CLOSE WINDOW

D1650
བོད་ཡིག

/dag par byas gang bsod nams 'di yis bdag /rdo rje 'chang gi phun tshogs thob par shog/ @##/ /rgya gar skad du/ badzra a mr-i ta tan+t+ra TI kA/ bod skad du/ rdo rje bdud rtsi'i rgyud kyi bshad pa/ dpal rdo rje sems dpa' la phyag 'tshal lo//gang gis dngos grub gsal ba dri ma med cing ye shes dar la 'khrul med pa/ /thabs dang shes rab thugs rje chen po'i ro mnyam gcig pa yin yang gnyis snang ba/ /mA ma kI la sogs pa'i spyan zur bung ba mchog gis 'jibs pa'i pad+ma'i zhal/ / rgyal ba'i ngo bo dam pa'i bde ba de la btud nas rdo rje bdud rtsi bri/ /gsang ba'i gsang ba sems kyis ni/ /bdag gis rgyud don kun bstan nas/ /bdag gzhan phan pa'i don du ni/ /rnam bshad gsal bar byas pa'o/ /bsdus nas 'brel pa'i rjes 'brang ste//dad pas bod dpe rgyas par byas/ /rgyud 'di la mA ma kI la sogs pas yongs su bskor ba'i bcom ldan 'das mi bskyod pa ni don to/ /rgyud ni tshig go/ /dgos pa ni rdo rje bdud rtsi bde ba chen po ye shes mngon du byas pa'o/ /skye bo rnams 'dod chags la sogs pa'i nyon mongs spyad pa nyid na skyon gyis mi gos te/rnam par grol ba'i lam du gyur pa'o/ /de ltar yab yum thabs dang shes rab gnyis su med par rol pa'i 'od zer gyis skyo bas sems can gsang ba'i gnas su bkug nas dbang bskur ba'i mthus 'dod chags la sogs pa'i nyon mongs pa gnas su dag pa/ye shes lnga'i rtags kyi phyag rgya rigs lnga'i skur 'bad rtsol med par lhun gyis grub par sems can gyi don byed pa ni dgos pa'i yang dgos pa'o/ /chos kyi rjes su 'brang ba'i gang zag dad pa bskyed par bya ba la phan par byed pa'i phyir de dag kyang gdon mi za bar brjod par bya'o//'o na ci'i phyir yang dag par rdzogs pa'i byang chub thob pa'i don du sems can rnams kyi thabs 'di las gzhan ting nge 'dzin ni bcom ldan 'das kyis ma bstan nas/ 'jig rten las 'gal bas de bstan zhe na/ ci'i phyir 'jig rten gdod ma med pa'i dang po nas goms pa'i 'dod chags la sogs pa'i nyon mongs pa kun gyi dra bas 'khrugs pa'i yid yin pas/yid la chags pa la sogs pa med par gnas mi nus pa de'i phyir/ de nyid rdzogs pa la byang chub thob pa'i rgyu nyid du dang du blangs te/ sngags dang phyag rgya dang / ye shes sems dpa' 'gugs pa dang ldan par byas nas/byang chub grub par bya ba la shin tu nus pa skye ba'i phyir ro/ /gtan du 'dod chags dang / 'dod chags can bcing ba dang bcings par gyur pa de gnyis don dam par rang gi ngo bor ma grub pa yin te/ rigs pas dpyad na don med pa'i phyir te/ gang du chags pa'am/gang la chags pa'am/ gang gis chags pa de dang de'i chos ni dmigs par mi bya ste/ mi dmigs pa'i chags pa ni skyon med ce na/ mi skye ste chags par bya ba ma yin no/ /'dod chags med pa'i sems 'di rnams kyang nyon mongs pa ma yin no/ /gang dag dmigs pa'i bdag la bzhugs pa'i lta ba pa//de dag chags pas ngan song du ni ltung bar byed/ /'dod chags chos gang de nyid sangs rgyas chos yin te/ /de gnyis la ni khyad par 'ga' yang yod pa min/ /yi ge gcig tshul gcig gi mtshan nyid med pa ste/ skye bo rnams dang bde bar gshegs pa nyid kyang khyad par min//tshul khrims 'chal dang tshul khrims spyod rtogs nas/ /tshul khrims dregs pas myos pa gang gis bsam/ /de la byang chub sangs rgyas chos kyang med/ /de phyir dmigs pa'i lta bar bzhugs phyir ro/ /yang gsungs pa/ chags min chags dang bral ba na//dbu mar yang ni mi dmigs so/ /zhes pa la sogs pa'o/ /rgyud 'di'i ston pa ni bcom ldan 'das mi bskyod pa'o/ /rgyud 'di zhu mkhan sdud pa po ni mA ma kI'o/ /'khor ni lha mo mdzes mas dang por bzung nas sgo srung ma'i mthar thug pa'o/ /'di skad ces pa la sogs pa ni/rgyud kyi mgo brtsams pa'o/ /'di skad ces pa ni/ phyi nas brjod pa'i rdo rje bdud rtsi'i rgyud do/ /gnyis su na 'di skad ni rgya gar gyi tshig la e baM ste/ e gru gsum ni pad+ma'o/ /baM ni badzra ste rdo rje'o/ /rgyud 'di mgo mjug rdo rje dang pad+ma sbyor bas 'grub pa'i don yin pas/'di ni pad+ma/ skad ni rdo rje zhes sbyar bar bya'o/ /de la bdag gis zhes pa ni/ sdud pa po mA ma kI'i tshig ste/ bcom ldan 'das kyi zhal nas bdag gis mngon sum du thos par bstan te/ gzhan las gzhan du thos pa ni ma yin no zhes pa'i don to/ /de yang gcig pus thos pa ni ma yin te/phyi na 'khor gyi phun sum tshogs pa dang 'gal ba'i phyir ro/ /thos pa zhes pa ni shes pa'i don te/ yid kyi rnam par shes pa'i spyod yul yin pa'i phyir ro/ /rna ba'i dbang po'i spyod yul sgra la yid kyi rnam par shes pa'i spyod yul yin nam zhe na yin te/ spyod yul thams cad 'jug pa dang rtog pa'i rnam par shes pa gnyis kyi thun mong gi spyod yul yin pa'i phyir ro//de bas na thos pa'i don la shes pa zhes bya ba mi 'gal lo/ /dus gcig na zhes bya ba ni/ dus gcig gi tshe na ste/ gang gi tshe bcom ldan 'das mi bskyod pa gsang ba'i pad+ma la zhugs pa'i tshe thos pa'i don to//yang na rgyud 'di mgo mjug ni lo grangs dang tshes grangs su thos pa ma yin pa'i phyir ro/ /bcom ldan 'das zhes pa ni/ bdud bzhi bcom pa'i phyir ram/ dbang phyug la sogs pa legs pa'i yon tan drug dang ldan pas/ bcom ldan 'das zhes te/gsang ba'i b+ha ga'i pad+ma la rtag par gnas pa dang ldan pa'i don to/ /ci'i phyir b+ha ga zhes bya ba ni gnyis su med pa'i shes rab yin pas/ de bas bdud bzhi gsang ba'i b+ha gar gzhom pa'o/ /de ltar yang gsungs pa/ nyon mongs shes rab kyis thub ste/ /de phyir shes rab b+ha gar gsungs//zhes pa'o/ /dbang phyug la sogs pa'i rgyu sbyin pa'i pha rol tu phyin pa yang bcom ldan 'das gsang ba'i b+ha gar bzhugs pa la ldan pa'i phyir ro/ /de bzhin gshegs pa thams cad kyi zhes pa ni/ rnam par snang mdzad pa la sogs pa'o/ /de dag gi sku dang gsung dang thugs ni/sku dang gsung dang thugs zhes pa ste/ longs spyod rdzogs pa'i sku dang / bdag med pa'i chos mchog dang / dag pa 'jig rten pa'i ye shes so/ /de dag kho na snying po zhes te/ lha mo mA ma kI la sogs pa ste/ 'jigs pa med cing 'tshe ba med pa'i bden pa'i rang bzhin te/'dod pa'i 'bras bu sbyin pa'i phyir ro/ /de nyid rdo rje bdud rtsi ste rdo rje'o/ /bdud rtsi gsang ba'i zhes pa ni/ mA ma kI la sogs pa'i ste/ shin tu gsang ba'i phyir ro/ /de ltar yang gsungs te/ mu stegs rnams la phan 'dogs phyir/ /sangs rgyas btsun mo shin tu shes//zhes so/ /de dag gi b+ha ga ni pad+ma la zhes pa ste/ b+ha ga'i dbus lhag pa'i gnas la ni/ gsang ba'i b+ha ga'i nang na yi ge b+h+rUM las skyed pa'i pad+ma dang ldan pa'i phyir ro/ /de 'dra ba'i b+ha ga la bzhugs so zhes pa ste/ legs par gnas so zhes bya ba'i don to/ /don ni 'di lta ste lha mo mA ma kI la sogs pa de dag gi pad+ma'i b+ha ga la/byang chub sems rdo rje bdud rtsi'i gzugs kyis/ ji srid srid pa gnas kyi bar/ /shin tu dga' ba dam pa dang / /ro mnyam pa'i ngo bos bcom ldan 'das gnas pa ste/ spyod lam rnam pa bzhi ni ma yin no/ /de bas na rnal 'byor bdag gis kyang lha dang sbyor ba mngon du byed 'dod pas bslab par bya'o zhes pa'o//gzhal yas khang brtsegs pa zhes pa la sogs pa ni/ mA ma kI dang thabs cig tu snyoms par zhugs te/ lha mo mdzes ma la sogs pa dag dang lhan cig tu bcom ldan 'das rol te zhes bya'o/ / khang pa na zhes pa ni dkyil 'khor la'o/ /mA ma kI zhes pa ni sangs rgyas thams cad kyi yum yin pa'i phyir ro/ /bcom ldan 'das zhes pa ni bshad zin to/ /rdo rje can zhes pa ni ye shes lnga dang rigs lnga dang rgyu 'bras ni rdo rje'o/ /de dang ldan pa'i phyir ro/ /de bas na phyag mtshan yang steng 'og rtse lnga pa'i rdo rje rnams so//de ltar yang gsang ba 'dus pa'i rgyud phyi ma las kyang gsungs pa/ rgyud lnga dag pa'i 'bras dag ni/ /rdo rje zhes ni bstan pa yin/ /zhes so/ /don ni 'di ltar gsungs par gyur te/ mA ma kI la sogs pa'i chos kyi 'byung gnas ni gru bzhi la sogs pa'i yon tan dang ldan pa'i dkyil 'khor du de'i phyed kyi tshad brtags pa'i pad+ma 'dab ma brgyad kyi 'dab ma re re la/lha mo mdzes ma zhes bya ba la sogs pa brgyad gnas pa/ sgo rnams la sgo srung khro gnyer ma la sogs pa dang / grwa rnams la lha mo me tog ma la sogs pa dang / snam bu la lha mo pi wang ma la sogs pa thams cad rang rang gi phyag mtshan 'dzin par gnas par bya ba dang / bcom ldan 'das mi bskyod pa yang mA ma kI dang snyoms par zhugs pa dang ldan pas pad+ma'i snying po la bzhugs so zhes pa'o/ /'di lta ste bcom ldan 'das dbus kyi gtso bo mi bskyod pa zhal gsum phyag drug la/dbus kyi zhal dang sku mdog sngo/ g.yas dkar g.yon dmar ba/ phyag dang po gnyis kyis nu ma 'dzin pa/ g.yas pa gnyis kyis rdo rje dang ral gri/ g.yon pa gnyis kyis zhags pa dang dril bu 'dzin pa'o/ /bcom ldan 'das mA ma kI zhal gsum phyag drug la/zhal ni gtso bo dang mthun/ phyag g.yas kyi dang po na rdo rje bsnams nas/ gtso bo'i brlar brten pa/ 'og ma gnyis kyis 'khor lo dang ral gri bsnams pa/ g.yon pa gsum gyis zhags pa dang lcags kyu dang dril bu bsnams pa'o/ /shar gyi 'dab ma la mdzes pa mo zhal gsum phyag drug la/dbus kyi zhal dang sku mdog dkar/ g.yas gnag g.yon dkar/ phyag dang po gnyis kyis 'khyud pa'i tshul lo/ /g.yas gnyis kyis bgrang phreng dang mda' 'dzin pa/ g.yon gnyis kyis 'khor lo dang gzhu'o/ /zhal gsum phyag drug kun la shes par bya'o//lho'i 'dab ma la zhi ba'i zhal gyi dbus kyi zhal dang sku mdog ser po/ g.yas gnag g.yon dkar/ phyag dang pos 'khyud pa'i tshul/ g.yas gnyis kyis rdo rje dang ral gri/ g.yon gnyis kyis rin po che dang zhags pa'o/ /nub na zla ba mo'i dbus kyi zhal dang sku mdog dmar po/g.yas gnag g.yon dkar/ phyag gnyis kyis 'khyud pa'i tshul/ g.yas gnyis bgrang phreng dang rdo rje/ g.yon gnyis pad+ma dang gun+d+he/ byang du dung can ma'i dbus kyi zhal dang / sku mdog ljang gu/ g.yas gnag g.yon dkar/ phyag dang po gnyis 'khyud pa'i tshul/g.yas gnyis kyis ral gri dang rgya gram/ g.yon gnyis kyis lcags kyu dang zhags pa'o/ /dbang ldan gyi 'dab ma la ri bong 'dzin ma'i dbus kyi zhal dang / sku mdog dkar/ g.yas gnag g.yon dmar/ phyag g.yas gsum mchod sbyin dang rdo rje dang mda'o/ /g.yon gsum gzhu dang rin po che'i snye ma dang sdigs mdzub bo//me mtshams la ri mo can gyi dbus kyi zhal dang sku mdog ni gnag /g.yas dkar g.yon dmar/ phyag g.yas gsum na skyabs sbyin dang rdo rje dang mda'o/ /g.yon gsum na gzhu dang sdigs mdzub dang zhags pa'o/ /bden bral mtshams la yid dga' ma'i dbus kyi zhal dang /sku mdog ni dmar ba g.yas gnag g.yon dkar ba/ g.yas gsum mi 'jigs pa dang rdo rje dang mda'/ g.yon gsum gzhu dang pad+ma dang bgrang phreng ngo / /rlung mtshams la yid la bde bar byed pa ma'i dbus kyi zhal dang sku mdog ljang gu/g.yas gnag g.yon dkar/ phyag g.yas mi 'jigs pa dang rdo rje dang mda'/ g.yon gzhu dang ut+pal dang sdigs mdzub/ yang na gong gi rig ma brgyad kyi phyag mtshan kun gtso bo dang mthun par bris kyang mi 'gal te/ rgyud nyid las gzhan gyi phyag mtshan ma gsungs pa'i phyir ro//me tog ma dbus kyi zhal dang sku mdog dkar/ g.yas gnag g.yon dmar/ phyag dang po gnyis kyis me tog gi gzhong pa bsnams pa/ phyi ma kun gtso mo mA ma kI dang mthun te/ 'og ma kun la'ang shes par bya'o/ /spos me ma'i zhal dbus ser/ g.yas gnag g.yon dkar/phyag dang po gnyis spos me 'dzin pa'o/ /me mar ma'i dbus dmar/ g.yas gnag g.yon dkar/ phyag dang po gnyis me mar 'dzin pa'o/ /dri chab ma'i zhal dbus ljang / g.yas gnag g.yon dkar/ phyag dang po gnyis kyis dri'i dung bsnams so/ / gling bu ma zhal dbus dkar/ g.yas gnag g.yon dmar/ phyag dang po gnyis kyis gling bu bsnams so/ /pi wang ma'i zhal dbus ser/ g.yas gnag g.yon dkar/ phyag dang po gnyis kyis pi wang 'dzin pa'o/ /rnga chen ma zhal dbus dmar/ g.yas gnag g.yon dkar/phyag dang po gnyis kyis rnga chen 'dzin pa/ rdza rnga ma'i zhal dbus ljang gu/ g.yas dkar g.yon dmar/ phyag gnyis kyis rdza rnga 'dzin pa'o/ /khro gnyer ma'i zhal dbus dkar/ g.yas gnag g.yon dmar/ phyag dang po gnyis kyis rdo rje lcags kyu 'dzin pa'o/ /'jigs par byed ma zhal dbus ser/g.yas gnag g.yon dkar/ phyag dang po gnyis kyis zhags pa 'dzin pa'o/ /rta'i gzugs ma zhal gsum phyag drug la/ dbus kyi zhal dang sku mdog ni dmar/ g.yas gnag g.yon dkar/ phyag gnyis kyis rdo rje lcags sgrog 'dzin pa'o/ /tshogs kyi 'dren ma mo zhal gsum phyag drug la/dbus kyi zhal dang sku mdog ni ljang gu/ g.yas gnag g.yon dkar/ phyag dang po gnyis kyis dril bu 'dzin pa'o/ /de ltar zhal mdog gi rim pa gsang ba 'dus pa'i ka ri ka las gsungs pa/ thams cad g.yon ni nag pa min/ /g.yas kyi zhal ni dmar ba min//ye shes zhabs kyi rjes 'brang bas/ /gsang 'dus 'di ltar shes par bya'o/ /zhes 'byung / da ni bcom ldan 'das khang pa'i dbus na gnas bde la shin tu dga' ba'i ro mnyam par bya ste/ lha mo mA ma kI des 'dod chags la sogs pa la chags pa'i sems can gyi khams rnam par sbyang ba'i don du zhus pa/de la lha mo des zhus pa zhes pa la sogs pa ste/ de la zhes pa ni mdzes pa mo la sogs pa'i lha mos bskor zhing mA ma kI dang thabs cig tu bcom ldan 'das bzhugs pa'i khang pa na'o/ /lha mo de zhes ni sdud pa po mA ma kI ste/ lha'i ris su skye bar mdzad pa'i phyir ram/ rang gi 'od kyis gsal bar byed pa'i phyir ro/ /zhus pa zhes pa ni thabs dang shes rab rol par sbyar nas zhus pa yin te/ pus mo'i lha nga sa la btsugs nas zhus pa la sogs pa'i tshul ni ma yin no/ /gsang chen zhes bya ba zhes pa ni/ bde ba chen po gnyis su med pa'i so so rang rig pa'i ye shes so//de la cher gnas pa zhes te bde ba myong ba'i bdag nyid ces pa'o/ /rdo rje bdud rtsi rgyud ces pa ni/ rgyas pa dang dga' ba'i sems can gyi don byed pa'i thabs bla ma'i rgyud khri nyis stong pa'o/ /de rnams ston ce na/ sngon du zhes ni bskal pa dang po na kye lha mo khyod kyis thugs rjes ston par 'gyur te/da ltar ni sdud pa la dga' ba'i sems can gyi don du bka' stsal 'tshal lo zhes pa'i don dang 'brel to/ /bdud rtsi zhes pa ni/ lhag pa'i byang chub kyi sems de shi ba'i chos dang bral bar byed nas/ bde ba chen po'i ye shes mngon du byed pa la rkyen gyis gtso bor gyur pa'o//ci'i phyir/ de nyid sems tsam du bdag kun du bltas nas/ phung por gyur pa'i khams gsum du/ gnyis su med par gyur pa med pa'i phyi nang gi rnam par rtog pa'i dri ma'i dra ba nges par bsal bar mthong ste/ de'i 'og tu bde ba chen po'i ye shes dang ro mnyam par gyur pa shes rab kyi pha rol tu phyin pa'i rang bzhin/sa bcu gsum pa'i chos kyi 'byung gnas na/ nam mkha' dang 'byung ba bzhi'i dkyil 'khor lha'i pad+ma 'dab brgyad kyi dbus su ye shes kyi bdud rtsi'i rgyun 'phro ba 'bar ba bum par gyur pa nam mkha'i gzhir khyab pa/yi ge b+h+rUM las yongs su sprul pa/ rdo rje dbyings kyi dbang phyug ma'i gzhal yas khang brtsegs pa gru bzhi la sogs pas brgyan pa'i dkyil 'khor byas pa la zla ba'i dkyil 'khor dang rdo rjes ye shes sems dpa' bsgom par bya ste/ 'og nas 'byung ba'i bstod pa dang mchod nas bzod par gsol te/ye shes sems dpa'i kha nas bcug nas/ rdo rje'i lam gyis phyung ste zla bar zhu ba mthong nas bcom ldan 'das mA ma kI dang thabs cig pa bcom ldan 'das mngon sum du bya'o/ /de'i 'og tu rjes su sbyor ba'i dkyil 'khor gyi 'khor lo bskyed nas/gtso bo dbus su bya'o/ /rdo rje bdud rtsi 'byung ba de ni mngon par byang chub pa lnga mdor bsdus par zad do/ /de ltar yang gsungs pa/ sems dang sems dpa'i ting 'dzin yang / byang chub spyod pa bsgom par bya'o/ /zhes pa la sogs pa'o/ /yang gsungs pa/ dbang po gnyis ni snyoms zhugs nas//mkhas pas rang gi khu ba ni/ /phyung nas rtag par rnal 'byor pas/ /dkyil 'khor dkyil 'khor rgyan du byas/ /zhes so/ /de bas na don de kho nar nges par bya'o/ /khyad par du sbyor ba'i rgyud 'di la yang de kho na gtsor sgrub pa'i thabs yin na/ gzhan ni ma yin no//ci'i phyir 'di kho nar gsungs pa/ bdud rtsi'i khu ba zhes gsungs te/ /'gro ba gsum ni nges bskyed do/ /zhes pa dang / sku gsung thugs ni bsgrub don du/ /sgrub pa pos ni bde bar 'dren/ /zhes gsungs pa'i phyir/ /bde ba chen po zhes pa ni/ mi bskyod pa'i mtshan te/ thabs dang shes rab rol pa'i bde ba'i bdag nyid dang ldan pa'i phyir ro//bka' stsal 'tshal te zhes pa ni bdud rtsi sgrub pa'i thabs zhus pa'o/ /bcom ldan 'das kyis lan btab pas gsungs pa/ 'di skad ces pa la sogs pa ste/ de la 'di skad ces pa ni bsam med ces pa la sogs pa'i 'og nas 'byung ba'i tshig go//bcom ldan 'das la sogs pa ni bshad zin to/ /de la yang re zhig bdud rtsi'i rang bzhin gyi sgo nas ston pa/ bsam med ces pa la sogs pa ste/ rdo rje bdud rtsi'i rkyen bde ba chen po'i ye shes kyi khyad par du gsungs pa'o/ de la bsam med ces pa ni/dngos po dang dngos po med pa gnyis su rtog pa'i dri ma'i dra ba bsal ba'i phyir ro/ /zad med ces pa ni rang gi rigs kyi bde ba ngo bo la grangs gzhan skye ba nyid kyi phyir dang / rgyud kyi 'brel pa ma lhung ba'i phyir ro/ /phra mos te zhes pa ni tshig tu brjod pa'i spyod yul nyid ma yin pa'i phyir ro//don yod ces pa ni grangs med pa'i bskal pa mang pos thob pa'i mngon par rtogs pa'i byang chub nyid du gyur par byed pa'i phyir ro/ /dbang po las 'das zhes pa ni/ mig la sogs pa'i skye mched las shin tu 'das pa'i phyir ro/ /dam pa zhes pa ni me long lta bu'i ye shes la sogs pa lnga'i gtso bor gyur pa'i phyir ro//zhi ba zhes pa ni/ 'dod chags la sogs pa'i nyon mongs pa'i dri mas ma gos pa nyid kyi phyir ro/ /rnam dag pa zhes pa ni/ shin tu rnam par dag pa'i chos kyi dbyings kyi ye shes kyi rang bzhin nyid kyi phyir ro//rdo rje zhes pa ni mi 'jig pa 'jig par byed pa nyid kyi phyir ro/ /bdud rtsi zhes pa ni/ phyin ci log pa'i lus yongs su 'gyur ba'i rgyun bdud rtsis slong ba'i ngo bo nyid kyi phyir ro/ /da ni rdo rje bdud rtsi'i ngo bo bstan pa gsungs pa/ de nas bcom ldan rdo rje yis zhes pa la sogs pa ste/de la de nas zhes pa ni bdud rtsi'i rang bzhin ston pa'i de ma thag tu bdud rtsi kho na'i dngos po ston pa'i mgo mjug 'brel pa'i tshig go/ /gang gis ston ce na/ bcom ldan 'das rdo rje yis zhes pa ste bshad zin to/ /ji ltar ston ce na/ mA ma kI dang chags ldan nas/ / zhes pa ste/ mA ma kI dang sbyor ba byas pa'i bde ba dang ldan pa'o/ /de nyid rdo rje bdud rtsi'i ting 'dzin gyis/ /zhes pa ste/ de la gsang ba'i rdo rje las byung ba'i lhag pa'i byang chub sems ni rdo rje bdud rtsi ste/ ye shes sems dpa' kha nas thim nas zla bar zhu ba gsang ba'i lam nas byung ba bsgom pa'i sems rtse gcig pa'i ting nge 'dzin la zhugs nas/gsang chen mngon du mdzad ces pa ste/ de la gsang chen zhes pa ni/ bde ba chen po