CLOSE WINDOW

D1563
བོད་ཡིག

/ //sa steng nyi zla ltar gyur cig /'gro kun sangs rgyas thob par shog/ @##/ /rgya gar skad du/ badzra yo gi nI a b+hi She ka saM k+She pa nA ma/ bod skad du/ rdo rje rnal 'byor ma'i dbang mdor bsdus pa zhes bya ba/ rdo rje rnal 'byor ma la phyag 'tshal lo/ /spros pa dang bcas zhal nas gsungs pa mang yod kyang / /spros bral mos pa bdag 'dra'i byin rlabs don/ /phag mo mngon 'byung rgyud la brten nas ni/ /byin rlabs mdor bsdus bdag gis bshad par bya//de la snying po'i don ngo sprod pa'i man ngag la thun mong gi dbang dang / thun mong ma yin pa'i dbang ngo / /de la thun mong gi dbang ni bum pa'i dbang la sogs pa'i rig pa'i dbang lnga'o/ /thun mong ma yin pa'i dbang ni rdo rje rnal 'byor ma'i byin rlabs kyi dbang ngo / /de la rdo rje rnal 'byor ma'i byin rlabs kyi dbang ni dang po dur khrod la sogs pa dben pa'i gnas su sa gzhi brtag pa la sogs pa byas pa'i rjes su lhag gnas gsum ni gzhan nas shes par bya'o//de nas rdo rje rnal 'byor ma'i byin rlabs kyi dus su dkyil 'khor tshul bzhin du bri bar bya ste/ dbus gru gsum bsnol ma la dga' ba 'khyil ba bri/de'i mthar pad+ma 'dab ma bcu drug gam brgyad la rdo rje me ris 'khor bar bri'o/ /dbang bskur ba'i rdzas ni de'i steng du bum pa dmar po gsum gyi nang du/ rin chen lnga dang sman lnga dang rdzas gzhan chu la sogs pas bkang la/ kha rgyan dang mgul chings dmar pos brgyan te gzhag /dbu rgyan dang rdo rje dril bu rtsar gzhag /de'i steng du thod pa mtshan nyid dang ldan pa gsum gyi nang du/ mtshan nyid dang ldan pa'i bu mo gzhon nu ma bcu drug ma'am nyi shu rtsa lnga ma'i lag pas chang gis thod pa 'gengs su gzhug go/ /de la mtshan ma brtag par bya'o//de nas bu mos mchod pa byas yon yang dbul lo/ /de'i dgos pa ni rtags rab 'bring gsum gang rung cig byung ba dang / de'i steng du me long g.ya' dag pa la gur kum gyi chus bkrus la sin+d+hU ra btsags la gser smyug gis gru gsum bsnol ma bri/ de'ang gnyis sprad du bya'o/ / de'i dbus su sngags kyi rgyal po bris la/ de las sngags gzhan yang g.yon skor du bri'o/ /de'ang man ngag gis bri'o/ /de'ang ras dmar pos zhal khebs bya'o/ /de'ang mchod pa sna tshogs pa'i rdzas la/ mkha' 'gro ma mchod pa'i rdzas ni zhal gcig ma'i dbang du byas nas mchod pa bzhi bzhir bya zhing /me tog dmar po sha bzhi chu las skyes dang thang las skyes/ spos sna bzhi la gu gul nag po dang a ru ra sha chen dang byi la nag po'i ril ma'am rang byung gi me tog dmar po dang bzhi'o/ /dri sna bzhi ni tsan+dan dang gla rtsi dang ga pur dang gur kum mo/ /sgron me sna bzhi la 'bru mar dang mar dkar la sogs pa las bya'o//lha bshos sna bzhi 'bras la sogs pa las bya'o/ /de dag ni khro mo'i zhal du mchod pa'o/ /de la gtor ma'i ken ni chang sna bzhi la 'bru chang sbrang chang gnyis/ /bur chang 'bras