CLOSE WINDOW

D1585
བོད་ཡིག

@##/ /rgya gar skad du/ mar+m+ma ka li kA nA ma ta twa dz+nyA na saM sid+d+hi pany+tsi kA/ bod skad du/ de kho na nyid ye shes yang dag par grub pa'i rgya cher 'grel pa de kho na nyid bshad pa zhes bya ba/ rdo rje phag mo la phyag 'tshal lo/ /gtum mo'i byed pa rol pa skye gnas las rtogs gyen du rol pa'ang rang 'byung gi//gzugs brnyan 'byung ba bde ba chen por 'phro ba rang gi khong du chud phyir rol/ /chu skyes mchog tu gshegs shing myang 'das rtogs pa thob pa'ang myur zhing myur bar ster/ /rtogs pa gnyis med mchog tu lhan cig skyes pa kun du dga' la bdag cag 'dud//chu gter grub pa'i gru ltar mi 'khrugs 'dir ni mnga' bdag mkha' tsam rnyed la chags/ /'gro ltar des bcings thun gnyis rol te rdo rje rol ma'i rtogs pa'i yan lag las/ /de rnams slob la kun du dang po thabs kyi rig pa mchod/ /rdo rje lha mo zab don zab pa kun du dga' ba 'khyil//rgya cher 'grel ba'i tshig tsam bshes gnyen gyis ni rtogs pas bya/ /mi shes don du bshes gnyen nyid kyis rab tu gsal bar byed/ /don dam zab mo'i rnam bshad mi mtshungs bla na med pa 'di/ /gal te 'di ni dgrol bar bya yi gus pa tsam yang mdzod//de la bde mchog sdom pa rgya mtsho mngon par mi snang ba las byung ba'i bcom ldan 'das ma rdo rje dgyes pa'i rol mas slob dpon ting nge 'dzin rdo rje rjes su bzung nas des kyang bla ma dam pa'i zhabs kyi pad+ma las gdams pa blangs pa/ rgyu 'bras gnyis kyi rang gzugs gtum mo'i gzugs can lhan cig skyes pa'i gzugs kyi rang bzhin gyi dpal ldan rdo rje phag mo'i sgrub thabs mchog tu gyur pa'i yon tan bsam gyis mi khyab pas brgyan cing mdzes pa 'di mdzad do// //de nas rdo rje phag mo la shis pa'i dbyangs kyi sgo nas gsungs pa ni/ dang po'i tshigs su bcad pa dang 'og gi tshigs su bcad pa gnyis su phan tshun bcings nas don so sor ston pa la khyad par bcu bcus khyad par du byas nas skad cig ma bzhi'i mtshan nyid can gyi dga' ba'i rang bzhin de'i gzugs kyi rang bzhin la skyes pas 'gro ba thams cad kyi ma rig pa'i mun pa bsal nas lam mchog tu gyur pa bskyed pa dang /de las skyes pa'i sras rnams brtse bas skyong ba'i rnal 'byor ma ni rdo rje phag mo ste/ de'i don brjod par bya'o/ /dang po rlung gis bskyod pas zhes pa la sogs pa nas phag mo yis ni khyod la srungs zhes pa'i 'brel la/ bA rA hI zhes pa sna tshogs 'dod pa'i bde ba nyid la bA rA byang chub kyi sems zhes bya ste/ bA nyid la ming gi yi ge dang po byin pa'o/ /yang na bA rA zhes pa byang chub sems kyis lus kyi ba spu'i bu ga thams cad khyab pa la bya ste/ sgra'i khams las byung ba'o/ /de yang thig le nyid he ru ka'i rnam pa bde ba chen po'i 'khor lo na gnas pa la a hi'i rnam par sprul pa'i 'khor lo nas yar la rjes su 'gro zhes pas na bA rA hI ste/de yang reg pas gcig tu gyur pa las hI grub pas bA rA hI zhes bya'o/ /yang na bA rA zhes pa bde ba ste/ 'khor lo'i bdag po ste/de la bka' nod par byed pas bA rA la rang gi rkyen byin pas ring po grub pas bA rA hI zhes bya'o/ /de la man ngag gi rim pa bri bar bya ste/ 'dir ni rlung gi khams kyis ni/ /'gro ba don la grub pas ni/ /bskul nas bzhengs pa lha mo la/ /bA rA hI zhes brjod par bya//de bzhin a wa d+hU tI zhabs/ /sgrub thabs gsal bar gsungs pa las/ /srin po'i zhal ni cung zad bsdam/ /rab tu 'bar ba rnam par bsgom/ /bA yi sgra ni rlung nyid de/ /a ni 'og gi 'khor lor gnas/ /de la bskyod pas ra nyid de/ /ra nyid me yi gzugs can ni//chos kun gyi ni rang bzhin nyid/ /d+hU tI a yi rnam pa la/ /me yi rang bzhin ra nyid las/ /gnyis su med par bskyod pa las/ /yang ni a yi rnam par blta/ /bde ba'i dbang phyug 'phros pa las/ /a gnyis sbyar bas ra la sbyin//phar gyi yi ge ring po 'grub/ /ha ni bde ba'i 'khor lo gnas/ /a yi tsha zer 'khyud pa nyid/ /de nas kun du khyab pa la/ /sna tshogs thig le i nyid do/ /de las 'jig rten 'das pa'i sems/ /'jig rten 'das pa'i bde ba nyid/ /zad par mi byed dpal gyi gzhi//i yi rnam pa'i gzugs can no/ /lha mo yi ge bdun nyid de/ /dus gsum ye shes dag pa'o/ /khrag 'thung ma ni bA rA hI/ /dpa' bo he ru ka yis gsungs/ /de las 'dir ni bcom ldan ma/ /'di ni sna tshogs rab tu gsal/ /rno zhing brdzun par snang ba'i phyir//khrag 'thung gtum mo zhes bya'o/ /de nas rtsa ba'i rgyud kyi tshig le'ur byas pa las/ gsang ba mchog gi dgyes pa na/ /thams cad bdag nyid rtag tu bzhugs/ /zhes pas rdo rje phag mo'i rang bzhin a'i rnam par bzhugs pa'i 'khor lor gnas pa las me'i rang bzhin nyi ma'i 'od zer gyi rtse mo lta bu 'phros pas/bde chen 'khor lor gnas pa'i thig le sdom pa'i gzugs la reg nas slar spyan drangs te/ bdud rtsi'i rgyun 'bab par bsgom pa ni bcom ldan 'das ma'i gtum mo'i rnal 'byor du bla mas bshad do/ /'di ni nan di pa'i zhabs nas rang gi bla ma dam pa'i bar du rna ba nas rna bar brgyud pas gsal lo//'di ni bdag nyid chen po rnams kyi rim pa las byung ba ste/ skyes bu dam pa dag gis shin tu gus par gyis shig dang de lta bu gang zhe na/ rlung gis bskyod pa zhes pa la sogs pa ste/ dang por bskyod pa ni gyen du'o//gang nas bskyod na 'og gi 'khor lo nas bzhengs zhes pas/ /de yang chos dang longs spyod dang bde ba chen po'i 'khor lo'i 'og na gnas pa de nyid la sprul pa'i 'khor lo zhe'am/ 'og gi 'khor lo zhes bya'o/ /gnyis pa rlung gis zhes pa thur ser gyi rlung gyen du song bas so//glog gi zer ltar zhes pas de la 'dir 'od kyi rnam pa'am/ ye shes kyi me'i gzugs sam/ 'od gsal gyi rang bzhin nam/ chags pa'i gzugs kyis/ phung po dang / khams dang / skye mched kyi bud shing sreg par byed pas na bcom ldan 'das ma'o//de lta bu gang du mthong na dpyid kyi thig le'i 'grel pa las/ sprin nag 'thibs pa'i mun pa 'thug por gyur pa las/ /bzhengs pa'i glog chen 'khyug pas lhag par gyur pa yi/ /snod bcud gnyis po rab tu bsregs pa'i khrag 'thung ma/ /sna tshogs 'gro ba'i ma khyod la ni phyag 'tshal lo//chu yi phung po lte ba'i 'khor lor rab tu 'khrugs pa las/ /rdo rje pad+ma mnyam par sbyor bas bzhengs pa nyid/ /rta mchog me bas lhag par gyur pa'i bcud 'thung ma/ /bdud rtsi'i rgyun ni rab 'bab khyod la phyag 'tshal lo/ /zhes so/ /rtsibs can gsum po bsregs nas zhes bya ba ni/rtsibs yod pa la can zhes pas de dang ldan pa la 'khor lor yongs su grub pa'o/ /bsregs nas zhes pa gang bsregs na chos dang longs spyod dang bde ba chen po'i 'khor lo gsum po bsregs nas rang bzhin med par ro gcig tu gyur pa'o//'jig rten gsum gyis mchod gyur zhes pa/ sa bla sa stengs sa 'og mchod pa'o/ /yang na lus dang ngag dang yid kyi bdag nyid yongs su rdzogs pa'i rnam pa'o/ /bdud rtsi'i rgyun rab 'bab ces pa bde ba chen po'i 'khor lor gnas pa'i haM gi rnam pa la bdud rtsi'i rgyun 'bab pas khyab par mdzad pa'o//des ni dus dang dus ma yin pa'i rnam par rtog pa thams cad rtsa ba nas spangs te/ rgyun chad med pa lhan cig skyes pa'i bde ba las skyes pas ro gcig par gyur pa'i de nyid la dga' ba'i mchog ces bya'o/ /de la 'di skad ston to//bcom ldan 'das ma ye shes kyi sku can gyis nyon mongs pa dang shes bya'i sgrib pa spangs nas bsam gyis mi khyab pa'i gzugs yongs su rdzogs pa na rnal 'byor pas de la rab ces bya'o/ /sangs rgyas ye shes bcud dang 'dres shing zhes pa ni/ sangs rgyas ni rdo rje dang pad+ma mnyam par sbyor ba las nor bu'i rtsa ba dang rked pa dang rtse mor byang sems mchog gi thig le sleb pa de las byung ba'i ye shes ni gang gis kyang /skyo ba med pa las sangs rgyas ye shes zhes bya'o/ /bcud dang zhes pa de yang gzhon nu mas dang po'i bde ba myong ba lta bu'am/sngar ma myong ba'i ro la longs spyod pa lta bu'am/ rmi lam gyi bde ba khyad par myong nas smra mi shes pa lta bu ste/ the tshom dang bral ba'i de kho na nyid gsal ba'i don mchog tu gyur pa'i don to/ /'dres zhes pa ni de la nges par bsten pas rgyun ma chad par gnas pa'o//de la 'dir skyon bral zhes pa ni/ skyon gang zhe na 'dod chags la sogs pa'i nyon mongs pa'i nyes pa'o/ /bral zhes pa ni 'dir bde ba chen po'i ngang du nyes pa thams cad thim pa'o/ /de yang / gang gang sems ni goms pa yi/ /de ltar shes bya la 'jug pas/ / nyes pa dag gis g.yo mi byed/ /'di ltar thams cad blta bar bya/ /zhes so/ /de bzhin du yang / de lta de ltar bsgoms pa na/ /sems ni zung du 'jug par byed/ /sna tshogs gzugs can nor bu ltar/ /des na de yi rang bzhin 'gyur/ /zhes so/ /yang na skyon ni chags bral te bde ba nyams pa'o//yang na skyon ni sdig pa ste chags bral gyi mtshan nyid sdig pa'o/ /sdig pa'i rang bzhin yang 'dir chags bral lo/ /bral ba ni de dag spangs pa'o/ /de bzhin du 'phags pa lhas kyang / chags dang bral bas sdig pa ste/ /bde ba 'dod pas de nyid bsrung //zhes pa dang / de bzhin du yang / dngas ma spangs pas bde ba nyams/ /bde ba nyams pas sdug bsngal 'byung / /sdug bsngal gyis ni khams zad byed/ /zad pas 'chi bar 'gyur ba'o/ /zhes so/ /kun dga'i tshogs ster zhes pa ni/de la kun dga' ni dga' ba dang dga' bral la sogs pa nas khyad par du gyur pa'i yang dag pa'i bde ba ma lus pa bkug nas de yang rang bzhin med par byed pa'o/ /tshogs zhes pa ni de la dga' ba la sogs pa thams cad lhan cig skyes pa'i dga' bar ro gcig par tshogs pas na tshogs zhes so//de thob pa ni ster ba'o/ /yang na dbang po dang yul dang rnam shes kyi tshogs thams cad dga' ba de thun mong ma yin par 'char bas na kun dga'o/ /dga' ba dang dga' bral la sogs pa gong gi tshogs pa thams cad bde bar ro gcig pas na tshogs pa'o//de nyid thob pas ster ba'o/ /yang na kun zhes pa phag mo'i bye brag ste/ dga' zhes pa 'jig rten las 'das pa'i bde ba'o/ /tshogs zhes pa de dag gnyis kyis phun sum tshogs pa thams cad do/ /ster zhes pa bcom ldan 'das ma bsgoms pas 'jig rten pa'i phun sum tshogs pa lta ci smos te/'jig rten las 'das pa'i dngos grub de dag kyang nye bar thob pa'o/ /de'i don yang sgrub thabs 'dir bshad pa de dag bsgrubs pas 'dir ni nor ster tsam 'gyur te/ 'dis ni bde dang bcas pa'i nor ni ster bar byed ces so//gzhung 'di la legs par dga' ba'i tshogs ster zhes pa yang yod do/ /de dag gi dang por bsrub pa dang / nor bu'i rtsa ba dang / rked pa dang / rtse mor byang chub kyi sems phyin pa ni rim pa ltar rnam pa sna tshogs pa'i dang / rnam par smin pa'i dang / rnam par nyed pa'i dang /mtshan nyid dang bral ba'i skad cig mas bdag rkyen byas nas dga' ba rnams 'byung ba ni legs par dga' ba'o/ /de ltar dga' ba thams cad legs par tshogs pas na tshogs zhes bya'o/ /'di dag ni bcom ldan 'das ma bsgoms pa las 'byung bas na ster ba'o//'dir de ltar du bcom ldan 'das ma'i drin gyis yongs su smin par byas pa las shin tu dkon pa'i skad cig ma'i shes pa rgyud la skye ba'o/ /gzhan du na ci mi brtan pas nyams par gyur pa'i thig le ni pad+ma'i ze'u 'bru la gnas kyi rang gnas su ma yin no/ /de ltar gyur pa spangs nas rang la smin par byas pas rang gi dga' ba'i tshogs ster ba zhes par yang 'gyur ro//dngos dang dngos med rnam par dpyod dang bral ba'i zhes pa ni/ dngos dang zhes pas rtag pa'i mtha' dang / dngos med ces pas chad pa'i mtha' dang / yang na dngos dang zhes pa kun rdzob dang /dngos med ces pas don dam pa'o/ /rnam par dpyod dang bral zhes pas ji ltar bral na de dag la bden brdzun du 'dzin pa dang bral ba'o/ /de yang grub pa'i sngags kyis btab pa ltar stong pa dang snying rje gnyis su med pa'i skad cig ma de nyid la chos thams cad ro gcig par gyur pa'i gzugs so//des ni rtag chad kyi gdon skrag par byed pa'o/ /'ga' zhig tu yang rnam par dpyod bral zhes pa ni/ rnal 'byor pas bde ba de'i rjes su zhugs nas bcom ldan 'das ma'i rang bzhin du rnam par dpyod pa'o/ /bral zhes pa ni gzhan pa'i 'dod pa dang bral ba'o//rdzogs pa'i rim pa'i rnal 'byor gyi dbang du byas nas lhan cig skyes pa'i lha mo'i gzugs kyi bye brag gzhan bshad pa ni/ rlung gis bskyod pa'i 'og gi 'khor lo nas zhes pa la sogs pa ni 'grel pa'i stobs kyis dang por phag mo yis ni khyod la srungs zhes pa bshad par bya'o//phag mo yis ni bA rA hI zhes pa la/ de la nyon mongs pa dang shes bya'i sgrib pa la sogs ni bA rA'o/ /de dag 'joms par byed pas na hI'o/ /de la 'di'i phyogs kyi gdams ngag kyang bA rA hI'i sgra las drangs nas bshad par bya ste/ bA ni ngag gi spyod yul min//chos rnams kyi ni rang bzhin rA/ /rtag tu gnas pa a nyid de/ /bde bar byed pa ha la gnas/ /shes rab 'dod pa i yin te/ /ha ni i yi mtha' can mthong / /khog pa 'di yi byed pa'i don/ /bA rA hI zhes brjod pa'o/ /grub pa'i slob dpon nag po zhabs kyis dpal sdom pa'i ming can las gsungs pa/bA ni ngag gi yul min zhing / /rA ni dbyibs kyi rnam pa spangs/ /rgyu yi rjes las thob pa hI/ /bA rA hI yi sgra zhes grags/ /zhes so/ /da ni 'og gi 'khor lo nas bzhengs zhes pa la sgra'i byed pa tA la zhes pa 'og dang gshis zhes bya bar yang 'gyur te/gnyis pa ltar na tA la zhes pas gshis kyis rang gzugs sam/ 'od gsal lam/ stong pa nyid ces bya'o/ /de nyid 'khor lo ste/ rnam par rtog pa thams cad gcod par byed pas so/ /de nyid las rgya mtsho las rlabs byung ba ltar smon lam gyi nus pa'i shugs kyis bzhengs nas byung ba de bsgom pa'o//rlung gi sgras de la rnal 'byor pa'i rnam shes bzhon par brjod de/ mi yis rta zhon nas 'ongs pa las rta pa gcig byung zhes pa lta bu'o/ /rlung gis zhes pa rnam shes kyi bzhon pa'i srog rlung ngo / /de yang rta bzung bas mi sdod pa lta bu'o//bskyod pas zhes pa de bzhin du srog rlung la zhon pa'i rnam shes yongs su zin pas gang yang 'dzin pa med pa'i gzugs yongs su 'phros pa'o/ /gang zhig gis de ltar rlung dang rnam par shes pa ngang du thim pa las shes pa sna tshogs la 'jug pa med do/ / des na 'di nyid la rgyun du dbab par bya'o/ /don de la 'dir lhan cig skyes pa'i gzugs kyi lha mo la sku mdog dang phyag mtshan ma grub kyang / lhan skyes de goms par byed pa la sems nyid rin po che la sngon gyi smon lam gyi stobs kyis sku'i rnam par bsgom pa ni/ bany+dzu ka'i me tog lta bu la thod pa dkar po/ro ser po/ gri gug nag po/ ba dan ljang gu la sogs pa sna tshogs pas mdzes par byas pa rin po che lnga dang / kha dog lnga las 'od zer lnga 'phro ba dang bcas pa de bzhin gshegs pa lnga'i bdag nyid can rnal 'byor pa dang / rnal 'byor ma'i dbus na gar gyi rnam pas byung ba ni nam mkha'i dkyil ltar dri ma med pa'i bdag nyid las sprul pa'i bcom ldan 'das ma ni dbang po'i gzhu'am/dri za'i grong khyer ram nam mkha'i ri mo ltar shes par bya'o/ /de'i phyir 'di la aM gi rnam pa'i gzugs kyi lha mo dang / u'i rnam pa'i don yod grub pa'i gzugs ni rlung ngo / /de gnyis lhan cig 'dres pa la rdzogs pa ni baM gi yi ge'i gzugs su sprul nas lte ba'i 'khor lo la'o/ /'di ni nan tan du byas nas g.yo ba med pa'i sems kyis rlung gnyis 'gog par byas pas thob par byed pa'o//de dag dgyes pa rdo rje las bshad pa/ rdo rje snying po snying rje che/ /dngos po nyid kyis rnam grol zhing / /dngos po'i 'ching bas 'ching bar 'gyur/ /de yongs shes pas grol ba yin/ /zhes so/ /de bzhin yang / dngos po'i de nyid shes pa gnyen/ /dngos po'i de nyid ma shes dgra//ma dag pas ni dug yin te/ /dag pas bdud rtsi'i mchog nyid do/ /zhes so/ /glog gi zer ltar 'od gsal zhing / /zhes pa ni des ni sdug bsngal thams cad 'phrog par byed pas na 'od kyi phung pos mun pa bsal ba ltar glog gi zer ram 'od lta bu'o//rtsibs can gsum po bsregs zhes pa ni/ rtsibs can gsum ni dbang po dang yul dang rnam pa shes pa dmigs par byed pa'o/ /bsregs zhes pa ni rnam par shes pa'i rang bzhin de'i dmigs pa'i dgra gsum bcom pa'o/ /yang na rtsibs can gsum zhes pa 'dod chags zhe sdang gti mug gi'o//bsregs zhes pa de dag sa bon dang bcas pa spong ba'o/ /'jig rten gsum gyis mchod gyur zhes pa ni/ 'jig rten ni rnal 'byor pa'i lus dang / ngag dang yid gsum mo/ /mchod gyur zhes pa ni bdag nyid de ltar yongs su rdzogs pas mchod pa'i gnas su gyur pa'o//lha mo'i gzugs su bdag nyid yongs su rdzogs par gyur pa 'di ni lha mo'i mchod pa yang yin no/ /bdud rtsi'i rgyun rab 'bab ces pa ni/ bdud rtsi ni bde ba chen po yin la/ rgyun rab 'bab ces pa ni bde ba de rgyun mi 'chad pa'o//sangs rgyas ye shes bcud dang 'dres shing zhes pa ni/ sangs rgyas ni de ltar dngos po don gyi rang bzhin nyid do/ /de bzhin du dgyes pa rdo rje las/ dngos po'i rang bzhin shes pa las/ /sangs rgyas zhes ni brjod pa yin/ /zhes so/ /de nyid kho na nyid du shes pa las ye shes te de'i bcud dang 'dres nas 'bad pa med par longs spyod pa'o//skyon bral zhes pa la skyon ni 'dod chags la sogs pa'i nyon mongs pa'am/ rnam par rtog pa'o/ /bral zhes pa de dag spangs pa'o/ /kun dga'i tshogs ster zhes pa ni/ /kun gyi sgra ni gong du bshad do//dga'i tshogs ster zhes pa/ ster ba'i ni dA'i sgra las drangs pa ste/ de la gsum ste/ sbyin pa dang dag pa dang / gcod pa'o/ /sbyin pa'i sgra ni bshad zin to/ /dag pa ni dang po dga' ba la sogs pa gsum po lhan cig skyes pa'i ngang du ro gcig par dag pa'o/ / gcod pa'i sgra ni rang gi dga' ba'i tshogs ster ba ces pa'i phyogs la/ de yang swa zhes pa rang la 'gro ste/ bdag tu lta ba'i 'dzin pa'i yul la mngon par zhen pa'o/ /tshogs zhes pas rgyun mi 'chad par 'khor ba na 'khor ba'o/ /de dag ma lus par gcod pas na gcod pa'i sgra la 'jug pa'o//de la 'dir dngos dang dngos med rnam par gcod dang bral ba'i zhes pa dngos dang zhes pas dmigs