CLOSE WINDOW

D1521
བོད་ཡིག

mtha' khob kla klo'i gnas su 'khyams pa dang / /log rtog bdud kyis bcings pa'i sems can rnams/ /khyod kyi rnam sprul mthong thos dran pas kyang / /mgon po khyod kyis gdul byar gzung du gsol/ /dpal 'khor lo sdom pa'i bstod pa slob dpon mi tri pas mdzad pa rdzogs so// @/ /dpal mkha' 'gro rgya mtsho'i mngon par dbang bskur ba'i cho ga bzhugs so// @##/ /bcom ldan 'das dpal mkha' 'gro rgya mtsho la phyag 'tshal lo/ /gdod nas dag pa dri ma med/ /spros pa med cing brjod du med/ /thams cad g.yogs nas rnam par 'phrul/ /mkha' 'gro rgya mtsho la phyag 'tshal/ /de nyid ngo bo dbyer med pa/ /'khor ba pa yi tshul bzung nas//rang gi gdul bya'i don mdzad pa/ /bla ma'i tshogs la phyag 'tshal lo/ /rdo rje theg pa'i tshul chen la/ /rang rang dkyil 'khor ma zhugs na/ /bsgrub par 'dod pa ma yin phyir/ /dpal ldan mkha' 'gro rgya mtsho yi/ /dbang bskur rim pa skyon med pa/ /bla ma'i man ngag bri bar bya/ /gang zhig rang gi rgyud rnams su//cho ga rdzogs par ma gsungs pa/ /de ni rgyud mchog gzhan rnams las/ /rdzogs mdzad mkhas pa rnams kyang bzhed/ /de la slob ma gtsang ba brtson 'grus dang ldan pa/ /'dod chags dang zhe sdang dang gti mug la sogs pa spangs pa/ /gzhan gyi rig pa sun mi 'don pa yon tan thams cad dang ldan pa'i slob mas/slob dpon gyi mtshan nyid kyang / sems can kun la phan pa nyid/ /mi 'jigs pa yi stobs nyid dang / /sngags dang rgyud kyi sbyor ba shes/ /sbyor ba bzo dang sgyur rtsal sogs/ /mthun pa'i ngag dang thams cad la/ /bu gcig pa ltar mthun pa dang / /gtong ba sogs la rtag tu dga'/ / bsam gtan ting 'dzin de mchog gzhol/ /ji ltar smras pa de bzhin byed/ /'tshe ba med cing bden pa'i ngag /sems can kun la thugs brtse dang / /lam du 'jug pa de mthar phyin/ /kun mkhyen yon tan dang mnyam dang / /bstan bcos kun gyi pha rol son/ /mgon med rnams kyi pha dang ma/ /phyag rgya brda ni byed pa po//gzhan yang de bzhin gshegs pa'i bstan bcos mang du thos pa/ sngags dang rgyud kyi cho ga shes pa/ bzod pa dang ldan pa thams cad kyi mtshan nyid shes pa/ dpal mkha' 'gro rgya mtsho'i dkyil 'khor du dbang bskur ba thob pa de nyid kyi rnal 'byor la brtson pa'i bla ma la maN+Dal la sogs pa'i sgo nas ji srid du mnyes par ma gyur pa de srid 'bad pas mnyes par bya'o//de nas bla mas bu khyod ci 'dod/ /ces dris te des kyang rang gis bsam pa smra bar bya'o/ /de nas slob mas bla ma la mchod pa'i sprin gyis rab tu mchod de/ oM sarba ta thA ga ta kA ya bA ka tsit+ta pra NA me na badzra pan+d+ha naM ka ro mi zhes bya ba'am/oM shrI badzra he he ru ru kaM hUM hUM phaT DA ki nI dzA la sam+ba ra swAhA/ zhes bya bas phyag bya'o/ /de bzhin gshegs kun zhi ba/ /de bzhin gshegs pa kun gyi gnas/ /chos kun bdag med pa yi mchog /dkyil 'khor dam pa bshad du gsol//mtshan nyid thams cad yang dag rdzogs/ /mtshan min thams cad yang dag spangs/ /kun du bzang po sku yi mchog /dkyil 'khor dam pa bshad du gsol/ /zhi ba'i mchog chos las byung ba'i/ /ye shes spyod pa rnam sbyong ba/ /kun du bzang po gsung gi mchog/ dkyil 'khor dam pa bshad du gsol/ /sems can kun gyi sems chen po/ /de bzhin dag pa dri ma med/ /kun du bzang po thugs kyi mchog /dkyil 'khor snying po bshad du gsol/ /zhes bya ba'i bstod pas bla ma la lan gsum du gsol ba gdab par bya'o/ /gang phyir gsol btab bla ma yis//yid kyis 'di ltar rim par bya/ /dpal sdom 'khor lor gsungs pa yi/ /cho ga yi ni skye bo kun/ /bdag gis 'bad pas drang bya ba/ /bde ba mchog kyang thob 'gyur bya/ /'dis ni bla med yang dag rdzogs/ /byang chub nges par ster bar 'gyur//zhes sems skyed de/slob ma la 'di skad brjod par bya'o/ /'khor ba'i rgya mtshor bying ba ni/ /de rnams nyon mongs 'dam gyis gos/ /rgal bar mi nus pa yi sems/ /shin tu sdug bsngal tshogs rnams la/ /nyan thos la sogs bsgral ba dang //byang chub sems dpa' rgyal ba'i sras/ /dpa' rnams bde chen thob pa yis/ /'khor lo bcu gnyis dri ma spangs/ /bla na med pa'i dkyil 'khor du/ /rab tu 'jug par khyod spro'am/ /zhes lan gsum du'o/ /'gro ba drang ba'i bsam pas tshigs su bcad pa gang ma'i rjes su bdag spro'o zhes lan gsum du slob mas brjod par bya'o//de nas bla mas khyod kyi nye bar mkho ba thams cad tshogs sam zhes lan gsum dri bar bya'o/ /de nas slob mas cung zad ma tshogs zhes gsol bar bya'o/ /de rnams ni gsol ba gdab pa'i cho ga'o//de nas gsol ba gdab pa'i bla mas yid legs par mnyam par gzhag pas 'og nas 'chad pa'i mkha' 'gro rgya mtsho'i dkyil 'khor gyi cho ga legs par khong du chud par byas te slob ma legs par mnyam par gzhag pa la dpal mkha' 'gro rgya mtsho'i rnal 'byor sngon du song ba'i bla mas de'i spyi bo dang mgrin pa dang snying gar rim pa bzhin he ru ka'i yi ge bsams te/he ni rgyu sogs stong pa nyid/ /ru ni tshogs dang bral ba ste/ /ka ni gang du'ang mi gnas pa'o/ /zhes bya ba'i don dran pas slob ma rang bzhin med par byas la/ cho ga gsum gyis dpal mkha' 'gro rgya mtshor bskyed la/rang gi snying ga nas phyung ba'i mkha' 'gro ma la sogs pa nyi shu rtsa bzhis dbang bskur bar byas te bdud rtsis khrus bya'o/ /de la sku gsung thugs byin gyis brlab pa dang / 'di nyid kyi tshul gyis cho ga bya'o/ /de dag ni slob ma yongs su bzung ba'o//de nas bsnyen pa brtsam bya ste/ /mkha' 'gro rgya mtsho'i rnal 'byor ba/ /de yi sngags dang rnal 'byor rigs/ /dkyil 'khor yang dag ji lta ba/ /rab tu bstan par su yis nus/ /rang gi lha yi rnal 'byor gyis/ /dkyil 'khor dag ni brtags na 'grub/ /rang gi lha yi rnal 'byor ni//mngon par rtogs pa bshad pa yi/ /rim pa legs par bsgom ldan pas/ /bdag po'i rim pa 'bum phrag gcig /yum gyi de phyed 'khor gyi khri/ /gsang sngags rgyal po ma nyams bzla/ /de dag ni sngon du bsnyen pa'i cho ga'o/ /dkyil 'khor bri bar rung ba yi//'dir ni phyogs kyi sa bshad de/ /lha gang dang ni skyed tshal grong / /grong khyer dang ni tshong dus kyi/ /shar gyi phyogs nas brtsams nas ni/ /ji srid byang phyogs la sogs pa'i/ /phyogs bdun dag ni spang bar bya/ /shar phyogs dkyil 'khor bris gyur na//bzod ldan pa yang bzod med 'gyur/ /lho phyogs char ni dkyil 'khor bri/ /skye bo 'chi dang sna tshogs pa'i/ /nye bar 'tshe ba 'byung bar 'gyur/ /slob ma de ni 'chi 'gyur te/ /lung rigs dag 'di gzhan du min/ /nub kyi phyogs su slob dpon 'chi/ / byang gi phyogs su zhugs pa yi/ /de bzhin me yi phyogs cha ru/ /char chen po ni 'bab 'gyur te/ /lho dang nub kyi mtshams la ni/ /mu ge chen po 'byung bar 'gyur/ /nub kyi phyogs su bris pa yi/ /de yis rlung dang char pa 'byung / /mchod rten gdan du'ang 'chi bar 'gyur//gang zhig klu yis byin brlabs chu/ /shing grib rtsa ba 'khrigs de bzhin/ /de phyir dbang ldan bla na med/ /de yi gnas kyi sa yi ni/ /kha dog rim par shes par bya/ /bram ze rgyal rigs rje'u rigs dang / /dmangs rigs dang ni rnam bzhi'o/ /bram ze dkar por shes byas te//ser po rgyal po'i rigs su 'dod/ /rje rigs dmar por shes par bya/ /nag po dmangs rigs su rab grags/ /dkar po sa yi phyogs su ni/ /de la gdan ni spyi blugs dang / /dbyug pa bgrang phreng rtag tu ni/ /rig pa dang ni blo 'grub 'gyur/ /tshad dang ldan zhing snum pa dang //mtho dang dma' ba'i skyon spang ba'i/ /shar dang byang du gzhol nyams dga'/ /sa yi cha yin sa sbyang bya/ /thod pa rtsa ba rus pa skra/ /phub ma rdo ba gseg ma dang / /thal ba sol ba srin bu ni/ /khru do tsam du brkos la yang / /srog chags bcas na rlung chen 'byung //rus par bcas la zug rngu 'byung / /gseg mar bcas na lkugs par 'gyur/ /phub ma sol ba la ni rims/ /skra dang rtsa ba shing sogs bcas/ /gnod pa phra mo 'byung bar 'gyur/ /de phyir shis pa 'dod pa yis/ /'bad pas sa yi cha sbyang bya//dkyil 'khor khru ni brgyad par 'dod/ /gzhan dag rgyal po la khru brgyad/ /mtha' skyes rnams kyi de yi phyed/ /gtso bo rnams kyi de'i phyed gsungs/ /tshong dpon rnams kyi khru bcu gnyis/ /sgrub po rnams kyi khru drug pa/ /dkyil 'khor rim pa 'di gsungs pa/ / ji lta'i lung gi don gsungs pa'i/ /rang gis ji ltar nus pa bri/ /de la re zhig thog ma ru/ /mkhas pas mngon 'dod sa yi char/ /slob dpon rang gi lha'i rnal 'byor sngon du song bas rtsa ba'i sngags kyis bgegs kyi tshogs bskrad par bya'o/ /de nas dkyil 'khor ji tsam byed pa'i sa pus mo nub tsam du brkos te rus pa la sogs pa'i skyon thams cad bsal te/sa de nyid kyis bkang la 'thas par bcags te/ de'i dbus su zabs dang rgyar mtho gang ba'i khung bu byas te chus bkang la rtsa ba'i sngags zlos pas shar phyogs su gom pa brgyar phyin nas log pa na chu de ma zad na shis par 'gyur ro//de nas de'i dbus su drag po'i thab byas te rus pa'i phye ma dang dug dang khrag dang ske tshe la sogs pa bcas pas drag po'i sbyin sreg bya'o/ /de nas yang de nyid du zhi ba'i thab byas te de'i sa'i bdag po'i ched du zhi ba'i sbyin sreg bya'o/ /de nas dkyil 'khor byed pa'i sa'i cha de sa gzhan gyis kyang bstod la bcag par bya'o//de nas de'i phyi rol du dkyil 'khor gyi khang pa gru bzhi sgo bzhi rta babs bzhi la sogs pas brgyan par byas la/ der lugs ma dang thang ka dang po ti dang bla re dang me tog gi phreng ba dang dri zhim po dang bdug spos dang mar me dang me dang shing rnams dang me tog dzA ti dang tsam pa dang pu n+Da ka dang ke sa dang /nA ga ge sar dang / U thi ka dang / ma li ka dang kun+da dang pA Ta la dang pad+ma dang ut+pal dang kar+Ni ka la sogs pa rnams kyis bcal du bkram pa dang sna tshogs pa'i gos rnams kyis brgyan par bya'o//phyi rol rgyal mtshan ba dan rnams/ /chu shing sdong pos rnam par mdzes/ /dung dang zangs dung rol mo ni/ /sna tshogs sil snyan gyis brgyan byas/ /nye bar byug pa sogs phyi nas/ /'di rnams kun gyis brgyan par bya/ /de nas sa la gsol ba 'debs pa la sogs pa byas te/de nas yang rang gi lha'i rnal 'byor sngon du song bas bdud rtsi 'khyil ba'i sngags sam dum skyes ma'i sngags bzlas pa'i dri zhim po'i chus bsang gtor bya'o/ /de nas tsan+dan gyis legs par byugs par byas te/ lag pa g.yas pa sa la reg nas yi ge hUM zhes bya ba lan brgyar brjod par bya'o//de bzhin du yi ge brgya pa lan bdun du'o/ /de nas tshes ni bcu gsum la/ /bsgom pa'i yid ni brtan gyur cing / /sngon du bsnyen pa bsgrub pa yis/ /sngags rig pa ni rjes gnang thob/ /'khor lo bcu gnyis nam mkha' la/ / mngon sum bzhin du nges par ro/ /de yi gzugs brnyan byung nas ni/ /phyi nas dkyil 'khor brtsam par bya/ /blo ldan slob ma yon tan ldan/ /de bzhin yo byad yongs su rdzogs/ /sngon du 'dus byas sa'i dbus su/ /sa la reg pas nyer gnas pa'i/ /'dod pa'i yan lag can ma bskul//kun nas sa la gsol ba gdab/ /mkha' 'gro rgya mtsho'i 'byor ldan pas/ /lag pa g.yas pa zla dkyil la/ /'od zer bzang pos 'khrigs 'phro bas/ /hUM zhes bya ba gsum dgod bya/ /sor mo'i rtse mos sa de la/ /mkhas pas lan gsum bsnun par byas//de'i sgra rnams kyis bskul ba dang / /hUM 'od rnams kyis de bzhin no/ /bkug pa'i lha mo zhi ba yis/ /kha dog ser po na bza' dkar/ /bum pa dang ni mi 'jigs phyag /de ni rgyan thams cad kyis bklubs/ /zhal gcig phyag ni gnyis pa mo/ /mdun du bzhugs pa rnams bsams nas//mchod yon sbyin sogs byas nas ni/ /tshigs bcad gnyis po 'di brjod bya/ /skyob pa sangs rgyas thams cad kyi/ /spyod tshul khyad par rnams su ni/ /sa dang pha rol phyin pa la/ /lha mo khyod ni dpang du gyur/ /shAkya seng ge skyob pa yis//ji ltar bdud kyi sde bcom pa/ /de bzhin bdag gis bdud las ni/ /rgyal bar byas te dkyil 'khor bri/ /zhes lan gsum brjod par bya/ de nas so so mchod byas nas/ /mngon par dga' ba'i sems kyis ni/ /zhal gyi pad+ma rab bzhad cing / / sku phyed 'thon nas lha mo ni/ /mnyam par gzhag pas nges bltas nas/ /de ltar bgyi zhes brjod nas ni/ /de la thim par bsam par bya/ /rdo rje bcings pa brkyang byas nas/ /sa la de yis gdab par bya/ /oM badzri b+ha ba hUM zhes bya ba brjod par bya'o/ /yang oM badzra dr-i D+ha tiSh+Tha zhes bya ba brjod par bya'o//byin gyis brlabs pa'i sa de ni/ /rung bar gyur pa'i sa yin no/ /sa la gsol ba gdab pa'i cho ga'o/ /de nas phyi nas slob dpon ni/ /phyag rgya'i rgyan gyis brgyan pa dang / /gtsug tor dang ni gos dkar bgos/ /tsan+dan sogs pas thig le gsum//rdo rje dril bu bzung ba gang / /slob ma legs par bslabs pa rnams/ /mkha' 'gro rgya mtsho'i rnal 'byor gyis/ /slob ma rnams kyang dpa' rnam pa/ /khaN+Da ro ha'i gzugs kyis ni/ /sgrub pa'i grogs mchog sprul par bya/ /mchod pa'i cho ga slar byas nas//blo dang ldan pas bgegs bsal bya/ /de la slob dpon rim shes bya/ /rkang pa gnyis su aHlas ni/ /'bar ba'i phreng ba 'khrugs pa'i 'od/ /sna tshogs rdo rje bsam par bya/ /ma Ta mig gnyis las bltas nas/ /de la nyi ma zla ba gnyis/ /lag pa g.yas pas nyi ma'i mig /rdo rje 'od zer 'phro de bzhin/ /mig g.yas hUM yig bskal pa'i me/ /rdo rje gsor bar byed brtson pas/ /rkang pa'i 'gros kyis 'od zer tshogs/ /rdo rje me yi tsha tsha 'dras/ /gdug pa can rnams 'gros bltas nas/ /g.yon pa'i zla ba dri med la//oM las byung ba'i 'od zer ni/ /bdud rtsi'i tshogs ldan pa rnams kyis/ /rang gi 'khor tshogs 'thung byed cing / /tshim par byed pa chen po'o/ /dbang ldan phyogs nas brtsams nas ni/ /rdo rje bsnyems pa'i rol bcas pas/ /gtso bo slob ma bcas rnams kyis//rdo rje'i rkang pas bor zhing bskor/ /gser gyis gzhi'i mthar thug par/ /sa ni rdo rje'i rang bzhin bya/ /lag pa g.yon pas dril dkrol zhing / /g.yas pas rdo rje gsor ba na/ /hUM zhes bya ba brjod bzhin du/ /rdo rje lta bas kun bltas nas/ /sa der gnas pa'i sdang ba rnams//mkhas pas rab tu bskrad par bya/ /rgya che ba yi dad 'di ni/ /sngags dang 'dra bar sangs rgyas gsungs/ /dengs shig yod par gyur pa gang su dag /lha dang lha ma yin dang gnod sbyin dang srin po dang yi dwags dang sha za dang / brjed byed dang 'byung po dang mkha' 'gro ma dang gnon po dang rgan po dang rgan mo dang rjes su spyod pa'i 'khor dang /nam mkha' lding dang mi'am ci dang skyes bu sngags grub pa rnams sa'i phyogs 'dir slob ma che ge mo zhes bya ba yang dag pa'i byang chub yongs su rdzogs par bya ba'i don dang / sems can gyis bla na med pa'i ye shes thob par bya ba'i rgyur dpal he ru ka mkha' 'gro rgya mtsho 'khor lo bcu gnyis su mngon par brjod pa'i dkyil 'khor bdag gis bya'o/ /dpal mkha' 'gro rgya mtsho'i bka' 'di thos nas myur du 'gro bar gyis shig /gang zhig mi 'gro na de la bdag dpal he ru ka rdo rje rab tu 'bar ba'i hUM zhes brjod pas rab tu khros pa'i zhal can kun nas 'bar bas ye shes chen po'i rdo rjes spyi bo brgyar 'gas par bya'o zhes brjod cing sngags pas g.yas su lan gsum bskor bar bya'o//bgegs thams cad 'bros par bsam par bya'o//de nas gom pa lngas gnas lnga'i sngon bzhin no/ /gzhan yang rgyas pa ni stang stabs drug cu rtsa bzhi la sogs pas shes par bya'o/ /'di ni bgegs bskrad pa'i cho ga'o/ /de nas phur bus gdab par bya ste/ bdag nyid rdo rje hUM mdzad 'bar ba'i me dang 'dra bar bsgoms te hUM zhes brjod pa dang /snying ga nas he ru ka zhal gcig phyag gnyis pa rdo rje dang thod pa thogs pa dpag tu med pa mdun du phyung la sku gsung thugs byin gyis brlab pa byas nas/ oM sum+b+ha ni la sogs pa brjod pas bgegs kyi bdag po thams cad bkug ste me la sogs pa'i grwa bzhir bzhag nas seng ldeng las byas pa'i phur bu nam mkha'i snying po dang /pad+ma gar gyi dbang phyug dang / rnam par snang mdzad dang / rdo rje sems dpa'i ngo bo bzhi byas te/ oM badzra kI li kI la ya hUM zhes bya ba brgya rtsa brgyad bzlas te/me la sogs pa nas rim pas/ /oM g+ha g+ha zhes bya ba la sogs pas bgegs kyi bdag po'i spyi bo nas rkang pa'i bar du phur bus gdab bo/ /phur bu de rnams kyi steng du a las nyi ma bsgoms te de'i 'od zer gyis bgegs thams cad thal bar gyur bar bsam mo//de nas he ru ka rnams thugs kar bsdus te/ yang bgegs dbyung ba'i dgos pa la stong pa nyid bsgom par bya'o/ /de nas gzhal yas khang gi phyi rol du rta mgrin phyung ste de rnams yongs su gyur pa las mtshon cha sna tshogs rdo rjer bsam par bya'o/ /de nas rdo rje'i lta bas kun du blta bar bya zhing hUM zhes bya ba lan brgyar brjod par bya'o//sa sbyang ba'i cho ga'o// //de nas sa bzung ba ni legs par bslab pa'i rim pa dang sa'i dbus su 'dug la/ mngon par rtogs pa nas 'byung ba bzhin du thig le dang phra mo'i mthar thug par bsgoms te/de nas phyogs bzhir khaN+Da ro ha'i nga rgyal 'dzin pa bzhin/ de bzhin gshegs pa kun zhi ba/ /la sogs pas gsol ba gdab po/ /de nas lha'i nga rgyal brtan po dang ldan pas sems dga' ba bskyed do/ /deng 'dir bdag skyes 'bras bu yod/ /bdag gi 'tsho ba 'bras bur bcas//dam tshig lha rnams thams cad dang / /bdag ni mnyam gyur the tshom med/ /bdag ni nyi ma deng mchog yin/ /deng bdag mchod sbyin bla na med/ /sangs rgyas kyis rjes brtse ba yis/ /bka' lung thob par bdag gis shes/ /zhes brjod par bya'o/ / de nas rab tu dga' ba'i sems kyis snying ga nas spros pa'i pi wang ma la sogs pa dang / gau rI la sogs pa rnams kyis mchod pa dang / rdo rje dril bu dkrol zhing bstod pa bya ste/ he ru dpal ye shes che/ /rnal 'byor chen po thub chen po/ /mgon po chen po byed pa che/ / theg pa chen po shing rta che/ /gsung ba chen po shes rab che/ /dpa' bo chen po don chen mdzad/ /'dzin pa chen po nga rgyal che/ /rgyal po chen po mchod pa che/ /srid pa chen po sim pa che/ /rol pa chen po gnas chen po/ /mtshon cha chen po drag po che/ /bzhad pa chen po dka' thub che//zhe sdang chen po 'dod chags che/ /gti mug chen po stobs chen po/ /spun pa chen po sgra chen po/ /snyems pa chen po stobs chen po/ /sku gsum lam gsum cha byad can/ /'khor lo gsum dang srid gsum mchog /dri ma gsum spangs dge ba gsum/ / spyan gsum sum cu gsum dbang phyug /srid pa gnon pa srid rtse'i mchog /srid pa ldan pa srid las 'das/ /srid pa dngos med srid snang ba/ /srid pa'i steng ma srid gtso bo/ /rnal 'byor spyod pas rnal 'byor che/ /rnal 'byor ma yi rnal 'byor brtson/ /sbyor shes rnal 'byor pa yongs byung //rnal 'byor rnal 'byor mngon 'joms po/ /rdo rje dpal dbang phyug dgyes pa/ /rdo rje'i phreng bas rnam par brgyan/ /rdo rje kha T+wAM phrad pa'i lus/ /rdo rje rdo rje'i phyag chen po/ /rdo rje'i gar ni brtan pa che/ /rdo rje glu ni sgra chen po/ /rdo rje pad+ma'i ting 'dzin bzhugs//rdo rje gdan ni dka' bar dgyes/ /bde ba'i bzhed pa thob pa ste/ /'od kyi skye bo skyong ba po/ /lus ngag yid kyis thams cad du/ /khyod la gus pas bdag 'dud do/ /mkha' 'gro dra ba la phyag 'tshal/ /phyag 'tshal mkha' 'gro'i dkyil 'khor la/ / stong nyid ye shes phyag 'tshal lo/ /stong pa'i thugs la phyag 'tshal lo/ /zhes bya ba dang / e ma'o chos e ma'o chos/ /e ma'o chos kyi don byung ba/ /chos pa yi don bdag med pa/ /rdo rje rgyal po phyag 'tshal 'dud/ /sku gsung thugs ni shin tu dag /nam mkha' mnyam pa nyid kyi gnas//rnam par 'gyur med snang ba med/ /rdo rje'i sku la phyag 'tshal 'dud/ /de bzhin gshegs pa thugs kyi gtso/ /dus gsum lam la gnas pa ste/ /go skabs chen po dbyings 'byung ba/ /nam mkha' la ni phyag 'tshal 'dud/ /nam mkha'i sku ni yang dag byung //nam mkha'i gsung ni rab 'jug pa/ /nam mkha'i thugs ni chos kyi mchog /spyod pa'i go 'phang phyag 'tshal 'dud/ /rdo rje sems dpa' theg pa che/ /nam mkha'i spyod pa rnam sbyong ba/ /kun du bzang po mchod pa'i mchog / rgyal ba mchog gi mchod pa gsungs/ /'dod chags zhe sdang gti mug che/ /rdo rje theg pa nyer ston pa/ /nam mkha'i khams dang mnyam pa'i mchog /rgyal ba mchog gi mchod pa gsungs/ /thar pa'i lam gyi rab sgrol ba/ /theg gsum mchog lam gnas pa po/ / sangs rgyas bskal bzangs yi bdag /don yod mchod pa mi yi mchog /byang chub sems ni yangs pa'i spyan/ /chos kyi 'khor lo rab bskor ba/ /sku gsung thugs ni yongs su dag /rdo rje theg pa phyag 'tshal lo/ /zhes bya bas bstod pa bya ste/ rang nyid la bsdu bar bya'o//sngar gyi nam mkha'i dkyil 'khor gsal bar dmigs te/ rang gi dkyil 'khor nam mkha' la blos bteg la de dang bsre bar bya'o/ /rang nyid gtso bo'i nga rgyal dang ldan pa byas nas/ langs te sngar bzhin zhabs dang spyan byin gyis brlabs te rig ma dang bcas pa rol pa'i tshul gyis phyogs kun du blta zhing gser gyi sa gzhi la thug pa rdo rje'i sa gzhir byin gyis brlab cing hUM zhes brjod pas sngar bzhin bskor bar bya'o//yang de'i dbus su bsdad nas mig g.yas pa a las byung ba'i nyi ma la hUM gi mig 'bras bsams te de las me'i tshogs 'khrugs pa chen po byung bas me'i ra ba ji tsam 'dod pa bsam par bya'o//de'i nang du hUM sngon po 'khrigs pas mig gi hUM las 'od 'phros la de rnams gyur pas zhe sdang rdo rje'i ra ba'o/ /de bzhin du AHdmar po spros pa las 'dod chags pad+ma'i ra bar bya'o/ /de bzhin du oM dkar po 'phros pa las gti mug 'khor lo'i ra ba'o//de nas mig g.yas nyi ma g.yon zla ba dang sna'i rtse mor oM bsams te g.yas pa bar snang la lta bas de'i phyi rol du'ang ra ba gsum bya'o/ /mtshon cha'i rang bzhin du steng du gur bya'o/ /de nas de'i steng du khro bo rta mgrin bskal pa'i me ltar glog gi mdog can ljags 'dril ba drag po chen po bsams te bgegs lhag ma 'joms par bsgom mo//de nas sa'i dbus de nyid du nyal bar bya'o/ /sa gzhi yongs su bzung ba'i cho ga'o// //de nas tshes ni bcu bzhi la/ /bzung byas rang bzhin dag par phyis/ / ye shes rgya mtsho'i sa yi char/ /slob ma la sogs lhag gnas bya/ /de la re zhig thog mar ni/ /don legs byed pa'i don rig pa/ /gru bzhir byas pa dag pa las/ /dkyil 'khor las ni gnyis 'gyur ring / /de nas skud pa dkar pos bya/ /rang dang sgrub pa'i grogs dag gis//tsan+dan dkar po dang bsres pa'i/ /sA lu btab pas spang bar bya/ /thig gnyis kyang ni gdab par bya/ /tshangs pa'i thig gi logs gnyis su/ /sum cu rtsa gnyis gdab par bya/ /slar yang de yi dbus gdab pas/ /thig rnams drug cu rtsa bzhi'o//de rnams dbus su de mnyam pa/ /slar yang de rnams su gdab bya/ /mdor na 'khor lo bzhi po la/ /nyis brgya lnga bcu rtsa drug go/ /kun nas dum bu bcu drug las/ /tshon rtsi yis ni ri mo bya/ /lhag ma sgo yi tshad du ni/ /dbus ma'i pad+ma la sogs bya/ / 'on kyang dbus kyi pad+ma der/ /sor ni bcu gnyis bya ba yin/ /'khor lo gsum ni bzhi po la/ /dum bu gsum gsum bya ba yin/ /dum bu re re la ni khru/ /gnyis gnyis mkhas pa rnams kyis bya/ /gzhan yang phra mo gdab pa rnams/ /'di ru brjod kyang mi rtogs pas/ / lag tu blang rim las shes bya/ /de nas dgongs ka'i dus su rang nyid mkha' 'gro rgya mtsho'i rnal 'byor sngon du song bas dkyil 'khor la bdud rtsi dang ldan pa'i dri zhim pos gtor zhing yi ge gsum brjod par bya'o/ /de nas lha thams cad kyi gnas su bdud rtsi dang bcas pa'i dri zhim pos thig le bya'o//de nas rang rang gi sngags brjod cing me tog gi tshom bu dgod par bya'o/ /de nas gtso bo'i gnas su raM yongs su gyur pa las nyi ma'i dkyil 'khor de'i steng du hUM sngon po de yongs su gyur pa las rdo rje sngon po rtse lnga pa lte bar nyi ma la hUM bsams te de las 'khor lo bcu gnyis spros te/'gro ba dag pa byas te de nyid kyi rnam par byas pa dang / gdod ma nas grub pa'i sangs rgyas thams cad bkug ste zhugs pa yongs su gyur pa las lha thams cad dus gcig tu bskyed do/ /go cha yang byas te de nas de nyid kyi thugs ka'i sa bon gyi 'od zer dang bdag nyid kyi lus ngag yid gsum gyi sbyor bas oM badzra maN+Dal hUM dzaHye shes sems dpa' dgug par bya'o//oM badzra kI li kI la gu h+ya maN+Dal hUM/ zhes bya bas gzhug par bya'o/ /oM badzra tsakra a d+hi tiSh+Tha sid+d+h+ya hUM/ /zhes bya bas byin gyis brlab par bya'o//de nas lha thams cad kyi sngags ma lus pa brjod la yang byin gyis brlab par bya'o/ /dbang bskur ba dang rigs kyi bdag pos rgyas gdab par byas te/ mchod pa lnga la sogs pa nas phyi'i mchod pa'i khyad par thams cad dang / lha mo brgyad dang bcu drug spros la mchod par bya'o/ /de nas rdo rje dril bu 'dzin pas bstod pa ma lus par bya'o/ /chang dang bdud rtsir bcas pa pad+ma'i snod bzang po la gnas pa la gtor ma sbyong ba'i cho gas sbyangs te lha thams cad kyi sngags brjod cing tshim par bya'o/ / de ni lha lhag par gnas pa'o// //de nas bum pa skyon thams cad dang bral zhing yon tan thams cad dang ldan pa la slob ma'i rim pas rgyud kyi bye brag kyang shes par bya te/ lha'i grangs dang mnyam pa'am/ /ji ltar bsdus pa yang rung ste thams cad dkar por byugs la gtso bo rnam par rgyal ba la pad+ma dang nyi ma la rdo rje dang gri gug go//gzhan lhag ma rnams la pad+ma dang ro'i steng du gri gug go/ /bskal pa bzang po pa rnams la pad+ma dang zla ba la gnas pa'i chos 'chad pa'i phyag rgya'o/ /sa ha de ba dang / bri ha ti dang / kaN+Da ka ri dang /daN+Dot+pal dang / rnam par rgyal ba dkar po ste sman lnga dang / gro dang / 'bras so ba dang / til dang / ma sha dang / nas te 'bru lnga dang / gser dang dngul dang byi ru dang mu men dang mu tig ste rin po che lnga dang / dri chen dang dri chu dang byang chub kyi sems dang / khrag dang sha tshon po ste bdud rtsi lnga la sogs pa de rnams nang du bcug ste dri zhim po'i chus bkang la/mya ngan med pa dang byang chub shing dang a mra dang n+ya gro d+ha dang u dum+WA ra'i yal gas kha brgyan te ras bzang po zung gcig gis ma lus pa bcings pa/ ku sha'i stegs la rnam par rgyal ba'i bum pa ni gtso bo'i mdun du'o//lhag ma dkyil 'khor la bskor la gzhag go/ /rnam par rgyal ba'i bum pa mi dmigs pa las baM dkar po yongs su gyur pa las rin po che'i bum pa'o/ /de'i nang du hrIHsna tshogs pa'i mdog can yongs su gyur pa las sna tshogs pad+ma'o/ / de'i lte ba'i nyi ma la cho ga gsum gyis lha thams cad bskyed de/ ye shes sems dpa' bstims la snyoms par zhugs pas chu'i ngo bor gyur pa las dri zhim po dang ldan pa me tog dang bcas pa'i dung steng du bzhag pa las chu cung zhig nang du blugs te gtso bo'i snying po stong phrag gcig dang brgya rtsa brgyad bzlas so//lha rnams kyi brgya rtsa brgyad kyang bzlas te de yang rdo rje me tog gi phreng ba btags pa steng du bzhag nas so/ /de nas mchod pa dang bstod pa dang bdud rtsi myang ba yang bya'o/ /bum pa lhag ma thams cad ming gi yi ge dang po las cho ga gsum gyis bskyed pa la sogs pa gong bzhin du bya'o//las thams cad par ro langs la gri gug bris te dum skyes ma bskyed la de'i sngags brgya rtsa brgyad bsngags te/ mchod bstod bdud rtsi myang ba byas la phyi'i shar sgo'i byang du bzhag ste 'di skad brjod par bya'o/ /ji srid dkyil 'khor byas pa yi//de srid bya ba ma rdzogs par/ /bcom ldan 'das ma khyod kyis ni/ /bdag gi gdug pa bsad par mdzod/ /ces brjod par bya'o/ /de nas dkyil 'khor gyi shar sgor gtor ma shin tu rgya chen po gtang bar bya'o/ /dkyil 'khor gyi byang phyogs su rgyas pa'i thab tu me lha tshim pa'i rjes su lha rnams rang rang gi sngags brjod pas dkyil 'khor nas me tog gis spyan drangs la tshim par bya'o//de nas rang gi sngags brjod pas me tog gis dkyil 'khor du zhugs par bya'o/ /lhag ma sbyin sreg gi cho ga las rgyas par shes par bya'o/ /de ni bum pa lhag par gnas par zhar la byung ba dang bcas pa'o// //slob ma dang cing gus ldan pa/ /bsnyen gnas legs par bzung ba yis//yan lag dri yi chus bkrus la/ /maN+Dal byas nas phyag byas te/ /me tog bcas pa'i thal sbyar bas//pus mo g.yas pa sar btsugs la/ /bla mas 'di skad brjod par bya/ /kha cig gsang sngags grub don gnyer/ /dkyil 'khor 'dir ni 'jug par byed/ /bsod nams 'dod pas de las gzhan/ /gzhan dag 'jig rten