CLOSE WINDOW

D1551
བོད་ཡིག

/ //rgya gar gyi mkhan po bsod nams 'byung gnas bzang po'i zhal snga nas dang / bod kyi lo tsA ba rma ban chos 'bar gyis bsgyur ba'o/ /[]@##/ /rgya gar skad du/ shrI tat+t+wa dz+nyA na sid+d+hi/ bod skad du/ dpal de kho na nyid ye shes grub pa/ dpal rdo rje phag mo la phyag 'tshal lo/ /rlung gis bskyod pas 'og gi 'khor lo nas bzhengs glog gi zer ltar 'od gsal zhing / /rtsibs gnas gsum du bsregs nas 'jig rten gsum gyis mchod gyur bdud rtsi rgyun rab 'bab//sangs rgyas ye shes bcud dang 'dres shing skyon bral shin tu dga' ba'i tshogs ster ba/ /dngos dang dngos med rnam par spyod dang bral ba'i phag mo yis ni khyed la srungs/ /ka sogs yi ger bskor nas sprul pa'i rtsibs can nyid dbang dkyil 'khor las bzhugs shing //'bar ba'i me ltar rab 'bar bdud rtsi rab 'dzag pad+ma'i skud pa ltar phra ba/ /rig ma sangs rgyas tshogs rnams bsreg cing 'khor lo gsum po 'byed pa gang yin pa/ /kun dga' dang bcas rol pas gyen gshegs phag mo khyed ni sems la gsal gyur cig /rdo rje yi ni rnal 'byor ma//rdo rje sngon song phag mo la/ /mgos phyag 'tshal nas rang dran phyir/ /bdag gis de nyid shes grub brjod/ /yid dang mthun pa'i dben gnas su/ /mgon pos mgo mtshan blo ldan zhugs nas ni/ /der ni shin tu 'jam pa'i stan dag la/ /kun nas dag par rnam par bsgom par bya//de rjes yi ge gsum gyis sngags grub pa/ /rgyal ba rdor 'dzin snying po ming med kyis/ /bris nas me tog dmar pos mchod par bya/ /rdo rje dang po mchog gi snod du ni/ /g.yas pa las gzhan lag pa bcug nas kyang / /nye bar bstan pa ji lta ba bzhin du/ /lag pa reg nas rdo rje'i khrus bya'o//mthe bong chen po dang ni sor mo rnams/ /yang dag ldan pas lag pas bkod byas nas/ /dpa' bo yi ni dbang phyug drug po yi/ /sngags rnams kyis ni lus la dgod par bya/ /de rjes la yang rdo rje 'chang steng du/ /tshon bzang sbyar ba las skyes snod snyoms la/ /zha nye las skyes phye ma so ma dag /seng ras bdag tu dal bus btsags la 'gram/ /der ni gser las byas pa'i thur ma yis/ /rgyal ba'i snying po'i snying po 'khor lo ni/ /gtsug phud can gyis zur ldan mngon bris nas/ /de yi snying por sngags kyi phreng ba bri/ /'khor lo'i phyi rol shar gyi cha dang ni//byang dang nub dang gzi ldan sras phyogs su/ /bkra shis dam pa rnams ni rim pa bzhin/ /lag pa g.yon pa yis ni mngon par bri/ /dzaHhUM baM hoH/ /zhes ni rab brjod nas/ /rdo rje lha mo bkug nas gsang sngags kyi/ /yi ge la ni bcug nas bsdams pa dang / /cho ga yis ni yongs su mnyes par bya//de rjes sngags kyi rang bzhin de la ni/ /bza' dang bca' dang bldag dang btung ba dang / /gzhib bya 'dod yon lnga dang bcas rnams kyis/ /mchod pa rnam pa sna tshogs pa dag bya/ /sna tshogs stobs ni myos byed dang bcas pa/ /shin tu khyad 'phags mchod pa rnam lnga dang / / glu dang rol mo dang ni gar rnams dang / bskor ba phyag 'tshal bstod pa rnams kyis ni/ /nyin re bzhin nam zla phyed so so'am/ /zla re bzhin nam tshes ni bcu pa las/ /dngos grub 'dod pa'i dam pas ji skad du/ /bshad bzhin