128a4 / @##/ /rgya gar skad du/ sarbA r+tha sA d+ha ka badzra g+ho na sA d+ha na nA ma/ bod skad du/ rdo rje phag mo don kun grub pa'i sgrub
128a5 thabs zhes bya ba/rje btsun rdo rje phag mo la phyag 'tshal lo/ /oM hriM g+hA ta ya sarba duSh+Tan hUM phaT swA hA zhes bya bas gtor ma byin nas bsam gtan bya'o/ /lte ba'i dbus su raM gyur pa las me'i dkyil 'khor gru gsum pa/ de'i dbus su pad+ma dmar po 'dab ma bzhi pa/ de'i
128a6 steng du hrIH yig bskal pa'i me lta bur 'bar bar gyur pa'o//de yongs su gyur pa las bdag nyid rdo rje phag mo sku mdog dmar mo/ gcer bu yi dwags kyi gdan la zhabs g.yas brkyang g.yon bskum pas gnas pa/ dbu skra gyen du brdzes pa/ thod pa'i dbu rgyan dang / phyag rgya
128a7 lngas brgyan pa/phyag bzhi'i g.yas pas rdo rje dang lcags kyu 'dzin pa/ g.yon pas kha T+wAM ga bsten cing thod pa dang sdigs mdzub zhags pa 'dzin pa/ zhal gcig ma/ spyan gsum ma/ khro gnyer drag tu gtsigs pa/ 'jigs su rung ma/ gsus khyim che ba dang ldan pa'i
128b1 rdo rje phag mor bsgom par bya'o//'dab ma bzhi la bdud rtsi lngas gang ba'i pad+ma'i snod rnams bsam mo/ /oM badzra bA rA hI A be+e sha ya/ sarba duSh+TAn hrIM swA hA/ nye ba'i snying po'o/ /oM hUM hriM hUM/ snying po'o/ /'bum phrag gcig bzlas par bya'o/ /mnyam par gzhag par gyur pas
128b2 'dir the tshom med par 'grub par 'gyur ro//oM AH hriM hAM haHsngags 'dis bris sku'i drung du sha chen phye mar byas pa'i bdug spos dbul bar bya'o/ /ji srid du zhag nyi shu rtsa gcig gis 'grub par 'gyur te/ rnam pa gzhan gyis ma yin no/ /oM hrIM hAM haHhaHhI hI pheM pheM pheM phaT kyi yi
128b3 ges bdag nyid kyi bdud thams cad zhi ba'i don du mtshan mo gtor ma byin no//mtshan mo gtor ma dang nyer spyod lngas mchod par bya'o/ /gal te gang ci yang rung ba la smra bar bya'o/ /de yang 'dir the tshom med par rdo rje rnal 'byor mas byin gyis rlob par 'gyur ro/ /dpal rdo rje phag mo'i rtog pa
las/

CLOSE WINDOW