CLOSE WINDOW

D1624
བོད་ཡིག

/ //paN+Di ta chen po zhi ba bzang po dang / zhu chen gyi lo tsA ba 'gos lhas btsas kyis bsgyur cing zhus te gtan la phab pa'o// @##/ /rgya gar skad du/ ma hA mA yA tA n+t+ra s+ya smr-i ti br-i t+tI ti/ bod skad du/ sgyu 'phrul chen mo'i rgyud kyi 'grel pa dran pa zhes bya ba/ bcom ldan 'das 'jig rten dbang phyug la phyag 'tshal lo/ /slob dpon rdo rje can mgon la/ /dngos po kun gyis phyag byas nas/ /chen po sngon 'gro'i sgyu ma'i rgyud/ /bdag gis dran phyir bri bar bya/ /'dir rgyud 'chang ba rnams kyis nyan pa po rnams bde blag tu rtogs par bya ba'i phyir dang por rgyud kyi don gyi lus mdor bsdus te rtogs par bya ba'i phyir gsungs pa/dpal ldan zhes bya ba la sogs pa gsungs pa la/ dpal gyi sgra ni bla na med pa bsod nams dang ye shes kyi tshogs spel ba ste/ de gang la yod pa de la de skad ces bya'o//rdo rje mkha' 'gro ma zhes bya ba ni rdo rje dbyer mi phyed pa'i sems te/ de nyid mtshan ma dang dmigs pas stong pa mkha' 'gro zhes bya'o/ /mkha' 'gro ma yi 'khor los sgyur/ /zhes bya ba la/ mkha' 'gro ma ni rgyu'i mthar phyin pa ste/ ming gi khyad par gzhan byang chub sems dpa' zhes bya'o//de rnams kyi tshogs ni 'khor lo ste/ de'i bdag nyid kyis sgyur ba'i ngang tshul gang la yod pa de la de skad ces bya'o/ /yang na mkha' 'gro ma zhes bya ba ni dmigs pa dang bcas pa'i de bzhin gshegs pa'i dbugs dbyung bar gyur pa'o/ /mkha' 'gro ma de rnams kyis 'khor los sgyur ba ni dmigs su med pa'i rdo rje 'dzin pa chen po'i dbugs dbyung ba ste/bcom ldan 'das rdo rje mkha' 'gro'o/ /ye shes lnga dang zhes bya ba ni me long lta bu la sogs pa'i bye brag gis so/ /sku gsum nyid ces bya ba ni sngags dang dbyibs dang chos kyi bdag nyid kyis te/ming gi khyad par gzhan longs spyod dang / sprul pa dang / chos kyi sku zhes bya ba yin la/ gang gis ye shes lnga dang sku gsum yin pa de la de skad ces bya ste/ phyag 'tshal lo zhes bya ba dang sbyar ro/ /'gro ba zhes bya ba ni rigs pa la sogs pa rga shi'i mthar thug pa'i sdug bsngal gyi phung por son pa'i ngang tshul can gyi sems can gyi khams te/skyob pa zhes bya ba ni yongs su skyob par byed par mdzad pa'o/ /tshigs su bcad pa phyed snga mas ni bcom ldan 'das kyis bdag gi don phun sum tshogs par bstan pa yin la/ phyed phyi mas ni gzhan gyi don phun sum tshogs pa'i thabs gsungs te/de dag gis bdag dang gzhan don phun sum tshogs pa'i gnas bcom ldan 'das kyis chos kyi sku zhes bstan pa yin no/ /ji snyed ces bya ba la sogs pa la/ gang 'jig rten gyi khams kyi rdul phra rab kyi grangs pas kyang bgrang bar mi nus pa'o/ / rdo rje mkha' 'gro ma zhes bya ba ni/ zhing las skyes ma dang / sngags las skyes ma dang / lhan cig skyes ma'i rang bzhin can ma rnams so/ /kun du rtog pa'i 'ching gcod pa/ /zhes bya ba ni sems can gyi 'jig rten no/ /mngon par mtho ba dang nges par legs pa'i mtshan nyid can gang rnams kyis kun du rtog pa'i 'ching ba bcad pa de rnams la de skad ces bya ste/bdag dang bdag gir 'dzin pa'i kun du rtog pa'i 'ching ba med par 'gyur ro/ /'jig rten byed pa rab 'jug pa/ /zhes bya ba la 'jig rten ni sems can gyi 'jig rten no/ /de yis zhes bya ba ni mngon par mtho ba dang nges par legs pa'i mtshan nyid can te/der 'jug pa'i ngang tshul gyi rang bzhin gang la yod pa de rnams la de skad ces bya'o/ /'di'i don ni sems can rnams la 'khor ji snyed bskal pa ji lta ba bzhin du 'jig rten dang 'jig rten las 'das pa'i don rdzogs par bya ba'i phyir/de rnams kyis rnam pa sna tshogs kyi gzugs kyis chos ston par 'jug pa'i chos dang longs spyod dang sprul pa'i sku zhes pa yin no/ /de snyed rnams la zhes bya ba la sogs pa la dpag tu med pa'i grangs can rnams la chos dang zang zing dang bla na med pa dang / de kho na nyid rtogs pa'i mchod pa sngon du 'gro bas bsam gyis mi khyab pa'i sngags dang / phyag rgya dang rnam par thar pa'i sgo las byung ba'i dpag tu med pa'i lus dang ngag dang yid rnams kyis 'dud pa'i mtshan nyid de/ phyag 'tshal zhing bstod pa'o/ /phyag bya ba'i thabs kyis dbugs dbyung ba rnam pa gnyis dang /ye shes lnga dang sku gsum yongs su rdzogs pa'i brjod par bya ba dang / 'og nas byung ba'i rgyud kyi rgyal po ma lus pa'i nus pa rjod par byed pa dang brjod par bya ba dang / rjod par byed byed pa'i 'grel pa la sogs pa yang bstan pa yin te/ 'khor ba ji snyed pa'i sems can rnams kyi ngan 'gro las yongs su bskyab pa sngon du 'gro bas mi gnas pa'i mya ngan las 'das pa la rab tu dgod pa 'di ni brjod par bya ba'i dgos pa yin no//de nas zhes bya ba'i sgra ni bkra shis pa'i don to/ /de la zhes bya ba ni don 'di dag go/ /'di skad bdag gis bya ba ci'i phyir ma smos snyam du sems pa la/bcom ldan 'das ni mi gnas pa'i mya ngan las 'das pa'o/ /de nyid kyis na rtag tu zhes bya ba la sogs pa gsungs pas/ rnam pa thams cad du yongs su mya ngan las 'das pa ni ma yin no/ /cis te rgyun mi 'chad pa'i bde ba chen po'i rang bzhin chos kyi sku'i ming can de ni rnam par rtog pa thams cad 'gags shing /'phags pa rnams kyis ting nge 'dzin gyi spyod yul du gyur pa dngos po'i rang bzhin ma lus pa dang bral ba ste/ de yod cing skal ba dang ldan pa'i 'gro ba rnams yod par gyur kyang chos ston pa ma yin te/'on kyang gzugs sku rnam pa gnyis kyis yongs su dag pa dang yongs su ma dag pa'i sangs rgyas kyi zhing rnams su chos ston la/ de dag kyang gdul bar bya ba med na 'gal bar 'gyur la/ de'i 'og tu de las thos pa 'dzin cing rtogs pa dang ldan la/ phyin ci ma log par ston pa rnams kyis sdud par mdzad pa ci'i phyir yod pa ma yin te/'dir bden mod kyi gang gi phyir theg pa chen po'i mchog gi rim pa la ni 'khor ba ji snyed par bde ba chen po rgyun mi 'chad pa'i chos kyi sku nyid sngon gyi sngags la sogs pas sbyangs pa'i dbang gis 'bad pa med par phyi rol gyi gzugs kyi sku rnam pa gnyis su mdzad nas/nam mkha'i khams kyi mthas gtugs pa'i sems can gyi khams rnams la ji ltar 'dod pa bzhin du mngon par mtho ba dang / nges par legs pa'i don rdzogs par mdzad kyi/ rnam pa thams cad du yongs su mya ngan las 'das pa ni ma yin no//gsungs pa/ sems can rnams kyi don gyi phyir/ /gzhan gyi mthar thug gnas par bya/ /zhes pa ste/ de bas na gang ci yang rung bas sems can rnams la ston pa de dag thams cad kyang sangs rgyas nyid kyi mthu ste/ bya rnams dang ni shing kun dang / /'od zer dang ni mkha' las kyang //chos kyi sgra ni rgyun mi 'chad/ /lus can rnams kyis thos par 'gyur/ /zhes gsungs so/ /rdo rje mkha' 'gro ma rnams zhes bya ba la rdo rje ni rnam par mi 'jigs pa'i sems so/ /nam mkha' lta bu nyid kyis na mkha' 'gro ma ste/ de gang rnams la yod pa de la de skad ces bya'o/ /gsang ba'i dbang phyug ma zhes bya ba la sku dang gsung dang thugs ni gsang ba ste/cig car sems can rnams la skal ba ji lta ba bzhin du sku yongs su rdzogs par mdzad pa 'di ni sku'i gsang ba'o/ /'jig rten gyi khams thams cad du gdul bya ji lta ba bzhin du gdul bar mdzad pa'i sgra la sogs pa'i ngag brjod pa ni gsung gi gsang ba'o//sems can thams cad kyi sems kyi spyod pa g.yo ba rnams lus pa med par yongs su shes pa 'di ni thugs kyi gsang ba ste/ sku dang gsung dang thugs kyi gsang ba bdag dang gzhan gyi don phun sum tshogs pa brnyes pas na de rnams kyi dbang phyug go/ / mchog tu zhes bya ba la sogs pa la rnam par mi rtog pas na mchog ste/ rang rig pa'i de kho na nyid gzhan gyi spyod yul ma yin pas na gsang ba'o zhes bya ba'i rgyud ces bya ba ni mchog tu gsang ba 'chad par byed pa'i sgra'i tshogs te/ bshad par bya ba dang bshad par byed pa'i phreng bas sgra'i tshogs la yang de skad ces bya ste/rol snyed ma phrogs pa'i snyan dngags bzhin no/ /gang zhig gis ni zhes bya ba ni gang gis te mchog tu gsang bas so/ /kun zhes bya ba ni ma lus pa'o/ /khyab pa zhes bya ba ni rang nyid lhag par gnas pa'o/ /rgyu dang mi rgyu zhes bya ba ni snod dang bcud du bcas pa la'o//tshangs pa'i sgo nga zhes bya ba ni tshangs pa'i gnas so/ /skyed par byed ces bya ba ni sangs rgyas mkha' 'gro ma la sogs pa rnams kyi'o/ /tshangs pa zhes bya ba ni dpal he ru ka ste/ sogs pa'i sgras ni nyan thos dang rang sangs rgyas la sogs pa gzung ngo //bdag nyid che zhes bya ba ni mthu bo che la sogs pa'o/ /de rnams kyis ni zhes bya ba ni rdo rje mkha' 'gro ma rnams so/ /gsang ba chen po zhes bya ba ni spros pa med pa'i de kho na nyid kyis gzhan gyi spyod yul ma yin pa'o/ /'di zhes bya ba ni rdo rje mkha' 'gro'o/ / de nyid ni sgyu 'phrul chen mo ste/ gdul bya'i skye bo mos par bya ba'i phyir/ sprul pa thams cad kyis sgyu ma'i bdag nyid kyi phyir ro/ /dbang phyug che ba zhes bya ba la chen bo ste rgyu'i mthar phyin pa'i byang chub sems dpa' rnams la dbang phyug ster bas so/ /sgyu 'phrul chen mo zhes bya ba ni skye bo thams cad kyis mngon par mtho ba'i shin tu khyad par du gyur pa'i sgyu ma yin pas so//drag chen mo zhes bya ba ni bstan pa thams cad la mngon par ma dad pa'i sgyu ma brlag par mdzad pa'i phyir ro/ /'byung ba yang dag sdud mdzad ma/ /zhes bya ba la 'byung ba ni rgyu ba dang mi rgyu ba rnams te/de rnams kyis sdud pa ni bdag gi rgyud dang gnyis su med pa'i bde ba chen po bla na med pa'i rang bzhin du de