pa ste/ khyod dang gnyis su med par gyur pas na lha dang 'dres par gyur pa'o//dngos grub la sogs pa grub pa dang ma grub pa la sogs pa shes par bya ba'i don du rnam par shes pa'i phyag rgya nye bar bstan pa'i phyir/ rdo rje sems dpa'i dpal sbyor ba/ /zhes bya ba la sogs pa gsungs te/ dpal rdo rje sems dpa'i sbyor ba ni dang po yi ge hUM zhes rdo rje sems dpa' rnam par bsams la/phyi rol du mchod pa la sogs pa'i bya ba byas te/ khye'u 'am bu mo la phyag rgya chen pos spyan drang ba la sogs pa'i rim pa byas la rdo rje sems dpar byin gyis brlab po/ /de'i ming du rdo rje hUM las byung ba rnam par bsams la/bzlas brjod brgya rtsa brgyad bya ste/ chos rnams gzugs brnyan lta bu ste/ /gdod nas dag cing dri ma med/ /ces bya ba'i bden pa gang yin pa des na/ phyin ci ma log par mthong bar gyur cig ces bden pa'i byin gyi rlabs sngon du bya ba bstan to//de bzhin du rna ba yang thams cad ces bya ba ste/ bden pa gang gis chos rnams sgra brnyan lta bu yin pa'i bden pa des phyin ci ma log par thos par gyur cig ces bden pa'i byin gyi rlabs byas la/ sgra rnams dang por bsgo'o/ /de bzhin du rnam par snang mdzad kyi rnal 'byor pa ni/las la sogs pa la'o/ /de bzhin du dpal he ru ka'i rnal 'byor pa ni/ gzugs la sogs pa'i 'dod pa'i yon tan thams cad la'o/ /de bzhin du 'jig rten dbang phyug gi rnal 'byor pa ni/ sna tshogs pad+ma kha 'byed pa'i tshul gyis pad+ma de nyid la'o//de bzhin du rdo rje nyi ma'i rnal 'byor pa ni me tog la sogs pa la'o/ /de bzhin du rta mchog gi rnal 'byor pa ni reg pa dang ma reg pas rdo rje rgyal po la sogs pa dang / shing la sogs pa la ste/ rdo rje la sogs pa la reg pa dang ma reg pa ni lag pa rig pa dang / ma rig pa yin par shes par bya'o/ /bya ba dang bya ba ma yin pa la sogs pa thams cad du yang dang po'i sbyor ba yang thun mong yin no/ /srung ba'i phyag rgya nye bar bstan pa'i phyir/ rdo rje sems dpa' dpal sbyor ba/ /zhes bya ba la sogs pa gsungs te/ rdo rje sems dpa'i rnal 'byor pas dur khrod la sogs pa'i thal ba la yi ge hUM gis rdo rje byas la des thig ler byas pas bdag dang gzhan bsrung ngo //de bzhin du rgya mtshor 'bab pa'i chu la sogs pas gtor ma la sogs pa yang snga ma bzhin no/ /mi'i thod pa'i nang du bskyed pa'i yungs kar la sogs pa yang de bzhin no//de bzhin du ma mchu sos mnan nas g.yon du 'gying bas 'dud la/ dril bu bzung la g.yas pas rdo rje bzung ste/ 'jig pas phyogs bcing ba la sogs pa bya'o/ /lha mo kun gyi bde ba ni mchog la sogs pa ste/ de rnams sam gzhan dag gnyis su med par gyur pas bdag nyid byin gyis brlab pa la sogs pa rdzogs par bya'o//rnam par snang mdzad kyi rnal 'byor pas ni lag pa g.yas pa'i rdo rjes mtshams bcing bar bya'o/ /dpal he ru ka'i rnal 'byor pas ni de'i glu dang / gar gyi sbyor bas thams cad bsrungs na rims la sogs pa 'jig par 'gyur ro//pad+ma gar gyi dbang phyug gi rnal 'byor pas/ rang bzhin gyis rnam par dag pa la mos pas sna tshogs pad+ma kha 'byed pas sgrib pa dang bral ba la sogs pa rdzogs par bya'o/ /rdo rje nyi ma'i rnal 'byor pas ni/ rang gi lus rdo rje 'bar bar bsgrubs pas bsrung bar bya'o//dpal rta mchog gi rnal 'byor pas ni rdo rje khu tshur gnyis bcings lo go cha gyon pa nas thal