CLOSE WINDOW

D1621
བོད་ཡིག

dpal gdan bzhi pa'i de kho na nyid bzhi pa slob dpon dze tA ris mdzad pa rdzogs so// //rgya gar gyi mkhan po ga ya d+ha ra dang / bod kyi lo tsA ba 'gos lhas btsas kyis bsgyur cing zhus te gtan la phab pa'o// @## / rgya gar skad du/ Sha Ta ta twa bya bas+thA na/bod skad du/ de kho na nyid drug rnam par gzhag pa/ dpal rdo rje sems dpa' la phyag 'tshal lo/ /dpal ldan khyab bdag lnga yi dngos/ /ye shes mkha' 'gro la btud de/ /bla ma'i bka' bzhin nyer bsten te/ /de nyid drug 'di bdag gis bya/ /gsang rgyud 'phags pa gdan bzhi las//btus te slob ma blo zhan la/ /phan phyir dad pas 'di byas kyang / /mkhas pas dpyad cing bzod par gsol/ /rdo rje dril bu bgrang phreng dang / /ye shes dang ni rnam bzhi la/ /bdud rtsi 'dod dang mchod rten gnyis/ /bsnan te drug tu shes par bya//dang po rdo rje bsdams pa ni/ /bkrol te lag pa gnyis brkyang nas/ /pad+ma'i lag skor lnga byas te/ /pus mo g.yas g.yon steng du gzhag /lag mthil gnyis la bsgom pa ni/ /g.yas su nyi ma'i dkyil 'khor dang / /g.yon du zla ba'i dkyil 'khor dag /ma dang a las bskyed par bya//de steng rdo rje dril bzhag nas/ /hUM dang a las bskyed par bya/ /A li kA li'i sbyor ba yis/ /thabs dang shes rab dngos su ni/ /rtogs te de nyid bsgom par bya'o/ /de nas rdo rje'i de nyid ni/ /bsgom pa'i man ngag 'di lta ste/ /rdo rje'i steng gi rtse lnga la/ / rigs lnga'i lha dang sbyar bar bya/ /dkyil gyi rtse mor rnam snang mdzad/ /shar gyi rtse mor mi bskyod pa/ /lho rtser rin chen 'byung ldan te/ /snang ba mtha' yas nub tu dgod/ /byang du don yod grub pa bsgoms/ /de 'og pad+ma 'dab brgyad la/ /byang chub sems brgyad shes bya ste//pad+ma'i phyag dang byams pa dang / /nam mkha' mdzod dang kun du bzang / /phyag na rdo rje 'jam dpal dang / /sgrib sel dang ni sa snying po/ /lha rnams brgyad po 'di dag ni/ /ji bzhin phyogs su bsgom pa yin/ /dbus kyi sgo nga lta bu la/ /ye shes lnga ni bsgom par bya//de yi phyi rol phyogs bzhin/ /lcags kyu la sogs rnam bzhi bsgom/ /de 'og 'dab brgyad pad+mar yang / /sgeg mo la sogs brgyad bsgom pa/ /rgyud las sbas nas ma gsungs kyang / /man ngag don gyis shes par bya/ /'og gi rtse mo rnam lnga yang / /bcom ldan mkha' 'gro ma lnga ste//dbus rtse ye shes mkha' 'gro ma/ /de yi phyi rol phyogs bzhin/ /shar du rdo rje mkha' 'gro ma/ /de bzhin drag mo byang phyogs te/ /ro langs ma ni nub kyi rtser/ /lho ru gdol pa'i mkha' 'gro ma/ /rdo rje de nyid lha mor bsgom/ /de ltar sum cu rtsa gcig ltar//rtogs te rdo rjer bsgoms nas ni/ /hUM gi dbyangs 'di blang byas te/ /sangs rgyas thams cad mnyes par bya/ /hUM/ mdzes pa'i rdo rje gsor nas su/ /sems can thar pa la ni dgod/ /rnam par thar pa chos kyi don/ /rdo rje snying po 'dzin par bya/ /hUM hUM hUM ho ho ho//de ni 'khor ba gcod gyur te/ /nyon mongs mun pa bsal byas nas/ /bla med byang chub thob pa dang / /ye shes snang ba thob par 'gyur/ /rdo rje de nyid ma shes na/ /byang chub dngos grub ring du spangs/ /rdo rje dag par ma gyur na/ /brgya byin mtshon cha rdo rje 'dra/ / de nas dril bu de nyid ni/ /nang gi nam mkha'i khams la ni/ /byang chub snying po gnas pa yin/ /mtshan nyid med par spang ba ni/ /bum pa