CLOSE WINDOW

D1557
བོད་ཡིག

/ //bal po'i paN+Di ta b+ha ren+d+ra ru tsi dang / /bod kyi lo tsA ba blo ldan shes rab kyis bsgyur ba'o// //'gro kun sangs rgyas thob par shog/ @##/ /rgya gar skad du/ ku li ga na ma ta t+t+wa nI ra na ma/ /bod skad du/ /rigs ldan ma'i de kho na nyid nges pa zhes bya ba/rdo rje mkha' 'gro ma rnams la phyag 'tshal lo/ /rigs ldan ma sum cu rtsa bdun po rnams bshad de/ rigs ldan ma sum cu rtsa bdun ma ni 'di lta ste/ rtsa ba'i rgyud du gsungs pa'i rigs ldan ma rdo rje phag mo ni/ rig byed ma Do m+bi ma'o/ /mkha' 'gro ma ni dmangs rigs ma'o//lA ma ni rgyal rigs ma'o/ /du ma skyes ma ni rje'u rigs ma'o/ /gzugs can ma ni bram ze ma'o/ /khwa gdong ma ni kla klo ma'o/ /'ug pa'i gdong can ma ni phyag dar ma'o/ /khyi gdong ma ni gdol pa can ma'o/ /phag gdong ma ni nye ba'i gling ma'o/ /gshin rje'i mche ba can ma ni ri khrod ma'o//gshin rje'i pho nya mo nya gsod ma'o/ /gshin rje'i mche ba gtsigs ma ni lbos byed ma'o/ /gshin rje bslab byed ma ni 'bar ba ri ma'o/ /rab tu gtum mo ni 'dri mkhan ma dang thags mkhan ma'o/ /gtum pa'i mig can ma ni chang 'tshong ma'o/ /'od ldan ma ni phreng 'tshong ma'o//sna chen ma ni stag gzig ma'o/ /dpa' bo'i blo ma ni mi smin ma'o/ /mi'u thung ma ni smyug gar ma'o/ /srin po'i dbang phyug ma ni 'bar ba mkhan ma'o/ /shing grib ma ni nor bu mkhan ma'o/ /sa srung ma ni lcags mkhan ma'o/ /'jigs byed chen po ma ni rgya skyegs mkhan ma'o//rlung gi shugs can ma ni srin mkhan ma'o/ /chang 'thung ma ni til mkhan ma'o/ /lha mo sngo bsangs ma ni 'dreg mkhan ma'o/ /shin tu bzang mo ni pags pa mkhan ma'o/ /rta rna ma ni shing 'tshong ma'o/ /bya gdong ma ni smyig ma 'tshong ma'o/ /'khor lo'i shugs can ma ni shan pa ma'o//dum skyes ma ni khur mkhan ma'o/ /chang dga' ma ni srub mkhan ma'o/ /'khor lo'i go cha ma ni gar mkhan ma'o/ /shin tu dpa' mo ni tshos mkhan ma'o/ /stobs chen ma ni nya sha 'tshong ma'o/ /'khor los sgyur ma ni rdza mkhan ma'o/ /brtson chen ma ni rtsis mkhan ma'o//de rnams ni go rims ji lta bar phyi rol du longs spyod cing dus tshod la bab pa'i nyin par longs spyod pa ste/ las kyi tshogs rnams kyis 'jig rten pa'i dngos grub sgrub pa'i don du/ sngon la rigs kyi pho nya mo de rnams la mchod pa'i cho ga bya bar bcom ldan 'das kyis gsungs so/ / da ni rang gi gzugs yongs su bsgyur ba rnams kyis dam tshig gi pho nya mo rnams bshad de/ 'dir rigs ldan ma rdo rje phag mo ni kun gyi gzugs thams cad yongs su bsgyur ma'o/ /rdo rje mkha' 'gro ma ni khyi mo'o/ /lA ma ni rta mo'o/ /dum skyes ma ni glang po ma'o/ /gzugs can ma ni ba'o/ / rab tu gtum ma ni lug ma'o/ /gtum pa'i mig can ma ni ra mo'o/ /'od ldan ma ni ri dgas ma'o/ /sna chen ma ni bong ma'o/ /dpal bo'i blo min phag mo'o/ /mi'u thung ma ni rnga mo'o/ /srin po'i dbang phyug ma ni nags kyi wa mo'o/ /shing grib ma ni nags mtha'i