CLOSE WINDOW

D1618
བོད་ཡིག

/ @##/ /rgya gar skad du/ dz+nyA na DA ki nI sA d+ha naM/ bod skad du/ ye shes mkha' 'gro'i sgrub thabs/ /dpal rdo rje rnal 'byor ma la phyag 'tshal lo/ /gang don sna tshogs sku 'dzin pa'i/ /lha mo ye shes mkha' 'gro ma//bdud rtsi'i dga' ston gyis 'gro rnams/ /ku mud can bzhin dga' gyur cig /'dir ni rdo rje 'dzin pa'i sku/ /bsam yas rdo rje rnal 'byor ma/ /bla na med pa'i gnas thob phyir/ /bsten bya rdo rje phag mo'o/ /yid dang rjes su mthun pa'i sa phyogs 'ga' zhig tu nub tu mngon par phyogs pa skra grol bas gtor ma sbyin pa sngon du 'gro bas skad cig gis bdag nyid ye shes mkha' 'gro ma'i gzugs su lhag par mos par byas la//rang gi snying ga'i sa bon gyi 'od zer gyis ye shes mkha' 'gro ma 'khor dang bcas pa nam mkhar bkug pa la snying ga'i sa bon las skyes pa'i lha mo rnams kyis phyi dang cig shos kyi mchod pas yang dag par mchod cing //sdig pa bshags pa nas btang snyoms kyi bar du rnam par bsgoms te/ oM swa b+hA ba shud+d+haHsarba d+harmA swa b+hA ba shud+d+hou0f85haM/zhes pa yid kyis brjod nas don mngon du byas la chos thams cad stong pa nyid la bzhugs par bya'o/ /de nas oM hUM swA hA zhes pa'i sngags kyis rdo rje'i rang bzhin gyis gzhi dang / oM dzaM b+ha ni hUM phaT ces pas rdo rje'i ra ba dang / oM dzriM swA hA/ zhes pas rdo rje'i gur rnams bsgoms te/oM hUM phaT ces pas bgegs la phur bus gdab par bya'o/ /de'i dbus su/ yuM k+ShuM suM hUM hUM rnams kyis rim pa bzhin du bskyed pa'i rlung dang me dang chu dang sa dang lhun po rnams kyi steng du/ sna tshogs pad+ma dang sna tshogs rdo rje'i lte bar/ oM hUM phaT ces yongs su gyur pa las/rin po che sna bdun gyis spras pa'i gser gyi rang bzhin gyi khang pa brtsegs pa'i dbus dang phyogs bzhi rnams su seng ge lnga rnams la sna tshogs chu skyes la gnas pa'i nyi ma'i dkyil 'khor lnga rnams so/ /dbus su seng ge las gdugs dkar po'o//de'i dbus kyi nyi ma la A li kA li las skyes pa'i zla ba dang nyi ma'i dbus su gnas pa'i hUM las skyes shing / /des byin gyi rlabs rdo rje rnam par bsgoms te/ oM badzra shud+d+haH sarba d+harmA badzra shud+d+hou0f85haM/ zhes pas de las byung ba'i de bzhin gshegs pa dang lha mo rnams k yis 'gro ba'i don byas te/der 'dus pa'i bla ma la sogs pa rnams kyis bskyed pa'i ye shes mkha' 'gro ma dang / de bskyed pa dang dus mnyam du dkyil 'khor pa rnams kyang rang rang gi sa bon rnams kyis bskyed par bsams nas/ oM yo ga shud+d+haHsarba d+harmA yo ga shud+d+hou0f85haM zhes pas nga rgyal bya'o//de la rdo rje mkha' 'gro ma la sogs pa rnams kyis rang rang gi gdan sna tshogs chu skyes dang nyi ma rnams la rim pa bzhin du/ hUM hUM hUM AM IM UM r-IM l-IM eM auHsa bon rnams so/ /de la ye shes mkha' 'gro ma sngon mo ste/ 'di'i cod pan gyi steng du rdo rjes mtshan pa/sangs rgyas lnga 'phro ba rnams kyis brgyan pa'i dar dpyangs bcings pa/ rtsa ba'i zhal khros shing gad rgyangs dang bcas pa/ g.yas pa dkar po bzhad pa/ g.yon pa dmar po sgeg pa dang bcas/ /zhal so sor spyan gsum gsum dang