shes rab bdud rtsi'o/ /de steng 'dab brgyad pad+ma la/ /sa bon brgyad las lha mo brgyad/ /shar du lha mo sgrol ma ste/ /na bza' dkar mo byang gi phyogs//nub tu mA ma kI shes bya/ /de bzhin lho ru sangs rgyas spyan/ /me yi mtshams su skul byed ma/ /rdo rje lu gu rgyud dbang ldan/ /khro gnyer ma ni rlung mtshams su/ /bden bral mtshams su rin chen sgron/ /lha mo de brgyad dbus su yang / /shes rab pha rol phyin pa ste//pad+ma rgyas pa'i spyan mnga' ma/ /gzugs rdzogs 'od dang ldan par bsgom/ /steng gi pad+ma 'dab brgyad la/ /sngon bzhin sgeg mo la sogs brgyad/ /rtse lngar mkha' 'gro lnga bsgom/ /dbus kyi lce la ye shes te/ /thams cad 'du dang 'phro bar byed/ /nyi shu rtsa gnyis lhar sbyor ba//rnam par dag pa'i dril bu 'di/ /sngags 'di dag ni bzlas nas su/ /phyogs brgyad dag tu len gsum dkrol/ /oM badzra g+haN+De ra Ni ta pra ra Ni ta sarba bud+d+ha pra tsa li te pradz+nyA pA ra mi tA/ nA dA swa b+hA we hUM hUM hUM ho ho ho a swA hA/ shes rab chos kyi dril bu 'di/ / sangs rgyas thams cad blang byas nas/ /mi shes 'dam las bying ba yi/ /sems can sangs rgyas don du dkrol/ /de nyid sbyor ba dman na ni/ /dngos grub ring du mtshon pa ste/ /de nyid med pa'i rnal 'byor pa'i/ /glang chen dril bu dkrol ba 'dra/ /de nas bgrang phreng de nyid kyi/ /yang dag cho ga shes par bya'o//shel dang nya phyis mu tig dang / /dkar po la sogs gzhan yang rung / /zhi ba'i las la khyad par gsungs/ /gser dang dngul dang zangs ma dang / /pad+ma'i snying po rgyas pa yin/ /gur gum la sogs dri yis ni/ /byug pa'i ri lu dbang la smos/ /rudwAk+Sha dang lung thang dang //mi rus mngon spyod ces su gsungs/ /zhi rgyas dbang dang mngon spyod la/ /po de tses ni las kun byed/ /de yi grangs ni 'di lta ste/ /sngags sgrub pa la lnga bcu dang / /dbang la de bzhin nyi shu lnga/ /zhi ba la ni brgya phrag ste/ /brgya rtsa brgyad ni rgyas pa'i yin/ / mngon spyod la ni drug cu'o/ /phreng thag dgu sgril byas pa la/ /mdo 'dzin nyis brtsegs shes par bya/ /g.yas pa'i lag mthil nyi ma la/ /AHyig dmar po bsgom par bya/ /g.yon gyi lag mthil zla ba la/ /hUM yig dmar po bsgom nas su/ /sa bon de nyid las bskyed pa//g.yas sor rdo rje rtse lnga pa/ /g.yon ni pad+ma 'dab lngar bsgom/ /phreng ba gang yin dkyil bzhag ste/ /rdo rje pad+ma snyim par sbyar/ /ri lu dgra bcom bsgoms nas su/ /phreng thag lha dgur byin gyis brlab/ /mdo 'dzin 'og ma mchod rten te/ /gong ma chos kyi sku ru bsgom//bgrang phreng de nyid bsgom nas su/ /sngags 'di yis ni byin gyis brlab/ /oM ya te ya ma hA dz+nyA na sarba bud+d+ha ma hA b+he be ta/ /hUM hUM hUM ho ho ho a swA hA/ chos kyi sku dang mchod rten la/ /dgra bcom bskor ba byed bsams te/ /mchod rten grib ma'ang mi 'gong phyir//bsgyur log byas nas phreng ba bgrang / /phreng ba de rnams bgrang ba yang / /so so'i khyad par gyis shes te/ /zhi ba'i phreng ba mdzub la bzhag /de bzhin rgyas pa gung mo ste/ /srin lag la ni dbang du bshad/ /mngon spyod mthe chung shes par bya/ / sgrub pa'i lha gang 'gugs bsams te/ /mthe bong lcags kyis bkug par bsgom/ /de yang lha mo g.yon pas 'dren/ /g.yas pas lha rnams 'dren pa yin/ /de ltar dag pa'i bgrang phreng gis/ /gang 'dod dngos grub 'grub