110a2 /rnal 'byor ma zhal gnyis ma chung ngu zhes kyang bya/ don bsdus kyi dmar chung ma zhes kyang bya ba tri sa ra has mdzad pa rdzogs so/ /[]@##/ /rgya gar skad du/ rat+na a laM kA ra sid+d+hi/ bod skad du/ rin po che rgyan gyi
110a3 sgrub pa/dpal rdo rje mkha' 'gro la phyag 'tshal lo/ /stong nyid snying rje dbyer med cing / /zab dang rgya che'i bdag nyid can/ /rnam thar sgo gsum rang bzhin gyis/ /rdo rje rnal 'byor ma la 'dud/ /o D+ya na yul nas byung ba yi/ /brgyud pa'i rim bzhin ma chad pa'i/ /rnal 'byor
110a4 ma ni 'dod de'i gzhung //rin chen rgyan gyi sgrub pa bshad/ /de la rnal 'byor pa dbang bskur thams cad rdzogs shing / /u las o D+ya na du bsams la/ stan bde ba la 'dug ste/ rnal 'byor ma'i tshogs mnyes par bya'o/ /de nas dag pa gsum la sogs pa brjod nas/
110a5 stong pa nyid kyi rang bzhin du bsams la/ de la sngon gyi bla ma'i man ngag gis/ dbang bskur ba'i rim pas de'i don du dmigs la/ rdo rje rnal 'byor mar bsam par bya'o/ /de nas rdo rje 'dzin pas byin gyis brlabs te/ khrus bya'o/ /de nas srung ba la sogs pa rim bzhin byas te/
110a6 mchod par bya'o/ /de la mchod pa'i rten me long la sogs pa'i snod gtsang mar/ sin+d+hu ra dang khu ba dang khrag dang til dang dri chus ri mo gru gsum brtsegs mar bya'o/ /de'i dbus su mi shigs pa dang skye ba med pa'i tshul gyis dgod par bya'o/ /de la rnal 'byor ma'i sngags kyis
110a7 bskor bar bya'o//'dab ma'i nang du rnal 'byor ma'i sngags bri bar bya'o/ /de'i phyi rim du go cha'i sngags gzhag par bya'o/ /de rdo rje 'dzin pa'i steng du bzhag nas bsgom pa'i rim pas tshogs bsags par bya'o/ /de nas bdag gi g.yon du rdo rje rnal 'byor ma bzhag la/ de
110b1 la rang bzhin gyi rnal 'byor ma spyan drangs te/dgug pa dang gzhug pa dang bcing ba dang dbang du bya'o/ /de nas dzaH zhes brjod de/ rnal 'byor mas bdag bskul bar bya'o/ /de nas mchod pa sna tshogs pa dag gis mchod par bya'o/ /de'i dkyil 'khor de la 'dug pa
110b2 rnam pa sna tshogs kyi 'khor los mnyes par bya'o//de nas phyag 'tshal ba dang bstod de/ sdig pa bshags pa la sogs pa bya'o/ /de dag ni tshogs bsag pa'o/ /de nas lus gzhal yas khang du bsams la de'i lte bar baM las zhu ba dang / bde ba las sam/ stong
110b3 pa'i brda 'od kyi ri mo las bcom ldan 'das ma phag mo zhal gnyis pa phyag gnyis pa phag gdong khro mo zhal gnyis la rdo rje phreng bas thod byas pa//sna tshogs rdo rje g.yung drung 'khyil bas brgyan pa/ smin ma rdo rjes g.yengs pa/ phyag g.yas na gri gug /g.yon pas
110b4 thod pa bsnams pa/sku mdog dmar nag 'od zer 'phro ba/ thod pa'i rgyan can/ lus bde bas rgyas pa bsam par bya'o/ /de'i don yid la byas pas de'i lus gzhal yas khang du gyur te/ de'i lte ba'i gnas stong pa las rdo rje rnal 'byor ma bskyed par bya'o/ /