pa gsum dang / dngos med ces pas med par 'dzin pa dang / rnam par gcod pa zhes pa de dag la 'dzin pa'i sems so/ /de dag spangs pa ni bral ba'o/ /de la bcom ldan 'das ma zhes brjod par bya'o//sems ni yod pa'am med pa'i dngos po gang du yang grub pa med pa'o/ /zhes rgyal ba'i yum las gsungs so/ /tshigs su bcad pa 'dis ni don gyi khyad par gzhan yang gsungs pa/ ka sogs yi ge shes pa la sogs pa la 'brel ba'i dbang gis phag mo khyod kyi sems la gsal gyur cig ces pa drangs la bshad de/de yang bya ba ni gsal ba dang / byed pa ni phag mo las ni sems la 'brel pa ni khyod kyi zhes pa'o/ /bA rA hI'i don ni sngar bshad par shes par bya'o/ /ci'i phyir lha mo zhe na gsal gyur cig ces pa de las skyes pa'o/ / sprul pa'i rtsibs can nyi dbang dkyil 'khor la bzhugs shing zhes pa ni/ dang por sprul pa'i 'khor lo'i dbus su nyi ma'i dkyil 'khor la baM gi rnam par gnas pa'o/ /de nas 'og gi 'khor lo nas bzhengs zhes pa ni sems kyis sgom pa po'i dbang po rno ba'i stobs kyis de nyid nas gyen du bskyod pa'o//ka sogs yi ges bskor nas zhes pa ni/ ka dang por byas pa'i ka la sogs pa'i kA li'i rnam pa dang / a yis dang por byas pa'i A li rnams so/ /de la 'dir Sha dang ka sdom pas k+Sha yongs su grub pas de'i phyir k+Sha spangs pa'i yi ge bzhi bcu zhe dgu yin la/des ni 'jig rten du grags pa'i rlung bzhi bcu zhe dgu'i rang bzhin rnams dag pa'o/ /de la A li dang kA li'i sgras g.yon pa dang g.yas par rgyu ba'i rlung gnyis 'dir gzung bar go bar bya'o/ /dang po rlung gnyis rgyu ba de dang po'i lam spangs nas gnas su bskor ba'o/ / de bas 'dir brjod pas bsgom par gdams pa'o/ /rlung gis bskyod pas zhes pa ni thur sel gyi rlung gis bskyod nas dbu mar 'jug pa'o/ /de yang kun rdzob tsam du A li kA li'i phreng ba gnyis g.yon dang g.yas su bskor nas mgo gyen la bstan te/ nyin par gyi dbang phyug gi dkyil 'khor la gnas pa'o/ /'bar ba'i me ltar rab tu 'bar/ /zhes pa ni/ dang por sprul pa'i 'khor lor baM gi gzugs can du yod pa de bcom ldan 'das ma'i rnam pa me'i phung po 'bar ba lta bu las ches 'bar ba'o/ /de nas gong gi glog gi zer ltar zhes pa ni de ltar 'bar ba de las glog gi zer lta bu gyen du song ba'o//bdud rtsi rab 'dzag ces pa ni/ gang las zer phog cing bskyed pa de la bdud rtsi'i rgyun rgyun du 'dzag pa ste/ bde ba chen po'i 'khor lo nas bcom ldan 'das ma bsgom pa'i dbang gis so/ /de la 'dir rtsibs can gsum po bsregs nas zhes pas bde ba chen po nas babs te/'khor lo gsum yang rang bzhin med par byas pa'o/ /pad+mo'i skud pa ltar phra zhes pa ni/ a wa d+hU tI'i rang bzhin yang mi dmigs pa'i rang bzhin du byas nas/ shin tu phra ba la 'bab pa'o/ / 'jig rten gsum gyis mchod gyur zhes pa ni/ rnal 'byor pa'i lus ngag yid gsum po lha mo'i sku'i bdag nyid du yongs su rdzogs nas thams cad kyi rnam par rtog pa nA da tsam la/ dmigs pa yang zhi nas zung du 'jug pa bsgom pa'am/ /thogs pa na mchod pa ste 'di nyid la mchod pa zhes bya'o//rig pa zhes pa 'di la bid+yA zhes pa'i sgra yang zhes pa ni gang ba ste lha mo 'di bde zhes pas ye shes kyi lus can no/ /bdud rtsi'i rgyun rab 'bab ces pa ni/ ye shes kyi sku can gyi lha mo thams cad la khrus byas so zhes bya ba'i don to/ /yang na bdud rtsi'i rgyun ni bde ba chen po'i rang bzhin la rgyun ma chad pa'o//sangs rgyas tshogs rnams bsreg cing zhes pa ni/ sangs rgyas tshogs ni de bzhin gshegs pa lnga'i bdag nyid las gzhan du so sor go ba'am/ snang ba tsam bsregs nas rang bzhin med par byed pa'o/ /sangs rgyas lnga'i rang bzhin ma gtogs pa dmigs pa rnam pa gzhan med pa nyid do//bcom ldan 'das kyis kyang zla ba gsang bar gsungs pa/ 'gro ba 'di dag thams cad ni/ /de bzhin gshegs pa lnga yi bdag /ces pa dang / sgra'i 'jug pa las/ phung po lnga po 'di nyid ni rdzogs pa'i sangs rgyas nyid de 'di'i dmigs pa'i don las sna tshogs pa'i dmigs pa med pa'o//bcom ldan 'das dang bcom ldan 'das ma gnyis su med pas de bzhin du lha mo spyan ma la sogs pa yang 'dzin pa'o/ /sangs rgyas ye shes zhes pa'i sgra sangs rgyas ma yin pa'i sems can du 'dod cing 'dzin pa med pa'o//des na 'dir sangs rgyas ye shes bcud dang 'dres shing zhes pas/ ji ltar na thams cad kyi rang bzhin ni rnam par dag pa'o/ /rig ma sangs rgyas tshogs rnams bsreg cing zhes pa yod de/ de la sgra las bde zhes pas ye shes so/ / de la ya'i rkyen byin pas ya'i 'gro ba'i don thob pa'o/ /des na rig ma zhes pas spyan ma la sogs pa sangs rgyas kyi ye shes so/ /de la phyogs gcig ltar na pad+ma'i skud pa ltar dang / phra ba'i dmigs pa zhes pa gnyis su brjod par bya ste/ de las phra ba ni mi dmigs pa'i ye shes so//pad+ma'i skud pa ltar ni 'khor lo gsum po 'byed pa gang yin pa zhes pas/ de bzhin du pad+ma'i skud pa lta bu des 'khor lo gsum gyi rang bzhin 'bigs pa'o/ /de yang bcom ldan 'das kyi nor bu'i rtse mo nas bcom ldan 'das ma'i pad+ma'i snying po la gnas pa'i byang sems bkug nas slar 'khor lo gsum po brtol nas 'gro la/yang bde chen nas rgyun phra ba babs nas bskul ba'o/ /de la 'di ni skyon bral zhes pas nyon mongs pa la sogs pa dang bral nas bde ba chen po kho nar 'char ba nyid do/ /de bzhin du kun dga' dang bcas zhes pas/dga' ba ni thig le nyid la rgyu dang 'bras bur bcas/ kun ni ma lus pa'o/ /dga' ba ni thob pa'o/ /bcas pa ni de dag ste rgyu dang 'bras bu'o/ /yang na de lta bu'i bde ba dang ldan pa la rang gi dga' ba'i tshogs sam legs par dga' ba'i tshogs zhes bya'o//ster zhes pas rang la nus pa de ldan pas gzhan rjes su 'dzin pa'i mthu yod pas ster ba'o/ /rol pa gyen gshegs zhes pas/ rol pa nyid ni chags pa chen pos rjes su bcings nas gzud pa'o/ /dbu ma la bskyod nas gshegs pas gyen gshegs so//yang na rol pa zhes bya ba gnyis su med pa'i chags pa chen po las byung ba ste/ gyen gshegs zhes pa gang du gshegs na bde chen 'khor lor gshegs so/ /de la 'di nyid du dngos dang dngos med rnam par dpyod dang bral ba'i zhes pas bshad do/ /chags pa chen po'i rang bzhin gyi rjes su bcings pa la rnam par dpyod pa gzhan med do//rnam par dpyod pa ni rnam par g.yeng ba'o/ /ci'i phyir zhe na/ rnam par dpyod pa dang chags pa chen po la 'brel pa med do/ /bcom ldan 'das kyis gsungs pa de bde ba'i rgya mtsho g.yo ba med pa la rnam par rtog pa'i chu bur mi 'byung ba'o//bshad par bya ba gzhan yang gsungs pa/ sprul pa'i rtsibs can zhes pas sprul pa'i zhes pa ni 'dir skyed par byed pa yin la/ rtsibs zhes pa la a ra'i sgras 'khor lo zhes pa dang dgra la yang 'gro ba ste/ dgra ni gsum ste/ de spangs pa'am de 'joms pas de 'dir gsal ba ni ro'i gdan ni bdag med pa'i rnam par dag pa'o/ /de'i steng na gnas pa'i nyin par gyi dbang phyug ni shin tu rnam par dag pa'i ye shes kyi 'od kyi dkyil 'khor gyis yongs su shes nas gshegs pa'o/ /ga ta zhes pa gshegs pa'am/song ba la 'gro ba'o/ /ka sogs yi ges bskor nas zhes pas/ A li kA li ni shes rab kyi gzugs te/ chos thams cad kyi rang bzhin nyid yin no/ /yang na ka dang a ni kar+ya di zhes pa'i sgras kA li dang A li ste/ de dag gi dang po'i yi ge ni ka dang a la sogs pa grub pa'o//yang na ka la sogs pa sde tshan bdun gyi dang po la ka tsa Ta ta pa ya sha'i rang bzhin las drangs so/ /thog mar a bzhag pa'i yi ge bcu drug ni a yis grub la de nyid kho na chos thams cad kyi rang bzhin a yin pa'o/ /dgyes pa rdo rje las kyang / lus kyi dkyil gnas rnal 'byor ma//a ni sdom pa'i tshul gyis zhugs/ /de bzhin phyi rol nang de bzhin/ /'di nyid sdom pas gsal ba nyid/ /ces so/ /shes rab kyi pha rol tu phyin pa shin tu rnam par dag pa chos kyi dbyings kyi gzugs de nyid yi ge gcig gis thob par byed do/ / 'bar ba'i me ltar rab 'bar zhes pas sna tshogs pa'i 'od 'bar bas khyab pa'i lus so/ /bdud rtsi zhes pa ni thar pa'o/ /rab 'dzag ces pa ni 'di nyid kho na gzhan la ster ba'am bskyed pa'o/ /pad+ma'i skud pa ltar phra ba zhes pa ni/ /gzugs mi dmigs pa shin tu phra ba'o/ /rig ma zhes pa ni shes rab kyi don lhan cig skyes pa'i gzugs can no//yang na rig ma ni lha mo ste/ 'dus ma byas pa'i ye shes kyi rang bzhin gyi don to/ /sangs rgyas tshogs rnams bsregs zhes pa ni bud+d+ha ka dam pa zhes pa'i sgras/ bud+d+ha zhes pas sangs rgyas te nyan thos dang rang sangs rgyas kyi sangs rgyas so//ka dam+ka dr-iSh+Ti zhes pa lta ba ngan pa la 'gro ste/ bdag nyid gcig pu grol ba dang thar par byed pa la sogs pa'o/ /bsregs zhes pa ni de ltar sems can gyi don la brtson pas de dag med par byas pa'am/ nyams par byas pa'i don to/ / yang na sangs rgyas tshogs rnams zhes pa yul dang yul can du 'dzin pa'o/ /bsregs pa ni mi dmigs pa'i rang bzhin du byas pa'o/ /'khor lo gsum po 'byed pa gang yin pa zhes pas 'khor lo gsum ni lus ngag yid gsum gyi rang bzhin no/ /de gsum so sor gyur nas yang dag pa'i lta ba gcod par byed pa ste/de'i rang bzhin ni nyams pa'am gcod pa'i don to/ /kun dga' dang bcas zhes pa ni lhan cig skyes pa'i dga' ba'i rang bzhin no/ /rol pa zhes pa chags pa chen po ste/ gong na med pa'i don gyi spyod yul lo/ /gyen gshegs zhes pas de dag gi rang don thob par byed pa'i don no//phag mo khyod kyis zhes pa la sogs pa ni bshad par zad do/ /phyag 'tshal ba'i sgo nas brjod bya'i don bshad par bya ste/ rdo rje yis ni rnal 'byor ma/ /zhes pa la sogs pa la 'brel pa'i stobs kyis bdag gis de nyid ces sgrub brjod ces pa dang por bshad par bya ste/de kho na nyid ye shes grub pa zhes bya ba'i rgyu la 'bras bu'i ming nye bar btags pa'i phyir ro/ /mgos zhes pa spyi bos so/ /bdag ni rtsom pa po yin pa'o/ /de kho na nyid ces pa ni rang gzhan gyi rnam par rtog pa ma lus par spangs pa ngag gi yul ma yin pa'i bde ba dam pa'i rang bzhin no//ye shes zhes pas de nyid la bya ste/ rang gis rig pa'i rdo rje ni ye shes so/ /de bzhin du dgyes pa rdo rje las gsungs pa/ de bzhin bde ba dam pa nyid/ /ces so/ /sgrub ces pa de'i thabs so/ /brjod ces pa dgos pa'o/ /rdo rje yis ni rnal 'byor ma//zhes pa ni/ rdo rje zhes pas mi zad pa'i thig le'am bde ba chen po'o/ /rnal 'byor zhes pas bde ba chen po dang zung du chud pa'o/ /rdo rje sngon song zhes pa ni/ mi phyed pa'o/ /sngon song ni ye shes so/ /phag mo ni bshad zin pa'o/ /de la ci bya zhe na/ mgos zhes pa spyi bos so//phyag 'tshal nas zhes pa ni de ltar bzhengs pa'i gtum mo'i gzugs dang lhan cig skyes pa'i rang bzhin gyi gzugs la phyag byed pa'o/ /rang dran phyir zhes pa ni bdag nyid khengs bskyung bar bya'o/ /bsgom pa'i gnas gsungs pa/ yid dang rjes su zhes pa la sogs pa ni 'brel pa'i dbang gi kun nas dag pa rnam par bsgom zhes pa ston te/kun nas dag pa zhes pa stong pa nyid do/ /de bsgom pas rlom pa la sogs pa'i nga rgyal sel ba'o/ /yang na blo mchog tu gyur pas stong pa nyid kyis gzhan bsrung bar gsungs pas/ dang por stong pa nyid bsgom par bya'o//de gsungs pa/ bgegs ni sems kyis sprul pa ste/ /chos rnams kun gyi rang bzhin du/ /de nyid rnam par dag pa zhes/ /don dam pa yi bsrung ba yi/ /yid dang rjes su mthun pa'i dben gnas su zhes pa ni/ yid la rjes su mthun pa zhes pas/ yid la dga' ba'i drin ster ba'o//dben gnas zhes pas skye bos dben pa'o/ /mgon pos mgo mtshan zhes pas mgon po ni rdo rje bla ma'o/ /mgo mtshan ni de'i rnam pas spyi bor bsgom pa'o/ /blo ldan zhugs nas ni/ blo ldan ni su d+hI zhes pa'i sgras legs pa'i blo ldan du yang 'gyur te/skyon gyi dri ma med pa'i blo can no/ /de la dbang po rnon po'i spyod yul gyis shes rab kyi theg pa bcom ldan 'das ma go bar zad do/ /de la bla ma ji ltar gsungs pa'i khyad par rnams bri bar bya'o/ /legs pa'i blo ni sems nyid dri ma med pa bsgom pa'i don bskyed pa ste/ dag pa rnam par bsgom zhes dang 'brel lo//yang na legs pa'i blo ni phyi'i shes rab dang nang gi shes rab yongs su dag pa ni legs pa'i shes rab kyi don to/ /der ni zhes pa dben pa der ro/ /shin tu 'jam pa ni reg na bde ba skye ba'o/ /stan zhes pas de'i steng du'o/ /de nyid du bcom ldan 'das ma ni rab tu rtogs pas shes rab kyi blo'i sangs rgyas nyid do zhes dgyes pa rdo rjer gsungs so//gang du sdod ce na stan la bzhugs te/ gdan gyi sgras rdo rje'am sprul pa'i dkyil 'khor nyid do/ /de'i stan ni chos 'byung ngo / /de ltar dgyes pa rdo rje las gsungs pa/e yi cha byad bzang po gang / /dbus su baM gyis rnam par brgyan/ /sangs rgyas rin chen za ma tog /a yi dkyil 'khor nyid du gnas/ /zhes so/ /de dag yang gsungs pa/ de nas 'jam pa'i zhes pa gsungs pas yid 'phrog cing reg na bde ba'i rang bzhin ji snyed pa'o//de dag la chos kyi 'byung gnas zhes bya'o/ /ji ltar rnam par dag pa bsgom zhe na/ dben pa'i gnas su zhugs nas zhes pas/ de yang s+thA naM zhes pa'i sgras gnas te/ 'di ni chos thams cad kyi gnas bde ba chen po'i don la yid brtan par byed pa'i don to/ / dben pa ni dus thams cad du skye ba'i rnam par rtog pa de med pa'o/ /de ltar rdo rje mkha' 'gro las gsungs pa/ dben pa ni bdag dang sems can gyi rnam par rtog pa spangs pa'o zhes pa'o/ /yang na rdo rje'i rigs la sogs pa'i bu mo las skyes pa de dben pa'o/ /de bzhin du yang gsungs pa/de la de bzhin gshegs pa thams cad kyis bsngags pa'i bu mo mchog las skyes pa'i bde ba ni dben pa ste/ de la 'di ni yid dang rjes su mthun pa'i gnas zhes bya'o/ /'di ltar byas pa dang ma byas pa la sogs pa'i rnam par rtog pas bsgos pa'i sems la dus thams cad sdug bsngal dang bcas pa ste/sna tshogs pa'i dngos po 'di ni dug yin pas so/ /rnam par rtog pa med pa'i sems ni dus thams cad du bde ba thob par byed pa ste/ de yang bcom ldan 'das kyis gsungs pa/ yid bde ba las ting 'dzin skye//de ltar skyes pas rab mchog thob/ /ces so/ /ji ltar 'byung zhe na gsungs pa/ mgo bos mgon mtshan zhes pas/ nA tha zhes pa'i sgras mgon po la 'gro la de ni thig le yin te/ de yang nA thaM ka zhes pa'i sgras/ aM zhes par 'gro bas des mtshon pa'o/ /ka zhes pas mgo'am bde ba la 'gro ste/de la thig les mtshan pa'i bde ba dang gnyis su med par shes pa'i don to/ /de'i phyir thig le spangs pas bde ba spangs la de spangs pa ni sdug bsngal gyi rang bzhin no/ /yang na mgon po zhes pa rdo rje slob dpon te/ des rang gi mgo la mtshan pas na ka'i don de bde bar thob par byed pa'i don to//des ci ste zhe na/ bla mas shes rab ye shes kyi dbang la sogs pa bskur nas bde ba ngo sprad nas bstan pa'o/ /de ltar rdo rje dang pad+ma snyoms par zhugs nas chags pa chen po las skyes pa'i dag pas stong pa nyid kyi don la nges par byed pa'i gnas so//de ltar dgyes pa rdo rje las gsungs pa/ mchog dgar bsgom pa med cing sgom pa po yang med/ /lus kyang med cing gzung ba med la 'dzin pa med/ /sha dang khrag kyang med cing bshang dang gci ba med/ /skyug bro rmongs med gtsang sbra mchod phyir thogs med dang / / zhes pa la sogs pa'o/ /rdo rje chos kyi sgrub thabs las gsungs pa/ rdo rje pad+mar zhugs pa las rnam par gsal bar skye'o/ /de ltar sems gnas par byas pa las rnam par mi rtog pa'i gzugs kyi bde ba chen po 'byung bar 'gyur ro/ /de la sngags 'di brjod par bya ste/ oM shU n+ya tA dz+nyA na badzra swa b+hA ba At+ma kou0f85haM/de la 'dir chags pa chen po'i rang bzhin du bzhengs pa las stong pa nyid bsgom par bya'o zhes man ngag gi don to/ /brjod par bya ba gzhan yang gsungs pa/ de rjes yi ge zhes pa la sogs pas/ rgyal ba rdor 'dzin snying po ming med kyis/ / bris nas me tog dmar pos mchod par bya/ /zhes pa dang 'brel lo/ /rdo rje ni mi phyed pa'i de nyid la lhan cig skyes pa'i dga' ba'o/ /de 'dzin pa ni rdo rje zhes pa ste gang 'dzin na thig le ste/ de bzhin du thig le dang bde ba 'dres pa la mthong ba nyid do/ /de ltar dgyes pa rdo rje las gsungs pa//khu ba'i rnam pa bcom ldan 'das/ /de yi bde ba 'dod mar brjod/ /ces so/ /de'i rdo rje 'dzin pa'i snying po ni nges par chos 'byung du bzhugs pas so/ /de la me tog dmar pos mchod par bya ba ni/ a ma lan dang ka ra bI ra dang bany+dzu ka la sogs pas dang por mchod par bya'o//legs par sbyar ba las/ ta ta nu tsa zhes pas de'i rjes la zhes pa'am/ de'i rjes dang zhes par yang 'gyur te/ tsa'i sgras la'am dang brjod pa ni khyad par gzhan yang ston pa ste/ 'chad par 'gyur ba'i tshigs su bcad pa gnyis la dang por khrus byas nas nye bar reg par bya ste/de nas chos 'byung la mchod par bya'o zhes pa'am yang na gdams ngag tu shes par byas nas gnyis su gsungs pa de yang go bar bya'o/ /de'i phyogs kyis tsa'i sgra la'am dang la 'dir de ltar 'brel ba'o/ /de ci ltar byas nas she na/ bris nas zhes pas yang dag par bris pa de gsal zhing ma 'dres par sor gsum pa'i chos 'byung gi nang du'o//gang 'dri na rgyal ba drug pa zhes pa ste mi bskyod pa'o/ /mi bskyod pa gang zhe na/ khu ba'i rang bzhin nam nag po'i rang bzhin te/ de ltar 'khor lo sdom pa las/ mi bskyod pa ni de bzhin gshegs pa drug par rnam par gzhag pa'o//de bzhin du lU yi pa'i mngon par rtogs pa las kyang rnam par shes pa'i phung po la rdo rje sems dpa' de bzhin gshegs pa thams cad kyi bdag nyid ni dpal he ru ka'o zhes so/ /yi ge gsum gyi sngags bzlas zhes pa ni oM AHhUM lan gsum gyis byin gyis brlab par bya'o//gang gis 'dri na ming med kyis te/ gang gi ming med na g.yon gyi lag pa'i ming med do/ /de yang bde mchog gi rnal 'byor la ni g.yon pas bya ba thams cad byed pa'o/ /de bzhin du dpal sdom pa las gsungs pa/ dus kun