CLOSE WINDOW

D1577
བོད་ཡིག

/dpal rdo rje rnal 'byor ma'i dgongs pa'i sbyin sreg gi cho ga slob dpon kong ka sbyin gyis mdzad pa rdzogs so// //paN+Di ta badzra pA Ni dang / lo tsA ba mtshur dz+nyA na A ka ras bsgyur ba'o/ /[]@##/ /dpal rdo rje rnal 'byor ma la phyag 'tshal lo//bla ma rdo rje 'dzin pa la/ /kun nas dad pas phyag byas te/ /dang po'i las can rnal 'byor pa/ /rjes su gzung phyir sbyin sreg brtsam/ /'jig rten 'di dang pha rol gyi/ /'dod pa'i don kun sbyin sreg gis/ /thogs pa med par 'grub pas na/ /phan gdags tshar bcad thams cad la//thog mar 'gro ba las kyi mchog /bdag dang gzhan las don gyi phyir/ /bla ma'i rim pa ji lta bar/ /mkhas pa rnams kyi rjes 'brang bri/ /srod dam snga dro shar phyogs su/ /khru gang sor bcu gnyis zabs thab/ /zlum po ba byung dkar rtsis byugs//kha khyer sor bzhi pas bskor ba'i/ /dbus su pad+ma 'dab brgyad pa/ /steng du rdo rje rtse lnga pa/ /mtshams su rdo rje rtse gsum dgod/ /ku sha'i rtse mo phyir bstan pas/ /bkram ste thab tu shing brtsigs la/ /dri dkar po yi chus bkang ba'i/ /mchod yon 'bru dang me tog bcas//g.yas su bzhag ste byin gyis brlab/ /mchod pa lnga yang dkar por bsham/ /de bzhin gnod sbyin bum par bya/ /nas 'bras yos til yungs kar zho/ /'o thug 'bras chan 'bras yos dang / /mngar gsum la sogs g.yon bzhag ste/ /rtse mo'i tsha las byung ba'i shing //'o ma can mdzes mtho gang tshad/ /dris byugs mar dang sbrang rtsis sbags/ /bud shing srog chags med ma rul/ /yang na ba lang lci ba yis/ /thab bcas cung zad rab tu brtsig /yang na bdud rtsi lngas byugs pa'i/ /maN+Dal steng du zlum por byug//de nas slob dpon slob mar bcas/ /khrus byas dris byug gos dang rgyan/ /chas te der 'dug zhi sems kyis/ /khyab pa'i snying rje mngon byas te/ /srung ba sngon du 'gro ba yis/ /rang gi rnal 'byor rdzogs pa dang / /gnyis su med pa'i mchod byas nas/ / nam mkha' la ni bzhugs su gsol/ /dang po tsham ngam sngags kyis thab/ /rdzas dang sngags bdag bcas pa bsangs/ /rdo rje se gol bcas nas ni/ /mtshams bcad yan lag byin brlabs nas/ /thab de b+h+rUM las gzhal yas khang / /dag pa sngon 'gro chos 'byung du//oM raM las skyes pad nyi ma/ /hUM las me lha dmar ser bskyed/ /zhal gcig phyag bzhi thor tshugs can/ /dbyug pa dang ni skyabs sbyin dang / /ril ba bgrang phreng 'dzin bltas la/ /grub pa'i lha dang gnyis med bya/ /drang ba'i phyag rgya bcas nas su/ / hUM dad pa dang ni dam tshig gis/ /tshur gshegs tshur gshegs 'byung po che/ /sreg blugs zhal zas bzhes slad du/ /'di nyid du ni bzhugs su gsol/ /dzaH hUM baM hoHag+na ye A kaR+Sha ya dzaH/ pad+ma ka ma la ya s+t+waM/ zhes pas me tog bor la gdan phul te/ bgegs bsal la zhabs bsil dbul lo/ /me tog gi dam tshig gi phyag rgya bcings la/ oM ag+na ye sa ma ya hUM sa ma ya hUM/ sa ma ya s+t+waM/ lce la rdo rje dkar po bsams la/ oM badzra dz+wa la hUM phaT/ snying gar a las rdo rje bsgom/ /rtse lnga par ldan phyag rgya che/ /snying gar zla ba hUM rdo rje//sngar bzhin rdo rje 'dzin pa yis/ /dbang bskur ba ni bsam par bya/ /hUM rdo rje 'di ni rdo rje che/ /sangs rgyas kun gyi byin gyis brlabs/ /dam tshig 'di las 'das na ni/ /rigs rnams myur du