CLOSE WINDOW

D1626
བོད་ཡིག

/ @##/ /rgya gar skad du/ ma hA mA yA sA d+ha na nA ma/ bod skad du/ sgyu 'phrul chen mo zhes bya ba'i sgrub pa'i thabs/ dpal rdo rje mkha' 'gro dang /mkha' 'gro ma'i tshogs thams cad la phyag 'tshal lo/ /dang por snga bar langs la snying rje dang ldan pa'i rnal 'byor pas rang gi snying gar pad+ma'i steng du thig le dpa' bo bltas la/de'i 'od zer gyis bla ma dang / dpa' bo dang / rnal 'byor ma rnams yang dag par bskul nas/ bar snang la dmigs par byas la mchod pa gsum kyis mchod par byas te/ de rnams kyi mdun du dkon mchog gsum la skyabs su 'gro ba'i tshigs bcad dag brjod par bya ba ni 'di'o//oM dpal ldan bla ma'i zhabs rdul rnams la phyag 'tshal lo/ /oM dpal ldan rdo rje sems dpa' la yang phyag 'tshal lo/ /oM dpal ldan rdo rje mkha' 'gro ma rnams la phyag 'tshal lo//zhes pa 'di dag brjod nas cho ga bzhin du/ snyig pa bshags pa dang /bsod nams la rjes su yi rang ba dang / bsod nams yongs su bsngo ba dang /dkon mchog gsum la skyabs su 'gro ba dang / byang chub tu sems bskyed pa dang lam bsten pa dang / bdag gi dngos po dbul bar bya'o/ /de nas tshangs pa'i gnas bzhi sngon du bsgom pas/ stong pa nyid bsgom par bya ba ni/ oM shun+ya tA dz+nyA na badzra swa b+hA wa At+ma yi kou0f85haM/ zhes pa ste/ 'di'i de ma thag tu yi ge raM las byung ba'i nyi ma'i steng du yi ge hUM gnas pa bsam bar bya'o/ /de'i 'od zer gyis khyad par dang /de dag thams cad yongs su zhu ba las sa gzhi rdo rje'i rang bzhin dang / rdo rje'i rtsig pa dang / rdo rje'i bur ba dang / dur khrod brgyad kyi dbus su pad+ma dmar po 'dab ma bzhi pa la/ rdo rje nag po'i phreng bas mtha' ma yongs su bskor bar bsam par bya'o/ /yang na klu lhag ma can gyi rim pas so//pad+ma'i lte ba'i dbus su dbyangs yig a la sogs pa nyis 'gyur du byas te zla ba'i dkyil 'khor du bsgom par bya'o/ /de'i steng du yi ge drug po bsnan pa'i yi ge ka la sogs pa nyis 'gyur du byas te nyi ma'i dkyil 'khor du bsgom par bya'o/ /me long lta bu zla bar yang dag bshad//mnyam pa nyid ni nyi mar rab tu grags/ /'di dag dbus su thig le'i rgyal po ste/ /'di la spro bsdu 'gro pa'i don byed pa/ /so sor rtog pas bya ba nan tan no/ /rdzogs pa shin tu rnam dag chos kyi dbyings/ /ye shes lnga yi bdag nyid 'khor lo bsgom/ / de nas snying rje'i bdag nyid bcom ldan 'das/ /rdo rje mkha' 'gro ni sngon po ste/ sngon po dang / ser po dang /dkar dmar dang / ljang gu'i zhal bzhi ba dang ldan pa/ phyag bzhi ni thod pa dang / mda' dang / g.yon na kha TI ga dang / gzhu 'dzin pa'o/ /dbu skra dmar ser gyen du 'bar ba/thod pas bcings pa dang stag lpags kyi smad g.yogs dang / 'khor lo/ rna cha/ mgul rgyan/ gdu bu/ mchod phyir thogs dang thal pa ste/ phyag rgya drug dang ldan pa/ mi mgo brgya byed kyi phreng ba dang / mi'i rus pa'i rkang gdub dang / ske rags dang / phyag gdub dang /dpung rgyan rnams kyi rgyan can/ skyil krung phyed pa'i gar byis bzhugs shing /mche bas 'jigs par byed pa/ kha dog lnga'i 'od zer gyi phreng ba can/ rang nyid lta bu'i shes rab la 'khyud pa can du bdag nyid rdo rje mkha' 'gro'i gzugs su rnam par bsgom pa'o/ / shes rab kyang bdag nyid dang 'dra bar blta bar bya'o/ /'on kyang gcer bu mgo'i phreng ba dang bral ba'o/ /shar gyi 'dab ma la/ rdo rje mkha' 'gro ma kha dog sngon mo/ sngon po dang / ser po dang / dkar dmar dang /ljang gu'i