seng ge ma'o/ / sa srung ma ni bse ru gcig ma'o/ /'jigs byed chen mo ni stag mo'o/ /rlung gi shugs can ma ni ri khrod ma'o/ /chang 'thung ma ni ne'u le ma'o/ /lha mo sngo bsangs ma ni 'bri mo'o/ /shin tu sngo bsangs ma ni sbyang ma'o/ /rta rna ma ni sram mo'o/ /bya gdong ma ni byi la ma'o/ /'khor lo'i shugs can chen mo ni chu srin kum+b+hi ra ma'o//dum skyes ma ni 'gron bu ma'o/ /chang dga' ma ni chu srin byis pa gsod ma'o/ /'khor lo'i go cha ma ni nya mo'o/ /shin tu dpa' mo ni chu srin ma ka ra mo'o/ /stobs chen ma ni rus sbal chung shos ma'o/ /'khor los sgyur ma ni rus sbal mo'o/ /brtson chen ma ni dung mo'o//khwa gdong ma ni rmigs pa ma'o/ /'ug gdong ma ni byi ba ma'o/ /khyi gdong ma ni ma he ma'o/ /phag gdong ma ni spre'u ma'o/ /gshin rje'i mche ba can ma ni ba men ma'o/ /gshin rje pho nya mo ni srog chags shi la ki ma'o/ /gshin rje mche ba gtsigs ma ni mdzes ta kri mo'o/ / gshin rje rlag byed ma ni rtsangs pa mo'o/ /'di dag ni skam la gnas pa dang / gsher la gnas pa dang / nags na gnas pa rnams kyi gzugs yongs su bsgyur ba lha mo rnams kyi dam tshig ste/ gang gi tshe rnal 'byor ba rnams rang rang gi rang bzhin gzugs de rnams su shes na rnal 'byor ma sum cu rtsa drug gi dngos grub tu 'gyur ro//da ni nam mkha' la spyod pa rnams kyi gzugs yongs su bsgyur ba bshad pa ste/ /'dir yang rigs ldan ma rdo rje phag mo nyid thams cad kyi gzugs su bsgyur ma'o/ /de la rdo rje mkha' 'gro ma ni khug rta ma'o/ /lA ma ni ne tso ma'o/ /dum skyes ma ni bya sha ri ka mo'o//gzugs can ma ni bya ko ki la ma'o/ /rab tu gtum mo ni bya la bi ma'o/ /gtum pa'i mig can ma ni phug ron ma'o/ /'od ldan ma ni khwa mo'o/ /sna chen ma ni mchil pa mo'o/ /dpa' bo'i blo ldan ma ni dur pa ma'o/ /mi mthun ma ni ngang pa ma'o/ /srin po'i dbang phyug ma ni chu sreg ma'o//shing grib ma ni bya ko d+hi ma'o/ /sa srung mo ni krung grung mo'o/ /'jigs byed chen po ni bya rgod ma'o/ /rlung gi shugs 'chang ma ni bya DA ki mo'o/ /chad mthud ma ni 'ol ba mo'o/ /lha mo sngo bsangs ni bya bu d+d+ha tsi li ka mo'o/ /shin tu bzang mo ni khyim bya mo'o//rta rna mo ni bya ka ka mchu rings mo'o/ /bya gdong ma ni ha ri rda ka ri mo'o/ /'khor lo'i shugs can ma ni ngang skya mo'o/ /dum skyes ma ni bya ko ki li ku ku hi ma'o/ /chang dga' ma ni bya ri rtsa ki ma'o/ /'khor lo'i go cha ma ni khra ma'o/ /bcom ldan 'das shin tu dpa' mo ni sreg pa mo'o/ / stobs chen ma ni byas da sa mo'o/ /'khor los sgyur ma ni chu bya mo'o/ /brtson chen mo ni chu skyar mo'o/ /khwa gdong ma ni bya la tsha na tshi mo'o/ /'ug gdong ma ni bya bang mo'o/ /khyi gdong ma ni bya 'ug nag mo'o/ /phag gdong ma ni 'ug pa mo'o/ /gshin rje mche ba can ni bya ka li ra mo'o/ /gshin rje pho nya mo ni bya ti ti bi mo'o//gshin rje mche ba gtsigs ma ni bya mgo gnyis ma'o/ /gshin rje 'joms ma ni bya a ma bar ki mo'o/ /'di dag ni nam mkha' la spyod pa rnams kyi gzugs yongs su bsgyur ba rnams te/ rnal 'byor ma sum cu rtsa drug rnams so/ /skam la gnas pa dang / chu la gnas pa dang / nam mkha' la gnas pa rnams gcig la gcig bsnun te shi bde dag gi sha kha na ma tho ba med pa ji ltar rnyed pa dang / bdud rtsi lnga mnyam bar byas la/ 'og nas bshad pa'i rim pas dur khrod kyis gzhir ri lur byas te/ gsung gi rdo rje la sogs pa'i mchod pa rnams kyis sbrags te bsgrub par bya'o//de nas ji ltar rnyed pa'i dam tshig gi rdzas rnams rtogs pas rab tu spar te bdud rtsir byas te sbyangs pas rdo rje mchod pa'i dus su ni rnal 'byor ma rnams la sngags pas dbul bar bya'o/ /bsgom pa'i dus su ni yang dag par spyod pa'o/ /yang dag par spyod pa'i dus su snyoms par 'jug par bya'o//snyoms par 'jug pa'i dus su ni ri lu de bdag nyid kyi khar bzhag cing shes rab kyi khar yang gzhug go/ /dpa' bo dang dpa' mo'i dbang phyug ma rnams kyi khar yang gzhug par bya'o/ /'di dag ni dam tshig gi mchod pa'i nges pa'i tshig go/ /da ni mchod pa'i cho ga bshad de//'dir phyi dang nang gi rigs bral ma rdo rje phag mo ni mi 'gyur ba chen po bde ba'i 'bras bu yin pas na/ 'bring dang mchog gi dbugs kyis dus kun du mchod par bya ste/ sngags pa phyag rgya chen po'i dngos grub kyi don du'o/ /'jig rten pa'i dngos grub kyi don du ni rdo rje mkha' 'gro ma la sogs pa rnams go rims ji lta ba'i khyad par gyis mchod par bya'o//phyi rol du chu srin ma ka rar yang dag par 'phos pa ni zhal shar phyogs ma ste/ rdo rje mkha' 'gro ma la bsang ba'i las bya ba'i don du mchod par bya'o/ /'og tu yang dag par 'phos pa la g.yas pa'i zhal te lA ma la dbang gi las bsgrub pa'i don du'o//nya khyi bar yang dag par 'phos pa na nub kyi zhal te/ dum skyes ma la rengs pa'i don du'o/ /srang du yang dag par 'phos pa la g.yon gyi zhal te gzugs can ma la zhi bar byed pa'i don du ste/ zla ba de'i rgyu skar sa ri yang dag par 'phos pa ni sngags pas mchod par bya'o//gzhan rnams ni zla ba dag gi tha mar ro/ /lo'i dus kyi char zad pa rnams bzhi po nor dang / nor gyi lan dang / 'phel ba dang 'joms pa zhes bya bar phye ba de rnams kyi yang dag par 'phos pa'i nyin par rim bzhin rnams la ji ltar bshad pa'i rim pas mkha' 'gro ma bzhi po rnams su longs spyod par bya'o//bcom ldan 'das kyi thugs gsung sku zhal dbye bas/ shar dang / lho dang / nub dang / byang phyogs kyi lha mo rnams khong du chud par bya'o/ /bsad pa la sogs pa'i las rnams sgrub par byed pa la sogs pa'i khams kyi dbye bas nges pa yang yin no//de ltar thams cad du zhal gyi dbye bas bshad pa'i las kyi tshogs rnams bsgrub pa las lha mo de rnams mchod pa'o/ /da ni dur khrod kyi lha mo rnams kyi mchod pa bshad de/ 'dir chu srin ma ka rar 'pho ba'i nyin par khyi gdong ma ste bskrad pa'i don du'o/ /bum par 'phos pa'i phyed kyi nyin par 'ug pa'i gdong can ma ste/dgug pa'i