CLOSE WINDOW

D1608
བོད་ཡིག

@##/ /rgya gar skad du/ Ar+ya tsa tu ra pI Thi TI kA/ bod skad du/ 'phags pa gdan bzhi pa'i rnam par bshad pa/ mkha' 'gro ma thams cad la phyag 'tshal lo/ /zla ba gzhon pa'i steng na nyin byed thig le 'dzin pa'i sangs rgyas kyis brgyan pa//mdzes pa'i gzugs can byams pa'i mgo ste sku mchog 'jam pa'i lus la yang / /dbyig pa'i gzugs ni pad+ma las byung 'gugs pa'i sku ni 'jigs pa'i nga ro rdo rje can//rnam shes ye shes kyi gzugs srid pa'i 'jigs pa 'joms byed lha yi spyi gtsug la phyag 'tshal/ /dpal ldan gdan bzhi'i rgyud chen la/ /gsang ba'i mdud pa 'grol byed pa//rnam bshad de yis 'di bris te/ /dge ba'i go chas zhus phyir ro/ /'di skad bshad pa zhes pa dang por brtsams nas mngon par bstod do zhes pa'i tshig ji snyed kyi bar rnam par 'byed pa dang mtshan ma dang /tshig dang / mdor bsdus pa la sogs pa dang / lci ba dang / yang ba dang / tshig dang yig 'bru la sogs pa'i don nye bar ston pa'i dbang las ji ltar 'byor pa bzhin du sbyar bar bya'o/ /'di skad bshad pa'i thams cad mkhyen//zhes pa la sogs pas ni don bzhi bstan te/ ston pa po dang / bstan pa'i rnam pa dang / bstan bya'i don dang / gnas so/ /de la thams cad mkhyen pa zhes pa ni ston pa po'o/ / 'di skad ces pa bstan pa'i rnam pa'o/ /ye shes zhes pa ni bstan bya'i don to/ /gnas gtsang ma la zhes pa ni gnas so/ /de la tshig gi don ni drang srong rnams zhes pa ste/ sangs rgyas rnams kyi zhes pa'i don to/ /drang srong rnams kyi zhes pa ni kha cig la yang don de kho na'o//rnal 'byor ma yi dra mchog bde/ /zhes pa la/ de la rnal 'byor ma ni shes rab kyi pha rol tu phyin ma la sogs pa'o/ /dra ba ni 'dus pa'o/ /mchog tu bde ba ni longs spyod do zhes pa'o/ /'khor gang la yin zhe na gsungs pa/sbyangs pa'i yon tan can dang zhes pa la sogs pa ste/ sbyangs pa'i yon tan can dang zhes pa ni tshig gnyi ga la yang byams pa'o/ /'jigs par mdzad pa po dang zhes pa ni phyag na rdo rje'o/ /'phyang ba pa dang zhes pa ni kun du bzang po'o//mgrin pa gsum pa can dang zhes pa ni nam mkha'i mdzod do/ /ri rab pa dang zhes pa ni sgrib pa thams cad rnam par sel ba'o/ /ri rab gtsug tor can dang zhes pa ni sa'i snying po'o/ /pad+ma can dang zhes pa ni 'jig rten dbang phyug go//pad+ma 'chang ba po dang zhes pa ni shes rab rnon po'o/ /de dag la sogs pa lha dang mi la sogs pa ji snyed dang bcas pa'o/ /gsang bar sbyor ba zhes pa ni gsang ba'i dus so/ /sa zhes pa ni sa'o/ /'byung du 'jug pa'i dbugs dag ni/ /zhes pa ni yar 'ong ba'i rlung dang / mar 'gro ba'i rlung ngo //yul dang lus sogs lha rnams dag /ces pa ni phung po lnga dang dbang po lnga dang / de'i yul khams dang / skye mched rnams gzung bar bya'o/ /ye shes rnam par shes pa'i yul zhes pa la de la ye shes zhes pa ni skyes bu'i gzugs te thabs so/ /rnam par shes pa zhes pa ni lha mo'i gzugs te shes rab ma'o//ye shes dbang zhes pa ni de dag gi dbang phyug pa ji snyed pa'o zhes pa'o/ /sems can gyi gzhi thabs su gyur pa rtsa ba'i 'khor lo dang po kho nar ston 'dod pas nyon cig ces de gnyis gcig tu gyur pa'i dbugs rnam pa'i cha gsungs pa/ nyi khri dang ni zhes pa la sogs pa gsungs te/de la khri ni stong phrag bcu'o/ /nyi khri zhes pa ni khri phrag gnyis so/ /chig stong zhes pa ni stong phrag gcig go/ /drug brgya ni zhes pa ni brgya phrag drug go/ /chu tshod drug cu'i dbugs rnams ni/ /zhes pa ni chu tshod drug cu'o/ /de gnyis nyin mtshan du ji snyed yod pa'i dbugs kyi don shes pa'o//'byung zhes pa ni yar 'khyud pa'i dbugs so/ /'jug ces pa ni mar 'jug pa'i dbugs so/ /phyi rol brtsi par gzhag bya ba/ /bcu gnyis sa la de bzhin te/ /zhes pa la de sa'i 'khor lo'o/ /bcu gnyis ni re'u mig bcu gnyis so/ /phyi rol zhes pa ni phyi rol du bri ba'o/ /brtsi bar gzhag bya ba zhes pa ni rtsis kyi yi ge gzhag par bya'o zhes pa ji snyed pa'o//ji ltar tshes grangs brtsi ba bzhin/ /zhes pa ni phyogs dang mtshams la rim pas phyi rol du ming 'dzag pa la sogs pa rnam pa bcu gnyis la re'u mig la gzhag par bya'o zhes ji snyed pa'o/ /de yang tshes kyi rim pa gang las brtsams te gzhag par bya zhe na gsungs pa/shar nas dgun zla 'bring sogs gzhag /ces pa la sogs pa gsungs te/ dgun zla 'bring po zhes pa ni/ dgun zla 'bring po'o/ /de nas brtsams nas ji snyed dgun zla ra ba'i bar du zhes pa'i don to/ /'jigs pa la sogs pa dang po nas 'dod pa mthar thug pa re'u mig bcu gnyis pa khung bu la gzhag par bya'o zhes ji snyed pa'o//ma rig pa la sogs bcu gnyis yan lag rnams ni 'dzag pa la sogs pa rnams rnam grangs gzhan du gsungs pa bla ma'i man ngag go/ /ro hi ta dus lhags la mchod/ /de bzhin lo ni bcu bdun thub//ces pa ni rtsa ba rnam par bzlog par bshad par bya'o/ /rab 'byor sa ni thog rgas shing / /rnal 'byor sa ni 'byung ba'i bar/ /zhes pa ni rang bzhin 'jug pa dang / log pa gnyis sbyor ba cha la skyes pa zhes pa ste/ de'i lus rnams kyi mtshan nyid ni kun la shes par bya'o/ /ra can pre sha pa la 'grub//ces pa ni/ de la ra can ni 'dzag pa dang / chu srin dang / sbom po dang / sdig pa rnams te/ rgya gar gyi tshig la yi ge yod pa'i phyir ro/ /de bzhin du khyu mchog la gang byed pa'i don te 'grub po zhes pa'i don to/ /mkhas pas snga dro brtsi bar bya/ /zhes pa ni tho rangs kyi dus las brtsams nas/dbugs la sogs pa brtsi bya'o/ /zhes pa ji snyed pa'o/ /nor rgyas bu zhig 'dzag pa ste/ /zhes pa la sogs pas ni/ dug phog pa'i dus na sos gzung ba brtags pa la 'dzag pa la sogs pa'i zhing la ni/ nor rgyas kyi bu la sbyar bar bya'o zhes ji snyed pa'o/ /'di la dug gi rim sbyar ba//bye brag tu ni shes par bya/ /zhes pa ni 'di la dug ces pa ni gang du klu'i 'khor lo'o/ /rim sbyar ba zhes pa ni/ sos pa dang mi sos pa'i rim pa bye brag tu ni shes par bya'o zhes ji snyed pa'o/ /rwa can khyu mchog rnams la grub/ /bdud rtsi skye bar mi 'gyur ro/ /zhes ni/ de la yang 'grub 'jigs pa dang /chu srin dang / sbom po dang / sdig pa rnams te/ rgya gar gyi tshig la ra yig yod pa'i phyir ro/ /ra can pa'i sgra ni mi dge ba'i rnam grangs so/ /don ni 'di lta ste/ ra can bzhi dang khyu mchog la/ /sos btab zin na mi 'tsho'o/ /zhes ji snyed pa'o/ /de kho na'i phyir bdud rtsi skye bar mi 'gyur ro zhes pa dang /nag pos zos par 'gyur ro zhes ji snyed pa'o/ /dug bsdu ba yi sbyor ba ni/ /gzhan gyi cho ga kun sbyar nas/ /zhes pa ni/ khyu mchog dang / ra can bzhi las gang gi tshad la gal te zos par gyur na de'i tshe dpyad par bya ba'i don to/ /rim gyis dgun zla 'bring sogs par/ /dus kyis bgrod par byang gi phyogs/ / zhes pa ni/ dgun zla 'bring po dang po nas bzung ste/ rim par nyi ma'i spyod pa'i dbang la bgrod pa ste/ lho ru bgrod pa dang / byang du bgrod pa'o/ /byang gi phyogs shes pa ni/ byang du bgrod pa'o zhes pa'o/ /lho na bgrod pa ni nyin mo mngon du bskyed pa dang / byang du bgrod pa la ni mtshan mo mngon du bskyed pa'o zhes ji snyed pa'o//da ni dgun zla 'bring po la sogs pa zla ba bcu gnyis kyi mtshan mo dang nyin mo'i rnam pa'i chu tshod bcu drug las phri ba dang / bskyed pa gsungs pa/ bcu gnyis bun dang bzhi dag ni/ /zhes pa la sogs pa ste/ chu tshod sum cu rtsa drug ces pa'i don to/ /ji ltar nyin dang nyin bya ba/ /zhes pa ni/ji snyed zla ba rdzogs pa la/ /zhes pa ste/ de snyed kho na nyin re dang mtshan re la chu tshod kyi rnam pa cher shes par bya'o/ /re'u mig gi ni bcu gnyis pa'i/ /zhes pa ni dgun zla tha chungs so/ /bcu gnyis 'gyur dang drug dang ni/ /zhes ni nyin mo la chu tshod nyi shu rtsa drug go/ /bcu gsum bun 'gyur bzhi dag ni//zhes pa ni/ de kho na'i mtshan mo la chu tshod sum cu rtsa bzhi'o/ /bcu gnyis bsgyur ba'i brgyad dag ni/ /zhes pa ni dpyid zla ra ba'i nyin mo'i chu tshod nyi shu rtsa brgyad do/ /bcu gsum bun 'gyur gnyis dag ni/ /zhes pa ni/ mtshan mo la chu tshod sum cu rtsa gnyis so/ /b+hi shu'i bar du gnyis sbyar ba//zhes pa ni/ dpyid zla 'bring po'i chu tshod sum cus brtags pa yin zhes te/ de'i nyin dang mtshan la chu tshod sum cu zhes pa'i don to/ /bcu gsum dang ni gnyis dag go/ /zhes pa ni dpyid zla tha chungs kyi zla ba la nyin mo'i chu tshod sum cu rtsa gnyis so/ /bcu gnyis gyur dang brgyad dag ni//zhes pa ni/ de kho na'i mtshan mo la chu tshod nyi shu rtsa brgyad do/ /bcu gsum rnam par gzhag pa dang / /bzhi po dag ni ldan par bya/ /zhes pa ni/ dbyar zla ra ba'i nyin mo'i chu tshod sum cu rtsa bzhi'o/ /bcu gnyis bsgyur dang drug rnams ni/ /zhes pa ni de kho na'i mtshan mo la chu tshod nyi shu rtsa drug go//bcu gsum bsgyur ba'i drug dang yang / /zhes pa ni/ dbyar zla 'bring po'i nyin mo la chu tshod sum cu rtsa drug go/ /bcu gnyis bun dang bzhi yis ni/ /zhes pa ni/ de kho na'i mtshan mo la chu tshod nyi shu rtsa bzhir 'gyur ro zhes pa'i don to/ /de ltar nyin mo mngon du bskyed pa'i rgyur gyur ba'i lho'i bgrod pa zhes bya ba de dag tsam gyis yongs su rdzogs so zhes gsungs pa/lho phyogs su ni bgrod ston pa'o/ /zhes pa la sogs pa'o/ /yang mtshan mo mngon du bskyed pa'i rgyur gyur pa/ /byang gi bgrod pa brjod 'dod pas gsungs pa/ bcu gsum bsgyur pa la sogs pa ste/de la zhes pa ni/ dbyar zla tha chungs zla ba'i nyi ma chu tshod sum cu rtsa bzhi'o/ /bcu gnyis bun bsgyur drug dang ni/ /zhes pa ni/ de kho na'i mtshan mo la chu tshod nyi shu rtsa drug go/ /bcu gsum bsgyur ba'i gnyis dang yang / /zhes pa ni ston zla ra ba zla ba'i nyin mo la chu tshod sum cu rtsa gnyis so//bcu gnyis bsgyur dang brgyad kyis ni/ /zhes pa ni/ de kho na'i mtshan mo la chu tshod nyi shu rtsa brgyad do/ /bcu gsum 'gyur du bstan pa yis/ /zhes pa ni/ ston zla 'bring po'i b+hi shu zhes bya ba nyin mo dang / mtshan mo la chu tshod sum cu sum cu zhes ji snyed pa'o/ /bcu gnyis 'gyur dang brgyad kyis ni//zhes pa ni/ ston zla tha chungs kyi zla ba'i nyin mo la chu tshod nyi shu rtsa brgyad do/ /bcu gsum gyur ba'i gnyis dang ni/ /zhes pa ni/ de kho na'i mtshan mo la chu tshod sum cu rtsa gnyis so/ /bcu gnyis bsgyur ba drug dang ni/ /zhes pa ni dgun zla ra ba'i zla ba'i nyin mo la chu tshod nyi shu rtsa drug go//bcu gsum bsgyur ba'i bzhi dang ni/ /zhes pa ni de kho na'i mtshan mo la chu tshod sum cu rtsa bzhi yin no zhes pa'i don to/ /yang bgrod pas zla ba dang mtshan mo dang nyin mo'i cha rnam par phye ba rnams kyi chu tshod gcig la dbugs su zhes dpyad pa gsungs pa/ sum brgya de bzhin drug cu la//zhes pa la sogs pa ste/ de'i don ni 'di lta ste/ nyin mtshan gyi de'i chu tshod drug cu'i grangs la chu tshod re re kho na la sum brgya drug cu dbugs yin no zhes pa'o/ /zla ba go rims ji lta bar/ /zhes pa ni dbyar zla 'bring po la sogs pa'i chu tshod rnams de bzhin du dbugs rnams so/ /chu tshod dbugs ni kun rdzogs dang //rim par 'khor bar chad pa ni/ /zhes pa ni de la dpyid zla 'bring po dang ston zla 'bring po gnyis la b+hi shur 'gyur te/ de gnyis kyi nyin mo dang mtshan mo la mnyam par 'khor ro/ /lhag ma rnams zla ba la ni chad pa zhes phri ba dang / skyed par 'khor ro/ /bgrod pa dang zla ba'i rnam pa'i cha'i dbugs dang /chu tshod phye ba mngon par brjod nas/ da ni lo gcig gi tshes grangs rnam pa'i cha dbye bar 'dod pas gsungs pa/ kha sogs zhes pa la sogs pa ste/ de la kha sogs zhes pa ni nyi shu rtsa bzhi'i yi ge kha dang por bzung nas yi ge bar ma'i bar du bya ste/ byA ka ra Na'i a ka ra sha ma ti ka la/ ya wa ra la zhes brjod pa'i phyir ro/ /dus shes na drug kho na bya'o zhes so/ /de dag thams cad 'du bar byas te/ bgrod pa gnyis kyi brtsi ba la/ /zhes pa ste/ bgrod pa gnyis las rnam par shes pa gnyis bya'o zhes pa'i don to/ /bsam pa ni 'di lta ste/ sum cu rtsa drug gi grangs 'dus nas cha mnyam por bya'o zhes pa'o//de ltar zin ma thag tu cha gcig la brtsi ba bco brgyad du 'gyur ro/ /gnyis ni bcu 'gyur bya ba yis/ /zhes pa ni cha gnyis so/ /so sor re rer bcu bun du byas te/ de gnyis 'dus pa'i ji snyed kyi grangs snyed pa de snyed grangs yongs su brtsis pa ni/ de ltar lo'i chu tshod do//zhes pa ste/ chu tshod dbugs rnams ni bsgyur zhes pa'i don to/ /nyin dang mtshan gyi dbugs dag ni/ /de yi tshad kyis sbyar bar bya/ /zhes pa ni de'i tshad ces chu tshod kyi blo dang dbugs kyi mthar thug pa tshad gsal lo zhes de shes par bya'o zhes ji snyed pa'o/ /de ltar rtsa ba'i 'khor lo gyur pa lo dang zla ba dang /nyin mtshan gyi chu tshod dang / dbugs kyi tshad mngon par brjod nas phyi'i dkyil 'khor byas nas sa bcu gnyis la gzhag pa'i sgra yig gi khyad par gyi dbang las dge ba dang mi dge ba'i mtshan ma brtag pa'i don du rnal 'byor pa'i 'khor lo ston 'dod pas gsungs pa/dag gi dbang phyug kun bzung nas/ /zhes pa la sogs pa ste/ de la man ngag ni 'di lta ste/ ba lang gi lci bas la ma lhung bas byugs pa'i gsang ba'i phyogs la tsan+dan dang gur kum la sogs pa rnam par bgrod pa'i dkyil 'khor la mkha' 'gro ma lnga'i sa bon gyis sngags btab pa'i rdo rgyus kyis re'u mig bcu gnyis pa 'khor lo mngon par bris te/de la shar gyi re'u mig nas brtsams nas/ yi ge a la sogs pa yi ge a'i mthar thug pa rnams ma ning gi yi ge r-i r-I l-i l-I spangs nas bri bar byas te/ bdag kyang yi dam gyi lha yid la byed pa byas pa de'i 'dri ba po'i ngag gi dbang phyug tshad bzung nas de'i grangs su gsungs pa dang /'khor lo'i yi ge yang bzung nas de'i grangs de yang sum 'gyur du byas te/ rtsis de yang drug 'gyur du byas nas/ /de kho na la drug cu rtsa lngas bsres te/ de las bcu gnyis bcu gnyis su phri nas lus pa'i rtsis kyi tshad gang de'i yon tan bltas nas dge dang mi dge ba bstan par bya'o//ma ning gnyis ni mngon spangs te/ /zhes ni r-i r-I dang l-i l-I spangs pa'i sgra yig ces pa'i don to/ /a zhes bya bar rim ldan na/ /zhes pa dang po nas gzung ste/ /ji ltar dang po a zhes pas//de bzhin mtha' ma gzung bar bya/ /zhes ji snyed kyi bar mtshan ma'i yon tan gsungs so/ /da ni/ ngag gi dbang phyug kun bzung na/ /zhes pa de la man ngag ston pa ni/ bcom ldan 'das nyid kho nas gsung bar mdzad pas gsungs pa/ gong du sum 'gyur bya ba dang /zhes pa la sogs pa ste/ de la/ gong du sum 'gyur bya ba dang / /zhes pa ni/ 'dri mkhan gyi ngag gi dbang phyug rnams ni dang po sum 'gyur du byas nas phyi nas drug 'gyur bya'o zhes don gsungs pa/ drug 'gyur du ni brtsi ba gzhag /ces pa ste/ don ni 'di lta ste/ 'dri mkhan gyi ngag gi dbang phyug sum 'gyur du byas pa kho na ji snyed kyi sgra yig de snyed kyi tshad kho na yang drug 'gyur du gzhag par bya'o zhes pa'o//yang gsungs pa/ drug cu rtsa lngas bsres nas ni/ /zhes pa ni drug 'gyur du byas pa'i tshad kho na la drug cu rtsa lngas bsres nas gcig tu byas te/sa yis de ni bcad nas su/ /zhes pa ste bcu gnyis bcu gnyis su bcad nas phri bar byas pa'o/ /yi ge lhag ma gzung byas te/ /zhes pa ni/ bcu gnyis su phri ba las lhag pa'i yi ge rtsis kyis yi ge grangs kyis bgrangs pa'i yi ge'i yon tan dge mi dge lung du bstan par bya'o zhes ji snyed pa'o//yang na ri mo kyag kyog ris/ /zhes pa la sogs pas ni yang dang yang du dge ba dang mi dge ba'i mtshan ma rnam pa gzhan gsungs pa ste/ 'di la kyag kyog ces pa ni/ /glang gi gcin bzhin du 'dren par byed pa'i ri mo'o/ /de 'dra'i ri mo la sngon gsungs pa'i 'du byed kyis gtsang bar byas par 'gyur ba'i sa la gang mkha' 'gro ma'i sngags btab pa rdo rgyus kyis mnyam por tshur 'dren nas bris te/de'i steng gi spyi bo la sgra yig bcu gnyis rnams bkod nas brtsis pa la tha mar gyur ba'i sgra yig gi yon tan brjod par bya'o zhes ji snyed pa'o//yang na me tog mar btang ste/ /zhes pa la sogs pas ni/ gzhan yang mtshan ma brjod pa sbyor ba kho na gsungs te/ de la man ngag ni 'di lta ste/ gong gi re'u mig bcu gnyis pa'i 'khor lo ni gong nas gsungs pa'i rim pas mngon du bris te/ de la yang ma ning gi yi ge spangs pa'i sgra yig bcu gnyis bkod nas rang gi yi dam gyi sems sngon du byas te/me tog mar gtang bar bya'o/ /re'u mig la me tog lhung ba re'u mig de la gzhag pa'i sgra yig gi yon tan 'dri mkhan de la dag mi dge lung du bstan par bya'o/ /de dag ni dpal ldan gdan bzhi pa las le'u dang po'i rnam par bshad pa'o// //da ni dus ma yin par 'chi ba'i mtshan ma 'byung ba des mtshan ma'i skyes bu bsrung ba'i sbyor ba dang / 'dri mkhan gyi gnas dang / dbugs kyi rnam pa'i cha dang / 'tsho ba dang / mi 'tsho ba dang / char 'bab pa'i sbyor ba dang / pho nya'i mtshan ma rnams ston 'dod pas/ye shes de nyid bye brag dang / /ces pa la sogs pas ni le'u gnyis pa brtsams so/ /de la/ ji ltar lus kyi mtshan ma dang / /zhes pa ni skyes bu rnams kyi lus la rnam par gnas pa'i dus ma yin par 'chi ba'i mtshan ma ci 'dra ga la gnas zhes pa'o/ /nyon cig rgyal po rdo rje che//zhes pa la sogs pas ni bcom ldan 'das kyis de kho na slar gsungs pa'o/ /dbugs ni rnam par rgod pa yis/ /lus can zla ba drug na 'chi/ /zhes pa ni 'jug pa dang 'byung ba'i dbugs kyi mtshan nyid rnams ji ltar gsungs pa'i grangs las phyin ci log par phri ba dang bskyed par 'jug pa'o//lus kyis kyang bskyed pa dang phri bar 'byung ba dang / lus can rnams kyi lus ni shi ba zhes shi 'pho ba'o/ /de bzhin 'jigs pa chung mthong na/ /zhes pa la sogs pas ni gzhan yang dus ma yin par 'chi ba'i mtshan ma gsungs so/ /don ni 'di lta ste/ 'jigs pa chung zhes pa ni dus ma yin par shi ba mthong nas 'jigs pa'o zhes pa'o//'gram pa'i tshogs ni g.yo bar 'gyur/ /zhes pa ni/ gal te dus la bab 'gyur na/ /dbugs ni chad cing 'chad par 'gyur/ /zhes pa ni dus la bab 'gyur zhes pa ni glo bur du 'chi ba'i sa la gal te rtsis kyis brtsis na/dbugs kyi tshad la chad cing / 'chad 'gyur zhes bskyed pa dang phri ba yin no/ /de tshe chad pa ni shi ba'o/ /de la yang chad pa'i rim pa yongs su shes pa ni bla ma'i man ngag ste/ re'u mig bcu gnyis pa la mu khyud bcu gnyis pa dang ldan par bya ba dang / dbus kyi re'u mig sngon du bri ba'o//de la phyi'i tshad ni shar gyi re'u mig la tshad lnga'o/ /rtsis yig lnga'o/ /re'u mig gnyis pa la yang bcu'o/ /re'u mig gsum pa la bco lnga'o/ /re'u mig bzhi pa la nyi shu'o/ /re'u mig lnga pa la nyi shu rtsa lnga'o/ /re'u mig drug pa la nyi shu rtsa drug go/ /re'u mig brgyad pa la nyi shu rtsa brgyad do//re'u mig dgu pa la nyi shu rtsa dgu'o/ /re'u mig bcu pa la sum cu tham pa'o/ /re'u mig bcu gcig pa la sum cu rtsa gcig go/ /re'u mig bcu gnyis pa la sum cu rtsa gnyis so/ /re'u mig dbus ma la sum cu rtsa gsum mo/ /de dag dbus kyi rim pa shes par bya ba'o//yang bar gyi mu khyud la shar gyi re'u mig la lo gsum mo/ /gnyis pa la lo gnyis so/ /gsum pa la lo gcig go/ /bzhi pa la zla ba drug go/ /lnga pa la zla ba gsum mo/ /drug pa la zla ba gnyis so/ /bdun pa la zla ba gcig go/ /brgyad pa la zla ba phyed do/ /dgu pa la tshes bcu'o//bcu pa la tshes lnga'o/ /bcu gcig pa la tshes gsum mo/ /bcu gnyis pa la tshes gnyis so/ /dbu ma la tshes gcig go/ /de ltar 'tsho ba'i tshes grangs so/ /de ltar yang smras pa/ de ltar dbugs chad pa dang / bskyed pa rnal 'byor pas dus gang la yongs su brtag par bya zhe na gsungs pa/snga dro 'dzag pa'i dus la ni/ /de la mtshan ma brtag par bya/ /zhes pa ste/ bsam pa ni 'di lta ste/ tho rangs 'dzag pa'i yan lag gi gnas skabs las yongs su brtag par bya'o zhes pa'o/ /da ni yan lag brgyad la gnas pa chad par gyur na/'tsho ba'i tshes grangs kyi tshad gsungs pa/ sna yi nang ka chad pa na/ /nyi ma bdun gyis gdon mi za/ /zhes pa la sogs pa'o/ /don ni 'di lta ste/ sna'i rtse mo zhom ma thag tu tshes bdun gyis 'chi'o zhes pa'o/ /mig gi AM ba ra chad na/ /tro ta de bzhin nyi ma lnga/ / zhes pa ni mig gi rtsa la tro ta zhes bya ba chad na/ mi 'phar bas na tshes lngas 'chi'o/ /de'i yang sna rgyud kyi phyogs kyi mig rtsa'i mtha' na 'phar ba brtag par bya'o/ /'gram pa'i bar sha chad gyur na/ /zhes pa ni 'gram bu'i glo na rtsa gang yin pa de chad par gyur na zhag gcig gis 'chi'o/ / rna ba'i u dum rnam chad na/ /zhes pa ni rna ba'i khung bu'i phyi rol de dang 'byor ba'i rtsa gang de chad par gyur na chu tshod lnga las mi thub bo/ /'di la lce ni thig nag zhes pa ni/ lce la glo bur du skud pa 'dra ba'i ri mo nag po mthong ma thag tu zhag gnyis kyis 'chi'o/ /steng 'og so ni 'thams 'gyur na//zhes pa ni/ sos so 'thams ma thag tu zhag gsum kho nas 'chi'o/ /mgrin pa glo'am phyi rol rtsa/ /zhes pa ni mgrin pa'i phyi rol gyi rtse'u chung zhes pa de chad na zla ba phyed na 'chi'o/ /brang gi lhe'u ni zhom 'gyur na/ /zhes pa ni glo bur du brang snying mar zhom na zla ba phyed kho na'o//sen mo bkrag ni med gyur na/ /zhes pa ni glo bur du rkang lag gi sen mo rnams dmar po'i dngos po med zin ma thag tu tshes drug na 'chi'o/ /de ltar gsungs pa'i mtshan nyid dus ma yin par 'chi ba'i mtshan ma nye bar brtags pa'i skyes bu bsrung ba'i cho ga gsungs pa/sna yi nang ka chad pa na/ /zhes pa la sogs pa ste/ de thams cad la man ngag gi 'di lta ste/ gnas gang gi rtsa chad par gyur pa gnas de kho na la ji ltar gsungs pa'i sa bon nam des bskyed pa'i lha rnams bsgom mo zhes pa'o/ / de nyid kyi phyir na gsungs pa/ ye shes sa bon gyis zhes pa ste/ ye shes kyi sa bon ni yi ge hUM ngo / /rdo rje'i sa bon ni yi ge suM ngo / /drag po'i sa bon ni yi ge k+ShuM'o/ /ro langs ma'i sa bon ni yi ge yuM ngo / /gdol pa mo'i sa bon ni yi ge hUM ngo / /seng ge ma'i sa bon ni yi ge s+m+r+yuM ngo //stag mo'i sa bon ni h+m+r+yuM ngo / /ce spyang gi sa bon ni y+m+r+yuM ngo / /'ug pa ma'i sa bon ni k+Sh+m+r+yuM ngo / /yang de kho na'i bsrung ba'i don phyi'i 'khor la gzhag pa'i cho ga gsungs pa/ gzhan yang bsrung ba bshad par bya/ /zhes pa la sogs pa ste/de la bsreg snod gnyis bzung ste/ /zhes pa ni ma bsregs pa'i gyo mo'i snod gnyis blangs te/ gur gum go ro tsa nas bri/ /zhes pa ste/ gi wang ngam gur gum gyis bri bar bya'o zhes pas rtog go/ /da ni thab bri ba'i rnam pa gsungs pa/ gzhan yang bshad par bya/re'u mig dgu sogs cha dag dang / /zhes pa ste/ man ngag ni 'di lta ste/ 'og ma'i gyo mo'i snod la mu khyud gcig gis bskor ba re'u mig dgu pa'i 'khor lo bri bar bya'o zhes pa'o/ /steng ma cha dag bcu gnyis ni/ /zhes pa ni seng ge'i snod la yang mu khyud gcig gis bskor ba re'u mig bcu gnyis pa'i 'khor lo bri ba'o//da ni nang du dgod pa'i sngags ston 'dod pas gsungs pa/ dbus su ming ni bris nas su/ /zhes pa la sogs pa ste/ gyo mo'i snod gnyi ga la yang dbus su bsgrub bya'i ming bri bar bya'o/ /ji ltar bri zhe na gsungs pa/ sa bon gyis ni de bzhin bskor/ /zhes pa ste/ sngags kyi yi ge'i bar du bri bar bya'o zhes pa'i don to/ /de kho na gsal par byed 'dod pas gsungs pa/ phyag 'tshal sgra ni sngon du ste/ zhes pa la sogs pa'o/ /phyag 'tshal sgra ni yi ge o'o/ /de ni bsgrub bya'i ming gi 'og na bri bar bya'o zhes pa'o//bsrung ba'i ngag gi gong du gzhag /ces pa ni rak+Sha rak+Sha zhes pa dag gi gong du bsgrub bya'i ming bri bar bya'o/ /mtha' ru gzhag pa'i sa bon ni/ /zhes pa ni gong du gsungs pa de'i mtha' na/ sangs rgyas lnga yis mngon par brgyan/ /zhes pa ste/ yi ge hUM bri ba'o/ / bsreg pa'i yi ge mthar gzhag ste/ /zhes pa ni sangs rgyas lngas mngon par brgyan pa'i mtha' na bsreg pa'i yi ge swA hA bkod par bya'o/ /de ltar dbus su yi ge bkod nas/ mu khyud 'khod ba la bkod pa gsungs pa/ sgra yig steng sogs mu khyud la/ /zhes pa ste/ steng gi mu khyud 'khor ba la gyo mo'i snod gnyis pa la ma ning spangs pa'i sgra yig bcu gnyis bkod par bya'o zhes ji snyed pa'o//da ni 'og gi gyo mo'i snod re'u mig dgu la gzhag pa'i sa bon gsum ste/ ka pha gnyis 'gyur sa bon dang / /zhes pa la/ de la ka zhes pa ni sa ste de'i sa bon yi ge hUM ngo / / pha zhes pa ni rlung ste/ de'i sa bon yi ge yuM mo/ /gnyis 'gyur sa bon dang zhes pa ni yi ge k+ShuM ste/ ka dang sha brtsegs pa'i phyir ro/ /rdo rje ma'i lha mo'i mtshan/ /zhes pa ni yi ge sruM ngo / /lnga ldan ma yi sa bon dang / /zhes pa ni yi ge hUM de dag kho na thams cad dbus kyi re'u mig la bkod pa'i rim pa kho nas sngags bkod pa bshad 'dod pas gsungs pa/phyag 'tshal bsregs pa mtha' ma ru/ /zhes pa ste sbyor ba ni 'di lta ste/ oM che ge mo rak+Sha rak+Sha sruM sruM zhes de ltar bkod par bya'o/ /de ltar yi ge k+ShuM la sogs pa rnams la yang sbyar bar bya'o/ /sangs rgyas lnga yis mngon bar brgyan//zhes pas lnga ldan ma'i sa bon zhes gsungs pas/ dbyig pa 'jig rten dbang phyug go/ /zhes pa la sogs pa ste/ tshigs bshad de yis yi ge hUM kho na rnam par bshad pa'o/ /de yang dbyig pa ni yi ge ha'i 'og na ri mo drang po ste/ de ni 'jig rten dbang phyug go//brtag pa phyin phyogs rdo rje'i phyag /ces pa ni yi ge hUM gi zhabs skyed de/ de ni phyag na rdo rje'o/ /lus ni zhes pa ni ha'i khog pa ste de ni 'jam pa'i mgon no/ /dril bu'i mchog ces pa ni shes rab kyi pha rol tu phyin ma ste de gnyis kyi rang bzhin gcig nyid kyi phyir ro/ /yi ge ha ni 'jam pa'i dpal gyi rang bzhin yang yin la/shes rab kyi pha rol tu phyin pa'i rang bzhin yang yin no zhes rnam par rtog go/ /de bzhin mgo ni byams pa dang / /zhes pa ni yi ge hUM gi gad mo mgo'i ri mo ste de ni byams pa ste/ ma zhes bya ba steng 'bar ba/ /zhes pa ni de la ma zhes pa ni zla ba phyed 'dra ba'i ri mo'o//steng 'bar zhes pa ni de'i dkyil 'khor gyi thig le'o/ /rnam snang 'khor ba sgrol bar mdzad/ /ces pa ni de gnyis rnam par snang mdzad de gong du gsungs pa rnams kho na'o/ /de ni kha pha la sogs pa'i sa bon rnams/ re'u mig gi go rims kyi dbang gis gsungs pa/shar gyi phyogs su gzhag pa ni/ /zhes pa la sogs pa ste/ de la shar gyi re'u mig la sruM/ rdo rje mkha' 'gro ma'o/ /byang du k+ShuM drag po'i mkha' 'gro ma'o/ /nub tu yuM ro langs ma'i sa bon no/ /lho ru hUM gdol ba'i mkha' 'gro ma'o//de ltar phyogs kyi bkod pa byas nas/ da ni mtshams la bkod pa gsungs pa/ dbang ldan phyogs su seng ge ma/ /zhes pa la sogs te/ dbang ldan gyi re'u mig la s+m+r+yuM seng ge ma'o/ /me'i re'u mig la h+m+r+yuM stag mo'o/ /bden bral gyi re'u mig la y+m+r+yuM ce spyang ma'o/ /rlung gi re'u mig la k+Sh+m+r+yuM 'ug pa ma rnams bkod pa'o//grwa'i de dag kho na'i sa bon rnams kyi ngo bo rnams bshad 'dod pas gsungs pa/ bzhi pa'i yi ge drug la zhes pa ste/ don ni 'di lta ste/ sa dang k+Sha dang ya dang ha rnams ni yi ge bzhi rnams rnam par gzhag ste/ de rnams kyi 'og na yi ge ma'o//de'i 'og na yi ge ra'o/ /de'i 'og na yang yi ge ya'o/ /de'i 'og na yang yi ge u zhabs skyed do/ /de dag gi steng du thams cad la zla ba phyed dang thig le'o/ /de ltar zin ma thag tu yi ge sa la sogs pa bzhi so sor re re la brtag pa'i yi ge drug dang ldan par 'gyur ro zhes pa'o//ji snyed ni 'og gi gyo mo'i kham phor gyi dkyil 'khor gyi man ngag go/ /da ni steng gi gyo mo dang kham phor gyi 'khor lo la sa bon bkod pa nye bar ston 'dod pas gsungs pa/ steng gi bcu gnyis gnas de la/ /zhes pa la sogs pa ste don ni 'di lta ste/gong du gsungs pa'i re'u mig bcu gnyis pa'i 'khor lo'i phyogs su sgra'i sa bon gzhag par bya'o/ /phyag 'tshal bsreg pa mthar bzhag ste/ /zhes pa ni gong ma bzhin du dbang por yi ge oM mtha' ma ni yi ge swA hA dang ldan pa ni ma ning gi yi ge gzhag par bya'o zhes pa'o//ma ning gi yi ge ni r-i r-I dang l-i l-I zhes sgra yig gzhag pa'o/ /ma ning gi yi ge de dag kho na mkha' 'gro ma la sogs pa'i rang bzhin zhes bya ba gsungs pa/ 'bar byed ma dang 'jib byed ma/ /zhes pa la sogs pa'o/ /de la 'bar byed ma ni yi ga r-i'o//'jib byed ma ni yi ge l-i'o/ /'phrog byed ma ni yi ge l-I'o/ /mkha' 'gro ma ni yi ge r-I do/ /da ni yi ge de dag ni rim par bkod pa gsungs pa/ shar du mkha' 'gro ma yi gnas/ /zhes pa la sogs pa ste/ shar gyi re'u mig la r-I ni mkha' 'gro ma'o//byang gi r-i ni 'bar byed ma'o/ /nub kyi l-i ni 'jib ma'o/ /lho'i l-I ni 'phrog byed ma bkod do/ /grwa la yang bla ma'i man ngag gis bkod pa gsungs pa/ dbang ldan gyi grwa'i re'u mig gnyis la i I'o/ /me'i grwa'i re'u mig gnyis la u U'o/ / bden bral gyi re'u mig gnyis la e dang e'o/ /rlung gi grwa'i re'u mig gnyis la o dang au'o/ /dbus su ming ni bri ba ste/ /zhes pas ni/ 'og gi 'khor lo bzhin du dbus kyi re'u mig la bkod pa dang phyi'i mu khyud 'khor ba la sgra yig bkod pa dran par byed pa'o/ /de ltar bris pa'i bsrung ba'i 'khor lo ji ltar bsgom par bya zhe na gsungs pa/mkha' 'gro lnga yis byin brlabs pa/ /zhes pa'i don ni 'di lta ste/ mkha' 'gro lngas byin gyis brlab par bya ste/ dkyil 'khor de kho na bsgom par bya'o/ /rdo rje slob dpon gyis kyang rang bzhin gang bsgom par bya zhe na gsungs pa/bdag nyid rdo rje can sbyor bas/ /zhes pa ste/ de la yang man ngag nye bar ston pa ni 'di lta ste/ dkyil 'khor gyi no pa ki las gsungs pa'i rim pas rdo rje sems dpa'i sbyor ba bya'o/ /rdo rje sems dpa' bdag ces brjod/ /ces pa ni oM badzra satwa a haM zhes nga rgyal byas nas bsgom par bya'o zhes pa'i don to//rdo rje lag gi lag rtse yis/ /zhes pa ni gsungs pa'i rim pas rdo rje sems dpa'i sbyor ba byas nas/ lag rtser rang gi lag pa'i mthil rdo rje rtse lnga par bsgoms nas/ lag pa des gyo mo'i kham phor la reg par bya'o//dbus su brtan pa'i sa bon ni/ /zhes pa ni yi ge hUM ngo / /brgya dang brgyad du bzla bar bya/ /zhes pa ni dri la sogs pas mchod nas 'byung po'i gtor ma yang dbul lags te/ bsgrub bya'i mgo phyogs na bzhag nas sngags btab pa'o/ /de dag ni phyi rol bsrung ba'i cho ga'o//da ni mtshan ma 'dri ba po'i gnas dang bdag nyid mnyam pa nyid dang / mi mnyam pa nyid kyis/ dge dang mi dge bstan 'dod pas/ /gsungs pa/ gzhan yang dbugs kyi bdag nyid ni/ /zhes pa la sogs pa'o/ /dbugs dang mnyam par gnas pa yis//thams cad grub par bshad pa yin/ /zhes pa ni/ de la mnyam pa'i dbugs ni/ mtshan ma 'dri ba po nye bar 'ongs nas rdo rje slob dpon gyi g.yas kyi glo nas 'dri na de'i tshe g.yas kyi rtsar 'jug nas dge bar brtag par bya'o/ / gal te g.yon du 'jug nas dri na de'i rtsa la 'jug na dge'o/ /de kho na gsal bar byed 'dod pas gsungs pa/ g.yas kyi g.yas pa nyid kyis gnas/ /zhes pa la sogs pa ste/ g.yas pa'i dbugs la g.yas su gnas na dge'o/ /g.yon gyi dbugs la g.yon du gnas na dge'o zhes ji snyed pa'o//de phyin ci log nas yang mi dge ba gsungs pa/ /dbugs dang mi mthun pa yi tshig/ /ces pa ni/ mi mthun pa zhes pa ni phyin ci log par 'jug pa ste/ de la nges pa g.yas kyi dbugs la 'jug pa g.yon du gnas pa dang g.yon du dbugs 'jug pa na g.yas su gnas na mi dge'o//dbugs dang mnyam du gnas na yang / /'byung dang 'jug pa'i rnam pa'o/ /cha yis 'dod pa dang mi 'dod pa'i khyad par ston 'dod pas gsungs pa/ 'byung dang 'jug pa'i sbyor ba yis/ /zhes pa la sogs pa ste/de la 'jug pa ni dbugs 'jug pa'o/ /'byung ba ni dbugs su 'byung ba'o/ /dbugs dang gnas gnyis gcig tu dri ba zin na yang gal te 'jug pa na 'dri na de'i tshe dge'o/ /gal te 'byung ba na 'dri na de las gzhan mi dge'o/ /de kho na gsal bar gsungs pa/zhugs pa thams cad bya ba ni/ /rgyas par yongs su grags pa yin/ /zhes pa ni/ rgyas pa zhes don thams cad grub po zhes bsam pa'o/ /da ni zos pa'i bsrung ba dang / dug sbyor ba'i thabs kyi sbyor ba ston 'dod pas gsungs pa/ dug sems kyis ni zos pa la/ /zhes pa la sogs pa ste/de la gso dpyad bya bar bya/ /zhes pa ni gso dpyad bya'o zhes pa'o/ /gzhan yang da ni dus bzhi la sogs zos pa yi/ /zhes pa la sogs pa ni/ dus bzhi ni yi ge ra can bzhi'o/ /de dag la zos pa rnams gso dpyad mi bya'o zhes pa'o/ /de la gzhan ni zos pa rnams gso dpyad bya'o zhes pa dang 'brel to//de kho na gsal bar bya ba ni/ gso dpyad gzhan ni thams cad la/ /zhes pa la sogs pa'o/ /de ltar zos pa'i 'dus pa yongs su dpyod pa mngon par brjod nas gzung ba'i bsrung ba mngon du byas nas gso dpyad bshad 'dod pas dang po bsrung ba mngon par bshad de/yi ge rnam par bkod byas nas/ /zhes pa la sogs pa'o/ /de la/ yi ge brgyad kyi sngags dag ni/ /yan lag brgyad la bkod par bya/ /zhes brjod pa'i don ni 'di lta ste/ yi ge brgyad sngags su gyur pa ni yi ge suM la sogs pa mkha' 'gro ma brgyad kyi sa bon no//yan lag brgyad la bkod par bya/ /zhes pa ni spyi bor yi ge k+ShuM ser po dang mig gnyis la yi ge hUM sngon po dang / rna ba gnyis dang sna'i bu ga gnyis la yi ge yuM dmar po dang / lce la yi ge sruM dkar po dang / mgrin pa la yi ge s+m+r+yuM ser dkar dang /dpung pa gnyis la yi ge h+m+r+yuM dkar nag dang / thong ka la y+m+r+yuM nag dmar dang / lte ba la k+Sh+m+r+yuM dmar ser rnams rang gi mdog dang ldan pa kho nas gnas go rims bzhin du dang po bkod nas dug 'phrog pa'i rnam par phye ba la yang thams cad kho na dkar por gyur nas/bsgom pa zhes pa the tshom med pa'o/ /de kho na gsungs pa/ kha dog dkar po kun bsams nas/ snying pos dug ni 'phrog par bya'o/ /zhes pa'o/ /de ltar yan lag yongs su bsrungs nas rnam par shes pa yang dag par bsrung ba gsungs pa/ dkyil 'khor dbus su gzhag nas su/ /shes dang rnam shes kyis 'gag ste/ /zhes pa ste/ dkyil 'khor dbus su gzhag pa ni/ snying gar nam mkha'i phyogs la/ oM ka ma la be swA hA zhes sngags de dang sbyin sreg las gsungs pa'i mtshan nyid pad+ma'i phyag rgyas yongs su bskyed par gyur pa 'dab brgyad snying la bsams nas de'i steng du yi ge a las bskyed pa zla ba'i dkyil 'khor de'i steng na 'di skar ma dang 'dra ba'i kun gzhi rnam par shes pa bsam par bya'o//shes dang rnam shes kyis 'gag ste/ /zhes pa ni/rnam shes dang ni ye shes te yi ge hUM ngo / /rnam shes kyang de'i phyir na don ni 'di lta ste/ thabs dang shes rab gnyis su gyur pa yi ge hUM gi 'od dmar por gyur pa rnam par shes pa'i glo na gnas pas dkar por gyur pa rnam par shes pa ste/ kha na gnon par bya'o zhes man ngag go//da ni gso dpyad gsungs pa/ lus bsrungs ma thag tu ni zhes pa la sogs pa'o/ /de la yang man ngag ni 'di lta ste/ gyo mo'i snod dam zangs ma'i gzhong pa'o ma dang chus gang ba yongs su bzung nas zos pa'i rkang pa'i rtsa ba bdag gi mdun du bzhag nas/de'i dbus su gong nas gsungs pa'i sngags dang phyag rgya bkod pa 'dab brgyad dmigs te/ de'i steng na yi ge a las zla ba'i dkyil 'khor/ de'i steng du yang yi ge suM las bskyed pa rdo rje/ de'i bum pa la yang yi ge su~M/ de'i 'od zer gyi ngo las mkha' 'gro ma thams cad kyi 'khor lo 'phros nas yang 'du bar bya'o//oM badzra shud+d+haHsarba d+harmA badzra shud+d+hou0f85haM zhes brjod par bya'o/ /rdo rje des bskyed pa sku mdog dkar mo phyag gnyis sems ma'i skyil mo krung gis bzhugs pa/ skra nag po sil bur bkram pa/ sbrul g yi rgyan gyis brgyan pa/gos dkar pos stod g.yogs smad g.yogs pa/ gdugs dkar pos steng na bkab pa/ g.yas kyis kha T+wAM ga dang b+han+d+ha 'dzin ma/ 'dab ma brgyad la gnas pa/ nor rgyas kyi bu la sogs pa klu brgyad kyi mgo bsdu bar byas nas gdan byed par bsgom par bya'o//de lta klu rnam bkod pa ni/ shar gyi 'dab ma la nor rgyas kyi bu dang / byang gi 'dab ma la 'jog po dang / nub kyi 'dab ma la stobs kyi rgyu dang / lho'i 'dab ma la pad+ma dang / dbang ldan gyi mtshams na pad+ma chen po dang / me'i mtshams na dung skyong dang /bden bral gyi mtshams na rigs ldan dang / rlung gi mtshams na lin+da ka zhes dgod par bya'o/ /de dag kyang gong du gsungs pa'i zos pa'i yan lag la bkod pa'i sa bon brgyad dang 'dra ba'i mdog go/ /de kho na gsungs pa/ snod la chu yis bkang nas su/ /zhes pa la sogs pa'o//sngon du rdo rje sems dpa'i sbyor ba byas pa rdo rje slob dpon kho nas de kun brtsam par bya'o zhes ston pa/ bdag gi lus ni rdo rje ste/ /rdo rje sems dpa' bsam par bya/ /zhes pa ste/ de la yang man ngag ni 'di lta ste/ rgyas pa'i sgrub thabs las gsungs pa'i rim pa dang /yang na yud tsam gyi tshul gyis rdo rje sems dpa' bdag bsgom par bya'o/ /de la yud tsam gyi tshul zhes pas ni rang gi snying