CLOSE WINDOW

D1514
བོད་ཡིག

/dbye ba nyi shu rtsa bdun no/ /dpal mchog dang po'i dbang bskur ba'i rgyud dang cho ga sna tshogs las btus pa mnyes pa'i snying po zhes bya ba slob dpon dpa' bo rdo rjes mdzad pa rdzogs so// @##/ /rgya gar skad du/ dz+nyA no da yo pa de sha nA ma/bod skad du/ ye shes 'byung ba'i man ngag ces bya ba/ /rdo rje mkha' 'gro la phyag 'tshal lo/ /'khor lo bzhi dbus thams cad lus las byung ba'i rtsa rnams drug cu phrag gnyis kun/ /sna tshogs gzugs can yid skyes yon tan du ma ldan zhing sgrub po dngos grub gsol/ /'di rnams nang nas gtso mo rgya mtsho lta bur yang ni byang chub sems 'bab pa'i//lha mo bde ba'i rang bzhin dga' ba'i gnas son rdo rje phag mo de phyag 'tshal/ /A I T+Thi a bai ro a Na zhes bya ba ni dang po ste thog mar rnam par snang mdzad kyi sa bon oM gnas pa'o/ /A I T+Thi a zhes bya ba ni a la gnas pa'i yid do/bai ro a Na zhes bya ba ni de rnams sna tshogs pas snang bar byed pa dang gsal bar byed pa'o/ /ta su bag+gA ne tA i zhes bya ba ni der sde tshan gyi mtha' ha ste/ der lte ba'i mthar ha na bde ba chen po yin no/ /ta ha pa ha n+te zhes bya ba ni ta dang pa dag gi mtha' na na ma ste/ ta zhes bya ba ni phye ba dang rgyas pa'o//pa zhes bya ba ni pad+ma ste/ 'di'i mthar ha ni bde bar rtogs par bya'o/ /sa ba rA diT+Tha ma i zhes bya ba ni sa'i pha rol tu ha bdag gis mthong ba ste sa zhes bya ba ni khu ba'o/ /bzhes bya ba ni lte bar ro/ /rA zhes bya ba ni 'dod chags chen po'i rang bzhin gyis yid sems kyi rang gi ngo bos mthong ba'o//ti a sar si ra si b+hu Shi so zhes bya ba ni dbyangs kyi gsum pa i yis spyi bo brgyan pa'o/ /ti a zhes bya ba ni gsum pa ste sku dang gsung dang thugs so/ /sa ra zhes bya ba ni 'dzag pa ste/ des spyi bo rnam par brgyan pa ni bde ba chen po rang gi ngo bo ste ha'o/ /sa A ra man+te zhes bya ba ni sa'i rnam pa mthar yin no//sa zhes bya ba ni khu ba'o/ /a zhes bya ba ni shes rab kyi pad+ma'i ze 'bru la'o/ /ra zhes bya ba ni 'dod chags kyi rang bzhin gyis gnyis kyi mthar rtogs par bya'o/ /la sha madz+dz+hA sa No zhes bya ba ni la dang sha dag gi dbus su wa ste des gdan du bya'o/ /sa zhes bya ba ni khu bas lte bar stan du byas pa ste/des bag chags la sogs pa nub par 'gyur ba'o/ /beN+Ni bA Na pa ri o i o zhes bya ba ni mda' gnyis yongs su dag pa'i swA'o/ /beN+Ne zhes bya ba ni thabs dang shes rab kyis so/ /bA na zhes bya ba ni mnga'o/ /aN+Da zhes bya ba ni sgo nga'i mdzod las byung ba'i byang chub kyi sems so//ka zhes bya ba ni bde ba ste des sems yongs su dag pa yin no/ /sa ba ro zhes bya ba ni sa'i pha rol gyi ha'o/ /A A ra sa ra ba ri saN+Thi oM zhes bya ba ni a'i mda' la yongs su gnas pa yin no/ /sa zhes bya ba ni dbang po la sogs pa thams cad do/ /ba zhes bya ba ni lte bar ro/ / ra zhes bya ba ni 'dod chags kyi rang bzhin gyis gnas pa yin no/ /a zhes bya ba ni lha mo'i ze'u 'bru la'o/ /ra zhes bya ba ni 'dod chags kyi rang bzhin la'o/ /sa ra zhes bya ba ni khrag dang khu ba 'dres par gyur par gnas pa'o/ /pu No bi sar ba ro zhes bya ba ni yang sa'i pha rol gyi ha'o/ /bu zhes bya ba ni pul+lI ra'i gnas su khu ba mchog dam pa gnas pa'o//pany+tsa bA Na sa no zhes bya ba ni mda' lnga pa ste us gdan du byas pa'o/ /dbang po lnga'i mda'i rang bzhin gyi khu bas gdan du byas pa'o/ /khaN+De n+du bin+du so hi o zhes bya ba ni zla ba phyed pa'i thig les rgyan pa'o/ /in+du'i rang gi ngo bo ni zla ba ste thig le'i rang bzhin gyis bag chags la sogs pa bcad cing bcom pa'o//'dis byang chub sems brgyan pa'o/ /la sa madz+ha T+Thi'o zhes bya ba ni la dang sha dag gi dbus su wa'o/ /sa zhes bya ba ni sems dpa'o/ /la zhes bya ba ni bag chags la sogs pa nub par 'gyur ba'o/ / da ha bA Na pa ri o si o zhes bya ba ni mda' bcu pa ste au yis yongs su dag pa'o/ /da ha zhes bya ba ni sgo bcu po rnams so/ /bA NA zhes bya ba ni mda' ste 'dzag pa'o/ /des yongs su dag pa ni sems so/ /sa sa madz+dz+haT+Thi zhes bya ba ni sha dang sa'i dbus su Sha'o/ /sa sa zhes bya ba ni gnyis kyi khu ba 'dus pa dbus yin no//ti a ba a Na zhes bya ba la zhal gsum pa ni gdong ste Ta'o/ /dga' ba gsum gyi nang du gdong ni gtso bo ste lhan cig skyes pa yin no/ /pa ba na bi a rung+da aM zhes bya ba ni rlung dang 'gal ba ni he'o/ /ha dang e'i sbyor bas pa ba ni rlung ste ldog par 'gyur ro/ / pa Di hA sa i zhes bya ba ni de ni mngon par 'dod pa dang 'dod pa'o/ /hUM hUM hAl+la i zhes bya ba ni hUM hUM byin nas phyis ha blang bar bya ste hUM hUM phaT kyi sgras ha bde ba chen po gzung bar bya'o/ /na ba sa ra pa ri pu ri a aM zhes bya ba ni mda' dgu yis te o yis yongs su dag pa'o/ /sgo dgur mda' ni 'dzag pa ste byang chub kyi sems des yongs su gang ba'o//pha la a la e bI N+NA se zhes bya ba ni phaT rnam par dgod par bya ste/ a la gang zhig nub pa de'i 'bras bu bsam gtan la dgod par bya'o/ /sa h+Na a zhes bya ba ni phaT dang yang dag par ldan pa ni ha'o/ /sa zhes bya ba ni khu ba ste 'di'i sa bon ni ha'o//a pa ri pU ri A zhes bya ba ni aM gi rang bzhin gyi thig les yongs su gang ba'o/ /aM zhes bya ba ni thig les thams cad yongs su gang ba'o/ /dpa' bo'i sngags btus pa'o/ /pany+tsa madz+dz+ha T+Thi o zhes pa ni lnga pa'i dbus su gnas pa ni ba ste/ phung po lnga la sogs pa byang chub sems kyi nang du gnas pa'o//tan+to hA yo e i zhes bya ba ni de'i mthar hA dang yo dang ldan pa ste/ rigs kyi bdag po'i mthar ha bde ba chen po rlung dang ldan pa yin no/ /sa ba ro ra bar+N+Tha tu D+ho zhes bya ba ni sa'i pha rol ni ha ste/ ra'i yig 'bru btags pa yin no/ / i a ra sa ra ra saM T+Thi o zhes bya ba ni i'i dbyangs yang dag par gnas pa'o/ /sa zhes bya ba ni khu ba mchog dam pa ste 'dod chags la zhon pa yin no/ /i'i dbyangs kyi dbang po la sogs pa 'dzag pa 'di rnams kyi gnas su bde ba chen po gnas pa'o/ /ba han+to zhes bya ba ni mthar ma yin no//pa zhes bya ba ni pad+ma'i mthar yid byang chub kyi sems bsgom par bya'o/ /na ba sa ra pa ni o i o zhes bya ba ni mda' dgu pa ste/ o yis yongs