CLOSE WINDOW

D1649
བོད་ཡིག

@##/ /rgya gar skad du/ shrI badzrA mr-i ta pany+tsi kA/ bod skad du/ dpal rdo rje bdud rtsi'i dka' 'grel/ dpal rdo rje sems dpa' la phyag 'tshal lo/ /gang gi dngos po mtha' dag rnam bcom dri med ye shes dar ba 'khrug med pa//thabs dang shes rab thugs rje chen po ro mnyam phyir gcig gnyis su gsal ba de/ /mA ma kI la sogs pa'i spyan zur rkang drug tshogs kyis bltas na chu skyes zhal//de la btud nas mchog tu bde ba rgyal ba'i rang bzhin rdo rje bdud rtsi bri/ /rang nyid la snang rgyud kyi don/ /nges par gsang ba gsang sems pa'i/ /bdag gzhan rnams kyis dran pa'i phyir//rnam par 'grel pa gsal bar bya/ /rgyud 'di la bcom ldan 'das mi bskyod pa mA ma kI la sogs pa'i 'khor gyis yongs su bskor ba ni brjod par bya ba'o/ /rgyud kyang rjod par byed pa'o//dgos pa yang rdo rje bdud rtsi bde ba chen po'i ye shes mngon du byed pas skye bo rnams kyi 'dod chags la sogs pa nyon mongs pa'i nyes pa nges par 'joms par byed pa zhes bya'o/ /de la yang bde ba chen po'i ting nge 'dzin thob pa las 'dod chags la sogs pa'i nyon mongs pa bsam ste tshegs med par skye bo ma rgyal ba las rgyal bar 'gyur te rdzogs pa'i sangs rgyas rgyun du sems can gyi don byed do zhes pa dgos pa'i yang dgos pa'o//de dag kyang gdon mi za bar brjod par bya ba ste/ chos [(]gyi [,]kyi [)]rjes su 'brang ba'i gang zag sgrub par byed pa la phan par byed pa'i phyir ro/ /'o na sems can rnams kyis rdzogs pa'i byang chub thob pa'i don du ci'i phyir 'di las thabs gzhan pa'i ting nge 'dzin bcom ldan 'das kyis rab tu bstan pa ma yin nam/'dir 'jig rten las 'gal ba bstan zhe na/ gang gi phyir 'jig rten thog ma med pa'i dus su goms pa 'dod chags la sogs pa'i nyon mongs pa mtha' dag gi dra bas 'khrugs pa yid chags pa la sogs pa dang bral bas na cung zad kyang gnas par mi nus so//de'i phyir de kho na rdzogs pa'i byang chub thob pa'i ched du rgyu nyid du nye bar blang bar bya ste yid sngags dang phyag rgya dang ye shes sems dpa' dgug pa dang lhan cig pas byang chub thob par bya ba las nus pa shin tu skye bar 'gyur ro//gzhan yang 'dod chags dang 'dod chags can 'ching ba dang bcing bya dag don dam par yongs su grub pa med de/rigs pas rnam par dpyod bzhin pa na brdzun pa nyid do/ /de bzhin du yang gsungs pa/ gang zhig chags pa dang gang la chags pa'am gang gis chags pa de dang de'i chos su nye bar dmigs par mi bya ste/ nye bar dmigs pa'i yid la 'dod chags kyi skyon med do zhes pa la sogs pa'o//bskyed par bya ba dang nyams par bya ba med de/ 'dod chags med pa kho na'i sems la kun nas nyon mongs par bya ba nas yang skye ba med do/ /gang yang bdag tu nye bar dmigs pa zhen pa'i lta ba po/ /de rnams chags pas ngan song du ni ltung bar 'gyur/ /gang rnams 'dod chags chos kyang sangs rgyas chos rnams te//de rnams kyis ni khyad par ci yang yod pa min/ /yi ge gcig pa tshul gcig mtshan nyid med pa ste/ /de bzhin skye dgu med cing bde gshegs nyid mchod med/ /tshul khrims 'chal dang tshul khrims rnam par brtags nas ni/ /gang zhig tshul khrims rlom pas myos pas bsam pa ste//de yi byang chub med cing sangs rgyas chos kyang med/ /gang phyir de yi dmigs pa'i lta bar rab gnas phyir/ /zhes so/ /slar yang gsungs pa/ 'dod chags med cing chags bral med/ /dbu ma nye bar mi dmigs so/ /zhes pa la sogs pa'o//'dir bcom ldan 'das mi bskyod pa ni ston pa po'o/ /mA ma kI ni zhu ba po ste rgyud kyi sdud par byed pa po de nyid do/ /zhi ba ma la sogs pa'i lha mo sgo skyong gi mthar thug pa ni 'khor lo/ /'di skad bdag gis zhes bya ba la sogs pa rgyud kyi skabs 'byed do/ /'di skad ni 'chad par 'gyur ba can rdo rje bdud rtsi'i rgyud do//bdag gis thos pa nyid de shes so zhes pa'i don to/ /dus gcig na ni dus gcig gi tshe na ste/ gang gi tshe bcom ldan 'das mi bskyod pa gsang ba'i pad+ma rnams su bzhugs pa de'i tshe thos so/ /bcom ldan zhes pa bdud bzhi bcom pa dang ldan pas bcom ldan no//yang na dbang phyug la sogs pa'i yon tan dang ldan pa'i phyir ro/ /gsang ba'i pad+ma rnams su rtag tu gnas dang ldan no zhes pa'i don to/ /de bzhin gshegs pa thams cad ni rnam par snang mdzad la sogs pa'o/ /de rnams kyi sku dang gsung dang thugs rnams de rnams kho na rdo rje'i snying po'o//rdo rje bdud rtsi'i gsang ba'i ni mA ma kI la sogs pa'i lha mo'o/ /de rnams kyi pad+ma ni b+ha ga'i dbus su lhag pa'i gnas rnams su bzhugs pa ni yang dag par gnas pa dang ldan no zhes pa'i don to/ /don ni 'di yin te mA ma kI la sogs pa'i lha mo de rnams kyi b+ha ga'i dbus rnams su bcom ldan 'das 'khor dang mchog tu bde ba'i dga' ba dam pa por mnyam pa'i ngo bo byang chub kyi sems rdo rje bdud rtsi'i gzugs kyis yang dag par gnas so//de bzhin du lha'i rnal 'byor mngon du byed par 'dod pa'i rnal 'byor gyis kyang gos par bya'o zhes pa'o//rol zhes pa la sogs pa ni mA ma kI dang lhan cig tu snyoms par zhugs pa dang ldan pa 'gyur nas zhi ba ma la sogs pa'i lha mo rnams kyis lhan cig rol par byed do/ /khang pa zhes pa dkyil 'khor du ste/ 'di dag gsungs par 'gyur ba/ mA ma kI la sogs pa'i chos 'byung du grwa bzhi la sogs pa'i yon tan dang ldan pa'i dkyil 'khor du'o//de'i steng du yongs su brtags pa'i pad+ma 'dab ma brgyad pa la 'dab ma so so la yang dag par gnas pa'i lha mo brgyad ni zhi ba ma la sogs pa'i ming can rnams so/ /sgo ru khro gnyer ma la sogs pa'i sgo skyong ma rnams so//grwa rnams su me tog ma la sogs pa'i lha mo rnams so/ /snam bu la gling bu ma la sogs pa'i lha mo rnams te/ thams cad rang gi mtshan ma 'dzin pa yang dag par gzhag par bya'o/ /bcom ldan 'das mi bskyod pa yang mA ma kI la snyoms par zhugs pa dang ldan pas pad+ma'i snying po la bzhugs so zhes pa'o//da ni bcom ldan 'das btsun mo'i 'khor gyi dbus su lhag pa'i gdan la shin tu dga' ba'i ros yang dag par mnyes nas mA ma kIs 'dod chags la sogs pa la kun nas zhen pa'i sems can gyi khams yongs su mgu bar byed pa'i don du gsol ba btab po//lha mo zhes bya ba la sogs pa gsungs te/ rdo rje bdud rtsi'i rgyud ces pa ni rgyud bla ma stong phrag bcu gnyis pa ni rgyas pa la dga' ba'i sems can gyi don byed pa'i thabs so/ /da ni bsdus pa la dga' ba la so sor bka' stsal to/ /bdud rtsi zhes pa byang chub kyi sems te/'chi ba'i chos da 'bral ba'i bdag nyid bde ba chen po'i ye shes mngon du byed pas rgyu'i gtso bo de kho na'o/ /gang gi phyir sems tsam gyi bdag nyid du snang ba'o/ /phung por gyur pa khams gsum pa can la gnyis su med par gyur pa/ phyi dang nang gi rnam par rtog pa'i dri ma'i dra ba ma lus pa nges par bsal bar bltas nas/de'i mthar bde ba chen po'i ye shes ro mnyam pa can du gyur pa shes rab kyi pha rol tu phyin pa'i rang bzhin sa bcu gsum pa chos 'byung la/ nam mkha' lnga'i pad+ma 'dab ma brgyad pa'i dbus su ye shes bdud rtsi'i rgyun rgyas par 'phro bar byed pa'i bum pa dang ldan pa nam mkha'i mthil khyab par gyur pa la/b+h+rUM gyi yi ge yongs su gyur pa las/ rdo rje dbyings kyi dbang phyug ma'i khang pa brtsegs pa gru bzhi pa la sogs pa'i dkyil 'khor brgyan par zla ba'i dkyil 'khor dang rdo rje las ye shes sems dpa' bsgom par byas nas 'chad par 'gyur ba'i bstod pa dang mchod pas yang dag par bstod de yang dag par mchod nas bzod par gsol te/de kha nas bcug ste rdo rje'i lam nas nges par byung ste zla ba zhu ba'i bdag nyid du bltas nas bcom ldan 'das dang bcom ldan 'das ma lhan cig blta'o/ / phyi nas rjes su rnal 'byor ni/ dkyil 'khor gyi 'khor lo byung nas lhag pa'i bdag po'i bsnyems pa bya'o/ /rnam pa lngas mngon par rdzogs par byang chub pa ni rdo rje bdud rtsi mchog tu nye bar 'byung bar yang dag par go bar byed do/ /de gsungs pa/ sems dang sems dpa' ting 'dzin dang //byang chub spyod pa zhes pa la sogs pa'o/ /slar yang gsungs pa/ dbang po gnyis po snyoms zhugs nas/ /mkhas pas rang gi khu ba ni/ /phyung nas rtag par rnal 'byor pas/ /dkyil 'khor dkyil 'khor rnam pa rnams/ /zhes so/ /'di'i phyir yang don 'di rtogs par bya'o//'di nyid kyang rnal 'byor gyi rgyud la sgrub pa'i thabs kyi gtso bo yin gyis gang yang rung ba ni ma yin no zhes pa'o/ /gang gi phyir 'di nyid du gsung bar 'gyur ba/ bdud rtsi khu ba zhes brjod do/ /'gro