126b2 mi bcos su mi rung ba rnams bcos shing don la rton pa nyid du gtan la phab ba'o// @##/ /rgya gar skad du/ kra ma da ya badzra bA rA hI sto traM/ bod skad du/ rdo rje phag mo'i bstod pa rim
126b3 pa gnyis pa/rdo rje btsun mo la phyag 'tshal lo/ /he ru ka dpal mchog tu rab dgyes pa'i/ /'o mtsho yid 'ong zla ba'i 'od byed ma/ /'gyur med bde bas rnam sgeg lha mo yi/ /lhun grub dpal gyis bdag la skyong gyur cig /lha dang lha min gtsug gi nor bu yi/ /'od zer tshogs rnams
126b4 bstar ba'i phreng ba yis//khyod zhabs chu skyes la ni nyer mchod pa'i/ /dbang phyug mdzes mas bka' drin rab tu stsol/ /'jig rten gsum gyi dbang phyug rab stsol bas/ /mchog tu gsal bar gar mdzad zhabs sen ni/ /'jam mnyen sor mo la mdzes rtag pa ru/ /dgyes pas bdag gi spyi
126b5 bor gzhag tu gsol//rab gsal dri med dkyus ring spyan dag dang / /snyan cha phyogs su 'khrol zhing 'dzum zhal can/ /chu skyes dmar po'i mdangs gsal yum gyi gdong / /bdag gi mig la mngon sum mthong ba stsol/ /bdud bzhi'i khrag gis yongs gang ka pA la/ /rab dkar phyag g.yon pad+ma
126b6 la chags pa//yongs rdzogs nyi ma'i dkyil 'khor gnyis kyi dbus/ /zla ba gzhon nu zhugs pa lta bur mdzes/ /lha rnams la ni khyed cag thogs med kyi/ /blo ngan rnam par 'joms zhes dbugs dbyung phyir/ /g.yas pas phyar ba'i gri gug gyen phyogs par/ /'dzin mkhas khyod ni 'gro
126b7 ba'i ma ma'o//rab dmar byi ru'i phung po mngon mtho ba/ /mu tig phreng bas yongs su dkris pa bzhin/ /phyag rgya lnga yis sku la rab brgyan cing / /nu 'bur rgyas pa do shal 'od kyis mdzes/ /kun du 'gro ba'i sdig pa mun pa'i dpung / /'joms shing 'phro bas phyogs bcu kun khyab pa'i/ /'od
127a1 zer tshogs rnams khyod kyis yongs 'dzin pa//ma lus 'gro ba bsgral ba'i ched du lags/ /gru mo'i kha T+wAM rtser son thod pa ni/ /'ching grol bral las rdo rje'i gdan thob ces/ /phreng bar brgyus pa'i mgo rnams dbugs btang nas/ /lha mor 'khyud pas do shal byas
127a2 pa bzhin//gan rkyal bsgyel ba'i mi ro zhabs 'og na/ /khyod la gyen du phyogs par blta ba ni/ /skyabs gzhan bral ba bdag la'ang khyod kyi 'od/ /bdag lta'i mgon du gyur zhes gnas la nyal/ /me tog chun po rnams ni cher gnag pa'i/ /dbu skra sil bur 'phyang la ji ltar btags/ /ngo tsha
127a3 mchog dang sna tshogs dar 'phyang na//gcer bu'i cha lugs dag gis bsnyems pa ci/ /rnam mang rin chen tshogs kyis bkra ba yi/ /mdangs ldan gser gyi rgyan cha spangs nas khyod/ /rgyan mchog mi yi rus pa la bzhed na/ /dgyes phyir rin chen 'bul na ji ltar 'gyur/ /khyod zhal mngon par yid
127a4 'ong gyur na ko//rab khros phag zhal g.yas su ston 'di gang / /khyod sku rnam par sgeg pa'i tshul 'dzin na/ /gcer bu ngo tsha bral 'dra 'di ci zhig /khyod kyi spyod tshul 'jig rten las 'das shing / /rnam lnga'i dbang po bde bas brgyal de'i phyir/ /bstod par gyur kyang khyod kyis gsan ma lags/ /
127a5 de slad bdag gi bstod tshul ci 'drar 'gyur/ /thog med ma rig mun pa btsal ba yi/ /sgron ma g.yo med rab tu sbar ba'i phyir/ /bsam gyis mi khyab gzugs can gsang ba yi/ /chos 'byung snying po'i ze 'brur gnas pa khyod/ /rdo rje chu skyes sbyor ba'i las kyis ni/ /rang gnas las spyod lhun
127a6 po'i khyim dag tu//rtsol med 'bar ba'i glog gis 'khor lo gsum/ /bcom las rnam rtog klong 'khor tshogs zhi ma/ /'dod ma khyod kyi spyan sngar bkod pa yi/ /mchod pa'i rgyan la mi gzigs rol mo'i sgra/ /mi gsan dri bzang mi snom bdud rtsi'i bcud/ /myang dang reg la'ang reg