thal bar byed/ /oM sa ma ya hUM phaT/ badzra ban+d+ha hUM/ bdag gi las 'di sgrubs zhes bsgo//de nas me sbar te/ oM dz+wa la raM dz+wa la raM/ dgon pa'am rgyun bzhag byams sems me/ /rlung yab kyis sbar mchod pa dbul/ /me tog dbu la'o/ /spos shangs la'o/ /mar me mdun du'o/ /dri thugs kar ro/ /lha bshos zhal du'o/ / zhabs bsil dang mchod yon ji ltar rigs par dbul lo/ /de nas rdzas rnams bus bar du/ /byang chub mchog gi phyag rgya yis/ /gzar bu bzung ste sreg rdzas dbul/ /oM ag+na ye ha bya di bya de ba ye shAn+tiM ku ru swA hA/ dang por zhun mar lan gsum dbul//de nas sreg rdzas rim pa bzhin/ /phul te gnyis su med par bya/ /oM badzra a na lArka ma hA duSh+Ta dz+wa la ya/ sarba b+hasmi ku ru/ tri ta hrIH dzaH hUM baM hoH/ mthar yang mar gyi dgang blugs dbul/ /'thor 'thung zhabs bsil phul nas kyang / / bstod de bzod par gsol ba gdab/ /gnang bar bstod pa bya ba yin/ /oM tshangs pa 'jig rten mgon gyi sras/ /me lha'i rgyal po drang srong mchog /'byung po kun gyi mgon 'gyur ba/ /dge ba dri med phyag 'tshal bstod/ /gzi brjid chen po me yi lha/ / 'dod pa thams cad rab ster mdzad/ /bdag dang gzhan don bsgrub la bzhugs/ /'dzin byed me lha nyid la'o/ /me lha drang srong chen po la phrin las su gsol ba ni/ bdag dang yon bdag ming 'di zhes bya ba la sogs pa'i tshe 'di dang phyi ma'i legs pa'i bar du gcod pa'i sdig pa dang bgegs rnams zhi bar gyur cig /thab khung me tog gtor nas ni/ /me yi lha la las bcol te/ /'bar ba'i rnam pa nyid du blta/ /de nas bsang gtor byas nas kyang / /dag pa gsum gyi ngang las der/ /chos kyi 'byung gnas yangs pa blta//der ni 'byung po'i ro steng du/ /rang snying sa bon las spros pa'i/ /'od zer lnga ldan hUM spros te/ /de las 'khor lo gsum gyi lhas/ /dngos po thams cad ro gcig par/ /bsgrubs te slar zhugs dkyil 'khor bsgom/ /ye shes 'khor lo spyan drangs te/ / bgegs bsal mchod yon phul nas su/ /hUM thugs rje chen po rgyun gyi rgyun/ /grub pa'i rdo rje rnal 'byor ma/ /sems can thams cad rjes gzung phyir/ /'bar ba'i nang du bzhugs gsol ba/ /'thor 'thung byas te mchod pa dang / /gang ba'i sbyin sreg gsum byas la//mchod cing sna tshogs mchod byas nas/ /rim pa bzhin du sreg blugs dbul/ /grub pa mo yi sngags gzhug ste/ /sarba pA paM sarba bip+haM/ sarba byA d+hi sarba du r+s+wap+na/ sarba du rmI te/ sarba pre te/ sarba dz+wa re/ sarba u pa dra be/ sarbA kA la mr-i t+yu/ shAn+tiM ku ru swA hA/sbyin sreg brgya stong byas nas su/ /mchod pa kun gyis mnyes par bya/ /bstod cing bzod gsol gsol ba gdab/ /de nas gang ba'i sreg blugs kyi/ /gzi brjid 'bar ba'i rdo rje'i zhal/ /rab tu 'bar ba drag po ste/ /yo byad gcig tu bsres pa dang //gnyis su med pa'i sbyin par bya/ /ci nus pa dang ci 'byor pas/ /shin tu rnam par dag par bya/ /mi 'chi lnga bcas dpa' bo yis/ /shin tu tshim par mchod byas la/ /de nas tsA ru la 'bad pas/ /spun dang srin mo dga' ston bya/ /de nas gzhan yang nod par bya//yi ge brgya pa sngon 'gro ba'i/ /tshigs bcad gsum gyis bzod par gsol/ /ye shes sems dpa' gshegs su gsol/ /man ngag bzhin du dkyil 'khor bsdu/ /dpal rnal 'byor ma'i zhi ba'i sbyin sreg gi cho ga rdzogs so// //

CLOSE WINDOW