su dag pa'i ma yin te/ rtsa dgu'i mda' 'dzag pa des yongs su dag pa ni dkyil 'khor yin no/ /sa ba ro ra baN+NA ru T+ho zhes bya ba ni sa'i pha rol ni ha ste/ra la zhon pa yin no/ /sa zhes bya ba ni sems can no/ /pa ra zhes bya ba ni dam pa ste/ gang zhig pad+mar rdo rje bcug pa de ni 'dod chags la zhon pa yin no/ /e A ra kaN+NA b+ha ra No zhes bya ba ni e'i dbyibs kyis rna ba la rgyan du byas pa ste/ e'i dbyibs kyis pad+ma'i ze 'bru la a yin no//sa ba ro ra bar+NA ru T+ho zhes bya ba ni sa'i pha rol gyi ha ste ra'i yig 'bru zhon pa yin no/ /lte ba dang nye bar 'dod chags la zhon pa ni sems chen po yin no/ /i sar khaN+NA n+du bin+du b+hu si o o ha i zhes bya ba ni i'i mda' dang zla ba phyed pa dang thig les brgyan pa'i ha ni mdzes pa yin no//dbang po la sogs pa'i mda' 'dzag pa'i zla ba'i rang bzhin gyi thig les bag chags la sogs gang gi tshe gcad par gyur pa de'i tshe dkyil 'khor chen po mdzes pa yin no/ /sa ba ro zhes bya ba ni sa'i pha rol gyi ha ste/ dog pa'i rtsa'i spyi bo mdzes pa'i nam mkha'i gnas su bcug pa'i byang chub kyi sems chen po'o//pany+tsa sa ra dzo e i zhes bya ba ni mda' lnga'i u dang ldan pa ste/ byang chub kyi sems de dbang po lnga dpal ldan pa'o/ /khaN+De nam u Da maN+Di o zhes bya ba ni zla ba phyed pa dang thig les cod pan la brgyan pa ste/ rdo rje'i cod pan gyi rtse mo'i cha la zla ba'i rang bzhin gyi thig le'i gzugs kyi byang chub sems 'dis nyon mongs pa la sogs pa kun gcod cing 'joms pa ji snyed pa'o//pu No bis a la ta nub ra Na ho zhes bya ba ni yang lus thams cad kyi mchog gi mgon po hUM sbyin par bya ste/ rdo rje dang pad+ma mnyam par sbyor ba las mtshon par byas nas phyis lus thams cad kyi mgon po mchog bde ba chen po bsgom par bya'o//pha Na ra a Na bi hUM sa No she so zhes bya ba ni phaT rin po che gnyis kyis sngags kyi mthar rna bar brgyan pa ste/ rigs kyi bdag po'i nor bu'i bu gar phaT dgod par bya'o/ /byas pa 'dis ma lus pa'i byang chub kyi sems thim par 'gyur ro/ /bi hi NA zhes bya ba ni gang zhig sngags kyi dang por oM dang bral ba ste spangs pa'o//bai ro a Na bi pi ha pa ri aM zhes bya ba ni rnam par snang mdzad kyi sa bon oM gyis sngags de'i tshig rkang sna tshogs par dgang bar bya ste/ sna tshogs ni rnam pa sna tshogs pa'i pad+ma 'di'o/ /tshig rkang ni gnas su ste byang chub kyis dgang bar bya'o//a pa ra ma she Sha zhes bya ba ni/ rigs kyi bdag po'i khar oM bsgom par bya'o/ /rnal 'byor ma drug gi sngags btus pa'o/ /pub+ba tsi a kam+mAn+ta zhes bya ba ni dang po las ka sbyin par bya ba'o/ /dang po ni dga' ba'o/ /sems ni byang chub kyi sems las brtsams te kaM ni bde ba yin no/ /ba hI sa ma beN+Ni b+ha Ni a zhes bya ba ni me'i sa bon ra dang mnyam zhing mtshungs par nyis 'gyur te/'dod chags kyis mnyam pa'i byang chub kyi sems thabs dang shes rab kyi bdag nyid can nyis 'gyur yin no/ /ku ru ku ru sat+ta bi o a zhes bya ba ni ku ru ku ru dam pa'i sa bon sbyin par bya ste/ 'dod chags kyis shar ba'i ka bde ba dam pa'i sa bon yin no//d+he hi dza Ta ku Di la u swA hA zhes bya ba ni D+ha'i steng du na'i ral pa mdzes pa yin no/ /ba zhes bya ba ni dang 'dra ba'i chos kyi 'khor lo yi ge thams cad kyi mgo bor thig le 'dis byang chub kyi sems 'bab bo/ /e a pu No bi b+ha Ni a zhes bya ba ni 'di yang brjod par bya ste/ba lta bu'i 'khor lo nyis 'gyur yin no/ /a li a tA si a lo e zhes bya ba ni 'jig rten gyi brdzun pa'i skrag pa ni trA sa ya zhes bya ba yin te/ gang gi tshe de'i khu bas 'khor lo bzhis 'jig rten khyab pa de'i tshe bag chags la sogs pa ma lus pa 'jig par byed do/ /ru a bi ga e zhes bya ba ni bag chags bcom nas 'jig rten gzugs dang bral ba yin no//e a sab+ng+ha bang+ha Ni a zhes bya ba ni yi ge 'di dag gi rang bzhin yang brjod par bya ste/ 'dod chags dang 'dod chags dang bral ba 'di dag 'dres par gyur pa'i khu ba yang dam pa'i dngos po mdzes pa'i gnas su 'ong bar 'gyur ro//'ongs par gyur na cir 'gyur zhe na/ rdzogs pa'i sangs rgyas kyi sku 'thob par 'gyur ro/ /ka sAk+kha o A ra sa ra sa yu ta zhes bya ba gang zhig ka dang Sha'i yi ge dag 'dres par gyur pa de ni o mda' dang yang dag par ldan par bya'o/ /o ni rtsa dgu ste sgo dgu ru khu ba dang bde ba dam pa'i dngos po dag dang ldan pa yin no//b+ha ya yA saT+Thi a zhes bya ba ni b+ha yI sgras yang dag par gnas par bya'o/ /b+ha zhes bya ba ni b+ha ga ste rtsa'i nam mkha'i gnas su'o/ /ya ni rlung yang dag gnas pa'o/ /a Sha b+ha ni ab+baM zhes bya ba ni 'di'i sgra yang brjod de/ e lta bu'i bde ba chen po'i 'khor lor song nas yang 'ong bar 'gyur ro/ /ra bi a sa Na saT+Thi o sa ba ro zhes bya ba ni sa'i pha rol gyi ha'i ra ni stan yin te/ ra'i stan la gnas par ha bde ba chen po bsgom par bya'o/ /da ha bA na khaN+Den+du bin+du pa ri pU ri aM zhes bya ba ni mda' bcu pa o dang zla ba phyed pa dang thig les yongs su gang ba ni hra ste/sgo bcu ru gnas pa'i rtsa rnams zla ba'i rang bzhin thig le'i byang chub kyi sems kyis gang gi tshe gang bar gyur pa de'i tshe bag chags la sogs pa bcom pas sa bcu thob pa yin no/ e aM pu No bi ka hi a zhes bya ba ni 'di yang brjod par bya ste/ gzhan yang sa bcu gcig kyang yin no//sa ba ro ba sig+ga saT+Thi o zhes bya ba ni sa'i pha rol gyi ha thig le gnyis dang lhan cig pa'o/ /sa zhes bya ba ni khu ba'o/ /ba ro zhes bya ba ni sprul pa'i 'khor lo'i lte ba'i dbus su thabs dang shes rab kyi thig le 'dus pa'i bde ba chen po'i rang bzhin ha'o/ di r+Na a ra sa hA a pa ri o si o zhes bya ba ni de nyid nyin byed kyi sa bon ra dang lhan cig pas yongs su dag pa bya ste/de'i bde ba chen po dang lhan cig 'dod chags chen po'i rang bzhin gyis snang bar byed de/ 'dis yongs su dag pa yin no/ /beN+Ni gu Ni ab+bA zhes bya ba ni hra lan gnyis su bgrang bar bya ste/ thabs dang shes rab kyi rang bzhin gyi thig le bzhir shes par bya'o//phe kA ro d+hA ta bA len+du bin+du dzo i aM zhes bya ba ni phe'i yi ge'i steng du byis pa'i zla ba dang thig le dang ldan par bya'o/ /byis pa'i rang