CLOSE WINDOW

D1523
བོད་ཡིག

tshul bzhin bla ma gus bsten pas/ /rin chen 'di rnams spyod gyur cig/ @##/ /rgya gar skad du/ swa a d+hiSh+Tha' na kra ma u pa de sha ka sA d+ha na/ bod skad du/ rang byin gyis brlab pa'i man ngag gi sgrub thabs bdag gi lha la phyag 'tshal lo/ /dngos min dngos med ma yin mkha' ltar ro mnyam rtogs par dka' ba'i rang bzhin can//gcig min du ma ma yin bdag dang gzhan la phun tshogs phan pa 'byung ba'i gnas/ /gnyis med bde chen bcom ldan he ru ka dpal 'jigs byed rgyal po 'bar ba'i sku/ /thub pa'i dbang po thugs rje rgyas shing bar chad med par gzhan don rdzogs mdzad rgyal//dang por re zhig sgrub pa pos lhag pa'i bsam pa rnam par dag pas/ oM swa b+hA ba shud+d+haHsar+b+ba d+harmAHswa b+hA ba shud+d+hou0f85ho/ /zhes bya ba'i sngags brjod pa sngon du 'gro bas/ gzung bas der 'dzin med pa'i s ems kyang med de zhes chos thams cad thog ma med pa nas rang bzhin gyis rnam par dag pa'i stong pa nyid du yud tsam gyis mngon par bya'o//de'i rjes la chos kyi dbyings rnam par dag pa nyid kyi ngang las/ skad cig gis bcom ldan 'das thugs ka'i chu skyes dang nyi ma bzhugs pa'i hUM gis de nyid kha dog sngon po//rdo rje sems dpa'i rang bzhin 'od zer dpag tu med pa 'phro ba can dang ldan pa rten dang brten pa'i tshul du rnam pa thams cad rdzogs par blta bar bya ste/ rin po che sna bzhi las grub pa'i ri'i rgyal po ri rab zur bzhi ba'i steng du/sna tshogs pad+ma'i lte ba dang ze 'brur ldan pa'i dbus su nyi ma'i dkyil 'khor la gnas pa'i bcom ldan 'das rje btsun dpal he ru ka sku mdog zar ma'i me tog sar pa lta bu zhal gcig pa/ spyan gsum pa/ shes rab la 'khyud pa'i phyag gnyis kyis rdo rje dang dril bu bsnams pa/g.yas brkyang ba 'jigs byed chen po dang dus mtshan mnan pa/mche ba gtsigs shing zhal rnam par 'gyur ba/ ral pa'i cod pan dang / spyi gtsug nor bus brgyan pa/ sna tshogs rdo rje dang zla ba phyed pa dbu la 'dzin pa mi bskyod pa'i dbu rgyan/ sum khugs su 'khyog cing dgyes pa'i cha byad can gyi dar dpyang dang cod pan gyis mdzes par byas pa/thod pa'i phreng ba can sgeg pa la sogs pa gar gyi nyams dgu dang ldan pa/ stag gi pags pa'i na bza' 'dzin pa'i mchog /mi mgo rlon pa'i do shal gyis sku la brgyan pa/dri ma med pa'i 'od kyi phreng ba can phyag rgya drug dang ldan pa'o/ /de'i mdun du bcom ldan 'das ma rdo rje rnal 'byor ma/ sku mdog dmar mo gzhon zhing mdzes ma lang tsho dang ldan pa/ zhal gcig ma/ spyan gsum ma/ phyag g.yas pa rdo rje dang bcas pa'i sdigs mdzub kyis gdug pa can thams cad la bsdigs pa/phyag g.yon pa yab la 'khyud pas bdud la sogs pa'i khrag gis bkang ba'i thod pa 'dzin pa/ dpral ba'i mtshams su thod pa lngas brgyan pa/ dbu skra nag po'i tshogs grol ba/ nam mkha'i na bza' bsnams pa phyag rgya lnga dang ldan ma/mi mgo skam po'i phreng ba can/ g.yas kyis byin pa la 'khyud la/ g.yon brkyang ma bde ba chen po'i bdag nyid can/ de lta bu dang ldan pa snyoms par zhugs pa'i dga' bas brgyan pa'i bcom ldan 'das bskal pa'i me ltar 'bar ba'i gzi brjid chen po dang ldan pa'i bdag nyid bsgom par bya'o//de dag ni bcom ldan 'das shes rab dang bcas pa'i sku rnam par dag pa'o/ /de las skyo bar gyur na/ oM hrIHha ha hUM hUM phaT/ ces bya ba'i sngags brjod par bya'o/ /de ni dbang po tha ma'i dmigs pa bya'o/ /da ni dbang po 'bring gi ting nge 'dzin 'od gsal du 'jug pa dang ldan pa brjod par bya ste/de yang rang gi thugs ka na gnas pa'i hUM/ de bzhin gshegs pa thams cad kyi bdag nyid can de'i snang bas brtan pa dang g.yo ba'i rang bzhin can gyi khams mtha' dag 'od kyi rang bzhin du byas pa'i rjes su gzhig pa'i rim pas me long la dbugs bzhin du/rim pa ji lta ba bzhin nA da'i bar bsdus shing thim nas/ de yang rim gyis phra bar gyur te/ rdo rje sems dpa'i rang bzhin/ chos sku 'od gsal ba'i ngo bo/ /dbyer med par bzhugs pa la blta bar bya'o/ / slar yang gdul bya'i bsod nams dang / rang gi smon lam gyi shugs kyis zung 'jug longs spyod rdzogs pa'i sku'i ngo bor bzhengs te/ de las sprul pa dpag tu med pa 'phros nas/ sems can gyi khams mtha' dag gi don byed par bya'o/ /ril por 'dzin pa ni rnam grangs gzhan no//gzhan yang / dbang po rab mchog tu gyur pas/ /zung 'jug longs spyod rdzogs pa'i sku/ /stong pa'i ngo bo bde ba che/ /ji ltar snang bzhin bden spangs pa/ /me long nang gi gzugs brnyan bzhin/ /gzung dang 'dzin pa med 'gyur zhing / /dmigs pa thams cad rnam spangs te//stong dang mi stong las 'das pa/ /de ni bdud dang nyon mongs tshogs/ /'jigs mdzad bde bar gshegs pa'i 'khor/ /'bar ba'i phreng ba 'khrigs shing drag /he ru kar grags chen por bzhengs/ /bla ma'i drin thob sgom phyir dga'/ /shugs kyis ye shes rab snang bas//phyogs bcur gsal bar byed par shog /rang byin gyis brlab pa'i rim pa'i man ngag gi sgrub thabs rnal 'byor gyi dbang phyug chen po ku mA ra shrI dpal na len+d+ra'i gtsug lag khang du saM skr-i ta'i skad du mdzad pa rdzogs so// //

CLOSE WINDOW