7a7 paN+Di ta d+ha pa la ha'u dang / lo tsA ba ri rin chen grags pas bsgyur ba'o/ /[]@##/ /bcom ldan 'das 'jam pa'i dbyangs la phyag 'tshal lo/ /dang po re zhig dpal rdo rje rnal 'byor ma'i dgongs pa'i 'jig rten dang 'jig rten las 'das pa'i las
7b1 kyi dngos grub bsgrub pa'i phyir/sbyin sreg gi bya ba byed par 'dod pa'i rnal 'byor pas gru gsum gyi rnam pa'i thab khung byas te logs kyi phyed dpangs su ste/ kha khyer dang bcas pa'o/ /kha dog dmar po la sogs pas legs par byug pa byas te/ nub phyogs su mngon par
7b2 phyogs pa la sogs pa'i rim pas legs par nye bar gnas la/mchod pa lngas yang dag par mchod de/ thab khung du bud shing brtsigs la/ hUM gi sa bon las nges par byung ba'i me lha kha dog dmar po'i rnam par bsgoms te/ spyi blugs dang mi 'jigs pa
7b3 dang /dbyig pa dang phreng ba'i phyag go/ /de nas ye shes sems dpa' gzhug pa la sogs pa byas nas yang dag par mchod de/ de'i lce'i rtse mo la raM bkod de/ bdud rtsi lnga la sogs pa'i rdzas dang / 'jig rten pa'i rdzas rnams/ oM ag+na ye swA hA/ zhes
7b4 pa'i sngags kyis bsreg ste/sngags 'di nyid kyis dgang blugs dbul lo/ /de nas de bzhin nyid kyi ye shes kyi bdag nyid kyi me'i dbus su dkyil 'khor gyi 'khor lo lhag par mos par byas te/ mchod pa la sogs pa byas nas/ bdud rtsi lnga la sogs
7b5 pa'i rdzas kyis lha mo dang lha mo rnams kyi sngags kyis bsreg par bya'o//zhi bar sreg rdzas mar sogs te/ /rgyas pa yang na mngar ba nyid/ /dbang la mngar dang lan tshwa ste/ /drag la tshwa dang kha sogs so/ /zhi la gzugs ni dkar po ste/ /rgyas la
7b6 ser po rnam par bsgom//dbang la dmar po zhes brjod de/ /drag la nag por rab tu grags/ /dngos grub bsgrub pa'i don du yang / /dmar po yang ni bsgom par bya/ /de ltar byas nas dkyil 'khor gyi 'khor lo rang gi lus la bcug ste/ /gtor ma byin
7b7 nas tshogs kyi 'khor lo'i rim pas 'jig rten las 'das pa'i mchod pa byas te bdag nyid mngon par 'dod pa'i dngos grub blang bar bya'o//gsal por sbyin sreg 'di mi bya/ /'bad pas gsang bar bya ba ste/ /de las dngos grub 'byung bar 'gyur/ /gzhan
8a1 du dngos grub skal ba med//phyag rgya che sogs dngos grub ni/ /yid bzhin nor bu lta bu'i sngags/ /yang dag dad pas rjes 'brangs na/ /sngags rnams yid bzhin nor bu mtshungs/ /des na phyag rgya che sogs ni/ /'dod pas dad pa brtan
par bya'o/

CLOSE WINDOW