gar zla ba la gnas pa'i yi ge a las bskyed pa rdo rje de gnas gyur nas phyag rgya chen por dmigs pa'o/ /yang na yud tsam ni phyag rgya chen po'i phyag rgya dmigs pa tsam mo//de ltar lha yid la byed pa byas pa'i rnal 'byor pas gang gis dug 'phrog par bya zhe na gsungs pa/ rma bya yi ni mdongs kyis su/ /zhes pa la sogs pa ste/ de la rim pa ni 'di lta ste/ rang gi lag pas gzung ba'i rma bya'i mdongs ye shes mkha' 'gro ma'i phyag gis bsnams pa kho na bsgoms te de kho nas bsgrub bya'i dpral ba la sogs pa nas ji snyed rkang mthil gyi bar yan lag thams cad la dug drangs nas 'og tu yang chu'i dkyil 'khor du gtor ma ye shes mkha' 'gro ma bsam par bya'o zhes ji snyed pa'o//de kun yang rig pa bzlas pa kho na'i rdo rje slob dpon gyis bya'o zhes pa ste/ bzlas pa'i sngags gsungs pa/ oM hri da da na d+ha ra hU~M phaT ces pa ni nor rgyas kyi bu la sogs pa klu'i rgyal po brgyad po 'di dag gi snying po ste/ zlos pa'i dus na ming bcug pa med pa de tsam bzla bar bya'o zhes pa'i don to//snying po de yang sbyor ba gang gis tshad du bzla zhe na gsungs pa/ rdo rje sems dpa' mngon sbyor ba'i zhes pa la sogs pa ste/ don ni 'di lta ste/ sngon du bsnyen pa'i dus ni rdo rje sems dpa'i sbyor ba byas pas 'bum phrag gcig bzlas par byas pa'o/ /yang sngags de kho na ming bcug pa gsal bar byas pas gsungs pa/oM ba su ki hri da da na d+ha ra swA hA zhes pa la sogs pa ste/ oM hri da da na d+ha ra hUM hUM hUM phaT phaT phaT che ge mo dug med par gyis shig hUM phaT swA hA/ de ltar nor rgyas kyi bu la sogs pa la yang sbyor ro/ / yungs kar dkar po'i me tog dang / /tsan+dan gyis ni bsregs pa yis/ /zhes pa ni de la dkar po'i sgra ni so sor re re la mngon du sbyar bar bya'o/ /snying ni g.yos ma thag tu ni/ /rnam shes de ni bsdams te bzung / /zhes pa ni gong nas gsungs pas snying gar brdeg ma thag tu mgul ba'i srog gi dbang po ji ltar gsungs pa'i sa bon gyis bsdams nas gzung bar bya'o zhes pa'o//dbugs ni rgod ma thag tu ni/ /rang gi dbugs kyis gtses par bya/ /zhes pa ni rang gi dbugs kyis bsgrub bya'i dbugs slong bar bya'o zhes pa'o/ /bsam pa ni 'di lta ste/ bsgrub bya'i srog gi dbang po rlung gi sa bon gyis gtses par bya'o zhes ji snyed pa'o//rkang lag thams cad g.yos pa dang / bdag nyid dbyangs ni blang bar bya/ /zhes pa ni yi ge hUM gi dbyangs kyis bsgrub bya'i ye shes dbab pa ni bya'o zhes mngon no/ /dus pa klu yi gnas su ni/ /'o ma de ru blugs par bya//zhes pa ni 'o ma la sogs pa nye bar spyod pa rnams klu'i gnas sam gtsang po chen po la bor bar bya'o zhes pa'o/ /zos pa yongs su brtags pa la gso dpyad mi bya ba'i rnam pa'i cha gsungs pa/ gdong dang thig le ming dang ni/ /zhes pa la sogs pa'o/ /gzhan gyis gdon gyis bcings pa'i thugs kyis phyag na rdo rje'i sems la bsam pa yongs su rtogs nas mkhyen te/bcom ldan 'das nyid kho nas bshad 'dod pas gsungs pa/ char dbab pa yi cho ga'i mchog /nyin gcig de nyid rgyal po che/ /zhes pa la sogs pa ste/ chu'i 'gram dang nye ba yi//yid du 'ong ba'i sa phyogs su/ /zhes pa ni chu dang nye ba kho na la phyin brjod pa'i char pa dbab pa'i dkyil 'khor bri bar byed kyi gzhan du ni ma yin no zhes ji snyed pa'o/ /gru bzhi pa la sgo bzhi pa/ /klu brgyad kyis ni klubs brgyan te/ /zhes pa ni rdul tshon lnga yis nor rgyas kyi bu la sogs pa klu brgyad rnam par bkod par bya'o zhes mngon no//mgo gnyis kyis ni sgro byas nas/ /zhes pa ni klu gnyis yar 'phags pa kho nas mgo sgro la bkod par bya'o zhes so/ /mjug mas grwa ru dkri bar bya/ /zhes pa ni/ mjug ma gnyis dkris pas grwa la rnam par dgod par bya'o zhes so//klu brgyad kyis ni ra ba ste/ /zhes pa ste/ rgyal ba bzang po la sogs pa klu brgyad kyis ra ba la sogs pa bya'o/ /phyogs su rigs ni brgyad pa yin/ /zhes pa la sogs pas ni de dbus su rnam par bkod pa gsungs te/ de la yang nye bar ston pa ni 'di lta ste/dkyil 'khor gyi dbus su pad+ma 'dab ma brgyad pa bris te/ de la shar gyi 'dab ma nor rgyas kyi bu ste mdog dkar po'o/ /byang du 'jog po ste ser po'o/ /nub na stobs kyi rgyu dmar po'o/ /lho na pad+ma nag po'o/ /dbang ldan pad+ma chen po ste mdog dkar ser/ me'i grwa la dung skyong dkar nag /bden bral ni rigs ldan dmar nag go/ /rlung mtshams na hu lun+ta ser dmar ro/ /de ltar ra ba la sogs pa la yang rigs kyi rim pas mdog gi khyad par shes par bya'o/ /sprin gyi dbang phyug rgyal chen po/ /phyogs brgyad nas ni dgug par bya//zhes pa ni klu'i phyogs brgyad nas sprin gyi lha chen po rnams dgug par bya'o zhes pa'i don to/ /a ga tsar can dang nga ro can/ /drag po can dang dkrigs pa can/ /sra ba can dang gtum mo can/ /char 'bebs can dang rab gang can/ /zhes pa ni sprin gyi rgyal po de rnams go rims bzhin phyi rol gyi dkyil 'khor du shes par bya'o//de kho na gsal bar byed 'dod pas gsungs pa/ ji ltar shar sogs gzhag pa ni/ /phyogs kyi mdog tu shes par bya/ /zhes pa ste de kun rdo rje mkha' 'gro ma'i nga rgyal byed pa'i rnal 'byor bas bya'o zhes gsungs pa/dbus su rdo rje mkha' 'gro ma/ /pad+ma'i stan gyi steng du bzhugs/ /zhes pa la sogs pa ste/ sbrul gyis pad+ma bskor ba yi/ /sbrul gyi gdan du sbyor ba yi/ /zhes pa ni sbrul gyis dkris pa pad+ma'i gdan la bzhugs pa/ rdo rje mkha' 'gro ma'i bkas klu brgyad kyis sprin gyi rgyal po chen po la bka' stsal par byed par bya'o zhes ji snyed pa'o//de kho na gsal bar byas pa ni/ rnal 'byor ye shes gsal byas la/ /ye shes mkha' 'gro'i bdag nyid do/ /zhes so/ /oM b+hur taHswA hA/ zhes pa ni nye bar spyod pa la la sogs pa'i sngags so/ /oM ba su ki hUM swA hA zhes pa bzhin du de ltar tak+Sha ka la sogs pa la yang sbyar bar bya'o/ /oM gi li gi li bar sha ba ri sha pa ya hUM hUM hUM ho ho ho tha tha tha swA hA/ zhes pa ni sprin gyi rgyal po brgyad kyi sngags so/ /oM badzra ta kri ni bar sha hUM b+hur taHswA hA zhes pa ni bzlas pa'i rtsa ba'i sngags so//de dag nor rgyas kyi bu la sogs pa'i sngags so/ /de kun yang mtshan ma thob pa'i rnal 'byor pa kho nas bya'o zhes gsungs pa'o/ /gzhan yang pho nya'i mtshan ma bstan par bya'o zhes pa la sogs pa ni de la'o//mig yon ni mig bag tsam yo ba'o/ /ji ltar bdag gi pho nya yi/ /gnyi ga'i rgyu ni brtag par bya/ /zhes pho nya bzhin du/ bdag kyang yongs su brtag par bya'o zhes pa'i don to/ /de dag ni dpal ldan gdan bzhi pa'i rnam par bshad pa'i le'u gnyis pa'o// // byang chub kyi sems ma skyes na sngags la sogs pa'i dngos grub tu mi 'gyur zhes dgongs pa bcom ldan 'das kyis rnal 'byor brtson pa'i bye brag nyid/ gang gis sngags 'tshal bgyi zhing zhes pa la sogs pas byang chub sems kyi le'u gsum pa brtsams so/ /dang por stong pa bsam byas te//zhes pa la sogs pas ni chos thams cad rang bzhin med pa gsungs pa'o/ /gzugs stong la sogs dang po nas/ /ji snyed bco brgyad yid kyi bar/ /zhes pa ni yid kyi khams dang / chos kyi khams dang / yid kyi rnam par shes ba'i khams so/ / de ltar mig la sogs pa rnams la yang sbyor bar bya'o/ /gzugs kyi khams nyid stong pa zhes pa ni gzugs ni rang bzhin gyis stong pa nyid do zhes pa'i don to/ /de bzhin du ni sgra yang zhes pa ni sgra la sogs pa rnams la yang shes par bya'o zhes ji snyed pa'o/ /yid ni nam mkhar thim bsam na//zhes pa ni yid ni nam mkha' 'dra bar bsgom par bya'o zhes bya ba'i don to/ /gsungs pa/ nam mkha'i dbus su bdag med cing / /bdag dbus la yang nam mkha' bgyis/ /de gnyis dbyer med shes pa ni/ /gang gis mthong ba de grol lo/ / khams gsum zhes pa ni 'dod pa dang / gzugs dang / gzugs med pa rnams so/ /de yi dbus su mthong ba ni/ /zhes pa ni de la de'i zhes pa ni stong pa nyid ces pa'o/ /de la yongs su brtags pa'i rgyu/ /zhes pa ni 'dod pa dang mi 'dod pa gsungs pa'i mtshan ma yongs su brtag par bya'o zhes pa'i don to//'bar pa yis ni zhi ba dang / /zhes pa la sogs pas ni/ zhi ba la gsungs pa'i mtshan ma gsungs so/ /tshag tshig 'khrigs pas rgyas pa ste/ /zhes pa ni de la tshag tshig ces pa ni rdul phra rab po/ /phyin sbyor ba 'byung ba ni/ / myu gu la sogs pa yi sems/ /zhes pa la sogs pas ni/ mtshan ma'i 'bras bu la longs spyod pa gsungs so/ /shes bya'i 'gro ba brtag par bya/ /zhes pa ni bla ma'i man ngag las shes par bya'o/ /rab tu byed pa 'di la de bzhin nyid kho na gsal bar byed 'dod pas gsungs pa/pha dang ma ni gsad pa dang / /zhes pa la sogs pa ste/ de la pha ni gti mug /ma ni sred pa'o/ /rgyal po ni nga rgyal lo/ /bram ze gtsang sbra can ni rna ba'i dbang po la sogs pa'o/ /yul phyogs ni phung po lnga'o/ /rgyu ba ni rnam par rtog pa'i rnam par shes pa'o/ /gsad pa ni shes rab kyi ral gri kho nas de dag gsad par bya'o zhes ji snyed pa'o//de dag ni dpal ldan gdan bzhi pa las bdag gi gdan le'u gsum pa'i rnam par bshad pa rdzogs so// //de ltar de bzhin nyid cher dmigs pa'i rnal 'byor pa'i lha'i nga rgyal med par las kyi dngos grub mi 'gyur bas lha'i sbyor ba dang /rmugs pa dang / gsod pa la sogs pa'i las brjod 'dod pas gsungs pa/ nyon cig ji ltar de nyid lam/ /zhes pa la sogs pas ni le'u bzhi pa brtsams so/ /gnyis dang gnyis min rab spangs pa/ /zhes pa ni gcig dang du ma nyid spangs pa nyid do zhes mngon no//chu bo'i sgra yi zhes pa ni chags pa la sogs pa'o/ /'khor ba'i rgya mtsho la bying ba rnams drang ba'i thabs gsungs pa/ mtshan bya mtshon pa'i mtshan nyid can/ /zhes pa ni mtshan bya ni gang zag go//mtshon pa ni thabs so/ /mtshan nyid ni mngon par mtshan zhes pa'i don to/ /rnam shes ye shes kyis bsam bya/ /zhes pa ni de la rnam par shes pa la ye shes bzhag nas gsungs pa'i mtshon bya'i ye shes mtshon pa'i sems la las 'du ba'o/ /de ltar 'phags pa lang kar gshegs pa las gsungs te/las ni sems kyis 'du bar byed/ /ye shes kyis ni rnam par rtog /rnam shes kyis ni rnam par shes/ /zhes pa'o/ /dkyil du bying pa'i lus can rnams/ /grol ba mtshan ma zhes bya'o/ /zhes pa ni gong ma'i thabs kyis grol par bya'o zhes pa'i tha tshig go//de kho na gsal bar byed pa 'dod pas gsungs pa/ ye shes kyis ni shes bya brtag /shes bya'i 'gro ba brtag par bya/ /zhes pa la sogs pa'o/ /tshe rabs lnga pas rtogs chub pa/ /rnal 'byor pa ni gtong la dga'//zhes pa ni/ de la/ tshe rabs lnga pa rtogs chub pa/ /zhes pa ni de bzhin gshegs pa'i lam gsungs so/ /bsam pa ni 'di lta ste/ rnal 'byor pa stong phrag brgya'i nang na 'ga' zhig kyang 'gro ba'am mi 'gro zhes pa ji snyed pa'o/ /stong pa nyid bsgoms pas 'dod chags la sogs pa med par byas pa'i lus kyi 'og nas 'byung ba'i sa bon gdab par bya'o zhes gsungs pa/stong pa'i zhing la sogs lus la/ /blo dang ldan pas sa bon btab/ /ces pa'o/ /de kho na rgyas par byed 'dod pas gsungs pa/ dper na/ gdol ba'i khang pa mes bsregs nas//zhes pa la sogs pa ste/ de la/ lha la sogs pa'i che ru gnas byas la/ /zhes pa ni/ che ru zhes pa mang bar byas pa'o/ /don ni 'di lta ste/ ji ltar gdol ba'i khyim bsregs nas mchog lha la sogs pa'i khyim byas pa bzhin du/ de ltar 'dod chags la sogs pas byin gyis brlabs pa'i lus ye shes kyi mes bsregs te/sems can gyi don rgyur gyur pa'i snying rje zhes byin gyis brlabs pa'i lus bskyed par bya ba'i don kho nas chos kyi dbyings kyi sa bon btab par bya'o zhes pa'o/ /dge dang rigs can mkhas pa kun du gnas//zhes pa ni de la dge dang rigs can zhes pa ni snying rje can rnams so/ /mkhas pa zhes pa ni rnal 'byor pa'o/ /de la rnal 'byor pas snying rje la sogs pa bskyed par bya'o zhes mngon to/ /dgod bya yi ge rnam dgod pa/ /zhes pa la sogs pas ni sa bon rnam par bkod par bya'o bar gsungs so//spyi bor me ni brtag bya ste/ /zhes pa ni/ spyi gtsug na yi ge k+ShuM bkod pa'o/ /sa gnyis dag gi sa bon gyis/ /mig tu de yis sbyor bar bya/ /zhes pa ni yi ge hUM mig gnyis la bkod pa'o/ /stong pa rlung gi sa bon gyis//sna dang rna ba dag la bsam/ /zhes pa ni rna ba dang sna gnyis la yi ge yuM bsam par bya'o zhes bya ba'o/ /bdud rtsi chu yi sa bon las/ /lce yi dbang po dbang phyug gtso/ /zhes pa ni lce la yi ge hUM bkod pa'o/ /gang dag zhes pa ni s+m+r+yuM la sogs pa ste/ de dag kho na ni brtsegs pa'i gzugs kyis gzung bar bya'o zhes ji snyed pa'o/ /gnas bzhi dag tu sbyar bar bya/ /zhes pa ni mgrin pa la s+m+r+yuM/ dpung pa gnyis la h+m+r+yuM/ thong ka la y+m+r+yuM/ lte ba la k+Sh+m+r+yuM ngo / /yan lag brgyad la bkod par bya/ zhes pa ni de lta bu'i rnam pas so//sa bon dang ldan lus kyi ni/ /zhes pa ni de dag gi sa bon rnam par dgod pa'o/ /bdag nyid ye shes mkha' 'gro ma/ zhes pa ni ye shes kyi mkha' 'gro ma'i rang bzhin bdag nyid bsgom par bya'o/ /A li kA li rab sbyor ba/ / zhes pa ni de la A li ni zhes pa ni a la sogs pa'o/ /kA li ni yi ge ka la sogs pa'o/ /smin mar thig pa gnas dag tu/ /zhes pa ni de la thig le'i gnas ni yi ge hUM ste/ smin ma'i bar du bsgom mo zhes pa'i don to/ /sangs rgyas lnga yis mngon par brgyan/ /zhes pa ni de kho na'o//de kho na'i ngo bo nyid bshad 'dod pas gsungs pa/ me dang rlung gi bdun don la/ /zhes pa ni de la me ni yi ge ra'o/ /rlung ni yi ge ya'o/ /de gnyis gcig tu gyur pa ni me dang rlung zhes so/ /de las bdun pa'i don ni yi ge ha'o/ /rdo rje sa bon ni zhabs skyed u ste/'gugs pa phyin phyogs rdo rje'i phyag /ces pa'i lung gi phyir ro/ /thig dang 'dres las yang dag ldan/ /zhes pa ni zla tshes kyi tshul gyi dkyil na thig le'i ri mos yang dag zhon pa zhes steng na bkod pa'o/ /bdud rtsi'i char rgyun bshad pa yin//zhes pa ni bdud rtsi 'dzag pa'i rang bzhin nyid kyi phyir ro/ /las brgyad la sogs sngon du ni/ /de la las brgyad ni/ zhes pa ni/ zhi ba dang / rgyas pa dang / dbang dang / mngon spyod dang / dgang ba dang / rmugs pa dang / bskul ba dang / dbab pa la sogs gzung bar bya'o/ /sogs pa'i sgras kyang ral gri dang /sa 'og dang / ro langs dang / mi snang bar bya ba'i mig sman dang / gi wang bsgrub pa'i don dang / skar ma dang / btsag dang / snam bu dang / gzhan yang ba'i 'dod pa rnams so/ /sngon du bsnyen pa la sogs bya/ /zhes pa ni sngon du bsnyen pa zhes pa ni bzlas pa dang bsgom pa'o//'dir yang sogs pa'i sgra ni brtul zhugs pa dang dam bcas pa dang / zas spags pa la sogs pa rnams so/ /nyon cig rdo rje de kho na'o/ /zhes pa la sogs pas ni sngags sbas phyung ba gsungs so/ /dang po rdo rje ngag dang ni/ /zhes pa ni de la rdo rje ngag ni badzra'i sgra'o//dang po'i sgra ni gong ma'i tshig go/ /sde tshan gong ma'i yi ge dang / /zhes pa ni yi ge ka'o/ /ji ltar sde tshan bzhi pa'i zhes pa ni/ ka'i sde tshan dang por bzung nas sde tshan bzhi pa ni ta'i sde tshan no/ /dang po'i yi ge zhes pa ni/ yi ge ta gzung bar bya'o zhes so/ /gnyis 'gyur ra yig steng du dang //zhes pa ni de la gnyis 'gyur ni yi ge ta de kho na gnyis su brtsegs pa'o/ /ra yig steng du dang zhes pa ni yi ge ta de kho na'i mgon yi ger byin pa'o/ /i zhes pa dang ra yig sbyar/ /zhes pa ni gu gu dang ldan pa'i phyir ro/ /ji ltar sde tshan gnyis pa yi/ /yi ge gnyis gzung thig pa la//zhes pa ni steng na thig le can yi ge tsha'o/ /lcags kyu yis ni rtse byas te/ /zhes pa ni/ tsha kho na la gu gu i sbyin par bya'o zhes pa'i don to/ /bzhi ba'i yi ge gsum pa'i zhes pa ni yi ge da'o/ /gnyis ka gnyis bun bsgyur bar bya/ /zhes pa ni tshin dang da de gnyis lan gnyis brjod par bya'o//lnga pa ngag ni sbyin pa dang / /zhes pa ni/ lnga pa can yi ge hUM gi sbyor bar ldan par bya'o zhes ji snyed pa'o/ /gong du phyag 'tshal yi ge dang / /zhes pa ni sa dang por yi ge oM bkod par bya'o zhes mngon to/ /yi ge drag po tha mar gzhag /ces pa ni mjug tu yi ge phaT bkod par bya'o zhes bkod pa'o/ /de ltar sbyor ba ni/ oM badzra kar+t+ta ri ts+tshin+da ts+tshin+da hUM phaT ces pa'o/ /lag pa gnyis ka bsdam bya zhing / /zhes pa ni rdo rje bcing ba bcings nas/ /de nyid kha la sbyang byas te/ /zhes pa ni kha'i drung kho nar gzhag par bya'o zhes pa'o//khro bo dbu ma brkyang pa'o/ /zhes pa ni mdzub mo dang gung mo brkyang ba'o/ /gnyis ka reg cing reg par bya/ /zhes pa ni chags pa'i tshul du lan du ma ru gcod par bya'o zhes pa'o/ /de nas tshar gcod bshad par bya/ /zhes pa la sogs pa ni char pa la sogs pa gcod pa gsungs so//de la'ang sngags sbas phyung ba ste/ /ji ltar sde tshan tha ma yi/ /yi ge gsum pa gzung bya ste/ /zhes pa ni yi ge ba'o/ /de ltar sde tshan gsum pa yi/ /de bzhin yi ge gsum pa la/ /zhes pa ni yi ge Da'o/ /gang gi sa bon gsum gyi cha//yi ge e dang ldan par bya/ /zhes pa ni gong ma'i yi ge ba la e dang ldan pa'i 'greng bu bya'o/ /gang zhig lnga pa'i dang po la/ /lcags kyu yis ni gtse byas te/ /zhes pa ni yi ge i gu gu dang ldan pa'i yi ge ba'o/ /gsum pa'i chu yi sa bon dang / /tsheg drag pa yi bar dag tu//zhes pa ni yi ge ba la glo thig le gzhag pa'o/ /rdo rje sa bon tha ma yi/ /zhes pa ni rdo rje mkha' 'gro ma'i sa bon yi ge sa ste/ de'i mtha' ma yi ge ha la zhes par bya'o/ /ra yig lcags kyu zhags pa dang / /zhes pa ni yi ge ha de'i 'og na yi ger btags/ /mgo na i gu gus glon phyin phyogs su 'dren pa'o//'joms pa'i yi ge mthar gzhag ste/ /zhes pa ni mjug tu yi ge phaT dgod par bya'o/ /phyag 'tshal gong du gzhag bya ste/ /zhes pa ni gong du yi ge oM dgod par bya'o zhes pa'o/ /de dag sbyor ba ni/ oM ba Da be biHhr-i phaT/ de la yang nye bar bstan pa'i man ngag ni 'di lta ste/ 'phags pa rta mchog gi nga rgyal rnal 'byor pas brtsam par bya'o/ /rgyud gzhan gyi bi bA bi bA zhes lan gnyis shes par bya'o/ /lag gnyis thal mo sbyor byas te/ /zhes pa ni lag gnyis rdo rje thal mo byas pa'o//srin lag gzhan dang gzhan du bya/ /khro bo yis ni kun gnon te/ /zhes pa'o/ /srin lag gnyis kyis zhes pa ni/ /srin lag gnyis kyis gung mo gnyis cho rol du dkri bar bya'o zhes pa'o/ /de nyid du ni mthe bo sbyor/ /rta rgod ma yi phyag rgya'o/ / zhes pa ni gung mo gnyis dang mthe bo gnyis ka sbyar bar byas pas/ rta rgod ma'i kha'i phyag rgya yin no/ /'bar ba'i phreng ba mnyam pa'i 'od/ /phyogs bcu'i gnas su 'bar byed pa/ /sprin la sogs pa bsreg par 'gyur/ /zhes pa ni 'od zer phreng ba lang long gi 'od kyis dpal rta mchog gi nga rgyal gyis phyogs bcu na gnas pa'i sprin gyi lha rnams zos par mthong bar bya'o zhes pa'o//rdo rje slob dpon dge ba'i go chas mdzad pa dpal ldan gdan bzhi pa'i rnam par bshad pa las/ bdag gi gdan rdzogs so// //da ni gzugs brnyan rnams bskyon pa dang /zhi ba la sogs pa'i sbyin sreg dang / gtor ma'i ngo bo nyid dang / slob ma yongs su gzung ba ji ltar yin/ shes 'dod pas phyag na rdo rjes zhus pa/ gzugs dang ni ci 'dra dang zhes pa la sogs pas/ gzhan gyis gdan brtsams pa la cher gnas so/ /hom khung gi rim par phye ba la/khru gang tsam las brtsams nas su/ /ji snyed khru stong bar du'o/ /zhes pa'o/ /las kyi rim pas sor brgyad nas brtsams nas/ ji snyed sor nyi shu'i bar du 'phel bar bya'o/ /'di la mu khyud ces pa ni hom khung gi spyi la zhes pa'o/ /tshad kyi cha ni gsum las ni//cha gnyis su ni brko bar bya/ /zhes pa ni ji ltar gsungs pa'i hom khung gi tshad gsum du bya ste/ cha gnyis su 'og brko bar bya'o/ /brkos pa las kyang brgyad kyi cha/ /khung gi kha ran du yang bya/ /zhes pa ni hom khung brko ba'i tshad cha brgyad du byas te/cha gcig gi tshad ni hom khung gi kha ran zhes pa'o/ /kha ran las kyang phyed kyi char/ /phyi rol tu yang mu khyud bya/ /zhes pa ni kha ran gyi phyed kyi cha'i phyi rol du mu khyud brko bar bya'o zhes pa'o/ /mu khyud brgyad du ldan byas pa'i/ /pad+ma 'dab ma brgyad pa ste/ /zhes pa ni mu khyud 'khor ba'i tshad cha brgyad du rgya bskyed pa pad+ma'i 'dab ma'i tshad bya ba'o//pad+ma dag gi phyi rol tu/ /sor gcig pa yi ra ba bya/ /zhes pa ni pad+ma'i phyi rol na ra ba sor gcig byas pa'o/ /khung gi dbus su rdo rje ni/ /pad+ma'i nang du gzhag par bya/ /zhes pa ni hom khung gi dbus su ji ltar mdzes pa dang /pad+ma'i steng na rdo rje bkod par bya'o zhes pa'o/ /mu khyud gsum ni mngon spyod do/ /zhes pa ni mngon par spyod pa'i las la hom khung zur gsum mo/ /zhi ba la ni grwa bzhi pa/ /zhes pa ni zhi ba'i las la hom khung zur bzhi byas pa'o/ /yongs su gang ba dbang du ldan//rgyas pa la yang de bzhin no/ /zhes pa ni dbang dang rgyas pa la hom khung zlum po/ /zla gam dag ni bskrad pa dang / /zhes pa ni/ bskrad pa la sogs pa'i las la hom khung gzhu'i tshul lo/ /zur brgyad dgug dang rmongs las la/ /hom khung zur brgyad pa yin no/ / go rims rim par sbyar bar bya/ /zhi ba rgyas pa dbang la sogs/ /zhes pa ni ji ltar gsungs pa de kho na zhi ba la sogs pa rnams bya ste/ gzhan du ni ma yin no zhes pa'o/ /sangs rgyas lnga yi rtags dag gis/ /ji ltar phyogs dang phyogs su dgod/ /zhes pa ni g.yon du 'khor nas rdo rje sems ma la sogs pa phyogs la dgod par bya ste/shar gyi phyogs nas sems ma rdo rje ma'o/ /byang na rin chen rdo rje ma'o/ /nub na chos kyi rdo rje ma'o/ /lho na las kyi rdo rje ma'o/ /phyag mtshan de dag kha ran la gzhag par bya'i gzhan du ma yin no zhes gsungs pa/gnas rnam bzhi yi kha ran du/ /sangs rgyas rtags kyis mngon par brgyan/ /zhes pa'o/ zla gam rdo rje rab mdzes rnams/ /grwa dang grwa ru gzhag par bya/ /zhes pa ni ji ltar mdzes pa zla ba rdo rjes grwa dang grwa la gzhag par bya'o/ /ci rigs stan gyi gnas su ni//mthe bong bcu gnyis tshad dag gis/ /skyes bu phyed du ldan pa dang / /ti se gangs ri brtsegs te dge / zhes pa ni rang gi stan gyi mdun du mu khyud kyi bar na/ ti se gangs ri gzhag par bya ste skyes bu phyed du zhes pa ni/ skyes bu'i khru gang gi tshad de'i phyed mtho gang ste/yang mthe bong bcu gnyis kyi tshad dang lhan cig tu bsregs ma thag tu sor nyi shu rtsa bzhir bsgyur te/ de'i tshad kyis ti se gangs ri'i tshad yin no zhes ji snyed pa'o/ /'dab ma brgyad la sogs pa'i gnas/ /rim bzhin lha ni bzhugs su gsol//zhes pa ni 'dab brgyad ji ltar go rims gyis rdo rje mkha' 'gro ma la sogs pa gzhag par bya'o/ /tshad kyi tshad ma ni gdon mi za bar bya'o zhes gsungs pa/ rnal 'byor pas de tshad khyad par du yang sbyar bar bya'o/ /de dag ni dpal ldan gdan bzhi pa gzigs pa las gzhan gyi gdan las rnam par bshad pa'i le'u dang po'o// //chu yi sbyin sogs ji ltar lags/ /chu yi sbyin sogs de la yang / /zhes pa la sogs pa gsungs pas ni/ chu'i sbyin sreg la sogs pa nyan 'dod pa phyag na rdo rjes gzhan gyis gzhan le'u gnyis pa yongs su zhus so//chu yi sbyin sreg ces pa ni/ chu'i sbyin sreg pas na chu'i sbyin sreg go/ /'di la sogs pa'i sgra ni/ gtor ma dang nye bar mchod rdzas la sogs pa rnams gzung bar bya'o/ /mtshan nyid ji ltar mtshon par bgyi/ /zhes pa ni chu'i sbyin sreg gi ngo bo ji ltar yin zhes pa'i don to//dbus su chu yi snod la sogs/ /zhes pa ni 'og nas gsungs pa'i bum pa brgyad la gzhan pad+ma'i tshul du gser la sogs pa las byas pa'i chu'i snod ces pa'o/ /dkar po'i rdzas kyis bsku bar bya/ /zhes ba ni dkar po dri zhim po la sogs pas bsku bar bya'o//de nas phyi rol gnas pa ni/ /chu'i las la sogs zhes pa ni/ /yud tsam gyis rdo rje mkha' 'gro ma'i bdag nyid bsgoms te/ phyi nas bdag gi dbugs kyis gong nas gsungs pa'i bkod pa'i rim pas phyung nas phyi rol gyi gnas la chu'i dbus su ye shes mkha' 'gro ma las kyi rim pas sku mdog dang phyag mtshan la sogs pa dang ldan par bskyed nas zhi ba la sogs pa'i sbyin sreg bya'o//so sor rtogs ni brtan pa ni/ /rang gi gzugs kyis kha dog ldan/ /dam tshig kun gyi phyag rgya ni//sngags dang phyag rgya la sogs bstan/ /zhes pa ni ye shes mkha' 'gro ma'i dam tshig gi phyag rgya bzhin rdo rje mkha' 'gro ma la sogs pa rnams la ston par bya'o zhes so/ /sngags pas rtag tu chu gtor na/ /khyad par dag ni rgyas par 'gyur/ / zhes pa ni mdun na bsgoms pa'i rdo rje mkha' 'gro ma la sogs pa rnams kyi dbu rgyan gyi rdo rje rtse mor nyin re bzhin du chu gtor nas phul pas rgyas pa chen por skye ba'o zhes pa'o/ /de dag ni dpal ldan gdan bzhi pa'i rnam par bshad pa las gzhan gyi gdan gyi le'u gnyis pa'o// //'di ltar bsgom pa'i rnal 'byor pa'i dkyil 'khor bri ba med par mchog gi dngos grub mi 'gyur pas/ 'khor ba las brgal mtshan nyid dag /nyon cig rgyal po rdo rje che/ /zhes pa la sogs pas dkyil 'khor gyi le'u brtsams so/ /phung po lnga la sogs pa rnams rang bzhin med pa ni stong pa nyid kyi le'u bshad zin pas na 'dir ma bkrol lo//ji ltar mnyam par blta ba dang / /zhes pa la sogs pa ni go sla'o/ /gnyis med ye shes mtshan nyid dag /nyon cig rdo rje de kho na/ /zhes pa la sogs pa ni dngos po rnam par dag pa gsungs so/ / bla med nyid du bya ba'i phyir/ /thal sbyar 'di gsum brjod par bya/ /zhes pa ni byang chub sems dpa' bskyed nas bla na med pa'i sangs rgyas kyi mchod pa bya'o zhes pa'i don to/ /hUM zhes bya ba la sbyor ba/ /phyag 'tshal 'joms pa mthar gzhag ste/ /zhes pa ni/ de la/ hUM zhes bya ba rab sbyor ba//zhes pa ni phyag 'tshal dang 'joms pa gnyis kyi bar du yi ge hUM sbyor bar bya'o zhes pa ji snyed pa'o/ /de ltar zin ma thag tu/ oM hUM phaT ces pa'i sngags su 'gyur ro/ /sngags des rang gi lag pa rdo rjer bsams nas de bzhin gshegs pa lnga'i gnas su brtag par byas nas sa sbyang bar 'gyur ro zhes pa'o//de nas shin tu dri zhim pa'i dris gru bzhi'i dkyil 'khor byas te/ rdul tshon lngas pad+ma 'dab ma brgyad bris te/ de'i dbus su dngos grub thams cad kyi bum pa dang / shar gyi 'dab ma la tshon sna lnga'i thig le dang /lho'i 'dab ma la rdo rje dang / byang gi 'dab ma la dril bu dang / nub kyi 'dab ma la bdud rtsis gang ba'i dung chen po la sogs pa'i snod rnams kyi dkyil 'khor bris te/ skud pa dmar pos de'i glor kun yongs su dkris nas gzhag par bya'o/ /de'i 'og tu rdo rje slob dpon gyis ye shes mkha' 'gro ma'i nga rgyal gyis me tog dang /dri dang / spos dang / me tog gi phreng ba dang / lha bshos dang / gtor ma dang / nye bar spyod pa la sogs pas mchod pa rnams bya'o/ /de'i 'og tu yang lag pa gnyis kyis rdo rje khu tshur bcings te/ sna'i rtse la phyin ci log nas bzhag ste/phyogs su brkyang nas bgegs rnams sngags 'dis gzhom par bya'o/ /re zhig gang dang gang zhig khyed cag sa bdag rnams lha dang / klu dang / gnod sbyin dang / dri za dang / 'byung po dang / 'byung mo dang / mkha' 'gro ma la sogs pa rnams sems can gyi don du 'dir dkyil 'khor rtsom gyis myur ba kho nar song shig /hUM phaT phaT phaT swA hA zhes pa ni bgegs bskrad pa'i sngags dang phyag rgya'o/ /de nas sgeg mo'i sngags dang phyag rgya bcings nas/ oM pra sA d+ha ku ru mang me ti sun d+hA rI da ya tsi ta taM hUM dzUM dzUM swA hA/ de ni sa'i lha mo la gsol ba gdab pa'i sngags dang phyag rgya'o//de'i 'og tu rdo rje de bzhin nyid kyis gzung / dril bu chos kyis dkrol bar bya'o/ /de nas pad+ma'i dbus na gnas pa'i bum pa ye shes mkha' 'gro ma sku mdog dkar ba/ rdo rje dang dril bu bsnams pa dmigs te/ 'og tu mchod par bya'o/ / rdo rje bcing bas bcings nas su mdzub mo gnyis brkyang te bkug nas rtse dang rtse mor sbyor te snying gar gzhag par bya'o/ /oM AHswA hA de ni snying po'i sngags dang phyag rgya'o/ /g.yas kyis rdo rje 'dis bum pa la reg ste/ lan brgya rtsa brgyad bzlas par bya'o/ /de nas sangs rgyas lnga'i bdag nyid kyi sa bon oM hUM hri swA hA zhes tshon lnga la mngon par bsngags te gdab par bya'o//seng ge ma'i sa bon oM s+m+r+yuM swA hA zhes pas rdul tshon lnga la bzla bar bya'o/ /de nas 'byung po'i gtor ma byin nas sa gzung ba'i don du ji snyed pa'i nye bar spyad pa lngas mchod par byas te/dpung pa la sogs pa g.yas kyi mtshams la gzhag par bya'o/ /dkyil 'khor bri ba'i las la sogs pa bcol ba rnams dge ba bcu'i las kyi lam la sbyor te/ yang dri zhim po'i chus bskus te thig gdab par bya'o/ /de dag ni sa srung ba'i cho ga'o/ /de nas thig gdab par bya ba ni/de ltar nye bar sbyor ba'i skud ba rgyu lnga las byas te tshon lngas btso bar bya'o/ /de'i 'og tu dkyil 'khor gyi sa'i dbus su phyogs mtshams brgyad la thig le byas nas ye shes mkha' 'gro ma'i nga rgyal bskyed de thal mo'i phyag gnyis kyis tshon lnga'i thig rnams bzung nas mkha' 'gro ma lnga'i sa bon gyis sngags gdab par bya'o//sngags ni oM a a a oM AH'o/ /slob dpon gyis sna gcig la gzung ste/ slob mas sna phar sna bzung nas thig gdab par bya'o/ /de la rim pa 'di lta ste/ bden bral gyi mtshams na slob dpon bzhugs na slob ma dbang ldan gyi mtshams na gnas par bya'o//yang slob dpon g.yas su bskor nas 'ong ba rlung gi mtshams na bzhugs na/ de kho na bzhin slob mas me'i mtshams su'o/ /slob dpon nub phyogs su gnas na slob ma shar phyogs su'o/ /de nas slob dpon lho phyogs su gnas na slob ma yang de kho na bzhin du byang phyogs su'o//phyi ma phyogs kyi thig gdab par bya'o/ /de nas dkyil 'khor gru bzhi pa cha lnga bya ste/ dbus kyi re'u mig nas re'u mig gsum gyi phyed cha yis dkri bar bya'o/ /dkyil 'khor snying po re'u mig dgu pa la rdo rje ka bas brgyan par bya'o//grwa dang grwa thams cad la rdo rje rgya gram kho nas brgyan par bya'o/ /'khor rnams kyi cha yis sgo rnams te grwa bzhi'o/ /de'i phyed kyi cha de kho nas 'bring ngo / /'bring gi phyed kyis mu khyud do/ /mu khyud kyi phyed kyis tshon lnga'i sa'o//nang gi shar dang / byang dang / nub dang / lho'i re'u mig la dkar po dang / ser po dang / dmar po dang / ljang gu rnams rdul tshon gdab par bya'o/ /dbus su ni sngon po rdo rje phreng ba'i phyi rol du phyi'i rnal 'byor ma'i gdan la dmar po chen po'i mdog go//lha mo puk+ka sI la sogs pa'i phyi rol du ra ba lngas bskor bar bya'o/ /de'i phyi rol gyi tshon nag po'i gnas nam mkha' sngon po bzhin no/ /lha'i snam bu la ni gser btso ma'i mdog gdab par bya'o/ /phyi rol na twa ra na bzhi dang bcas pa'o/ / de ltar gsungs pa/ gru bzhi dang ni sgo bzhi dang / /twa ra na bzhis brgyan pa ste/ /dril bu dra 'phyang 'bar ba phreng / dra ba dra phyed la sogs dkris/ /grwa yi cha ni thams cad dang / /sgo yi khyams dang mtshams dag la/ /rdo rje rin chen bkod pa ni/ /phyi yi dkyil 'khor brtag pa yin//zhes so/ /sgo bzhi glo ru bum pa'i steng na shar dang / byang dang / nub dang / lho ru rdul tshon gyi seng ge dang / rma bya dang / ngang pa dang / chu srin gyis mtshon pa'i rgyal mtshan bkod pa'o/ /de kho na'i rtsa na bum pa brgyad bzhag pa'o/ /grwa bzhi la yang bum pa bzhi dgod par bya'o//de 'dra ba'i dkyil 'khor khru gang nas brtsams nas ji snyed du stong gi bar du bri bar bya'o/ /dkyil 'khor la yang hom khung bzhin du tshad dam bcas pa gdon mi za bar bya'o/ /de nas 'phen pa'i cho ga gsungs te/ /rdo rje mkha' 'gro ma'i nga rgyal gyis hUM sgra dang ldan par byas te//rdo rje dang dril bur bcas pas bgegs rnams bskrad par bya'o/ /bskor ba'i thabs dang / 'phen pa'i thabs bya ba dang / mnyam pa'i thabs dang / dbye ba'i thabs dang / rkang gcig pa dang / g.yon gcod pa rnams kyis shar kyi sgor gnas te/ rdo rje mkha' 'gro ma bdag ces brjod nas sngags 'dis bgegs rnams gzhom par bya'o/ /oM hUM ha na mA ra ya du Sh+TAM g+hA ta ya g+hA ta ya/ a hrIHphaT ces so/ /de kho na bzhin du byang du drag po'i mkha' 'gro ma'i nga rgyal dang ldan pas rdo rje bcing ba bcings nas/ snying gar bzhag ste/g.yas brkyang ba dang / g.yon brkyang ba dang / sa ga dang / zlum po'i stabs kyis gnas nas bgegs rnams sngags 'dis gzhom par bya'o/ /oM hUMHaHphaT ces so/ /de nas nub kyi sgo nas sgeg mo'i phyag rgya bcings nas pus mo dang sbyar ba g.yon gyi rkang pa bzhag nas 'khor ba'i seng ge'i stabs kyis gnas pas bgegs rnams sngags 'dis gzhom par bya'o//oM hUM AM phaT ces so/ /de'i 'og tu lho ru gdol pa mo'i nga rgyal gyis rdo rje bcings pa spyi bor bzhag ste pus mo'i stabs dang / tsog pu'i stabs dang / bskor ba'i thabs dang /bzlog pa'i thabs kyis gnas nas/ sngags 'dis bgegs gzhom par bya'o/ /oM hUMHi phaT ces so/ /yang gar gyi phyogs la gnas pas ye shes mkha' 'gro ma'i nga rgyal kho nas dpal rdo rje sems dpa'i phyag rgya chen po bcings nas/ g.yas brkyang ba dang / 'dug pa dang /'dus pa dang / gnas pas rnam pa du mar yi ge hUM brjod par bya'o/ /de nas sa sbyang ba'i sngags dang / phyag rgya kho nas phur bu gdab par bya'o/ /spyi bor rdo rje thal mo phye nas rdo rje dra ba'i sngags 'dis gdab par bya'o/ /oM hUM phaT ces so/ /rdo rje bcing ba bcings nas mthe'u chung dang mthe bong bsgreng ste/phyogs su bskor nas sngags 'dis ra ba smin par bya'o/ /oM dze pa ni hUM phaT ces so/ /sngon gyi bum pa ji ltar brgyan pa bzhag ste/ g.yon gyi lag pa mthe'u chung gis mthe bong mnan par reg ste/ bum pa la brgya rtsa brgyad sngags 'dis bzla bar bya'o//oM tap+te tap+te ma hA tap+te swA hA zhes so/ /rol mtsho'i chus dgang ba'i sngags dang phyag rgya'o/ /phyag rgya de kho na dang sngags 'og nas 'byung ba kho nas bdud rtsa lngar bcug ste/ lan cig ji ltar gsungs pa bzhin du sngags 'di bzla bar bya'o/ /oM sruM k+ShuM hUM phaT swA hA zhes so//de dag ni bum pa sa bon la gnas pa'i sngags so/ /de nas ji ltar gsungs pa'i gos dang rgyan gyis brgyan te/ byams pa la sogs pa dang ldan nas go cha kho nas bskor bar byas so/ /lag pa gnyis ni rab phye ste/ /mthe bo gnyis kyang dkris byas nas//ngang pa'i gshog pa'i tshul byas te/ /phyir bzlog nas ni snying gar gzhag /phyag rgya de bcings nas sngags 'dis go bskon par bya'o/ /oM hUM hoHphaT ces so/ /'dir yang bsgom pa brtsams nas so sor bskyed de/sngon du yan lag brgyad la bkod pa byas nas/ me tog dang / spos dang / mar me dang / dri dang / me tog phreng ba dang / nye bar spyod pa lngas mchod nas sku gsum gyi bdag nyid sngags 'dis byas so/ /oM badzra kA ya ho oM badzra bAk+ka AH oM badzra tsit+ta ya hUM zhes so/ /swa b+hA ba shud+d+haH sarba d+harmAH swa b+hA ba shud+d+hou0f85haM/ badzra shud+d+haHsarba d+harmA badzra shud+d+hou0f85haM/yo ga shud+d+ha sarba d+harmA yo ga shud+d+hou0f85haM zhes pas sku gsum rnam par dag par bya ste/ ye shes mkha' 'gro ma'i nga rgyal bskyed par bya'o/ /de nas oM badzro haM gis rdo rje sems dpa'i nga rgyal byas te/ de nas dgug par bya'o/ /sa gtsang ma'i ye shes kyi dkyil ' khor ni rang gi snying ga'i dkyil 'khor la bkug nas mdud de bcings nas dbang du byas nas bsgrub par bya'o//de la sngags ni 'di lta ste/ oM badzra aM ku sha dzaH/ oM badzra pA sha hUM/ oM badzra spo Ta baM/ oM badzra g+haN+Te hoH/ khro bo lcags kyu bcings byas te/ mthe'u chung la yang lcags kyu che/dpung par mdud par mdzub gnyis ni/ gdu bu rgyab sbyor gzir bar bya/ /zhes gsungs so/ /dgug pa'i sngags dang phyag rgya'o/ /de dag ni nye bar bstan pa'i sbyor ba dang po'o/ /de dag ma lus par bskyed nas lha'i nga rgyal can rnal 'byor pas ri rab kyi rtse mo na rnam par bsgom mo zhes gsungs pa/phyag rgya kun gyi thog ma ru/ /dam tshig phyag rgya bcing bar bya/ /zhes pa la sogs pa ste/ rdo rje khu tshur gnyis bcings te/ /g.yon pa snying gar bzhag nas su/ /g.yas pa'i khu tshur g.yon gyi mchan khung du bcug pa de ni dam tshig gi phyag rgya'o/ / ji ltar sa bon rdo rje dngos/ /zhes pa ni yi ge hUM ngo / /phyag 'tshal bsregs pa mthar gzhag pa'i/ /zhes pa ni go sla'o/ /oM hUM swA hA zhes pa ni dam tshig gi sngags dang phyag rgya'o/ /nang gi dkyil 'khor re'u mig lnga la seng ge'i gdan yongs su brtag par bya'o zhes gsungs pa/ seng ge'i gdan ni lnga dag gis/ /gdan lnga ru ni sbyor bar bya/ /zhes so/ /gdugs dkar po yis brgyan pa yi/ /nyi ma'i dkyil 'khor bsam par bya/ /zhes pa ni de lta bu la sogs pas mngon par brgyan par bya'o zhes ji snyed pa'o/ /bdag gi dbugs las byung nas ni/ dbus su ye shes mkha' 'gro ma/ /zhes pa ni rang gi sa bon las bskyed pa sna nas phyung ste/ gdan la ye shes mkha' 'gro ma gzhag par bya'o zhes pa'i don to/ /zhal gsum phyag ni drug pa la/ /zhes pa'i don ni gsal lo/ /de ltar kun du yang shes par bya'o/ /bdag gi chu las byung ba zhes pa ni chu'i rtsa