267a6 /rdo rje dag pa gdon mi za/ /bsam pa thams cad yongs rdzogs pa/ /sangs rgyas ngo bo nyid las byung / /sna tshogs mkha' 'gro phyag 'tshal bstod/ /rigs lnga mkha' 'gro'i bstod pa rdzogs so// @##/ /dpal he ru ka 'khor dang bcas pa la bstod ba bzhugs/
267a7 @#/ /rgyal ba'i sku la phyag 'tshal lo/ /sku mdog sngon po cher 'bar ba'i/ /'jigs byed mche ba gtsigs pa po/ /g.yas ser g.yon ljang rgyab zhal dkar/ /mnyam med sku la phyag 'tshal lo/ /de bzhin gshegs pa'i rigs kyi bdag /rigs btsun
267b1 rig ma mgul nas 'khyud//dbu la rigs kyi bdag po bzhugs/ /bde chen sku la phyag 'tshal lo/ /sgeg dang dpa' byad 'jigs su rung / /drag dang dgod dang 'jigs par byed/ /snying rje rngam dang zhi ba la/ /nyams dgu yon tan khyod la 'dud/ /nam mkha'i 'od
267b2 kyis khebs mdzad cing //'jigs pa po yang 'jigs par mdzad/ /phyag rgya lnga yis rnam par brgyan/ /bde gshegs sku la phyag 'tshal lo/ /g.yas g.yon dang po mda' dang gzhu/ /lhag mthong pa kha T+wAM 'dzin/ /mgo phreng brgya phyed do shal byas/ /mgon
267b3 po khyod la phyag 'tshal lo//dbu skra kham pa gyen du bsgreng / /ka pA la lngas dbu la brgyan/ /na ra stod g.yogs stag lpags bsnams/ /'jigs rung khyod la phyag 'tshal 'dud/ /dngos po'i rang bzhin kun gyi mchog /sku la mtshan dang dpe byad rdzogs/ /'gro ba'i
267b4 don ni mdzad pa po//sku gsum bdag nyid khyod la 'dud/ /khyod kyi ye shes spyan zur gyis/ /mi mthun phyogs rnams skrag mdzad cing / /rgyal mtshan dril bus slar gso mdzad/ /thugs rje can la phyag 'tshal 'dud/ /sku gsum ye shes lnga bdag nyid/ /bde bar gshegs
267b5 pa kun gyi gtso//'gro ba'i mi shes gcod pa po/ /stong nyid snying po khyod la 'dud/ /sangs rgyas byang chub sems rnams dang / /de nyid brtan par g.yo bcas pa/ /khams gsum 'di dag thams cad kyi/ /bdag nyid chen po khyod la 'dud/ /'gro ba'i sdug bsngal sel
267b6 byed cing //phun sum tshogs pa kun ster ba/ /byang chub lam ni ston pa po/ /ye shes sku khyod phyag 'tshal bstod/ /bsam med dpe dang bral bas brjod du med/ /bde chen sku ste mi 'gyur 'dus ma byas/ /dngos dang dngos med rnam spangs dmigs pa med/ /bde chen rdo
267b7 rje mkha' 'gro phyag 'tshal bstod//shar phyogs lha mo rdo rje'i rigs/ /byams pa'i bdag nyid sku mdog sngo/ /sa khams me long ye shes bdag /rdo rje mkha' 'gro phyag 'tshal bstod/ /lho phyogs lha mo rin chen rigs/ /snying rje'i bdag nyid sku mdog ser/ /chu khams mnyam
268a1 nyid ye shes bdag /rin chen mkha' 'gro phyag 'tshal bstod/ /nub phyogs lha mo pad+ma'i rigs/ /dga' ba'i bdag nyid sku mdog dkar/ /me khams so sor rtog rang bzhin/ /pad+ma mkha' 'gro phyag 'tshal bstod/ /byang phyogs lha mo las kyi rigs/ /
268a2 btang snyoms rang bzhin sku mdog ljang / /rlung khams bya ba grub rang bzhin/ /sna tshogs mkha' 'gro phyag 'tshal bstod/ /thams cad zhal bzhi phyag bzhi ma/ /phyag na rang rang mtshan ma 'dzin/ /mtshan dang dpe byad sku la rdzogs/ /rigs lnga'i sangs rgyas phyag 'tshal bstod/ /
268a3 sku la 'od kyi phreng ba 'phro/ /mi mgo khrag 'dzag do shal byas/ /zhabs gnyis nyi mar phyed krung bzhugs/ /'khor gyi lha mo phyag 'tshal bstod/ /phyag rgya rnam pa lnga dang ldan/ /ka pA la lngas dbu la brgyan/ /sgeg pa la sogs nyams dang ldan/ /lha mo'i 'khor la phyag 'tshal
bstod/

CLOSE WINDOW