CLOSE WINDOW

D1524
བོད་ཡིག

@##/ /rgya gar skad du/ shrI gu h+ya rat+na tsin+d+ha ma Ni nA ma/ bod skad du/ dpal gsang ba rin po che yid bzhin nor bu zhes bya ba/ dpal 'khor lo sdom pa la phyag 'tshal lo/ /mkha' mnyam sprin phung 'ja' tshon 'brug sgra sgrogs/ /mtshungs dang / rgyun drab char rgyun glog 'gyu ba/ /rgya mtsho las ni yid bzhin nor bu 'o ma'i mtsho/ /'khor los bsrub dang bsrubs pa'i sbyor bas gnas 'dir rgyas/ /rdo rje sku la nges gnas pa'i/ /dkyil 'khor 'khor lo mchog gyur pa/ /thams cad bdag nyid rtag tu brgyan/ /rang byung 'di ni he ru ka'o//dang por re zhig skye bos bla ma brgyud pa'i rim pa las dkyil 'khor du dbang dang dam tshig thob pa'i rnal 'byor pas sems can mngon du byas te/ byang chub kyi sems chad du med pa bsgom par bya'o/ /hUM yig nag po las 'od zer gyi tshogs dpag tu med pa 'phros pas rdo rje'i tshogs su gyur pa dang /de dag las 'od 'phros khro bo'i tshogs dpag tu med par gyur nas/ lugs dang lugs las bzlog pa'i sngags 'di brjod de/ oM hrIHg+ha g+ha g+hA ta ya g+hA ta ya/ sarba du Sh+TAn hUM hUM phaT swA hA zhes pa las/ rdo rje dang me 'od 'bar ba'i tshogs kyis phyogs thams cad du khyab par gyur par blta'o//de nas rang gi snying ga'i sa bon gyi 'od kyis bla ma dang dkyil 'khor 'khor lo'i tshogs nam mkhar bltas la/ sdig pa bshags pa la sogs pa byas la bzod par gsol te/ 'di la mi snang bar gyur nas phyi nang bdag dang bcas pa thams cad ngo bo nyid kyis stong par blta'o//de'i ngang las rten dang brten pa mnyam par rang bzhin gyis grub pa/ dkyil 'khor gyi 'khor lo dur khrod dang bcas par byung ba ste/ mkha' mnyam stong pa las byung zhing / /nam mkha'i mkha' la longs spyod cing //he ru ka dpal dkyil 'khor mchog /b+ha ga'i dbus su bsgom par bya/ /sna tshogs pad+ma mi shigs pa/ /ge sar gsang ba'i spyod yul las/ /A li kA li sbyor dbus hUM/ /'od zer 'phros pa yongs gyur pas/ /shrI he ru ka khrag 'thung dpal//skad cig gis ni sku rdzogs pa/ /zhal gcig phyag gnyis spyan gsum pa/ /dus mtshan dang ni 'jigs byed dag /g.yas brkyang zhabs kyis gnon mdzad pa/ /bai DUr nam mkha'i rang bzhin can/ /rdo rje 'dzin pa chen po'i mchog /sna tshogs rdo rje phyag rgya drug /zla phyed mgo phreng dag gis brgyan/ /sgeg sogs nyams kyi ro ldan pa/ /stag lpags dar gyi cod pan dang / /yid bzhin nor bu spyi bor 'dzin/ /rdo rje phag mo sku la 'khril/ /dzI ba sin+d+hu ra mdog mtshungs/ /thod pa rdo rje sdigs mdzub can/ /gcer bu bcu drug na dang ldan//rus pa'i 'khor lo mgo phreng dang / /cod pan du ma'i rgyan gyis spras/ /skra grol ma ni spyan gsum pa/ /bde chen thugs rje'i bdag nyid do/ /chu skyes shar gyi 'dab ma la/ /he ru ka ni sku mdog dkar/ /mkha' 'gro ma dang gnyis med 'khril/ /'khor lo dril bu legs bsams pa'o//he ru ka ni sku mdog ljang / /lA ma dang ni gnyis su med/ /byang phyogs pad+ma'i 'dab la gnas/ /rgya gram dril bu bsnams pa'o/ /nub phyogs pad+ma'i gdan stengs su/ /he ru ka dpal rA ga'i mdog /dum skyes ma dang gnyis med