don du'o/ /lug tu 'phos pa'i nyin par khyi gdong ma ste phur ba'i don du'o/ /glang du 'phos pa'i phyed kyi nyin par phag gdong ma ste rgyas pa'i don du'o/ /nya khyi bar yang dag par 'phos pa'i nyin par gshin rje mche ba can te dug med par bya ba'i don du'o//seng ge 'phos pa'i phyed kyi nyin bar gshin rje pho nya mo ste rmongs par bya ba'i don du'o/ /srang du yang dag par 'phos pa'i nyin par gshin rje mche gtsigs ma ste rengs par bya ba'i don du'o/ /sdig par 'phos pa'i phyed kyi nyin par gshin rje 'joms ma ste dbye bar bya ba'i don du'o//lo gcig la zla ba phyed dang / rengs pa la rnal 'byor pas mchod pa'i don du'o/ /thun mtshams brgyad kyi tha ma la sogs par phye ba'i nyin par ji skad bshad pa'i rim pas rnal 'byor pa brgyad po rnams longs spyod pa ste/ ji srid zla ba phyed phyed dang zla ba rdzogs par rnal 'byor ma 'di dag tu nges so//da ni thugs dang gsung dang sku'i 'khor lo rnams kyi lha mo rnams la mchod par bshad do/ /'dir dgun zla ra bar 'phos pa la/ rab tu gtum mo dang thod pa'i dum bu la bsad par bya ba'i don du'o/ /nya'i ngor 'phos pa la gtum pa'i mig can ma dang /keng rus chen po la dbang gi don du'o/ /dgun zla 'bring por 'phos pa'i ngo la ni 'od ldan ma dang / keng rus la rengs par bya ba'i don du'o/ /nya'i ngor 'phos pa la ni sna chen mo dang mche ba rnam par gtsigs mal rgyas par bya ba'i don du'o/ /dgun zla tha chungs la ni dpa' bo'i blo can ma dang /chang dga' la zhi ba'i don du'o/ /nya'i ngor 'phos pa la ni mi'u thung ma dang / 'od dpag med la rmongs pa'i don du'o/ /dpyid zla ra bar 'phos pa'i ngo la ni srin po'i dbang phyug ma dang / rdo rje 'od la dgug pa'i don du'o/ /nyar 'phos pa'i ngo la ni shing grib ma dang rdo rje'i sku la dbye ba'i don du'o//'di dag ni dgun zla ra ba la sogs pa'i zla ba bzhi po'i ngo brgyad kyi nyin par rnams la ji ltar gsungs pa'i rim pas thugs kyi 'khor lo'i dpa' bo dang dpa' mo rnams la longs spyod pa'o/ /da ni gsung gi 'khor lo'i mchod pa bshad de/ 'dir dpyid zla 'bring po 'phos pa'i ngo la ni sa srung ma dang rdo rje myu gu la bskrad pa'i don du'o//nyar 'phos pa'i ngo la ni dpa' mo chen mo dang / /rdo rje ral can la mdza' bar bya ba'i don du'o/ /dpyid zla tha chungs su 'phos pa'i ngo la ni rlung gi shugs can ma dang / dpa' bo chen po la sde dpung rengs par bya ba'i don du'o//nya ru 'phos pa'i ngo la ni chang 'thung ma dang / rdo rje hUM mdzad la sprin las char dbab pa'i don du'o/ /dbyar zla ra bar 'phos pa'i ngo la ni/ lha mo sngo bsangs ma dang shin tu bzang mo la rims bsal ba'i don du'o/ /nyar 'phos pa'i ngo la ni shin tu bzang mo dang / /rdo rje bzang mo la bcing ba dbye ba'i don du'o//dbyar zla 'bring po 'phos pa'i ngo la ni rta rnam dang 'jigs byed chen po la dbab par bya ba'i don du'o/ /nyar 'phos pa'i ngo la ni bya gdong ma dang mig mi bzang la sprin bral ba'i don