113a5 dpal rdo rje rnal 'byor ma'i sgrub thabs/ rje dI paM ka ra shrI dz+nyA nas mdzad pa rdzogs so// //paN+Di ta de nyid dang / lo tsA ba rgya brtson 'grus seng ges bsgyur ba'o/ /[]@##/ /rgya gar skad du/ badzra yo gi ni sto tra/ bod skad du/
113a6 rdo rje rnal 'byor ma la bstod pa/ dpal rdo rje rnal 'byor ma la phyag 'tshal lo/ /bcom ldan 'das ma rdo rje rnal 'byor ma/ /stong nyid snying rje ldan pa'i bdag nyid can/ /bskal pa'i me 'bar 'jigs pa'i hUM sgra sgrogs/ /rdo rje gtum mo de la phyag 'tshal bstod/ /phag
113a7 gdong rtog med chos sku 'gyur med ston//khro mo thugs rjes 'gro ba'i don mdzad ma/ /'gro don rdzogs mdzad mdzes pa'i cha lugs can/ /rtog med 'gro don mdzad la phyag 'tshal bstod/ /rab 'jigs dpa' mo ma rungs tshar gcod ma/ /spyan gsum mche
113b1 gtsigs sku gsum don dang ldan//nyon mongs gcod mdzad 'jigs pa'i nga ro can/ /bdud 'dul 'joms pa'i sku la phyag 'tshal bstod/ /skra grol gcer bu skyon bral 'jigs pa'i gzugs/ /nyon mongs skyon bral sems can don mdzad ma/ /thugs
113b2 rje'i lcags kyus 'gro drug gnas nas 'dren//phrin las rdzogs mdzad de la phyag 'tshal bstod/ /dur khrod gnas bzhugs ru tra pho mo 'dul/ /drag mo 'jigs tshul phaT kyi sgra sgrogs shing / /thabs mkhas thugs rjes 'gro ba'i don mdzad ma/ /bdud
113b3 'dul drag mo'i sku la phyag 'tshal bstod//chos nyid don rtogs 'ching ba'i tshul spangs kyang / /ro dang nyi zla pad+ma gdan gyi yul/ /rgyan rnams kun gyis rab mdzes khro mo'i sku/ /yon tan rdzogs mdzad de la phyag 'tshal bstod/ /gri gug thod
113b4 pa kha T+wAM phyag na bsnams//nyon mongs gcod mdzad ye shes don dang ldan/ /dug gsum gcod mdzad sku gsum lhun gyis grub/ /'gro ba'i don mdzad de la phyag 'tshal bstod/ /bde chen rang byung rdo rje mkha' 'gro ma/ /mi 'gyur ye shes rdo rje chos
113b5 kyi sku//rtog med spros bral ye shes chos dbyings don/ /yang dag gnyis med sku la phyag 'tshal bstod/ /lha mo drug gi rang bzhin rdo rje rigs/ /dpal 'bar 'jigs mdzad khro tshul 'gying bag can/ /bde chen rang byung phyag rgya chen po'i don/ /nyon mongs sgrol
113b6 mdzad de la phyag 'tshal bstod//kun rdzob don dam rang bzhin phag mo ste/ /sku mdog dmar pa thugs rje'i rang bzhin can/ /'dod dgu phun tshogs rdo rje mkha' 'gro ma/ /bde chen rang byung sku la phyag 'tshal bstod/ /dur khrod rgyan rnams sku la rdzogs pa ste/ /
113b7 gri gug kha T+wAM phyag mtshan so sor bsnams/ /thugs rje'i rang bzhin skra grol thur du sbud/ /spyan dmar 'jug zhal de la phyag 'tshal bstod/ /phrin las grub pa'i rdo rje mkha' 'gro ma/ /bde ba'i gnas su 'dren pa'i thugs rje can/ /skyon bral yang dag lha yi lhar
gyur pa/

CLOSE WINDOW