par byed/ /de nyid med pa'i phreng ba ni//bud med rgyan gyi do shal 'dra/ /de nas ye shes de nyid ni/ /'di ltar yang dag shes par bya/ /chos kun ye shes gcig pa la/ /khyad par ring thung gyur nas gnas/ /lha dang klu dang gnod sbyin dang / /dri za dang ni lha min dang / /nam mkha' lding dang mi'am ci//rgyal chen dang ni gang ba bzang / /lto 'phye dang ni grul bum dang / /mi dang mi min mkha' 'gro ma/ /byol song dang ni yi dags dang / /dmyal bar bcas pa'i sems can dang / /byol song gzugs kyi khyad par dang / /phra mo sgo nga 'dzin sogs pa'i/ /de rnams g.yo ba thams cad dang //mi g.yo ba yi rnam pa yang / /sa chu me dang rlung gi khams/ /phra mo gtso dang lo ma dang / /rdo dang bong ba rtse mo sogs/ /thams cad ye shes snang bya yin/ /de yang sems dang ldan pa dang / /sems pa med pa gnyis su 'dod/ /sems pa dang ldan khyad par ni//ye shes bye brag 'di lta ste/ /rgyal chen sum cu rtsa gsum dang / /'thab bral dang ni dga' ldan dang / /'phrul dga' gzhan 'phrul dbang byed dang / /tshangs ris tshangs pa'i mdun na 'don/ /tshangs chen dang ni 'od chung dang / /dpag med 'od dang 'od gsal dang //dge chung dge rgyas tshad med dge /sprin med dang ni bsod nams skyes/ /'bras bu che dang mi che ba/ /mi gdung ba dang gya nom snang / /shin tu mthong dang 'og min te/ /nyi shu rtsa gsum lha rnams ni/ /ye shes rags shing zab pa ni/ /nyis 'gyur nyis 'gyur shes par bya//de yang rgyal chen rigs bzhi nas/ /gzhan 'phrul dbang byed bar du ni/ /'dod pa lnga yi ye shes dag /gong nas gong du zab pa yin/ /lha min ye shes khro ba ste/ /yi dags ye shes sme ba yin/ /gti mug ye shes byol song gi /dmyal ba'i 'jigs pas dub pa yin/ /mi shes ye shes rnam lnga ste/ /glen pa dang ni 'on pa dang / /lkugs pa dang ni byis pa dang / /ye shes can dang rnam pa lnga/ /bye brag tu ni shes par bya/ /gzhan yang gnod sbyin la sogs pas//rtsa ba'i rgyud las ma gsungs kyang / /don gyi ye shes khyad par ni/ /rnal 'byor pas ni shes par bya/ /de 'dra'i ye shes de nyid ni/ /rnal 'byor gang gis rtogs gyur pa/ /de ni tshe rabs sa ya stong / /sangs rgyas shes pas bskul ba'o/ /rnal 'byor gtsug lag las byung ba'i//ye shes de nyid mi shes te/ /phyi yi gtsug lag shes na yang / /gar mkhan cha lugs dang 'dra'o/ /de nas bdud rtsi'i 'od de nyid/ /man ngag 'di ltar shes par bya/ /b+han+d+ha'am nya phyis la sogs pa/ /bdud rtsi lnga dang bsres pa yis//bdud rtsi'i 'od kyis bkang byas la/ /sngags dang phyag rgyas dag par bya/ /g.yas pa zla dkyil bsam pa la/ /bdud rtsi'i 'od kyis snod bzhag ste/ /g.yon pa rtse gsum phyag rgya yis/ /snod la reg nas sngags 'di brjod/ /oM ha ho hrIHswA hA/ ha yis kha dog 'phrog pa dang //ho yis phyi yi dri ma bsal/ /hrIHyis mthu yang 'joms byed pa/ /rim pa de ni shes par bya/ /de ltar log pa bsal nas su/ /'di ltar yang dag sbyor ba bsgom/ /gzugs ni pad+ma'i dbang phyug ste/ /rnam par snang mdzad dri chu dngos/ / ro ni rdo rje dbang phyug ste/ /sku gsung thugs kyi ngo bor bsam/ /de 'og phyag rgya sngags kyis yang / /bsrabs nas bdud rtsi 'od du 'grub/ /sa bon suM las bskyed pa yi/ /g.yon pa'i mthil du zla ba bsgom/ /de dkyil bdud rtsi sa bon suM/ bsgoms nas srin lag mtheb rtser