du'o/ /'di dag ni dpyid zla 'bring po la sogs pa bzhi po ngo brgyad kyi nyin par rnams la/ji ltar bshad pa'i rim par gsung gi 'khor lo'i dpa' bo dang dpa' mo rnams la longs spyod pa'o/ /da ni sku'i 'khor lo'i mchod pa bshad de/ 'dir dbyar zla tha mar 'phos pa'i ngo la ni 'khor lo'i shugs can ma dang / stobs po che la ral gri chen po bsgrub pa'i don du'o/ /nyar 'phos pa'i ngo la ni dum skyes ma dang /rin chen rdo rje la sngags kyi dngos grub kyi don du'o/ /ston zla ra bar 'phos pa'i ngo la ni/ chang dga' ma dang rta mgrin la klu'i rgyal po rengs par bya ba'i don du'o/ /nyar 'phos pa'i ngo la ni 'khor lo'i go cha ma dang / nam mkha'i snying po la bcud kyis len chen po bsgrub pa'i don du'o//ston zla 'bring po 'phos pa'i ngo la ni/ shin tu dpa' mo dang / he ru ka la 'bras bu bdud rtsir bsgrub pa'i don du'o/ /nyar 'phos pa'i ngo la ni stobs chen ma dang / pad+ma gar gyi dbang phyug ma la gter bsgrub pa'i don du'o/ /ston zla tha chungs la 'phos pa'i ngo la ni/ 'khor los sgyur ma dang rnam par snang mdzad la rin po che bsgrub pa'i don du'o/ /nyar 'phos pa'i ngo la ni brtson chen ma dang rdo rje sems dpa' la 'jig rten gsum gyi gnas su bgrod par bya ba'i don du'o/ /'di dag dbyar zla tha chungs la sogs pa'i zla ba bzhi po'i ngo brgyad po'i nyin par rnams la ji ltar bshad pa'i rim pas sku'i 'khor lo'i dpa' bo dang dpa' mo rnams la longs spyod pa'o//yang na sdig par 'phos pa'i nyin par la/ sdig par 'phos pa'i nyin par phyed dag dang / gzhur 'phos pa la gzhu'i phyed dag dang / chu srin ma ka rar 'phos pa la/ chu srin ma ka ra'i phyed dag dang //bum par 'phos pa la bum pa'i nyin par phyed du byas ste/ /nyin par brgyad po de rnams la/ thugs kyi 'khor lo'i dpa' bo dang dpa' mo rnams la longs spyod pa'o/ /de bzhin du nyar 'phos pa la nya'i nyi ma phyed dag dang / lug tu 'phos pa la lug gi nyi ma phyed dag dang /glang du 'phos pa la glang gi nyi ma phyed dag dang / sbyor bar 'phos pa la sbyor ba'i nyi ma phyed dag dang / /nyi ma brgyad po 'di rnams la ji ltar bshad pa'i rim pas/ gsung gi 'khor lo'i dpa' bo dang dpa' mo rnams la longs spyod pa'o/ /de bzhin du nya khyi bar 'phos pa'i nyin par la nya khyi ba'i phyed dag dang /seng ger 'phos pa'i nyin par la seng ge'i phyed dag dang / bu mor 'phos pa'i nyin par rnams la bu mo'i phyed dag dang / srang du 'phos pa'i nyin par la srang gi phyed dag ste/ nyi ma brgyad po de rnams la ji ltar bshad pa'i rim pas sku'i 'khor lo'i dpa' bo dang dpa' mo rnams la longs spyod pa'o//de lta bu'i mthu rnams kyis lo gsum du phye bas lo dgur dang por yi ge oM mchod par gzung ste/ de nas lo dang por ni lha mo bzhi ming dang spel ba'i zhal bzhi ba'i sngags zla ba gsum gsum du phye bas bzla bar bya'o/ /lo gnyis pa la ni rnal 'byor ma brgyad po rnams kyi ming dang spel ba'i rkang pa brgyad po'i sngags zla ba phyed