chang gnyis te bzhi'o/ /khur ba sna bzhi la gru gsum zla gam gnyis/zlum po gru bzhi gnyis te bzhi'o/ /sha sna bzhi la mi sha rta sha khyi sha ba lang dang bzhi'o/ /bdud rtsi sna bzhi la byang sems dkar dmar gnyis dang dri chen dri chu gnyis te bzhi'o/ /phag gdong gi zhal du mchod pa'i rdzas so/ /de ltar mchod pa la sogs pa'i rdzas bshams pa dang /rdo rje rnal 'byor ma'i bskyed rim la sogs pa bsgom par bya'o/ /de nas skyo na bzlas pa bya'o/ /de nas bstod pa bya ste mchod pa dang tshogs dbul ba la sogs pa bya'o/ /de nas byin gyis brlab par bya'o/ /de la bzhi ste/ mchod pa dang rdzas dang sngags dang ting nge 'dzin to//de nas slob ma gzhug cing dbang bskur ba ni slob ma rnams la mig ras dmar pos bkab ste/ las kyi slob dpon gyis nang du drangs te/ bgegs bskrad la dkyil 'khor gyi shar nas 'jug par bya'o/ /ji skad brjod de/ /de ring khyod mkha' 'gro ma thams cad kyi rigs su gzhug gi /ye shes gang gis mkha' 'gro ma kun gyi dngos grub thob par 'gyur la/ dngos grub gzhan lta smos kyang ci dgos te de lta bu'i rdo rje ye shes ngas khyod la bskyed par bya yis/ khyod kyis rdo rje rnal 'byor ma'i dkyil 'khor ma mthong ba rnams kyi drung du smra bar ma byed cig/ gal te khyod kyis smras na dam tshig nyams par 'gyur te/ de nas yang 'di ni dam tshig rdo rje ste/ gal te tshul 'di gang su yang rung ba'i drung du bzlas na/ khyod kyi mgo rdo rje rnal 'byor mas 'gas par byed do/ /rdo rje mkha' 'gro ma khyod dengs/ /khyod kyi snying la yang dag zhugs/ / gal te tshul 'di smras na ni/ /de ma thag tu dral te gshegs/ /'di ni khyod kyi dmyal ba'i chu/ /dam tshig nyams na sreg par byed/ /dam tshig bsrungs na dngos grub ni/ /rdo rje bdud rtsi'i chu 'dis 'grub/ /oM badzra DA kI nI a mr-i to da ka /de nas 'di brjod de/ de ring phan chad khyod kyi rdo rje mkha' 'gro ma nga yin gyi/ngas gang gyis brjod pa de bu khyod kyis bya dgos la/ nga la brnyas pa'i las ma byed cig /gal te byas na yang ba ma spangs par tshe 'di'i 'du byed byas nas/ sems can dmyal ba chen po rnams su lhung bar gyur ta re/ de nas 'di skad brjod de/ de bzhin gshegs pa dang mkha' 'gro ma thams cad kyis byin gyis rlobs la rdo rje rnal 'byor ma bdag la dbab tu gsol/de nas 'di skad brjod par bya ste/ rdo rje mkha' 'gro'i dkyil 'khor 'dir/ /bdag gis slob ma gzhug par bya/ /mkha' 'gro'i rigs kyi rim pa bzhin/ /bsod nams gang yin de bzhin shog//'dis ni dngos grub gang thob pa/ /rigs ni gang gi snod du 'gyur/ /'di la bsod nams ci yod pa/ /dkyil 'khor 'dir ni de bzhin shog /badzra DA ki nI badzra hoH/ lha gang gis dngos grub thob pa brtag par bya'o/ /de nas me tog blangs la slob ma'i mgo la gdags par bya'o//mig dbye ba ni/ oM rdo rje mkha' 'gro khyod nyid kyis/ /mig dbye bar ni nan tan mdzad/ /phye bas thams cad mthong 'gyur la/ /rdo