dag med par byed pa'i ngang tshul gang la yod pa de la de skad ces bya'o/ /gang gis zhes bya ba ni gang gis te sgyu 'phrul chen mos khyab pa'o/ /'di zhes bya ba ni mdun na yod pa rnams so//kun zhes bya ba ni yul dang dus dang rang bzhin gyis bskal pa rnams so/ /rgyu dang mi rgyu zhes bya ba la sogs pa ni/ rten dang brten pa'i rang bzhin ma lus pa rnams te/ de dag gis ni ma khyab pa dang gzhan gyis khyab pa dgag pa mdzad pa yin no/ / de yang bdag gis thams cad la ni khyab ces gsungs pas so/ /des ni de nas zhes bya ba la sogs pa la sgyu 'phrul chen mo de nyid kyis yang phyi nang gi dngos po rnams bla na med pa'i bde ba chen po'i rang bzhin nyid kyis bsdus pa ste/ rang gi rang bzhin len par byed do/ /de ltar rang bzhin nyid rang bzhin med par bshad de/'di dag lhan cig skyes pa'i rang bzhin no zhes gsungs pas so/ /'jig rten gsum po yang spro'o zhes bya ba ni sgyu 'phrul chen mo'i rang bzhin gyis rnam par dag pa de bzhin nyid kyi bdag nyid de las/ las dang nyon mongs pa las byung ba srid pa gsum po la skyes pas so//de yang gsungs pa khams gsum bskyed pa'i rgyu nyid du nyer 'gro zhes bya'o/ /gsang ba rnams kyis zhes bya ba ni khams gsum po rnams 'ba' zhig gir ma zad kyi/ zag pa med pa'i zhing las skyes ma dang sngags las skyes ma la sogs pa rnams kyis yang ngo //de dag gis ni chos thams cad gzhan gyi rgyud las byung ba dang / rgyu med pa las byung ba dag zlog pa yin no/ /ma zhes bya ba ni bskyed ma'o/ /'di zhes bya ba ni bstan ma thag pa'o/ /sgyu ma'i bdag ces bya ba ni sgyu 'phrul chen mo'o/ /rnam par grags zhes bya ba ni thams cad kyi bskyed ma zhes shin tu grags pa'o//'jig rten gsum bsgrub ces bya ba ni rang gis khyab pa'i rgyu'i rang bzhin gyis spyod yul ma yin pa de nyid kyis khams gsum po rnams mthar mdzad pa'i phyir ro/ /rig ma zhes bya ba tshul de ltar rig pa yod pas so//'dod pa thams cad rab ster bas/ /zhes bya ba ni phun sum tshogs pa thams cad ster ba'i phyir ro/ /gang zhig rnam par shes tsam gyis/ /zhes bya ba ni spro ba dang bsdu ba'i bsgoms pas rang gi rgyud dang dbyer med par yongs su shes pas so/ /sgrub pa'i dbang phyug ces bya ba ni sgrub pa po rnams kyi rgyud la dbang du gyur pa thams cad rdzogs par mdzad pa'i phyir ro//rig pa zhes bya ba ni yang sgyu 'phrul chen mo de nyid do/ /lha dang gnod sbyin zhes bya ba la sogs pa'i don lha la sogs pa thams cad rang gi gnas nas 'ongs nas sgrub pa po rnams la mchog tu gus pas yang dag par mchod de bka' lung nod ba'i don du nye bar gnas pa ni 'grub ces bya ba yin no//dbang du 'du 'gyur zhes bya ba ni dbang du 'gyur ba'o/ /chu las skyes pa zhes bya ba ni chu srin la sogs pa'o/ /thang las skyes zhes bya ba ni stag la sogs pa'o//rnal 'byor ma rnams zhes bya ba ni zhing las skyes ma dang sngags las skyes ma dang lhan cig skyes ma'i rang bzhin can rnams so/ /sbyor ba'i ma zhes bya ba ni lung dang rtogs pa bskyed ma yin pas so/ /khams gsum zhes bya ba ni rten dang brten pa ma lus pa rnams so/ /'grub par 'gyur zhes bya ba ni bla na med pa'i de bzhin nyid kyi tshul gcig gis so//ma lus zhes bya ba ni nyan thos dang rang sangs rgyas kyi gzugs rnams kyis so/ /lus pa med ces bya ba ni byang chub sems dpa' kun gyi bdag nyid kyis so/ /kun gyis zhes bya ba ni de bzhin gshegs pa thams cad kyi bdag nyid kyis so//sgyu mas rnam rol pa zhes bya ba ni de bzhin gshegs pa rnams kyi sprul pa'i rnam pa thams cad kyi sgyu mas 'jig rten gyi khams thams cad du sgra skad sna tshogs kyis chos ston pas 'gro ba rnams rjes su gzung bar bya ba'i phyir sngags pa rnams gar mdzad pa gang yin pa'o/ / phrogs nas zhes bya ba la sogs pa ni slob ma rnams la mchog tu gsang ba'i dbang bskur ba'i phyir/ lha la sogs pa'i bu mo bkug cing drangs pa'o/ /sangs rgyas kun gyis zhes bya ba ni de bzhin gshegs pa thams cad kyi rang gi btsun mor bya ba'o/ /bu mo spyod ces bya ba ni sems can thams cad la bla mas slob dpon dang /rnal 'byor ma rnams dang lhan cig tu mchog tu dga' ba'i dbang bskur ba'i phyir gzhan gyis longs ma spyad pa'i bu mo dang gnas dang dus kyi khyad par du byas pa'i de bzhin gshegs pa thams cad dbyer med pa'i bde ba chen por tshul gcig pa'i mtshon pa mngon du byed cing bskyed la mthe bong dang mi theg pas zhes bya ba la sogs pas gsang ba'i dbang bskur ba rdzogs par bya'o//'di'i bya ba gsungs pa/ rnal 'byor dbang phyug ces bya ba la sogs pa la rnal 'byor ni nges par legs pa'o/ /dbang phyug ni mngon par mtho ba'i mtshan nyid de de'i skal pa can du byed pa'i ngang tshul gang la yod pa de la de skad ces bya'o//rig pa zhes bya ba ni spros pa kun gyis stong pa'i rang bzhin no/ /de bzhin zhes bya ba ni phyi dang nang gi phyin ci log dang bral ba'i rang bzhin yin pas so/ /mig 'phrul byed ces bya ba ni gdul bya'i skye bo rnams mos par bya ba'i phyir mig 'phrul dang 'dra bar sprul pa sna tshogs byed par 'dod pa'i rang bzhin gang la yod pa de la de skad ces bya'o//rmongs pa dang ni zhes bya ba la sogs pa ni bla ma dang dam tshig dang sems can rnams la 'tshe ba rnams rmongs pas na/ dgug pa'i las mthar thug pa las yi ge dang zhes bya ba la sogs pa 'og nas 'byung ba'i tshul du bya'o//nam mkhar 'gro ma zhes bya ba ni ral gri la sogs pa rig pa 'dzin pa'i dngos grub po/ /gzhan gyi grong zhes bya ba ni man ngag ji lta ba bzhin goms pa'i stobs kyis rang gi lus las rnam par shes pa phyung ste/rnam pa dang bral ba gzhan gyi lus rab tu gzhug pa'o/ /sogs pa'i sgras ni gang du 'pho ba gzung ngo / /mi snang ba zhes bya ba ni skye bo thams cad kyi dbang po las 'das pa'o/ /zhe 'gras pa zhes bya ba ni dkon mchog gsum la sogs pa la sdang ba rnams phan tshun du mi mdza' bar bya'o//rmugs pa nyid ces bya ba ni lkugs pa'o/ /sa 'og 'gro zhes bya ba ni rdo rje sa 'og las bstan pa'i gnas rnams su'o/ /rig 'dzin 'khor los sgyur zhes bya ba ni bcos ma ma yin pa'i gser la sogs pa'i 'khor los sgyur ba'o/ / rnal 'byor sgyu ma'i rig pas ni/ /zhes bya ba la rnal 'byor ni thabs dang shes rab kyi rang bzhin no/ /sgyu ma ni sku'o/ /rig pa ni chos thams cad gcig gi bdag nyid kyi rang rig pas so/ /yi ge zhes bya ba ni 'og nas 'byung ba'i khe la sogs pa'am gzhan gyis kyang ngo / / sngags kyi gzugs zhes bya ba la yid skyob par byed pas na sngags te/ de'i gzugs kyis ji skad bshad pa'i gnas rnams su dgod pa dang 'og nas 'byung ba'i kha dog dang nyams dang zhal gyi bdag nyid can gyi gzugs so/ /rnal 'byor pa ni zhes bya ba ni bsgom pa la mngon par dga' ba rnams so//rnam par byed ces bya ba ni rnam pa sna tshogs pa'i las rnams rdzogs par mdzad pa'o/ /ci ste mu stegs can la yang 'di yod pa nyid do zhe na/ rgyal ba'i sras la snying rjes so/ /zhes bya ba ni bye brag go/ /gzhan dag na re/ rnal 'byor rig pa'i yi ge ni/ /zhes bya ba la rnal 'byor pa ni bcom ldan 'das rdo rje mkha' 'gro'o/ /sgyu ma ni sgyu 'phrul chen mo ste de nyid rig pa'i bdag nyid can no/ /yi ge zhes bya ba la chos thams cad rang bzhin gyis mi 'gyur bas na yi ge ste bde ba chen po'o/ /sngags kyi gzugs zhes bya ba la shes pas na man te shes rab po//skyob pas na tra ste snying rje'o/ /de'i bdag nyid can gzugs so/ /rnal 'byor pa ni zhes bya ba ni bsod nams dang ye shes kyis gzhan gyi don la sbyor ba'i ngang tshul gang la yod pa de la de skad ces bya'o/ /rnam par byed ces bya ba ni rmongs pa la sogs pa rnam pa sna tshogs pa ste/las bco lnga po rnams byed pa'o/ /bklags pa dang ni zhes bya ba la sogs pa ni thos pa dang bsams pa dang bsgoms pa'i shes rab rnams so/ /ting nge 'dzin gyis zhes bya ba ni sems rtse gcig pas so/ /bklags pas zhes bya ba la sogs pa ni sdig pa dang bral ba rnams kyis bklags pa ste/thos pa dang bsams pa dang bsgoms pa rnams la goms pas 'grub pa'o/ /rig pa zhes bya ba ni mkhyen pa'o/ /rig pa'i dngos grub ces bya ba ni chos dang longs spyod dang sprul pa'i bdag nyid can gyi dngos grub bskyed par mdzad pa'o//byed par 'gyur zhes bya ba ni gzhan dag la yang lam 'di nyid bstan pas phyag rgya chen po'i dngos grub la sbyor bar mdzad pas so/ /bsnyen gnas med ces bya ba ni brtul zhugs kyi spyod pa med pas so/ /dka' thub med ces bya ba ni ji skad du bstan pa'i phyag rgya bkag pa med pas so//dka' spyod med ces bya ba ni skra 'bal ba la sogs pa med pas so/ /smyung ba med ces bya ba ni tshes brgyad la sogs pa rnams su zas spong ba med pas so/ /sdom pa med ces bya ba ni ji skad bshad pa'i bsgom pa ma gtogs par lus dang ngag dang sems kyi bya ba med pa'o//dga' dang zhes bya ba ni 'dod pa'i yon tan lnga las skyes pa'i tshim pa'o/ /bde bas zhes bya ba ni nang gi bdag nyid kyi bde bas yongs su gang bas so/ /shes rab kyis zhes bya ba ni shes rab dang thabs rnam par dag pa'i lha rnams kyis so/ /sogs pa'i sgras ni 'di mchod pa dang smon lam la sogs pa bla na med pa'i sgom pas 'grub par 'gyur ro//lte ba zhes bya ba ni pad+ma'i lte ba ste/ de'i dbus gnas zhes bya ba ni rtag tu gsal zhing 'bar ba'i tshul gyis so/ /dpa' bo zhes bya ba ni bag chags dang bcas pa'i nyon mongs pa'i dgra las rgyal bas so/ ge sar gsang ba'i spyod yul zhes bya ba la sogs pa ge sar gyi ming gi rnam grangs gzhan sna'i rtse mo zhes bya'o/ /gsang ba ni sbas pa ste de'i spyod yul gyi cha byad can gang yin pa de la de skad ces bya'o/ /gzhan gyis rig par bya ba ma yin pa'o/ /gdul bya'i skye bo rnams mos par bya ba'i phyir 'og nas 'byung ba'i lha rnams kyi rnam par dag pa spros pa med pa'i rang bzhin yin na'ang rnam pa lngar spros pa'i bdag nyid kyis shes par bya ba gsungs pa/sems dang zhes bya ba la sogs pa ste/ rtog pa thams cad dang bral zhing rang bzhin gyis 'od gsal ba'i chos kyi dbyings bla ma'i yang bla mar ye shes kyi khyad par can bskyed pas me long lta bu'i ye shes kyi rang bzhin gyi sems so//sems dpa' zhes bya ba ni de tsam gyi sems can thams cad kun du gnas pas na/ mnyam pa nyid kyi ye shes kyi bdag nyid can ni sems dpa'o/ /bsam pa'i gzugs zhes bya ba ni/bdag dang sems can dang bral ba'i sems tsam yin pas so sor rtog pa'i ye shes kyi mtshan nyid ni sems kyi gzugs so/ /ye shes zhes bya ba ni rnam par rtog pa thams cad kyis bdag nyid 'gags kyang sngon gyi 'phen shugs kyis yid bzhin gyi nor bu rin po che ltar 'khor ba ji srid kyi bar du sems can rnams kyi 'jig rten dang 'jig rten las 'das pa'i don ma lus par phun sum tshogs par mdzad pas na bya ba grub ba'i ye shes kyi bdag nyid ni ye shes so//shes bya'i rang bzhin zhes bya ba la rang bzhin gyis dri ma med cing rnam par dag pa'i rang bzhin gang yin pa de la de skad ces bya'o//rnam pa thams cad du bsam du med pa'i rnam par dag pa 'dzin par byed pa'i chos kyi dbyings kyi ye shes kyi bdag nyid kyi shes bya'i rang bzhin zhes bya bar dgongs so/ /de ltar gyur ba'i ye shes lnga po sku gsum gyi rang bzhin du bstan pa'i phyir de ni bdag gis zhes bya ba la sogs pa gsungs te/gong du gsungs pa'i ye shes lnga po rnams kyi nang na me long lta bu dang mnyam pa nyid dang / shin tu rnam par dag pa chos kyi dbyings kyi rang bzhin rnams ni nyan thos dang rang sangs rgyas thams cad dang byang chub sems dpa' rnams la ring du gyur cing 'jug par dka' la shin tu rnam par dag pa'i mthar phyin pa gzhan gyis myong ba ma yin pa'i bdag nyid can yin pas zab mo ste chos kyi sku'o//sangs rgyas zhes bya ba ni byang chub sems dpa' la sogs pa'i thun mong du gyur pa'i so sor rtog pa'i ye shes kyi bdag nyid mtshan dang dpe byad kyis brgyan pa'i bdag nyid can yin pas longs spyod rdzogs pa ste sangs rgyas so//bstan pa zhes bya ba ni gdul bya rnams sdig pa mi dge ba rnams las rjes su skyob pa sngon du 'gro bas mngon par mtho ba dang nges par legs pa'i don phun sum tshogs pa la dgod pas na bya ba nan tan gyi ye shes ni dbyings kyi bdag nyid de sprul pa'i sku'i rang bzhin no//de yang / sngags dang dbyings dang chos bdag nyid/ /sbyor ba rnam gsum gyis shes te/ /ye shes rnam pa gsum gyis ni/ /srid pa'i nyes pas gos mi 'gyur/ /zhes gsungs pas so/ /A li kA li zhes bya ba ni dbyangs dang gsal byed rnams so//mnyam pa zhes bya ba ni 'khor lo bzhi'i ngos rnams su/ hUM gi skud pas mnyam par 'dud pa'o/ /ri mo zhes bya ba ni oM gyi gzugs can gyi shes rab ste/ lte ba sprul pa'i 'khor lo drug cu rtsa bzhi'o/ /sbyar ba ni ldan par bya ba'o/ /ri mo'i steng du zhes bya ba ni steng du bltas pa'o//'bar na zhes bya ba ni 'og tu rlung dang me'i dkyil 'khor dag gis sbar ba'o/ /'og tu 'bar zhes bya ba ni mgo bor bde ba chen po'i 'khor lo 'dab ma sum cu rtsa gnyis nas kha 'og tu bltas nas 'bab pa'o/ /byed ces bya ba ni mi shigs pa'i rang bzhin no//ji ltar 'bab ce na khu ba'i tshul gyis so/ /bdud rtsi zhes bya ba ni gang gis sems can rnams 'ching bar mi 'gyur ba de ni bdud rtsi ste/ rnam par shes pa sngon du 'gro ba byang chub kyi sems so/ /'dis ni sngags kyi sku bstan pa yin no/ /yang na A li kA li zhes bya ba ni//mdzes ma dang / ro bcud ma'o/ /mnyam byas zhes bya ba ni mtshungs par ro/ /ri mo zhes bya ba ni kun bskyod ma'o/ /de la zhes bya ba ni de ru'o/ /sbyar bar bya zhes bya ba ni dbus su yang dag par ldan par bya ba'o/ /'bar ba ni gsal ba'o/ /ri mo'i steng zhes bya ba ni steng du kha bltas pa'o//ni zhes bya ba ni de nas so/ /'og tu zhes bya ba ni 'og tu kha bltas pa ste rdo rje'o/ /'bab pa ni yang dag par bskyed pa ste phung po dang khams dang skye mched rnams bde ba chen po'i ngang tshul gyis yang dag par bskyed pa'o/ /byed pa zhes bya ba ni rgyu ste gzhan dag na ni rgyur mi rung ba'i phyir ro/de yang gsungs pa/ nga las 'gro ba thams cad 'byung / /sa gsum po yang nga las skyes/ /zhes gsungs pas so/ /khu ba'i tshul gyis zhes bya ba ni/ /bdud rtsi ste/ byang chub kyi sems kyi rang bzhin gyis so/ /bdud rtsi zhes bya ba ni 'chi ba med pa'i phyir ro//thigs pa'i gzugs zhes bya ba ni chung ngu dang 'bring po dang chen po'i yang chen po'i dbye bas so/ /bla na med pa'i bde ba chen po'i rang bzhin can no/ /gang gang zhes bya ba la sogs pa la dngos po gang dang dbang po'i shes pa'i spyod yul du gyur pa de dang / de'i rang bzhin gyis spros pa med pa nyid do//mchog tu zhes bya ba la sogs pa la mchog kyang yin la gyur pa yang yin pas mchog gyur de shes rab bo/ /phan pa ni snying rje'o/ /de dag gi rnal 'byor ni sbyor ba ste des sa/ /sangs rgyas rang bzhin zhes bya ba ni rtog pa skye ba'i bdag nyid do/ /thams cad ces bya ba ni ma lus pa'o//'gyur zhes bya ba ni bsgom par bya ba'o/ /des ni chos kyi sku bstan pa'o/ /dam tshig chen po'i dngos grub ces bya ba la chen po ni ting nge 'dzin brnyes pas so/ /dam tshig ni phyin ci log gi rtog pa rab tu 'joms pa'i thabs te de'i dngos grub po/ /ril bu chen po zhes bya ba la sogs pa la don chen po la sbyor bas na chen po ste/chen po yang yin la ril bu yang yin pas na ril bu chen po ste/ de'i sgrub pa ni tshes brgyad ces bya ba 'og nas 'byung ba'i cho ga'o/ /sgyu 'phrul chen mo rab sbyor ba/ /zhes bya ba ni/ dam tshig dang sdom pa la sogs pa shes pa'i las kyi phyag rgya sgyu 'phrul chen mo'i rnam par bskyed pa ste/ de bzhin gshegs pa thams cad bzhugs pa sngon du 'gro ba'i byang chub kyi sems las der rab tu sbyor ba'o/ /sbyor ba ni shes rab dang thabs kyi snyoms par 'jug pa'o/ / sam zhes bya ba ni bde ba ste/ pa ra zhes bya ba ni bla na med pa'o/ /byed ces bya ba ni las kyi phyag rgya'i mgo bo bla ma'i brla steng du bzhag la pad+ma dang / rdo rje byin gyis brlabs pa sngon du 'gro bas de bzhin gshegs pa thams cad bsten pa'i blos slob ma gsang ba'i nye bar spyod pa byin gyis brlabs te/dga' ba la sogs pa rab tu dbye ba sngon du bya'o zhes bya ba'i don to/ /mchod pa lnga zhes bya ba ni me tog la sogs pa rnams so/ /'dod pa'i yon tan lnga zhes bya ba ni gzugs la sogs pa'o/ /sgrub pa'i dbang po zhes bya ba ni sgrub pa po'i mchog gi dbang bskur ba'i dus su thams cad nges par bya'o//dngos grub ces bya ba ni chos thams cad dbyer med pa'i de bzhin gshegs par bskyed pa'o/ /shin tu rtag pa zhes bya ba ni kun brtags pa'i rnam pa thams cad stong pa nyid kyi rab tu gnas pa'i phyir ro/ /gang zhig ces bya ba la sogs pa ni gong du bstan pa'i ye shes kyis so//lha'i gnas zhes bya ba ni nye bar mtshon pa ste/ khams gsum po rnams su yang ngo / /'phro zhes bya ba ni bde ba chen po'i rang bzhin gyis rtogs pa'o/ /de ni bdag gis zhes bya ba la sogs pa la/ bshad par bya zhes bya ba ni rab tu bstan par bya ba'o/ /bden pa zhes bya ba ni 'di las mchog tu gyur pa'i rgyud gzhan med pa'o//rgyu 'phrul chen mo zhes bya ba la chen mo ni 'byung ba dang / 'byung ba las gyur pa'i spros pa rnams te de dag sgyu ma'i rang bzhin can yin pas so/ /'jig rten gsum sgrub ces bya ba la 'jig rten gsum gyi chos thams cad yang dag pa ji lta ba bzhin du bsgrub pa'o//rnal 'byor chen mo zhes bya ba la chen mo ni gzhan gyi don bsod nams dang / ye shes te der sbyor ba'i ngang tshul gang la yod pa de la de skad ces bya'o/ /bzang po zhes bya ba ni bde ba chen po ste gsal ba'i phyir ro/ /yi ge zhes bya ba ni a nas ha'i mthar thug pa ste/'di don dam pa ni nyi ma'i dkyil 'khor la thig le dkar po lnga la lha thams cad gzhug pa sngon du 'gro bas 'byung ba bzhi rnam par dag pa'i phyogs bzhi'i thig le las byung ba'i lha mo bzhir bskyed de/ de nas de rnams kyi glus bskul ba'i mthar dbus kyi thig le las byung ba'i hUM gis rdo rje mkha' 'gro bskyed pa yin no//phreng ba rnams zhes bya ba la/ 'dir man ngag ni bcom ldan 'das kyi thugs kar zla ba dang / nyi ma kha sbyar ba'i dbus su dbyangs dang gsal byed kyis rnam par brgyan pa ste/ de yang sbrul 'khyil ba lta bu'i thig le'i phreng ba phyed dang bcas pa'i bdun gyis bskor bar bsams la/yi ge gsum gyi sgra yis rlung steng du dbyung zhing gzhug la gnas pas ni rlung phra mo'i thig le'i dbus su gnas par bya'o/ /gang zhig ces bya ba la sogs pa la sgom pa gang gis rten dang brten pa'i rang bzhin gyis khams gsum po ma lus pa rnams kyi chos kyi dbyings kyi rang bzhin gyis rdzogs par mdzad pa'o//'dod pa thams cad ces bya ba la sogs pa la 'dir rigs lnga'i 'dod pa lnga la nye bar longs spyod pas kyang goms pa dang ldan pa rnams kyis 'grub par 'gyur ro/ /rol pa zhes bya ba ni rtse ba'o//rnal 'byor pa chen mo zhes bya ba ni bdag dang gzhan gyi don chen po sbyor ba gang la yod pa'o/ /rnal 'byor ma rnams zhes bya ba ni zhing skyes ma dang sngags skyes ma dang lhan cig skyes ma