CLOSE WINDOW

D1595
བོད་ཡིག

/rdo rje 'phrul mo che la phyag 'tshal bstod/ /dpal rdo rje rnal 'byor ma la bstod pa paN+Di ta chen po dI paM ka ra shrI dz+nyA nas mdzad pa rdzogs so// //paN+Di ta de nyid dang / lo tsA ba khu ne tsos bsgyur ba'o/ /[]@##/ /rgya gar skad du/ badzra bA rA hI saM k+Shi b+ta sto tra/bod skad du/ rdo rje phag mo'i mdor bsdus pa'i bstod pa/ rje btsun ma sgrol ma la phyag 'tshal lo/ /mkha' 'gro bye ba'i gtso mo ste/ /nyi ma bye ba'i 'od mnga' zhing / /thod pa lcags kyu gri gug gis/ /g.yas pa'i phyag rnams rnam par brgyan/ /kha T+wAM zhags pas mgo bo ni//g.yon pa'i phyag tu rab tu grags/ /dus kyi mtshan mo mnyam mnan cing / /gar thabs kyis ni nye bar brgyan/ /mche ba cung zad rnam gtsigs shing / /dzA ba'i me tog lta bur dmar/ /gshin rje brtan sogs rnal 'byor ma/ /pad+ma'i 'dab mar gnas pas brgyan/ /rdo rje phreng ba'i nang du ni//dur khrod brgyad kyis rnam par brgyan/ /lha rdzas bde ba myong ba yi/ /'jig rten skyong rnams phyag kyang 'tshal/ /gzhan yang bran pho bran mo rnams/ /thal mo sbyar ba byas nas gnas/ /sangs rgyas kun gyi yum 'di ni/ /rdzu 'phrul dngos grub mchog rnams stsol//lha la sogs pa thar don du/ /khyod nyid la ni skyabs su mchi/ /snying rje khu ba'i sems kyis ni/ /lha yi spyan gyis rnam gzigs nas/ /de la mchog gi gsol don du/ /phyogs rnams su ni rnams bzhugs shing / /blo chen ldan pa'i grub pa po/ /dngos grub snod ni su gnas shes//mkha' 'gro ma sogs lhan cig tu/ /phyag rgya'i dngos grub stsol mdzad pa/ /rdo rje phag mo phyag 'tshal bstod/ /lha mo'i yon tan rgya mtsho ni/ /bskal pa bye bar brjod mi nus/ /mdor bsdus nas ni cung zad cig /bdag gi dad pas nges par byas/ / byang chub snying po'i bar du ni/ /bdag ni rtag tu skyabs su mchi/ /bdag dang sems can bsod nams des/ /dngos grub dam pa stsol bar shog /rdo rje phag mo'i mdor bsdus pa'i bstod pa a b+hi sang ka tas mdzad pa rdzogs so// //paN+Di ta ngag gi dbang phyug dang / klog skya lo tsA bas bsgyur ba'o/

CLOSE WINDOW