rnal 'byor g.yon pas spyod//rkang pa g.yon pa sngon du bskyod/ /ces so/ /bshad par bya ba bzhin ni rdor 'dzin snying po zhes pa ni chos 'byung la me tog dmar po zhes pa ni rang 'byung gi khrag ste/ mchod ces pa ni/ de gnyis 'dres pas 'tsho zhing gsal ba'am 'phen zhing skyod par byed pa'o//de la mchod pa zhes ci'i phyir zhe na/ 'di ni chags pa chen po'i theg pa zhes bya ste/ de la 'dir 'jig rten pa'i sna tshogs pa'i chags pas ni der gnas pa dang skyes pa byed du zad do/ /'di nyid kyis ni grub pa chen po'i don thob ste/ de yang shin tu rnam par dag pa'i chags pa la dmigs nas mchog gi 'bras bu thob par byed pa 'di ni byang sems kyi phyag rgya la sems brtan par byas pa'i rgyu des so sor thob pa zhes slob dpon gsung ngo //de bzhin du dgyes pa rdo rje las ji ltar 'tshed pas 'tshig pa yang / me nyid kyis ni gdung bar bya//de bzhin 'dod chags mes tshig pa/ /'dod chags me yis gdung bar bya/ /dug gi dum bu gang nyid kyis/ /skye bo thams cad 'chi 'gyur ba/ /dug gi de nyid shes pa des/ /dug gis dug ni 'bigs par byed/ /ji ltar rlung gis zin pa las/ /mon sran gre'u'i bza' ba sbyin//bzlog pa'i sman ni btags pa las/ /rlung gis rlung la bsnun par byed/ /ces so/ /yang na rdor 'dzin snying po zhes pa ni/ nang gi bdag nyid kyi chos 'byung yin la/ me tog dmar po ni chags pa dang bcas pa'o/ /mchod pa rang gi bde ba ni rang gi bde ba'i sems la rtogs pa'i khyad par du ni dbul ba'o//las kyi phyag rgya med pa'i rnal 'byor pas kyang bla ma dam pa'i zhabs kyi drin gyis de bzhin du mchog tu gyur pa'i sems skye'o/ /de bzhin du Ta u ri pa'i zhabs kyis kyang / rnal 'byor rdo rje'i go 'phang skad cig nyid du byed pa shes rab med kyang ni//byang sems zil pa de nyid 'byor pa dam pa'i don la mngon byang byed pa nyid/ /ma rungs pa ltar myur bar yid ni 'od kyis 'phrog par byed pa ste/ /byin gyis brlabs zhes de ni bla ma dam pa'i yin gyi gzhan ni ma yin no/ /de ltar du bde ba'i sems rgyun du yod pa de ni grub pa thob par nges pa yin no//rdo rje mkha' 'gro las/ sdug bsngal gyis gdungs dka' thub kyis/ /lus ni ngal bas bskams pa ste/ /sdug bsngal gyis ni rnam g.yeng sems/ /g.yeng bas dngos grub gzhan du 'gyur/ /zhes so/ / yang na 'di nyid bcud len chen po ste legs par spyod pa snar blugs pa'am/ zos pas kyang gang 'dod pa skyed par byed do/ /de bzhin du gsungs pa/ khrag chen po dang ga pur bcas/ /bcud len kun gyi mchog tu gyur/ /dus la bab pas bskyed pa ste/ /khrag chen me tog dngos po nyid//ces so/ /bris te zhes pa ni li kha zhes pa'i sgras yi ge 'dri'am/ mi 'gyur ba la 'gro ste/ de ni mi 'gyur ba'i gzugs kyis 'dul bar byed pa'i don no/ /ji ltar zhe na/ ming med kyis zhes pas de yang a nA mi ka zhes pa'i sgras/ ming med ces pa'am 'chi med ces par yang 'gyur te/de'i phyir langs pa'am 'greng ba'i don gyi phyir de skad ces bya'o/ /de ltar cis mtshon zhe na rgyal ba drug pa zhes pas/ nag po'i myos byed kyi mtshan ma nyid do/ /de yang de nyid btung ba'i dngos po'o/ /yi ge gsum bzlas zhes pas gsum ni lus ngag yid gsum mi 'gyur ba ste/ mi g.yo ba'i rang bzhin no//bzlas pa ni 'dzin pa ste de bzhin nyid du ro gcig tu nges pa'o/ /de bzhin du gsungs pa/ nags nas nags su gnas pa yi/ /lam nas lam du zhugs nas ni/ /'khor du la du ro yis drangs/ /ji ltar brtul ba'i glang po ltar/ /de bzhin sems nyid glang po yang //len 'dod lhan skyes ra ba gnas/ /rnal 'byor yo byad myos byed stobs/ /stobs med ma yang de ltar bsten/ /bu ram 'bras la sogs pas ni/ /sems kyi glang po btags pa na/ /'jigs pa rnams ni nyams par byed/ /mchog gi rtse mo rnyed la gnas/ /bsgrub bya de nyid sgrub pa'i don//bsgrub bya min yang bsgrub par bya/ /de yi sgo nas de bzhin sems/ /bya min sgrub pa'ang bsgrub pa nyid/ /ces so/ /rdo rje dgyes pa gsang ba'i sgrub thabs las kyang / nags dang myos byed byung ba na/ /de ni rigs pas bzla bar bya/ /de bzhin nyid ni ma nyams par//ran pa tsam du bya ba nyid/ /ji ltar sman chen gang zhig gis/ /legs pa'i ro dang nad sel ltar/ /thabs dang shes rab bde ba nyid/ /'bad pa med par nyon mongs sel/ /kun du mdzes pa'i bu mo la/ /chags dang chags pa dag pa yis/ /gcig ni zhags pas ske nas 'ching //gzhan ni 'ching ba gcod pa'i mtshon/ /zhes so/ /yang na ci'i phyir ming med ce na/ gsungs pa/ de ni rgyal ba drug pa zhes pa ste/ de'i don ni bcas pa'o/ /gang na bcas na rgyal ba drug pa ni byang sems dang 'dres pa'o/ /de nyid la gnas pa'i don ni bzhengs pa ste/yang dag par yongs su gang ba'i byang chub kyi sems dang 'dres pa'i don to/ /yi ge gsum bzlas zhes pa ni/ yi ge gsum ni lus ngag yid gsum gyi bzlas pa ste/ gcig tu thim pas de ltar rab tu goms pas byang sems mi 'pho ba'o/ /de yang dgyes pa rdo rje las gsungs pa/A li kA li rab brtags pas/ /brjod pa bzlas par yang dag bshad/ /ces so/ /byed pa gzhan yang gsungs pa/ de nas dang po mchog gi snod du ni/ /zhes pa la sogs pas/ rdo rje dang po nas zhes pa nas rdo rje'i khrus bya'o zhes par 'brel lo/ /rdo rje ni stong pa nyid de//de la mngon par phyogs par byed pa'i rgyus/ rdo rje'i sgra la nag po'i btung ba'am rnal 'byor pa'i rdzas zhes brjod pa ste/ de ni rgyu la 'bras bu nye bar btags pa nyid de des khrus bya'o/ /ji ltar byed ce na/ pad+ma'i lag pa bcug nas ni/ /zhes pas/ de yang g.yas pa las gzhan zhes pas g.yon pa'i lag pa'o//gang du gzhug na dang po mchog gi snod du'o/ /de la mchog ces pas ni dga' ba mchog gi don to/ /de'i rgyus myos byed ni dang por sbrang chang la sogs pa la brjod pa'o/ /de la snod ni ji ltar gdams ngag gi rim pa ltar te/lag pa gnyis lus la reg pas so/ /de la gdams ngag ni dang por myos byed kyi thigs pa tsam bzung nas lha mo'i sngags sam/ yi ge gsum bzlas nas de nas lag pa g.yon pa dang g.yas pa gnyis mngon par 'khyud pa'i stangs kyis mgo bo nas brtsams te/ rkang pa'i sor mo'i bar du myos byed kyi khu bas lag pa la bsgos shing de nyid kyis lus la reg nas khrus bya'o/ /yang na lag pa g.yon pa'i mthil du pad+ma dmar po 'dab ma lnga pa la gnas pa'i rnal 'byor ma drug gi sngags ni rnal 'byor ma drug gi rang bzhin yin la/ de la lag pa g.yas pa'i rgan po dang ming med kyis rdzas kyi khu ba la reg nas yang lus la reg pa yang man ngag go//bshad par bya ba yang gsungs pa/ rdo rje zhes pa ni bde ba chen po ste/ bdag nyid bde ba chen po'i rang bzhin du brjod pas de'i khrus kyis blo dag par byed pa'i don to/ /yang na rdo rje ni po la yin la de khrus byed pa ste/goms pas byang chub kyi sems bzung la gal te ltung na yang des khrus bya'o/ /gang du 'khru zhe na dang po mchog gi snod du ste/ mchog ni brjod du med pa'i gzugs yin la de'i phyir dang po'i snod do/ /de bzhin gshegs pa thams cad kyi gnas su gyur pa'i chos kyi 'byung gnas su bde ba chen po 'dzin pa dang /der lhan cig skyes pa'i bde ba bskyed cing gnas pa'i don to/ /de'i thabs shes pas 'khor ba'i 'ching ba gcod pa ste/ de bzhin du dgyes pa rdo rje las/ gang dang gang gis 'jig rten 'ching gyur pa//thabs dang bcas na de nyid kyis/ /srid pa'i 'ching ba las grol 'gyur/ /zhes so/ /gal te de ltar na lhan cig skyes pa'i bde ba dang de ltar skye ba gnyis 'brel pa med pa nyid de/ skyes pa la rtag pa'i dngos por grub pa med pa'o zhe na de nyid mi mnyam kyang de nyid la 'jig rten pa'i bde bar 'jog la/dngos po'i ming tsam la brten te de bzhin du dpe bde ba tsam bstan pa la skyon med do/ /ji ltar med ce na dkar po tsam du gcig par gyur pa la dang po lta ba'i dper ni brjod pa ltar/ de bzhin 'jig rten bde ba ster ba yang / /dpe las lhan cig skyes pa'i yid ches bzhin//gang zhig mtsho skyes las ni spyod pa'i dpal/ /bde ba chen po bla mas gsungs pa ni/ /'gro bas mi rtogs 'gro bar 'dod pa de/ /de la dpe tsam gyis ni brjod pa'o/ /legs par sbyar ba'i gsung ni mi go dang / /skad gzhan mchog ni mi shes rgod pa ste/ / ri la gnas pa'i grong gi skyes bu ltar/ /btags pa'i rang gi ngag gi sgrub byed go/ /zhes so/ /de bzhin du 'phags pa lha'i zhabs kyis kyang gsungs pa/ ji ltar kla klos gzhan gyi skad/ /'dzin dang bden par mi byed ltar/ /'jig rten pa ni 'jig rten 'das/ / de bzhin 'dzin dang bden mi byed/ /ces so/ /bud med gang zhig la rmi lam du bu skyes pa dang / gnas pa dang / shi ba'i bde sdug gi rgyu rjes su skye bar 'gyur ba la/ gnyid sad pa dang thams cad kyang brdzun pa ltar/ de bzhin du rig pa 'dis thams cad la goms pa'i dus su lhan cig skyes pa dang por shes nas thams cad du 'di nyid du 'jug pa'o//de yang dper na gshog pa ma rgyas pa'i bya ni sa la ltung bar mi 'dod par nam mkha' la 'gro bar sems kyang ltung ba ste/ gshog pa'i rtsal gcig nas gcig tu rim pa ltar rdzogs nas nam mkha' la longs spyod pa'o/ /de bzhin du bdag nyid rnal 'byor pa yang de dang rjes su spyod par rang gi sa nas ltung bar mi bya bar phan pa'i sems kyis gzung bar bya'o//de yang dgyes pa rdo rje las/ ji ltar dbye bar mi 'gyur bar/ /goms pa yis ni 'bad par bya/ /zhes so/ /de la dbye ba gang zhe na/ lus ngag yid so sor gyur pa la thig le gcig tu goms par bya'o//ci yis bya zhe na/ pad+ma'i lag pa bcug nas zhes pas/ lag pa g.yon pa'i rgan po dang mdzub mo gnyis kyis pad+ma'i phyogs gnyis nas phye ba dang btsum par bya ba rtsom pa'o/ /de ltar du rdo rje dgyes mar rol pa gsang ba'i sgrub thabs las/ lag pa'i sor mo gnyis kyis ni/ /pad+ma'i phyogs gnyis gzung ba yis//phye dang btsum par byed pa ste/ /rta yi mtshan ma ltar gsal zhing / /zhes so/ /yang na mchog gi snod ni/ mtshan nyid dang bral ba'i skad cig ma'i byang chub kyi sems las byung ba ni mchog go/ /des na/ dang po'i snod ni nor bu ste/ /pad+ma'i lag par bcug pa'o//ci'i phyir pad+ma'i lag pa zhe na/ lag pa'i mthil ltar spu med pa la sogs pa'i yon tan gyis yongs su rdzogs pa'i shes rab ma'i pad+ma la spyod par gyis shig pa'i don to/ /dpal sdom pa las lag pa'i mthil ltar pad+ma la zhes so/ /rdo rje rol mar/ dgyes ma gsang ba'i sgrub thabs las/pad+ma'i lag pa'i mthil ltar bya/ /lag gnyis rtsa ba'i spu yang bregs/ /rang nyid pad+ma'i gdan la bzhugs/ /bdag mos pad nas 'khyud pa bsgom/ /zhes so/ /phyi'i phyag rgya med pa la lag pa dang pad+ma'i rnam pas lag pas gsor bar bya'o/ /de tsam du ma zad g.yas pa las gzhan zhes pa g.yas pa dang /g.yon pa rgyu ba'i rlung gnyis nang du bcug nas thim par byed pa'o/ /gang du thim na bde ba chen po'i dang du'o/ /gal te bskyod pa'i bde chen po ni sman chen pos bsdams pa'i thig le dang ma dag pa'i chags pa la yang srid pas/ des na rgyun chad med pa'i bde ba chen po'i rang bzhin gsungs pa ni/ci las kyi phyag rgya la mi skye ste/ ci'i phyir zhe na/ gang gang sa gsum gnas pa'i bde ba ni/ /skyes pa phyogs gcig tu ni bzhag pa dang / /lhan cig skyes las dus gcig rnyed pa yi/ /bde ba bye ba'i char yang mi phod do/ / de yang rgyu las byung dang chung ba nyid/ /skad cig gis zad sdug bsngal byed/ /gang na yod pa de bsgrub pa/ /dam pa'i bde ba ji ltar 'gyur/ /zhes so/ /'dir der yang mi mtshungs par 'gyur ba ste/ de yang man ngag bzhin du lag pas reg par bya zhes pa ste/ sha yaM zhes pa'i sgras lag pa'am lus sam gnyid la yang 'gro ste/gnyid ni rnam par shes pa dang dbang po 'gog pa'o/ /'gog pa'i don ni gzhan du 'gro ba med par gcig tu nges par 'gyur bas na de'i reg bya la mngon par phyogs byed pa'o/ /yang na sha yi zhes pas gnyid de/ gnyid dang mtshungs pa'i don gyis shi ba ces brjod do//shi ba ni rlung dang rnam par shes pa dang dbang po 'gog pa ste/ bsam gtan gyi rang gzugs so/ /de'i reg pa la mngon par phyogs pa'o/ /dgyes pa rdo rje las gsungs pa/ gang du 'chi ba bde ba ste/ /bde ba dam pa bsam gtan brjod//ces so/ /gzhan du 'chi ba ni brdzun pa ste/ de bzhin du dpal sdom pa las/ 'chi ba zhes pa rnam rtog ste/ /mkha' spyod gnas su khrid par byed/ /ces so/ /de'i gdams ngag brjod par bya ste/ rlung g.yo zhing bskyod pas bde ba chen po 'das nas 'joms pas na/de nyid kyi sgo nas mchog gi bde bas slar 'joms pa la rab tu 'bad par bya'o/ /sngon du goms dang da lta ba'i/ /mngon par bde ba phun sum tshogs/ /yid ni nang du zhugs pas na/ /'dod pa bsgrub par bsgom par gyis/ /zhes so/ /dpal dgyes pa rdo rje las kyang /gang phyir yid kyis mi bsgom par/ /'gro ba thams cad bsgom par bya/ /thams cad chos ni yongs shes nas/ /bsgom pa nyid ni bsgom pa yin/ /de rnams dam pa gcig yod min/ /rang rig bde ba chen po nyid/ /rang rig nas ni byang chub 'gyur/ /rang rig phyir na bsgom pa nyid//ces so/ /de bzhin du yang / za ba bde chen nyal ba yang / /rnam shes dang ni dbang po 'gog /bstod smad grags dang rnyed pa dang / /rtog pa'ang 'chag pa'i rdzas ltar gyis/ /b+hu su ku pa'i spyod pa bzhin/ /gang gi sems kyis byed pa ni/ /de la yid kyi rgyu ba ni//bde bas rab tu zhi bar byed/ /'du shes gsum pa'i zhabs kyis ni/ /brtse bas rab tu gsungs pa la/ /nyal dang 'dug dang gang du yang / /'grub par 'gyur bar rab tu rtogs/ /zhes so/ /bya ba gzhan yang gsungs pa/ mthe bos zhes pa la sogs pa ste/ des na yang dag ldan par lag par bkod byas nas//zhes par 'brel bas/ ji ltar zhe na dpa' mo yis ni dbang phyug drug po zhes pa la dpa' mo'i dbang phyug ni phag mo dang gshin rje ma dang / rmongs byed ma dang / bskyod byed ma dang / skrag byed ma dang / g.yung mo zhes brjod pa'o/ /rnal 'byor ma drug gi sngags drug de la bkod pa ni/oM baM lte bar/ haM yoM snying gar/ hriM moM mgrin par/ hreM hriM kha la/ hUM hUM mgo la/ phaT phaT yan lag thams cad la bkod par bya'o/ /lag par bkod byas nas zhes pas de yang dang por lag pa la bkod pa ste/ mthe bo chen po dang ni sor mo rnams/ / zhes pa la/ lag pa g.yon pa'i mthe bo nas mthe'u chung gi bar du dgod par bya ba'i don te/ de'i rim pa ni/ oM baM mthe bong la/ haM yoM mdzub mo la/ hriM moM gung mo la/ hreM hriM srin lag la/ hUM hUM mthe'u chung la/ phaT phaT ni sor mo thams cad kyi rtse mo la ste/ gzhan ni sor mo'i rtse mo la dgod pa man ngag go//bshad par bya ba gzhan ni yan lag la dgod par bya ba zhes pa dang 'brel bas/ de'i yan lag ni thur du sel ba'i rlung ste/ ci'i phyir zhe na/ dpa' bo'i dbang phyug gam sngags la dpa' bo ni bde ba chen po'i 'khor lor gnas pa'i dpal he ru ka'i ngo bo ha'i rnam pa la/ de'i dbang phyug ma ni sprul pa'i 'khor lor gnas pa'i bcom ldan 'das ma gtum mo'i gzugs so/ /sngags rnams kyis zhes pa ni/ de la man tra zhes pa'i sgras/ ma man yid/ tra tra ya skyob par byed pa ste/ de'i gzugs so/ /drug po zhes pa ni sbyor ba drug ste/ so sor sdud pa la sogs pa drug go//de bzhin du yang gsungs pa/ so sor sdud dang bsam gtan dang / /srog rtsol ba dang 'dzin pa dang / /rjes su dran dang ting nge 'dzin/ /sbyor ba'i yan lag drug tu 'dod/ /ces so/ /de bzhin du dus kyi 'khor lo las so sor sdud pa la sogs rgyal dbang rnam bcur 'gyur zhing bsam gtan mi bskyod pa nyid do//srog rtsol la yang ral gri slar yang rnam pa bcu gnyis 'dzin pa phyag na rin po che/ /gdol pa pad+ma 'dzin ni rjes su dran yin ting 'dzin 'khor lo can/ /re re lnga po'i dbye bas slar yang de nas a dang ka la sogs pas 'byed par byed/ /so sor sdud pa yul dang yul can rnam pa bcu po log pas lus la'o//shes rab rtog dang dpyod pa dga' dang mi g.yo'i bde ba gcig pa'i sems ni bsam gtan no/ /srog rtsol ba ni lam gnyis mi 'bab 'gyur te dbu ma me ru zhugs pa'o/ /thig ler srog zhugs pa ni gnyis 'gro bcom zhing sems ni gcig tu 'dzin pa ste//lus la gtum mo snang ba gang zhig 'gyur ba nam mkha'i rjes su dran pa yis/ /shes rab thabs kyi bdag nyid mi 'gyur ba yi bde ba'i dbang gis ye shes gzugs brnyan ting nge 'dzin/ /'di dag dbang po rtul po'i dbye bas sna tshogs gtso bor sgrub pa rnam pa gsum du 'gyur//phyag rgya gsum dang gnas skabs gsum po rnam gsum 'gro ba'i dbang gis kun rtog lha/ /zhes so/ /de yang ji ltar zhe na/ lag par bkod byas nas zhes pas/ de yang ka ra zhes pa'i sgras/ ka ni bde ba chen po'i 'khor lo la ra zhes pa len par byed pa ste/ de ltar ka ra zhes pas srog rlung ngo //bkod ces pa ni rtsol bas dbu mar rab tu 'jug par byed pa'i don no/ /de ltar du yang dus 'khor las/ nus ma gang zhig lte ba nas 'gags dri med glog 'dra dbyug pa'i tshul gyis langs nas ni/ /'khor lo'i las ni 'khor lo'i las kyi mtha' ru mnan pa'i rol pas bgrod cing dbu ma'i rtsa nas g.yo//ji srid gtsug tor phug pa'i stobs kyis phyi yi pags par khab kyi tshul du reg /de dug 'jug pa'i rlung ni mchog gi stobs kyis stong pa'i lam du 'jug par bya/ /gtsug tor phug nas pho brang gzhan du zung gi rlung ni bkag nas 'gro bar byed//de ltar rdo rje'i mthu yis yul dang ldan pa'i yid ni mkha' spyod nyid du 'gro/ /gzhan yang mngon shes lnga yi rang bzhin rnal 'byor pas ni sna tshogs pa yi yul 'dir 'gyur/ /zhes so/ /ji ltar gang du byed ce na/ mthe bong chen po dang ni sor mo rnams zhes pas mthe bong chen po ni rdo rje langs pa yin la de yang aM gu li zhes pa'i sgras aM ga na khams te gu li na de la thim par byed pa'i dang sa ma'o//de gnyis sbyor bas gtan nas mi 'pho ba'o/ /de la dpa' bo'i dbang phyug gi gdams ngag brjod par bya ste/ de la bI re shwa ra zhes pa'i sgras/ bI yi rnam pa steng du bgrod par byed/ / i yi rnam pa rlung gis bskyod pa ste/ /re pha dag ni me yi bsnun pa la/ /I shwa ra ni bde ba kun gyi