195b1 /slob dpon in+d+ra b+hA tis mdzad pa rdzogs so// //lo tsA ye shes rdo rjes bsgyur cing zhus te gtan la phab pa'o// @##/ /rgya gar skad du/ badzra yo gi nI sA d+ha naM/ bod skad du/ rnal 'byor ma'i sgrub pa'i thabs/ /rnal 'byor dkyil
195b2 'khor nang nam nyid gtso//khyod ni 'jig rten gsum gyi thig le ste/ /khyod ni sems can kun la phan par byed/ /rdo rje rnal 'byor ma la phyag 'tshal lo/ /oM AHhUM/ dang por re zhig sngags pas sa phyogs gang yang rung bar bstan nas gang yang rung bar 'dug nas rdo rje rnal 'byor ma bsgom pa
195b3 la brtson par bya ste//de yang rang gi lta bar pad+ma dmar po kha bye bar bsgoms la/ de'i steng du shin tu dmar ba'i nyi ma'i dkyil 'khor bsgom par bya'o/ /de'i steng du li khri'i mdog lta bu'i dbus su yi ge hriM hriM gnas pa'i chos kyi 'byung gnas bsgoms so/ /de la gnas pa'i yi ge hri yongs su
195b4 gyur pa las/de'i steng du rje btsun rnal 'byor ma sku mdog ser mo/ /rang gi gri gug gis rang gi mgo bcad nas/ /rang gi lag pa g.yon pas gyen du brkyang ste/ bzung ba phyag g.yas pa'i gri gug dang bcas pa 'og tu brkyang ba/ gcer bu zhabs g.yas pa brkyang ba/ /g.yon bskum pa
195b5 bsgom pa'o//mgrin pa bcad 'phro nas khrag gi rgyun 'dzag pa/ rang gi zhal du 'jug cing / gzhan gnyis gyen la log nas gnas pa/ /rnal 'byor gnyis kyi zhal du 'bab pa bsgom par bya'o/ /g.yas dang g.yon pa'i logs na gnas pa'i kha dog sngo bsangs ma badzra war+Na ni ma dang /
195b6 kha dog ser mo rdo rje rnam par snang mdzad ma'o/ /g.yon dang g.yas kyi phyag gi gri gug dang bcas pa dang / g.yon pa dang g.yas pa'i phyag thod pa dang bcas pa'o/ /g.yas phyogs kyi zhabs g.yas pa brkyang ba/ g.yon phyogs kyi g.yon pa brkyang ba/ zhabs gzhan bskum pa/ thod
195b7 pa dang mgo bos brgyan pa//yan lag rgyan kun gyis brgyan pa/ skra grol ba bsam par bya'o/ /logs gnyis kyi dbus ma'i rnal 'byor ma shin tu 'jigs pa bsgom par bya'o/ /de ni bsgom pa'o/ /mchod pa brjod par bya ste/ maN+Dal byas nas nyi ma'i gzhi la gnas pa'i
196a1 chos kyi 'byung gnas bris pa ni yi ge hrIHdang bcas pa'o//de nas sngon du bstan pa'i bsgoms pas rje btsun ma dbus su bsam par bya ste/ oM sarba bud+d+ha DA ki nI ye/ zhes bya ba la sogs pa'i sngags kyis chos kyi 'byung gnas kyi dbus su mchod par bya'o/ /phyi nas ar+g+ha dang /
196a2 me tog dang / bdug spos dang / dri la sogs pa rnams/ oM sarba bud+d+ha DA ki nI hUM hUM phaT phaT swA hA/ zhes bya ba'i sngags kyis mchod par bya'o/ /phyis nas g.yon phyogs su/ oM badzra wa r+Na nI ye hUM swA hA/ zhes bya ba'i sngags kyis so/ /de nas g.yas phyogs su/ oM badzra bai ro tsa nI ye hUM
196a3 swA hA/zhes bya ba 'dis so/ /de nas gzhan yang / e di ya na su la/ gi ri ka ma ka shi ri ha ha ta/ zhes bya ba'i sngags kyis kyang mchod par bya'o/ /gzhan yang d+harmA sam+b+ha ga /nir ma ma hA su kha/ zhes bya ba'i sngags kyis kyang mchod par bya'o/ /oM sarba bud+d+ha DA ki nI ya/ oM badzra wa r+Na nI
196a4 ye/oM badzra bai ro tsa nI ye hUM hUM hUM phaT phaT phaT swA hA/ zhes bya ba'i sngon du bsnyen pa 'bum phrag gcig bzlas pa byas na bgegs thams cad skrod par 'gyur ro/ /'bum phrag gsum bzlas na grong khyer skrod par 'gyur ro/ /'bum phrag bzhi bzlas na grong rdal skrod par 'gyur ro/ /'bum phrag
196a5 lnga bzlas na gang 'dod pa de 'grub par byed do//chu mdo'am/ dur khrod dam/ shing gcig gam/ lha'i khang ba 'am/ ma mo'i khang ba'am/ yul gyi mthar bsgrub par bya'o/ /skra grol ba/ gcer bur gyur pa/ dogs pa thams cad spangs te smra ba bcad la bsgom par bya'o/ /oM sarba
bud+d+ha DA ki nI/

CLOSE WINDOW