las zhes pa'o//bdag gi me las byung ba zhes pa ni me'i rtsa las zhes pa'o/ /bdag gi rlung las byung ba zhes pa ni rlung gi rtsa las zhes pa'o/ /rang gis las byung bya ba/ /zhes pa ni/ sa'i rtsa las zhes pa'o/ /de'i phyi rol bzhi pa ni/ /zhes pa ni/ phyi rol gyi mkha' 'gro ma la sogs pa bzhi yang nang gi sgo bzhi la gzhag par bya'o zhes pa'i don to/ /de dag gzugs sogs mdun na ni/ /dam tshig kyang ni bstan par bya/ /zhes pa ni ye shes mkha' 'gro ma la sogs pa'i mdun du dam tshig bstan par bya'o zhes pa ste/ ye shes mkha' 'gro ma'i mdun du de'i dam tshig bstan par bya'o zhes pa'o/ /oM hUM swA hA zhes so/ /sa bon de nyid la ldan pa/ /zhes pa ni/ dang po kun la yang gong nas gsungs pa kho nas gzung bar bya'o/ /dbyug pa glo ru gzhag nas su/ /zhes pa ni gug skyed gsum pa'o/ / des spong ba ni 'di lta ste/ oM a swA hA/ oM A swA hA/ oM oM swA hA zhes so/ /grwa yi lha mo bzhi yi ni/ oM r-i swA hA/ oM r-I swA hA/ oM l-i swA hA/ oM l-I swA hA zhes so/ /nang gi sgo srung ma lha mo rnams kyis ni/ oM phuM swA hA/ oM pheM swA hA/ oM phroM swA hA/ oM phriM swA hA zhes so/ /bdud rtsi thig ler yi ge zhes pa ni yi ge sruM ngo //dgu tha ma'i sa bon bzung nas ni/ /zhes pa ni yi ge ya dang po bzung nas dgu tha ma ni yi ge k+Sha'o/ /dang po'i tshan las gsum pa dang / /nga ro'i thig pa sbyar ba yi/ /zhes pa ni yi ge guM ngo / /gnyis min gtor ma gang ba yis//de de nyid kyis mchod par bya/ /zhes pa ni 'og nas 'byung ba gsungs te/ bdud rtsi lnga dang / lcags kyu lnga dang / bza' btung la sogs pa dang ldan par 'byung po'i gtor ma sbyin par bya'o/ /pad+mo bskor bas bskor bya zhing / /g.yas su pad+ma bsam par bya/ /g.yon pa rdo rje bsgreng nas ni//phyag rgya chen po bstan par bya/ /zhes pa ni lag pa g.yas pa la pad+ma'i b+han+d+ha bsam ste/ g.yon pas rdo rje bsgoms nas lan gsum gyis phyag rgya bcings te/ oM ha ho hrIH swA hA zhes brjod nas bstan par bya'o zhes pa don to/ /mchod pa'i khyad par byed pa la gsungs pa/ ye shes can gyis 'jig rten pa'i//phyi yi dkyil 'khor btags pa yin/ /zhes gsungs te/ don de ltar 'gyur bar gsungs te/ shin tu rnam par bzlas pa'i mchod pa rnams 'os pa nyid kyi phyir na/ 'jig rten las 'das pa'i lha mo dgod par bya ste/ de'i de ma thag tu kho na yang 'jig rten la sogs pa'i lha mo rnams phyi'i dkyil 'khor la bkod par bya'o zhes pa'o//de la bkod pa'i rim pa ni 'di lta ste/ nang gi dkyil 'khor gyi rdo rje phreng pa'i phyi rol shar phyogs su puk+ka sI dang / khro gnyer ma dang / gtum mo rnams bdud rtsi'i chu'i snod phyag gis 'dzin pa dmar po dang /ser po dang / nag po'i sku mdog tu dgod do/ /byang na drag mo dang / khrag 'thung ma dang / sha za ma rnam pa gsum lcags kyu lnga la sogs pas gang ba'i snod phyag gis 'dzin pa ser po dang / dkar po dang / dmar po'i sku mdog go/ /nub tu khro mo dang / 'bar ma dang /'jigs byed ma rnams gtor ma'i snod phyag gis 'dzin pa dmar po dang / ser po dang / nag po'i sku mdog go/ /lhor thod phreng ma dang rdo rje ma dang / bum pa rnams bza' ba dang / btung ba la sogs pa'i snod 'dzin pa/ nag po dang / dmar po dang / dkar po'i sku mdog go//dbang ldan na sgeg mo dang dri chab ma ste dkar po dang / ser po'i mdog go/ /me'i mtshams na pi wang ma 'khrugs shing 'bar/ /skra sil bur btang ba/ sbrul gyi rgyan gyis brgyan pa/ sna tshogs kyi na bza' dang / rgyan gyis klubs pa/ dbang po'i skyil mo krung gis gnas pa'o//de'i phyi rol du 'khor ba'i sa la phyi na 'byung po'i gtor ma'i sngags kyi rim pas phyogs brgyad la yongs su brtags pa'i dur khrod brgyad la nag po drag po la sogs pa'i dur khrod kyi bdag po rnams dgod par bya'o/ /de la rim pa ni 'di lta ste/shar du nag po drag po'o/ /byang du drag chen po'o/ /nub tu lha sbyin no/ /lhor nag po'o/ /dbang ldan na gtsigs byed do/ /me'i mtshams na 'jigs byed do/ /bden bral na dga' ba las 'das so/ /rlung gi mtshams na bgegs kyi rgyal po'o/ /de dag thams cad kyang mig gsum pa lag pa bzhi pa/ji ltar gsungs pa'i lag cha dang / gos dang rgyan gyis brgyan pa nag po dang / ser po dang / dkar po dang / dmar po'i gzugs kyi mdog go/ /dbang ldan la sogs pa'i grwa bzhi la gnas pa ni/ dkar ser dang / dkar nag dang /dmar nag dang / ser dmar gyi gzugs kyi mdog go/ /de dag gi 'khor gsungs pa/ rgan byed ma dang drag mo dang / /'jigs byed ma dang u mas bstod/ /ces pa ste nag po drag po'i mdun du rgan byed ma dang / g.yon du drag mo dang / rgyab tu 'jigs byed ma dang /g.yas su u ma'o/ /bstod ces pa ni/ lha mo de dag mkha' 'gro ma la sogs pa'i mdog ste/ nye bar spyod pa lnga la sogs pas lag pa brel ba/ nye bar spyad pa lnga yis yang dag par mchod pa'o/ /de bzhin du byang du yang / rgyal mo rnam par rgyal mo dang / thub med gzhan gyis mi thub ma//zhes pa ste drag chen po'i 'khor rnams mar me la sogs pa'i sku mdog dang mthun no/ /de bzhin du nub tu yang / /nag mo bzang mo nag chen mo/ /nag drag mo dang rnal 'byor ma/ /zhes pa ste lha sbyin gyi byan mo bzhi pa ni 'jigs byed ma la sogs pa'i mdog go//de bzhin du lho na yang / dbang byed ma dang zla ba mo/ /drag mo sdang pa lam pa ni/ /zhes pa ste nag mo'i lha mo ste/ 'phrog byed ma la sogs pa'i mdog go/ /dbang ldan na ni/ 'phrog byed ma dang me mar ma/ /'jigs byed yul gnas rnal 'byor ma//zhes pa ste gtsigs byed kyi mkha' 'gro ma rnams te/ rgan byed ma la sogs pa'i mdog go/ /me mtshams na/ drag mo'i gzugs dang gzugs chen mo/ /mche ba gtsigs ma thod can ma/ /zhes pa ste 'jigs byed kyi mkha' 'gro ma ste/ dbang byed ma la sogs pa'i mdog go//bden bral na/ thod phreng phreng ba kha T+wAM ma/ /sbrul chen zhes pa ste/ dga' ba las 'das kyi byan mo ste/ nag mo bzang mo la sogs pa'i mdog go/ /rlung gi mtshams na ral gri skra can dang / rdo rje de bzhin gzhu lag dang / /zhes pa ste bgegs rgyal gyi byan mo rnams te/ rgyal mo la sogs pa'i mdog go//de nas shar gyi sgo na khyab 'jug ste/ dbyug to 'dzin pa'o/ /byang na tshangs pa ste sbrang yab 'dzin pa'o/ /nub na 'dzin pa ste/ mtshan nyid kyi sgra brjod pa la brtson pa'o/ /lho la brgya byin te gdugs 'dzin pa'o/ /de bzhin du lho'i snam bu'i grwa la dbang ldan gyi mtshams na dbang ldan no//me mtshams na nor lha ku be ra'o/ /bden bral na 'byung po'i bdag po'o/ /rlung gi mtshams na rlung gi bdag po zhes pa'o/ /de dag kyang bu dang bud med 'khor dang bcas pa/ mdog dang lag cha dang ldan pa rim par bri'o zhes shes par bya'o/ /de'i tshom bu'i glo la shar phyogs na keng rus 'jigs byed dang /khwa dang / srin po dang / tshogs kyi dbang phyug dang / dril sna'o/ /de dag mkha' 'gro ma la sogs pa'i mdog go/ /de bzhin du byang phyogs na gtum mo'i dbang phyug dang / bdun pa'i lha dang / tsha ba'i dbang phyug dang / hUM sgra 'jigs byed do/ /de dag ni mar me la sogs pa'i mdog go//de bzhin du nub phyogs na 'dod pa'i drag po dang / tha 'del dbang phyug dang / cang te'u phyi gzhag dang / rnga chen 'jigs byed do/ /de dag ni 'jigs byed ma la sogs pa'i mdog go/ /de bzhin du lho phyogs na pi wang dbang phyug dang / nga ro chen po dang /mche ba gtsigs pa dang / gzhu 'dzin pa'o/ /de dag ni 'phrog byed ma la sogs pa'i mdog go/ /de dag kyang phyag bzhi pa kha T+wAM ga dang / b+han+d+ha dang / lha mo 'khyud pa dang / tri shU la 'dzin pa dang / spyan gsum pa dang / stag lpags kyis smad g.yogs pa dang /rgyan thams cad kyis brgyan pa/ thod phreng gis bcings pa rnams so/ /de'i phyi rol nang gi mu khyud kyi sa la 'byung po dang / sha za la sogs pa rol cing rol par byed par de'i 'khor rnams shes par bya'o zhes pa'o/ /drag po nag po dang / keng rus 'jigs byed la sogs pa'i rang rang gi ming gi dang po yig 'bru kho nas chos kyi yi ge'o//rdo rje khu tshur gnyis bcings te/ /sdigs mdzub dbu ma brkyang par bya/ /dbu ma'i tshig gsum la sdigs mdzub lcags kyu'i tshul gyis sbyor/ /oM A kAR+Sha ya hUM phaT ces so/ /'jigs pa'i lha rnams dgug pa'i phyag rgya dang sngags so//gang nas gsungs pa'i bdud rtsi 'od zer kyi phyag rgya dang / sngags kho na puk+ka sI la sogs pa'i dam tshig gi phyag rgya dang sngags so/ /snyim pa'i thal mo byas nas de kho na g.yas su g.yo bar 'dzin pa'o/ /oM g+h+raM swA hA zhes pa drag mo la sogs pa'o//lag pa gnyis ni brkyang nas su/ /rgyab dang rgyab gnyis sbyar bar bya/ /so sor re re ni sor mo'i rtse mo dkri bar bya'o/ /oM be tA lI hUM zhes pa ni drag mo la sogs pa rnams kyi'o/ /rdo rje khu tshur gnyis bcings te/ sta zur gnyis su gzhag par bya/oM hUM swA hA/ sgeg mo'i'o/ /g.yon pa'i lag pa phye nas su/ /mthe bo srin lag bsgreng bar bya/ /g.yas pa yis ni bzung nas su/ /dung gi phyag rgya dri sbyin no/ /oM d+hU pa pr-i gan+d+he hUM dri chab ma'i'o/ /pi wang gis ni pi wang ste/ oM hUM ho swA hA pi wang ma'i'o/ /snyim pa gnyis kyi thal mo ni/bskor zhing gyen du gtor bar bya/ /oM sraM swA hA/ gtor ma'i'o/ /rdo rje khu tshur gnyis bcings te/ /mdzub mo bsgrengs nas kha la bsgul/ /oM hUM hUM hUM swA hA/ dbyangs mkhan ma'i'o/ /rdo rje khu tshur dam bcings te/ /mkhrig ma g.yon pas gzung bar bya'o/ / oM i swA hA/ spos me'i'o/ /g.yas kyi sta zur gyi phyogs su lag pa 'gying bag gis btang nas g.yas pa dpung pa la yang bsgrengs nas/ oM sru nri tra swA hA/ gar mkhan ma'i'o/ /thal mo sbyar nas spyi bor gzhag ste/ oM k+ShuM swA hA/ mar me ma'i'o/ / rdo rje khu tshur g.yas bcings te/ sdigs mdzub dbu ma bsgrengs nas su/ /dpral ba la ni reg par bya/ /oM mu mu hUM swA hA/ dbang ldan gyi'o/ /rdo rje bcings nas sdigs mdzub gnyis bsgrengs la rin chen gyi tshul du sbyar bar bya'o/ /oM da na g+haM hUM swA hA/ nor gyi lha'i'o/ /g.yas pa rdo rje khu tshur bcings nas sdigs mdzub bsgreng bar bya'o//oM khra te ni hUM phaT swA hA/ 'byung po'i bdag po'o/ /g.yas pa khu tshur bcings nas sdigs mdzub shin tu brkyang bar bya'o/ /oM b+hur b+hu baHswA hA/ klu'i rgyal po'i'o/ /rdo rje khu tshur yar bsgrengs nas/ oM khres swA hA/ khyab 'jug gi'o/ /g.yas pa 'phan gsum gyi phyag rgya yar bsgrengs nas/ oM hUM swA hA/ drag po'i'o/ /g.yas pa rdo rje khu tshur snying gar bskur bar bya ste/ oM oM swA hA tshangs pa'i'o/ /lag pa g.yas phye nas kha mar sbub par bya ste/ g.yon pa'i khu tshur las khro bo sor mo bsgrengs nas gdugs kyi tshul gyis dkyil du rig par bya'o//oM oM mu mu swA hA/ brgya byin gyi'o/ /lag pa tri shU la dam tshig gi phyag rgya'i sngags kho na nag po drag po la sogs pa dang / keng rus 'jigs byed la sogs pa rnams kyi spyi'i dam tshig gi phyag rgya yin no/ /lha rnams bkod pa'i de ma thag tu mchod pa nyi shu pas rdo rje mkha' 'gro ma la sogs pa rnal 'byor ma mchod par bya'o zhes gsungs pa'o//de nas mchod pa nyi shu pas/ mkhas pa yis ni mchod par bya/ /zhes pa la sogs pa ste/ sgeg mo'i phyag rgya bcings nas yi ge hUM gi dbyangs blangs pas/yi ge hUM gi sgras gang ste/ mnyes pa chen po 'dis bya'o/ /hUM hUM hUM g+huM/ hUM hUM hUM hUM/ oM g+hoM/ oM go/ /oM g+ho hUM/ ga truM ga truM/ ga truM hUM swA hA zhes so/ /de nas rdo rje de bzhin nyid kyis bzung nas/ dril bu'i chos kyis de rnams brjod par bya'o/ /rdo rje khu tshur gnyis bcings te/ / rgyab dang rgyab tu sbyar bar bya/ /mthe'u chung gnyis ni dkris byas nas/ /bag tsam 'gul bar byed pa yin/ /oM badzra g+haN+Ta ho/ /oM badzra ta ra me/ oM badzra g+haN+Te ra Ni ta pra ra Ni ta sarba bud+d+ha pra tsa li te pradz+nyA pA ra mi tA swa b+hA we badzra sarba hr-i da ya a ba to Sha ni hUM hUM hUM swA hA zhes so/ /rdo rje dang dril bu'i de kho na nyid do//de nas dpal mchog dang po'i rgyud las gsungs pa/ sems dpa' chen po dang po'i mchog/ ces pa la sogs pa mtshan brgya rtsa brgyad kyis bstod par bya'o/ /de'i 'og tu yang / hUM hUM hUM/ 'khor ba las bsgral sku 'dzin pa/ /phan tshun 'khyud pa'i sbyor 'chang ba/ /kye rdo rje khyod hUM la la hUM hUM la la lo gcig hUMH lha mis phyag 'tshal zhabs kyis mchod//dri med me tog dga' 'chang ba/ /kye rdo rje khyod la hUM la la hUM la la lo gcig hUM/ dngos po dang bral bsnyen mdzad pa/ /gsang ba las gsang chen po 'di/ /rol cig rol cig rdo rje khyod/ /gsang bar gzir ba khyod kyi don//bdud rtsi mtha' yas gsol mdzad pa hUM/ sems can rnam par bsam mdzad 'di/ /'khor ba 'di las rnam brgal ba/ /mchog 'gyur gang de phyag 'tshal lo/ /klu dbang mchog gis dbu brgyan pa/ /ri bong 'dzin dkar brgyan pa'i sku/ /grangs med sna tshogs mdzes pa'i gzugs//sangs rgyas rdo rje ma phyag 'tshal/ /gser gyi mdog can sku yi mchog /shin tu drag po'i sbrul gyis brgyan/ /thod pa gsar par khrag 'thung pa/ /brgyan cing byang gi lha mo'i zhabs/ /mA ra ka ta dmar zhing mdzes/ /sgra sogs hUM mdzad nga ro 'jigs//drag po'i dbyug pa thod pa 'dzin/ /nub kyi lha mo'i zhabs phyag 'tshal/ /mdzes pa'i sngon po'i rnam bkod mdzod/ /lha chen khyab 'jug mgo bla'i zhabs/ /bdud rnams 'joms pa'i khro 'dzin pa/ /phyag 'tshal hUM mdzad lha chen mo/ /de dag la sogs pa rnam pa sna tshogs rdo rje dbyangs kyis bstod pa mdzad nas dril bu dkrol bar bya'o//de nas rdo rje thal mo snying gar gzhag nas/ oM shud+d+ha d+ha ra me hUM/ a a a a swA hA zhes so/ /lha'i nga rgyal byed pa brtan por byas nas/ phyi'i gtor ma sbyin par bya'o/ /de la re zhig brgya byin la sogs pa'i 'khor la gtor ma sbyin pa ni/ji ltar gsungs pa'i gos dang rgyan gyis brgyan nas/ rdo rje dril bu dang ldan pas rkang pa g.yas pa sems dpa'i skyil mo krung / g.yon pa rab tu brkyang nas rol pa'i skyil mo krung la gnas te/ dri'i dkyil 'khor gru bzhi pa byas te/me tog dkar po la sogs pas mchod nas/ dri zhim po'i sA lu 'bras chan dang / zho dang / 'dam bu ka ra dang / sbrang rtsi dang / mar dang ldan pa shar gyi sgo ru gtor ma'i zas phul te/ 'dod pa'i rgyal po'i phyag rgya bcings nas lha rnams sngags 'dis dgug par bya'o/ / oM ba ta li ma hA pa ta li hUM hUM hUM dzaHswA hA zhes so/ /oM rgyud ma dang ni rgyud chen mo/ /nyin dang zla ba rnga grub bzhin/ /rta rgyal mo dang zla rgyal mo/ /lha mo u ma gang+gA dang / /gzugs mdzes skar ma 'dus pa dang / /gza' tshogs kun dang tshogs kyi gtso/ /karti ka dang dpal ldan ma//lha mo ri bong 'dzin can ma/ /a ga la dang u pa gal/ /lha min lha yi rgyal po rnams/ /puk+ka sI dang pus kis che/ /hUM he ho A kAR+Sha ya A kAR+Sha ya sa ma ya de bI hUM hUM hUM phaT dzaH swA hA/ zhes dgug pa'i phyag rgya dang sngags so/ /dgug pa'i phyag rgya nyid la sdigs mdzub gnyis dkris te/oM b+hak+Sha sa ma ya tiSh+Tha dzuM hUM phaT swA hA zhes so/ /tshim par byed pa'i sngags dang phyag rgya'o/ /se gol gsum brdabs nas gtang bar bya'o/ /de dag ni lha'i gtor ma'i cho ga'o/ /gang ma gsungs pa'i rim pa kho nas rnam par bkod pa'i dkyil 'khor la/'o ma la sogs pas lha bshos byas te dbul bar bya'o/ /mngar gsum dang / khrag gis bsres pa'i 'o ma dang / 'o mas bkang ba'i gser gyi snod la sogs pa gzhag par bya'o/ /gong ma'i sngags dang phyag rgya de kho nas dgug ste/ klu'i rgyal po mtha' yas dang ni nor rgyas bu//'jog po dang ni stobs kyi rgyu/ /pad+ma pad+ma chen po dang / /dung skyong dang ni rigs ldan rnams/ /lha mo lha mo chen po dang / /zla ba'i spyi gtsug be con dang / /pe con chen po hu lun+ta/ /dga' bo dang ni nye dga' bo/ /rgya mtsho rgya mtsho chen po dang / /tsha ba tsha ba chen po dang /dpal gyi 'od dang 'od chen po/ /rjes su 'dod dang mdzes pa dang / /mdzes chen po dang sbrul bzang dang / /stobs po che dang tshi li dang / /tshi li chen po rnam dag ni/ /oM A gats+tsha A gats+tsha ma hA nA gA d+hi pa ti sarbe b+hur b+hu baHphruM phu swA hA/ dgug pa'i sngags dang phyag rgya'o/ / rdo rje lcags kyu dam bcings te/ /mthe bong mthe'u chung bsgreng bar bya/ /lag pa g.yas ni rab phye ste/ /sbyor gyis gdugs kyi tshul du sbyor/ /zhes pa'i phyag rgya de dang / oM b+hak+Sha ya b+hak+Sha ya sa ma ya tiSh+Tha dzuM hUM phaT swA hA bya ba'i sngags kyis klu rnams dga' bar bya ste/ gong ma bzhin du gtor bar bya'o/ /de dag ni klu'i gtor ma'i cho ga'o/ /de nas nub tu kha bltas nas zlum po'i stang stabs la gnas te/ tsan+dan dmar po la sogs pas dkyil 'khor zur gsum byas nas/ me tog dmar po la sogs pas nye bar brgyan nas/ gong ma bzhin du zho dang sbrang rtsi dang ldan pa'i sA lu can bdud rtsi lnga dang ldan pa byas te/mdun du snod bzhag nas gong ma bzhin du Tak+ki rA dza'i phyag rgya dang sngags 'dis dgug par bya'o/ /oM ma Ni b+ha drA ya swA hA/ oM pUr+Na b+ha drA ya swA hA/ oM d+ha na dA ya swA hA/ oM bai shra ba NA ya swA hA/ oM ka li mA li na ye swA hA/ oM dzi bi kuN+Da li ne swA hA/ oM mu khen+d+ra ye swA hA/ oM tsa ren+d+rA ya swA hA/ nor bu bzang dang gang ba bzang / /nor sbyin bdag dang rnam thos sras/ /rgyal ba bzang po rol pa'i phreng / /bzhin gyi dbang po 'gro ba'i dbang / /de dag la sogs 'khor dang bcas/ /oM e ho A kAR+Sha ya sa ma ya di ba hUM hUM phaT swA hA/zhes de rnams dgug par bya ba'i sngags dang phyag rgya'o/ /rdo rje bcing ba bcings te bskor nas snying gar gzhag par bya ba'i phyag rgya de dang sngags 'dis oM da ni di ba ba ta li hUM swA hA zhes pas mnyes par byas te/ gong kho na bzhin du gtang bar bya'o//de dag ni gnod sbyin gyi gtor ma'i cho ga'o/ /yang de kho na lho ru kha bltas te/ rdo rje'i stabs kyis gnas te/ tsan+dan dmar po la sogs pas phyi rol du dkyil 'khor zur gsum pa byas te/ me tog dmar po cher bkram ste/ lha bshos la sogs pas 'dren nas/ nya sha skom po dang sha skom po dang / sgog pa byi kun khrag gi snod rnams til gyi tsha mig dang khu ba rnams dang / khyad par du bdud rtsi rnam pa lnga dang / rnam pa sna tshogs bza' ba'i zas dang / sran ma sha dang ldan pa/ sran ma btsos pa dang / gang ba'i snod mdun du bzhag ste/gong ma'i sngags pa ta li la sogs pa dang / Tak+ki rA dza'i phyag rgya gnyis kyis dgug par bya sta/ snod la g.yon pas reg nas sngags 'di bzla'o/ /oM shing gcig dang ni dur khrod dang / /ri dang brag dang phug gi sa/ /yul gyi 'dab dang lam/ dang zhing / /khyad par du ni khyim stong la/ /snod dang thang dang sa steng dang / /khyad par gdol pa'i khyim gnas pa/ /nag po drag po drag chen po/ /lha sbyin mnyam du bsten pa dang / /nag po gtsigs byed 'jigs byed pa/ /dga' ba las 'das bgegs rgyal po/ /rgan byed ma dang drag mo dang / /'jigs byed ma dang u mar bstod//rgyal mo rnam par rgyal mo dang / /thub med gzhan gyis mi thub ma/ /nag mo bzang mo nag chen mo/ /nag sbom ma dang rnal 'byor ma/ /dbang mo dang ni zla ba mo/ /drag mo sdang ba lam+ba ki/ /'phrog byed ma dang me mar ma/ /'jib byed yul gnas rnal 'byor ma//drag mo'i gzugs dang gzugs chen ma/ /mche ba gtsigs ma thod chen ma/ /thod phreng phreng ma kha T+wAM ma/ /sprul chen rab kyi dgra sta can/ /rdo rje de bzhin gzhu lag dang / /lha yi dbang phyug ma rnams dang / /mkha' 'gro lnga yi de nyid dang / /las kun rjes sgrub byed pa yi//sbyor ba'i dkyil 'khor rgyal chen mo/ /de bzhin rdo rje dbang phyug gtso/ /de bzhin gshegs pa'i sku chen mo/ /rdul med sbyor ba skye med pa/ /rdo rje dbang phyug ma bka' yis/ /thams cad thams cad dgug 'gyur te/ /oM kak+ka D+ha na/ bab+ba na d+ha na/ khakh+khA da na/ sarba du Sh+TA na/ ha na ha na/ ka ta ya che ge mo hUM hUM hUM phaT phaT phaT dzaHswA hA zhes so/ /khams gsum rnam par rgyal ba'i phyag rgya bcings te/ mdzub mo gnyis lu gu rgyud du byas pa'i phyag rgya de dang / oM tiSh+Tha hUM b+hak+Sha b+hak+Sha phaT/ dz+dzaHswA hA zhes dga' bar bya'o/ /dga' bar bya ba'i sngags dang phyag rgya'o//de ltar dga' bar byas nas/ se gol gsum gyis gtang bar bya'o/ /de dag ni 'byung po'i gtor ma'i cho ga'o/ /rda la sogs pa brdungs pa dang ldan pa dang / dril bu'i sgras yongs su gang bas 'byung po'i gtor ma nye bar spyod pa'i sngags dang phyag rgya kho nas byin nas dkyil 'khor byed pa'i sa dgang /de'i phyi rol du nye ba na/ slob ma rnam par brtag pa'i don du oM a dzi hwa saM brta ni hUM phaT/ ces pa'i sngags des lan bdun mngon par bsngags gdab ste/ so shing dang chu sbyin nas/ dam tshig gi sdom pa sbyin par bya'o/ /de la re zhig slob mas zhu ba'i tshig ni/bdag la dgongs shig thams cad kyi rtag pa dang mi bskyod pa dang / rin chen zhes bya ba dang / 'jig rten dbang phyug dang / don yod grub pa la sogs pa rnams dang / byang chub sems dpa' thams cad kyis bdag che ge mo zhes bya bas dus 'di nas nye bar bzung nas/ ji snyed byang chub la gnas pa'i bar du bla na med pa'i byang chub kyi sems mchog bskyed par bya'o//ji ltar dus gsum mgon po yis/ /byang chub nyid du nges byas te/ /tshul khrims rnam gsum bslab pa dang / /dge ba'i chos ni bsdu ba dang / /sems can don bya'i tshul khrims te/ /so sor bdag gis brtan por gzung //sangs rgyas chos dang dge 'dun te/ /bla med dkon mchog gsum gyi mchog /sdom pa sangs rgyas sbyor skyes pa/ /dang por re zhig gzung bar bgyi/ /rdo rje dril bu phyag rgya dang / /so sor de bzhin nyid du gzung / /rdo rje chen po'i rigs mchog la/ /slob dpon nyid du gzung bar bgyi//dam tshig nyid du dag pa yi/ /rin chen 'byung ba'i rigs mchog la/ /nyin re dus drug byas nas su/ /sbyin pa rnam bzhi sbyin par bya/ /byang chub chen po 'byung ba yis/ /pad+ma chen po'i rigs dag la/ /phyi nang gsang ba'i theg pa gsum/ /dam chos so sor gzung bar bgyi/ / sdom pa thams cad dang ldan pa/ /ji ltar nus pa mchod pa'i las/ /las kyi rigs mchog chen po la/ /de bzhin nyid du so sor gzung / /bla na med pa'i byang chub sems/ /mchog tu bskyed par byas nas su/ /sems can thams cad don byed phyir/ /sdom pa ma lus gzung bar bgyi/ /ma bsgral pa rnams bdag gis bsgral//ma grol ba rnams bdag gis dgrol/ /dbugs ma phyin rnams dbugs dbyung ste/ /mya ngan 'das la sems can dgod par bgyi/ zhes so/ /slob mas zhus pa'i tshig go/ /slob dpon gyis lan btab pa/ theg pa chen po'i 'bras 'byung ba'i//dpal ldan mchog gi lan 'di yin/ /gang gis khyed rnams 'grol 'gyur ba/ /de bzhin gshegs par 'gyur ba yin/ zhes pa'o/ /lan btab nas/ shes rab kyi pha rol tu phyin pa la sogs pa zab mo'i chos bstan par byas te/ phyi nas dkyil 'khor du gzhag par bya'o//de dag ni slob ma sta gon la gnas pa'i cho ga'o/ /de nas dkyil 'khor la gnas pa'i rdo rje slob dpon gyis/ mchod pa nyi shu pa mdun du byas nas dril bu dkrol te/ rdo rje'i dbyangs 'dis bstod par bya'o/ /lha chen mgo yi mgo rgyan cod pan nor bu'i 'od kyis 'phrog pa'i zhabs gnyis pa//rtag par gdan la shin tu brtan par bzhugs par mgul bar 'khyud pa'i sku 'chang ba'i/ /'od zer 'phro ba'i dra ba bskyod par mdzad pa gsang ba las byung sku 'dzin pa/ /dbang phyug dam pa go 'phang mchog 'gyur rdo rje sems la bdag gis phyag 'tshal lo//de nas gong du gsungs pa'i rim pas sbyin sreg bya ste/ rdo rje dang dril bu blangs la dkyil 'khor gyi khang par bzhugs te/ mchod pa nyi shu pa la sogs pas mngon du mchod nas/ mtshan brgya rtsa brgyad dang / sna tshogs pa'i rdo rje'i dbyangs blangs nas bstod/ /de nas dam tshig la sogs pa sbyin par bya'o zhes gsungs pa/bdud rtsi lnga ni bsres nas su/ /nyi phyis la sogs bsgom par bya/ /zhes pa'i don ni 'di lta ste/ bdud rtsi lnga dang / lcags kyu lnga dang bsres pa'i bdud rtsi'i 'od nas gsungs pa'i rnam pas yang dag par sbyang ste/ dam tshig yongs su brtag par bya'o zhes so//de gsal bar byas pa gsungs pa/ /ha zhes pa yis kho dog 'phrog /hoHzhes pas ni dri med cing / /hrIHyis dpa' bo bcom pa yis/ /de dag rim pa bstan pa'o/ /zhes pa ste bdud rtsi'i 'od sbyang bar bya ba gsal bar byas pa'o//rnam gsum lan gsum brjod nas su/ zhes pa ni/ lan gsum brjod par bya'o zhes pa'o/ /bsam pa ni 'di lta ste/ rang bzhin gsum gyis sngags bzlas te/ 'og nas 'byung ba'i sa bon gyis bskyed pa ri rab kyis lan gsum bsrubs te/ lhag par sngags btab zin ma thag tu bdud rtsi'i 'od kyang rang bzhin gsum kho na bsgom par 'gyur ro zhes pa'o//gzugs dang mdzes pa'i mdog ni pad+ma'i dbang phyug ces pa snang ba mtha' yas so/ /dri chu'i ngo bo/ /shin tu mdzes pa snang mdzad dang / /zhes pa ni rnam par snang mdzad do/ /dri ni/ rdo rje'i dbang phyug rdo rje'i phyag /ces pa ni mi bskyod pa'o/ /lha dag gsung gi rnams kyis ni/ /cho ga gsum gyis shes par bya/ /zhes pa ni lha gsum gyi rang bzhin gyis bdud rtsi'i 'od ni bsgom par bya'o zhes pa'i don to/ /g.yon pa zla ba'i lag pa la/ /zla ba'i dbus su yi ge ni//zhes pa ni g.yon pa'i lag pa'i mthil bdud rtsi'i yi ges bskyed pa'i zla ba'i dkyil 'khor gyi steng na yang bdud rtsi'i yi ge rnam par bkod pa'o/ /bdud rtsi kun rig ri mo can/ /zhes pa ni de la kun rig ni rnam par snang mdzad do/ /de'i ri mo ni yi ge oM mo/ /des bdud rtsi yi ge la btags nas yi ge oM du 'gyur ro//yi ge oM de kho na zla ba'i dkyil 'khor gyi dbus su bsgom par bya'o zhes pa'i tha tshig go/ /de bzhin mthe bo sa dang ni/ /zhes pa ni yi ge hUM gis g.yon pa'i mthe bo bsgom par bya'o zhes pa'o/ /srin lag gis kyang ri rab ste/ /bdud rtsi bsrubs pa'i stobs dag ni//zhes pa ni g.yon pa'i srin lag bdud rtsi'i rang bzhin ri rab tu bsgoms te/ de'i steng du yi ge suM bkod nas bsrub par bya'o zhes pa'o/ /chu ni rnam gsum shes par bya/ /zhes pa ni de la chu ni bdud rtsi'i 'od do/ /rnam gsum shes par bya zhes pa ni bsrubs ma thag tu lan gsum gyi tshul gyis bsam par bya'o zhes pa'o//rnal 'byor ma kun so so ru/ /mthe bong thigs gtor dbul bar bya/ /zhes pa ni so sor rnal 'byor ma thams cad la mthe bong gdang srin lag la 'thor nas bdud rtsi'i thigs pa dbul bar bya'o zhes pa'o//de nas bdag gi ngo bo yis/ /rang sems kyi ni bya ba ni/ /zhes pa ni phyis ni rang gi lus la byin gyis brlab par bya'o zhes pa'o/ /sgrogs pa lnga yi mchod rten la/ /rnam pa gsum gyis bkru par bya/ /zhes pa ni rang gi phung po'i gre bar yi ge hri las yongs su bskyed pa'i pad+ma'i steng na/yi ge hUM gis bskyed pa'i ye shes mkha' 'gro ma mchod rten gyi tshul du sgrogs pa lnga'i gnas su bsgoms te/ nyon mongs pa bkru bar 'dod pa'i phyir bdud rtsi'i thig le phab pas lan gsum bkru bar bya'o/ /lce'i rtser thigs pa de rnams kyis//blo dang ldan par gnas gsum pa'o/ /zhes pa ni lce dang dpral ba dang / spyi gtsug dang / de kho nar bdud rtsi'i thigs pa dbul bar bya'o/ /de nas sta gon la gnas zin pa'i slob ma rnams la dbyangs tshig 'dis dam tshig sbyin par bya ste/ gzigs shig mdzes pa dam pa'i chos//'di la the tshom byar mi rung / /bram ze khyi dang gdol pa dang / /rang bzhin gcig tu dgongs nas gsol/ /zhes pa'o/ /slob ma rnams kyis kyang phyag rgyas pad+ma bskor ba mdun du byas pa'i lan gsum gyis phyag rgya bcings te/ dbyangs tshig 'dis blang bar bya'o/ /bde bar gshegs shig chos kyi mchog /'dod chags dri ma med pa 'di/ /gzung 'dzin rnam par grol ba yi/ /de bzhin nyid ni bdag phyag 'tshal/ /zhes pa'o/ /de nas slob ma gzhug pa rnams ni dri chus mngon du bsang gtor byas te me tog gi thal mo yang dag par 'ching du bcug nas dar gyis gdong g.yogs te dkyil 'khor gyi sgor bzhag nas sdom pa sbyin par bya'o//de la re zhig slob mas zhu ba/ dkon mchog gsum la skyabs su mchi/ /sdig pa thams cad so sor bshags/ /'gro ba'i bsod nams yi rang ste/ /sangs rgyas byang chub yid la bkod/ /ces pa'o//de nas gong du gsungs pa'i swa b+hA ba shud+d+haHsarba d+harmaHswa b+hA ba shud+d+hou0f85haM/ zhes pa la sogs pas/ sku gsum sbyar ba brjod par bya ste byams pa chen po la sogs pa so sor bzhag nas/ phyag 'tshal ba gsum bya ste/ oM pany+tsa DA kI ni pU dzo pas+thA nA ya At+ma naM ni R+Ya ta yA mi/ oM A t sar+ya pU dzo pas+tha nA ya At+ma naM nI R+Ya ta yA ni/oM sa ka la satwa pa ri tra nA ya/ At+ma naM nI R+Ya ta yA mi zhes brjod nas/ phyag 'tshal ba gsum bya ba'o/ /slob dpon gyis sdom pa byin nas sa ma ya s+t+waM sa ma ya ho zhes lan gsum brjod nas/ lus kyang rdo rje gsum gyis byin gyis brlab pa 'di bya'o//AHni ye shes kun gyi mchog /ngag ni rdo rjer byin brlabs te/ /hUM gis nyon mongs bsreg byas nas/ /snying gar rdo rjes byin gyis brlabs/ /ye shes 'dren pa'i oMgyis ni/ /lus kyang rdo rjer byin gyis brlabs/ /zhes pa dang oM hi hi ma na gur ni ta badzra tsa le yuM yuM hUM swA hA/ye shes can gyi ye shes 'di/ /de ring bdud rtsi myang bar gyis/ /zhes pa brjod nas/ oM a swA hA zhes pa'i sngags kyis lan gsum sngags btab ste/ bdud rtsi lnga dang lcags kyu lnga bsngags pa'i bdud rtsi'i 'od kha la sbyin par bya'o zhes pa'o/ /de nas slob ma dbab par bya ba ni slob ma'i snying gar yi ge yuM las gyur pa rlung gi dkyil 'khor de'i steng du/yi ge yuM kho na bsams te/ de bzhin du rkang mthil gnyis la yoM bkod nas slob dpon gyis ye shes mkha' 'gro ma'i nga rgyal gyis rdo rje'i dril bu dang / nga ros 'jigs par byas te/ de bzhin du rang gi snying gnas gtum mo chen po'i rlung phyung nas sngags 'dis bsgul bar bya'o//oM le lai hUM a swA hA zhes pa'o/ /gal te 'dis 'gul bar ma gyur na/ de'i tshe gong du gsungs pa'i rim pas yang dbab par bya'o/ /dbab pa zin ma thag tu sna tshogs rdo rje'i dbyangs sgras bkang ste/de'i 'og tu dbab pa de zhi bar bya ba sngags 'dis bya'o/ /oM tiSh+Tha badzra sa ma ya pra ti ba le te/ hUM hUM hUM ho ho ho swA hA zhes so/ /de nas me tog gtor du bcug ste/ gar lhung ba'i lha'i dngos grub thob pa yin pa'o/ /de nas dz+nyA na tsa kra hUM zhes pa'i sngags kyis gdong g.yogs bshu bar byas te/lha'i de kho na nyid bstan nas so sor keng rus 'jigs byed dang po bzung nas ye shes mkha' 'gro ma'i mthar thug pa'i bar bstan par bya'o/ /de nas bla ma'i zhabs drung du mgo bos gtugs/ yon dbul te/ ci 'dod pa'i dngos grub zhu bar bya'o/ / gong ma bzhin du snying gar thal mo gzhag pa'i slob mas/ oM badzra maN+Dal pra be so a haM/ oM yo ga maN+Dal pra daR+sha na a haM/ oM guh+ya maN+Dal ma hA maN+Dal dr-i Sh+Ti hi a haM/ sa ma ya ho zhes lan gsum brjod du bcug nas/ gong ma bzhin yan lag brgyad pa bkod par bya'o//de nas sa ma ya a haM/ hUM badzra a haM/ oM hud/ ga to a haM/ a aHoM oM hUM swA hA zhes pas/ lha'i nga rgyal bskyed par bya ste/ dz+nyA na kA ya a haM zhes kyang brjod du gzhug go/ /de ltar cher gnas pa la dbang bskur bar bya ste/ lho'i sgo'i bum pas ni slob ma dbang bskur ba'o//nub kyis ni sngags kyi dbang bskur ba'o/ /byang gis ni rgyud kyi dbang bskur ba'o/ /'khor los sgyur ba'i 'gying bag gis shar phyogs su kha bstan nas gdan la gnas pas slob ma byang chub kyi sems bskyed par byas pa las/ oM ye shes chu yi bum pa yis//rdo rje lcags kyu'i rgyun gyis ni/ /dbang bskur nas ni byang chub thob/ /de ring 'khor ba las grol lo/ /oM aHphroM phreM phaT hUM swA hA zhes pas dbang bskur bar bya'o/ /de nas gnas brgyad la bsrung bar bya ste/ rdo rje sgrog gi phyag rgya bcings nas/ oM badzra ka ya hUM aHswA hA zhes pa'i sngags kyis byin gyis brlabs te/gong nas gsungs pa'i oM badzra g+haN+Te ra Ni ta bra ra Ni ta zhes pa la sogs pa'i sngags kyis rdo rje dril bu'i dbang bskur bar bya'o/ /sems ma rdo rje ma'i phyag rgya bcings nas/ mdzub mo gnyis bkug nas kha sprad par bya ste/ oM hUM a swA hA zhes pas/ sangs rgyas lnga'i dbu rgyan gyis dbang bskur bar bya'o/ /de nas lung ston pa sbyin par bya ste/ de nas shar du gom pa bdun song nas gos gyon te/ de kho na las phyir log nas/ theg pa gsum mchog tu gyur pa ston par bya ste/ byin rlabs kyi rim pa yang bstan par bya'o//de ltar rim pas gzhan yang gzhug par bya'o/ /de nas slob mas gang gtong dka' ba'i rdzas de dang / 'dod chags pa'i rdzas de ni bla ma la yon du dbul bar bya'o/ /de ltar yang gsungs pa/ gang dag yongs su gtong dga'i rdzas/ /yang na shin tu khyad par can//de dang de ni bla ma la/ /de nyid mi zad 'dod pas dbul/ /zhes so/ /de nas dpa' bo'i 'khor lo'i mchod pa brtsams pa'o/ /de la rim pa 'di lta ste/ dkyil 'khor gyi phyogs brgyad kyi cha ru bor nas/ sna tshogs rnam par bkod pa'i gdan bting ste/ de la lha mo dang bcas pa'i tshogs kyi 'khor lor gnas pas sna tshogs pa'i me tog dang /spos dang / dri dang / me tog gi phreng ba dang / bkrus pa dang / sna tshogs kyi zas dang / btung ba dang / gos dang / rgyan la sogs pa rnams ji ltar rnal 'byor pa bzhin du 'du bar bya'o/ / de la dang po ni dpa' bo'i 'khor lo nye bar spyod pa lnga la sogs pas mchod na/ rdzas bcu dang ldan pa'i bdud rtsi'i 'od gong du gsungs pa'i rim pas sbyangs te/ sngags btab nas phyag rgya de kho nas dam tshig so sor re re dbyangs tshig 'dis dbul bar bya'o/ /gzigs shig mdzes pa dam pa'i chos//zhes pa la sogs pas so/ /gzhan rnams kyis kyang / bde bar gshegs shig chos kyi mchog /ces pa la sogs pas blang bar bya ste/ dbyangs tshig brjod nas phyag 'tshal ba dang / lag skor sngon du byas te lan gsum gyis phyag rgya dang ldan pa'i dbyangs tshig gis shin tu mnyam gzhag dag pa'i sems kyis sngags rgyud la mkhas pas dbang po btul nas sems can gyi khams kun la snying rje bskyed nas dam tshig gi phyag rgya'i sngags brtsam par bya'o//gzhan du ni ma yin no/ /de gsungs pa/ ji ltar de bzhin nyid spyod la/thams cad gtsang ba'i rnal 'byor pas/ /zhes so/ /rang gi rig pa'i lha sbyor nas/ /mthe bong srin lag kha gnyis kyis/ /bza' ba'i btung ba myang byas nas/ /rtag tu ba yi dngos grub thob/ /ces pa'o/ /de kho na bcom ldan 'das kyis gsal bar mdzad pas/ ji ltar bde bar spyod cig smras/ /zhes pa la sogs pa'o/ /de la ji ltar bde ba zhes pa ni rnam pa gang gis bde bar gyur ba zhes pa'i don to/ /'dir yang bde ba'i sgras ni chen por brjod pa'o/ /de bzhin nyid kyis dga' ba'i dngos po nyid kyi mchog /tshangs pa mya ngan 'das par grol ba yin//zhes ji snyed pa'o/ /'di la ni rdo rje rab tu bsgom pas thob pa sems rtse gcig pa de nyid do/ /de bas na bsam pa ni 'di lta ste/ rtse gcig tu gyur pa'i de kho na gzhan mi 'gyur ba de ltar brtsam par bya'o/ /kha ran gwa gsum brtsams pa yi/ / dmar ba'i dkyil 'khor phyi rol du/ /zhes pa ni 'khor lo'i phyi rol tu tsan+dan dmar po la sogs pas gru gsum pa'i dkyil 'khor byas te/ shar gyi sgo nas dgug par bya'o/ /me tog dmar po spos me dang / /zhes pa la sogs pa ni don go sla'o/ /oM shing gcig dang ni dur khrod dang //zhes pa la sogs pas gong du gsungs pa'i rim pas 'byung po'i gtor ma yongs su brtag par bya ste/ /bdud rtsi yis ni kha bkang ste/ /gang de la sogs brtsams pa ni/ /zhes pa ni rdzas bcu dang ldan pa bdud rtsi'i 'od rang gi kha bkang bar bya ste/ ji ltar 'dod pa'i las bsam pa sngon du byas nas yi ge phruM gis gtor ma'i steng du gtor bar bya'o//de nas rdo rje khu tshur gnyis bcings te/ rgyab dang rgyab tu sbyor nas su/ /srin lag gnyis kyis dkri byas nas/ /khro bo lu gu rgyud kyi tshul/ /zhes pa dang / oM b+hak+Sha ya b+hak+Sha ya/ /sarba yo ga yo gI shwa ri hUM hUM hUM dz+dza swA hA zhes brjod nas/zhi ba la sogs pa'i don du 'byung po'i gtor ma sbyin par bya'o zhes pa'o/ /de nas mchod pa bye brag tu/ /rtog dang mi rtog rab tu spang / /zhes pa ni bza' ba dang mi bza' ba la sogs pa'i rnam par rtog pa med pas/ dge ba'i rang bzhin gyi khyad par du dam tshig gis mchod par bya'o zhes pa'o//lcags kyu la sogs lnga dag ni/ /de kho na lngar brtag par bya/ /zhes pa ni lcags kyu lnga dang sogs pa'i sgra las bdud rtsi la yang 'og nas 'byung ba'i mtshan nyid kyis de bzhin nyid lngar bya'o zhes pa ste/sangs rgyas lnga'i bdag nyid bsgom par bya'o zhes pa'i don to/ /lcags kyu chen po zhes bya ba/ /zhes pa ni mi'i sha'o/ /ye shes lnga'i zhes pa ni/ /de'i rang bzhin nyid du 'dod pa'i don to/ /rdo rje lcags kyu mi 'khrugs pa/ /zhes pa ni glang po che'i sha'o/ /mi bskyod pa'i rang bzhin zhes pa'o//yum gyi lcags kyu rin chen ldan/ /zhes pa ni khyi sha ste rin chen 'byung ldan gyi rang bzhin no/ /rgyal ba'i lcags kyu don yod pa/ /zhes pa ni glang gi sha ste/ don yod grub pa'i rang bzhin no/ /g.yo ba'i lcags kyu 'od dpag med/ /ces