ste/ /de rnams kun dang lhan cig tu chos thos pa sngon du 'gro bas de bzhin gshegs pa'i bde ba bla na med pa la rol pa ste rtse ba'o//rnal 'byor bdag nyid ces bya ba ni/ gcig tu grub pa sgyu 'phrul chen mo la sbyor ba'o/ /rnam pa sna tshogs gzugs su zhes bya ba ni sprul pa rnam pa sna tshogs kyi gzugs kyis so/ /dngos grub chen po zhes bya ba la sogs pa ni sems can thams cad la chos ston pa sngon du 'gro ba'i de bzhin gshegs pa'i dngos grub bla na med pa rab tu ster ba'o//bcud len zhes bya ba la sogs pa la 'di dag ni nye bar mtshon pa tsam ste/ gzhan yang dman pa'i dngos grub phra mo rnams sems can thams cad ji ltar 'dod pa bzhin mngon par mtho ba dang nges par legs pa rab tu sogs pa'o//de yang phyag rgya chen po'i dngos grub thob na sngags dang sman gyi rab tu sbyor bas sems can kun la bde ba ster ba'o/ /gar ni thugs rjes bsams bzhin mdzad/ /ces bya ba ni bsdus pa'i tshigs su bcad pa'o//khu ba dgug dang zhes bya ba ni/ lha'i rnal 'byor sngon du 'gro bas yi ge khe dang zhes bya ba 'og nas 'byung ba bzhin du bya'o/ /chang zhes bya ba ni rta'i rnam pa'i zhal zhes bya ba la sogs pa 'og nas 'byung ba bzhin du shes par bya'o/ /gong bu dgug pa zhes bya ba la yang sbyor ba rnam pa gsum zhes bya ba la sogs pa 'og nas 'byung ba bzhin du bya'o//sha chen bo ni zhes bya ba ni skye ba bdun pa la sogs pa kha na ma thob med pa'i sha cho ga bzhin du dgug pa sngon du 'gro bas shin tu mnyam par bzhag cing mdzes pa rnams dang lhan cig tu gtor ma sngon du 'gro bas ro 'dzin pas spyad par byas nas sgyu 'phrul chen po'i sbyor bas zos pa tsam gyis mi snang ba la sogs pa'i dngos grub tu 'gyur ro//dngos grub dman pa rnams kyi tshe dang dngos grub la sogs pa gsungs pa/ tshe ring zhes bya ba la sogs pa ste/ de yang de'i tshe ni 'phel bar 'gyur te zhes bya ba la sogs pa gsungs so//brtson 'grus chen po zhes bya ba ni sems can thams cad la phan 'dogs pa'i phyir 'khor ba ji srid kyi bar du smon lam 'dzin pa'o/ /gzi brjid che zhes bya ba ni/ sems can rnams la phan gdags pa'i phyir bdag nyid gzi brjid can du byed pa'o//stobs che zhes bya ba gdul bya rnams mos par bya ba'i phyir sred med kyi bu'i stobs pas kyang lhag pa'i stobs byed pa'o/ /mig gi mngon par shes pa ma gtogs par phra ba dang rags pa dang thag nye ba dang rgyang ring ba'i dngos po rnams shes par bya bar nus pa'i phyir gsungs pa/lha'i mig dang zhes bya ba gsungs so/ /rdzu 'phrul ma gtogs par sems can thams cad yang dag par 'dun par mi 'gyur bar gsungs pa rdzu 'phrul dang ldan zhes bya ba ste/ de dag gis ni dbus na gnas pa ma smos pa'i lha'i rna ba dang sngon gyi gnas rjes su dran pa dang / gzhan gyi sems shes pa dang / zag pa zad pa'i mngon par shes pa rnams kyang gzung bar shes par bya'o/ bdud rtsi btung bas gdul ba'i dbang du byas te gsungs pa/ /zla ba 'thung ba zhes bya ba la sogs pa la/ lha la sogs pa'i bdud rtsi bkug ste/ sems can rnams dang lhan cig tu nyin re zhing btung pa'o//pra ti ha r+ya zhes bya ba la pra ti ni so so'o/ /ha r+ya ni sems can rnams kyi yid 'phrog pa ste/ sprul pa sna tshogs kyi rdzu 'phrul gyis 'dun par byed pa'o/ /blta bas mi ngoms pa'i lus zhes bya ba ni lus skye bo thams cad kyis mthong na kun du tshim par byed pa'o//rang gi gzugs ni yongs brjes shing / /zhes bya ba ni bsams pa tsam gyis 'dod pa'i gzugs 'dzin par 'gyur ro/ /bklags pas 'grub ces bya ba ni/ sdig pa dang bral ba rnams kyis bklags pa tsam gyis myur du dngos grub rdzogs par byed pa'o/ /don yod pa zhes bya ba ni de bzhin gshegs pa thams cad kyi bla na med pa'i 'bras bu dang bcas pa'o//rig ma'i dbang phyug ces bya ba ni gzugs yongs su brje ba la sogs pa'i rig pa thams cad kyi gtso mo sta sgyu 'phrul chen mo ste zhes bya ba'i ming can no/ /nga'i zhes bya ba la sogs pa la nga ni thams cad gzigs pa'i rdo rje mkha' 'gro ste/de'i rig pa dang mnyam pa yang med na lhag pa lta ci smos/ /rgyud rnams kun du zhes bya ba la sogs pa la/ don lhag par rtogs pa'i sgra'i gzhung gi tshogs ni lung ngo / /khrod la ni sangs rgyas mkha' 'gro ma'o//mdzes ma zhes bya ba ni sngags rgyud thams cad 'dzin pa'i skal pa yod pas so/ /bshad pa ni bshad pa'o/ /rnal 'byor ma'i dbang phyug ma zhes bya ba la sogs pa thabs dang shes rab dag la dbang phyug tu gyur pa ni rig pa yang yin la chen po yang yin pas rig pa chen po ste rang rig pa'i bdag nyid kyis so//de'i dngos grub kyi mtshan ma ni rgyu ste gzhung gang gis de nges par bstan pa de la de skad ces bya'o/ /dang po ni gnyis pa la ltos pa'o/ /sgyu 'phrul chen mo'i rgyud kyi 'grel pa dran pa zhes bya ba las le'u dang po'i bshad pa'o// //de nas zhes bya ba ni/ dang po bshad pa'i 'og tu'o/ /rnal 'byor ma'i dbang phyug chen mo zhes bya ba ni/ bdag dang gzhan gyi don nus pa'i sbyor ba la dbang bsgyur bas de la de skad ces bya'o/ /gsang ba zhes bya ba ni sku dang gsung dang thugs so/ / yi ge ni oM dang AHdang hUM ngo / /bzang po zhes bya ba la sogs pa la/ bzang po ni rnam pa bzhi ste/ de la bdag gi bzang po ni bde ba chen po'i rang bzhin no/ /gzhan gyi bzang po ni/ de'i rang bzhin gyis sems can thams cad kyi rgyud la lhag par gnas pa'o/ /dus kyi bzang po ni dus gsum du rnam par mi 'jigs pa'o//ye shes kyi bzang po ni rnam par mi rtog bzhin du sems dang sems las byung ba thams cad yongs su mkhyen pa'o/ /rab tu bshad par bya zhes bya ba ni khyad par du bstan par bya ba'o/ /sbyor ba'i 'bras bu rab ster ba/ /zhes bya ba ni/ sbyor ba ni shes rab dang thabs kyi bdag nyid de dngos grub po//de nyid kyi 'bras bu ste de ster ba'o/ /gang zhig ces bya ba la sogs pa ni gsang ba'i yi ge bsam pa'o/ /rnal 'byor ma zhes bya ba ni zhing skyes ma dang sngags skyes ma dang lhan cig skyes ma'i rang bzhin no/ /mchog ster zhes bya ba ni mngon par 'dod pa'i don ster ba'o//dang po'i yi ge sbyor ba yis/ /zhes bya ba ni sngags thams cad kyi dang por gyur pa ni/ oM ste yi ge oM brjod pas sna sgo'i dbugs dbyung bar bya'o/ /brgyad kyi mtha' zhes bya ba ni sde tshan gyi tha ma ha ste/ de dang u bya ba'i ring po dang thig ler zhes bya ba thig le'i sgra dang lhan cig tu ste/yi ge hUM gi rlung snying gar gnas par bya'o/ /dbugs rngub ces bya ba ni man ngag gi yi ge AHsa rlung nang du gzhug par bya'o/ /rnal 'byor pa zhes bya ba ni sgom pa la mngon par dga' ba'o/ /dngos dang dngos med rnam spangs pa/ / zhes pa la kun brtags pa'i rang bzhin thams cad ni dngos po dang dngos med pa ste de dang bral bar bsgom pa'o/ /de yang gsungs pa/ rlung gi phreng ba gang yin pa de dpal gyi slob dpon no zhes bya ba'o/ /de yis bya ba ni/ de ltar gyur pa'i bsgom pa'o/ /ma bshad ces bya ba ni yul dang dus dang rnam pa la sogs pa'i nges pa ma gsungs so//phreng ba med ces bya ba ni shel la sogs pa'i bgrang phreng med pa'o/ /sngags med ces bya ba ni phyi dang nang gi brjod par bya ba'i sngags so/ /gzung ba zhes bya ba ni phyi dang nang gi sems kyis gzung ba'o/ /sbyin sreg med ces bya ba ni phyi dang nang gi sbyin sreg go//gcig na gcig tu bzlog par 'gyur/ /zhes bya ba ni las kyi tshogs mang po gzhan yang rang nyid rang bzhin gyis ldog par 'gyur ro/ /sngags zhes bya ba ni mig la sogs pa'i gnas drug tu bkod pa'i oM la sogs pa'i sngags so/ /dbyibs zhes bya ba ni 'og nas 'byung ba'i tshul dang /mdog dang dbyibs dang phyag dang zhal gyi bdag nyid can no/ /chos zhes bya ba ni kun brtags pa thams cad las rnam par grol ba'i rang bzhin nyid do/ /sbyor ba zhes bya ba ni shes rab dang thabs kyi bdag nyid do/ /rnam gsum zhes bya ba ni gsum gyi bdag nyid do//shes bya ste zhes bya ba ni bdag dang gzhan gyi don mngon par 'dod pas don du gnyer ba'o/ /gsungs pa/ mig la sogs pa sngags yin te/ dbyibs ni lha yi rnam pa'o/ /dmigs med sku ni chos nyid de/ /'di ni rnam gsum sgom pa'o/ /zhes gsungs pa dang / yang / de nas thams cad sbyor de nyid/ /rnam gsum rim gyis bsgom bya ste/ /sngags dang dbyibs dang chos kyi bdag /chos dang longs spyod sprul pa'o/ /zhes gsungs pa'o/ /spros pa med pa'i sgom pa rnam pa gsum gyis ci zhig tu 'gyur zhe na/ gsungs pa srid pa zhes bya ba la sogs pa la las dang nyon mongs pa'i bag chags las byung bas na srid pa ste sems so//de'i nges pa ni dpag tu med pa'i shes pa dang / shes bya dang nyon mongs pa dang las dang skye ba'i sgrib pa rnams kyi mtshan nyid de/ mi gos pa zhes bya ba ni yang phyis skye bar mi 'gyur ro/ /de yang gsungs pa/phung po ye shes kyis dag cing / /rnal 'byor mas ni khams rnams sbyangs/ /mig sogs dag ni dag pa ste/ /ye shes gsum gyis skyon med pa'o/ /zhes so/ /gzhan dag na re sngags zhes bya ba ni/ A li kA li la sogs pa'i sngags kyis sku bstan pa ste/ming gi khyad par gzhan yang longs spyod rdzogs pa'i sku zhes bya'o/ /dbyibs zhes bya ba ni/ yid kyis pad+ma bsam bya ba/ /zhes bya ba la sogs pa 'og nas 'byung ba bzhin du shes par bya ste/ ming gi rnam grangs gzhan yang sprul pa'i sku zhes bya'o/ /chos zhes bya ba ni lte ba'i dbus gnas zhes bya ba la sogs pa ste chos kyi sku'o//de yang / A li kA li 'khor lo bzhi/ /sngags kyi sku ru rnam par bsgom/ /gzugs sogs thams cad rnam dag pa/ /he ru ka yi dbyibs su bya/ /bla ma'i lung gis legs