ba gsum po de las skyes/ /sku gsung thugs ni grub don du/ /sgrub po rnams kyi bde ba spyod//ces pa 'dis kyang rtogs par bya'o/ /bsam med ces pa 'dis rdo rje bdud rtsi'i rgyud bde ba chen po'i ye shes kyi khyad par yin no/ /dngos po dang dngos po med pa'i dang gnyis kar rtog pa'i dri ma'i dra ba dang bral ba ni bsam med do/ /zad med dang zhes pa rang gi rigs dang mthun pa'i bde ba'i ngo bo brgyud pa skyed pa po nyid kyi phyir dang rgyud kyi rgyun ma zhig pa nyid kyi phyir ro//phra mo ni ngag tu dper brjod pa'i yul ma yin pa nyid kyi phyir ro/ /don yod dang ni bskal ba chen po grangs med pas thob par bya ba'i mngon par rdzogs par byang chub pa de skad cig la yang dag par rtogs pa po nyid kyi phyir ro//dbang po las 'das ni mig la sogs pa'i skye mched las shin tu 'das pa nyid kyi phyir ro/ /dam pa ni me long la sogs pa'i ye shes lnga'i gtso bo nyid kyi phyir ro/ /zhi ba ni 'dod chags la sogs pa'i nyon mongs pa rnams kyis ma gos pa nyid kyi phyir ro//shin tu rnam dag ni chos kyi dbyings kyi rang bzhin nyid kyi phyir dag pa'o/ /dbye bya min pa 'byed pa po nyid kyi phyir rdo rje'o/ /tha mal pa'i phung po yongs su sgyur bar byed pa'i rgyu bcud kyis len gyi ngo bo nyid kyi phyir bdud rtsi'o/ /de bzhin du 'byung ba dang mchog tu 'byung ba'i yon tan gyi tshogs kyi khyad par las dang byang chub kyi sems las 'gro ba gsum po yang rab tu skyes pa ni yang dag 'byung zhes pa'i don to//'dis brtan pa dang g.yo ba'i dngos po thams cad kyi rang bzhin nyid bcom ldan 'das su gsungs so/ /sku dang gsung dang thugs zhes bya ba la sogs pa ste/ 'dis rdo rje bdud rtsis sku dang gsung dang thugs rnams ni bsgrub par bya ba ste bde ba chen po'i ngo bos nges par bskyed pa'i mthar thug pa'o zhes pa'i don to/ /rdo rje pad+ma zhes pa sgrub par byed pa rang hUM yig yongs su brtags pas rdo rje'i rnam pa'o/ /tra~M` yig las yongs su skyes pa'i nor bu sna tshogs rdo rje'i ska rags kyis brgyan pa'o//gtum mo la sogs pa'i bu mo mA ma kI'i rnam par yongs su bskyed bzhin pa'i b+ha ga'i dbus su hrIHyig yongs su gyur pa'i pad+ma la b+h+rUM yig bkod de/ khang pa brtsegs pa bsams nas mnyam par kun du sbyor ba byed pa yin gyi/ gzhan du ltung ba dang bcas par 'gyur ro//da ni 'di'i lha'i rnal 'byor mngon du byed pa'i rgyu mchod pa dang dkyil 'khor ci lta bu zhes slar yang zhu bar byed pa/ gru gsum zhes pa la sogs pa ste/ gru gsum ni chos 'byung gi rnam pa rdo rje 'dzin pa'i sa'i rang bzhin no/ /dkyil ni snying po ste bde ba chen po'i ye shes so//de len par byed do zhes pa dkyil 'khor ro/ /gsang ba pad+ma zhes pa gsang ba'i dbus su pad+ma 'di'i zhes 'bru mang po'o/ /gsang ba'i spyod yul zhes pa gsang ba spyod yul ni yul te zla ba'i dkyil 'khor dgod pas so/ /phyi rol zhes pa gru gsum de'i dbus su pad+ma 'dab ma brgyad pa bkod pa'i phyi rol du'o//logs dang sgo bzhi zhes pa ni nye bar mtshon byed de/ gzhan gru bzhi dang rta babs bzhi dang sgo dang sgo khyud la sogs pa rtogs nas rigs pa dang ldan par bla'o/ /shar la sogs pa'i sgo ru khro gnyer can la sogs pa'i sgo skyong ma rnams so/ /grwa rnams su me tog ma la sogs pa rnams so//snam bu la gling bu ma la sogs pa rnams so/ /de lta bur gyur pa'i dkyil 'khor yang dag par bris te/ nam mkha'i mthil du yongs su brtags pa'i sems kyis dkyil 'khor de la bkug nas gnyis su med par byas te yang dag par mchod pa des dam tshig phul nas dngos grub kyi phyir gsol ba btab ste/slob dpon dang gnyis su med pa can du gyur pa lha'i nga rgyal gyis rab tu zhugs te gsang ba'i 'khor lo bsgrub par bya'o zhes pa 'di ni dkyil 'khor 'dri bar byed pa'i rim pa'o/ /gsang ba ni gsung bar 'gyur bar zhi ba ma la sogs pa'i lha mo rnams su de dang de sgrub par byed pa'o//ma dang chung ma la sogs rnams de'i gzugs dang mtshan ma sgom par byed pa'i sgo nas de la lnga rnams ni gtso bo mA ma kI la sogs pa'i lha mo rnams kyi sbyor bsam la sogs pa lnga bsgrub par bya'o/ /mA ma kI'i rnal 'byor gyis ma'o//zhi ba ma'i rnal 'byor gyis rang gi chung ma'o/ /zhi zhal ma'i rnal 'byor gyis bu mo'o/ /zla ldan ma'i rnal 'byor gyis sring mo'o/ /ri bong can ma'i rnal 'byor gyis gnyen mo'o/ /da ni ma dang sring mo la sogs pa rnams kyi de ma thag tu 'dod pa bskyed pa'i rgyu gsungs pa/bung ba rtse ba'i tshul gyis ni/ /zhes bya ba la sogs pa ste/ bung ba bzhin du shin tu dga' ba rtsom pa la 'khyud pa dang rtse ba sngon ma can gyis tshig snyan pas rjes su chags pa bskyed nas/ phyi nas bud med thams cad bcing ba dang so sor bcing bas 'dod pa'i de ma thag bde ba chen po shin tu dga' ba'i ro myang ba thob pa rnal 'byor ma rnams las skye bar 'gyur ro//da ni lus mnye ba byed pa'i don du so so re re ba thams cad bsdus pa'i gtso mo mA ma kI la sogs pa'i rnal 'byor ma rnams kyi bcing ba lnga rnams gsungs pa/ khyogs dang gru mo zhes bya ba la sogs pa ste/khyogs zhes pa sdom pa zhes bya ba'i bcing ba'o/ /'degs pa dang ni zhes pa 'phul bar brjod par bya'o/ /gru mo dang brkyang ba dang shin tu rab tu brkyang ba ni ji ltar nges par bstan pa'i ming gi brjod byar blta bar bya'o/ /de la sdom pa bshad par bya ste/ btsun mo'i mgrin pa brtan 'khyud de/ /mi yi dpung pa zung gi ni/ gru mo gnyis po bud med kyi/ /rje ngar bkod pa sdom par dran/ /gru mo'i mtshan nyid ni/ bud med pus mo bkug pa la/ /mi yi gru mo bkod pa ni/ /pus mo gru mo steng du 'dod/ /zhes pa dag pa'i cho gar dran/ /brkyang ba brjod par bya ste/'dug pa'i skyes bu'i brla la ni/ /bud med rkang pa'i mthil brtag pa/ /brla ni gshags nas gnyi ga'i yang / /rkang pa rab brkyang phyir brkyang ba/ /'phul ba brjod par bya ba ste/ /mi yi lte ba'i rtsa ba ru/ /mi mo'i rkang mthil 'god byed pa/ /phag pa'i mthar yang yar bteg pa//skyes pa 'phul bar rab tu grags/ /shin tu rab tu brkyang bar 'gyur/ /gnyis ka dag las rkang pa dag /brkyang ba las ni rab brkyang ba'o/ /bud med mi yi re re la/ /'og tu bltas pa'i lus su gnas/ /byed pa zhes bya ba la sogs pa ni/ byed pa ni shin tu dga' ba la phan par byed pa/rnam par sel ba la sogs pa'o/ /bcing ba yis ni bshad ma thag pa rnams kyis so/ /yang dag sbyor ni gang rnams kyis/ /zhes 'bru mang po'o/ /da ni tshogs [(]gyi [,]kyi [)]'khor lo sgrub pa'i dam tshig gsungs pa/ sha chen zhes bya ba la sogs pa ste/ khrag chen po ni rdul te rang byung gi khrag go//lhag ma go bla'o/ /bsgrub par bya zhes pa a yig yongs su brtags pa'i pad+ma ban+du'i steng du hUM yig dang oM yig gis sbyong ba dang rtog par byed pa dang bdud rtsir bsgoms nas bsgrubs pa zos pa tsam gyis rab tu grags pa'i dngos grub ster bar 'gyur ro/ / gal te dngos grub bdag 'dod na/ /zhes pa ni/ 'dis sha chen po la sogs pa'i dam tshig rjes su bsgrub pa'i mthu chen po rab tu gsal bar byed pa bcom ldan 'das kyis ma nor ba de bzhin du gsungs shing mngon par 'don no/ /'di nyid rnal 'byor pa rnams kyis bya'o zhes pa'i don to//le'u dang po'i 'grel pa'o// //byang chub kyi sems chos sku'i rang bzhin dang bral bas dngos grub rnams bsgrub par bya ba ma yin no zhes de kho na nyid ye shes kyi le'u gsungs pa/ 'o bya zhes pa la sogs pa ste/ 'o byed pas mig la sogs pa'i rtsa dgu dang 'brel pa'i spyi bor gnas pa'i byang chub kyi sems 'jug par 'gyur ro//rdo rje bcings te nu ma 'dzin/ /zhes pa ni rdo rje bcing bas mgrin pa la kun nas bcings nas lag pa g.yas pas nu ma gzung bar bya'o/ /de ltar de ma thag tu tshegs med pas rdo rje pad+ma'i ting nge 'dzin dam pa'i bde ba can 'gyur ba med par byed pa'i chos can ma rnams rnal 'byor ma rnams las skye bar 'gyur ro//sen mo'i ri mo zhes pa la sogs pa ni/ mkhur ba dang 'dren byed zung dang dpral ba dang nu ma'i 'gram dang mchan khung dang b+ha ga'i dkyil gyi phyogs dang / lte ba dang pad+ma la sogs pa rnams su sen mo'i ri mos 'o byed par skul bar yang byed do zhes so//'og dang steng du nges blta bya/ /zhes bya ba ni pad+ma'i gnas so/ /stod ni zhal gyi pad+ma'o/ /gang gi phyir bltas pas rjes su mthar chags pa ni de'i chags pa zin nas yud tsam bde ba thob par byed do//da ni mA ma kIs bcom ldan 'das la shin tu rjes su chags pa'i yid dang ldan pas de kho na nyid kyi ye shes nyan par byed pa la slar