CLOSE WINDOW

D1589
བོད་ཡིག

/ //phreng ba rig pa 'dzin ma'i rim pa'i rjes su gnang ba sbyin pa'i cho ga rdzogs so// @##/ /rgya gar skad du/ shi Sh+ya a nu grih+na bi d+hiH/ bod skad du/ gzhan don slob ma rjes su bzung ba'i cho ga /rdo rje rnal 'byor ma la phyag 'tshal lo//de nas gsang ba bshad par bya'o/ /bla ma'i bka' drin rjes dran nas/ /sna tshogs sgrub thabs 'grub don du/ /slob ma 'bebs pa'i cho ga mchog /dang po re zhig slob dpon gyis slob ma rjes su gzung ba'i don du 'am/ shrI he ru ka zhes bya ba'i yi ge bzhi pa'i don dang ldan pa'i rnal 'byor pas/rang yid dang mthun pa'i gnas 'jam pa'i stan la sogs pa'i gnas su lag pa'i sor mo rnams la sngags bkod la/ bdud rtsi lnga dang yang dag par ldan pa'i btung ba bzang po pad+ma'i snod du bzhag la/ cho ga ji lta ba bzhin sbyangs te pad+ma'i zhu ba'i rdzas kyis bdag nyid khrus bya'o//de'i rjes su gnas dang / bdag dang rnal 'byor bsrung ba'i don du/ se gol gtogs pa sngon du 'gro bar byas la/ sum+b+ha la sogs pa gdong bzhi pa'i sngags kyi sgras mtshams bcad pa dang / go cha'i sngags drug dgod pa dang / dag pa gsum gyi sngags brjod pa de nyid kyis sems bsrung bar bya'o/ /de'i rjes su yongs su dag pa'i sa gzhi la khru gang tsam gyi maN+Dal byug par bya ste/ tsan+dan dmar po la sogs pas zur drug pa'i tsakra bris te/ de'i dbus su rdo rje rnal 'byor ma'i sa bon dgod/zur drug po la 'khor los sgyur ba'i sngags dgod pa sngon du 'gro bas man ngag ji lta ba bzhin du skad cig gis dpa' mo drug dang ldan pa'i bcom ldan 'das ma'i dkyil 'khor bskyed la/ de nas phyi rol du khwa gdong ma la sogs pa rnam pa brgyad dang /dur khrod brgyad kyis brgyan pa bsam par bya'o/ /de nas ar+g+ha la sogs pas yang dag par mchod/ de nas ye shes kyi 'khor lo cho ga bzhin du dgug pa dang / gzhug pa dang / bcing ba dang / dgyes par bya ba dang / sku gsung thugs kyi byin gyis brlab pa la sogs pa dang /bdud rtsi myang ba'i mthar bstod pa dang / bzod par gsol bar bya'o/ /sngon du bsnyen pa'o/ /de nas slob ma rjes su gzung ba'i don du tshes bcu la de bzhin du maN+Dal byugs pa'i dbus su lha'i btung ba bzang pos bkang ba'i dbyangs kyi snod yang dag par bzhag la/de'i steng du khar ba'i snod dri ma med pa gur gum la sogs pas phyis las sin+d+hu ra'i phye ma btsags la/ gser gyi smyu gus cho ga bzhin du mngon par bris te/ ye shes kyi 'khor lo dgug gzhug byas la/ mchod pa la sogs pas yang dag par mchod la/de'i rjes su bcom ldan 'das ma rdo rje phag mo'i rkang pa brgyad pa dang ldan pa dang / rdo rje dril bu sngon du 'gro bas bstod la/ ras dmar pos g.yogs la gzhag go/ /de nas phyogs skyong rnams la gtor ma phul yi ge brgya pa lan gsum brjod la bzod gsol bya'o zhes slob ma rjes su gzung ba'i phyi'i mchod pa'i cho ga'o// //de'i rjes su mtshan nyid dang ldan pa'i bum pa yang dag par gzhag