mo brdabs pa'i bar du rdzogs par byas pas bdag nyid bsrung ngo / /gzhan ni bdag gi nang du bcug la go cha la sogs pas bsrung ngo //sbyor ba thams cad la yang rang gi snying po rnams brjod par bya'o/ /rims la sogs pa gnod pa dang bral bar bya ba'i don du che'i rig byed shes pa bstan pa'i phyir/ chos sems dpa'i zhes bya ba la sogs pa gsungs te/ dpal rdo rje sems dpa'i rnal 'byor pas/rdo rje khu tshur gnyis bcings nas mig phye la zhi ba'i lta bas bltas la/ rims la sogs pas btab pa la spyi bo nas rkang par thug pa la byabs shing / bcom ldan 'das zla ba'i mdog lta bus bsgrub par bya ba'i lus la gang bar bsam mo//grang ba'i rims la ni sku mdog dmar po bsams te/ des na thams cad sel bar 'gyur ro/ /de bzhin du rdo rje khu tshur gnyis bcings la/ mthe'u chung lcags kyu bcings pas sbyor te/ mdzub mo gnyis sbyar la rims la sogs pa nang du bsams la btsir bar bya'o//de nyid bde blag gi sbyor bas yongs su bsgyur te/ 'phral la gzhag na des sdug bsngal ba la sogs pa sel bar 'gyur ro/ /mdzub mo phan tshun mngon phyogs pa/ /zhes bya ba ni mdzub mo phan tshun sbyar te bzung la zug rngu 'byin pa ltar byas na de phyin par 'gyur ro//gzhan yang sbyor ba 'di nyid la sogs pas btsir ba'i tshul du byas na nad thams cad sel bar 'gyur ro/ /grub pa'i spyan gyis byas pa ni long bar mthong bar 'gyur ro/ /rdo rje khu tshur gyis bzung la khar bcug nas/ 'jug pa'i tshul du byas na sel bar 'gyur ro//rims la sogs pa bsal ba la yang rim pa de nyid do/ /mngal na gnas pa la ni lha'i gzugs su bsams la/ rnam par bzlas pa byas nas 'byung bar 'gyur ro/ /rdo rje thal mo sbyar ba la mdzub mo gnyis bkug ste/ mthe bong gnyis bsnyams te rtse mo gnyis nang du bcug la sbyar ba ni bzung ba'i mchog ste sems dpa'i gtsug tor ro//gnyis su byas nas g.yas pa'i sems dpa'i gtsug gtor byis pa'i mgor bzhag na nad med pa dang / 'tsho bar 'gyur zhing mi zad pa'i bde ba thob par byed do//lag pa g.yas pa klu'i gdengs ka lta bur byas nas/ de las byung ba bsgrub par bya la rnam par gzhug pas 'bar bas bltas na/ mngon par 'dod pa'i dbang gis thams cad za ba la sogs pa byed do/ /rnam par snang mdzad kyi rnal 'byor pas/ g.yas pa'i mthe bong dang /gung mo gnyis kyis g.yon pa'i khu tshur gyi gung mo dang mthe bong la reg pas de las byung ba rdo rje 'bar ba rnams kyis bcom ldan 'das gdon rnams 'jig par blta'o/ /dpal he ru ka'i rnal 'byor pas gdug pas bsgrub par byas la mngon du phyogs te/ rdo rje'i phyag rgya bcings la de las rdo rje 'bar ba 'byung bar mos pa'i mkha' 'gro ma'i phyag rgyas gsal bar bya'o//rta mchog gi rnal 'byor pas rta thams cad bzhon par bya'o/ /rdo rje sems dpa'i rnal 'byor pas g.yas dang g.yon du yi ge hUM las de'i sku bsams la rnam par bzlas pa byas na srog la sogs pa 'phel bar 'gyur ro//de bzhin du sa bon la sogs pa la yang de'i skur bskyed la rmo zhing bskyed pa byas na thams cad 'byor par 'gyur ro/ /dkyil 'khor dang sgrub pa la sogs pa dang rab tu ldan pa na/ gal te gzhan gyi dmig tshogs la sogs pa 'jigs pa 'byung ba yang srid pas de bzlog pa'i don dgra cha'i phyag rgya shes par bstan pa'i phyir/'khrul 'khor gyis zhes bya ba la sogs pa gsungs te/ 'khrul 'khor gyis 'phangs pa ni mda' la