dang gnyis gnyis su phye bas bzla'o//lo gsum pa la ni lha mo nyi shu rtsa bzhi po rnams kyi ming dang spel ba'i rang rang gi sngags kyi phreng ba rnams bzlas te/ sngon du bshad pa'i bsgrub pa'i don du'o/ /de ltar lo gsum dang lo drug dang lo dgu ru mkha' 'gro ma sum cu rtsa drug po rnams bsgrubs te/de nas 'jig rten pa'i las kyi tshogs rnams kyi dngos grub bsgrubs na/ sngags pa grub par byed do zhes/ de bzhin gshegs pas nges par gsungs so/ /de bzhin du nang la yang zung bzhi dang thun mtshams brgyad de chu tshod phyed dang gsum gyi bdag nyid phyogs re rer sbyar na nyi shu rtsa bzhi'o//dus tshod de rnams su so so'i nyin par rnams la/ rdo rje mkha' 'gro ma la sogs pa rnams la mchod pa byas te/ sngar bshad pa'i dngos grub rnams bsgrub po/ /dus kyi khyad par gyis pho nya mo rnams la mchod pa'i cho ga nges pa'o//da ni theg pa chen po'i rgyud las gsungs pa'i 'bras bu'i khyad par bshad pa dang / 'dir dus kyi khyab par bcom ldan 'das kyi rgyud gzhan dang gzhan las gsungs pa de 'dir sdud pa tsam gyis bshad de/ 'dir rgyud las gsungs pa'i dgongs pa rnams khong du chud par bya ba ni rgyud de dang des khong du chud par bya'o zhes/de bzhin gshegs pas gsungs so/ /de lta bu 'di ni dus kyi khyad par ro/ /da ni dang po kho na chu srin ma kha ra la sogs par gang sbyar ba de dag bzhin ni ro hi ta la sogs pa bcu gnyis dang chu tshod rnams dang / dgun zla tha chungs la sogs pa zla ba bcu gnyis po gang yin pa rnams dang /'dir ma rig pa la sogs pa bcu gnyis po rnams ni de bzhin du phyi dang nang gi la so so dang nyi ma so so la 'byor ba bcu gnyis te/ chu tshod lnga lnga'i bdag nyid ni 'byor pa re re'o/ /chu tshod drug cu tham pa la chu tshod ni dbugs drug cu phrag drug cu'i tshad kyi chus chu tshod kyi snod gang ba'i bdag nyid do//'di ltar nyin mtshan gcig gis ni dbugs kyi 'byung rngub rnams brgya phrag drug dang / stong phrag shi shu rtsa gcig po ni phyi rol nyi ma'i chu tshod dang dbugs rnams te de ltar nyin mo dang mtshan mos chu tshod drug cu rtsa bzhir/ bcom ldan 'das de bzhin gshegs pa kyai'i rdo rje'i gsungs pa 'dir ni/chu tshod kyis tshad dbugs drug phrag lnga bcu rtsa drug la bzhi bzhi la dgongs so/ /de la chu tshod drug cu rtsa bzhi ni/ /sprul pa'i 'khor lo'i bdag nyid do/ /cung zad sum cu rtsa gnyis ni bde ba chen po'i 'khor lo'o/ /yang dag par 'pho ba bcu drug ni cu zad gnyis gnyis kyi bdag nyid de/longs spyod rdzogs pa'i 'khor lo'i bdag nyid do/ /thun mtshams brgyad ni chos kyi 'khor lo'o/ /longs spyod rdzogs pa'i 'khor lo dang / bde ba chen po'i 'khor lor rim par ma smras pa rim par sbyar ba ni 'dir bla ma'i man dag las shes par bya'o//de lta bur nyin mchan gyi dus kyi khyad par rnams bsdus pa'i rgyud de dang de las rig par bya'o/ /rtsa ba'i rgyud rgya mtsho chen po'i mtshan gyi mchog ces bya ba ni rgyud khri la sogs pa rnams su