CLOSE WINDOW

D1588
བོད་ཡིག

/ //paN+Di ta de nyid dang / lo tsA ba rin chen bzang pos bsgyur ba'o// @##/ /rgya gar skad du/ bid+yA d+ha ri ke li badzra yo gi nI A dz+nyA bi d+hiH/ bod skad du/ rig pa 'dzin ma rtsen ma'i rdo rje rnal 'byor ma'i rjes su gnang ba'i cho ga /dpal rdo rje rnal 'byor ma la phyag 'tshal lo//lhan skyes bdag nyid sku can gyi/ /rdo rje rnal 'byor ma gus 'dud/ /bla ma brgyud pa las 'ongs pa/ /yang dag rab ster cho ga bshad/ /dpal phreng ba'i rig pa 'dzin pa'i rdo rje rnal 'byor ma'i rim pas slob ma rjes su gzung bar 'dod pa'i rnal 'byor pas nag po'i phyogs kyi tshes bcu la dben pa nyams dga' bar bdud rtsi la sogs pas yongs su gtor ba'i gnas su bla re la sogs pas nye bar brgyan/sin+d+hu ra'i phye mas gru bzhi'i maN+Dal byas la/ de'i dbus su chu skyes 'dab ma brgyad pa'o/ / der rdo rje 'chang gi snod kyi steng du sin+d+hur bzang po'i phye mas yongs su gang ba'i dri ma med pa'i me long gi steng du gser gyi thur mas lag pa g.yon pas bcom ldan 'das ma'i gzugs mngon par bri bar bya'o/ /'khor lo'i phyi rol du yang / bdud rtsi lnga dang bsres pa'i chus yongs su gang ba'i lo 'dab kyis brgyan pa/mgrin pa gos kyis dkris pa'i bum pa lnga'am/ yang na ka pA la bdud rtsis bkang ba rnams bcom ldan 'das ma'i sngags kyis mngon par bsngags nas phyogs bzhir gzhag par bya'o/ /de nas sngon du bsnyen pa 'bum byas pa'i rnal 'byor pa kha nub tu phyogs/bdud rtsi lnga'i ri lu khar bcug la/ lag pa g.yon pa go cha'i sngags kyis sbyangs pa'i sngon du yi ge gsum brjod pas bdud rtsir byas pa'i chang gis yan lag bkrus pas srid pa'i rgya mtsho las 'gro ba ma lus pa drang bar 'dod par lha mo'i rnal 'byor bsgom par bya'o//de nas rang gi snying ga'i sa bon gyi 'od zer gyis drangs pa'i ye shes kyi lha mo me long la bris pa'i bcom ldan 'das ma la rab tu bcug nas bza' ba dang / ston mo dang / btung ba dang chang dang / sha dang / khu ba'i khyad par rnams dang / rnam pa sna tshogs pa'i 'bras bu rnams dang /chu las skyes pa dang thang las skyes pa'i me tog rnams dang / gtor ma dang lha bshos rnams dang / mar me'i phreng ba mang pos kyang yang dag par mchod de bstod nas rkang pa brgyad pa'i sngags brjod pas bdud rtsis tshim par bya ste/ rnal 'byor ma'i tshul la mos pa'i slob ma 'jug pa'i don du bcom ldan 'das ma la gsol ba gdab par bya'o//bcom ldan ye shes mchog rdo rje/ /rig 'dzin rgyal mo la phyag 'tshal/ /snying rje'i bdag nyid dkyil 'khor du/ /slob ma 'jug par 'tshal lags na/ /ji ltar rgyal ba kun gyis khyod//ye shes rgya mtsho byin brlabs pa/ /de bzhin du ni ye shes ros/ /sems can 'di la byin brlab rigs/ /zhes so/ /de nas rnal 'byor ma rnal 'byor ma'i grogs dang ldan pas slob ma dkyil 'khor gyi khang par bcug ste/ maN+Dal gsum byed du bcug nas gsol ba gdab par bya'o//ji ltar rdo rje sems dpa' yis/ /'gro ba byang chub sgrub pa'i thabs/ /ye shes rdo rje rnal 'byor mar/ /thams cad rig par rang rig byin/ /de bzhin bdag la mgon po kye/ /da lta nyid du sbyin par rigs/ /zhes bya ba lan gsum bklag par bya'o//de nas phyogs bzhir maN+Dal byed du bcug nas bcom ldan 'das ma la yang slob mas gsol ba gdab par bya'o/ /lha mor lus ngag yid kyis su/ /ye shes rgyal po khyod phyag 'tshal/ /ji ltar