sogs pa'o/ /ma 'phangs pa ni ral gri la sogs pa'o//lag pas 'phangs pa ni 'khor lo la sogs pa'o/ /'phangs nas slar bzung ba ni zhags pa la sogs pa'o/ /stobs su 'gyed pa ni nus dang ldan dang rol pa dang langs pa dang dpa' ba dang / lag stobs la sogs pa'o/ /'khrul 'khor gyis 'phangs pa bstan pa'i phyir/dbyibs dang zhes bya ba la sogs pa gsungs te/ de rnams kyang rim bzhin du ston te/ de la dbyibs ni sa ga'i 'dug stangs dang / zlum po'i 'dug stangs dang / g.yas brkyang ba ste rnam pa lnga'o/ /de yang gang 'di lhan cig legs par ni mthe bong rting pa sbyar ba ni/mnyam por 'dug pa'i dbyibs bzhin shes/ /de nyid shes pa rnams kyis bshad/ /rkang pa'i sor mo phyir bstan te/ /brla gnyis mi skyod 'greng ba dag /tshur ni sor tshigs nyi shu drug /sa ga'i 'dug stangs zhes bya'o/ /ngang pa'i sgra ltar mnyam bya zhing /pus mo gnyis dag bkug nas ni/ /lag gnyis nang du 'jug pa ni/ /zlum po'i 'dug stangs yin par grags/ /g.yon pa gzhol zhing bkug nas ni/ /g.yas pa'i pus mo brlar brkyang nas/ /g.yon gyi thad kar bzhag pa dang / brla dang pus mo sbyar ba'o//rgyar ni mtho lnga brkyang pa ni/ /g.yas brkyang par ni grags pa yin/ /de las bzlog par gyur pa ni/ /g.yon pa brkyang bar shes par bya/ /mi lhod pa dang sran tshugs dang / /mnyen zhing yan lag bstan pa dang / /rgya chen 'greng zhing rnam par dag / ces bya ba ni bde blag can gyis sbyar ba'o/ /rang gi snying gar 'dren tshul zhes bya ba la sogs pa kun du sbyor zhing 'dren myur ba'o/ /lag pa g.yon pa legs bsrang zhes bya ba la sogs pas 'greng ba'o/ /rna drung bar du bya ba la sogs pa ni 'dzin pa'o/ /yi ge oM zhes bya ba la sogs pa 'di dag ni ji srid bar du bkang ba yin gyi brjod par bya ba ma yin te/dus de srid kyi bar du bzung ngo zhes pa'o/ /ji ltar rim par drangs nas zhes dbye ba la sogs pa ni dgos pa'o/ /chang pas bzhes zhes bya ba la sogs pa ni 'phen pa'o/ /gru bzhi pa la zhes pa ni de'i mdun du drangs pa'o//dro ba dang zhes pa ni g.yon phyogs su'o/ /kun nas bskor bar bya ba ni rgyab tu bzlog pa'o/ /gang phyogs na ni mda' skor nas/ /zhes bya ba ni g.yas la gnas pa'o/ /smad de zhes bya ba ni 'ben 'og tu btsugs pa'o/ /bstod pa dang ni zhes bya ba ni steng du bzhag pa'o//rkang pas mnan pa ni rkang pa g.yas kyis g.yon mnan pa'o/ /mnan pa de yang rim bzhin du me'i phyogs nas 'ben la 'bigs pa'o/ /mig pa'i rkang pa'i rting pa ste/ /des de bzhin du mnan nas bden bral dang / rlung gi phyogs kyi 'ben la 'bigs pa bcu'i phyag rgya'o//rab tu 'phangs dang zhes bya ba la sogs bzhi 'phangs pa ston to/ /nyam nga lag dang zhes bya ba la sogs pa lag pas 'phen pa'o/ /thams cad 'debs dang zhes bya ba la sogs pas ni 'ben thabs lngar bzung ba ston to/ / 'khrul 'khor gyis 'phangs pa yang bya ba la sogs pa'i tha snyad kyis de la mkhas rnams byed do/ /dkyil 'khor gyi lha rnams kyi phyag rgya rnams kyis gzhag par bya ba'i phyir dang / rnal 'byor pa rnams kyis lha'i sbyor ba byin gyis brlab pa'i las thams cad shes pa'i phyag rgya bstan pa ni/srin lag gnyis kyi zhes bya ba la sogs pa gsungs pa yin te/ srin lag gnyis kyi nang du ni/ /zhes bya ba ni srin lag gi rtsa ba'i nang du'o/ /mthe bong legs par gzhug par bya/ /zhes bya ba