sbyangs pa/ /chos kyi sku ru rnam par bsgom//zhes bya ba ni bsdus pa'o/ /sbyor zhes bya ba ni/ 'dis sbyor bas na sbyor ba ste shes rab dang thabs kyi bdag nyid do/ /rnam gsum zhes bya ba ni bye brag gsum ste/ chos dang longs spyod dang sprul pa'i sku'i mtshan nyid do/ /ye shes rnam pa gsum gyis ni/ /zhes bya ba ni sbyor ba ni sbyar ba rnam pa gsum gyi ye shes de nyid kyis so//srid pa zhes bya ba ni phyin ci log gi bdag nyid kyi 'khor lo'o/ /nyes pa zhes bya ba ni/ lus dang ngag dang sems sun 'byin par byed pas na 'dod chags la sogs pa'i nyon mongs pa bag chags dang bcas pa'o/ /gos mi 'gyur zhes bya ba ni/des rdul tsam gyis kyang reg par mi 'gyur zhing 'ching bar mi 'gyur ba'o/ /de yang dang po rnal 'byor gyis/ /sprul pa'i gzugs ni bsgom par bya/ /sprul pa la ni brtan gyur na/ /longs spyod rdzogs pa brtan par bsgom/ /sprul pa'i gzugs ni brtan pa dang / / longs spyod rdzogs par snang ba tsam/ /de nas chos sku dmigs su med/ /'di ni mdo ru bsdus pa'o/ /zhes gsungs so/ /de ltar zhes bya ba ni/ gong du gsungs ba'i bsgom pa'i rnam pa'o/ /rgyun du zhes bya ba ni gnas skabs thams cad du'o/ /rnal 'byor zhes bya ba ni chos thams cad kyi bya ba la mkhas pa'o//rtag tu zhes bya ba ni dus thams cad du'o/ /goms pa zhes bya ba ni lus dang sems yang dag par gyur pa nyid da/ /rdo rje sems dpa' zhes bya ba la rdo rje ni bla na med pa'i sems so/ /de nyid ni sems can gyi don byed pas na sems dpa' ste/ des mnyam pa ni dbyer med pa'i rang bzhin no//de yang gsungs pa/ tshogs dang chos kyi sku dang ni/ /'gro ba'i don ni spyod pa yis/ /sangs rgyas thams cad mnyam pa nyid/ /rigs dang tshe yi tshad kyis min/ /zhes so/ /zla ba drug gis de 'grub ces bya ba ni/ zla ba drug gis goms par rdzogs par gyur pa la 'dir the tshom med do//mngon par phyogs par legs 'dus pa/ /zla drug tsam gyis nges par ni/ /rnal 'byor pa yis nyer bsten pa'i/ /rnal 'byor chen po 'di gsal 'gyur/ /zhes gsungs pa'i phyir sngar gsungs pa dang gsungs pa'i las kyi cho ga bshad par bzhed nas gsungs pa/dbang po mdog dang zhes bya ba la sogs pa ste/ in+d+ra ni srog chags lta bu chu gsher ro/ /de'i mdog ni dmar po ste/ /mdog de dang yang dag par ldan pa'o/ /dang por yi ge bsgom bya ste/ /zhes bya ba ni/ dbyangs yig rnams kyi dang po a thung ngu rna ba'i gnas su dgod pa'o//gang gis zhes bya ba la sogs pa ni/ gang gi don du sngags kyis rig pa rab tu sbyar bar byas na de'i mod la de nyid du 'grub par 'gyur ro/ /yi ge gnyis pa zhes bya ba ni a ring po'o/ /yang dag par ldan zhes bya ba la sogs pa la/ gong du gsungs pa'i mdog dang ldan pa'i yi ge mgrin pa'i gnas su dgod pa sngon du 'gro ba lha'i rnal 'byor gyis sa gsum po ma lus pa de'i mod la 'ong bar 'gyur ro//tshangs pa zhes bya ba la sogs pa ni go sla'o/ /ye shes zhes bya ba ni/ sems brtan par gyur ba'i ye shes kyis so/ /yi ge zhes bya ba ni gong du gsungs pa'i yi ges so//bskul byas zhes bya ba ni/ yi ge dang ye shes dgug par 'gyur zhes snga ma dang yang sbyar ro/ /cha byad ces bya ba ni/ lha mo'i cha byad do/ /yi ge las byung zhes bya ba ni/ snying ga'i sa bon las spros te lcags kyu dang / zhags pa dmar po phyag na bsnams shing sku mdog dmar por bsgom par bya'o//sku gsung thugs la legs gnas pa/ /zhes bya ba ni/ oM AHhUM zhes bya bas byin gyis brlabs pa ste/ bsgom byas na zhes bya ba ni/ bsgom pas so/ /sbyor ba rnam gsum zhes bya ba ni bsgrub bya rlung gi dkyil 'khor la bskyon te/mgrin pa zhags pas bcings nas/ snying ga lcags kyus phug ste/ bar snang las kun du 'ong bar bsam mo/ /yi ge k+Sha dang zhes bya ba la sogs pa la bla ma dang dam tshig dang sems can la 'khu ba rnams la sbyin pa dang bkur sti sngon du 'gro bas gsol ba btab kyang bzlog par mi nus na/thabs gzhan dag ni ma mchis pas des na khyed kyis 'di btang mdzod ces bya bas de bzhi ni gshegs pa thams cad la gsol ba btab pas de mkhyen nas yongs su gtong bar 'gyur te/ de ltar snying rje chen po'i bsam pas rang gis bsten pa'i rig ma'i mtshan ma bsten pa rnyed pa'i sngags pas bla ma la sogs pa la gnod par byed pa dmyal ba la sogs pa'i sdug bsngal bzlog par bya ba dang /sems can rnams mchog gi theg pa la mngon par dad par bya ba'i phyir 'ga' zhig tshar gcod pas rjes su gzung bar bya'o//kha dog drug dang zhes bya ba la sogs pa ni yi ge drug po dpral ba la sogs pa'i gnas drug tu cho ga ji lta ba bzhin du bsam zhing khyad par du bsgom par bya'o/ /rnal 'byor mkha' 'gro ma yi tshogs/ /zhes bya ba ni dmigs su med pa'i rdo rje 'dzin pa'i lhan cig skyes pa'i rang bzhin te de'i yang dag par bsags pa ni tshogs te 'dus pa'o//'di'i don ni 'di yin te/ dpa' bo dang dpa' mo'i dbang phyug ma thams cad kyi spyan sngar bla na med pa'i bde ba chen po'i rang bzhin sku gsum gyi bdag nyid du 'grub par 'gyur ro//rdo rje rnal 'byor ma la zhes bya ba ni/ rdo rje ni ye shes lnga'o/ /de sbyor ba'i ngang tshul gang la yod pa de la de skad ces bya'o/ /zhing skyes ma dang sngags skyes ma dang lhan cig skyes ma rnams so/ /grub ces bya ba ni rdzogs par 'gyur ba'o/ /mig gnyis zhes bya ba la sogs pa la/mig gnyis la sogs pa'i ji skad gsungs pa'i gnas rnams su rtse gcig pa'i yid kyis sor mo rnams kyis bkag la mig dang rna ba dang mgo bo rnams su 'od dang sgra dang du ba rnams shes par bya zhing / 'chi ltas zhes bya ba ni mtshan ma gzhan yang man ngag ji lta ba bzhin du shes par byas la/de'i 'og tu rdo rje mkha' 'gro la sogs pa'i rim pa bzhin du dus dang / dus ma yin pa nges par byas la rang gi 'khor dang nor dang nad med pa rnams 'phel ba dang / 'bri ba med par shes par bya'o/ /yang na seng ge zhes bya ba ni/ bcom ldan 'das kyi chos kyi sku ste/phyin ci log gi ri dgas 'jigs par mdzad pa'i phyir ro/ /rnam par rol pa zhes bya ba ni longs spyod dang sprul pa'i bdag nyid de/ phyag rgya zhes bya ba ni/ bdag dang gzhan gyi don la 'debs pas so/ /bcing bar bya zhes bya ba ni/ bdag gi rang bzhin mi g.yo bar bya'o//srog dang rtsol ba zhes bya ba la sogs pa la/ srog dang rtsol ba ni rlung ngo / /bsdams pa ni rtse gcig pa'i sems kyis bkag pa'o/ /skad cig de la zhes bya ba ni 'gog pa'i skad cig la'o/ /'bar zhes bya ba ni rang rig pa'i de kho na nyid kyis bdag nyid gsol bar gyur pa'o//de yang / 'gro dang 'ong dang gnas pa nyid/ /dal zhing dal ba'i rim gyis ni/ /zhi ba'i go 'phang mngon phyogs nas/ /de nas rang bzhin med par 'gro/ /zhes gsungs so/ /gzugs kyi khams kyi gnas bcu bdun gyi nang gnas gtsang ma gtso bor byas te gsungs pa 'og min zhes bya ba la sogs pa la 'og min gyi srid pa'i mthar thug pa gang dag yin pa de dag la de skad ces bya ste/'di ltar mi che ba dang / mi gdung ba dang / gya nom snang ba dang / shin tu mthong ba dang / 'og min te lnga dang / rgyu ba zhes bya ba ni/ 'dod pa'i khams kyi gnas ris nyi shu ste drug pa ste/mi rgyu ba zhes bya ba ni/ gzugs med pa'i snyoms par 'jug pa bzhi ste bdun pa'o/ /yang na 'og min ni gzugs kyi khams las gnas gtsang ma'i ming can no/ /'jig rten bdun ni rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa'i rgyu la zhugs pa rnams rgyu dang 'bras bur phye bas so//lhag ma med pa'i mya ngan las 'das pa ni 'gog pa'i 'bras bu tsam ste gnas med pas ni ma gsungs so/ /rgyu ba zhes bya ba ni sems can gyi 'jig rten no/ /mi rgyu zhes bya ba ni 'byung ba dang 'byung ba las gyur pa thams cad do//yang na 'og min gyi mthar thug par gyur pas dang chu dang me dang rlung dang rnam par shes pa dang / nam mkha' dang chos kyi khams te 'jig rten bdun no/ /rgyu ba zhes bya ba ni sems can thams cad do/ /mi rgyu zhes bya ba ni gzugs med pa'i snyoms par 'jug pa dang / 'gog pa'i snyoms par 'jug pa ste/de dag gis ni zag pa dang bcas pa dang zag pa med pa'i chos rnams dbyer med pa'i rang bzhin bde ba chen po'i tshul gcig pa'i chos sku bstan pa yang yin/ bsgom kyang zhes bya ba la sogs pa la de zhes bya ba ni gong du gsungs ma thag pa'i sems dang sems las byung ba'i 'du byed dang bral ba'i rjes su myong ba de bsgoms kyang ngo //de ni rtogs pa ma yin zhes bya ba ni 'gro ba thams cad kyi rang bzhin 'du byed thams cad dang bral ba'i byang chub kyi bdag nyid khong du chud pa ma yin pa'o/ /gal te thams cad ces bya ba la sogs pa la/ gal te yang 'gro ba thams cad kyi rang bzhin gyis bdag nyid rang gi sems tsam du rtogs par gyur na ni de'i 'gro ba'i rol pa rnam par 'jig ces bya ba la 'gro ba'i rol pa ni ma rig pa la sogs pa nas rga shi'i mthar thug pa'i mtshan nyid de 'jig pa'o//de'i phyir zhes bya ba la sogs pa la de'i phyir zhes bya ba ni rtag tu da ltar byung ba yin kyang ngo //gsang ba zhes bya ba ni 'phags pa nyan thos la sogs pa rnams kyi spyod yul ma yin pa'i phyir ro/ /ye shes zhes bya ba ni rnam par mi rtog kyang bems po la sogs pa'o/ /mi gsal zhes bya ba ni mtshan ma dang rnam par rtog pa thams cad kyis brtag par mi nus pa'i phyir ro//yi ge med ces bya ba ni thig le dang sgra dang bral ba'i phyir ro/ /gang phyir sangs rgyas rnams kyis mkhyen/ /zhes bya ba ni/ bcom ldan 'das gcig pu nyid kyis mkhyen pa'o/ /ji lta bu zhe na/ rnal 'byor nyid dang yang dag ldan/ /zhes bya ste/ rnal 'byor ni thabs dang shes rab kyi bdag