mchog don gnyer/ /'jig rten mchog don gnyer ba yi//dad pa mang du byed pa yis/ /blo ldan dkyil 'khor 'jug bya yi/ /tshe 'di'i 'bras bu 'dod mi byed/ /tshe 'di 'dod par gyur pa la/ /'jig rten pha rol don gnyer skyed/ /'jig rten 'di yi 'bras bu rgyas/ /de nas slob ma gus ldan pas/ /bla ma la ni 'di skad brjod//khyod ni ston pa dpa' chen po/ /rdo rje phag mo bdag sbyor ba/ /mgon po chen po bdag 'tshal lo/ /byang chub chen po'i tshul brtan pa/ /de nyid dam tshig bdag la stsol/ /byang chub sems kyang bdag la stsol/ /sangs rgyas chos dang dge 'dun te/ / skyabs gsum dag kyang bdag la stsol/ /thar pa chen po'i grong mchog tu/ /mgon po bdag ni gzhug tu gsol/ /zhes brjod par bya'o/ /de nas slob ma mi dmigs par byas te cho ga gsum gyis gtso bo'i gzugs su bskyed de/ sku gsung thugs byin gyis brlabs la mdun du bzhag la 'di skad brjod par bya'o//bu tshur shog cig theg chen gyi/ /cho ga sngags kyi spyod pa'i tshul/ /khyod la yang dag bshad par bya/ /khyod ni tshul chen snod yin te/ /rdzogs pa'i sangs rgyas gang 'das dang / /de bzhin gang dag ma byon dang / / da ltar byung ba'i mgon po gang / /'gro la phan phyir bzhugs pa ste/ /de dag kun gyi gsang sngags kyi/ /cho ga bzang po 'di mkhyen nas/ /dpa' bos byang chub shing drung du/ /thams cad mkhyen pa mtshan med brnyes/ /gsang sngags sbyor ba mnyam med de/ /skyob pa shAkya seng ge yis//bdud sde shin tu mi bzad pa/ /stobs chen dag kyang de yis bcom/ /'jig rten rjes mthun rtogs nas ni/ /'khor lo bskor nas mya ngan 'das/ /de bas kun mkhyen thob bya'i phyir/ /bu yis blo gros 'di gyis shig /rtog pa dag ni spangs nas su//bzang po brtson pa'i yid kyis nyon/ /ma lus brjed med blo gros la/ /rdo rje sems dpa' la sogs kyi/ /bde gshegs rnams kyis byin gyis brlabs/ /zhes spro ba bskyed par bya'o/ /de nas sdig pa bshags sogs bya/ /slob dpon dgongs su gsol/bdag ming 'di zhes bya ba dus 'di nas bzung ste ji srid byang chub snying po la mchis kyi bar du bla na med pa yang dag par rdzogs pa'i sangs rgyas sku gsum du rnam par bzhugs pa la skyabs su mchi'o/ /bla na med pa nges par 'byung ba chen po can gyi chos la skyabs su mchi'o//bla na med pa phyir mi ldog pa can gyi byang chub sems dpa'i tshogs la skyabs su mchi'o zhes lan gsum du brjod par bya'o/ /slob dpon bdag la dgongs su gsol/ bdag ming 'di zhes bgyi ba dus 'di nas ji srid thog ma med pa 'khor ba nas 'khor ba na sdig pa can gyi las bgyi ba dang /bgyid du stsal ba dang bgyis pa la rjes su yi rang ba de dag thams cad sangs rgyas dang byang chub sems dpa' rnams kyi mdun du so sor bshags par bgyi'o/ /phyogs bcu'i de bzhin gshegs pa dang rdo rje dang nor bu dang pad+ma dang las kyi rigs su bzhugs pa thams cad bdag la dgongs su gsol//bdag ming che ge mo zhes bya ba de bzhin gshegs pa dang / rdo rje dang nor bu dang pad+ma dang las kyi rigs su bzhugs pa thams cad dang snying po dang phyag rgya dang / gsang sngags dang rig pa'i lha thams cad kyi mdun du sdig pa thams cad bla na med pa'i bshags pas sangs rgyas bcom ldan 'das kyis mkhyen pa bzhin du so sor bshags par bgyi'o//chos kyi dbyings ma lus pa dang mnyam par son pa'i bsod nams thams cad la rjes su yi rang bas rjes su yi rang ngo / / gang yang phyogs bcu'i 'jig rten gyi khams su chos kyi 'khor lo bskor ba/ de rnams bla na med pa'i theg pa chen po'i chos kyi 'khor lo rab tu bskor bar gsol ba gdab par bgyi'o/ /gang yang chos kyi 'khor lo bskor ba de rnams sems can gyi khams de srid du mya ngan las mi 'da' bar gsol ba gdab par bgyi'o//bdag gi dge ba'i las rnams 'di dag gis/ /'jig rten 'dir ni myur du sangs rgyas 'gyur/ /'gro la phan phyir chos rnams ston bgyid de/ /sems can sdug bsngal mang pos gzir las grol//zhes brjod par bya'o/ /de nas snying po'i sngags byin rlabs/ /ba yi dri chus yongs su brlan pa'i/ /rdo rje sems dpa' dang bcas phyag/ /snying gar sngags rig pas bzhag nas/ /byin gyis brlab dang de nas phyis/ /sngon bzhin du ni go cha bya/ /ji ltar nyer spyod lnga rnams kyis//de rnams so sor mchod byas na/ khaN+Da ro has mngon bsngags pa'i/ /dri zhim chu yis lus byugs la/ /me tog dkar po rtse mor bcing / /lo ma dang bcas u dum sogs/ /mngar po so yi shing bu ni/ /ji srid sor bcu gnyis tshad can/ /de rnams lag tu byin te gnas//shar du phyogs pas bkur bar bya/ /dum skyes ma yis mngon bsngags pas/ /chu yis kha bshal byin nas ni/ /so shing ltung ba rnams kyis ni/ /dngos grub rgyu rnams shes par bya/ /de nas sngon bshad gnas bzhag nas/ /de rnams lag pa'i lo ma ru//yi ge gsum gyis mngon bsngags pa'i/ /yang dag mchod nas ku sha sbyin/ /de nas phyis ni sngags 'di yis/ /dri zhim po la bsngags nas ni/ /'thungs pas sdig pa zhi don du/ /bdud rtsi lnga yi chu sbyin bya/ /de la sngags ni 'di yin no/ / oM hrIHbi shud+d+ha d+har+m+maHsarba pA pa ni tsA s+ya bi sho d+ha ya bo kalpA na a pa na ya hUM lan gsum du'o/ /de rnams slar yang bsrung don du/ /yi ge gsum gyis bsngags pa yis/ /skud pa mdud pa gsum byas nas/ /dpung pa g.yon par bcing bar bya/ /go cha drug ni byas nas su/ / de bzhin slar yang gnas gsum du/ /de rnams srung ba mchog byas nas/ /'di lta'i chos kyang bstan par bya/ /'jig rten du ni kun mkhyen rnams/ u du m+WA ra'i me tog ltar/ /brgya lam na ni res 'ga' zhig /'byung 'gyur yang ni mi 'byung ngo / /gsang sngags spyod pa'i tshul 'byung ba//des bas kyang ni dkon pa ste/ /gang gis sems can mnyam med don/ /mya ngan mi 'da' byed par nus/ /bskal ba bye ba du ma ru/ /sdig pa byas par gyur pa gang / /de kun dkyil 'khor 'di 'dra ba/ /mthong bas byang bar 'gyur yin na//grags pa mtha' yas sngags spyod pa'i/ /tshul la gnas pa smos ci dgos/ /gang dag spyod pa mchog 'di la/ /blo gros shin tu mi g.yo ba/ /de dag gis ni ngan 'gro'i rgyun/ /sdug bsngal kun 'byung rab tu bcad/ /bdag nyid chen po khyed rnams kyis//rnyed pa mnyam med de ring rnyed/ /gang phyir rgyal ba sras bcas pa/ /bdag nyid chen po kun gyis ni/ /bstan pa 'di la khyed rnams kun/ /yongs su bzung ste skye bzhin pas/ /de phyir khyed rnams theg chen la/ /sang ni rab tu skye bar 'gyur/ /theg pa chen po cher 'byung ba'i//lam mchog 'di ni dpa' dang lnga/ /khyed rnams 'dir ni dang bas na/ /de bzhin gshegs pa rnams su 'gyur/ /rang 'byung skal ba chen po pa/ /'jig rten kun gyi 'dren pa yi/ /yod dang med pa rnam par 'das/ /nam mkha' bzhin du dri ma med/zab mo rtog ge thams cad kyis/ /rab tu brtag med rnyog pa med/ /spros pa thams cad dang bral ba/ /spros pa rnams kyis ma spros pa/ /bya dang las la sogs dang bral/ /bden pa gnyis la brten pa yi/ /ye shes mchog dang gtso 'di yi/ /tshul la gnas par gyur pa yin//zhes bya ba brjod par bya'o/ /de nas yang slob ma rnams kyis 'di skad brjod par bya ste/ phyir mi ldog pa 'khor lo'i dbang / /byin nas mgon pos bdag la gsungs/ /dkyil 'khor lha yi de nyid dang / /slob dpon gyi ni las rnams dang / / sangs rgyas rnams kyi dam tshig dang / /gsang ba'i sdom pa bla na med/ /sems can rnams kyi don byed phyir/ /rtag tu bdag ni slob dpon gyur/ /zhes lan gsum brjod par bya'o/ /de nas slob dpon gyis brjod par bya/ /'khor lo bcu gnyis dkyil 'khor che//mkha' 'gro rgya mtsho kun bzhengs pa/ /dpal he ru ka'i drin gyis gsungs/ /zhes bya de nas smra ba ni/ /rmi lam ji ltar rnyed pa yang / /bdag gi mdun du smra bya'o/ /zhes bya ba ni yang brjod nas/ /slob ma nyal sa bzang por btang / /slob ma yon tan ldan pa de//dkyil 'khor gyi ni sar zhugs nas/ /sgom pa sogs dang bzlas byas nas/ /lce la zla ba'i steng gsal ba/ /AHlas 'od dpag med pa ni/ /rang gi lha mo rang phyag 'khyud/ /'di dmigs byas nas de'i snying gar/ /AHyi yi ge mdzes pa dgod/ /sgrub pa po yi sngags 'di yis//legs par byin brlabs lce de la/ /oM pad+ma sa rAd+tha ti sur+ya mA ba hA ya hrIH zhes pa bya'o/ /ga bur a rur bsres pa yi/ /de nas bdug spos blangs nas ni/ /dkyil 'khor pa dang sangs rgyas ni/ /de rnams la nyer snyan gsan dbab/ / phyogs bcu rdzogs pa'i sangs rgyas ni/ /sras bcas 'jig rten la grangs dang / /rdo rje rin chen rigs dang ni/ /pad+ma las kyi rigs de bzhin/ /snying po phyag rgya sngags rigs pas/ /gang zhig lha yi tshogs thams cad/ /chos kyi dbyings la bzhugs pa ni/ /de rnams bdag la dgongs su gsol//bdag ming 'di zhes bya ba dang / /mkha' 'gro rgya mtsho dpa' mchog gi /ji ltar nus pa'i nyer spyad kyis/ /dkyil 'khor bri bar bya'o kye/ /slob ma rnams la brtse don dang / /khyed rnams la yang mchod pa'i phyir/ /rjes su brtse bas nyer dgongs la//nye ba nyid du mdzad par rigs/ /zhes bya brjod pas legs mchod de/ /de bzhin dkyil 'khor steng du ni/ /dkyil 'khor thams cad ma lus pa/ /sngon bzhin nam mkha' la bzhag nas/ /dkyil 'khor pa de rnams kyang ni/ /dag pa'i shel dang 'dra ba la/ / 'od kyi dkyil 'khor 'bar ba rnams/ /dkar po'i rgyan gyis brgyan pa rnams/ /khang pa brtsegs par legs dmigs nas/ /zla ba'i zer dang mnyam pa'i 'od/ /lha mo rnams dang yang dag ldan/ /zhi ba'i dpal khrag 'thung de bzhin/ /rang snying hUM gi 'od rnams kyis/ /legs bltas yang dag bkug byas nas//rang gi lus la gzhug byas te/ /de yi kha sbyar gyur pa na/ /bsrub dang bsrub pa'i sbyor ba yis/ /dpa' bo sogs kyang sngon bzhin du/ /rang gi lus la gnas byas nas/ /dkyil 'khor sa la nyal bar bya/ /de bzhin du ni yang gsungs pa//gtso bo'i slob ma dang bcas pa/ /yon tan rgya mtsho'i bye brag shes/ /ye shes dkyil 'khor la bltas nas/ /dkyil 'khor sa dang nye bar nyal/ /zhes so/ /de rnams ni lhag par gnas pa'i cho ga'o// //de yi rjes su slob dpon ni/ /lha rnams kyis ni rab bskul nas//gnyid las sad par gyur nas ni/ /rang la bcug pa'i dkyil 'khor yang / /phye nas nam mkha' la dmigs te/ /de bzhin glu dang sgra la sogs/ /spos la sogs pas mchod byas nas/ /slob ma bos la rmi lam dris/ /ngan na sbyin sreg la sogs bya//de nas ye shes thig gdab ste/ /gzhon nu ma byas skud pa'am/ /de bzhin dpa' bo'i rin gyis nyos/ /skra shad sogs med legs dag pa/ /dkar po la sogs kha dog lnga/ /gtso bor byas la yang dag par/ /thig skud lnga ni bsgril bar bya/ /sboms su sgo las nyi shur ni//gcig gis ma tshang tshad can no/ /de ni mdud par mi 'gyur phyir/ /shing la sogs la dkris byas te/ /gser la sogs pa'i snod bzhag nas/ /dri dang me tog yang dag brgyan/ /rigs lnga'i sa bon yi ge gsum/ /swA hAr spel la thig skud ni/ /so so rang rang la bsams nas//ye shes pa yi tshul gyis ni/ /de bzhin sangs rgyas kun rang bzhin/ /dpal he ru ka de bzhin dpal/ /rang gi lha mo rnams dang ldan/ /hUM gi yi ge 'ba' zhig las/ /thig skud la bsams blo ldan pas/ /sku gsung thugs ni gzugs nyid phyir//thams cad kyi 'dir cho ga gsungs/ /thun mong du ni mnyam don du/ /ye shes lnga yi rang bzhin bya/ /mig dag la ni dzaHyig gi/ /ser po nyi zla dag bgod nas/ /oM dI p+ta dr-iSh+Ti ku shi dzaH/ zhes brjod lcags kyu'i rnam pa yis//spros pa'i 'od zer sprin tshogs dang / /de nyid slar yang brjod par bya/ /dpal he ru ka sogs kun de/ /'bar ba'i lta bas bltas pa yis/ /lha la mchod pa byed bzhin pas/ /brtul zhugs can gyis 'di ltar bskul/ /'khor lo'i skud pas rab tu gsol//bdag gi rdo rje skud par shog /'ba' lta'i lcags kyus drangs rnams kyis/ /dpal he ru ka sogs rjes gnang bas/ /rang nyid skud pas rang lag gis/ /sgrub pos skud pa kun dag bya/ /oM a n+yo n+yA nu ga tA sarba d+harmaHoM pa ra spa rA nu pra biSh+Ta sar+b+ba d+harmAH oM a t+yan+tA nu pra baShiH sarba d+harmAH/'di brjod nas ni de la don/ dngos po bzhin du mngon byas nas/ /g.yog dang bcas pa'i sgrub pa pos/ /sngags 'di bzlas shing bsgril bar bya/ /sngags ni oM hrIHha ha hUM hUM phaT/ bsgril nas de nas yang dag par/ /de la gser la sogs snod du//me tog spos sogs kyis yang dag /sngon bzhin legs par mchod byas nas/ /mig gnyis ma Ta dag gis ni/ /sngon bzhin nyi zlar bltas nas ni/ /rdo rje'i khu tshur bcings pa nyid/ /brtan par byas la sngags bzlas bya/ /sngags ni oM badzra sa ma ya sU trAM mA te kra ma hUM/brgya rtsa brgyad du bzlas nas ni/ /yi ge gsum gyi stong phrag gcig /slar yang dkyil 'khor sa gzhi la/ /kun nas nye bar byugs byas nas/ /me tog rnams kyis legs brgyan te/ /mkhar gnas rdo rje mchod yon dbul/ / lha mo rnams kyis legs mchod de/ /gtor ma chen po byin nas ni/ /blo ldan dkyil 'khor thig gdab bya/ /de nas yi ge bdun pa'i sngags/ /rang gi yid kyis bzlas par bya/ /rang dpal he ru kar gyur nas/ /lhan cig byed pa bskul bya ba/ /dum skyes rang bzhin du byas te//mngon sum yang dag byin brlabs nas/ /rdo rje'i khu tshur bteg bzhag nas/ /skud pa de ni g.yon pas bzung / /grogs po'i lag par brkyang byin nas/ /phyogs kun dag ni mnyam par bya/ /oM dzaHdzaHdzaHni brjod bzhin du/ /de nas grogs pos bskul bar bya//des kyang lag g.yon khu tshur gyis/ /legs par bzung nas de bzhin brjod/ /rgyab kyis 'gro bas skud drangs te/ /ji lta'i rim pas drang bar bya/ /dang po nub dang lho yi ni/ /sgo ru sgrub pa po gnas bya/ /shar dang byang du kha phyogs nas/ / lte ba'i phyogs su gzung bar bya/ /sngags pas lan ni gang byed pa/ /de bzhin sgrub po'i grogs mchog gis/ /yang ni g.yon nas bskor nas su/ /gsang sngags 'di ni brjod bzhin pas/ /oM badzra sa ma ya sU trAM mA ti kra ma hUM/ de bzhin shar du kha bltas nas//de yi sa la brkyang nas ni/ /tshangs pa'i thig gnyis yang dag par/ /mnyam par gzhag pas rab brkyang bya/ /sngags pas thig ni 'debs pa na/ /de bzhin gshegs rnams de yi sgras/ /ma lus nam mkha' khyab pa ni/ /de ltar lan cig tu ni bskul/ / 'dir ni sems can don dus la/ /bab ces rnam par bsam par bya/ /bskor ba yis ni der 'gro ste/ /slob dpon dang ni grogs po