127a7 mi mdzad a ye//de ni rang gi rje btsun nyid la khyod/ /rjes su chags pa'i gzhan dbang gyur las te/ /de phyir khyod bsgoms pa las stong pa nyid/ /'bras gyur bdag gi skye ba 'bras bur bcas/ /lhun po'i rtser son pad+ma'i sna lam ltar/ /phra ba'i sku yi 'od zer dus mtha'i mes/ /
127b1 kun du bzang po 'jug pa'i nags bsregs nas/ /ri dbang po la mngon par phebs bzhin gnas/ /rab 'bar rtse mo can gyis rgyu skar gyi/ /bdag po bzhu ba las bab bdud rtsi'i char/ /blugs gtor rgyun gyis rnam rtog bag chags bcas/ /ring dor bde chen zab mo'i rgya mtsho thim/ /dmigs
127b2 med thugs rje can khyod yid bzhin gyi//nor bu dpag bsam shing ltar ri dbang las/ /lus can kun la rtag tu 'bad med par/ /dga' dang dpal dang rtag bde sbyin par mdzad/ /skye 'jig dang bral chung ngu chen po dang / /phyin ci log 'das shes rab thabs dag las/ /rtag tu dga' ba dam
127b3 pa rab 'bar bas//bdag gi nyon mongs shes bya'i sgrib pa choms/ /rnam rnams gya gyu'i ngang tshul ldem po can/ /chom rkun lta bur rnam pa mang po'i don/ /nye bar len cing yul rnams za byed pa/ /de phyir sems la ci slad smod mi bgyid/ /'on kyang 'gro spyod kun spangs stong nyid kyi/ /khyim
127b4 du ci dgar zhugs la bde ba che'o//mchog gi ro la khyod ni rol gyur pa/ /e ma'o sems 'di'i nyer len ma lags sam/ /gang tshe steng du song bas rnam gsum gyi/ /'khor lo kun bsregs bde ba chen po ni/ /bzhu zhing bkug las spros pa med pa yi/ /lha mo rang gi gnas su
127b5 yongs su zhugs//de tshe rlung 'di'i rgyu ba gang du byed/ /dbang po phyin ci log pa'ang gang du 'gyur/ /kun nas gya gyu'i sems ni gang du g.yo/ /yul la longs spyod tshul kyang gang du 'gyur/ /bgo ba dang bral mi rus rgyan du byas/ /ro la gnas shing thod pa'i snod 'chang ba/ /dngos po
127b6 bral bas stong par zhugs de'i phyir//mi 'chi las gzhan khyod la dngos ci blang / /'on tang 'gro kun rga shi'i 'jigs pa ni/ /'joms shing skyong ba'i dam bca' bsnyems ma kye/ /bdag kyang rnal 'byor che la shes rab thabs/ /brtan las phyag rgya chen po'i dngos grub stsol/ /khyod la
127b7 dad pas bstod par rab brtson pa//blo dman bdag gi nongs sam nyes med srid/ /gang phyir khyod nyid 'gro ba'i mgon gyur slad/ /nongs na'ang mchog gi ma mas bzod par rigs/ /khyod la bstod pa'i dge ba dri med gang zhig ni/ /bdag gis thob pa de yis srog chags phung po rnams/ /
128a1 mi dman rab dga'i dga' bas rtag tu snying gtams nas/ /phyag rgya chen po'i dngos grub dam pa rnyed gyur cig /rdo rje phag mo'i bstod pa rim pa gnyis pa zhes bya ba/ rdo rje btsun mo 'di nyid kyis mngon sum du byin gyis brlabs pa'i grub pa'i dbang phyug /rgya gar
128a2 shar phyogs kyi paN+Di ta chen po shrI ban rat+na'i zhal snga nas kyis mdzad pa rdzogs so// //paN+Di ta chen po de nyid dang / chos 'khor lo tsA ba 'jam dpal ye shes kyis 'bras yul nor bu'i gling du bsgyur ba las/ phyis mi 'phrogs pa'i mkhyen pa dang dad pa rnam par dkar
128a3 ba'i lugs gnyis kyi dbang phyug dam pa a mo g+ha sid+d+his bkas gnang ba las/paN+Di ta chen po de nyid kyi bka' drin gyis 'tsho ba'i dge slong chos smra ba rgya mtsho'i sde zhes bya bas mi bcos su mi rung ba rnams bcos shing don la rton pa nyid du gtan la phab pa 'di ni/ lho phyogs kyi ri
bo'i rgyud rin po che'i gling skal bzang dga' ba'i tshal zhes bya ba'i mdun sa dam par grub par bgyis pa shu b+ham stu sarba dza ga taM/

CLOSE WINDOW