pa ni rta'i sha ste 'od dpag med kyi rang bzhin no//lcags kyu lnga la sogs pa yi/ /thams cad de nyid rab tu sbyar/ /zhes pa ni de la thams cad de nyid ces pa ni/ mya ngan las 'das pa ste/ de sbyor ba ni rkyen zhes pa'i don to/ /de dag yang rnam par snang mdzad dang / /mi bskyod pa dang /rin chen 'byung ldan dang / /'od dpag med dang / don yod grub pa'i rang bzhin du gsungs pa/ gang zhig 'dod pa'i lha kun dang / /zhes pa ste sangs rgyas lnga'i rang bzhin nyid kyi phyir 'dod pa sgrub po/ /de dag thams cad kho nas ni rnal 'byor ma rnams tshim par bya'o//gzhan ni ma yin no zhes gsungs pa/ rnal 'byor ma kun mnyes par bya/ /de bzhin 'dod dga' ma yin zhing / /zhes pa la sogs pa'o/ /rang 'dod ces pa la sogs pa ni gsal bar bshad zin to/ /de dbus su ni dpa' bo rnams//A li kA li rab tu sbyar/ /zhes pa ni 'og nas 'byung ba'i A li kA li sbyar pas shin tu yongs su dag pa'i dpa' bo'i tshogs kyi 'khor lo'o/ /zin ma thag tu gnyis su med pa'i snyoms bar zhugs pa'i sbyor ba bya'o zhes mngon to/ /A li kA li rab sbyar bas//thams cad lha ni mnyes par bya/ /zhes pa ni de la rab tu sbyar ba kho nas sangs rgyas thams cad rjes su chags pa gsang ba'i mchod pa byas te tshim par bya'o zhes pa'o/ /de yi dbus nas 'byung ba yi/ /bdud rtsi'i ro kun myang bar bya/ /zhes pa ni sbyor ba'i bdag nyid de las byung ba'i bdud rtsi ni rnal 'byor ba dang /rnal 'byor ma thams cad kyis myangs nas tshim par bya'o zhes pa'i don to/ /lhag ma'i dngos po thams cad ni/ /zhes pa de dpa' bo'i 'khor los zos pa dang / /'thungs pa'i lhag ma zhes pa ji snyed pa'o/ / phyi yi dkyil 'khor du ni sbyar/ /zhes pa ni dkyil 'khor gyi phyi rol gyi lam bzhi mdo la sogs par lhag ma'i gtor ma bskyal bar bya'o/ /de la yang rim pa ni 'di lta ste/ rdo rje khu tshur gnyis bcings nas/ /mdzub mo gnyis ni bsgreng bar bya/ / rtse mo bkug nas kha ru ni/ /mche ba'i tshul du sbyar bar bya/ /zhes pa'i phyag rgya dang / oM bya ba bat+tA li bat+tA li tshe/ /dur khrod gnas mo dngos grub zhal/ /gtum mo 'jigs byed yi dags kha/ /dam tshig srung mo khrag dga' ma/ /ki li sgra sgrogs sbyor zin ma/ /dur khrod ro yi tshal dbus su//tshogs dang pho nya bcas pa ru/ /gtsigs byed gtum mo dud sol ma/ /bzhes shig gsol zhig dam tshig la/ /gnas dang dbang du mdzad du gsol/ /oM gr-ih+Na gr-ih+Na sarba duSh+TA na pra duSh+TA na b+hak+Sha b+hak+Sha phruM phruM phruM phaT swA hA/ zhes pa'i lhag ma'i gtor ma byin gyis brlab pa'i phyag rgya dang sngags so//nye bar spyod pa lngas mchod nas/ se gol gsum gdab ste gtong bar bya'o/ /de nas rdo rje dang dril bu bzung nas/ ma lus pa'i dpa' bo'i 'khor la bstod pa gsungs pa/ hUM zhes pa yi dbyangs blangs te/ /bkra shis sgrogs ni dga' bar bya/ /zhes pa'o/ / rim pa ni 'di lta ste/ phan tshun 'khyud pa'i sbyor ldan pa'i/ /zhes pa la sogs pa'o/ /sna tshogs pa'i rdo rje'i dbyangs kyis bstod pa brjod pas bstod nas/ mchod pa nyi shu pas kyang mchod par bya ste/ sems dpa' chen po'i dang po mchog /ces pa la sogs pas mtshan brgya rtsa brgyad kyis kyang bstod nas yon dbul te/dge ba'i rtsa ba yongs su bsngo bar bya ba gsungs pa/ bdag gis go cha'i cho ga gang / /bcom ldan 'das kyis bzod par gsol/ /zhes pa zhus nas/ rdo rje thal mo bcings pa snying gar bzhag ste/ ma lus mi lus pa'i sems can gyi khams yongs su grol bar bya ba'i don du tshig 'dis bsrung bar bya'o//sems can thams cad nad med cing / /zhes pa la sogs pa'o/ /bsngo ba byas nas gshegs pa'i don du tshigs bcad 'dis bskul bar bya ste/ khyed kyis sems can kun don mdzad/ /sangs rgyas yul du gshegs nas kyang //slar yang 'di ru gshegs su gsol/ /zhes so/ /rdo rje khu tshur dam bcings nas/ /g.yon pa snying gar bzhag nas su/ /lag pa g.yas pa brkyang byas nas/ /sa la gzhag ste gshegs su gsol/ /zhes pa dang sngags 'dis gtang bar bya ste/ oM At+ma tiSh+Tha hUM swA hA zhes so//de nas rang gi dbugs las ni/ /rang gi lus la thim par bya/ /zhes pa ni phyi nas bdag gi dbugs kha nas rang gi snying gar chud nas thim par byas te/ 'o ma dang chu 'dres pa ltar gcig tu gyur pa'i ngo bor bya ba'i don to/ /de ltar yang gsungs pa/'dus pa yis bsam 'dres pa yis/ /dkyil 'khor ji ltar de bzhin gshegs/ /snga dro phyi dro bzla byas te/ /gang dang de la cher gnas so/ /gang gang dbang po'i lam nyid ni/ /gang gang de nyid rang bzhin du/ /mnyam pa med pa'i sbyor ba yis/ /sangs rgyas thams cad mnyam par 'dren//zhes so/ /yud tsam gyi ni sbyor ba yis/ /bdag nyid ngo bo mchod par bya/ /zhes pa ni de la yud tsam yud tsam zhes pa ni/ /ye shes mkha' 'gro ma'i bdag nyid bdag la bsams te/ nye bar spyod pa lnga la sogs pas mchod nas yan lag brgyad pa bkod par bya ste/sngon bzhin du dam tshig kyang bstan nas/ de nas phyi'i lha rnams kyang de kho na bzhin du mchod nas sngags 'dis gtang bar bya'o/ /oM duSh+TA pra duSh+TA na ha Na grih+Na grih+na kha kha khA hi khA hi gats+tsha gats+tsha hUM phaT/ ces se gol gsum brdabs nas gtang bar bya'o//oM ki li ki na t+ya hUM/ dzaHzhes pas rdul tshon bsdus te gtsang po la dor bar bya'o/ /de nas dkyil 'khor gyis la dri la sogs pas byugs nas rdul tshon ser pos pad+ma 'dab brgyad bris te/ de la shes rab kyi pha rol tu phyin pa bklag pa dang mchod pa la sogs pa bya'o/ / dpal ldan gdan bzhi pa gzigs pa las gzhan gyi gdan dkyil 'khor gyi cho ga le'u gsum pa'i rnam par bshad pa rdzogs so// //da ni bdud rtsi lnga dang / lcags kyu lnga dang / A li dang / kA li dang / bdud rtsi'i 'od dang / phyi'i phyag rgya la sogs pa rnams khyad par gyi ngo bo nyid mngon du gyur 'dod pa phyag na rdo rjes//bdud rtsi lnga'i bye brag dang / /zhes pa la sogs pas gzhan gyi gdan le'u bzhi ba brtsams so/ /thog ma bdud rtsi rdo rje chu/ /lnga ni bdag nyid 'byung ba ste/ /zhes pa ni/ de la thog ma zhes pa ni/ / dang po byang chub sems bshad par bya'o zhes pa'i don to/ /bdud rtsi rdo rje chu zhes pa ni/ byang chub sems so/ /lnga'i zhes pa ni/ ngo bo nyid lnga zhes pa'o/ /bdag nyid 'byung ba zhes pa ni/ bdag las skyes pa zhes pa'i don ni 'di lta ste/ bdag gi sa nas 'byung ba'i byang chub sems dpa'i khams lnga'i bdag nyid ces pa'o//de kho na 'grel pas gsungs pa/ /reg na dro ba me yin no/ /zhes pa ste/ dro ba nyid du reg pa'i rang bzhin ni me'i khams zhes so/ /du bar snang ba rlung yin te/ /zhes pa ni rlung gi gzugs kyis yar grol bar mthong ste/de bas na rtag par 'gro ba'i mtshan nyid do/ /gsher ba'i dngos po chu yin te/ /zhes pa ni gsher ba nyid kyang yod pa de bas na chu'i khams so/ /gzugs su snang ba sa yin pas/ /zhes pa ni/ /rdul phra rab kyi rang bzhin du dmigs pa nyid kyi phyir na rtsub pa nyid kyang yod de/ de bas na sa'i khams so//ye shes rdo rjer byin brlabs nas/ /zhes pa ni stong pa nyid kyi ye shes kyi rang bzhin ro mnyam pa nyid kyi phyir na nam mkha'i khams so/ /lha nyid lnga ni bsgom par bya/ /zhes pa ni khams lnga'i bdag nyid de bzhin gshegs pa lnga'i ngo bo nyid du bsgom par bya'o zhes pa'i don to//thams cad chu yi dbyings dang ni/ /zad par zhes pa ni/ de yang ma lus par gtsor ni chu'i dngos gnas te/ rten cing 'brel pa las byung ba nyid kyi phyir na stong pa nyid du cher dmigs par bya'o/ /me yang de bzhin te zhes pa ni me'i dbyings kyang rten cing 'brel par 'byung ba'i rang bzhin nyid kyi phyir na stong pa'o//yang zhes pa'i sgras ni/ sa la sogs pa rnams kyang de bzhin du nan tan gyis rang bzhin shes par bya'o/ /da ni de kho na la bkod par bya ba'i sa bon gsungs pa/ ji ltar dag pa rlung dag dang / /zhes pa la sogs pa ste/ de la ji ltar dag pa zhes pa ni/yi ge ha'o/ /rlung dag dang zhes pa ni yi ge ya'o/ /dad pa'i don dang zhes pa ni yi ge sa'o/ /sa'i zhes pa ni yi ge ha'o/ /dbang zhes pa ni yi ge kA'o/ /ye shes yi ge lnga rnams la/ /thig pa 'dres pas kun sbyar zhing / /zhes pa ni chos kyi yi ge de dag lnga rnams la thig le ste/steng gi thig le nga ro'o/ /zhabs skyed yi ge u dang yang dag par sbyar bar bya'o zhes pa'i don to/ /de yi dbus su zla ba la/ /bdud rtsi yi ge dbus su'o/ /zhes pa ni de la de'i zhes pa ni/ de dag gi zhes pa'i don to/ /dbus su zla ba zhes pa ni/ mgo'i dbus su gnas pa'i zla tshes so//bdud rtsi yi ge dbus su'o/ /zhes pa ni yi ge sa gnas gyur pa thig le zla tshes de'i dbus su bsam par bya'o zhes pa'o/ /lnga pa lnga yi bstan pa la/ /bdag nyid dag pa'i rdo rje chu/ /zhes pa ni de la lnga pa zhes pa ni sangs rgyas lnga'i rang bzhin no/ /yang lnga'i zhes pa ni sa bon lnga'o//bstan pa zhes pa ni bzlas pa'o/ /bdag nyid dag pa zhes pa ni rang gi lus dag par bya'o zhes so/ /rdo rje chu zhes pa ni byang chub sems so/ /des cir 'gyur zhe na/ khams lnga'i bdag nyid byang chub sems zhes pa'o/ /phyir gsungs pa'i bdud rtsi lnga'i rnam par snang mdzad la sogs pa bzhi dang /lhan cig tu gong nas gsungs pa'i sa bon lnga dang / 'dod chags la sogs pa'i byin gyis brlabs pa'i lus rnam par shes pas/ shes par bya ba nye bar sbyor bas 'dir yang bdud rtsi'i yi ge byang chub sems kho nas ma 'dres pa'i sbyor ba gsungs te/bshang gci la sogs pa rnams bkod pa'i phyir na snying por gsungs pa'o/ /sa gsum bskyed pa'i rgyur gyur pa nyid kyi phyir na/ byang chub sems gtsor rnam par dag pa gsungs te gzhan rnams ma yin no/ /de ltar yang gsungs pa/ bdud rtsi byang chub sems zhes gsungs te/de las bskyed de 'gro ba gsum/ /zhes so/ /bshad pa'i don kho nas gsal bar byed pa gsungs pa/ dngos dang dngos med nges 'brel bas/ /des na rmongs pa ring du spangs/ /zhes pa ste de la dngos po'i sgras ni/ chos thams cad yod pa nyid kyis dmigs pa'o/ / dngos med ces pa'i sgras kyang / de rnams kho na la med pa nyid kyis dmigs pa'o/ /nges bral zhes pa ni/ de gnyis yongs su spangs nas gnas pa ji snyed pa'o/ /de nas rmongs pa la sogs pa de dag ring du spangs bar 'gyur ro zhes pa'i don to/ / de ltar yang gsungs pa/ ji ltar mi'i zas la thun mong spyod pa bzhin/ /nyi ma ji ltar mthong la thun mong mthong bzhin du/ /rlung yang ji ltar dril bu thun mong ba rnams bzhin/ /rnam rtog rmongs pa'i rgya mtsho ring du spang bar bya/ /zhes so/ /de ltar rnam par sbyang pa'i rdzas zas dang / zas ma yin pa'i rnam par rtog pa med pas 'og nas byung ba'i mtshan nyid kyis gsungs pa'i hom khung sbyin sreg bya zhes gsungs pa/ phyi yi bdud rtsi zas bzang po/ /'khrugs pa'i me yis btsos pa bzhin/ /zhes pa ste de la phyi'i bdud rtsi zhes pa ni/ mar dang sbrang rtsi dang / 'o ma dang 'dam bu ka ra la sogs pa'o//'khrugs pa zhes pa ni 'ju ba'o/ /me yis btsos pa zhes pa ni phyi'i me kho na'o zhes pa'o/ /bsam pa ni 'di lta ste/ ji ltar phyi'i mes smin zhing bskyed par byas pa'i 'bras bu la sogs pa dang / bu ram la sogs pa'i don lhag par dag pa'i de nyid mngon par 'dod nas khas blangs pa bzhin/'dir yang ye shes kyi mes smin zhing bskyed par byas pa'i bshang gci la sogs pa'i don nye bar dang du blangs nas dam pa rnams kyis khas blangs pa ni 'gal ba med do zhes pa ste/ dngos po thams cad ma brtags pa gcig pu kho nas rung ba nyid kyi phyir ro//de ltar yang gsungs pa/ /dngos gcig de nyid sus mthong na/ /dngos kun de nyid mthong ba yin/ /dngos kun rang bzhin gang yin pa/ /dngos gcig rang bzhin de yin no/ /zhes so/ /gzhan yang gsungs pa/ thabs dang shes rab stobs kyis ni/ /mi bya ba ni 'ga' yang med//ces pa'o/ /gsungs pa'i don kho na gsal bar gsungs pa/ lto ba la sogs ye shes mes/ /zhes pa la sogs pa ste/ de la lto zhes pa ni khong pa'i nang ngo / /sogs pa'i sgras ni mig la sogs pa'i skye mched do/ /ye shes me yis zhes pa ni lha la sogs pa'i me zhes pa'o/ / bsregs pa zhes pa ni smin par byas pa'o/ /bshang ba dang gci zhes pa ni dri chen la sogs pa'o/ /des ni 'di ltar gsungs par 'gyur te/ lto la sogs pa'i ye shes mes yongs su smin par byas pa'i bshang gci la sogs pa shin tu khyad par can du 'gyur te/ de bas na bshang gci la sogs pa ni lha bshos mkhas pas shin tu 'gal lo zhes rtog pa ni mi bya'o//mi gtsang ba la sogs pa'i rnam par rtog pa nyid 'joms pa'i don nyid kyi phyir ro/ /de ltar yang sgyu 'phrul dra ba las gsungs pa/ 'byung ba chen pos 'byung nyid phyir/ /ji ltar mi gtsang nyid du gsungs/zhes so/ /me yis smin par byas pa de/ /me yi dbus su btsos byas pa'i/ /me yi dbus su bsreg bya ba/ /zhes pa ni de la me yis smin pa zhes pa ni rnam par snang mdzad la sogs pa'o/ /me yi zhes pa ni ye shes kyi me'o/ /de'i dbus su zhes pa ni/ ye shes kyi me'i dbus su bsreg bya ba zhes pa ni sbyin sreg bya ba'o//don ni 'di lta ste/ ji ltar phyi me lhan cig 'byung ba'i rkyen dri zhim pa'i 'bras sA lu la sogs pa bskyed par bya ba 'bras chan la sogs pa khyad par gyi rkyen khyad par bskyed pa shin tu khyad par gyur pa bzhin/ de bzhin 'dir yang bshang gci la sogs pa'i don yang ye shes me lhan cig 'byung ba'i rkyen gyis bskyed par bya ba 'bras sA lu la sogs pa'i chan zhes so//rnam par dag pa de me la sbyin sreg bya'o/ /des na ye shes kyi me la rnam par snang mdzad la sogs pa gtsang dang mi gtsang la sogs pa rnam par rtog pa med pas sbyin sreg dbul bar bya'o zhes pa'o//gang gi rdo rje chu sa bon/ /sa bon de bzhin bzla bar bya/ /zhes pa ni de la rdo rje zhes pa ni/ nang gi hom khung la bsam pa'i rdo rje zhes pa'i don to/ /rdo rje sa bon zhes pa ni da ltar yi ge hUM bzlas pa'o/ /sa bon de bzhin zhes pa ni rdo rje'i bum pa'i dbus su yi ge hUM bsam par byas nas/de'i tshe sa bon dang bcas par 'gyur ro zhes pa ji snyed pa'o/ /de dbus 'bar ba'i nyi ma yi/ /me yi yi ge rnam par bsam/ /zhes pa ni me'i yi ge k+ShuM 'bar ba'i rang bzhin du 'dug pa'i mkha' 'gro ma bsams te/ / de 'bar ba'i nyi ma'i dbus su sbyin par bya'o zhes pa'o/ /gzugs dang mdzes pa'i mdog ni pad+mo'i dbang phyug ste/ zhes pa la sogs pa ni bshad zin to/ /da ni byang chub sems kho na thabs dang shes rab las byung ba nyid kyis chos kyi dbyings kyi rang bzhin gyi phyir na/rdo rje sgras mngon par brjod do zhes gsungs pa/ A li zhes bya bung ba ste/ /zhes pa la sogs pa ste/ de la A li ni bung ba dang / rdo rje dang 'jigs byed ces rnam grangs so/ /de kho na nam mkha' mthar thug pa bzhin du chos kyi dbyings kyi rang bzhin gyis thams cad khyab pa nyid du gsungs pa/A li nam mkha' mtha' klas pa/ /chos kyi dbyings kyi rang bzhin no/ /rgyu dang mi rgyu gsang 'dzin pa/ /lus rnams thams cad de las 'byung / /zhes pa ste/ thams cad gsang ba'i rang bzhin gsang ba'i gzugs kyis 'dzin pa'i phyir gsang 'dzin no//bdud rtsi de yang gang la gnas she na/ gsungs pa/ lus kyi yan lag bco brgyad la/ /zhes pa ste nu ma la sogs pa'i gnas bco brgyad gnas so zhes pa'i don to/ /de kho na la gsungs pa/ dbang po kun gyi bdud rtsi lnga dag ces pa ste/ dbang po thams cad la gnas pa nyid kyi phyir na de dag gi rang bzhin zhes pa'i don to//de ni dbus nas drangs byas te/ /A li dbus su thim par bya// zhes pa ni dbang po de dag las drangs te/ A li dbus su gsang ba'i rdo rje la gnas par bya'o zhes pa'o/ /don ni 'di lta ste/ gnas bco brgyad nas nye bar bsdus nas mtshan ma brgyad bya'o zhes pa'o//'jigs byed ces pa ni/ rdo rje bdud rtsi la brjod de/ /de'i rang bzhin yin no/ /'jigs byed ni bkang ba zhes te/ bdud rtsi'i rang bzhin sems can thams cad bkang nas shin tu rol zhing thams cad rig go/ /khams gsum la khyab cing gnas par gyur pas na/'jigs byed ces pa'o/ /de ltar yang gsungs pa/ thams cad la ni bkang byas te/ /thams cad dus la rol par byed/ /thams cad du yang gnas byed pas/ /de bas 'jigs byed ces su bshad/ /rdo rje nga ro yis zhes pa ni yi ge hUM ngo //sbyor ba'i rdzas ni 'byung bar 'gyur/ /zhes pa ni yi ge hUM gi sgras btang nas dbyung bar bya'o/ /rnal 'byor pa'i rdzas rig pa'i rim pas skyes ma thag tu dam pa'i tshangs pa'i ngo bo nyid skye bar 'gyur ro zhes pa'o/ /de ltar yang gsungs pa/ rdo rje pad+ma mnyam sbyor bas//rdo rje sems dpa' bdag mnyam zhes so/ /de nas rdo rje'i nga ro ngo bo nyid kyis bshad 'dod pas gsungs pa/ me dang rlung gi bdun pa yis/ /zhes pa la sogs pa ste/ de'i don ni bshad zin to/ /sgra sogs gong ma'i sa bon ni/ /zhes pa ni yi ge a'o/ /de'i dbus su gzung bar bya//zhes pa ni rdo rje'i dbus su yi ge a zhu ba las gyur pa'i zla ba'i dkyil 'khor gyi steng na yi ge hUM bsam par bya'o zhes pa'o/ /de ltar A li'i ngo bo bshad nas/ da ni kA li'i de bzhin nyid bshad par 'dod pas gsungs pa/ kA li'i me tog kun du shes/ / zhes pa ste/ de la kA li zhes pa ni chos kyi 'byung gnas so/ /me tog kun du shes zhes pa ni/ /de kho na me tog ces pa dang / kun du shes pa zhes pa ji snyed pa'o/ /me tog thug pa rdo rje can/ /zhes pa ni pad+ma'i rang bzhin nyid kyi phyir na de la thug par byed pa rdo rje thug par byas nas rdo rje'o/ / de kho nas me tog la thug pa'i phyir bung ba'i sgra yis gong du bshad zin to/ /'khor ba las byung thams cad du/ /me tog thams cad sa yin no/ /zhes pa ni 'khor ba la skye ba can thams cad de kho na'i skyed pa po nyid kyi phyir na ma'o/ /de kho na'i thams cad sa'i rnams zhes pas khyad par byas te/thams cad kho na skye ba'i gnas/ /zhes pa'o/ /yang nas yang du khyad par gsungs pa/ /ye shes chu yi rgya mtsho 'di/ /shes rab chu srin nya dag dang / /zhes pa ste/de la/ ye shes chu yi rgya mtsho 'di/ /zhes pa ni/ bdud rtsi chus bkang ba'i rgya mtsho zhes pa'i don to/ /yang na rdo rje 'dzin de kho na nyid kyi rgyur gyur pa/sna tshogs thabs dang ldan pa'i byang chub sems rin chen gyi gzhi nyid kyi phyir na rgya mtsho'o/ /shes rab chu srin nya dag dang / /zhes pa ni sems can gyi khams kun 'khor ba las drangs ba'i mthu gang yin pa de shes rab kyi sgra brjod do/ /de yang sna tshogs kyi gzugs su chu srin dang nya la sogs pa lta bu'o//gnyis med 'dam pa'i dbus dag la/ /thabs kyi myu gu dag gis ni/ /zhes pa ni de la gnyis med ces pa ni snyoms par sbyor ba'i pad+ma'o/ /'dam pa ni thabs kyi mtshan ma'o/ /de kho na myu gu zhes ji snyed pa'o//ban+du ka ni rgyas pa bzhin/ /zhes pa la sogs pas ni/ kA li de kho na'i dbus su mdog gi rnam pa'i cha gsungs so/ /sbrang rtsi bdud rtsi gnas yin te/ /zhes pa ni/ sbrang rtsi'i ngo bo bdud rtsi'i gzhi/ /zhes pa'i don to/ /kA li bdud rtsi de nyid kyis/ /zhes pa ni bdud rtsi de'i rten nyid kyi phyir na/kA li yang bdud rtsi'i rang bzhin yin no zhes ji snyed pa'o/ /de ltar bsgoms pa'i pad+ma ji ltar rgyas par bya zhes gsungs pa/ me tog rgyas pa'i chu skyes pa/ /zhes pa ste/ de la me tog ces pa ni/ pad+ma'i khyad par la bya'o/ /rgyas pa zhes pa ni/ /kha rgyas pa'o/ / chu skyes zhes pa ni pad+ma'o/ /de bas na gsang ba'i me tog pad+ma kha rgyas par bya ba zhes bshad par 'gyur ro/ /gang gis kha rgyas par bya zhe na gsungs pa/ /yi ge gnyis 'gyur thigs pa dang / /zhes pa la sogs pa ste/ de la yi ge gnyis 'gyur ni k+Sha'o/ /thigs pa dang zhes pa ni/ mgo na zla tshes kyi tshul steng na thig le ri mo'o//rtsa bar 'dren par sbyor bar bya/ /zhes pa ni/ 'og na zhabs skyed yi ge u dang sbyar bar bya'o zhes pa'o/ /don ni 'di lta ste/ pad+ma'i snying po yi ge a las gyur pa'i zla ba'i dkyil 'khor gyi steng du skye gnas kyi sa bon bkod par bya'o zhes pa'o//de yi yi ge sa bon dag /lha mo nyid kyi rigs kyi yum/ /zhes pa ni/ yi ge sa bon de bkod pa'i sa drag po'i mkha' 'gro ma'i ngo bor gyur par 'gyur ro zhes ji snyed pa'o/ /rigs kyi yum zhes pa ni/de ltar skyes ma thag tu rigs kyi yum nyid du 'gyur ro zhes pa'i don to/ / de ltar yang gsungs pa/ sgrol ma na bza' dkar mo dang / sangs rgyas spyan dang mA ma kI/ /shes rab pha rol phyin ma dag /lha mo de la rigs kyi yum/ /zhes pa'o/ /zla ba'i dbus su legs bsam pa/ /bdud rtsi sa bon bsam par bya/ /zhes pa ni/ /lha mos kyang chos kyi 'byung gnas la yi ge a las gyur pa'i zla ba'i dkyil 'khor gyi steng na yi ger rnam par bsgom par bya'o zhes pa'o//A li zhes bya bung ba ste/ /kA li de bzhin gshegs pa yin/ /zhes pa ni/ ji ltar bung ba'i sgra'i don de ltar de bzhin gshegs pa brjod par bya'o/ /me tog gi sgra dang kA li'i sgra ji ltar thun mong gi don de bzhin gshegs pa yang brjod par bya'o//gnyi ga las ni 'byung skye ba/ /bdud rtsi'i cho ga mchog yin no/ /zhes pa ni/ de la gnyi ga zhes pa ni thabs dang shes rab po/ /'byung skye ba ni de las 'byung ba'i las so/ / bsam pa ni 'di lta ste/ thabs dang shes rab 'dus pa la skye bar byed pa shin tu khyad par can rdo rje bdud rtsir byas pa'i don to/ /sgrar brjod par bya'o/ /de bas mdor yang thabs dang shes rab tu 'gyur ba'i pad+ma dang / rdo rje sbyor ba las bskyed pa byang chub kyi sems kyi bdud rtsi zhes bya ba/mya ngan las 'das pa'i rkyen nyid kyi phyir na bdud rtsi dgur brjod par bya ste/ rkyen la don du nye bar brtags pa'i phyir ro/ /de yang lha'i bdag nyid kyi phyir na/ chos kyi yi ge 'bru gsungs pa/ /ji ltar sde tshan gsum pa yi/ /zhes pa la sogs pa ste/ ji ltar sde tshan gsum pa yi//yi ge gsum pa gzung bya zhing / /zhes pa ni yi ge Da'o/ /glo ru dbyug pa rdo rje dang / /zhes pa ni/ de'i glo ru yi ge ra'i dbyug pa'i ri mo sbyin par bya'o/ /lu gu rgyud kyis dkri bar bya/ /zhes pa ni/ de dang dbyig pa gnyis kyi bar du lu gu rgyud kyi ri mos sprel bar bya'o zhes pa'o//des na yi ge'i gzugs su 'gyur ro/ /yi ge a ni chos thams cad skye ba la rkyen du gyur pa ci'i phyir de bas na yi ge a ni rgyud thams cad la rab tu grags so/ /A ka ro mu khaM sarba d+ha rmA NAM A d+ya nu t+pa n+na twA ta ces so/ /rim pa kho nar gsungs pa/ bdud rtsi lnga yi de bzhin nyid//ces pa ste/ de la zhes ba ni yi ge a'o/ /yi ge a gnas gyur nas/ bskyed pa nyid kyi phyir na byang chub sems la sogs pa bdud rtsi lnga de bzhin nyid du 'gyur ro/ /de bzhin gshegs pa lnga'i rang bzhin du bsgom pa'i phyir ro zhes mngon to/ /yang na yi ge a kho na/ /bdud rtsi lnga yi de bzhin nyid//ces pa'o/ /de nyid kyi phyir na lta ba ngan pa rnams kyis bdag tu lta ba la sogs pa spang ba'i don du skal pa dang ldan no zhes gsungs pa/ bdag nyid lus ni bshal par bya/ /zhes pa'o/ /bdud rtsi gang gis mngon shes na/ /bdud rtsi lnga yi khyad par gyis//zhes pa ni/ bdud rtsi zhes bya ba byang chub sems bdud rtsi lnga'i khyad par gyi ngo bo gang dag gis shes par gyur na de dag gis ni de bzhin gshegs pa'i lam mngon par 'gyur ro zhes bya'o/ /de bas gsungs pa/ 'gro ba'i sgra ni kun bltas nas/ /gang la lus ni dag pa'o//zhes pa ste/ de la gang zhig dag pa'i lus byang chub kyi lus kyi snying po ka la dag pa'i lus zhes pa ste/ sangs rgyas nyid dang rdo rje 'dzin pa nyid du thob par 'gyur ro zhes pa'i don to/ /de kho na gsal bar byed pas gsungs pa/ /gang gis bdud rtsi bkang ba yis//rang dgar bdud rtsi myang bar bya/ /zhes pa ste/ rak+ta la sogs pa rnam par dag par bya'o/ /da ni bdud rtsi rnam pa lnga dang lcags kyu rnam pa lnga'i khyad par bshad par 'dod pas gsungs pa/ nyon cig rdo rje de kho na/ /bza' ba lnga yi bye brag gis/ /zhes pa ste/ rdzas bcu po de dag ni bza' ba lnga zhes ji ltar yin zhe na/ don 'di lta ste/ lnga dang lnga nyid gcig tu byas nas/ nye bar sbyor ba nyid phyir bza' ba lnga zhes gsungs so/ /gong gis shes pas zin gyur na/ /lam ni myur du mthong bar 'gyur/ /zhes pa ste/ gang gis shes pa ni sgrub pa'i ngo bo nyid shes par bya'o//gal te sgrub pa pos lha bsgoms te bsams par gyur na lam ni myur du mthong nas des bde ba chen po myur du mthong ba'o zhes pa'i don to/ /blo gros chen po zhes pa ni/ byang chub sems so/ /gang dag dang zhes pa ni rak+ta'o/ /rigs ldan zhes pa ni rdo rje chu'o//bskyed pa ni rnam par snang mdzad do/ /shel zhes pa ni 'di'i gnas skabs su snabs la sogs pa la bya'o/ /spyad par bya zhes pa ni gzung 'dzin rnam par rtog pa med par dag pa'i rang bzhin gyis brtsam par bya'o zhes pa'o/ /rnal 'byor pa zhes pa ni/ rnal 'byor pa rnams kyis spyod do zhes pa'i don to//lcags kyu che zhes pa ni sha chen no/ /rnam shes sa bon bzlas pa yis/ /de yis bon gzung byas te/ /zhes pa ni/ de la rnam par shes pa'i sa bon zhes pa ni yi ge a'o/ /des yongs su bskyed pa bdud rtsi lnga dang / sha chen zhes pa'o/ /de bas na bdud rtsi lnga dang /sha chen gyi sa bon gcig pas sha chen gyi 'og tu sa bon gsungs so/ /bzlas pa yis zhes pa ni/ sngags des bkur nas sngags bzla bar bya'o zhes pa'i don to/ /lcags kyu lnga'i chos kyi yi ge ni gong du bshad zin to/ /da ni de dag rnam par sbyang ba'i sa bon bkod par gsungs pa/bgegs kyi lcags kyu gcig gis ni/ /de yi lam du sbyar byas pa/ /zhes pa la sogs pa ste/ de la bgegs kyi lcags kyu ni glang po che'i sha ste/ yi ge hUM gis sbyang bar bya'o zhes pa'o/ /yul gyi bdag po lcags kyu che/ /zhes pa ni khyi sha ste/ yi ge g+h+riM gis sbyang bar bya'o/ /rta'i sha yi ge ji gis sbyang bar bya'o zhes gsal bar bya'o zhes gsungs pa/ rta'i lcags kyu byin brlabs pa/ /zhes pa la sogs pa'o/ /ba lang gi sha yi ge sri gis sbyang bar bya'o zhes gsungs pa/ rdo rje lcags kyus byin rlabs zhes pa la sogs pa'o//lcags kyu chen po'i sa bon ni/ /bdud rtsi lnga'i bshad pa la gsal bar bshad zin to/ /bar 'dir ni ma bkrol lo/ /bdud rtsi lnga dang lcags kyu lnga bsres pa'i dri zhim po la sogs pa de dag kho na'i chos kyi 'bras so sor re re mchan khung sbyor ba'i tshul gyis phyag 'tshal ba dang bsreg pa bcas par bzla ste/du bas bsgos par bya ba dang / bskus pa dang / thul ba dang / thig ler byas pa la sogs pa sbyor bar bya'o zhes gsungs pa/ /rdzas bcu dag dang sbyar byas te/ /zhes pa la sogs pa'o/ /rnal 'byor ma bzhi sgrub pa dang / / zhes pa de nas brtsams/ rnal 'byor ma rnams dbus su bdag mchi'o sgo dbyer gsol zhes pa'i tshigs bcad ji snyed mthar thug pa ni me mar la sogs pa'i sgrub pa gsungs so/ /gzhan yang ngag gi phyag rgya'i mtshan nyid ces dang po bzung nas rnal 'byor pha dang / rnal 'byor ma dga' nas rtse zhing 'di dag ni//ngag dang brda yi phyag rgya'o/ /zhes te/ mthar thug pa'i bar ni phyag rgya'i brda bstan pa'o/ /dpal rdo rje slob dpon dge ba'i go chas mdzad pa'i dpal ldan gdan bzhi pa'i gzigs pa las gzhan gyi gdan rdzogs so// //de kho na nyid bzhi la phye na/ rtogs 'dod pa phyag na rdo rje/ gzhan yang mtshan nyid bstan pa ni zhes pa la sogs pas sbyor ba'i gdan brtsams so/ /dang po rdo rje de kho na/ /zhes pa la sogs pas ni de kho na nyid bzhi so sor phye nas go bar byas pa'o//de la rdo rje'i de kho na nyid ces pa ni don dam pa'i rang bzhin nyid de/ ye shes lnga'i ngo bo nyid kyi phyir ro/ /dril bu'i de kho na nyid ces pa ni sgra'i rjes su 'gro ba nyid kyi phyir na/ shes rab kyi pha rol tu phyin pa'i rang bzhin no zhes pa ji snyed pa'o/ /bgrang phreng gi de bzhin nyid ni de bzhin gshegs pa thams cad kyi rang bzhin gyis bsgom par byas pa nyid kyi phyir zhes pa'i don to//ye shes kyi de bzhin nyid ni ji ltar cher gnas pa'i tshig gi don ngo bo nyid kyis rgyas pa mthar phyin pa'o/ /de kho na nyid de gang gis shes na/ des ni bla na med pa'i mya ngan las 'das pa shes bya'i pha rol tu phyin pa thob po zhes gsungs pa/de bzhin nyid kyi yan lag bzhis/ /'dod pa'i phyi rol zhes gsungs pa/ /de la re zhig rdo rje'i de kho na nyid go bar byas nas gsungs pa/ dbus su rnam snang mdzad kyi lha/ /zhes pa la sogs pa de la/ dbus su bcu gsum sgo nga ru//ye shes lha nyid thim par bya/ /zhes pa ni/ de yang bcu gsum zhes pa ni de lha rnams kyi ris shes pa'o/ /de rnams kyi bskyed pa'i gnas ni sgo nga ste/ tshangs pa'i sgo nga zhes pa ji snyed pa'o/ /ye shes lha nyid ces pa ni/ rnam par snang mdzad chen po'am rdo rje 'dzin pa'am/ kun tu bzang po'am/dpal mchog dam pa zhes rnam grangs so/ /don ni 'di lta ste/ rdo rje'i bum pa'i dbus su rnam par snang mdzad chen po bsgom par bya'o zhes pa'i tha tshig go/ /yang rdo rje bum pa'i 'og gi pad+ma dang rtse lnga la ji ltar gsungs pa'i lha rnams bkod par bya'o zhes gsungs pa/pad+mo lha mo brgyad dag ni/ /zhes pa la sogs pa'o/ /rdo rje lcags kyu la sogs bzhi/ /de bzhin lte ba'i phreng ba'i phyogs/ /rnam par snang mdzad chen po bkod pa'i rdo rje'i bum pa'i sa phyogs bzhi ni/ rdo rje lcags kyu la sogs pa bzhi dgod par bya'o zhes pa'i tha tshig go//ji ltar gsungs pa'i rdo rje de nyid de bzhin du bsam par bya'o zhes gsungs pa/ gang zhig rdo rje de kho na rdo rje bdag nyid sems pa zhes pa'o/ /dril bu la yang phyogs mtshams brgyad la sgrol ma la sogs pa'i lha mo brgyad bsgom par bya'o zhes gsungs pa/ phyogs brgyad dag tu shes bya ba//lha mo brgyad du grags pa yin/ /mdog mdzes dngar byed mdangs can dang / /bzhi pa rdo rje phreng ma'o/ /zhes pa ni tsun+de ma dang / rin chen sgron ma dang / khro gnyer ma dang / rdo rje lu gu rgyud ma lha mo bzhi rnams so/ /nam mkha'i dkyil du gzugs dag ni/ /zhes pa ni/shes rab kyi pha rol tu phyin ma dbus su bkod par bya'o zhes ji snyed pa'o/ /de ltar bsgoms pa'i rnal 'byor pa bzlas pa med par mchog gi dngos grub mi 'gyur ro zhes te/ de rtogs 'dod pas bgrang phreng gi de kho na nye bar ston pa gsungs pa/ nyon cig rdo rje yang dag pa/ /zhes pa la sogs pa'o//bgrang phreng ri lu'i tshul gyis bzla bar bya zhes gsungs pa/ sngags bsgrub pa ni lnga bcu ste/ /zhes pa la sogs pa'o/ /yang na ji ltar bzla bar bya zhe na gsungs pa/ rdo rje ma dngos g.yon pa ste/ /g.yas pa rdo rje'i ngo bo'o/ /zhes pa ste/ ye shes mkha' 'gro ma la sogs pa'i sngags ni g.yon pas 'dren pa dang /rdo rje sems dpa' la sogs pa'i sngags ni g.yas pas drang ngo zhes pa'i don to/ /de nyid rtog pa med par bya ba thams cad kyi dngos grub mi thob po zhes bsams pas/ ye shes kyi de kho na nyid bshad pa/ /ye shes de nyid bye brag dag /nyon cig yang dag rdo rje che//zhes pa la sogs pa ste/ de la/ ye shes khyad par nyid du gnas/ /zhes pa ni de la yang ye shes khyad par zhes pa ni/ nag po dang ser po la sogs pa'i khyad par ro/ /nyid du gnas zhes pa ni/ rang bzhin bsres nas cher gnas so/ /zhes pa'i don to/ /de ltar yang gsungs pa/dngos po thams cad rang bzhin gyis/ /rang bzhin dang bcas cher gnas te/ /bdag dngos gzhan dngos gnyi ga ni/ /rnam pa'i cha can kun rdzob phyir/ /zhes pa'o/ /bsam pa ni 'di lta ste/ phan tshun klan ka spangs pa yis/ go bar byas nas de dag thams cad ni sems tsam kho na zhes pa'o/ /de kho na gsal bar byas nas gsungs pa/ /thun mong ye shes brjod pa ni/ /zhes pa la sogs pa'o/ /de la gnyis med ces pa ni dbyer med par snang ba'o/ /gnyis pa dang ni zhes pa ni/ phye nas so sor snang ba'o//cho ga gnyis zhes pa ni/ shin tu dbye bar cher rtogs pa'o/ /don ni 'di lta ste/ dbyer med pa dang / dbye ba dang / shin tu dbye bas 'byung ba gang zhig kyang / de kun rnam par shes pa tsam kho na yin no zhes pa ste/ kye rgyal ba'i bu khams gsum ni sems tsam mo zhes gsungs pa'i phyir ro//de kho na gsal bar byas pas gsungs pa/ /gnod sbyin lha min grub pa po/ /zhes gsungs pa la sogs pa ste/ ye shes tsam zhig gnas pa la 'gro ba la khyad par du so sor snang ba'o zhes pa'o/ /ji ltar yin zhe na gsungs pa/ gang gis ye shes khyad par ni//zhes pa la sogs pa ste/ /de la/ nyi shu rtsa gsum lha rnams ni/ /zhes pa ni rgyal chen rigs bzhi nas brtsams nas 'og min gyi lha'i rgyal po'i bar du ji snyed pa'o/ /gang du gnyis 'gyur 'phel ba ni/ /zhes pa ni/ rnam par shes pa shin tu khyad par du gong ma'i rim pas gnyis 'gyur 'phel ba'i zhes pa'i don to//yang nas yang du khyad par du gsungs pa/ /'dod pa lnga yi ye shes dag /ye shes ye shes gong ma 'phel/ /zhes pa ste/ de la don ni 'di lta ste/ rgyal chen rigs bzhi dang po nas/ /gzhan 'phrul dbang byed kyi lha'i rgyal po'i ji snyed kyi bar 'dod pa lnga'i ye shes khyad par du 'phel lo zhes pa'o//spyod grol thabs ni 'dod pa dang / /zhes pa ni mtho ris dang mya ngan las 'das pa'i go 'phang brtsams pa'o/ /rnal 'byor gtsug lag snying po de nyid ces pa ni/ de rnam pa de ni snying po sbyor ba goms pas thob po zhes pa'o//de kho na gsal bar byed 'dod pas gsungs pa/ snying po snying po gtsug lag ste/ rnal 'byor lam ni blta bar bya/ /zhes pa'o/ /dpal ldan gdan bzhi pa gzigs pa las sbyor ba'i gdan gyi le'u dang po'i rnam par bshad pa'o// //de kho na nyid cher rtog pas zhi ba la sogs pa'i las bsgrub par bya'o zhes gsungs pa//'khor lo bsgrub pa'i bye brag ces pa la sogs pa'o/ /de la/ dang po tha ma dbus gnas pa/ /zhes pa ni/ de la dang po tha ma ni yi ge oM dang yi ge ha'o/ /dang po dbus kyi re mig la/ /bkod par bya ba ji snyed pa'i/ / dbus na bdag ni bsam nas su/ /zhes pa ni/ ye shes mkha' 'gro ma'i sa bon no// //brgyad pa'i yi ge brgyad dag la/ /zhes pa ni/ yi ge su~M la sogs pa'i sa bon bar gyi re'u mig brgyad la gzhag par bya'o/ /sgra yi sa bon bcu gnyis la/ /zhes pa ni re'u mig bcu gnyis pa la sgra'i sa bon bcu gnyis bkod pa'o//ji ltar sde tshan gsum pa dang / /zhes pa ni ji ltar go rims bzhin du de'i yi ge gzung ste/ sde gsum gyi yi ge bco lnga gzung bar bya'o zhes ji snyed pa'o/ /yi ge lhag ma gcig dang mi/ /zhes pa ni/ sde pa bzhi'i dang po yi ge ta gzung bar bya ste/ yi ge ta de dang bcu drug re'u mig bcu gnyis la bkod par bya'o zhes pa'o//ji ltar sde tshan dang po las/ /thog ma'i yi ge gcig bzung ste/ /lcags kyu yis ni gtses pa dang / /rtsa bar ra yig gdags par bya/ /steng du bdud rtsi thigs pa rnams/ /zhes pa ni yi ge kruM ngo / /yi ge gnyis 'gyur sa bon dang //rtsa bar nga ro sbyar bar bya/ /zhes pa ni yi ge k+ShuM ngo / /bdud rtsi zhes bya mthar gzhag ste/ /zhes pa ni/ de la bdud rtsi zhes bya ba ni yi ge sa'o/ /mthar gzhag ste/ /zhes pa ni/ yi ge k+ShuM gi glo na gzhag par bya'o/ /de ltar zin ma thag tu oM kruM swA hA/ /zhes bzlas par bya'o zhes so//gal te na phyag 'tshal ba dang / bsregs pa mthar gzhag go zhes 'dir ma bstan na yang 'dir 'on kyang don du shes par bya'o zhes so/ /de ltar yang gsungs pa/ phal du sngags rnams thams cad du/ /phyag 'tshal swA hA ldan pa'o/ /de bas rang bzhin kho na la lung du ma bstan yang don du de gnyis gzhug par bya'o//bdud rtsi gug skyed kun bcas pa/ /zhes pa ni/ yi ge suM ste/ thig le dang yi ge nga ror ldan pa'o zhes pa'i don to/ /lcags kyu yi ge bsams nas ni/ /zhes pa ni yi ge k+ShuM ngo / /bdun la nga ro sbyar ba yis/ / zhes pa ni sgra yig bdun pa'i yi ge r-i'o/ /yang na yi ge e'o/ /ye shes rnam shes zhes pa ni yi ge hUM ngo / /phyogs na bdud rtsi bzhi dag ni/ /zhes pa ni/ a AHaM AHzhabs skyed kun dang ldan pa'o/ /zhes pa ni 'a dang thig le tsheg drag dang ldan pa phyag 'tshal dang swA hA sbyar bar bya'o zhes pa'o//phyag rgya chen po'i phyag gnyis ni/ /thugs kyi gnas su 'jog par mdzad/ /ces pa ni byang chub mchog gi phyag rgya bcas pa bcom ldan 'das rnam par snang mdzad bsgom par bya'o zhes pa'o/ /dpal ldan gdan bzhi pa gzigs pa las sbyor ba'i gdan gyi le'u gnyis pa'o// //de dag la sogs te las grub pa'i rnal 'byor pas gzhan la byin gyis brlab par bya'o zhes gsungs pa/ byin rlabs rim pa ji ltar lags/ /sems can gang gis rtogs pa dang / /zhes pa la sogs pa'o/ /de kho na bcom ldan 'das kyis slar gsungs pa/ snying gar zla ba bsams nas ni//dbus su sa bon hUM bsgoms te/ /zhes dang po brtsams nas/ gnyis med gtor ma ldan pa yis/ /dbang bskur nas ni zhi bar 'gyur/ /zhes mthar thug pa'i bar ji snyed pas byin gyis brlab pa'i rim pa gsungs so/ /dpal ldan gdan bzhi pa gzigs pa las sbyor ba'i gdan gyi le'u gsum pa'o// //da ni rdo rje dang dril bu la sogs pa sbyor ba dang / me tog la sogs pa dbyer med pa ji ltar sbyar bar bya'o zhes/ phyag na rdo rje shes 'dod pas/ /gnyis med sbyor ba'i snying po ni/ /zhes pa la sogs pas sbyor ba'i gdan le'u bzhi pa brtsams so/ /gzung 'dzin rnam par rtog pa spangs pa'i chos thams cad mnyam pa nyid du sbyor bas slar lan btab pa gsungs pa//gnyis med