dang / /g.yon pa'i spyod pas gtso bo'i phyir/ /g.yon pa'i chog thams cad du'o/ /de ltar na yang ltos pa yis/ /rtogs par dka' bas g.yas skor bya//rlung dang dbang ldan grwar gnas nas/ /me dang bden bral kha bltas nas/ /sngags pas gru yi thig gnyis ni/ /ji lta'i rim pas rab drang bya/ /de nas me ru gnas pa nyid/ /de byang kha bltas de bzhin du/ /lte ba'i phyogs su bltas nas ni//de la dbang po'i phyogs gdab bya/ /de nas rang nyid rlung gi ni/ /phyogs su gnas nas sngon bzhin du/ /sngags pas lho ru mngon 'phags pas/ /chu lha'i phyogs ni gdab par bya/ /de nas de nyid gnas pa de/ /shar du mngon phyogs yang dag gnas/ / bskor ba yis ni 'gro byas te/ /mkhas pas lus ngan du gdab bya/ /me yi phyogs su gnas pa ni/ /nub tu mngon phyogs de bzhin du/ /gshin rje ru ni thig gdab bya/ /de nas gru bzhi par 'gyur ro/ /de nas mkhas pas mchod la gzhag /ye shes thig skud gshegs su gsol//de nas sngon po la sogs tshon/ /gser la sogs pa'i snod bzhag ste/ /bkang nas cho gas brtsam par bya/ /tshon lnga'i rang nyid skud pa la/ /hUM las dkyil 'khor gyi gdab po/ /kun du 'khor lo legs ldan pa/ /bsams nas de la thim par bsgom//nyi ma'i dkyil 'khor bsam par bya/ /gzhan du oM yig gis sbar bas/ /bden pa'i byin rlabs dag gis ni/ /ji srid rdul tshon rnams 'bar bya/ /rdul tshon mang po gang gis ni/ /bden pas sems can rjes chags pas/ /bden po de yis rdul tshon ni//mngon par 'bar bar 'gyur bar shog /rab tu sbyor ba'i stobs goms pa'i/ /stobs kyis gang 'bar zhes byar shog /de nas yi ge gsum gyis kyang / /brgya rtsa brgyad du bzlas par bya/ /oM badzra tsi tra sa ma ya hUM/ zhes bya brgya rtsa brgyad du'o/ / yang dag mchod mas de nas phyis/ /legs mchod bdag po'i 'byor ldan pas/ /bla med shes rab blangs nas ni/ /rang gi dril bu'i sgra rnams kyis/ /mtshan ma ngan sogs gang yin te/ /bsal nas de nas rim pa yis/ /tshon rtsi dgye ba'i dus su ni/ /ye shes thig ni nam mkha' la//rtsa ba'i sngags brjod nas bteg ste/ /bri ba zin nas phab la bstim/ /dbus su tshon gyi thig le dkar/ /dkar po'i cig shos shar 'dab tu/ /ljang gu g.yon pa'i 'dab ma la/ /de bzhin dmar po rgyab 'dab la'o/ /g.yas kyi 'dab mar ser po dgod//de ltar thig le lnga pa'o/ /lag pa g.yon pas reg nas ni/ /gsang sngags 'di ni brjod par bya/ /oM badzra raM ga sa ma ya oM AHhUM/ khu tshur g.yon pas dbang ldan nas/ /ri mo rab tu dbab par bya/ /phyi nas ji ltar bde ba yi/ /dkyil 'khor na gnas slob rnams kyis//dkar po dmar po ljang gu dang / /ser po nag po de bzhin mchog /phyi la sogs pa'i tshon rtsi rnams/ /rab rnams su rab tu grags/ /ji ltar phye ba'i de'i tshad las/ /sbom min phra ba min de bzhin/ /'khyog min yongs su 'khor bar ni/ / mkhas pas ri mo dbab par bya/ /de bzhin du ni yang gsungs pa/ /sbom po yis ni nad du 'gyur/ /phra ba yis ni nor 'dzad byed/ /yon pos sdang bar rab tu grags/ /chad pa yis ni 'chi bar 'gyur/ /gzhan yang gsungs pa/ sbom po yis ni pho ba'i nad/ /phra ba yis ni zad par 'gro//de la sogs pa'i rkyen rnams su/ /bla ma slob ma dag la 'gyur/ /dkyil 'khor khru ni drug pa la/ /sboms su mthe'u chung tshad du 'dod/ /dkyil 'khor kun gyi thun mong du/ /sgo yi nyi shu cha nyid do/ /tshon dgyed pa yi dbye ba rnams/ / mngon rtogs rim pa las shes bya/ /'on kyang dbus kyi mtshan ma ni/ /rdo rje dang ni gri gug go/ /thod pa rnams la thod pa ste/ /lhag ma rnams la gri gug go/ /chos 'chad phyag rgya bskal bzang po'i/ /dkyil 'khor bri ba'i dus su ni/ /rlung la sogs pa byung ba ni/ /de phyir don dam pa can gyi//byang chub sems ni bsgom par bya/ /yang na ral gri'i rtse mo'i char/ /bse shing 'bras bu las byung ba'i/ /snying po'i sa bon phaT bris nas/ /sngags rig pa yi phyi rol du/ /stobs po che yi 'gying bas sam/ /mkha' 'gro rgya mtsho'i 'byor ldan pas//ral gri de yis sprin la sogs/ /rlung la mngon par phyogs dpas ni/ /phaT ces bya ba brjod bzhin du/ /lan cig khro bo'i lus kyis ni/ /mtshon cha'i tshul du mngon par bya/ /sangs rgyas yin yang nyams par byed/ /'jug pa dang ni 'byung ba na/ /gtor ma byin la bcag par bya//de nas mtshon gyi phye ma ni/ /gnas min pa ru ltung ba rnams/ /ras la sogs pas phyis nas ni/ /yi ge brgya pa bzlas pa yi/ /dri zhim chu yis dbang ldan nas/ /brtsam la phyi nas bsang gtor bya/ /de nas tshon gyi lhag ma rnams/ /ye shes pa gshegs gzhan du gzhag /de nas dkyil 'khor kun 'khor bar/ /bdug spos rnam pa mang po dang / /mar me'i phreng dang mchod pa gzhan/ /sna tshogs me tog phreng ba rnams/ /bla re'i steng nas dpyad par bya/ /de nas dkyil 'khor dbus su ni/ / lag g.yon yang dag reg byas nas/ /dkyil 'khor bdag po'i gsang sngags kyis/ /lan bdun du ni bzlas par bya/ /nyi ma dgongs ka de nyid la/ /rang nyid lha bsgom sngon song bas/ /gar shes bud med rnam ldan pa'i/ /glu dang sgra la sogs kun gyis/ /sangs rgyas zhing du rnam gnas pa//sangs rgyas kun dang 'khor thams cad/ /nam mkha'i phyogs su bzhugs rnams dang / /dkyil 'khor pa rnams legs mchod de/ /'di ltar bskul zhing spyan drang bya/ /phyogs ma lus kun rnams bzhugs pa'i/ /sangs rgyas bdag la dgongs su gsol//rdo rje che bdag che ge mo/ /dkyil 'khor bdag gi brtag par bya/ /de phyir sangs rgyas kun gshegs la/ /deng bdag dngos grub rab tu gsol/ /de ltar brjod nas phyag byas te/ /thugs ka'i ye shes rdor hUM las/ /lcags kyu'i rnam pa'i 'od tshogs kyis//bcom ldan dpa' bo'i gtso bo ni/ /sprul pa gzugs kyis bzhugs pa la/ /kha sbyar gyur pa yang dag gnas/ /de phyir yang dag bskul bkug la/ /hUM gi yi ge la gzhug bya/ /nam mkhar gnas rnams dang lhan cig /dkyil 'khor pa kun rnam bsams nas//ji lta'i gnas su gcig byas pa/ /hUM gis byas par lan cig bsgom/ /ri mo la sogs rnams bkod la/ /de ltar rang gi dkyil 'khor gzhug /dkyil 'khor dgod pa'i rim pa ni/ /mngon rtogs las ni shes par bya/ /dkyil 'khor lha tshogs bkod nas su//sngags 'di dag ni brjod par bya/ /oM badzra be+e gA kra ma hUM/ yang na yi ge gsum dran bya/ /gal te rdul tshon ma nus na/ /dkyil 'khor dang mnyam ras la ni/ /sngar nas tshon gyis bri bar bya/ /gal te de yang ma nus na/ /de dang de gnas sngags bsgom bya//nges par he ru ka mgon po/ /phyag rgya bzhi dang ldan pa bri/ /cung zhig dkyil 'khor ma rdzogs par/ /de yi dus na yongs rdzogs 'gyur/ /lha yi 'khor lo rnams bkod nas/ /'di ltar spos la sogs pas kyang / /dkyil 'khor pa kun so sor ni/ / mngon du byas nas yang dag mchod/ /gtso bo'i rnal 'byor dmigs byas nas/ /khro bo hUM zhes brjod pa yis/ /me tog phreng ba legs bzung nas/ /hUM zhes yang dag brjod bzhin du/ /sngags pas dkyil 'khor du zhugs te/ /g.yas dang g.yon pa'i sbyor ba yis/ / blta zhing dril bu bskyod byas nas/ /lan gsum du ni bskor bar bya/ /bskur ba'i me tog phreng blangs nas/ /brtul zhugs can gyis slar la yang / /rang gi mgo la bcing bar bya/ /khro bo'i lta stangs yongs ldan pas/ /nub la sogs pa'i sgo bzhi ru/ /gnas nas yi ge gsum brjod bya//shar la sogs pa'i sgo bzhi ni/ /mos pas yid kyis dbye bar bya/ /sgo 'byed pa'i sngags ni/ oM badzrA+od g+ha Ta ya sa ma ya pra be+e sha ya hUM phaT/ de nas bdud rtsi lnga ldan pa/ /dri yi chu dang yang dag ldan/ /dpal he ru ka'i mdun du ni/ /dung phor bzhag nas de nas yang //sngags pa rig ma dang bcas pa/ /de bzhin dkyil 'khor du zhugs nas/ /de nas rjes gnang blangs nas ni/ /rang nyid byin gyis yang dag brlab/ /rang gi ming ni brjod nas su/ /yang ni spyi bos phyag bya'o/ /'og nas 'byung ba'i cho ga 'dis//ji bzhin lha rnams yang dag bskul/ /ma lus 'gro ba'i rang bzhin mngon du mdzad pa rnams/ /rang nyid byung ba mtha' yas srid pa'i rang bzhin rnams/ /ma lus pas btud snod kyi snying po rnams/ /sa kun ma lus snying po gcig rnams 'dir spyon cig / de ltar sngags bdag nyid kyis bskul/ /blo dang ldan pas yang dag dgug /hUM bzhi pa yi gsang sngags kyis/ /dpa' bo kun gyi sngags kyis kyang / /sngags ni oM sum+b+ha ni sum+b+ha hUM/ oM gr-ih+Na gr-ih+Na/ oM gr-ih+NA pa ya gr-ih+NA pa ya hUM/ /oM A na ya hoH b+ha ga wA na badzra rA dza hUM phaT//sngags pa gsang sngags zlos bzhin pas/ /rang nyid hUM las nges 'thon pa'i/ /'od zer rnams kyis bkug pa rnams/ /nam mkha'i phyogs nas byon pa ni/ /de rnams rab tu bzhad zhal rnams/ /rang rang gis dngos grub byin nas/ /sems can kun la bde rab gsol//'khor lo'i mngon phyogs byon nas ni/ /steng du yang dag bzhugs bsam bya/ /rdo rje dril bu legs blangs nas/ /de nas sngon gsungs bstod pa'o/ /bcom ldan brtan par byon pa ni/ /bshes gnyen gyis ni nye bar gnas/ /bsgom pa'i de nas thams cad ni//rang rang gzugs la rab gzhug bya/ /phyag rgya bzhis mngon rgyas gdab par/ /lha yi 'khor lo la bya'o/ /rnam pa kun gyi mchog ldan zhing / /rang rang mdog dang phyag mtshon cha/ /sprul pa'i sku yi gzugs kyis ni/ /phyag rgya chen por rab tu grags//de yi dbang ni snyoms 'jug pa/ /sgom don de yi bdag nyid can/ /ma mo'i gzugs ni bzung ba yis/ /shes rab dam tshig tu ni dran/ /byang chub sa bon rdzogs pa gang / /zhing dang byed rgyu'i bdag nyid can/ /de bzhin nyid mtha' legs dag pa/ /chos kyi phyag rgya zhes brjod do//sems can phung po ma lus pa'i/ /rdzogs pa'i byang chub thob byed ma/ /rdo rje pad+ma'i rtse ba yis/ /las kyi phyag rgya zhes grags so/ /'on kyang lha mo rnams de bzhin/ /dga' rol dam tshig tu ni dran/ /rang gis 'bad rtsol skad cig rgya/ / las kyi phyag rgyar de bzhin 'gyur/ /phyag rgya bzhis mngon rgyas btab nas/ /rim pas rgyas btab de bzhin du/ /rang gi lha mos dpa' dbang la/ /dpa' bo rnams la gtso bo yis/ /dbang bskur mngon par sbyin par bya/ /bsam gtan legs mnyam gzhag rnams kyis/ / sems can don byed la brtson pas/ /spros nas de nyid la gzhug bya/ /phan tshun shin tu dbyer med pa'i/ /gzugs ni thams cad du dmigs nas/ /dkyil 'khor bdag po'i gsang sngags ni/ /nyi shu rtsa gcig bzlas par bya/ /de nas dkyil 'khor grub par ni/ / 'gyur ba la ni the tshom med/ /gtso bo'i gsang sngags bzlas pa yi/ /rnam rgyal bum pa de nas ni/ /de nyid kyis ni mdun bzhag nas/ /lhag ma sngags kyis bsngags pa rnams/ /de rnams khyer nas 'khor lo yi/ /mkhas pas tshon gyi phyi rol du/ /grwa bzhir ji ltar 'dod pa yis//mtshan ma ldan de rnams dgod bya/ /de nas mchod yon sogs byin nas/ /g.yas pa'i pus mos gnas nas ni/ /spos la sogs pas legs mchod nas/ /slar yang yig gsum byin brlabs pa'i/ /las kun byed pa'i bum pa yis/ /snod gcig tu ni bsang gtor bya//dam tshig btung ba la sogs dang / /bldag dang gzhibs pa'i zas rnams kyi/ /de nas yi ge gsum gyis ni/ /mngon par bsngags te 'di yis kyang / /oM sarba bid pU ra pU ra su ra su ra a brta ya hoHzhes bya bas kyang ngo / /dpa' bo rnams la so sor ni//bum pa la ni gos zung dbul/ /rnam par bkra ba'i gos zung ni/ /bzang po gtso bo la dbul bya/ /de nas ji ltar nus pa de/ lnga las nyung ba mi bya'o/ /sngags pas lha rnams so so la/ /nyer spyod lnga rnams kyis mchod bya/ /de yi sngags ni 'di rnams so/ / oM puSh+paM pra tI ts+tsha swA hA/ oM d+hU paM pra tI ts+tsha swA hA/ oM dI paM pra tI ts+tsha swA hA/ oM gan+d+haM pra tI ts+tsha swA hA/ oM b+ha k+taM pra tI ts+tsha swA hA/ lha dang dbyer med pa gzugs kyis/ /pi wang ma sogs tshul gyis ni/ /gsang sngags 'di ni brjod bzhin du/ /blo dang ldan pas sngon bzhin mchod/ / oM sarba ta thA ga ta hA s+ya lA s+yA ra ti kr-i DA sau khya a nu t+ta ra pU dza me g+ha sa su dra s+pha ra Na sa ma ye hUM/ gdugs dang rgyal mtshan ba dan sogs/ /gal te 'byor na mchod rnams kyis/ /glu dang rol mo gar sogs bcas/ /dgod dang sgeg dga' spro rnams kyis/ /phyi dang gsang ba'i bye brag gam//mchod pa'i rigs kyi tshogs rnams kyi/ /brtul zhugs can gyis yang dag mchod/ /de bzhin du yang gsungs pas na/ /'di ni mchog gi mchod pa ste/ /yid kyi dga' bas 'gugs par byed/ /de phyir kun brtags rnal 'byor gyis/ /rang nyid kyang ni mchod par bya//zhes so/ /'chad par 'gyur ba'i sngags 'di ni/ /lan gsum du ni mchod de gnas/ /mchod pa kun gyi rang bzhin gyis/ /mchod pa rnam pa sna tshogs bsgom/ /sngags ni/ oM a nu t+ta ra pU dza me g+ha sa mud+d+ha we s+pha ra hi maM ga ga na khaM hUM phaT swA hA/de nas dman dang chad pa yi/ /skyon ni bsal bar bya ba ste/ /bzlas dang bsam gtan bstod byas nas/ /ji ltar de bzhin mkhyen par gsol/ /chos kyi dbyings kyi byin rlabs dang / /dam tshig kyang ni dran pa yis/ /snying rje yis ni sems can don/ /dngos grub thams cad mdzad du gsol//zhes so/ /de yi sgo nas phyir 'thon nas/ /bcom ldan lhan cig 'ongs pa yi/ /phyogs bdag dbang po sogs kun la/ /ngag gis nye bar snyan gsan dbab/ /de la ngag ni 'di yin te/ /gang du bcom ldan 'das lhan cig / 'ongs pa'i phyogs kyi bdag po rnams/ /gang yang rjes su 'breng bcas 'dir/ /gnas pa de dag thams cad rnams/ /bdag ni rjes gzung ba'i phyir/ /ji ltar rig par gyur pa 'di/ /dri dang me tog sogs gtor ma/ /so sor bzhes te sems can la/ /byams pa'i sems dang slob ma la//bgegs med par ni mdzad du gsol/ /zhes so/ /de nas der gnas la 'di ltar/ /chu khyor gsum gyis mchod yon sbyin/ /nye bar spyad pa lnga blangs la/ /bdud rtsi lnga dang ldan gtor ma/ /yig gsum mngon par bzlas pa yis/ /de nyid brjod pas sbyin par bya//mchod pa sbyin par byas nas ni/ /phyogs kyi gtor ma byin de nas/ /de nas dri zhim yan lag bkrus/ /rnam pa sna tshogs kyis brgyan nas/ /dang po lha rnams tshim bya'i phyir/ /zhi ba yi ni sbyin sreg bya/ /de la 'di yi cho ga 'di/ /ji ltar dman shes btsun mo blang //rang gi lha mo'i dbyings su bsam/ /de yi dkyil 'khor gyi nang du/ /gnas nas dbang ldan snyoms 'jug nyid/ /snying gar ye shes kyi ni lha/ /gnyis ka la yang legs bsams nas/ /thab khung ha las skyes de bzhin/ me 'bar lta bu'i dbus su ni//lce ni hUM las skyes de bzhin/ /rnam par bsams nas mar bsres pa'am/ /mar khu chen pos mchod pa ste/ /bdud rtsi lnga la sogs ldan pa/ /blo ldan ston mo'i sbyin sreg bza'/ /phan tshun 'khor lo'i thab khung 'dir/ /bde bas ma tshim bar du bsreg /gang gis 'di ltar mi bzod pa/ /de tshe phyi rol sbyin sreg 'dod/ /zhi ba'i sbyin sreg cho ga yis/ /byas nas de ni legs par bsdu/ /'on kyang gsang ba'i cho ga yis/ /mthun pas nye bar 'gyur ba yin/ /de bzhin lha rnams phyi rol gyi/ /sbyin sreg gis ni 'gro ba yin//de nas phyi dang gsang rnams kyi/ /mchod pa rnams kyis legs par mchod/ /de nas rang sems brtan bya'i phyir/ /dkyil 'khor po rnams so so ru/ /bdag la mngon sum du byas nas/ /slob ma rnams la rjes brtse'i phyir/ /thams cad mnyes nas gzigs par bsam//de yi rjes su slob dpon ni/ /rang gi rig ma dang bcas drangs/ /mdor bsdus pa yis legs blangs te/ /thog mar gsum la skyabs 'gro sogs/ /byang chub sems ni rab bskyed de/ /de nas dkyil 'khor du 'jug bya/ / de'i rim ji ltar 'di shes bya/ /blo ldan bsdus pa'i cho gas so/ /dkon mchog gsum la skyabs su mchi/ /sdig pa thams cad so sor bshags/ /'gro ba'i dge la rjes yi rang / /sangs rgyas byang chub yid kyis gzung / /oM sarba yo ga kA ya wA ka tsit+ta mu t+pA da ya mi she Sha na a ba she Sha satwa d+hA tu hi ta su khot+ta ma sid+d+hi ma he shwa rA ya rA dza/me tog phreng ba lag blangs te/ /lag gnyis thal mo sbyar bar bya/ /blo ldan dkyil 'khor 'jug bya ste/ /sngags 'di brjod bzhin pa yis so/ /a khaM bI ra hUM ma/ oM badzra shrI he he ru ru kaM hUM hUM phaT/ DA ki ni dzA la sa m+ba ra zhes bya bas/ /gtso bo'i slob dpon dag gis ni/ /dpa' bo'i dbang phyug gzugs bzung nas/ /de phyir 'jug pa'i dus su ni/ /de tshe slob mas 'di ltar brjod/ /oM pr-i dra sh+ya b+ha ga bA na ma hA mo k+Sha pu raM pa ra ma sarba sid+d+hi su khaM ra myaM ba ra ma su kho t+ta ma sid+d+h+ya dzaHhUM baM hoHsid+d+h+ya d+ya/gnyis zhugs nas ni phyag byed cing / /de yi rol zhing dga' bas bskor/ /de ltar phyag bya de nas phyis/ /bskor ba gsum ni bya ba yin/ /slar yang de nas mdun du 'dug /'di yang sngags pas brjod par bya/ / rgyud gzhan las ni rab grags gang / /de nyid bdag de lhan cig brjod/ /'dod chags chen po bde ba che/ /rdo rje chen po nor chen po/ /ye shes chen po las chen po/ /rdo rje sems dpa' rab bsgrub 'gyur/ /zhes bya ba'o/ /bdud rtsi lnga yi chu 'thungs nas/ /de nas snying ga zla dkyil la//AHyig dmar po bsam byas nas/ /de rjes byed pa'i 'od rnams kyis/ /yan lag nying lag kun bkang ste/ /brtul zhugs can gyis de brjod bzhin/ /dpa' bo'i dbang phyug rjes zhugs nas/ /dpa' bos yang dag byin gyis brlabs/ /rdo rje phag mo de bzhin du//btsun mo yang dag byin brlabs par/ /bsams nas tiSh+T+ha badzra zhes/ /yi ge brgya pas brtan par bya/ /de nas phyi nas phreng ba dang / /lag gnyis thal sbyar la gnas pas/ /blo ldan dkyil 'khor du bskur bya/ /gsang sngags 'di ni brjod par bya//oM pa ra ma su khA ya la li ta bi lA sa na mA mi/ /b+ha ga wA na a khaM bI ra hUM tI ts+tsha ku su mA ny+dza liM nA thA hoH/ phreng ba bcing ba sogs byas nas/ /he ru ka dpal phyag byas te/ /shes rab ye shes dbang la sogs/ /lung bstan pa yang thams cad du/ /rdo rje'i brtul zhugs mthar thug par//mdor bsdus pa yis thams cad blangs/ /'chad par 'gyur ba'i rim nyid kyis/ /rig dang lhan cig byas nas ni/ /byed 'gyur rjes su gnang byas te/ /rang gi 'dod pas bsgoms de nas/ /rdo rje'i gar dang nyer spyod sogs/ /mchod pas yang dag mchod byas nas//dam tshig gsum gyi glu rnams gang / /snyan pa'i sgra rnams kyis de bzhin/ /yang dag mchod byas de nas phyis/ /de la glu 'di bla med pa'o/ /nam mkha' las ni skyes pa'i phyir/ /thog ma tha ma med pa'i mchog /dam tshig sems dpa' rdo rje che//rdo rje sems dpa' deng bdag grub/ /dngos grub chen po kun gyi mchog /dbang phyug chen po lhag pa'i lha/ /rdo rje 'chang ba kun gyi rgyal/ /mi 'gyur mchog tu bdag grub 'gyur/ /nyes pa mi mnga' rtag pa ni/ /'dod chags kun gyi rjes chags pa/ /'dod chags chen po dga' ba che//bcom ldan de nyid grub par mdzod/ /shin tu dag pa kun gyi mchog /gdod nas grol ba de bzhin gshegs/ /kun du bzang po kun bdag nyid/ /byang chub sems dpa' bdag 'grub shog /dngos grub chen po kun gyi mchog /dbang phyug che mchog phyag rgya ldan//grub pa'i rdo rje cher bstod pa/ /rdo rje snyems bdag phyag 'tshal lo/ /de nas slob ma 'jug don du/ /mkhas pas 'di ltar mkhyen par gsol/ /bdag ming che ge zhes bya yis/ /he ru ka dpal slob dpon che/ /sangs rgyas byang chub sems kun gyis//gsungs pa'i cho ga dag gi ni/ /phun sum tshogs pa'i cho ga yis/ /sems can don ni bdag gis bgyi/ /de la rjes gnang stsol mdzod la/ /sangs rgyas byang chub sems rnams kyis/ /bdag la nye bar mdzad du gsol/ /de nas de rnams kyis rjes gnang //bdag gi rjes su bsam par bya/ /tshigs su bcad pa 'di nyid kyis/ /bden pa'i byin rlabs brjod par bya/ /sems can kun gyi yid khyab pa/ /sems can kun gyi snying la gnas/ /sems can kun gyi yab kyang nyid/ /dam tshig mchog rnams kyi sku mchog/ byung dang 'byung bar 'gyur ba yi/ /de bzhin gshegs rnams khyed kyis sgrub/ /bden pa 'di yis bdag mgon po/ /'dod pa khyod kyis rdzogs par mdzod/ /bden pa'i byin gyis brlabs phyi nas/ /blo dang ldan pas 'di mchod bya/ /chos kyi dbyings kyi byin rlabs dang / dam tshig kyang ni dran pa yis/ /brtse bas sems can kun gyi don/ /dngos grub kun phyir mdzad du gsol/ /zhes bya'o/ /de nas slob ma dbang bskur 'os/ /de bzhin rang gi rig dang bcas/ /sngar bshad pa yi sngags nyid kyis/ /dpal ldan he ru ka gzugs kyi/ /yig gsum yang dag byin gyis brlab//rgyan thams cad kyis brgyan pa dang / /rnam par bkra ba'i gos ni gyon/ /de phyir gtsug tor bgos pa can/ /gdong g.yogs ne tra sogs byin nas/ /legs pa yon ni byin pa yis/ /rang gi rig ma bcas byas nas//de yis phyag ni bya ba yin/ /thog mar re zhig shar sgo ru/ /thal mo sbyar ba byas nas su/ /de nas rab tu brkyang byas nas/ /gus pas 'di dag brjod par bya/ /oM sarba ta thA ga tA pU dzA+o pas+thA na yA t+ma naM nI R+YA ta yA mi sarba ta thA ga tA k+Sho b+h+yA b+hi tiSh+Tha swa mAM/ zhes bya ba'o/ / brjod nas lus ni thams cad kyis/ /de nas rab tu 'dud bya'o/ /bcom ldan snying gar rab zhugs par/ /yid kyis yongs su brtag par bya/ /de bzhin du ni lho yi sgor/ /de lta'i thal sbyar snying gar ni/ /byas nas de bzhin gsang ba'i dbang / /rin chen 'di yis brjod par bya//oM sarba ta thA ga ta pU dzA dz+ha She kA yA t+ma naM nI r+yA ta yA mi sarba ta thA ga ta rat+na sam+b+ha bA b+hi Sha ny+tsI d+hi tiSh+Tha swa mAM/ /zhes bya'o/ /'di ltar brjod cing dpral ba yis/ /blo dang ldan pas phyag bya'o/ /rin chen 'byung ldan rdo rje yis/ /de la dbang bskur rab brtag bya/ /de nas nub kyi sgo ru ni//de bzhin thal sbyar spyi bo ru/ /byas nas 'di skad brjod bya ste/ /mchod pa'i chos ni rab bskor ba'o/ /oM sarba ta thA ga ta pU dza pra brta na ya At+manaM ni R+YI ta yA mi sarba ta thA ga ta a mi tA b+ha wa pra brta ya mAM zhes so/ /'di skad brjod bzhin kha nyid kyis/ /de nas rab tu 'dud bya'o//'od dpag med kyi rang bzhin gyis/ /de yi mthu stobs gyur brtag bya/ /de bzhin byang gi sgor 'dug nas/ /snying gar thal mo sbyar byas te/ /dngos grub kun gyi gzhir gyur pa'i/ /gsang sngags 'di ni brjod par bya'o/ /oM sarba ta thA ga ta pU dza karma Ne At+ma naM nIr+yA ta yA mi sarba ta thA ga ta a mo g+ha sid+d+hi ku ru mAM zhes bya'o//'di skad brjod cing mgo bo yis/ /blo dang ldan pas phyag bya'o/ /don yod grub pa gsang ba yi/ /mchod pa'i thugs legs ldan bsam bya/ /bskyod med dngos phyir mi bskyod pa/ /bcom ldan dpa' bo 'dren pa po//rin chen kun gyi 'byung gnas phyir/ /de nyid rin chen 'byung ldan no/ /de nas chos ni mtha' yas pa/ /de bzhin 'od dpag med de brjod/ /dngos grub thams cad ster ba'i phyir/ /don yod grub pa zhes byar grags/ /de thams cad kyang rig byas pas//'on kyang 'di ltar mdor bsdus pas/ /mkha' 'gro ma sogs mchog rnams kyis/ /byin gyis brlabs par bsam byas nas/ /me tog bcas lag gis bla mar/ /de yis kyang ni phyag byas te/ /shar sgor mngon phyogs pas gnas nas/ /'di skad gus pas brjod par bya//dam tshig de nyid bdag la stsol/ /sdom pa yang ni bdag la stsol/ /rdo rje'i rigs kun bsdus pa la/ /slob dpon chen po bdag gzhug mdzod/ /phyir mi ldog pa'i dbang bskur ba'i/ /skal pa chen po bdag la stsol/ /dus gsum bzhugs rnams sangs rgyas kyi//sangs rgyas byang chub go 'phang mchog /slob dpon chen po bdag la stsol/ /mtshan nyid dang ni dpe byad dang / /nam mkha'i 'od sogs yang dag ldan/ /sangs rgyas sku ni yid 'ong ba/ /mgon po chen po bdag la stsol/ / dbang bskur ba ni rmad byung che/ /sems can kun gyi don brtson pas/ /rtag tu bdag ni slob dpon 'gyur/ /de yi sgo la mngon phyogs pas/ /de bzhin slob dpon gyis gnas te/ /gang zhig rig kun mkhyen pa gsol/ /de la rim pa 'di yin te/ /bdag ming 'di zhes bya ba yis//byang chub sems ni yongs bzung dang / /gsang ba'i dkyil 'khor 'dir 'jug cing / /dam tshig sdom pa nod par 'tshal/ /dkyil 'khor kun gyi dpa' bo la/ /gus pa yis ni gsol btab pa/ /de ltar slob ma la brjod de/ /de nas gzhan yang slob ma la//gsang ba chen po'i rigs dge ba/ /gsang chen yongs su bzung ba ru/ /bdag nyid chen po khyod 'dod dam/ /bdag ni 'dod par bya'o zhes/ /de ltar byas nas de nas phyis/ /rigs lnga'i dam tshig brjod par bya/ /sangs rgyas chos dang dge 'dun te//rin chen gsum gyi dam tshig bsten/ /de ltar sangs rgyas rigs dag la/ /sdom pa brten par gyur pa'o/ /rdo rje dril bu phyag rgya dag /blo gros chen po khyod kyis gzung / /byang chub sems gang de rdo rje/ /shes rab dril bu zhes bshad do/ /slob dpon dag kyang gzung bar gyis//bla ma sangs rgyas kun dang mnyam/ /'di ni rdo rje rigs dag pa'i/ /dam tshig sdom pa yin par gsungs/ /rin chen rigs mchog chen po yi/ /nyin dang mtshan mo lan gsum du/ /zang zing mi 'jigs chos dang byams/ / sbyin pa rnams bzhi rtag sbyin bya/ /phyi dang gsang ba theg pa gsum/ /khyod kyis dam pa'i chos gzung bya/ /'di ni pad+ma'i rigs dag pa'i/ /dam tshig sdom pa mchog yin no/ /las kyi rigs mchog chen po la/ /sdom pa thams cad ldan par ni/ /rang gi de nyid so sor gzung //mchod pa'i las kyang ci nus kyis/ /gzhan yang bcu bzhir bshad 'di rnams/ /phas pham pa zhes bya bar grags/ /rtsa ba'i ltung bar shes bya ste/ /nyin lan gsum dang mtshan lan gsum/ /nyi ma re rer 'don par gyis/ /rdo rje'i spun rnams bshes nyid pas//rnal 'byor rnams la bsnyen bkur bya/ /spang zhing dor bar mi bya ste/ /ji ltar nus pas yang dag spyad/ /theg pa dman la 'dod mi bya/ /'khor ba yongs su mi spang zhing / /rtag tu myang 'das la mi dga'/ /gsang ba gsum gyi lha rnams la/ brnyas pa nyid du mi bya'o/ /phyag rgya bzhon pa mtshon cha dang / /mtshan ma 'gom par mi bya'o/ /srog chags gsad par mi bya zhing / /ma byin mi blang nyid du bya/ /'dod log spyad par mi bya zhing / /brdzun gyi tshig kyang smra mi bya/ /bya ba ma yin thams cad spongs/ / sems can don la rgyab mi phyogs/ /legs pa yis ni nye bar gnas/ /rnal 'byor gsum la bsnyen bkur bya/ /lus kyi las ni rnam gsum dang / /ngag gi las ni rnam bzhi dang / /yid kyi rnam pa gsum dag ni/ /ji ltar nus pas rjes su skyongs/ /'di dag dam tshig yin par gsungs//khyod kyis da lta nyid nas srungs/ /des kyang 'di skad ces bya ste/ /slob dpon 'dir ni bdag la gsol/ /gtso bos ji ltar bka' stsal pa/ /de ltar du ni bdag gis bgyi/ /de nyid 'di yi phyi nas ni/ /'di nyid rim pas sdom pa sbyin/ / gang yang phyogs bcu'i 'jig rten gyi khams mtha' yas mu med pa na bzhugs pa'i de bzhin gshegs pa dgra bcom pa yang dag par rdzogs pa'i sangs rgyas thams cad la phyag 'tshal lo/ /mgon po sangs rgyas rnams dang ni/ /de sras bdag la dgongs su gsol/ / bdag ming 'di zhes bya ba 'di/ /dus 'di nas ni rab bzung ste/ /byang chub snying po mchis kyi bar/ /ji ltar dus gsum mgon po rnams/ /byang chub tu ni nges mdzad pa'i/ /byang chub sems ni bla med pa/ /dam pa bdag gis bskyed par bgyi/ /sangs rgyas rnal 'byor sdom pa la//tshul khrims kyi ni bslab pa dang / /dge ba'i chos ni sdud pa dang / /sems can don byed tshul khrims gsum/ /bdag gis brtan por gzung bar bgyi/ /sangs rgyas chos dang dge 'dun te/ /bla na med pa'i dkon mchog gsum/ /ding nas brtsams te gzung bar bgyi//nam du yang ni mi spang ngo / /rdo rje'i rigs mchog chen po yi/ /rdo rje dril bu phyag rgya dag /yang dag nyid du gzung bgyi zhing / /slob dpon dag kyang gzung bar bgyi/ /rin chen rigs mchog chen po yi/ /dam tshig yid du 'ong ba la/ /nyin re bzhin du dus drug tu//sbyin pa rnam bzhi rtag tu sbyin/ /byang chub chen po las byung ba'i/ /pad+ma'i rigs mchog dag pa la/ /phyi dang gsang ba theg pa gsum/ /dam pa'i chos ni gzung bar bgyi/ /las kyi rigs mchog chen po la/ /sdom pa thams cad ldan par ni//yang dag nyid du gzung bgyi zhing / /mchod pa'i las kyang ci nus bgyi/ /byang chub sems ni bla med pa/ /dam pa bdag gis bskyed bgyi zhing / /sems can kun gyi don gyi phyir/ /bdag gis sdom pa ma lus gzung / /ma grol ba ni bdag gis dgrol/ /ma bsgral ba ni bdag gis bsgral//dbugs ma phyin pa dbugs dbyung zhing / /sems can mya ngan 'das la dgod/ /oM sarba ta thA ga ta yo ga kA ya bA ka tsit+ta muT+rA dayA mi shi Sh+ya na ba she Sha sa tra d+hA tu hi ta su khot+ta ma sid+d+ha aT+ya n+Ta b+ha wa sid+d+hi ma he shwar+yad+tipa r+ya tsa ya/ zhes bya'o//'di yis slob ma byang chub sems/ /bla na med pa bskyed byas nas/ /snying gar rdo rje bzhag nas ni/ /snying po 'di ni brjod par bya/ /su ra ta sa ma ya s+t+waM hoHsid+d+ya