gsol ba btab bo/ /bcom ldan bdag gi de nyid gsungs/ zhes bya ba ni gang gi phyir/ rnam par rtog pa'i dri ma mtha' dag nges par bsal ba/ gnyis med stong pa nyid kyi rang bzhin ni byang chub sems te/ de lta bur gyur pa la ci ltar rtse bar bya/ dbang po gnyis snyoms par 'jug pas bde ba nyams su myong bar 'gyur/ nyid kyis gsungs zhes zhus pa'o/ /nyon cig de nyid kyis zhes pa la sogs pa ste/shes rab dang thabs dag gi sbyor bas chos thams cad gnyis su med pa can du bas rab tu gsal bar khong du chud par bya'o zhes sbyor ba 'bigs par byed par brjod par bya'o/ /gang de'i rnam pa dang bcas pa'i blo gros dbang po las 'das pa bde ba chen po bla na med pa nyams su myong ba so so bdag nyid kyis rig par bya ba mi snang ba zhes pa de lta bu de phra mo ste 'di de yin zhes yongs su brtags pa'i ngo bos/brjod par byar mi nus pa nyid kyi phyir ro/ /de nyid kyi phyir gsang ba chen po ste thun mong ba'i yul ma yin pa nyid kyi phyir ro/ /shes bya'i ngo bo nyid ces pa ste/ shes bya zhes pa ni/ sa gsum gyi nang du gnas pa de rnams so/ /ngo bo nyid ni rang bzhin te 'di'i zhes pa shes bya'i ngo bo nyid du'o/ /gang gi phyir ye shes kho na dngos po mtha' dag rgyas pa'i tshul gyi rnam pa dang bcas pa bzhin du phyi rol gyi gzugs kyis so sor snang ba thob par byed do//de nyid la yang thams cad du 'jig rten gyi bden pa'i ngo bo so sor bstan par bya ba'i yid kyis ma rig pa gang 'khor bar 'khyam par 'gyur ro/ /de yang so sor snang ba la nges par dpyod bzhin pa dang brdzun pa'i rnam pa'o zhes so/ /gzung bya cung zad yod pa dang 'dzin pas so zhes bya ba cung zad yod pa ma yin no//de bzhin du yang gsungs pa/ rang sems sems kyi bsam pa yin/ /chos rnams thams cad so sor gnas/ /chos 'di nam mkha'i rdo rjer gnas/ /chos rnams med cing chos nyid med/ /ces so/ /srid pa'i rtsa ba rnam shes te/ / yul ni de yi spyod yul yin/ /zhes so/ /thog ma med pa'i dus nas brgyud pa'i rigs mthun pa'i skad cig skyed par byed pa'i phyir zad pa'i bya ba ma yin pa'i phyir mi zad pa'o/ /bskyed bya dang skyed byed yang dag par 'byung bas zad par 'gro ba ma yin no zhes pas mi zad pa'o/ / rtag pa yang zhes pa dus gsum kar yang rnam pa gcig pa nyid kyi phyir ro/ /thog ma med cing zhes pa ni de'i phyir dang po dbang phyug la sogs par yongs su brtag pa'i rgyu tshogs pa'i dngos po med pa'i phyir ro/ /thog ma spangs dang zhes pa/ thog mas a yig 'gyur ba med pas skye ba med pa ri mo'i gzugs kyis spangs pa nyid kyi phyir ro//yod nyid du 'gyur zhes pa ni bde ba'i ngo bos so so'i bdag nyid rig par bya bas mngon sum du nyams su myong ba'i yul yin pa nyid kyi phyir ro/ /med nyid du yang 'gyur ni yongs su dag pa'i shes rab kyis rnam par dpyod bzhin pas blo'i yul ma yin pa nyid kyi phyir ro//dbang po can yang 'gyur ni mig la sogs pa'i dbang po lhag par gnas pa nyid kyi phyir ro/ /dbang po med par yang 'gyur ni dbang po de rnams kyis mthong ba med pa nyid kyi phyir ro/ /'byung rnams thams cad blta bya min/ /zhes pa ni sa la sogs pa'i 'byung ba rnams thams cad nges par dpyod bzhin pa na nye bar dmigs byar med pa'o//de'i phyir 'byung ba rnams thams cad blta bya min par 'gyur ro/ /de lta mod kyi lam ci ltar bskyed par bya zhe na/ sbyor ba'i lam gyis zhes bya ba la sogs pa ste sbyor ba ni/ nang gi shes rab ma dang 'dres par gyur pa las/bde ba chen po'i gnas skabs dang gnyis med du gyur pa snying rje chen po'i bdag nyid can rnam par rtog pa'i dri mas ma gos pa la 'dir mngon par rab tu 'dod do/ /de nyid kyang lam nye ba ma yin te bde ba chen po'i ting nge 'dzin gyis lhag par rtogs pa'i phyir ro/ /phyi rol du 'byung ba dang 'byung ba las gyur pa sngon po la sogs pa ste/de'i phyir shin tu rmad du byung ba ma nor ba de bzhin te/ de bzhin nyid gnyis su med pa'i ye shes so/ /rnam pa zhes bya ba la sogs pa ste/ rnam pa yis te/ shes rab dang thabs gnyis su med par gyur pa bde ba chen po'i ye shes kyis kun du sgrib par byed do//gnas so zhes pa'i bya ba zhes pas rnam pa kun rdzob ste/ gang gi phyir phung po lnga po mun pa'i rnam pa dang ma bral ba des gzugs snang bar mi 'gyur ro zhes pa'i don to/ /'di rnams gsung bar 'gyur ba/ lus 'byung ba lnga'i bdag nyid can phung po lnga'i lus dang ldan pa'i lha'i rnam pa'i gzugs kyis yongs su brtags pa'o//de nyid kyang b+ha ga'i pad+ma'i dbus su bsgom par bya bzhin pa'i ye shes sems dpa' yin gyi phyi rol du ni mi 'gyur ro zhes pa ji srid pa'o/ /'di nyid nang du so so'i bdag nyid rig par bya ba yang dag par rig pa dang ldan pa yang dag par rig pa'i ngo bos mngon sum gyis nyams su myong bzhin pa'i khams gsum pa yid kyis khyab pa can phung po lnga'i rnam pas yang dag par rig bzhin pa yang blun po'i blo can gyis rtogs par bya ba ma yin no//de nyid kyi phyir/ blun sems mi yi chos ma yin//zhes gsungs so/ /da ni bde ba chen po'i gnas skabs gnyis su med pa'i ye shes de'i 'gro ba'i 'chi ba dang skye ba byed pa nges par nyams par byed pa'i nus pa ston par byed pa gsungs pa/ sems dang sems byung zhes pa zhes bya ba la sogs pa ste/ sems ni gang zhig phyi dang nang kun du rtog pa'i dra ba'i dri ma dang bral ba sems tsam gnyis su med par 'byung bar byed do//de nyid kyi phyir yang sems byung ni bsod nams dang ye shes kyi tshogs sogs par byed do/ /phung por byed do zhes pa'o/ /yid kyi rnam shes ni bsam par bya bskyed par bya bas so/ /ye shes zhes pa ni gang gi tshe khams gsum par/phyi'i gzugs kyis yongs su bskyed par bya ba 'dzin pa'i rnam par gyur nas/ rnam par shes par byed pa de'i tshe rnam par shes pa'o/ /gzung bya'i ngo bo khams gsum pa ni shes bya'o/ /de bzhin du yang gsungs pa/ las ni sems kyis sogs par byed//yid ni kun du rnam bsam byed/ /rnam par shes pas rnam shes byed/ /lnga rnams kyis ni blta byar rtog /ces so/ /gang tshe zhes bya ba la sogs pa la 'bras bu dang rgyu'i dngos po ni/ gang gi tshe so so'i skye bo'i don dam pa ma mthong ba rnams kyis de ltar de kho na'i don du 'khrul pas sa bon dang myu gu la sogs pa'i ngo bor gdon mi za bar yongs su rtog par byed do//'di las 'di dang 'di 'og tu yang 'di zhes pa'o/ /'dir gsal ba'i dpe gsungs pa/ klung zhes pa la sogs pa ste/ ji ltar yongs su gang ba'i rgyun 'bab pa'i klung rnams kyi shin tu mang ba'i rlabs dang chu gnyer ba tshogs pa'i ngo bo'i rgyun kun du 'byung zhing khyad par du sgrub par byed do//de gzhan yang ma yin la gzhan ma yin pa yang ma yin no zhes so/ /de kho na bzhin du sems tsam yid kyi rnam par shes pa dang / rnam par shes bya 'bras bu dang rgyur yongs su rtog pa skye bar 'gyur ro//kha cig ni gzhan du klog ste/ klung gi rgyun bzhin rgya mtsho la/ /zhes pa ste de'i tshe thar pa la ltos nas dngos po de 'dra bar rtogs te/ ji ltar chu klung rnams kyi chu de rnam pa sna tshogs pa 'bab pa rnams rgya mtshor zhugs pa rnams kyi ro gcig nyid de/ 'di lta ste lan tshwa'i ro nyid do//thar pa ni sgo rnam pa mang por ci zhe na/ mang po nyid ni gcig kho na'i mthar thug ste rnam pa rab tu mang po nyid rigs pas rtogs par bya ba ma yin te/ de rnams kyi phyi rol gyi tshig gi don gyi rnam pa rnams brdzun pa'i rnam pa nyid kyi phyir ro/ /de nyid don dam par mi slu ba can ni bden pa zhes bya ba'i don to//rnam pa de lta bu'i bcom ldan 'das kyi bde ba chen po de'i gnas gsungs pa/ b+ha ga'i pad+ma zhes bya ba la sogs pa ni mA ma kI la sogs pa'i lha mo rnams kyi b+ha ga'i dbus su/ gang zhig pad+ma 'dab ma brgyad pa'i pad+ma la ge sar gsal ba yod pa de las la sogs pa'i rang bzhin la nam mkha' gang ni khong stong ngo //nam mkha' lnga ni dbang chen dang me dang rlung dang nam mkha'i khams kyi ngo bo dkyil 'khor la lnga ni nyi ma'i dkyil 'khor bzhin du gnas so/ /de'i dbus su gnas pa'i rdo rje can ni byang chub sems kyi bdag nyid can no/ /bdud rtsi yis ni mA ma kI la sogs pa'i byang chub sems kyis ldan pa ste/de dang 'dus shing gcig tu 'dres par gyur te gnyis su med do zhes bya ba'i don to/ /cha dang cha min zhes bya ba la sogs pa la/ cha rnams ni a'i yi ge la sogs pa bcu drug go/ /cha min rnams ni ka'i yi ge la sogs pa rnams so//de rnams zla ba cha bcu drug gi bdag nyid can no/ /ka la sogs pa rnams ni skar