dngos/ /zhes so/ /'di nyid la dmigs pa ni rgyu'i gtum mo'i gzugs kyi ye shes kyi sku can gyi phyag rgya las skyes pa'i bde ba ster ba'o/ /thig le las bzhengs nas byung bar mtshon pa ni bdag gi bla ma gsung ngo //de dag blta bar 'dod nas dpe'i sgo nas brjod par bya ste/ mnyam pa'i snod du btung ba bzhag /dbus su sgron ma sbar bar bya/ /bum pas steng nas sbub pas ni/ /'og gi chu rnams 'dren par byed/ /ces so/ /de'i rang bzhin la 'bad par byas pas mi 'gyur ba'i bde ba ster bas lhan cig skyes pa'i rang bzhin la rnal 'byor pas goms par bya'o//de gang du gsungs na/ sbyor drug las byang sems 'gyur nas 'gro ba ni dman pa'o/ /mi nyams par 'bab cing 'gro ba 'bring / shin tu mi nyams par 'gro ba rab ste/ 'dir las kyi phyag rgyas 'gyur ba'i bde ba ster ba dang /ye shes kyi phyag rgyas mi 'gyur ba'i bde ba ster ba dang / phyag rgya chen pos shin tu dag pa'i bde ba ster ba'o/ /de ltar gsungs pa/ ji ltar sdig pa'i phru gu dang / /chu shing sdong po'i 'bras bu ltar/ /'bras bu las byung nus pa yi/ /rgyu yis gzugs nyid 'joms par byed/ /bde ba chen pos dgyes ma dang //gtum mo yi ni gdams ngag gis/ /de ni bdag med lha mo ste/ /rdo rje rnam snang ma zhes brjod/ /ces so/ /de nas gtum mo ma yin pa'i sgras gzhan yang brjod par bya ste/ sngags rnams kyis ni lus la dgod par bya zhes pa'i 'brel gyis/ de la aM ga zhes pa'i sgras lus sam yan lag la 'gro ba ste/aM zhes pa ni aM gi rnam pa sprul pa'i 'khor lor gnas pa'i lha mo'i gzugs so/ /ga zhes pa ni 'gro ba ste/ thur du sel ba'i rlung ngo / /dgod ces pa ni de steng du bskyod par byed pa'o/ /de yang ci byed ce na/ lag pa bkod byas nas zhes pa lag pa ni gnyis te lag pa gnyis kyi sgras rgyu ba'i rlung gnyis so//dgod pa de ni gnyis 'gog par byed pa'i don to/ /de bzhin du dgyes pa rdo rje las/ rkang pa'i rjes ni dkyil 'khor yin/ /nyed phyir dkyil 'khor brjod par bya/ /lag pa bsgyur ba phyag rgya ste/ /sor mo nyed pa'ang de nyid do/ /ces so/ /gzhan du thur ser gyi rlung glod pa las skye ba yang yod do//gzhung 'dis sngon du bshad pa rnams 'dir rlung gi rgyu ba spangs nas bde ba chen po la 'jug par byed pa ste/ rlung brtan pas ni don thams cad grub pa'o zhes brjod do/ /de bzhin du dpal dus kyi 'khor lo las/ dbus su srog zhugs nyi ma dang bcas ri bong la gnas g.yas dang g.yon pa bcings te gnas//sems la phyag rgya rab sbyar mchog gi bde gnas rdo rje bslang ba dag dang ni/ /pad+mar rdo rje'i sgra'am chu skyes dag tu rang lag gis gsor bde don te/ /sa bon mi gtong ba las 'chi ba'i 'jigs 'joms dpal ldan bla ma'i zhal nyid do//de bzhin du yang / rlung gi tshe la thig les lus/ /nges par mi bskyod sems kyis grol/ /gsum po gcig tu sbyor ba na/ /gsum gyis gdams par rab tu grags/ /zhes so/ /gang du byed par 'gyur zhe na/ mthe bong chen po dang ni sor mo rnams/ /zhes pas mthe bong a guSh+Tha zhes pa ste/ a ga ces pas lus/ Sha Tha na de la gnas pa ste lus la gnas pa'i rdo rje'o/ /chen po zhes pa ni de langs pa'o/ /sor mo rnams dang zhes pa ni dngas ma'i rnam pa'o/ /ldan pa zhes pa ni de gnyis sbyor bas mi 'gyur bar brtan pa'i don to/ /de yang gsungs pa/ gang zhig shes rab la spyod pa/ /bsil zer lhung la bde ba med/ /dpyid dus me tog lhung ba la/ /dus kyi 'bras bu ga la srid/ /ces pa dang / de bzhin du/ las rgya las sbyor kun dang ni/ /gang gi pad+mar lhung ba de/ /phan 'dod me tog bcag nas ni/ /rmongs pas 'bras bu 'dod pa bzhin//zhes so/ /rdo rje dgyes par rol ma gsang ba'i sgrub thabs las/ /pad+ma'i rgya mtsho bsrubs pa las/ /lhan skyes bdud rtsi 'dod pa yis/ /bral ba'i dus kyi dug nag po/ /gang zhig ma byung de bzhin bya/ /zhes so/ /drug ces pa ni mig la sogs pa drug gi shes pa yang nang du zhugs pa dang ldan pa'o//ji ltar ldan pa dpa' mo yi ni dbang phyug gi sngags kyis te/ dpa' bo ni bcom ldan 'das yin la/ de'i dbang phyug ma ni stong pa nyid do/ /de gnyis kyi sngags ni yid skyob pa'i thabs su byas pa'o/ /yang na dpa' bo'i dbang phyug ni stong pa nyid la de'i thabs ni sngags so//de'i thabs su gyur pa la stong pa nyid skye ba'i don to/ /brjod bya gzhan yang gsungs pa/ de rjes la yang zhes pa dang / snod snyoms pa zhes par 'brel bas/ de ltar tshon bzang las skyes zhes pas/ de yang tshon zhes pa ni bsha' tse ste/ bzang zhes pa ni zangs yin la/sbyar zhes pa ni de gnyis gcig tu bsres pa'o/ /las skyes zhes pa ni de las byung ba'i 'khar ba'o/ /snod ni me long gi dngos po yin pa la snyoms zhes pas nag tseg dang 'bar 'bur spangs pa'o/ /de la cis byug ce na/ zha nye las skyes phye ma so ma dag//ces pas/ zha nye las skyes pa ni sin+d+hu ra'o/ /phye ma ni dngos po de'o/ /so ma dag ni gzhan dang ma 'dres pa'o/ /de yang seng ras zhes pa ni ras phra zhing thags ran par btags pa'o/ /dal bus btsags la dgram zhes pa ni myur ba ma yin pa'o/ /de yang ras dmar po la do li'i rnam pa byas la de nyid du sin+d+hu ra blugs te de la sor mos cung zad bskyod pa'i rim pa zhes so//de gang du bya zhe na/ rdo rje 'chang stengs su zhes pas/ rdo rje ni myos byed la de 'dzin pa ni rdo rje 'chang zhes so/ /steng du zhes pa ni gang na myos byed yod pa de'i steng du'o/ /bshad par bya ba gzhan yang gsungs pa/de rjes la yang zhes pa nas snod snyoms la zhes par 'brel bas/ de la snod ces pa ni a ma tra zhes pa'i sgra ste/ de ltar a ni nad de rlung mkhris bad kan 'dus pa'i nad kyis sdug bsngal ba'o/ /tra ya zhes pa de las skyob pa ste/ a ma tra bde ba chen po'o/ /yang na khyad par gyi gnas su gyur pa nyid de//a ma tra zhes pas bde ba chen po'i rang bzhin gyi snod de de rjes la sbyor ba'o/ /snyoms pa zhes pa ni chos thams cad kyi rang bzhin nyid do/ /tshon bzang sbyor ba las zhes pa ni legs par sbyar ba'i sgra la raM ga a ru Na zhes pa ste/ de la raM ga zhes pa zha nye dkar po nyid yin la/yang na raM ga zhes pa 'dod chags dang bcas pa'i byang chub kyi sems so/ /a ru Na zhes pa dang bzang zhes pa ni dmar po 'od dpag med kyi rang bzhin gyi khrag gi gzugs so/ /de gnyis las skyes pa'i don ni bde ba chen po'o/ /gang du de brjod pa yin zhe na/ rdo rje 'chang stengs su zhes pas/de la yang badzra d+ha ra u pa ri zhes pa'i sgras te/ badzra ni rdo rje yin la d+ha ra ni 'dzin pa'am ri bo ste/ der kun gyis bgrod bya ma yin pa dang / de nyid thob par byed pa'i gnas yin te/ u pa ri zhes pa steng du ste rtse mor bde ba chen po 'char ba'o/ /phye ma zhes pa la gang gi phye ma zhe na/zha nye las skyes zhes pas de yang b+hu dza ga b+ha ba zhes pa'i sgra ste/ b+hu dza ga ni klu ste de las skyes pa'i dug go/ /des na yul ni dug yin la de'i rgyu mnar ba'o/ /de bzhin du dpal dgyes pa rdo rje las/ de ltar 'khor bar 'dod pa yis/ /yon tan lnga ldan rin chen nyid//ma dag pas ni dug tu 'gro/ /dag pas bdud rtsi lta bur 'gyur/ /zhes pa dang / de nyid las kyang / dag pas dug med byas nas ni/ /brten bya 'di dag brten pa nyid/ /ces so/ /de ji ltar yin zhe na/ dag pa zhes pa legs par dag pa ste/ 'di ni yul gyi rang bzhin bde ba chen po'i gzugs can nyid do//'on kyang ma rig pas dug ltar gyur pa de lhan cig skyes pa'i gzugs kyi sbyor ba'o/ /seng ras zhes pa ni don la ras kyis blugs pa ste/ legs par mi g.yo ba'i don la dal bus zhes pa ni mkhas pa'i ngang du bstan pa'o/ /yang na b+hu dza ga zhes pa sgeg pa ste/de las skyes pa'i 'dod chags yin la de dang lhan cig skyes pa'i don to/ /'jig rten pa'i chags pa spangs pa'i bde ba chen por sbyor bar byed pa'o/ /yang na zha nye las skyes zhes pas sin+d+hu ra lta bu ste 'dod chags dang bcas pa'i chags pa chen po'i ro la phye ma zhes pa'i don to//bya ba gzhan gsungs pa/ der ni zhes pa la sogs pa nas sngags kyi phreng ba bri zhes pa'i bar te/ bcom ldan 'das ma'i sngags kyi phreng ba bri bar don gyis 'brel ba'o/ /ji ltar bya ba ste 'dri zhe na/ 'khor lo bris nas zhes pas de yang rgyal ba'i snying po'i yang snying po zhes pa ste/rgyal ba zhes pa ni rnam par snang mdzad la sogs pa de bzhin gshegs pa bzhi'i snying por gyur pa ni mi bskyod pa'i gzugs nyid de de nyid ni bcom ldan 'das dpal he ru ka'o/ /de'i yang snying por gyur pa'i chos 'byung la de'i rang bzhin ni 'khor lo'o//gtsug phud can gyi ni zur ldan zhes pa ni/ gtsug phud ni me 'bar ba'o/ /de yod pa ni can te me yin la me ni gsum ste des na zur gsum pa'i 'khor lo'o/ /gtsug phud can ni zur ldan la ni shi khi ko Ti zhes pa'i sgras te/ shi khi ni 'bar ba can te/ me yin la de nyid gsum ste/'dir ko Ti ni zur ram rtse mo ste/ don la 'khor lo'i zur gsum pa'o/ /der ni zhes pas me long la sin+d+hu ra'i phye ma bkram la sngags kyi phreng ba bri bar bya'o/ /de'i snying por zhes pas me long gi mthil la bris pa'i chos 'byung gi snying po de nyid la'o/ /cis 'dri zhe na/gser las byas pa'i thur ma yis/ /zhes pas gser gyi thur ma lag pa g.yon pas bzung nas 'dri bar bya ba ste/ gong gi tshigs su bcad pas sam yang na gdams ngag tu go bar bya'o/ /de'i man ngag brjod par bya ste/ dang por chos 'byung gi lte ba la zla tshes dang thig le dang nA dar bcas pa'i bcom ldan 'das ma'i gzugs baM gyi rnam par bri bar bya'o//de nas chos 'byung gi dbus su sku gsung thugs kyi rnam par dag pa la 'dod pa dang drag po dang / thub pa'i grangs kyis phreng ba gsum la sngags btu ba las byung ba ltar bcom ldan 'das ma'i sngags kyi rgyal po bri bar bya'o//de yang bzhengs pa'i 'khor lor gsungs pa ste/ bcom ldan 'das dang bcom ldan 'das ma'i rang bzhin gyi ha dang / a gnyis po yongs su gyur pas na gnyis su med pa'i rnam par dag pa'i phreng gi 'og baM gyi steng du mtha' ma'i yi ge ha'i gzugs bri bar bya'o//yang na chos 'byung gi rtsa ba la oM bris nas chos 'byung gi re khA'i rim pa ltar de'i rtsa ba na phar sngags phreng gsum bris la dbus su baM bri ba yang man ngag gi lugs so/ /bshad par bya ba gzhan ni de'i snying por sngags kyi phreng ba bri zhes pas de la chos 'byung gi gnas su sngags kyi phreng ba dbu mas bri ba ste/mi 'gyur ba'i gzugs kyis khyab par byed pa'i don to/ /de yang thig le dang rlung gnyis lhan cig tu gyur pas yid skyob par byed pas na sngags so/ /de'i bde ba chen por 'gro ba'i sngags kyi don la phreng zhes pa'am lam zhes pa ste/sngags kyi phreng ba'i sgras dbu ma zhes brjod pa'o/ /de la cis 'dri zhe na/ gser las byas pa'i thur ma yis/ /zhes pas de yang gaM ge ya sha la kaM zhes pa'i sgras/ ga zhes pas bzhi ste/ chos 'byung yin la gA zhes pa der 'gro bar byed pa ste/ gaM gA ni ri rab kyi rtse nas babs pas na bdud rtsi'i rgyun no//de ltar gaM gA zhes pas de las byung ba'i thig le'o/ /de la babs pas na nor bu'i rtser de bskyed pa ste/ de la 'dir thig le ni dbu ma'i lam nas 'gro bas thur ma lta bu ste/ thur ma zhes pas dbu ma'i bug pa nas khyab par 'gro ba nyid do//de la ji ltar byas te 'bri zhe na/ 'khor lo zhes pas de yang rgyal ba'i snying po'i yang snying po zhes pa ste/ rgyal ba ni dpal he ru ka de'i snying po ni ha'i rnam pa de'i snying po ni bde ba chen po'i 'khor lo'i ming ste de nyid ni dus thams cad du gnas pa'o/ /de la bri bar bya zhes pa ni/ der des khyab par byed pa'i don to/ /gtsug phud can gyi zur ldan zhes pas de yang shi khi ko Ti kaM zhes pa'i sgra ste/ de la shi khi ni gtum mo'i me la ko Ti ni de'i rtse mo ste/ kaM zhes pa mgo bo yin la de la u0f85ni ha'i mgo bo'o/ /ha'i rnam pa mgo thur du bstan pa bsgom pa'o//de'i snying po ni bde ba chen po'i 'khor lo'i dbus na de yod pa'i don to/ /yang na sngags kyi phreng ba bri zhes pa ni thig le'i rgyun de bde ba chen por skyel ba'o/ /cis skyel zhe na gser gyi thur ma zhes pas de yang gaM ge ya sha la kaM zhes pa'i sgras de la gaM gA zhes pas thig le ste de ru 'gro bar byed pa'i don gyis na thur ma lta bu ste/skyel bas na dbu mar bri ba'o/ /ji ltar bya zhe na rgyal ba'i snying po'i yang snying po bris nas zhes pas/ rgyal ba ni dpal he ru ka la de'i snying po ni mi 'gyur ba'i byang chub kyi sems so/ /de'i yang snying po ni bde ba chen po'i sems kyis yang dag par byed pa'i don to//'khor lo zhes pa rnam pa thams cad gcod par byed pa nyid do/ /gtsug phud can gyi zur ldan zhes pa ni gtsug phud can ni me yin la/ de bzhin du zur ldan ni me'i rtse mo lta bu'i me'o/ /des mi shes pa'i bud shing thams cad sreg par byed pa'o/ /yang na shin tu rno ba ste 'bugs pa'o//khyad par gzhan yang gsungs pa/ 'khor lo'i zhes pa la sogs pa nas bkra shis dam pa'i zhes pa ste/ bkra shis dam pa ni bzang po'i g.yung drung 'khyil pa 'dri ba ste/ gang du 'dri zhe na 'khor lo'i phyi rol zhes pas chos 'byung gi phyi rol gyi cha la'o/ /de nas yang gnas mang du yod par nges par gang du bri zhe na/shar gyi cha dang byang dang nub dang gzi ldan sras phyogs su zhes pas/ de yang gzi ldan ni nyi ma yin la de'i sras ni gshin rje ste/ de'i phyogs ni lho'o/ /rim pa bzhin zhes pa ni shar nas byang la sogs pa'i rim pa'o/ /lag pa g.yon pa yis ni mngon par bri//zhes pa ni go bar zad do/ /bshad par bya ba gzhan ni bkra shis dam pa rnams dang zhes pas de yang sa ta swa sti kaM zhes pa'i sgras/ de la sa ta ces pas dam pa'am yod pa la 'gro ste/ swa sti kaM pas g.yung drung dam pa bde ba la 'gro bas ba su ni legs pa ste/ a sti ni yod pa yin la/ kaM ni bde ba'o/ /de ltar legs pa'i bde ba yod pas na thig le'o/ /bri zhes pa ni des bkod pa'am 'dis khyab par byed par 'brel ba'o/ /gang du dgod ce na 'khor lo'i phyi rol du zhes pas bde ba chen po'i 'khor lo'i phyi rol gyi cha la'o/ /de yang gang du zhe na/shar dang byang dang nub dang gzi ldan sras phyogs su zhes pas ba spu'i bu ga rnams te/ lus thams cad la khyab par byed pa'i don to/ /de gang gis mtshon zhe na/ lag pa ste/ de nyid rlung la bya'o/ /sor mo lnga yod pa nyid la lag pa ste lnga po des mtshon nas lus la gnas pa'i rlung lnga bzung ba'o//ji ltar zhe na g.yon pa ste/ bA ma zhes pa'i sgras g.yon pa'am yid 'phrog pa ste/ gzhan gyis mi bskyod pa'i don to/ /ji ltar bri zhe na rim pa bzhin zhes pas rim gyis brtan pa'am mi 'pho bar ba spu'i khung bu thams cad khyab pa'o/ /brjod par bya ba gzhan yang gsungs pa/dzaHhUM baM hoHzhes pa la sogs pa des rdo rje lha mo bkug nas zhes par 'brel ba'o/ /de yang ji ltar zhe na bkug nas zhes pas myos byed kyis bris pa'i lha mo'i sngags kyi phreng ba las 'od zer lcags kyu'i rnam pas 'og min gyi gnas nas dzaHyig gis lha mo bkug la'o//yi ge la ni bcug nas zhes pas me long gi mthil la sngags kyi yi ge rnams bris pa la hUM gis gzhug par bya'o/ /bsdams pa dang zhes pa sngags kyi yi ge rnams la baM gyis rab tu bsdam par bya ba nyid do/ /ji ltar bkug pa la sogs pa zhe na/ dzaHhUM baM hoHzhes ni rab brjod pas zhes pas/'dis ni dgug pa dang gzhug pa dang bcing ba dang dgyes par byed pa'i sngags te/ de re re la yang so sor bsgom pa sngon du 'gro bas bya ba nyid kyi don to/ /rab brjod nas zhes pa la sogs pa ni/ 'bar ba'i phyag rgya la sogs pa yang shes par bya'o//de yang / rkang pa mnan cing gyen du blta/ /steng du pheM gyi sgra sgrogs pas/ /zhes pa yang man ngag gi lugs so/ /bshad par bya ba gzhan ni rdo rje lha mo'o zhes pa ni/ gtum mos lus gang bar bya bas mnyes pa'i don to/ /bkug nas zhes pas steng du song nas lhung bar gyur pa'i bdud rtsi'i rgyun 'bebs par byed pa'i don to//sngags kyi yi ge la ni rab bcug nas/ /zhes pas sngags ni byang sems yin la/ de la bde ba chen po'i ye shes rnams mi 'gyur bar thim par byas nas de'i gzugs su bskyod pa'i don to//des na yongs su rdzogs pa'i 'bras bu rnyed nas de la rgyu'i gzugs su gnas pa mi rigs pa nyid de/ 'di ni lhan cig skyes pa'i gtum mo nyid de/ de ltar rigs par shes par bya'o/ /bsdams pa dang zhes pa ni bde ba chen por legs par rab tu bsdams par byas pa'o/ / cho ga zhes pa ni ji ltar man ngag bzhin du ste/ des go bar bya ba'o/ /de ltar/ dzaHhUM baM hoHzhes ni rab brjod nas/ /zhes pas 'dir yi ge bzhi'i don ni zhal las dran pa'i don to/ /mchod pa gsungs pa/ de rjes sngags kyis zhes pa la sogs pas de'i rjes su de la mchod par bya'o zhes pa dang 'brel lo//gang la zhe na/ sngags kyi rang bzhin de la zhes pas ye shes pa dang gnyis su med pa'i chu dang 'o ma 'dres pa lta bu'i sngags kyi rang bzhin de la'o/ /mchod pa rnam pa sna tshogs pa dag ces pas/ des na bza' ba dang zhes pas/ khur ba la sogs pa'o/ / bca' ba dang zhes pas 'bras chan la sogs pa'o/ /bldag pa dang zhes pas/ sbrang rtsi la sogs pa'o/ /btung dang zhes pas/ dpa' byed la sogs pa'o/ /bzhi pa bya zhes pas a 'bras la sogs pa'o/ /'dod yon lnga dang bcas rnams kyis/ /zhes pas/ 'dod pa'i yon tan lnga'i longs spyod do//bshad par bya ba gzhan yang gsungs pa/ sngags kyi rang bzhin de la zhes pas bde ba chen po'i rang bzhin te/ lha mo'i mchod pa de la yid rgyun du goms pa'i sems rtse gcig tu bya ba'o/ /rgyu cis bya zhe na/ bza' dang zhes pa la sogs pas/de la stobs 'phel ba'i phyir 'dir brten pas stobs las bde ba skye ba nyid do/ /'dod yon lnga dang bcas rnams zhes pas/ 'dod pa'i yon tan lnga nges par sbyar nas longs spyod pa'i don te/ yang na 'dod pa ni bcu gsum yin la yon tan gsum ste/ 'dod pa'i yon tan gyi sgras rlung gi 'pho ba bcu drug tu brjod do//dus rtag par 'dir bsgoms pas rlung gi rim pa las rnyed pa 'di'i dngos po bde ba chen po la