sbyar//bdud rtsi'i dkyil du phyag rgya de/ /bzhag nas rim pa 'di ltar bsgom/ /hUM las bskyed pa'i mthe bong ni/ /dbang chen sa gzhir bsgom pa dang / /sum las bskyed pa'i srin lag ni/ /ri rab zur bzhir bsgom par bya/ /srin lag rtser yang suM bsgoms te//bdud rtsi'i snying po gsum bzlas nas/ /lan gsum bdun ni bsgrub par bya/ /'khor ba bdud rtsir dmigs nas ni/ /lha dang rnal 'byor mkha' 'gro ma/ /so sor gtor nas mnyes par bya/ /lce dang dpral ba spyi bo la/ /bdud rtsi'i thig le bzhag nas su/ / yi dam lha yang mchod bya zhing / /dam tshig tsam du btung bar grags/ /gang tshe rnal 'byor tshogs pa'i tshe/ /dbyangs 'di blangs nas gzhan la dbul/ /gzigs shing mdzes pa dam pa'i chos/ /'di la the tshom byar mi rung / /bram ze khyi dang gdol pa dag/ /rang bzhin gcig tu bsgoms nas gsol//rnal 'byor gzhan gyis blang ba yang / /dbyangs dang phyag rgya shes bya ste/ /g.yas pa pad+ma'i gdan bsgoms nas/ /g.yon gyi rtse gsum phyag rgyas blang / /bde bar gshegs shing chos kyi mchog /dri ma med pa'i gnas 'di la gzung dang 'dzin pa rnam grol ba//de bzhin nyid de phyag 'tshal lo/ /de ltar man ngag rtogs nas su/ /bdud rtsi'i 'od la brten byas nas/ /'khor ba'i sdug bsngal bcom nas su/ /thar pa'i rtsi ru 'grub pa yin/ /de nyid med pa'i rnal 'byor pa/ /mdangs dang stobs dang longs spyod phyir//sred pa'i sgo nas 'thung byed na/ /sems can phal pa'i btung ba 'dra/ /de nas mchod rten de nyid kyang / /yang dag par ni bsam par bya/ /nang bzhin nam mkha' dang 'dra bar/ /dngos kun stong pa nyid du bsgom/ /rang gi sems dang dbyer med pa'i/ /gdan bcas hUM yig 'dus par bsgom//de yi khams gsum 'jig rten ni/ /mchod rten gnas su bsgom par bya/ /sa yi khri 'phang zur bcu gnyis/ /dgug pa'i phyogs brgyad gling yin te/ /bang rim bdun du bsams pa ni/ /gser gyi ri bdun shes par bya/ /dril bu dbyings su bum pa ni/ / lha gnas ri rab bsgom bya ste/ /bum rten 'khor ba gdung ba'i dbyibs/ /klu yi rgyal po nor rgyas yin/ /kha khyer rim pa drug ldan pa/ /'dod ris lha rnams drug tu btags/ /dbus su srog shing yar bsgreng ba/ /bdag med chos nyid zad med bsgom/ /'khor lo bcu bdun gyis brgyan pa//gzugs khams gnas bcu bdun du btags/ /chos kyi dbyibs pa yar 'phags pa/ /gzugs med khams bzhir shes par bya/ /de yi steng gi sgo nga'i dbyibs/ /rang gi sems ni sku ru bsgom/ /de la de bzhin gshegs pa dang / / sangs rgyas byang chub sems dpa' dang / /rang gi slob dpon yi dam lha/ /bzhugs par dmigs nas rang sems dang / /dbyer med bsgoms nas phyag byas nas/ /mchod dang bstod pa dbul byas nas/ /bla na med pa'i go 'phang thob/ /gzhan du gzung 'dzin ma spangs par/ / dngos su rtogs nas phyag byas na/ /'khor ba las bsgral mi 'grub ste/ /mu stegs phyag gnas lha rten dang / /de nyid drug gi rim pa 'di/ /phyi nang gang du sbyor na yang / /'gal ba med cing dngos grub ster/ /ston pa thun mong bstan phyir ro/ /smr-i ti dz+nyA na kIrti yis/ /slob mas zhus pa 'di byas pa'i//dge ba thob pa gang yin pa/ /de yis sems can sangs rgyas shog /de kho na nyid drug rnam par bzhag pa/ rgya gar gyi mkhan po smr-i ti dz+nyA na kIrtis mdzad pa rdzogs so// //paN+Di ta de nyid kyis bsgyur cing gtan la phab pa'o// //

CLOSE WINDOW