bzhin ni shes rab ste phe'i yi ge las rdzogs pa'i ze'u 'brur phyis byang chub sems kyi thig le dang ldan par bya'o/ / pu No bi b+ha Ni a zhes bya ba ni yi ge 'di yang brjod par bya ste/ yi ge 'di yang rdo rje'i lta bar bsgom par bya'o/ /phaT phaT To pa Ti kA ra so hi aM zhes bya ba ni phaT phaT ces bya ba'i dregs pa ste nga rgyal gyis mdzes pa'o/ /rdo rje dang pad+ma'i sgra'i phaT kyis 'dod chags chen po mdzes pa'o/ /sa a la bi ap+pa ta ru da ha da ha Da i Ni saM ba ru zhes bya ba ni rnam par rtog pa thams cad kyi shing mkha' 'gro ma'i rA bI sdom pas bsregs par brjod de de'i phyir da ha da ha zhes bya ba'i sgra yongs su brtags pa'o//mkha' 'gro ma'i sdom pa'i chos kyi 'byung gnas kyi mthar gnas pa yang ma yin zhing 'byung ba'ang ma yin pa'i byang chub kyi sems kyi rnam par rtog pa la sogs pa thams cad bsregs pa'o//pany+tsa bag+ga zhes bya ba ni sde tshan lnga pa'i pa'o/ /pa zhes bya ba ni sprul pa'i pad+mar sde tshan brgyad bsgom par bya'o/ /paN+NI sa ut+to zhes bya ba ni sde tshan gnyis pa'i dang po tsa dang ldan pa ste/de la sde tshan brgyad kyi nang du rlung gi 'gro ba dang 'ong ba'i bsgom pas byang chub kyi sems dang ldan pa yin no/ /b+hak+Sha b+hak+Sha ba sa ru d+hi rAn+t+ra mA lA ba lam+bi ne gr-ih+Na gr-ih+Na sap+ta bA tA la ga ta b+hu dzang+ga sarbam+bA tardza ya/ bi gu Ni a zhes bya ba ni tardza ya'i sgra nyis 'gyur du bya'o/ /dang po b+ha nas ra'i mtha'i yi ges dang po rdo rje'i rtsa ba nas lte ba'i mthar thig le dgu yang dag bshad do//dang po t+ta nas h+Na'i yi ge dang po lte ba nas snying ga'i mthar yang dag par bshad do/ /dang po gr-i nas tha ma ta'i yi ges dang po snying ga nas mgrin pa'i mthar blta'o/ /dang po b+hu nas mtha' ma yi'i dang po mgrin pa nas bde ba chen po'i mthar yang dag par bshad do//'di dag thabs dang shes rab kyi rang bzhin gyis nyis 'gyur du byas na thig le bdun cu rtsa gnyis so/ /'di rnams rdo rje dang pad+ma mnyam par sbyor bas gang gi tshe g.yo ba de'i tshe rdo rje'i mthar bde ba chen por 'gyur ro/ /a zhes bya ba ni a'o//ka'i yig 'bru zhes bya ba ni ka sbyin par bya ste/ a gtum mo'i sa bon la ka bde ba chen po yin no/ /tri a tsa uT+Tha zhes bya ba ni gsum pa'i bzhi pa D+ha'o/ /ba ba saMT+Thi a zhes bya ba ni rlung gi sa bon ya la D+ha gnas pa yin no/ /tsa uT+Tha zhes bya ba ni bzhi pa ste/ lhan cig skyes pa la ba na ste rlung yang dag par gnas pa yin no//e aN+he saM dzo a b+hi ni ab+ba zhes bya ba ni 'di sbyor ba yang brjod par bya ste/ 'di'i sbyor ba yang bla ma'i man ngag shes par byas nas bsgom par bya'o/ /so ha i ra bi a sa Na saT+Thi o sa ba ro zhes bya ba ni sa'i pha rol gyi ha nyi ma'i sa bon ra yis stan du byas na has mdzes pa yin te/dbang po thams cad mchog tu khyad par du 'phags pa 'dod chags chen po'i pad+ma'i stan gyis mdzes pa yin no/ co u bA Na pa ri pU ri a zhes bya ba ni mda' bzhi pa'i i yis yongs su gang ba ste/ bzhi pa lhan cig skyes pas dbang po thams cad yongs su gang zhing tshim par gnas pas gang du yang 'gro bar mi 'gyur ro//pu No ba b+ha Ni a zhes bya ba ni yi ge 'di yang brjod par bya ste/ yang dbang po la sogs pa gang ba yin no/ /ka sA k+Sha zhes bya ba ni ka dang Sha dag mnyam par sbyor bas k+Sha'o/ /kaSha zhes bya ba ni thabs dang shes rab kyi bdag nyid can gyi byang chub kyi sems yin no/pany+tsa bag+gAn+ha a sa NaT+Tha/ a zhes bya ba ni sde tshan lnga mtha' ma'i yi ges gdan du byas pa ste/ phung po lnga la sogs pa lte ba'i mthar son pas 'dir stan ma'i rnam pa yid kyi rang bzhin la bde ba chen po las 'dzag pa'i byang chub kyi sems bde ba chen po'i rang bzhin gyis stan du byas pa'o/a A ra bin+du sa yut+to zhes bya ba ni A thig le dag dang yang dag par ldan pa yin te/ der skad cig la a ni rnam pa ste/ dkyil 'khor gyi 'khor lo la sogs pa thig le dang yang dag par ldan pa yin no/ e aM tsi a b+ha Ni ab+bA zhes bya ba ni yi ge 'di yang brjod par bya ba ste/sems 'di yang shes par bya ba'o/ sa ba re baiN+Ni ba sag+ga hi o zhes bya ba ni sa'i pha rol gyi ha la mda' gnyis pa'i a bzung ba ste/ rngon pa mda' gnyis thogs nas dbang po la sogs pa'i ri dgas la bsnun par byed do/ /sa ba ro zhes bya ba ni rdo rje'o/ /beN+Ni ba Na zhes bya ba ni pad+ma ste 'di dag gis bag chags la sogs pa'i ri dgas gsod par byed do/pu No bi ti a bA na pa ri o si a sa ba ro zhes bya ba ni yang sa'i pha rol gyi ha mda' gsum pa i thung ngus yongs su dag pa yin te/ sku dang gsung dang thugs kyi dkyil 'khor thams cad kyi 'khor lo mchog tu khyad par du 'phags pa yongs su dag pa yin no//pu No bi sa ba ro pany+tsa bA NA sa No ki o zhes bya ba ni ya sa'i pha rol gyi ha ste/ 'dis mda' lnga pa u thung ngu stan du byas pa'o/ /rnam pa thams cad kyi mchog dang ldan pa'i u'i rnam pas bde ba chen po'i rang bzhin gyis dbang po lnga stan du byas pa yin no/ /e h+ya sab+bA khaN+Den+du bin+du ma u Da b+hu Shi a zhes bya ba ni yi ge gsum po 'di dag thams cad kyi cod pan la zla ba phyed pa dang thig les rnam par brgyan pa ste/sku dang gsung dang thugs kyi yi ge'i rdo rjes cod pan la gang brgyan pa de zla ba'i rang bzhin gyi byang chub kyi sems kyi thig les bag chags la sogs pa bcad pa'o/es+sa pu Na pu Na gu Ni a zhes bya ba ni yi ge 'di dag thams cad yang nas yang du nyis 'gyur du byas te/ sku dang gsung dang thugs 'di dag yang nyis 'gyur du byas na dbang po drug yin no/ ka sa tsa d+hi sa ra wa ra d+ha ro zhes bya ba ni ka sa tsa d+hi'i mda' mchog 'dzin pa'o/ /d+hi ni shes rab bo//sa ni thabs so/ /tsa ni byang chub kyi sems so/ /ka ni bde ba'o/ /sa ra ni 'dzag pas lte bar dga' ba bzhi'i rang bzhin 'dzin pa'o/ /ek+ka kal+li an+te zhes bya ba ni yi ge re re'i mtha' ru li sbyin par bya ste/ dga' ba bzhi gcig tu gyur pas bag chags la sogs pa nub par 'gyur ba'o//e a s+sa ru a pu Na pu Na b+ha Ni a zhes bya ba ni yi ge 'di'i rang gi ngo bo yang nas yang du brjod par bya ste/ mi 'gyur ba'i rang gi ngo bo 'di yang nas yang du bsgom par bya'o/ /sa ba ro U bA ra sa ra