ma'i gzugs te de rnams kyis rnam par grol ba'o/ /kha cig thig le tsam zhi ba'i de nyid lta bur 'gyur ro zhe na/ de yis rnam par spangs zhes so/ /de lta bu'i khyad par 'dod pa'i lha'i gzugs ni der gnas te b+ha ga'i pad+ma'i dbus su lhag par gnas so//bdud rtsi ni 'chi ba dang bral ba'o/ /[(]'jag [,]'dzag [)]pa ni 'gyur bar byed pa'o/ /gzhi zhes bya ba la sogs pa ni khams rnams kun ni gzugs la sogs pa'i khams gsum po de rnams su khyab pa'o//khams rnams kun ni mig dang mig gi rnam par shes pa dang gzugs la sogs pa'i khams bco brgyad rnams so/ /de rnams su rnam par khyab pa ni gsum po des lhag par gnas pas khyab pa'o/ /rgyun du mig la sogs pa rnams yul gzugs la sogs pa la lhag par dmigs par byed do//mthong ba zhes bya ba la sogs pas don 'di nyid gsal bar gsungs pa/ gzugs la blta'o/ /sgra la mnyan par byed do/ /dbugs dbyung zhes bya ba la sogs pa ni bcom ldan 'das de nyid dbugs 'byung ba dang dbugs rngub pa'o/ /nyal dang gnyid log mngon par ldang ni nyal ba yang de yin la/gnyid mthug po log pas blun pa'ang rang nyid do/ /so sor sad par byed do/ /rmi lam ni rnam pa sna tshogs pa'i grong dang kun dga' ra ba dang / dgon pa dang / 'bru dang gzhon nu ma la sogs pa nges par mthong ba'o/ /de nyid 'dod chags zhes bya ba la sogs pa la/'dod chags ni yul la yid mngon par zhen pa'i mtshan nyid de/ gzugs la sogs pa rnams la dga' bar byed pa dang bral bar byed pa'i chos ni 'dod chags dang bral ba'o/ /gti mug rnam par blun pa nyid do/ /bcom ldan 'das de 'dod chags la sogs pa'i nyon mongs pa'i bdag nyid can lta bur 'gro ba rnams la so sor snang bar thob par byed do//gzugs mang po zhes pa ni rnam pa sna tshogs pa'i gzugs rnam pa mang po 'dul bar byed nus pa gang yin pa de nyid sna tshogs gzugs te ma lus pa'i snod kyi skye bo'i mngon par 'dod pa'i don bya ba byed pa nyid kyi phyir ro//de nyid kyi phyir nor bu sna tshogs gzugs bzhin no/ /de bzhin du yang gsungs pa/ rdzas rnams gang dang gang gis ni/ /mi rnams yid ni yang dag sbyor/ /des de'i rang bzhin nyid 'gyur te/ /nor bu sna tshogs gzugs ji bzhin/ /zhes so/ /'di'i de kho na nyid kyi ni don dam pa yang dag pa'i sgrub thabs so//bzlas pa ste sngags kyi bdag nyid can med do/ /'dzin par byed pa ting nge 'dzin ni dbang po rnams 'gyur ba med pa'o/ /'o na 'di'i sgrub thabs ci ltar 'gyur ba zhe na/ gsungs pa/ b+ha ga'i pad+mar mchod bya ste/ zhes bya ba la sogs pa'o/ /da ni rnal 'byor pa dang rnal 'byor ma'i bde ba chen po thob pa'i rgyur rtsa'i dbye ba gsungs pa/gang de zhes bya ba la sogs pa ste/ gang b+ha ga'i dbus su rnam par gnas pa'i rtsa dgu po de dang de'i dbus su mkha' 'gro gdong zhes bya ba gang yin pa'i rtsa de ni bdud rtsi 'bab pa ste khu ba 'dzag par byed pa can ni ches gtso bo'i yum nyid du 'gyur ro//yang na bdud rtsi 'bab pa'i rtsa ni gang b+ha ga'i dbus su gnas pa de ni rnam pa dgu ste mig la sogs pa'i sgo ma bstan pa'i dgu po de rnams so/ /gzhan rtsa sum cu rtsa gnyis ni phyi'i mgo dang lus dang lag pa la sogs pa la khyab pa'o/ /de rnams nyid gtso bor gyur pa ma yin te phyi'i [(]yus [,]lus [)]la kun du gnas pa nyid kyi phyir ro zhes so//de nyid kyi phyir yang / rtsa dgu po de nyid mA ma kI la sogs pa'i lha dgu'i bdag nyid b+ha ga'i dbus su bsams pas dngos grub skye bar 'gyur ro/ /de bzhin du yang gsungs pa/ gang yang rkang pa dag las byung / / lte ba las byung de rnams kyang / /thams cad mkha' 'gro gdong du slar/ /de ni dngos po gcig par song / /zhes so/ /lha mo myos ma 'bab pa'i rtsa/ /'di rnams kha dog sna tshogs 'gyur/ /gci ba 'dzag pa'i rtsa de ni/ /lto ba'i mtha' yis kun du 'gro/ /zhes so/ /le'u gnyis pa'i 'grel pa'o// //da ni sngags btu ba yongs su shes pa'i don du bcom ldan 'das la gsol ba 'debs pa'i dbyangs kyis kun du mnyes par byas nas mA ma kI zhu bar byed do/ /the tshom bcad pa zhes bya ba la sogs pa la/ gang gis the tshom rnams bcad ce na/ the tshom bcad pa gsungs pa/de kho na nyid kyis ni don dam pa'o/ /gsang ba la ste b+ha ga'i dkyil 'khor bshad pa la'o/ /ye shes kyis zhes bya ba ni thabs shes rab kyi pha bde ba chen po'i ye shes kyis so/ /the tshom bcad pa zhes bya ba ni sems can yongs su smin pa dang grol bar yongs su byed pa'i mtshan nyid de de byed do zhes pa bya ba byed pa'o//chags pa bral bas zhes bya bas ni chags pa'i kun du rtog pa las shin tu 'das pa'o/ /'di'i zhes pa ste bde ba ma yin pa'i ngo bos so/ /bdag gis kyang rdo rje theg pa'i yang dag par 'byung ba rab tu gsal bar byed do zhes pa 'dis bcom ldan 'das lhan cig ye shes mnyam pa nyid du gsungs so//rnal 'byor phyag rgya zhes bya ba la sogs pa la/ rnal 'byor ni chos thams cad gnyis su med par yongs su shes pa'i mtshan nyid do/ /de nyid phyag rgya ste tha mal pa'i lus gsal bas kun du rgyas 'debs par byed pa'i phyir ro//de bzhin du yang gsungs pa/ thabs dang shes rab snyoms 'jug pa/ /rnal 'byor zhes ni mngon brjod bya/ /zhes so/ /ji ltar yang dag par shes pa la mtshan ma'i phyag rgya la sogs pa rnams phyi rol nyid kyi phyir gzung bar bya ba ma yin no/ /de ltar yang dag par mchog tu gyur pa'i ye shes ma shes pa ci ltar shes par 'gyur zhe na/de rtogs shing mngon du byed pa'i thabs gsungs pa/ phyag rgya mngon sum gzigs yin te/ /lha ni lha mo bud med do/ /zhes so/ /ji ltar zhes bya ba la sogs pa la/ dpag bsam gyi shing chen po rtsa ba dang lo ma stong phrag la sogs pas brgyan pa'i skyed pa'i rgyu sa bon tshad chung ngu yang de'i gzugs skyed par byed par nus pa ji lta ba de bzhin du b+ha ga'i pad+mar kun du gnas pa'i bdud rtsi 'bab pa'i rtsa rnams mA ma kI la sogs pa'i lha mo'i gzugs dang sngags dang phyag rgya rnams yum gyi rgyu mtshan yang dag par 'gyur ro zhes rtogs par bya'o//dang po rnam par snang mdzad ces bya ba la sogs pa rnams sngags btu bar ston par byed pa gsungs pa/ pad+ma 'dab ma brgyad pa bris nas 'dab ma so so la a yig la sogs pa'i sde pa brgyad bkod la/ rim pa 'dis sngags btu bar bya'o/ /dang por rnam par snang mdzad ces pa oM yig dang por sbyar nas slar yang badzrA mr-i ta ma hA su kha'i sgrar sbyar bar bya'o//oM yig kyang rnam par snang mdzad nyid de/ de bzhin du yang gsungs pa/ gang du dang po rnam par snang mdzad ni/ /dag cing dri med blo ni oM du sprul/ /zhes pa'i tshig las rtogs par bya'o//sa bon bzhi ni dzaHhUM baM hoHzhes pa'o/ /de rnams kyis mnyam par ldan pa'o/ /swA hA'i yi ge mthar sbyar ro/ /zhes rjes su klog ste 'di'i zhes yang dag par sbrel lo/ /sngags ni oM badzra mri ta ma hA su kha dzaHhUM baM hoHswA hA/ bcom ldan 'das mi bskyod pa'i'o/ /sngar yang rnam par snang mdzad ces bya ba mA ma kI'i sngags gsungs pa/oM yig byin nas/ gnyis pa zhes pa A yig byin par bya'o/ /bzhi pa zhes pa I yig go/ /bzhi pas zhes pa ka sde dang mnyam ldan pa ste/ g+ha yig gis yang dag par sbyar ma thag pa mA ma kI'i snying po ste/ oM A g+hI swAhA/ da ni zhi ba ma la sogs pa rig ma brgyad po rnams kyi so so re re'i sngags gsungs pa/brgyad po rnams kyi zhes pa a yig la sogs pa zung brgyad po rnams kyi ste ka sde spangs pa'i'o/ /dbus ma gang ni yi ge ring po'o/ /brgyad ces pa rjes su nga ro'i ming ste brgyad rnams kyi brgyad pa/ rjes su nga ros rnam par brgyan//zhes pa rgyan du byas pa'o/ /a yig la sogs pa yi ge ring po pad+ma 'dab ma brgyad pa rnams su ji ltar rigs par bkod nas/ zhi ba ma la sogs pa rnams kyi sngags btu ba mngon par brtag par bya'o/ /de la dang por rnam par snang mdzad dang swA hA'i yi ge mthar sbyar bar bya'o zhes pa sngar gyi rang bzhin gyis kyang rjes su 'brel pa gdon mi za bar bya'o//de bzhin du yang gsungs pa/ sngags rnams thams cad phal che yis/ /phyag 'tshal swA hAr ldan bya nyid/ /ces so/ /de la shar gyi 'dab ma'i zhi ba ma'i sngags/ /oM AM swAhA/ lho'i 'dab ma'i zhi zhal ma'i sngags/oM I swA hA/ nub kyi 'dab ma la zla ba can ma'i sngags/ /oM U swAhA/ byang gi 'dab ma la ri bong can ma'i sngags/ oM rIM swA hA/ dbang ldan gyi 'dab ma la ri bong can gyi dkyil 'khor ma'i sngags/ oM l-IM swAhA/ me'i 'dab ma la ri bong can gyi ri mo ma'i sngags/ oM aiM swAhA/bden bral gyi 'dab ma la yid 'ong ba'i sngags/ oM auM swA hA/ rlung gi 'dab ma