37b2 / @/ /bla ma'i maN+Dal bzhugs so// @##/ /dpal mkha' 'gro rgya mtsho la phyag 'tshal lo/ /bla ma yongs su mnyes pa la/ /dngos grub ma lus 'byung ba'i phyir/ /rgya mtsho nyid nas gsungs pa yi/ /bla ma'i maN+Dal bshad par bya/ /de la
37b3 thog mar bla ma'i mdun du'am gzhan du yang rung ste chu dang me tog la sogs pa tshogs par byas la rkang pa bkrus te/oM hrIHswA hA/ zhes bya bas lag par bkru ba dang / kha bshal bar bya'o/ /oM hUM zhes bya bas bdag dang gnas dang rnal 'byor bsrung bar bya'o/ /de nyid kyis
37b4 stan byin gyis brlab pa yang bya'o//oM badzra b+hu mi hUM zhes bya bas sa gzung bar bya'o/ /oM sarba big+h+nan uta sa ra ya hUM swA hA/ zhes bya bas chu dang lci ba srog chags med pas byug par bya'o/ /oM AHbadzra re khe hUM zhes bya bas lag pa g.yas pas me tog g.yon pa'i rgyab tu bzhag
37b5 la maN+Dal du dor ro//oM su re khe sarba ta thA ga ta a d+hi tiSh+Tha n+tu swA hA/ zhes bya bas lag pa bkru bar bya'o/ /oM ma Ni d+ha ri badzra Ni ma hA pra ti sA ri rak+Sha rak+Sha maM hUM hUM phaT phaT swA hA/ zhes bya bas rang gi mgo bo la me tog bzhag pas bdag nyid bsrung bar bya'o/ /de nas maN+Dal de nyin mo
37b6 dang mtshan mo'i dbye bas nyi ma dang zla bar bsams te/oM tsan+d+rA ra ka bi ma le swA hA/ zhes bya bas byin gyis brlab par bya'o/ /de nas sngar gyi me tog de bsal te/ oM badzra gu ruHswA hA/ zhes bya bas dbus su me tog gcig bzhag go/ /de bzhin du shar dang byang dang nub dang lho
37b7 rnams su oM sarba sun+da ri swA hA/oM pri ya ta ut+ta maM swA hA/ oM da ya kA tA rA swA hA/ oM bi lA sa badzra swA hA/ zhes bya bas so/ /me dang bden bral dang rlung dang dbang ldan rnams su/ oM bud+d+ha lo tsA ni swA hA/ oM mA ma kI swA hA/ oM paN+Da rA bA sI swA hA/ oM tA re swA hA/ zhes bya bas me tog dgod do/ /de nas
38a1 skad cig gi sbyor bas dbus kyi me tog gi steng du rdo rje sems dpa'i rol pas bzhugs pa'i bla ma bsgom par bya'o//de nas phyogs bzhir rim pa bzhin du sngo ba dang ljang ba dang dmar ba dang / ser ba'i kha dog can/ thams cad mdzes ma/ dga' ba'i mchog
38a2 ma dang /shin tu brtse ma dang / rol pa'i rdo rje ma ste thams cad zhal gcig phyag gnyis ma sna tshogs pa'i gos dang rgyan dang ldan pa lang tsho la babs pa kim+ba ka'i 'bras bu phyed mar bkas pa lta bu'i nu ma can chags pa'i sems kyis zur mig tu lta ba lag na rin po che dang sna
38a3 tshogs pa'i mchod pa'i snyim pas gtso bo la stobs par byed pa dang /me la sogs pa'i mtshams rnams su dkar ba dang sngo ba dang dmar ba dang ljang ba'i kha dog can gyi/ sangs rgyas spyan ma dang / mA ma kI dang / gos dkar mo dang / sgrol ma rnams zhal gcig phyag gnyis ma/
38a4 phyag g.yas pa rnams ni rim pa bzhin du 'khor lo dang / rdo rje dang / pad+ma dang / ut+pal thogs pa/ g.yon pa rnams kyis mchod pa sna tshogs 'dzin pas gtso bo la ster ba ste rgyan la sogs pa thams cad sngar dang 'dra ba/ thams cad kyang sgeg cing rol pa'i 'dug stangs can
38a5 gsal bar bsams la/oM badzra satwa gu ru pA te b+h+yaHsarba satwa de b+h+yaHsarba satwA pa ka ra NA ya swA hA/ zhes bya bas phyag byas te dbul bar bya'o/ /de nas lha mo rnams slob dpon la thim pas thugs dgyes par bsams te/ oM AH hUM muHzhes brjod pas gshegs su gsol bar bya'o/ /de nas me
38a6 tog bsdus te rang gi mgo bor bzhag la ji ltar bde bar gnas par bya'o//dpal ldan mkha' 'gro rgya mtsho yi/ /rgyud rgyal man ngag gis bsrungs nas/ /maN+Dal rin chen phul gang des/ /'gro kun chos rgyal 'khor sgyur shog /rin po che margad mkhas pa dza ya se na'i
gsung /

CLOSE WINDOW