ra ru d+ho zhes bya ba ni sa'i pha rol gyi ha u la zhon pa yin te/ gang gi tshe byang chub kyi sems shar ba 'dod chags la zhon par gyur pa de'i tshe yan lag thams cad kyi mtshams su 'gro bar byed do/khaN+Dan+du bin+du pa ri o si o zhes bya ba ni zla ba phyed pa dang thig les yongs su dag pa'i hUM yin te/ kha zhes bya ba ni pad+ma'o/ /N+De zhes bya ba ni rdo rje ste/ 'di dag mnyam par sbyor ba'i zla ba'i rang bzhin gyi thig le 'dzag par 'gyur te/'dis yongs su dag pa'i dkyil 'khor yin no/ /pu No bi zhes bya ba ni yi ge 'di dag kyang yin te/ yang nas yang du zla ba'i rang bzhin thig le 'dzag par 'gyur ro/ /pa Na ra a Nan+ha pa sA hi o zhes bya ba ni sngags kyi mthar phaT rin po ches rab tu bsgrubs pa ste/phaT rin po che kha dog ser pos rigs kyi bdag po'i mthar bsgom par bya'o/ /ba hU bi bi ha zhes bya ba ni ches mang zhing rnam pa sna tshogs pa'o/ /kA lA kA lA zhes bya ba ni A li kA li'o/ /ku su ma sa ga si hi o zhes bya ba ni A li dang kA li 'di dag gi me tog gi snying po blangs pa'o//ba tu zhes bya ba ni rtsa brgya phrag gcig dang nyi shu lhag pa'o/ /'di rnams su bi bi ha zhes bya ba ni rnam pa sna tshogs pa'i thig le A li dang kA li'i rang bzhin me tog dang ldan pa'i shes rab dang sbyor ba las blangs pa'o/ /rtsa ba'i sngags btu ba rdzogs so// //kap+pa ri zhes bya ba ni ka las pha rol gyi kha ste/de yang chos kyi 'byung gnas kyi rang bzhin no/ /daT+Thi ni kum+mA sa Na saT+Thi a zhes bya ba ni mche ba ma'i sa bon sa la rus sbal te u stan du byas pa'o/ /khu bas rus sbal gyi dbyibs kyi chos kyi 'byung gnas stan du byas pa'o/ /madz+dzan+ta zhes bya ba ni sde tshan dbu ma'i mthar ni ma'o/ /sa madz+dzi a zhes bya ba ni dbus dang ldan pa ste b+ha dang sbyar bar bya'o//dbus ni dga' bral gyi dga' ba ste/ 'di'i mtha' ni lhan cig skyes pa ste 'dir dbus su dbang po thams cad yin no/ /pu No bi tsa uT+ThaT+Thi a zhes bya ba ni yang bzhi par gnas pa'i na ste/ yang bzhi pa lhan cig skyes pa la sems brtan par byas nas bsgom par bya'o/dza ma di an+to zhes bya ba ni gshin rje'i pho nya ma'i sa bon Sha mthar sbyin par bya ste/ ya'i sgra bde ba chen po yin no/ /b+ha d+ha u ma ri pa ri o si o zhes bya ba ni bzang po'i sa bon i'i steng du yongs su dag pa ste/ rdo rje'i steng du gnas pa'i byang chub kyi sems bzang po'i bsam gtan yin no//pu No bi kum+ma dza ma da nas ba sa hi o zhes bya ba ni yang rus sbal gyi rang bzhin u gshin rje mche ba ma'i sa bon sas rab tu brgyan pa'o/ /yang rus sbal gyi dbyibs chos kyi 'byung gnas su yang rlung gi rang bzhin zos shing bcom pas kyang sems rab tu brgyan pa yin no/ / Am+te tsi a nim+b+hau ba a Na sa dzu ta zhes bya ba ni nga'i zhal dang yang dag par ldan par bya ste/ nga'i zhal dga' ba bzhi po de dang sems yang dag par ldan pa'o/ /ag+gi kum+mA sa No NA ho zhes bya ba ni me'i sa bon te ha ra'o/ /de yang rus sbal te/ u stan du byas pa'i mgon po yin no/ /'dod chags kyis gang zhig byang chub kyi sems shar pa de mgon po yin no//beN+Ni re ho dza lo si zhes bya ba ni hu ra gnyis kyis nye bar 'bar zhing rab tu gsal ba yin te/ 'dod chags dang 'dod chags dang bral ba 'dres par gyur pas nye bar 'bar zhing rab tu gsal ba bde ba chen po yin no/ /pha Ni pha Na ba a no dz+wa lo Na ho zhes bya ba ni mgo bo dang ldan pa'i gdong gi kha'i phaT de/des nye bar 'bar zhing rab tu gsal ba'i mgon po yin te/ rdo rje dang chu skyes kyi sgras 'bar zhing rab tu gsal ba'i 'dod chags chen po yin no/ /kA ki mu khi zhes bya ba ni khwa gdong ma'o/ /mu ka ke shi zhes bya ba ni skra grol ma'o/ / bAg+gi zhes bya ba ni ngag dang ldan pa'o/ /in+du b+hA gi zhes bya ba ni zla ba'i ma ma'o/ /ke TI sA zhes bya ba ni de bye ma'o/ dz+dza bo ti ba Tidz+dza zhes bya ba ni srog 'don ma'o/ /pa ri o i o zhes bya ba ni rnal 'byor ma drug yongs su dag pa'o/ /ka ha ka hidz+dza i zhes bya ba ni 'di rnams kyi mthu gang du brjod par bya ba zhes bya ba'o//kas+sats+tsha a dza i zhes bya ba ni rig ma 'di rnams kyi mthu gang na yod par 'gyur zhes bya ba'o/ /in+d+ra brah+ma biT+Tha ma he sa ro zhes bya ba ni dbang po dang tshangs pa dang khyab 'jug dang dbang phyug chen po ste dga' ba'i rang bzhin no/ /pa tse khe bi zhes bya ba ni mngon sum pa'o/ /sa ba la ha No bi zhes bya ba ni dpung dang bzhon par bcas pa yin te/'di dag ni dga' ba bzhi'i mngon sum gyis dpung dang bzhon par bcas pas dga' ba bcu drug go/ /N+NA sa ta ha na se zhes bya ba ni 'jig par 'dod na 'jig par byed de/ dga' ba 'di rnams kyis bag chags la sogs pa 'jig par 'dod na bsgoms pa tsam gyis 'jig par byed do//kA ki hi a A saN+Thi a zhes bya ba ni gang du 'di lta bu yang dag par gnas pa bsgrag par bya zhe na bla ma la gus pa'i slob ma dam tshig can la bsgrag par bya'o zhes pa'i don to/ /b+hi d+hi a b+hu a Ne sa ra khaN+Dan+du so hi A zhes bya ba ni dbyen ma ste o'o//sa'i dbang phyug ni a ste 'di dag la zla ba phyed pa dang thig les brgyan pa ni oM yin no/ /sa ni rdo rje'o/ /dbyen ma ni pad+ma ste 'di dag mnyam par sbyor bas zla ba'i rang bzhin byang chub kyi sems kyi thig les bag chags la sogs pa bcad pa ste thig le dang po'o/ /pu Na madz+dza sa ga hi a zhes bya ba ni yang sde tshan dbu ma'i ma bzung ste/yang gang zhig pad+ma'i nang du rdo rje 'di lte ba'i dbus su de bzung ba ste thig le gnyis pa'o/ /ut+ta ra madz+dza zhes bya ba ni byang gi dbu ma ste dza'o/ /gang gi tshe rtsa'i dbus su ya ste rlung yin pa de'i tshe byang ni bde ba mchog yin no//ra bi ki ra Na ka ma la sa dzut+ta zhes bya ba ni nyi ma'i 'od zer gyi pad+ma ster dang yang dag par ldan par bya'o/ /nyi ma'i 'od dang yang dag par ldan pa'i ka ma la ni pad+ma ste/ rdo rje dang lhan cig mnyam par sbyor bar bya ste thig le gsum pa'o/ /na i ri ti a mi ki ri a ka so hi a zhes bya ba ni srin po'i phyogs su gnas pa'i wa ste thig le bzhi pa'o//'di ni mi ki ra'i mtshan ma ai sa brgyan pa ste thig le lnga pa'o/ /mi ki ra zhes bya ba ni e'i dbyibs kyi chos kyi 'byung gnas kyi nang du sgra'i rang