rje'i mig ni bla na med/ /ces brjod do/ /de nas slob ma la lha'i dkyil 'khor bstan par bya'o/ /de nas dbang bskur bar bya ste/ /rdo rje rnal 'byor ma rnams la//mchod chen ji ltar mdzad pa ltar/ /bdag kyang rab tu bsgrub slad du/ /dbang bskur dam pa bdag la stsol/ /zhes gsol ba gdab bo/ /de nas bum pas dbang bskur ba/ /sangs rgyas kun gyi bum pa'i dbang / /de ring khyod la bskur bar bya/ /sangs rgyas kun ni rab bsgrub phyir//bum pa'i dbang ni khyod la bskur/ /bum pa byang chub sems kyis bkang / /spyi bo nas tshangs pa'i bug pa na mar song bas bdud rtsi'i rgyun gyi lhag ma spyi bor mi bskyod par bzhugs par bsam mo/ /de nas dbu rgyan gyi dbang bskur ba ni/ sangs rgyas kun gyi dbu rgyan dbang / / de ring khyod la bskur bar bya/ /sangs rgyas kun du rab bsgrub phyir/ /dbu rgyan dbang ni khyod la bskur/ /de nas dril bu'i dbang bskur ba ni/ sangs rgyas kun gyi dril bu'i dbang / /de ring khyod la bskur bar bya/ /sangs rgyas kun du rab bsgrub phyir/ /dril bu'i dbang ni khyod la bskur/ /de nas ming gi dbang bskur ba ni//sangs rgyas kun gyi ming gi dbang / /de ring khyod la bskur bar bya/ /sangs rgyas kun du rab bsgrub phyir/ /ming gi dbang ni khyod la bskur/ /zhes ma rig pa las gnas gyur nas rig pa ye shes su bsgrub pas rig pa'i dbang bzhi'o/ /da ni gsang ba'i dbang bskur ba ni/sangs rgyas kun gyi thod pa'i dbang / /de ring khyod la bskur bar bya/ /sangs rgyas kun du rab bsgrub phyir/ /gsang ba'i dbang 'di khyod kyis long / /zhes thod pa'i chang 'thung du gzhug go/ /de nas shes rab ye shes kyi dbang bskur ba ni/ /sangs rgyas kun gyi me long dbang //de ring khyod la bskur bar bya/ /sangs rgyas kun du rab bsgrub phyir/ /shes rab ye shes khyod kyis long / /skabs 'dir rdzogs pa'i rim pa bsgom ste/ /rang gi lte ba'i nang du me long gi dkyil 'khor 'bar bar bsam mo/ /phag gdong gi dpral bar g.yung drung ris dmar po 'khor bar bsams la//srin po'i zhal cung zad bsdom mo/ /gsum pa'i don dran pas bsgom mo/ /de la dbang bzhi ba'i thun mong ma yin pa'i lta ba phyag rgya chen po'i don ji lta ba bzhin du rtogs par byas la/ gang du yang gnas par mi bya'o/ /de yang brda sna tshogs kyi sgo nas bstan par bya'o//de lta bu'i byin rlabs thob pa'i slob mas bla ma la yon phul nas mnyes par bya ste/ mkha' 'gro ma la gtor ma gtang / tshogs kyi 'khor los mnyes par byas nas gtor ma gtang bar bya'o/ /bkra shis brjod/ /sbyin sreg kyang bya'o/ /de nas rdul tshon gshegs la yi ge brgya pas kha bskang bar bya'o//rdo rje rnal 'byor ma'i byin brlabs kyi cho ga mdor bsdus pa zhes bya ba grub pa thob pa sha ba ri zhabs kyis mdzad pa rdzogs so// //rgya gar gyi yul ma ga d+hA'i paN+Di ta gau ta ma b+ha dra'i zhal snga nas mnyan te/ lo tsA ba shAkya'i dge slong nyi ma rgyal mtshan dpal bzang pos/

CLOSE WINDOW