CLOSE WINDOW

D1555
བོད་ཡིག

/ //bal po'i paN+Di ta A tsA R+Ya b+ha ren+d+ra ru tsi dang / lo tsA ba blo ldan shes rab kyis bsgyur ba'o// @##/ /rgya gar skad du/ tshin+da muN+Da sA d+ha na nA ma/ bod skad du/ dbu bcad ma'i sgrub thabs zhes bya ba/ dpal rdo rje mkha' 'gro ma la phyag 'tshal lo//bde sbyin bcom ldan 'das phag mo/ /g.yas brkyang zhabs kyis yang dag mnan/ /khams gsum rang bzhin gsum spyan gsum/ /de la rtag tu phyag 'tshal lo/ /ji ltar bla ma'i man ngag ltar/ /khams gsum pa yi rang bzhin phyir/ /nyi ma gzhon nu'i 'od 'phro ba/ / de yi sgrub thabs bdag gis brjod/ /mtshan ma gcig pa'am dur khrod dam/ /khang stong du ni dus rtag tu/ /rig ma srid gsum mthar mdzad ma/ /de ni rnal 'byor pas bsgrub bya/ /'bol stan 'jam la gnas pa'am/ /'jam pa'i stan gzhan dag la yang / /yang dag brten te gnas nas ni//dngos grub dam pa bsgrub par bya/ /de rjes yig gsum sngags kyis ni/ /mngon par bsngags pa'i dam tshig chus/ /mchod rdzas dag la'ang bsang gtong bya/ /sngags de nyid kyis khrus byas te/ /de yi rjes la go bgo'o/ /yan lag nying lag thams cad la/ /g.yon gyi lag pa nas brtsams nas//oM baM/ haM yoM/ hriM moM hreM hriM/ hUM hUM/ phaT phaT/ ces pa'i sngags kyi yi ge rnams/ /lag pa g.yon pa'i rtse mo yis/ /dang po lte ba nas brtsams nas/ /brjod bya de nas dag gsum mo/ /oM swa b+hA b+ha shud+d+haHsar+b+ba d+har+m+mAHswa b+hA ba shud+d+hou0f85haM/ oM badzra shud+d+haHsar+b+ba d+har+m+mA badzra s hud+d+hou0f85haM/oM yo ga shud+d+haHsar+b+ba d+har+m+mA yo ga shud+d+hou0f85haM/ de rjes blo ldan gyis nga rgyal/ /bskyed bya khams gsum dag pa'i phyir/ /phyogs mtshams mnyam par ldan pa la/ /dur khrod brgyad po de bzhin du/ /myur ba'i rnam pa'i rnal 'byor gyis/ /de rjes gsum po mnyam par gzhag /gnas g sum la ni bsgom bya'o//'od zer rnam par spros pa las/ /srid gsum la gnas sems can rnams/ /gsal bar byas te de nas yang / /nye bar bsdu ba'i sgom pa las/ /sna tshogs kun du stong par bya'o/ /dag pa yis ni shel lta bur/ gnyis med ye shes rang bzhin no/ /de rjes stong sogs rang bzhin gyis//rgyal ba'i sngags kyi byin gyis brlab/ /de nas nam mkha' bsgom bya ba/ /hrIHdmar po las 'dam skyes so/ /yang ni de steng bsgom bya ba/ /zla ba nyi ma me der blta/ /de dkyil yang ni bsgom bya ba/ /baM yig sna tshogs mdog lta bu/ /de nas baM skyes blta bya ba/ /gri gug baM gyis brgyan pa'o//gri gug yongs gyur bsgom bya ba/ /spros las bdag nyid rnal 'byor ni/ /rdo rje yi ni rnal 'byor ma/ /gzugs gsum kha dog gsum ldan ma/ /ljang gu dmar ser ser mo ste/ /gri gug thod pa 'dzin pa'o/ /dbu skra grol zhing gcer bu la/ /dmar zhing zlum pa'i spyan gsum pa//lang tsho gzhon nu yang dag ldan/ /phyag rgya lnga yis rnam par brgyan/ /zhal gcig phyag gnyis mdzes ma ste/ /mi bzad drag tu bzhad cing dpa'/ /bde ba'i zhabs g.yas brkyang mi bzad/ /mgo bo'i phreng ba rab tu dbyangs/ /rdo rje gri gug gis bdag dbu/ /bcad nas sku steng dbyangs pa'o//g.yas pa rdo rje gri gug dang / /g.yon pas skra phyed kyis g.yogs pa/ /dbu