badzra ya thA su khaM zhes so/ /'di yis slob ma la bskyed pas/ /'dod pa thams cad 'grub par 'gyur/ / sa ma ya s+t+waM sngags kyis ni/ /me tog phreng ba 'bad bas gzung / /de ni slob dpon gyis bcug nas/ /yang ni 'di ltar mkhyen par gsol/ /bdag ming che ge zhes bya ba'i/ /rdo rje slob dpon dka' thub che/ /sems can kun la phan pa'i phyir/ /slob ma rnams ni gzhug par bya//dkyil 'khor snying po 'di nyid du/ /ye shes rdo rje thob bya'i phyir/ /de bzhin gshegs kun grong khyer du/ /bdag gis slob ma gzhug par bya/ /a khaM bI ra hUM/ zhes brjod pas/ /slob ma rab tu gzhug par bya/ /de nas phyi nas 'di skad dag /dam tshig skyong ba can smra bya//deng khyod de bzhin gshegs pa thams cad kyi rigs su zhugs kyis ngas khyod la rdo rje'i ye shes bskyed par bya'o/ /ye shes gang gis de bzhin gshegs pa thams cad kyi dngos grub kyang thob par 'gyur na/ /dngos grub gzhan lta smos kyang ci dgos/ / khyod kyis dkyil 'khor ma mthong ba rnams la brjod par ma byed cig dam tshig nyams par gyur ta re/ lag pa g.yas pas rdo rje ni/ /spyi bor bzhag la 'di skad brjod/ /'di ni dam tshig rdo rje ste/ /gal te la lar khyod 'di smra/ /khyod kyi spyi bo 'gas par byed/ /rdo rje snying bzhag 'di brjod bya//rdo rje sems dpa' rang nyid ni/ /khyod kyi snying la yang dag zhugs/ /gal te tshig 'di smras na ni/ /de ma thag tu dral nas gshegs/ /de nas bdud rtsi lnga ldan pa'i/ /chu ni thod par gnas pa la/ /snying po lan cig yongs bzlas pas/ /'thung du gzhug par bya ba ste//badzro da kaM zhes bya ba'am/ oM AHhUM ngo / /de nas blo ldan gyis 'di brjod/ /'di ni khyod kyi dmyal ba'i chu/ /dam tshig 'das na sreg par byed/ /dam tshig bsrungs na dngos grub ster/ /rdo rje bdud rtsi'i chu 'thungs shig /rdo rje dril bu phyag rgya ni/ / dkyil 'khor med la gal te smra/ /skye bo tshogs nang gnas nas ni/ /ma dad bzhad gad kyis ma yin/ /deng tshun chad khyod kyi mkha' 'gro rgya mtsho nga yin gyis/ /ngas 'di gang gyis shig ces bsgo ba khyod kyis bya dgos so/ /khyod kyis nga la brnyas par ma byed cig /ya nga ba ma spangs par tshe'i dus byas nas dmyal bar ltung bar gyur ta re/yang slob mas 'di brjod par bya ste/ de bzhin gshegs pa thams cad kyis byin gyis rlobs la dpal rdo rje mkha' 'gro rgya mtsho bdag la dbab tu gsol/ /'di ni dam tshig rdo rje ste/ /mkha' 'gro rgya mtsho zhes byar grags//ye shes rdo rje bla med pa/ /de ring bdag la dbab tu gsol/ /de tshe rdo rje bab ces bya/ /'di skad rtag tu brjod bya'o/ /gal te babs par ma gyur na/ /de nas rdo rje slob dpon gyis/ /de'i snying zla ba kha sbyar la/ /mkha' 'gro rgya mtsho bsgom par bya/ / rdo rje pad+ma'i ting 'dzin gyis/ /de dag gdab pa las byung bas/ /AHyig dmar po'i 'od rnams kyis/ /de yi lus kun kun nas dgang / /de nyid yang dag brjod pa yis/ /sngar bzhin du ni rjes 'jug bya/ /slob ma rjes su gzung ba de/ /rig dang lhan cig bsam par bya//de nas nges par babs pas ni/ /yang dag byin brlabs su 'gyur ro/ /de nyid ye shes de nas de'i/ /ye shes su ni yang dag brtsam/ /lce la dmar po'i AH yi ge /dgod par byas la de nas yang / /smros shig rdo rje zhes smras pas/ /dge dang mi dge nyid 'chad 'gyur//de nas yang ni der babs la/ /yi ge brgya phyed ba rnams kyis/ /brtan par byas nas de nas phyis/ /yang dag byin rlabs brtsam par bya/ /tiSh+Tha badzra dr-i D+ho me b+ha wa shA shwa to me b+hA wi hra da yaM me a d+hi tiSh+Tha sarba sid+d+him+me pra yats+tsha sarba karma su tsa me ci tsit+taM shre yaHku ru hUM ha ha ha ha hoH/zhes bya ba'o/ /dkyil 'khor 'di ru yang dag par/ /bdag gi slob ma bcug pa la/ /ji lta'i bsod nams de bzhin shog /lha rnams kyi ni rigs kyi rim/ /gang gi rigs kyi snod yin pa/ /gang 'dra 'di yi dngos grub 'gyur/ /gang 'dra'i bsod nams rjes mthun pa'i//de 'dra dkyil 'khor 'dir gyur cig /sngags brjod pa yi tshig gis ni/ /me tog phreng ba dor bar bya/ /'phangs pa'i me tog phreng ba ni/ /lha yi gnas la babs shes bya/ /oM pra bi sh+ya ku laM ma hA ba laM/ /zhes bya 'di yi phreng ba de/ / blangs nas su ni de nas yang / /bden pa'i byin gyi rlabs 'di ni/ /sngags pa mkhas pa yis bya'o/ /chos rnams gzugs brnyan lta bu ste/ /dag cing gsal la rnyog pa med/ /gzung du med cing brjod du med/ /rgyu dang las las kun du skye/ /bden pa 'di yis dkyil 'khor du//gzugs brnyan lta bur slob ma ni/ /gsal zhing sdig med mthong bar shog /de nas mig gnyis zla ba la/ /oM mo snying gar zla ba las/ /bdag po yang dag dmigs byas nas/ /de yis mig bltas 'od rnams kyis/ /dkyil 'khor gyi ni lha rnams kyi//spyan dang dbyer med rang bzhin du/ /yang dag dmigs nas de nas phyis/ /mig gnyis la ni legs btus te/ /yang ni 'jug par byas nas ni/ /de yi bcings pa dgrol bar bya/ /mig 'byed pa yi gsang sngags 'di/ /ji lta ba ni brjod par bya/ /oM badzra DA mkha' 'gro rgya mtsho deng spyod kyi sogs so kA r+Na' swA yaN+te t+ya/tsa k+Shu rud+g+ha Ta na taT+par/ ung+g+ha Ta ya ti sarbA k+Sho/ /badzra tsak+Shu rA nu t+ta ra/ zhes bya'o/ /gdong bcings pa nyid bkrol byas nas/ /lan cig tu ni dri bar bya/ /khyod kyi mig gis ci mthong gyur/ /ji lta ba de nges par smros/ /dkar dang ser dang de bzhin dmar//ljang gu dang ni nag po nyid/ /zhes bya'i dngos grub de shes nas/ /dkyil 'khor bstan pa smra bar bya/ /kye rdo rje ltos shig ces bya'o/ /de ltar brjod nas slar 'di brjod/ /da ni dad pa rab tu bskyed/ /dkyil 'khor bzang po 'di la ltos/ /sngags dang phyag rgyas byin gyis brlabs//sangs rgyas rnams kyi rigs su skye/ /mthong bas dngos grub thams cad 'ong / /phun sum tshogs pa mngon du 'gyur/ /dam tshig bsrungs la dngos grub ste/ /khyod kyis sngags rnams la brtson bya/ /ji ltar bsod nams dag stobs las/ dkyil 'khor mthong ba de nas ni/ /sna tshogs 'od zer 'phros pa yis/ /dkyil 'khor mthong bar the tshom med/ /de nas he ru ka dpal sogs/ /kun nas de yi dkyil 'khor pa/ /bstan nas de nas smra bya ba/ /lha yi de nyid brtsam par bya/ /gang zhig shrI gang bla med de'i//ru nyid kyang ni med pa yin/ /brjod dngos med las de rnams kun/ /dpal he ru ka zhes byar grags/ /rdor ye shes la dbyer med phyir/ /rtag tu sdig pa las sgrib dang / /'dod chags dman pa'i sbyor ba gang / /rdo rje sngon song can phag mo/ /mchog tu 'gro ba'i dang tshul phyir//mkha' 'gro ma zhes rab tu grags/ /de yi rigs lnga po'ang de 'dra'o/ /gang zhig rtag tu gdug za bas/ /lA ma zhes byar de bzhin dran/ /de rigs lnga po yang de 'dra/ /de bzhin shes bya gzhan gnyis kyi'ang / /dum bur byed cing bskyed pas kyang //dum skyes ma zhes bya bar brjod/ /sna tshogs pa yi gzugs 'dzin phyir/ /gzugs can ma zhes rab tu bshad/ /gzhan yang gtso bo'i rnam dag pa/ /bdun cu rtsa gnyis phyag rnams ni/ /rgyud dag par ni rnam par brjod/ /phyag bzhi rgod pa la sogs pa//bzhi po rnams ni dag par 'dod/ /zhal rnams dag pa'i dngos po ni/ /lhan skyes rdzogs byang chub bcu drug /bcu bdun pa yi zhal du bshad/ /srid dang mya ngan 'das zhabs gnyis/ /thams cad rgyan gyis dag pa ni/ /chos dang chos pa'i skye rnams so/ / lhag ma lha rnams thams cad kyi/ /so sor brjod par mi nus pas/ /'khor lo bcu gnyis dag pa yang / /gnas bcu gnyis dang sa bcu gnyis/ /rdo rje 'chang ba sgor gnas rnams/ /de rnam dag pa'i ngo bo yin/ /ye shes chos dang longs spyod rdzogs/ /sprul pa dag pas dkyil 'khor bzhi//yid kyi dkyil 'khor mchog yin pa/ /gang phyir dkyil 'khor yang dag bshad/ /ye shes chos dang longs spyod rdzogs/ /kun nas kun du mnyam pa'i phyir/ /zlum po'i dkyil 'khor gsum yin no/ /sprul pa kun du 'phrul rgyas pas//dkyil 'khor bzhi pa gru bzhi pa/ /yang na mtha' bzhi gcod phyir ro/ /rlung gnyis dbu mar 'dus pa las/ /sku gsum dang ni dga' ba bzhi/ /ye shes lnga rnam dag pa ni/ /dkyil 'khor bzhi rtsig la rim sbyar/ /bzhi po kun gyi thun mong gi/ /rnam dag rgyas par gsungs bshad bya//byin gyis brlabs pa'i thig yin phyir/ /mnyam pa'i tshad med pa las so/ /tshul khrims sdom pa bla med pa/ /rgyan gang yin par yang dag bshad/ /dad pa'i dbang po sogs can sems/ /rtsig pa lnga ru byung ba yin/ /rnam par thar pa rnam pa bzhi//gang gis sgor ni yang dag bshad/ /yang dag rab tu spong ba bzhi/ /rta babs kyi ni ka bar byung / /dran pa'i ye shes bzhi rnams ni/ /kha khyer bzhi ru dran par bya/ /rdzu 'phrul gyi ni rkang pa bzhi/ /sgo khyud rnam pa bzhi yin no/ /byang chub yan lag bdun phreng ba//ba dan me tog phreng bar brjod/ /rnam kun mkhyen nyid ye shes ni/ /ting 'dzin gnyis su brtags pa yin/ /lam gyi ye shes khyad par ni/ /rnga yab tu ni brjod pa yin/ /nyon mongs thams cad zad byed pas/ /de bzhin dra ba zhes brjod do/ /yang dag gcod pa'i rab 'phrog pa//tshogs gnyis kyis ni sbyor bas te/ /nyon mongs rnams kyis phyed phrog phyir/ /dra ba phyed pa zhes brjod do/ /sangs rgyas kun gyi khang chen rnams/ /dus thams cad du ka bar byung / /'phags pa'i lam gyi yan lag brgyad/ /ka ba brgyad ces bya bar dran//de yi dbus kyi pad+ma gang / /skyon gyis ma gos par ston to/ /'khor lo bcu gnyis bshad pa rnams/ /sa yi mi mthun phyogs spong ba'o/ /yang dag bshad pa'i rtsibs 'di rnams/ /nyon mongs nye ba'i nyon mongs sel/ /rdo rje la sogs phreng ba gang / /glo bur ba yi dri ma sel//cha shas bcu drug rnams kyi bar/ /dur khrod dag par shes par bya/ /dkyil 'khor dag pa thams cad kyang / /'khor bsdus ston pa po yin no/ /lhag ma 'jig rten khams kyis ni/ /rnam dag gsal dang mi gsal ba'o/ /sangs rgyas yon tan de dag kun//dkyil 'khor du ni brjod pa yin/ /sems can kun don brtson rnams kyis/ /rdzogs sangs rgyas kyi de nyid bstan/ /de nas bdag po'i sbyor ldan pas/ /dbang bskur de nas khu tshur gyis/ /ji lta'i sngags ni klog bzhin du'o/ /oM AHhUM badzrA b+hi Shiny+tsa/ de nas de yi mgo bor ni//ral pa'i cod pan khyab par bskon/ /gus pas dbu rgyan dbang bskur ba/ /de yis rjes mthun bsam par bya/ /de nas rang gi mtshan ma'i dbang / /lag pa dag tu sbyin par bya/ /sngags pas rang mtshan rjes 'gro ba/ /ji ltar sngags 'di brjod bzhin du'o//sangs rgyas kun gyi rdo rje'i dbang / /de ring khyod la bskur bar bya/ /'di de sangs rgyas thams cad kyi/ /dngos grub phyir na rdo rje la'o/ /kye dpal che ge mo rdo rje/ /de ltar gang gis 'di yi ming / /kyi sgra sngon du song bas bya/ /shes rab thabs kyi ting 'dzin yang //yang dag bstan bya de nas phyis/ /phyag rgya bzhi yi man ngag yang / /slob ma yis kyang de nas phyis/ /thal sbyar byas pas slob dpon la/ /gus pas phyag byas de nas ni/ /phreng ba bcing sogs kun bzung nas/ /de nas rdo rje'i brtul zhugs so/ /'di de sangs rgyas thams cad nyid//rdo rje sems dpa'i phyag na gnas/ /khyod kyis kyang ni rtag tu bcang / /phyag na rdo rje brtul zhugs brtan/ /de nas rdo rje bzung nas ni/ /sngags 'di dag ni brjod par bya/ /oM sarba ta thA ga ta sid+d+hi badzra sa ma ya tiSh+Tha e Sha twaM d+ha ra yA mi badzra satwa hi hi hi hi hUM zhes bya'o//brtul zhugs can gyis 'di brjod nas/ /de nas dril bu'i brtul zhugs sbyin/ /'di de sangs rgyas thams cad kyi/ /shes rab dbyangs kyi rjes 'gror bshad/ /khyod kyis kyang ni rtag tu bcang / /byang chub mchog tu rgyal bas bzhed/ /gang gi lha yis dbang bskur ba'i//gang de'i dngos grub the tshom med/ /gang rnams lha ni mngon byas pa'i/ /las rnams 'bras bu sgrub par byed/ /rig pa'i dbang gi chogs so/ /de ltar byas nas de nas phyis/ /'chad par 'gyur ba'i rim pa yi/ /cho ga yis ni yang dag bya//gdan ni pad+ma'i dkyil 'khor ro/ /de nas bdag po'i sbyor ldan pa'i/ /nga rgyal de nas byas nas ni/ /'chad par 'gyur ba'i cho ga yis/ /slob ma'i gtso bo gus pa yis/ /dbang bskur don du gsol gdab pa/ /byas nas yang ni de nas rang / / langs nas de nas slob ma des/ /pad zla la gnas bsam par bya/ /de nas rang lha'i bsam gtan gyis/ /byin gyis brlab pa la sogs gang / /de bzhin chu yi dbang bskur dang / /sngon du mkhas pa yis bya'o/ /khyad par du yang ji ltar 'dir/ /gtso bo'i bum pa'i chu rnams kyis//de sngags sngon du brjod pa gang / /rgyun mi 'chad par dbang bskur bya/ /ji srid rnam rgyal bum sogs kyis/ /khrag 'thung slob dpon thob bya'i phyir/ /oM AHhUM badzra a b+hi Shi ny+tsa zhes bya'o/ /rang gis gsang sngags klog bzhin du'o/ /de nas shes rab can gyi de//mgo bor cod pan khrag 'thung ldan/ /rdo rje'i phreng ba'ang rnam bsams nas/ /sngon bzhin du ni dbang bskur bya/ /de nas khro bo'i rdo rje sbyin/ /rdo rje'i dbang bskur du ni 'dod/ /rgyud gzhan las ni rab grags gang / /mkhas pas nge kho na 'di brjod/ / rtag tu 'dod chags las byung khro/ /rdo rje me yi phung po'i sku/ /'bar ba'i rdo rje rnal 'byor che/ /kun nas mkha' 'gro 'bar ba'o/ /zhes so/ /hrIHbdag po yi ni dbang bskur kyang / /dril bu byin nas de dkrol te/ /a kA ro mu khaM zhes bya sogs/ /de nas chos ni rab bstan bya/thams cad nam mkha'i mtshan nyid de/ /nam mkha' la yang mtshan nyid med/ /nam mkha' dang mnyam sbyor ba yis/ /thams cad mchog nyid bsgrub par bya/ /d+hIHyang na srid pa ngo bo nyid kyis dag /ngo bo nyid kyis srid bral byas/ /rang bzhin dag pa'i sems dpa' ni//srid pa'i mchog tu byed par 'gyur/ /de nas de bzhin mang bshad ba'i/ /dbang bskur ba yang byin nas ni/ /rig dang lhan cig tu bzhag nas/ /dam tshig rjes su bsgrags par bya/ /shin tu sla bas bder gyur dang / /sdug bsngal mang po zhi bya'i phyir/ /shin tu dam pa bde ba'i thabs//dam tshig 'di ni bde ba 'gugs/ /'dod pa kun gyi longs spyod kyis/ /ji ltar 'dod pa ster bar bya/ /rang gi lha yi sbyor ba yis/ /rang gzhan mchod pa nyid du bya/ /ji srid 'khor ba'i gnas 'dug pa/ /rtul phod mang por gyur pa yis/ / de srid sems can mnyam med don/ /mya ngan mi 'da' nus par gyis/ /gsang mchog dam tshig