CLOSE WINDOW

D1546
བོད་ཡིག

/ @##/ /rgya gar skad du/ shrI badzra yo gi nI man+t+ra tat+ta/ ar+tha nir de sha sla a d+hi Sh+ThA na nA ma/ bod skad du/ dpal rdo rje rnal 'byor ma'i sngags kyi de kho na nyid kyis byin gyis brlabs pa'i rim pa zhes bya ba/ /dpal rdo rje rnal 'byor ma la phyag 'tshal lo/ /sngags gzugs rgyal ba'i dbang phyug ma//shin tu 'jigs shing mchog ster byed/ /thig le phra mor nyer gnas pa/ /phyag 'tshal rdo rje phag mo dpal/ /yi ge re'i de kho na nyid/ /'phral du yang dag yid ches byed/ /bgegs rnams thams cad rlag par byed/ /gsang sngags don ni bshad par bya//bu yi yi ge'i mdun du blta/ /phyag 'tshal yi ge rab gsal ba/ /chos kyis lam de bshad par bya/ /rba rlabs med cing dri ma med/ /nyi ma lta bu'i rnam pa can/ /chos kun rab tu mi gnas pa/ /dngos dang dngos med rnam par spangs/ /blo dang ldan pas rtag tu bsgom/ /chos kyi sku ni thob 'gyur ba//blo ldan skye ba 'di yis ni/ /de la goms pa tsam gyis ni/ /'phral du yang dag yid ches 'gyur/ /rig byed dang po g.yon du bsam/ /longs sku spyod lam legs pa yin/ /rten cing 'brel 'byung ye shes te/ /shin tu legs pa'i 'od gsal ba/ /'di ni zung 'jug shes bya ste//ji ltar brag ca 'dra ba yis/ /longs spyod rdzogs pa'i sku thob 'gyur/ /rang rig bde ba'i mchog gyur ba/ /g.yas pa ye shes rgya mtsho ste/ /sprul pa'i lam ni dri ma med/ /sgyu ma lta bu'i ting 'dzin gyis/ /chu zla 'dra bar bsam par bya/ /sprul pa'i sku ni yang dag thob/ /me long gzugs brnyan 'dra ba bzhin//lhan cig skyes rnams rgyu mthun pas/ /bla na med pa'i go 'phang thob/ /oM yig gsum dang yang dag spyor/ /thig le yang dag bsdus pa gcig/ /de shes rab tu mi gnas pa/ /chos dbyings bdag nyid nges pa yin/ /yid ni der song sngags pa ni/ /snang ba med pa'i go 'phang 'gro//bla na med pa'i lam spyad de/ /yang dag rdzogs sangs rgyas kyis gsungs/ /sa yig ri bong can gzugs gnas/ /thig le lhan skyes mi 'jigs pa/ /de ni srog gis rnam par shes/ /bla ma dam pa'i man ngag gis/ /mdzod spu chen po'i sgo ru ni/ /sna tshogs thig le rnam par sgom//dngos grub ma lus thob don du/ /yang dag rdzogs pa'i byang chub 'gro/ /ba yig ra dang yang dag ldan/ /tshangs pa'i bu ga'i rnal 'byor byed/ /legs pa'i 'od zer rnam pa lnga/ /sna tshogs rdo rje rnam dag 'gro/ /dza yig nang du yang dag bsam/ /ji ltar me shel ji bzhin ni//gzhan gyis grong du 'jug par nus/ /rdzu 'phrul sna tshogs nus par 'gyur/ /bu yig chu bur rnam pa 'dra/ /dag pa'i shel dang mtshungs pa ni/ /'gro drug rgyu ni bsreg byas nas/ /mngon shes drug gi go 'phang thob/ /sangs rgyas byang chub sems dpa' nyid/ /yun mi ring bar nges par thob//oM yig la gnas rnam par lta/ /bla med go 'phang yang dag 'thob/ /d+ha yig gnyis med ngo bo ste/ /stong nyid snying rje'i bdag nyid can/ /glog dang byi ru yang dag 'dra/ /a yig nang du sang gnas pas/ /nyin mtshan dag par bsgom pa las/ /'phral du yid ches byed pa ste//mkhas pas bsgoms pa'i stobs kyis ni/ /ci phyir ngo mtshar gsal mi 'gyur/ /DA yig mkha' 'gro ma yis 'dra/ /bde ba'i gzhi ni zla 'od can/ /go yig nang du rnam bsgoms pas/ /mkha' la spyod pa nus par 'gyur/ /gi yig rgya skyegs me tog mtshungs/ /'od zer 'bar ba gsal gyur pa//ra yig nang du yang dag gnas/ /'od kyi phung por rnam par bsgoms/ /bsgoms pas bde ba yang dag skye/ /nad med go 'phang thob par 'gyur/ /phyi nas thub dbang go 'phang ni/ /byang chub mchog ni thob par 'gyur/ /ni yi yi ge nad sel ba/ /in+d+ra nI la ltar nus pa/ / de yig snying por yang dag 'byung / /ston ka'i zla ba lta bur bsgom/ /yang dag bla ma'i man ngag ste/ /lha yi mig gis blta bar bya/ /spyan lnga po ni thob 'gyur te/ /de tshe sangs rgyas nyid du 'gyur/ /yi yig mkha' 'dra'i ye shes ni/ /'od zer phreng ba 'khrugs pas 'khrugs/ /rnal 'byor chen pos lta bar byed//ma yig nang du yang dag gnas/ /mnyam pa nyid kyi yid kyis ni/ /the tshom med par bsam par bya/ /rgas dang 'chi ba rnam par spangs/ /bla na med pa rab tu 'thob/ /ba yig thig le zlum po ni/ /mdzes pa'i skar ma skar chen 'dra/ /ka yig bzhi la yang dag gnas//bsgom bya rang bzhin g.yo med pa/ /'dod don 'bras bu thob 'gyur te/ /yang dag rdzogs pa'i byang chub byed/ /dngos dang dngos med rnam par grol/ /lus can gyis ni mngon sum byed/ /me yi sa bon gzi brjid ldan/ /'bar ba gser 'gyur lta bu'i me/ /o yig dbus su gzhag par bya//legs pa'i blo yis rtag tu bsams/ /nam mkha' bsregs pa tsam gyis ni/ /dngos grub ri yi bdud rtsi 'dzag/ /de yis yang dag byugs tsam gyis/ /byang chub gser ni thob par 'gyur/ /wa yig kha dog sna tshogs pa/ /gzhan yang yid bzhin nor bu ltar/ /tri yig dbus su yang dag gnas//mar khu'i me bzhin 'bar ba yis/ /nyon mongs ma lus bsreg byas nas/ /khams dang dbang po la sogs kyang / /legs zhu he ru ka yi mchog /bla na med pa myur du thob/ /N+Na yig ra dang yang dag ldan/ /yi ge gsum ni che bar 'bar/ /ko yi yi ge'i phug tu gzhag/ blo dang ldan pas rang sems bsgom/ /'byung ba mchog tu dga' ba ste/ /srid dang mya ngan 'das ngo ni/ /rab 'jug bral bas dga' ba ste/ /mya ngan 'das pa'i chos ni bsam/ /lhan cig skyes dga' mi g.yo ba/ /lhan cig sbyor bas nang du gnas/ /bsgom pa brtan par 'gyur pa yin/ /bla na med pa'i go 'phang thob//ut+pal sngon po lta bu yi/ /ni yig sngon po'i thig le ni/ /ka yig sgo yi dbus gnas par/ /me shel lta bur bsgom par bya/ /de yi dbus su song ba'i sems/ /bde ba chen pos yongs su gang / /sgyu ma lta bu'i ting 'dzin gnas/ /bla med go 'phang thob par 'gyur//yi ge nyi ma'i gzugs dang 'dra/ /de yi dbus su bde mdzad ma/ /la yig phug tu yang dag gnas/ /dri ma bral ba rtag tu bsgom/ /sems ni de ru song ba la/ /rang rig pa ni thob par 'gyur/ /rang rig rnal 'byor pa de yis/ /bla med go 'phang thob par 'gyur/ /ba yig glog 'gyu'i rnam pa ni//snang ba sgra yi rjes chags skyes/ /ka yig dbus su yang dag blta/ /dus mtshan nyid ni log par byed/ /rdo rje lta bu'i ting 'dzin gnas/ /nA da'i mtha' ni ye shes ltar/ /der gnas sems ni yang dag 'gyur/ /phyag rgya chen