sbyor ba de nyid dang / /rdo rje dril bu phyag rgya dang / /zhes pa la sogs pa ste rdo rje dril bu la sogs pa'i bsgom pa gsungs pa ni/ 'og tu ston pa'i rim pas brtsam par bya'o zhes pa'i don to/ / ji ltar brtsam par bya zhe na gsungs pa/ /rdo rje de ni bdag nyid de/ /dril bu chos kyi gzungs ma'o/ /zhes te/ de la/ rdo rje de nyid bdag nyid de/ /zhes pa ni rten cing 'brel bar 'byung ba nyid kyi phyir na don dam par brtags pa la rang gi phung po kho na rdo rjer bsgyur te/ rdo rje bzhin du rang bzhin stong pa nyid kyi phyir dang /de bzhin du mi 'jigs pa nyid kyi phyir ro/ /dril bu chos kyi gzungs ma'o/ /zhes pa ni shes rab kyi pha rol tu phyin pa'i rang bzhin nyid kyi phyir na/ de'i rang bzhin yang de ltar rdo rje thabs kyi dus kyi gzhan gyi dril bu shes rab ma zhi zhes par bya'o/ /phyag rgya kha sbyor tshul gyis ni//de la thabs ni thim par 'gyur/ /zhes pa ste/ de dag thams cad kho nas phyag rgya'i rang bzhin no zhes pa'o/ /de ltar yang dpal ldan gsang ba 'dus pa las gsungs pa/ gal te dngos grub mchog 'dod na/ /lag pa'i phyag rgya mi bca'o/ /zhes so/ /dra ba phur bu ra ba yis//bdud dang gnod pa bsal bar bya/ /zhes pa ni/ ji ltar dra ba dang ra ba la sogs pa'i phyag rgya dang sngags kyis phyi'i sdang ba dang bdud la sogs pa rnams 'joms pa de ltar rang gi sems las byung ba rnam par rtog pa'i bdud la sogs pa de rnams kyang sbyin pa'i pha rol tu phyin pa la sogs pa'i ra ba la sogs pas spang bar bya'o zhes so//de ltar mnyam sbyor bde mchog gi rgyud phyi ma las gsungs pa/ bdud ni rang sems las byung ste/ /sngon gyi ser sna bsten phyir ro/ /zhes so/ /de kho na bsten 'dod pas gsungs pa/ /bdud med bdud kyis ma yin pas//zhes pa la sogs pa'o/ /bzod pa'i me tog rnal 'byor pas/ /zhes pa la sogs pa ni/ bzod pa'i me tog bkang nas sbyin par bya'o zhes pa'i don to/ /de la bzod pa gong ma dang 'di ni khyad par ci zhig yod de sems kho na khyad par ro/ / ral gri la sogs pa'i mtshon chas brdegs pa la yang ci yang mi sems par bzod nas byams pa bsgom pa dang / ji ltar ngag rtsub pa la sogs pa 'phrog pa la ci yang mi sems pa'i bzod pa'o/ /dper na byams pa dang snying rje lta bu'o/ /de ltar stong pa nyid dmigs pas ji ltar gnas par bya zhe na gsungs pa/mnyam par ldan pa'i gnas dag nas/ /skyes bu gcig gi tshul gyi bar/ /zhes pa ste/ de yang bsam pa 'di lta ste/ sna'i rtse mo la mig gzhag pas/ khru gang tsam gzhag par mnyam pa nyid kyis bsam par bya'o zhes pa'o//rdo rje gong du bstan pa rnams/ /nyi shu rtsa brgyad lha nyid dang / /zhes pa ni/ bum pa dang steng 'og dbus kyi rtse mo lha gsum bzhag nas 'khor gyi lha kho na nyi shu rtsa brgyad ces gsungs te/ gcig tu brtsis nas sum cu rtsa gcig ces pa'i don to/ /dril bu yang ci tsam gyis bsgom par bya zhe na//gsungs pa/ dril bu dbus su bsgom pa ni/ /nyi shu rtsa gsum lha rnams dag /ces pa la sogs pa ste/ de la 'og gi pad+ma'i 'dab ma la sgrol ma la sogs pa'i lha mo brgyad dang / de la yang shes rab kyi pha rol tu phyin pa'i zhal dang / gong gi pad 'dab brgyad la byang chub sems dpa' brgyad dang / rtse lnga la rigs lnga dang / ye shes dang / rnam shes rnams kyi bdag nyid dbyig pa dang / nyi shu rtsa gsum du 'gyur ba'i don to/ /rdo rje mdzub mo rtse mo ru/ /bdud rtsi yi ge bsams nas su/ /zhes pa g.yon gyi mdzub mo la yi ge sa bkod par bya'o//g.yon gyi phyogs su bstan pa yi/ /zhes pa ni/ sku la sogs pa la reg par bya ba'o zhes pa'o/ /lha mo'i mdun du gzugs par bya/ /zhes pa ni gsang ba'i pad+ma la gzhag par bya ba'o zhes pa'i don to/ /bco brgyad dag gi gnas rnams ni//zhes pa nu ma dang lag pa'i rtse mo dang / mgrin pa dang / ma mchu dang / 'gram pa dang / mig dang / rna ba'i rtsa dang / spyi bo dang / yan lag mchog gsang ba rnams so/ /gnas dgu la zla ba'i cha shas kyi tshul gyis yar dang mar lan gnyis sbyor bar reg par byas na gnas bco brgyad bsgyur ro zhes pa'o//de ltar brgyad brgyad la gsungs pa/ /nu ma lag rtse mgrin pa dang / /ma mchu de bzhin 'gram pa mig /rna ba spyi bo yan lag mchog /de dag kun la btung byed pa/ /na bza' dkar la mar yar du/ /zla ba nag la log par bshad/ mthe bo'i rtsar ni yi ge a/ /rje ngar gnyis la de bzhin A/ /brla gnyis la ni yi ge i/ /yi ge I ni gsang bar bsten/ lte ba'i rtsa la yi ge u/ /de bzhin bsdus par yi ge U/ /nu ma'i rtsa la yi ge r-i/ /yi ge r-I ni lag par gnas/ /mgrin pa kho nar yi ge l-i/ /de bzhin spyi bor yi ge l-I//'gram pa'i phyogs su yi ge e/ /de bzhin ai ni mig gnyis la/ /rna ba'i rtsar ni yi ge o/ /yi ge au ni spyi bor gnas/ /aM a yan lag lus kun la/ /cho ga rnams ni sbyor bar bya/ /'o btab pa dang 'khyud la sogs/ /sos btab pa dang sbyor ba rnams/ / gnas rnams brtags nas sbyor byas te/ /yi ge rma re rnam par bsam/ /de ltar bsams pa tsam gyis ni/ /bud med dga' ste gzhan du min/ /pho mo mtshan ma med sbyor kyang / /gzhom pa tsam gyis ngo bzang dga'/ /zhes so/ /bdud rtsi thams cad kun gnas pa/ /zhes pa ni gnas bco brgyad la byang chub sems gnas pa'o zhes ji snyed pa'o//bshad par byed pa'i don kho na gsal bar byed pas gsungs pa/ mdzub mo de yis bskyod byas nas/ /bdud rtsi chu dag 'dzag par 'gyur/ /zhes pa'o/ /de ltar bskul ma thag tu yang phyag rgya chen po brtan por byas nas gnyis su med pa'i snyoms par zhugs pa sbyor te bya ba brtsam par bya'o zhes gsungs pa/btsugs nas gnyi gas 'khyud byas nas/ /zhes pa la sogs pa ste/ de la 'khyud nas zhes pa ni/ mi shes pa'i 'dam du bying ba rnams bla na med pa'i 'bras bu thob par bya ba'i don du 'jig rten las 'das pa'i snying rje chen po dang du blangs pa'i 'khyud pa'o//kha shar la sogs gnas par bya/ zhes pa ni/ gnyis su med par snyoms par zhugs pa la lha mo ni kha shar du blta bar bya'o/ /don ni 'di lta ste/ bsgrub bya lha mo gtsor 'gyur ba'i phyir dang / lha ni gtso bor ma yin pa'i phyir/ / de bas na lha mo kha shar du blta bar rigs te/ khyad par du yang 'di ni mkha' 'gro ma'i tan+t+ra nyid yin pa'i phyir ro/ /de ltar rgyal po'i bu mo zhes pa la smras pa/ gnyis pa yi ni gtsor 'gyur bas/ /de bzhin du ni bsten par byas/ /ci phyir de ltar khyad par du/ /cho ga rab mchog bshad pa'o/ / rol par 'phen pa'i lha mo rnams/ /zhes pa ni rol pa'i skyil mo krung gis gnas pa'i lha mo dang zhes pa'o/ /rdo rje zhes pa ni/ rdo rje sems dpa' gnon po'i lus/ /zhes pa'o/ /ji ltar gnon zhe na gsungs pa/ rkang pas rkang pa'i zhes pa'o/ /de dag gi byed pa bya ba de ni 'dug pa zhes bshad pa'o//de yang rnal 'byor pa 'dug pa'i rnam par brtags pa rnam pa gnyis su 'gyur ro/ /de ltar yang smras pa/ sku yi phyi rol gzhag pa ste/ /bud med rkang pas bkang bar bya/ /'dug pa rnam pa gnyis bstan phyir/ /pho yi 'dug stangs rnam rtog phyir/ /zhes so/ /g.yon gyi dril bu brla dag kyang //zhes pa ni/ shes rab kyi pha rol tu phyin ma'i lag pa g.yon pa brla'i rtsa'i 'og tu gzhag par bya ste/ des ni snying rje chen po'i 'dod chags zhes pa'i don to/ /lag pa g.yas pa gzhag pa ni/ /gong du 'brel pas 'dir mi bshad do/ /'khyud pa kho na ni thabs med par sems can sna tshogs don byed pa las 'jug pa med do zhes pa'o//de kho na mngon par byed pas sna tshogs ston pa gsungs pa/ dril bu lag gnyis gsungs pa yi/ /zhes pa'o/ /ma byung ba'i so so'i skye bo'i rnam par rtog pa la gnas par mi bya'o zhes gsungs pa/ gnyi gas sa bon bzlas par bya/ /zhes pa la sogs pa'o/ /g.yon du 'phen pa'i lha mo ni/ /kha ni lho ru phyogs par 'gyur/ /zhes pa ni/ lha mo g.yon pa 'phen nas gnas pa ni lhor kha blta bar gzhag par bya'o zhes pa'o/ /rdo rje de ni yang 'phags pas/ /zhes pa ni/ rdo rje sems dpa' de yang byang du kha bltas nas gnas par bya'o zhes pa ji snyed pa'o//rkang mthil gnyis kyang btsir bar bya/ /zhes pa ni/ lha mo'i rkang mthil gnyis kyis rdo rje sems dpa'i lag mthil gnyis la gzir bar bya'o zhes pa'o/ /rdo rje g.yas su nu ma ste/ /de bzhin gcig gis gsang bar ro//zhes pa ni/ rdo rje sems dpa'o/ /dril bu lag pa gnyi ga yis/ /rkang pa bsdams nas gtse bar bya/ /zhes pa ni/ de la dril bu zhes pa ni/ shes rab kyi pha rol tu phyin ma'o/ /de'i lag pa gnyis kyis rdo rje sems dpa'i rked par ji ltar shin tu bsdams par gyur pa de ltar gzir bar bya'o zhes pa'o//rdo rje g.yas su nu ma ste/ /de bzhin gcig gis gsang bar ro/ /zhes pa ni/ rdo rje sems dpa'i lag pa g.yon pas gsang ba la reg cing g.yas pas ni nu ma la gzir bar bya'o zhes pa'o/ /dril bu rdo rje kha dag dang / /yang dang yang du phrad par bya/ / zhes pa ni/ de la dril bu ni shes rab ma'o/ /rdo rje sems dpa'i kha'i kha la sogs pa 'os btab pa ni/ gnas dgu la yang nas yang du g.yas su 'khor nas 'os gdab par bya'o zhes pa'o/ /sa bon gnyis bcas bzlas pa yis/ /zhes pa la sogs pas ni thabs dang shes rab gnyis kyis ji ltar rang rang gi sa bon bzlas te/lho'i phyogs su gnas pa'i 'jig rten gyi sems can rnams bsgral bar bya'o zhes pa'i don to/ /rkang pa mnyam par nub phyogs ni/ /zhes pa la sogs pas ni nub phyogs kyi byed pas brtsams nas/ gnyi ga rkang pa g.yas pa mnyam por stabs kyis gzhag ste/rkang pa g.yon pa'i pus mo gnyi gas phan tshun gnon par bya'o/ /de ltar yang smras pa/ dpung pas 'gugs pa'i brla nu mar/ /gsum 'dus mdun du zil gnon te/ /zur gsum gnas la lag sbyor ba/ /kha sprad kha sbyor dran pa'o/ /mgrin pa'i ltag khung phan tshun dpung pa'i zhags pas dkris te/dril bu'i lce dril bas rdo rje sems dpa' lce la reg ste/ 'gul bas ji ltar rang gis bon bzlas par bya'o zhes pa'i don to/ /da ni byang gi 'phen pa gsungs so/ /ji ltar mgrin pa'i rgyab tu dkri bar bya zhes gsungs ba/rdo rje mnyam pa'i dbus su ni/ zhes pa la sogs pa ste/ rdo rje sems dpa'i dpung pa gnyis kyis lha mo'i mnyam pa'i dbus su nu ma'i drung du dkris te/ dril bu lag pa gnyis kyis kyang rdo rje sems dpa'i rna ba'i rtsar btsir bar bya ste/ /sbyar nas sen mos gdab par bya'o zhes pa'i don to//de ltar yang smras pa/ 'khyud pa dang ni btab pa dang / /sos btab de bzhin sen mos rgyab/ /steng ni rnam pa lnga shes te/ /'og ma yi ni rnam pa bzhi/ /sen mos gdab pa la g.yon gyi/ /lte ba'i rtsa dang mtshan du yang / /yan lag mchog dang spyi bo dang / /glang chen lag pa bzhin du reg /ces pa'o/ /kun bsdams ma mchu gnyis kyis ni/ /zhes pa la sogs pas ni dga' bas rjes su chags te/ ma mchu phan tshun btung bar bya'o/ /zhes pa'i don to/ /sems can thams cad ces pa la sogs pa ni don gsal lo//dril bu'i lha yi sbyor ba rnams/ /zhes pa la sogs pas ni shes rab kyi pha rol tu phyin ma'i lus/ rdo rje sems dpa'i lus la sngags kyi yi ge brgyad gong nas gsungs pa'i rim pas bsgom par bya'o zhes pa'o/ /de ltar de kho na nyid so so gnyis byed ma thag tu lha mo dang /rang gi lus ni chos kyi dbyings kyi ngo bo nyid thabs kyi bdag nyid rnam par rtog pa med pa'i bdag nyid du sems gyur pa la bya ste/ yang sems de'i rgyab tu gyur pa rnam par rtog pa dang bcas pa'i dbyangs dang bstod pa brjod pas bskul te/ sems can gyi don gyi rgyu'i phyir bslang bar bya'o//de ltar dpal gsang ba 'dus pa'i tan+t+ra las gsungs so/ /rdo rje sems dpa' bdag ces brjod/ /ces pa la sogs pa'o/ /langs ma thag tu chags pa'i sems kyis shes rab ma dang bcas pas/ rdo rje sems dpa'i nga rgyal te/ /oM badzra satwa haM zhes brjod par bya ba'i don to//me tog rnams ni chu skyes rnams/ /nang gi gsang ba'i mtshan nyid kyis/ /myu gu rtsa ba me tog ni/ /ban+du ka ni 'bar ba 'dra/ /zhes pa ni pad+ma dmar po dang 'dra ba'i nang gi dbus su gsang bar gnas pa mkha' 'gro chu'i rtsa zhes ji snyed pa'o//de yang ming dang gzugs kyi myu gur skyes pa dang / sdong bu dang / me tog dang / 'bras bu dang / rtsa ba dang / sa bon la sogs pa'i rkyen zhes pa'i don to/ /de ltar yang gsungs pa/ nyi shu rtsa bzhi'i rtsi rnams ni/ /rgyud chen lha mo rtsa rnams te/ /de la mkha' 'gro chu yi rtsar/ / mkhas pa yis ni bskul bar bya/ /zhes pa'i don to/ /thang ga gnyis su sa bon rnams/ /khong pa la yang gcig brjod de/ /rtsa lnga yi ge kha dgod pa/ /rtag tu kha la bskul bar bya/ /gang zhig rkang mthil la 'gul ba/ /mkhas pas rkang mthil mthe bor yang / /spyi bor gsum 'dus brla gnyis la//lag pa'i rtsa la reg par bya/ /zhes pa'o/ /nang gi gsang ba'i pad+ma de rgyas pa la ji ltar sa bon du 'gyur zhe na/ gsungs pa/ thong ga gnyis su sa bon rnams/ /zhes pa la sogs pa ste/ de thong ga gnyis su sa bon ni stag mo'i sa bon no/ /rnams zhes pa'i tshig ston pas na brtsegs pa'i yi ge bzhi char gzung ngo zhes pa'i don to//sa la sogs pa bzhi kho na dang / yi ge brgyad thabs dang shes rab kyi rang bzhin nyid kyi phyir na/ 'gro ba dang skye ba dang / 'khor ba la gnas pa'i gzugs yin par shes par bya'o zhes pa'i don to/ /ji ltar sde tshan gsum pa la sogs pa ni bshad zin to//lha mo'i gzugs ni bsams nas ni/ /zhes pa ni sa bon de kho nas bskyed pa'i ye shes mkha' 'gro ma'i gzugs bskyed par bya'o zhes pa'o/ /sa'i zhes pa ni yi ge hUM ngo / /dbus su thim par bya zhes pa ni snyoms par 'jug pa'i sbyor ba ji snyed pa'o//don kho na gsal bar byed pas gsungs pa/ dus kyi me dang yi dags me/ /zhes pa la sogs pa ste/ de la dus kyi me zhes pa ni lag pa g.yas pa'o/ /yi dags me zhes pa ni lag pa g.yon pa'o/ /phan tshun lag pa gnyis kyis 'khyud nas/ lag pa gcig dang lhan cig tu 'brel pa'i gnas la rtse gsum gyi tshul du gzhag par bya ba ste/srid pa'i thabs kyis gzugs so/ /bdud rtsi btung ba'i sems kyis ni/ /zhes pa la sogs pa ni don gsal ba'o/ /yan lag bco brgyad gnas dag la/ /zhes pa la sogs pa ni zla ba'i cha shas kyi tshul gyis sngon du bshad zin to//mkha' 'gro ma yi mchu 'dra'o/ /zhes pa ni de la mkha' 'gro mchu zhes bya ba ni gsang ba'i pad+ma'i rtsa'o/ /phyag rgya de la bskul bar bya/ /zhes pa ni/gal te shes rab ma sra bar gyur na/ de tshe glang chen gyi lag la sogs pa'i las kyis ji ltar bzhu ba de ltar bya'o//de ltar yang gsungs pa/ yan lag mchog ni gnyis shes te/ /de bzhin de ni mchog dang sra/ /sra ba la ni rgyu byas pa/ byas te rigs kyi bu med min/ /zhes pa'o/ /g.yas kyi rdo rje'i mchu rnams zhes pa la sogs pas ni dus mnyam po ji ltar gyur pa de ltar rdo rje'i chu zag pa'i rgyu bya'o//de kho na sems 'dod pa bskul ba'i don du/ thong dang yang na gnas dag tu/ /de nas sen mos gdab par bya/ /zhes pa'o/ /de nas rdo rje rtse phyag rgya/ /zhes pa la sogs pas ni bshad zin pa'i don kho na gsal bar byas pa'o/ /rdo rje rol pa'i rkang pa yis//zhes pa la sogs pas ni/ phan tshun rol pa la 'phen pas/ /bde ba'i stan rnam par bkod pa sna tshogs bkod pa'i byed pa dang / dbyibs la sogs pas rnal 'byor pa dang / rnal 'byor ma'i gsang ba'i rol pa bshad par bya'o/ /dril bu rol pa'i tshul gyis ni/ / zhes pa la sogs pas ni/ sems dpa'i skyil mo krung byed pa rdo rje sems dpa'i brla'i steng na shes rab kyi pha rol tu phyin ma gnas te/ brla'i zhags pas sku la dkri bar bya'o zhes pa'i don to/ /snying po med pa'i 'khor ba stong pa la zhes pa la sogs pa ni de la snying po zhes pa ni mkha' 'gro ma'i dra ba'i sdom pa zhes bya'o//'dus pa zhes pa ni sangs rgyas thams cad dang mnyam par sbyor ba'i rang bzhin no/ /de bas na sangs rgyas thams cad kyis gang mkha' 'gro ma'i dra ba'i bde mchog de thob bo/ /gang las yin zhe na gsungs pa/ gong ma'i tshig snying po med pa'i 'khor ba stong pa la zhes so//ci 'dra ba yin zhen gsungs pa/ 'jig rten la ni dpe byas pa/ /chu shing la ni snying po med/ /de yi 'bras bu snying po can/ /bza' ba la ni bdud rtsi 'dra/ /zhes so/ /don ni 'di ltar gsungs par 'gyur te/ gong du gsungs pa'i rol pa'i thabs bya ba la sogs pa snying po med pas/ji ltar bu ram shing gi zhing lud kyi phung po bsags pas bkang ba ltar bdud rtsi dang 'dra ba'i mya ngan las 'das pa'i mtshan nyid kyi 'bras bu bskyed par 'gyur ro zhes pa'o/ /lung las kyang grags te/ 'di lta ste/ kye 'od srungs ji ltar lud kyi phung po bur ma shing gi shing la sogs pa la phan par 'gyur ba de kho na ltar/kye 'od srungs 'dod chags pa rnams kyang thams cad mkhyen pa la phan par byed par 'gyur ro zhes grags so/ /dngos zhes pa ni rnam par rtog pa ste/ rnam par grol ba zhes pa ni gsal ba yongs su bor ba'o/ /de la dngos grub ni zhes pa ste/thar pa grub pa'o/ /zhes pa'o/ /de ltar yang 'phags pa lha'i zhabs kyis gsungs pa/ rnam par rtog pa thams cad spangs pa'i phyir thar par zhes pa'o/ /phan tshun 'khyud pa'i sbyor byas te/ /zhes pa ni/ thabs dang shes rab 'du ba'o/ / ci'i phyir yin zhe na gsungs pa/ de yis thams cad don ni byed par 'gyur/ /zhes pa ni/ sems can gyi khams ma lus pa kun 'khor ba las bsgral bar bya'o zhes pa'i don to/ /des ni rnal 'byor ma'i ye shes kyi sdom pa la gzhan gyis 'khor ba la snying po med pa yin no zhes ji snyed pa'o//sman la sogs pa'i khyad par dang / /'phen pa dang ni ldan par bya/ /zhes pa ni stang stabs bya ba dang sman gyi khyad par bya ba'o/ /khyad par sgra ni nye bar blang bas na khri nyis stong pa las gsungs pa'i mchan khung sbyor ba dang por tshig 'dus pa gsungs te/ de la mchan khung sbyor ba ni 'di lta ste/rgyal ba lhan cig gtsug tor dzA ri lag pa'i mchi ma bu mo dang / /ral pa mi dang dga' ba 'jigs pa rmongs pa rgyal ba rdo rje rnams/ /bzhi cha bzhi ru byas te lnga yi lus kyis yang bsres nas/ /khyo dang bud med dbang du sbyor ba sum cu rtsa bzhi la/ /zhes pa la sogs pa mchan khung sbyor ba mthar thug pa bri bar bya'o//gur gum dang zhes pa ni gsal lo/ /sbyor ba'i gnas su zhes pa ni cha mnyam por sbyor ba'o/ /dbang po lag dang zhes pa ni rtsa ba sor mo lnga'i tshul lo/ /bdag lnga'i ni zhes pa ni mig la sogs pa'i dbang po lnga'i dri ma'o/ /yan lag lnga zhes pa la sogs pas ni gcig lha mo'i khyad par dang las kyi khyad par gyi don shes par bya ba de go sla'o//gzhan yang 'phen pa'i thabs dag ni/ /zhes pa la sogs pas ni 'phen pa bco brgyad gsungs te/ kun du phyogs dang mtshams thams cad la gnas pa'i bgegs 'phen pa dang / btod pa bskrad par bya'o zhes ji snyed pa'o//de yang phyi dang nang ste/ phyi'i 'phen pas ni phyi'i bgegs rnams bskrad par bya'o/ /nang gi 'phen pas na nang gi bdud bskrad par bya'o zhes pa'o/ /gnyis ni sbyar nas 'phen pa yis/ /zhes pa ni kha sbyor ba ste/ de kho na ni don dam pa'i phyag rgya zhes gsungs pa nyid kyi phyir ro//de bas/ phyag rgya de nyid bcing bar bya/ /zhes pa ni mtshan nyid gong du bshad zin to/ /mnyam pa'i thabs zhes pa ni rkang pa phan tshun sor mo'i mthe bong gshibs nas sbyor bas na mnyam po'i thabs so/ /dbye ba'i thabs zhes pa ni de kho na rkang pa gcig bkug na dbye ba'i thabs so//zlum po'i thabs ni khru do'i phyi rol du rkang pa'i sor mo phyir bltas par bya ste/ pus mo gnyis yar bsgreng ba mar bkug nas ngang pa'i gshog pa'i tshul ni zlum po'i thabs so/ /sti ra kra ma'i thabs ni zhes pa ni rkang pa g.yas pa sa la gzhag ste/ rkang pa g.yon pas 'jig rten gsum 'gom pa'i tshul gyis 'gying bag gis yar btang ba ni sti ra kra ma'i thabs so//rus sbal gyi thabs zhes pa ni g.yas pa'i rkang mthil gyis g.yon pa'i bol la gnon par bya ba ni rus sbal gyi thabs so/ /g.yas brkyang ba ni g.yon pa'i rje ngar bkug nas g.yas pa mtho lnga'i tshad du brkyang ba ni g.yas brkyang ba'i thabs so//g.yon brkyang ba dang zhes pa ni de la g.yas bkug nas g.yon pa de kho na bzhin du brkyang ba ni g.yon brkyang ba'o/ /gcig tu gnas pa dang zhes pa ni/ rkang pa gcig yar bteg nas gcig gis g.yas su bskor ba ni gcig tu gnas pa'o/ /'dug pa zhes pa ni rol pa la sogs pas 'phen nas de ltar phyogs su kha bltas nas gnas pa'o//rkang pa'i 'phen pa dang zhes pa ni rnam pa sna tshogs kyis rkang pa 'phen pas na/ rkang pa'i 'phen pa'o/ /gal te bden na phye ba la sogs pa la thams cad 'dus pas phyin ci log tu brla dgod par sbyor ba yang de'i skad cig ma de kho na chad pa gong du 'byung /gnyi ga yis kyang med par bya'o/ /mchod sdong gi tshul dang zhes pa ni rnal 'byor ma'i rkang pa gnyis bsdus nas phye la gzhag par byas pa ni/ mchod sdong gi tshul lo/ /de ltar yang smras pa/ gcig tu bkug nas gzhag pa ni/ bud med pus mo dkrugs pa ste//'dug pa'i skyes bu dang ldan pa/ /rkang pa bzung zhes rab tu grags/ /pus mo gnas pa dang zhes pa ni/ pus mo gnyis phan tshun gshibs nas g.yon gyi glo na gzir ba ni/ pus mo gnas pa'o/ /legs par 'dus pa dang zhes pa ni/ rdo rje sems dpa'i dpung pa'i zhabs shes rab kyi pha rol tu phyin pa'i mgul pa nas brtan por 'khyud de lha mo'i rje ngar steng du bkod nas kha sbyor ba de ni legs par 'dus pa'o//de ltar yang smras pa/ bud med mgul pa dam por 'khyud/ /pho yi dpung pa gnyis kas kyang / /gru mo gnyis la gzhag pa ni/ /bud med rje ngar 'dus par bshad//ces pa'o/ /mnyam par gnas pa dang zhes pa ni gnyis ka gnas pa'o/ /dus kyi me yi snying po dang / /zhes pa ni/ lha mo rkang mthil g.yas kyis rdo rje sems dpa'i snying gar gzhag pa la sogs pa thang ga bgrod pa zhes bya ba byed pa'i dus kyi me'i snying po'o/ /de ltar yang smras pa/ bud med rkang pa'i mthil gzhag pa/ /pho yi snying ga la ni yang / /thang ga gnyis ka bgrod pa yis/ /'dug pa rkang pa brkyang ba'o/ /bsregs brkyang pa ni don gsal lo/ /gnas ngan pa dang zhes pa ni 'gul nas 'dug pa de ni mtha' 'khob pa'i spyod pa ste/ gnas ngan pa'o/ /de ltar yang smras pa/de la/ 'dug pa po yi brla gzhag pa/ /bud med rje ngar mtha' 'khob bshad/ /phyi rol bud med rkang pa ni/ /'phen pa dbus kyi tshul du 'dod/ /gcig tu 'dus pa zhes pa ni gang du gsungs pa'i legs par bsdus pa kho na la rkang pa gcig 'dus pas na/ rkang pa gcig tu bsdus pa'o//de ltar yang smras pa/ 'dug pa yi pho dang ldan pa/ /de yi rtse gsum 'byung ba'i phyir/ /phyin ci log par rab sbyor ba/ /bkram pa dag ni yang dag 'byung / /bco brgyad dag gi 'phen pa yis/ /mchod pa'i dus su rab sbyor bya/ /zhes pa ni/ phyi nang gi mchod pa la ji ltar rim par sbyor bar bya'o//yon tan kun gyi sbyor ba yis/ /zhes pa ni/ ji ltar 'byor pa nye bar spyod pa lnga la sogs pa mchod par bya'o zhes pa'o/ /snying gar nye ba dang zhes pa la sogs pas ni/ dpung pa'i byed pa ste go sla'o/ /rdo rje dril bu phyag rgya dag /ces pa la sogs pas ni rgyas par sngon du bshad zin to//'dir ni mdor bsdus pa bshad de rdo rje zhes pa ni nye bar len pa'i rkyen to/ /dril bu zhes pa ni lhan cig byed pa'i rkyen to/ /de gnyis sbyor bas ming dang / gzugs kyi myu gu zhes bya ba phyag rgya chen po sems can gyi don byed pa sbyor ba 'byung ngo / /de kho na med par ni mi 'grub po zhes gsungs pa/mtshan mo zla ba med pa'i zhes pa la sogs pa'o/ /A li kA li thog bsgoms na/ zhes pa ni/ gong du gsungs pa'i rim pas bsgom mo zhes pa'i don to/ /thabs dang shes rab phyin pa rnams/ /'khor ba rgal bar gnas par 'gyur//zhes pa ni/ don ji ltar 'gyur zhe na/ blun po dang nyan thos la sogs pa ni mi rgal lo zhes pa'i tha tshig go/ /de ltar yang dpal bde mchog gi rgyud las gsungs pa/ nyan thos thams cad skal ngan te/ /shin tu mya ngan 'das phyir ro/ /phyi rol gyi mu stegs pa rnams la yang gsungs pa/mu stegs thams cad skal ngan te/ bdag dang bdag gir 'dzin phyir ro/ /zhes so/ /de bas gsungs pa/ sems ni shel ltar dag pa la/ /de yi chos ni bskal par bya/ /zhes pa ste/ de dag kyang zab mo'i chos bstan pas the tshom bsal nas mnyam pa nyid du bya ste/de bas de bzhin gshegs pa thams cad kyi dam tshig de kho na nyid 'di bstan par bya'o zhes pa'o/ /sems can don bya phyi ru ni/ /nan tan de kho na nyid dmigs/ /zhes pa ni rang bzhin med pa bsgoms pas rang gi sems mnyam pa nyid du bya ste/ ji ltar gsungs pa'i snying rje lha'i sbyor bas bsnyen par bya'o zhes bya'o//gal te de kho na nyid dmigs su mi nus na/ ji ltar bya zhe na gsungs pa/ nang gi sa bon dbus gnas pa/ /A lis sa bon gzung bar bya/ /zhes pa ste/ de la nang gi gsang ba'i sa bon zhes pa ni hUM ngo / /phyogs kun nas ni thal sbyar te/ /zhes pa ni phyogs bcu na gnas pa'i rnal 'byor pa dang /rnal 'byor ma'i dra ba la bstod pa dang / mchod pa la sogs pas bstod nas smon lam gdab par bya'o zhes pa'o/ /kye ma'o chos kyi mchog gi lam/ /zhes pa la sogs pa ni don go sla'o/ /yi ge gnyis 'gyur thig pa dang / /zhes pa la sogs pa ni gong du bshad zin pa'i phyir ni 'dir mi 'grel pa'o//rdo rje slob dpon dpal dge ba'i go chas mdzad pa dpal ldan gdan bzhi pa gzigs pa las sbyor ba'i gdan gyi rnam par bshad pa rdzogs so// //de dag gdan gsum ni sgrub pa po dge ba'i go chas sems can la thugs rjes dgongs nas mdzad de/gdan 'di ni gleng bzhi'i nang na mkha' 'gro ma rnams kyis ma gnang ngo zhes kyang zer/ TA ka mdzad pa'i thad ka nas mkha' 'gro ma dang zhal mjal nas grub ste mi snang bar song ngo zhes kyang zer/ /phyi nas rgya gar gyi mkhan po smr-i tidz+nyA na kI rtis bla ma'i rgyud las thos pa ji bzhin du de ltar gdan bzhi pa'i gdan phyi ma'i TI ka 'di brtsams so//de nas thugs rje chen pos skye ba bcom ldan 'das rdo rje sems dpas phyag na rdo rje la bskul ba/ /nyon cig rdo rje ji ltar lam/ /zhes pa la sogs pas gsang ba'i gdan gyi le'u dang po brtsams so/ / slob dpon yon tan ci 'dra dang / /zhes pa la sogs pa ni phyag na rdo rjes slar zhus pa ste/ de la slob dpon yon tan ci 'dra zhes pa ni/ rdo rje slob dpon gyi yan lag dang nying lag gi yon tan ci 'dra zhes zhus pa'o/ /slob dpon ji ltar sbyar ba dang / /zhes pa ni/ slob dpon gyi yon tan gang dang ldan pa la bya zhes zhus pa'o//bla ma zhes bgyi ji ltar lags/ /zhes pa ni rdo rje slob dpon brnyas pa'i sdig pa dang / bstod pa'i bsod nams ji ltar yin zhes zhus pa'o/ /de nas bcom ldan 'das rdo rje sems dpa' rdo rje slob dpon gyi yan lag gi yon tan ston 'dod pas gsungs pa/ lag na rdo rje de nyid nyon/ /zhes pa la sogs pa ste/ de la/ byang chub rdzogs pa'i mtshan nyid kun/ /zhes pa ni rdo rje slob dpon gyi lus dngos ni yang dag par rdzogs pa'i sangs rgyas kyi mtshan nyid do zhes pa'i don to/ /yan lag byang chub sems dpa' ste/ /zhes pa ni rdo rje slob dpon gyi yan lag byang chub sems dpa'i rang bzhin yin no zhes pa'i tha tshig go//spyi gtsug dag tu rigs lnga ste/ /zhes pa ni rdo rje slob dpon gyi dbu ni rnam par snang mdzad la sogs pa rigs lngas dbu brgyan no zhes pa'i don to/ /'jig rten pa ni rkang pa'i gdan/ /zhes pa ni rdo rje slob dpon gyi rkang mthil gyi gdan ni 'jig rten gyi lha chen po la sogs pa'i dngos po zhes pa'i tha tshig go//'od zer gnod sbyin gsang la sogs/ /zhes pa ni/ rdo rje slob dpon gyi gsang ba'i ris gnod sbyin la sogs pa'i rang bzhin no zhes pa'o/ /ye shes can gyi shes bya'i rtags/ /zhes pa ni rdo rje slob dpon gyi yon tan de 'dra ba ye shes can slob mas shes par bya'o//da ni slob dpon ji ltar sbyor ba dang / /zhes pa'i lan bshad pa 'dod pas gsungs pa/ dul zhing zhi ba'i cha byad kyis/ /zhes pa la sogs pa ste/ de la dul zhing ni lus ngag gi sgo nas so/ /zhi ba'i cha byad ces pas ni khro bo'i tshul med pa'o//snying rje phan pa'i sems kyis ni sems can sdug bsngal dang bral bar bya'o zhes pa'o/ /phan pa'i sems kyis zhes pa phyi nas sems can kun sdug bsngal kun dang bral bar bya'o zhes pa'i shes rab po/ de kho na bcu yongs su shes na zhes pa ni/ rdo rje'i de kho na nyid dang / dril bu'i de kho na nyid dang / ye shes kyi de kho na nyid dang / lha'i de kho na nyid dang / dkyil 'khor gyi de kho na nyid dang / sbyin sreg gi de kho na nyid dang / sngags kyi de kho na nyid dang / rdul tshon gyi de kho na nyid dang / gtor ma'i de kho na nyid dang / dbang bskur ba'i de kho na nyid dang bcu po rnams so//da ni/ bla ma zhes bgyi ji ltar lags/ /zhes pa'i lan/ bla ma la bkur ba'i don bstan par gsungs pa/ gzhan yang nyon cig /de kho na zhes pa la sogs pa ste/ de la/ slob mas spyod pa'i las rnams ni/ /zhes pa ni slob mas slob dpon la byar mi rung ba rnams so//gsang ba zhes pa ni thabs dang shes rab sbyor ba'o/ /dam tshig tshul zhes pa ni dam tshig gi sdom pa'o/ /rnal 'byor gtor ma zhes pa ni/ mkha' 'gro ma'i gtor ma'o/ /gsang ba la sogs pa ni bdud rtsi lnga dang lcags kyu lnga la sogs pa'i mchod pa'o/ /myur du mnar med ltung bar 'gyur//zhes pa ni de dag la sun dbyung ba'i slob ma ni tsha ba'i dmyal ba mnar med par skye bar 'gyur ro zhes pa'o/ /mal dang lham dang stan rnams dang / /zhes pa ni slob dpon gyi mal la sogs pa la 'gom pa dang / slob dpon gyi tshig mi nyan pa ni/ tshe 'dir nor med cing dpal yang med la bdud dang bgegs kyis gtse bar 'gyur ro//gal te grib ma 'goms 'das na/ /mchod rten bshig pa byas dang 'dra/ /zhes pa ni/ rdo rje slob dpon gyi grib ma 'gom pa ni mchod rten bshig pa'i las mtshams med pa lnga dang nye ba'i las yin pas/mnar med pa'i dmyal bar skye bar 'gyur ro zhes pa'i don to/ /mtshams med pa'i las ni mnar med pa'i dmyal ba kho nar skye ba'i phyir ro/ /de bas na mi bya'o zhes gsungs pa/ rdo rje slob dpon smod rnams ni/ /zhes pa la sogs pa'o/ /smad du mi rung ba ci'i phyir zhe na/gsungs pa/ sngags dang phyag rgya sbyor la sogs/ /de yi lam gyis 'grub phyir ro/ /zhes pa ste/ slob dpon gyi bka' lung gis byang chub kyi rgyur 'gyur ba'i phyag rgya dang sngags la sogs pa thob pa'i phyir ro/ /da ni slob ma gzung ba la/ dang po bslab pa byin nas gzung /zhes pa ni/ dkyil 'khor dang la sogs pa'i sgra yis dbang bskur ba dang / gtor ma rnams bstan nas slob ma gzung bar bya'o zhes dbang bskur ba'i khyad par de kho na bshad 'dod pas gsungs pa/ gong du yi ge gcig gis ni/ /sangs rgyas lnga ru bstan par bya/ / zhes pa ste/ de la sangs rgyas lnga'i yi ge hUM ste/ dbyig pa 'jig rten dbang phyug go / zhes gsungs pa'i phyir ro/ /don ni/ 'di lta ste/ slob ma dang por yig 'bru gcig la snying po hUM bstan nas dbang bskur bar bya'o zhes pa'o/ /sngags kyi dbang dang ldan pa yis//yi ge brgyad dag bsgom par bya/ /zhes pa ni/ de la yi ge brgyad ni/ suM k+ShuM yuM hUM/ s+m+r+yuM h+m+r+yuM y+m+r+yuM k+Sh+m+r+yuM zhes pa'o/ /don ni/ 'di lta ste/ slob ma la yi ge 'bru brgyad bkod nas/ sngags kyis dbang bskur ma thag tu spyi bo la sogs yan lag brgyad la yi ge 'bru brgyad bsgom zhing bstan par bya'o zhes pa'i don to//gnyis med gtor ma'i dbang bskur ba/ /de yi chos kyang shes par 'gyur/ /zhes pa ni/ chos nyid kyi dngos dang / dngos med gnyis med pa'i chos slob ma la bstan nas gnyis su med pa'i dbang bskur ba yin no zhes pa'i don to//sbyor ba'i dbang dang ldan bya ba/ /ye shes rnam shes bstan pa yin/ /zhes so/ /rdo rje slob dpon dbang bskur ba/ /zhes pa la sogs pas ni/ de la ye shes ni thabs te lha'o/ /rnam shes ni shes rab ste lha mo'o/ /de nyid sbyor ba'i don bstan nas sbyor ba'i dbang bskur ba'o//de ltar yang gsungs pa/ thabs dang shes rab snyoms 'jug pa/ /sbyor ba zhes su grags pa yin/ /zhes so/ /de la gsang ba ni lnga ste/ srog gcod pa dang / ma byin par len pa dang / 'dod pas log par g.yem pa dang /brdzun smra ba dang / 'dod chags la sogs pa nyon mongs pa ma spangs pa'o/ /de la srog gcod pa ni nyon mongs pa ma sngangs pa'o/ /ma byin par len par ni nyan thos la sogs pa la ma byin pa'i dam rdzas blang ba'o/ /'dod pas log par g.yem pa ni de bzhin gshegs pa la mchod pa'i phyir/de bzhin gshegs pa la sogs pa bsgoms nas phyin ci log gi 'dod chags la sogs pa spyod pa'o/ /brdzun du smra ba ni yang dag pa'i don brjod du mi lang bas sngags bzlas pa ni brdzun du smra ba'o/ /'dod chags la sogs pa'i nyon mongs pa ma spangs pa ni yang dag pa'i 'dod chags la sogs pa dang ldan pa'o//sogs zhes pa'i sgra ni dkyil 'khor dang sbyin sreg dang / mchod pa dang / gtor ma la sogs pa'o/ /don ni 'di lta ste/ slob ma gsang ba la sogs pa thams cad bstan pa ni rdo rje slob dpon gyi dbang bskur bar 'gyur ro zhes pa'o//dang por bslab gzhi bzung nas su/ /zhes gsungs pa/ de ji ltar zhe na gsungs pa/ dang bor re zhig slob ma rnams/ /bslab pa'i don du gsol ba gdab/ /ces pa ste/ slob ma rnams kyis slob dpon la slob ma'i dga' ba gang yin pas zhu bar bya'o zhes pa'o//de ltar zhu bar bya zhe na gsungs pa/ bla gos phrag pa gcig tu gzar nas zhes pa la sogs pas so/ /slob dpon gyis bslab pa ji ltar sbyin par bya zhe na gsungs pa/ bla ma stan la bzhugs nas su/ /zhes pa la sogs pa ste/ gdan la skyil mo krung gis bzhugs pa'i slob dpon gyis phyag g.yas pas pus mo sa la btsugs pa'i slob ma'i thal mo la bzung nas bslab pa sbyin no zhes pa'i tha tshig go//slob dpon la sa la pus mo btsugs shing thal mo sbyar ba'i slob mas zhus pa'i tshig gang yin zhe na gsungs pa/ sangs rgyas chos dang dge 'dun dang / /zhes pa la sogs pa dang po bzung nas/ oM yo ga shud+d+haHsarba d+harmAHyo ga shud+d+hou0f85haM zhes pa'i bar du ste/ de la/ ma brgal ba rnams bdag gis bsgral/ /zhes pa ni srid pa'i rgya mtsho la lhung ba'i sems can yang dag pa'i rig pa dang mi ldan pas/ngan song gsum ni ma bsgral zhes pa'o/ /de dag yang dag pa'i chos kyi don bstan pa dang / spyan ras gzigs kyi dbang phyug bzhin du/ dmyal ba la sogs pa ngan 'gro ste/ chos ston zhing yang dag pa'i rig pa dang ldan par byas nas srid pa'i rgya mtsho las dbyung bar bya'o zhes pa'i tha tshig go//ma grol ba rnams bdag gis dgrol/ /zhes pa ni/ ngan song nas yang byung na yang bdag dang bdag gir 'dzin pa rnams kyis srid pa'i 'dod chags la sogs pa'i bcings pa las ma grol ba ni lha dang mi'o/ /de dag kyang chos thams cad bdag med pa'i don bstan nas 'dod chags kyi bcing ba dang /zhe sdang gi bcing ba dang / gti mug gi bcing ba las grol bar bya zhing / mya ngan las 'das par bya'o zhes pa'i don to/ /de ltar rjes su brtse ba'i phyir/ /zhes pa ni/ de lta bu'i srid pa'i rgya mtsho la lhung ba'i ngan song gsum dang / mtho ris gnyis la byang chub kyi//gsad pa dang / gsod du 'jug pa ma yin pa'i sgo nas gnod par mi bya ste/ brtse zhing gdung bar bya'o zhes pa'o/ /slob ma de dag la gdan la bzhugs pa'i slob dpon gyis slar lan btab pa ston 'dod pas gsungs pa/ lus kyi rnam pa gsum nyid dang / / zhes pa la sogs pa nas ji ltar gsungs pa'i chos bstan zhes bya ba'i bar du ste/ de la/ lus kyi rnam pa gsum nyid ni/ /zhes pa ni srog gcod pa dang / ma byin par len pa dang / 'dod pas log par g.yem pa'o/ /ngag gi spyod pa rnam bzhi dang / /zhes pa ni brdzun du smra ba dang / phra ma dang tshig rtsub dang /tshig brlang pa'o/ /yid kyis kyang ni rnam gsum ste/ /zhes pa ni/ brnab sems dang / gnod sems dang / log par lta ba'o/ /legs par bsdams pas/ lus bsrung ngo / /zhes pa ni/ mi dge ba bcu las khyod kyis phung po gzem par bya'o zhes bya'o/ /mnyam nyid ye shes sems kyis su//ji ltar gsungs pa'i chos bstan pa/ /zhes pa ni slob ma bdag gzhan med pa'i sems bskyed na rnam par mi rtog pa'i shes rab kyi pha rol tu phyin pa'i don bstan par bya'o/ /de ltar chos bstan pa'i 'og tu bslab pa ji ltar sbyin par bya zhe na gsungs pa/de nas gos kyis mig bkab cing / /zhes pa la sogs pa'o/ /de la gtor mi'i sa ru zhes pa ni phyi nang gi sgo'i bar gyi sa'o/ /slob dpon la slob mas bslab pa ji ltar sbyin pa'i mdun du yang phyag 'tshal ba'i tshig gsungs pa/ sangs rgyas thams cad dngos kyi sku/ / zhes pa la sogs pa'o/ /de nas slob dpon gyis slob ma la smon lam btab pa'i don 'dod pas gsungs pa/ slob ma shes pa don dam smra ba'i seng ge yis/ /nyon mongs srid pa nyes pa bskyed pa'i sa gzhom dang / /rnal 'byor cho gas nyon mongs g.yos pa gcod pa'i phyir/ /rnal 'byor don dam rgyal po de nyid 'grub 'gyur cig /ces de shes bya'i chos la don dam pa'i tshig gis brjod nas seng ge bzhin du rtog pa dang bral nas/ srid pa'i rgyur gyur pa nyon mongs pa gcod pa'i don du rnal 'byor cho ga dang / rnal 'byor gyi don dam pa rgyal po de nyid slob ma la grub par shog cig ces pa'o//de ltar smon lam btab pa'i 'og tu slob ma'i lus ngag yid la yi ge bkod pa gsungs