yang gsungs pa ni 'di lta ste/ phyi rol gyi nyi ma'i lo so so'i nyin par yang de bzhin de/ nyin mtshan de ni dus kyi khyad par brgya phrag drug dang stong phrag nyi shu rtsa gcig gi dbugs ni/phyi rol gyi nyin mtshan nyid chu tshod kyi tshad do/ /de dag gi nang gi ni nyin mtshan so so'i dbugs te/ lus can rnams kyi'o/ /de lta bu'i chu tshod drug cu pa nyid brgya phrag gsum dang drug cu ni phyi rol gyi lo'i nyin mtshan gyi tshad do//nang gi na drug cu drug cu pa sum brgya drug cu'i dbugs kyi bdag nyid do/ /de dag 'di ltar zla ba'i ngo bo nyi shu rtsa gnyis la chu tshod dgu brgya dgu brgya'i bdag nyid do/ /nang gi yang de ltar dbugs kyi chu tshod dgu brgya dgu bya'i bdag nyid do/ /de dag 'di lta ste phyi rol gyi brgya phrag bco brgyad po rnams ni zla ba bcu gnyis so//phyi rol gyi sum brgya drug cu po ni/ chu tshod drug cu po phrag gsum brgya drug cu ste lo'i'o/ /nang gi ni dbugs kyi chu tshod drug cu pa phrag sum brgya drug cu pa'i bdag nyid do/ /phyi rol gyi chu tshod bzhi dang lnga dang drug bsdoms pa'i bdag nyid ni zung bzhi'i bdag nyid kyi'o//nang gi ni dbugs kyi chu tshod bzhi dang lnga dang drug tu bsdoms pa ste/ dbugs kyi bdag nyid kyi chu tshod bzhi dang lnga dang drug pa'o/ /phyi rol gyi chu tshod bdun phrag gnyis dang drug gi bdag nyid ni thun gsum mo/ /nang gi yang bdun phrag gnyis dang drug tu bsdoms pa ste/dbugs kyi chu tshod bdun phrag gnyis dang drug pa'o/ /phyi rol gyi stong phrag bcu dang de las gzhan pa'i brgyad brgya ni chu tshod kyi bdag nyid de/ bgrod pa gnyis po so so re re'o/ /nang gi yang stong phrag bcu po de las gzhan pa brgyad brgya ste/ dbugs kyi chu tshod kyi bdag nyid do//de ltar nyin mo dang mtshan mos brgya phrag drug dang stong phrag nyi shu rtsa gcig ni phyi rol gyi nyin mtshan so so'i chu tshod rnams so/ /nang gi yang lus can rnams kyi so so'i nyin mtshan gyis dbugs rnams te/ 'dir ni mi rnams kyi lus po dbugs 'byung ba dang / rngub pa'i bskyed bya rigs dang /dbyibs sna tshogs pa can rnams kyi nyin mtshan gyi'o/ /de lta bu ni 'dir dus kyi khyad par du mngon par rtogs par bya'o/ /'di rnams kyi zla ba gcig la yi dags rnams kyi nyin mtshan gcig go/ /lha ma yin rnams kyi lo gcig ni nor sbyin rnams kyi lo drug cu tham par 'du shes te/sems can rnams kyi dbugs kyi 'khor lo bsdus pa'o/ /lo dang nyin mtshan de lta bu'i bdag nyid gsungs shing bshad de/ sems can rnams kyi don gyi bya ba byed pa'o/ /de lta bu'i dus kyi khyad par thams cad kyi nyin par so so bar khong du chud par bya ba rgyud de dang de las bcom ldan 'das kyis gsungs so//'di ltar rtsa ba'i rgyud du thob par ma gyur na yang / /'khor lo sdom par gdan bzhi pa'i lha mo rnams kyis dus kyi bye brag shes par bya ste/ rgyud 'dir gsungs pa ni gnas la sogs par rnal 'byor ba rnams kyis spyod pa ni/ longs spyod pa dang / thim pa dang 'jug pa rnams