ni mthe bong gi rtse mo dang sbyar ro/ /mdzub mo legs par gzhug par bya'o//zhes bya ba ni mdzub mo'i rtse mo bkug la/ mthe bo'i ngos kyis mnan pa ste/ /'di ni bcom ldan 'das rdo rje sems dpa' 'khor dang bcas pa'i las kyi phyag rgya ste/ bdag gi mthe bong nang du gzhug /ces bya ba ni mthe bong nang nas chos gos 'dzin pa'i tshul du bzhag pa ni bcom ldan 'das rnam par snang mdzad 'khor dang bcas pa'o//dpal he ru ka 'khor dang bcas pa'i khu tshur bcangs pa las mthe chung brkyang ba'o/ /pad+ma'i khu tshur ni pad+ma gar gyi dbang phyug 'khor dang bcas pa'o/ /rdo rje khu tshur rin chen mchog /ces bya ba ni sngar bshad pa'i rin po che'i khu tshur te/ rdo rje nyi ma'i 'khor dang bcas pa'o/ /rdo rje khu tshur bcings pa la mthe bong nang du bcug ste/ sor mo thams cad kyis mnan pa ni rta mchog 'khor dang bcas pa'o/ /las kyi phyag rgya thams cad ni lag pa gnyis kyis bcings te/de rnams kyi rang gi snying po ci lta ba dang bcas par bcing ngo / /'dod chags la sogs pa'i bgegs rnams ni zhi ba'i don du dpal rdo rje las kyi phyag rgya shes pa nye bar bstan pa'i phyir/ rkang pa brkyang ba dang zhes bya ba la sogs pa gsungs te/rdo rje sems dpa'i rnal 'byor pas rkang pa brkyang dang zhes bya ba la sogs pa'i rab tu sbyor ba byas te/ des kyang / g.yas dang g.yon pa'i sbyor ba yis/ /zhes bya ba la rkang pa g.yas pa dang / g.yon pa gnyis kyis rim bzhin du skyes pa dang bud med kyi gzugs mnan par gyur na/de ltar byas pas 'jig rten dang 'jig rten las 'das pa la sogs pa thams cad dbang du 'gyur ro/ /rnal 'byor bdag gi bya ba ni rdo rje sems dpa'i rnal 'byor pa dang ldan pa'o/ /de ltar bya ba thams cad byas shing bgegs rnams nye bar zhi ba'i rnal 'byor pas rdo rje sems dpa' la sogs pa'i phyag rgya legs par slob cing /rab tu dmigs pa'i don du dngos grub thams cad kyi phyag rgya shes pa bstan pa'i phyir/ khu tshur snying gar zhes bya ba la sogs pa gsungs te/ rdo rje sems dpa'i rnal 'byor pas tshogs kyi dkyil 'khor la sogs pa snying gar khu tshur gyi bdag nyid can gyi bud med kyi phyag rgya bcings na dngos po thams cad 'grub par 'gyur ro zhes bya bar dgongs so//bud med kyi sbyor ba ma lus pa zhes bya ba ni bde ba'i mchog la sogs pa'i lha mo'i tshogs rnams kyi'o/ / g.yon pa 'gying ba'i tshul du bya/ /zhes bya ba ni g.yon pa 'gying ba'i tshul gyis dril bu 'dzin pa'o/ /lag g.yas rang gi snying gar ni/ /zhes bya ba ni bud med kyi phyag rgyas snying gar bstod pa'i tshul gyis rdo rje rtse lnga pa 'dzin pa'o/ /bud med thams cad ces bya ba ni bde ba'i mchog la sogs pa'i gtso bo sngon du 'gro ba bud med kyi phyag rgya ste/'di ni rdo rje 'gying ba la rab tu sbyar bar bya ba yin par shes par bya'o/ /bcom ldan 'das rnam par snang mdzad kyi rnal 'byor pas ni/ g.yon pa khu tshur gyis sna tshogs pad+ma 'dzin pa g.yas pa ldang ba'i tshul gyis dbang phyug thams cad bsgrub par bya'o//dpal he ru ka'i rnal 'byor pas g.yon gyis dril bu 'khrol la/ g.yas pas rdo rje rtse lnga pa 'bar ba yongs su bskor zhing gsor bas sgyu ma thams cad 'byung bar bya'o/ /dpal pad+ma gar gyi dbang phyug gi rnal 'byor pas/ lag pa g.yon pas sna tshogs pad+ma bzung ste/ lag pa de brla g.yon par gzhag la lag pa