pa/ a ni yig 'bru kun gyi mchog /ces pa la sogs pa ste/ de la ye shes rdo rjer byin gyis brlab pa zhes pa ni slob ma'i lus ngag yid la/ oM AH hUM gis byin gyis brlabs ma thag tu nu ma'i bar du yang yi dam gyi lha'i sa bon gyis sems la bkod par bya ste/phyag rgya bzhis gdab par bya ba'i phyir ro/ /bdud rtsi lnga dang ldan pa yi/ /dam tshig chu yang sbyin par bya/ /zhes pa ni/ yi ge bkod zin ma thag tu bdud rtsi lnga dang / lcags kyu lnga dang ldan pa'i dam tshig bdud rtsi'i 'od kha la blud nas sbyin par bya'o/ /bdud rtsi ci 'dra ba bzhin zhe na gsungs pa/ ha zhes pa yis kha dog 'phrog /ces pa la sogs pa ste don bshad zin to/ /dam tshig phog zin ma thag tu gdong g.yogs bkrol nas slob ma brkyang phyag bya'o zhes gsungs pa/des ni mig grol mthong ma thag /thams cad yan lag lngas phyag bya/ /zhes pa la sogs pa'o/ /de la/ sbyor ba'i gdan la dbul bar bya/ /zhes pa ni me tog gi phreng ba lag par bzung nas dkyil 'khor gyi steng du gtor la phyag bya'o zhes pa'o/ / de kho na'i don gsungs pa/ de nas brtag par bya ba yang / /ji ltar rtags ni bstan par bya/ /zhes pa ni/ gong du dkyil 'khor gyi steng na gtor ma'i me tog gi phreng ba phyogs gar lhung ba slob dpon gyis mtshan ma gzung bar bya'o zhes pa'o/ /dkyil 'khor la me tog gang yang rung ba la lhung ba'i lha de ni slob ma la yi dam gyi lhar sbyin par bya'o zhes ston pas gsungs pa/ji ltar lus dang ldan pa ni/ /mkhas pa yis ni sbyin par bya/ /zhes pa'o/ /de la lus dang ldan pa ni zhes pa ni slob ma'i lus dang / me tog gi mtshan ma'i lha dang sbyor bar bya'o zhes pa'o/ /mkhas pa yis zhes pa ni slob dpon no/de nas bslab sogs yang byas te/ /zhes pa ni gong du bslab pa byin zin pa'i slob ma brtag pa'i 'og tu yang bslab pa dang / dam tshig kyang sbyin par bya'o zhes pa'i tha tshig go/ /ji ltar sbyin par bya zhe na gsungs pa/ ji ltar bstan pa yid kyis brtags//zhes pa ni bstan pa bslab pa'i tshig las mi 'byung ba gang dam tshig ste/ 'gal ba thams cad slob dpon rang gis yid kyis brtags nas bya ste/ slob ma la smra bar bya'o zhes pa'i tha tshig go/ /yang bslab pa sbyin pa'i sngon du mkha' 'gro ma dang / slob dpon la slob mas rang rang gi lus dbul ba'i tshig gsungs pa/bla ma'i zhabs kyi drung du ni/ /zhes pa la sogs pa dang po nas/ oM sa ka la satwa pa ri tra nA yA/ At+ma naM niR+Ya tA yA mi/ zhes pa'i bar du'o/ /gong du bslab sogs sbyin par bya/ /zhes pa'i bslab pa'i tshig ni gang zhe na/ nga rgyal khro ba med bya zhing / /zhes pa la sogs pa dang po bzung nas/ a a oM AHhUM dzaHzhes pa'i bar du ste/ de la phyi'i gtsug lag ces pa ni/ 'jig rten pa'i gtsug lag dang / thabs dang shes rab kyi gtsug lag dang / chos kyi gtsug lag go/ /de ltar bslab pa dang dam tshig byin nas dbang bskur ba'i 'og tu slob ma la sa bon bkod pa gsungs pa/rdo rje phyag rgya sogs ldan pa/ /yan lag drug tu sa bon dgod/ /ces pa ste/ de la rdo rje phyag rgya ni/ /zhes pa ni rdo rje rtse lnga'o/ /de ltar yang no pi ka las gsungs pa/ ye shes pad+ma dang sbyar te//sa yi gdugs dang rnam shes sbyor/ /gnyi ga lu gu rgyud bcings te/ /lhag ma rnams ni gyen du bsgreng / /dud pa dri ma gsum spangs te/ /rtse lnga rdo rje 'dzin la sogs/ /zhes so/ /yan lag drug tu sa bon dgod/ /ces pa ni/ de la yan lag drug ces pa ni/ spyi bo dang / mig dang / rna ba dang / sna dang / lce dang / snying ga dang / sa bon zhes pa ni k+ShuM dang / hUM dang / yuM dang / suM dang / hUM ngo / don ni 'di lta ste/ rdo rje slob dpon gyis rtse lnga pa'i phyag rgya bcas nas slob ma'i spyi bo la sogs pa la reg nas yi ge k+ShuM la sogs pa brjod nas bkod par bya'o zhes pa'o/ / yi ge lnga drug tu byas pa ni rna ba dang sna la yi ge yuM kho na bkod pas drug go/ /gzhan yang chos rnams thams cad la/ /byang chub rdzogs pa'i rim pa bstan/ /zhes pa ni/ dbang bskur ba dang / yig 'bru bkod pa las gzhan lung dang man ngag gi chos dang gzhan yang lha'i de kho na nyid dang /dkyil 'khor gyi de kho na nyid la sogs pa yang dag pa'i byang chub kyi rgyu ston par bya'o zhes pa'o/ /dbang bskur zin ma thag tu yon dbul ba'i don gsungs pa/ de nas rtag tu slob dpon la/ /zhes pa nas/ bla ma'i yon du dbul bar bya/ /zhes pa'i bar du'o/ /gong gi/ / byang chub rdzogs pa'i rim pa bstan/ /zhes pa'i tshig gis byang chub rdzogs pa'i rim pa gang yin pa de ye shes kyi tshogs kyi sgo nas gsungs pa/ chos kyi rang bzhin dag pa rang bzhin de ni ngo bo med/ /dngos po rang bzhin yang med de/ byang chub rdzogs pa'i rim pa bstan/ /zhes pa ste/ de la/ rang bzhin de ni ngo bo med/ /ces pa ni chos nyid rang bzhin stong pa nyid kyi phyir na/ dngos su mi 'gyur te bsam pa las 'das pa'i phyir ro/ /ngo bo rang bzhin yang med de/ /zhes pa ni dmigs pa'i chos rnams ngo bo yang stong pa nyid kyi rang bzhin te zhes pa ste/ rten cing 'brel pa las 'byung ba'i phyir ro//des na ngo bo dang rang bzhin ni dbyer med par bstan te/ rten cing 'brel pa'i chos dang stong pa nyid tha mi dad pa'i phyir ro/ /de ltar na klu sgrub zhabs kyis shes rab kyi pha rol tu phyin pa'i bstod pa las gsungs pa/ ngo bo las gzhan stong pa min/ /stong pa la yang ngo bo med/ / des na rten cing 'brel stong nyid/ /lha khyod kyis ni bstan pa'o/ /zhes pa'o/ /yang dang yang du gzhan yang byang chub rdzogs pa'i rim pa bsod nams kyi tshogs kyi sgo nas gsungs pa/ sngon du bzod pa'i tshul gyis ni/ /zhes pa la sogs pa ste/ de la kun mkhyen slob ma zhes pa ni phyi nang gi don bstan zin par slob ma ni kun mkhyen zhes bya'o//mnyam nyid ye shes bskyed nas ni/ /thams cad mnyam par blta bya'o/ /zhes pa ni dngos po dang dngos po med pa'i sems bskyed nas/ sems can kun mnyam par blta'o zhes pa'o/ /rtag tu mnyam par spyod pa yi/ /sbyor ba'i bsam gtan mchog tu brtson//zhes pa ni yod med dmigs par sbyor ba'i ting nge 'dzin bsgom par bya'o zhes pa'i tha tshig go/ /de kho na'i dpe bstan pa/ sems can sbyin la sred pa'i gzhi/ /tshong bzhin 'bras bu 'phel ba yis/ /de yi myu gu ljon shing gis/ /'gro ba'i lam ni 'gag par 'gyur//zhes pa ste/ rnal 'byor pas sbyin pa la sogs pa dmigs pa'i tshul gyis byas na tshong bzhin du 'phel nas tshe phyi ma la 'bras bur 'gyur ro/ /'bras bu de srid pa'i dngos po yin pas mya ngan las 'das pa'i 'gro ba'i lam ljon shing bzhin du 'gag par 'gyur ro zhes pa'i don to/ /'bras bu'i de kho na gang zhe na gsungs pa/mtho ris longs spyod 'dod phyir du/ /zhes pa la sogs pa ste/ dmigs pa'i tshul gyi bsod nams kyis ni mtho ris lha dang mir skyes nas longs spyod pa de ni srid pa la ltung ba yin no zhes pa'i tha tshig go/ /de'i phyir na rnal 'byor pas gnyis su med pa'i don bsgoms pa spangs pa mchod rten bskor ba la sogs pa'i dmigs pa'i las kun mi bya'o zhes ston 'dod pas gsungs pa/mchod rten las ni mi bya zhing / /zhes pa la sogs pa'o/ /ci'i phyir zhe na/ gtsug lag rnams ni rnyed sla ste/ /'di yi lung ni thos pa dka'/ /zhes pa la sogs pa ste/ phyi'i gtsug lag rnams thos pa dang /shes par bya ba ni sla'o/ /gnyis su med pa'i don man ngag tu gyur pa ni slob dpon gyi zhal nas ma yin pa gzhan nas rnyed par dka' bas de kho na bsgom par bya'o zhes pa'i tha tshig go/ /bdag nyid lha'i dang gzhan lha dang / /bdag nyid lha ni mchog yin no//zhes pa ni gzhan sku gzugs la sogs pa'i lha dang / rang gi snying gar bsgoms pa'i ye shes sems dpa'i lha gtsor gyur pas na bsgom pa kho na bsngags pa'o/ /de bas na bcom ldan 'das nyid kyis gsungs pa/ lus la tshad ma sems yin no/ /zhes pa'o/ /'o na phyi'i gzugs brnyan dang /mchod rten la sogs pa ji ltar yin zhe na gsungs pa/ bdag nyid gzugs su mi shes pas/ /gzugs brnyan la sogs brtag par bya/ /zhes pa'o/ /paN+Di ta smr-i ti dz+nyA na kIrtis mdzad pa'i dpal ldan gdan bzhi pa gzigs pa las/ gsang ba'i gdan gyi le'u dang po'i rnam par bshad pa rdzogs so// //da ni slob dpon lung nas ston 'dod pa'i bar bya'o zhes pa tshig gi don ston 'dod pas bcom ldan 'das rdo rje sems dpa' nyid kyis/ de la 'byor pa rnyed dka' ba/ /zhes pa la sogs pas gsang ba'i gdan le'u gnyis pa la sems kyis bsgrub pa brtsams so//de la/ rang don spyod pa'i sngags pa rnams/ /de bzhin nyid med sred par 'khor/ /zhes pa ni/ rang gi don du dmigs nas sbyin pa la sogs pa gtong ba'i rnal 'byor ba dang / gnyis su med pa'i don ston pa nyid de kho na nyid mi shes pa ni mngon par rtogs pa dang ldan na yang srid pas 'khor ro zhes pa'i tha tshig go//de nas de bzhin gshegs pa'i don la the tshom zos pa phyag na rdo rjes zhus pa/ ya mtshan can gyi lus dag pa/ /zhes pa la sogs pa ste/ de la/ ya mtshan can gyi lus dag pa/ /zhes pa ni gnyis su med pa'i stong pa nyid kyi rang bzhin la phung por snang ba ni ya mtshan no//de kho na bshad pa/ chos nyid 'di dag bstan pa yin/ /zhes pa ste/ chos nyid gnyis su med pa stong pa nyid las 'di dag phung po dang khams dang skye mched bstan pa'o/ /de 'dra ba'i lus de kho na la tshad mar gyur pa gang yin zhes yang zhus pa/ gang gis tshad mar sbyor ba dang //zhes pa la sogs pa'o/ /de la don bsdus pa'i sgo nas lan gsungs pa/ /nyon cig ji ltar rdo rje mtshan/ /zhes pa la sogs pa ste/ de la lus la tshad ma sems yin te zhes pa khams gsum gyi sems can gyi phung po lnga'i tshad ma ni sems yin no zhes pa'i tha tshig go//gang gis tshad ma rnams shes pa la sogs pa ni zhus pa'i lan gsungs pa/ bdag gi khams la bdud rtsi yis/ /gtor ma'i las rnams gsungs pa yin/ /zhes pa ste/ 'og nas 'byung ba'i bdud rtsi'i cho gas bdag gi lus kyi lha rnams tshim par bya ba ni/ gtor ma'i tshad ma zhes pa'i tha tshig go//chu dang me zhes pa la sogs pa zhus pa'i lan gsungs pa/ dkyil 'khor me dang chu dag dang / /zhes pa ste/ chu la sogs pa 'byung ba chen po bzhi lus la tshad mar gyur pa ni dkyil 'khor yin no zhes gsungs pa'o/ /sngags dang phyag rgya'i tshad ma zhes pa'o//'di la 'gro ba zhes pa la sogs pa zhus pa'i lan gsungs pa/ 'bras bu thob pa'i rnal 'byor pa/ /srid pa'i rgya mtshor ltung bar 'gyur/ /zhes pa ste/ gang zhig la brten nas bsgom par byas na/ rnal 'byor pa'i srid pa'i 'bras bur 'gyur te/ des mya ngan las 'das par 'gro ba'i lam 'gags nas srid pa la 'khor te/dmigs pa'i tshul gyis bsgom pa'i phyir ro/ /de ltar yang klu sgrub zhabs kyis rnal 'byor spyod pa'i dbu ma las gsungs pa/ gang dag stong nyid mi shes pa/ /de dag thar pa'i skal mi ldan/ /srid pa'i 'khor ba 'gro drug la//gti mug can de yang dag 'khor/ /zhes so/ /bcom ldan 'das rdo rje sems dpas lus la sems tshad ma bstan pa'i don la the tshom zos nas phyag na rdo rjes yang zhus pa/ phyag na rdo rjes yang gsol pa zhes pa la sogs pa'o/ /zhus pa'i lan rgyas pa'i sgo nas ston 'dod pas gsungs pa/nyon cig 'khor ba'i zhus pa de/ /zhes bya ba la sogs pa ste/ de la sems kyi mtshan nyid gdul bar bya'o zhes pa ni 'khor ba'i nang nas lus la tshad mar gyur pa'i sems de kho na gdul bya mya ngan las 'das te/ gzhan du ni ma yin no/ /sems de kho na khams gsum du khyad par du snang ba'i ston 'dod pas gsungs pa/ma dgar ye shes gzugs med pa/ /mkha' 'gro rlung gis bskyod pa bzhin/ /zhes pa ni/ gzugs med pa'i khams su sems phung po bzhir gyur pa ni nam mkha' la rlung bzhin du rang dgar snang ngo zhes pa'o/ /gzugs dang gzugs ni sems kyis kyang //ting 'dzin dmigs pas 'grub par 'gyur/ /zhes pa ni/ de la gzugs dang zhes pa ni gzugs kyi khams so/ /gzugs ni sems kyis kyang zhes pa ni/ sems de tshangs ris la sogs pa gzugs khams bcu bdun du 'gyur ro zhes pa'o/ /ting 'dzin dmigs pas 'grub par 'gyur//zhes pa ni bsam gtan bzhi rtog dpyod dga' bde bzhir dmigs pa'o/ /don ni 'di lta ste/ gzugs khams de ni bsam gtan bzhi la phung po lngar gyur nas gzugs bcu bdun du snang ngo zhes pa'o/ /'dod pa'i lha sogs 'dod can rnams/ / rtag tu 'dod pa spyod pa yin/ /zhes pa ni/ 'dod khams na sems de 'dod pa'i lha rgyal chen ris bzhi la sogs pa 'dod pa'i lha ris drug phung po lngar gyur nas/ rtag tu 'dod chags kyis longs spyod pa snang ngo zhes pa'o/ /de ltar 'khor ba'i mi rnams ni/ /rang dgar sa dag 'grub par 'gyur/ / 'dod pa'i khams de kho na la yang sems de ni dmyal ba brgyad dang yi dags dang / byol song dang / gling bzhi rnams la phung po lngar 'gyur te/ 'khor zhing snang ngo / /de la yang mir 'gyur ba la sems btul nas 'dod pa'i sa mya ngan las 'das pa bsgrub par bya'o/ /de bas na khams gsum la sems gtso ba'i phyir na lung la sems tshad do zhes gsungs so//de dang mdo las kyang gsungs pa/ kye rgyal ba'i bu khams gsum ni sems tsam mo zhes pa'o/ /da ni sems 'dul ba'i thabs mdor bsdus nas bstan 'dod pas gsungs pa/ de las sgrol ba'i dngos po ni/ /zhes pa la sogs pa ste/de la/ de las sgrol ba'i dngos po ni/ /zhes pa ni de dag khams gsum las grol nas mya ngan las 'das pa'i rgyu nyon cig ces pa'o/ /rgyu gang zhe na gsungs pa'o/ /'gro ba 'grub byed rnal 'byor pas/ /rnam shes lhan cig shes par bya/ /zhes pa ste/ mya ngan las 'das pa'i lam sgrub par byed pa'i rnal 'byor pas thabs dang shes rab dang /rang bzhin lhan cig gcig pa'i ye shes dang rnam par shes pa kho na'i mtshan nyid kyi phyag na rdo rjes shes par bya'o zhes pa'i tha tshig go/ /don de kho na yang dang yang du zhus pa/ sems kyi ngo bo the tshom na/ /zhes pa la sogs pa'o/ /de kho na'i lan ston pas gsungs pa/shel dang mtshungs par sems pa ni/ /zhes pa la sogs pa ste/ de la/ shel dang mtshungs par sems pa ni/ /zhes pa ni sems ni nyon mongs pa glo bur yin pas shel bzhin du dag pa ste/ rang bzhin 'od gsal ba'i phyir ro/ /de bas na/ skyon dang yon tan sems la med//ces pa ste/ de la skyon ni nyon mongs pa'o/ /yon tan ni de'i gnyen po lam gnyis kyi shes rab bo/ /de gnyis don dam par med do zhes pa'i tha tshig go/ /de 'dra ba'i sems gzung 'dzin gyi sgo nas gzhan dbang du 'gyur te/ srid pa'i nyon mongs pa can du 'gyur ro zhes ston pas gsungs pa/sbyor ba yul du 'jug pa yis/ /'khor ba'i skyon gyis gos pa yin/ /zhes pa ni/ de la sbyor ba zhes pa ni mig la sogs pa dbang po drug go/ /yul du zhes pa ni gzugs la sogs pa'i spyod yul drug go/ /'jug pa yis zhes pa ni 'jug pa'i rnam par shes pa drug go//gzung 'dzin de dag gi dbang gis sems de srid pa'i nyon mongs pa'i skyon gyis gos pa zhes pa'o/ /srid pa'i rgyur gyur pa spangs pas mya ngan las 'das pa'i rgyur gyur pa la brten par bya'o zhes gsungs pa/ yul la gnas pa spangs nas su/ /ji ltar gnas su sbyar bar bya/ /zhes pa ste/srid pa'i dngos po phyin ci log pa'i spyod yul spangs nas yang dag pa'i gnas pa'i mya ngan las 'das pa'i dngos po mi dmigs pa'i tshul gyis lha mo ru bsgom par bya'o zhes pa'o/ /de ltar yang kun nas nyon mongs pa'am byang ba'i ka ri ka las gsungs pa/ gzhan dbang 'di yi rang bzhin ni//mtshan nyid cha ni gnyis pa ste/ /brtags pa'i cha yis 'khor ba ste/ /grub pa'i cha yis mya ngan 'das/ /zhes pa'o/ /de'i dper gsungs pa/ bu dang slob ma bslab pa bzhin/ /zhes pa ste/ skyon dang yon tan phyogs med pa la bu dang slob ma byis pa'i dus na yon tan kho na la lobs par byas nas yang dag pa'i rig pa dang ldan par byas pa bzhin du rang bzhin 'od gsal ba'i sems kyang yang dag pa'i don rtogs par byas nas mya ngan las 'das par bya'o zhes pa'o//de'i dbus su zhes bya ba/ /rnam par shes pa mkha' bzhin brtag / ces pa ni sems de ni yod med kyi dbus su brtags nas rnam par shes pa yang rtag tu nam mkha' bzhin du tha snyad du yod la dpyod du med par snang ngo zhes pa'o/ /mtshan nyid ci 'dra ba yin zhe na gsungs pa/ kha dog med cing mtshon kun dngos/ /zhes pa ste de la kha dog med cing zhes pa ni/sems de dbang po las 'das pas nag po dang / ser po la sogs pa'i dngos po ma yin te/ dngos po thams cad rten cing 'brel pa tsam gyis 'byung ba'i phyir ro/ /mtshon kun dngos zhes pa ni mtshon thams cad kyi ngo bo yang sems las 'byung ba yin pas mtshon kun dngos yin te/phyi'i rdzas su med pa'i phyir ro/ /'brel pa med cing zhes pa ni sems de thogs pa med pa'i phyir ro/ /'brel pa'i gzugs zhes pa ni sems de yang yan lag dang nying lag tshang ba'i gzugs sam bum pa dang snam bu la sogs par gyur pa'o/ /gzugs med ces pa ni sems dang sems las byung ba'i chos nyid kyi phyir ro//thams cad gzugs can dang zhes pa ni gzugs dang sgra dang dri la sogs pa'i ngo bo nyid yin pa'i phyir ro/ /mi ring ba ni zhes pa ni chos nyid kyi tshad med pa'i phyir ro/ /de bzhin ring zhes pa ni chos nyid kyi rang bzhin mtha' yas pa'i phyir ro/ /sems kyi de kho na nyid kyis rdzu 'phrul dngos med 'grub par 'gyur zhe na/yod med dbus kyi sems de kho na nyid kyis rdzu 'phrul dngos su snang ba rang bzhin dngos po med pa 'grub par bya'o zhes pa'i tha tshig go/ /mtshan nyid med pa'i sems kyis kyang / /zhes pa ni spyi'i mtshan nyid stong pa nyid kyi phyir ro/ / mtshan nyid thams cad dpyad par bya/ /zhes pa ni rang bzhin rang gi mtshan nyid bum pa dang snam bu la sogs pa'i ngo bo'i phyir ro/ /da ni de lta bu'i rang bzhin sems kyis ji ltar bsgom zhe na gsungs pa/ dngos med bsgom pa'i dngos po yis/ /bsgom pa de ni dpyad par bya/ /zhes pa ni don dam pa'i bden pas ni med la/kun rdzob kyi bden pa'i sgo nas ni bsgom par dpyad par bya'o zhes pa'o/ /ji ltar dpyad par bya zhe na gsungs pa/ gzugs dang stong pa'i dbus su ni/ /sems ni mkhas par bya ba ste/ /zhes pa ni rten cing 'brel par 'byung ba las 'byung ba'i gzugs la sogs pa yod par dmigs pa dang rang bzhin gyis 'du byed pa'i chos stong pa nyid du med pa de gnyis dbus yod med kyi sems ni mkhas pa rnal 'byor pas dpyad par bya'o//da ni de ltar dmigs pa can gyi rnal 'byor pa'i yon tan gsungs pa/ thams cad kun du dmigs pa yis/ / rnal 'byor lus la nad med 'gyur/ /zhes pa ste/ de la rnal 'byor pas bsgoms na srid pa'i skyon chad pa dang dngos po'i skyon du mi 'gyur ro zhes pa'o/ /yang sems kyi yon tan brjod 'dod pas gsungs pa/ gsang ba'i gsang ba zhes pa la sogs pa'o/ /de la gsang ba'i gsang ba ni brjod du mi lang ba'i phyir ro//gsang chen zhes pa ni spyod yul las 'das pa'i phyir ro/ /rnam shes ye shes gsal ba dang / /zhes pa ni mtshan nyid dang / mtshan ma las 'das pa'i phyir ro/ /de 'dra'i de kho na nyid kyi sems ni bla ma'i lung kho nas thob ces gsungs pa/ gtsug lag klog pa'i gsang ba las//zhes pa la sogs pa'o/ /de ltar sems kyi tshad ma rgyas par bshad nas/ phyag rgya tshad ma rgyas par ston 'dod pas gsungs pa/ mnyam pa'i sems dang bcas pa'i lus/ /zhes pa ste/ de la/ lag gnyis gsang ba'i steng du gzhag /ces pa ni sems dpa'i skyil mo krung bcas pa'i rnal 'byor pas ting nge 'dzin gyi phyag rgya spang bar bya'o zhes pa'o//dbugs ni lte ba'i drung bar ro/ /zhes pa ni dang la bum pa'i ting nge 'dzin bsgom mo zhes pa'o/ /dkyil 'khor tshul du sbyar bar bya/ /zhes pa ni dgu ba dang dgye ba med par dpung pa bkyed nas zlum por 'jug par bya'o zhes pa'o//gzhan ni sbyor ba'i gdan le'u bzhi pa la bshad zin pas ma 'brel to/ /da ni bsgom pa de kho na'i 'phro tshad ma'i gtor ma rgyas par ston 'dod pas gsungs pa/ bdud rtsi gtor mas tshim pa'i lus/ /zhes pa la sogs pa ste/ de la kha dog ser po zhes pa la sogs pa ni bdud rtsis tshim pa'i mdun du yig 'bru bkod pa'o//ka Sha gnyis 'gyur yi ge ni/ /zhes pa ni me'i rang bzhin k+ShuM ser po ste/ ka dang la brtsegs pa'i phyir ro/ /thams cad gzugs ni 'jigs byed pa/ /dril bu yi ge mig la'o/ /zhes pa ni sa'i khams kyi rang bzhin yi ge hUM nag po ste/lus ni 'jam dang dril bu'i mchog /ces 'dir gsungs pa'i phyir na/ 'jam dpal dang dril bu ni gnyis kyi rang bzhin no/ /yi ge hUM las shes par bya ba'i phyir ro/ /stong pa'i sa bon ldan pa yi/ /zhes pa ni/ stong pa ni rna ba dang sna'i bu ga ste/ de la bkod pa la rlung gi rang bzhin yu~M dmar po zhes pa'o//bdud rtsi chu yi sa bon ni/ /zhes pa chu'i rang bzhin yi ge su~M dkar po/ /seng ge'i sa bon brtsegs pa yis/ /zhes pa s+m+r+yu~M dkar ser ro/ /stag mo'i sa bon ni brtsegs pa yis/ /zhes pa ni h+m+r+yu~M dkar nag go/ /ce spyang sa bon brtsegs pa yis/ /zhes pa ni y+m+r+yu~M dmar nag go//phyugs kyi sa bon gyis bsrung zhes pa ni k+Sh+m+r+yu~M dmar ser ro/ /sa bon dag kyang bzung nas kyang / /lha 'gyed dag kyang sbyar bar bya/ /zhes pa ni yi ge k+Shu~M la sogs pa sa bon de brgyad kyis/ drag mo'i mkha' 'gro ma la sogs pa brgyad/ rnal 'byor pa'i spyi bo la sogs pa'i gnas brgyad la bsgom par bya'o zhes pa'o//de dag mdog dang sa bon ni/ /lus la thams cad 'bar bar ro/ /zhes pa ni/ rnal 'byor pa'i lus brgyad la sa bon de dag 'bar bar bsgom mo zhes pa'i tha tshig go/ /de nas de ltar lha bsgom pa'i rnal 'byor pas bdud rtsi dbab pa'i cho ga gsungs pa/steng gi mche ba gnyis pa las/ /zhes pa la sogs pa ste/ de la chu sbyin ro 'dra'i mchu/ /zhes pa ni ya so mche ba'i nang rol lce rtsar thug pa rtag tu chu 'dzag pa'o ma'i chu zhes pa'i rtsa'o/ /de la 'dzag pa'i chu ni ci 'dra ba yin zhe na/ tshwa chu'i mdog ltar gyur 'dra ba'i/ /chu ni mche ba gnyis kyi chu//zhes so/ /chu gang nas 'bab ce na gsungs pa/ lce yi dngos kyis brten pa yi/ /chu yang steng gi bdud rtsi lce/ /steng 'byung zhes so/ /bdud rtsi 'bab pa'i rtsa gang zhe na/ /dpral ba zhes pa ni mig gi rtsa'o/ /spyi gtsug ces pa ni tshangs pa'i rtsa spyi bo'i rtsa'o/ / sna dag dang zhes pa ni sna'i rtsa'o/ /rna ba gnyis kyi rgyab nas kyang / /zhes pa ni rna ba'i rtsa'o/ /'di bzhi dang gong gi mche ba'i rtsa dang lnga 'dus nas 'bab pa'i bdud rtsi lce drung du 'byung ngo zhes pa'i tha tshig go/ /dper na ci 'dra ba yin zhe na gsungs pa/ ba yi nu mar bzhag pa bzhin/ / ngo bo drangs nas 'byor par bya/ /zhes pa ste/ ji ltar ba'i lus la khyab pa'i 'o ma nu ma la 'dus pa bzhin du/ rtsa lnga'i dngos po las drangs nas lce drung kho nar gzhag par bya'o zhes pa'o/ /bdud rtsi dngos bsdus pa des ci bya zhe na gsungs pa/ mchod rten dbu ru sa bon ni/ /zhes pa la sogs pa ste/srol mdud nang du mchod rten bsams nas/ de'i rtse mo na yi ge bkod do/ /yang na yi ge hU~M gi dbyibs mchod rten du shes par bya ste/ de la gong nas 'dus pa'i bdud rtsi des yi ge hU~M gi steng du blugs par bya'o/ /mchod rten de na mar zag pa gar thim zhe na gsungs pa/lhag ma srol gong thim par bya/ /zhes gong nas bdud rtsi drangs pa'i don ston nas 'og nas yang 'dren pa'i cho ga gsungs pa/ yar 'dren mar 'dren sa bon gyis/ /thams cad thabs kyis drangs nas su/ /zhes pa ste/ de la yar 'dren mar 'dren sa bon ni yi ge phaT de lus smad las thabs kyis drangs nas srol gong la thim par bya'o zhes pa'o//smad kyi gnas drang ba'i sa dgu gsungs pa/ chu so rgyab kyi chu mdo dang / /zhes pa la sogs pa ste/ de la/ rkang par dus dang yi dags me/ /zhes pa ni/ de la dus kyi me ni rkang pa g.yas pa'o//yi dags me rkang pa g.yon pa'o/ /gnas tshigs zhes pa ni lte ba'i 'o/ /de yi gnas kyi bdud rtsi dag /ba lang rmig par thim par bya/ /zhes pa ni/ de la ba lang rmig pa ni glo ba ste ba lang rmig pa dang 'dra ba'i phyir ro/ /don ni 'di lta ste/ bdud rtsi de srol gong nas drang nas yang glo pa la thim par bya'o zhes pa'o//srol gong nas 'dus pa'i bdud rtsi de yang gar khyab nas gzhag par bya zhe na gsungs pa/ sgo gcig nas ni drangs nas kyang / /sgo dgu dag tu gzhag par bya/ /zhes pa ste/ de la sgo gcig nas ni srol gong nas drangs nas glo ba la 'dus pa'i bdud rtsi yang mjug do la sogs pa gnas dgu la yang gzhag par bya'o zhes pa'o//de ltar thabs kyis bdud rtsi 'dren pa'i rnal 'byor pas/ ting nge 'dzin gang bsgom par bya zhe na gsungs pa/ lus la thams cad gnas pa yi/ /zhes pa la sogs pa'o/ /ting nge 'dzin sbyong ba de kho na gsal bar ston 'dod pas gsungs pa/snying gi dbus su zla ba bsam/ /zhes pa ste/ de la snying gi dbus su zhes pa ni rang gi snying gi dbus su zla ba'i dkyil 'khor bsgom par bya'o/ /ci 'dra ba yin zhe na gsungs pa/ shin tu mdzes pa mdangs ldan te/ /zhes pa'o/ / de'i dbus su bkod pa'i sa bon gsungs pa/ kha ba kun+da zla ba 'dra/ /zhes pa la sogs pa ste/ de la kun rig ces pa ni bai ro tsa na'o/ /de dang bcas pa zhes pa ni yi ge oM ste bai ro tsa na'i sa bon gyi phyir ro/ /oM de ni bdud rtsi'i yi ge zhes bshad do/ /de ltar gsang ba 'dus pa'i no pi ka 'jig rten snang ba las kyang gsungs pa/spyi bor zla ba phyag 'tshal brlan/ /dam pa'i sems kyis chu rgyun ni/ /dbab par rim par byas nas su/ /sku gsung thugs la thim par bya/ /zhes so/ /don ni 'di lta ste/ zla ba'i dkyil 'khor 'o mas brlan pa'i dbus su kha ba dang kun+da dang 'dra ba'i mdog 'o mas gsher ba'i bsil ba'i 'od dang ldan pa'i yi ge oM bkod par bya'o zhes bya'o//ma ning rnams ni spangs nas su/ /zhes pa la sogs pas ni/ de la/ ma ning rnams ni spangs nas su/ /zhes pa ni sgra yig bcu drug la r-i r-I dang / l-i l-I bzhi spang bar bya zhes pa'i tha tshig go/ /sgra yi yi ge thams cad dag /ces pa ni bcu drug la bzhi spangs ma thag tu bcu gnyis te/ a A i I u U e ai o au aM aHrnams so/ /zla ba'i maN+Dal glo ru ni/ /thams cad gnas su bskor bar bye/ /zhes pa ni/ /yi ge 'bru bcu gnyis kyis zla ba'i dkyil 'khor gyi glo ru bskor nas bkod par bya'o zhes pa'o//bdud rtsi'i yi ge oM de bsgom pa'i sa gsal bar ston pas gsungs pa/ ba lang rmig pa'i steng du ni/ /bdud rtsi dag tu gzhag bya nas/ /zhes pa ste/ glo ba'i steng gi sgo nga 'dra ba'i snying gi dkyil 'khor du zla ba la gnas pa'i bdud rtsi'i yi ge oM bzhag nas bsgom par bya zhes pa'i don to//yang na yig 'bru des ye shes sems dpar gyur nas bsgom par bya'o zhes pa'i don ston 'dod pas gsungs pa/ ye shes gzugs su bsgom byas nas/ /gzugs mdog la sogs mdangs ldan pa/ /zhes pa ste/ snying gi dkyil du zla ba'i dkyil 'khor gyi steng na ye shes sems dpa'i gzugs su sku mdog dkar ba'o//bo d+hi mchog gi phyag rgya dang ldan pa 'od zer bsil bar bsgom pa'o zhes pa'o/ /'jigs pa med cing 'tshe med par/ /dngos po dngos po bsgom par bya/ /zhes pa ni/ dngos po rnal 'byor pas dngos po ye shes sems dpar bsgom pa de la/rang bzhin med pa la mi 'jigs nas dngos po dmigs pa la 'tshe ba med par stong pa dang dngos po spangs nas bsgom par bya'o zhes pa'i tha tshig go/ /de ltar bsgom pa'i rnal 'byor pas zla ba'i sngags gsungs pa/ 'o ma zla ba'i sa bon la/ /zhes pa ste yi ge oM mo/ / phyag 'tshal bsreg pa mtha' gzhag ste/ /zhes pa ni yi ge oM gyi gong 'og tu oM dang swA hA gzhag par bya'o/ /'di lta ste oM oM swA hA zhes pa ste/ bdud rtsi'i thabs ting nge 'dzin bsgom pa'i rnal 'byor pa'i yon tan dang mthu ston 'dod pas gsungs pa/ mnyam gzhag bzlas pa'i ngo bo yis//zhes pa dang po gsungs nas/ gzugs kyi ye shes bdag nyid che/ /zhes pa'i bar du'o/ /bdud rtsi'i thabs kyis ting nge 'dzin gang du bsgom zhe na gsungs pa/ de yi sbyor ba'i gnas dag ni/ /zhes pa la sogs pa'o/ /de ltar sems tshad ma la sogs pa'i bzhi'i don rtogs nas sems snang bar sbyor ba'i ting nge 'dzin rnal 'byor pa'i byin rlabs kyis don nyan 'dod pa phyag na rdo rjes zhus pa/'khor ba las brgal mtshan nyid dag /ces pa la sogs pa'o/ /de nas ye shes dbang po rdo rje sems dpas zhus pa'i don ston 'dod pas gsungs pa/nyon cig ye shes de kho na/ /zhes pa la sogs pa ste/ de la/ sngon du gnyis su med sems kyis/ /'dod chags nyon mongs dri med chus/ /bdag gi lus ni bkru bar bya/ /zhes pa ni ting nge 'dzin gyi sngon du gzung 'dzin gnyis dang bral ba'i sems bsgom pa/ 'dod chags la sogs pa'i nyon mongs pa'i dri ma med pa'i chu dang 'dra bas bdag gi lus bkrus nas dag par bya'o zhes pa'i don to/ /de kho na'i yon tan ston 'dod pas gsungs pa/ rgya mtsho zab mo lta bu yin/ /zhes pa la sogs pa ste/ de la stong pa nyid kyi ye shes ni rang bzhin med pa'i ye shes te 'gyur ba med pa de kho na nyid ces pa'o//dper na ci 'dra zhe na/ rgya mtsho zab mo lta bu yi/ /zhes pa ste/ rgya mtsho'i gting mi rtogs pa dang / gsher ba ci 'dra ba de bzhin du stong pa nyid kyi ye shes kyang rnam par rtog pa med cing snying rjes brlan pa zhes pa'o//phyi dang nang zhes pa ni/ bdag dang bdag gir 'dzin pa'o/ /lus ni shel ltar dag par 'gyur/ /zhes pa ni/ de lta bu'i stong pa nyid kyi ye shes bsgom na/ rang gi lus dag par 'gyur ro zhes pa'i don to/ /shel dang mtshungs pa'i lus de ni/ /zhes pa ni de la sogs pa ye shes dbang po shes pa ni yid de/yid kyi rnam par shes pa'i rten gyi phyir ro/ /don ni 'di lta ste/ shel dang dung dang kun+da dkar zhing gsal ba la tshon sna tshogs kyis btsos pa bzhin du dri ma med pa'i lus la dam pa'i chos kyi tshogs ye shes kyi dbang sna tshogs ji ltar 'dod par bcas par bya'o zhes pa'i tha tshig go//lus gsal bar bya ba'i thabs ston 'dod pas bcom ldan 'das kyis gsungs pa/ rang bzhin gyis ni rnal 'byor pas/ /bzang byed ngan byed gyur pa yi/ /zhes pa la sogs pa ste/ rnal 'byor pa thams cad kyi dge ba dang mi dge bas gyur pa'i srid pa'i dngos po rang bzhin gyis stong pa nyid de/'dus byas pa'i chos nyid kyi phyir ro/ /des na stong pa nyid kyi rang bzhin rtogs nas 'joms te/ gnyis su med pa'i ye shes snang bar bya'o/ /de ltar stong pa nyid kyi mtshan nyid brtags nas stong pa nyid mngon par rtogs pa gsungs pa/stong nyid gang gi mtshan nyid kyi/ /zhes pa la sogs pa ste/ de la 'gro ba bcud kyi 'jig rten no/ /gzugs la sogs pa'i snod kyi 'jig rten no/ /don ni 'di lta ste/ gong du gsungs pa'i stong pa nyid kyis bcud dang snod dngos po thams cad rang bzhin gyis stong par bsgoms te/mnyam pa nyid du sems bskyed par bya'o zhes pa'o/ /stong pa nyid bsgoms zin ma thag tu/ mnyam pa'i sems kyis sa bon bskyed pa gsungs pa/ de yi dbus su bsam par bya/ /zhes pa la sogs pa ste/ de la dbus su bsam par bya/ /zhes pa ni/ mnyam pa nyid kyis sems de'i dbus su sa bon bsgom par bya'o zhes gsungs pa'o//sa bon gang zhe na/ 'o ma zla ba sa bon dbus/ /zhes 'o mas brlan pa'i zla ba'i dkyil du sa bon a zhes pa la sogs pa'o/ /sa bon de kho na gsal bar ston pas gsungs pa/ A li kA li sbyor ba yi//de yi dbus na gnas pa yi/ /zhes pa ni/ thabs dang shes rab kyi sbyor ba nang nas byung ba ni yi ge a zhes pa'o/ /de na A li kA li'i tshig gis khyad par byas pa'o/ /de yis sa bon de kho na/ /'od zer 'bar ba bsam par bya/ /zhes pa ni/ zla ba'i dkyil 'khor gyi steng gi sa bon yi ge a kha dog dkar zhing 'bar ba rang gi sems dang dbyer med par bsgom par bya'o//de'i yon tan gsungs pa/ gang gis de nyid sa bon gyis/ /myur du ye shes snang bar 'gyur/ /zhes so/ /mnyam pa'i sems las sa bon 'byung ba bshad nas/ sa bon las bskyed pa bshad pa/de'i 'og tu ye shes sku/ /zhes pa la sogs pa'o/ /de bsgom pa'i bzla ba'i sngags gsungs pa/ phyag 'tshal bsreg pa mthar gzhag ste/ /sa bon 'di ni bzlas par bya/ /zhes pa ste/ oM a swA hA zhes pa la sogs pa'o/ /ji ltar sde tshan gsum pa zhes pa la sogs pa ni/a'i yi ge sbas gong du bdag gis gdan le'u bzhi pa las bshad zin to/ /bzlas dang bsam gtan rnal 'byor pas/ /zhes pa la sogs pa go sla'o/ /de nas byin rlabs sogs nang du/ /bzlas dang bsam gtan mchog brtson pas/ /zhes pa ni/ de ltar bsgoms shing bzlas pa'i rnal 'byor pas sems rtse gcig tu gyur pa'i 'og tu/phyogs bcu'i 'jig rten na snang ba'i byin rlabs bya'o/ /ji ltar bya zhe na gsungs pa/ spro ba'i 'od zer rnams spros te/ /sa bon rim pa gsum yang bsam/ /zhes pa ste/ de la rim pa bdun zhes pa ni/ 'jig rten bdun zhes pa la sogs pa'o/ /yang na rlung gi dkyil 'khor gyi bar zhes pa la sogs pa'o/ /don ni 'di lta ste/ de tsam gyi bar du phyogs bcur 'od zer spros nas bsdu bar bya'o zhes pa'o/ /snang bar bya bar 'dod pas/ rtag tu sems kyis bsgom par bya//zhes pa ni de ltar rtag tu bsgom par 'dod pa'i rnal 'byor pas phyogs bcu'i 'jig rten snang bar 'gyur ro zhes pa'o/ /da ni gzhan gyi sems shes par bya ba'i bsgom pa bstan pas gsungs pa/ snying ga'i dkyil 'khor dbus gnas par/ /zhes pa la sogs pa ste/ rang gi snying ga'i yi ge hUM bsgoms nas de'i 'od zer gyis dngos po thams cad gong ma'i mtshan nyid bzhin du stong pa nyid bsgom par bya'o zhes pa'o/ /stong pa'i sems kyis gdan dang sa bon gsungs pa/ rlung gi dkyil 'khor dbus gnas par/ /zhes pa la sogs pa ste/ de la/ de dbus ye shes sa bon ni/ /zhes pa ni hU~M ngo / /sa bon des sku bskyed pa gsungs pa/ de nas ye shes gzugs su ni/ /zhes pa nas/ gong gi mtshan nyid kun shes pas/ /zhes pa'i bar du'o/ /snying gar dkyil 'khor dbus gnas par/ /zhes pa la sogs pa ni/ gong mi'i 'o ma sa bon a rang gi snying gar bsgom par bya'o zhes pa'o//de yang ji ltar bsgom par bya zhe na gsungs pa/ kha dog dkar po 'od 'bar ba/ /dngul dkar po ni thams cad du'o/ /zhes pa ni/ kha dog dkar po la 'od zer dngul dkar po spros nas/ gzhan gyi sems la phog par bsgom par bya'o zhes pa'i don to//'od zer des phog par bya ba'i sems can rnams la lha gang bsgom par bya zhe na gsungs pa/ pha rol dngos po mang po ru/ /zhes pa nas/ rdo rje sems dpa' mngon par bsam/ /zhes pa'i bar du'o/ /rdo rje sems dpa' bsgom pa de'i snying gar yi ge bsgom pa gsungs pa/ gang gi snying gi dbus su ni//zhes pa la sogs pa'o/ /don ni 'di lta ste/ gzhan gyi sems shes par bya ba'i sems can rnams kyi rnam par shes pa'i yi ge hU~M du 'gyur te/ phyogs brgyad du dmar por bsgom par bya'o zhes pa'o/ /de'i yon tan ston pas gsungs pa/ rtag tu mnyam nyid mthong ba yis/ / zhes pa la sogs pa ste/ de la des na bsam pa thams cad kyi yi ge de la mthong bar 'gyur zhes pa ni/ pha rol gyi sems la bsgom pa'i yi ge hU~M la pha rol gyis ci sems pa'i rtags rang gi sems kyis mthong ngo zhes pa'i don to/ da ni nang gi sbyin sreg nyan 'dod pa phyag na rdo rjes zhus pa/ de nas me yi las rnams ni/ /zhes pa la sogs pa'o/ /bcom ldan 'das kyis zhus pa'i lan gsungs pa/ nyon cig me yi de kho na/ /zhes pa la sogs pa ste/ de thams cad ye shes la gnas so zhes pa ni/ de la re zhig phyag na rdo rje sems can thams cad ye shes la brten to zhes pa'o//skyes pa'i lus la ye shes me/ /zhes pa ni ye shes kyi me de yang sems can thams cad kyi lus la gnas so zhes pa'o/ /ci'i phyir zhe na/ sems kyis thams cad byin brlabs pas/ /zhes pa ste/ sems can thams cad dang sems dbyer med pas na phan tshun byin gyis brlab po zhes pa'i tha tshig go//de yi sreg blugs rnal 'byor pas/ /zhes pa ni ye shes kyi me de'i sbyin sreg rnal 'byor pas bya'o zhes pa'o/ /nang gi sbyin sreg gi me bstan nas/ nang gi sbyin sreg gi hom khung gi sa ston 'dod pas gsungs pa/ bdag nyid sems kyi sreg blugs ni/ /zhes pa nas/ klu dbang 'khyil pas bskor ba'o/ /zhes pa'i bar du ni bla ma'i lung gis shes par bya'o/ /de'i dbus su pad+mor shes/ /zhes pa ni hom khung de'i dbus su pad+ma 'dab brgyad 'od zer 'bar ba bsgom pa'o/ /nyi ma'i dkyil 'khor dbus gnas par//ye shes lha mo bzhugs par bsam/ /zhes pa ni/ pad+ma'i snying po nyi ma'i dkyil 'khor la ye shes mkha' 'gro ma sngon mo bsgom pa'o/ /gzhung tshigs dkar po 'bar ba la/ rdo rje mkha' 'gro bsam par bya/ /zhes pa ni gzhung tshigs kyi nub phyogs kyi 'dab ma rdo rje mkha' 'gro ma dkar mo'o//g.yas kyi brla yi dbus su ni/ /me 'dra drag mo bsam par bya/ /rnal 'byor pa'i g.yas mtshan phyogs kyi 'dab ma la drag po'i mkha' 'gro ma ser po'o/ /lte ba dmar po 'bar ba la/ /rdo rje mkha' 'gro bsam par bya/ /zhes pa ni/ rnal 'byor pa'i lte ba'i phyogs kyi 'dab ma la ro langs ma dmar po'o//g.yon gyi brla ni nag po ru/ /gdol pa 'bar byed drag mo'o/ /zhes pa rnal 'byor pa'i mtshan g.yon phyogs kyi 'dab ma la gdol pa mo nag mo'o/ /me lnga yi ni bdag nyid rnams//zhes pa ni sngon po dang / dkar po dang / dmar po dang / ser po dang / nag po'i me lus la 'bar ba zhes pa'o/ /gzugs ni mthe bong tsam du lta/ /zhes pa ni lha mo de lnga'i sku tshad ni/ mthe bong tsam du bsgom mo zhes pa'o/ /lha mo de lnga'i rang bzhin gang zhe na//chu dang me dang