su mkhas pa rnams kyis rtogs par bya ste/phyi dang nang gi dus su khyad par gyi mchod pa'i cho ga nges pa na'o/ /de nas 'og gi gzhi dang / me dang / rlung dang / chu'i dbus su ri rab po/ /phyogs brgyad na mi'i thod pa chen po der shin tu drag pa'i dud pa can ni dur khrod chen po brgyad de/ gsal shing gi rtse mor bskyon pa ni kha'i sgo ste khwa gdong ma'o/ /lhor ni ro tshogs ma ste/ sna bug g.yas par ni 'ug pa'i gdong ma'o/ /nub phyogs su ni dring ba can te/ bshad ba'i sgor ni khyi gdong ma'o/ /byang phyogs su naM 'jigs pa can te/ rna bug g.yon pa'i sgor ni phag gdong ma'o/ / 'di dag ni g.yas skor du bskor bar bya'o/ /de nas dbang ldan du ni byis pa spas pa ste/ rna ba g.yon gyi sgor ni gshin rje mche ba can ma'o/ /rlung du ni sprul gyis zin pa ste/ rna ba g.yas pa'i sgor ni gshin rje pho nya mo'o/ /bden bral du ni drag tu 'thab pa ste/ mig g.yas par gshin rje mche ba gtsigs ma'o//me mtshams su ni me lce gyen du 'bar ba ste/ mig g.yon pa'i sgor gshin rje 'joms ma'o/ /rnal 'byor ma 'di dag g.yon skor du bskor ro/ /de lta bur dur khrod chen po brgyad kyi rnal 'byor ma rim pa dang rim pa ma yin par g.yas skor dang g.yon skor du'o//'khor lo 'dus pa ni 'di dag mchod pa ni/ 'di ltar lte ba dang snying ga dang mgrin pa dang dpral ba rnams su ye shes dang thugs dang gsung dang sku'i 'khor lo rnams dang / kha'i sgo la sogs pa'i sgo brgyad por sgo skyong ma rnams la'o/ /de ltar rnal 'byor ma sum cu rtsa drug po rnams kyi phyi dang nang gi gnas kyi bdag nyid rnams bstan to//da ni longs spyod pa dang / thim pa dang / gnas pa dang / 'jug pa dang / khyab bdag rnams bshad de 'dir ni rigs lan ma la sogs pa rnams kyi thams cad du/ rigs ldan ma'i longs spyod pa dang / thim pa dang /'jug pa dang / khyab bdag rnams ni bdag gi gdan la sogs pa dang / rdo rje mkha' 'gro ma la sogs pa rnams kyi rim pa ji lta ba bdag gi gdan la sogs pa'o/ /'dir bdag gi gdan ni longs spyod pa'o/ /gzhan gyi gdan ni thim pa'o/ /de kho na nyid kyi gdan ni 'jug pa'o//sngags kyi gdan ni khyab bdag go/ /gzhan gyi gdan ni longs spyod pa'o/ /sngags kyi gdan ni thim pa'o/ /bdag gi gdan ni 'jug pa'o/ /de kho na nyid kyi gdan ni thim pa'o/ /gzhan gyi gdan ni 'jug pa'o/ /bdag gi gdan ni khyab bdag go/ /de kho na nyid kyi gdan ni longs spyod pa'o//bdag gi gdan ni thim pa'o/ /sngags kyi gdan ni 'jug pa'o/ /gzhan gyi gdan ni khyab bdag go/ /de kho na nyid bdag nyid kyi gdan ni khyab bdag go/ /sngags kyi gdan ni longs spyod pa'o/ /'di dag ni thun mtshams bzhir phye bas pho nya mo'i kun du spyod pa 'khor lo 'dus pa ste/lte ba ye shes kyi 'khor lo g.yas skor du bskor ba'o/ /rigs ldan ma'i de kho na nyid nges pa zhes bya ba u rgyan du grub pas mdzad pa rdzogs so// //rgya gar gyi mkhan po chen po dI paM ka ra'i zhal snga nas bsgyur cing zhus te gtan la phab pa'o// //

CLOSE WINDOW