nyid can no//de nyid ni gnyid de de'i tshul gyis sems dang sems las byung ba thams cad rab tu brgyal ba'i phyir ro/ /yang dag ldan zhes bya ba ni yang dag par rtog pa dang ldan pa ste de'o/ /gzugs gcig tu zhes bya ba la sogs pa man ngag las pad+ma dmar po 'dab ma bzhi ba'i lte pa la thig le dkar po yid kyis bsams te/thig le der de bzhin gshegs pa thams cad bcug la/ de yongs su gyur pa las rnal 'byor ma bzhi dang bcas pa'i rdo rje mkha' 'gro'i phyag dang zhal dang dbyibs la sogs pa 'gro bzang snying pos mdzad pa'i sgrub thabs kyi rim pa bzhin du shes par byas nas bcom ldan 'das kyi thugs kar sa dang chu rnam par dag pa'i zla ba dang /de'i steng du me dang rlung gi rang bzhin nyi ma bsams la de nyid kyi dbus su dbyangs dang gsal byed kyi rang bzhin gyi thig le dkar po pad+ma'i rtsa ba'i snal ma lta bu dor song ba'i yid kyis bsgom par bya'o//de yang / kha sbyar rang byung gzugs ni der song yid bsgoms nas/ /gso bar dka' ba'i nad kyi tshogs ni 'phrog byed cing / /'o ma'i rgyun ni 'bab pas thugs ni mnyes mdzad pas/ /'chi ba'i dus la bab pas drag po kun kyang 'joms//zhes gsungs te/ bcom ldan 'das de nyid phyag rgya dang bral bar bya'o zhes dgongs so/ /gzhan dag ni gzugs gcig tu ni zhes pa ni rnam pa so so re re ste/ gzugs dang sgra dang dri dang ro dang reg bya rnams so/ /gong bu zhes bya ba ni/ de kho na nyid kyi tshul gcig tu bsdus pa ste/der song yid kyis zhes bya ba ni mi phyed par der song ba'i yid gang yin pa de la de skad ces bya'o/ /de yang shes bya'i bdag nyid bde ba'i rang bzhin du de rnams kyi lhan cig bdag gzugs bsgom par bya ba zhes gsungs so/ /sgo dgu las ni gang byung ba/ /zhes bya ba ni mig la sogs pa las yang dag par 'byung ba'o//rnam bsgom la zhes bya ba ni/ lce sbyang dbus su zhes bya ba la sogs pa 'og nas 'byung ba'i cho gas so/ /rang bzhin med pa zhes bya bas ni/ bza' ba dang mi bza' ba'i rang bzhin mi dmigs pa'o/ /rang blo ldan zhes bya ba ni de bzhin gshegs pa thams cad gus shing brten pa'i blo ste/shes rab dang thabs kyi bdag nyid do/ /rnam par mi rtog ces bya ba ni/ 'og nas 'byung ba'i sngags/ oM a gu ha b+hak+Sha a b+ha k+She haM/ zhes bya ba bzlas pas te/ rtog pa med pa ste des so/ / mthe bo zhes bya ba la sogs pa la de bzhin gshegs pa thams cad spyan drangs bdag la bcug nas yid bzhin zhes bya ba ni/ kun rdzob kyi byang chub sems kyi gzugs nor bu zhes bya ba rdo rje'i nor bu legs gnas zhes bya ba la rang rig pa mngon du byas la de'i 'og tu slob ma'i mig dang lag pa'i spyod yul ma yin par khar zhes bya bar slob ma'i pad+ma'i nam mkhar mthe bong dang mi theg pas byang chub sems sbyin par bya ste/phyag rgyas kyang de bzhin du bya'o zhes bya bar dgongs so/ /de bzhin du slob mas kyang / de bzhin gshegs pa thams cad la bsdus pa'i blos longs spyod rdzogs par drangs te phul la/a ho ma hA su kha zhes brjod par bya'o/ /bdud rtsi'i rang bzhin las byung ba/ /zhes bya ba la/ gang gis sems can rnams 'chi bar mi 'gyur ba de ni bdud rtsi ste/ kun rdzob dang de las bzlog pa'i byang chub kyi sems so//dngos grub ces bya ba ni gzhan dang gcig tu phan pa la mkhas pa bde ba chen po'i tshul gcig pa gzhan yang phyag rgya chen po'i ming can ni dngos grub ste/ rtag pa zhes bya ba ni bde ba chen po'i rang bzhin rtag tu da ltar byung ba nyid kyis rgyun mi 'chad pa'o/ /rnal 'byor ma'i dbang phyug ces bya ba la sogs pa la 'dir sbyor bas na rnal 'byor te ting nge 'dzin to//des phun sum tshogs pa thams cad thob pas na dbang phyug go/ /rig pa'i gnas lnga rtog par byed pas na rig pa chen mo ste/ des chos thams cad nyid gcig gi bdag nyid du bsre ba ni sbyor ba ste/ de dag gtan la dbab pa'i gzhung gang gis nges par ston pa de la de skad ces bya'o//sgyu 'phrul chen mo rgyud kyi 'grel pa dran pa zhes bya ba las le'u gnyis pa'i bshad pa'o// //de nas zhes bya ba la sogs pa la rdzas zhes bya ba ni glang po che la sogs pa'i dam rdzas so/ /thams cad mkhyen pa'i 'bras ster ba//zhes bya ba la thams cad mkhyen pa'i 'bras bu ni gzhan la phan 'dogs pa'i mtshan nyid de de ster ba'o/ /gang zhig ces bya ba ni legs par bsgrubs pa'i dam tshig gi bdud rtsi ste/ zos pa tsam gyis zhes bya ba ni phyin ci log gi rtog pa rab tu zhi ba'i bsgom pa sngon du 'gro bas rjes su mthun par longs spyod na 'grub par 'gyur zhes bya ba mngon du phyogs par 'gyur ro//su zhig ce na 'byung po ma rnams te/ 'byung po ni phyin ci ma log pa'o/ /ma zhes bya ba ni sngags skyes ma dang zhing skyes ma dang lhan cig skyes ma ste/ ming gi khyad par gzhan sprul pa'i sku dang longs spyod dang chos kyi sku zhes bya'o//chen po zhes bya ba ni mi'i sha dang ngo / /ril bu mngon par sbyar ba gsungs pa tshes bcu bzhi zhes bya ba la sogs pa la 'dir go rims 'chol pa ste tshes brgyad dang por byas la tshes bcu bzhi'i bar du nyi ma bdun bya'o/ /lhan cig sgo zhes bya ba ni sgo las byung ba dang lhan cig bsgos pa'o//lnga po dag las zhes bya ba ni/ gong du gsungs pa'i sha lnga las so/ /'di dag gis ni 'di skad bstan par 'gyur te/ glang po la sogs pa'i sha dang sgo dgu las 'ongs pa'i rdzas lhan cig tu byas te/ rang shi ba'i ce spyang gi khog pa'i nang du tshes brgyad la bcug ste/nyin zhag bdun du bzhag la de nas bcu bzhi la bton nas btags te/ yungs kar gyi tshad tsam gyi ril bu byas la sbyar ba dang 'bar ba la sogs pa myang par bya'o/ /rgyud 'dir gsungs kyis zhes bya ba ni rgyud gzhan bde mchog la sogs pa rnams su tshad ma gsungs pa'o//'bras bu chen po zhes bya ba ni 'bras bu chen po'i rgyur gyur pa'o/ /sangs rgyas rnams kyi zhes bya ba ni sangs rgyas nyid kyis te/ sbas pa ni gab pa'o/ /bsgom pa'i rim pa gsungs pa/ de nas 'dir zhes bya ba la sogs pa la 'dis 'grub par byed pas na sgrub thabs te/yid kyis pad+ma zhes bya ba la sogs pa rim pa'o/ /pad+ma dmar po zhes bya ba la kha cig ni 'dab ma brgyad par bya'o zhes zer ro/ /gzhan dag na re bsgom pa la ni 'dab ma bzhi par byas la ri mo'i dkyil 'khor la ni 'dab ma brgyad par bya ste/ der nyi ma'i dkyil 'khor la lha mo bzhi dang yang dag ldan zhes bya ba la hUM las skyes pa'i bcom ldan 'das lha mo bzhis bskor bar bltas te/de'i rjes la 'dod chags chen pos zhu bar gyur nas lha mo bzhi'i dbyangs kyis yang dag par bskul la/ /ro'i steng du nyi ma la hUM las skyes pa'i bcom ldan 'das bsgom par bya ba 'di yin no//sangs rgyas gzugs kyis nyer brgyan pa/ /zhes bya ba la sangs rgyas ni sangs rgyas mkha' 'gro ma la sogs pa rnal 'byor ma lnga ste/ de rnams kyi gzugs ni gzhan gyi don la gcig tu gzhol ba'i skur bskyed pa'o/ /nye bar zhes bya ba ni nye 'khor du ste pad+ma'i 'dab ma la'o//brgyan pa ni mdzes par byas pa'o/ /bcom ldan 'das kyi zhal bzhi'i mdog gi nges par gsungs pa/ shar phyogs zhes bya ba la sogs pa'o/ /zhal bzhi zhes bya ba stong pa nyid dang mtshan ma med pa dang / smon pa med pa dang / mngon par 'du bya ba med pa zhes bya ba rnam pa bzhir chos thams cad gsungs pas zhal lo//phyag bzhi zhes bya ba la bzhi ni sbyin pa dang snyan par smra ba dang / don mthun pa dang don spyod pa ste/ des sems can thams cad longs spyod la sbyor bas na phyag go/ /spyan gsum zhes bya ba la gsum ni sku gsum ste/ des sems can thams cad bla na med pa'i bde ba chen po'i gnas su 'dren par byed pas na spyan no/ /lha mo rnams kyang zhal bzhi pa phyag bzhi pa spyan gsum pa sngon po la sogs pa'i mdog can te/ rtsa zhal mdog bzhin lus kun te/ /ser sogs gnas su sngon po lta/ /lha mo rnams kyi phyag mtshan gsungs pa/phyag g.yon pa zhes bya ba la sogs pa gsungs te go sla'o/ /dril bu zhes bya ba ni chos thams cad bdag med pa'i rang bzhin dngos po thams cad sgrub par byed pas ni dril bu'o/ /mdud rtse gsum zhes bya ba ni sku gsum gyi bdag nyid kyis so/ /rin po che zhes bya ba ni de bzhin gshegs pa'i yon tan bla na med pa'i rin po che dang ldan pas so//ba dan zhes bya bas ni sems can rnams la skal ba ji lta ba bzhin du sngags skyes ma dang / zhing skyes ma dang / lhan cig skyes ma'i rang bzhin ltung bar byed pas so/ /ce sbyang zhes bya ba ni 'gro ba 'dul ba'i sbyor bas so//sna tshogs pad+ma zhes bya ba ni/ sems can rnams kyi don sna tshogs mdzad pas so/ /zhags pa ni nyon mongs pa bcings pas so/ /ral gri ni phyin ci log thams cad gcod pa'o/ /rde'u chung zhes bya ba ni rnam pa thams cad du stong pa nyid du sgrogs pa'o//sku gsung thugs kyi rdo rje zhes bya ba ni sku gsum dang ye shes lnga'i bdag nyid can gyi bcom ldan 'das rdo rje mkha' 'gro'o/ /de'i zhes bya ba ni pad+ma'i lte ba la'o/ /dbus su zhes bya ba ni 'byung ba chen po bzhi rnam par dag pa'i lha mo bzhi'i dbus su'o/ /bsam par bya zhes bya ba ni bsgom par bya ba'o//thod pa zhes bya ba la ka ni bde ba'o/ /pA la ni skyong ba ste thod pa'o/ /kha T+wAM ga zhes bya ba ni rnam pa thams cad stong pa nyid kyis so/ /gzhu zhes bya ba ni/ snying rje'i yon tan dang ldan pas sems rtse gcig pa'i bdag nyid kyis so/ / mda' zhes bya ba ni spro ba dang bsdu ba'i rno ba ste/ shes rab kyi de'i rjes su 'gro ba'o/ /dang po ni sngags dang zhes bya ba la oM la sogs pa'i yi ge drug gnas drug po rnams su bkod de bsgom par bya'o/ /'bar zhes bya ba ni spro ba dang bsdu