thim par byed pa'o/ /'o na de nyid rkyang bar ram zhe na/ sna tshogs stobs ni zhes pa la sogs pa ste/ sna tshogs zhes pa rnam pa mang po'o//stobs zhes pa sha'o/ /yang na sna tshogs zhes pas ba lang dang khyi dang glang chen dang rta dang mi'i sha'i don to/ /myos byed dang bcas zhes pas/ btung ba dang ldan pa'o/ /shin tu khyad 'phags zhes pas mchog tu gyur pa'i rdzas so/ /mchod pa zhes pa ni bsnyen bkur ro//rnam lnga zhes pas gzugs la sogs pa'o/ /glu dang zhes pas/ rdo rje'i glu dang gzhan yang legs par rol par dgyes pa'i glu'o/ /rol mo dang zhes pas pi wang dang gling bu la sogs pa las byung ba'i glu'o/ /gar dang zhes pas rdo rje rkang pa'i gar ro/ /bskor ba zhes pa rten de la bskor ba'o//phyag dang bstod pa yang de bzhin no/ /bshad par bya ba gzhan yang gsungs pa/ sna tshogs stobs dang zhes pas/ ba lang dang / khyi dang glang po che dang / rta dang mi'i sha'i rang bzhin gyi phung po rnam pa lnga'i bdag nyid rnam par snang mdzad dang / rin chen 'byung ldan dang / 'od dpag med pa dang / don yod grub pa dang / mi bskyod pa ste/ de dag kyang bde chen du thim par byed pa'o/ /myos byed dang bcas zhes pas/ myos byed ni nga rgyal gyi rnam pa ste/ de'i rang bzhin can no/ /shin tu khyad 'phags zhes pa ni/ 'dod chags la sogs pa'o//mchod pa zhes pa ni sgra'i gnas la bsnyen bkur du 'gro ba ste/ yul sna tshogs kyi bsnyen bkur gyis bde ba chen por ro gcig par byed pa'o/ /rnam pa lnga dang zhes pa ni/ mig gi rnam par shes pa la sogs pa lnga'o/ /glu dang zhes pas/ bde ba chen po las byung ba'i rang byung gi sgra'o//rol mo dang zhes pas rdo rje'i sgra'o/ /gar dang zhes pas snyoms 'jug gi rnal 'byor ro/ /bskor ba zhes pas rdo rje la pad+mas bskyod cing rnam 'gyur gyis bskor ba'o/ /phyag 'tshal zhes pas ting nge 'dzin nyid du nges par blta ba'o/ /bstod pa zhes pa ha dang hi la sogs pas rgod pa'o//yang na de'i phyogs su thams cad kyang mnyam pa'i rang bzhin nyid du shes nas 'dir thams cad kyis bde ba chen po'i don la goms par byed pa'i don to/ /de ltar na ma byed ce na/ nyin re bzhin nam zhes pa la sogs pa nas/ji skad bshad bzhin mchod pa'i cho ga bya/ zhes par 'brel bas/ 'di la bya zhes pas sngags kyi rang bzhin gyi lha mo'i de la'o/ /nyin re bzhin nam zhes pas rtag tu'o/ /zla phyed so so la zhes pas mar ngo dang yar ngo'i tshes bcu'o/ /zla re bzhin nam zhes pas ni nag po'i tshes bcu la'o//nag po'i phyogs kyi tshes bcu la rnal 'byor ma rnams 'du bar 'gyur bas so/ /tshes ni bcu pa la zhes pas bcu ni lha mo'i tshes yin pa'i don to/ /dngos grub 'dod pas zhes pas 'jig rten dang 'jig rten las 'das pa'i dngos grub mngon par 'dod pas so//dam pa zhes pas mkhas pa'i ngang tshul lo/ /bshad par bya ba gzhan yang gsungs pa/ de nas bde ba chen po'i rang bzhin gyis lha mo'i gzugs de la ji ltar bshad pa ltar mchod pa'i cho ga bya ba ste/ nyin re bzhin nam zhes pas nyin re la dmigs pa'i rang bzhin nyid du dmigs pa de la ji lta ji ltar dmigs pa de lta de ltar bde ba chen po gzhug par bya ba'i don to//zla phyed so so'am zhes pa ni/ dngos po'i phyogs dang dngos med kyi phyogs so/ /zla re bzhin nam zhes pas/ phyogs gnyis kyang gcig tu gyur pa ste/de gnyis las byung ba nyid kyang bde ba chen po'i ngang du sbyor bar byed pa'i don no/ /bcom ldan 'das kyis gsungs pa/ don la rton par bya'i sgra la rton par mi bya'o zhes so/ /dngos grub 'dod pas zhes pa ni/ gang 'dod na bcu pa la zhes pas/ tshes bcus mtshan nas sa bcu pa'i dbang phyug 'dod pa'i don no//tshes zhes pa ni sa bcu ste 'di ni lha mo'i tshes te dus thams cad du nye ba nyid do/ /dpal ldan bi kra ma de ba zhes bya ba'i gtsug lag khang chen po'i dge slong paN+Di ta bIr+ya shrI mi tras rnam par phye ba de kho na nyid bshad pa zhes bya ba'i 'grel pa las phyi rol mchod pa'i cho ga'o// //de nas zhes pa la sogs pa ste/ des na zhes pa nas sngar brjod lha mo zhes par 'brel bas/ de yang sngar brjod lha mo zhes pa ni/ sngon du brjod pa ltar gyi lus nyid lhan cig skyes pa'i rang bzhin gyi lha mo'am/ yang na dpal sdom pa rgya mtsho las sngon du bcom ldan 'das kyis gsungs pa ltar gyi lha mo'o/ /brtse chen zhes pas/ sems can la snying brtse ba chen po dang ldan pa'o/ /phyi rol mchod pa'i tshul byas nas/ /zhes pas/ phyi rol du me long gi mthil la bris nas ji ltar mchod pa bzhin du'o//lha mo gang du bsam zhe na/ sprul pa'i rtsibs can pa dang dbus su zhes pas/ sprul pa'i 'khor lo la pad+ma'i dbus su'o/ /dbugs bral snying ga'i tsha zer can gzugs la zhes pas/ dbugs bral ni srog med pa ste rnam shes dang bral ba'o/ /snying ga'i zhes pa/ro de'i snying ga'o/ /tsha zer zhes pas drod kyi yon tan dang ldan pa ste nyi ma'o/ /can gzugs la zhes pa ni de'i dkyil 'khor ro/ /ro'i snying gar nyi ma'i dkyil 'khor la bsgom pa'i don no/ /bshad par bya ba gzhan yang gsungs pa/ lha mo zhes pas/ de wI zhes pa'i sgras chags pa chen po'i ro la longs spyod cing rol pas de wI zhes bya'o//de ni sngar bshad pas 'dir bshad par mi bya'o/ /brtse chen zhes pa ni u ru kA ru Na'i sgra ste/ kA na bde ba yin la ru na de 'dzin pa ste/ kA ru Na byang chub kyi sems so/ /u ru ni chen po ste/ mi 'gyur ba'i byang chub kyi sems chen po'o//phyi rol mchod pa'i tshul byas nas/ /zhes pa ni/ de la bA h+ya zhes pa'i sgras/ bA h+ya na 'dzeg par byed pa ste u ma'o/ /yang na phyi rol zhes pas shes rab ma nyid las phyag rgya'o/ /tshul byas nas zhes pas de bzhin du dbu ma'i sgo'am phyag rgya'i sgo nas bde ba skyed par byed pa'i tshul lo//de gang du bsam zhe na/ sprul pa'i rtsibs can pad dbus su/ /zhes pas/ 'od gsal gyi ngang las yid kyis sprul pa'i rtsibs gsum pa'i 'khor lo ni sprul pa'i rtsibs te/ chos 'byung la de'i dbus kyi pad+ma la'o/ /dbugs bral snying gar tsha zer can gzugs la zhes pas ro'i snying gar nyi ma'i dkyil 'khor la shin tu rnam par dag pas chos kyi dbyings las byung ba'i ye shes kyis gsal bar byed pa'i don no//rnam par dag pas nges par sems ni chos kyi dbyings/ /nyal ba'i ro ni bdag med rnam dag gzhal med khang //mtha' bzhi dang bral shin tu dag pa'i rang bzhin la/ /chos kyi snying por yid ches des na ro snying gar/ /shin tu rnam par dag pa'i ye shes dam pa nyid/ /shes rab snang bas nyi ma'i dkyil 'khor gzi brjid rtse/ /shin tu rnam dag chos kyi dbyings kyi rang bzhin la//de las bzhengs pa gcig tu 'gro ba'i gzugs can nyid/ ces so/ /bsgom pa gsungs pa/ lha mo bsgom zhes bya ba'i tshig dang 'brel pas/ dgongs thun dmar thag mdog can zhes pa dgongs thun nub ka'i nyi ma ste sin+d+hu ra'i mdog la dmar smug tu go bar bya ste/ shin tu rnam par dag pa'i 'dod chags kyi rang bzhin nyid do/ /'od sbubs tshogs zhes pa la/ 'od ni 'od zer te gzhan gyi 'od thams cad mog mog por byed pa'o/ /sbubs zhes pa shin tu rno ba'i bye brag go/ /tshogs ni mang ba ste kun tu khyab pa'o/ /bdun gyi gzi bcom zhing zhes pa ni/lha mos nyi ma bdun gyi gzi brjid thams cad bcom pa'o/ /de ci lta bu zhe na/ nyam thag kun gcod ces pas thams cad kyi sdug bsngal ma lus par gcod pa'o/ /gang gis she na/ gri gug g.yas kyis 'dzin zhes pas gri gug gi bye brag gsungs pa/ dpag med 'od 'phro zhes pas de la dpag tu med pa mtha' yas mu med pa'i 'od chen po byung bas sems can gyi nyon mongs pa ma lus pa gcod pa'o//g.yas kyis 'dzin zhes pa ni phyag g.yas pas so/ /gzhan ji ltar zhe na/ rgyal mtshan dang bcas zhes pas g.yon pa'i phyogs su 'dzin pa'i kha T+wAM ga'o//dang bcas zhes pas gzhan yang 'dzin pa ste/ g.yon pas zhes pas phyag g.yon pa'o/ /pad snod ces pas thod pa'i snod yin no/ /shin tu dkar ba zhes pas dri ma med pa'o/ /khrag gis bkang 'dzin zhes pas/ bdud bzhi'i khrag gis bkang nas g.yon pas 'dzin pa'o//dbu bcings zhes pa ste/ gang gis bcings she na rdo rje la sogs pa'i phreng bas bcings pa ste/ de yang ka l+ya zhes pa'i sgras nag po yang yin la/ yang na kaM ni mgo bo yin la A li ni phreng ba ste/ bye brag tu rdo rje'i phreng ba nag pos bcings pa'o/ /der gdams ngag gi thod pa lnga'i phreng ba yang go bar byed pa'o//yang na ka ni mgo la A li ni phreng ba ste de la mgo bo'i phreng bas bcings muk+ta mur d+ha hasta zhes pa'i sgras/ muk+ta zhes pa grol ba mur d+ha ni gyen du/ hasta ni lag pa'o/ /ji ltar grol ba'i lag pa gyen du song ba nyid do/ /yang na muk+ta grol ba yin la/mur d+ha zhes mgo skyes hasta lag pa ste skra grol ba dang nye bar lag pa grol ba yang yod pa'o/ /khyad par gzhan yang gsungs pa/ mgo bo'i phreng bas sku brgyan zhes pa ni sku la mi mgo'i phreng bas brgyan pa'o/ /khrag gis zhal bkang zhes pa ni zhal ni pad+ma'i zhal te/ de bzhin du de la khrag 'dzag pa'i rgyun dang ldan pa'o//yang na bdud bzhi'i khrag zhal du gsol nas de'i rgyun mar zags pa'o/ /ro'i spyan ldan zhes pas bro zhes pa ro bro ba ste/ zas kyi ro drug go/ /'dir drug gis mtshon nas spyan ldan zhes spyan yang rnam pa drug go/ /de ni zhal rnam pa re re la yang spyan gsum gsum nyid du brjod do//grol ba'i gdangs zhes pa ni grol ba bde ba chen po yin la/ gdangs ni de dang ldan pa'o/ /sa rlog zhal ni zhes pa phag pa'i zhal lo/ /gyen du blta zhing zhes pas cung zad gyen du bskyod pa'i khyad par ro/ /rtsa ba'i zhal ni zhes pa sprul pa ma yin pa de'o/ / cung zad khro ni rol pa'i khro mo'o/ /skal ldan zhes pa la ba ra su b+ha gaM ma nA kro d+ha mU la A nan taM zhes pa'i sgras/ ba ra ni mchog tu gyur pa'am bzang po la/ su b+ha gaM zhes pa yid 'phrog par byed pa ste/ ma nA gro d+ha ni cung zad khro ba'o/ /A na zhes pas zhal gzhan te/ phag pa'i zhal la/ na na zhes pa zhal nyid do//de bzhin du zhal gnyis po la yang de ltar skal ldan gyi sgra dang ldan pa'o/ /taM zhes pas de bsgom par bya'o zhes pa'i don to/ /kun dga' dang bcas zhes pas lhan cig skyes pa'i dga' ba chen po'i rang bzhin no/ /rjes su chags shing zhes pas chags pa chen pa'i rang bzhin nyid do//sna tshogs nyams can zhes pas thams cad kyi nyon mongs pa ma lus par 'byin par byed pas sgeg pa la sogs pa'i gar gyi nyams dgu dang ldan pa'o/ /skyil krung phyed pa'i gar zhes pas des ni sangs rgyas kyi phrin las ma lus par byed pas gar gyi rnam pa nyid do//phyag rgya yis ni rgyas btab ces pa ni/ de la phyag rgya ni mgul rgyan dang / phyag gdub dang rna rgyan dang / spyi gtsug nor bu dang / tshangs skud de rang gi lus la phyag rgya lngas btab pa zhes dpal sdom pa las bshad do/ /de bzhin du rang gi lus dang yan lag la rgyas btab pa ste/ phyag rgya nyid kyis so/ /de bzhin du dpal sdom pa las/ mgul rgyan lag gdub rna cha dang / /spyi gtsug nor bus brgyan pa ste/ /mchod phyir thogs dang thal ba nyid/ /phyag rgya drug tu rab tu grags/ /zhes so/ /'dir ni lha mo la thal ba med pas phyag rgya lngas brgyan pa'o/ /de bzhin du dpal sha ba ris mdzad pa'i sgrub thabs las/phyag rgya lnga yis brgyan pa'o/ /zhes so/ /'khor lo dang rked rgyan la sogs pa ni nye ba'i phyag rgya yin te/ des kyang brgyan pa'o/ /na bza' dang bral zhes pa ni sgrib pa gnyis spangs pa nyid kyi phyir gcer bu'o/ /bcu drug lo tshod ces pas bcu drug gi dus kyis yongs su gang ba'i zla ba'i rang bzhin nyid kyi'o//yang na dga' ba bcu drug gis yongs su gang ba'i dus so/ /ji ltar dpal dus kyi 'khor lo las gsungs pa/ gang zhig spyi bor 'khor lo 'chang ba shes rab 'dzin pa 'di ni khu ba bde bral ba/ /gtsug tor tshangs pa'i bug par mi 'gyur bde ba'i mchog ni bcu drug dga' bas yongs su gang //zhes so/ /sku mchog can zhes pa ni thams cad du 'jam zhing bde ba la sogs pa'i dgyes pas sbyor ba'i yon tan dang ldan pa nyid do/ /bya ba gzhan yang gsungs pa/ ye shes bkug sogs zhes pa la sogs pa ste/ sngags pas ye shes bkug nas g.yung drung 'khyil pa bsgom//zhes bar 'brel lo/ /ye shes bkug sogs ni ye shes sems dpa' dgug pa la sogs pa ste/ de yang snga ma bzhin du zhes pas sin+d+hu ra la mchod pa'i dus su ji ltar byas pa ltar byed pa'i don no/ /gzhan yang bshad pa/ 'gro ba gnyis su med pa'i ye shes kyi rang bzhin du byed pa ni ye shes sems dpa' dgug pa'i don no//cho ga'i rim pa zhes pa ni man ngag gis go bar bya'o/ /sngags pas byas nas zhes pas byed pa po'i tshig ste/ gong du 'brel bshad do/ /bkra shis zhes pa ni g.yung drung ngo / /de la swa sti ka zhes pa'i sgras/ su na legs pa asti na yod pa/kan bde ba ste/ des na legs pa'i bde ba yod pa ste/ de ni thig le'o/ /de nyid kyang gtum mo'i sbyor bas 'khor ba'am g.yos pa ste/ thig le'i rnam par dag pa 'dod pa gdams ngag go/ /de bzhin du a wa d+hU tI pas mdzad pa'i sgrub thabs las/ phag gdong gyen du rnam par lta//g.yung drung 'khyil ba myur du 'khor/ /zhes so/ /g.yung drung ni nan+ti brta zhes pa'i sgras/ nin+ta zhes pa thig le la/ /brta ya zhes pa 'khor ba'o/ /bde ba'i rang bzhin gyis lha mos lhan cig skyes pa'i dga' ba la dgyes par rol bas na thig le yin te/ de la gtum mo'i sbyor bas g.yos pa ni 'khor ba'i don nyid do//dpral ba yi ni mngon phyogs la/ /zhes pas phag zhal gyi dpral ba'i mngon phyogs la'o/ /myur bar zhes pa ni shin tu mgyogs par te 'khor ba'i sbyor ba'o/ /'khor ba zhes pa ni rgyun chad med pa ste/ rdza mkhan gyi 'khor lo lta bur 'khor ba'o/ / gcig ni zhes pa gnyis med pa'i ste/ gcig pu nges par byas pa'o/ /ji ltar zhe na/ bsgom par bya zhes pa/ gong du 'brel ba'i tshig gis bstan pa de bya ba'o/ /khyad par du bya ba gsungs pa/ de'i rjes la zhes pa la sogs pa'o/ /de'i rjes su 'khor lo bsgom par bya zhes pa dang 'brel lo//gang du bsgom par bya zhe na bya lam khams su ni zhes pas/ bya lam ni nam mkha' yin la de ni stong pa ste/ de ltar lha mo'i pad+ma'i bug pa la bya lam mo/ /khams zhes pa de'i rang bzhin te/ nam mkha'i khams sam sa'i khams lta bu'o/ /des na lha mo'i pad+ma'i snying po la bsgom pa'i don no//gru gsum ri bo yi ni sul nang du/ /zhes pas/ zur gsum yod pas na gru gsum mo/ /ri bo zhes pa ni bal gyis mi bgrod pa dang / 'ga' zhig gis bgrod kyang ltung ba'i phyir ro zhes brjod pa'o/ /sul nang du ni de nang du ste/ lha mo'i pad+ma'i snying po la yang chos 'byung sgom pa'o//'khor lo zhes pa ni ji ltar sin+d+hu ra'i dbus su gtsug phud can gyi zur ldan zhes pa'i 'khor lo bris pa ltar byed pa'i don to/ 'og nas bshad pa'i zhes pas go bar bya'o/ /dmar po zhes pa ban+du ka'i me tog lta bu'o/ /rab tu 'bar ba ni zhes pa me 'bar ba lta bu'o//myur bar zhes pas legs par dpe med pa'i bde ba la sbyor bar byed pa'o/ /sngar bshad pa lta bu'i 'khor bar bsgom zhes pa 'di yang gong gi g.yung drung lta bur byed pa'o/ /de'i khyad par gsungs pa lhag pa'i zhes pa la sogs pa ste/ de yang 'khor lo ni lhag pa'i shugs kyis zhes pas drag po'i shugs kyis so//brtan pa ltar gnas shing zhes pas brtan pa'i tshad mi g.yo bar 'dug pa ltar bsgom pa'o/ /de la gdams ngag ni 'og gi tshigs su bcad pa yod pa de la/ phyi nas shes pa dang blta bar bya ba'i tshig ste/ 'khor lo bsgom pa'i rjes la gtum mo bsgom pa'i rang bzhin te/de ltar du yang / rlung med mi g.yo mar me ltar gsal te/ /zhes pas de ltar gtum mo bsgom pa'o/ /blta bar bya zhes pa des de ltar go bar bya'o/ /'dir/ rlung med mar me mi g.yo ltar gsal te/ /zhes pa la sogs pa ni bye brag tu ma rtogs pa'i sgo nas 'khor lo bsgom pa'i man ngag yin no zhe na rab tu 'bar ba dang mar me ltar gsal ba gnyis don gcig la sgra gnyis zlos pa'i skyon du gyur pas/des na 'dis ni gtum mo bsgom par bshad pa nyid do/ /yang bshad pa gnyis pa 'di ni bcom ldan 'das ma'i gtum mo bsgom pa'i khyad par te/ 'di ni man ngag gi lugs so//'di gnyis ni man ngag dman pa'i ste/ bshad par bya ba'i spang bar bya ba nyid do/ /gzhan du kun rdzob tsam gyi phyogs nas gtum mo'i rnal 'byor bsgom pa las 'dir ma bshad pa nyid do/ /yang ni 'di la 'khor lo nyid gtum mo'i rang bzhin du bshad pa'ang yod do//de ltar thams cad 'khor lor song nas gzhan du 'di'i phyogs nas gtum mo'i rnal 'byor med pas des na 'di spangs nas gtum mo 'chad do/ /gtum mo'i rang bzhin gang yin zhe na/ bzhu byas nas zhes pa dang / rlung med mi g.yo zhes pas/ gtum mo nyid kyis so/ /gang bzhu zhe na bde ba chen po zhes pas bde chen 'khor lo nas zhu bar byas pa'o//bdud rtsi'i thig le zags pas khrus bya zhing / /zhes pas bde ba chen po'i 'khor lo nas bdud rtsi'i rgyun kun du byung bas khyab pa'i khrus bya'o/ /sku gsum zhes pas chos dang longs spyod dang sprul pa'i sku'i rang bzhin no/ /ngo bo zhes pas de dag kyang rang bzhin gcig pa nyid do//mchog tu zhes pas thun mong ma yin pa'i bdag nyid do/ /lhan cig tu skyes pa'i bdag nyid ces pas bde ba chen pos yongs su gang ba nyid do/ /'gro ba khyab byed cing zhes pa mtshan nyid dang bral ba ste/ de las gzhan ma yin pas khyab pa'o//yang na 'gro ba ni bde ba yin la khyab pa ni des khyab pa ste/ 'gro ba yang lhan cig skyes pa'i rang bzhin gyis khyab par byas pa'o/ /bde ba dpag tu med pa'i rgyur 'phro ba/ /zhes pa bde ba ni lhan cig skyes pa'i dga' ba/ dpag med ni mu mtha' med pa/ rgyur zhes pa ni rgyun mi chad/'phro ba ni gzhan la dgod pa'o/ /nub tu bltas nas zhes pas lha mo bsgom pa'i dus su nub tu mngon par blta ba ni bya ba'i lugs so/ /phyi nas zhes pas sprul pa'i 'khor lor baM gyi rnam pa'i gzugs can la zla tshes thig le nA da'i tshul gyis lha mor gnas pa las nA da'i gzugs su chad pa'i ri