la yid tshim par byed pa'i sngags/ oM aM swAhA/ blo blun pa gzhan ma rtogs par gzhan du sngags rjod par byed do/ /de ni mi rigs pa'i phyir slar yang 'dir bri bar bya ba ma yin no/ /sngags btu ba 'di nyid kyang dkyil 'khor la dgod pa'am/gzhan du sgom par byed pa la sogs pa la rab tu sbyar bar bya'o/ /sde pa'i tha ma zhes bya ba la sogs pas sgo skyong gi sngags bstan par 'dod nas gsungs pa/ sde pa'i mtha' ma la ste a yig la sogs pa rnams sde pa gcig go//gzhan ka yig la sogs pa bdun te/ de rnams kyi mtha' ma aH yig dang nga nya Na na ma wa hA ste sa bon brgyad po 'di rnams kyang sngags rnams su 'gyur ro/ /stong pa'i lha yis zhes bya ba ni thig les yang dag par mnan pa'o/ /rnam par snang mdzad dang ldan pa ni oM yig yang dag par ldan pa'o//swA hA'i yi ge mnyam ldan pa ni sngags bzhi po rnams sgo skyong bzhi po rnams kyir 'gyur ro/ /oM aM swAhA/ shar sgo skyong ba'i'o/ /oM raM swA hA/ lho sgo la'o/ /oM nyaM swA hA/ nub sgo la'o/ /oM NaM swA hA/ byang sgo la'o/ /gzhan sngags bzhi po rnams ni me tog ma la sogs pa bzhi po rnams dang sbyar bar bya ste/oM naM swA hA/ me tog ma'i'o/ /oM maM swA hA/ bdug pa ma'i'o/ /oM waM swA hA/ mar me ma'i'o/ /oM haM swA hA/ dri ma'i'o/ /yang na sgo skyong ma la sogs pa rnams kyi ming gzung bas sngags kyi yi ge rnams su sbyar bar bya'o zhes gzhan du'o//oM aM badzrA ku she swAhA/ oM ngaM badzra pA she swA hA/ oM nyaM badzra spo Ta swA hA/ oM NaM badzrA be she swA hA/ de bzhin du me tog ma la sogs pa rnams kyi yang / oM naM badzra puSh+pe swA hA/ oM maM badzra d+hU pe swA hA/ oM waM badzrA lo ke swA hA/ oM haM badzra gan+d+he swA hA zhes so/ /ma ning bzhi po sa zhes bya ba la sogs pa rnams kyis gling bu ma dang pi wang ma dang mu kun+dA ma dang rdza rnga ma rnams kyi sngags btu ba gsungs pa/ma ning la sogs ni r-i r-I l-i l-I bzhi po 'di rnams la swA hA dang rnam par snang mdzad sngar bshad pa nyid do/ /sngags de 'di yin te/ oM r-iM badzra ba~M she swAhA/ oM r-IM badzra bI ne swAhA/ oM liM badzra mu kun+dA swA hA/oM lIM badzra mu ra dze swA hA/ le'u gsum pa'i 'grel pa'o// //sbyin sreg dang bral bas lha la 'bul ba'i cho gar mi 'gyur ro zhes pas sbyin sreg gi las kyi cho ga gsungs pa/ rdo rje sems dpa' zhes bya ba la sogs pas rdo rje sems dpa' yi ni rdo rje hUM mdzad kyi'o//'gying byed pa ni rnal 'byor pas lha'i rnal 'byor gyis zhes bsdus pa'o/ /dku gnyis su rdo rje dang rdo rje dril bu dag 'dzin pa des lhan cig kun du gnas pa'o/ /de ni slob dpon no/ /'jig rten gsum rgyal gyur nas ni/ /zhes sbrel bar bya'o/ /g.yas brkyang dang g.yon brkyang dang mnyam pa'i rkang pa dang sa ga rnams ni shar la sogs pa'i phyogs bzhi rnams su sbyar bar bya'o//de la g.yas brkyang ni rkang pa g.yon pa bskum par byas nas g.yas brkyang ba'o/ /g.yas brkyang du gnas pa can las bzlog pa ni g.yon brkyang ngo zhes pa'o/ /rkang pa dag phan tshun gshibs te sor mo ma lus pa gshibs pa 'di ni mnyam pa'i rkang pa'o//kha cig ni bar ma tho gcig tu rig par byed do/ /rkang pa'i sor mo phyi rol gnas/ /pus mo'i mthil ni bsrang ba la/ /sor mo nyi shu drug tu gnas/ /de yang sa gar brjod par bya/ /'di rnams gsungs par 'gyur ba/rdo rje hUM mdzad kyi nga rgyal byed pa'i rnal 'byor gyi dbang phyug g.yon pa dang / cig shos kyi mig dag la ma dang Ta'i yi ge dag nyi ma dang zla ba'i dkyil 'khor du dmigs te/ de'i steng du hUM yig las yongs su rdzogs pa'i rdo rje/ 'od zer 'bar ba'i tshogs kyis bgegs mtha' dag bcom zhing bsal nas rkang pa'i mthil la yang yi ge aHyongs su brtags la sna tshogs rdo rje 'od zer rnam par 'phro bar byed pas/sa'i gzhi la kun nas gnas pa'i bgegs kyi tshogs rnam par bcom ste/ laM yig yongs su gyur pa'i dbang chen gyi dkyil 'khor gru bzhi pa'i dbus su gnas pa'i sa'i lha mo phyag gnyis kyis gser gyi bum pa 'dzin pa byon nas rang nyid la mchog sbyin par byed pa sngags 'dis spyan drang bar bya'o//de lhar spyan drangs la yang dag par mchod nas gsol ba btab ste/ der thab khung brko ba brtsam par bya'o/ /hrIHyig ces bya ba la sogs pa ni gtum mo la sogs pa'i bu mo rnams kyi bsod nams yan lag la ni b+ha ga la'o//de la yi ge hrIH'o/ /kha cig na re yan lag lnga po rnams su'o zhes klog go/ /de nyid kyi phyir yan lag lnga po de'i dbus su b+h+rUM yig bsgoms te spyan ma la sogs pa'i gzugs kyis so/ /nyid ces pa nges par byas nas so//slob dpon gyis b+ha ga'i dbus su me tog gtor bar bya'o/ /gtor ma zhes bya ba ni he ru ka'i phyag rgya rdo rje thal mo gyen du phye ste mdzub mo dang mthe bong dag mche ba gtsigs pa'i rnam pa'i phyag rgya 'di dang yi ge b+h+yoHgdon par byed cing he ru ka'i nga rgyal du byas pa'i gzugs kyis phyogs rnams dang phyogs bral rnams su gtor ma sbyin par bya'o zhes pa'i don to//lhag ma go sla ba'i phyir bshad par mi bya'o/ /sngags kyi dngos grub rab sbyin 'gyur/ /zhes bya ba ni sngags oM yig la sogs pa swA hA'i mthar thug pas dngos grub rab tu sbyin pa gcig pa can kho na'o//le'u bzhi pa'i 'grel pa'o// //da ni mig sman la sogs sgrub par byed pa'i ched du le'u lnga pa gsungs pa/ tshil chen zhes bya ba ni mi'i zhag go/ /snying po zhes bya ba ni arga dkar po dang pad+mo dkar po'i skud pa bsres pa'i snying po byas nas mtshon gyis bsad pa'i skyes bu'i thod pa la dud pa phab nas/'ug pa'i mgo bo bsregs pa dang rdul te zla mtshan gyi khrag bsres pas btags te bya rgod kyi pags pas dkris te de'i rje ngar du bcug la gtum mo la sogs pa'i b+ha ga'i dbus su bzhag nas/ mA ma kI'i sngags kyis mngon par bsngags te/ mA ma kI la sogs pa dang sbyor ba'i bcom ldan 'das mi bskyod pa bsgoms nas nag po dang dkar po dang dmar po'i zhal mA ma kI lta bu nyid rnam par bsams te snyoms par 'jug pa byas nas mig sman bsgrub par byas na las rnam pa sna tshogs pa byed par 'gyur ro//gur gum zhes bya ba la sogs pas bskal pa bzang po can du byed pa gsungs pa/b+ha gar mig bcug nas sngags gdon par bya'o zhes pa'o/ /dang por oM yig go/ /phyi nas dbyangs kyis phye ba can ni badzrA mr-i ta'i tshig go/ /sprin gyi sgra zhes pa hUM yig dang phaT yig dang lhan cig par bya'o/ /sngags ni 'di'o/ / oM badzrA mr-i ta hUM phaT swA hA/ /le'u lnga pa'i 'grel pa'o// //rdo rje hUM mdzad kyi sgrub thabs le'u drug pa gsungs pa/ rig ma bzhi ni rdo rje sgeg mo dang / rdo rje phreng ba ma dang / rdo rje glu ma dang / rdo rje gar ma rnams so/ /sgo skyong zhes bya ba ni rdo rje lcags kyu dang / rdo rje zhags pa pa dang /rdo rje lcags sgrog dang / rdo rje dril bu rnams so/ /bskal pa bzang po pa zhes pa byams pa la sogs pa bcu drug rnams so/ /byams pa dang / mthong ba don yod dang / ngan song kun 'dren dang / mya ngan gyi mun pa nges par 'joms pa zhes bya ba dang / spos kyi glang po dang / dpa' bar 'gro ba dang /nam mkha' mdzod dang / ye shes tog dang / 'od dpag med dang / zla 'od dang / bzang skyong dang / dra ba can gyi 'od dang / rdo rje snying po dang / blo gros mi zad pa dang / spobs pa brtsegs dang / kun du bzang po zhes bya ba ste 'di rnams thams cad zhal gcig pa phyag gnyis par shes par bya'o//phyugs zhes bya ba ni bla ma la 'khu zhing gnod par byed pa'am/ dkon mchog gsum la gnod par byed pa'o/ /de sngags kyis bkug nas dkyil 'khor du bcug ste ltung bar byas nas tsA ru bya'o/ /tsA ru des bcom ldan 'das rdo rje hUM mdzad la mchod nas de'i lhag ma bza' bar bya'o//sgrub pa po ste mchog sgrub pa pos dang po nyid du slob dpon la yang dag par mchod par bya'o/ /rdo rje se gol zhes bya ba la sogs pa ni rdo rje khu tshur bcings nas phan tshun rgyab sbyar te se gol lan gsum gtogs nas rdo rje bsdu ba byas nas/ sngags lan gsum brjod par byas nas lha'i rdo rje dgug par bya'o//yang na rjes su rnal 'byor nyid kyi rdo rje dang pad+ma yang dag par sbyor ba las skyes pa'i sgra'i khyad par ni rdo rje se gol te des dkyil 'khor pa gang rdo rje bdud rtsi ste thig le rgyu mthun pa bskyed nas phyag rgya chen po'i dngos grub skyed par 'gyur ro/ /phyung ba'i lhag ma ni khas blangs nas bza' bar bya'o//le'u drug pa'i 'grel pa'o// //mchod pa sngon du 'gro bas bsam gtan nges pa shes par 'dod pa'i bsam pas bcom ldan 'das la dbyangs rnams kyis yang dag par bstod nas