bzhin rtsa steng du gnas pa'o/ /na i rit+ta zhes bya ba ni chu bo'i rang bzhin te de ni rdo rje pad+ma mnyam par sbyor bas byang chub kyi sems 'bab pa'o//dza la Na ha b+hi d+hi a pa ri o si o zhes bya ba la 'bar ba ni ra ste thig le drug pa'o/ /dbyen ma ni o sa yongs su dag pa ste thig le bdun pa'o/ /o'i rang bzhin gyi sgo dgur 'dod chags kyis phye ba'o/ / ut+ta ras+sa pa hi a zhes bya ba ni byang gi dang po ni tsa ste thig le brgyad pa'o/ /shes rab dang mnyam par sbyor ba'i dus su dang por byang chub sems bskyed pa ste byang ni mchog yin no/ /dza mas+sa an+ta zhes bya ba gshin rje srub pa'i mtha' ni ste thig le dgu pa'o/ /yang rlung gi rang bzhin gyi mthar lhan cig skyes pa'o//ba sa ha u a ri T+Thi a zhes bya ba ni glang ste I ring po na'i steng du gnas pa ni thig le bcu pa'o/ /dngos po thams cad kyi steng du lhan cig skyes pa mchog gnas so/ /pa ba No raN+Ta Ni na pa sA hi o zhes bya bas ni rlung gi sa bon ya ste thig le bcu gcig pa'o/ /raN+Da ni es rab tu mdzes pa ste thig le bcu gnyis pa'o//rlung gi rang bzhin gyi ya e'i dbyibs kyi chos kyi 'byung gnas su sgo nga'i mdzod las 'dod chags kyi rab tu mdzes pa ni mchog tu dga' ba yin no/ /dza ma daT+Thi Ni na i ri ba iT+Thi zhes bya ba ni gshin rje mche ba ma'i sa bon sa bden bral du wa'i steng du gnas pa ste thig le bcu gsum pa'o//sa'i rang bzhin gyi khu ba lte bar gnas pa'o/ /mo hA b+ha ri a zhes bya bas ni gti mug gi sa bon as gang ba ste thig le bcu bzhi pa'o/ /de la bag chags la sogs pa thams cad rmongs par byed pa'o/ /dza ma ma ha ni mo ha pa ri o si a zhes bya ba ni gshin rje srub ma'i sa bon te thig le bco lnga pa'o//gti mug gi rang bzhin as yongs su dag pa ni thig le bcu drug pa ste/ ya'i rang bzhin gyi rlung srub pa dang / 'jig pa dang bag chags la sogs pa 'joms pa yin no/ /sgyu ma chen mo bcu drug ni rdo rje mkha' 'gros bshad pa yin/ pa hi aM kum+ma zhes bya ba ni dang po'i rus sbal te u dang ldan pa yin no//dang por rus sbal gyi dbyibs chos kyi 'byung gnas la reg pa la sogs par byed pa'o/ /ut+ta ras+sa pa D+hu ma zhes bya ba ni byang gi dang po ste rtsa'o/ /dang por byang chub kyi sems mchog zags nas phyis mnyam par sbyar bar bya'o/ /ha raN+Ni sa dzut+ta zhes bya ba ni ha dang ra mnyam par sbyor bar byed pa ste ha bde ba chen po 'dod chags dang ldan pa yin no//b+ha d+ha a u a ri saMT+Thi a zhes bya ba ni bzang po'i rang bzhin i thung ngu steng du gnas pa ste/ lhan cig skyes pa bzang po steng du gnas pa yin no/ /dza ma du a ba ru NA sa Na zhes bya ba ni gshin rje pho nya ma'i rang bzhin Sha ste de yang chu bdag gi la gnas pa ste gshin rje'i pho nya byang chub kyi sems lte bar gnas pa'o//ra i mo ha b+ha bi a zhes bya ba ni rmongs par byed pa'i sa bon as bsgoms pa ste/ a gtum mo'i sa bon la 'dod chags 'bar bas dbang po la sogs pa rmongs par byed pa'o//bu Nu kasak+Sha ka hi a zhes bya ba ni yang ka dang Sha dag mnyam par sbyor ba'i k+Sha yin te khu ba dang bde ba dag gis rnam pa gnyis su med par 'di rtogs par bya ba yin no/ /dza ma daT+Thi Ni b+ha d+ha si ra so hi aM zhes bya bas ni gshin rje mche ba ma'i sa bon sa la bzang po'i sa bon i thung ngus spyi bo brgyan pa ste/sa ni byang chub kyi sems te bde ba chen pos brgyan pa yin no/ /bu No bi dza ma daSh+Da Ni Na i ri ti a sa na zhes bya ba ni yang gshin rje mche ba ma'i sa bon sa bden bral gyi wa la gnas pa ste/ yang sa ni byang chub kyi sems lte bar bsgom par bya'o/ / mo ha sa yut+ta zhes bya ba ni gti mug gi sa bon a dang ldan pa ste gti mug ni mig la sogs pa ste/ de dang ldan pa yin no/ /ta ha sa ba ro ha sa ha pa ri o si o zhes bya ba ni de la sa'i pha rol gyi ha gti mug gi rnam pa dang lhan cig yongs su dag pa rnam pa thams cad kyi mchog dang ldan pa rmongs par byed pa'i rang bzhin gyi dbang po dang lhan cig lha'i rnal 'byor gyi rnam pas bu mo 'gugs par byed pa'i mchog go//pub+bas+sa aT+Tha ga ti a zhes bya ba ni shar gyi brgyad pa ba bzung ste dang po dbang brgyad blang bar bya'o/ /madz+dza tsa ut+Tha n+ta adz+dzut+ta zhes bya ba ni dbu ma'i d+ha dang bzhi pa'i mtha' na dang ldan par bya ste/dbu ma'i dga' bral gyi dga' ba'i mthar bzhi pa shes par bya'o/ /ta ha raN+Da shi Shu lag+ga zhes bya ba ni/ de la raN+Da'i rang bzhin e spyi bor thogs pa ste/ sgo nga'i mdzod las 'dod chags chen pos spyi bo'i bar du gang zhig 'ongs pa de bsgom par bya'o/ / pu Ni bi madz+dzaN+Da gi hi aM zhes bya ba ni yang dbu ma'i mthar ma blang ba ste bsgom pa byas pas gal te ma grub pa de'i tshe/ yang dbu ma'i mtha' lhan cig skyes pa blangs te sgom par byed na 'grub par 'gyur ro/ /b+hi d+hi ma a maN+To zhes bya ba ni dbyen ma'i rang bzhin o mthar sbyin par bya ste/ mthar bsgom pa byas pas byang chub kyi sems kyi gnas 'byed pas phyis dngos grub dang cho 'phrul spro bar byed do//dza ma ma ha Ni sa ga te aM zhes pas ni gshin rje srub ma'i sa bon ha blang bar bya ste/ gang gis rlung 'jig pa dang srub par byed pa de blang bar bya'o/ /raN+Da kaN+Na b+ha ra No zhes bya ba ni ra b+ha'i sa bon e rna ba'i rgyan te rna cha byas pa'o//raN+Da zhes bya ba ni e'i dbyibs bde ba chen po'i 'khor lo las byang chub kyi sems gang gi tshe rna bar 'ongs pa de'i tshe rgyan yin no/ /an+ta sa ha oM zhes bya ba ni mthar swA hA yin te/ rdo rje'i mthar bde ba dang khu ba yin no/ /bi hi pa ri oM zhes bya ba ni lam 'dis bsgom par byas na/cho ga yongs su dag pa'i bsam gtan yin no/ /ka la madz+dzaT+Tha a dza a u zhes bya ba ni byang chub kyi sems kyi chu rdo rje'i dbus su gnas pas bag chags la sogs pa las rgyal bar 'gyur ro/ /zur bcag pa'i skad kyis sngags btus pa rdzogs so// // thig le'i rab tu dbye ba bsgrag par bya ste/ rkang mthil dang ni rkang pa'i ste/ /brla dang gsang ba pad+ma'i rtsar/ /lte ba'i dbus dang lte ba'i ste/ /snying dang mgrin pa rkan dang ni/ /kha dang sna rtse rna ba dag /dpral ba spyi bo rgyab tu yang / /'di rnams gnas ni bcu drug tu/ /thig le rnams ni nges par gnas//'di rnams man ngag bshad