mo'i steng du ba ste/ji ltar gong du gsungs pa'i khyad par rnams 'dir bsgom par bshad pa'i man ngag gi lugs so/ /de yang nA da'i gzugs kyis bcom ldan 'das ma steng gi 'khor lo gnyis phug nas/ de nyid bde ba chen po'i rang bzhin du gyur pas des ni bde ba chen po'i rang bzhin gyi bkra shis la phog nas slar log /de yang bde chen 'khor lor song nas de'i 'bar ba chen po des dper na bug pa can gyi bum pa mar gyis bkang ba bzhu ba ltar/ zhu ba'i byang sems kyi rgyun gyis nA da'i bdag nyid la yang khrus byas pas gsal bar gyur pa'i dus su lha mo yang bsam du med pa'i bde bar bsgom pa ni khyad par ro//bshad pa gzhan ni gtum mo dang por bshad pa nyid do/ /'khor lo'i khyad par yin te/ dang por 'khor lo'i khyad par bshad pa rnams ni mchog tu bsam par bya'o/ /des na 'khor lo nyid bde ba chen po ste/ de zhu ba'i bde ba de'i rang bzhin la gzhug pa po//'dir da res spyi bo bde ba chen po'i 'khor lo las ni ma yin no/ /bdud rtsi thig le zags pas zhes pa gang du sbyor zhe na/ de las de'i 'og tu gnas pa'i gtum mo 'bar ba nyid la khrus byas pa nyid do/ /gtum mo'i rnal 'byor gyi nus pa las skyes pa'i sbyor bas mchog tu gyur pa'i chags pa bskyed pa ste/de yang dper na go la la sogs pa'i nus pa bsdus pa las dmar ba'i mdog lta bu dang bur shing la sogs pa rnams btsir ba'i nus pa phul du phyin pa'i ro bro ba 'byung ba dang / shing la sogs pa rnams bsrubs pa las skyes pa'i nus pas ni me 'byung ba dang /gnyis mthun gyi sbyor ba las skyes pa'i nus pas ni bu la sogs pa 'byung ba dang / 'o ma la sogs pa rnams drag tu bzhos pa las skyes pa'i nus pas mar 'byung ba dang / mar la sogs pa rnams ni 'bar bas bskyod pa las skyes pa'i nus pa ni//dngas ma dang snyigs ma ste/ 'og tu gyur pa dang / sa la sogs pa rnams bskol zhing brdungs pa las skyes pa'i nus pas de la 'od 'byung ba dang /rgun 'brum la sogs pa sman gyis bsgyur ba'i nus pa las skyes pas myos byed du 'gyur ba dang / sngags la sogs pa rnams las skyes pa'i nus pas ni dgug pa dang bcing ba la sogs pa byed pa ltar du de ltar bsgoms pas ni thams cad kyi dpe don rgyud la skye la/ma bsgoms na ni nyan thos kyi theg pa dang / theg pa chen po gnyis la khyad par med de/ 'dir gdams ngag gi rtsa ba dang bcas pa yang thams cad rtsa ba med pa ltar 'gyur ro//de bzhin du gsungs pa/ rdo rje pad+ma yang dag sbyor/ /de yi pad+ma btsir bar bya/ /rim gyis bsrubs par gyur pa las/ /mthun par bde ba bskyed pa nyid/ /rgyun du 'bebs pa ri bo ste/ /'bar ba'i nus pa baM lnga byung / /bskol ba'i nus pa 'bar ba ste//bud med chags pa chen po'i sman/ /'gugs pa'i nus pa rlung gis ni/ /ci phyir bde ba che mi skye/ /ma bsgoms pa yi skyon gyis ni/ /rgyu ni nyams par 'gyur ba'o/ /de nas sems can thams cad gdon par bya ba'i don du/ bcom ldan 'das ma'i bdag nyid kyi rnam par dag pa 'di gsungs so//de bzhin du mi pham pa zhes bya ba'i sgrub thabs las bdag gi bla mas sin+d+hu ra la sogs pa'i dag pa gsungs pa/ me long sin+d+hu ra yis ni/ /phag pa'i zhal ni mnyes par byed/ /nang gi lha mo'i gzugs la ni/ /de bzhin mchod pa gtso bo ste//myos byed 'dzin pa chu skyes la/ /rdo rje mi phyed ye shes so/ /de la rdor 'dzin sgra zhes brjod/ /steng gi sgras ni de nyid brten/ /me long mthil ni dri med sems/ /chags pa'i rnam dag zha nye skyes/ /bkod cing byug pa phyi rol la/ /yang na nang gi chos 'byung la'o/ / sa bon mi 'gyur sngags bri ba/ /sngags phreng yid ni skyob pa'o/ /gser gyi thur mas bri ba ni/ /gsal ba'i dbu ma legs par rgyas/ /skyon bral de las skyes pa'i ye shes ni/ /shin tu rnam par dag pa'i gzugs can ma'o/ /bag chags thams cad spangs pa'i bdag nyid la/ /de yis dgyes par bya'o rnal 'byor ba//yan lag mi mgos brgyan pa 'di yis ni/ /A li kA li rnam dag 'gog pa'o/ /bde ba chen po'i rang bzhin gyis/ /khrag dang ldan pa nyid du brjod/ /yang na zhal gyi khrag 'dzag pa/ /bdud kyi khrag ni 'thung ba nyid/ /rtsa ba'i zhal ni don dam ste/ /phag pa'i zhal ni kun rdzob bo//rtsa ba'i zhal ni spyan gsum bo/ /dus gsum mi 'gyur rnam par dag /phag zhal gyi yang spyan gsum mo/ /bden gnyis rnam par mkhyen pa nyid/ /thig le steng du bgrod pa yis/ /'di ni gyen du grol ba'i skra/ /sil bu lus khyab bde ba ste/ /nag po nam mkha'i khams nyid dag /gdams pa grol nas 'gro ba ltar/ /bag chags spangs pas de bzhin du/ /lha mo cung zad khro ba'i zhal/ /skal ldan zhes pa bde ba bstan/ /dngos dang dngos med rnam rtog rnams/ /gcod par byed pas gri gug go/ /shin tu rno ba g.yas kyis 'dzin/ /mchog gi 'od ni rno ba nyid//rnam par dag pa'i byang chub sems/ /thod pa khrag gis gang ba ni/ /shin tu rnam dag chags pa yis/ /yongs su sbyor ba rab tu sbyor/ /yang na bde ba chen po dang / /brtse chen ro gcig mi yi thod/ /khrag gis gang ba g.yon pas 'dzin/ /thig le g.yon nas 'bab ba nyid/ / kha ni rtsa la T+wAM ga 'gro/ /kha T+wAM ga ni thig ler brjod/ /de la gsungs pa'i rgyal mtshan ni/ /rnal 'byor ma yi mtshan ma'o/ /bcom ldan 'das ni lnga yi bdag /thig le lnga nyid rgyas pa yis/ /bde chen 'khor lo dkris pa ste/ /dbu la gnas pa'i thod pa'o/ /bde ba mi phyed byed pa'i phyir//bde ba'i 'khor lo de bzhin gshegs/ /rdo rje phreng ba 'di yis ni/ /brgyan gyis spyi bor gnas pa'o/ /dri med thig ler steng bskyod pas/ /ma rig rtsa ba 'byin pa'i phyir/ /kun rdzob thig le'i rang bzhin gyis/ /kun rdzob tu ni phag pa'i zhal/ /de las byung ba'i chags chen gyis//bde chen ro dang 'dres pa na/ /de ni don dam pa nyid de/ /rtsa ba'i zhal ni dmar ba'o/ /mig btsums nas ni bltas pa na/ /nam mkha' dag ni dmar por snang / /de ltar lha mo dmar mo yin/ /de bzhin bla ma gzhan gsung ngo / /chos 'byung las ni byung ba'i gzugs/ /nyon mongs mi mnga' sa bon gnas//de nyid 'khor lor gsungs pas na/ /rtog pa'i tshogs ni nyams par byed/ /de dag kyang nam bsgoms she na/ nyi ma re re zhes pa la sogs pa ste/ nyin re ni rgyun ma chad par bsgom pa'o/ /thun re zhes pa ni thun bzhi ru byas nas bsgom pa'o/ /ji ltar khom zhing zhes pas skabs dang ldan pa'o//ji srid dngos grub ma mthong ba de srid du zhes pas/ mtshan ma rnams ma skyes kyi bar du nan tan du gsungs pa'o/ /bsgom bya de yang gsal por brjod par bya/ /zhes pas rnal 'byor pas bskyed rim gyi rtags gang zhig yod pa rnams brjod pa'o/ /rtags rnams gang zhe na/'bad med ces pa nas/ de tshe grub par nye bar gnas pa yin/ /zhes pa dang 'brel bas/ des na grub pa nye bar gnas pa ni ring por mi thogs par myur bar thob pa'o/ /nges par nam yin zhe na/ gang tshe rnam par bsgoms pa 'dis ni gsal 'gyur zhing / /zhes pas gang tshe na dus so//rnam par bsgoms pas zhes pa byed pa pos so/ /gsal 'gyur zhing zhes pas rang rgyud pa'o/ /de tsam na 'bad med ces pas rtsol ba med par rang gi ngang gis 'jug pa'o/ /de yang ji ltar zhe na skyes pas dga' ba zhes pas de dang mthun pa'i bde ba chen pos so/ / shugs ni de la dga' ba'i shugs kyis rjes su bcings pa'o/ /rjes 'brel zhes pa dus mtshungs pa'o/ /de tsam na ci tsam 'byung zhe na/ lcag gis gzhu ba la sogs zhes pas lcag 'bras sam thal mos brgyab pas so/ /sogs pa'i sgras rkang pa la sogs pas kyang bsnun pa'o/ / gnod pa mi tshor ba de tsam lus la bsnun yang rang lus la zug rngu mi tshor ba'o/ /de tshe grub par nye bar gnas pa ste/ dngos grub thob pa la nye ba'i don to/ /rtags gnyis pa gsungs pa/ rnga bo che sogs zhes pa nas byang chub mchog thob nas zhes 'brel pas/ de dag nam 'byung zhe na/ rnga bo che la sogs zhes pas rnga bo che nyid dang / rnga zlum dang / rdza rnga dang / rol mo'i rnam pa'o/ /rab tu brdungs pa'i sgra grag par bsgrags pa'o/ /rnams kyi sgra zhes pa ni de dag las byung ba'i sgra'o/ /gsal po nyan pa'i spyod yul du ni mi 'gyur zhing / zhes pas rna ba'i dbang po'i yul du ma gyur ba'o//gang tshe zhes pa dus de tsam na'o/ /rmi lam du ni zhes pas sgra gzhan yang de ltar rmi lam du byung ba dang / de ltar bsgoms pas rnal 'byor pa la gnyid kyis log pa'i rmi lam na yang lha mos rjes su bzung ba'i dngos grub 'byung ba dang / gzhan yang rnal 'byor pas bcom ldan 'das ma bsgoms pas rdo rje dgyes ma rol mas yid 'phrog par byed cing /gnyid bde ba chen po'i ting nge 'dzin du thim pa'i dus so/ /yang na rmi lam du lha mo gsal ba'i rtags 'char ba dang / dngos grub de nyid 'byung ba'i don to/ /bla med ces pa ni gong na med pa'i don to/ /byang chub mchog ces bya ba lhan cig skyes pa'i bde ba'i rang bzhin thams cad kyi gong mar gyur pa nyid do//thob nas zhes pa ni mtshan ma rnams so/ /ring po mi thogs bsam gtan pas mchog grub/ ces pa ni/ gang zag des so/ /grub pa'i mtshan ma mthong nas ni bshad zin to/ /gnas kyi khyad par gsungs pa/'dre gnas zhes pa la sogs pa ste/ 'dir blo bzang gi gnas nas rgyun mi 'chad par bya'o/ /zhes pa dang 'brel pas/ blo bzang zhes pa ni mkhas pa'i ngang tshul can no/ /gnas nas zhes pa mnyam gzhag gi sems kyis gnas pa ste/ shes rab dang bcas par bskyed pa'i rim pa'i sbyor ba byas nas rdzogs pa'i rim pa'i rnal 'byor bya'o//zhes pas nang gi rnal 'byor la goms par byed ces pa dang 'brel ba'o/ /ji ltar bya zhe na/ grub pa'i mtshan ma mthong nas zhes pas so/ /grub pa'i mtshan ma rnams shes nas bya ba nyid do/ /gnas gang du zhe na/'dre gnas la sogs pa ste/ 'dre gnas ni dur khrod do/ /ri ljongs zhes pas ni ri'i nags sam ri bo'i khrod do/ /ljon pa'i rtsa ba zhes pas shing gcig pa'o/ /sogs pa'i sgras ri sul dang bas mtha' la sogs pa yang shes par bya'o/ /phyogs gzhan yang 'dre gnas zhes pa la/bid+ya bA na zhes pa'i sgras/ pi ta zhes pa rdo rje 'dzin pa ste/ thig le la bA na zhes pa skye bo med pa'i ste 'dod chags kyi nags tshal te/ bde ba chen po'i rang bzhin no/ /yang pid+yA bA ya na zhes pa'i sgras dur khrod du yang 'gro ste/ rnam par shes pa'i tshogs brgyad kyi mtshan nyid stong zhing bdag med par gnas pa'i don to//ring zhes pa bgrod bya ma yin pa'i gnas te/ pad+ma'i lta ba'o/ /ljongs zhes pa de la pags pas g.yogs pa de'i snying po de la'o/ /ljon pa zhes pas ljon pa ni chu 'bebs pa'am/ 'bab pa ste/ de yang byang sems 'bab pa'am/ 'bebs pas na de 'dzin pa rdo rje'o//yang na dbu ma'i don to/ /rtsa ba zhes pas de'i rtsa ba sems rtse gcig tu byas nas bsgom pa'o/ /sogs pa'i sgras nor bu'i rked pa dang / rtse mor yang 'dzin pa'o/ /rgyun mi 'chad par bya zhes pa bar skabs med par byed pa ste/ bsgom pa'i don yin no/ /de skad du bstan pa'i yon tan gsungs pa/grub na zhes pa la sogs pas/ /'di'i sbyor ba grub nas so/ /nor 'dzin la sogs pa zhes pas sa la sogs pa'i 'byung ba chen po yang gcig la gcig thim par 'byung ste/ rim pa yis zhes pa dang / gong nas gong du rab tu thim gyur zhing / /zhes pa ni/ 'byung ba lnga po yang gong nas gong du rim pa ltar thim nas 'gro ba'i don to//de bzhin du gsungs pa/ /sa yi khams ni chu la zhugs/ /chu yang me la thim pa ste/ /me ni phra ba'i khams la'o/ /rlung ni sems la rab tu thim/ /sems kyang sems pa nyid la zhugs/ /sems 'byung ma rig pa la ste/ / de yang 'od gsal dag la 'gro/ /'gog pa 'di ni sa gsum la'o/ /de ltar du yang / sa yi sra ba chu yi gsher ba ste/ /me yi dro ba dag ni 'dor ba nyid/ /rlung gis bskyod pa dag kyang spangs nas su/ /byang chub nas ni byang chub dag tu 'gyur/ /de bzhin du dpal dgyes pa rdo rje las gsungs pa/sa dang chu dang rlung dang ni/ /me dang nam mkha' nyid dag kyang / /rang bzhin rig pa'i tshor ba yis/ /kun gyis skad cig mi gnod de/ /ces so/ /yang na g.yon pa dang / g.yas pa'i rtsa las rgyu ba'i rlung gi rang bzhin ni sa la sogs pa'i dkyil 'khor gyi rang bzhin la'o/ / sa'i dkyil 'khor kyang chu'i dkyil 'khor la zhugs nas 'di dag gi rim pas ni ji ltar mi 'gyur ba'i bde ba'i rang bzhin gyi ye shes kyi dkyil 'khor gyi bar du rab tu zhugs pa'o/ /de ltar dpal dus kyi 'khor lo las gsungs pa/ sa ni chur 'jug chu yang me ste me ni rlung rnams dag la 'jug par 'gyur//rlung ni stong pa las te stong pa'i rtags ni mtshan ma rnam pa bcu ru 'gyur/ /mi 'gyur mchog gi bde ba dus kun ye shes sku la rnam kun rab tu 'gro/ /mi rnams skye ba 'di la ye shes las ni rdzu 'phrul dngos grub 'gyur te mi yi bdag po kye/ /zhes bya'o/ /de la rnal 'byor pa'i rab gsal la ji ltar 'gyur zhe na/de tshe nam mkha' lta bur snang ba ces pas ston ka'i nam mkha' sprin med pa lta bur rab tu gsal ba'o/ /'od gsal ba'i zhes pas skyon gyi dri mas ma gos pa'i sems so/ /de yang me long gi ngos la has btab pa yal ba ltar/ dri ma med pa'i sems kyi rang bzhin du sna tshogs pa'i snang ba rnams rim pa ltar thim nas 'gro ba'i don to/ /ye shes tsam du 'gyur zhes pas/ rmi lam gyi shes pa lta bur shes bya'i bya ba med par rang gsal ba tsam mo/ /'gyur zhes pa rgyun chad med pa'i rang bzhin no/ /ye shes kyi rnam pa gsungs pa/de dag ces pa la sogs pa nas mtshan ma yang zhes pa dang / rtogs par bya zhes pa dang 'brel pas/ mtshan mar shes bya zhes pa ni 'byung ba'i rtags rnams so/ /mtshan mar yang zhes bya ba ni dngos su gsungs pa'o/ /rnam pa lngar ni zhes pas rab tu byed pa lnga'o//des shes pas zhes pa rnal 'byor pa des shes par bya'o/ /rig bya zhes pa des na mtshan ma skyes pa de dag go/ /de nyid kyi phyir na zhes pas stong pa nyid kyi ting nge 'dzin las so/ /de dag ces pas de las skyes pas so/ /rnal 'byor pas shes pa de kho na nyid kyi mtshan nyid shes pas so//mnyam par gzhag pa'i zhes pas mi g.yo ba'i sems so/ /sems kyis rtogs par bya ba zhes pas mchog gi sems te/ gzhan du rnam par shes pa'i yul med pa'i bsam gtan no/ /rtags gang zhig ce na dang po zhes pa la sogs pa ste/ de yang ri dwags sred bzhin zhes pa dang po'i mtshan ma la smig rgyu'i snang ba'o/ /de ltar bshad kyang gdams ngag gi du ba'i rnam pa dang po'i mtshan ma la go bar bya ba'o/ /smig rgyu gnyis par shes par bya'o/ /dang por nam mkha' lta bu la nges par sems zhen pas/ rnal 'byor pa'i sems kyi snang ba la dang por du ba'o//de nas smig rgyu la sogs par snang ba'o/ /de yang dpal dus kyi 'khor lo las gsungs pa/ nam mkhar kun du zhen pa'i sems kyis mig mi 'dzums pas rdo rje lam nas zhugs rnams kyis/ /stong pa las ni du ba smig rgyu mkha' gsal dri ma med dang me khyer mar me nyid//'bar ba dang ni nyi zla rdo rje yin te mchog gi cha dang gang zhig gzugs brnyan blta/ /de dbus sangs rgyas gzugs brnyan yul dang du ma longs spyod rdzogs pa'i sku/ /zhes so/ /sbyor ba'i yan lag drug las kyang / /de la rnal 'byor pa la bla ma'i man ngag gis nam mkha' la sems zhen pas dang po du ba lta bu 'byung ngo //dang por smig rgyu mi mthong ste rang gi shes par 'gyur ro/ /gnyis pa la de nas smig rgyu mthong bar 'gyur ro/ /de nas de la yang du ba la sogs pa'i rtog pa spangs nas rab tu bsnyen pa nyid do/ /de ltar dpal rdo rje gur las gsungs pa/ rmi lam skad cig skad cig 'gyur//de nas sgyu ma lta bu ste/ /'di ni thams cad mkhyen pa'i rgyu/ /dngos grub nye bar rab tu 'khor/ /zhes so/ /yang na ri dwags sred bzhin zhes pas sna tshogs par snang ba 'di dag rnal 'byor pa la smig rgyu'i rnam par snang ste/ brdzun pa lta bur go ba'i don to//de nyid 'khrul pa'i shes pa de ni ma yin te/ de ltar snang ba'i rnam par go ba'o/ /mtshan ma gnyis pa dud ka'i rnam pa can/ /zhes pa ni nam mkha' la nges par zhen pa'i shes pas du ba'i nyams skye'o/ /yang na gnas skabs su chos thams cad rten cing 'brel bar 'byung ba las mthar thug rang bzhin med pa ni/skyes bu'i lag pa'i rtsol bas gtsub shing las me bskyed nas/ de la yang shing rlon pa dang ldan pa la du ba bskyed pa dang / me long nang gi gzugs brnyan 'char ba lta bur rten cing 'brel bar 'byung ba la yang rang bzhin med de/ 'di ni sna tshogs snang ba rten 'brel tsam du shes pas du ba lta bu la sogs par brjod pa'i don to//gsum pa zhes pa rtags gsum pa'i mtshan ma'o/ /me khyer zhes pas ji ltar me khyer ni nam mkha' la yud tsam yud tsam gsal ba ste/ de ltar du stong pa nyid las gsal zhing gsal bas ye shes kyi snang ba skye ba'o//bzhi pa zhes pa ni rtags kyi rim pa'o/ /sgron me 'bar ba lta bur gsal ba yin/ /zhes pas de lta bu'i mtshan ma 'byung ba'o/ /yang na sgron me 'bar ba lta bur ni gzugs la sogs pa rab tu gsal ba ste/ yun ring du gnas pa nyid la/ de'i rkyen tshogs pa spangs na ni de yang med nas 'gro ba nyid de/de ni mi dge ba'i bshes gnyen gyis zin pas rab tu nyams pa'o/ /mtshan ma lnga pa gsungs pa/ mtshan ma lnga pa zhes pa la sogs pa ste/ ston ka'i nam mkha' sprin med pa'i dkyil 'khor gsal bar snang ba yin te/ ye shes kyi rang bzhin nyid do//rnam par ma brtags par shes pa rtog pa gnyis pa spangs pa ste/ rtog pa lnga pa skye ba'o/ /de lta bu'i zhes pa rim pa de'o/ /mtshan ma thob nas ni zhes pas rtags lnga po rnams so/ /phyag rgya chen po zhes pas ma hA mu dra zhes pa ste/ mu zhes pa dga' ba yin la/dra zhes pa de 'dzin pa ste/ ma hA zhes pa chen po ste/ thob par bya ba'i gnas so/ /thob par 'gyur ba yin zhes pa ni tshe 'di nyid la 'byung ba'o/ /bya ba gzhan gsungs pa/ ldang bar 'dod na zhes pa la sogs pa ste/ ldang bar 'dod na dang / bya ba bsgrub bya dang / gnas shes pa dang 'brel ba'o//ldang bar 'dod na zhes pa ni/ rnal 'byor pa de nyid do/ /rnal 'byor ma dang zhes pas lha mo la phyag byed pa'o/ /mgor gnas pa'i zhes pa ni spyi bor gnas pa ste/ bla ma'o/ /mgon