| བོད་ཡིག |
91a6 @##/ /rgya gar skad du/ shrI tsakra sam+ba ra maN+Dal tsakra de ba ga Na sto tra nA ma/ bod skad du/ dpal 'khor lo sdom pa'i dkyil 'khor gyi lha tshogs la bstod pa zhes bya ba/ dpal rdo rje mkha' 'gro la phyag 'tshal lo/ /lha mo 'khor lo dang ldan pa'i/ /mkha'
91a7 'gro dpa' bo dpa' mo dang //dag pa'i chos kyi dri med pa'i/ /khrag 'thung mgon la phyag 'tshal lo/ /de bzhin gshegs pa kun gyi dpal/ /rnam par snang mdzad rigs las byung / /sum cu rtsa bdun yang dag spro/ /rdo rje phag mor phyag 'tshal lo/ /lus dang sems dang chos
91b1 dang tshor//dran pa nye bar gzhag pa'i dngos/ /mkha' 'gro lA ma du ma skyes ma/ /gzugs can ma la phyag 'tshal bstod/ /pad+ma'i dbus kyi bcom ldan 'das/ /phyogs kyi 'dab mar lha mo bzhi/ /mtshams kyi dag ni snod bzhi po/ /zhal bzhi dag la phyag 'tshal bstod/ /sen
91b2 mo so la thod dum gnas//'dun pa'i rdzu 'phrul rkang 'du byed/ /rab gtum mo ni mgo la gnas/ /pul+li ra mar phyag 'tshal bstod/ /keng rus chen mo yang dag bzhugs/ /gtum mig ma ni skra dang spu/ /brtson 'grus rdzu 'phrul spyi gtsug la/ /dzA lan+d+ha rar phyag 'tshal
91b3 bstod//dpa' mo pags pa dri ma dang / /dpyod pa'i rdzu 'phrul keng rus can/ /'od ldan ma ni rna g.yas gnas/ /o Di ya nar phyag 'tshal bstod/ /ar bu da ni rgyab tshigs la/ /sna chen ma ni rnal 'byor ma/ /sha la mche gtsigs sems rdzu 'phrul/ /bde ba'i gnas la
91b4 phyag 'tshal bstod//lha mo rtsa dang rgyus pa la/ /dad pa'i dbang po dpa' bo la/ /rna ba dag ni g.yon pa la/ /nye ba'i gnas la phyag 'tshal bstod/ /brtson 'grus dbang po nye ba'i gnas/ /'od dpag med ni rus pa la/ /mi'u thung ma ni smin ma'i dbus/ /mar me ma la phyag
91b5 'tshal lo//mchin pa la ni dran dbang po/ /lang ka'i dbang phyug rdo rje'i 'od/ /de bI ko Ti mig gnyis la/ /nye ba'i gnas la phyag 'tshal lo/ /ting 'dzin dbang po shing grib ma/ /phrag pa la ni nye ba'i gnas/ /snying ga la ni rdo rje sku/ /mA la bar ni phyag 'tshal lo/ /
91b6 thugs kyi 'khor lo'i gnas 'di dag /mkha' la spyod pa rnam dag pa/ /phyogs dang mtshams su nag por bzhugs/ /de la rtag tu phyag 'tshal lo/ /shes rab dbang po sa srung ma/ /mchan khung la ni gnas pa ste/ /myu gu can ni mig la gnas/ /ka ma rU par phyag
91b7 'tshal lo//dad pa'i stobs ni 'jigs byed che/ /nu ma la ni gnas pa ste/ /mkhris pa rdo rje ral pa can/ /o Ter zhing la phyag 'tshal lo/ /brtson 'grus stobs ni rlung shugs ma/ /lte ba la ni gnas pa ste/ /glo ba la ni dpa' bo che/ /tri sha ku ner phyag 'tshal lo/ /dran
92a1 pa'i stobs ni chang 'thung ma//sna rtse la ni rab tu gnas/ /rgyu ma rdo rje hUM mdzad de/ /ko sar nye zhing phyag 'tshal lo/ /ting 'dzin stobs ni sngo bsangs ma/ /ts+tsha n+do ha ni kha la bzhugs/ /gnye ma la ni rab tu bzang / /ka ling ga la phyag 'tshal lo/ /shin