gnyis su med pa'i ye shes kyi rang bzhin lhag pa'i byang chub sems te/ rgyud gzhan las gsang ba'i phyir ro/ /mngon sum du mdzad ces pa ni lhag pa'i byang chub sems rdzas su gsal ba'i 'og nas 'byung ba'i bdud rtsi khu ba zhes bya ste zhes pa'i tshig gis mA ma kI la ston par dgongs pa'o//de'i phyir gsungs pa/ rgyud thams cad la zhes pa la sogs pa ste/ de la rgyud thams cad ni bya ba'i rgyud dang / sbyor ba'i rgyud dang gsang ba'i rgyud dang kha cig go//gsang chen zhes pa ni rdzas su mi ston pa'o/ /ye shes zhes pa ni bde ba chen po gnyis su med pa'i ye shes so/ /de nyid rdo rje bdud rtsi zhes te bshad zin to/ /de yang mchog ces te/ mya ngan las 'das pa'i ngo bo nyid yin pa'i phyir ro/ /don 'di ni 'di lta ste/kye mA ma kI rgyud kun las gsang ba'i rdo rje bdud rtsi ye shes gang yin pa de bdag gis bshad par bya zhes pa'o/ /de la re zhig bdud rtsi'i rdzas nyid sgrub pa'i thabs ston pa/ brtan por 'khyud dang zhes pa la sogs pa ste/ de la brtan por 'khyud pa ni mi shes pa'i 'dam la bying ba'i sems can rnams bla na med pa'i 'bras bu thob par bya ba'i don du 'jig rten las 'das pa'i snying rje chen po dang du blangs te bsgoms nas 'khyud pa'o//'o byed dang zhes pa ni nu ma dang lag rtse dang mgrin pa dang ma mchu dang mig dang rna ba dang sna dang spyi bo dang gsang ba'i sa dang dgu la bya'o/ /dga' ba'i rol pa zhes pa ni/'og nas 'byung ba'i pad+mar 'o bya ba dang / tshig 'jam po smra ba dang / sen mo gdab pa dang / byed pa bsdam pa lnga la sogs pa'o/ /mnyam sbyor zhes pa ni/ rol pa zin ma thag tu 'og nas ting nge 'dzin dang ldan par gsang ba'i rdo rje dang pad+ma sbyor ba'o/ /dbyangs zhes pa ni/phyung mdzad phyung mdzad ces pa la sogs pa'o/ /sil snyan zhes pa ni/ pi wang la sogs pa'o/ /gar byed pa ni/ rked pa'i gar la sogs pa'o/ /rdo rje bdud rtsi zhes pa la sogs pa ni/ de ltar 'khyud pa la sogs pa byas nas/ rgyud kyi mchog 'di la 'bad pa drag po mi dgos pas myur bar rdo rje bdud rtsi skye ba 'grub par 'gyur zhes pa'o//des 'grub pa'i bdud rtsi bstan pa/ bdud rtsi khu ba zhes pa la sogs pa ste/ de la 'gro ba gsum zhes pa ni/ 'dod khams dang gzugs khams gzugs med pa'i khams gsum ste/ 'gro ba rigs gsum dang ste/'gro ba rigs lnga kun la 'ong zhing 'gro ba'i phyir ro/ /des bskyed do zhes pa ni/ bdud rtsi des 'gro ba rigs gsum bskyed do zhes pa'i don to/ /de ltar bdud rtsi'i rang bzhin dang dngos po bstan nas/ des sgrub pa bstan pa/ khyod la dga' ma zhes pa la sogs pa ste/de la khyod la zhes pa ni mA ma kI'o/ /de'i khyad par gsungs pa/ dga' ma zhes pa ni dga' ba skyed pa'i phyir ro/ /zhal bzangs ma zhes pa ni/ bud med kyi sgyu ma dang ldan pa'i mdzes pa'i zhal lo/ /rol mo dang bcas pa'i steg pa'i tshul gyis lta ba'i spyan dang ldan pa'i phyir ro//de ltar yang mnyam sbyor bde mchog las gsungs pa/ bud med mkhas pa sgyu ma che/ /mdzes pa'i bzhin ni rnam par sgyur/ /rol mor bcas shing steg pa'i mchog /mdzes par ldan pa'i gar byas pas/ /zhes pa'o/ /de yis zhes pa ni bdud rtsi'o/ /de yis sgrub pa zhes pa ni mi bskyod pa dang khams gsum dang sku gsung thugs so//de bdag gis bshad ces ston pas dam bcas pa'o/ /ji ltar bshad ce na/ nyon cig ces pa la sogs pa ste/ de la nyon cig ces pa ni mA ma kI la bod pa'o/ /de'i sems kyi tshig khyod kyis gang las brtsams nas dris pa'i lan gyi tshig go//mdor bsdus nas ni zhes pa ni khri nyis stong pa las mdor bsdus nas bshad par bya'o zhes pa'i tha tshig go/ /lha mo'am sems can thams cad dad pa bskyed par bya ba'i don du/ sgrub pa'i yon tan gyi sgo nas ston te/ sems can thams cad ces pa la sogs pa ste/de la sems can zhes pa ni 'di las gzhan du phyin pa'i rang bzhin ni/ sems de dang ldan pa la sems can zhes so/ /sems can yang de thams cad kyang de nyid yin pas sems can de grangs med pa'i phyogs bcu'i sems can no/ /de dag la phan don du zhes pa ni sdug bsngal dang bral zhing bde ba dang phrad nas sangs rgyas pa'o//rnal 'byor zhes pa ni sgrub pa po ste/ thabs dang shes rab sbyor ba dang / bde ba chen po gnyis su med pa'i ye shes dang ldan pa'i phyir ro/ /'khor ba'i zhes pa ni bar ma do'i srid pa dang / skye ba'i srid pa dang /sngon dus kyi srid pa dang / shi ba'i srid pa dag la rten cing 'brel pa bcu gnyis kyi sgo nas 'khor ba'i phyir ro/ /de'i bcings las zhes pa ni/ 'dod chags kyis bcings pa dang / zhe sdang gis bcings pa dang / gti mug gis bcings pa dang gsum mo/ /myur ba zhes pa ni/ shes rab kyi pha rol tu phyin pa'i theg pa la bskal pa grangs med pa gsum gyis sangs rgyas so zhes 'byung ba dang / mdo sde kha cig nas grangs med pa'i yang grangs med pas sangs rgyas so zhes 'byung ba dang / nyan thos kyi theg pa la myur bar sangs rgyas pa'i tshe gsum gyi thar thob po zhes 'byung ba de dag las myur du 'grub pa yin te rdo rje theg pa tshe gcig la sangs rgyas so zhes bya ba'i don to//don ni 'di lta ste/ rnal 'byor pa gang gis sems can gyi don du dmigs nas thabs dang shes rab sbyor nas rdo rje bdud rtsi shes pa rtogs pa de ni bcings pa las myur du grol ba yin te/ 'dod sred kyi dbang gis ni grol ba ma yin no zhes pa'o/ /da ni bsgrub pa'i dngos bstan pa/ ston du med cing zhes pa la sogs pa ste/ de la ston du med cing zhes pa ni/ yongs su grub pa'i rang bzhin brjod du mi lang ba'i phyir ro/ /de ltar yang sems tsam gyi lta ba las gsungs pa/ de yi blo yis gzhan ma rtogs//de yang gzhan gyis rtogs pa min/ /gzung 'dzin rnam pa med pa'i phyir/ /bdag rang de nyid gsal ba yin/ /zhes so/ /de gang zhe na/ ye shes chen po zhes te/ mi bskyod pa'i rang bzhin bde ba chen po gnyis su med pa'i ye shes mi bskyod pa'i rang bzhin no//de ltar yang gsang ba 'dus pa las gsungs pa/ mi bskyod rdo rje ye shes che/ /rdo rje dbyings ni mchog chen po/ /zhes so/ /de 'dra ba'i dngos grub bdud rtsi bsgrub pa'o zhes pa'i don to/ /dngos grub kyi yang khyad par ston pa/ 'jig rten gsum 'grub ces pa ste/ mthong bsgoms kyis spangs pa'i khams gsum gyi nyon mongs pa yang bde ba chen po gnyis su med pa'i ye shes kyis bsal nas/phyin ci log pa'i 'dod chags dang bral ba'i phyir ro/ /sku gsung thugs kyi bsgrub don du/ /zhes pa la sogs pa des ni rdo rje bdud rtsis sku dang gsung dang thugs rnams bsgrub pa ston te/bde ba chen po'i ngo bor bskyed par 'gyur ro zhes pa'i don to/ /sgrub pa de'i thabs gsungs pa/ rdo rje pad+ma zhes pa la sogs pa ste/ de la rdo rje pad+ma zhes pa ni rang gi bsgrub pa ste/ yi ge hUM gis yongs su brtags pa'i rdo rje'i tshul yi ge b+h+rUM gyis bskyed pa'i nor bu rdo rje rgya gram gyis mtha' bskor nas brgyan pa'o//lha mo mA ma kI gzugs bskyed pa la gdol pa la sogs pa'i bu mo'i b+ha ga la yi ge hri las yongs su bskyed pa'i pad+ma'i dbus su yi ge b+h+rUM bkod nas/ des gzhal yas khang brtsegs ma bsams nas sbyor ba byed pa ma yin gyi/gzhan du na nyes pa dang bcas par 'gyur ba yin no/ /de ltar rdo rje dang pad+ma bsgoms nas/ rdo rje bdud rtsi zhes te lhag pa'i byang chub sems phyung ba de ni sgrub thabs so/ /de ltar bdud rtsi phyung ma thag tu rdo rje dang pad+ma la'o/ /btab nas lhag pa'i byang chub sems blang bar bya'o zhes gsungs pa/b+ha ga'i pad+mar 'o btab ste/ /rdo rje mA ma kI'o btab/ /ces pa'o/ /de bas na mi bskyod pa bsgom pa'i rnal 'byor pa dang / mA ma kI la sogs pa bsgom pa'i rnal 'byor ma gnyis kyis kyang bla na med pa'i 'bras bu 'dod na de bzhin du bsgrub par bya ba yin no//rdo rje bdud rtsi zhes pa la sogs pa ni bshad zin to/ /de gsungs so zhes pa ni/ ji skad gsungs pa'i tshig don de ni bcom ldan 'das kho nas gsungs pa yin te/ 'dod ka can gzhan gyis gsungs pa ma yin pa'i khungs bstan pa'o/ / da ni lha'i sbyor ba de mngon du byed pa'i rkyen mchod pa dang / dkyil 'khor de ji ltar yin zhes yang zhus pa/ b+ha ga'i pad+mar 'o btab pa/ /zhes pa la sogs pa ste/ de la dga' ba'i lha mo zhes pa ni/ pad+ma la bcom ldan 'das kyis 'o btab nas byang chub kyi sems byin gyis rlob pa mthong bas dga' ba'i phyir ro//rdo rje bdud rtsi las byung ba ni rgyud 'di'i rim pa las byung ba'i zhes pa'o/ /nyams dga' ba zhes pa ni/ yid bzhin gyi nor bu bzhin du sems can 'dod pa skong ba'i phyir na dkyil 'khor nyams dga' zhes pa'o/ /yang na 'dod chags la zhen pa'i sems can kun b+ha ga'i dkyil 'khor brten nas dga' ba ste/mngon par rtogs pa mngon du bya ba'i phyir ro/ /gsang ba zhes pa ni/ mdzes ma la sogs pa'i lha mo'o/ /de dag gi dkyil 'khor ni gsang ba'i dkyil 'khor zhes pa ste/ dkyil 'khor gyi gtso bo bcom ldan 'das mi bskyod pa la lha mo mdzes ma la sogs pas g.yas su bskor ba'i phyir ro//don ni 'di lta ste/ bcom ldan 'das la mA ma kIs rdo rje bdud rtsi sgyu ma'i dkyil 'khor zhus so zhes pa'i don to/ /zhus pa'i tshig gsungs pa/ cho ga'i rim pa zhes pa la sogs pa ste/ de la 'di ni zhes pa ni/ rdo rje bdud rtsi'i rgyud kyi rim pa'o//dga' ba chen po zhes pa ni/ gnyis su med pa'i bde ba chen po'i ye shes kyi rang bzhin gyi byang chub bo/ /de nyid thob dka' ba zhes te/ bskal pa grangs med pas kyang theg pa 'og ma pa la zhugs pa rnams kyis mi thob pa'i phyir ro/ /rab tu dgyes nas zhes pa ni thugs dang ba'i sgo nas so//de'i lan gsungs pa/ bcom ldan rdo rje zhes pa la sogs pa ste/ de la 'o btab pas ni dga' bar 'gyur zhes pa ni/ mA ma kIs gsang ba'i rdo rje la 'o btab pas dgyes pa'o zhes pa ni btab pas dgyes pa'o/ /bzhed nas zhes pa ni/ thugs rje chen po'i phyir ro/ /'di skad ces pa ni/ 'og nas 'byung ba'i lan gyi tshig go/ /gang bka' stsal pa yin zhe na sku gsung thugs kyi zhes pa la sogs pa ste/ de la 'khor ba'i rgya mtsho zhes pa ni/ rgya mtsho dang chos mthun pa'i phyir na rgya mtsho ste/ ji ltar rgya mtsho chus gsher ba dang /chu srin la sogs pas gang ste/ gting zab cing rgal dka' ba de ltar zab pa'i chos nyid kyis gsher la/ 'dod chags la sogs pa'i nyon mongs pa'i chu srin gyis gang nas zab cing mtha' yas pa'i phyir ro/ /de bsgral ba'i phyir zhes te/ 'khor ba spangs te mya ngan las 'da' bar bya ba'i phyir zhes pa'o//mA ma kIs 'dir dris pa zhes pa ni/ mA ma kIs skabs 'dir gang dris pa de kho na bka' stsal to zhes pa'i don dang 'brel to/ /de la re zhig dkyil 'khor zhus pa'i don ston pas gsungs pa snyam pa'i rjes su chags pa bskyed par bya ste/ phyi na bud med thams cad bsdams par rab tu bcings te/'dod pa zin ma thag tu ni rnal 'byor mas bde ba chen po shin tu dga' ba'i ro myong ba thob pa bskyed par 'gyur ro/ /de ni lus mnye ba'i don du gtso mo mA ma kI la sogs pa'i rnal 'byor ma de dag thams cad kyis so so re re'i bsdam pa'i phyag rgya gsungs pa/'dus dang gru mo zhes pa la sogs pa ste/ de la 'dus zhes pa ni 'dus pa zhes bya ba'i bsdam pa'o/ /yar bteg dang zhes pa ni phul ba'i zhes bya ba'i bsdam pa'o/ /gru mo brkyang ba dang shin tu brkyang ba ni/ ji ltar ston pa ming gis bsdam pa'i ming shes par bya'o//de la yang 'dus pa dang zhes bya ba'i mtshan nyid bshad pa/ bud med mgul pa dam 'khyud de/ /pho yi dpung pa gnyis ka yis/ /gru mo gnyis la gzhag pa yang / /bud med rje ngar 'dus par bshad/ /ces pa'o/ /gru mo'i mtshan nyid bshad pa/ bud med pus mo bkug pa ni//pho yi gru mor gzhag bya ba/ /pus mo gru mor bshad bya ste/ /de ltar dag pa'i rim par 'dod/ /ces pa'o/ /brkyang ba zhes bya ba'i mtshan nyid bshad pa/ 'dug pa pho yi brla steng du/ /bud med rkang mthil gzhag pa rtag /gnyis ka yis kyang mthong kar rgyab//rkang pa rkyang phyir brkyang ba yin/ /zhes pa'o/ /yar bteg pa dang zhes pa'i mtshan nyid bshad pa/ pho yi lte ba'i rtsa ru ni/ /bud med rkang mthil gzhag bya ste/ /phab pa'i mtha' ni pho ni yar/ /phul ba bteg par rab tu grags/ /zhes pa'o/ /shin tu brkyang zhes pa'i mtshan nyid bshad pa/gnyi gas rkang gnyis brkyang bas na/ /shin tu brkyang bar 'dod pa ste/ /bud med pho yi ya res ni/ /'og tu bltas pa'i lus su gnas/ /zhes so/ /byed pa'i sbyor ba yis zhes pa ni shin tu dga' ba la phan par byed pa'i rnam par rol pa la sogs pa'o/ /bsdam pa'i sbyor ba yis zhes pa ni/gong du gsungs pa'i bsdam pa dang sbyor ba gang dang ldan pa de de ltar ro/ /sa gsum dag ni bsgrub par bya/ /zhes pa ni/ sa 'og sa steng sa bla 'grub pa'o/ /da ni tshogs kyi 'khor lo'i sgrub pa gsungs pa/ sha chen dang ni khrag chen dang / /zhes pa la sogs pa ste/de la khrag chen ni pad+ma'i mtshal lo/ /phyi ma ni go sla'o/ /bsgrub par bya zhes pa ni/ yi ge a las yongs su brtags pa'i pad+ma ban+d+ha'i steng du yi ge hUM gis yongs su dag par bya ba dang / rgyas par byas nas bdud rtsi bsgom pa ni bsgrub par bya'o/ /de zos pa tsam gyis rab tu grags pa'i dngos grub sbyin par 'gyur ro//rdo rje bdud rtsi bde ba che/ /gal te dngos grub bdag 'dod na/ /zhes pa la sogs pa ste/ de la don rnams thams cad ni zhes pa dang / bdag don sangs rgyas pa dang / gzhan gyi don zhi ba la sogs pa'i las so/ /de gsal bar byed pa gsungs pa/sgrub pa pos ni mchog ni 'grub/ /ces pa ni/ bdud rtsi des sgrub pa po mchog gi dngos grub mya ngan las 'das pa 'grub bo zhes pa'i don to/ /dbang dang dgug dang zhes pa la sogs pa ni/ gzhan la bya ba gsungs pa'o/ /sogs pa'i sgra ni zhi ba dang rgyas pa la shes par bya'o//des ni 'di ltar bshad par 'gyur te/ sha chen po la sogs pa'i dam tshig brtsams pa'i rnal 'byor pa'i mthu chen po bde bar gsungs pa'i bcom ldan 'das kyis bstan cing bshad pa'o/ /de bas na rnal 'byor rnams kyis kyang gdon mi za ba de ltar bya'o zhes pa'i don to//rdo rje bdud rtsi la sogs pa ni bshad zin to/ /de bzhin gshegs pa thams cad kyi zhes pa ni 'jig rten gyi rdul phra rab dang mnyam pa'i rnam par snang mdzad la sogs pa'o/ /de dag gi sku dang gsung dang thugs kyi zhes te/ de bzhin gshegs pa'i sku dang / chos thams cad bdag med pa dang /dag pa 'jig rten pa'i ye shes so/ /de nyid rdo rje zhes te/ rdo rje sems dpa'i rang bzhin nam/ gnyis su med pa'i bde ba chen po'i rang bzhin gyi phyir ro/ /de dang ldan pa ni can zhes so/ /de gang zhe na rdo rje bdud rtsi bde ba chen po zhes pa'o/ /de'i rdo rje bdud rtsi rgyud kyi rgyal po las zhes pa ni/rdo rje bdud rtsi kho na'i rang bzhin gyis kun nas kun du snang ba'i phyir ro/ /rgyud de las gsang ba'i dkyil 'khor dang byed pa'i tshul bstan pa'i le'u zhes pa ni/ gsang ba'i dkyil 'khor gyi don dang / bya ba bsdam pa'i don shas che bar bshad pa'i tshig sder longs pa'o/ / dang po zhes pa ni gnyis pa las gong mar rtogs so/ /rdo rje bdud rtsi'i rgyud kyi rnam par bshad pa las/ le'u dang po'i rnam par bshad pa'o// //da ni chos kyi sku'i rang bzhin byang chub sems med par bsgrub pa rnams 'grub pa ma yin pas na/ de bzhin nyid kyi ye shes kyi le'u gsungs pa/de nas mgu ba'i lha mo de zhes pa la sogs pa ste/ de la de nas zhes pa ni le'u dang po dang gnyis pa mgo mjug 'brel pa'i tshig go/ /mgu ba'i zhes pa ni/ le'u dang po lhag pa'i byang chub sems kyi rang bzhin dang / gsang ba'i dkyil 'khor dang /gsang ba'i mchod pa dang / tshogs kyi dkyil 'khor thos pas mA ma kI dga'o zhes pa'i don to/ /lha mo de zhes pa ni sdud pa po zhes pa'i don to/ /pad+ma rgyas pa'i zhes pa ni/ gsang ba'i pad+ma'i yon tan te/ rus sbal gyi rgyab dang 'dra ba la sogs pa'o/ /mA ma kI zhes pa ni mtshan te/sangs rgyas thams cad kyi yum yin pa'i phyir ro/ /brtan por 'khyud pa byas nas su/ /zhes pa ni go bla'o/ /dbang po thams cad 'o btab pa/ /zhes pa ni rtsa dgu'i gnas mig la sogs pa la 'o btab pas/ spyi bor gnas pa'i byang chub kyi sems 'jug par 'gyur ba'o//sid sgra sngags ni brjod par bya/ /zhes pa ni/ sid sgra dang lhan cig pa'i yi ge hUM bzla ba'o/ /rdo rje bcings te skra yang 'dzin/ /zhes pa ni/ rdo rje bcing bas mgul pa la 'khyud de lag pa g.yas pas skra la 'dzin pa'o/ /de ltar zin ma thag tu ni 'bad rtsol med par rdo rje pad+mar mnyam par bcug pa tsam gyis bde ba myong ba'i chos can rnal 'byor ma rnams skye bar 'gyur ro//rdo rje can gyis gsang byas te/ /zhes pa ni/ theg pa 'og ma pa rnams dang / gzhan mu stegs la sogs pa la gsang ba'i phyir ro/ /chags nas dga' ste 'dod pa bya/ / zhes pa ni/ de bzhin gshegs pa la mchod pa dang / sems can gyi don la chags nas gong du gsungs pa bzhin du rdo rje dang pad+ma bsgom pa la dga' ste thabs dang shes rab kyi 'dod pa bya ba'o/ /sid sgra snyan pa sgra rnams dang / /zhes pa ni thabs dang shes rab rol pa la sngags snyan par bzla ba la bya'o//ko ki la sems can gyi khyad par la bya ste/ de dang 'dra ba'i skad rnal 'byor mas gsungs pa'o/ /sogs zhes pa'i sgras ni pi wang dang dbyangs la sogs pa'o/ /lha mo mA ma kI zhes pa la sogs pa ni go bla'o/ /sen mo'i ri mos gdab par bya/ /zhes pa ni lag mthil dang /mig gnyis dang / dpral ba dang / nu ma dang / mchan khung dang / b+ha ga'i dkyil dang / lte ba'i pad+ma la sogs pa la sen mos reg nas bskul ba yin te/ lag pa la sogs pa la sen mos reg na spyi bor gnas pa'i lhag pa'i byang chub kyi sems bzhu ste/ 'bab pa'i phyir ro/ /de yi gos ni phud byas te//zhes pa ni mA ma kI'o/ /steng 'og la yang blta bar bya/ /zhes pa ste/ steng ni zhal gyi pad+ma'o/ /'og ni gsang ba'i pad+ma'o/ /ci'i phyir rjes su chags pas de gnyis su blta ba'i phyir 'dod chags pa zin nas shin tu myur bar bde ba myong bar 'gyur ro/ /rgyas pa'i pad+mar 'o btab nas/ / zhes ni bshad zin to/ /dga' ba'i tshig kyang brjod par bya/ /zhes pa ni/ bcom ldan 'das kyis lha mo mA ma kI dgyes pa'i tshig kyang brjod pa'o/ /tshig gang zhe na gsungs pa/ rgyas ma'i pad+ma mA ma kI/ /zhes pa la sogs pa ste/ legs so legs so zhes pa ni/ sems can gyi don du rdo rje bdud rtsi legs par zhus pa dang /bdag la gsang ba'i mchod pas mchod pa ni legs so zhes pa'i don to/ /gang zhig 'dod pa khyod kyis zhus/ /zhes pa ni sems can gyi don du rdo rje bdud rtsi bdag la zhus pa dang / mA ma kI khyod kyis gang byang chub kyi sems kyi don la sogs pa/nyan 'dod pa dris shig dang gnang ba'i tshig go/ /mchog kyang sbyin zhes pa ni/ smon lam gyi sgo nas nam mkha' la 'gro ba la sogs pa'i rdzu 'phrul lam mngon shes sam mthu stobs dang ldan par byin gyis brlabs pa ni mchog kyang sbyin zhes bya'o/ /da ni lha mo mA ma kIs gtan du rjes su chags pa bcom ldan 'das la dgongs nas/de bzhin nyid kyi ye shes nyan 'dod pas zhus pa/ de nas lha mo mA ma kIs zhes pa la sogs pa ste/ de la bcom ldan 'das nyid kyi de bzhin nyid ces pa la sogs pa ni/ kye bcom ldan 