la btud nas zhes pas bla ma dang lha la phyag 'tshal lo/ /yi ge muHni rab brjod ces pas muH'i rnam pa'i sngags brjod nas gshegs pa ste/gshegs gsol ma byas par bya ba gzhan mi byed pa'i don to/ /bya ba byed pa'i dus su ji ltar bsgom zhe na/ langs nas zhes pa mnyam pa de las so/ /de nyid blo yis zhes pas de kho na nyid kyi don la shes rab kyis nges par 'byed pa'i don no//bya ba bsgrub bya zhing zhes thun mtshams kun du spyod pa'o/ /rnal 'byor rigs pas zhes pas de'i sbyor ba shes pas so/ /rtag tu zhes pas dus thams cad du'o/ /rnal 'byor ldan pas gnas zhes pa la/ bshad pa gang zhig bcom ldan 'das ma'i chos 'byung gi nang du chos 'byung gi 'khor lo la baM gyi yi ge la A li dang kA lis bskor ba de yang 'bar ba'i gzugs can dang po bltas nas de nas baM gyi nA da'i 'od pad+ma'i skud pa ltar phra bas sprul ba dang /chos dang longs spyod kyi rang bzhin gyis 'khor lo gsum phug nas 'gro bas bsil ba'i rgyun gyis sgo la bde ba chen po mngon du phyogs par byas nas de'i rnal 'byor la dmigs par brjod pa'o//rnal 'byor ldan pas shes pa la yo ga yu ga zhes pa'i sgra ste/ de ni rnal 'byor ldan pa'am gnyis pa la 'gro ba'o/ /de ltar ldan ni bshad pa ste/ de la rnal 'byor gcig tu brjod pas so/ / bdag gi bla ma dam pa'i lugs ni de ltar ma yin no/ /a wa d+hU tI pa'i sgrub thabs dang yang 'gal te/ phyag rgya gnyis pa'i rnal 'byor gyis/ /khams gsum kun yang 'grub par 'gyur/ /zhes so/ /des na rnal 'byor ldan pas gnas/ /zhes pa ni phyag rgya gnyis rab tu sbyor ba de ltar dus kun du gnas shing brten pa'o//de ltar 'khor lo dang bcas pa'i lha mo dang / gtum mo bsgom par bya ba'i don no/ /yang na rgyu 'bras kyi rnam par dag pas 'dir gtum mo'i rnal 'byor gnyis bya ba nyid de de ltar de mthong ba las bsgom par bya'o/ /de kho na nyid bshad pa zhes bya ba de kho na nyid ye shes yang dag pa'i grub pa'i 'grel pa las bsgom pa'i cho ga'o// //slob ma rjes su gzung ba gsungs pa/ slob mas zhes pa la sogs pa nas/ sngags pas rjes su gzung bar bya/ /zhes pa dang 'brel bas slob mas maN+Dal zhes pas byed pa pos maN+Dal byas nas bla ma la dbul lo//zhabs pad la zhes pas zhabs 'og na yod pa'i pad+ma la gtugs pa'o/ /'dod pas zhes pa dang ba dang ldan pa de'o/ /gsol ba btab ces pas bla ma la zhus pa'o/ /mang du btab gyur pa'i zhes pas lan gsum la sogs pa'o/ /sngags pa yis ni zhes pas bla ma'o/ / dus ni tshes bcu pa dag las zhes pas/ nag po'i phyogs kyi bcu pa ste/ gzhan du de'i dus ma yin pa'i dbang du byas pa'o/ /rnal 'byor ma la dmigs pa'i rang bzhin gyis nag po'i phyogs 'di bsngags par gsungs pa'o/ /de dag rnams ni slob ma rnams so/ /gzung ba ni bla mas so/ / bla mas ci bya zhe na/ rnal 'byor byas nas zhes pa la sogs pa nas/ kun du blangs te zhes pa dang 'brel pas rnal 'byor byas pas zhes pas phyi'am nang gi bdag nyid kyi shes rab ma'i sbyor ba dang ldan pas/ dang por myos byed cung zad btung bar byas te/ des sems dpa' bar byas nas rnal 'byor rtog pa thams cad ring du song ba'i stong pa nyid kyi don gsal ba'i shes rab dang sbyor ba las skyes pa'i dga' ba'i mchog tu byas pa ni man ngag gi lugs so//sngags kyi rang bzhin zhes pas sngags btu ba las byung ba'i rang bzhin de'o/ /lha mo'i 'khor lo zhes pa sin+d+hu ra dang bcas pa'i me long gi mthil la bris pa'i zur gsum pa'i 'khor lor gnas pa de'o//de bzhin du gsungs pa/ pad+ma 'dab ma gsum pa'i dbus su ni/ /rdul bral phye ma sin+d+hu ra byugs te/ /sngags kyi rang bzhin mngon du phyogs pa la/ /mchod bcas de yang bla ma byon nas ni/ /'di ni bdag gis bla ma dam pa'i gsung //sgrub pa'i thabs ni mi 'joms pa las so/ /bdag nyid ces pas sngags de nyid la'o/ /mchod cing zhes pa lha mo la mchod pa'o/ /bzlas pa byas pas zhes pa yi ge gsum gyis byin gyis brlab pa'o/ /dang po mchog ces pa myos byed kyis slob ma mnyes bar bya ba'i don du rang gi snod de nyid bzung nas phyi rol du byung nas byed pa'i don to//kun du blangs te zhes pa lag pa bzung nas so/ /de nas zhes pa maN+Dal lnga byed pa man ngag gi lugs so/ /gzhan du brgyud pa 'ga' zhig ni maN+Dal la lnga de bzhin gshegs pa lngar blta zhing de la mchod pa byas nas slob ma gzhan du 'jog pa'o//yon phul nas ni 'bru dang gser dang bran pho dang bran mo dang / rang gi lus kyang dbul ba ste/ de nas bdag tu mi 'dzin pa'o/ /mdun du 'greng 'gyur zhes pa slob ma la sogs pa'o/ /me tog phreng 'dzin zhes pa lag pa gnyis thal mo sbyar nas cung zad kha phye bas me tog gi phreng ba 'dzin pa'o//slob ma'i mgo bo ni go bar zad do/ /mgon po bsgoms nas zhes pas de bzhin bsams pa'i slob ma'i spyi bor bla ma bsgom pa'o/ /bla mas bltas par bya zhes pa ye shes 'bebs pa la sogs pa bya ba'i don du'o/ /bya ba gzhan yang gsungs pa//de'i rjes la zhes pa nas myos byed slob ma la bla mas sbyor bar bya zhes pas 'brel pas/ ji skad brjod pa'i lha mo dang zhes pas sngar bstan pa ltar ro/ /'od zer 'bar ba zhes pa bsgom par bya ba nyid do/ /'khor lo zhes pas sin+d+hu ra'i dus kyi 'khor lo zur gsum pa de'o/ / shugs ldan pa zhes pas drag tu 'khor ba'o/ /nye bar gnas pa'i lus la zhes pa slob ma'i lus so/ /bsams nas ni zhes pas bsgom par bya ba nyid do/ /slob ma'i lte ba'i 'og gi chos 'byung la bsam pa gdams ngag tu shes par bya'o/ /lha mo dang zhes pa dang 'khor lo zhes pa'i tshigs bcad ni bla ma mi gsung bas mi bri la 'khor lo la sogs pa'i gdams ngag bri bar bya ste/dang po me tog dmar pos mchod par bya ba ni/ 'khor lo ming med kyis ni bri bar gsungs pa ste/ /de ltar zur gsum du ni brjod par bya ba nyid/ /baM bcas sor gsum tshad du 'bar ba'i rnam pa'o//sin+d+hu ra yi dus su pad 'dab gsum pa ste/ /sngags kyis gang ba'i grangs ni mda' dang me nyid do/ /lte bar baM gyi rnam pa ldan pa de yin no/ /phyogs bzhi rnams su bkra shis bzhi pa bri bar bya/ /dpal ldan rdo rje lha mo'i pad+ma'i nang nyid du/ /chos kyi 'byung gnas nang du sngags kyi 'khor lo ni//ji ltar gsungs pa de yang zur gsum nyid yin te/ /rab tu 'khor bas mi shes pa rnams 'joms/ /'bebs pa'i cho ga slob ma'i pad+ma yang / /de ni bla mas lte ba'i 'og tu bsgom/ /gang zhig sngags kyis gang ba de yang zur gsum la/ /zur drug bsgom pa'i lugs 'di shin tu dman pa'o//gang du lha mo gcig tu yod pa 'bri na yang / /thang sku mtsho skyes 'dab ma gsum pa'i dbus su bya/ /yang na lha mo drug gis brgyan par gyur pa na/ /zur gsum 'di yang yin te gnyis pa mthong bas so/ /yang na sa la dkyil 'khor byed pa'i dus su yang //brgyud pa gsungs pas zur drug chu skyes la/ /zur drug tu ni lha mo rnams la mchod pa'o/ /shar la sogs pa'i phyogs su bkra shis dkyil 'khor dgod/ /ces so/ /ye shes 'bebs pa'i mtshan nyid gsungs pa/ mthar gyis zhes pa la sogs pa nas/ slob ma de ltar babs pa de la ni//lha mo'i byin rlabs 'byung bar 'gyur/ /zhes pa dang 'brel lo/ /mthar gyis ni zhes pa zin pa'i de ma thag tu'o/ /de ltar babs pa de la zhes pas slob ma de la'o/ /mtshan nyid rang gang zhe na/ spu ldang ba dang / zhes pa la sogs pa ste/ spu ldang ba ni ba spu gyen la langs pa'o//rab tu 'dar zhes pa lus la rang dbang med pas 'dar ba'o/ /mchi ma 'byung ba dang ni zhes pas rang babs su byung ba'o/ /'gyel ba zhes pas g.yas g.yon la sogs pa'o/ /ye shes skye ba'i rang bzhin zhes pa 'das ma 'ongs da ltar shes pa thob pa'o//'byung bar 'gyur zhes pas slob ma la'o/ /thams cad kyi gtam dri ba la sogs pa btub pa 'byung ba'o/ /yang mthar gyis zhes pas de ltar phebs pas slob ma la byang chub kyi rang bzhin 'byung bas phebs pa de la ye shes skye ba'i don to/ /slob ma rjes su gzung ba ye shes ma phebs par mi bya ba'o//bya ba gzhan gsungs pa/ de rjes zhes pa la sogs pas slob ma brtag pa dang / bla ma'i ting nge 'dzin dang 'brel lo/ /dad ldan zhes pas dkon mchog gsum dang / las rgyu 'bras la yid ches pas sangs rgyas la sogs pa dang /sdig pa dang bsod nams la sogs pa bden par 'dod pa'i bag chags mchog tu gyur pa'i don to/ /yon tan dang bcas zhes pas gzhan yang yon tan du ma dang ldan pa'o/ /bla ma sangs rgyas gnyis med gus pa las/ zhes yang dag par bla ma dang sangs rgyas gnyis su med par gus par byed pa'o//de bzhin du gsungs pa/ bla ma sangs rgyas bla ma chos/ /de bzhin bla ma dge 'dun te/ /kun gyi byed pa bla ma ste/ /bla ma rdo rje 'chang dbyer med/ /ces so/ /'dir yang mgon po mgo mtshan zhes gsungs pas/ rnam par snang mdzad kyi gnas su bla ma sgom pa'o/ /rdo rje yis ni rnal 'byor ma rnams kyi zhes pas 'di'i sgor zhugs nas so/ /ting 'dzin mchod dang sngags rnams brjod par bya zhes pas/ bsgom bya dang mchod pa'i rim pa sngags kyang mnyes par byed pa'i phyir slob dpon gyis brjod par bya'o//dgag par bya ba gsungs pa/ dad pa dang ni zhes pa la sogs pa nas 'di ni brjod par mi bya'o zhes pa dang 'brel lo/ /de dag gsal bar mi brjod pa'i don to/ /gang la mi brjod ce na/ dad pa dang ni rnam par bral ba'i zhes pas/ bla ma la sogs pa la ma dad pa'o/ / gus pa rnam par nyams pa'i slob ma la/ /zhes pas/ bla ma dang sangs rgyas la gus par mi byed pa'i mi de la'o/ /yid ches 'phral bskyed pa da lta nyid du yon tan 'byung ba'o/ /shin tu rnam dag ces pas yang dag pa'i don to/ /rnal 'byor 'di ni zhes pas rim pa 'di nyid do/ /brjod par mi bya ste gong ma dang 'brel ba'o//phan yon gsungs pa/ gang zhig ces pa nas 'jigs pa rnams dang zhes pa dang / 'jigs par 'gyur zhes pa dang 'brel lo/ /dang por 'jigs pa rnams nyams pa'i rgyu gsungs pa ni gang zhig sngags dang bcas par gyur pa'i zhes pas lha mo'i sngags rnal 'byor ma drug gi sngags dang bcas pa'o//yang na sngon du song ba'i sin+d+hu ra dang bcas pa'i sngags kyis yongs su gang ba'i 'khor lo zur gsum pa la mchod pa'o/ /lha mo'i 'khor lo yang de nyid do/ /rnal 'byor pa gang zhig gis bcom ldan 'das ma'i lha mo drug gi 'khor lo la mchod par byed pa'i don no//'jigs pa gang zhe na/ de la zhes pas rnal 'byor pa de la'o/ /'jigs pa chen po brgyad po rnams dang ni/ /zhes pas/ seng ge dang / glang po che dang / me la sogs pa'i 'jigs pa rnams so/ /sdig pa chen po rnams dang zhes pas mtshams med pa lnga yang spong ba'o//skal ngan dang zhes pas 'jig rten pa rnams dang mi mthun pa'o/ /phan yon gzhan yang gsungs pa/ dbul ba dang zhes pa nor med pa'o/ /nad dang zhes pas mdze la sogs pa'o/ /rgas pa dang zhes pa skra dang gnyer mas gtugs pa'o/ /sdug bsngal zhes pas lus la gnod pa'o//yid mi bde ba rnams dang zhes pas sems las byung ba'i sdug bsngal rnams so/ /'khrul dang zhes pas chos ma yin pa la chos su 'dzin pa'i blo'o/ /ji ltar mu stegs pas sems can bsad pas mtho ris thob ces pa lta bu'o/ 'thab rtsod ces pa phan tshun 'gyed pa'o//nyes skyon zhes pa sdig pa'i dri ma'o/ /yang na snyigs ma'i dus kyi skyon rnams so/ /nyon mongs zhes pas 'dod chags la sogs pa'o/ /gdung ba sna tshogs zhes pas sna tshogs pa'i 'byung po dang / yi dwags la sogs pa'i gnod pa'o/ /'jigs par 'gyur zhes pa sngon du gsungs pa'i tshigs bcad dang yang 'brel ba ste/de dag mi 'byung ba'o/ /phan yon gzhan yang gsungs pa/ gang zhig ces pa nas dngos grub brgyad po zhes pa dang thob par 'gyur zhes pa dang 'brel lo/ /gang zhig ni rnal 'byor pas so/ /yid la zhes pa snying po'i yid kyis byed pa'o//'khor lo'i gsang sngags zhes pa gong du bstan pa lta bu'o/ /bsgoms nas zhes pa rim pa ltar ro/ /'gog pa'i tshig ces pas ngag tu brjod pa spangs pas so/ /zlos byed ces pas snying po yid la bzlas pa ste/ 'khor lo dang bcas par bsgoms nas so//dngos grub brgyad po rnams dang zhes pas mig sman dang ril bu la sogs pa'o/ /mngon shes lnga zhes pas lha'i mig dang / lha'i rna ba dang / nam mkha'i rdzu 'phrul dang gzhan gyi sems shes pa dang sngon gyi gnas rjes su dran pa'o/ /de bzhin yon tan zhes pas stobs bcu dang mi 'jigs pa la sogs pa'o//yang na cho 'phrul te mu stegs kyi yon tan brgyad lta bu'o/ /'thob par 'gyur ba ste/ sgrub pa pos so/ /gzhan yang phan yon gsungs pa/ nyin re bzhin zhes pa la sogs pas sa rlog byed pa'i zhal ni bsgom pa gang yin pa/zhes pa dang 'chi ba las rgyal bar 'gyur zhes pa dang 'brel bas so/ /de la nyin re zhes pas dus rtag tu byed pa'o/ /thun rer zhes pas snga dro nyin phyed na yang byed pa'o/ /'bad nas zhes pas mchod pa la sogs pa rgyun ma chad par ro/ / seng ge ni khyab 'jug go/ /'phrog byed ni dbang phyug chen po'o/ /dbyig gi snying po ni tshangs pa'o/ /'chi ba zhes pa ni khyab 'jug la sogs pas kyang thub par dka' ba'i 'chi ba las rgyal bar 'gyur ba'o/ /thub par dka' ba'i zhes pa go bar zad do/ /gzhan yang gsungs pa/'khor lo dang bcas zhes pa la sogs pa nas/ rdo rje phag zhal can 'di gang zhig sgom byed pa/ /de la bud med rnams dang zhes pa dang / bsgrub bya rnams kyang 'byung zhes par 'brel ba'o/ /'khor lo dang bcas zhes pas chos 'byung gi dbus su sngags kyis gang ba'i 'khor lo bsgom pa de la'o//de la bud med rnams dang zhes pas yid du 'ong ba'i gzhon nu ma la sogs pa'o/ /rig pa zhes pas lha'i yang 'dod pa'i yul lta bu'o/ /sna tshogs zhes pas sgeg pa dang glu dang rol mo la sogs pa'i 'du byed la mkhas pa rnams so/ /gos dang zhes pas khyad par gyi na bza' rnams so//bza' zhes pas zan la sogs pa'o/ /btung zhes pas sbyar chang la sogs pa'o/ /nor ni rin po che la sogs pa'o/ /'bru ni 'bras so ba dang nas la sogs pa'o/ /sa gzhi ni mchog tu skye ba'i nor gyi rgyun 'byung ba'i sa'o/ /khang bzangs zhes pa rin po che'i gzhal yas khang la sogs pa'o//lha rdzas zhes pas lha'i 'ang 'dod yon la sogs pa'o/ /mal cha zhes pa mchog tu gyur pa'i rin po ches spras pa'i khri'u la sogs pa'o/ /stan zhes pas seng ge la sogs pa'i gdan yin pa'o/ /sgrub byed rnams zhes pas rta dang glang la sogs pa mkho ba'i yo byad rnams so//de kho na bshad pa zhes bya ba de kho na nyid ye shes yang dag pa'i grub pa'i 'grel pa las slob ma rjes su bzung ba'i cho ga'o// //de nas sngags btu la sogs pa ni de nas zhes pa nas/ sngags btu ba 'di brjod par bya//zhes pa dang 'brel pas/ de nas zhes ye shes phab pa'i rjes thogs la'o/ /rdo rje rnal 'byor ma zhes pa lha mo'i'o/ /de'i sngags de phag mo'i snying po'i sngags mngon du byas pa'i don to/ /thugs lta bu yin pas na snying po zhes bya'o/ /mchog tu gyur zhes pa gtso bo'o//rim pa bzhin zhes pa mthar gyis 'byung ba'i don to/ /rna nas rna dang zhes pas rna ba gcig nas rna ba gcig tu 'ongs pa'i don to/ /dngos por bris pa yang med pa'o/ /de bzhin du zhes pas lugs ma yin pa zhes gzhan du gyur pa bkag pa'o/ /zhal nas zhal du zhes pas mar me gcig nas mar me gcig chad pa ltar/bla ma gcig gi zhal nas bla ma gcig gi zhal du brgyud pa'o/ /'khor lo gsungs pa sngar brjod lta bur zhes pa la sogs pa nas A li zhes pas a dang por byas pa'i dbyangs kyi yi ge bcu drug go/ /kA li zhes pa ka dang por byas pa'i ha'i bar gsal byed sum cu rtsa gsum mo//de bri bar bya zhes pa dang 'brel lo/ /ji ltar byas te zhe na/ sngar brjod lta bur 'khor lo lha'i zhes pas sngar brjod pa'i 'khor lo ni chos 'byung gi rnam pa bris pa'i dbus su 'di nyid bri ba nyid kyi don to/ /lta bu zhes pa'i sgras chos 'byung gi rnam pa tsam du go bar byas pa las sngar gyi 'khor lor lha mo'i sngags dang bcas pas ni ma yin no//lha'i zhes pas rlung gi bdag nyid do/ /tshogs kyi zhes pas rlung bzhi bcu rtsa dgu'o/ /gnas zhes pas grangs te re'u mig go/ /ldan pa bri zhes pa ni yi ge dang bcas pa ste/ re'u mig bzhi bcu rtsa dgu yang chos 'byung gi rnam par bri'o//de ltar dpal sdom pa las gsungs pa/ sna tshogs thams cad chos 'byung la/ /zhes so/ /gcig ma tshang zhes pa k+Sha med pa ste/ de yang Sha dang ka yig gnyis log pa las 'di grub pas des na 'di nyid ma gsungs pa'o/ / rim bzhin du zhes pa mtha' ma nas rim pa ltar ro/ /gdams ngag las byung ba'i 'khor lo'i rim pa yang bri bar bya ste/ zla ba me dang mda' dang thub pa nyid/ /bug pa drag po 'dod pa'i rim pa yis/ /re'u mig rnams kyis chos kyi 'byung gnas kyi/ /rnam par byas la man ngag gis dgod do//chos 'byung dag kyang bri ba'i rnam pa yang / /thog mar ri mo gsum gyi rang bzhin la/ /gong ltar yod bzhin ri mo'i dbus su ni/ /de bzhin du yang ri mo drug drug go/ /'di ni bdun gyis bdun bsgyur las/ /khyim ni g.yas skor gyis ni bri/ /dang por rtsa bar a yig ste/ / yi ge ha ni dbus su 'gyur/ /'di gsum rnam dag yon tan gsum/ /rlung ni rnam dag yi ge la/ /mdor na chos kyi 'byung gnas su/ /rlung ni thim par 'dod pas so/ /a yig rang bzhin lha mo la/ /rtsa ba'i gnas su rnam par bzhag /ha yi rang bzhin bcom ldan 'das/ /he ru ka ni dbus su bzhugs//zhes so/ /sngags btu ba gsungs pa/ dz+ha 'og ces pa la sogs pa nas/ dang por nyid du gsum bri bya/ /zhes pa dang 'brel ba'o/ /ci ste zhe na/ dz+ha 'og Da 'og gnas sbyar ba/ /zhes pas dz+ha'i 'og na gnas pa a'o/ /Da'i 'og na u yig go/ / ha 'og rten pas rnam par brgyan/ /zhes pa ha'i 'og na gnas pas de spyi bor brgyan pa'o/ /de nyid gsal byed ces pas a dang u gnyis sbyar bas o yig go/ /ma'i yi ge thig le'i gnas su bzhag la/ zla tshes ni man ngag gis go bar bya/ dang po nyid du zhes pa oM gyi yi ge bri ba'i don to//gsum gsum zhes pas oM oM oM zhes so/ /yig mchog ces pas thun mong ma yin pa'i don go bar byed pa'o/ /zla tshes dang thig le yang dag par sbyar bas/ u'i rnam pa rlung gi rang bzhin yang a stong pa nyid