pa/ /pad+ma dril bu 'dzin pa'o//lho phyogs pad+ma'i phyogs la yang / /he ru ka dpal gser mdog can/ /gzugs can ma yis sku la 'khyud/ /rin chen pad snod bsnams pa'o/ /de dag kun kyang zhal gcig ma/ /phyag gnyis pa la spyan gsum pa/ /dar gyi cod pan can 'jigs byed dang dus mtshan zhabs kyis mnan pa phyag rgya drug gis spras pa bde ba chen po'i bdag nyid can no//mtshams kyi pad+ma'i 'dab ma la byang chub kyi sems kyi snod ka pA la bdud rtsis bkang ba bzhi'o/ /rang byin brlab pa'i rim pa ste/ /lus kyi dkyil 'khor mchog gyur pa/ /gnas kyi rim pa rab sbyor bas//lhan skyes ye shes bdag nyid do/ /sbubs ka sum mdo lte snying ga /rlung me chu sa rim pa bzhin/ /sgal tshigs ri rab lhun po ste/ /chu shing me tog lta bu yi/ /snying ga'i pad+ma 'dab brgyad pa/ /ge sar lte bar bcas pa ste/ /zla nyi thabs dang shes rab bcas//lugs dang lugs min sa bon dbus/ /bcom ldan khrag 'thung 'das dpa' bo/ /zhal bzhi pa la phyag bcu gnyis/ /gsum gsum spyan mnga' 'gyur ba'i zhal/ /nam mkha'i mdog mtshungs 'od 'phro ba/ /dus mtshan dmar ba g.yas brkyang dang //g.yon zhabs 'jigs byed nag po mnan/ /rtsa ba'i zhal ni sku dang mthun/ /g.yas pa gser gyi 'od dang mtshungs/ /rgyab ni pad+ma rA ga'i mdog /in+d+ra nI la zhal g.yon no/ /rdo rje dril bu dang po ste/ /gnyis pa glang po'i pags pa bsnams/ / Da ma ru dang dgra sta dang / /gri gug mdung rtse gsum pa ni/ /g.yas pa'i phyag na bsnams pa'o/ /kha T+wAM ga dang thod khrag dang / /rdo rje'i zhags pa tshangs pa'i skud/ /thor tshugs dar gyi cod pan can/ /zla phyed sna tshogs rdo rje dang / /yid bzhin nor bu dbu la 'jog /rus pa'i 'khor los spyi bor mtshan//yang dag 'khyud pa'i phag mo yang / /bde ster rang bzhin sku mdog dmar/ /zhal gcig phyag gnyis gcer bu'i tshul/ /byin pa gnyis kyis mnyam par 'khyud/ /rdo rje thod pa bsnams pa ste/ /sdang phyogs la sdigs skra grol ma/ / phyag rgya lngas spras yab la dgyes/ /bde chen thugs rje'i bdag nyid do/ /shar dang byang dang nub dang lho'i phyogs kyi 'dab ma la/ mkha' 'gro ma dang / lA ma dang / dum skyes ma dang / gzugs can ma rnams ni/ mthing ga dang / ljang gu dang / dmar po dang / ser mo'i mdog rim pa bzhin du zhal gcig pa phyag bzhi ma spyan gsum ma g.yas gnyis na Da ma ru dang gri gug /g.yon gnyis na kha T+wAM ga dang thod pa bsnams pa skra grol ba/ gcer bu dum bu'i ske rags kyis brgyan pa phyag rgya lnga dang ldan pa'o/ /de dag gi mtshams rnams su byang chub sems kyis rab tu gang ba'i snod bzhi bdud rtsi'i bdag nyid can no//de nas rab tu bshad bya ba/ /bu dzA o a go rA de mA/ /kA o tri ko ka la kA hi/ /pre gr-i sau su na si ma ku/ /thugs kyi 'khor lo mdog mthing nag /rdo rje'i phreng bas yongs bskor ba/ /pul+li ra ma la ya mgor//thod pa'i dum bu rab gtum mo/ /dzA la n+d+ha ra spyi gtsug tu/ /keng rus chen po gtum mig ma/ /oD+DiN rna ba g.yas par yang / /keng rus can dang 'od ldan ma/ /arbu da ni ltag khung du/ /mche gtsigs sna chen dpa' mo'o/ /go dA pa rI rna ba