'das rang nyid kyi de bzhin nyid gsungs shig ces pa la sogs ste/ci'i phyir zhe na/ rnam par rtog pa'i dra ba gnyis su med pa'i ye shes stong pa nyid kyi rang bzhin yin/ rdul phra rab las shin tu phra ba gzugs med pa'i byang chub sems dpa' kho nar thos na ji ltar rol pa dam po gnyis snyoms par 'jug pa'i bde ba myong bar 'gyur ba kye bcom ldan 'das ji ltar lags zhes gsol pa'i tha tshig go//the tshom ni byang chub zab pa dang sprul pa the tshom du gyur pa'o/ /ngo mtshar zhes pa ni/ sngon du thos pa dang mthong ba ma yin par 'byung ba'o/ /lan gsungs pa/ rdo rje bdud rtsi bde ba chen po zhes pa la sogs pa ste/de la de nyid ces na ni/ rang bzhin mi 'gyur ba'o/ /de nyid ci 'dra ba yin zhe na/ ye shes sbyor ba 'bigs byed pa/ /zhes pa ni/ thabs dang shes rab sbyor ba gnyis dang chos thams cad gnyis su med par 'byed pas 'bigs pa ston pa ni/ ye shes sbyor ba 'bigs byed pa//zhes gsungs so/ /gang de sim pa'i rnam pa dbang po las 'das pa bde ba chen po'i ngo bo gong nas gsungs pa'i so so rang rig pa mi 'gyur ba ni shin tu phra ba zhes pa ste/ 'di de yin zhes yongs su brtags pa'i ngo bor brjod du nus pa nyid ma yin pa'i phyir ro/ /de kho na nyid kyi phyir gsang chen zhes te//thun mong ma yin pa'i spyod yul nyid do/ /ye shes shes bya ngo bo nyid/ /ces pa ni/ de la shes bya ni sa gsum gyi nang du gnas pa'i rang bzhin gyi ngo bo dang gang ldan pa de ni shes bya'i ngo bo nyid ces pa ste/ ye shes kho na dngos po thams cad rgyas pa'i tshul gyis rnam pa dang bcas pa bzhin du phyi rol gzugs su snang bar 'gro ba yin no//'o na ye shes gcig tu gyur na/ 'khor ba dang mya ngan las 'das pa nyid ji ltar yin zhe na/ de kho na yang thams cad du 'jig rten gyi bde ba ngo bos grub pa 'grub par 'gyur ba la ma rig pas 'khor ba la ni 'khor ba'o//de yang snang ba de shes rab kyis dpyad na rnam pa'i don med 'ga' zhig kyang phyi rol med/ 'ga' yang bzung ba med pa'o/ /de ltar yang gsungs pa/ rang gi sems kyis grub pa'i chos/ /thams cad du ni gnas pa ste/ /chos de nam mkha'i rdo rjer gnas/ /chos med chos nyid yang med do//yang gsungs pa/ srid pa'i rtsa ba rnam shes te/ /yul ni de yi spyod yul yis/ /zhes so/ /sangs rgyas byang chub ces pa ni/ de bzhin gshegs pa'i dam tshig chen po rdo rje de kho na nyid mngon par rdzogs pa'i byang chub bo/ /gdod ma med pa'i dus gzhan grangs gzhan gyi rim par rigs mthun pa'i mtshan nyid skyed par byed pas mi zad pa'i phyir mi 'jig ces pa'o//skyed pa po'i bskyed bya ltar zad par mi 'gro bas zad med ces pa'o/ /rtag pa ni zhes pa ni dus gsum la yang tshul gcig nyid kyi phyir ro/ /gdod ma med cing zhes pa ni/ dang po dbang phyug la sogs pas byas par brtags pa'i rkyen gyi byed pa po de med pa'i phyir ro//dang po spangs zhes pa ni/ dang po yi ge a mi skye ba ri mo med pa'i gzugs spangs pa'i phyir ro/ /yod nyid dang ni zhes pa ni/ bde ba'i ngo bos so so rang rig pa ste/ bde ba'i ngo bo ma yin pa spangs pa'i phyir ro/ / yang na bde ba'i ngo bo nyid so so yang dag par rig pas mngon sum du myong ba nyid spyod yul nyid yin pa'i phyir yod nyid dang ni zhes pa'o/ /med nyid yang zhes pa ni/ 'khor gsum yongs su dag pa'i shes rab kyis dpyad pa la blo'i spyod yul nyid ma yin pa'i phyir ro/ /dbang po dang bcas zhes pa ni/ mig la sogs pa'i dbang po la byin gyis rlabs pa nyid kyi phyir ro/ /dbang po med ces pa ni/ ma mthong ba'i phyir ro/ /'byung ba kun du mthong ba zhes pa ni/ mig la sogs pa'i 'byung ba thams cad la bltas na mi rnyed pa'o/ /des na 'byung ba kun la ma mthong bar 'gyur ba'o/ /'o na de'i dngos grub ji ltar thob par bya zhe na/gsungs pa/ sbyor ba'i lam gyis mthong ba'o zhes bya ba la sogs pa ste/ de la sbyor ba zhes pa ni rang gi shes rab ma dang gcig tu gyur pa las/ bde ba chen po gnas pa gnyis su med pa'i snying rje chen po bdag nyid rnam par shes te/ rnam par rtog pa'i dra bas ma gos pa 'dis 'dod do//de nyid yang lam gyis shes pa ste/ bde ba chen po'i ting nge 'dzin la rnam par rol pa gang dag phyi rol gyi 'byung ba dang 'byung ba las gyur la/ sngon po la sogs pa de las gzhan du gyur pa bden pa de bzhin gnyis su med pa'i ye shes so/ /sbyor ba rnams zhes pa la sogs pa ni go sla'o//de ltar nang gi sbyor ba bstan nas/ da ni phyi'i sbyor ba bstan pa/ phyi'i gzugs kyi zhes pa la sogs pa ste/ de la rnam pa kun rdzob ste zhes pa ni/ rnam pa thabs dang shes rab gnyis su med par gyur pa'i bde ba chen po'i ye shes kyis kun du 'jug par byed pas na/rnam pa kun rdzob zhes pa ste/ ci'i phyir phung po lnga ni ye shes de med par mun pa bsal bar mi 'gyur ba'i don to/ /don ni 'di ltar gsungs par 'gyur te ci'i phyir lus su 'byung ba chen po lnga'i bdag nyid phung po lnga'i ngo bo nyid lha'i gzugs su brtags pa de nyid b+ha ga'i pad+ma'i dbus su bsgom par byas pa'i ye shes sems dpa' kho na phyi rol du gyur pa'i yin pa ji snyed pa'o//de gcig pus ni zhes pa ni/ phyi'i sbyor ba kun rdzob de yang nang gi sbyor ba ye shes gcig pu kho na las 'byung ba'o zhes pa'i don to/ /de'i don gsal bar byed pas gsungs pa/ thams cad rnam shes kho na'o/ /zhes pa'o/ /yang bcom ldan 'das kyis de'i mtshan nyid kho na ston pas gsungs pa/ ci'i phyir sems can bdag med rnams/ /rnam shes phung por rten pa yin/ /zhes pa ste/ bdag med pa'i tshig chos la sems can rnams kyi gzugs la sogs pa'i phung po bzhi bar ma do'i srid pa ni/rnam par shes pa'i phung po la brten na de'i phyir na bde ba chen po gnyis su med pa'i ye shes nang gi sbyor ba la phyi'i sbyor ba brten pa yin no zhes bya ba'i tha tshig go/ /de bas nang gi sbyor ba de yang so so rang rig par snang ba/ de rig pa'i ngo bo mngon sum du rjes su gyur pa/ khams gsum yid kyis khyab pa phung po lnga'i mun pa bsal ba yin pas blun po'i blo can rnams kyis ni ma shes pa'o//de kho na'i phyir gsungs pa/ blun sems snyigs ma'i mi rnams kyis/ /'ga' yang shes pa ma yin no/ /zhes pa'o/ /de ni bde ba chen por gnas pa gnyis su med pa'i ye shes te rgas pa'i bdag nyid dang /skye ba dang 'jig pa la sogs pa'i mthu dang yang ldan ston pas gsungs pa/ sems las bsam byung sems kyi dngos/ /zhes pa la sogs pa ste/ de la sems zhes pa ni gang nang gi bdag nyid kun brtags kyi dra ba med pa'i sems tsam gnyis su med par lta ba'o//de nyid las bsam 'byung zhes pa ste bsod nams dang ye shes kyi tshogs sogs par byed pa na'o/ /sems kyi dngos zhes pa ni yid kyi rnam par shes pa ste/ bsam bya skyed par byed pa'o/ /ye shes zhes pa ni gang khams gsum phyi rol dngos po gzugs su bskyed nas/ bdag gzhan gyi rnam pa gzhan la rnam par shes pas rnam par shes pa la bya'o//phyi'i gzugs khams gsum ni shes bya zhes pa'o/ /gsungs pa las ni sems kyi 'dus byas te/ yid kyi rnam par rtog brtags pa/ /rnam par shes pas shes gyur te/ /lngas ni mthong bar brtags pa yin/ ngo bo nyid ces pa ni bsam pa dang sems kyi dngos dang / ye shes dang shes bya rnams kyi ngo bo nyid ni sems tsam yin te/ de gcig pu las byung ba'i phyir ro/ /de gsal bar byed pa gsungs pa/ thams cad rnam shes shes pa ste/ /de la rnam shes ni sems tsam du yod pa'o/ /yang nyi shu pa las gsungs pa/sems dang yid dang rnam par shes pa dang rnam par rig pa ni rnam grangs su rtog pa'o/ /gang tshe lus la rkyen nyid 'gyur/ /zhes pa ni/ gang gi tshe don dang rkyen du ji ltar so so'i skye bo rnams kyis don dam pa ma mthong bas de dag gi don 'khrul pa sa bon dang myu gu'i gzugs kyis shes nas yongs su brtags pa de'i tshe na'o//gang tshe de las yin pa gang las kyang de las yin pa'o/ /de'i don kho na yang gsungs pa/ chos rnams dang ni zhes pa la sogs pa ste/ de la chos rnams dang zhes pa ni phung po dang skye mched la sogs pa'o/ /de dag rang gi mtshan nyid kyi ngo bo gcig tu gyur pa ni chos gcig ces pa'o//de bas na/ dngos po dag ni de tshe 'gyur/ /zhes te gang gi tshe sems nyid phyi'i sbyor ba phung po la sogs pa phyi'i dngos por gyur pa de'i tshe dngos po de 'dra'o zhes bya ba'i tha tshig go/ /de gsal bar byed pa'i gtan tshigs dang dpe bstan pa/ ci yi phyir na chos can gyi/ mang po nyid du chos rnams kyang / /chu rgyun bzhin du rgya mtsho la/ /zhes pa la sogs pa ste/ ji ltar chu yis yongs su gang ba'i gtsang po la shin tu mang ba'i rlabs dang / byed po 'dus pa'i gzugs kyis klung gang bar 'gyur ba de las gzhan ma yin pa de kho na bzhin du/sems tsam las kyang yid dang shes bya don dang rkyen du yongs su brtags par skye bar 'gyur ro/ /chos de kha cig na re/ chu rgyun bzhin du rgya mtsho la/ /zhes pa ni don gzhan du bshad de/ ji ltar rnam pa sna tshogs kyi ro'i chu rgyun 'bab pa rgya mtsho la zhugs ma thag tu ro gcig par gyur pa ji ltar lan tshwa'i ror gyur pa de ltar thar pa rtogs pa'i dngos po dang /dngos po med par rtogs pa yang 'dra'o/ /de bas na thar pa ni sgo rnam pa mang po nyid du ma yin par gsungs pa/ thar pa ni tshig kho na ste zhes pa la sogs pa ste/ de kho na'i mtha' la mang po nyid du zhes pa rnam pa sna tshogs kyi don rig pas mi rnyed do zhes pa ste/phyi'i tshig don rnam pa de dag gi don med pa'i phyir ro/ /de kho na yang don dam pas gtan la dbab na bden pa zhes pas bstan to/ /de 'dra ba'i zab mo ji ltar rtogs par bya zhe na/ ji ltar nang du zhes pa la sogs pa ste go sla'o/ /da ni de 'dra ba'i bcom ldan 'das bde ba chen pos gsungs pa/b+ha ga'i pad+ma zhes pa la sogs pa ste/ de la b+ha ga'i pad+ma'i zhes pa ni lha mo rnams kyi b+ha ga'i dbus su pad+ma 'dab brgyad kyi snying po dang ge sar gyis brgyan pa 'od 'bar ba yod pa ste/ de la sogs pa'i rang bzhin gang snang bar ston pa ni nam mkha' zhes pa'o//nam mkha' lnga yis brgyan pa ni/ /zhes pas dbang chen dang me dang rlung dang chu dang / nam mkha'i ngos ni dkyil 'khor lngas brgyan pa'o/ /snying dang snying po la sogs pa ni pad+ma'i yan lag ste gong du 'grel zin to/ /de'i dbus su rdo rje can bzhugs te/ byang chub sems zhes pa ni/nyi ma'i dkyil 'khor la cher gnas pa'i rdo rje can lhag pa'i byang chub sems kyi bdag nyid do/ /bdud rtsi dang zhes pa ni mA ma kI la sogs pa'i lhag pa'i byang chub sems dang ldan pa zhes pa ste/ de dang gcig tu gyur cing / gnyis su med pa zhes pa'i don to/ /byang chub sems ni ci 'dra zhe na/cha shas cha min rnam grol ba/ /zhes te/ de la cha shas ni yi ge a la sogs pa bcu drug go/ /cha min zhes pa ni yi ge ka la sogs pa'o/ /de dag ni zla ba dang 'dra ba cha shas bcu drug ni bdag nyid dang / ka la sogs pa skar ma'i gzugs dang 'dra ba de dag gis rnam grol ba zhes so//'o na thig le tsam zhi ba de kho na nyid 'dra ba yin nam zhe na ma yin te/ thig le de ni rnam par spangs/ /zhes pa'o/ /de 'dra ba'i khyad par can yi dam lha'i gzugs ni/ der gnas zhes pa ste/ b+ha ga'i pad+ma'i dbus su bzhugs pa'o/ /bdud rtsi zhes pa ni shi ba'i mtshan nyid med pa ste/de ni rtag tu zag pa zhes te 'byung ba'i don to/ /de'i phyi rol du snang ba'i khyad par gsungs pa/ khams gsum thams cad kyi gzhi yin pa'i zhes pa la sogs pa ste/ de la khams thams cad ni gzugs la sogs pa'i khams gsum rnams so/ /de dag rnams la rnam par khyab//ces so/ /yang na khams thams cad kyi zhes pa ni mig dang gzugs dang rnam par shes pa la sogs pa'i khams rnams so/ /de dag la rnam par khyab ces pa ni gsum nyid du byin gyis rlob cing khyab pa'o/ /de yang mig la sogs pa'i spyod yul la dmigs par byed pa'o zhes so//des ni mthong ba zhes pa la sogs pas ni/ don de gsal bar byed pa gsungs te/ gzugs ni mthong ba zhes so/ /sgra ni thos pa zhes pa'o/ /gzhan ni nyal ba dang zhes pa la sogs pa ni/ bcom ldan 'das kyi rang bzhin de kho na nyal ba dang zhes te gnyid log pa'o/ /sad pa dang ni log pa dang //zhes pa ni/ bag chags kyi gnyid mthug par log ste/ log par rmongs par gyur na yang rang sad pa'o/ /bzhad dang de bzhin cho nge dang / /zhes pa la sogs pa ni go sla'o/ /smyo ba dang zhes pa ni/ khams 'khrugs pa dang / mya ngan dang 'dra ba'i dbang gis smyo ba la bya'o//smyos pa zhes pa ni/ chang dang 'dod chags la sogs par gyur ba'i gzugs zhes so/ /de nyid yang 'dod chags zhes pa la sogs pa ste/ de la gti mug cas pa ni bcom ldan 'das de nyid blun pa can 'dod chags la sogs pas gyur pa'i nyon mongs pa'i bdag nyid de/de ltar 'gro ba dag snang bar grub pa'o/ /'dod chags zhes pa ni/ spyod yul la yid zhen pa'i mtshan nyid de/ gzugs la sogs pa la rol pa dang bral ba'i chos ni chags pa dang bral ba ma yin pa'i chos so/ /gzugs med ces pa ni ming gzhi'i phung po dang 'dus ma byas kyi chos kyi rang bzhin gyi phyir ro//mang po'i sems can ni zhes pa ni/ rnam pa sna tshogs mang ba tha dad pa 'dul ba'i sems can 'dul ba ma lus gang dang ldan pa de ltar ro/ /de nyid kyi phyir na du ma'i gzugs can zhes pa ste/ ma lus pa'i snod kyi 'jig rten gyi skye bo rnams kyis 'dod pa'i don byed pa'i spyod pa nyid kyi phyir ro//de kho na'i phyir na yang / sna tshogs gzugs ni nor bu yin/ /zhes pa'o/ /de ltar yang gsungs pa/ gang dang gang gi rdzas kyis ni/ /mi rnams yid ni 'byor 'gyur ba/ /de dang de yis de dngos 'gro/ /sna tshogs gzugs kyi nor bu ltar//zhes pa'o/ /khyab pa'i dngos kyis zhes pa la sogs pa ni bshad zin to/ /de nyid dam pa cher gnas so/ /zhes pa ni/ sems tsam gyi rang bzhin bde ba chen po gnyis su med pa'i ye shes te/ de gong du smos pa'i dngos su snang zhing kye mA ma kI'i gnas so zhes bya ba'i tha tshig go//de bzhin nyid de zhes pa ni/ don dam par mi 'gyur ba'i grub pa'o/ /phyi'i rang bzhin de yin par de mngon du gyur pa'i rnal 'byor pa'i phyi'i tshul ni mi dgos so zhes gsungs pa/ bzlas med ces pa la sogs pa ste/ de la bzlas zhes pa ni/ sngags kyi bdag nyid 'dzin pa yang //zhes pa ni ting nge 'dzin la dbang po rnams bsdams pa'o/ /de nyid ni de kho na nyid la med de zhes pa'i tha tshig go/ /bgrang phreng zhes pa la sogs pa ni go bla'o/ /'o na gang zhes bya ba de'i 'grub pa yin zhe na gsungs pa/ b+ha ga'i pad+mar mchod byas te/ /zhes pa la sogs pa go bla'o//da ni rnal 'byor pa dang rnal 'byor ma'i bde ba chen po thob pa'i rkyen du rtsa la sogs pa bstan pa gsungs pa/ gang de bdud rtsi 'bab pa'i rtsa/ /zhes pa ni khu ba 'dzag pa'o/ /de ni shin tu mchog ces te/ de nyid ces pa'i don to/ /yang na bdud rtsi 'bab pa'i rtsa/ /b+ha ga'i dbus su gnas pa zhes pa de ni rtsa dgu kho na ste mig la sogs pa sgo dgu la brten pa'o//de dgu dgu las rtsa gzhan ni sum cu rtsa gnyis zhes pa la sogs pa ste/ smin ma dang mgo dang / lus dang lag pa la sogs pa'i lus la ji srid pa'o/ /de dag las gtso bo ste zhes pa ste rtsa dgu'i gtso bor gyur pa yin te/gzhan phyi'i lus la gnas pa'i phyir ro/ /de nyid kyi phyir na rtsa dgu'i lha mo mA ma kI la sogs pa dgu'i bdag nyid b+ha ga'i dbus su bsams nas 'grub pa skye bar 'gyur ro/ /de ltar yang gsungs pa/ gang de rkang pa las byung ba/ /gang de lus las byung ba dag /de dag thams cad bya mchur yang //gcig tu 'dus pa'i gyur pa'o/ /zhes pa dang / dgu po 'khril bar 'gyur ba'i rtsa/ /de ni lha mo 'bab chen te/ /bshang gci 'bab pa rtsa gang yang / /de ni gsungs pa'i mtha' dang 'brel/ /zhes pa'o/ /de dag las gzhan shin tu mchog /rtsa dgu la ni rnam par gnas//zhes pa ni bshad zin to/ /da ni bcom ldan 'das kyis mA ma kI de la de'i bsgom pa'i don bstan pa gsungs pa/ sgo dgu la gnas zhes pa la sogs pa ste de la/ sgo dgu la gnas rig ma dag /ces pa ni/ mig la sogs pa sgo dgu'i rang bzhin b+ha ga'i pad+mar gnas pa'i rig ma'i lha mo rnams bsgoms te/'dod pa rnam pa lnga dang gsang ba'i mchod pas sgrub pa pos ni mchod par bya zhes so/ /'dod pa lngar ji ltar bsams nas mchod par bya ba yin zhe na gsungs pa/ rtag tu rdo rje can mnyam blta/ /zhes pa ste kye lha mo mA ma kI 'dod pa'i yon tan rnam pa lnga ni rdo rje sems dpa'i rang bzhin stong pa nyid dang mnyam par rtag tu blta'o zhes bsgom par bya ba'i don to//de bas zhes te de ltar yin pa'i phyir de dag rab byed na/ chags bral zhes gsungs kun rig pas/ /zhes te ston pa thams cad mkhyen pas 'dod pa rnams de dag rdo rje sems dpa' dang rang bzhin mnyam par byas te/spyad na 'dod chags dang bral lo zhes gsungs pa yin no zhes pa'i tha tshig go/ /yang ston pa bcom ldan 'das kyis de bzhin nyid kyi sbyor ba ye shes kyi che ba ston pa/ de dag gsang chen zhes pa la sogs te/ de la gsang chen zhes pa ni bde ba chen po gnyis su med pa'i ye shes so//mchog rab ni zhes pa ni/ ye shes rnam pa lnga'i bdag nyid kyi phyir ro/ /zhal bzangs ma kye zhes pa mA ma kI la bod pa'i tshig ste/ 'dzum pa la sogs pa'i zhal 'gyur ba'i bzhin gyi phyag rgya dang ldan pa'i don to/ /sbyor ba zhes pa ni chos thams cad thabs dang shes rab gnyis su med par sbyor ba'o//de'i don mA ma kI khyod la bdag gis bshad zin to zhes pa'i don to/ /sna tshogs rnam snang mdzad la sogs/ /zhes te/ rnam par snang mdzad la sogs pa'i de bzhin gshegs pa rnams sku mdog dang rigs dang ye shes dang / phung po dang rang bzhin dang /phrin las tha dad cing sna tshogs pa'i phyir ro/ /de bzhin gshegs pas zhes pa ni bshad zin to/ /mi shes te zhes pa ni/ bya ba'i rgyud dang sbyor ba'i rgyud kyis sangs rgyas pa'i rnam par snang mdzad la sogs pas ma shes pa'i phyir ro/ /bdag gis khyod la ni ci'i phyir bstan pa yin zhe na gsungs pa/gtan du dga' ba'i yid bde bas/ /zhes pa la sogs pa ste/ de la gtan du dga' ba'i yid bde bas zhes pa ni mA ma kI la snyoms par zhugs pa bde ba chen po gnyis su med pa'i ye shes kyis yid bde ba'o/ /sbyor ba dam pa zhes pa ni/ zhi gnas dang lhag mthong gi sbyor ba'am/yan lag drug gi sbyor ba las thabs dang shes rab tu gyur ba'i phyir ro/ /don ni 'di ltar gsungs par gyur te/ mA ma kI gsang ba'i bltam pa la sogs pa'i rol pas dga' zhing bde ba na/ de bzhin nyid kyi sbyor ba ston to zhes pa'i tha tshig go/ / de'i don gsal bar byed pas gsungs pa/ gsang ba'i pad+ma mthong bas na/ /zhes pa la sogs pa ste bshad zin to/ /de bzhin gshegs pa thams cad ces pa ni/ rdul phra rab dang mnyam pa'i rnam par snang mdzad la sogs pa'o/ /de dag gi sku dang gsung dang thugs zhes te/ de la sku ni longs spyod rdzogs pa'i sku phyag rgya chen po'o/ /gsung ni bdag med pa'i chos so/ /thugs ni dag pa 'jig rten pa'i ye shes so/ /de nyid rdo rje can zhes te/ sku gsung thugs rdo rje sems dpa'i rang bzhin dang tha mi dad pa'i phyir ro/ /rdo rje bdud rtsi bde chen po/ /zhes pa ni