du thim par byed pa'i don to/ /'di ni oM gyi sgra don te man ngag gi lugs so//gsum du brjod pa nyid ni lus ngag yid gsum gyi rang bzhin gcig tu byed pa'i don to/ /de la 'dir gsal byed ces pas de kho na nyid du rab tu gsal bar byed pa'i don to/ /gzhan gsungs pa/ b+ha steng rten dang tsha steng gnas pa ni/ /zhes pa la sogs pa la/b+ha'i steng na sa yig ste/ tsha steng gnas pa Ta ste gnas dang sbrel/ zhes pas tsha'i steng na gnas pa ba yin te Ta'i steng na gnas pa ra yig la sbrel zhes pas de nyid sbrel ba'o/ /de rjes bri zhes pas sa'i rjes su bri ba'o/ /Sha 'og brten pa Da 'og mar bcas pa/ /zhes pa/ Sha'i 'og na ba yig la Da'i 'og na u yig ste/ bcas zhes pa dang de dang ldan pa'o/ /sha steng brten pa sha ste gnas dang bcas/ /zhes pa sha'i steng na da yig la bcas pa de dang ldan pas Sha'i steng na d+ha yig go/ /bri bar bya zhes pa thams cad go bar bya'o/ /gzhan yang gsungs pa/li 'og gnas pa nya 'og dang ldan pa/ /zhes pas/ li'i 'og na gnas pa Da yig la de dang ldan pa'i nya'i 'og na A yig go/ /pa steng Ta 'og ldan pa de rjes bri/ /zhes pa pa'i steng na gnas pa ka yig la de dang ldan pa ni Ta'i 'og i yig ste de rjes bri zhes pa'o/ / pha steng son pa Tha 'og dang ldan pa/ /zhes pas pha'i steng du na yig la de yis son pas Tha'i 'og na I'o/ /ha Ta bar gnas ai g.yon dang bcas pa/ /zhes pas ha dang Ta'i bar gnas pa ya yig la/ ai bi g.yon nas gnas pa e yig ste de dang ldan pa'o/ /yang gsungs pa/ sa tsa'i dbus gnas pa dang b+ha 'og gnas//zhes pas tsa dang sa yi bar du ni ba yig go/ /b+ha yi 'og na dza yig yod pas/ gnas pa Tha g.yas dang ni 'brel zhes pas Tha'i g.yas na ra yig yod pas de 'brel pas zhes pas b+ha 'og gi dza dang sbrel bas de rjes la zhes pas bri ba ste/ ha tha dbus son zhes pas ha dang tha'i bar na wa yig la ta g.yon brten zhes pas/ta'i g.yon na Na yig la Tha dang la'i dbus na gnas pa phyi nas bri zhes pa/ Tha dang la'i dbus na ra yig ste phyi nas bri zhes pas mnan pa'o/ /yang gsungs pa/ cha kun gyi ni mtha' dang pha bar ma/ /zhes pas cha kun gyi mtha' ni AHyig la pha dang aH'i dbus su na yig ste/sde gsum pa'i dang po g.yon nas 'brel zhes pas sde gsum pa'i dang po ni Ta yig la de'i g.yon na I ste de dang ldan pa'o/ /la yi 'og na Na steng dag dang ldan/ /zhes pas la'i 'og na gnas pa yang yin la de dang ldan pa ni Na steng na e yig dang ldan pa'o//tsha steng gnas dang zhes pas tsha'i steng na ba yig la/ b+ha 'og Tha g.yas ldan zhes pas b+ha'i 'og na dza yig la Tha'i g.yas na ra yig ste bri bar bya zhes pa'o/ /yang gsungs pa/ Sha 'og gnas pa ta steng dang ldan pa/ /zhes pas/Sha yi 'og na ba yig la ta'i steng na ai yig ste de dang ldan pa'o/ /Na 'og Tha steng dang ldan zhes pas Na'i 'og na ra yig la Tha'i steng na o yig ste/ de dang ldan pa ni phyi nas yin zhes pa'o/ /pha 'og brten dang zhes pas pha'i 'og na tsa yig ste/ pha steng Tha 'og mar ldan zhes pas pha'i steng na gnas pa na yin la/Tha'i 'og ma I yig ste de dang ldan pa'o/ /la 'og Na steng zhes pas la'i 'og nas ya yig la Na'i steng na i yig ste/ de dang ldan pa nyid do/ /yang brjod pa/ wa 'og gnas pa Da 'og stong pa can/ /zhes pas Da'i 'og na gnas pa u yig la stong pa zhes pa thig le ste/zla tshes dang bcas pa gdams ngag go/ /de gnyis dang ldan pa'i gsum po ni wa'i 'og na gnas pa'i ha la sbyin pas ha yig ni gsum du bya'o/ /u yig thung ba gsum thig le dang bcas pa ha yig la byin pa gsum mo/ /gang du dpal a wa d+hU tI pas mdzad pa'i sgrub thabs las hUM ring po'i rab tu byed pa brjod pa'o//de bzhin du 'di ni sgrub thabs logs pa nyid yin pas skyon du 'gyur ba med do/ /tsa steng ra 'og gnas bcas zhes pas tsa'i steng na gnas pa pha yig la/ ra'i 'og na Ta yod pas Ta yig dang / steng bcas zhes pa'o/ / gsum zhes pas phaT gcig btus pa la man ngag gis go bar bya'o/ /sha 'og gnas pa tha 'og dang ldan zhing / /zhes pas sha'i 'og na sa yig la tha'i 'og na wa yig ste/ ldan pa ni nya'i 'og ma dang yang ldan pa yin zhes pas nya'i 'og ma A yod pas de dang ldan pa'o//yang brjod pa sa'i gnas zhes pas sa dang ya'i bar na ha yig la dz+ha'i g.yon bcas zhes pas dz+ha'i g.yon na A yig yod pa ste de dang ldan pa nyid do/ /gsang chen yi ge'i rnam pa brjod gyur pa/ /zhes pas de la gsang chen ni mi ston par rab tu sbed pa'o/ /des ni mchog thob par byed pa'i rgyu yin pas so//yi ge'i rnam pa brjod gyur pa ni A li dang kA li'i snying po de las byung ba brjod pa'o/ /gang gis she na rdo rje'i lha mo zhes pas rdo rje phag mo ste rab bsngags ma la sogs pa'o/ /rnams kyi sngags 'di ni zhes pa lha mo de dag gi sngags so/ / sin+d+hu ji ltar bya zhe na bri zhing zhes pas/ sin+d+hu ra'i snod dam rig pas bris pa'i snod la'o/ /brjod ces pa bsgoms pas ngal ba'i rjes la bzlas pa'o/ /bsgom par zhes pas lha mo'i pad+mar 'khor lo bsgom pa'o/ /bya ba yin zhes pas dus thams cad du mnyam par byed pa'o/ / phan yon brjod pa yid bzhin nor bu zhes pa la sogs pa nas/ 'di ni sngags kyi rgyal po ste/ /sgrub thabs na bde ba'i mchog ster zhes pa dang 'brel lo/ /yid bzhin nor bu ni rin po che'i char 'bebs pa'i khyad par ro/ /dpag bsam shing ni 'bras bu la dgos 'dod 'byung ba'o/ / bum pa mchog ces pa bum pa bzang po ste/ /zad mi shes pa'o/ /dpal ldan zhes pas dpal ni phun sum tshogs pa'o/ /'dod pa'i 'o ma'i ba yang zhes pas gang 'dod pa thams cad 'byung ba'o/ /de dag bsgrubs pas zhes pa bzhi po bsgrubs pas 'grub na tshe 'di la nor ster ba tsam du 'gyur ba'o//'dis ni bde ba dang bcas pa'i nor rnams ster bar byed ces pas 'dis 'jig rten dang 'jig rten las 'das pa gnyis ka'i don thams cad 'grub par 'gyur zhes pa'i don to/ /de kho na nyid bshad pa zhes bya ba de kho na nyid ye shes yang dag par grub pa'i 'grel pa la sngags btu ba'i cho ga'o// //mchod pa zhes pa la sogs pa nas gang zhig sngags kyi rgyal po gang gi spyi bor btags pas de la bsrung bar 'gyur zhes pa dang 'brel lo/ /mchod pa'i rgyu zhes pas sin+d+hu ra la mchod pa byed pa'i don du'o/ /cho ga zhes pas cho ga'i rim pa mnyam pa'o/ /mkhas pa zhes pas lha mo de kho na nyid shes pa'o//snod la brten zhes pas snod ni me long la sogs pa'o/ /brten pa ni sin+d+hu ra bzang po'o/ /gang la zhes pa sin+d+hu ra nyid bsrung bar brjod pa'o/ /yang na snod ni gro ga la sogs pa'o/ /brten pa ni bsrung ba'i don du 'khor lo bri ba'i don to//des ni zhes pa bris pa des so/ /ji ltar bya zhe na btags zhes pas gang bsrung ba de'i lus la'o/ /gang du gdags she na/ mgo dang mgul ba dpung pa la/ /zhes pa mgo la sogs pa rnams su gdags pa'o/ /byis pa tshul zhes pas 'chang ba po la sogs pa'o//tshul bzhin zhes pas mchod pa byed pa ltar ram byas pa'i rjes la bya'o/ /bsrung bar bya zhes pa rjes su sbyin pa'o/ /phan yon yang gsungs pa/ bsrung bcas byis pa mthong nas klu la sogs pa'ang skrag nas 'byer/ /zhes pa dang 'brel lo/ /lto 'phye tsam du ma zad de 'byung po dang zhes pas mkha' la rgyu bas 'dzin pa'o//gdon dang zhes pa klu la sogs pa'o/ /mtshan mo rgyu dang zhes pas nyin par mi rgyu ba'i rigs so/ /sha za'i tshogs bcas zhes pas mang du 'dus pa ste/ de dag kyang byer nas 'gro ba'o/ /gzhan yang gang zhig ma rungs pa'i sems can te/byis pa 'jigs pa zhes pas byis pa la 'jigs pa skye zhing de dag nyam thag par byed pa'i rigs so/ /rab 'jigs zhes pa de bas gzhan 'jigs par ston pa'o/ /de dag kyang 'byer ba ste/ stobs ldan seng ges nags su skrag la mnar bzhin 'byer/ / zhes pas/ stobs dang ldan pa'i seng ge mthong na nags kyi stag la sogs pa yang skrag nas nags su bros nas 'gro ba ltar de dag kyang byer nas 'gro zhes pa'i don to/ /rnal 'byor pas zhes pa nas grub pa 'di ni bris te zhes par 'brel lo/ /rnal 'byor gyi ni zhes pas rgyu 'bras kyi rang bzhin gyi lha mo'i rnal 'byor ro//man ngag dam pa thob cing zhes pa bla ma dam pa'i zhabs la gtugs nas gdams ngag blangs te/ mngon sum du byas pa'o/ /gsal ba zhes pa rab tu gsal ba'i yid do/ /dri med ni rnam par rtog pa'i dri ma spangs pa'o/ /ye shes ni rang rig pa'i rang bzhin no//yang dag grub pa zhes pas gdams ngag mchog tu gyur pa thob cing rnyed pa'o/ /'di bris te zhes pas lhan skyes kyi ye shes skye ba'i thabs 'di'o/ /ji ltar gdams ngag rnyed pa yang brjod par bya ste/ de nas zhes pa la sogs pa nas gdams ngag rnyed pa ste/zhabs kyi pad+ma la brten pa dang zhes pa dang 'brel bas/ de thob don du zhes pas gang du mchog 'grub par byed pa'o/ /gus zhes pa slob ma'i byed pa'o/ /smra zhes pa bla ma'i bya ba'o/ /rab tu sbyin pa'i zhes pas man ngag sbyin pa'i don to/ /tshul rnams dang zhes pas rnyed pa'i khyad par ro//lus ngal ba dang zhes pas rnam pa sna tshogs pa'i sgo nas bla ma bsten pa'o/ /rab btud rnams kyis zhes pas phyag 'tshal ba'o/ /bla ma dam pa'i zhes pa rang gi bla ma'o/ /slob dpon gyis smon lam gsungs pa/ 'jig rten zhes pa nas/ dag pa'i byang chub snod gyur cig /ces pa dang 'brel pas 'jig rten dag na ma bzhin phan pa zhes pas rang gi ma ltar kun la phan par byed pa'o/ /mang po skyed byed ces pas du ma la phan par byed pa ste dngos grub gnyis so/ /de nyid mchog ces pas gang du byang chub kyi rang bzhin ni mchog gi dngos grub ste/de kho na nyid kyi ye shes so/ /de ni gang yin pa zhes pa mchog thob pa'i rgyu'o/ /de byas zhes pas rang gis byas pa'i don to/ /dge ba zhes pas rgyud la bskyed bya'i chos so/ /ji ltar zhe na/ skyon bral zhes pas sdig pa med pa'o/ /dpe yis bstan pa zla ba nya ba'i 'od ces pa la sogs pa ste/ston ka'i zla ba nya gang ba lta bu'i 'od de/ yang dag gang mthong zhes pa dri ma dang bral ba'i dge ba rang gis mthong ba'o/ /des ni zhes pa dge ba des so/ /'jig rten rtsod pa'i dri bral zhes pas 'jig rten ni sa gsum la rtsod pa'i dri mas rnam par dkrugs pa'i zhes pa ni 'jig rten pa'o//rtsod pa dang ldan pa de las skyes pa'i dri ma ni sdig pa ste des rnam par 'khrugs pa'o/ /yang na rtsod pa ni gzung 'dzin te/ 'thab mo la sogs pa'o/ /dri ma ni nyon mongs pa la sogs pa ste/ de gnyis kyis rnam par 'khrugs pa ni 'jig rten no//bral ba zhes pa de dag spangs pa'o/ /rdzogs pa'i byang chub dag pa yis ni snod gyur cing / /zhes pas rtsod pa la sogs pa dang bral nas so/ /ci bya zhe na/ de'i snod du byed pa ste/ gang gi snod ce na phyag rgya chen po zhes pa/ phyag rgya zhes de thob par byed pa'o/ / chen po ni gong na med pa ste/ de thob par byed pa'o/ /srid dang zhi ba mnyam gyur zhes pas 'khor ba'i sdug bsngal ma lus pa thams cad bcom pa'o/ /sems can kun gyi don byed pa thob par shog ces pa go bar zad do/ /rgyud las byung ba'i mchod pa'i cho ga bri bar bya ste/dang po bcom ldan 'das ma'i nga rgyal du dmigs la/ oM suMb+ha ni suMb+ha hUM hUM phaT/ oMgr-i gr-ih+Na gr-ih+Na hUM hUM phaT/ oM gr-ih+NA pa ya gr-ih+NA pa ya hUM hUM phaT/ oM A na ya ho b+ha ga bAn badzra hUM hUM phaT/ zhes pa zhal bzhi pa'i sngags 'dis phyogs bcing bar bya ste/ de nas rab tu gtsang ba'i me long la sogs pa la gur gum mam tsan+dan la sogs pa dri bzang la dmar ba dang bcas pa'i rdzas la yi ge gsum bzlas la byug go//de nas sngon du gsungs pa'i zhal bzhi pa'i sngags la shar la sogs pa'i phyogs la sngags re re zhing brjod cing lag pa g.yon pas g.yon skor du maN+Dal gru bzhi par bya'o//mchod pa la sogs pa ming gi yi ge nyi shu rtsa bzhi dang / pI tha u pa pI tha k+She tra u pa k+She tra tshan+do ha u pa tshan+do ha me la pa ka u pa me la pa ka bi la wa u pa pi la wa sh+ma shA na u pash+ma shA na zhes bya bar bshad pa'i lugs so/ /de nas lag pa g.yon pa'i ming med rtse mos zur drug pa'i dkyil 'khor gyi dbus su dgyes par rol pa'i baM yig go//shar la sogs pa'i phyi rim pa ltar bkra shis bzhi yang bri bar bya'o/ /de'i sngags ni/ oM badzra re khe hUM swA hA/ 'dis ni ri mo bya ba'o/ /oM su re khe sarba ta thA ga tA d+hi tiSh+Than+tu swAhA/ 'dis ni ri mo de byin gyis brlab pa'o/ /de nas rkang pa mnan zhing gyen du blta bas steng du pheM gyi sgra brjod pa dang / 'bar ba'i phyag rgya bcings la g.yon skor du bskor zhing / dzaH hUM baM hoH/ zhes pas dgug pa la sogs pa'i sngags kyis 'og min nas spyan drangs pa'i lha mo dgug pa dang /gzhug pa dang / bcing ba dang / rab tu dgyes par bya ste/ de la 'dir sgeg pa la sogs pa'i nyams dgu dang ldan pa/ rnal 'byor ma drug dang / phyogs kyi bdag po brgyad dang bcas pa sna tshogs pa'i rnal 'byor ma dang / 'byung po dang / yi dwags dang /sha za dang / mkha' 'gro dang / mkha' 'gro ma rnams dang lhan cig tu shin tu rnam par dag pa'i dam tshig gi dkyil 'khor la/ dur khrod brgyad kyis bskor ba'i dbus na/ gar gyi rnam pa dang ldan par mngon du phyogs pa la sngags btu ba nas 'byung ba'i snying po'i sngags kyis me tog dmar pos mchod par bya'o//de nas oM baM/ haM yoM hriM moM hriM hriM hUM hUM phaT phaT/ ces pa 'di dang yi ge gsum gyi sngags 'dres pas so sor zur drug tu lha mo drug la yang mchod par bya'o/ /oM AH nan da brta hUM phaT ces pa 'di g.yung drung 'khyil pa'i sngags te phyogs bzhi ru mchod par bya'o//lugs 'ga' zhig ni mkha' 'gro ma la sogs pa lha mo bzhi'i dbus na sngar bshad pa ltar bzhugs pa la mchod par byed do/ /de nas bstod pa'i mchod pa la sogs pa byas nas muHzhes nas gshegs par bya'o/ /yang ji ltar nus pas gos dang btung ba la sogs pas gzhon nu ma la mchod pa 'di ni rab tu brjod pa'o//mchod pa'i cho ga'o// //gtor ma'i cho ga brjod par bya'o/ /thog mar pad+ma'i snod la sogs par mchog tu gyur pa'i bza' ba dang / btung ba la sogs pas bkang la/ de ltar gnas pa'i 'og tu yaM las rlung gi dkyil 'khor/de'i steng du raM las me'i dkyil 'khor la AH dkar po yongs su gyur nas mi mgo gsum gyi sgyed pu'i steng na gnas pa'i pad+ma'i snod du bsams nas de ltar de'i nang na gnas pa'i bza' ba la sogs pa la/ oM traM aM khaM hUM lAM mAM pAM tAM bAM las skyes pa'i bdud rtsi lnga dang sgron ma lnga'i rang bzhin du gyur pa la rlung gi dkyil 'khor bskyod pa las me 'bar nas sa bon bcus byin gyis brlabs pa'i rdzas bcu yang lhan cig tu zhu nas nyi ma sar pa'i mdog lta bu'i steng du mtho gang tsam la dngul chu'i mdog lta bu'i hUM las skyes pa'i kha T+wAM ga thur du blta ba bsam par bya'o//de nas thod pa'i rdzas khol ba'i rlangs kyis kha T+wAM ga zhu nas lhung bas/rdzas de yang dngul chu'i mdog lta bu la bsil bar bsam pa'o/ /de'i steng du A li dang kA li'i rnam par dag pa oM AHhUM gsum bltas nas de las 'od phyogs bcur 'phros pas dpa' bo dang dpa' mo'i dbang phyug gi ye shes kyi bdud rtsi bkug nas de'i nang du rab tu zhugs nas bsam pa'o//de nas oM la sogs pa yang rim pa ltar zhu nas lhung bas yi ge gsum pa de'i ji lta bar byin gyis brlab po/ /de nas 'bar ba'i phyag rgya bcings la pheM brjod pa sngon du 'gro bas/ bcom ldan 'das ma bkug nas byon pa la ar+g+haM la sogs pa sngon du 'gro bas mchod par bya'o//lag pa gnyis gyen du rdo rje thal mo kha phye ba'i tshul du byas pa la pad+ma'i snod bzhag pa'am bsams nas gtor ma bdag gir bya ba'i phyir 'dir brjod par bya'o/ /lha mo rnams ni tshad ma dam tshig tshad ma ste/ /des gsungs pa yi tshig kyang mchog tu tshad ma la//bden pa 'di dag gis kyang lha mo 'di rnams kyis/ /bdag la rjes su 'dzin pa'i rgyur ni 'gyur bar shog /ces so/ /de nas bdud rtsi g.yon du bskor zhing / oM badzra a ral+li ho/ /dzaHhUM baM hoHbadzra wA rA hI sa ma ya s+t+waM dr-i sh+ya hoH/ zhes pa 'di lan gsum brjod pas dbul bar bya'o//bcom ldan 'das ma'i hUM dkar po las ljags rdo rje sbu gu'i 'od kyis drangs nas gsol bar bsam mo/ /de nas go la la sogs pa phul la/ mchod pa dang bstod pa byas la mngon par 'dod pa'i dngos grub thob par zhu ba'o/ /de la/ sred dang zhi ba mnyam par sbyor gyur kun rtog rlabs bcom pa//nam mkha' bzhin du dngos po mtha' dag de nyid kho nar mkhyen pa rnams/ /shin tu phul du byung ba'i thugs rje'i rgyun rgyas sems kyi chu bo'i mgon/ /lha tshogs rnams kyis bdag la rjes su 'dzin par mdzod cig mdzod/ / ces brjod par bya'o/ /de nas dur khrod brgyad la sogs pa na gnas pa rnams la/ oM kha kha kha hi khA hi sar+b+ba yak+Sha rAk+Sha sa b+hU ta pre ta pi shA tso n+mA dA pasma ra DA ka DA ki n+ya da ya i maM ba liM gr-ih+Na n+tu sa ma ya ra k+Shan+tu mam sar+b+ba sid+d+hi m+me pra yats+tshan+tu ya the baM ya thai Sh+TaM b+huny+dza tha pi ba tha dzi g+h+ra tha mA ti kra ma tha sar+b+ba kar ta ya sah+phu kha bi shud+d+ha ye sa ha yi kA b+ha ban+tu hUM hUM phaT phaT swA hA/lan gnyis la sogs pa brjod pas du ma rnams la 'di dag gis bza' ba bdud rtsi'i rnam pa ljags kyis gsol bar bsam pa'o/ /de'i rjes la go la la sogs pa phul nas mchod pa dang bstod pa yang byas la/ brda'i lag pas se gol gtogs shing de nas yi ge brgya pa brjod par bya'o//de kho na nyid yang dag par grub pa'i rgya cher 'grel pa de kho na nyid bshad pa zhes bya ba/ dpal ldan bi kra ma shrI la'i gtsug lag khang chen po'i dge slong paN+Di ta chen po brtson 'grus dpal bshes gnyen zhabs kyis mdzad pa rdzogs so// //bal po'i paN+Di ta many+dzu shrI dang / dzai ta karna'i zhal snga nas legs par mnyan te/ lo tsA ba shAkya'i dge slong nyi ma rgyal mtshan dpal bzang pos gtsug lag khang chen po thar pa gling du bla ma dam pa'i bkas legs par bsgyur ba'o/ /sa'i steng du nyi zla ltar gyur cig/ //

CLOSE WINDOW