ldan pa/ phyag g.yas pa gsum na steng du byas pa'i kha T+wAM ga dang dgra sta dang rdo rje'o/ /g.yon pa gsum na dril bu dang khrag gis gang ba'i thod pa dang ral gri bsnams pa'o/ /shar du rdo rje mkha' 'gro ma dkar mo sgeg pa'i nyams can no/ /byang du 'jigs byed mkha' 'gro ma gser mdog go/ / nub tu ro langs ma sngon mo'o/ /lhor gtum mo dmar mo ste bzhi po 'di rnams g.yas dang cig shos kyi phyag gnyis steng du byas pa'i kha T+wAM dang khrag gis gang ba'i thod pas mdzes pa'o/ /dbang ldan du seng ge mo seng ge'i gdong pa can g.yon pa dang g.yas pa'i lus phyed phyed dkar po dang ser po dbang po dkar po la'o//mer stag mo stag gi gdong pa can g.yon dang g.yas pa'i lus phyed phyed sngon po dang dkar po rin po che bdun po la'o/ /bden bral du ce spyang mo ce spyang gi gdong pa can g.yas g.yon gyi lus phyed phyed dmar po dang nag po ma he la'o/ /rlung du 'ug pa mo 'ug pa'i gdong pa can g.yon dang g.yas pa'i yan lag ser po dang dmar po gdengs can gyi dbang po brgyad kyi mjug ma rnams la ste/bzhi po 'di rnams g.yas pa dang g.yon pa'i phyag gnyis rdo rje lcags kyu dang sdigs mdzub dang bcas pa'i zhags pas brgyan pa'o/ /de nas shar sgor rgyal dbang mo dkar mo phyag gnyis snyems pa'i tshul du khar bcug pa'o//byang du me can ser mo snyim pa kha sbyar ba mar me lta bu spyi bor 'dzin pa'o/ /nub tu 'jib byed ma dmar mo khrag gis gang ba'i snyim pa steng du byas pa kha dang nye bar bzhag nas khrag rgyun 'thung ba'o//lhor kaM po dzI nag mo rdo rje thal mo'i mthe bo'i rtse mo gnyis phan tshun yang dag par sbyar te mdzub mo gnyis khab lta bu b+ha ga'i gnas su bzhag nas rang gi b+ha ga nye bar ston pa ste/ bzhi po 'di rnams yi dags kyi snying gar gnas pa'o/ /rdo rje mkha' 'gro ma la sogs pa bcu gnyis spyan gsum la zhal gcig pa rnams so//lha mo bcu gsum po rnams kyang lha'i mchog gi gos dmar po gyon pa/ /mgo la thod pa lnga'i phreng ba can/ /phyag rgya dang lnga dang ldan pa/ sems dpa'i skyil krung gis bzhugs pa/ lag 'gro'i rgyal po brgyad kyis rnam par mdzes pa//bskal pa'i mtha'i me 'bar ba lta bu'i 'od zer gyi phung po 'bar ba rnams kyis 'jigs par byed pa bsgom par bya'o/ /de'i rjes la bdag nyid mgo bor k+ShuM/ mig la hUM/ rna ba dang sna'i nang du yuM/ lce la suM/ mgrin par s+m+r+yuM/ snying gar y+m+ruM/ lte bar k+Sh+m+r+yuM/ /zhes pa cho ga'i yi ge rnams bkod de/oM AHhUM zhes pas sku gsung thugs byin gyis brlabs nas/ /rang gi snying ga'i sa bon byi 'od zer rnams kyis ye shes kyi 'khor lo nam mkhar spyan drangs la/ /sngar bzhin yang dag par mchod la yu dam tshig bstan par bya'o/ / de la rdo rje khu tshur gnyis bcings te/ gung mo gnyis rab tu brkyang ba'i rtse mo dang rtse mo sbyar ba ni/ oM hUM swA hA/ zhes pas ye shes mkha' 'gro ma la bstan par bya'o/ /rdo rje thal mo byas nas/ mthe bo rgan po dag gung mo gnyis la yang dag par reg cing bskyod pa'i phyag rgya/oM badzra DA ki nI hUM swA hA/ zhes pas rdo rje mkha' 'gro ma la'o/ /khu tshur gnyis mnyam por bcings te mthe bong rgan po