g.yon/ / lha dgra dpa' bo'i blo can ma/ /rA me shwa rI smin ma'i dbus/ /'od dpag med dang mi'u thung ma/ /de bi ko Ta mig tu ni/ /rdo rje 'od dang lang dbang phyug /mA la ba ni phrag par yang / /rdo rje'i sku dang shing grib ste/ /thugs kyi rigs las nges 'byung ba'i/ /'di dag ni nam mkha' la spyod pa'o//gsung gi 'khor lo dmar ba'i mdog /pad+ma'i phreng bas yongs bskor ba/ /kA ma rU pa mchan khung du/ /myu gu can dang sa srung ma/ /o tre nu mar rdo rje'o/ /ral pa can dang 'jigs byed ma'o/ /tri sha ku ni lte bar ni/ /dpa' chen rlung gi shugs can ma//ko sa la ni sna rtser yang / /rdo rje hUM mdzad chang 'thung ma/ /ka ling ga khar rab bzang dang / /lha mo sngo bsangs legs gnas la/ /laM pa ka ni mgrin par yang / /rdo rje bzang dang rab bzang ma/ /kA ny+tsi snying gar dpa' bo ni/ /'jigs byed che dang rta rna ma/ /hi mA la ya mdoms su ni//mig mi bzang dang bya gdong ma/ /gsung gi rigs las nges 'byung ba'i/ /'di dag ni sa la spyod pa'o/ /sku yi 'khor lo mdog dkar zhing / /'khor lo'i phreng bas yongs bskor ba/ /pre ta pU ri mtshan ma la/ /stobs po che dang 'khor shugs can/ / gr-i ha de ba bshad lam du/ /rin chen rdo rje dum skyes ma/ /sau rASh+Ta brla gnyis su/ /rta mgrin chang 'tshong dpa' mo'o/ /su war+d+wi pa byin par yang / /nam mkha'i snying dang go cha ma/ /nA ga ra ni lag sor la/ /he ru ka dang rab dpa' mo/ /sin+d+hu rkang pa'i bol du yang / /pad+ma gar dbang stobs chen ma//ma ru mthe bor rnam snang dang / /dpa' mo 'khor los sgyur mo'o/ /ku lu tA ni pus mor yang / /rdor sems brtson 'grus chen mo'o/ /sku yi rigs las nges byung ba'i/ /'di dag ni sa 'og la spyod pa'o/ /dpa' bo de dag thams cad ni zhal gcig pa/ phyag bzhi pa/ spyan gsum pa/ 'khor lo so so'i kha dog dang mthun pa/ g.yas dang po ni rim pa ji lta ba bzhin du rdo rje dang pad+ma dang 'khor lo ste/ g.yon dang pos dril bu 'dzin zhing yum gyi sku la 'khyud pa/ 'og ma gnyis kyis Da ma ru dang kha T+wAM ga 'dzin pa phyag rgyas rab tu brgyan pa ral pa'i cod pan no//dpa' mo rnams ni zhal gcig pa phyag gnyis kyis yab la 'khyud pas rdo rje dang thod pa bsnams te kun gyi dpral bar rdo rje'i phreng bas mtshan pa'o/ /lce yi lkog tu khwa gdong ma/ /sna yi rtser ni 'ug gdong ma/ /mtshan ma'i rtser yang khyi gdong ma//bshad ba'i lam du phag gdong ma'o/ /gshin rje sreg ma rna ba g.yas/ /g.yon par gshin rje pho nya ma'o/ /mche ba can ma mig g.yas te/ /mig g.yon gshin rje 'joms ma'o/ /lha mo de dag thams cad kyang / /zhal gcig phyag bzhi spyan gsum ma//gcer bu phyogs na gnas pa rnams mkha' 'gro ma la sogs pa dang mtshungs te/ mtshams rnams su mi phyed dbang phyug gi gzugs can yid 'phrog ma cha gnyis 'dzin pa/ phyag rgya lnga dang dum bu'i ske rags kyis rab tu brgyan pa'o/ / gnas dang nye ba'i gnas dang yang / /zhing dang nye ba'i zhing dang ni/ /tshan+do nye ba'i tshan+do ste/ /'du ba nye ba'i 'du ba dang / /dur khrod nye ba'i dur khrod de/ /sa bcu rnam par dag pa yi/ /sum cu rtsa bdun