gi ni thabs/ /bsod nams byin rlabs kyis bsgrubs pas/ /dngos grub kun dbang phyug grub pas/ /sems can don ni rtag par gyis/ /phyag rgya'i dam tshig mngon par bshad//yid kyi sku ni brtan pa'i phyir/ /gang gis thams cad sku brtan pa/ /de yis phyag rgya rab tu grags/ /zhes so/ /de nas de bzhin nyer gnas nyid/ /rig ma slob ma yang dag ldan/ /yid dang rjes mthun zas la sogs/ /sna tshogs btung ba 'thungs nas ni/ / kha ni ga bur dris bsgo bya/ /lus la dri zhim po byas nas/ /phan tshun dgod pa la sogs dang / /dga' ro bde ba yang dag ldan/ /dbang gnyis yang dag legs sbyar ba/ /de yi dga' ba'i bde shar bas/ /de bzhin gshegs sogs thams cad kyis/ /bkra shis glu la sogs rnams kyis//bdag nyid la ni bskul bzhin par/ /rang gi rnam par bsam par bya/ /dbang bskur rdo rje chen po ni/ /khams gsum kun gyis phyag byas pas/ /gsang gsum gnas las byung ba ni/ /sangs rgyas kun gyis sbyin par bya/ /zhes so/ /de ltar brjod nas rdo rje las//pad+mar ltung khar legs par gzhug /a ho su khaM zhes bya brjod/ /rdo rje ye shes byung gang de/ /des kyang dgug par bya ba yin/ /'di ni shin tu gsang chen don/ /dbang bskur ba ni rmad byung che/ /rdo rje dang ni dril sgrogs pas/ /mchog tu dga' ba byed rnams kyis//de kho na nyid 'di brjod bya/ /dbang bskur ba ni rang la sbyin/ /gang de 'am dga' ba'i gzugs kyis snying la bde ba byed pa de yang kun du rtog pa tsam/ /gang yang chags bral rgyu yang de gnyis de yi srid pa'i rtse mo'i rgyu/ /ji srid brgya la yid la rnam par rtog pa 'phro ba spangs pa'i gzugs de srid//mya ngan 'das pa gzhan na cung zad kyang ni yod min yul ni rnam par rtog pa'i bdag nyid bsam pa'o/ /'di yi de nyid mi shes pa'o/ /slob ma rnams la bstan mi bya/ /blo ldan rnam par rtog med la//legs par sbas pa 'di sbyin bya/ /de nas de nyid la bzhag nas/ /mkha' 'gro ma sogs pas mchod de/ /sngon bzhin legs par mnyam gzhag pas/ /de nas rdo rje dril byin te/ /deng nas brtsams nas rnal 'byor pas/ /rgyud kun las gsungs rnams kyi yang //ma lus lus pa med pa yi/ /cho ga yis ni dkyil 'khor bri/ /ji ltar mngon par 'dod pa'i lha'i/ /rang gi 'dod pas 'jug pa nyid/ /rnal 'byor dmigs pa'i dngos grub ni/ /tha ma dang ni mchog dang 'bring / /phra mo yi ni las la sogs/ /ji ltar de rnams sgrub par byed//rang gzhan bshad pa'i dngos grub phyir/ /de yis 'grub par the tshom med/ /'di ni rdo rje slob dpon gyi dbang bskur ba'i cho ga'o/ /de ltar rdzogs pa'i slob ma la/ /rjes gnang dbang bskur bstan par bya/ /dkyil 'khor las phyir khru gnyis ni/ / dor bar de yi phyed can gyi/ /sgo thams cad kyi phyogs su ni/ /gru bzhi pa la sgo bzhi can/ /de'i dbus sna tshogs pad+ma ni/ /dkyil 'khor du bri de la ni/ /shin tu 'jam pa'i gnas 'dug ste/ /mkha' 'gro rgya mtsho'i dpal gzugs kyis/ /rang bdag pad+ma la gnas par/ / mnyam par gzhag pas bsgom par bya/ /de nas slob ma gus chen pos/ /yon gyi mchog ni phul ba yi/ /rang rig de bzhin phul byas nas/ /de las byung ba'i byang chub sems/ /mkha' 'gro ma sogs kyis mchod nas/ /de dang lhan cig bza' bar bya/ /slob dpon dbang po gnyis 'dzom la//phyag 'tshal ba yis gsol ba gdab/ /bdag ming rdo rje che ge mo/ /byang chub sems rnams sgom byed pa/ /slob dpon zhabs kyi chu skyes la/ /dbang bskur don du gsol ba 'debs/ /slob dpon go 'phang rmad byung ba/ /skal ba chen po bdag la stsol//dbang bskur rgyal ba rnams kyi ni/ /sangs rgyas byang chub rab sgrub pa/ /gang gis bdag sems can kun gyi/ /rnyog pa med pas don bya'o/ /khyod legs brtul zhugs bka' drin gyis/ /sangs rgyas kun don don bya'o/ /de ltar gsol btab blo ldan pas//de tshe slob dpon gyis de nas/ /yang dag bzhengs nas dbang bskur ba/ /de'i rim 'di yis brtag par bya/ /slob ma rang lha'i rnam pa ru/ /ji ltar sngon bzhin rdzogs byas nas/ /yig gsum byin gyis brlabs nas su/ /pad+ma la gnas rnam par bsam/ / slob dpon nus pa ldan pa'o/ /de yi dbang bskur grub bya'i phyir/ /sngon du bsnyen pa'i gsang sngags sam/ /de bzhin du ni yig gsum gyis/ /sngags pa'i yungs kar rnams kyis ni/ /gsang sngags lan cig zlos bzhin du/ /lha yi 'khor lo la brdeg bya/ / de nas lha rnams rang nyid ni/ /bkra shis glu yi sngags rnams dang / /dag byed bum pa'i chu rnams kyis/ /rig dang lhan cig langs rnams kyis/ /de yi bla med dbang bskur sbyin/ /med na bdud rtsis gang ba yi/ /bum pa la ni de bzhin brdeg /rgyal ba dag gis gsungs pa ltar//rang nyid la ni dbang bskur te/ /gal te nus pa med gyur na/ /rnam pa sna tshogs rgyal mtshan dang / /pi wang gling bu rnga la sogs/ /sna tshogs gos kyi tshogs rnams dang / /rin chen rgyal mtshan mchog rnams kyis/ /de bzhin gshegs rnams yang dag ldan/ / nam mkha' gang bar bsgom par bya/ /de nas de bzhin gshegs kun gyis/ /'dod chags chen po zhu ldan pa'i/ /de bzhin bdud rtsi lngas gang ba'i/ /mkha' 'gro ma sogs pas bdag nyid/ /yongs su bskor bar rnam par bsam/ /rnam par rgyal ba'i bum pa'i chu/ / bkra shis glu rnams dang bcas pas/ /gsang sngags 'di ni brjod bzhin du/ /slob ma 'di yis dbang bskur bya/ /oM ma hA su kha badzra satwa a b+hi She ka twaM a b+hi Shi ny+tsa mi sarba ta thA ga ta a d+hi pa ti nre na dr-i d+ho me b+ha ba sad+d+h+yi na ma ste b+ha ga bAn ma hA badzra d+ha ra su ra ta staM a haM badzra satwa oM AHhUM badzra a b+hi Shi ny+tsa zhes bya'o//dbang bskur nyid na gzhan rnams kyi/ /mkha' 'gro ma dang dpa' rnams kyis/ /lugs 'byung g.yon du bskor ba yis/ /sems can dbang ni bskur bzhin du/ /shis pa brjod pa bsam par bya/ /de nas dbu rgyan dar dpyang sogs//gsang ba'i mthar thug thog ma bzhin/ /shes rab ye shes dbang bskur ba/ /mkhas pas sbyin pa nyid du bya/ /stan de la ni rab bzhag nas/ /'di ni phra ba'i smra bas brjod/ /'di ni khyod kyis gzungs ma mchog /bsten byar sangs rgyas rnams kyis brtags//'khor lo'i rim pas sbyor ba yis/ /bde ba yang dag myong bar gyis/ /thabs gzhan gyis ni sangs rgyas min/ /'gro ba gsum po 'di yis dag/ /de phyir 'di dang mi 'bral zhing / /khyod kyis nam yang mi gtong ngo / /'di de sangs rgyas thams cad kyi//rig ma'i brtul zhugs bla na med/ /rmongs pas gang zhig 'da' byed na/ /de la mchog gi dngos grub med/ /ces brjod nas ni gtad par bya/ /me tog phreng dri gos brgyan nas/ /gos med pad+ma gsal bstan nas/ /de la 'di skad rim pas brjod/ /bu khyod kyang ni 'dod dam ci//dri chen dri chu sogs za zhing / /sha khrag khu ba de bzhin du/ /de bzhin gzhan yang bud med gus/ /b+ha ga'i pad+mo'o byed pa/ /bu khyod smros shig ci bde bar/ /zhes so/ /lha mo ci phyir bdag mi 'dod/ /khrag dang khu ba sogs za zhing / /bud med rnams la bdag gus bgyis//b+ha ga la yang 'o bgyid do/ /zhes brjod par bya'o/ /de nas dga' ste thabs kyi bzhin la blta zhing tsog por 'dug ste pad+ma shin tu gsal bar bstan te/ a ho bdag gi pad+ma ni/ /sangs rgyas kun gyis byin brlabs pas/ /gang zhig cho ga bzhin bsten na//de yi mdun na bdag gnas so/ /ji ltar pad+ma'i dgos pa nyid/ /yang dag sangs rgyas mnyes byed sogs/ /bde chen rgyal po rang nyid ni/ /'di nyid la ni yang dag zhugs/ /b+hany+dza mo k+Sha hoHzhes brjod par bya'o/ /de gnyis gtso bo gtso mo yi/ / rnal 'byor byas nas mkha' gsad ba/ /byin brlabs tsum+ba na sogs bya/ /pad+ma'i rtsa btsal sogs byas te/ /lhan skyes bde ba myong bar bya/ /de yang bdag gi bla ma ni/ /bag ma len pa'i rim pas mdzad/ /dga' ba rtogs par shes nas ni/ /bla ma slob mas 'di skad brjod//oM sarba ta thA ga ta a nu rA ga Na badzra swa b+hA ba At+ma kou0f85haM/ /'di yis mngon par dbang bskur bas/ /slob ma yon tan bdag por 'gyur/ /ji ltar nus pas bde ba bzung / /pad+ma ltung ba bza' bar bya/ /bde ba rtogs pa'i dus su ni/ /slob dpon snying g a las byung ba'i//mkha' 'gro ma sogs de snying zhugs/ /de ltar byas pas brtan g.yo yi/ /bde bas slob dpon du 'gyur ro/ /de nas brtsams te 'di de la/ /gsang ba mchog ni bstan par bya/ /rgyud thams cad du gang cung zad/ /rtsas shing bris pa'i phyag rgya ni/ / de nas dbang gnyis sbyor ba yis/ /de nyid gdan la rab bzhag ste/ /phyi dang gsang sogs mchod rnams kyis/ /yang dag mchod nas de nas gzhan/ /gzugs sogs gsang ba'i mchod rnams kyis/ /'di ltar rim pas yang dag mchod/ /de nas dga' ba zhi'i dbye sogs kyis//bzhi par brjod pa brtan par bya/ /me long de yi nga rgyal can/ /'di ltar legs bstan 'di brjod bya/ /gzugs brnyan rnam par chos thams cad/ /srid ma tshor de rnams lhag rtog pa/ /chos thams cad ni zhes bya ba/ /gzugs brnyan lta bur dbab byas nas//chos thams cad ni zhes bya ba/ /sems can kun la bstan par gyis/ /sgra yi nga rgyal ldan pa yis/ /de ltar pi wang sgra brjod bya/ /de bzhin gshegs pa thams cad kyi/ /sgra yi rjes su 'gro ba yis/ /shes rab mngon du rtogs gyur cig /gang gis 'jig rten thams cad du//de bzhin gshegs pa thams cad kyi/ /kun du sgra brnyan lta bu yi/ /chos kyi 'khor lo bskor bar gyis/ /dri yi nga rgyal ldan pa yis/ /snying gar dri bsku 'di skad brjod/ /de bzhin gshegs pa thams cad kyi/ /skye med lhag par rtogs gyur cig /gang gis sangs rgyas zhing kun dang / /'jig rten kun du bla med pa'i/ /bsam gyis mi khyab pa yi dri/ /rang gi lus las spro bar bya'o/ /ro yi nga rgyal ldan de ltar/ /bdud rtsi lnga ni 'dus byas nas/ /yang dag par ni myang byas nas//ngag gis 'di skad brjod par bya/ /ro kun gcig gi rnam par ni/ /rang bzhin med pa'i gzugs kyis ni/ /lhag pa ru ni rtogs gyur cig /gang gis sangs rgyas byang sems dang / /srog chags gyur pa thams cad la/ /lha rdzas dpe med ro yi mchog / sprul nas su ni sbyin par bya'o/ /de ltar reg bya'i nga rgyal ldan/ /rnal 'byor ma yi sbyor brtson pas/ /byas nas rang gi rig ma mchog /reg la mkhas pas 'di skad brjod/ /reg byas rjes su mi gos par/ /de ni lhag par rtogs gyur cig /gang gis reg bya'i khyad par rnams//rang gi sems la byung zhes par/ /lhag par mos byas sna tshogs pa'i/ /bla med reg bya'i khyad par rnams/ /rang gi sems ni yongs gyur las/ /lha rnams thams cad gnas rnams dang / /de bzhin gshegs pa thams cad dang / / byang chub sems dpa' sogs kun la/ /kun sbyor reg bya'i bde ba ni/ /nges par sbyar bar bya ba yin/ /zhes so/ /legs mchod 'di ltar gser sogs pa'i/ /thur ma mngon par bsngags byas nas/ /oM badzra ni tra a pa ha ra pa Ta laM hrIHzhes bya ba'o/ /mnyam par gzhag pa'i sems kyis ni//mdun du 'dug nas 'di brjod bya/ /bu khyod kyis ni mi shes pa'i/ /rab rib rgyal ba rnams kyis bsal/ /ji ltar mig mkhan rgyal po yis/ /'jig rten rab rib bsal bzhin du'o/ /zhes bya'o/ /de nas slob ma'i mig dag la//mig sman 'byug pa'i tshul byas nas/ /sngags pas me long bstan byas te/ /chos kyi mtshan nyid brjod par bya/ /chos rnams gzugs brnyan lta bu ste/ /dag cing gsal la rnyog pa med/ /gzung du med cing brjod du med/ /rgyu dang las las kun du 'byung / /de ltar shes byas chos 'di ni//rang bzhin med pa rnyog pa med/ /sems can don ni mnyam med kyis/ /skyob pa rnams kyi rigs su skye/ /de nas sarba ta thA ga ta a nu rA ga ya swA hA/ zhes bya ba brjod nas/ hoHzhes bya ba yis ni gzhu/ /byin nas des kyang brtson pa yis/ / phyogs bzhi rnams su mda' bzhi ni/ /de bzhin du ni 'phang bar bya/ /gcig gi steng dang 'og tu yang / /legs mnyam gzhag pas drang bar bya/ /badzra satwa aHbrjod bzhin du/ /de nas me long blangs nas ni/ /rnal 'byor lhur len slob dpon gyis/ /de la 'di nyid 'di ltar brjod//rdo rje sems dpa' rang bzhin nyid/ /dag cing gsal la rnyog pa med/ /sangs rgyas kun gyi bdag po gang / /bu yi snying la gnas pa'o/ /zhes so/ /hUM gis de nas chos 'khor lo/ /de yi stan gyi mdun du ni/ /bzhag byas aH ldan lag g.yas su//dung byin nas ni 'di skad brjod/ /deng nas brtsams nas 'jig rten du/ /skyob pa rnams kyis 'khor rab bskor/ /chos kyi 'khor lo bla med pa/ /dri ma med pa kun du gang / /the tshom med pa'i sems kyis ni/ /'di la blo ngan med par brjod/ / chos kyi spyod pa'i tshul mchog ni/ /rang gi mnyam med rab tu ston/ /de ltar sangs rgyas rnams kyis ni/ /byas zhes dgongs pa byed ces brjod/ /de yis rdo rje 'chang kun gyis/ /thams cad du ni khyod srung 'gyur/ /zhes so/ /de nas de bzhin gzhan nyid ni/ /mkhas pas dam tshig bsgrags par bya//thabs dang shes rab sems kyis ni/ /mi bya ba ni ci yang med/ /rtag tu dogs med gyur byas nas/ /'dod pa lnga la longs spyod bya/ /ji lta ji ltar 'dul gyur pa/ /sems can de yi rang bzhin gyis/ /de lta de ltar sems can don/ / 'dod chags sogs pas dag par bya/ /gang gzhan dam tshig la sdang ba/ /dam tshig nyams pa'i skye bo de/ /'bad pa yis ni gsad par bya/ /sangs rgyas bstan pa skyong ba la/ /sems can kun la phan don phyir/ /sangs rgyas rnal 'byor rab bskyod pa//pha rol po yi sems phrogs kyang / /sdig pas gos par mi 'gyur ro/ /'dod chags lta bu'i bde med pas/ /skye bo rnams la de rtag sbyin/ /sems can don du gzhan bud med/ /bsten pas bsod nams thob par 'gyur/ /sangs rgyas la sogs smod pa la/ / rin chen 'byung ldan rnal 'byor gyis/ /tshig ni rtsub mo la sogs pas/ /bla med dngos grub thob par 'gyur/ /'od dpag med kyi brdzun ngag smra/ /don yod grub mchog ting 'dzin gyis/ /blo ldan rgyud gsungs cho ga yis/ /dam tshig dag pa bsten par bya/ /zhes bya ba'o//de nas dpal he ru ka zhes sogs/ /bstod cing yang ni bstod byas te/ /thal sbyar byas pas 'dud byas nyid/ /'di skad slob ma la brjod bya/ /sems can kun la phan don du/ /sems can kun la thams cad du/ /ji ltar gdul bya sna tshogs pa/ / rdo rje'i 'khor lo bskor bar gyis/ /de bzhin gshegs kun rgyal ba rgyal/ /bdag po'i 'khor lo bskor bar gyis/ /zhes so/ /rjes su gnang ba'i dbang bskur ba'i cho ga'o// //de ltar byas nas de nas phyis/ /rtsa ba'i dkyil 'khor du zhugs nas/ /dkyil 