yi steng du thod pa dang / /dbu skra phyed bzung 'og bltas zhal/ /kha T+wA ga 'dzin ser mo dang / /gur kum dmar po mnyam par ldan/ /dus mtshan ma ni mnyam par mnan/ /rnal 'byor pa yis rtag bsgom bya//lam gsum nas ni khrag 'dzag cing / /zla ba nyi ma nam mkha' ltar/ /g.yon dang g.yas dang de bzhin dbus/ /rtsa gsum nas ni byung nas ni/ /rtag tu 'byung bar bsgom par bya/ /a ba d+hU tI gyen du 'gro/ /g.yon dang g.yas kyi rtsa gnyis kyang / /de ltar myur du bsgom par bya//sku gsung thugs kyi rang bzhin gyis/ /rtsa gsum gyi ni ngo bor gnas/ /shes rab ngo bo la la nA/ /ra sa nA ni thabs su gnas/ /dbus gnas a ba d+hU tI ni/ /bde chen rnam pa'i rang bzhin no/ /de dag thun mtshams gsum du bsgom/ /sna tshogs gzugs ni rin chen bzhin/ /ji ltar snga phyi rim bzhin du//de nas sngags btu bshad par bya/ /sngags pas gtsang ma'i sa phyogs su/ /gnas te de nas sngags brjod nas/ /rig byed mngon gsum dang por gzhag /'dod pa'i sum cu gcig pa blang / /nyi shu gsum pa de bzhin du/ /nyi shu bdun pa mgo stengs su'o/ / yang ni nyi shu gsum pa gzung / /dbyangs yig lnga po 'og tu sbyar/ /tha rgyab yi ge yang dag blang / /da rgyab 'og tu sbyar bar bya/ /de rjes bcu gsum pa sbyin bya/ /dbyangs yig gnyis pa yang dag sbyar/ /dang po'i yi ge blang byas pa/ /dbyangs yig gsum pa sbyar bar bya/ /de nas nyi shu pa byin la//dbyangs yig bzhi pas brgyan par bya/ /de nas nyi shu drug pa bzung / /bcu gcig pa dang ldan par bya/ /yang ni nyi shu gsum pa sbyin/ /brgyad pa yang ni blang byas nas/ /'og tu nyi shu bdun pa sbyar/ /sum cur gcig gis ma tshang ba/ /bco lnga pa ni brtsegs par bya'o/ / nyi shu bdun pa mgo bor gzhag /yang na d+ha rgyab sbyin byas la/ /bzhi pa yis ni brgyan par bya/ /ra yig 'og ma gzung byas la/ /bcu gcig pa yis brgyan par bya/ /yang na nyi shu gsum pa gzung / /tsa nas bgrangs pa'i gsum pa la/ /'og tu nyi shu bdun pa sbyar/ /pha rgyab yi ge blang byas la//dbyangs yig bcu gnyis pa yis brgyan/ /pa nas bgrangs pa'i bdun pa la/ /bcu gsum pa yis brgyan par bya/ /drug pa bcu phrag gnyis pa sbyin/ /sgyu ma'i sa bon gyis brgyan bya/ /de rjes rlung gi sa bon sbyin/ /bcu gcig pa dang ldan par bya/ /sum cu pa ni lan gsum bgrang //dbyangs yig drug pa mnyam ldan bya/ /nA thig ler yang dag ldan/ /phaT ni lan gsum sbyar bar bya/ /swA hA de nas sbyin par bya/ /yang dag rdzogs pa'i dngos grub sngags/ /mkhas pas gsang ba'i gnas su ni/ /ni rang sum phreng la bsgom pa/ /spro dang bsdu ba'i rnal 'byor gyis//sngags mchog yang dag bzlas par bya/ /sngags rnams gsal ba'i rnal 'byor ni/ /las ji bzhin du sbyar bar bya/ /khyod min skyes pas sbrum pa bzhin/ /'bad pa yis ni gsang bar bya/ /sbyin min gang su gang la lar/ /shin tu gsang ste de bzhin du/ /legs par brtags te sbyin par bya//gus med g.yo dang ldan zhing gtum/ /slob dpon bla ma gzhan smod la/ /gtong dang mi ldan rtog pa che/ /brtags te sbyin par mi bya'o/ /bla ma la gus rtog pa med/ /rtag tu chos la dga' zhing gtsang / /dad pas yang dag gang gyur cing / /bzod ldan blo dang ldan pa la//sgrub pa'i rnal 'byor chos gsungs pa/ /sngags btu ba ni sbyin par bya/ /rnal 'byor spyod pa'i rjes 'brangs te/ /de nas mchod pa'i cho ga bshad/ /phreng ba gsum gyis bskor ba yis/ /sum 'gyur gyis ni mtshan pa ste/ /e yi lte ba'i dkyil 'khor du/ /legs par rdzogs shing grub sngags dgod//rnal 'byor pa yis rtag bsams pa/ /khyad par du ni mchod pa'i dus/ /dkar nag dus kyi tshes bcu dang / /brgyad dam yang na bcu bzhi la/ /mchod pa lnga dang ldan pa yis/ /lag g.yon gyis ni mchod par bya/ /bza' dang ston mo de bzhin btung //phyi nang gsang ba de bzhin du/ /tsan+dan dmar pos legs par byug /gur kum ga pur a ga rus/ /bsgos pa yis ni dam tshig chus/ /legs par gser sogs snod dag tu/ /sin+d+hu ra bzang phye ma ni/ /ras kyi nang du btsags te dgram/ /gser las byas pa'i smyu gu yis/ / mkhas pa yis ni chos 'byung gi/ /dkyil du sngags kyi rgyal po ni/ /phreng ba gsum ni legs par bri/ /phyi ru mi bzang 'khor ba yis/ /kha dog sna tshogs cher 'bar ba'o/ /shin tu gsang bas dus gsum du/ /skra bshig gcer bur byas nas ni/ /sngags pas nub phyogs kha bltas te/ / rtsol bas bsam gtan la brten nas/ /grol dang grub pa'i don gyi phyir/ /'bad pa yis ni mchod par bya/ /dri dang spos ni dri zhim sogs/ /de bzhin lha bshos rab dbyes mchod/ /A li phal gu phag dra ne/ /kha che tsan+dan dmar po dang / /dri zhim pa yi tsan+dan dang / /de bzhin a sho ka'i me tog /ku mu ta ka na bi ra/ /de bzhin me tog sna tshogs pa/ /kha dog mdzes shing dri zhim dbul/ /me tog dan du la 'bras bu/ /skud pa me tog rab dbye bas/ /mchod par bya ba'i gnas rim bzhin/ /dri zhim spos dang me tog kyang / /de'i tshe ji lta'i rim bzhin mchod/ /btud de bstod pa bya ba dang //phyag 'tshal nas ni bzod par gsol/ /der ni de bzhin rnal 'byor pas/ /de bzhin gzhon nu ma mnyes byas/ /rnal 'byor grub pa'i don gyi phyir/ /gtor ma'i sngags ni rab brjod bya/ /oM a ra lI hoH/ /dzaHhUM baM hoHbadzra DA ki nI sa ma ya s+t+waM dr-i sh+ya ho/ /zhes pa lan gsum maM//bzhi'am lnga'i bar du brjod par bya'o/ /rim dang rim pa min pa yis/ /thod pa ru ni sbyin par bya/ /rdo rje thal mo kha gyen du/ /phye la sngags 'di brjod par bya'o/ /oM kha khA hi khA hi/ sar+b+ba yak+Sha rA k+Sha sa b+hU ta pre ta pi shA tsa ud man da a pa sma ra DA ki n+ya da ya/ /i maM ba liM gr-ih+Na ma ma sa ma ya ra k+ShaM du ya thai baM ya theSh+TaM b+hu ny+dza the pi ba tha dzi g+h+ra tha mA ti kra ma tha ma ma sarba karta ya sat+phu khaM bi br-id+d+hA ye sa ha yi ka b+ha ban+du hUM hUM hUM phaT swA hA//tshes brgyad dang ni bcu bzhi la/ /thun mtshams gsum du rab tu dbul/ /blo dman gyur kyang sgrub pa'i thabs/ /sdom pa rgya mtsho las btus nas//don sgrub thabs ni 'di kho na/ /barbi yis 'di byas te/ /sgra yig legs par ma rdzogs kyang / /mkha' 'gro ma rnams bzod par rigs/ /'di ni rnal 'byor ma'i man ngag gsang ba las shin tu ches gsang ba'i shin tu sba bar bya'o/ /dbu bcad ma'i sgrub thabs slob dpon chen po barbi pas mdzad pa rdzogs so/

CLOSE WINDOW