par bya/ /rkang mthil la sogs gsang bar ni/ /dga' ba'i rang bzhin thig le rnams/ /pad+ma'i rtsa sogs snying gi bar/ /mchog tu dga' ba'i rang bzhin nyid/ /mgrin pa la sogs sna yi bar/ /dga' bral dga' ba'i rang bzhin no/ /rna ba la sogs rgyab kyi bar/ / lhan cig skyes pa'i rang bzhin nyid/ /'di rnams re re dag gi yang / /sprul pa yang ni brjod par bya/ /'bum phrag nyi shu rtsa gcig dang / /stong phrag brgyad cu rtsa bdun rnams/ /lnga brgya yang dag ldan par yang / /re re yi ni sprul pa rnams/ /'di rnams kyis ni lus khyab pa/ /bye ba phrag gsum phyed bcas pas//thig le rnams kyis lus la khyab/ /bsgoms pas cung zad drod thob pa/ /rangs pas ba spu'i khung bu nas/ /'od zer dag ni rnam par byung / /nyin mo dang ni mtshan mo'i tshad/ /da ni bdag gis bshad par bya/ /chu tshod sum cu rtsa gnyis rnams/ /nyin dang mtshan mor rab tu grags/ / rlung gi 'pho ba bcu drug nyid/ /chu tshod rnams ni gnyis gnyis la/ /re re dag gi thig le yang / /mgo zug longs spyod nub pa yang / /he ru ka ni 'byung rgyud du/ /bcom ldan 'das kyis yang dag bshad/ /sgom pa mchog gi dus su ni/ /skad cig skad cig la ni skye/ /phal pa'i dus su ji ltar rtogs par bya/zhe na/ rlung gi dbye bas shes par bya'o/ /rlung gi dbye ba ji ltar yin zhe na smras pa/ sna'i bug pa nas brgya phrag bcu bzhi dang lhag pa phyed dang bcu gnyis dang bcas pa 'gro ba dang 'ong bas/ thig le gcig gi mgo zug pa dang longs spyod pa dang nub pa rtogs par bya'o/ /thig le'i tshad bsgrag par bya ste/lnga las zhes bya ba ni dbang po lnga'i bdag nyid kyi bcom ldan 'das snying la bzhugs pa ste de nyid sems can thams cad kyi rtsa'o/ /nyi shu rtsa lnga'i zhes bya ba ni dpa' bo dang dpa' mo'i dbang phyug ma nyi shu rtsa bzhi'i dbus su bcom ldan 'das bzhugs pa ste/ 'di dag gis nyi ma sum cus 'gro ba phyi rol du bshad do//de'i phyir brgya dang rtsa gcig gi sum 'gyur byas nas zhes bya ba ni rgyu de'i phyir brgya phrag gcig dang lhag ma gcig gis brtsis shing rtsa ba sum cu bcug pas sum brgya dang drug cu lhag pa yin no/ /'dis bgrangs pas phyi rol du lo yang bshad de/nang du rlung 'di dag gi tshad kyis lhan cig skyes pa tha ma yin no/ /dga' ba re re'i rlung sum cu 'gro ba dang 'ong bas brgya phrag bzhi dang lhag ma brgyad cus ni lhan cig skyes pa 'bring po yin no/ /mchog de ji ltar yin zhe na smras pa/ brgya rtsa sum bcu 'gyur zhes bya ba ni brgya dang lhag pa sum cu 'gyur du byas na stong phrag gcig dang lhag ma sum cu yin te/dbang bo drug gi rang bzhin bor na dga' ba re re la drug cu rtsa bzhi yin no/ /'dis ni lhan cig skyes pa mchog tu 'gyur ro/ /slob dpon kha cig na re rlung sum cu 'gro ba dang 'ong bas lhan cig skyes pa tha ma'o/ /sum brgya dang drug cu lhag pas ni lhan cig skyes pa 'bring po yin no//stong phrag gcig dang lhag ma sum cus lhan cig skyes pa mchog yin no zhes zer ro/ /mig gsum ri bong can/ bcu drug zung dang zhes bya ba la/ mig gsum zhes bya ba ni tha ma'o/ ri bong can zhes bya ba ni 'bring po'o/ /bcu drug zung dang zhes bya ba ni mchog yin no//gang zhig lha zla ba zhes bya ba ni rtsa gnyis kyi rang bzhin gyis lha ste zla ba'o/ /de rnams zhes bya ba ni zla ba bcu gnyis rnams so/ /nyi ma zhes bya ba ni nyin mo bcu gnyis so/ /tshes zhes bya ba ni tshes bcu gnyis rnams so/ /bcu dang lnga ni lhag ma gang / /zhes bya ba ni bcu dang lhag ma lnga ni bco lnga yin no//de bco lnga'i phyed kyis bgrangs pas brgya phrag gcig dang lhag ma nyi shu yin no/ /bcu'i phyed dang zhes bya ba ni lnga'o/ /nyi shu phyed kyis sbyang ba ste/ /zhes bya ba ni de yang bcus brtsis pas lnga bcu yin te/ 'khor lo bzhi'i rtsa brgya dang nyi shu'i nang du yi ge lnga bcu thig le'i gzugs su bsgom par bya'o//'tsho ba'i zhes bya ba ni skyes bu 'tsho ba'i thig le rnams so/ /du yin zhe na/ smras pa sum brgya dang lhag ma drug cus stong phrag gcig dang lhag ma sum cu brtsis pas thig le 'bum phrag gsum dang stong phrag bdun cu brgyad brgyar 'gyur ro/ /'di rnams ni zas log pa dang /sems mi dga' ba dang bud med dang 'phrad pas zad par 'gyur zhing mi snang bar 'gyur ro/ /yi ge lnga bcu 'khor lo'i dbus su bsgoms pas thig le 'phel bar 'gyur te/ 'phel bas skyes pa rnams kyi tshe zad par mi 'gyur zhing tshe ring bar 'gyur ro/ /de nas byang chub sems kyi gnas skabs bshad par bya'o//dang por skar ma brtsi bar bya/ /zhes bya ba ni dang por rgyu skar nyi shu rtsa bdun bgrang bar bya ste/ brkyang ma dang ro ma dang kun 'dar ma dang ldan pa'i rgyu skar nyi shu rtsa bdun rnam par dag pa'i rtsa nyi shu rtsa bdun la/ nyi ma nyi shu rtsa bzhi dbye bas byang chub kyi sems mtshon par bya'o//gang la zla ba rnams gnas pa'i/ /zhes bya ba ni gang du rtsa rnams la zla ba byang chub kyi sems gnas pa de rnams kyi tshes kyi dbye bas shes par bya'o/ /tshes bcu gcig rnam par dag pa'i rtsa la gang gi tshe byang chub sems yin na/ drug tu brtsi bar bya zhes bya ba ni drug 'gyur du bgrangs pas drug cu rtsa drug yin no//nyi ma'i chu tshod bor nas ni/ /zhes bya ba ni phum bu sum cu rtsa gnyis gsal bas sum cu rtsa bzhi gnas so/ /de la zla ba gzhug bya ste/ /zhes bya ba ni zla ba bcu drug bcug pas lnga bcur 'gyur ro/ /yang ni drug cus brdung bar bya/ /zhes bya ba ni de rnams drug cu 'gyur du brtsis pas stong phrag gsum du 'gyur ro//mda' zhes bya ba ni lnga'o/ /me ni gsum mo/ /bcud kyi dbang po zhes bya ba ni brgyad de 'di rnams bcu drug gi cha bor bar bya'o/ /phyis ni cha lhag ma brgyad gnas par 'gyur te/ de yang brgyad kyi gnas skabs kyis byang chub kyi sems su shes par bya'o//bcu gnyis rang gi nang du ni/ /zhes bya ba ni thabs dang shes rab kyi nyi ma bcu gnyis kyi dbye bas shes par bya ste/ dbye ba 'dis shes rab dang phrad pa'i dus su chos kyi 'byung gnas su thig le ltung bar shes par bya ste/ ltung bar gyur nas byang chub kyi sems gal te ma thos na de'i tshe rdzogs pa'i byang chub sgrub pa la skyon chen por 'gyur ro//thabs dang shes rab phrad pa'i dus su byang chub sems kyi 'gro ba bshad par bya'o/ /skra