bshad zin to//rdo rje bdud rtsi rgyud chen po/ /zhes pa ni/ rdo rje bdud rtsi'i dkyil 'khor dang / sngags dang phyag rgya dang / de bzhin nyid dang / phrin las dang / bsgom pa dang / rang bzhin rnams kyi chu rgyun chags pa'i phyir ro/ /de bzhin nyid sbyor ba ye shes zhes pa ni thabs dang shes rab kyi byang chub kyi sems gnyis su med pa'i ye shes so//de ston pa'i tshig sder longs pa'am/ rim par phye ba ni le'u zhes pa'o/ /gnyis pa zhes pa ni dang po'i 'og ma yin pa'i phyir ro/ /rdo rje bdud rtsi'i rgyud kyi le'u gnyis pa'i rnam par bshad pa'o// //da ni sngags 'byung ba yongs su shes par bya ba'i don du bcom ldan 'das la zhu 'dod pa mA ma kIs dbyangs kyis mnyan par byas nas zhus pa/de nas mgu ba'i lha mo des/ /zhes pa la sogs pa ste/ de la mgu ba zhes pa ni mA ma kIs de bzhin nyid kyi sbyor ba thos pas mnyes pa'o/ / ha ra zhes pa ni/ mu tig gi ha ra'i dkyil na rin po che btags pa la sogs pa'i mgul do byas pa'o/ /bu bur gyis zhes pa ni/ rkang pa'i gdu bu sil sgra dang ldan pa'o/ /rgyan zhes pa ni/ mA ma kI ha ra la sogs pa mo'i cha lugs dang ldan pa'o/ /'di dag dbyangs zhes pa ni/ 'og nas 'byung ba'i phyung mdzad la sogs pa'i dbyangs tshig go/ /blangs nas su zhes pa ni sa 'dzin la sogs pa'i skad kyis blangs pa'o/ /sems dpa' chen po zhes pa ni mi bskyod pa ste/ sems dpa' chen po rdo rje sems dpa'i 'bras bur gyur pa'i phyir ro/ /de ltar yang rdo rje sems dpa'i mtshan brgya rtsa brgyad pa las 'byung ba//sems dpa' chen po dang po'i mchog /dga' ba chen po dga' ba che/ /zhes pa la sogs pa'o/ /dgyes par byed ces pa ni dbyangs kyis mchod pas bcom ldan 'das thugs dgyes par mdzad pa'o/ /dbyangs kyi tshig gsungs pa/phyung mdzad ces pa la sogs pa ste/ de la/ phyung mdzad phyung mdzad chen po rdo rje las/ /zhes pa ni/ gsang ba'i rdo rje las bde ba chen po so so rang rig pa'i ye shes kyi ngo bo 'phros shig ces pa'i don to/ /ci'i phyir 'phros pa yin zhe na/ bdag gis mchog gi yig 'bru 'tshal bar bgyi//zhes pa ste de la mchog gi yig 'bru ni gnyis su med pa'i mya ngan las 'das pa'i rang bzhin bde ba chen po'i ye shes de zad pa med pa'i phyir ro/ /de bdag gis 'tshal bar bgyi zhes mngon par bya zhes pa ni tha tshig go/ /gang du 'phros pa yin zhe na/ b+ha ga'i pad+mar zhes pa ste bdag gi b+ha ga'i pad+mar 'phros shig ces gsol ba btab pa'o//ci'i phyir bde ba chen po ste zhes pa ste/ pad+ma ni gnyis su med pa'i so so rang rig pa'i gnas kyi phyir ro/ /rdo rje ni mi 'jig pa'i rang bzhin no/ /yang na gsang ba'i rdo rje'o/ /de'i don ni bde ba chen po las zhes pa ste/ gnyis su med pa'i so so rang gis rig pa'i ye shes bde ba chen po de mngon du gyur pa'o/ /dbyangs kyi skad gsungs pa/ sa 'dzin pa dang zhes pa la sogs pa ste/ de la sogs pa'i sgras ni drang srong lnga pa dang / bam ma dang / stobs lnga dang / 'khor nyan rnams so/ /'khor ba'i tshul zhes pa ni/de las gzhan bde 'byor gyi skad las shes par bya'o/ /sna tshogs thun mong rnam dag gis/ /zhes pa ni/ dbyangs kyi tshigs bcad gcig gis yin yang skad ni de dag dang thun mong du byas nas blang ba'o/ /ji ltar zhe na/ snyan pa'i sgra yis blang bar bya/ /zhes pa ste/ dung dang gling bu dang /pi wang la sogs pa dang mthun par blang ba'o/ /dbyangs des ci 'grub par bya zhe na de rnams dbyangs ngag ces pa la sogs pa ste/ de la/ dga' ba'i yid bde rnam sprul gyis/ /zhes pa ni/ yid dga' ba dang bde ba'i rgyur gyur pa'i rnam par sprul pa ni gar zhes bya'o/ / de ltar yang sarba b+hU ta las gsungs pa/ gar ni shin tu rnam par spros pa'o/ /rdo rje bdud rtsi bde ba che/ /zhes pa ni bshad zin to/ /de nyid sangs rgyas byang chub ces te mi gnas pa'i mya ngan las 'das pa'i dam tshig chen po rdo rje de kho na nyid mngon par rdzogs par byang chub bo/ /de bsgrub par bya zhes pa ni/gar dang dbyangs kyis kyang mya ngan las 'das pa la yin gyi gzhan du ni ma yin no/ /de ltar mA ma kIs dbyangs dang gar gyis mchod pa byas nas don zhus pa/ gsang ba'i dkyil 'khor bka' stsal pas/ de bzhin nyid kyi the tshom gcod/ /ces pa ni/ de la the tshom gcod pa dang gang ldan pa ni the tshom gcod pa zhes pa'o//don ni 'di lta ste/ de bzhin nyid don dam pas gsang ba'i b+ha ga'i dkyil 'khor bshad pas bdag gi the tshom bsal lo zhes pa'i don to/ /the tshom gang gis gcod pa yin zhe na/ rdo rje can khyod bka' drin gyis/ /zhes pa'o/ /ye shes zhes pa ni/thabs dang shes rab gnyis su med pa'i bde ba dang ldan pa'o/ /bya ba des sems can smin pa dang grol bar byed pa'i mtshan nyid de byas pa ni bya ba bgyi zhes pa'o/ /bcom ldan 'das ni bod pa'i tshig go/ /chags pa dang bral ba ni chags pa rtogs pa las shin tu 'das pa'i rgyu gang yin pa de ni chags pa dang bral ba'o//rdo rje bdud rtsi 'byung ba 'di/ /zhes pa ste/ rgyud 'dir 'dod pa'i yon tan lnga rdo rje sems dpa'i rang bzhin du ston pa'i phyir ro/ /de bas na bdag gis mi dmigs pa'i bde ba'i ngo bo'i sgo nas/rdo rje theg pa'i 'byung ba'i sbyor ba sems can rnams la bstan par bgyi zhes pa'o/ /de'i don kho na yang bshad pa/ rdo rje theg pa des ni/ bcom ldan 'das mA ma kIs ye shes mnyam pa nyid du gyur pa'o//de ltar mA ma kIs de bzhin nyid kyi sbyor ba'i ye shes khong du chud nas som nyi ru gyur pa'i the tshom gzhan zhus pa/ da dung bdag la the tshom mchis/ /zhes pa la sogs pa ste/ de la/ phyag rgya gnyis kyis rnam sprul pa/ /zhes pa ni//rgyud gzhan la nang gi sku gsung thugs kyi phyag rgya dang / phyi'i lag pa'i phyag rgya gnyis su 'byung ba 'dir gang la shes par bgyi zhes zhus pa'o/ /ji ltar phyag rgya yang dag 'byung / /zhes pa ni/ phyi nang gi phyag rgya'i nang na yang dag pa'i phyag rgya gang yin pa de zhus pa'o//de dag gi sngags ji ltar lags zhes pa ni/ gsang ba'i dkyil 'khor la bkod pa'i lha mo de dag gi bzlas pa'i sngags ni ji ltar lags zhes zhus pa'o/ /sngags rnams gang las skyes pa lags//zhes pa ni/ lha mo rnams de dag yang sa bon gang las bskyed pa'i zhes zhus pa'o/ /khyad par du ni lha rnams kyang / /zhes pa ni/ gsang ba'i dkyil 'khor la pho dang mo'i la yang kho na lags zhes zhus pa'o/ /bcom ldan 'das kyis lan gsungs pa/bcom ldan rdo rje can gyis gsungs/ /zhes pa la sogs pa ste/ de la/ phyag rgya gnyis kyis rnam sprul pa/ /zhes zhus pa'i lan no/ /phyag rgya rnam pa gsum gsungs te/ / zhes pa'o/ /de dag gang zhe na/ sku dang gsung dang thugs las byung / /zhes pa'o/ /de yang bcom ldan 'das nyid kyis 'grel pa sku ni phyag rgya mchog 'gyur zhes pa ste/ de bzhin gshegs pa'i sku'i phyag rgya chen po dang / sku'i rdo rje bsgom pa ni sku'i phyag rgya ste las kyi phyag rgya yin pa'i phyir ro//gsung gi phyag rgya sngags pa'i las/ /zhes pa ni/ gzung 'dzin gyi mtshan ma med pa'i zhi ba la sogs pa'i sngags kyi las kyi ngo bo gsung gi rdo rje ni gsung gi phyag rgya ste/ chos kyi phyag rgya yin pa'i phyir ro//thugs kyi mtshan ma'i phyag rgya ni/ /bsam gtan ri mo gnyis med gnas/ /zhes pa ni/ dbyibs dang kha dog ri mo gnyis su med par gnas pa'i bsam gtan gyi ri mo thugs kyi rdo rje ni mtshan ma'i phyag rgya la bya ste/phyag rgya chen po'i phyir ro/ /de ltar yang gsang ba 'dus pa'i sgrub thabs las gsungs pa/ chos dang longs spyod sprul pa dang / /rim par thugs sogs rdo rje ste/ /de dag ye shes sems dpa' ni/ / phyag rgya bzhir ni 'dod pa yin/ /zhes so/ /ji ltar phyag rgya yang dag 'byung / /zhes zhus pa'i lan ni/ rdo rje bdud rtsi rgyud chen la/ /zhes pa la sogs pa ste/ de la sbyor ba zhes pa ni/ chos thams cad gnyis su med pa yongs su shes pa'i mtshan nyid do//de nyid phyag rgya zhes pa ni/ phyin ci log pa'i lus gsal ba kun du rgyas btab pa'i phyir ro/ /thabs dang shes rab sbyor ba ni sbyor ba'i phyag rgya zhes pa ste/ de ltar yang gsang ba 'dus pa las gsungs pa/ thabs dang shes rab snyoms 'jug pa/ /sbyor ba zhes ni bshad pa yin/ /zhes so/ /de bas na mtshan ma'i phyag rgya mi bri'o/ /zhes pa ste/ yang dag pa'i ye shes la lag pa'i phyag rgya la sogs pa ni phyi rol nyid du yin par gzung bar bya'o/ / de 'dra bar gyur pa'i yang dag pa'i ye shes 'dod na ji ltar shes par bya zhe na/ de grub cing mngon du byed pa'i thabs gsungs pa/ phyag rgya mngon sum gzugs yin te/ /zhes te/ sku gsung thugs sam gsang ba'i pad+ma'am rdo rje bsgom pa'i mngon du gyur pa'i ye shes ni phyag rgya yin te/des yang dag pa'i ye shes grub par bya'o/ /khyad par du ni lha rnams kyang / /zhes zhus pa'i lan gsungs pa/ lha ni lha mo bud med do/ /zhes pa ste/ lha mo yang mA ma kI la sogs pa lha dang sbyor ba'i bud med yin gyi gzhan ni ma yin no//de bas na gsang ba'i mchod pa ni sbyor bas kun bya'o zhes gsungs pa/ dbang po thams cad ces pa la sogs pa'o/ /b+ha ga'i pad+mor lha mo bsgom pa gcig pu las byang chub grub pa'i dpe dang don bstan pa/ji ltar dpag bsam shing zhes pa la sogs pa ste/ rtsa ba dang ldum bu dang lo mas brgyan pa'i dpag bsam gyi shing chen po skye ba'i rkyen sa bon phra mo'i tshad yin yang /de 'dra ba'i gzugs bskyed par nus pa ji lta ba bzhin du/ de ltar b+ha ga'i pad+ma'i rtsar gnas pa'i bdud rtsi 'bab pa'i rtsa dgu la lha mo mA ma kI la sogs pa'i gzugs kyi phyag rgya bsgom pa ni bla na med pa'i rkyen du gyur ma yin no zhes yid ches par bya'o/ / sngags de rnams kyang zhes pa la sogs pa zhus pa'i lan ni/ de nas bcom ldan zhes pa la sogs pa ste/ de la rdo rje bcug nas ni/ gsang ba'i rdo rje dang pad+mar sbyor te sngags 'byung ba zhes pa'i tha tshig go/ /dang po rnam snang mdzad ces pa la sogs pa ni/ sngags 'byung ba ston pas gsungs pa 'di lta ste/pad+ma 'dab brgyad bris nas 'dab ma re re la yi ge a la sogs pa sde brgyad bkod de/ rim pa de ni sngags dbyung bar bya'o/ /dang po rnam par snang mdzad sbyor te zhes pa ni/ yi ge oM dang por sbyor bya ste/ yang badzra a mr-i ta ma hA su kha zhes sbyor ba'o/ /rnam par snang mdzad ni yi ge oM kho na yin no//de ltar yang rnam par snang mdzad sgyu 'phrul dra ba las gsungs pa/ gang du dang po rnam par snang mdzad ni/ /dag cing dri med blo ni oM du sprul/ /zhes so/ /sa bon bzhi dang zhes pa ni dzaHhUM baM hoHrnams so/ /de dang mnyam ldan la zhes so/ /swA hA'i yi ge yang sbyor ro ni/ yi ge swA hA mtha' ma na sbyor ba dang ldan zhes pa dang 'brel to//sngags ni 'di lta ste/ oM badzra a mr-i ta ma hA su kha dzaHhUM baM hoHswA hA/ de ni bcom ldan 'das mi bskyod pa'o/ /rnam par snang mdzad yang dbul te zhes pa ni/ mA ma kI'i sngags gsungs te/ gong du yi ge oM bzhag pa'o/ /yi ge gnyis pa ni yi ge a 'byin pa'o//bzhi pa ste ni yi ge i'o/ /bzhi pa ste ni mnyam ldan te zhes pa TI ka'i sde tshan dang 'brel pa'i yi ge ni ga ste/ de dang ldan ma thag tu lha mo mA ma kI'i snying po ste/ oM gr-i swA hA'o/ /da ni mdzes ma la sogs pa rig ma brgyad kyi so so re re'i sngags gsungs pa/ brgyad dag kho na'i zhes pa ste/ yi ge ka'i sde tshan ma yin pa yi ge a la sogs pa zung brgyad rnams so//dbus pa gang zhes pa ni yi ge ring ba rnams so/ /brgyad kyis rnam par brgyan zhes pa ni/ brgyad kyi thig le'i ming ste yi ge brgyad kyis brgyan par bya'o/ /de nas ring po'i yi ge a la sogs pa/ 'dab ma brgyad la sbyor ba ji lta ba bzhin du bkod nas/zhal mdzes ma la sogs pa lha mo rnams kyi sngags phyung ngo / /de dag la yang rnam par snang mdzad dang mtha' na yi ge swA hA yang sbyor ba ni gong du smos pas 'dir yang 'brel ba gdon mi za bar bya'o/ /de ltar rgyud kun las btus nas gsungs pa/ phul du sngags rnams thams cad ni//phyag 'tshal swA hA sbyor ba'o/ /zhes so/ /lho'i 'dab ma la zhi ba'i zhal gyi sngags oM aM swA hA/ shar gyi 'dab ma la mdzad pa'i lha mo'i sngags ni oM aM swA hA/ nub kyi 'dab ma la zla ba mo'i sngags ni oM uM swA hA/ byang gi 'dab ma la dung can ma'i sngags ni oM raM swA hA/ dbang ldan gyi 'dab ma'i ri bong 'dzin dkyil 'khor ma'i sngags ni oM laM swA hA/ me mtshams kyi 'dab ma la ri bong ma'i sngags ni oM a~M swA hA/ /bden bral gyi 'dab ma la yid dga' ma'i sngags ni oM hUM swA hA/ /rlung mtshams kyi 'dab ma la yid la bde bar byed ma'i sngags ni oM a~M swA hA/ blo blun po gzhan dag gis ni mi shes nas rig pa gzhan du sngags phyung bar byed do//de ni mi rigs te de bas na 'dir yang ma bris so/ /sngags dbyung ba 'di kho na ni dkyil 'khor la bkod pa'am/ gzhan du sgo ba la sogs pa la sbyor bar bya'o/ /sgo srung dag gis zhes pa la sogs pa ni/ sgo srung ma'i sngags bshad 'dod pas gsungs pa/de la skal bzangs zhes pa ni/ na so dang / byad dang / mdangs dang / khams gsum gyis mchod 'os kyi phyir dang / sems can gyi don byed pa'i skal ba dang ldan pa'i phyir na mA ma kI skal bzangs zhes so/ /sde'i mtha' ma zhes pa ni/ yi ge a la sogs pa sde gcig pa dang /gzhan ka la sogs pa'i sde bdun no/ /de dag ni a nga nya Na na ma swA hA rnams so/ /de dag sa bon brgyad ni sngags zhes pa'o/ /spro ba'i lha yis zhes pa ni thig les mnyam par gnon pa zhes so/ /rnam par snang mdzad dang ldan pa zhes pa ni mgor yi ge oM dang ldan pa'o/ /swA hA'i yi ge rnam par ldan//zhes pa ni/ /mtha' ma ni yi ge swA hA dang ldan pa'o/ /bzhi ni sgo srung gi yin te zhes pa/ /sngags bzhi ni sgo srung ma bzhi'i yin te/ oM aM swA hA/ shar gyi sgo srung ma'i 'o/ /oM nga~M swA hA/ lho'i sgo srung ma'i'o/ /oM nya~M swA hA/ nub kyi sgo srung ma'i'o/ /oM na~M swA hA byang gi sgo srung ma'i'o//bzhi ni me tog spos me la sogs zhes pa ni/ gzhan sngags bzhi ni me tog ma la sogs pa bzhi dang sbyor te/ oM na~M swA hA/ me tog ma'i 'o/ /oM ma~M swA hA spos me ma'i'o/ /oM wa~M swA hA/ mar me ma'i'o/ /oM hA~M swA hA dri chab ma'i'o/ /yang na gzhan dag na re/ sgo srung ma la sogs pa'i sngags ni ming bzung nas sngags kyi yi ger sbyor bar bya ste/oM badzra a~M gu sha swA hA/ oM badzra pA sha swA hA/ oM badzra s+pho Ta swA hA/ oM badzra A be sha swA hA/ de ltar me tog ma la sogs pa yang sbyor bar bya ste/ oM na~M badzra push+pe swA hA/ oM ma~M badzra d+hU pe swA hA/ oM wa~M badzra A lo ke swA hA/ oM ha~M badzra gan+d+he swA hA/ da ni gling bu ma dang / pi wang ma dang / rnga chen ma dang / rdza rnga ma rnams kyi sngags dbyung 'dod pas gsungs pa/ ma ning yi ge zhes te re re le le'o/ /de dag bzhi la yang swA hA/ rnam par snang mdzad yang zhes pa ni bshad zin to/ /sngags ni 'di lta ste/oM ra~M badzra pA she swA hA/ oM ra~M badzra bi ni swA hA/ oM la~M badzra mu kun+de swA hA/ oM la~M badzra mu ra dze swA hA/ lha mo gsang ba zhes pa la sogs pa ni go sla'o/ /de bzhin gshegs pa la sogs pa yang bshad zin to/ /sngags phyung ba bstan pa zhes pa ni/ /sngags sogs gtso bor byas nas bstan pa'i phyir ro//gsum pa ni gnyis kyi 'og ma'o/ /rdo rje bdud rtsi'i rgyud kyi le'u gsum pa'i rnam par bshad pa'o// //da ni sbyin sreg med par lhas byin chags par mi 'gyur bas/ sbyin sreg gi las kyi cho ga le'u bzhi pa gsungs pa/ de nas sbyin sreg las dag ni/zhes pa la sogs pa ste/ de la cho ga'i rim pa ni/ /'og nas 'byung ba'i las kyi rim pas sa gzung ba dang / hom gyi dbyibs dang / kha dog bsgyur ba dang phyogs dang dus dang sreg rdzas la sogs pa bdag gis bshad par bya zhes pa'o/ /rgyud gang gi rim pas bshad par bya ba yin zhe na/sbyor ba'i rgyud kyi zhes pa ste/ thabs dang shes rab sbyor bas na/ /gsang ba'i rgyud kyang sbyor ba'i rgyud yin te/ /de nyid 'dus pa la sogs pa'i rgyud ni ma yin no/ /de'i cho ga yis zhes pa ste/ /gsang ba'i pad+ma la bsgom zhing gsang ba'i pad+ma dang rdo rje bskyed nas thabs dang shes rab sbyor ba la sogs pa'i rim pa'o//des grub pa'i don gsungs pa/ sku gsung thugs ni 'grub pa yin/ /zhes pa ste/ chos kyi sku dang longs spyod rdzogs pa'i sku sprul pa'i sku gsum 'grub pa'i phyir ro/ /de lta bu'i nang gi bsgom pa'i cho ga dang ldan pas ni phyi'i las bya ba gsungs pa/ zhi ba dang ni zhes pa la sogs pa ste/ de la zhi ba ni gnod pa dang nad la sogs pa zhi bar byed pa'i phyir ro/ /rgyas pa'i las ni tshe dang srid dang longs spyod la sogs pa rgyas shing 'phel bar byed pa'o/ /de bzhin dbang dang ni pha rol gyi sems dbang du 'gyur zhing bdag gi ci 'dod pa byed pa'o/ /mngon spyod dang zhes pa ni/ gzhan la gnod cing phung bar byed pa'i las so//'thab pa ni dkon mchog gi dgra bo dang gnyis 'thab par bya'o/ /bskrad pa ni yul gzhan du spyugs pa'o/ /sngags dang ni zhi ba la sogs pa'i sngags so/ /phyag rgya ni zhes pa ni/ zhi ba la sogs pa'i las bya ba'i sku mdog gi khyad par can sku phyag rgya'o/ /de rnams 'grub pa'i rim pa rnams te/de kun bdag gis bshad par bya/ /zhes pa'o/ /rgyud gang gi rim pas bshad par bya ba yin zhe na/ rdo rje bdud rtsi 'byung ba'o/ /zhes pa ste/ rdo rje bdud rtsi de'i rgyud kyi rim pas bshad par bya ba gzhan du ni ma yin no/ /rdo rje sems dpa' 'gying byed pa/ /zhes pa ni/rdo rje sems dpa' bsgom pa'i rnal 'byor pas rdo rje hU~M mdzad kyi 'gying bag dang ldan pa'i lha dang sbyor bar bya'o zhes mdor bsdus pa'o/ /sku rten bcas par gnyis ni rdo rje dang dril bu gnyis 'dzin pa dang ldan par gnas pa zhes te 'dug pa'o/ slob dpon dkyil 'khor 'jug par bya/ /zhes pa ni/ gong du gsungs pa'i ting nge 'dzin dang cha lugs dang ldan pa'i slob dpon sbyin sreg gi sa'i dkyil 'khor la 'jug pa yin te/de bzhin du rdul tshon gyi dkyil 'khor la yang 'jug par bya'o/ /khams gsum rnam par rgyal gyur nas/ /zhes pa ni/ g.yas brkyang ba la sogs pas sa sbyong ba'i mdun du khams gsum rnam par rgyal ba'i ting nge 'dzin dang 'brel par bya'o zhes pa'i don to//rkang gnyis zhes pa la sogs pa ni/ g.yas brkyang ba dang g.yon brkyang ba dang mnyam po dang sa ga rnams kyis shar la sogs pa'i phyogs bzhi la sbyor bar bya'o/ /de la g.yas brkyang ni g.yon pa bskum nas g.yas pa'i rkang pa brkyang bar gnas par bya'o//de las bzlog pa ni g.yon brkyang ba'o/ /rkang pa phan tshun gshibs nas sor mo gshibs pa de ni mnyam po'i stobs so/ /kha cig na re bar gcig tag ta shes par bya'o zhes zer ro/ /phyir 'gyur sor mo rkang gnyis gnas/ /pus mo gnyis ni yar bsgrengs te/ /bar thag sor ni nyi shu drug//gnas pas gar bshad pa'o/ /zhes so/ /don ni 'di ltar gsungs par 'gyur te/ rdo rje hUM mdzad kyi nga rgyal byed pa'i rnal 'byor bas mig g.yas g.yon la yi ge ma~M gnyis kyis nyi ma dang zla ba'i dkyil 'khor dmigs te/ de'i steng du hU~M las bskyed pa'i rdo rje 'od zer 'bar ba'i sde yis bgegs kyi tshogs kun bskrad par bya ste/rkang mthil la yang yi ge as yongs