zhal bzhi pa/ phyag bzhi dang ldan pa ste/ rdo rje dang / thod pa dang / dril bu dang / kha TI ga 'dzin pa'o/ /lho'i 'dab ma la/rin chen mkha' 'gro ma ser mo ste/ ser po dang / sngon po dang / dkar dmar dang /ljang gu'i zhal bzhi pa/ phyag bzhi pa ste/ rin po che dang / rtse gsum pa dang / dar dpyangs dang / ce spyang phyag na bsnams pa'o//nub kyi 'dab ma la pad+ma mkha' 'gro ma kha dog dkar dmar te/ dkar dmar dang /ser po dang / sngon po dang / ljang gu'i zhal bzhi pa phyag bzhi dang ldan pa ste/ sna tshogs pad+ma dang / mda' dang / gzhu dang / thod pa rnams phyag na bsnams pa'o/ /byang gi 'dab ma la sna tshogs mkha' 'gro ma kha dog ljang gu ste/ljang gu dang / ser po dang / dkar dmar dang / sngon po'i zhal bzhi pa/ phyag bzhi dang ldan pa ste/ ral gri dang / Da ma ru dang / zhags pa dang / ka pA la rnams phyag na bsnams pa'o/ /de lta bu rnam par bsgoms pa'i snying gar man ngag ji lta ba las thig le'i rgyal po bsgom par bya'o//de nas phung po dang / khams dang / skye mched kyi rang gi ngo bo khams gsum pa ni sgyu ma dang / smig rgyu dang / rmi lam dang / dri za'i grong khyer lta bur rang gi sems dang tha mi dad pa/ rang bzhin gyis 'od gsal par phyi nang gi gzugs la rnal 'byor pas bsam mo//de nas de ma thag tu ye shes kyi dkyil 'khor bkug ste/ dam tshig gi 'khor lor bcug la/ oM d+harma d+h+wa tu swa b+hA ba At+ma kou0f85hi zhes nga rgyal bya'o/ /de nas AHdmar po yongs su gyur pa las/ pad+ma rdzogs pa dang / oM oM hUM k +bUM hrI hrIHzhes pa'i yi ge rnams shar la sogs pa'i 'dab ma la rnam par snang mdzad la sogs pa'i kha dog dgod par bya'o//yi ge hUM gis rdo rje rdzogs par byas la/ glu 'di dag gis bskul bar bya'o/ /kye grogs mo mchog ni bdag cag go/ /pad+ma'i kha yis rnam dbye bar//'od gsal ba yi rdo rje yang / /bde ba nyid mdzod a la la la la ho/ /glu 'di dag gis de ma thag tu rjes su chags pas mchod cing byin gyis brlab po/ /de'i rjes su bdud rtsi myang bar bya ba ni thod pa lag tu bzhag par bi dang / ra dang / su dang / ma dang / chu dang /da dang / go dang / ha dang / na dang / ku dang ste/ A li kA li 'di dag gis byin kyis brlabs shing / phyin ci log gi yi ge gsum gyis kyang byin gyis brlabs pas yi ge de rnams las mi bskyod pa la sogs pa de bzhin gshegs pa rnams 'thon te/ phyogs bcu na gnas pa'i bdud rtsi rnams phyag tu blangs nas yi ge rnams nyid la zhugs pas bdud rtsi dang lhan cig tu ro gcig par gyur par bsams te/yi ge gsum pos rim pa dang rim pa ma yin pas spro zhing bsdu ba ni sku gsung thugs kyi rang bzhin kyi mdog tu'o/ /oM AHhUM zhes bya ba 'di dag ji lta ba'i man ngag gis bzla'o//ji ltar nus par bzlas brjod byas nas/ de nyid gsum dang yi ge muHsa ye shes kyi 'khor lo gshegs su gsol lo/ /lha mo bzhi la sogs pa ni/ thig le'i nang du bcug la/ smon lam btab par byas la ji ltar bde bar 'jug par bya'o//thun mtshams gzhan rnams su ni/ de nyid gsum po brjod pas sngar kyi de bzhin du ye shes kyi 'khor lo spyan drangs te/ gcig tu byas la rjes su chags pa la sogs pa dag kyang bya'o/ /sgyu 'phrul chen mo zhes bya ba'i sgrub thabs bcom ldan 'das yum rdo rje mkha' 'gro ma nyid u rgyan gyi yul du byon nas gsungs pa rdzogs so// //rgya gar gyi mkhan po a wa d+hU tI pa'i zhal snga nas dang / bod kyi lo tsA ba dge slong shAkya brtson 'grus kyis zhus te bsgyur ba'o// //

CLOSE WINDOW