92a2 du bzang mo shes rab stobs//ts+tsha no d+ha ni mgrin pa'i dbus/ /grod pa la ni rdo rje bzang / /lam bA ka la phyag 'tshal lo/ /ting 'dzin yan lag rta rna ma/ /kAny+tsari snying la gnas pa ste/ /bshad pa la ni 'jigs byed che/ /nye ts+tsha n+dol phyag 'tshal lo/ /hi mA la yar mtshan ma'i
92a3 rtse//brtson 'grus yang dag bya gdong ma/ /gsang ba'i sbubs la mig mi bzang / /nye ts+tsha n+do la phyag 'tshal lo/ /gsung gi 'khor lo'i gnas 'di dag /sa la spyod pa rnam dag pa/ /kha dog dmar po phyogs mtshams na/ /yang dag bzhugs la phyag 'tshal lo/ /pre
92a4 ta mtshan ma 'khor lo shugs//dga' ba yang dag byang chub lam/ /bad kan la ni stobs po che/ /'du ba can la phyag 'tshal lo/ /gr-i ha bshad lam dum skyes bzhugs/ /shin tu sbyangs pa byang chub lam/ /rnag la rin chen rdo rje ste/ /'du ba can la phyag 'tshal lo/ /sau
92a5 rASh+Ta brla gnyis la//nye bar gnas pa'i 'du can du/ /chos rab 'byed pa chang 'tshong ma/ /rta mgrin khrag la phyag 'tshal lo/ /gser gling dag ni byin pa la/ /dran pa 'khor lo'i go cha ma/ /rdul ni nam mkha'i snying po ste/ /nye ba'i 'du la phyag 'tshal lo/ /shin du dpa'
92a6 mos legs par 'khyud//btang snyoms yang dag sor mo la/ /tshil ni he ru ka dpal te/ /dur khrod grags la phyag 'tshal lo/ /sin+d+hu rkang pa'i bol la ni/ /yang dag lta ba stobs chen ma/ /mchi ma pad+ma gar dbang phyug /dur khrod grags la phyag 'tshal lo/ /mchil ma
92a7 dpa' bo rnam snang mdzad//'khor los sgyur ba yang dag rtog /mthe bong gnyis la nye dur khrod/ /ma nor gnas la phyag 'tshal lo/ /ku lu tar ni yang dag ngag /brtson chen ma ni pus mo la/ /snabs la rdo rje sems dpa' ste/ /nye dur khrod la phyag 'tshal lo/ /
92b1 'di ni sku yi 'khor lo ste/ /sa 'og spyod par gnas pa yin/ /phyogs dang mtshams na dkar por gnas/ /de la rtag tu phyag 'tshal lo/ /yang dag las dang 'tsho ba dang / /yang dag rtsol ba dran pa dag /khwa dang 'ug pa khyi dang phag /sgo ma bzhi la phyag 'tshal lo/ /yang
92b2 dag spong bzhi rnam dag pa//gshin rje brtan ma pho nya mo/ /gshin rje mche ma gshin rje 'joms/ /mtshams ma bzhi la phyag 'tshal lo/ /bsam gtan dkyil 'khor bsrung don du/ /'di brgyad kyis ni bgegs spangs so/ /bde mchog 'khor lor bstod pa yi/ /
92b3 dge bas bdud bzhi'i dgra bcom ste/ /lha tshogs lha mor khrir gyur nas/ /bsam tshogs stobs mkhas ldan gyur cig /dpal 'khor lo sdom pa'i dkyil 'khor gyi lha tshogs la bstod pa zhes bya ba kha che'i mkhas pa chen po bram ze rin chen rdo rjes mdzad pa rdzogs so// //
CLOSE WINDOW