su bskyed pa'i rdo rje rgya gram gyi 'od zer gyis sa gzhir gnas pa'i bgegs kyi tshogs bsal bar bya ste/ yi ge laM las bskyed par bsgom pa'i dbang chen gyi dkyil 'khor gru bzhi pa'i/ dbus su gnas pa'i sa'i lha mo gser gnyis kyis gzung ba la mchog sbyin gyi don du rang 'ong ba bsgom ste sngags 'dis dgug par bya'o/ /de ltar bkug nas mchod par bya ste/ bzod par gsol nas hom khung brko bar brtsam par bya'o zhes pa'i don to/ /de'i don ston pas gsungs pa/ sa ni spyod pa byas ma thag /ces pa nas/ sbyin sreg las ni grub par mdzad/ /hri hi hi hi swA hA zhes pa'i bar du'o/ /hom khung brtsams pa'i sngon du sngags bzla zhing dri chus gtor ba dang spos btul nas byin gyis brlab par bya ba'i don gsungs pa/ bshang gci khrag dang khu ba yis/ /zhes pa nas/ sha chen gyis ni dbul bar bya/ / zhes pa'i bar du'o/ /da ni zhi ba la sogs pa'i las byed na/ rnal 'byor ma'i shes rab ma dkyil 'khor du gzhug pa'i rim pa gsungs pa/ de nas rig ma 'jug par bya/ /zhes pa la sogs pa ste/ de la yan lag lnga la yi ge hri zhes pa ni/ gdol pa mo la sogs pa'i lha mo'i b+ha ga ni yan lag lnga zhes te de la yi ge hri bkod pa'o//kha cig ni yan lag rnams kho na la bkod pa brjod pa'o zhes zer ro/ /yang na yan lag lnga de kho na'i dbus su yi ge b+h+rUM bsgoms te/ spyan ma zhes pa la sogs pas ni/ gzugs nyid du go rims su gdol pa mo la sogs pa bsgom par bya'o/ /de la yid dga' ma zhes pa ni/ dbus kyi gtso mo mA ma kI dang sku mdog dang phyag mtshan mthun pa dbang ldan gyi mtshams na bkod pa'i lha mo'o/ /de ltar bsgom pa gtan la phab nas b+ha ga'i dbus su slob dpon gyis me tog gtor bar bya'o/ /de nas zhes pa ni shes rab ma byin gyis brlabs pa'i de ma thag tu ni sngags pas zhes pa'o/ /tshad mar zhes pa ni/'og nas 'byung ba'i zhi ba la sogs pa dang mthun pa'i hom khung gi dbyibs so/ /bri byas te zhes pa ni/ dpag tshad bris te phyi nas brko'o zhes pa'i don to/ /tshad dang dbyibs dang mdog gsungs pa/ zhi ba zlum por bya zhes pa la sogs pa rnams ni go sla'o/ /de la dgug pa dang dbang gi tshad ni drag po dang mthun no//de ltar zhi ba la sogs pa'i las bya ba'i hom khung gi dbyibs bstan nas/ yang zhi ba la sogs pa'i las bya ba'i phyogs bstan pas gsungs pa/ hom khung ston nas su zhes pa la sogs pa'o/ /gong du gsungs pa'i mngon spyod kyi hom khung gi mdog dang dbang la sogs pa'i hom khung gi mdog bstan pa/mngon spyod kha dog nag po ste/ /dbang la sogs pa tshon lngas bri/ /zhes pa ste/ de la sogs pa'i sgras dgug pa dang / bskrad pa yang tshon lngas bya'o/ /da ni zhi ba la sogs pa'i sreg rdzas ston pas gsungs pa/ 'bras dang til dang zhes pa la sogs pa ste/ de la/ bdud rtsi lnga dang ldan pa yis/ /zhes pa ni gsang ba'i rgyud kyi rim pa yin pas bdud rtsi dang ldan pa/ sreg rdzas kun la bsreg par bya/ /zhes pa'i don to/ /de la yang sreg rdzas 'bul ba'i rim pa ni 'di lta ste/ dang la yam shing mar khu dang / /sbrang rtsi 'bras dang til 'o ma/ /sna tshogs zas sam gtor ma yang //zhes pa la sogs pa ni/ khrag 'thung gi phyag rgya rdo rje thal mo las phyed phyed de/ mdzub mo gnyis dang mthe bong gnyis mche ba'i tshul du byas te/ phyag rgya de yis yi ge b+h+yo brjod de khrag 'thung gi nga rgyal dang ldan par byas nas/ phyogs dang mtshams la gtor ma sbyin par bya'o zhes pa'i don to/ /las gzhan ni sla bas ma bshad do//da ni zhi ba'i las bya ba'i dus bstan pa/ dbyar gyi dus na zhi ba ste/ /zhes pa la sogs pa'o/ /dbang gi dus la sogs pa ni dkyus na med de ston gyi dus gang dang ldan pa la shes par bya'o/ /yang nyin gcig gi dus bstan pa/ snga dro zhi bar rab tu gsungs/ /zhes pa la sogs pa'o/ /da ni de ltar hom khung brtsigs nas me 'bar bar byas te/de'i dkyil du bsgom pa'i lha bskyed nas sbyin sreg dbul bar gsungs pa/ yi ge hUM gis zhes pa la sogs pa ste/ de la/ yi ge hUM gis bskyed nas su/ /zhes pa ni/ yi ge hUM gis bcom ldan 'das rdo rje sems dpa' bskyed par bya ste/ de 'od du zhu ba las gyur pa'i rang gi yi dam gyi lha bsgom pa'o//yang na yi ge hUM gis mi bskyod pa bsgom pa'i tha tshig go/ /yi dam lha rdo rje sems dpa' bskyed par bya ste zhes pa ni/ slob dpon la dam bcas pa'i lha'o/ /zhal ni gdangs par bsam byas te/ /zhes pa ni yi dam gyi lha gang bsgom pa'i zhal ni gdangs par bsgom pa'o//sbyin sreg de la dbul bar bya/ /zhes pa ni/ gong du bshad pa'i sreg rdzas blugs gzar dang dgang gzar gyis zhal gdangs pa de la blugs nas mchod par bya'o/ /dang po me ni dgug bya ba/ /zhes pa la sogs pa ni/ hom khung du yi dam gyi lha la mchod pa'i sngon du 'jig rten gyi lha thams cad kyi mchod gnas me'i 'od zer 'bar ba drag po'i tshul dang ldan pa bgrang phreng dang gun+d+he bsnams pa bu ram gyi mdog skra ser po sangs rgyas byang chub bsgrub pa'i me lha me'i mtshams nas dgug pa'i mchod pa bya'o//de dgug pa'i sngags dang tshigs bcad ni/oM e h+ye hi/ tshur spyon tshur spyon me yi lha/ /zhes pa nas/ oM hUM hUM phaT phaT swA hA zhes pa'i bar du'o/ /me lha dang yi dam gyi lha la mchod pa dbul ba'i rim pa dang sngags dang dbyangs gsungs pa/ dang po la ni zhes pa la sogs pa nas dri'i sngags so zhes pa'i bar du'o/ /zhabs g.yon zhes pa ni/byon ma thag tu zhabs la dbul ba'o/ /rdo rje can zhes pa ni/ rdo rje sems dpas kyang mchod gnas su gyur pa khyod ces pa'i tha tshig go/ /yang na bdag rdo rje sems dpa'i ting nge 'dzin du bsgoms pas 'bul lo zhes pa'i don to/ /gong ma'i don de gsal bar byed pa bcom ldan 'das nyid kyis gsungs pa/dang por mchod pa'i zhes pa la sogs pa ste/ dang por me lha'i zhal du sreg rdzas thams cad la gzar bu gsum gsum phul nas yon dang dbyangs dang gar la sogs pas kyang mchod de 'bar ba'i me la thim nas 'od du gyur par bsgoms te/ phyi nas rang gi yi dam gyi lha'i sngags brjod nas bsgoms te mchod par bya'o zhes pa'i tha tshig go//brjod pa'i sngags ni oM badzra a mr-i ta ma hA su kha dzaHhUM baM hoHswA hA zhes pa'o/ /de bzhin du rang gi yi dam gyi lha'i sngags bar na bcug nas sbyin sreg gi sngags shes par bya'o/ /de ltar sbyin sreg zin ma thag tu rnal 'byor pa dang rnal 'byor ma rnams kyis mchod pas mchod pa gsungs pa/dbyangs dang gar dang zhes pa la sogs pa nas/ tshogs la mchod pas mnyes par bya/ /zhes pa'i bar du'o/ /de'i yon tan bstan pa/ sku gsung thugs kyi dngos grub ni/ /bdag la myur du grub pa'o/ /zhes so/ /da ni rdzogs par bya ba'i cho ga gsungs pa/me lha bla ma rdo rje 'dzin/ /zhes pa la sogs pa'i ste/ de la bla ma rdo rje 'dzin zhes pa ni de bzhin gshegs pa'i yi dam lha ste/ de la mchod nas ting nge 'dzin gyis slar gtong ba'o/ /de nas me lha'i yang gzugs su bsams te/ lhag ma sreg rdzas phul nas mchod de gsol ba btab pa dang / me lha la gsol ba gdab pa'i tshig ni/ oM me lha las ni grub par mdzod/ /ces pa nas hUM swA hA dang ldan pa'i bar du ste/ de las rgyu dang zhes te nam mkha' la 'phur ba rnams so/ /mi rgyu ba zhes te sa la gnas pa rnams so/ /sgrub pa po dang zhes pa ni mi snang ba sgrub pa rnams so/ /bsod nams zhes pa ni gtsang bar byed pa'o//sngags kyi dngos grub rab sbyin cing / /zhes pa sngags zhi ba'i rang bzhin yi ge oM la sogs pa swA hA'i mthar thug pa'i dngos grub stsol cig ces pa'o/ /a a zhes pa la sogs pa ni/ rdo rje sems dpa'i yi ge brgya pa sbyin sreg zin nas brjod pa'o/ /de bzhin gshegs pa la sogs pa bshad zin to//sbyin sreg gi cho ga bstan pa zhes bya ba'i le'u zhes bya ba ni/ sbyin sreg gi che ba ston pa'i tshig gi tshogs sder longs pa'i phyir ro/ /rdo rje bdud rtsi'i rgyud kyi le'u bzhi pa'i rnam par bshad pa'o// //da ni mig sman la sogs pa bsgrub pa'i don du le'u lnga pa gsungs pa/ / sbyin sreg cho ga bshad zin nas/ /zhes pa la sogs pa ste/ de la khyod la ni mA ma kI la bod pa'o/ /mig sman ni 'og nas 'byung ba'i rdzas ni snang ba mthong bar byed pa dang / zhi ba la sogs pa'i las grub par byed pa'o/ /tshil chen ni mi'i tshil lo/ /snying po zhes pa ni pad+ma dkar pos byas pa'i skud pa'o//ba dan la ni dud pa blang / /zhes pa mtshon gyis brgyab nas shi ba'i skyes bu'i thod pa dud pa blang bar bya'o/ /'ug pa'i mgo ni bsregs nas su/ /zhes pa la sogs pa ni/ 'ug pa'i mgo bsregs pa dang bud med kyi khrag gnyis bsregs nas btags te/ bya rgod kyi pags pas dkris te/bya rgod kyi rje ngar gyis nang bkang nas gzhag pa'o/ /mi yi rus pa'i thur ma yis/ /zhes pa la sogs pa ni mi'i rus pa las byas pa'i thur mas bya rgod kyi rje ngar la gzhag pa'i mig sman blangs te/ rang gi mig la bskus na lha dang klu dang gnod sbyin dang / sgrub pa po dang / mkha' 'gro ma la sogs pa 'jig rten gyi nang na ji snyed sna tshogs kyi gzugs kun ni/rtag tu rnal 'byor pa yis mthong bar byed/ /ces pa'i don to/ /mig sman de tshe gang du bsgrub par bya/ /zhes/ rdo rje bdud rtsi las byung ba/ /zhes pa la sogs pa ste/ de la nag po zhes pa ni zla ba mar gyi ngo'o/ /de'i tshes brgyad ces pa ni zla ba mar gyi ngo'i tshes nyi shu gsum mo//bcu bzhi la zhes pa ni nyi shu dgu'o/ /b+ha ga'i dbus su bsgrub par bya/ /zhes pa la sogs pas ni/ rnal 'byor ma'i b+ha ga'i dbus su mig sman bzhag nas mA ma kI'i sngags btab ste/ mA ma kI la sogs pa dang ldan pa'i bcom ldan 'das mi bskyod pa bsgom pa nas/nag po dang / dkar po dang / dmar po'i zhal mA ma kI bzhin du gdol pa mo la sogs pa'i rnal 'byor ma de bsams te/ phyi nas sbyor ba byas te mig sman bsgrubs nas sna tshogs cho ga'i las bsgrub pa sna tshogs pas de kho na bstan pa/ zhi ba dang ni rgyas pa dang / /zhes pa nas/de bzhin bgegs kyang dgag par byed/ /ces pa'i bar du'o/ /don ni 'di lta ste/ grub pa'i mig sman du zhes pa rnal 'byor pa'i mig la bskus nas zhi ba la sogs pa'i las byas na gang byas pa 'grub par bya'o zhes pa'i tha tshig go/ /lha mo mA ma kI'i sngags bstan pa/ oM 'dod pa'i gzugs can mig yangs ma//zhes pa nas haM haM swA hA zhes pa'i bar du'o/ /mA ma kI bsgom pa'i zhal gyi mdog dang phyag mtshan gyi khyad par gsungs pa/ dang po'i nag po ste zhes pa nas/ de bzhin rdo rje dril bu yang / /zhes pa'i bar du'o/ /b+ha ga'i dbus su bsgom par bya/ /zhes pa ni/ mig sman rnal 'byor ma'i b+ha ga'i dbus su bzhag nas mA ma kI bsgom ste tshes nyi shu rtsa gsum mam rtsa dgu de la mig sman bsgrub par bya zhes so//b+ha ga gur gum gyis bkang nas/ /zhes pa la sogs pa ni/ rnal 'byor dang rnal 'byor ma'i skal ba dang ldan par bya ba'i sman gsungs pa/ de la bkang nas zhes pa ni/rnal 'byor ma'i b+ha ga'i dbus su gur gum gzhag pa'o/ /phyi nas ling+ga gzhag pa'o/ /zhes pa ni/ rnal 'byor mA ma kI dang ldan par bsgom pa dang / bdag mi bskyod par bsgom pa'i phyir na thabs dang shes rab kyis sbyar nas sngags bzla bar bya'o/ /bzlas pa'i sngags gsungs pa/ de la brjod par bya ba sngags ni zhes pa la sogs pa ste/de la oM yig ces pa ni/ dang po'i yi ge oM gzhag pa yin te/ phyi nas sgra yig dang tshig 'bru la sogs pa phyi nas bya'o zhes pa'i don to/ /sgra yig dang yig 'bru de kho na gsungs pa/ badzra a mr-i te zhes bya/ sgra sgrogs sprin dang phaT yig go//zhes pa ste/ de la sgra sgrogs sprin zhes pa ni yi ge hUM ngo / /don ni 'di lta ste/ badzra a mr-i ta zhes bya ba'i sngags la yi ge hUM dang phaT ldan par bya'o/ /sngags ni 'di ltar 'gyur te/ oM badzra a mr-i ta phaT swA hA zhes so/ /swA hA'i sgra ni yig sbas la med na yang don gyis shes par bya ste/ phal cher sngags rnams thams cad ni//phyag 'tshal swA hA dang ldan no/ /zhes gsungs pa'i phyir ro/ /bdud rtsi dang ni mnyam ldan pa/ /zhes pa ni/ bdud rtsi rnam pa lnga dang ldan par byas nas/ b+ha ga'i dbus su 'byung bar bya/ /zhes pa blang bar bya'o/ /de la sngags 'bum bzlas nas su/ /zhes pa ni/ rnal 'byor ma'i b+ha ga nas blangs nas phyi rol du yang gong ma'i sngags 'bum phrag btab pa'o zhes pa'i don to/ /de yis thig le kho na bya/ /zhes pa ni/ gur gum de yis rnal 'byor pa'am/ /rnal 'byor ma'i dpral bar thig le bya'o zhes pa'i tha tshig go/ /thig le'i yon tan gsungs pa/ bud med kyis khyo 'khol 'gyur te//zhes pa la sogs pa ste/ de la/ bud med kyis khyo 'khol 'gyur te/ /zhes pa rnal 'byor ma'am/ bud med gang gis gur gum 'dis thig le byas nas rang gi khyo yang 'khol na gzhan smos ci dgos zhes so/ /mdun na 'don bcas rgyal po yang / /zhes pa ni/ rang gi khyo gcig pu kho nar ma zad de/rgyal po'i mdun du bstod sgra byed pa'i 'khor la sogs pa rgyal po yang gur gum gyis thig le byed pa'i rnal 'byor mas 'dul lo zhes pa'i tha tshig go/ /skyes pa gang gis de byas na/ /zhes pa ni/ rnal 'byor pa skyes pas gur gum gyis thig le byas na/ bud med gang la skal can 'gyur//zhes bya'o/ /rgyal po'i khab can ni rgyal po btsun mo rnams te/ de dag gis kyang gur gum gyis thig le byed pa'i rnal 'byor pa la chen por mchod ces pa'o/ /dgra bo rnams ni zad byed do/ /zhes pa ni/ gur gum gyis thig le byas nas mngon spyod byas na dgra bo rnams dbang du 'gyur zhing gsod par 'gyur zhes pa'i don to//da ni mig sman bsgrub pas dkon mchog gi dgra bo gsod pa gsungs pa/ da dur ar ka'i 'bras blangs te/ /zhes pa la sogs pa ste/ de la da dur zhes pa ni smyo bar byed pa'i shing me tog che la 'bras bu tsher ma can no//ar ka ta zhes pa ni me tog dkar po 'o ma 'byung ba'i shing ngo / /de gnyis kyi 'bras bu blangs te bdud rtsi dang bsre zhes so/ /zhal gsum drag po gzugs dang ni/ /zhes pa ni/ rnal 'byor pas gshin rje gshed kyi gzugs zhal gsum phyag drug la g.yas g.yon gyi zhal ni dkar ba dang dmar ba/dbus kyi zhal dang sku mdog gnag pa/ ral gri dang tho ba/ rin chen dang pad+ma/ rdo rje dang dril bu bsnams pa/ sbrul gyi rgyan gyis brgyan pa/ thal bas lus bskus pa/ dgra rkang pas cher gnon pa bsgom par bya'o/ /gshin rje gshed khros bzlas nas ni/ /zhes pa ni/ 'og nas 'byung ba'i gshin rje gshed kyi sngags so//sha chen dang ni zhes pa la sogs pa ni go sla'o/ /gshin rje gshed kyi bzlas pa'i sngags ston pa/ oM hrIHSh+T-iHzhes pa la sogs pa'o/ /yang bud med rnal 'byor mas skyes pa dang / bud med dbang du bya ba'i las gsungs pa/ sngags pas gi wang zhes pa la sogs pa ste/de la/ b+ha ga la ni yig 'bru bri/ /zhes pa ni/ rnal 'byor ma'am bud med gnyis kyi b+ha ga la gi wang gi yig 'bru bri bar bya'o/ /tsan+dan gyis ni zhes pa la sogs pa go sla'o/ /yang na bstan pa la gnod pa byed pa dam tshig mi bsrung ba'i sems can la mngon spyod bya ba'i don bstan pa/bshang gci gzugs brnyan zhes pa la sogs pa ste go sla'o/ /yang na dkon mchog gi sku dgra hom gyis mngon spyod bya ba gsungs pa/ bshang gci khrag dang bsres pa yis/ /zhes pa la sogs pa ste/ de la/ khro chen gshin rje gshed po'i sku/ /zhes pa la sogs pa ni/ zhal gsum phyag drug la sogs par bsgom pa ni gong ma dang mthun par bya'o/ /sngags kyang gong ma kho nar shes par bya'o/ /'di lta ste/ gshin rje gshed bsgoms pas bshang gci la sogs pas gzugs brnyan byas te/ de la g.yon brkyang ba g.yas bskum pas mnan nas bsgrub bya bkug nas de la thim ste gong ma'i sngags bzla zhing mtshon rnon pos bcad cing dur khrod kyi me 'bar ba la srin po kha gdangs pa'i kha la dbul bar bya'o//rdo rje bdud rtsi'i rgyud bde ba chen po las zhes pa la sogs pa bshad zin to/ /las chen po bstan pa'i le'u zhes pa ni/ sman bsgrubs pa las zhi ba la sogs pa'i las bya ba gtsor ston pa'i tshig gi tshogs so//rdo rje bdud rtsi'i rgyud kyi le'u lnga pa'i rnam par bshad pa'o// //da ni rdo rje hUM mdzad kyi bsgrub par bya ba le'u drug pa gsungs pa/ /rdo rje bdud rtsi rgyud chen las/ /zhes pa la sogs pa'o/ /de la dpal rdo rje hUM mdzad kyi zhes pa ni/hUM mdzad kyi mtshan nyid de yi ge hUM brjod pa tsam gyis drag po la sogs pa'i 'jig rten gyi lha rnams 'dul ba'i phyir ro/ /de'i dkyil 'khor gyi bsgrub pa mdor bsdus nas bshad par bya'o/ /de'i dkyil 'khor zhes bya ba zhes pa ni/ dbus kyi gtso bo hUM mdzad kyis byas pa'i phyir ro//de ltar yang gsang ba 'dus pa'i sgrub thabs zla ba las gsungs pa/ gang zhig gang du bzhugs 'gyur ba/ /de yi dkyil 'khor de na bya/ /zhes so/ /ci 'dra ba yin zhe na/ gsungs pa/ /khams gsum rnam par rgyal ba yin/ /zhes pa ste/ dkyil 'khor gyi lha dang /rigs dang sku mdog dang phyag mtshan dang rang bzhin gcig pa'i phyir ro/ /grwa bzhi pa la thig btab ste/ /zhes pa ni/ dkyil 'khor gyi grwa bzhi dang sgo bzhi dang snam bu dang / rdul tshon lnga'i sa dang / pa tra dang / ha ra dang / mu tig phreng ba dang / mu tig ha ra la sogs pa grwa bzhi pa'o/ /dkyil 'khor gyi tshad gsungs pa/khru gang ngam khru do'am zhes pa'o/ /nang gi dkyil 'khor gyi dbyibs gsungs pa/ zla ba'i dkyil 'khor dang 'dra ba/ /zhes pa ste/ gru bzhi pa'i nang du dkyil 'khor zlum po rdo rje phreng bas bskor bar bri'o/ 'od zer 'bar ba 'khrug pa la/ /zhes pa ni/ dkyil 'khor las sems can gyi don du 'od zer phar 'phro ba dang phyir 'du ba'i 'khrug pa'o//dpal ldan rdo rje hUM mdzad gzhag /ces pa ni/ dkyil 'khor gyi dbus su yab yum gzhag pa'o/ /zhal gsum ni stong pa nyid dang mtshan ma med pa dang smon pa med pa'i rnam par thar pa gsum gyi rang bzhin gyi phyir ro//de bzhin phyag drug ste zhes pa ni/ sbyin pa la sogs pa pha rol tu phyin pa drug gi rang bzhin gyi phyir ro/ /rgyan rnams kyis ni yongs rdzogs par/ /zhes pa ni/ de bzhin gshegs pa'i che ba'i yon tan thams cad dang ldan pa'i phyir ro/ /phyag rgya yis ni phyag brgyan pa//zhes pa ni/ phyag dang po gnyis rang gi phyag rgya dang ldan pa'o/ /phyag rgya ni 'di lta ste/ rdo rje khu tshur gnyis bcings te/ /rgyab dang rgyab ni sbyar bar bya/ /mthe'u chung sbrel nas mdzub gnyis ni/ /bsgreng nas snying gar gzhag pa'o/ /rig ma bzhi dang mnyam ldan pa/ /zhes pa ni/sems ma'i rdo rje ma dang / rin po che'i rdo rje ma dang / chos kyi rdo rje ma dang / las kyi rdo rje ma bzhi yin pa'o/ /sku mdog dang phyag mtshan ni 'di lta ste/ sems ma rdo rje ma zhal gsum phyag drug pa/ dbus kyi zhal dang sku mdog ni sngo/ g.yas dkar g.yon dmar/ phyag dang po gnyis kyis ni sems ma rdo rje ma'i phyag rgya bca' ba'o//rdo rje bcing ba las gung mo gnyis yar 'greng nas kha sprad de mdun na gzhag pa'o/ /sku rin chen rdo rje ma'i zhal gsum phyag drug pa/ dbus kyi zhal dang sku mdog ni ser/ g.yas gnag g.yon dkar ba/ phyag dang po gnyis kyis rin chen rdo rje ma'i phyag rgya bcings te/gong gi phyag rgya de kho na las tshigs gsum bkug nas rin chen gyi tshul du byas pa'o/ /chos kyi rdo rje ma zhal gsum phyag drug la/ dbus kyi zhal