tshul gyis ni/ /byang chub phyogs la gnas pa yang / /rnam par mi rtog sems bdag nyid//bde stong ro gcig gyur pa'o/ /phung po khams dang skye mched rnams/ /lha yi rnam par dag pa'o/ /de nas go cha gnyis bshad de/ /gnas kyi rim pa sbyor ba yis/ /rdo rje sems dpa' rnam snang dang / /nyi ma pad+ma gar dbang phyug /rta mchog he ru ka bdag nyid//sngags kyi rnam pa lha yi gzugs/ /rdo rje phag mo gshin rje ma/ /rmongs byed ma dang skrag byed ma/ /bskyod byed ma dang gtum mo ste/ /mkhas pas legs par dgod par bya/ /rang sngags las byung 'od zer spros/ /sngags dang phyag rgya'i sbyor ba yis//sangs rgyas byang chub sems dpa'i tshogs/ /phyogs bcu'i chos kyi dbyings las 'gugs/ /oM yo ga shud+d+ha sarba d+harmaHyo ga shud+d+hou0f85haM/ de nas ye shes kyi 'khor lo de mthong nas/ oM sarba ta thA ga ta a b+hi Shiny+tsatu mAM zhes brjod par bya'o/ /spyan ma la s ogs pa'i lha mo rnams kyis rin po che'i bum pa bdud rtsi'i chu rgyun gyi char 'bebs shing /oM sarba ta thA ga ta a b+hi Shiny+tsa sa ma ya shrI ye hUM/ de dag rjes su chags pa'i sbyor ba las byung ba'i byang sems kyi rgyun gyis dbang bskur zhing bde ba chen po'i ngo bor gyur pa'o/ /rnal 'byor kun gyi sbyor ba yis//ro gcig gyur par bsgom par bya'o/ /thugs gsung sku yi ye shes che/ /srog dang rtsol ba yang dag spro/ /hUM AHoM baM/ rim pa bzhin gsal bar byas nas/ spro dang bsdu ba'i bdag nyid du gnas par bya ste/ oM shrI badzra he he ru ru kaM hUM hUM phaT/DA ki nI dz+wa la sa m+ba raM swA hA/ oM hri ha ha hUM hUM phaT/ oM sarba bud+d+ha DA ki nI ye/ badzra war+N+Na nI ye hUM hUM phaT/ oM badzra bai ro tse nI ye hUM hUM phaT swA hA/ oM shrI bud+d+ha he he ru ru kaM hUM hUM phaT/ DA ki nI dzA la sam+ba ra swA hA/ oM shrI pad+ma he he ru ru kaM hUM hUM phaT/ DA ki nI dzA la sam+ba ra swAhA/oM shrI pad+ma he he ru ru kaM hUM hUM phaT/ DA ki nI dzA la sam+ba ra swA hA/ oM shrI rat+na he he ru ru kaM hUM hUM phaT/ DA ki hI dzA la sam+ba ra swA hA/ oM DA ki nI ye hUM hUM phaT/ oM yA me hUM hUM phaT/ oM khaN+Da ro ha hUM hUM phaT/ oM rU pi NI ye hUM hUM phaT/ oM na mo b+ha ga wa te wI re shA ya hUM hUM phaT/oM ma hA kalpAg+ni san+ni b+hA ya hUM hUM phaT/ oM dza TA ma ku Tot+ka TA ya hUM hUM phaT/ oM daMSh+T+ra ka rA lo gra b+hi Sha Na mu khA ya hUM hUM phaT/ oM sa hA sra pra b+hU dzA b+hA su rA ya hUM hUM phaT/ oM pa ra shu pA sho d+yaM ta shU la kha T+waM ga d+ha ri Ni hUM hUM phaT/ oM ma hA d+hu mthA n+tA kA ra wa pu ShA ya hUM hUM phaT/ ba spu'i bu ga'i rtse mo las 'phros pa'i longs spyod rdzogs pa'i 'khor lo dpag tu med pas 'jig rten gyi khams thams cad snang bar byas nas chos kyi 'khor lo bskor te/ slar tshur 'dus pas ro gcig zag pa med pa'i ye shes su thim pa'o/ /dpa' bo nyi shu rtsa bzhi yis/ / lus kyi khams la rnam par brtag /'gro ba rigs drug la bsgral nas/ /bla na med pa'i gnas su gzhag /sku gsung thugs kyi rang bzhin las/ /yi ge gsum gyi bdag nyid kyis/ /mtho ris mi lus sa 'og tu/ /lus can de ni sku gcig 'gyur/ / mnyam nyid gnas pa'i sems kyis ni/ /rnal 'byor dbang phyug ldang ba na/ /mkha' 'gro ma yi bde ba'i mchog /klus bskul ba ni dran par bya/ /thog mar bla ma mchod pa dang / /rdo rje sems dpa'i rang bzhin las/ /dbang bskur rol ba'i bde chen po/ /skad cig gis ni kun khyab pa'o//sku gsung thugs la gnas par bya/ /mnyam par ma bzhag rnal 'byor gyis/ /snying rje chen po'i yid kyis ni/ /khams gsum pa yi sems can kun/ /shrI he ru kar blta bya zhing / /byang sems chu rgyun khrus bya ste/ /bcu phyed bdud rtsi'i zas las bza'/ / gcer bu skra grol lhor bltas la/ /brtul zhugs can gyis gtor ma sbyin/ /gsang ba'i rim par bstan pa'o/ /spros pa kun la dmigs nas ni/ /spros pas spros pa med par bya/ /spros pa nyid ni spros med byed/ /spros bral bde ba chen po ste/ /brtan dang g.yo ba'i 'jig rten kun//ma lus lus pa med 'grub cing / /de nyid myur ba nyid du yang / /bde mchog dam pa 'grub pa yin/ /bcom ldan sku gsung thugs la bzhugs/ /A li kA li mnyam gnas pa/ /'khor lo la ni nges par bskor/ /steng du 'bar ba'i tshul gyis ni/ / 'og tu 'bab pa nges pa'i phyir/ /zag med dri med bde ba'i dngos/ /'chi med thig le'i ngo bo ni/ /sa bon tshul gyis 'bab par 'gyur/ /rtag tu snying gi dbus gnas pa/ /'od gsal bde ba chen po ni/ /nyi ma zla ba rnam dag pa/ /'char dang nub par bstan pa yin/ / sdig pa kun las rnam grol zhing / /bsod nams thams cad rnam par 'phel/ /de nyid sangs rgyas ye shes te/ /gzhan du rnyed par mi 'gyur ro/ /lus med dri ma med pa ste/ /longs spyod rdzogs pa'i sku rang bzhin/ /ye shes sku ni dri ma med/ /skye ba de nyid la thob 'gyur/ / thabs dang shes rab snyoms 'jug cing / /gnyis thim bcu drug cha phyed can/ /zag bcas bde med gnyis spangs pa/ /gsang ba dga' ba'i rang bzhin no/ /dam tshig gsang ba chen po yi/ /sku gsung thugs la mnyam med la/ /rang gi mtshan nyid ngo bo stong / /rtog pa gnyis ni rnam bral ba'o//'das pa dang ni da ltar yang / /ma 'ongs pa yi dus gsum po/ /lhan skyes ye shes mchog bde ba/ /dri med mkha' ltar dag pa'i bdag /gsang ba sems kyi spyod yul las/ /zung du 'jug pa'i ngo bor ni/ /mi rtog pa la rab gnas na//mchog gi sku ni nges par 'thob/ /bsgom pa 'di ni mchog yin te/ /'dod pa'i dngos grub bla na med/ /rnal 'byor skye ba 'di nyid la/ /rdo rje 'chang gi sa thob pa'o/ /rnal 'byor ba rnams 'pho ba'i tshe/ /dpal ldan khrag 'thung la sogs pa/ /rnal 'byor ma yi tshogs rnams kyis//me tog sna tshogs lag na thogs/ /rgyal mtshan ba dan sna tshogs dang / /glu yi mchod pa sna tshogs kyis/ /'chi ba zhes 'di rnam rtog ste/ /mkha' spyod gnas su 'khrid par byed/ /dpal 'khor lo bde mchog gsang ba rin po che yid bzhin nor bu/dpal u rgyan gan+d+ho la'i gtsug lag khang nas/ dri med ye shes mkha' 'gro mas rje btsun ti lo ba la gdams pa/ dpal bde mchog 'khor lo'i sgrub thabs snyan nas snyan du brgyud pa'i snying po dpal nA ro pas mdzad pa'o// //rgya gar gyi paN+Di ta shrI nA ro pa chen po dang /

CLOSE WINDOW