mchod pa'i cho ga 'di la bya/ /de kho na nyid ye shes grub pa las/ / phyi rol mchod pa'i cho ga'o// //de nas gtso chen phyi rol mchod pa'i tshul/ /byas pas sprul pa'i rtsibs can pad dbus su/ /dbugs bral snying gar tsha zer can gzugs la/ /sngar brjod pa yi lha mo bsgom bya ste/ /dgongs ka'i thun mtshams dmar thag mdog can 'od dpung tshogs kyis mdun gyi gzir bcom zhing //dpag med 'od 'phro nyam thag kun gcod pa yi gri gug g.yas kyi phyag na 'dzin/ /rgyal mtshan dang bcas g.yon pas pad snod shin tu dkar ba khrag gis bkang 'dzin cing / /thod phreng rdo rje phreng bas dbu bcings mgo skra grol zhing gyen du 'greng gyur pa/ / mgo bo'i phreng bas sku brgyan khrag gis zhal bkang ro yi spyan ldan grol ba'i gdangs/ /skal ldan sa glog zhal ni gyen du lta zhing rtsa ba'i zhal ni cung zad khro/ /kun dga' dang bcas rjes su chags shing sna tshogs nyams can skyil krung phyed pa'i gar/ /phyag rgya lngas ni rgyas btab na bza' dang bral bcu drug lo tshad sku mchog can//ye shes dgug sogs snga ma bzhin du ni/ /cho ga'i rim pa sngags pas byas nas ni/ /bkra shis dpral ba yis ni mngon phyogs la/ /myur bar 'khor ba gcig ni bsgom par bya/ /de yi rjes la bya lam khams su ni/ /gru gsum ri mo yi ni sul nang du/ / 'khor lo dmar po rab tu 'bar ba ni/ /myur bar sngar bshad lta bur 'khor bar bsgom/ /lhag pa'i shugs kyis bstan pa ltar gnas shing / /rlung med mi g.yo mar me ltar gsal des/ /bde ba chen po'i 'khor lo bzhu byas nas/ /bdud rtsi'i thig le zags pas khrus byas shing / /sku gsum ngo bo mchog tu lhan cig tu//skyes pa'i bdag nyid 'gro la khyab byed cing / /bde ba dpag tu med pa'i rgyur 'phro ba/ /nub tu bltas nas phyi nas blta bar bya/ /nyi ma re re bzhin du thun re'am/ /ji ltar khom bzhin 'di ni ji srid du/ /dngos grub mtshan ma mthong ba de srid par/ /bsgom bya de yang gsal bar brjod par bya//'bad med skyes pa dga' ma'i shugs dang rjes 'brel bas/ /gang tshe rnam par bsgoms pa 'di ni gsal gyur cing / /lcags kyis bzhu ba la sogs gnod pa mi tshor ba/ /de tshe grub pa nye bar gnas par gyur pa yin/ /rnga bo che sogs rab tu brdungs pa rnams kyi sgra//gsal por nyan pa'i spyod yul du ni mi 'gyur zhing / /gang tshe rmi lam du ni bla med byang chub mchog /thob na ring por mi thogs bsam gtan pas mchog 'grub/ /grub pa'i mtshan ma mthong nas 'dre gnas dang / /ri ljongs ljon pa'i rna ba la sogs su/ /gnas nas rdzogs pa'i rim pa'i rnal 'byor ni//blo bzang gis ni rgyun mi chad par bsgom/ /grub nas nor 'dzin la sogs rim pa yis/ /gong nas gong du rab tu thim 'gyur zhing / /de tshe nam mkha' lta bur snang ba yis/ /'od gsal ba yi ye shes tsam du 'gyur/ /de dag mtshan mar shes bya mtshan ma yang / /rnam pa lngar ni de shes pas rig bya//de nyid phyir na de dag rnal 'byor pas/ /mnyam par gzhag pa'i sems kyis rtogs par bya/ /dang po ri dgas sred bzhin snang ba ste/ /mtshan ma gnyis pa dud pa'i rnam pa can/ /gsum pa me khyer dang 'dra bzhi pa de/ /sgron ma 'bar ba lta bur gsal ba yin/ / mtshan ma lnga