110b5 de las dbugs lte ba las dal gyis drangs la/ slar de ru bcug pas stong pa nyid du bsgyur te/ de las zhal gcig phyag gnyis pa'i rdo rje rnal 'byor ma bsam la/ de'i rigs las zhal gcig phyag gnyis pa'i dpal he ru ka /g.yas ba na rdo rje g.yon
110b6 pa na thod pa bsnams pa bsams la/gnyis med du gyur par bsam mo/ /de'i lte bar gru gsum dkar la dmar ba'i rgyan can/ de'i dngos su rtog pa mtha' dag 'byung ba'i rgyu sku lan bzhir 'khor bar bsam par bya'o/ /de ltar cung zad bzhag la rjes su mthun pa'i
110b7 btsun mo gang rnam pa rang bzhin gyis bsgom par bya'o//de dang lhan cig gnas la rlung ma dang gnyid ma rtse sprad tsaN+Da lI drag la yun thung ba'am/ dal la yun ring ba sbar bar bya'o/ /lte ba'i 'khor lo 'khor bas 'od kyi ri mo las me byung bas/ snying ga'i 'khor lo 'khor
111a1 de'i spyi bor 'khor lo 'khor bas 'od kyi me byung bas/haM zhu bas lus thams cad khu bas rgyas par bsam par bya'o/ /de nas lus thams cad kyi bde ba phyogs gcig tu dmigs la bsgom par bya'o/ /bde ba'i ro la chags par gyur na dpral ba'i gnas su
111a2 bru gsum gyi rnam par nam mkha' dmigs pa'i sbyor bas mi rtog pa bsam par bya'o//de nas bdag gi snying gar ro la gnas pa'i phag mo'i shes pa mar me ltar gsal ba bsgom/ mar me yang mar me'i rtse mo la rim gyis stong par bcug la de la he ru ka bskyed la/ de rang snang ba'i
111a3 rig mar bcas pa zhal bzhi phyag bcu gnyis par bsgoms te/rlung ma dang gnyid ma rtse sprad rim gyis byang chub kyi sems phab nas gsang ba rdo rje'i sbu gur phyin pa dang / dpe'i lhan cig skyes pa'i tshul gyis mthar phyin pa dang / lus bshig ste gyur pa'i bskyed pa'i rim pas gnas te/
111a4 hUM dal gyis brjod pa dang / rlung dang lhan cig tu drangs pas lte bar gnas te/ dga' ba'i rang bzhin du bsgom mo/ /de bzhin du mgrin pa dang / snying gar oM bcug la bsam par bya'o/ /de yang bde ba rang bzhin med par byas te/ rnam pa'i tshul gyis drangs te sbyang
111a5 bar bya'o//de dang lhan cig 'od du zhu ba las rdo rje 'dzin pa chen po'i rang bzhin du 'gyur ro/ /slob ma gzung bar 'dod na/ slob mas lan mang bar gsol ba 'debs pa de gzung bar bya'o/ /de yang bsrung bar bya ste/ sngags phog nas snod kyi rim pas lhar bskyed la
111a6 bzlas par bya'o//de nas tshes bcu la mchod pa bya ste/ maN+Dal sngon du song bas yon phul la/ slob ma mdun du bzhag la/ bdag la gnyis su phye nas slob ma'i spyi bor gnas te/ de 'od du zhu ba las bcud du gyur te/ slob ma las snga ma bzhin du g.yon pa'i
111a7 'khor lo bsgom par bya'o//de nas dril bu dkrol nas mi rtog pa la gnas par bya'o/ /mthar bslang ste phyag byas te dpa' bos kyang bcud du gyur par bya'o/ /des dril bus kyang skye ba med pa'i brda bya'o/ /ci bde bar gnas par bya'o/ /man ngag las ni thob pa bzhin
brgyud pa'i rim pas bris pa yin/

CLOSE WINDOW