dang sku mdog dmar ba/ g.yas gnag g.yon dkar ba/ phyag dang po gnyis kyis ni chos kyi rdo rje ma'i phyag rgya bcings te/gong gi phyag rgya de kho na las gung mo pad+ma'i tshul du byas pa'o/ /las kyi rdo rje ma'i zhal gsum phyag drug la/ dbus kyi zhal dang sku mdog ni ljang gu/ g.yas gnag g.yon dkar/ phyag dang po gnyis kyis las kyi rdo rje ma'i phyag rgya/ phyag dang po'i phyag rgya las mdzub mo gnyis kyi rtse mo bkug nas gung mo rgyab tu sbyar ba'o//kun gyi phyag mtshan lhag ma ni gtso mo dang mthun pa'o/ /u ma'i nu ma'i bar du bzhugs/ /zhes pa ni/ u ma'i nu ma'i steng du g.yas brkyang gis bzhugs pa'o/ /lha chen po'i rna bar zhabs g.yas pas mnan pa yang don gyis shes par bya'o//cung zad mche ba zhes pa la sogs pa ni go sla'o/ /'di lta ste/ dbus kyi zhal mche ba gtsigs pa dang / g.yas khro ba dang g.yon bzhad pa ste/ sdang ba thams cad 'dul ba'i phyir ro/ /phyag bzhi par ni bri ba la/ /zhes pa ni/ rang gi lha mo'i nu ma gnyis bzung ba ma gtogs pa gong ma bzhi la bya'o//phyag gnyis pas ni nu ma bsnams/ /zhes pa ni/ zhal la sogs pa'i rang rang dang 'dra ba'i rig ma la phyag g.yon pas rgyab nas 'khyud nas nu ma g.yon pa 'dzin pa g.yas pas mdun nas nu ma g.yas pa 'dzin pa'o/ /rig ma thams cad zhal gsum ste//zhes pa ni/ lha mo mdzes ma la sogs pa brgyad zhal gsum dang / don gyis phyag drug dang / rang rang gi phyag mtshan dang / sku mdog la sogs pa le'u dang po las bshad pa ltar ldan par bya'o/ /de bzhin sgo srung lcags kyu dang / /zhes pa ni/ rdo rje lcags kyu ma dang /rdo rje zhags pa ma dang / rdo rje lcags sgrog ma dang / rdo rje dril bu ma rnams so/ /de bzhin me tog ma zhes pa la sogs pa ni go sla'o/ /sgeg mo zhes pa la sogs pa ni mchod pa'i lha mo bzhi ste/ de bzhi'i sku mdog dang phyag mtshan ni 'di lta ste/ sgeg mo ni sku mdog dkar ba phyag dang po gnyis dku la brten pa'o//phreng ba ma'i sku mdog ser ba phyag dang po gnyis kyis rin po che'i phreng ba'am me tog gi phreng ba 'dzin pa'o/ /dbyangs ma ni mdog dmar ba phyag gnyis kyis pi wang rdebs pa'o/ /gar mkhan ma ni ljang gu ste phyag dang po gnyis kyis gar byed pa'o/ /phyag mtshan gzhan dang zhal gzhan ni gong du bshad pa dang mthun te/gdan zla ba'i dkyil 'khor ro/ /de dag gi grwa'i re'u mig la dgod pa'o/ /phyag drug nyid ces pa ni/ lcags kyu ma la sogs pa lha mo thams cad kyi phyag drug drug ste/ don gyis zhal gsum gsum dang / sku mdog dang phyag mtshan yang shes par bya ste/lcags kyu ma la sogs pa le'u dang po las shes par bya'o/ /bskal pa bzang po yang gzhan te/ phyag gnyis pa dang zhal gcig pa/ /zhes pa ni bskal pa bzang po 'di la 'tshang rgya ba'i byang chub sems dpa' byams pa la sogs pa bcu drug ni zhal gcig phyag gnyis par rdo rje hUM mdzad kyi dkyil 'khor la bri bar bya'o//'di lta ste byams pa sku mdog dkar po gun+d+he bsnams pa dang / 'jam dpal sku mdog ser po ut+pal bsnams pa dang / ngan song kun 'joms sku mdog dkar po gsung rab bsnams pa dang /mya ngan dang mun pa kun 'joms blo gros sku mdog dkar po dbyug pa 'dzin pa dang / spos kyi glang po che dkar po gun+d+he 'dzin pa dang / dpa' bar 'gro ba dkar po ral gri 'dzin pa dang / nam mkha' mdzod ljang gu yid bzhin gyi nor bu rin po che 'dzin pa dang / ye shes tog sku mdog nag po rgyal mtshan 'dzin pa dang /'od dpag med sku mdog ljang gu bum pa 'dzin pa dang / zla ba'i 'od ljang gu zla ba'i dkyil 'khor 'dzin pa dang / bzang skyong nag po bum pa 'dzin pa dang / dra ba'i 'od dkar po nyi ma'i dkyil 'khor 'dzin pa dang / rdo rje snying po ser po rdo rje 'dzin pa dang / blo gros mi zad pa ser po rin po che 'dzin pa dang / spobs pa brtsegs pa dmar po chu srin gyi rgyal mtshan 'dzin pa dang / kun du bzang po rdo rje 'dzin pa ste/ g.yas thams cad ni mchog sbyin gyi phyag rgya'o/ /rgyan thams cad kyis brgyan pa zhes pa la sogs pa ste/ rdo rje dang dril bu dang bgrang phreng 'dzin pa'i sgrub pa po yang 'phags pa'i mdun du bri ba'o//gtor ma ni dam tshig gi gtor ma ste/ bdud rtsi lnga dang lcags kyu lnga'o/ /bdud rtsi lnga dang lcags kyu lnga des ni bcom ldan 'das rdo rje hUM mdzad la mchod nas de'i lhag ma bza' bar bya'o/ /gtor ma zhes pa la sogs pa ni go sla'o//nag po'i brgyad dang bcu bzhi la/ /zhes pa ni tshes grangs gong du bshad zin to/ /dbus su gru bzhi zhes pa ni/ dkyil 'khor rdo rje phreng ba'i dbus su re'u mig dgu byas pa'i dbus kyi gru bzhi'i dkyil 'khor bri ba'o/ /sngags yig gcig po gtso bo ni/ /zhes pa ni yi ge hUM bzla'o//de ltar dkyil 'khor bya ba sgrub pa po phyi ma rnams kyis rang gi slob dpon la mchod pa phul nas/ bsgrub pa rdzogs ma thag tu yon dbul bar bya'o zhes gsungs pa/ phyi nas slob dpon la mchod pa zhes pa la sogs pa'o/ /sku gsung thugs kyi zhes pa la sogs pa ni/ sgrub pa po gang gis sku gsung thugs kyi ngo bo mi gnas pa'i mya ngan las 'das pa'i rang bzhin sku gsung thugs 'grub 'dod na khams gsum rnam par rgyal ba'i dkyil 'khor 'di bsgom par bya'o zhes pa'i tha tshig go/ /ci'i phyir zhe na/ rdo rje sems dpa'i dkyil 'khor ni/ /rdo rje bdud rtsi las byung ngo //zhes pa ste/ rdo rje bdud rtsi'i rgyud las byung ba'i dkyil 'khor ni rdo rje sems dpa' mi bskyod pa'i dkyil 'khor yin pas/ khams gsum rnam par rgyal ba'i bsgoms na yang mi bskyod pa dang tha mi dad pas sku gsung thugs 'grub par 'gyur ro zhes pa'i don to/ /sgrub pa'i thabs gsungs pa/zur gsum zhes pa la sogs pa ste/ de la zur gsum zhes pa ni chos kyi 'byung gnas kyi dbyibs rdo rje 'dzin ma'i sa'i rang bzhin no/ /dkyil zhes pa ni snying po ste bde ba chen po'i rang bzhin ye shes so/ /'khor zhes pa ni/ de sbyin pa'am de la 'khor bas na dkyil 'khor zhes pa'o//gsang ba'i pad+ma zhes pa ni gsang ba'i dbus su pad+ma dang ldan pa'i phyir ro/ /nang du snying po dang zhes pa ni/ nang du snying po spyod yul zla ba'i dkyil 'khor dang ldan pa'i phyir ro/ /de'i dbus ni pad+ma 'dab brgyad kyi dkyil 'khor gyi dbus su'o/ /gsang chen zhes pa ni mA ma kI ste/gsang ba'i lha mo mdzes pa mo la sogs pa'i gtso mor gyur pa'i phyir ro/ /yang na gsang chen rdo rje sems dpa' ste/ de'i rigs las byung ba'i phyir ro/ /rig ma dang zhes pa ni/ ma rig pa'i gnyen por gyur ba'i ye shes lha mo'i gzugs bzhugs pa'i ming ngo / /gtso bo zhes pa ni mi bskyod pa ste/g.yo ba dang mi g.yo ba la khyab pa'i bdag nyid chen po yin pa'i phyir ro/ /zhal gsum zhes pa ni/ stong pa nyid dang mtshan ma med pa dang / smon pa med pa ste/ rnam par thar pa gsum gyi rang bzhin gyi phyir ro/ /phyag drug la zhes pa ni/ sbyin pa la sogs pa pha rol tu phyin pa drug gi rang bzhin gyi phyir ro//dang po'i zhal ni nag po ste/ /zhes pa ni/ dbus kyi zhal dang sku mdog nag po ste/ thugs kyi rdo rje dang ldan pa'i mtshan ma'o/ /g.yas kyi zhal ni dkar por 'dod/ /ces pa ni/ g.yas kyi zhal dkar ba ste/ sku'i rdo rje dang ldan pa ste nyid do//g.yon dmar po zhes pa ni/ gsung gi rdo rje dang ldan pa'i mtshan ma g.yon gyi zhal dmar ba'o/ /lha yi rgyan gyis brgyan byed pa/ /zhes pa ni/ dbu rgyan dang / snyan cha dang / dpung rgyan la sogs pa'i lha'i yul gyi cha lugs kyis brgyan pa'o/ /lha'i na bza' zhes pa ni/lha'i ras kyi na bza' sna tshogs pa'o/ /me tog phreng zhes pa ni/ yongs 'dus brtol dang man+da ra ba'i phreng ba'o/ /lha'i dngos grub byed ces pa ni/ mig sman la sogs pa'i dngos grub chen po brgyad sbyin pa'i phrin las mdzad do/ /zhi ba ni/ zhi ba'i tshul gyi zhal dang ldan pa'i phyir ro//sku gsung thugs kyi rdo rje can/ /zhes pa ni/ dbu dang mgrin pa dang / thugs ka na sku dang gsung dang thugs dang ldan pa'o/ /don ni 'di lta ste/ de 'dra ba'i yab yum rnal 'byor pa yis kyang bsgom par bya'o zhes pa'i tha tshig go/ /phyi rol du ni zhes pa ni/ zur gsum pa'i nang du pad+ma 'dab brgyad kyi phyi rol te bar na'o//sgo bzhi pa zhes pa ni nye bar brtags par zad do/ /gzhan yang gru bzhi dang / twa ra na bzhi dang / sgo'i khyams la sogs pa brtags nas tshul bzhin du bri ba'o/ /shar zhes pa ni shar gyi sgo'o/ /khro gnyer ma gzhag ste zhes pa ni/shar gyi sgo na sgo srung khro gnyer ma bkod pa'o/ /lho na 'jigs par 'jigs byed ma/ zhes pa ni go sla'o/ /grwa rnams la me tog ma la sogs pa dang / snam bu la pi wang ma la sogs pa bkod pa'o/ /de 'dra ba'i dkyil 'khor bris nas nam mkha'i gzhir yongs su brtags pa'i sems kyis dkyil 'khor de la bkug nas gnyis su med par bya ste/bstod cing mchod nas dam tshig dbul te bzod par gsol nas/ bsgrub pa'i don la gsol ba btab ste/ lha'i nga rgyal dang gnyis su med par gyur pa'i slob dpon gyis zhus nas gsang ba'i dkyil 'khor bsgrub par bya'o zhes so//de ni dkyil 'khor bri ba'i rim pa'o/ /de ltar bris pa'i dkyil 'khor gyi nang du bkod pa'i lha mo gsungs pa/ mkhas pas pad+ma 'dab brgyad la/ /zhes pa la sogs pa ste/ de la ri bong 'dzin pa zhes pa ni zla ba ste dkyil na ri bong gi pags pa dang ldan pa'i phyir ro/ /de'i gtan tshigs ni skyes rabs kyi nang na gsal lo//zla ba'i dkyil 'khor ltar mdzes pa'i zhal dang ldan pa'i ri bong 'dzin gyi dkyil 'khor zhes so/ /rig ma brgyad dang zhes pa ni/ bcom ldan 'das kyis ma rig pa kun gzhi la sogs pa'i gnyen por gyur pa yang rig pa'i ye shes bud med kyi gzugs su gyur pa ni rig ma brgyad ces te/ye shes kyi phun sum tshogs pa'i 'bras bu yin pa'i phyir ro/ /yang na me long lta bu la sogs pa'i ye shes bzhi dang / tshad med pa bzhi'i ye shes lha mo'i gzugs su gyur pa ni rig ma brgyad ces bya'o/ /dge ma brgyad ces pa ni/ pi wang ma la sogs pa'i mchod pa'i lha mo brgyad de/bcom ldan 'das kyi bsod nams kyi 'bras bu smin pa yin pa'i phyir ro/ /de ltar yang rnam par snang mdzad sgyu 'phrul dra ba las gsungs pa/ mnyes par byed pa'i dge ma'i zhes pa'o/ /sna tshogs zhes pa ni sku mdog ste bkral zin to/ /dge ma brgyad kyi dngos po bstan pa/mchod pa'i gling bu zhes pa la sogs pa ste/ de la sogs pa'i sgras ni pi wang ma dang rdza rnga ma dang / mar me ma dang / dri chab ma'o/ /gsang ba zhes pa ni/ mdzes ma la sogs pa'i lha mo rnams la gsungs pa'o/ /de dag bsgrub par bya zhes pa'o/ / 'dir ni mchod pa ji ltar lags/ /zhes pa de'i lan gsungs pa/ ma dang byan mo zhes pa la sogs pa ni/ mA ma kI la sogs pa'i gzugs dang phyag mtshan gyi sgo nas bsgom pa ste/ de la yang gtso mo mA ma kI la sogs pa'i lha mo lnga dang sbyar nas ma la sogs pa lnga bsgrub par bya ste/ ma ni mA ma kI dang sbyor/ byan ma ni mdzes ma mo dang sbyar/ bu mo ni zhi ba'i zhal dang sbyar/ sring mo ni zla ba mo dang sbyar/ gnyen mo ni ri bong 'dzin ma dang sbyar/ gsang ba'i dkyil 'khor bsgrub pa'i yon tan bdud rtsi blang ba'i don bshad pa/ ma las bdud rtsi blangs nas su/ /zhes pa la sogs pa ste/de la/ rdo rje bdud rtsi dang mnyam 'gyur/ /zhes pa ni/ rnal 'byor pa mi bskyod pa dang dbyibs dang / mthu mnyam par 'gyur ro/ /don yod grub ces pa ni/ bdud rtsi 'di la brten na bskal pa grangs med par thob dka' ba'i byang chub thob pa'i phyir ro/ /gzhan ni go sla'o//da ni gong du gsungs pa'i ma dang sring mo la 'dod pa bskyed par bya ba'i rgyud gsungs pa/ bung ba rtse ba'i tshul gyis ni/ /zhes pa ste/ bung ba bzhin du bde ba'i mgo brtsam pa la 'khyud pa dang rtse ba sngon du byas nas/ tshig bdud rtsi lnga pa zhes pa la sogs pa ste go sla'o//rdo rje se gol mnyam sbyor gyis/ /zhes pa ni/ rdo rje khu tshur gnyis bcings nas phan tshun bsnol te/ se gol lan gsum gtogs nas rdo rje bsdu ba'i ting nge 'dzin bsgoms te/ sngags lan gsum brjod nas lha'i dkyil 'khor dgug par bya'o/ /yang na rjes su sbyor ba'i rdo rje dang pad+mo'i sbyor bas rdo rje se gol zhes te/des dkyil 'khor gyi lha bdud rtsi'i thig le dang / rgyud mthun par bskyed nas bde ba chen po'i dngos grub bskyed par bya'o/ /da ni rjes su sbyor ba'i rim pas dkyil 'khor gsang ba'i mchod pas mchod de bdud rtsi bsgrub pa gsungs pa/ rnal 'byor pa dang rnal 'byor ma'i/ /zhes pa la sogs pa'o/ /bdud rtsi log par blangs pa'i skyon bstan pa/ lag pa yis ni zhes pa la sogs pa'o/ /rnal 'byor mas kyang spyod pa'i tshul bstan pa/ rig ma chen po yang byung nas/ /rdo rje la yang 'o btab bo/ /zhes pa'o/ /de'i yon tan gsungs pa/de ni sangs rgyas nyid 'grub pa/ /zhes te/ de ltar thabs dang shes rab kyi rol pas 'grub pa'i rnal 'byor pa'am rnal 'byor ma ni gti mug gi gnyid bsal nas tshig gi don thams cad rtogs nas sangs rgyas pa'o/ /sangs rgyas pa de ci 'dra ba yin zhe na/ khu ba'i gzugs can bdud rtsi'o//zhes pa ste/ bde ba chen po gnyis su med pa'i ye shes so so rang rig pa'i rtogs pa'o/ /rdo rje bdud rtsi zhes pa la sogs pa ni 'brel zin to/ /rdo rje hUM mdzad kyi bsgrub pa bstan pa zhes bya ba'i le'u zhes pa ni/ bcom ldan 'das hUM mdzad kyi dkyil 'khor bsgrub pa'i tshig don sder longs pa'o//rdo rje bdud rtsi rgyud kyi le'u drug pa'i rnam par bshad pa'o// //da ni mchod pa sngon du byas nas bsam gtan la phab cing zhes 'dod pa'i bcom ldan 'das la dbyangs kyis bstod nas zhus pa/ de nas lha mo mA ma kIs/ /zhes pa la sogs pa ste/de la/ dga' ba'i rol pa cher zhus pa/ /zhes pa ni/ thabs dang shes rab kyi rol pa la gnas pas thal mo sbyar te/ dbyangs 'di dag ni ched du blangs/ /zhes pa'o/ /dbyangs kyi tshig gsungs pa/ de la re zhig sku'i rdo rje'i sgo nas bstod pa/ dpa' bo chu skyes sngon po'i sku//zhes pa la sogs pa ste/ de la dpa' bo zhes pa ni/ rtog pa dang bcas pa'i phyin ci log pa'i 'dod chags la sogs pa'i g.yul las rgyal ba'i phyir ro/ /de ni rang bzhin gyi sgo nas bstod pa'o/ /chu skyes zhes pa ni/ me tog ut+pal la sogs/ /de dang 'dra ba sngon po'i sku//zhes pa ste/ gnyis su rtog pa la zhe sdang ba'i phyir ro/ /de ni sku mdog gi sgo nas bstod pa'o/ /dpa' bo gzhan gyis yongs bskor zhing / /zhes pa ni dkyil 'khor gyi lha mo'o/ /de kho na gsungs pa/ phyag rgya mo'i tshogs zhes pa ni/ mdzes ma mo la sogs pa'i rig ma rnam pa brgyad la sogs pas yongs su bskor bar bya ba'i tshogs so//de dag dang mnyam ldan pa yi/ /zhes pa'o/ /de ni 'khor gyi sgo nas bstod pa'o/ /de 'dra ba'i bcom ldan 'das la bdag phyag 'tshal zhes pa dang sbyor ro/ /gsung gi sgo nas bstod pa/ ston ka'i nam mkha' dang 'dra ba//zhes pa ni/ mtshan ma med cing dri mas ma gos pa'o/ /nga ro ni yi ge hUM bzla ba'o/ /ji ltar bzla bar bya zhe na/ bung ba ltar zhes pa dang pad+ma'i steng na bung ba sgra sgrogs pa dang ldan par rtsi 'jib pa ltar lha mo'i gsang ba'i pad+ma la yi ge hUM bzla zhing 'jib pa'i phyir ro//dga' bar bzhugs pa'i zhes pa ni/ gsang ba'i pad+ma dang rdo rje sbyar nas bzhugs so/ /skal bzang ba zhes pa ni sems can gyi don mdzad pa'i phyir ro/ /de ltar yang sangs rgyas mnyam sbyor las gsungs pa/ srid pa shin tu bsgrub pas na/ /skal bzang sangs rgyas bcom ldan 'das//skal ngan nyan thos 'jig rten na/ /shin tu mya ngan 'das phyir ro/ /zhes pa'o/ /de 'dra ba la bdag phyag 'tshal/ /zhes pa dang 'brel to/ /thugs kyi sgo nas bstod pa/ thams cad ces pa la sogs pa ste/ de la thams cad ni phyogs bcu'i phyogs kun na'o//thams cad ni rnam pa thams cad do/ /de 'dra ba'i gzugs med pa ni rnams te nam mkha' dang 'dra ba'i phyir ro/ /thams cad mkhyen pa zhes pa ni/ shes bya'i sgrib pa spangs pas spangs pa dang / blang ba'i mtshan nyid mkhyen pa'o/ /thams cad mdzes zhes pa ni/sems can thams cad kyi sems la gnas pa'i phyir ro/ /yang na rdo rje sems dpa' ni mya ngan las 'das pa kun gyi ngo bo nyid kyi phyir ro/ /de 'dra ba'i bcom ldan 'das la yang dag dbang po zhes pa ni dad pa'i dbang po ste de'i lam gyis na zhes pa ste/ dad pa'i sgo nas bdag phyag 'tshal//zhes pa dang 'brel to/ /yang na yang dag dbang po'i ni gsang ba'i pad+ma ste/ yang dag pa'i bde ba chen po la dbang byed pa'i phyir ro/ /gsang ba'i pad+ma de'i lam gyis mchod par bya ste/ bdag phyag 'tshal zhes pa'o/ /da ni khams gsum rnam par rgyal ba'i dkyil 'khor gyi sgo nas bstod pa/ma lus pa'i zhes pa la sogs pa ste/ de la ma lus pa'i khams gsum zhes pa ni/ phyogs bcu'i 'dod pa'i khams dang / gzugs kyi khams dang / gzugs med pa'i khams so/ /de dag la/ rdo rje bdud rtsi dpe med pa/ /zhes pa ste/de dag la rdo rje bdud rtsi so so rang gis rig pa'i dpe ni/ gang gis kyang brjod du mi long ba'i phyir ro/ /nyi shu rtsa bzhi rin chen mo/ /zhes pa ni/ rdo rje sems dpa'i dkyil 'khor la ston pa'i lha mo mdzes ma'i zhes bya ba la sogs pa ni rin chen mo zhes te/ de la khams gsum rnam par rgyal ba'i dkyil 'khor las gsungs pa'i mdzes ma la sogs pa brgyad dang /sems ma rdo rje ma la sogs pa bzhi ste rig ma bcu gnyis dang / lA s+ye la sogs pa bzhi dang / me tog ma la sogs pa bzhi dang / gling bu ma la sogs pa dang / de ltar dge ba'i lha mo bcu gnyis te lha mo nyi shu rtsa bzhi'o//bsgrub pa'i lha mo lcags kyu ma la sogs pa bzhi ni nyi shu rtsa bzhi'i rtsis la mi gtogs la dkyil 'khor la ni bri'o/ /lha mo de la shin tu chags pas dga' byed pa gang yin pa de de ltar te/ yid la rtogs pa kho na'i las su gyur pa ni shin tu chags pas dga' bar zhes pa'o//sen mo rjes dang chags pa'i sku/ /zhes pa ni bde ba chen po bskyed par bya ba'i don du lha mo rnams kyis bcom ldan 'das kyi sku la sen mos btab pa'o/ /de dang 'dra ba'i rdo rje bdud rtsi la phyag 'tshal/ /zhes pa'o/ /saM skr-i ta'i skad kyi dbyangs kyis bstod nas/ da ni pra kr-i ta'i skad kyis bstod pa/ ut+pal sngon po zhes pa la sogs pa ste ut+pal sngon po dang 'dra ba'i phyag sngon po dang gang ldan pa'i bcom ldan 'das de ni ut+pal sngon po'i 'dab ma lta bur phyag sngo ba zhes bya'o//de ni sku mdog gi sgo nas bstod pa'o/ /khyod kho na sangs rgyas zhes te sangs shin tu rgyas nas gti mug gi gnyid bsal ba'i phyir ro/ /de ni ye shes kyi sgo nas bstod pa'o//de bzhin gshegs pa zhes pas ni khyod ni de bzhin gshegs pa yang yin te shes bya thams cad kyi rgya mtsho yongs su mkhyen pa'i phyir ro/ /de ni mkhyen pa'i sgo nas bstod pa'o/ /rdo rje ni mi 'jigs pa ste rdo rje theg pa'i mngon du gyur pa'i phyir ro/ /de ni theg pa'i sgo nas bstod pa'o/ /khyod kyis ni bdag la shin tu dga' ba'i rjes su chags pa ste zhes pa ste/khyod kyis chos kyi skur bzhugs pa las bzhengs te mi gnas pa'i mya ngan las 'das pa'i rang bzhin bdag la bde ba chen po'i ting nge 'dzin gyis longs spyod cig ces pa'o/ /ci'i phyir na khyod khams gsum la bsgrub par bya ba'i zhes pa ste sna tshogs kyis sku 'du ba rnams kyi