'khor bltas nas gsang sngags kyi//bskul bar smra ba sbyin par bya/ /ting 'dzin sngags kyi rgyal po yis/ /byin nas gsang ba brtsam par bya/ /rgyud 'dir gsungs pa'i dam pa'i rdzas/ /mkhas pa yis ni bza' bar bya/ /de nas steng du langs pa yis/ /sangs rgyas kun bdag rnal 'byor brtson//rdo rje'i ming dbang bskur ba yis/ /'di skad de bzhin gshegs lung bstan/ /de la 'di'i rim brjod bya ste/ /mkha' 'gro rgya mtsho dpal gzugs kyis/ /slob ma de bzhin yongs bzhag nas/ /rang yang bdag po'i sbyor ba ldan/ /chos gos lag pa g.yon pa yis//'dzin pa'i tshul gyis de bzhin du/ /mngon par mchog sbyin tshul nyid kyis/ /mnyam par gzhag pas 'di skad brjod/ /ngas 'di khyod la lung bstan bya/ /rdo rje sems dpa' de bzhin gshegs/ /srid pa shin du dag pa'i phyir/ /srid pa'i ngan 'gro las bton nas//kye dpal che ge mo rdo rje de bzhin gshegs pa grub pa khyod kyi dam tshig go zhes bya ba'o/ /gang gis cho ga 'di yis ni/ /phyag rgya chen po'i tshul gang gis/ /gang la lung bstan byed bzhin pa/ /dpal he ru ka sogs lha dang / /sangs rgyas byang chub sems rnams dang //dkyil 'khor du gnas rnams dang / /dam tshig gcod pa'i mgrin pa yis/ /rdzogs pa'i byang chub bstan pa mdzad/ /'di ltar 'di'i phyag rgya chen pos mchog tu gsang ba chen po bzang po bden pa'i byin gyi rlabs kyis 'grub par 'gyur te 'di'i tshig gis zhes bya ba la dad par bya'o zhes bya ba nyid brjod nas phyis//yang dag dbugs dbyung sbyin par bya/ /gsang mchog dkyil 'khor dam par ni/ /bltas nas su ni rab zhugs pas/ /sdig pa kun las rnam nges grol/ /de ring legs par gnas par 'gyur//bde chen theg pa 'di la ni/ /slar yang 'chi ba yod pa min/ /mi tshugs pa dang mi choms par/ /'jigs pa med pas rol par gyis/ /srid pa'i sdug bsngal las ni 'das/ /srid pa shin tu dag pa'i phyir/ /dngos grub dam pa sdom pa ni//'di ni rtag tu bsrung bar gyis/ /rjes gnang mchog tu dbugs 'byin pa/ /sangs rgyas kun dngos rab tu gsungs/ /rdo rje zhes gang phyag rgya dang / /byang chub sems ni mi spang zhing / /gang zhig bskyed pa tsam gyis ni/ /sangs rgyas nyid du dogs med pa'o//dam pa'i chos ni spang mi bya/ /mi shes pa'am rmongs pa yis/ /gal te na ni spangs pa ni/ /gang las de ni nges par sbyangs/ /rang gis bdag nyid mi spang zhing / /dka' thub kyis kyang btsir mi bya/ /ji srid bde ba'i bde ba bzung / /'di ni ma 'ongs rdzogs sangs rgyas//rdo rje dril bu phyag rgya yang / /nam yang spang bar mi bya'o/ /slob dpon smad par mi bya'o/ /'di ni sangs rgyas kun dang mnyam/ /gang zhig slob dpon la smod la/ /bla ma sangs rgyas kun dang mnyam/ /sangs rgyas thams cad smad pas na//de ni rtag tu sdug bsngal 'thob/ /rims dang dug dang dbyig dug nad/ /mkha' 'gros 'tshe dang gdon rnams dang / /bgegs dang log 'dren drag rnams kyis/ /bsad nas dmyal bar ltung bar byed/ /de phyir kun nas rab 'bad pas/ /rdo rje slob dpon bla ma che//dge mchog rab tu mi spyoms pa/ /nam yang smad par mi bya'o/ /bla ma la gus de la yon/ /de nas rjes mthun dbul bar bya/ /de yis rims sogs gdung ba rnams/ /phyir zhing dbyung bar mi 'gyur ro/ /rtag tu rang gi dam tshig spyod/ /sbyin min bu dang bu mo sogs//srog rnams kyis kyang bsten bya na/ /longs spyod g.yo ba smos ci dgos/ /gang phyir bskal pa bye rnams kyis/ /rtag tu rnyed par dka' ba yi/ /sangs rgyas nyid kyang brtson ldan pa/ /tshe 'di nyid la ster bar byed/ /rtag tu rang gi dam tshig bsgrub/ / rtag tu de bzhin gshegs pa mchod/ /rtag tu bla ma la yang dbul/ /'di ni sangs rgyas kun dang mnyam/ /de byin sangs rgyas thams cad la/ /rtag tu byin pa nyid du 'gyur/ /de yis bsod nams tshogs yin te/ /tshogs las dngos grub mchog tu 'gyur/ /de ring bdag skyes 'bras bur bcas//gang 'dir legs par rab tu gnas/ /dam tshig lha rnams dang mnyam mo/ /rang byung du ni da lta skyes/ /ding 'dir dbang bskur tshe ldan pa/ /rdo rje bcas sangs rgyas kun gyis/ /khams gsum gyi rgyal srid che yi/ /rgyal po bdag pos gnas pa yin//di ring bdud las rgyal byas nas/ /grong khyer mchog tu rab tu zhugs/ /di ring sangs rgyas nyid thob par/ /khyod 'gyur bar ni the tshom med/ /zhes bya ba yi bka' drin rdo rje yid kyis te/ /rang gi dam tshig mi zad bde skyes bsten par gyis/ / shin tu skyes sla'i bde ba sangs rgyas kun gzugs brnyan/ /rtag pa nyid ni rtogs par 'gyur bar shog /ces bya'o/ /bla ma yi ni zhabs gnyis la/ /gus pas mnyes gshin pas btud de/ /ji ltar gsungs shing bstan pa kun/ /ji lta'i dag rjes gnang zhes gsol/ /de ltar dam bcas byas pa yi//slob ma la phan bsam pa yis/ /sngon bzhin bshad pa'i rim pa yis/ /rdo rje dril bu'i brtul zhugs sbyin/ /'di de sangs rgyas thams cad kyi/ /rdo rje sems dpa'i phyag na gnas/ /khyod kyis kyang ni rtag tu bcang / /phyag na rdo rje'i brtul zhugs brtan//oM sarba ta thA ga sid+d+hi badzra sa ma ya tiSh+Tha e Sha twAM d+ha ra yA mi badzra satwa hi hi hi hi hUM/ zhes bya'o/ /'di skad gsang sngags brjod nas ni/ /'di skad bzhin du dril bu sbyin/ /'di de sangs rgyas thams cad kyi/ /shes rab dbyangs kyi rjes 'gror bshad/ /khyod kyis kyang ni rtag tu bcang //byang chub mchog tu rgyal bas bzhed/ /ces so/ /de nas me tog dri la sogs/ /sgeg mo sogs pas mchod par bya/ /'dod pa'i yon tan lnga yis kyang / /de bzhin gshegs rnams mchod byas nas/ /ci ltar bde bas slob ma rnams/ /shes rab sgo nas mchod pa yang //spos sogs ji ltar 'dod pa yis/ /ji lta ba yi mchod par bya/ /ji lta ba 'byor bar gyur pa yis/ /zhugs pa'i slob ma bza' dang bcas/ /rnam pa sna tshogs ro'i bza' ba/ /myos byed btung ba sna tshogs dang / /gang zhig rgyud gzhan la grags pa'i/ /glu sgra nye bar spyod rnams kyis//'di don cho gas phul ba yi/ /bla ma'i bde bas yang dag mchod/ /de bzhin du ni yang gsungs pa/ /chang bcas chang min btung ba dang / /ji ltar 'dod pa bsten par 'gyur/ /ji ltar 'dod pa'i longs spyod kyis/ /ji lta'i rim pas bsgom par bya/ / gsang ba de nyid glu chen dang / /dga' dang rol mo gar rnams dang / /dga' rol rnam pa sna tshogs kyis/ /gtso bo la sogs mchod par bya/ /de nas dul ba'i sems nyid ni/ /sngon du smra bya zhes bya'o/ /dam tshig ma lus pa 'di rnams/ /ji ltar gsung bar rab bsgrub bya/ /de nas phyi rol mchod sogs dang //yid 'byung rnams kyis gtso bo la/ /sngags pas gus pas mchod byas te/ /nyi ma shar ba'i dus su yang / /dpal he ru ka ye shes che/ /zhes bya'i bstod pas ji ltar yang / /legs par bstod nas de nas phyis/ / 'di skad rgyal ba la mkhyen gsol/ /gang yang skye ba'i dngos gyur dang / /ma rnyed rnal 'byor dbang phyir dang / /nye bar dgos pa ma tshang ba'ang / /dran pa rab tu rmongs byas pa/ /de thams cad la bzod par rigs/ /de ltar mkhyen gsol de nas phyis/ /'di yis gshegs su gsol bya ba//oM khyed kyis sems can don kun mdzad/ /rjes su mthun pa'i dngos grub gsol/ /sangs rgyas yul du gshegs nas kyang / /slar yang byon par mdzad du gsol/ /oM AHhUM badzra muH// ye shes dkyil 'khor gtso bo rnams/ /de nas yang dag bsdu bya ste//dgyes par rab tu bzhad pa'i zhal/ /slob dpon slob ma'i yon tan 'gyur/ /bar byas rang rang 'od rnams kyis/ /sems can kun la reg par bya/ /ji ltar 'dod pa de bzhin du/ /gsal bar byas pa bsam par bya/ /de nas ji ltar spro ba yi/ / lha yi 'khor lo gus pa yis/ /rang gi lus la gzhug par bya/ /de nas phur bu gdon bya ste/ /sngags ni oM badzra kI li kI la ya sarba bi g+h+naM badzra d+ha rA dz+nyA hUM hUM phaT/ ces so/ /de nas gsang ba'i dkyil 'khor gyi/ /de yis rdul tshon la'ang spros pas/ /de kho na nyid kyis te rlabs can phyir//yang dag mchod nas de nas yang / /de phyir blo ldan gyis legs gshegs/ /a kA ro mu khaM la sogs can/ /brjod bzhin du ni 'di yi don/ /mnyam par gzhag pa mngon du bya/ /de ltar snang ba med byas nas/ /rang gi snying gnas pa'i gtso bo/ /mchod nas de bzhin bstod byas te//de yi sbyor ba nye bar bsdu/ /bkra shis kun du spyod pas brgyan/ /mgo bor gdugs ni bzung nas su/ /de nas bla ma rang nyid kyis/ /rdo rje dril 'dzin slob ma la/ /bskor ba bya ba yin pa ste/ /sngags pas 'di ltar brjod bzhin du/ /kun nas dkyil 'khor sa gzhi la'o//mnga' bdag sku mdog sngon po rgyal gyur cig /dmar pos ji ltar mdzes byas rgyal gyur cig /dam tshig gis brgyan mdzes pa rgyal gyur cig /zla phyed dbu la brgyan pa rgyal gyur cig /lha mo'i 'khor los brgyan pa rgyal gyur cig /dang po sangs rgyas sku mchog gnas pa rgyal gyur cig /'dod pa thar pa nor dang chos sbyin rgyal gyur cig /rnam par dgyes rol rang bzhin rgyal gyur cig /phyag rdor bde ba'i mgon po rgyal gyur cig /de nas sgor gdugs dang bcas pas phyag bya'o/ /slob mas 'di ni bsten par gyis//de nas rgol ba tshar gcod 'gyur/ /de skad brjod nas slob dpon des/ /lag pas gdugs ni bsal byas te/ /langs nas 'di skad slob ma la/ /'di ni de nas bsgrag par bya/ /de ring dkyil 'khor slob dpon dang / /sngags dang rgyud ni 'dzin par 'gyur//sangs rgyas byang chub sems dpa' dang / /lha rnams kyis kyang mthun par bzhed/ /sems can la rjes brtse don du/ /khyod kyi dkyil 'khor cho ga yis/ /'bad pa yis ni bri bar bya/ /sgrub pa po rnams sngags la sbyor/ /ser sna dogs pa thams cad la/ / sems can rnams la phan pa dang / /de la bu khyod kyis bya ste/ /rang nyid dka' ba chen po yang / /de nas cho gas sbyin sreg ni/ /mkhas pas zhi ba'i don du bya/ /de nas sbyin sreg zin pa ni/ /slob dpon mchod bya yang dag par/ /mu tig gser dang rin chen rnams/ / glang rta sa gzhi yul ljongs dang / /bran po bran mo 'khor rnams dang / /chung ma phun sum tshogs kun dang / /gos zung du ma rnams dang ni/ /dgyes pa'am sa la gang cung zad/ /bdag tu lta ba dang bral bas/ /dbul bya gtso bo zhi bar gyis/ /bdag nyid dngos po thams cad kyi//phyag byas nas ni dbul bar bya/ /me tog spos sogs thams cad rnams/ /ston pa'i mdun du dbul bar bya/ /bla ma'i yon ni blang bar bya/ /dngul dang gser dang rin chen sogs/ /rta dang glang po rgyal srid do/ /slob mas kyang ni de nas phyis/ /dam tshig bsten par gyur rnams kyis//dpal he ru ka shes rab che/ /mkha' 'gro ma yi dra ba sdom/ /zhes bya'i rjes su gnang sems kyis/ /skor ba lan gsum byas nas ni/ /lus thams cad ni phab byas nas/ /ji ltar sngon bzhin phyag byas te/ /bdag nyid bla ma la phul nas//mchod pa yis ni mchod par bya/ /ji srid mnyes par ma gyur par/ /de srid bla ma mnyes par bya/ /cung zad shin tu yid 'ong gang / /shin tu khyad par 'phags pa nyid/ /de de rnams la bla mar dbul/ /de nyid mi zad 'dod pas so/ /gang gis gtang bar dka' ba gang //de ni bzang po zhes byar grags/ /de ltar gang zhig dbang bskur ba/ /de ni slob dpon du mngon brjod/ /de yis sngags byin nges par ni/ /'grub 'gyur 'di la the tshom med/ /de nas oM badzra sa twa sogs/ /rdo rje'i glu ni brjod bzhin du/ /rdo rje gar gyis rab sbyor bas//rdul tshon rgya mtshor 'gro ba yi/ /chu bo nyid la rab bskur bya/ /de nas sa de yang dag par/ /ba'i rang bzhin gyis yang dag byug /bdag dang slob ma mi bdag la/ /phan pa'i phyir ni sbyin sreg bya/ /slar yang gsang sngags thabs de nyid kyis/ /phur pa dbyung ba de bzhin no//bde ba yis ni khrus byas te/ /bdag med sgom pa spyad par bya/ /slob dpon gyis ni de nas phyis/ /legs par bsdus pa'i yo byad nor/ /rang nyid kyis ni longs spyad de/ /slob ma rnams la mi bgo'o/ /dkyil 'khor gyis ni thabs thams cad/ /slob dpon nyid la sbyar bar bya//gal te dam tshig can gyis ni/ /slob ma la ni nye bar sbyar/ /de ltar bdag gis legs par sbyar ba 'di rnams kyang rang gi rtog pa sna tshogs 'brel med cing lung dang mi ldan par bsdebs pa ni ma yin te/ dpal rdo rje phag mo'i le'u gnyis pa las/gang gis slob ma dbang bskur ba/ /de nyid bzhi rnams bcas pas so/ /theg pa chen por yongs smin la/ /phyi nas sngags ni rab bstan bya/ /sngon du phag mo'i dkyil 'khor ni/ /bri bya de nas he ru ka'i'o/ /rdo rje'i bu mo'am de nas gzhan/ /der ni shes rab gzhug par bya//rgyud gzhan du ni dbang bskur la/ /tshul 'di bstan par mi bya'o/ /zhes gsungs so/ /'on kyang rdo rje phag mo'i dkyil 'khor gyi cho gar ma sbyar te/ 'di gzhan pas che ba nyid kyi phyir dang / 'di nyid kyis thams cad la sbyar bar bya ba'i phyir ro/ /chen po sngon du brjod pa ni bstan bcos las kyang rig pa nyid do//dbang bskur ba'i le'u nyi shu rtsa bzhi pa las kyang / dbang bskur ba ni sbyin bya ba/ /rang slob ma la phyi dang gsang / /rgyal po rkun mo sogs spangs pa'i/ /skye bo dang bral phyogs su bya/ /'dir ni cho ga'i skyon mang pos/ / mnar med sogs su ltung bar 'gyur/ /zhes so/ /de ltar dkyil 'khor cho ga 'di ni mkha' 'gro ma la sogs pa'i dkyil 'khor thams cad la yang sbyar bar bya'o/ /slob dpon chen po rgyal ba bzang po'i dkyil 'khor gyi cho ga dang tshul mthun par bdag gi bla ma bzhed do//de bas na bdag gis rang dgar zhugs pa ma yin no/ /skye bo rnams ni tshe dang shes rab longs spyod mos pa dang ni brtson pa'ang dman/ /de phyir rgya chen rgyud la blta ba'ang med na nyan dang legs par spyod pa cir smra yod/ /de nas rang gi tshul gzhan ma 'dres rgyud chen 'di yi cho ga bla mas nyer bstan gang //nub par gyur pa'i 'jigs pas rang gi dran pa so mas bsdebs na legs par 'gyur sems nas/ /rang bzo ma byas rgyud dang mkhas pa'i gzhung dang bla ma'i bka' rnams dpang por gzhag byas nas/ /ji ltar nus pas sbyar ba 'di la 'khrul par gyur na bla ma rnams kyis bzod par mdzod/'di las byung ba'i dge ba dri med zla ba'i 'od zer ltar bsil bas/ /'gro ba shes rab mig ldongs gti mug thibs po'i gdung ba sel bar shog /dpal mkha' 'gro rgya mtsho'i dbang bskur ba'i rgyud kyi cho ga mkhas pa chen po dza ya se na'i gsung rin po che dbang gi rgyal po'i mdzod dpal ye shes rdo rje bsgyur ba rdzogs so/

CLOSE WINDOW