bcom ldan 'das ma yongs su zhu bar byed do/ /phyag rgya'i tshogs zhes bya ba ni zhi ba ma la sogs pa'i rig ma'i lha mo rnam pa brgyad kyis yongs su phye ba'i tshogs des mnyam par ldan pa'i bcom ldan 'das la phyag 'tshal bar bgyi'i zhes sbyar bar bya'o//rig ma chen po nyi shu bzhi/ /zhes bya ba ni/ rdo rje sems dpa'i dkyil 'khor du nges par bstan pa'i rig ma chen mo zhi ba ma la sogs pa'i ming can la rjes su chags pa can gang gis zhes 'bru mang po'o//yid la rtogs pa kho na las su gyur pa ni rjes su chags par 'gyur ro zhes pa'o/ /'dab ma sngon po zhes bya ba la sogs pa ni ut+pal sngon po'i 'dab ma ltar gang gi phyag ljang gu de nyid u t+pa la sngon po 'dab mtshungs phyag go//khyod nyid sangs rgyas te so sor rtogs te gti mug gi gnyid sangs rgyas pa'i phyir ro/ /de bzhin gshegs pa yang ste shes bya'i phung po thams cad yongs su shes par byed pa'i phyir ro/ /rdo rje yang ste mi phyed pa 'byed pa po nyid kyi phyir ro/ /bdag la rjes su chags pa khyod kyis shin tu dga' ba'i bde bas te bde ba chen po'i ting nge 'dzin gyis so//gang phyir de yis khyod ni sa gsum du ni bya ba sgrub mdzad do ni gdul bar bya ba rnam pa sna tshogs pa'i don sgrub par byed par 'gyur ro/ /stong pa zhes bya ba la sogs pa ni bcom ldan 'das khyod ni mchog gi go 'phang ste mya ngan las 'das pa'i ming du gsungs pa stong pa nyid kyi rang bzhin no//gang gi phyir na dngos po thams cad snang ba tsam yin pa de'i phyir snang ba tsam la de kho na nyid ma mthong ba rnams kyis brdzun bzhin du yang gzung bar bya ba dang 'dzin par byed pa nyid kyi rnam pa la sgro btags nas don dam pa mchog go zhes ma 'khrul bar nges par byed do//chos thams cad so sor 'byed pa'i shes rab kyis rnam par dpyad/ gzhal na rang dang gzhan dang gnyis te 'di rnams thams cad kyi skye ba dang ldan par mi rigs pa'i phyir ro zhes pa'o/ /chos thams cad stong pa ni don dam pa nyid do//bcom ldan 'das kyang bde ba chen po la gnas pa so so rang gis rig par bya ba rtog pa'i dra ba ma lus pa nges par bsal ba gnyis su med pa'i rang bzhin stong pa kho na'o/ /de nyid kyi phyir mig sman med pa ni mig sman zhes bya ba phyi rol gyi gzung ba'i rnam pas 'dzin pa'i rnam par shes pa de'i gzugs nye bar len pa yin te nor bu shel bzhin du sngon po la sogs pa nye bar glo bur ba'i rnam par sgro 'dogs pas de'i rnam par so sor snang ba'i ming yin no//'di dag kyang bcom ldan 'das de'i yang dag par rig par mi byed pa ma yin te 'di dag gnyis ka yang brdzun pa nyid kyi phyir ro zhes pa'o//de nyid kyi phyir/ khyod ni 'gyur med de 'khor ba dang mya ngan las 'das pa dag tu mi g.yo ba'i phyir ro/ /thog ma med pa'ang 'gyur mdzad do ni phung po nye bar len pa'i rgyu khyod las gzhan yang dag par rig pa med pa nyid kyi phyir ro/ /ji ltar 'byung ba dang mchog tu 'byung ba'i rang bzhin bcom ldan 'das khyod gang gis rig pa de ji ltar de 'khor bar ga la 'gro ste cung zad kyang 'gro ba ma yin no zhes pa'i don to//rgyas par byed do zhes bya ba la sogs pa ni rkang pa la brten pa'i gar ni rgyas par byed pa'o/ /rkang pa las skyes pa ni/sA twi kI'o/ /dpung pa dang lag pa rnams kyis nye bar bskyed pa ni A ra b+ha TI'o/ /mgo dang smin ma dang mig rnams kyis bskyed pa ni ko shI kI'o/ /rnam pa bzhi po 'di rnams kyis yan lag 'gyur ba rnams kyis gar byas nas bcom ldan 'das mchod pas yang dag par mchod nas de kho na nyid zhu bar byed do//de la mchod pa zhes bya ba la sogs pa ni/ gang gi tshe bcom ldan 'das kyis rnal 'byor chen po rnam par gzhag pas bde ba chen po'i gnas pas bskyed par bya ste de'i tshe bcom ldan 'das ma g.yo ba med pa skye bar 'gyur ro/ /de kho na yang bcom ldan 'das bdud rtsi bde ba chen po'i rnam pa nang gi bdag nyid kyi ngo bo lus la legs par khyab pa can dam pa'i de kho na nyid du bsam par bya'o//bdud rtsi thig le'i gzugs zhes bya ba 'dis/ bcom ldan 'das don dam par gnas skabs de b+ha ga'i pad+mar yongs su bsgyur ba'i gzugs la thig le'i ming du gsungs so//'di kho na yang kun rdzob byang chub kyi sems su brjod par bya'o/ /mkha' yi dbus su zhi ba la sogs pas ye shes sems dpa' bskyed pa sngon du 'gro bas bdag gi de kho na nyid du gnas par gsungs pa/ mkha' ru brjod par bya ba chos kyi 'byung gnas su bshad pa pad+ma'i 'dab ma brgyad pas dbus brgyan pa'o//de'i dbus su ri bong can yongs su zhugs pa nam mkha' dang mtshungs pa'i stong pa de kho na nyid byang chub kyi sems des 'dzag pa'i bdud rtsi brgya phrag 'dzin pa ni mi zad pa'o/ /de kho na ni phra mo'o/ /rdo rje sems dpa' ni gzhom du med pa hUM gi yi ger 'gyur ro//gang du zhes pa ze 'bru gsang ba'i spyod yul la'o/ /de nas der gnas nas b+ha ga dang ling+ga dag gi ma d+h+ya ste dbus su khu ba'i gzugs kyis 'gro ba tshim par byed pa 'dzag par byed/ nges par 'byin par byed do/ /de nyid srog chags rnams kyi srog /ces bya ba dbugs chen po'o/ /rnam par shes pa'i phung po la brten nas rnam pa sna tshogs pa'i rnam par 'gyur ro/ /'dis kyang rnam pa lngas mngon par byang chub pa gsungs par 'gyur ro/ /sangs rgyas zhes bya ba ni sangs rgyas rnam par snang mdzad do/ /rdo rje 'chang ni rdo rje hUM mdzad do//gdul bya'i dbang las de nyid rigs lnga'i tshogs dkyil 'khor 'byin par byed pa'i rim pas mngon sum du bsgoms pa'i sgrub pa po de rnams kyi so sor snang ba thob par 'gyur ro/ /de'i phyir sems tsam gnyis su med par gyur pa chos thams cad kyi bdag nyid snang ba'i phung po lta bur 'bar bzhin pa'i khams gsum po snang bar byed bzhin par mthong nas khang pa brtsegs par bzhugs nas lha mo dang 'khrig pa'i bde ba chen po'i ting nge 'dzin gyi ro myang ste de kha nas zhugs te rdo rje'i lam nas nges par phyung ba'i thig le zla ba'i dkyil 'khor la rdo rje bdud rtsir gsungs so//A li kA li'i dkyil 'khor gnyis dang rdo rje las byung ba mA ma kI la 'khyud pas yang dag par bskyed pa'i bde ba chen po'i ngo bo bcom ldan 'das rdo rje bdud rtsi skye'o//de nyid kyi phyir gsungs pa de las/ da ni khyod dang lhan cig skyes/ /zhes bya ba ste 'di kho na phyag rgya chen po'i sgrub thabs kyi rim pa phyin ci ma log pa ste/bcom ldan 'das kyis gsang ba'i 'dus pa la sogs par yang dag par sbas te bstan pa'o/ /tshangs pa zhes bya ba la sogs pas ni tshangs pa dang tshangs pa ma yin pa la sogs pa de dag kyang de nyid kho na yang dag pa ji lta ba bzhin ma rtogs par bdag nyid gzhan du sems par byed do//byang chub sems dpa' ni byams pa la sogs pa rnams so/ /de bzhin gshegs pa ni rnam par snang mdzad la sogs pa rnams so/ /de nyid kyi phyir bde ba chen po'i bdag nyid kyi ting nge 'dzin de kho na la/ de rnams skye bar 'gyur ro 'chi bar 'gyur ro thim par 'gyur ro/ / de bzhin gshegs pa rnams ni bde ba chen po gnyis su med pa'i ye shes kyi bdag nyid can dngos po thams cad sel bar byed pas so so rang gis rig par bya ba yang dag par rig par byed pa'i bdag nyid can de kho na la/ bzung ba dang 'dzin pa dang bral ba'i ye shes la shes bya'i phung po mthar thug par rab tu zhugs pas gnyis su med pa la/dngos po 'di dag kun nub pa dang 'char ba la sems par byed goms par byed do/ /de nyid kyi phyir gsungs pa/ shes dang shes bya'i bdag nyid can/ /zhes so/ /skye bar 'gyur zhes bya ba la sogs pa ni/ de nyid kyi phyir dngos po thams cad kyi skye ba dang 'chi ba dang /thim par byed pa la sogs pa'i chos rnams kyang bde ba chen po gnyis su med pa'i ye shes las nye bar skye bar 'gyur ro/ /'byin par byed pa ni 'gro ba skyed par nus pa'o/ /rang nyid 'gyur ba ni dngos po thams cad kyi rang bzhin yin pas so//lhan cig pa ni gtso bo byed pa'i lha gnyis pa med pa'i phyir ro/ /brjod par bya zhes bya ba'i tshig 'dis yang dag par sbrel bar bya'o/ /thams cad mkhyen pa zhes bya ba ni rang gi sprul pa'i rten dang brten pa khams gsum pa'i dngos po thams cad don ji lta ba bzhin du shes par byed do zhes pas thams cad mkhyen pa'o//kun nas kun zhes bya ba ni skye ba dang gnas pa dang 'jig pa'i dbang gis gnas pa nyid kyi phyir ro/ /dge ba gsum 'dren par byed pa nyid kyi phyir zhi ba ste 'dod chags la sogs pa'i nyon mongs pa glo bur ba'i dri ma zhi ba de la/ lha thams cad yang dag par rig par byed pa nyid kyi phyir ro//khang par byas