rlung rnams ni/ /sa dang ye shes rnam pa lnga/ /zhes pa ste/ sa la sogs pa'i 'byung ba chen po bzhi dang / rnam par shes pa rnam pa lngar byas te/ sangs rgyas kyi bka' las 'byung ba chen po bzhi kho nar 'byung bas/ nam mkha' ni ma yin no//spyod du med pa'i phyir ro/ /gang dang gang du 'byung ba chen po lnga zhes 'byung na/ de dang de la nam mkha' ni ma yin te/ ye shes kho na la shes par bya'o/ /bdag nyid lnga yi lha rnams la/ /zhes pa ni rnal 'byor pa rang gi 'byung ba chen po bzhi dang / ye shes lnga dang ye shes mkha' 'gro ma la sogs pa lha mo lnga dang sbyar bar bya'o//'di lta ste ye shes dang ye shes mkha' 'gro ma'o/ /chu'i khams dang rdo rje mkha' 'gro ma'o/ /me'i khams dang / drag po'i mkha' 'gro ma'o/ /rlung gi khams dang / ro langs kyi mkha' 'gro ma'o/ /sa'i khams dang gdol pa'i mkha' 'gro ma rnams sbyar bar bya'o zhes pa'o//sreg blugs kyi ni cho ga mchog/ /ces pa ni rnal 'byor pa'i sbyin sreg phyi nang gnyis la nang gi sbyin sreg mchog tu gsungs so zhes pa'i tha tshig go/ /de ltar yang gsang ba 'dus pa'i no pi ka 'jig rten snang ba las kyang gsungs te/phyi yi sbyin sreg rjes dpag ste/ /sems ni sems can gyis yin pas/ /bla na med pa 'di yin te/ /ye shes me ni 'bar byas nas/ /phung po bud shing bsregs pa'o/ /bco brgyad dag gi yan lag nas/ /zhes pa la sogs pa'o/ /bshad zin to//nang gi sbyin sreg gi hom khung la sogs pa bshad nas/ nang gi sbyin sreg gi bsgom pa gsungs pa/ me yi nang du bsreg pa'i rgyu/ /zhes pa la sogs pa ste/ de la re zhig me'i nang du bsreg pa'i rgyu/ /zhes pa'i zas dang btung ba dang bdud rtsi la sogs pa'o//dang po sgra yig sa bon rnams/ /zhes pa ni/ yi ge a'o/ /'di ltar de kho na bsgoms na zhes pa ni nang gi sbyin sreg rdzas dang btung ba la sogs pa yi ge a de kho na nyid kyis sbyang bar bya zhes pa'o/ /bdag nyid sreg blugs rgyas par 'gyur/ /zhes pa go sla'o/ /de kho na'i don bcom ldan 'das kyis gsal bar ston 'dod pas gsungs pa/gang zhig cung zad bza' btung rnams/ /bsngo bar byas nas bza' bar bya/ /zhes pa'o/ /nang gi sbyin sreg gi yon tan gsungs pa/ 'di ltar spyod pa'i rnal 'byor pa/ /bu lon du ni mi 'gyur ro/ /zhes pa ste/zas btung ba la rnal 'byor pas gong nas gsungs pa'i man ngag tu byas nas bdud rtsir 'gyur te/ snyigs mar ni mi 'gyur ro zhes pa'o/ /yang na srid pa'i rgyu sreg par mi 'gyur te/ mya ngan las 'das pa'i rgyur 'gyur ro zhes pa'i tha tshig go/ /dper na bu lon bzhin du skyon du chags par mi 'gyur ro zhes pa'i don to//paN+Di ta dran pa'i ye shes grags pas mdzad pa'i dpal ldan gdan bzhi pa gzigs pa las gsang ba'i gdan le'u gnyis pa'i rnam par bshad pa rdzogs so// //da ni lus kyi mnyam pa dang / ye shes kyi mnyam pa dang /'phro bar bya ba dang / dbugs 'byung 'jug gi bya ba'i man ngag bzhi rtogs 'dod pa phyag na rdo rjes zhus pa'i tshig /lus kyi sbyor ba'i mtshan nyid ni/ /zhes pa la sogs pas gsang ba'i gdan le'u gsum pa brtsams so/ /de la/ spre'u ltar ni mi brtan pa/ /zhes pa ni/ spre'u sa gcig tu mi tshugs pa bzhin du gzugs la sogs pa'i spyod pa'i skad cig ma yang g.yeng zhing mi brtan pa'i rnam par shes pa ji ltar mnyam por sbyor ba zhes zhus pa/ mnyam nyid gang gis sbyor bar bgyi/ /zhes pa'o/ /ngo mtshar zhes pa ni snga phyi med pa'o/ /de'i lan bcom ldan 'das kyis gsungs pa/sems 'phyar ba yi bye brag nyid/ /nyon cig rdo rje gnas chen mo/ /zhes pa ste/ de la ni phyag na rdo rje'o/ /gsang chen po zhes pa ste/ gsang ba ni gnod sbyin te/ de'i gtso bor gyur pas gsang chen te phyag na rdo rje'i khyad par ro/ /da ni de dag gi bzhi'i nang nas re zhig lus kyi mnyam pa ston 'dod pas gsungs pa/mnyam nyid gnas pa'i sems kyis na/ /spangs nas kA li 'jug par bya/ /zhes pa ste/ de la kA li zhes pa ni lus te/ thabs nyid kyis rgyur gyur pa'i phyir ro/ /don ni 'di lta ste/ gnyis su med pa'i sems chos nyid las sems can gyi don du lus bskyed par bya'o zhes pa'i don to//lus de lnga dang mnyam par bstan pa la re zhig chu dang mnyam par sbyor ba la tshad ma bzhi gsungs pa la chu'i las kyi tshad ma dang sbyor ba ni/ thams cad chu yi tshad ma yis/ /lus kyi myu gu 'byung ba yin/ /zhes pa ste/sa bon las myu gu 'byung ba ni brlan pa las yin pa'i phyir ro/ /lus kyi myu gu 'byung ba yang chu'i khams gtso bo'i phyir ro/ /chu'i khams rang bzhin gyi sbyor ba'i tshad ma gsungs pa/ gzugs la chu med na mi rung ste/ gzugs kyi tshad ma chu yin no/ /zhes pa ste lus la gsher ba'i rang bzhin ni chu'i khams gtso ba'i phyir ro//chu'i rten gyi sbyor ba tshad ma gsungs pa/ 'dis ni thams cad khyab gyur na/ /blo ldan chu yi tshad ma na/ /zhes pa ste/ lus kyi yan lag kun la chus khyab nas gnas pa gtso bo'i phyir ro/ /chu'i lha mo'i tshad ma sbyor ba gsungs pa/ rdo rje lha mo lus kyi rnams//blo ldan tshad ma zhes bya'o/ /zhes bya ste/ lus kyi chu'i gtso ni lha mo rdo rje mkha' 'gro ma zhes pa'o/ /de nas/ me dang sbyor ba tshad ma bzhi/ /gsungs pa las/ me'i rang bzhin sbyor ba tshad ma gsungs pa/ me yi lus la thams cad de/ /gzugs la 'bar ba drod yin te/ / zhes pa ni/ lus la drod dang ldan pa'i rang bzhin me'i khams gtso ba'i phyir ro/ /me'i las kyi sbyor ba tshad ma gsungs pa/ nang du bza' ba'i tshad ma rnams/ /tshad mar me ni grags pa yin/ /zhes pa ste/ lus la bza' ba dang btung ba thams cad 'grub dang / smin pa'i las byed pa las me'i khams gtso ba'i phyir ro//me'i rten gyi sbyor ba tshad ma gsungs pa/ lus la thams cad khyab pas na/ /me zhes grags pa kun du shes/ /zhes pa ste/ lus kyi yan lag kun la dro ba'i dngos po'i rten gtso ba'i phyir ro/ /me'i lha mo'i sbyor ba tshad ma gsungs pa/ drag mor bstan pa lus kyi rnams//tshad mar grags pa mchog tu brtson/ /zhes pa ste/ lus kyi me'i gtso bo ni drag mo'i mkha' 'gro ma zhes bya'o/ /rlung dang tshad ma bzhi sbyor ba/ /gsungs pa la rang bzhin sbyor ba tshad ma gsungs pa/ lus la rlung gis thams cad du/ /nang gi bu ga dra ba bzhin/ / zhes pa ste/ lus kyi bu ga dang dra ba la rgyu ba'i rang bzhin rlung gi khams gtso ba'i phyir ro/ /rlung gi las kyi sbyor ba tshad ma gsungs pa/ /sems kyi tshad ma dbugs yin pas/ /tshad mar grags pa rtogs pa yin/ /zhes pa te/ lus kyi sems rlung gis srog 'dzin pa'i las byed pa la rlung gi khams gtso ba'i phyir ro//rlung gi rten gyi sbyor ba tshad ma gsungs pa/ gang gis mngon par shes par dbugs/ /lus la sbyor bar gnas pa ni/ /zhes pa ni ye shes so/ /lus kyi ye shes la brten pa la rlung gi khams gtso ba'i phyir ro/ /rlung gi lha mo'i sbyor ba tshad ma gsungs pa/lha mo ro langs thams cad du/ /mkhas pa yis ni shes par bya/ /zhes pa ni/ lus kyi rlung gi gtso bo ni lha mo ro langs mar shes par bya'o/ /sa dang sbyor ba tshad ma bzhi/ /gsungs pa la/ sa'i rang bzhin sbyor ba'i tshad ma gsungs pa/ sa yi thams cad dbyibs kun du/ gzugs la yon tan dbang brgyan pa/zhes pa ni/ lus la dbang po dang gzugs la sogs pa brgyan pa'i rang bzhin las gtso ba'i phyir ro/ /sa'i las kyi sbyor ba tshad ma gsungs pa/ tshad ma sa yi gnas byung pa'i/ /sa ni gzugs su snang ba yis/ /zhes pa ste/ lus la gzugs kyis chu dang me dang rlung dang rnam par shes pa rnams kyi gnas su gyur nas 'dzin pa'i las byed pa las gtso ba'i phyir ro//sa'i rten gyi sbyor ba'i tshad ma gsungs pa/ de bas yon tan ldan pa yi/ /sa ru grags pa'i bdag nyid ni/ /zhes pa ste/ de la yon tan ni gzugs dang dbang po la sogs pa'o/ /lus de dag gi rten las sa'i khams gtso ba'i phyir ro//sa'i lha mo'i sbyor ba tshad ma gsungs pa/ bdag nyid gdol pa'i lha mo ste/ /thams cad du ni gtso mor grags/ /zhes pa ni/ lus kyi sa'i khams gtso ba'i lha mo gdol pa mo zhes pa'o/ /ye shes kyi sbyor ba tshad ma bzhi gsungs pa/ye shes kyi rang bzhin tshad ma sbyor ba gsungs pa/ sdud dang byed dang longs spyod pa/ /som nyi yid ni gcod pa'o/ /zhes pa ste/ lus la byed pa po dang / sdud pa po dang longs spyod pa yin gyi the tshom gcod pa'i gtso bo'i phyir na ye shes kyi rang bzhin te/ nges par rtogs pa'i rnam par rtog pa dang ldan pa'i phyir ro//ye shes kyi las kyi sbyor ba tshad ma gsungs pa/ dbang po thams cad sems dag gis/ /mtshon pa mtshan nyid shes par bya/ /zhes pa ste/ de la dbang po thams cad ces pa ni/ mig la sogs pa drug go/ /sems dag gis zhes pa ni mig gi rnam par shes pa la sogs pa drug go//mtshon pa zhes pa ni gzugs dang sgra la sogs pa'o/ /mtshan nyid ces pa ni mdog dang dbyibs dang snyan pa dang mi snyan pa la sogs pa'o/ /don ni 'di lta ste/ mig la sogs pa'i dbang po'i sgo nas mig gi rnam par shes pa la sogs pas gzugs la sogs pa'i mtshan nyid la shes pa'i las byed pa'i gtso zhes bya'o//ye shes kyi rten gyi sbyor ba tshad ma gsungs pa/ sbyor ba'i longs spyod rgyal dbang mo/ /yul la sogs pa'i bde ba'am/ /zhes pa ste/ de la rgyal po ni ye shes so/ /don ni 'di lta ste/ bde ba la sogs pa'i spyod yul la dbang pos sbyar nas ye shes kyis longs spyod nas brten pa gtso ba'i phyir ro//ye shes lha mo'i sbyor ba tshad ma gsungs pa/ lus kyi ye shes rgyal mo yi/ /tshad mar rnal 'byor mas rtogs bya/ /zhes pa ste/ de la rgyal mo zhes pa ni ye shes kyi mkha' 'gro ma'o/ /don ni 'di lta ste/ lus kyi ye shes kyi lha mo'i gtso mo ni ye shes mkha' 'gro ma yin par rnal 'byor pa mkhas pas shes par bya'o zhes pa'i don to//de nas 'byung ba chen po chu la sogs pa lnga dang lus sbyor ba brtan nas ye shes la 'byung ba chen po bzhi sbyor ba ston pas gsungs pa/ /de la re zhig chu dang sems sbyor ba ste/chu dang sems las 'byung bas na/ rnam par shes pa chu yi khams/ /zhes pa ste/ gnyis su med pa'i sems las chu'i khams bskyed pa'i phyir ye shes dang chu'i khams ni gcig go/ /de gnyis dbyer med pa'i don bstan pa la/ gal te chu ni gzhan du na/ /sha ni ci ste chu mi 'byung //zhes pa ste/ ye shes dang bral ba'i ro la chu med pas na/ ye shes dang chu'i khams tha mi dad par mngon no zhes pa'o/ /ye shes dang me sbyor ba gsungs pa/ rnam shes me ru 'byung bas na/ /lus la dro ba nyid du nges/ /zhes pa'o/ /de gnyis dbyer med pa kho na gsungs pa/ye shes 'phros pa'i lus la ni/ /ci ste dro ba nyid mi snang / /zhes pa ste/ ye shes dang bral ba'i lus la drod med pas na ye shes dang me'i khams tha mi dad pa mngon no zhes pa'i tha tshig go/ /ye shes rlung dang sbyor ba gsungs pa/ rnam shes rlung gis lus dag la/ /'byung 'jug dbugs ni du ba 'dra//zhes pa'o/ /de gnyis dbyer med pa'i don kho na gsungs pa/ ye shes 'phos pa'i lus dag ni/ /de dag la yang dbugs med do/ /zhes pa ste/ ye shes dang bral ba'i lus la ni dbugs med pas na/ ye shes dang dbugs tha mi dad par mngon no zhes pa'i tha tshig go//ye shes dang sa sbyor ba gsungs pa/ sems ni sa ru byung bas na/ /lci ba ru ni snang ba yin/ /zhes pa'o/ /de gnyis dbyer med pa'i sems sa yin pas lus la lci ba nyid du snang ste/ sa'i snying po ni lci ba yin pa'i phyir ro/ /de gnyis dbyer med pa'i don kho na gsungs pa/ ye shes 'phos pa'i lus dag ni/ chu yi nang du lding ba'o/ /zhes pa ste/ ye shes dang bral ba'i ro ni chu la lding bas na/ ye shes dang sa'i khams ni tha mi dad par mngon te/ ro la lci ba med pa'i phyir ro/ /yid kyi rnam par shes pa kun yang don du sems dang ye shes kho nar shes par bya ste/ rdzas gcig gis dus snga phyi khyad par tsam gyi phyir ro//de ltar mdzod ko Sha las gsungs pa/ drug po 'gags ma thag tu ni/ /rnam shes gang yin de yid do/ /zhes pa'o/ /lus kyi tshad ma lnga char yang / /zhes pa ni/ gong du gsungs pa'i chu dang me dang rlung dang / sa dang ye shes tshad mar sbyor bas na/ lus sbyor ba zhes pa'o/ /de yan chad kyis/ lus kyi sbyor ba'i mtshan nyid ni/ /zhes pa ni/ zhus pa'i tshig gi lan bshad nas/ /mnyam nyid gang gis sbyar bar bgyi/ /zhes pa'i tshig gis zhus pa'i lan btab pa/ lnga char gcig gi ngo bo ste/ gcig tu gyur par shes byas nas/zhes pa ste/ chu la sogs pa de lnga yang sems gcig gi rang bzhin gyi phyir na/ chos nyid gcig gi rang bzhin zhes shes par bya ba'i don te/ /gnyis su med pa'i sems dang chos dbye ba med pa'i phyir ro/ /de'i yon tan gsungs pa/ rnal 'byor pa yi gnas lta'o/ / zhes pa ste/ lus sbyor ba'i man ngag ste/ de ltar bsgoms pa'i rnal 'byor pas/ mya ngan las 'das pa'i lam thob po zhes pa'i tha tshig go/ /yang de'i yon tan kho na gsungs pa/ de ltar/ mtshan nyid mngon par shes pa yi/ /zhes pa la sogs pa ste/ bla ma dge ba'i bshes gnyen bsten nas/lus la sbyor ba'i mtshan nyid ces pa ni/ srid pa'i 'khor ba las thar ro zhes pa'i tha tshig go/ /da ni thugs rjes skyo ba'i bcom ldan 'das rdo rje sems dpas phyag na rdo rje sems thugs kyis mkhyen nas rtog ste/ mnyam nyid gang gis sbyor bar bgyi/ /zhes pa'i lan ye shes sbyor ba ston 'dod pas gsungs pa/dbang po yul gyi ye shes ni/ /zhes pa la sogs pa'o/ /de la/ dbang po yul gyi ye shes kyis/ /gnod par byed par bsdam par bya/ /zhes pa ste/ de la yul ni gzugs dang sgra la sogs pa'o/ /ye shes ni mig gi rnam par shes pa la sogs pa'o/ /don du ni 'di lta ste/ rnal 'byor pas dang po gnod pa byed pa gzugs la sogs pa'i spyod yul la phyin ci log pa'i sgo nas 'jug pa'i mig la sogs pa'i rnam par shes pa bsdams nas gdul bar bya'o zhes pa ste/ rnal 'byor ba'i spyod yul ni dam tshig tsam yin gyi longs spyod ni ma yin pa'i phyir ro/ /de ltar bcom ldan 'das nyid kyis sbyor ba'i gdan le'u bzhi pa las gsungs pa/'dod la dga' nyid ma yin te/ /longs spyod phyi ru spyad mi bya/ /zhes pa'o/ /de ltar 'jug pa'i rnam par shes pa lnga bsdam pa bstan nas/ rnam par rtog pa'i rnam par shes pa bsdam pa gsungs pa/ sgong skyes khyim gyi gnas dag tu//dbus su rnam par bsdam par bya/ /zhes pa ste/ de la sgo nga zhes pa ni snying ste sgo nga dang 'dra ba'i phyir ro/ /sgo nga de las skyes pa'i sems ni sgo nga skyes zhes bya'o/ /dper na mig la brten pa'i rnam par shes pa ni mig gi rnam par shes pa zhes zer ba bzhin no/ /don ni 'di lta ste/ sgong skyes kyi gnas snying gi dkyil du sems dang dbyer med par rtog pa'i rnam par shes pa bsdam par bya'o zhes pa'i tha tshig go/ /de kho na gsal bar ston pas gsungs pa/ mi brtan dngos po g.yengs pa yis/ /g.yo zhing g.yo bar byed pa'i sems/ /bsdam pa'i gnas kyi rten dag ni//rnam shes pad+ma'i gdan la'o/ /zhes pa ste/ sems g.yo bar byed pa rtog pa'i rnam par shes pa bsdams pa'i gnas sgo nga'i dkyil gyi pad+ma bsgom par bya'o zhes pa'i tha tshig go/ /pad+ma'i dkyil du rnam par shes pa bsgom pa ni/ dbyibs ji lta bu yin zhe na gsungs pa/ rgyud kun gyi ni rnal 'byor pas//rnam par shes pa gzugs su mtshon/ /zhes pa ste/ de la rnam shes gzugs zhes pa ni yi ge hUM ngo / /don ni 'di lta ste/ rnal 'byor bas dang po rgyu bsgom pa'i gnas skabs su rnam par shes pa de ni yi ge hUM gi gzugs kho nas mtshon par bya'o zhes pas so/ / gzugs med pa'i rnam par shes pa yi ge hUM gi dbyibs su dmigs pa ci'i phyir zhe na gsungs pa/ gzugs zhes bya ba'i dngos po yis/ /sbyor ba sgrub pa'i don phyir ro/ /zhes pa ste/ ting nge 'dzin sbyor ba dngos grub thob 'dod pa'i phyir na rnal 'byor pas hUM gi gzugs dngos po bsgom mo zhes pa'o//de nas ye shes bsdam pa'i gnas bstan nas ye shes bsdam pa'i sbyar ba'i thabs gsungs pa/ chu shing me tog lte ba nas/ /zhes pa la sogs pa ste/ de la chu shing me tog ces pa ba lang gi rmig pa 'dra ba can te/ kha mar blta ba dang / dbyibs chu shing me tog 'dra ba'i phyir ro zhes pa ni/ lte ba nas yar bsgreng srog rtsa/ /zhes pa'o/ /snying du 'greng ba'ang gnas pa yis/ /zhes pa ni lte ba nas yar 'greng pa snying ga na gnas pa'o zhes pa'i don to/ /rtag tu kha ni mar phyogs pa/ /zhes pa ni/ ba lang gi rmig pa 'dra ba de ni yar mar 'gugs nas kha mar lta'o zhes pa'i tha tshig go//mkhas pa yis ni rgyas par bya'o/ /zhes pa ni/ rnal 'byor pa thabs mkhas pas bdud rtsi ba lang gi rmig pa de rgyas par bya zhes pa'i tha tshig go/ /de nas rgyas pa'i chu shing gi me tog las bdud rtsi 'dzag pa'i dkyil 'khor gsungs pa/'dab ma brgyad du rtag tu 'gyur/ /gsungs pa/ ge sar ldan pa yi zhes pa ste/ gong du sbyin sreg gsungs pa bzhin du 'dir yar lte ba'i thad ka na ge sar ldan pa'i 'dab ma brgyad bsgom par bya'o zhes pa'o/ /de la bkod pa'i lha gsungs pa/ de dbugs rtag tu gsungs pa ni/ /rnam shes yi ge sbyor ba nyid/ /ces pa ni de la ye shes rnams yi ge hU~M ngo / /de'i pad+ma de'i dbus su bsgom par bya'o zhes pa'i don to/ /de nas gong du chu shing gi me tog rgyas par bya ba'i cho ga gsungs pa/ yang dag sbyor ba shar phyogs nas/ /zhes pa ste/ de la yang dag sbyor ba ni/yi ge hU~M ste sangs rgyas lnga dang ye shes lnga dang / rnam shes sbyor ba'i rang bzhin gyi phyir ro/ /shar phyogs nas zhes pa ni/ hU~M de'i shar phyogs lte ba'i phyogs la'o/ /khor khor yug sor brgyad de/ /zhes pa ni/ mdun du phyogs sor brgyad kyi phyi rol zhes pa'o/ /gzhung tshigs nub kyi phyogs su ni//zhes pa ni yi ge hU~M de kho na'i rgyab gzhung tshigs kyi phyogs zhes pa'o/ /de yang ji tsam gyi phyi rol yin zhe na/ 'og tu sor yang lnga pa ste/ /zhes pa ni/ de la 'og ces pa ni/ sor lnga'i phyi rol gyi khor yug ces pa'o/ /de yi zhing gi sa bon rnams/ /zhes pa ni/ de'i zhing zhes pa ni shar phyogs nas nub phyogs te/ de gnyis kyi sa bon no/ /yi ge su dkar po dang / yu dmar po'o/ /myu gu 'byung ba'i 'od zer bzhin/ /zhes pa ni/ bdud rtsi'i sa bon su dkar po las byung ba'i myu gu zhes pa'o/ /sa bon de yi 'od zer rnams/ /zhes pa ni/ rlung gi sa bon yu yi 'od//ces bya'o/ /chu shing me tog rgyas pa la/ /zhes pa'i don ni 'di lta ste/ lte ba'i phyogs na gnas pa'i yi ge su dkar po'o/ /bdud rtsi'i 'od gzhung tshags kyi nub phyogs na gnas pa'i yi ge su dmar pos yang ded pa'i bdud rtsi'i 'od chu shing gi me tog la thim nas rgyas par bya'o zhes pa'o//'og gi bdud rtsi rgyas par byed pa'i thabs bstan nas/ steng gi bdud rtsi rgyas par bya ba'i thabs gsungs pa/ sgrogs pa lnga yis mchod rten gyi/ /'og tu bsnubs nas gshegs par bya/ /zhes pa ste/ gong gi le'u'i don bzhin du lce drung nas bdud rtsi babs pas mchod rten/mchod rten las 'bab pa srol gong / srol gong nas babs pas chu shing gi me tog la thim par bya'o zhes pa'i tha tshig go/ /de nas gong du bstan pa'i pad+ma 'dab ma brgyad la rgyas pa'i chu shing las 'dzags pa'i bdud rtsi'i don bstan pa/'dab ma brgyad kyis brgyan pa yi/ /pad+ma mdangs can gshegs par bya/ /zhes pa ste/ pad+ma 'dab brgyad kyi dkyil du bkod pa'i mdangs can sa bon de la/ der chu shing gi bdud rtsi'i thigs pas thim par bya'o/ /de kho na gsungs pa/ pad+ma 'di yi gdan la ni/ / sgong skyes ye shes gnas yin no/ /zhes pa ste/ pad+ma'i dkyil gyi mdangs can sa bon ni sgo nga las skyes pa'i sems dang dbyer med pa'i yi ge hUM zhes pa'o/ /yi ge hUM gi kha dog ci 'dra zhe na gsungs pa/ dbus su shel dang mtshungs pa yi/ /ye shes rnam shes ston pa'o/ /zhes pa'o/ / de nas yang pad+ma 'dab ma brgyad la sa bon bkod pa gsungs pa/ mkha' 'gro ma bzhi'i sa bon ni/ /phyogs kyi 'dab mar gzhag par bya/ /zhes pa ste/ rdo rje mkha' 'gro ma la sogs pa bzhi'i sa bon ni/ phyogs kyi 'dab mar gzhag par bya/ /zhes pa ste/ rdo rje mkha' 'gro ma la sogs pa'i sa bon shar gyi 'dab ma la sogs pa la dgod par bya'o//de'i sa bon gang zhe na/ sa bon dang po sgra la sogs/ /ji ltar mtshan nyid gsungs pa bzhin/ /zhes pa ste/ de la/ sa bon dang po sgra la sogs/ /zhes pa ni a ste/ sgra yig bcu drug gi phyir ro/ /ji ltar mtshan nyid gsungs pa bzhin/ / zhes pa ni 'og tu 'dogs pa dang / glor dbyug pa 'dogs pa dang / steng na zla tshes dang thig le 'dogs pa'o/ /yi ge ni 'di lta ste/ a A a~M aHzhes so/ /mtshams bzhi'i sa bon bkod pa gsungs pa/ phyogs mtshams seng ge mo la sogs/ /ma ning sa bon shes par bya/ /zhes pa ste/seng ge mo la sogs pa bzhi'i sa bon ma ning gi yi ge r-i r-I/ li l-I mtshams kyi 'dab ma la bkod par bya'o zhes pa'o/ /snying gar dngos po dngos po yis/ /zhes pa ni/ dngos po'i rnal 'byor pas yig 'bru dngos po snying gar bsgom par bya'o/ /gang zhe na/snying gar brtan pa'i yi ge gzhag /ces pa ste/ le'u gong ma la snying gar gzhag pa'i yi ge bdud rtsis bran pa'i yi ge oM ston pa la ni 'dir yang bdud rtsi'i yi ge oM kho na la shes par bya'o/ /de nas de lta bu'i chu shing gi me tog las bdud rtsi'i rgyun nur phyung ste pad+ma'i yig 'bru la phog pa bstan pa gsungs pa/steng gi ba lang rmig pa las/ /bdud rtsi'i rgyun ni sgo dgu nas/ /rtag tu 'jig gsol rnal 'byor pas/ /yi ge dkar po la sogs kun/ /zhes pa ste/ steng gi ba lang rmig pa las bdud rtsi'i chu rgyun 'bab ste/ 'og gi pad+ma 'dab brgyad dang / snying po la bkod pa'i yig 'bru dkar po dgu la bdud rtsis phog par bya'o zhes pa'o/ /yig 'bru dgu ni 'di lta ste/ hU~M a AHaM aHr-i r-I l-i l-I rnams so/ /de nas de ltar bsgom pa'i rnal 'byor pas/ 'od zer 'phro ba gsungs pa/ 'bar byed spu yi bu ga nas/ /bdud rtsi dkar po snang bar bya//zhes pa'o/ /yang de ltar bsgom pa'i rnal 'byor pas bzla ba'i sngags gsungs pa/ ye shes rnam shes sa bon ni/ rnal 'byor pa yis kun du bzlas/ /zhes pa ste/ de la/ ye shes sa bon rnam shes ni/ /zhes pa ni yi ge hUM/ de oM hUM swA hA/ zhes pa'o/ /oM swA hA med na yang don du shes par bya ste/ sngags rnams thams cad phal du ni/ /phyag na bsreg pa ldan pa'o/ /zhes gsungs pa'i phyir ro/ /'gro dang 'chag dang 'dug pa dang / /zhes pa la sogs pa ni bshad zin to/ /ye shes 'byung ba sbyor ba yi/ / zhes pa ni/ de dag gi ting nge 'dzin ye shes ston pa zhes mtshan ston pa'o/ /de ni sems 'phro bar sbyor ba ston 'dod pas/ rdo rje sems dpa' 'thob par sbyor ba'i mtshan nyid ni zhes pa la sogs pas bskul lo/ /de la 'phro ba zhes pa ni rang gi rnam par shes pa thabs kyi mtho ris la 'phro ba'o//sbyor ba'i mtshan nyid ces pa ni/ de lta bu'i ting nge 'dzin sbyor ba'i mtshan nyid 'og nas 'byung ba'o/ /de nas phyag na rdo rjes zhus pa/ sgo dgu la sogs ji ltar gnas pa dag /ye shes dbang la bdag phyag 'tshal/ /zhes pa la sogs pa ste/ de la ye shes dbang ni rdo rje sems dpa' ste/rnam par shes pa brgyad kyi gtso bo'i phyir ro/ /lan slar gsungs pa/ 'chi ba'i dus kyi tshad ma ni/ /zhes pa la sogs pa ste/ de la 'chi ba'i dus zhes pa ni/ bdag gi gdan le'u gnyis pa las dbugs chad pa la sogs pa ste/ de dag ni shi bdag dus kyi tshad ma yin no zhes pa'o//de ltar shi ba'i dus kyi sgo'i khyad par gyi yon tan dang skyon bstan pa/ lam bzang po ni mdzes pa'i gnas/ /lam ngan pa ni srid pa'i skyon/ /zhes pa ste/ de la lam bzang zhes pa ni sgo drug go/ /mdzes pa'i gnas zhes pa ni mtho ris so/ /lam ngan pa zhes pa ni sgo gsum mo//srid pa'i skyon zhes pa ni ngan song gsum mo/ /bzang po'i sgo drug dang ngan pa'i sgo gsum gang zhe na/ gsungs pa/ thigs pa lte ba'i spyi gtsug dang / /zhes pa la sogs pa'o/ /de nas sgo dang sbyor ba'i skyon bstan pa la/ de la re zhig yon tan bstan pa/ lte ba 'dod can mtho ris te//zhes pa ni rnal 'byor pa'i lte ba nas ye shes 'phro na/ 'dod khams kyi lha'i ris rgyal chen rigs bzhi la sogs pa drug tu skyer song ngo zhes pa'i tha tshig go/ /thigs pa gsum gyi lus rnams ni/ /zhes pa ni/ dpral ba'i thigs pa nas ye shes 'phro na/ gzugs kyi lha ris tshangs pa la sogs pa bcu bdun du skyer song ngo zhes pa'i tha tshig go//gong ma gong ma'i gnas su ni/ /'gro ba de yis yongs su brtags/ /zhes pa ni/ de la gong ma ni spyi bo'o/ /gong ma'i gnas ni gzugs med pa'i khams te srid pa gong mar gyur pa'i phyir ro/ /don ni 'di lta ste/rnal 'byor pa'i spyi bo nas rnam shes 'phro na/ gzugs med pa'i khams nam mkha' mtha' yas la sogs pa'i rigs bzhi la skyer song ba brtag par bya'o zhes pa'i tha tshig go/ /sna yis gnod sbyin gnas su zhes pa ste/ sna nas ye shes 'phro na/ re rab kyi rtse mor mig mi bzang la sogs pa'i gnod sbyin gyi ris su skye'o zhes pa'i tha tshig go//rna ba gnyis ka grub pa'i lha/ /zhes pa ni de la grub pa'i lha ni brgyad de/ ral gri grub pa'i lha dang / mig sman gyis grub pa'i lha dang / ri lu grub pa'i lha dang / sa 'og grub pa'i lha dang / mi snang grub pa'i lha dang / yud tsam gyis phyin pa grub pa'i lha dang / nam mkha' la 'phur ba'i grub pa'i lha dang / kun du mthong ba grub pa'i lha dang / don ni 'di lta ste/ rna ba nas rnam par shes pa 'phro na/ lha de dag gi ris la skye ba'o/ /gal te mig las ye shes 'phro/ /mi rnams kyi ni rgyal por 'gyur/ /zhes pa ni mig nas ye shes 'phro na mi'i 'khor lo bsgyur ba'i rgyal po la sogs par skye'o zhes pa'o//de nas sgo'i yon tan bstan nas skyon bstan pa/ srid pa'i sgo yis yi dags rnams/ /zhes pa ni de la srid pa'i sgo ni kha'o/ /de ci'i phyir zhe na/ srid pa'i phung po lnga de gnas par byed pa'i zas de nas bcug pa'i phyir na/ srid pa'i sgo zhes pa'o/ /don ni 'di lta ste/ ye shes 'phro na yi dags su skye ba'o zhes pa'o/ /de bzhin chu yis dud 'gro ste/ /zhes pa ni de la chu zhes pa ni/ pho mtshan dang mo mtshan ni chu'i lam gyi phyir ro/ /chu'i lam gyi sgo nas 'od zer 'phro na dud 'gro la skye'o zhes pa'o/ /dmyal ba brgyad kyi dngos po rnams//chu min rnam shes myur du 'gyur/ /zhes pa ni/ de la chu min ni dri chen gyi lam ste/ snyigs ma byung ba'i phyir ro/ /chu min gyi sgo nas 'phro na/ yang sos la sogs pa dmyal ba brgyad la skye'o zhes pa'o/ /de ltar yon tan dang skyon sbyor ba'i phyir na/ rnal 'byor pas shi ba'i dus la bab ma thag tu/yon tan gyi sgo nas 'phro bar bya ba ni mchog yin no zhes gsungs pa/ gang zhig sgo yi bye brag gis/ /zhes pa la sogs pa'o/ /de nas 'pho ba'i thabs ston pas gsungs pa/ bum par sngon du brtsams nas ni/ /zhes pa la sogs pa ste/ dngos po dbugs dgag pa'i ting nge 'dzin bya'o zhes pa'o//thams cad sgo ni dgag par bya/ /zhes pa ni/ gang gi sgo ni dgu po dgag par bya zhes pa'o/ /ji ltar dgag par bya zhe na gsungs pa/ sgrogs pa lnga yis mchod rten gyi/ /sgo ni dgag par bsgom par bya/ /zhes pa ste/ kha la sogs pa gang gi thad kar dgag par bya'o zhes pa ni man ngag go//de nas dgag pa spyi bo la sogs pa sgo drug tu dgag pa'o/ /de nas 'og gi sgo la yang / rgyu yi sa bon dkar po'o/ /zhes pa ni/ 'dir 'og gi sgo ni lte ba la shes par bya ste/ de la chu'i sa bon su dkar pos dgag par bya'o/ /chu dang chu min me yis ni/ / de yi sa bon 'bar bar byas/ /bug dgag pa'i rnal 'byor pas/ /zhes pa ni de la chu ni pho mtshan no/ /chu min ni dri chen gyi lam mo/ /de gnyis kyi sgo nas me'i sa bon ser pos dgag par bya/ de ltar sgo dgag pa'i rnal 'byor pas dbugs mi g.yo bar bsgom par gsungs pa/ bum pa de la dbugs kyis ni//shin tu mnyam gzhag bsgom par bya/ /zhes so/ /yang dbugs dgag pa'i rnal 'byor pas lus ji ltar bsgom par bya zhe na gsungs pa/ lus la rlung gi kha dog dang / /zhes pa la sogs pa ste/ lus kun rlung gis gang zhing rlung gi mdog tu thal ba'i mdog tu bsgom pa'o//sems kyi rlung gi dkyil 'khor la/ /zhes pa ni rang gi sems rlung gi dkyil 'khor du zla gam bsgom par bya'o zhes pa'o/ /dkyil 'khor de la bkod pa'i sngags gsungs pa/ rlung gi sa bon drang bar du/ /zhes pa ste/ yi ge ya~M dkyil 'khor du dgod par bya'o zhes pa'o/ / lus gar bsgom zhe na gsungs pa/ rlung gi mtha' yi rtsa bar ni/ /zhes pa ste/ rlung gis gang ba'i lus kyi mtha' rkang mthil la bsgom mo zhes pa'o/ /thigs pa nga ro ldan pa yis/ /zhes pas ni/ rlung gi sa bon ya rkyang pa la zhabs skyed dang thig le sbyar bar bya'o/ /des na yi ge yu~M du 'gyur ro//sa bon sems kyis drang bar bya/ /zhes pa ni/ sems kyi sa bon yi ge hU~M/ de yar drang bar bya'o zhes pa'i tha tshig go/ /gang gis drang zhe na/ rdo rje sa bon drag po la/ /lcags kyu yi ge sbyar byas te/ /zhes pa ste/ de la rdo rje sa bon zhes pa ni yi ge hU~M/ drag po'i sa bon zhes pa ni yi ge k+Shu~M ngo //don ni 'di lta ste/ yi ge hU~M ni k+Shu~M gis 'dren par bya'o zhes pa'o/ /gnas gang las ji tsam gyi bar du drang bar bya zhe na gsungs pa/ nyi shu rtsa gcig dbugs dag gis/ /zhes pa la sogs pa ste/ dbugs nyi shu rtsa gcig gi bar du drang bar bya'o zhes pa'o/ /tshigs gcig gnas nas tshigs gcig go//tshigs dgu gong ma'i bar du'o/ /zhes pa ni rkang mthil dang / long bu dang / pus mo dang / rked pa dang / lte ba dang / snying ga dang / dpung pa dang / gre ba dang / spyi bo'i bar du 'dren par bya'o zhes pa'i tha tshig go/ /yar 'dren pa bstan nas/'og nas phul ba'i yi ge sbas bshad pa/ yar bzlog mar bzlog sa bon gyis/ /sbyar bya yi ge phyed dang gnyis/ /zhes pa ste/ de la sa bon ni phaT do/ /de bshad pa yi ge phyed ces te/ de la pha ni yi ge rangs pa'o/ /Ta ni phyed de pha la 'dogs pa'i phyir ro/ /de nas yang gong ma yar 'dren pa'i sa bon gyi yi ge sbas gsungs pa/nga ro drag tu brjod pa yis/ /zhes pa ni/ yi ge k+Shu~M gi zhabs skyed thig le la'o/ /brgyad kyi tha ma'i sa bon dang / /zhes pa ni ya la sogs pa'i yi ge brgyad kyi tha ma k+Sha'o/ /k+Sha de kho na ston pas gsal par gsungs pa/ sde tshan dang po gong ma yi//zhes pa ste/ yi ge ka'o/ /yi ge phyed kyis sbyar byas te/ /zhes pa ni/ yi ge k+Sha la phyed ka yin no zhes te/ ka dang Sha brtsegs pa'i phyed do/ /gong gi phul ba'i 'phro cho ga'i ting nge 'dzin yang ston pa/ rlung gi dkyil 'khor 'og nas ni/ /nga ros phyed nas gdon par bya/ / zhes pa ste/ rkang mthil nas rlung gi dkyil 'khor gyi 'og nas/ phaT kyis mas phul nas bteg go zhes pa'i tha tshig go/ /rlung gi sa bon dang ldan pa'i/ /rlung gi dkyil 'khor bsam par bya/ /zhes pa ni phaT kyis yar phul pa'i rlung gi dkyil 'khor de dbugs dang / sems dang srog dang ldan pa bsgom mo zhes pa'o//nyi shu rtsa gcig gnas nas ni/ /gang nas du ming btags pa ste/ /zhes pa ni dbugs nyi shu rtsa gcig gi bar du 'dren nas gnas dgu yar phyin pa 'og ma'i gnas la mi gtong ngo zhes pa'i tha tshig go/ /bzlog par bya ba'i rnal 'byor pas/ /rtsa bar phyed ni dbab par bya//zhes pa ni rkang mthil nas rlung gi dkyil 'khor yar bzlog pa'i rnal 'byor pas rked pa'i bar du dbab par bya'o zhes pa'o/ /tshigs dgu las ni yar gtong na/ /mod la 'pho ba zhes bya'o/ /zhes pa ni/ tshigs dgu'i ya tha spyi bo nas rnam par shes pa 'pho ba ni mod la 'pho ba zhes pa ste/rab ces pa'i tha tshig go/ /de ltar 'pho ba shes pa'i yon tan bram ze la sogs pa bsad na yang sdig par mi 'gyur ro zhes pa'o/ /nyin re bram ze bsad na yang / /zhes pa la sogs pa ste/ de la mtshams med lnga dag byed pa dang / /zhes pa ni pha gsod pa dang / ma gsod pa dang /dgra bcom pa gsod pa dang / ngan sems kyis de bzhin gshegs pa la khrag phyung ba dang / dge 'dun gyi dbyen byas pa'o/ /de'i dpe bstan pa/ ji ltar 'dam nas skyes pa yi/ /pad+ma'i mdangs ni mdzes par 'byung / /zhes pa'o/ /don gsungs pa/ de bzhin 'dam pa'i lus la ni//ye shes sku ni rang dgar 'byung / /zhes pa ste/ nye bar len pa'i phung po zag pa dang bcas pa nas kyang sgo'i khyad par gyis ye shes 'pho na/ mtho ris la skye ste/ pad+ma bzhin du dri mas ma gos pa zhes pa'i tha tshig go/ /dus gang la 'pho ba sbyor ba zhe na gsungs pa/ dus la bab na 'pho bya ste/ /zhes pa ni shi ba'i dus la bab na bya'o/ /gzhan du ni ma yin no zhes pa'o/ /gzhan du ni 'pho ba byas na cir 'gyur zhe na gsungs pa/ dus min lha rnams gsod par 'gyur/ /zhes pa ste/ shi ba'i dus ma yin par 'pho ba byas nas/ rigs lnga la sogs pa'i lha gsod par 'gyur te/phung po lnga rigs lnga'i ngo bo nyid kyi phyir ro/ /da ni mjug gi sems sbyor ba ston 'dod pa bcom ldan 'das kyis gsungs pa/ sbyor ba grub pa'i bye brag dag /nyon cig rdo rje de kho na/ /zhes pa la sogs pa'o/ /de la mnyam pa nyid kyi stong pa nyid bsgoms nas/dam tshig sems dpa' bsgom pa gsungs pa/ mnyam nyid sems kyi dngos po yis/ /zhes pa la sogs pa nas/ yi ge sa bon rnam par dgod/ /ces pa'i bar du'o/ /de la sa bon ni su la sogs pa brgyad do/ /de ltar lha bsgoms pas snying po la bkod pa'i yig 'bru gsungs pa/A li kA li la sogs pa/ /zhes pa ni yi ge a dkar po'o/ /bsgom pa'i sa bon kho na bshad pa/ chu shing me tog pad+ma la/ /zhes pa la sogs pa ste/ ba lang rmig pa'i steng gi snying gar sgong skyes sems kyi yi ge hU~M a dang ldan pa gcig dbyer med par bsgom mo zhes pa'i tha tshig go//de nas ting nge 'dzin bsgom pa'i rnal 'byor pas phyi'i las gsungs pa/ de nas phyi'i sbyor ba la sogs shes pa'o/ /sems kyi gnyis 'gyur bdag la zhes pa la sogs pa ni/ de la sems kyi gnyis 'gyur zhes pa ni/ rang gi sems kyi phyi nang gnyis su phye nas sgom pa'o/ /de la phyi rol gyi sems ji ltar bsgom zhe na/ sa dag la zhes pa la sogs pa ste/ phyi rol gyi sems dpa'i dkyil 'khor dang / rlung gi dkyil 'khor dang / me'i dkyil 'khor dang / nyi ma'i dkyil 'khor rnams brtsegs pa'i dbus su/A li kA li la sa bon gyi yi ge a dmar po bsgom par bya'o zhes pa'o/ /de ltar phyi nang bsgoms nas bzlas pa gsungs pa/ 'byung 'jug tu ni bzlas par bya/ /zhes pa ni/ oM a swA hA'i sngags dbugs dbyung ba la ni bzla/ dbugs 'jug pa la ni slar bsdu zhes pa'i tha tshig go//de ltar bzlas pa las ci byed ce na gsungs pa/ ye shes sa bon 'byung ba yis/ /dkyil du 'joms par byed par 'gyur/ /zhes pa ni/ dbugs 'jug pa dang sngags bzlas pa 'grogs pa'i sa bon a 'byung bas/ phyi'i nyi ma'i dkyil 'khor gyi a'i dkyil du thug par bsam par bya'o zhes pa'o//de kho na'i don gsal bar gsungs pa/ 'byung bas bzlas pa dang zhes pa la sogs pa'o/ /de ltar 'byung ba dang / 'jug pa mnyam pa nyid du bsgom pa'i rnal 'byor pas/ mnyam par bsgom pa gsungs pa/ 'byung ba'i mtshan nyid bstan pa dang //zhes pa la sogs pa'o/ /ting nge 'dzin de kho na bsgom pa'i rnal 'byor pas gzhan gyi sems shes pa'i cho ga gsungs pa/ de nas phyi sogs lus rnams ni/ /zhes pa la sogs pa'o/ /paN+Di ta s+m+a-i ti dz+nyA na kI rtis mdzad pa'i dpal ldan gdan bzhi pa gzigs pa las gsang ba'i gdan gyi le'u bzhi pa'i rnam par bshad pa rdzogs so// //da ni sems dang ye shes sbyor ba dang / tshad med pa bzhi dang / sems sbyor ba dang / thig le'i ting nge 'dzin dang / ting nge 'dzin phra mo dang / sngags bzlas pa dang / mtshan ma dang / mchod rten gyi de kho na nyid dang / dbyings dang / ye shes rnams sbyar ba zhu 'dod pas phyag na rdo rjes gsang ba'i gdan la gnyis zhes pa la sogs pa ste/ gsang ba'i gdan le'u bzhi pa brtsams so/ /de la gsang ba'i gdan gyi nang na le'u 'di gsang ba'i phyir ro/ /sems dang ye shes mnyam bgyi ba/ /zhes pa ni/ sems ni zag pa ste/ de ni gnyis su med pa'i chos nyid 'byed pa'i shes rab kyi phyir ro/ /ye shes ni rgya che ba ste/ snying rje la sogs pa rnams kyi ngo bo'i phyir ro/ /byang chub rdzogs rim ji ltar lags/ /zhes pa ni nyan thos dang / rang sangs rgyas dang / byang chub sems dpa' dang /yang dag par rdzogs pa'i sangs rgyas dang / rdo rje'i rigs dang / sangs rgyas kyi rigs dang / rin chen gyi rigs dang / pad+ma'i rigs dang / las kyi rigs kyi theg pa dgu'i nang na yang dag par rdzogs pa'i byang chub kyi theg pa gang yin zhes zhus pa'o/ /bcom ldan 'das rdo rje sems dpas zhus pa'i lan gsungs pa/gsang ba'i gsang ba chos mchog gi/ /zhes pa la sogs pa ste/ de la gsang ba ni sku gsung thugs te/ nyan thos la sogs pa dang thun mong ma yin pa'i phyir ro/ /gsang ba ni thabs dang shes rab dang / sems dang / ye shes kyi rang bzhin nyid kyi phyir ro//don ni 'di lta ste/ sku gsung thugs las kyang thabs dang shes rab gsang bas na/ gsang ba'i gsang ba zhes so/ /des na chos mchog ste/ yang dag par rdzogs pa'i sangs rgyas mi gnas pa'i mya ngan las 'das pa'i rgyu'i phyir ro/ /kye phyag na rdo rje yang dag par rdzogs pa'i byang chub kyi rim pa ni 'di yin no zhes pa'i don to//mdor bsdus pa ji ltar bsgom par bya zhe na gsungs pa/ sems ni mnyam nyid bskyed pa yis/ /'dod chags la sogs ring du spang / /zhes pa ni gnyis su med pa'i don mnyam pa nyid kyi sems bskyed pa'i rnal 'byor pas phyin