po mngon par thob/ /me yi sa bon shing rta zhon//dzra yig ji ltar 'bar ba ni/ /hi yig la gnas gzi brjid che/ /ye shes lnga yi rang bzhin can/ /rtog pa med pa'i sbyin sreg gis/ /yul dang dbang po'i tshogs pa rnams/ /de yis me lha mnyes gyur nas/ /dgyes pas dngos grub ster bar byed/ /bai yig thig le'i rang bzhin ni//rdza mkhan 'khor lo lta bur 'khor/ /sre yig rtse mor blta bar bya/ /lhan cig skyes dga' mi g.yo bar/ /srid dang mya ngan bral bas ni/ /dri ma med pa'i 'bras bu thob/ /rtag tu goms pa'i rnal 'byor gyis/ /skye ba 'di la dngos grub thob/ /ro yig 'bar dmar 'jigs pa yi//ngu 'bod la sogs 'jigs par byed/ /gri yig bshad pa'i lam la gnas/ /'od ldan thig le bsgom par bya/ /rnam par snang mdzad gzi brjid che/ /bsgrub bya thams cad bsam par bya/ /yun mi ring ba'i dus kyis ni/ /sangs rgyas chen po thob par 'gyur/ /zla ba chu shel lta bu'i 'dra//rtsa yig mdzes par bsam par bya/ /so yig nang du yang dag gnas/ /rnal 'byor pa yis rtag tu bsgom/ /bde gshegs go 'phang thob par 'gyur/ /bzhi ba'i sku yi mchog gi mchog /rtag tu goms pa'i rnal 'byor gyi/ /rnal 'byor gyis ni dngos grub 'grub//ni yig dri ma med pa nyid/ /sprin bral nam mkha' lta bu yi/ /su yig yi ge'i nang gnas pa/ /nyin dang mtshan du bsgom par bya/ /dngos dang dngos med rnam grol ba/ /mchog tu zhi ba'i cha dang bral/ /bsam gtan tsam gyis yang dag thob/ /mkha' spyod gnas su khrid par byed//yi yig rang bzhin med pa yi/ /stong nyid phra la rdul med pa/ /na yig gnas pa'i yang dag lha/ /'od ldan rang bzhin dri ma med/ /de yi dbus su sems gzhag pa/ /dngos dang dngos med rnam par spangs/ /srid las grol ba blta bar bya/ /sangs rgyas nyid ni grags pa bstan/ / phaT yig ser po thig le ni/ /rtse mo rnams la mar lta bu/ /sa yig nang du gzhag par bya/ /'dod ldan drang zhing bsam par bya/ /nyon mongs khams ni yang dag bsregs/ /phung po khams ni zad par 'gro/ /tshe 'di nyid la thob par 'gyur/ /skye ba dang ni 'chi ba spangs/ /sa 'dod rang 'dod rig mar grags//yid kyi sprul pas mdzes pa'o/ /ma yig gzhon pa rnam par blta/ /yid la sing ba yod snyam byed/ /sgyu ma lta bur yang dag gnas/ /dri za yi ni grong khyer ltar/ /sems kyi 'jug pa tsam gyis ni/ /de la go 'phang bla na med/ /ha yig phal ma yang dag gnas/ /'od zer 'khor lo g.yo zhing 'byung //ku yi dbus su yang dag blta/ /thig le rang bzhin dri ma med/ /bsgom pa bstan par 'gyur pa yis/ /'chi med nyid du skye bar 'gyur/ /yun mi ring ba'i dus kyis ni/ /go 'phang bla na med pa thob/ /hri bri'i yi ge'i dbus su ni/ /yid du 'ong ba'i sangs rgyas gnas//drag po gsum dang ldan pa la/ /de'i dbus gsal bar bsgom pa'o/ /g.yas na mar me nyi ma'i cha/ /srid dang snying rje sprul pa'o/ /nyin mo rab gnas ye shes grags/ /dus dang thabs kyis kun rdzob po/ /lho ru rgyu bab 'du ba ste/ /rtsa nas khrag ni 'bar bar byed/ /'byin pas nyon mongs nges par 'joms//lus ni mya ngan 'das bsgom bya/ /g.yon gyi hUM gi yi ge dkar/ /rnam shes rmi lam zla ba nyid/ /byang du 'gro ba shes rab brjod/ /stong nyid mtshan mo de bzhin du/ /'jug pa'i lam ni longs spyod rdzogs/ /chu ni 'bab par byed pa'i rtsa/ /tshangs pa mya ngan 'das par grags//nye ba'i nyon mongs zad byed pa/ /mdun du sngon po drag po ste/ /snying la A yig mi g.yo ba/ /gnyis med ye shes zhes brjod pa/ /dmigs med dri ma med pa'o/ /chu shing me tog yang dag 'dra/ /til gyi me mar bzhin du 'bar/ /nyon mongs kun ni zad par byed/ / der song sems ni mya ngan 'das/ /chos kyi lam zhes ye shes ni/ /yang dag ye shes mchog gi mchog /yun mi ring bar thob 'gyur te/ /rdo rje sems dang mnyam par 'gyur/ /sku gsung rang bzhin zhes brjod pa/ /dbus su thig le gzhi med pa/ /lhan cig skyes pa'i rang bzhin nyid/ / sems can kun la rnam par gnas/ /de ltar bsgoms pa'i rnal 'byor pas/ /dngos grub myur du thob par 'gyur/ /rab tu mi gnas 'bras thob pas/ /bla na med pa bzhi ru 'gro/ /A li kA li 'gog pa las/ /ri mo de ni nges par sbyar/ /rang bzhin 'od gsal mchog gi mchog/ /nA da'i mthar ni 'bar ba che//phra mor byas pa'i sems nyid ni/ /mi g.yo nyid du 'gro ba yi/ /de yi longs spyod bsams pa yi/ /lhun gyis grub pa rtag pa nyid/ /de ltar gus pas rgyun mi 'chad/ /bsgom pa yun ring rnam par bsam/ /yun ring bsgoms pa'i yid kyis ni//bde ba chen po thob par 'gyur/ /de ni do ha ko Shar gsungs/ /sa bon gcig la sdong po gnyis/ /rgyu mtshan des na 'bras bu gcig/ /dbyer med de ni mngon byas pa/ /de ni srid 'das rnam par grol/ /sgyu 'phrul dra ba'i rgyud las gsungs/ /thig pa sna tshogs thabs tshul gyis/ / 'gro ba'i don la rtog pa po/ /theg pa gsum gyis nges 'byung ba/ /theg pa gcig gi 'bras bur gnas/ /nyon mongs khams rnams dag pa'i bdag/ /las kyi khams rnams zad byed pa/ /chu bo'i rgya mtsho kun las rgal/ /sbyor ba'i dgod pa las byung ba/ /nyon mongs nye ba kun nyon mongs//bag chags bcas pas gtan spangs pa/ /snying rje chen po shes rab thabs/ /don yod 'gro ba'i don byed pa/ /'du shes gsum gyis don spangs pa/ /rnam shes don ni 'gag par byed/ /sems can kun yid yul dang ldan/ /sangs rgyas kun gyi thugs rig pa/ /sems can kun gyi yid la gnas//de ltar de shes rnal 'byor pas/ /gang zhig blo ldan rtag tu slob/ /'grub par 'gyur ba the tshom med/ /bsod nams dman pa'i mi yis kyang / /the tshom med par de yis 'grub/ /gus pas sgrub pa po yis ni/ /gus bcas ston pa mchod bya zhing / /las rnams kun la gus par bya//ro gcig gis brjod rnam par rmongs pa'i sems kyis bsgom pa yang dag gsal don du/ /rtsa dang khams ni mnyam nyid mkha' 'gro mar ldan gnas la sogs pa'i sa rnams dang / /de nyid re re'i dbye ba byas las dpal ldan rdo rje lha mo'i thugs/ /bde ba ro gcig gang la gsang ba sum cu rtsa gnyis de nyid dri ma med pa ni//sngags don nges bstan byas pa la/ /bdag gi dge ba gang bsgrubs pa/ /dpal ldan phyag rgya chen po'i go 'phang ni/ /des ni 'gro rnams myur du 'grub gyur cig /mchog tu zab pa dpal ldan rdo rje rnal 'byor ma'i sngags kyi de kho na nyid nges par bstan pa/

CLOSE WINDOW