sangs rgyas stobs chen gyis/ /thams cad ye shes byin rlabs kyis//de bzhin bdag rgyud dag pa la/ /ye shes rgyun gyis mdzad du gsol/ /bya'o/ /de nas slob ma la bum pa'i chus mngon par gtor te/ lha mo'i gzugs su rnam par bsgom par bya'o/ /cho ga'i sngags kyis yongs su bsrungs te/ /sku gsung thugs byin gyis brlabs nas/mig la sogs pa la yang byin gyis brlabs par byas la/ yang dag par yang mchod de lcags kyu sbyin zhing bdud rtsi 'thung du gzhug par bya'o/ /de nas dkyil 'khor gyi nub kyi char nye bar 'dug ste/ slob mas lha mo'i gzugs su bsgoms nas rnal 'byor ma'i lag pa g.yon pas mgo bor rtsa ba'i sngags kyis byin gyis brlab par bya'o//bla mas kyang ye shes kyi chus yongs su gtor ba dang / /lus bde ba chen pos yongs su gang ba dang / rtsa ba'i sngags brjod pa sngon du song bas dril bu dkrol zhing bla ma'i man ngag gis ye shes kyis byin gyis brlab par bya'o//de ltar byas pas mtshams med pa byed pa yang ye shes kyis byin gyis brlabs par 'gyur na/ slar yang bsod nams dang ldan pas lta ci smos/ de nas pus mo g.yas pa sa la btsugs pas gnas te/ ye shes lnga'i bdag nyid kyi rdo rje lag pa g.yas par byin nas/bdud rtsi lngas yongs su gang ba'i thod pa yang lag pa g.yon par byin te/ rkang pa g.yon pa sa la brdabs pas 'gro ba thams cad la bde ba chen po babs pas bdud rtsir gyur te/ dngul chu lta bur thod pa'i nang du zhugs par bsams nas/ thod par gnas pa'i bdud rtsi 'thung du gzhug par bya'o/ /de nas bcom ldan 'das ma'i sgrub thabs bla ma brgyud pa las 'ongs pa'i man ngag kyang brjod par bya'o/ /de nas bcom ldan 'das ma sin+d+hu rar son par bya'o/ /de las 'od 'phros pas mkha' 'gro ma lnga'i gzugs la mchod pa dang /bstod pa dang bdud rtsi myang bas mnyes par bya ba ste/ gtor ma'i mchod pas kyang mnyes par bya'o/ /bza' ba dang ston mos kyang ngo / /nya sha la sogs pas yongs su gang ba'i gtor ma'i snod la yi ge gsum gyis byin gyis brlabs pas bdud rtsir gyur pa la sngags 'di yin te/oM badzra he ru ka ma hA badzra A kaR+Sha ya/ A kaR+Sha ya/ pra be shA ya/ pra be+e shA ya/ to ShA ya to ShA ya/ sar+b+ba DA ki nI naM hr-i da yaM hUM phaT/ oM sarba bud+d+ha DA ki nI pra tI ts+tsha maM ba liM hUM oM/ /oM badzra DA ki nI pra tI ts+tsha maM ba liM hUM hUM/ oM rat+Na DA ki nI pra tIts+tsha maM ba liM hUM trAM/ oM pad+ma DA ki nI pra tIts+tsha maM ba liM hUM hrIH/ oM bi shwa DA ki nI pra tIts+tsha maM ba liM hUM aH/ oM sarba yo gi nI pra tIts+tsha maM ba liM hUM hUM ha ha hi hi oM dzaHhUM baM hoH/ badzra yo gi nI sa ma ya s+t+waM dr-i sh+ya rak+Sha hoHzhes bya'o/ /de nas mchod par dang / bstod pa dang / bdud rtsi myang ba byas nas bzod par gsol te/yi ge brgya ba'i sngags kyis mnyes par byas nas mngon par 'dod pa'i dngos grub blangs te/ oM badzra muHzhes bya ba'i sngags kyis gshegs su gsol ba ni ye shes kyi lha mo bdag nyid la 'jug par bya'o/ /de nas ji ltar nus pa'i tshogs kyi tsakra la sogs pa dga' ston chen po bya'o//gnas sbyin cho ga bshad pa las/ /bsod nams nye bar bsags pa gang / /de yis skye bo ma lus rnams/ /lha mo'i ye shes la gzhol shog/ /bla ma brgyud pa'i man ngag gi rim pa mkhas pa chen po rgyal ba'i sde ming gzhan gyi khang pa gsar pa zhes bya bar brjod pas bris pa'o/

CLOSE WINDOW