g.yas pa g.yas pa'i brla'i steng du gzhag ste/ de'i mdzub[(] me [,]mo [)]sems dpa'i la bzhugs pa'i tshul du khar bzhag na des mi dga' ba thams cad sel bar 'gyur ro/ /rdo rje nyi ma'i rnal 'byor pas ni g.yon gyis rang gi snying gar bstod pa'i tshul du yid bzhin gyi nor bu rin po che 'dzin la/g.yas kyis ni bud med la sogs pa rin po che mchog 'dzin pas mchog sbyin pa ni bsam pa thams cad yongs su rdzogs par 'gyur ro/ /rta mchog gi rnal 'byor pas ni/g.yon gyis rang gi snying gar bstod pa'i tshul du sna tshogs rdo rje 'dzin/ g.yas rdo rje 'gying bas dbang phyug dam pa thob par 'gyur ro/ /kun du sna tshogs kyi dam tshig gi rtog pa ste/ rtog pa dgu pa'i 'grel pa'o// //da ni phyag rgya nyi shu rtsa bdun ji ltar bsgrub pa bstan pa'i 'og tu/kun du sna tshogs skal ba bzang po dpal dam tshig gi rtog pa nye bar bstan pa'i phyir/ de nas kun du zhes bya ba la sogs pa gsungs te/ kun du sna tshogs kyi phyag rgya shes pa zhes bya ba ni/ phyag rgya nyi shu rtsa bdun shes pa'o/ / 'di zhes bya ba ni bshad ma thag pa'o/ /kun du sna tshogs sbyor ba yis/ /zhes bya ba ni bdag gi lhar sbyor ba'i bdag nyid du bsgrub pa'o/ /de nyid gsal bar bstan pa'i phyir smin ma mig dang zhes bya ba la sogs pa gsungs te/ smin ma mig la sogs pa gsungs pa'i rim gyis/ cha lugs ji lta ba bzhin du gar byed pa ste/ ji ltar mthun par gar byed pas so/ /phyag rgya thams cad ces bya ba ni phyag rgya chen po'o/ /yongs su dgrol zhes pa ni bcing ba'o/ /'di skad ston par 'gyur te/ bdag nyid kyi lha'i bdag nyid ji lta ba la sogs pa'i smin ma dang / mig la sogs pas byas pa med na ni bdag nyid kyis ji lta ba bzhin du gar byed pa sngon du 'gro bas/ phyag rgya chen po thams cad bcing bar bya'o zhes pa ste/ sngar bshad pa'i rgyud kyi tshogs ji lta ba bzhin du bsgrub par bya'o zhes pa'o/ /da ni 'jig rten dang 'jig rten las 'das pa thams cad kyi phyag rgya 'jig pa'i lan gyi phyag rgya bstan pa'i phyir/dpal g.yon pa zhes bya ba la sogs pa gsungs te/ g.yon pa 'gying ba dang bcas zhes bya ba ni/ g.yon pa 'gying ba dang bcas pas dril bu 'dzin la/ lag pa g.yas pas ni pad+ma khu tshur bcangs nas dpral bar gzhag la/khros pas gyen du blta ba'i tshul du byas pa ni/ dngos grub kyi mchog thams cad la sogs pa sgrub par byed do/ /kun du sna tshogs pa ni skal ba bzang po dpal rdo rje sems dpa'i rtog pa ste/ rtog pa bcu pa'i 'grel pa'o// //sangs rgyas thams cad ces bya ba la sogs pas ni/ rdo rje can 'dis che ba nyid bstan pa yin no/ /rgyud kyi rgyal po yon tan mang ldan mkhas pa'i spyod yul ba/ /don rgyas don ldan tshogs ni shin tu 'brel sbas pa'i/ /'dir ni bdag gis lo 'dab rtse tsam blangs nas rnam phye yi//mchog tu mkhas pa'i rjes 'brang dam pa rnams ni tshad ma yin/ /dka' 'grel 'di ni sbyar ba yis/ /bdag gi dge ba gang yin des/ /rab zhi bshes gnyen bcas pa yi/ /'jig rten rdo rje 'dzin par shog /sangs rgyas thams cad dang mnyam par sbyor ba'i dka' 'grel/slob dpon rab tu zhi ba'i bshes gnyen [(]kyis [,]gyis [)]mdzad pa rdzogs so// //rgya gar gyi mkhan po a tsAr+ya shrad+d+ha ka ra warma dang / d+harmA shrI b+ha dra dang / zhu chen gyi lo tsA ba dge slong rin chen bzang pos bsgyur cing zhus te gtan la phab pa'o/