ci log pa'i 'dod chags la sogs pa nyon mongs pa spang bar bya'o zhes pa'o//de nas yang thabs dang shes rab kyi don rgyas par gsungs pa la/ re zhig thabs gsungs pa/ yid du 'ong ba'i sa phyogs su/ /zhes pa la sogs pa ste/ de la yid du 'ong ba'i zhes pa ni chu dang /me tog dang / shing thog dang ldan pa'i sa'o/ /yang na gsang ba'i phyogs zhes pa'o/ /bde ba'i stan la 'dug nas ni/ /zhes pa ni/ 'jam pa dang mthug pa'o/ /yang na thabs dang shes rab sbyor ba'i bde ba myong nas 'dug pa zhes pa'o/ /bde ba'i sems kyis khams rnam dag /ces pa ni/ mig gi khams la sogs pa bco brgyad thabs dang shes rab kyi bde ba las byung ba'i sems kyis bsgom par bya'o zhes pa'i tha tshig go/ /gang bsgom zhe na gsungs pa/ snying rjer phan pa'i sems ni bya/ /zhes pa ste/ lus kyi dkyil 'khor gyi lha rnams gsang ba'i mchod pas mnyes par bya ba'i bsod nams snying rje'i sems kyis sems can byams pa la bsngo bar bya zhes pa'o//da ni shes rab kyi don rgyas par ston par gsungs pa/ gtsug lag de bzhin nyid thob pa/ /zhes pa la sogs pa ste/ shes rab ni rnal 'byor pa'i gtsug lag de kho na nyid thob pa la shes par bya'o//ji ltar thob par bya zhe na gsungs pa/ /slob dpon lung dang man ngag la/ /zhes pa ste/ shes rab kyi de kho na nyid de ni slob dpon gyi man ngag snyan khung du thob kyi/ gzhan du ma yin te/ dam pa'i go 'phang rgyu nyid kyi phyir ro//de kho na nyid brgyud pa'o/ /de la gsang ba zhes pa ni/ /gdod ma'i rang bzhin nyid kyi phyir ro/ /de nyid ni mi 'jig pa'i rang bzhin gyi phyir ro zhes pa mi skye ba'i rang bzhin gyi phyir ro/ /de ltar gsang ba 'dus pa las gsungs pa/ mi 'jig pa dang mi skye ba/ /mgon pos gang de gsungs pa'o//de kho na nyid brgyud pa yi/ /zhes pa ni/ de ni man ngag gi rgyud kyis shes par bya'o/ /da ni tshad med pa bzhi dang sems sbyor ba gsungs pa/ gang gi mtshan nyid thams cad du/ /zhes pa la sogs pa ste/ gang na gsungs pa/ stong pa nyid kyi mtshan nyid kyis stong pa nyid bsgom par bya'o zhes pa'o//de dang stong pa nyid kyis dag pa'i sems kyis byang chub kyi rim pa bsgom par bya'o zhes gsungs pa/ byang chub rdzogs rim gtso bor ba'o/ /zhes pa'o/ /ji ltar gtso zhe na gsungs pa/ zla ba'i dkyil 'khor dbus gnas pa/ /zhes pa la sogs pa nas/rdo rje sems dpa' bdag ces brjod/ /ces pa'i bar du go sla'o/ /dam tshig sems dpa' rnams nas nang du bsgom par gsungs pa/ chu shing me tog lte ba nas/ /zhes pa la sogs pa ste/ sngon bzhin pad+ma rgyas par bya/ /zhes pa'i bar yan chad ni bshad zin to/ / shin tu brgyan pa'i 'dab ma brgyad/ /ge sar sdong bur bcas pa la/ /zhes pa ni/ 'dir ni chu shing gi me tog gi steng du 'dod de/ snying po dang ldan pa pad+ma 'dab ma brgyad ces bya ba bsgom par bya'o/ /gang bsgom zhe na gsungs pa/ dbus kyi sgong skyes gdan la ni/ /zhes pa ste/ de la sgong skyes ni sems so//de'i gdan ni snying po'i sgo nga'o/ /snying gi dkyil du pad+ma 'dab ma brgyad bsgom par bya'o zhes pa'i tha tshig go/ /pad+ma'i snying po dang 'dab ma la bkod pa'i sngags dang de'i 'dogs gsungs pa/ bkod bya'i yi ge dgod par bya/ /zhes pa la sogs pa'o/ /de nas yig 'bru bkod pa ston par gsungs pa/de yi dbus su rnam shes dang / /ye shes de gnyis sbyar bar bya/ /zhes pa ste/ pad+ma de'i dbus su snying po la rnam shes kyi snying po hUM dkar po bkod par bya'o zhes gsungs pa'o/ /byams par ldan pas shar phyogs kyi/ /'dab ma sa bon ma 'khrugs pa'i//zhes pa ni shar phyogs kyi 'dab ma la byams pa'i rang bzhin mi bskyod pa'i sa bon yi ge ma bkod pa'o/ /snying rje lho yi sgo ru ste/ /rin chen sa bon de kho na/ /zhes pa ni lho'i 'dab ma la snying rje'i rang bzhin rin chen 'byung ldan gyi sa bon yi ge a bkod pa'o/ / nub kyi sgo yi 'dab ma la/ /'od dpag med kyi sa bon dgod/ /ces pa ni nub kyi 'dab ma la dga' ba'i rang bzhin snang ba mtha' yas kyi sa bon yi ge a bkod pa'o/ /lhun po che yi 'dab ma la/ /gtso bo don yod grub pa bsam/ /zhes pa ni/ de la lhun po che'i phyogs zhes pa ni/ byang phyogs kyi 'dab ma la zhes pa'o//de la btang snyoms kyi rang bzhin don yod grub pa'i sa bon yi ge AM dgod par bya'o/ /yig 'bru de bzhi sbas par bya'o/ /dang po sgra sgrogs sa bon la/ /dbyig pa thig le go rims bzhin/ /zhes pa ste bshad zin to/ /yi ge bzhi pa bkod pa ni/ / 'od zer dkar pos rnam par brgyan/ /zhes pa ni/ gong gi sa bon bzhi'i kha dog go/ /mtshams kyi 'dab ma la yig 'bru bkod pa gsungs pa/ phyogs mtshams dag ni bzhi po ru/ /ma ning gong du gsungs pa bzhin/ /zhes pa ste/ r-i r-I l-i l-I kha dog dkar po rnams so//sems ni de yi dbus dag tu/ /yi ge ru ni brtag par bya/ /zhes pa ni/ yi ge de rnams ni stong pa nyid sems kyi dkyil la bsams nas bsgom par bya'o zhes pa'o/ /don de kho na the tshom zos pa phyag na rdo rjes yang zhus pa/ stong pa'i mtshan nyid med pa yin//zhes pa la sogs pa ste/ mtshan nyid med pa la sems stong pa las snying rje la sogs pa'i rang bzhin yi ge 'bru dgu 'byung ba'i yang yin zhes zhus pa'o/ /de'i lan gsungs pa/ bcom ldan 'das kyis bka' stsal pa/ nyon cig rdo rje de kho na/ /zhes pa la sogs pa ste/de la/ mtshan nyid stong pa mtshon pa yis/ /snying po med pa'i snying po rnams/ /zhes pa ni/ stong pa nyid kyi mtshan nyid mtshon pa ni snying po dngos su med cing / dngos su snang ngo zhes pa'i tha tshig go/ /de'i dper gsungs pa/ bdud rtsi chu shing snye ma bzhin/ /zhes pa ste/ chu shing gi snying po med pa la 'byung ba'i snye ma'i 'bras bu zos pa la bdud rtsi dang 'dra ba'i ro 'byung ba ltar/ stong pa nyid sems las byung ba'i snying rje yang de bzhin gshegs pa'i longs spyod kyi sku'i 'bras bu'i rgyur 'gyur ro zhes pa'i tha tshig go/ /bsdus pa'i don bstan nas/ yang rgyas par bstan 'dod pas gsungs pa/ dbus su gnas pa'i ye shes te/ /zhes pa la sogs pa ste/ de la ye shes ni yi ge hUM ngo / /ye shes gzugs ni gzugs med do/ /zhes pa ni yi ge hUM de stong pa'i rang bzhin gzugs med do/ /'o na ci 'dra zhe na/ mtshan nyid med pa'i mtshan nyid de//zhes pa ste/ yig 'bru'i dbyibs kyi mtshan nyid dang ldan na yang / rang bzhin gyis stong pa nyid pas mtshan nyid med do/ /ci'i phyir zhe na/ ye shes sku la gos pa med/ /ces pa ste/ chos nyid ye shes kyi sku la dngos pos mi gos te/ rang bzhin gyis 'od gsal ba'i phyir ro//des na yig 'bru dgu'i rang bzhin 'di lta ste zhes ston pas gsungs pa/ dngos po dngos med bral bas zhes pa la sogs pa ste/ gang gis mtshan nyid shes pa yi/ /zhes pa la sogs pa ni rnal 'byor gang gis spyi dang rang gi mtshan nyid ye shes dang ldan par shes pa'i mnyam pa nyid shes pa de ni/myur bar byang chub kyi lam thob po zhes pa'i tha tshig go/ /mnyam pa nyid de ji ltar shes par bya zhe na gsungs pa/ bla ma'i lung gi man ngag gis/ /zhes pa la sogs pa ste/ ye shes dang rnam par shes pa'i gzugs kyi mtshan nyid ni bla ma'i man ngag gis gtsug lag bstan par bya'i gzhan du ma yin no//de kho na gsal bar gsungs pa/ de kho na nyid dpa' bos bstan/ /zhes pa ste/ de la dpa' bo ni de bzhin gshegs pa'am bla ma la sogs pa ste/ nyon mongs pa'i g.yul las dpa' ba'i phyir ro/ /dpa' bo de kho nas gnyis pa'i stong pa nyid bstan to zhes pa'i tha tshig ste/snyan khung nas snyan khud du brgyud pa'i phyir ro/ /'di bsgoms pas ni thams cad du/ 'od zer dkar pos rnam par brgyan/ /zhes pa ste/ de la 'di zhes pa ni yi ge 'bru dgu'o/ /de dag gi 'od zer dkar pos phyogs bcu thams cad snang bar bsgom par bya'o zhes pa'o//da ni thig le'i ting nge 'dzin ston 'dod pas bcom ldan 'das kyis gsungs pa/ sgrogs pa lnga yi mchod rten dang / /bdud rtsi sa bon bsams nas ni/ /zhes pa ste/ sgrogs pa lnga'i mchod rten bsgoms pa'i sa ru zla ba'i dkyil 'khor gyi steng na bdud rtsi'i sa bon yi ge oM bsgom par bya zhes pa'o//ji ltar bsgom par bya zhe na gsungs pa/ kha dog dkar po'i 'od mdzes pa/ bdud rtsi'i rgyun gyi gzhag pa gsol/ /zhes pa ste/ bdud rtsis brlan pa'i zla ba'i dkyil 'khor/ oM las zags pa'i bdud rtsi'i rgyun 'og tu thig le la gzhag par bya'o zhes pa'o//de'i 'og tu thig le'i bsgom pa gsungs pa/ mthe bong tshad tsam zlum po yi/ /zla ba'i dbus su thogs pa ste/ /zhes pa la sogs pa ste/ mgrin par zla ba'i dkyil 'khor gyi dbus su mthe bong tsam gyi thig le zlum po bsgom par bya'o zhes pa ste/de'i dbus kyi sa bon gsungs pa/ A li kA li las byung ba'i zhes te/ yi ge A'o/ /de yi dbus su sgo rnams la/ /zhes pa ni/ thig le de'i dbus kyi yi ge la bdud rtsi'i rgyun dbab par bya'o zhes pa'o/ /thig pa bsam ba rab tu grags//zhes pa de yan chad thig le'i ting nge 'dzin zhes bstan pa'o/ /da ni phra mo'i ting nge 'dzin ston 'dod pas gsungs pa/ skra yi rtse mo brgya yi char/ /zhes pa la sogs pa ste/ de la skra'i rtse mo brgyar zhes pa ni/ tshad gsungs pa'o/ /gang zhe na/ rdul phran gzugs tsam pa yi sems//zhes pa ste/ sems dbang po las 'das pa rdul phran du bsgom pa'o/ /dbyibs gang zhen gsungs pa/ mtshan nyid mtshon pa'i ye shes can/ /rnam shes rang gi ngo bo ste/ ye shes dang rnam par shes pa'i sa bon yi ge hUM gi dbyibs kyi mtshan nyid du mtshon pa brtag par bya'o//bsgom pa gsungs pa/ gang gi thig pa'i thabs gnas pa/ mtshan nyid shes pas bsam par bya/ /zhes pa ste/ gong gi thig le'i gnas kho na la yi ge hU~M phra mo'i ting nge 'dzin gyi mtshan nyid kyang bsam par bya'o zhes pa'i tha tshig go/ / ting nge 'dzin phra mo de yang lus dang / ngag gang du bkod nas bsgom par bya zhe na gsungs pa/ snying dang tshangs pa'i sgro dang ni/ /thig pa sgo yi lam nyid du/ /zhes pa ste/ de la snying dang ni snying gar ro/ /tshangs pa'i sgo ni spyi bor ro/ /thig pa sna yi lam nyid du/ /zhes pa ni mgrin pa ste/ der ting nge 'dzin phra mo bsgom par bya'o zhes pa'i phyir ro/ /bla ma'i lung ni de kho nas/ /rnam shes ye shes gzung bar bya/ /zhes pa ni rnam shes ye shes kyi yig 'bru hU~M bla ma'i man ngag kho nas tshad shes par bya'o zhes pa'i tha tshig go/ /phra mo'i ting nge 'dzin 'di ni bla ma'i man ngag kho na sa thob kyi/ gzhan phyi'i lam la sogs pas ni mi thob po zhes ston pas gsungs pa/ phyi yi lam gyis ma yin te/ /gtsug lag gis kyang ring ba yin/ /zhes so/ /ci'i phyir zhe na/ gsungs pa/ gtsug lag dag ni rnyed sla ste/ de yi dgos pa rnyed dka' bas/ /zhes so/ /'o na ji ltar shes par bya zhe na gsungs pa/ thabs la mkhas pa'i rnal 'byor pas//zhes pa la sogs pa'o/ /da ni sngags bzla ba'i thabs ston pas gsungs pa/ yid kyi sngon du gtong ba'i chos/ /zhes pa la sogs pa ste/ de la yid ni yid kyi rnam par shes pa'i rten yid do/ /yid de chos thams cad kyi gdod ma'o zhes pa'o/ /'di lta ste/lus ngag yid las yid kyi las sngar 'byung ste/ yid kyis bsams pa'i 'og tu lus dang ngag spyod pa'i phyir ro/ /de ltar mdzod kyi nang nas kyang gsungs pa/ sems pa yid kyi las yin te/ /des bskyed lus dang ngag gi las/ /zhes so/ /yid dag cing ni yid 'gro ba zhes pa ni dag pa'i yid yin te/lus ngag ni ma yin no/ /'di lta ste/ yid dag pa'i rnal 'byor pas lus ngag gi las mi dag na yang skyon du mi 'gyur ro zhes pa'i don to/ /de ltar yang gsungs pa/ rtog pa byang chub sems dpa' yi/ /gal te dge'am mi dge ba/ /de kun dge bar song 'gyur te/de phyir yid ni dbang 'gyur phyir/ /zhes so/ /ci'i phyir zhe na/ yid 'gro ba zhes te/ dge dang mi dge ba'i bag chags la yid 'phro ba dang / mya ngan las 'das pa la yid 'gro ba'i phyir ro/ /des na yid dngos thams cad du/ /zhes pa ni/ lus ngag yid kyi dngos po'o/ /zhes pa'i tha tshig go/ / des na blo dang ldan pa'i rnal 'byor pas yid dag par bya ba la bsgrims nas nan tan du bya'o zhes pa'o/ /lus ngag yid gtso bor bstan nas yid las gzhan med cing don bstan pa/ gal te bzlas 'dod rnal 'byor pas/ /snying ge bsam ba spang ba'o/ /zhes pa ni/ rnal 'byor pas sems spangs nas/gzhan du bzla ba ni med do zhes pa'i tha tshig ste/ lus ngag gi las gzugs nyid kyi phyir ro/ /ci'i phyir zhe na/ rgyu'i phyi ru sa bon te/ de kho na ni gzugs la sogs pa las bya ba'i sngags kyang don dam par mthong ste/ yig 'bru yin te/ rten cing 'brel bar 'byung pa'i phyir ro//'di lta ste/ che ge mo shAn+tiM ku ru zhes smra ba'i tshig la che ge mo smra tsam na shAn+tiM ku ru'i sgra mi 'byung ngo / /shIn+tiM ku ru zhes brjod na/ che ge mo la thal bar 'gyur ro/ /de yang che brjod tsam na ge mi 'byung ngo / /ge brjod tsam na che thal lo/ /de bzhin du de gnyis brjod tsam na mo med do//mo brjod tsam na che ge mo thal lo/ /des na las byas pa'i sngags kyang rten cing 'brel bar 'byung ba mngon par brtags pa tsam yin te/ don dam par ni ma yin no/ /de ltar sngags kyi rang bzhin bstan nas/ sngags bzlas pa'i thabs bstan pa gsungs pa/gzugs sogs srid pa'i longs spyod dag /sa bon bzlas shing sbyar bar bya/ /zhes pa ste/ yi ge hUM gis gzugs la sogs pa yang dag pa'i kun rdzob tu dmigs nas bzlas te/ bsod nams kyi tshogs des/ tshe 'di'i srid pa'i nang na longs spyod kyi 'bras bur bya'o zhes pa'o//bzla ba'i sngags gang zhe na gsungs pa/ thams cad kun gyis bkur ba yi/ /zhes pa la sogs pa ste/ de la thams cad kun gyis bkur zhes pa ni rnam par snang mdzad kyi rang bzhin zla tshes dang thig le ste/ shin tu rnam par dag pa'i chos kyi dbyings nyid ye shes nyid kyi phyir ro/ /de bzhin spyi bor gnas pa la//zhes pa ni zla tshes dang thig le hUM gi dbu steng na rtag par gzhag par bya'o/ /rtag par rtsa bar rtse byas nas/ /zhes pa ni/ 'og rtag par zhabs skyed btags zhes pa'o/ /don de gnyis kho na ston pas/ /thig par ro ldan pa yis/ /zhes pa'o/ /de lta bu'i sa bon gang zhe na gsungs pa ye shes rnam shes sa bon nyid//ces pa ste/ yi ge hU~M ngo / /'khor ba'i longs spyod kyi don du sngags bzlas na yang / sgra dang tshig med par yid kho nas bzla bar bya'o zhes ston pa/ /'khor ba'i longs spyod spyod pa yi/ /sgra med dag ni spangs nas su/ /yid kyis bzlas dang ldan par bya/ /zhes pa'o/ /de ni mtshan ma brgyad ston 'dod pa/bcom ldan 'das kyis gsungs pa/ mi g.yo rtag tu thabs gnas pa/ /zhes pa la sogs pa ste/ de la mi g.yo ni 'jig pa med pa'i phyir ro/ /rtag tu zhes pa ni mi chad pa'i phyir ro/ /thabs gnas pa zhes pa ni de gnyis kyis thabs la gnas pa'i rang bzhin gyi phyir ro/ /rtag pa ni zhes pa ni de bzhin gshegs pa'i rgyu nyid kyi phyir ro//chos kyi dbyings nyid de zhes pa ni 'phags pa'i chos kyi rgyu'i phyir ro/ /rgyun du phra ba zhes pa ni skad cig ma lnga phyi mar du yang dbang po las 'das pa'i phyir ro/ /mi gos pa zhes pa ni nyon mongs pa med pa ste/ rang bzhin gyis 'od gsal ba'i phyir ro//de ltar ji lta bu'i yon tan dang ldan pa'i sems gang zhe na/ ye shes rnam shes thim par byed/ /ces te/ thabs dang shes rab gnyis su med pa'i phyir ro/ /sems des ni byang chub kyi lam mthong ngo zhes gsungs pa/ ye shes dngos po rnam shes kyis/ /byang chub rim pa mthong bar 'gyur//zhes so/ /byang chub kyi lam mtshan mar gyur pa brgyad gsungs pa/ mar me ltar ni thams cad du/ /zhes pa la sogs pas/ de la/ mar me ltar ni thams cad du/ /mtshan ma dang po mthong ba yin/ /zhes pa ni/ rnal 'byor pas ye shes dang po la phyin ci ma log pa'i nyon mongs pa bsreg pa'i ye shes kyi mar me ltar 'bar te chung ngu'i phyir ro//srin bu'i me ltar snang ba'o/ /gnyis pa yi ni mtshan ma brtags/ /zhes pa ni ye shes gnyis pa la srin bu me khyer ltar tshig 'khro ba yin te/ 'bring po nyid kyi phyir ro/ /rdul phran dkar po me stag gzhan/ /zhes pa ni ye shes gsum pas rnal 'byor pas ye shes kyi me phyogs btsun dkar por 'phro bar mthong ngo //chen po nyid kyi phyir ro/ /de mthong ma thag tu nyon mongs pa'i sgrib pa sbyangs te 'phags par gyur nas mthong ba'i lam rtogs par 'gyur zhes pa'o/ /de nas shes bya'i sgrib pa spangs pa'i rtags gsungs pa/ 'dod pa lha yi longs spyod rnams//bzhi pa la ni sems kyis mthong / /zhes pa ni rnal 'byor pas ye shes bzhi las 'dod khams kyi 'dod pa'i 'dod chags lnga che chung 'bring po dgu'i sgo nas bral lo zhes pa'i tha tshig go/ /mtho ris gzugs kyi lha rnams kyang / /lnga par sems kyis mthong bar 'gyur/ /zhes pa ni ye shes lnga pas gzugs khams kyi bsam gtan bzhi srid pa'i 'dod pa'i 'dod chags che chung 'bring po dgu'i sgo nas bral lo zhes pa'i tha tshig go//drug pa gzugs med longs spyod de/ /zhes pa ni ye shes drug pas gzugs med pa'i khams bzhi srid pa'i 'dod chags dang bral lo zhes pa'o/ / bdun pa la ni chos kyi dbyings/ /zhes pa ni ye shes bdun pas khams gsum gyi 'dod chags dang bral ba'i rnal 'byor pas sgrib pa thams cad spangs nas mya ngan las 'das pa chos kyi sku yongs su grub pa la bzhugs te/ gzung 'dzin med par 'gyur ro/ /brgyad pa dag la rang dga' ba'i/ / rnal 'byor sangs rgyas 'bras bu thob/ /ces pa ni/ ye shes brgyad pas de ltar chos kyi sku mngon du gyur pa'i rnal 'byor pas sngon gyi smon lam dang / snying rje'i dbang gis sems can gyi don du mi gnas pa'i mya ngan las 'das pa la dag pa 'jig rten pa'i ye shes kyi longs spyod rdzogs pa'i sku'am/sprul pa'i skur dmigs nas rang dgar sems can gyi don gyi 'bras bu med do zhes pa'i tha tshig go/ /ye shes kyi khyad par de ltar gsungs pa/ rnal 'byor pa yi khyad par gyis/ /snga ma phyi ma sun phyung ngo / /zhes pa'o/ /da ni mchod rten gyi de kho na ston 'dod pa bcom ldan 'das kyis gsungs pa/yang dag lta ba'i gzugs can gyis/ /zhes pa la sogs pa ste/ de la/ yang dag lta ba'i gzugs can gyis/ /zhes pa ni/ gzugs can ni sems can gyi dang por yang dag pa'i don stong pa nyid bsgom mo zhes pa'i tha tshig go/ /ci'i phyir na/ yang dag de kho na shes pas/ /nan tan gyis ni sbyor ba brtsom//zhes pa ni yang dag pa'i stong pa nyid kyi don mi shes na bsgom pa sbyor ba la sogs pa skyon no zhes pa'i tha tshig go/ /de nas stong pa nyid bsgom pa thabs ston pa bcom ldan 'das kyis gsungs pa/ snying gar zla ba bsam byas te/ /zhes pa la sogs pa ste/ zla tshes can yi ge hUM snying gar bsgoms nas de'i 'od zer gyis phung po dang khams stong par bsgom mo zhes pa'i tha tshig go//stong pa nyid kyi ting nge 'dzin mjug bsdus pa ston pas gsungs pa/ mjug tu zla ba'i sa bon ni/ /mkhas pa yis ni bsgom par bya/ /zhes pa ste/ phung po dang khams dang thams cad rang bzhin stong par bsgom pa'i rnal 'byor pas/mjug tu zla ba'i dkyil 'khor gyi steng na sa bon yi ge hU~M bsgom par bya'o zhes pa'o/ /sa bon des mchod rten bskyed par bya ba'i tha tshig gsungs pa/ sems kyis de la bskyed pa ni/ /mchod rten bzhugs pa'i gnas dag ste/ /zhes pa la sogs pa'o/ /mchod rten de yang ji ltar bsgom par bya zhe na gsungs pa/zhabs skyed 'gugs pas zhes bya zhes pa ni/ yi ge hU~M gi zhabs skyed 'gugs pa gang de mchod rten gyi sa gzhi zur brgyad pa zhes shes par bya ste/ yi ge hUM dang mchod rten dbyer med pa'i phyir ro/ /phyogs brgyad dag gi khams sa ste/ /zhes pa ste/ sa gzhi zur brgyad pa'i rang bzhin phyogs brgyad kyi gling gi 'jig rten gyi khams kyi lha rnams bsgom par bya'o zhes pa'o//dril bu nam mkha'i dbus gnas par/ /lhun po'i gnas kyi lha nyid du/ /zhes pa ni/ 'jig rten gyi bum pa'i rang bzhin ni ri rab ste/ de la sum cu rtsa gsum gyi lha man chad rnams gnas pa bsgom par bya'o zhes pa'i tha tshig go/ /'dod pa spyod pa lha yi rnams//bre ru nges par brtag par bya/ /zhes pa ni/ mchod rten gyi bre'i dbyibs la sogs pa bzhi'i rang bzhin ni mtha' bral la sogs pa ste/ 'dod khams kyi lha rigs bzhi gnas pa bsgom par bya'o zhes pa'o/ /bdag med chos kyi dbus gnas par/ /steng 'og dag ni mu med do/ / zhes pa ni de yan chad ni mu 'brel ba med do/ /bdag med pa'i rang bzhin srog shing dkyil du brten pa tsam yin no zhes pa'i tha tshig go/ /de dag gang zhe na gsungs pa/ gzugs kyi khams kyi mtho ris dag /'khor lo dag tu rnam par brgyan/ /zhes pa ste/ mchod rten gyi 'khor lo bcu bdun gyi rang bzhin ni gzugs kyi khams tshangs ris la sogs pa lha'i ris kyi gnas bcu bdun te/de la gzugs kyi lha rnams bsgom par bya'o zhes pa'o/ /don de kho na gsal bar gsungs pa/ bcu bdun dag gi gzugs kyi rnams/ /go rims bzhin du rnam par gnas/ /zhes pa'o/ /gzugs med pa'i khams kyi rang bzhin bstan pa/gzugs med srid pa thams cad lta/ /chos kyi srog shing nyid du thim/ /zhes pa ste/ 'khor lo bcu bdun las yar 'phags pa srog shing gi rang bzhin na gzugs med pa'i khams/ nam mkha' mtha' yas la sogs pa bsgom par bya'o zhes pa'o/ /mchod rten sku ru bskyed pa ni/ /thams cad lha yi gnas yin no//zhes pa ni/ de ltar mchod rten gzugs kyi rang bzhin khams gsum du bsgoms te/ khams gsum gyi lha gnas bsgom mo zhes pa'i tha tshig go/ /steng gi sgong skyes gdan de la/ /bdag gi sems su brtag par bya/ /zhes pa ni/ de la sgong zhes pa ni sems kyi skyed sa snying 'dra ba mchod rten steng gi zlum po der rang gi sems gnas pa bsam par bya'o zhes pa'i tha tshig go//sems dang ye shes dbyer med pas/ /gnyis med mnyam pa'i khyad par gyis/ /zhes so/ /gang dang gang du mnyam pa dbyer med pa bsgom zhe na/ gzugs dang stong pa'i dbus su ni/ /de bzhin dngos po dngos med do/ /zhes pa de la gzugs ni phyi nang gi dngos po bdag tu 'dzin pa'o//yang na mchod rten gyi gzugs so/ /stong pa ni ye nas dge ba dang mi dge ba'i rgyu las chad par lta ba'o/ /de gnyis med pa'i mnyam pa nyid ces pa'i tha tshig go/ /de nas chos thams cad dngos po yang ma yin dngos po med pa yang ma yin par bsgom par bya'o zhes pa'i tha tshig go//mnyam pa'i sems de'i khyad par ston pa/ gzung 'dzin la sogs pha rol gyi/ /zhes pa ste/ de la gzung ba ni spyod yul lo/ /'dzin pa ni dbang po la sogs pa'o/ /sogs pa'i sgras ni gcig dang du ma la sogs pa'o/ /de dag spangs pa'i sems ni pha rol phyin pa'o/ /bzang byed log pa ma yin pa//zhes pa ni/ de la bzang ba ni dge ba'o/ /log pa ni mi dge ba'o/ /de gnyis kyang spang ba'i sems zhes pa'i tha tshig go/ /de yi dbus su dngos po yi/ /mtshan nyid mtshon pa'i brtan pa thob/ /ces pa ni/ gzugs dang stong pa la sogs pa'o/ /dbus mnyam pa nyid kyi sems thob pa de'i mtshan nyid bsgom par bya mtshon par bya zhes so//de ltar bsgoms pas mchod rten sbyin pa la sogs pa'i mchod pas mchod cing bsgom par bya'o zhes gsungs pa/ sbyin pa tshul khrims bzod sogs pas/ /zhes pa la sogs pa'o/ /chos kyi dbyings mchod rten de bsgoms pa'i yon tan ston 'dod pas gsungs pa/ /chos kyi dbyings kyi ngo bo ni//zhes pa la sogs pa'o/ /da ni dbyings ye shes sbyor 'dod pa'i bcom ldan 'das la zhu 'dod pas phyag na rdo rjes gsol pa/ gsang bar sbyor ba'i mtshan nyid kyi/ /zhes pa la sogs pa ste/ /de la gsang ba ni dbyings dang ye shes so/ /de la dbyings zhes pa ni 'byung ba bzhi pa'o/ /ye shes ni gzugs med pa'o//de gnyis sbyor ba'i thabs zhus pa'o/ /de nyid de nyid mchog de nyid/ /ces pa ni/ /sku gsung thugs kyi de kho na mchog tu gyur pa'i phyir ro/ /de nas lan gsungs gi bcom ldan 'das kyis bka' stsal pa zhes pa la sogs pa ste/ de la dbyings zhes pa ni 'byung ba dang por re zhig rnal 'byor pas bdag nyid rang dgar byed pa'o zhes pa ni rdo rje theg pa'i tshul gyis ni rnal 'byor pas rang gi sems rang bzhin gyis gdul bar bya ste/dka' thub nas mi ma yin no/ /de dper bstan pa/ rta rgod lta bu'i sems de ni/ /mkhas pa yis ni blta bar bya/ /zhes pa ni/ mdun du dul ba'i rta rgod thabs kyis ji ltar kha lo slob pa bzhin du dman pa la 'jug pa'i sems kyang phyin ci log pa'i spyod yul las kha lo bsgyur nas yang dag pa'i 'jug pa la 'jug par bya'o zhes pa'i tha tshig go//yang ji ltar 'dul ba'i dpe dang don gsungs pa/ ji ltar bung ba dus kyi me tog las/ /rgyags pas myos nas sems ni brtan pa bzhin/ /longs spyod kyis g.yengs rnam smin sa bon can//de bzhin sred las drangs nas yid ni bsdam par bya/ /zhes pa ste/ me tog pad+ma'i sdong po'i rtsa ba la chags pa'i bung ba nyi ma thal ba'i dus su/ pad+ma'i 'dab mas bsdams pa sems kyis ma tshor ba bzhin du/ nyon mongs pa can gyi sems kyang dka' thub spangs nas longs spyod kyis g.yeng du bcug ste/sems de yang dag pa gnyis lta med pa'i ye shes dang 'byor nas mya ngan las 'das pa la bkod bar bya'o zhes pa'i tha tshig go/ /'dul ba so sor thar pa'i nang na ni spong ba'i mtshan nyid bdun gyi sgo nas dka' thub ste sems can 'dul bar bstan na/ 'di ni yid kyi sgo nas sems 'dul bar gsungs pa ci'i phyir zhe na gsungs pa/yid bsdams pas ni 'grub 'grub pas/ /zhes pa la sogs pa ste don gong na bshad zin to/ /de ltar yid dbang du gyur pa'i rnal 'byor pas lha mo bsgom pa gsungs pa/ zla ba'i dkyil 'khor dbus gnas par/ /zhes pa la sogs pa ste/ de la phyag rgya chen po snying gar te zhes pa ni byang chub mchog gi phyag rgya'o//sgrogs pa lnga yi mchod rten gyi/ /zhes pa la sogs pa ni/ mgrin pa la yi ge yu yis bsrung bar bya'o zhes pa'i tha tshig go/ /me yi yi ge 'bar ba yis/ /de bzhin chu dang chu min gnyis/ /zhes pa ni/ yi ge k+ShU~M gis pho mtshan dang dri chen 'byung ba'i lam la bsrung bar bya'o zhes pa'o/ /chu shing me tog pad+ma nas dang por bzung nas rgyas par ring du spyod par 'gyur zhes pa'i bar du chu shing me tog rgyas par bya ba ni gong du bshad zin to//de yi dbus su sgo nga zhes pa ni/ chu shing gi dbus kyi sgo nga la snying ste/ sgo nga dang 'dra ba'i phyir ro/ /de'i kha dog gsungs pa/ kun+da dkar dang zla ba'i mdog /ces so/ /de nas sgo nga'i dkyil du sa bon bkod pas gsungs pa/phyogs dang phyogs su phyogs sa bon/ /zhes te/ phyogs kyi sa bon bzhi bkod pa/ /zhes pa'o/ /sa bon gang zhe na/ phyogs gnyis su ni khams bzhi ste/ /zhes pa ni chu dang me dang rlung dang sa'i khams kyi sa bon sru~M kru~M yu~M hu~M bkod par bya'o/ /ye shes kyi sa bon a A a~M aHni ma yin zhes pa'i tha tshig go//phyogs mtshams brtsegs pa'i sa bon bzhi/ /zhes pa ni 'dir yang khams kyi rang bzhin brtsegs pa'i yi ge s+m+r+yuM h+m+r+yuM y+m+r+yuM k+Sh+m+ruM mtshams bzhir bkod par bya'i/ ma ning gi yi ge r-i r-I dang l-i l-I ni ma yin no zhes pa'i tha tshig go/ /dbus su de kho na dmigs nas//ye shes sems kyi ngo bo nyid/ /ces pa ni yi ge de brgyad kyi dbus su ye shes dang rnam shes kyi sa bon hU~M bsgom pa'o/ /yi ge de rnams kyi 'od dang kha dog gsungs pa/ dkar zhing dag pa mnyam pa'i 'od/ /lha mo'i yi ge bsgom par bya/ /zhes so/ /de nas dbyings dang / ye shes sbyor ba'i thabs ston 'dod pas gsungs pa/sems kyi dar dkar bsgom pa ni/ /de nas gzugs ni bshig par bya/ /phyogs dang phyogs su gzhig pa dang / /phyogs mtshams phyogs ni de bzhin no/ /zhes pa ste/ de ltar yig 'bru dgu rang dgar bsgom pa'i rnal 'byor pas phyogs dang phyogs mtshams kyi gzugs kyi rang bzhin yig 'bru brgyad bshigs nas dkyil gyi yi ge hUM la 'dus pa bsgom par bya'o//don de gnyis gsal bar gsungs pa/ thams cad gzugs ni bshigs nas su/ /ye shes rnam shes lhag ma ste/ /zhes pa ste/ phyogs brgyad kun gyi gzugs kyi yi ge bshigs nas/ ye shes dang rnam shes kyi yi ge hUM gcig pu lus par bsgom pa'o/ /'dus ma thag tu hU~M de'i kha dog dang / rang bzhin khyad par du gsungs pa/ chu ni shar gyi phyogs su ste/ /kha dog dkar po 'od kyi mdog /ces pa ste/ yi ge chu'i sa bon dang sbyar ba'i phyir ni/ chu'i rang bzhin dang mdog dkar por 'gyur ro zhes pa'i tha tshig go//ser po 'od du 'bar ba'i me/ /rtag pa ru ni byang du ste/ zhes pa ni/ hU~M gi byang gi ngos me'i sa bon k+Shu~M thim pas me'i rang bzhin dang mdog ser ba'o/ /rlung ni nag po'i kha dog ni/ /nam mkha'i gzugs can nub tu'o/ /zhes pa ni/ de la nam mkha'i gzugs can ni hU~M/ gzugs med ye shes kyi rang bzhin gyi phyir ro/ /rlung de'i nub kyi ngos rlung gi sa bon yuM der thim nas rlung gi rang bzhin dang mdog nag po'o/ /lho yi phyogs ni dmar po ru/ /lho yi phyogs kyi bsam par bya/ /zhes pa la ni/ hU~M gi lho'i ngos sa bon hU~M thim pa'i phyir na/ sa'i rang bzhin dang mdog dmar po'o/ /de gnyis kha dog 'chol ba ni bag la brten pa'i phyir ro//phyogs mtshams 'dren pa'i kha dog gis/ /grwa bzhi dag tu bsam par bya/ /zhes pa ni/ hU~M gi grwa bzhi'i mdog bsres ba'i tha tshig go/ /'di lta ste me'i mtshams ni dkar po dang dmar po bsres pa'i mdog go/ /dbang ldan gyi mtshams ni dkar ser bsres ba'i mdog go//rlung gi mtshams ni ser nag bsres pa'i mdog go/ /bden bral gyi mtshams la ni dmar nag bsres pa'i mdog go/ /de nas dbyings dang ye shes sbyor ba bstan nas/ ye shes de yang gnyis su med pa'i sems la sbyor ba bstan 'dod pas/ bcom ldan 'das kyis gsungs pa/lhag ma'i rnam shes dbus su ni/ /sgong skyes bcas par gzhig par bya/ /zhes pa ste/ de la sgong skyes ni gnyis su med pa'i sems so/ /don ni 'di lta ste/ rnam par shes pa'i yi ge hU~M de gnyis su med pa'i yi ge sems dang bsres nas 'jug par bya ste/ gnyis su med par bsgom par bya'o zhes pa'i tha tshig go/ /'o na hU~M de'i mtshan nyid ci 'dra zhe na gsungs pa/ de yi mtshan nyid mtshon pa yi/ /mtshon pa'i mtshan nyid gzugs med do/ /zhes bya ba'o/ /de'i don gsal bar ston pas yang gsungs pa/ sems kyi dngos po stong pa bas/ / zhes pa la sogs pa ste/ de lta bu'i stong pa rang bzhin gzugs su snang ba ci 'dra zhes/ rnam par mi rtog stong pa'i dbus/ /me stag rdul ni phra mo tsam/ /zhes pa ste/ bdag gzhan dbyer med pa stong pa'i dbus ni me stag dang 'dra ste/ gzugs su snang ba na yangs la lhung ma thag tu med pa bzhin no//A li kA li'i sa bon ni/ /rdul phran mig gi dbus gnas par/ /zhes pa ni rdul phran te/ A li kA li'i sa bon yi ge a'i rang bzhin gnas te/ dang po nas mi skye ba'i rang bzhin gyi phyir ro/ /des na chos kun las 'byung ba/ /a kA ro mu khaM sarba d+ha rmA NAM Ar+ya nut+pan+da twAta ces so//ming dang bral ba'i gzugs dag gis/ thams cad kun kyang rdul zhes bya/ /zhes pa ni/ dbang po las 'das pas na gzugs la 'du shes mi skye ste/ chos kun ming las 'das pa rdul phran gyi rang bzhin du 'dod pa ste/ mya ngan las 'das pa'i phyir ro/ /mya ngan las 'das pa'i phyir ro/ /des na dbyings dang ye shes sbyor ba'i ting nge 'dzin ni yod med ma yin par ston pa/stong pa ru yang mi dmigs te/ /zhes pa la sogs pa de'i dper gsungs pa/ rlung min nam mkha' yang ma yin/ /mnyam par dbus su brtag par bya/ /zhes pa ste/ dper na gzugs rlung rgyu ba ni nam mkha' la ste/ nam mkha' ni rlung mi thogs pa'i stong pa ste/ dper na nam mkha' dang rlung dbyer med pa bzhin du/ gzugs dang stong pa yang dbyer med de/ gzugs gang yin pa yang stong pa'i rang bzhin de ma yin/ stong pa gang yin pa de gzugs kyi rang bzhin de ma yin te/ de ltar logs su med do/ /mnyam par blta bar bya'o zhes pa'i tha tshig go//de ltar klu sgrub zhabs kyis shes rab kyi pha rol tu phyin pa stong pa las gsungs pa dngos po las gzhan stong pa med/ /stong pa las gzhan dngos po med/ /rten cing 'brel par 'byung stong nyid/ /lha khyod kyis ni bstan pa'o/ /zhes so/ /ji ltar rtogs par bya zhe na gsungs pa/bla ma'i lung ni rtogs pa'o/ /zhes pa la sogs pa'o/ /de nas dbyings dang ye shes mngon du gyur ba'i rnal 'byor pas spyod pa dang 'bras bu gsungs pa/ ye shes grub pa'i rnal 'byor pa/ /zhes pa la sogs pa ste/ de la/ kun du rtog pa lus sems rnams/ /gal te yul 'khor srung 'dod na//zhes pa ni/ de la yul 'khor ni phung po dang khams so/ /gal te phung po bskyed 'dod na/ rnal 'byor pa sems can gyi don du sems rnam par rtog nas sems can gyi don du phung po bskyed par bya'o zhes pa'o/ /ye shes dbang po longs spyod rnams/ /dngos grub lus la rang dgar ro/ /zhes pa ni/de lta bu'i ye shes thob pa'i rnal 'byor bas/ gal te 'dod na theg pa 'og ma'i dge sbyong gi 'bras bu rgyun du zhugs pa'i 'bras bu mthong ba'i lam dang bsgom pa'i lam lnga char phyin pas 'bras bu thob po zhes pa'o/ /khams gsum ye shes mthong ba dang / /zhes pa ni dgra bcom pa ste/ khams gsum gyi 'dod chags dang bral ba'i phyir ro/ /de yang gnyis su med pa'i ye shes thob pa'i rnal 'byor pas gal te 'dod na dgra bcom pa'i 'bras bu thob po zhes pa'i tha tshig go/ /dang po'i 'bras bu dang phyi ma'i 'bras bu gsungs pas na/ lan cig phyir 'ong ba'i 'bras bu dang / phyir mi 'ong ba'i 'bras bu yang thob po//don du shes par bya dgos pa'o/ /de gnyis kyang gal te 'dod na rnal 'byor pas thob po zhes pa'i tha tshig go/ /yid kyis rang dga' gnas dag tu/ /gzugs can mkha' la rgyu ba rnams/ /zhes pa ni gnyis su med pa'i ye shes thob pa'i rnal 'byor pas 'jig rten dang 'jig rten las 'das pa 'bras bu sna tshogs gang 'dod pa la spyod do//gzugs can mkha' la thogs pa med par rgyu ba bzhin no zhes pa'o/ /bdag don gyi 'bras bu bstan nas/ gzhan don gyi 'bras bu gsungs pa/ sems can dag ni ci 'dod par/ /myur du mchog ni sbyin par 'gyur//zhes so/ /sems can gyi don ji ltar byed ce na gsungs pa/ lus dang dbang po 'dod pa rnams/ /rang dga' ru ni bdag med byed/ /ces pa ste/ rnal 'byor pas sems can gyi don byed pa la/ lus dang dbang po la sogs pa la/ bdag dang gzhan dmigs pa'i tshul gyis spyod do zhes pa'o//chos kyi dbyings rtogs pa'i rnal 'byor pas mya ngan las 'das par zad kyi gzhan gyis ni ma yin no zhes ston pas gsungs pa/ chos kyi dbyings kyi ngo bo yis/ /zhes pa la sogs pa'o/ /de dag bsgom pa'i rnal 'byor pa'i gnas bstan pa/ ri dang ri khrod nags tshal dang / /zhes pa la sogs pa'o//de nas don bsgoms par 'dod pa'i rnal 'byor bas/ phyin ci log pa'i lus bdud rtsi slong bar byas nas 'grub bar bya'o zhes ston pas gsungs pa/ na ga mu la pa la sha /zhes pa la sogs pa te/ de la na ga mu la ni sbyin pa khyad par can no/ /pa la sha ni rgya skyegs kyi me tog go/ /me mar byas te cha bsnyams te//zhes pa ni/ de la sman cha gsum du bsnyams nas mnyam por bya ba'o/ /du du yin zhe na gsungs pa/ ma ga d+hA'i srang bcu gnyis zhes te/ rdo rje gdan drung yul ma ga d+hA'i srang chen po gsum ka la bcu gnyis bcu gnyis sbyar bar bya'o zhes pa'o/ /ji ltar bza' zhe na/ /ba yi 'o ma bskol ba la//zhes pa la sogs pa'o/ /sman gyi yon tan gsungs pa/ rnal 'byor pa yi lo brgya ru/ /zhes pa la sogs pa ste/ de la 'dul ba srung zhing longs spyod ces pa ni/ de la sman de bsgrub pa la 'dod chags dang / gnod pa'i zas dang chang las lus bsrung bar bya'o zhes pa'o//phyin ci log pa'i lus sman gyis thub na yang dag pa'i rgyur 'gyur pa'i dpe bstan pa/ ji ltar bu mo gzhon nu gtam gyis rmongs nas su/ /zhes pa la sogs pa ste/ don ni 'di lta ste/ 'dod chags la spyad pa la 'jigs pa'i bu mo gtam gyis brid nas spyod pa bzhin du/phyin ci log pa'i lus kyang bdud rtsis slong ba grub na brid de/ yang dag pa'i lam du 'jug par bya'o zhes pa'i tha tshig go/ /da ni le'u bcu drug gi don rtogs na phyag na rdo rje la sogs 'khor de dag thams cad dga' zhing mgu nas bcom ldan 'das rdo rje sems dpa' la bstod pa gsungs pa/de nas rnal 'byor dang zhes pa la sogs pa'o/ /thugs rje chen po'i mnga' bdag rdo rje sems dpas phyag na rdo rje la sogs pa'i 'khor de dag la rnal 'byor gyi gtsug lag gdan bzhi pa'i che ba'i yon tan bstan 'dod pas gsungs pa/ nyon cig rdo rje ji ltar zhes pa la sogs pa'o//de la tshig rkang ci tsam zhes pa ni/ tshigs su bcad pa bzhi cha'o/ /mtho ris zhes pa rgyal chen rigs bzhi la sogs pa'i 'dod pa'i lha ris drug dang / tshangs pa la sogs pa gzugs khams bcu bdun no/ /yang na 'khor lo 'khor lo 'bar/ /zhes pa ni/gser gyi 'khor los sgyur ba'i rgyal po la sogs pa'o/ /gzugs med srid pa'i sems grub po/ /zhes pa ni/ nam mkha' mtha' yas skye mched la sogs pa'o/ /gzugs med pa'i khams bzhi'o/ /rdzogs pa'i byang chub myur thob po//zhes pa ni/ rdo rje sems dpa'i go 'phang mi gnas pa'i mya ngan las 'das pa mngon du gyur pa'o/ /rgyud kyi don rtogs mkhan po yis/ /gsang ba'i gnad 'grel 'di brtsams pas/ /bdag gis bsod nams gang thob de/ sems can kun gyis thob par shog /rgya gar gyi mkhan po dran pa'i ye shes grags pas/ bla ma la man ngag thob pa gdan bzhi pa las/ gsang ba'i gdan gyi rnam par bshad pa mdzad de/ bsgyur zhing zhus nas gtan la phab pa rdzogs so// //

CLOSE WINDOW