ba'i bdag nyid can du gyur ba'o/ /gzhan dag na re rang gi 'dod pa'i lha'i rnal 'byor pa'i sgrub thabs thams cad la mthu dang ldan pa gsungs pa/dang po'i sngags zhes bya ba la sogs pa rdzogs par byas pa'i bdud rtsi/ oM gyis byin gyis brlabs pa ste/ de ltar bsgoms na skad cig de la 'bar zhes bya ba dri ma med pa shel 'drar 'gyur ba'o//de ltar zhes bya ba ni gong du gsungs pa'i sngags dang bsam gtan gyi cho ga rnams so/ /rnal 'byor pas bsgrubs na zhes bya ba ni tha mal pa'i rnam par rtog pa las grol ba'o/ /rdzas zhes bya ba ni dam tshig gi rdzas rnams te/ dngos grub ni rdzogs pa'o/ /de'i 'bras bu ni 'jig rten dang 'jig rten las 'das pa'i mtshan nyid can de der 'gyur ba'o/ /'dir rgyu gang yin zhe na/ gsungs pa/ rnal 'byor ma'i sbyor ba ste/ dmigs pa dang bcas pa dang / dmigs pa med pa'i bye brag gis/ sangs rgyas dang rdo rje 'dzin pa nyid kyis zhing skyes ma dang / sngags skyes ma dang / lhan cig skyes ma'i [(]rnam [,]rnal [)]'byor ma rnams kyis gnas dang nye ba'i gnas la sogs pa'i ming can gyi yul sna tshogs su sems can thams cad la dngos grub mngon du gsol bar mdzad pa'o//dngos grub ces bya ba ni/ mi snang ba la sogs pa rnams so/ /dngos grub grub pa rnams kyis/ stong phrag gcig tu snang bar byed par 'gyur ba'i yid ches pa'i rgyu gsungs pa/ 'phral du yang dag yid ches 'jug bya ba'o/ /de yang / nor bu sngags kyi rab sbyor dang //sman rnams kyis ni rab rgyas par/ /mthu ni kun du mthong ba ste/ /khyad par du ni rnal 'byor ma'i/ /zhes gsungs so/ /dngos grub phra mo grub pa'i sngags pas gsungs pa/ stong phrag gcig tu snang bar 'gyur/ /zhes bya ba ste/ gling bzhi pa stong ni stong gi 'jig rten gyi khams te/der snang ba gcig gis te gzhan gyi don bya ba'i phyir bdag po nyid du gyur pa'o/ /'phrog pa dang zhes bya ba la sngar ni dbang bskur ba'i don gyi phyag rgya ma gsungs pa/ 'dir rig pa'i brtul zhugs kyi rim pas bla na med pa'i bde ba chen po yongs su rdzogs par bya ba'i phyag rgya ste bye brag go//sangs rgyas kun zhes bya ba la lha la sogs pa'i bu mo yang dag par bkug ste/ ji skad gsungs pa'i rig pa'i brtul zhugs kyi rim pas chos thams cad dbyer med pa'i bde ba chen po'i rang bzhin de bzhin gshegs pa thams cad kyi ye shes ji srid 'dod kyi bar du nye bar spyad na/'khor ba ji srid par sems can thams cad la/ ji ltar 'dod pa bzhin mngon par mtho ba dang nges par legs pa'i don ster bar 'gyur ro/ /de yang gsungs pa/ thun gcig gam ni nyin gcig gam/ zla phyed zla ba lo yi dus//bskal pa'am bskal pa stong du yang / /ye shes sbyor ba rtag tu gnas/ /zhes pa'o/ /'di'i phan yon gsungs pa/ gang gA'i bye snyed ces bya ba la sogs pa ste/ gang gA'i bye ma dang mnyam pa'i sangs rgyas nyid kyis rdo rje'i gnas bzhugs pa zhes bya ba la rdo rje ni sems so//de nyid ni gnas te/ de tsam la bzhugs pa'o/ /lag tu zhes bya ba la sogs ni/ /ji srid rang gi lag mthil du skyu ru ra bzhag pa bzhin du mthong ste/ bla na med pa'i ye shes kyi mig gis sangs rgyas thams cad rang gi rgyud las gud na med par mthong ba'o/ /gang gA'i bye ma snyed ces bya ba la sogs pa la gang gA'i klung gi bye ma dang mnyam pa'i zhing zhes bya ba sangs rgyas kyi zhing ste/rten gyi dkyil 'khor dang / sku gsung thugs kyi mtshan nyid ces bya ba la sku dang gsung dang thugs dang / dngos po zhes bya ba sangs rgyas kyi zhing gi dngos po rnams yongs su mkhyen par 'gyur te/ji ltar zhe na gsungs pa la/ sems kyi zhes bya ba la sems nyid mnyam pa dang mi mnyam pa dang / mtho ba dang dma' ba la sogs pa thams cad kyi bdag nyid du gar mkhan dang 'dra bar snang ngo / /bdud rtsi'i sgrub thabs gsungs pa/ yi ge go bzlog ces bya ba la sogs pa la yi ge rnams kyi bzlog pa'i sbyor bas/de ru zhes bya ba chang dang rdo rje'i chu dang yang dag par ldan pa'i ril bu la sngags zhes bya ba hUM lhag par dgod do/ /mngon par bsngags pa'i don du sngags btu ba gsungs pa/ yi ge brgyad kyi mtha' zhes bya ba la sogs pa mtha' ni lhag pa'i yi ge ste/'dir hUM ngo / /rnal 'byor ma zhes bya ba ni sangs rgyas mkha' 'gro ma la sogs pa'o/ /kun zhes bya ba ni de bzhin gshegs pa thams cad kyi bdag nyid rdo rje mkha' 'gro'o/ /rnal 'byor pa'i zhes bya ba ni/ ji skad gsungs pa'i bdud rtsi la longs spyod pa'i rgyud la'o/ /rdo rje can zhes bya ba ni/phyin ci ma log pa'i ye shes bde ba chen po'i dngos grub kyi bdag nyid 'dod na'o/ /dang po'i yi ge oM/ yi ge a ma gsungs pas don du gsungs pa/ yi ge gsum mtha' zhes bya ba ste/ yi ge a dbus su bcug pas gsum du 'gyur ro/ /de dag gis ni ji skad bstan par 'gyur te/rlung dang me'i dkyil 'khor gyi steng du a las skyes pa'i pad+ma'i snod du gnas pa'i yi ge hUM dbus su bsgoms la 'og tu rlung gis sbar ba'i mes dkyil 'khor 'bar bas dri ma thams cad bsregs te/ ye shes kyi bdud rtsi'i rang bzhin du byas la steng du yi ge oM bsams la de'i 'od zer rnams kyis rgyal ba'i tshogs rnams bkug la ro gcig tu byas nas/oM a guh+ya a guh+ya b+ha k+Sha a b+ha k+She hUM/ zhes bya ba 'di mngon par bzlas la lce'i rdo rje sbu gu nas 'od zer gyis drangs la longs spyod par bya'o/ /sbyor ba'i sdom pa gsal bar gsungs pa brgyad kyi mtha' zhes bya ba la sogs pa ste/'dis ni yi ge hUM gis gsang ba'i rdo rje bskyed par bya'o/ /yi ge zhes bya ba ni kun rdzob kyi byang chub kyi sems mi 'dzag pa'o/ /mchog tu zhes bya ba ni mchog tu dga' ba'i gnas kyis so/ /gnas zhes bya ba ni bla na med pa'i bde ba chen po skye bas so/ / dang po'i yi ge'i sbyor ba yis/ /zhes bya ba ni oM gyi nor bu'i sprul pa'o/ /hrIHzhes bya ba ni lha mo'i pad+ma'i hrIHlas sprul pa'o/ /yi ge rnams kyi mtha' sbyar la/ /zhes bya ba ni rdo rje dang pad+ma'i bu gar phaT bkod pa'o/ /sa bon lngas ni rab dgang bya/ /zhes bya ba ni/ oM dang hUM dang swA dang a dang hA//zhes bya ba'i sa bon rnams shes rab kyi mgo dang nu ma'i dbus dang / lte ba dang gsang ba dang / brla gnyis rnams su yang dag par dgod pa'o/ /yi ge yis ni rnam bsgoms te/ /zhes bya ba ni yi ge bruM gyis/ ge sar ser po sprul par bya'o/ /pad+ma zhes bya ba ni grags par zad do//rab tu rgyas par zhes bya ba ni/ rdo rje dang pad+ma sbyor bas so/ /ji ste 'dod na zhes bya ba ni gal te 'dod na ste ci zhig ce na/ rdo rje can 'grub ces bya ba ni de bzhin gshegs pa thams cad kyi bde ba chen po phyin ci ma log pa'i rang bzhin rdo rje nor bu'i nang du son pa'i kun rdzob dang / don dam pa'i byang chub kyi sems rdzogs pa'i dngos grub 'dod na'o//de ltar zhes bya ba ni rdo rje dang / pad+ma'i sbyor ba zhes bya ba ni rab tu sbyor ba'o/ /kun zhes bya ba ni lhag par shes par bya ba'o/ /de nas 'dir zhes bya ba ni/ de nas 'dir te bcom ldan 'das kyi sku las gzugs kyi sku rnam pa gnyis 'dzin par bya ba'i phyir/rnal 'byor pa rnams kyi glus yang dag par bslang ba'o/ /rdo rje zhes bya ba ni me long lta bu la sogs pa'i bye brag gi de bzhin gshegs pa lnga'o/ /rnal 'byor ma zhes bya ba ni ye shes de dag gi bdag nyid kyis chos thams cad la sbyor ba'i ngang tshul gang la yod pa de la de skad ces bya'o//dgongs pa zhes bya ba ni rjes su bsam pa ste/ de rnams gzugs kyi sku yang dag par bslang par 'dod pa'o/ /dpal ni bsod nams te thabs so/ /rdo rje ni shes rab ste glu ni thabs dang shes rab ston pa sngon du 'gro bas thugs la gnas pa'i dgongs pa yid du 'ong bas bslang ba'o//de nyid kyis na bcom ldan 'das kyi bdag nyid can no/ /srid pa bsgrub ces bya ba ni 'jig rten gyi khams thams cad du gdul bya rnams skal ba ji lta ba bzhin du yang dag par bsgrub par 'gyur ba'o/ /shin tu zhes bya ba ni srid pa dang zhi ba shin tu gnon pa'o/ / kye grogs po zhes bya ba ni 'dir grogs la bod pa'i tshig go/ /pad+ma zhes bya ba ni chos kyi 'byung gnas rab tu rgyas pa'o/ /rdo rje sad mdzad pa zhes bya ba ni/ rdo rje pad+ma rgyas par byas nas sad mdzad ces bya ba 'dir bde ba chen po bla na med pa'i rgyu ste/ ci zhig ce na/ a la la la la ho zhes bya ba la a zhes bya ba ni de bzhin gshegs pa'i dbyung ba'o//la bzhi ni dga' ba zhes bya bar 'dir thim pas na la ste dga' ba rnam bzhi'o/ /ho zhes bya ba ni rtag tu gsal zhing dga' ba'i rang bzhin can rdo rje 'dzin pa'i dbugs dbyung pa'o/ /bde ba chen po'i zhes bya ba ni bde ba chen po rdzogs pa'i phyir ro//bsnyen bkur mdzod ces bya ba ni rjes su chags pas so/ /gar zhes bya ba ni bde ba chen po'i lha'i bkur sti'i rang bzhin rdo rje dang pad+ma'i gar gyis so/ /nyi ma'i 'od kyis zhes bya ba la nyi ma ni khrag go/ /'od ni de'i mthu'o/ /pad+ma'i kha ni phye bas zhes bya ba ni/ chos kyi 'byung gnas rab tu rgyas pa'o//bde ba chen po zhes bya ba ni bde ba chen po'i rgyu'o/ /bsnyen bkur zhes bya ba ni bsnyen pa ste mngon du phyogs par byas nas bde ba chen po rdzogs par mdzad pa'o/ /gar zhes bya ba ni sngar gsungs ma thag pa'i rdo rje dang pad+ma dag bskyod pa'i sgra'i gar gyis so/ / 'di'i bsdus pa'i don ni 'di yin te ji ltar thabs kyis dga' ba rnam pa bzhi po de bzhin gshegs pa'i dbugs dbyung ba sngon du 'gro ba'i rdo rje 'chang chen po'i dbugs dbyung ba bzhin du shes rab kyi yang gong du gsungs pa bzhin du tshangs pa med par thams cad khong du chud par bya'o/ / de nas zhes bya ba ni de ma thag tu'o/ /glu tsam gyis zhes bya ba ni/ mkha' 