nas zhes bya ba la sogs pa la khang pa ni dkyil 'khor/ dkyil 'khor der phyung ba'i lha mo'i gzugs kyi 'khor los gang bar byas nas 'phro bar byed do/ /gang gi phyir des skyes bur brjod par bya'o/ /yang na khang pa ni mA ma kI la sogs pa'i sku ste phyung ba'i byang chub kyi sems kyis mngal 'dzin pa'i tshogs pas/de gang bar byas so/ /de'i phyir yang bcom ldan 'das skyes bu'o/ /de nyid kyi phyir lus la gnas phyir lha zhes pa'o/ /gnyid mthug po log ste nyal ba yang rang nyid so sor sad par bya ste des na sad pa po'o//rol par byed do zhes pas lha'o/ /gzhan gyi lus la rab tu 'jug pa'i phyir khyab 'jug go/ /lhag ma go sla'o/ /le'u bdun pa'i 'grel pa'o// //'dir slar yang he ru ka khro bo bskyed pa'i shes par 'dod pas bcom ldan 'das la zhu bar byed do/ /zhi ba ma'i rang bzhin bcom ldan 'das bde ba chen po ste/slar yang he ru ka khro bo'i gzugs su de rgyu gang gis skye zhes bdag ni ltad mo mchog ces bya ba ste/ gang gi phyir 'dir dbang po dang bcas pa la sogs pa'i lha gdug pa drag po dang / rims dang / dug dang / ro langs la sogs pa 'jigs pa'i gzugs can rnams bde ba chen po bdag gi drung du skyabs su 'ong ba de rnams la rjes su brtse bas bdag nyid khro bo he ru kar gyur nas 'gro ba yongs su skyong bar byed do//gzhan du rnam par snang mdzad la sogs pa zhi ba'i gzugs kyis gdug pa ches drag po rnams gdul bar bya mi nus pa'i phyir zhes pa'o/ / rdo rje pad+ma mnyam sbyor bas/ /zhes bya ba 'dis mA ma kI la sogs pa rnams kyi mnyam par sbyor ba sngon du 'gro bas 'bar ba'i phreng ba 'khrugs shing 'khrugs par snang ba'i bcom ldan 'das rig ma brgyad dang gnyis med du gyur pa/ phyag brgyad pa zhal bzhi pa phyung ngo zhes 'brel to/ /de nyid rdo rje he ru ka mchod phyir thogs kyi tshul gyis rdo rje kha T+wAM ga 'dzin bzhin pa'i phyag g.yon thod pa 'dzin pa dang /phyag g.yas ba dan gsum pa'i tshul dang ldan pa'o/ /slar yang gnyis pa'i phyag dag gis mngon par dbang bskur ba'i phyag rgya dpral ba'i mdzod spur 'dzin pa dang / gzhan gnyis po dag gis mngon par gsar du yongs su bshus pa'i mi'i pags pa rlon pa'o//gzhan gnyis po dag gis dur khrod du 'jug pa'i phyag rgya'i phyag go/ /pad+ma'i lte ba la bzhugs par bsam par bya'o/ /'dab ma brgyad rnams su rim pa ji lta bar lha mo gtsigs bcas ma la sogs pa rnams kyis yid bcom ldan 'das la gsal bar byed pa bsgom par bya ba'am bri bar bya'o//bzlas pa'i sngags zhes bya ba la sogs pa rnams kyis sngags btu ba gsungs pa/ slob dpon gyis dang por pad+ma 'dab ma brgyad pa bris la a yig la sogs pa k+Sha yig gi mthar thug pa'i sde pa brgyad 'dab ma so so la bkod nas rim pa 'dis lha rnams kyi sngags btu bar bya'o//de la gsum pa zhes pa tsa sde las gsum pa dza yig btus te bdun pa zhes pa ya ra la wa'i bzhi pa wa yig go/ /gnyis dag ste dza yig dang wa yig dag /ha dang la dag sbyar bar bya/ /zhes pa dang 'brel pa'o//slar yang bdun pa zhes pa de nyid las ya ra la wa'i gsum pa la yig bzung nas dz+wa la zhes so/ /sgra ni lan gnyis byas nas su/ /tshig la sbyar bya ni 'brel par bya'o zhes bya ba'i don to/ /de nyid yang dag ldan zhes bya/ /de nyid hUM yig de des yang dag par ldan pa'i tshig go//phaT kyi yi ges rnam par brgyan/ /zhes bya ba ni sngags kyi tshig gi khyad par ro/ /drug pa las zhes pa ni pa sde'i bzhi pa b+ha yig btus nas bdun pa'i dang pos zhes bya ba ya ra la wa'i sde pa'i dang pos/ 'di'i zhes pa b+ha yig gi gdan du'o zhes bklag par bya'o/ /bcu gsum pa yis yang dag mnan//zhes bya ba ni/ a yig dang por 'brel pa can gyi bcu gsum pa o'i yi ge ste des yang dag par mnan pa ni kun du bzhag pa ste yi ge rnams bsdus pa b+h+yo yig tu 'gyur ro/ /dang por rnam par snang mdzad dang mthar swA hA sbyin par bya'o/ /de lta bu yang bcom ldan 'das kyi sngags su 'gyur ro//oM dz+wa la dz+wa la hUM phaT b+h+yo swA hA/ 'di nyid gtsigs bcas ma la sogs pa'i lha mo rnams kyi'o/ /le'u brgyad pa'i 'grel pa'o// //da ni las kyi rigs dang 'brel pa'i las sna tshogs kyi sgrub thabs bcom ldan 'das bdud rtsi 'khyil pa nye bar bstan pa gsungs pa/rig ma chen po zhes bya ba la sogs pa la/ rig ma chen mo ni bdud rtsi ma la sogs pa'i lha mo brgyad do/ /de dag kyang sna tshogs gzugs te kha dog ljang gu'o/ /chos kyi 'byung gnas kyi dbus su snying po'i pad+ma 'dab ma brgyad pa'i 'dab ma so so la gnas pa'o/ /lte ba'i dbus su gnas pa'i bcom ldan 'das kyang zhal gsum pa phyag drug pa drag shul la sogs pa'i ro'i tshul gyis rnam pa sna tshogs rnam par bsgyur ba'i zhal gsum pa can phyag dang pos ka tho ra dang ste re'i mtshon cha 'dzin pa phyag gzhan gyis ji ltar rigs par gtun shing la sogs pa'i mtshon cha 'dzin pa can no//sgo skyong yang dag ldan zhes bya ba ni sgo skyong ba rdo rje lcags kyu la sogs par rnam par shes par bya'o/ /slar yang rnam par snang mdzad zhes bya ba ni 'di'i sngags su 'gyur ro/ /rnam par snang mdzad oM yig dang por byin nas so/ /tshig rdzogs par bya zhes pa ni sngags bdun po yongs su rdzogs par bya'o//dang po las zhes bya ba a yig las gnyis pa A yig ste sbyar bar bya'o zhes yang dag 'brel to/ /stong pa ni ha yig gi ming can no/ /de'i gdan ni u yig ste des yang dag ldan ni sbyor ba'o/ /slar yang stong pa zhes bya ba ni thig ler brjod par bya'o//de yang stong pa ste nA das mnan pa'o/ /swA hA sbyar bas kyang sngags su 'gyur ro/ /oM AHhUM swA hA/ sngags 'di nyid kyang lha mo thams cad bsdus pa'i sngags su shes par bya'o/ /shin tu bde dga'i rnal 'byor gyis/ /zhes bya ba 'dis shes rab dang thabs gnyis med du gyur pa bde ba chen po'i ye shes las bdud rtsi bzhin te byang chub kyi sems bdud rtsi lta bus skye bo ma lus pa'i rga ba dang 'chi ba 'phrog par byed pa'o//de skyed pas bdud rtsi 'khyil pa'o zhes bya ba'i don to/ /de yang bsgrub par bya ste/ sgrub pa po rnams kyis rnal 'byor dang rjes su rnal 'byor dang rnal 'byor chen po du ma'i tshul gyis thabs dang shes rab kyi bde ba'i ye shes dar bas bsgrub par bya ste gzhan du ni ma yin no zhes so//le'u dgu pa'i 'grel pa'o// //da ni ro langs chen po'i sgrub pa'i thabs he ru ka'i rnal 'byor mngon par ldan pa'i sngon du bsnyen pa bya ba nges par bstan pa gsungs pa/bgegs nas shi ba'i zhes bya ba la sogs pa la/ rang nyid 'phyangs nas shi ba'o/ /sme sha can dang gtum mo'o/ /de med na khyi 'tshed ma ste g.yung mo'o/ /mtshan rnams thams cad yang dag rdzogs ni dam pa nges par 'byung ba zhes so/ /yan lag ma nyams ma gal te rnyed na de'i tshe sgrub pa brtsam par bya'o//sum cu rtsa gnyis lo zhes bya ba ni/ lo sum cu rtsa gnyis lon pa'i mdzes ma bsngags so/ /yang na lo nyi shu rtsa lnga lon pa mchog go/ /de dag med na ma'am dang po'i ma ma yin pa bgegs nas shi ba de yang sgrub par byed nus so//khrus byas te zhes bya ba ni he ru ka'i rtsa ba'i sngags kyis chu la mngon par bsngags nas/ sa ha de ba dang br-i ha ti dang kaN+Da kA ri kA dang gi ri karti kA dkar po dang / a nA kAn+ta rnams zhes bya ba'i sman lnga dang lhan cig bcug nas/ rdo leb la ste rdo'i snam bu la bzhag nas/ sngags kyis dag pa'i chu des so zhes bya ba'i don to/ /slob dpon rang nyid he ru ka'i lha'i rnal 'byor byas te rtsa ba'i sngags la 'jug pa lhur blang ngo / /tsan+dan dkar po dang ga bur rnams kyis lus la byugs la/ me tog dang bdug pa'i mchod pa de rnams gnas shig tu bzhag nas dkyil 'khor bri bar bya ste zla ba phyed pa'i rnam pa la thod par bshad ces pa'o//yang na thod pa'i ming can gzhu'i rnam par yongs su brtags pa dbus kyi re mig dang re mig brgyad pa rnams la'o/ /phyi rol du yang logs bzhi dang grwa bzhi dang sgo bzhi dang dril bu dang dar dpyangs dang ba dan la sogs pa dang rnga yab dang do shal dang do shal phyed pa dang zla ba phyed pas nye bar brgyan pa dgod par bya'o//phyi nas bcom ldan 'das phyag brgyad pa rig pa'i lha mo brgyad kyis yongs su bskor ba re mig so so la 'jigs pa can ma zhes bya ba la sogs pa'i lha mo rnams kyi lhan cig pa'o/ / phrag par kha T+wAM ga bkal nas phyag g.yon pas thod pa 'dzin pa/ phyag g.yas pas ba dan gsum pa'i tshul dang ldan pa rtsa ba'i sngags kyis gzhag par bya'o/ /yang na hUM yig gis so/ /sngags 'dis lha mo zhal gsum ma phyag drug ma ral gri dang kha T+wAM