par bya'o/ /ras dmar po'i mgul chings bya ba dang / tsU ta la sogs pa'i lo ma dang ldan pa dang / rin po che lnga dang / sman lnga dang /'bru lnga dang ldan par byas pa de nyid grub pa'i 'khor lo la ye shes 'khor lo dgug gzhug la sogs byas pa la/ ar+g+ha la sogs pa'i mchod pa mthar phul la/ sku gsung thugs byin gyis brlab pa la sogs pa dang / dbang bskur ba dang / bdud rtsi myang ba'i bar cho ga bzhin du byas la/mchod yon la sogs pas yang dag par mchod la rkang pa brgyad pa'i sngags kyis bstod pa bya'o/ /me tog dmar po'i phreng ba dang ldan pa'i rdo rje bum pa'i khar bzhag la/ de dag gi sngags ji srid 'dod pa'i bar du bzlas la/ me tog dmar po gtor bas 'khor lo de nyid zhu/de nyid kyi ngo bor blta bar bya'o zhes slob ma rjes su gzung ba las bum pa lhag par gnas pa'i cho ga'o// //de nas de'i rjes su bla ma dang sangs rgyas dag la mi phyed pas gus pa'i yid can slob ma dam pas maN+Dal byas la yang nas yang du gsol ba gdab pa ste/sangs rgyas kun gyi rang bzhin sku/ /bla ma la ni skyabs su mchi/ /dpal ldan rdo rje rnal 'byor mas/ /bdag ni byin gyis brlab tu gsol/ /byang chub rdo rje sangs rgyas la/ /mchod chen ji ltar stsal ba ltar/ /bdag kyang rjes su drang ba'i phyir/ / nam mkha'i rdo rje bdag la stsol/ /zhes so/ /tshes bcu'i dus su thugs rje dang ldan pa'i bla mas slob ma'i lag pa nas bzung la 'di skad gsungs so/ /rtog pas g.yogs pa'i sems kyis ni/ /legs pa'i sangs rgyas phyir bzlog ltar/ /dang ba'i chu yis bkrus pa'i sems//phan pa'i sems kyis 'dir gzhug bya/ /dad pa med pa'i sems can la/ /dkar po'i chos rnams mi 'byung ste/ /ji ltar sa bon tshig pa la/ /myu gu sngon po skye mi srid/ /ces gsungs so/ /de ltar slob ma dad ldan gyis/ /gsang sngags byin rlabs bsgrub pa la//yon dang bcas pas phyag byas nas/ /thal mo sbyar te spyi bor bzhag /de yi rjes su slob dpon gyis/ /bum pa'i chu ni gzung byas nas/ /cho ga bzhin du khrus byas la/ /de nas ras dmar pos gdong bcings la thal mo snying gar sbyor du bcug ste/au D+ya na gyi gnas su kha bltas te/ cho ga bzhin du slob ma bzhag la/ de nas suM b+ha la sogs pa'i sngags kyi sgras bsrung ba dang / mtshams bcad pa byas la/ mnyam par bzhag la/ rkang 'og rlung gi dkyil 'khor ni/ /gzhu yi dbyibs can du ba'i mdog/ / de steng sprul pa'i 'khor lo ru/ /gru gsum me ni 'bar ba ltar/ /phung po la sogs dri dag phyir/ /dag pa'i sngags ni brjod par bya/ /rang gi phung po sgyu ma bzhin/ /sprul pa ru ni yang bsgrub bya/ /skad cig gis ni lha mo bsam/ /phag mo snying rje'i bdag nyid can/ / kun nas kun du skad cig ste/ /skad cig gis ni gsang sngags brjod/ /sprul pa'i 'khor lo la song sems/ /g.yung drung 'khyil pa dge bar blta/ /smin mtshams gnas pa'i thig le ni/ /drag tu 'khor ba'i 'khor lo ltar/ /phyag rgya gnyis kyi sbyor ba yis/ /so sor bsdu ba'i rim pa'o/

CLOSE WINDOW