10a5 /[]@##/ /rgya gar skad du/ badzra yo gi nI sA d+ha naM/ bod skad du/ rdo rje rnal 'byor ma'i sgrub thabs/ thugs rje chen po la phyag 'tshal lo/ /
10a6 dang por re zhig rnal 'byor pas sems can thams cad 'khor ba'i rgya mtsho las bsgral la rdzogs pa'i byang chub tu bde ba la dgod par bya'o zhes tshad med pa'i rnal 'byor mngon du bya'o/ /de nas rang gi spyi bor bla ma bsgom par bya'o/ /de'i rjes la snying gar aM las zla ba'i dkyil
10a7 'khor bsams la/der oM oM oM sar+b+ba bud+d+ha DA ki nI ye badzra war+N+Na nI ye badzra bai ro tsa nI ye hUM hUM hUM phaT phaT phaT swA hA/ zhes bya ba'i sngags kyi phreng ba kha dog dmar po 'od zer sna tshogs 'phro ba'i lugs las bzlog par bsam mo/ /dbus su ni baM yig go/ /de'i 'od zer gyis rang
10b1 bzhin gyi lus khyab pas yongs su dag pa na/bdag nyid bcom ldan 'das ma rdo rje phag mo'i sku zhal gcig phyag gnyis pa sku mdog dmar mo/ bskal pa'i me lta bu'i gzi brjid can/ phyag rgya lnga'i rgyan dang ldan pa/ sna tshogs pad+ma dang nyi ma'i gdan la 'jigs byed dang
10b2 dus mtshan zhabs kyis gnon pa g.yas na rdo rje dang gri gug g.yon na thod pa kha T+wAM ga 'dzin pa'o//de nas slar yang yig 'bru'i tshogs kyi 'od zer gyis dpa' bo dang mkha' 'gro ma'i tshogs thams cad spyan drangs te bdag nyid la gzhug go/ /yang de nyid kyi 'od zer gyis 'gro
10b3 pa dag par byas nas slar log ste/sngags kyi phreng ba de nyid la gzhug pa dang / yid dang ngag gi dbye bas bzlas pa bya'o/ /de nas baM yig gi 'od zer gyis sa gsum dang / lus dang yi ge'i rim gyis bsam gyis mi khyab par zhugs pa sngon du 'gro bas de kho na nyid
10b4 bsgom par bya'o//las dang po pa'i sgom pa mdor bsdus pa dpal nA ro pa'i zhal gyi brgyud pa rjes su gnang ba rdzogs so// //rgya gar gyi mkhan po dpal su ma ti kIrti'i zhal snga nas dang / bod kyi lo tsA ba dge slong pradz+nyA kIrtis bsgyur ba'o// //


CLOSE WINDOW