pa rnam par mi rtog pa/ /sprin bral nam mkha' lta bur snang ba yin/ /de lta bu yi mtshan ma mthong nas ni/ /phyag rgya chen po 'thob par 'gyur ba yin/ /ldang bar 'dod pa rnal 'byor ma dang mgor gnas pa'i/ /mgon la 'dud nas yi ge muHni rab tu brjod/ /langs nas de nyid blo yin bya ba bsgrub bya zhing //rnal 'byor rigs pas rtag tu rnal 'byor ldan par gnas/ /de kho na nyid ye shes grub pa las/ /bsgom pa'i cho ga'o// //slob mas maN+Dal byas shing zhabs pad la/ /'dod pas gsol ba mang du btab gyur pa'i/ /sngags pa yis ni tshes bcu pa dag la/ /de dag rnams ni rjes su gzung bar bya//rnal 'byor byas pa sngags kyi rang bzhin gyis/ /lha mo 'khor lo'i bdag nyid can mchod cing / /bzlas pa byas par gyur pa'i dang po mchog /kun du blangs te de las 'da' bar bya/ /de nas maN+Dal lnga ni byas gyur cing / /yon phul nas ni mdun du 'grang gyur pa'i//me tog phreng 'dzin slob ma'i mgo bo la/ /mgon po bsgoms la bla mas blta bar bya/ /de rjes ji skad bshad pa'i lha mo dang / /'od zer 'bar ba'i 'khor lo'i shugs ldan pa/ /nye bar gnas pa'i lus la bsams nas ni/ /de la rdo rje 'dzin pa sbyin par bya/ /mthar gyis de ltar babs pa de la ni//spu ldang ba dang rab tu 'dar ba dang / /mchi ma byung ba dang ni 'gyel ba dang / /ye shes skyes pa'i rang bzhin 'byung bar 'gyur/ /de rjes dang ldan yon tan dang bcas shing / /bla mas sangs rgyas gnyis med gus pa la/ /rdo rje yi ni rnal 'byor ma rnams kyi//ting 'dzin mchod dang sngags rnams brjod par bya/ /dad pa dang ni rnam par bral ba yi/ /grus pa rnam par nyams pa'i slob ma la/ /yid ches 'phral bskyed shin tu rnam dag pa'i/ /rnal 'byor 'di ni brjod par mi bya'o/ /gang zhig sngags dang bcas par gyur pa yi/ /lha mo'i 'khor lo la ni mchod byed pa//de la 'jigs brgyad po rnams dang ni/ /sdig pa chen po rnams dang skal ngan dang / /dbul ba dang ni nad dang rgas pa dang / /sdug bsngal yid mi bde ba rnams dang ni/ /'khrug dang 'thab rtsod nyes skyon nyon mongs dang / /gdung ba sna tshogs rnams kyang 'jig par 'gyur//gang zhig snying gar 'khor lo'i gsang sngags ni/ /bsgoms nas 'gog pa'i tshig gis zlos byed des/ /dngos grub brgyad po rnams dang mngon shes lnga/ /de bzhin yon tan brgyad po thob par 'gyur/ /nyin re bzhin du thun bzhir 'bad nas su/ /sa rlog zhal ni bsgom pa gang yin la//seng ge 'phrog byed dbyig gi snying po yis/ /thub par dka' ba'i dran pa skye bar 'gyur/ /'khor lo dang bcas phag zhal can 'di gang zhig sgom byed pa/ /de la bud med rnams dang rigs pa sna tshogs gos dang ni/ /bza' btung sna tshogs nor 'bru sa gzhi dang ni khang bzangs dang //lha rdzas kyi ni mal stan dag dang sgrub byed rnams kyang 'byung / /de kho na nyid ye shes grub pa las phan yon dang slob ma rjes su gzung ba'i cho ga'o// //de nas rdo rje rnal 'byor ma'i/ /sngags btu mchog gyur rim pa bzhin/ /rna nas rna dang de bzhin du/ /zhal nas zhal du 'ongs 'di brjod//sngar brjod lta bu'i 'khor lo lha'i/ /tshogs kyi gnas dang ldan pa bri/ /a phreng ka phreng de bzhin der/ /gcig