CLOSE WINDOW

D1578
བོད་ཡིག

@##/ /rgya gar skad du/ shrI badzra bA rA hI kalpaHsar+b+bAr+tha sA d+ha naM nA ma/ bod skad du/ dpal rdo rje phag mo'i sgrub thabs kyi cho ga don thams cad grub pa zhes bya ba/ dpal rdo rje phag mo la phyag 'tshal lo/ /oM hrIM g+hA ta ya g+hA ta ya sar+b+ba duSh+TA na hUM phaT swA hA/ gtor ma byin nas bsam gtan bya'o//lte ba'i dbus su raM las byung ba'i me'i dkyil 'khor dmar po gru gsum pa/ de'i dbus su pad+ma kha dog dmar po 'dab ma bzhi pa/ de'i steng du hrIHyi ge kalpa'i me 'bar ba can de yongs su gyur pa las/ bdag rdo rje phag mor bsam pa ni sku mdog dmar mo ro'i gdan la zhabs g.yas brkyang bas bzhugs pa/gcer bu skra gyen du brdzes pa thod pa'i cod pan can phyag rgya lngas brgyan pa phyag bzhi pa g.yas na rdo rje dang lcags kyu 'chang ba/ g.yon pa kha T+wAM ga thod pa dang sdigs mdzub zhags pa 'chang ba'o/ / zhal gcig spyan gsum pa zhal khro gnyer can rdo rje dbyings shin tu 'jigs par mdzad pa/ gsus pa rgyas pa ljags 'gyu ba'o/ /de ltar bsams nas ye shes sems dpa' dgug gzhug bya'o/ /de nas mchod pa dang bstod pa dang bdud rtsi myangs nas mnyam par gzhag pas sngags bzlas par bya'o//oM badzra bA rA hI A be sha ya sar+b+ba duSh+TA ni hrIM swA hA/ nye ba'i snying po'o/ /oM hUM hrIM haM snying po'o/ /'bum yang dag par bzlas par gyur na grub pa la the tshom med do/ /oM AHhrIM hUM hAM haHsngags 'dis sha chen po'i phye ma byas te thang sku'i drung du bdug pa dbul lo//zhag nyi shu rtsa gcig gis 'grub ste 'di gzhan du ma yin no/ /oM hrIM haM hAM haHhAHhiHhIHhriHhrIHpheM pheM phaT mtshan mo gtor ma phul na bdud thams cad zhi bar 'gyur bas mtshan mo gtor ba'i nye spyod dbul bar bya'o/ /gong du ji skad bshad pa gsang bar sgrub na rdo rje phag mos byin gyis rlob pa de la the tshom med do//dpal rdo rje phag mo'i sgrub thabs kyi cho ga don thams cad grub pa zhes bya ba slob dpon chen po gnyis med rdo rje zhabs kyi zhal snga nas mdzad pa rdzogs so// //lo tsA ba shAkya'i dge slong nyi ma rgyal mtshan dpal bzang pos rtsang nyang ro cung ba'i gtsug lag khang chen po 'o ma phug gnas rnying du legs par bsgyur ba'o/

CLOSE WINDOW