gnyis rab tu brkyang ba ni/ oM gau rI hUM zhes pas 'jigs byed ma la'o/ /phyag rgya 'di nyid bcings nas mthe'u chung gnyis rab tu brgyang ba ni oM be tA lI hUM zhes pas ro lngas ma la'o//phyag rgya 'di nyid bcings te/ gung mo'i sor mo gnyis rab tu brkyang ba ni/ oM tsaN+DA lA hUM swA hA zhes pas gtum mo la'o/ /rdo rje khu tshur gnyis bcings te/ /mdzub mo gnyis rab tu brkyang pa'i rtse mo sbyar ba ni/ oM A swA hA/ oM IM swA hA/ oM hUM swA hA/ oM r-I swA hA/ zhes pas seng ge mo la sogs pa bzhi po rnams la'o/ /oM l-IM swA hA/ oM aiM swA hA/ oM auM swA hA/ oM A swA hA/ zhes pas rgyal dbang mo la sogs pa bzhi po rnams la de dang de'i phyag rgya bstan par bya'o/ /de'i rjes su pad kor sngon du 'gro bas ye shes kyi 'khor lo dam tshig gi 'khor lo la ji ltar rigs par gzhug par bya'o//de nas snying ga'i sa bon gyi 'od zer gyis spyan drangs pa'i da bzhin gshegs pa dang lha mo rnams kyis mngon par dbang bskur ba'i bar ma chad par rgyas 'debs par bsam par bya'o/ /de la ye shes mkha' 'gro ma la sogs pa rnams rim pa bzhin mi bskyod pa dang /rnam par snang mdzad dang / rin chen 'byung ldan dang / 'od dpag med dang / don yod grub pa rnams kyis so/ /seng ge ma la sogs pa rnams la mi bskyod pa dang rnam par snang mdzad dang rin chen 'byung ldan dang 'od dpag med rnams kyis so//rgyal dbang mo la sogs pa rnams la rnam par snang mdzad dang rin chen 'byung ldan dang 'od dpag med dang don yod grub pa rnams kyis so/ /de'i rjes su sprod pa'i mchod pa'i lha mo rnams kyis bdag la mchod cing bstod nas des nye bar bstabs pa'i bdud rtsi myang ste/bde ba chen po'i pad+mar zla ba'i dkyil 'khor la gnas pa kha 'og tu phyogs pa smin ma'i dbus su 'phyar ba'i thig le dang / hUM yig las bdud rtsi'i rgyun 'dzag par bsam par bya'o/ /zhes pa thig le'i rnal 'byor bsgom pa'i mthar phra mo'i rnal 'byor yun ring du rnam par bsam par bya'o//skyon sngags bzlas par bya'o/ /de la ye shes mkha' 'gro ma'i sngags/ oM hrIHswA hA/ zhes pa 'bum phrag gsum bzlas par bya'o/ /rdo rje mkha' 'gro ma la sogs pa'i sngags kyang / oM badzra DA ki nI hUM phaT swA hA/oM gau rI hUM swA hA/ oM be tA lI hUM swA hA/ oM tsaN+DA lI hUM swA hA/ oM badzra siM ha ni AM swA hA/ oM badzra byA g+h+ra I swA hA/ oM badzra dzam+bu ka UM swA hA/ oM badzra hU lu kA s+yA r-IM swA hA/ oM badzra DA kI nI l-IM swA hA/ oM badzra dI pa ta te dze oM swA hA/ oM badzra tsuShI ni tsu Sha sa sarba satwA na auswA hA/oM sarba kaM po dzi aHswA hA/ zhes pa rnams bzlas pas mngon par 'dod pa'i dngos grub thob bo zhes pa'o/ /dpal ldan ye shes mkha' 'gro ma'i/ /sgrub thabs rab tu gsal byed pa'i/ /bsod nams kyis ni 'gro ba rnams/ /de gzugs 'jigs med myur thob shog /ces pa ye shes mkha' 'gro ma'i sgrub thabs/ /paN+Di ta chen po 'jigs med 'byung gnas sbas pas mdzad pa rdzogs so// //'di ni dpal ldan sa skya'i chos grwa chen por dge slong rin chen rgyal mtshan gyis/ rgya dpe las bsgyur cing zhus te dag par byas pa'o/ /'dis 'gro ba du ma la phan par gyur cig /

CLOSE WINDOW