don phyir bskyod par mdzod ces pa'i don to//de ni sems can gyi don du gsol ba btab pa'o/ /da ni mngon par byang chub pa lnga'i sgo nas bstod pa/ khyod ni zhes pa la sogs pa ste de la khyod ni zhes pa kye bcom ldan 'das zhes bod pa'i tshig go/ /skyon med pa zhes pa ni phyi'i gzung ba'i rnam pas 'dzin pa'i rnam par shes pa de'i gzugs nye bar len pa yin te shel gyi nor bu bzhin du sngon po la sogs pa nye bar gyur nas/glo bur gyi rnam par sgro 'dogs pas de'i rnam par snang mdzad bya ba ni skyon te/ de yang bcom ldan 'das de la med do zhes pa ste de gnyis kyang don med pa'i phyir ro//de nyid kyi phyir na dam pa'i zhes pa ste/ mya ngan las 'das pa zhes bya ba'i go 'phang ngo / /de bas na stong pa la zhes bya ba ste de nyid stong zhes bya ba ni stong pa nyid kyi rang bzhin te/ ci'i phyir zhe na/ dngos po thams cad snang ba tsam nyid du snang ba la/ de kho na nyid ma mthong ba rnams kyis don med pa gzung ba dang 'dzin pa ngang gis rtogs la/de nyid kyang don dam par ni 'khrul par gtan la phab ste/ chos thams cad 'bigs pa'i shes rab kyis rnam par dpyad pa/ gzhan las gzhan skye ba med pa'i phyir 'di dag thams cad rigs pas mi sbyor ro/ /'o na chos thams cad stong pa nyid yin pas don dam par bcom ldan 'das kyang bde ba chen po la gnas pa so so rang rig pa lta ba gsal ba gnyis su med pa'i rang bzhin stong pa nyid kho na'o//stong pa nyid las byung ba khyod ni yang yig 'bru zhes pa ste 'khor ba dang mya ngan las 'das pa la mi g.yo ste gzod ma med pa nas kyang srid pa'i nye bar len pa'i phung po'i rkyen de las gzhan med pa nyid kyi phyir ro/ /rdo rje gyur pa ni yig 'brus rdo rje bskyed nas rdo rje'i bum par yang yig 'bru dang ldan par bskyed par zhes pa'i don to//mgon po khyod ces pa ni rdo rje de las longs spyod rdzogs pa'i sku phyag rgya chen por byung ba ni mgon po ste g.yo ba dang mi g.yo ba la khyab pa'i bdag nyid kyi phyir ro/ /de ni mngon par byang chub pa lnga'i sgo nas bstod pa'o//de 'dra ba'i bcom ldan 'das khyod ni bar snang la rgyu ba dang sa steng na gnas pa mi rgyu ba gang gis khyod mthong na/ de dag 'khor ba ru ni ga la 'gro/ /zhes pa ste 'gro ba ma yin no zhes pa ste/ de ltar dbyangs kyi tshig bstan nas rdo rje gar bstan pa/ rdo rje gar ni rnam par byed/ /ces pa la sogs pa ste de la rdo rje gar ni bcings pa dang rdo rje khu tshur las byung ba'i gar ro//rnam par byed ni 'og nas 'byung ba'i rked pa'i gar la sogs pa rnams so/ /gar ni rnam par byed ces pa gang zhe na/ rked pa dang ni zhes te dku g.yas g.yon du mnyam par bskyod pa'i gar ro/ /dpung pa yis ni zhes pa ni dpung pa dang lag pa las byung ba'i gar ro/ /mgo'i gar zhes pa ni mgo bskyod pa dang mig bzur ba dang smin ma bteg pa las byung ba'i gar ro//gar gyi gzhung 'di zhes pa ni drang srong ba twa ra zhes bstan pa'i gar gyi gzhung 'di'o/ /mtshan nyid do zhes pa ni gong du thal ba'i rked pa'i gar la sogs pa'i mtshan nyid bzhi dag go/ /de kho na gsal bar byed pa bcom ldan 'das nyid kyis ston pa de la re zhig rkang pa'i gar bshad pa rjes thabs ni rkang pa'i gar gyi gom pa ste/mthe bong gi rtse la btsugs pa dang rting pa dbab pa'o/ /rjes su rim dang zhes pa ni rkang pa g.yas g.yon gyi rim pa'o/ /yang mtheb mo'i rtse mo dang rting pa'i rim pa'o/ /bstod pa dang ni zhes pa yar bteg pa'o/ /da ni rked pa'i gar 'grel pa/ 'gying ba ste zhes pa ni 'jo ba'i tshul dang ldan pa'o//mgo'i gar 'grel pa/ rgyas pa dang zhes pa ni bzhad pa'i tshul dang / 'dud pa dang zhes pa ni mgo g.yas g.yon du byol nas gar byed pa'o/ /gsal por byed pa ni de dag kun ma 'dres par byed pa'o/ /rgyas pa dang ni zhes pa ni/ lha mo mA ma kI 'khor dang bcas pas rgyas pa'i tshul dang ldan pa'i phyir ro//smin bskyod par zhes pa ni/ gar dang mthun par smin ma bskyod pa'o/ /dpung pa'i gar 'grel pa/ lag pa'i phyag rgya sbyor ba yin/ /zhes te me tog ma la sogs pa bzhi dang / rnga chen ma la sogs pa bzhis mchod pa'i gar ro/ /stabs brgyad tshul gyis gar byed de/ /zhes pa ni/gang gi rdzas thabs la sogs pa nas smin bskyod kyi bar gyi gar brgyad kyis gar byed ces so/ /de ltar gar gyi mchod pa byed pa la mA ma kIs gsang ba'i mchod pa bya'o zhes gsungs pa/ rgyas pa'i pad+ma zhes pa la sogs pa ste/ de la/ rdo rje bcings kyis rdo rje ni/ zhes pa/ rdo rje bcings pa'i phyag rgyas gsang ba'i rdo rje bzung nas/rdo rje be con 'o btab bya/ /zhes pa'o/ /don ni 'di lta ste/ de dag rnam pa bzhi'i lus kyis gar phul te bcom ldan 'das la yang dag par gsang ba'i mchod pas mchod nas zhus so zhes pa'i tha tshig go/ /lan btab pa gsungs pa/ de nas bcom ldan 'das zhes pa la sogs pa ste/de la bzhugs shig mi g.yo bar/ /zhes pa ni/ gang gi tshe sbyor ba chen por bzhugs nas bcom ldan 'das kyis bde ba chen po bskyod par byed pa de'i tshe bcom ldan 'das ma de ni mi g.yo bar skye ba'o/ /bcom ldan 'das de kho na bdud rtsi zhes pa ste/ bde ba chen po'i rnam pa nang gi ngo bo'o//de bzhin nyid mchog ces pa ni lhag pa'i byang chub sems de rang gi lus la khyab par bsam pa zhes pa'o/ /de ni/ bdud rtsi thig le'i gzugs can de/ /zhes pa des ni bde ba dam par bzhugs pa'i bcom ldan 'das de gnas bsgyur nas b+ha ga'i pad+mar thig ler gnas pa'i ming gsungs te/de kho na'i yang kun rdzob byang chub kyi sems su gsungs pa'o/ /mkha'i dbus su zhes pa la sogs pa ste/ ye shes sems dpa' bskyod pa'i bam mdun du byas nas bdag la bsting ba ston pa gsungs te/ de la kha'i zhes pa ni chos kyi 'byung gnas zhes bya ba pad+mar dmigs pa'o//de'i dbus su/ zla ba zhes pa dbyibs su 'dra/ /zhes te mnyam pa'o/ /stong pa de nyid ces pa ni byang chub kyi sems so/ /bdud rtsi rgyun rgya mtsho ltar 'bab pas na 'jigs med ces so/ /zad med ni bshad zin to/ /phro mo ni zhes pa de kho na'o/ / rdo rje sems dpa' 'jigs med ces pa ni lhag pa'i byang chub yi ge hUM du gyur pa ste/ 'jigs pa med pa'i phyir ro/ /gang du gnas pa yin zhe na/ lte ba'i dbus su gnas lha mo/ /snying po lha mo'i spyod yul la/ /zhes pa'o/ /byang chub sems de thog ma de la gnas nas khu ba'i gzugs kyis 'gro ba dga' ba'i don du gzigs nas/b+ha ga ling+ga'i dkyil bar du gnas nas zhes 'byung ba yin no/ /de'i che ba'i yon tan gyi sgo nas ston pa/ 'di ni srog can rnams srog ces pa ni/ dbugs chen po zhes bya ba'o/ /de 'dra ba sgoms shig ces pa'o/ /rnam par shes pa'i phung po brten/ / zhes pa ni/ lhag pa'i byang chub kyi sems de gzugs med pa'i phung po la brten nas rnam pa sna tshogs par 'gyur ba'o/ /de dag gis ni mngon par byang chub pa lnga gsungs pa yin no/ /sangs rgyas ni rnam par snang mdzad do/ /de bzhin rdo rje 'dzin zhes pa ni/ /rdo rje hUM mdzad do/ /de ltar kho na 'dul ba'i dbang gis rigs lngar gtogs pa'i dkyil 'khor gyi lha phyung ba'i rim pa mngon sum du goms pa'i sgrub pa so sor snang bar gsal ba'o//de bas na sems tsam gnyis su med pa'i chos thams cad bdag gis snang ba'i dpung bzhin du/ rdo rje 'bar ba khams gsum gsal bar byed pa mthong nas/gzhal yas khang brtsegs pa la 'dug nas/ thabs dang shes rab de dag 'khril ba'i bde ba chen po ting nge 'dzin mnyam par myong bas ye shes sems dpa' de dag kha nas thim nas rdo rje lam gyi rdo rje bdud rtsi zla ba'i dkyil 'khor dang 'dra ba'i thig ler gyur pa yin no zhes gsungs pa'o//de bas na tshangs pa khyab 'jug ces bya ba la sogs pa yang byang chub sems de ni yin par brtag gis rtag tu bsam zhes pa'o/ /de la yang A li kA li'i dkyil 'khor gnyis dang / dge ba gnyis kyi khu ba las mA ma kI 'khyud pa las bskyed pa'i bde ba chen po gzugs bcom ldan 'das rdo rje bdud rtsi'i skye ba'o//de kho na gsungs pa/ de las bskyed de bdag dang khyod/ /ces pa'o/ /bde ba chen po 'di kho na bsgrub pa'i rim pa 'di phyin ci ma log pa ste/ gsang ba 'dus pa la sogs pa la shin tu gsungs nas bcom ldan 'das kyis bsten pa yin no/ /de bas na tshangs pa la sogs pas kyang de bzhin nyid de kho na yang dag pa'i don ma rtogs nas gnas kyi bdag nyid du bsam mo zhes gsungs pa/tshangs pa zhes pa la sogs pa ste de la ni rnam par snang mdzad la sogs pa'o/ /de kho na las skye ba dang bde ba chen po bdag nyid ting nge 'dzin de kho na la 'chi ba thim pa ste/ de bzhin gshegs pa rnams ni bde ba chen po gnyis su med pa'i ye shes kyi bdag nyid dngos po thams cad gsal ba'i sgro 'dogs pa'i gzung 'dzin med pa so so rang rig pa de kho na ye shes la shes bya'i dbang du gyur te/'jug nas gnyis su med par dngos po kun snang ba gsal nas bsams te goms par byed pa'o/ /de kho na'i phyir gsungs pa/ shes bya shes pa'i bdag nyid gtso//de nyid dam pa bsam pa'o/ /zhes pa'o/ /skye ba dang ni zhes pa la sogs pa ni dngos po thams cad kyi skye ba dang shi ba dang gnas pa la sogs pa'i chos rnams kyang bde ba chen po gnyis su med pa'i ye shes de kho na la chen po'i ye shes so/ /nye bar bskyed de de la 'dus nas shi ba'o/ /skyed pa byed pa ni 'gro ba bskyed pa dang 'jig par byed pa'i nus pa dang ldan pa'i phyir ro//de dag ni lhag pa'i byang chub sems gcig pu zhes pa'o/ /rang bdag 'gyur ba zhes pa ni/ dngos po thams cad kyi rang bzhin nyid du gyur pa'i phyir ro/ /lha gcig pa zhes pa ni bsam pa'i rkyen kyis gtso bo 'di las lha gnyis pa gzhan med pa'i phyir ro/ /tshig des ni thams cad la phan pa'i byed pa gsungs so//thams cad mkhyen pa zhes pa ni rang gi sprul pa'i dngos po thams cad khams gsum na tshig dang blos ji lta ba bzhin du shes pas na thams cad mkhyen pa'o/ /kun nas kun zhes pa ni skye ba dang gnas pa dang 'jig pa rnams kyi dbang gis gnas pa nyid kyi phyir ro/ /dge gsum 'dren par byed pa nyid kyi phyir na khyab pa'o zhes pa ni bshad zin to//ji ltar khang pa bkang nas zhes pa ni de la khang zhes pa ni dkyil 'khor te/ dkyil 'khor de phyung ba'i ngo bos lha mo'i 'khor lo bkang nas byed pa/ de bas skyes bur bshad pa yin/ /zhes pa'o/ /yang na khang pa'i tshig ni mA ma kI la sogs pa'i sku'o/ /de la byang chub kyi sems phyung bas bkang ba ste mngal bltam par byed pa'i phyir na/bcom ldan 'das la skyes bu zhes bya'o/ /de nyid/ lus la gnas phyir lus can de/ /zhes pa'o/ /shes byed phyir na shes par 'dod/ /ces pa ni/ tshig don thams cad 'bigs pa'i phyir ro/ /bdag la bdag gis rig pa'i lha/ /zhes bya ba ni/gnyid cher log na yang rang la rang gis sad pa des ni rig pa zhes pa snang ba'i phyir lha zhes pa 'od gzhan gyi lus 'jug pas khyab 'jug ces gsungs te/ ngag gis rdo rje 'dzin du 'gyur/ /zhes pa ni/ ngag gis rdo rje 'dzin zhes brjod pa tsam gyis don dam pa gnyis su med pa'i don yin pas gzugs med pa'i phyir ro//yang na 'jigs pa med do zhes pa ni ngag gi brjod du med pa'i phyir na yang rdo rje 'dzin zhes gsungs so/ /ston du med pa zhes pa ni dbang po'i spyod yul ma yin pa'i phyir ro/ /gsang ba 'di zhes pa ni/ bde ba chen po gnyis su med pa'i ye shes yin pa'i phyir ro//nan tan du ni gsang bar bya/ /zhes pa ni/ de 'dra ba'i byang chub sems bde ba chen po gnyis su med pa'i ye shes ni dus gsum du lus ngag yid kyi sgo nas kyang gzhan la ston par mi bya'o zhes pa'i don to/ /'o na gang la ston par bya ba yin zhe na/skyon can min pa zhes pa la sogs pa ste/ de la skyon can min pa ni rang gi skyon ma spangs pa'o/ /g.yo can min zhes pa ni/ gzhan gyi skyon phyung ste/ phung bar byed pa'o/ /dam tshig la ni mi 'da' ba/ /zhes pa ni/ slob dpon gyi spyan sngar dam bcas pa'i tshig ni dam tshig ste/srog gcod pa la sogs pa spong ba'o/ /de las mi 'da' ba ni mi 'da' ba zhes pa'o/ /chad par lta ba med pa la/ /zhes pa ni/ dge ba dang mi dge ba med par rtog pa chad par lta ba ste/ de med par yang dag pa'i lta ba can dge ba yod par yid ches pa'o/ / de med par yang dag pa'i lta ba can dge ba dang mi dge ba yod par yid ches pa'o/ /bla ma la chags zhes pa ni/ dbang bskur ba dang / dam tshig sbyin pa dang / gsang sngags nyan pa'i slob dpon ni bla ma ste de la chags pa ni gus pa dad pa'o/ /dul ba dang zhes pa ni/ srog gcod pa la sogs ba lus ngag gi las spong ba'i mtshan nyid bdun spong ba'o//phrag dog chags pa spong byed pa/ /zhes pa ni/ de la phrag dog ni gzhan gyi phun sum tshogs pa la sdang ba'o/ /chags pa ni gzugs la sogs pa'i spyod yul la zhen pa'i mtshan nyid do/ /de gnyi ga med pa ni spong ba zhes pa'o//dkyil 'khor de ni 'jug pa dang / /zhes pa ni/ de la/ gsang ba'i dkyil 'khor mthong ba ni/ /rdo rje bstan pa'i slob ma dag /ces pa ni/ rdo rje theg pa bstan pa'i slob ma ni yin pa/ phyi rol gyi nyan thos dang / rang sangs rgyas dang byang chub sems dpa'i theg pa bstan pa'i slob ma ni ma yin pa zhes pa'o//de la rgyas pa'i bstan pa 'di/ /de bzhin nyid mchog bshad par bya/ /zhes pa ni/ gong du bstan pa'i skyon de kun med pa'i yon tan dang ldan pa'i slob ma de dag la bsod nams kyis rgyas 'debs pas ni snyan pa bde ba chen po byang chub sems 'di kun du khyab pas//de bzhin nyid mchog bshad par bya/ /zhes ston par bya'o zhes bya'o/ /slob dpon gyis ji ltar bstan par bya zhe na gsungs pa/ slob dpon rig ma dang ldan pas/ /de la dbang sbyin par bya zhes pa ste/ mi bskyod pa'i nga rgyal dang ldan pa'i slob dpon lha mo mA ma kI bsgom pa'i rig ma dang sbyor nas slob ma de dag la dam tshig byin nas byang chub sems kyis dbang bskur bar bya'o zhes pa'i tha tshig go//rdo rje bdud rtsi la sogs pa ni bshad zin to/ /de bzhin nyid cher dmigs pa bstan pa zhes bya ba'i le'u zhes pa ni/ bde ba chen po rang bzhin lhag pa'i byang chub sems de bzhin nyid kyi don shas che bar bstan pa'i tshig sder longs pa'o//bdun pa ni go sla'o/ /rdo rje bdud rtsi rgyud kyi le'u bdun pa'i rnam par bshad pa'o// //da ni gzhan yang khro bo khrag 'thung bskyed pa'am shes par 'dod pas/mA ma kIs bcom ldan 'das la zhu ba/ de nas lha mo yang langs nas/ /zhes pa la sogs pa ste/ de la yang langs zhes pa na thabs dang shes rab sbyor ba las langs pa'o/ /de la/ dam pa'i ngo mtshar bdag bskyed de/ /zhes pa la sogs pa ni/ zhi ba'i rang bzhin zhi ba chen po bcom ldan 'das yang rgyud gang las khro bo khrag 'thung gi gzugs su bskyed pa yin zhe na/zhus pa'i lan btab pa/ ci'i phyir dbang dang bcas pa la sogs pa'i lha rnams sdang ba dang drag po dang / rims dang dbyig dug dang / ro langs la sogs pas gtse ba nas/bdag bde ba chen po'i drung du skyabs su 'ong ba de dag la rjes su brtse ba'i phyir bdag nyid khro bo he ru kar gyur te/ 'gro ba yongs su skyob par byed de/ /rnam gzhan zhi ba'i gzugs rnam par snang mdzad la sogs pas sdang ba dang drag po nyid dang ldan pa'i sems can 'dul bar mi nus pa'i phyir ro//de'i don ston pa/ de nas bcom ldan rdo rje can/ /zhes pa ni/ de la/ rdo rje pad+mo mnyam sbyor te/ /zhes pa la sogs pa des ni 'di gsungs te/ mA ma kI dang mnyam par sbyor ba sngon du byas nas/ 'bar ba'i phreng 'khrugs drag po can/ /'jigs par byed pa bcom ldan 'das rig ma brgyad dang gnyis su med pa'i rnam par thar pa brgyad kyi rang bzhin gyis phyag brgyad dang /rnam par thar pa bzhi thabs la mkhas pa'i rang bzhin gyis zhal bzhi pa dpal khrag 'thung gi gzugs ni phyung ngo zhes pa dang 'brel to/ /rdo rje khrag 'thung de yang se ral kha'i tshul gyis rdo rje kha T+wAM lag pa g.yon gyis brten cing mgo bsnams te/lag pa g.yas pas 'phan gsum gyi phyag rgya 'bar ba rdo rje bsnams te/ 'di lta ste/ rdo rje khu tshur phye nas su/ /gung mo bcas par srin lag ni/ /lag mthil gnyis ni sbyor byas te/ /lhag ma bsgreng ba 'phan gsum mo/ /yang phyag gnyis kyis ni khrag 'thung bkang ba'i thod pa dang /rgyu ma'i phreng ba 'khrug pa bsnams so/ /yang phyag gnyis kyis ni dbang bskur ba'i phyag rgya dbu'i steng du bcing ba'o/ /'di lta ste/ lag pa shin tu brkyang ba yi/ /mdzub mo gnyis ni mdud pa bcing / /gung mo mthe bong rtse mo can//rdo rje phyag rgya yongs su bsgyur/ /yongs su bsgyur te bteg nas kyang / /khro gnyer du ni legs bzhag na/ /zhes pa'o/ /yang gnyis kyis ni dur khrod la 'jug pa'i phyag rgya bcing ba'o/ /de ni gong na bshad zin to/ /de 'dra ba'i khrag 'thung pad+ma'i steng du bzhugs par bsam mo/ rig ma brgyad kyis yongs su bskor/ /zhes pa ni/ pad+ma 'dab ma brgyad las yang go rims bzhin du lha mo 'jigs can ma la sogs pas bcom ldan 'das kyi thugs mnyes par byed pa bsgom pa'am bri bar bya'o/ /khrag 'thung chen po la sogs pa ni go sla'o/ /rig ma brgyad gang zhe na gsungs pa/dang por rig ma 'jigs can ma/ /zhes pa la sogs pa ni/ mdzes ma la sogs pa'i gzugs su gyur nas/ 'jigs can ma la sogs pa'i khro mor gyur pa ste/ phyag dang po gnyis kyis kha T+wAM dang ba dan bsnams pa/ sku mdog dang phyag mtshan gzhan ni rdo rje sems dpa'i dkyil 'khor dang mthun no//sgo srung ni glang sna ma la sogs pa'o/ /mchod pa ni gong ma dang mthun no/ /khrag 'thung de ltar bsgom pa'i rnal 'byor pas sngags bzla ba dang / dbyangs dang gar gyis bstod cing mchod pa gsungs pa/ sngags 'di dag ni zhes pa la sogs pa ste/ de la/ sngags ni 'di dag bzlas byas te/zhes pa ni he ru ka 'khor dang bcas pa bsgoms zin ma thag tu bsgom pa las mi g.yel bar 'og nas 'byung ba'i sngags bzla bar bya'o zhes pa'i don to/ /gar yang byed nas dbyangs blang ngo / /zhes pa ni/ mchod pa'i phyag rgya'i gar dang 'og nas 'byung ba'i dbyangs blangs nas kyang mchod par byed ces pa'o//dbyangs kyi tshig gsungs pa/ 'jigs byed chen po zhes pa la sogs pa ste/ de la 'jigs byed chen po ni rdo rje bdud rtsi la gsungs te/ de'i rang bzhin ni de yin pas 'jigs byed ces te/ bdud rtsi rang bzhin gyis sems can thams cad bkang bar byed cing dus thams cad du rol par byed pa'o//de ltar yang gsungs pa/ thams cad du ni bkang byed pa/ /dus thams cad ni rol byed cing / /thams cad la ni gnas byed pa/ /de phyir 'jigs byed ces su bshad/ /ces so/ /rnam pa gcig tu na sems can gnod par byed pa'i sdang ba dang drag po dang gdon la sogs pa skrag par byed pas na/'jigs byed chen po zhes bya'o/ mche ba gtsigs zhes pa ni/ zhe sdang dang rdo rje rigs kyi rang bzhin gyi phyir ram/ 'jig rten gyi lha rnams las rgyal ba'i phyir ro/ /de ltar yang mnyam sbyor bde mchog las gsungs pa/ mche ba cung zad gtsigs pa'i kha//khro zhing 'dzum dang bcas pa'i zhal/ /khro las gyur par bcas zhing 'dzum/ /gsal bar bcas zhing legs par gnas/ /drag po dbang po nye dbang bcas/ /nyi zla gshin rje tshangs bcas pa/ /rgyal po rgyu mas rnam brgyan nas/ /khams gsum dag ni skrag par byed//ces so/ /rgyu ma'i