ma tshang ba rim gyis bri/ /dz+ha 'og dang steng gnas sbyar ba/ /ha 'og bsten pas rnam brgyan pa'i/ /yig mchog de nyid gsal byed ni/ /dang po nyid du gsum bri bya//b+ha steng rten dang tsha steng gnas pa ni/ /Ta steng gnas dang 'brel pa de rjes bri/ /Sha 'og rten pa Da 'og mar bcas dang / /sha steng rten pa Sha steng gnas dang bcas/ /li 'og gnas pa nya 'og dang ldan pa/ /pa steng Ta 'og ldan pa de rjes bri/ /pha steng son pa Tha 'og dang ldan pa/ /ha Ta'i bar gnas ai g.yon dang bcas te//tsa sa'i dbus gnas pa dang b+ha 'og dang / /gnas pa tha g.yas dang 'brel de rjes la/ /ha tha'i dbus son pa dang ta g.yon rten/ /Tha la'i dbus dang 'brel pa phyi nas bri/ /cha kun gyi ni mtha' dang pha yi bar/ /de gsum pa yi dang po'i g.yon nas 'brel/ /la yi 'og na Na steng pa dang ldan//tsha steng gnas dang d+ha 'og Tha g.yas ldan/ /Sha 'og gnas pa ta steng ba dang ldan/ /Na 'og tha steng dang ldan phyi nas yin/ /pha 'og rten dang pha steng tha 'og mar/ /ldan dang la 'og Na steng da ldan no/ /wa 'og gnas pa r-I 'og stong pa can/ /gsum dang tsa steng ra 'og gnas bcas gsum//sha 'og gnas pa tha 'og dang ldan zhing / /nya yi 'og ma dang yang ldan pa yin/ /sa yi bar gnas dz+ha yi g.yon bcas te/ /gsang chen yi ge'i rnam pa brjod gyur pa/ /rdo rje lha mo rnams kyi sngags 'di ni/ /bri zhing bsgom pa brjod par bya ba yin/ /yid bzhin nor bu dpag bsam shing dang bum pa mchog /dpal ldan 'dod pa'i 'o ma'i ba yang rab tu bsngags/ /de dag bsgrub byas 'dir ni nor ster tsam 'gyur te/ /'dis ni bde dang bcas pa'i nor rnams ster bar byed/ /de kho na nyid ye shes grub pa las sngags btu ba'i cho ga'o// //mchod pa'i gyur ni cho ga mkhas pa yis//snod la brten pa gang la 'di bris pa/ /des ni mgo dang mgul pa dpung ba la/ /brtags pas byis pa'i tshul bzhin bsrung bar bya/ /bsrung bcas byis pa mthong nas lto 'phye 'byung po dang / /gdon dang mtshan mo rgyu dang sha za'i tshogs bcas dang / /byis pa 'jigs pas nyam thag byed pa'i rab 'jigs gzhan//stobs ldan seng ges nags su skrag la 'dar bzhin 'byer/ /rnal 'byor gyi ni man ngag dam pa thob cing yid ches mthong gyur nas/ /bdag gis gsal ba'i ye shes dri med yang dag grub pa 'di bris te/ /des na de thob don du gus smra bab tu sbyin pa'i tshul rnams dang //lus ngal ba dang rab 'dud rnams kyis bla ma dam pa'i zhabs pad bsten/ /'jig rten dag nam bzhin phan pa mang po skyed byed de nyid mchog grub gang yin pa/ /de byas dge ba skyon bral zla ba nya ba'i 'od ltar dkar ba yang dag gang thob pa/ /des ni 'jig rten rtsod pa'i dri bral rdzogs pa'i byang chub dag pa yi ni snod gyur cig /phyag rgya rgya chen srid dang zhi ba mnyam gyur sems can kun don byed pa thob par shog /de kho na nyid ye shes yang dag par grub pa zhes bya ba bdag byin gyis brlab pa'i rim pa dpal 'jam pa'i dbyangs kyis byin gyis brlabs pa mkhas pa chen po ting nge 'dzin rdo rje'i zhal snga nas kyi zhabs kyi rdul la reg pa paN+Di ta stong nyid ting nge 'dzin gyis mdzad pa rdzogs so/

CLOSE WINDOW