'gro ma rnams kyi glus so/ /rdo rje 'dzin pa chen po zhes bya ba ni dpe med pa'i bde ba chen po'i chos kyi sku'o/ /rdo rje mkha' 'gro ma rnams gar zhes bya ba ni/ de bzhin gshegs pa'i dbugs dbyung bar gyur pa rnal 'byor ma rnams kyi chos dang zang zing gi mchod pa sngon du 'gro ba'i gar gyi mchod pas so//rdo rje sems dpa' zhes bya ba la/ rdo rje ni bla na med pa'i ye shes so/ /de nyid ni sems can thams cad kyi don la gcig tu nus pa dang ldan pas na sems dpa'o/ /bskul zhes bya ba ni/sems can thams cad la mngon par mtho ba dang nges par legs par sbyin pa'i rnal 'byor pa rnams kyis gsol ba btab pa'o/ /de ltar zhes bya ba ni sngar gsungs ma thag pa'i glus so/ /gus ldan pas zhes bya ba ni/ bsgom pa gsal bar byas pa'o/ /sbyor ba'i dngos grub ces bya ba la sbyor ba ni thabs dang shes rab kyi bde ba chen po'i bdag nyid kyis chos thams cad la sbyor ba'o//de'i dngos grub ni rdzogs pa'o/ /dus bzhir zhes bya ba ni dus bzhi po rnams su myur ba myur bar bzlas pa dang bsgom pa byas na 'dir dngos grub 'gyur ba la the tshom med do/ /rgyan thams cad ces bya ba la sogs pa ni sngar gsungs pa'i shes rab ye shes kyis dbang bskur ba'i don du phyag rgya gsungs pa yin no//ji ltar sku gsum mchog ster ba zhes bya ba ni chos dang longs spyod dang sprul pa'i sku rnams kyis sems can thams cad la ji ltar mngon par 'dod pa bzhin du mngon par mtho ba dang /nges par legs pa'i dngos grub rab tu ster bar nus pa bzhin du rdzogs par 'gyur ba'o/ /dngos grub ces bya ba ni rdzogs pa'o/ /nges par zhes bya ba ni/ gdon mi za bar ro/ /thob par 'gyur zhes bya ba ni nor bu'i lte bar ro/ /yang na mtshams bzhir zhes bya ba ni/ dus tshigs bzhir te/ bla ma la sogs pa las rjes su gnang ba thob pa'i sngags rig pa'i brtul zhugs kyi rim pas lha la sogs pa'i bu mo phyi dang nang gi yon tan rnams kyis brgyan par bkug la man ngag ji lta ba bzhin du rang nyid goms par byas pas a wa d+d+hU tI zhes bya ba'i rtsa rnyed nas sor mo dang lce dag gis yang dag par bskul la/rdo rje cung zad bskyod pas yul dang dus kyi khyad par du byas pa'i byang chub kyi sems phyung ste nyams su blangs nas zla ba bcu'am drug gam zla ba gsum mam zla ba phyed dam/ nyi ma bzhir skya rengs 'char ba'i dus chos thams cad dbyer med pa'i bde ba chen po'i rang bzhin gyis dngos po thams cad mkhyen pa'i phyag rgya dang /lhan cig tu 'grub par 'gyur ba la the tshom med do/ /de yang gsungs pa/ sor mo cung zad bskum nas su/ /de nas lce yi thur ma yis/ /mchog tu dga' ba rab 'bab pa'i/ / rtsa de rgyas par gyur nas ni/ /sngags pas rim gyis rim gyis ni/ /rdo rje cung zad bskyod byas la/ /nor bur gnas pa'i phaT kyis ni/ /yid las byung ba bcing bar bya/ /byang chub sems ni ma shor ba/ /myur du bde ba dam pa skye/ /ma lus de bdag nyid 'phros pas/ /kun du snang ba rgyun mi chad//nges par khyab pa bde zhi ba/ /mchog gi gnas ni thob par 'gyur/ /byang chub sems ni shor gyur na/ /rnyed pa 'jig cing sems brgyal 'gyur/ /sku gsum zhes bya ba ni chos dang longs spyod dang sprul pa'i sku rnams so/ /mchog ster ba zhes bya ba ni/ yongs su dag pa dang ma dag pa'i zhing rnams su gzugs kyi sku rnam pa gnyis kyis gdul bya'i sems can ji lta ji ltar de lta de ltar mngon par 'dod pa'i don mngon par mtho ba dang nges par legs pa ster bar 'gyur ba'o/ /dpag tshad brgya'i zhes bya ba la sogs pa ni de ltar grub pa dang ldan pa'i lhan cig skyes pa'i mthus dpag tshad brgya'i zhes bya ba nye bar mtshon pas grangs med cing tshad med pa'i 'jig rten gyi khams su rab tu snang bar byed pa ste/byang chub sems dpa' rnams dang lhan cig tu 'jig rten gyi khams rnams su kun du snang bar 'gyur ro/ /sgo dgu las ni byung ba zhes bya ba ni mig la sogs pa las gang byung ba'o//rdzas zhes bya ba ni dam tshig tu bshad do/ /dbang po gnyis zhes bya ba ni/ dad pa dang shes rab kyi dbang po dag gis so/ /rab 'byor las zhes bya ba ni 'bar ba la sogs pa ste/ des gang gi tshe dpag tshad brgya'i khyon tsam du ye shes kyi snang ba byed par nus pa de'i tshe 'grub par 'gyur ro//sangs rgyas byang chub gnas zhes bya ba la sangs rgyas ni ye shes lnga'i rang bzhin no/ /de'i byang chub ni skal ba ji lta ba bzhin du sems can rnams kyi mngon par 'dod pa'i don rdzogs par mdzad pa ste/de nyid ni mthar thug pa'i gnas pa'o/ /zhi ba zhes bya ba ni rang bzhin gyis rnam par mi 'jig pa ste rtag pa'o/ /de nyid ces bya ba ni gnyis su med pa'i ye shes phyin ci ma log pas so/ /bla na med pa'i ye shes zhes bya ba ni/ gang rnam par rtog pa gzhan med pa de la de skad ces bya'o//yang bla na med pa zhes bya ba ni/ 'di las mchog tu gyur pa gzhan med pa'o/ /de nyid ces bya ba ni rnam pa bzhir shes par bya ste/ 'di ltar bdag gi de kho na nyid dang gzhan gyi de kho na nyid dang dkyil 'khor gyi de kho na nyid dang lha'i de kho na nyid dang /sangs rgyas zhes bya ba la sangs rgyas ni de bzhin gshegs pa'i dbugs dbyung ba thob pa'i byang chub sems dpa'o/ /de'i byang chub ni rdo rje 'dzin pa'i rang bzhin te de nyid ni bla na med pa'i gnas so/ /zhi ba zhes bya ba ni sems can thams cad la 'jig rten dang 'jig rten las 'das pa'i don phun sum tshogs par mdzad pa'i dge ba'i bshes gnyen no//sngar gsungs pa'i don mdor bsdus te gsungs pa/ gzugs rnams dang ni zhes bya ba la sogs pa la gzugs ni lham bu chu gsher la sogs pa'i mdog go/ /phyag rgya ni rnal 'byor ro/ /mtshan ma ni thod pa la sogs pa'o/ / rdzas zhes bya ba ni bdud rtsi lnga la sogs pa'o/ /bsam gtan zhes bya ba ni dgug pa la sogs pa'i las rgyas pa'o/ /bsgom pa'o zhes bya ba ni mngon par rtogs pa'i rim pa'o/ /cho ga thabs ni sna tshogs bstan pa'o zhes bya ba ni gzhan gyi grong du 'jug pa la sogs pa'o/ /lha mo zhes bya ba ni bod pa'o//yid 'dod rnams zhes bya ba ni ral gri la sogs pa nas phyag rgya chen po'i mthar thug pa'o/ /gzhan dag na re sbas pa bdun la bya'o zhes zer ba ste/ sku gsum dang las kyi tshogs dang gzugs yongs su brje ba dang / gzhan gyi grong du 'jug pa dang / mi snang ba dang / dbang bskur ba dang / bdud rtsi sgrub pa rnams so/ /yang gzhan na re dkyil 'khor gyi de kho na nyid dang / lha'i de kho na nyid dang / sngags kyi de kho na nyid dang / las tshogs kyi de kho na nyid dang / glu'i de kho na nyid dang / dam tshig gi de kho na nyid dang / dman pa'i dngos grub kyi de kho na nyid ces zer ro//gang gi khyim du zhes bya ba la sogs pa la gang gis gnas su don khong du chud par byed pa'i sgra'i tshogs lung gi bdag nyid kyi pu sti gus pas 'chang ba'o/ /rgyun du zhes bya ba ni rtag tu'o/ /'chang ba zhes bya ba ni sgra sngon du 'gro ba'i don rtogs pas yid la 'dzin pa'o/ / klog pa zhes bya ba ni pu sti bltas te klog pa dang kha ton byed pa'o/ /bsgom pa zhes bya ba ni bsgom pa sngon du 'gro ba'i bzlas pa la sogs pas der song ba'i yid kyis rtag tu gnas pa'o/ /de dag gi phan yon gsungs pa/ de la nad 'byung bar mi 'gyur zhes bya ba la sogs pa la de'i lus la nad kyis gzir bar mi 'gyur ba dang /rgas par mi 'gyur ba zhes bya ba ni de'i lus rnying par mi 'gyur ba'o/ /'chi bar mi 'gyur ba'o zhes bya ba ni tshe dang dbang po dang rnam par shes pa 'gag par mi 'gyur ba'o/ /bgegs rnams mi 'byung ba zhes bya ba ni/ lha'i bu la sogs pa rnams kyis de'i sems g.yeng bar mi 'gyur ba'o//rgyun du zhes bya ba ni mnyam par gzhag pa dang / mnyam par ma bzhag pa'i gnas skabs kun du'o/ /dus thams cad du zhes bya ba ni 'das pa dang ma 'ongs pa dang / da ltar byung ba dang / bgegs rnams las zhes bya ba ni phung po dang nyon mongs pa dang lha'i bu dang 'chi bdag gi bdud rnams kyis bar chad du 'gyur ba'i las rnams 'byung bar mi 'gyur te/ci'i phyir zhe na/ rnal 'byor ma'i dbang phyug gi zhes bya ba la rnal 'byor ma thams cad bsrung ba ste/ cho ga bzang po mdzad pa'i phyir ro/ /rdo rje rnal 'byor ma rnams kyis zhes bya ba ni dmigs pa dang bcas pa dang /dmigs pa med pa'i bye brag gis gnas pa'i zhing skyes ma dang / sngags skyes ma dang / lhan cig skyes ma rnams so/ /dgongs pa ni thugs la gnas pa'o/ /mchog tu zhes bya ba ni rnam par mi rtog pas so/ / gsang ba zhes bya ba ni sba bar bya ba gsang ba ste/ bde ba chen po'i bdag nyid kyis so/ /gsang ba chen po zhes bya ba la sogs pa la/ gsang ba chen po nyid nye ba'i spyod pa ste/ bcom ldan 'das rdo rje mkha' 'gro ye shes lnga dang sku gsum gyi bdag nyid do//de'i sgrub thabs ni bsgom pa'i rim pa ste/ gsal la nyung ba rnal 'byor ma'i zhal nas byung ba rdzogs so// //dpal ldan gsang ba'i nyer spyod ces bya ba/ /dran pa las ni dge ba gang thob pa/ /des ni 'jig rten 'di dag ma lus pa/ /bde ba chen po gcig pu gnas gyur cig /sgyu 'phrul chen mo zhes bya'i rgyud/ /'grel pa dran pa zhes bya ba/ /nag po'i lha la gus pa yi/ /nag po rdo rjes mdzad pa ste/ /gang zhig rgyud mchog ma mos dang / /nam yang dbang bskur med pa la/ /dran pa zhes bya'i 'grel pa 'di/ /de la sbyin par mi bya'o//bla ma dam pas rgyud bstan las/ /gang zhig brjed nas ma smras pa/ /de ni bdag blo'i nyes pa ste/ /bla ma rdo rje can bzod mdzod/ /sgyu 'phrul chen mo rgyud kyi 'grel pa dran pa zhes bya ba las le'u gsum pa'i bshad pa rdzogs so// //rgya gar gyi mkhan po dzi na wa ra dang /

CLOSE WINDOW