ga dang thod pa dang zhags pa can rnams kyang dgod par bya'o//sgo ru yang sgo skyong ba la da rna zhes bya ba la sogs pa bzhi po rnams zhal gcig pa phyag gnyis pa/ lcags kyu dang zhags pa dang lcags sgrog dang dril bu phyag gis 'dzin pa dgod par bya'o/ /me tog dang bdug pa dang mar me dang dri zhes bya ba'i lha mo rnams kyang me tog la sogs 'dzin pa can bri'o//de ltar gyur pa'i bcom ldan 'das btsun mo'i 'khor dang / lhan cig pa dkyil 'khor gyi dbus su bskyed la spyan drangs te mchod nas bzod par gsol nas/ b+h+yo yig gi gad rgyangs dgod pas khrag chen po phyogs bzhir gtor bar bya'o//sngags zlos shing mar khu chen pos bskus pa'i yungs kar dkar pos ro langs ma de'i lus kyi gdong la brdeg par bya'o/ /de nas de langs te sgrogs par byed do/ /srid pa gsum bdag nyid kyi sgras 'gengs par byed do/ /mthong nas 'jigs par mi bya bar lha'i rnal 'byor mngon du bya'o//de'i nga rgyal gyis gnas par bya'o/ /gzhan du 'da' bar byed na sgrub pa po slob ma dang bcas pa 'chi bar 'gyur ro/ /de nas de grub ci bgyi zhes bka' nod par byed do/ /sgrub pa'i yid la mngon par 'dod pa'i ral gri la sogs pa'i dngos grub sbyin par byed do/ /rang nyid kyang sgrub par byed de/gtum mo dang g.yung mo dag gang yang rung ba'i gzugs kyis sme sha can ma dang khyi 'tshed ma dag sgrub pa'i thabs kyi rim pa 'dis bskyed de/ phyi nas bcom ldan 'das rdo rje he ru ka bdag nyid de/ de phyi ma'i sgrub pa pos de dag gis lhan cig tu 'grub par byed par the tshom med do//ro langs ma'i sgrub pa'i thabs so/ /le'u bcu pa'i 'grel pa'o// //de lta bu'i rim pa 'dis 'dod chags la sogs pas gdul bar bya ba'i skye bo rnams kyi don byas nas/ bcom ldan 'das ci yang mi gsung ba'i ngo bor gyur nas rnam par rtog pa dang bral ba bde ba chen po'i ros sku dang gsung dang thugs mtha' dag so sor phug nas longs spyod rdzogs pa'i skus yang dag par gnas pa can du gyur to//de nyid kyi phyir gsungs pa/ dbugs med ces bya ba la sogs pa ste/ srog gi rtsol ba'i mtshan nyid kyi rlung gi ting nge 'dzin gyi gnas skabs 'gog pa las dbugs med ces bya ba nges par rtog pa med par ting nge 'dzin mchog la snyoms par zhugs te bde ba chen po ye shes gnyis su med pa can yang dag par gyur to zhes pa'i don to//da ni de ltar gyur pa'i bcom ldan 'das la slar yang zhu bar byed do/ /rdo rje phra mo zhes bya ba la sogs pa la rdo rje phra mo ni bde ba chen po'i ye shes so//de ji ltar gnas na sems can kun gyi yid la zhes so/ /'di gsung bar 'gyur ba rnam pa lngas mngon par byang chub pa ji lta ba bzhin gyi rim pas chos 'byung gi dbus su gnas pa'i ye shes sems dpa' kha nas zhugs te zla ba zhu ba can du gyur pa'i zla ba'i dkyil 'khor dang hUM yig la sogs pas skyed pas rdo rje sems dpa' la sogs pa'i gzugs su bdag nyid bskyed par bya ste/phyi nas rjes su rnal 'byor gyi rim pas lha'i 'khor lo spro ste de dkyil 'khor gyi dbus su gnas pa'i bdag nyid bdag po'i snyems pa 'dzin pas de'i rjes su rang gi snying gar rdo rje phra mo byang chub kyi sems rdo rje ni ye shes sems dpa' rnam par bsam par bya'o//de'i yang snying gar hUM yig phra mo la sogs pa bkod la lha yang dag par bsnyen pa'i dngos grub mngon du phyogs pa can du 'gyur ro zhes bya ba ni man ngag go/ /yang na rdo rje phra mo ni byang chub kyi sems te chos thams cad gsal bar stong pa nyid kyi rang bzhin du nye bar bskyed pa ni sems can kun gyi snying la gnas par 'gyur ro//de bzhin du yang gsungs pa/ sems can kun gyi yid khyab pa/ sems can kun gyi snying la gnas/ /sems can kun gyi yab nyid kyang / / dam tshig mchog ldan 'dod pa mchog /ces so/ /sngar bzhin gsungs pa zhes bya ba la sogs pas/ kun rdzob byang chub kyi sems gsal bar byed pas lan gsungs pa'o/ /'di zos pas dngos grub kyi 'bras bu bstan pa gsungs pa/ myang bar bya'o zhes bya ba la sogs pa ni bde blag tu rtogs so//bdag nyid ces bya ba la sogs pa ni/ rang gis zos nas sngags dang rgyud shes pa rang rig pas bza' byar byas nas so/ /sbyong bar byed pa dang rtogs par byed pa'i rim pa ni ma gsungs te/ lha'i rnal 'byor kho nas byang chub kyi sems la sogs pa rnams rnam par dag pa nyid kyi phyir ro//'di ni zhes bya ba la sogs pas rgyud 'di'i che ba ston cing sdom pa mchog tu gyur pa yang dag par bsdu ba gsungs pa/ don mang zhes bya ba ni/ de la mang po rnams kyi don phyag rgya chen po la sogs pa sgrub pa'i thabs kyi mthar thug pa rnams so zhes 'bru mang po pa'o//gsang ba rim pa zhes bya ba ni gsang ba'i rtsal ni 'di'i nyams su myong ba'i mtshan nyid de lta bu byas nas/ gang gi phyir theg pa chen po yang chen po 'di las nges par byung ba de'i phyir gsang ba'i rtsal lo/ /gsang chen zhes bya ba la sogs pa ni/ gsang ba'i dbang po gnyis snyoms par 'jug pa'i bdag nyid can mi 'byung ba ni gsang chen te bde ba chen po gnyis su med pa'i ye shes zhes bya'o//de yang thams cad bdag nyid de bud med kyi gzugs la sogs pa lus la rtag tu gnas pa'i mya ngan las 'das pa'i ngo bo nyid kyi phyir mchog go//bde ba chen po so so rang gis rig pa nyid kyi phyir dga' ba'o/ /de nyid kyi phyir byang chub sems dpa' rnams kyis shes pa ma yin te/ bcom ldan 'das kyis nye bar bstan yang de ma thob pa'i phyir ro/ /de nyid kyi phyir/ gzugs med de mig gi rnam par shes pa'i yul ma yin no//cir 'gyur/ stong pa ste de bzhin nyid kyi rang bzhin phyi rol dang nang gi rtog pa'i dra ba bsal ba'i ngo bo nyid kyi phyir ro/ /mi 'gyur ba dang ste g.yo ba dang bral ba'o zhes pa'i don to/ /'di dag de nyid de yang dag pa ji lta ba'o/ /de bzhin du yang sangs rgyas mnyam sbyor dang rdo rje mkha' 'gro la sogs du ma las gsungs pa/gsang chen mchog gis dges pa na/ /thams cad bdag nyid rtag tu bzhugs/ /sangs rgyas kun dngos sems dpa' ni/ /rdo rje sems dpa' bde ba'i mchog /ces so/ /rdo rje gtsug gi nor bu ni gsang ba'i zla ba nor bu thig le'i rgyan gyi gzugs nyid kyi phyir ro//de'i phyir/ shin tu gsang la gzung bar bya/ /zhes so/ /gtam pa zhes bya ba la sogs pa ni/ rgyud 'dir gtam pa bzhin du khyod la bdag gis kyang bshad pa yang gzung bar bya ste shin tu dkon pa nyid kyi phyir ro/ /de ltar gsungs nas/ bcom ldan 'das dkyil 'khor gyi 'khor lo dang lhan cig phra mo'i gzugs su gyur nas/bde ba chen po'i rnam pas b+ha ga'i rnam pa ru shes rab kyi pha rol tu phyin pa'i ye shes kyi rang bzhin/ sa bcu gsum pa'i bdag nyid dngos po thams cad gnyis su med pa'i mtshan nyid chos kyi 'byung gnas e'i yi ge'i rnam pa la/chos dang longs spyod rdzogs pa'i sku dag gis khams gsum pa la khyab nas 'khor bar yang dag par gnas so zhes bya ba'o/ /de bzhin du rnal 'byor pa rnams kyis kyang lha'i rnal 'byor la goms par byas pa'i phyi nas nye bar bsdu ba bya'o zhes pa'o/ /gsang ba'i de nyid don dang gsang sngags tshig ni rtogs par dka' ba rdo rje bdud rtsi zhes bya'i rgyud//blo gros blun po dri ma med pa gang gis don bzhin bshad par ci zhig nus te bdag dang por/ /cung zad shes nas 'di las dge ba dri ma med pa gang zhig bdag gis thob pa gang yin pa/ /de yis 'jig rten ma lus de dag kun rtog dra ba bcom nas mchog gi bde ba mnyam par shog /mchog gi bde ba gnyis med blo yi dngos grub rgyur/ /mtha' yas rgyud kyi snying po 'di ni 'dri byed pa/ /gang zhig 'dod pa'i dga' ba mthar grub gyur pa de/ /yon tan rnams la dri ma med pa'i bzang po zhes bya'o//rdo rje bdud rtsi'i rgyud kyi ni/ /bshad sbyar tshigs bcad du zhig ldan/ /'di yang sdeb sbyor ces bsngags pa/ /brgya phrag bzhi yi tshogs dang ldan/ /dpal rdo rje bdud rtsi'i rgyud kyi dka' 'grel rdzogs so// //slob dpon dri med bzang po'i zhabs kyis mdzad pa'o//'di ni sngar gyi 'gyur rnying pa'i le'u gnyis pa man chad ma tshang zhing de yan chad kyang shin tu 'khrugs shing 'grel pa gzhan dang 'dres pa las/ shAkya'i dge slong rin chen grub kyis rgya dpe las bsgyur zhing smr-i ti'i spel mar bshad pa dang yang bstun nas zhus shing gtan la phab pa'o// //paN+Di ta la ma mnyan zhing / /rgya dpe'i dpe dpang ma rnyed la/ /sa~M skr-i ta la ma byang bas/ /nor na mkhas pas bcos par zhu'o// //'dis 'khor ba'i rgya mtsho chen po myur du skems par gyur cig /gangs can chos kyi sgron ma thams cad mkhyen/ /dpal mgon byams pa gling pa'i phyag dpe bzhin/