phreng gi rgyan kun can/ /zhes pa ni/dur khrod kyi 'dre dang sdang ba thams cad 'dul ba'i phyir ro/ /sha chen dag ni zhes pa ni/ rdo rje sems dpa' me'i sku tshe blangs pa sha stag ste/ de gsol ba zhes pa ni/ rdo rje sems dpa'i sku dang dbyer med pa'i phyir ro//dpal ldan khrag 'thung zhes pa ni/ lha mo mA ma kI khro mo dang ldan pa'i bcom ldan 'das khrag 'thung ste/ de la lus ngag yid kyis phyag 'tshal zhes pa'o/ /da ni/ sgrub pa po rnams phan byed phyir/ /zhes pa la sogs pa ni/ de'i dbyung ba gsungs pa/ dang por slob dpon gyis pad+ma 'dab brgyad bri ste/yi ge a la sogs pa k+Sha'i mthar thug pa ste/ brgyad 'dab ma re re la bkod nas rim pa des lha rnams kyi sngags dbyung bar bya'o/ /de la/ gsum pa yi ni gsum pa la/ /zhes pa ni/ gsum pa tsa'i sde tshan gyi gsum pa dza phyung ngo / / bdun pa la ni zhes pa ni/ ya wa ra la'i sde tshan te/ de'i bzhi pa yi ge wa'o/ /yi ge dza dang wa gnyis sbyor/ /zhes pa dang 'brel to/ /bdun pa ma yi yang gsum pa ste zhes pa ni/ ya ra la wa'i de kho na las gsum pa yi ge dza la gzung ste dz+wa la dz+wa la zhes pa'i sgra'i tshig ni lan gnyis su bzlas sbyor bya zhes pa dang 'brel to//kun gyi de bzhin nyid ldan te/ /zhes pa ni de bzhin nyid kyi yi ge hUM ste de dang ldan pa'o/ /yi ge phyed kyis rnam par brgyan/ /zhes pa ni/ yi ge phaT kyis sngags kyi tshig khyad par bya'o/ /drug pa'i zhes pa ni pa'i sde'o/ /de'i bzhi pa yi ge ba phyung byas te zhes pa'o//bdun pa'i zhes pa ni ya ra la wa'i sde'o/ /de'i dang po ni yi ge ya'o/ /des yi ge ba la gdan du byas zhes pa ni ya btags pa'o/ /bcu gsum pa yis steng gnon bya/ /zhes pa ni/ yi ge a dang por bzung nas brtsis pa'i bcu gsum pa bar du 'brel pa ni yi ge a'o/ / de yis steng gnon pa ru gzhag pa'o/ /yi ge de rnams bsdus pas ni byol bar gyur pa'o/ /swA hA'i tha ma sngags sbas dbyung / /zhes pa ni/ sngags kun gyi mthar swA hA gzhag pa'o/ /dang po rnam par snang mdzad dbul/ /zhes pa ni/ sngags kyi mgo na yi ge oM gzhag pa'o/ /bcom ldan 'das kyi sngags ni 'di ltar gyur te/oM dz+wa la dz+wa la hUM phaT b+h+yo swA hA/ sngags de kho na ni lha mo 'jigs can ma la sogs pa rnams kyi yang yin no/ /da ni sngags kyi che ba'i yon tan brjod pas ston pa/ sngags kyi rgyal po zhes pa la sogs pa ste/ de la sngags kyi rgyal po zhes pa ni rtsa ba'i sngags yin pa'i phyir ro//'jig rten gsum ni zhes pa/ 'jig rten gsum gyi gtso bo rgyal bar byed pa dang / sbrang rtsir byed pa dang / don grub par byed pa spun gsum mo/ /yang na tshangs pa dang drag po dang khyab 'jug go/ /khams gsum zhes pa ni 'dod pa dang / gzugs dang gzugs med pa'i khams so//zos par byed pa the tshom med/ /ces pa ni/ sngags bzlas shing 'bar ba'i rdo rje gsor na khams gsum snod dang bcud du bcas pa 'jig nas rgyal bar byed pa yin gyi sems can gyi sha khrag zos par byed pa ni ma yin no/ /de'i phyir gsungs pa/ 'di yis 'dod pa thams cad sbyin//zhes te/ sngags 'di yis ni gal te khams gsum thal bar byed na yang 'grub ste/ 'tsho bar byed pa yang nus so/ /de ltar yang sangs rgyas mnyam sbyor las gsungs pa/ thal bar gyur pa yang 'tsho bar byed/ /ces pa'o/ /dpal ldan khrag 'thung bskyed pa bstan pa zhes bya ba'i le'u zhes bya ba ni/'phags pa khrag 'thung bsgom pa'i rim pa'i don ston pa'i tshig sder longs pa'o/ /rdo rje bdud rtsi rgyud kyi le'u brgyad pa'i rnam par bshad pa'o// //da ni las kyi rigs la yongs su gtogs pa'i las sna tshogs grub par byed pa rnams la bcom ldan 'das bdud rtsi 'khyil pa 'byung ba gsungs pa/de nas bdud rtsi 'khyil pa yi/ /zhes pa la sogs pa ste/ de la zhal gsum zhes pa la sogs pa ni/ chos kyi 'byung gnas kyi dbus su gnas pa'i pad+ma 'dab brgyad kyi snying po'o/ /lha mo mA ma kI khro mor bsgyur ba dang bcom ldan 'das zhal gsum phyag drug pa bzhugs pa drag po la sogs pa'i tshul dang ldan pa rnam pa sna tshogs mi sdug pa'i zhal gsum dang tshogs bdag gi bgegs po gnon pa/phyag dang po dgra sta dang mtshon cha 'dzin pa/ phyag gzhan gyis ni go rims bzhin du gtun shing dang /rdo rje dang / zhags pa dang / sdigs mdzub dang / ral gri bsnams pa bsgom par bya zhes bya'o/ /rig ma brgyad dang mnyam ldan zhing / /zhes pa ni/ bdud rtsi ma la sogs pa'i rig ma brgyad pad+ma'i 'dab ma re re la bkod par bya zhes pa'i tha tshig go/ /sgo srung ma dang yang dag ldan//zhes pa ni/ rdo rje lcags kyu ma la sogs pa'i sgo srung la shes par bya'o/ /gsang ba'i pad+mar bsgom bya ste/ /zhes pa la sogs pa ni bshad zin to/ /zhal gsum zhes pa la sogs pa ni go sla'o/ /phyag gis pad+ma bsnams par brtson/ /zhes pa ni/ lha mo rnams kyis yang phyag g.yon pa'i dang pos pad+ma bsnams pa'o//sna tshogs gzugs rnams zhes pa ni sku mdog ljang ba'o/ /mchod sbyin ma zhes pa ni/ phyag g.yas pa'i dang pos mchod sbyin gyi phyag rgya bca' ba'o/ /'dod chags can ni gtso mo dang mthun pa'o/ /mchod pa'i lha mo rnams kyang don gyis shes par bya'o//bzhad cing rol par bzhad byed do/ /zhes pa ni/ bcom ldan 'das bde ba chen po bskyed par bya ba'i don du bshad pa'i lha mo de dag dang rol pa'i bcom ldan 'das bsgom par bya'o zhes so/ /de ltar yang sangs rgyas mnyam sbyor las gsungs pa/ 'dod chags bde bas g.yen spyo ba//steg pa'i ma mchu sos mnan pa'i/ /mdzub mo phyag rgya mchog 'di yis/ /khams gsum dag kyang rol par byed/ /ces so/ /mchod pa'i lha mo dang lcags kyu ma la sogs pa don gyis shes par bya'o/ /da ni/ sngags kyi rgyal po dbyung bar bya/ /zhes pa la sogs pas/de'i sngags sogs phyung ba'o/ /de la/ rnam par snang mdzad yang dbul nas/ /zhes pa ni rnam par snang mdzad kyi yi ge oM dang po smos pa'o/ /tshig 'di yis ni yongs su bkang / /zhes pa ni/ sngags thams cad yongs su bkang bar byed pa'o/ /dang po'i ni zhes pa yi ge a'i sde'o//de'i gnyis pa ste zhes pa ni yi ge e sbyor bar bya'o zhes pa 'brel to/ /stong pa nyid ni zhes pa yi ge ha'o/ /de'i gdan ni yi ge u ste de dang ldan par bya zhes pa dang sbrel bar bya'o/ /yang na stong pa zhes pa ni thig ler gsungs te/ stong pas stong la gnon pa'i sngags/ /zhes pa'o/ / thams cad swA hA sbyor byed do/ /zhes pa ni swA hA sbyor ba'o/ /sngags ni 'di lta ste/ oM a~M hUM swA hA zhes so/ /sngags de ni lha mo thams cad kyis kyang shes par bya'o/ /sngags des bsgrub par bya ba gsungs pa/ gtan du shin tu dga' sbyor nas/ /zhes pa la sogs pa ste/ thabs dang shes rab gnyis su med par sbyor bas shi ba'i mtshan nyid med par byed pa bdud rtsi dang 'dra ba bdud rtsi lhag pa'i byang chub sems dbyung bar bya zhes pa'o//de nas gnyis su med pa'i bde ba chen po'i ye shes bdud rtsi dang 'dra ba'i byang chub sems bdud rtsi bzhin du 'gro ba ma lus par rgas pa dang shi ba gzhom par byed pa'o//de skye bar byed pa'i 'phags pa ni/ bdud rtsi 'khyil pa zhes bya ba'i don to/ /de ni bsgrub par bya zhes pa ste/ thams cad sgrub par byed pa'i sgrub pa po rnams kyis sbyor ba du ma dang / rjes su sbyor ba chen po'i thabs dang shes rab kyi bde ba chen po'i ye shes dbyung ba'i bsgrub par bya ste gzhan du ni ma yin no zhes pa'o//de 'grub par byed pa'i yon tan gsungs pa/ don kun dngos grub thams cad kyang / /zhes pa ni/ mchog gi dngos grub dang thun mong gi dngos grub ste/ de la don kun zhes pa ni bdag dang gzhan gyi don phun sum tshogs pa'o/ /de yang ye shes kyi tshogs ni bdag gi don to//bsod nams kyi tshogs ni gzhan gyi don to/ /dngos grub thams cad kyang zhes pa ni mchog gi dngos grub dang thun mong gi dngos grub ste/ de la mchog gi dngos grub ni bde ba chen po rdo rje bdud rtsi mngon du gyur pa'o/ /thun mong gi dngos grub ni mig rnon dang rkang mgyogs dang /ral gri dang / ri lu dang / mi snang ba dang / ro langs dang / sa 'og bsgrub pa dang / nam mkha' la 'phur ba bsgrub pa dang brgyad do/ /de yang phyag mthil la kun gnas/ /zhes pa ni/ gang bdud rtsi 'khyil par bsgoms pa'i rnal 'byor pa'am/ rnal 'byor ma de'i lag mthil du dngos grub thams cad kun gnas so zhes pa'i tha tshig go//de bas na rdo rje bdud rtsi bde ba chen po dus rtag par bsam par bya zhes pa'o/ /de bzhin gshegs pa zhes bya ba la sogs pa ni bshad zin to/ /dpal rdo rje bdud rtsi 'khyil pa 'byung ba zhes bya ba'i le'u zhes bya ba ni bcom ldan 'das bdud rtsi 'khyil pa'i bsgom pa bstan pa'i tshig sder longs pa'o//rdo rje bdud rtsi rgyud kyi le'u dgu pa'i rnam par bshad pa'o// //da ni khrag 'thung gi sbyor ba dang ldan pas sngon du bsnyen pa bya ste/ ro langs ma chen mo bsgrub par bya zhes gsungs pa/de nas ro langs ma chen mo'i zhes bya ba la sogs pa ste/ de la bsgrub par bya ba'i tshes grangs bstan pa/ nag po tshes brgyad bcu bzhi la/ /zhes pa'o/ /gnas bstan pa ling+ga gcig dang zhes pa la sogs pa ste/ de la ling+ga ni ma hA de ba la sogs pa'i lha rten no//de nyid gcig dang zhes pa ste rgyang grags tshun chad gzhan med pa'o/ /gzhan ni go sla'o/ /las ni thams cad bsgrub bya ste/ /zhes pa ni/ gzhan yang mngon spyod la sogs pa bsgrub pa'i las thams cad do/ /ci 'dra ba slong ba yin zhe na/ 'gegs nas shi ba'i ro rnams ni//zhes pa rang 'phyangs nas shi ba'o/ /gang yin zhe na/ gdol pa mo dang sme sha can/ /zhes pa'o/ /de gnyis med na/ khyi btsos ma rnams de dag na/ /zhes pa ste/ de la rnams kyi sgras mkha' 'gro ma rnams la shes par bya'o/ /mtshan ni thams cad yongs su rdzogs pa zhes pa ni/yan lag tshang ba dang / mdun so la so lhag yod pa'o/ /yang na rig byed dang ni sor ldan pa'o/ /mdzes ma ni byad dang ldan pa'o/ /bzang ba ni mdangs dang ldan pa'o/ /rma med pa ni lus la mtshon gyis ma phog pa'o/ /de 'dra ba gal te rnyed par gyur na/ de'i tshe na bsgrub pa brtsam par bya ba yin no//sum cu rtsa gnyis bsngags pa ste/ /zhes pa 'di bsgrub pa la ni lo sum cu rtsa gnyis lon pa bsngags so/ /yang na/ lo ni nyi shu rtsa lnga bskyed/ /ces pa'o/ /de gnyis ma rnyed na na chung ma pha ma las dang la skyes pa 'gags nas shi bas kyang bsgrub par nus so//ro de dang la chus bkru bar bya'o zhes gsungs pa/ bud med ro yi skra gzung ste/ /zhes pa la sogs pa ste/ khrag 'thung gi rtsa ba'i sngags kyis gtsang ma'i chu la sngags btab nas/ sa ha de ba dang / br-i ha ti dang / we ta dang / gi ri ka r+Ni ka dang / nA ga gan+d+hA dang / sman lnga yang bcug par bya'o//rdo leb la zhes pa ni/ pha 'ong leb leb po'i steng du ro gzhag ste/ sngags btab pa'i chu des bkru bar bya'o zhes pa'i don to/ /slob dpon rang gis khrag 'thung gi lha'i sbyor ba byas nas/ rtsa ba'i sngags bzla ba la brtson par bya'o/ /ga pur tsan+dan dkar po yis/ /zhes pa la sogs pas/tsan+dan dkar po dang ga bur rnams kyis lus la byug par bya ste/ me tog dang spos me dang zhes pas mchod nas sa gcig tu gzhag ste/ zla gam gyi tshul gyi dkyil 'khor bri'o/ /thod pa zhes bya ba ni thod pa'i ming ngo / /yang na gzhu'i tshul du yongs su brtags pa de dbus su re'u mig la 'dod pa'o//phyi rol yang gru bzhi dang / grwa bzhi dang / sgo bzhi dang / dril bu dang / 'phan dang / rnga yab dang / dra ba dra phyed dang / zla bas brgyan pa bkod par bya'o/ /de'i 'og tu bcom ldan 'das rigs brgyad kyi lha mos yongs su bskor ba re'u mig re re la 'jigs can ma la sogs pa'i sngags kyis lha mo ldan par phrag par kha T+wAM bkal nas phyag g.yon pas thod pa 'dzin pa/phyag g.yas pas 'phan gsum gyi phyag rgya dang ldan pa rtsa ba'i sngags sam/ yi ge hUM gis dkyil 'khor gyi dbus su bskyed nas gzhag par bya'o/ /sngags de kho na lha mo thams cad zhal gsum phyag drug pa phyag dang po gnyis kyis kha T+wAM dang thod pa 'dzin pa gzhag par bya'o//sgo la yang sgo srung glang sna zhes pa la sogs pa bzhi lcags kyu dang / zhags pa dang / lcags sgrog dang / dril bus phyag brel bar zhal gcig phyag gnyis pa bkod pa'o/ / lha mo me tog ma dang / spos me ma dang / mar me ma dang / dri chab ma dang zhes bya ba rnams kyang me tog ma la sogs pa 'dzin pa bri bar bya'o/ /de 'dra ba'i bcom ldan 'das 'khor lha mo dang 'dra ba'i dkyil 'khor gyi dbus su bskyed nas dgug ste/ mchod cing gsol nas khrag chen gyis phyogs bzhi la gtor bar bya'o//yi ge b+h+yo gad sgrogs bshad pas sngags bzla bar bya ste/ mar khu chen pos bskus pa'i yungs kar dkar pos ro langs ma de'i ngo la brdeg par bya'o/ /de nas mo ag tsar che zhi bas gsum rang gi sgras gang bar byed pa yang lags so//de mthong nas 'jigs par mi bya ste/ lha'i sbyor ba mngon du byed cing nga rgyal dang bcas nas gnas par bya'o/ /gzhan du 'da' bar gyur na slob ma dang bcas par sgrub pa po shi ba'o/ /de nas de grub ma thag tu bdag gis ci bgyi zhes bka' nod par 'gyur ro/ / sgrub pa pos yid kyis 'dod pa'i ral gri la sogs pa'i dngos grub kyang sbyin no/ /gdol pa mo dang / sme sha can de gnyis bdag grub par ma gyur na/ gzhan gyi gzugs kyis bcom ma dang bzod byed dang / bsgrub pa'i rim pa 'dis bya ste/ phyi nas bcom ldan 'das rdo rje khrag 'thung bdag dang sgrub pa po gcig dang lhan cig bsgrubs na 'grub pa the tshom med pa'o//ro langs ma bsgrub pa bstan pa'i le'u bcu pa'i rnam par bshad pa'o// //de ltar de'i rim pas 'dod chags la sogs pas 'dul ba'i skye bo rnams kyi don byas te/ bcom ldan 'das ci yang mi gsung ba'i ngo bos rtogs nas ni rnam par mi rtog pa'i bde ba chen po'i ros sku gsung thugs kun la 'bigs te longs spyod rdzogs pa'i skur bzhugs par gyur to//de nyid kyi phyir gsungs pa/ de nas bcom ldan rdo rje can/ /zhes pa la sogs pa ste/ 'byung 'jug gi mtshan nyid kyi dbugs kyi ting nge 'dzin la gnas pas dbugs 'gog pa'i phyir mi g.yo mi gzigs par ting nge 'dzin mchog la zhugs pa bde ba chen po'i ye shes gnyis su med par gyur to zhes pa'i don to//da ni de 'dra ba'i bcom ldan 'das la yang zhus te/ bcom ldan rdo rje phra mo ni/ /zhes pa la sogs pa ste/de la rdo rje phra mo zhes pa ni bde ba chen po'i ye shes so/ /de ji ltar gnas she na/ sems can kun gyi yid la gnas/ /zhes pa'o/ /don ni 'di ltar gsungs par 'gyur te/ mngon par byang chub pa rnam pa lnga ji lta ba'i rim par chos kyis byung gnas kyi dbus su gnas pa'i ye shes sems dpa' kha nas thim pas/zla bar zhu ma thag pa'i zla ba'i dkyil 'khor dang yi ge hUM la sogs pas bskyed pa'i rdo rje la sogs pa dang rdo rje des rdo rje sems dpa' la sogs pa'i gzugs su bdag bskyed par bya ste/ phyi nas rjes su sbyor ba'i rim pas lha'i 'khor lo sprul te/ dkyil 'khor de'i dbus su 'dug pa bdag nyid gtso bo'i nga rgyal dang ldan par bya'o/ /de nas de'i 'og tu ni rang gi snying gar rdo rje phra mo byang chub sems rdo rje ye shes can bsam par bya'o/ /de'i snying gar yang phra mo'i yi ge hUM la sogs pa dang / rang gi yi dam lha yang bkod nas lha'i byin bsgrub pa mngon du gyur pa'o zhes bla ma'i man ngag go//yang na rdo rje phra mo zhes pa ni byang chub sems te chos thams cad gsal bas stong pa nyid kyi rang bzhin du bskyed pa ni/ sems can kun gyi yid la gnas/ /zhes pa'o/ /de ltar yang gsungs pa/ sems can kun gyi yid la gnas/ /de bzhin gshegs pa kun gyi pha//'dod chags dam tshig mchog rnams kyi/ /zhes pa'o/ /de nyid sngon bzhin bshad ces pa la sogs pa ni kun rdzob byang chub kyi sems ston pas lan gsungs pa'o/ /de zos pa'i dngos grub kyi 'bras bu ston 'dod pas gsungs pa/ rtag par rgyun du myang bar bya//zhes pa la sogs pa ste/ rang gis zos par byas nas sngags rgyud mkhas pas rang gis rig nas bza' bar bya'o/ /dag par bya ba dang sbyang ba'i rim pas ni ma gsungs te/ lha'i sbyor ba kho nas byang chub sems la sogs pa dag pa nyid kyi phyir ro/ /rdo rje bdud rtsi'i rgyud 'di ni/ / zhes pa la sogs pas ni rgyud 'di'i che ba ston cing 'dus pa gsungs te/ de la don mang yang zhes pa ni/ phyag rgya la sogs pa bsgrub pa mthar thug pa'i don mang ba'o/ /gang du zhes pa ni ldan pa mdor bsdus pa'o/ /gsang ba'i rim pa zhes pa ni/ gsang ba'i rjes su myong ba'i mtshan nyid dang ldan par byas te/ma lus pa'i rdo rje theg pa chen po yin pa de'i phyir de las byung bas na gsang ba'i rim pa can no/ /'di ni gsang ba chen po zhes pa la sogs pa ni/ gsang ba'i dbang po gnyis gcig snyoms par zhugs pa ni gsang chen te/ bde ba chen po gnyis su med pa'i ye shes zhes bya'o//mya ngan las 'das pa'i ngo bo nyid kyi phyir na dam pa zhes bya ste/ bde ba chen po so so rang gis rig pa'i phyir yid dga'o/ /kun gyi bdag la pho dang mo'i gzugs de la rtag par gnas so/ /de nyid kyi phyir na/ byang chub sems dpas ma shes te//zhes te/ bcom ldan 'das kyis ston na yang des mi thob pa'i phyir ro/ /de nyid kyi phyir na gzugs med ces te/ mig gi rnam par shes pa'i spyod yul ma yin pa'i phyir ro/ /'o na ci 'dra zhe na stong pa zhes te/ de bzhin nyid kyi rang bzhin phyi nang rtog pa'i dra ba bsal ba nyid kyi phyir ro/ /mi 'gyur ba zhes pa ni/g.yo ba med pa zhes pa'i don to/ /de ni de nyid ces te bden pa'o/ /de ltar yang gsungs pa/ sems dpa' sangs rgyas kun gyi dngos/ /rdo rje sems dpa' bde ba'i mchog /gsang ba mchog gi dgyes pa na/ /thams cad bdag nyid rtag tu bzhugs/ /zhes pa'o//rdo rje spyi gtsug nor bu zhes pa ni/ thig le'i rgyan gyi rnam pa'i gzugs nyid kyi phyir ro/ /de bas na shin tu gsang nas gzungs lha mo zhes pa'o/ /'dor ba zhes pa la sogs pa ni/ rgyud 'di'i 'dor ba bzhin du gzhag pa la/ dga' ma khyod la yang bdag gis bstan pas na zung shig /shin tu dkon pa'i phyir ro/ /de ltar gsungs ma thag tu bcom ldan 'das kyis dkyil 'khor dang bcas par phra mo'i gzugs su gyur te/ bde ba chen po'i ngo bos shes rab kyi pha rol tu phyin pa'i ye shes kyi rang bzhin sa gsum gyi bdag nyid/ dngos po thams cad gnyis su med pa'i mtshan nyid chos kyi 'byung gnas yi ge e gru gsum gyi dbyings b+ha ga'i phyogs la chos dang longs spyod rdzogs pa'i skus khyab nas gsum du khyab par bzhugs so zhes pa'o//de bas na rnal 'byor pa yis kyang lha'i sbyor ba goms par byas te phyi na 'khor ba 'dus pa'i sku la gnas par bya'o zhes so//gsang sngags shin tu dka' ba'i tshig dang gsang ba de nyid don ldan rdo rje bdud rtsi zhes bya'i rgyud/ /gang gis ji ltar don bzhin bshad par 'dod pa'i blun po dri ma med pa 'di las gyur/ /bdag gis 'ga' zhig shes nas 'grel pa 'di las thob pa dri ma med pa'i dge ba gang //des kyang ma lus 'jig rten 'di dag rtog pa'i dra ba bsal nas bde ba dam pa dang mnyam shog /dam pa'i bde ba gnyis med blo yi dngos grub rgyu yi phyir/ /mtha' yas rgyud kyi snying po 'di yi 'grel mkhan ni/ /gang zhig 'dod pa dga' ba sngags kyi mthar grub gyur pa yis/