nas 'gugs pa la ra'i 'gro ba ste byang chub sems 'bo zhing 'gro ba'i phyir ts+tsha ga'o/ /gos phud pa na klu'i 'gro ba ste 'gro zhing 'jigs pa'i phyir nA ga'o//b+ha ga mthong na khyi'i 'gro ba ste rang gi don 'gugs pa'i phyir shwa na'o/ /lag pa dang lag pa phrad pa na byi ba'i 'gro ba ste bag chags la sogs pa rnams rmongs par byed pa'i phyir mU Shi ka'o/ /'o byed pa na byi la'i 'gro ba ste yid byang chub sems 'dzag pa'i phyir mardza'o//'khyud pa na stag gi 'gro ba ste dus 'dir rnam par rtog pa zos pa'i phyir byA g+h+ra'o/ /nu ma nyed pa na glang gi 'gro ba ste/ b+ha gar bdud rtsi 'bab pa'i phyir br-i Sha b+ha'o/ /ma mchu 'jib pa na bong bu'i 'gro ba ste chags par 'gyur ba'i phyir kha ra'o/ /dga' ba'i cha sa ma he'i 'gro ba ste bag chags la sogs pa rnams la yid gsod pa'i phyir mahiR+Sha'o//sbang rtsi 'thung ba na rta cang shes kyi 'gro ba ste dbang po la sogs pa rnams la bsnur ba'i phyir ha ya'o/ /rdeg pa ni spre'u'i 'gro ba ste/ yid kyi bdud rtsi 'dod chags kyis skyed par byung ba'i phyir marka Ta'o/ /go bar byed pa na glang po'i 'gro ba ste byang chub sems 'gro ba na shed skye ba'i phyir ga dza'o//rdo rje 'dzud pa ni mi'i 'gro ba ste yid la 'dod pa dang ldan pa 'byung ba'i phyir ma nu Sha'o/ /bskyod pa na ne 'u le'i 'gro ba ste rigs lnga'i rang bzhin khyer bar byed pa'i phyir na ku la'o/ /rnam pa sna tshogs pa bskyod pa na rta'i 'gro ba ste bde ba chen po'i dbugs 'byin pa sbyin pa'i phyir a shwa'o//dbang po thams cad 'gog pa na rdo rje'i 'gro ba ste lhan cig skyes pa na mi phyed pa'i phyir rdo rje'o/ /gshin rje dang 'byung po dang yi dags dang srin po'i 'gro ba 'di rnams kyi rang bzhin ni dga' ba thams cad la yod do/ / gshin rje'i zhes bya ba ni ya'i rang bzhin gyi rlung srub pa'o/ /yang dag pa'i don ster ba'i phyir 'byung ba'o/ /rab tu 'gro ba'i phyir yi dags so/ /'dod chags zad par byed pa'i phyir srin po'o/ /de ltar dga' ba bcu drug gi 'gro ba shes par bya ste/ gzhan pa'i 'gro ba ni re'u mig nyi shu rtsa bzhir bla ma'i man ngag las rtogs par bya'o//byang chub kyi sems kyi gnas kyi dbye ba bshad par bya'o/ /rgyab tu shar ba bshad par bya/ /ngos su rab tu dga' ba yin/ /snying la rjes su shar bar nges/ /lto ba la ni rang bzhin nyid/ /pus mo la ni de bzhin rig /dpral ba la ni 'od yin te/ /lag pa g.yas par shin tu 'od//lag pa g.yon par sna tshogs nyid/ /rna ba g.yas par bu nyid de/ /rna ba g.yon par mdzod spu ste/ /pad rtsa ra spyi bor rgyal po che/ /'di dag nas la reg tsam gyis/ /rtag tu dga' ba skye bar 'gyur/ /gnas re re sgo bcu rnam par dag pa'i rtsa bcu longs spyod par byed do//de bzhin du yang he ru ka 'byung ba'i rgyud las gsungs pa/ phrad pa'i dus su byang chub kyi sems lag pa dang rkang pas rengs par bya ste/ lag pa zhes bya ba ni lte ba dang gsang ba'i pad+ma'i rtsa bar sor mos mnan pas byang chub sems thems par 'gyur ro/ /rkang pa zhes bya ba ni pus mo g.yas pa la gnas pa'i nas rkang pa g.yon pas mnan cing pus mo g.yon pa'i nas rkang pa g.yas pas mnan pas byang chub sems thems par 'gyur te/de ltar dbang dang sgom pa'i dus su byas na bde ba mchog tu 'gyur ro/ /sdom pa 'byung ba las gsungs pa'i rtsa'i ming rnams brjod par bya ste/khyer ba dang / rmongs ma dang / longs spyod can dang / 'gro ba can dang / chu bdag ma zhes bya ba dang / gzi brjid dang ldan ma dang / dpa' bo'i blo gros ma dang / re ba ti nyid de/ rtsa 'di rnams ni chos kyi 'khor lor rnam par gnas pa ste/ 'dir rtsa bzhi ni byang chub kyi sems 'bab pa'o//snying po can dang / grags ldan ma dang / sgyu ma can dang / bzhad gad can dang / 'dod pa ma dang / yan lag thung ba dang / me zhes bya ba dang / thams cad sbyin pa dang / mtshan mo gnas ma dang / snang byed ma dang / mchod sbyin ma dang / ral pa can dang / 'jog ma dang / yid sbyin ma dang / ku mu di dang / nga rgyal gyi sgra dang / rtsa 'di rnams longs spyod rdzogs pa'i 'khor lor rnam par gnas te/ rtsa lnga ni byang chub kyi sems 'bab pa'o/ /rtog dang ldan ma dang / brtan ma dang / lkugs ma dang / zhu ma dang / yan lag brtan ma dang / gser gyi gdong ma dang / mdzes pa'i mig dang /gzas zin ma dang / 'jigs pa'i gdong ma dang / ri bong can gyi re khA dang / 'jig ma dang / rgyal mtshan grol ma dang / 'du ma dang / 'gro byed ma dang / 'phrad ma dang / rta mgrin ma dang / 'dzag pa dang / lto 'phye ma dang / rgyal ba ma dang / chang myang ma dang / 'dod chags ldan ma dang /skyed byed ma dang / pad+ma can dang / mdzes ma dang / skyong ma dang / dbyangs can dang / gzungs dang / rengs byed ma dang / rtse mo las skyes ma dang /brkyang ma dang / rtsub pa'i yan lag ma dang / gnas las g.yo ma'o/ /rtsa 'di rnams ni bde ba chen po'i 'khor lor rnam par gnas pa ste/'dir bcu gcig ni byang chub kyi sems 'bab pa'o/ /'gro bar spro ba dang / rgyu 'dzin ma dang / ro ma dang / 'jig ma'i zhu ma dang / sna rgyas ma dang / dgra las rgyal ma dang / sgra ldan ma dang / sgra mchog ma dang / khrag ma dang / nor sbyin ma dang / 'dod chags kyi yan lag ma dang /chu sbyin ma dang / dri ma 'jig par byed ma dang / ha hA byed ma dang / 'dar ma'i lus dang / dri ma dang ldan ma dang / blo rgyas ma dang / 'od dang / spras pa dang / bud med dang / rgyas sbyin ma dang / sA ri ka dang / 'gro ba gso ba can dang / rgod pa dang / ni ra dA dang / phreng ldan ma dang / yan lag dman pa dang / myang ba can dang / 'phrog pa ma dang / byin za dang / shugs can ma dang / 'bras bu dang bcas ma dang / lus brtan ma dang / rtse ba'i rnam ma dang / sbyin sreg tu 'gro ba dang / ti ri yan lag ma dang / nyin mtshan gyi lha mo dang / 'bras bu can dang / nang gi gnas dang /sdig pa 'joms dang / phag mo dang / hA ri Ni dang / 'gro byed ma dang / ngo tsha bar 'gro ba dang / cod pan dang / skya mo dang / gzung ma dang / yid skyes ma dang / phug dang / dri ma med ma dang / 'od zer bzang mo dang / rab gtum dang / g.yo byed ma dang / rdzus te skye ma dang / sdug pa dang / 'gro ba la phan ma dang /stobs ldan ma dang / 'dong ma dang / bskyod ma dang / lus sngon mo dang / gshin rje 'jigs ma dang / rang gi 'byung gnas ma dang / ha la ha la ste rtsa 'di rnams sprul pa'i 'khor lor yin zhing / 'dir bcu gnyis ni byang chub kyi sems 'bab pa'o/ /thig le'i ming brjod par bya ste/ka ma la dang / 'dod chags kyi lus dang / bum pa'i dbyibs dang / dga' ba'i yon tan dang / rigs ldan dang / gzungs can dang / thab khung gi dbyibs dang / du ba can dang / thig le 'di rnams chos kyi 'khor lor gnas pa'o/ /rnam par 'ching ba dang / gzhu'i dbyibs dang / gnas pa dang / dkar ba'i yan lag sbyin pa dang / lus mchog dang / 'dod chags dang bcas pa'i lus dang / 'gro ba'i bdud rtsi dang / skyob pa po dang / sgeg pa po dang / rgyal ba 'phel ba dang / sa'i nor bu dang / za ba po dang / rgyal ba skyes dang / 'dru ba dang / 'phrul pa 'jig pa dang / skye ba 'phro ba ste thig le 'di rnams ni longs spyod rdzogs pa'i 'khor lor yin no//'phrog pa'i bdag po dang / 'phrog par phyin pa dang / 'phrog par byed pa dang / ngo tsha zhing g.yo ba dang / dbu ma'i phung po dang / spros pa dang / 'bras bu can dang / stobs ldan brtan pa dang / phu'i sgra dang / lus sbom dang / snying rje dang ldan pa dang /nyon mongs pa bcom pa dang / 'bral bar byed pa dang / thod pa'i dbyibs dang / rlung med dang / sems zhum pa dang / pad+ma'i phung po dang / bsam gtan ring po dang / dngos po 'phel ba dang / 'tshe ba dang / snang ba can dang / skad cig bcom pa dang / 'jigs su rung ba'i nor bu dang /kun du bsnyegs pa dang / du bar byed pa dang / blo 'bar ba dang / stobs skrag pa dang / rlung chung ba dang / mdzes pa'i stobs dang / dpa' bo'i gnas dang / mtshan nyid nye bar 'bar ba dang / 'du ba 'phel ba ste thig le 'di rnams ni bde ba chen po'i 'khor lor ro/ /lus sngon po dang / bya rgod kyi gdong dang / hu lu'i gdong dang / mgrin pa'i mig dang / bsreg dbugs kyi snag tsha dang / thams cad kyi lus dang / rkang pa'i rtsa ba dang / nor bu'i phung po dang / rkan gyi dkyil 'khor dang / rol pa'i spyan dang / nam mkha'i mdzod dang / 'gram gyi nor bu dang / sa g.yo ba dang / chu'i mdzod dang / tshogs kyi gnas dang / 'gog pa dang bcas pa dang / yongs dang / rlung gi sgra dang / 'jog po dang / 'gro ba 'jig pa dang / grags pa bcom pa dang / dka' thub 'jig pa dang / skyed par byed pa dang / skye ba la gnas pa dang / yon tan mtha' yas pa dang / kha ma bye ba dang / 'dul bar byed pa dang / grags pa mtha' yas dang / lus 'dzin pa dang / lus tsha ba dang / 'phrog pa dang / 'phrog par byed pa can dang / rgyan gyi khams dang / sa'i yon tan dang / hA ri Na dang / rgod par byed pa dang / 'dod pa'i lus dang / phan pa'i bdag po dang / sreg blugs snying po dang / sreg blugs kyi ka ma la dang / srin bu can dang / kha chu can dang / ci byed ces bya ba dang / rol pa'i gnas dang / yon tan 'dru ba dang / rtse ba'i gzi brjid dang / cod pan byed pa dang / re ba dang / grub pa'i lus dang / rtags las skyes pa dang / spyi bo'i yon tan dang / rol pa'i bza' ba dang / dal ba'i yan lag dang /rdzu 'phrul las skyes pa dang / dal ba'i stobs dang / rdzu 'phrul sbyin pa dang / sems kyi dri ma can dang / rtag sbyin pa dang / ring ba'i gnas dang / yan lag 'dri ba dang / longs spyod sbyin pa dang / 'khor ba can dang / yon tan 'dzin pa dang / bsam gtan lhag pa ste thig le 'di rnams ni sprul pa'i 'khor lor rnam par gnas pa'o/'khor lo bzhi'i nang du thabs dang shes rab kyi bdag nyid can gyi bcom ldan 'das byang chub kyi sems bzhugs te/ dga' ba ni sprul ba'i 'khor lor te 'di'i shes rab ni ye shes so/ /mchog tu dga' ba ni longs spyod rdzogs pa'i 'khor lor te 'di'i shes rab ni ye shes kyi bdag nyid can no//dga' bral gyi dga' ba ni chos kyi 'khor lor te/ 'di'i shes rab ni ye shes grub par byed ma'o/ /bde ba chen po'i 'khor lor ni lhan cig skyes pa'i dga' ba ste 'di'i shes rab ni ye shes 'gog pa'o/ /gnas dang nye ba'i gnas rnams su/ /rtsa yi kun spyod rim pa yis//byang sems song nas 'ong ba dang / /yan lag thams cad dga' thob cing / /rlung ni sor gnyis 'chad 'gyur na/ /sa gnyis dag ni 'thob 'gyur zhing / /sems can kun gyi gzhan gyi sems/ /rnyed par dka' ba shes par 'gyur/ /zhing dang nye ba'i zhing gnas su/ /rtsa yi kun spyod rim pa yis//byang sems song nas 'ong gyur na/ /de tshe mchi ma ltung zhing skye/ /rlung ni sor brgyad 'gro bar 'gyur/ /'di dag mtshan nyid thob gyur na/ /khams gsum dag tu gang zhig gzugs/ /de kun skad cig gis mthong zhing / /sa ni bzhi pa 'thob par 'gyur/ /tshan+do nye ba'i tshan+do ru//gang tshe sems ni kun spyod na/ /sna tshogs gzugs rnams mthong nas ni/ /rnam par phye nas rgod pa dang / /rlung ni so drug rgyu ba dang / /sa ni drug pa thob pa yin/ /khams gsum dag tu gang zhig sgra/ /de rnams thams cad thos par 'gyur/ /'du ba nye ba'i 'du gnas su/ /rtsa yi kun spyod rim pa yis//rtag tu 'gro dang 'ong bar ni/ /byang chub sems ni byed par 'gyur/ /rlung ni sor gnyis chad 'gyur zhing / /myos par byed pas rgyal ba'i lus/ /bdag gzhan shes par mi 'gyur na/ /sa ni brgyad pa 'thob 'gyur zhing / /rtag tu ling+ga brtan pa yin/ /de yi tshe yi dus su ni//sngon gyi gnas ni rjes dran yin/ /dur khrod nye ba'i dur khrod du/ /sems kyi 'gro dang 'ong ba ni/ /dus ni gang tshe nges 'gyur ba/ /rlung ni sor gnyis rgyu ba na/ /sa ni bcu pa 'thob par 'gyur/ /lus ni 'dod chags chen po yis/ /kun du khyab par 'thor 'gyur zhing / /de tshe rdzu 'phrul dra ba ni//du ma rnams ni ston par 'gyur/ /de ltar kun spyod rim pa yis/ /rtag tu lha mo rab gtum sogs/ /'khor lo kun du spyod pa yin/ /ye shes 'byung ba'i sgrub pa'i thabs/ /ga ya d+ha ras byas pa yis/ /gang zhig bsod nams skye ba yi/ /bsod nams des ni 'jig rten yang //he ru ka yi sar 'gro shog /ye shes 'byung ba'i man ngag ces bya ba kA ya s+tha pa ga ya d+ha ras mdzad pa rdzogs so// //rgya gar gyi mkhan po kA ya s+tha pa ga ya d+ha ra'i zhal snga nas dang bod kyi lo tsA ba dge slong shAkya ye shes kyis bsgyur cing zhus te gtan la phab bo// //

CLOSE WINDOW