CLOSE WINDOW

D1509
བོད་ཡིག

/ //bal po'i paN+Di ta bA gI shwa ra dang lo tsA ba A tsA R+Ya mar pa chos kyi dbang phyug gis bsgyur ba'o// @##/ /rgya gar skad du/ lU yi pA dA b+hi sa ma ya brti sam+ba ro d+ya nA ma/ bod skad du/ lU yi pa'i mngon par rtogs pa'i 'grel pa sdom pa 'byung ba zhes bya ba/ dpal ldan lU yi pa la phyag 'tshal lo/ /bA rA rlung dang me dag gis/ /bde ba chen po'i 'khor lo haM/ /gang gis zhu byed bA rA hi/ /de la 'khor ba gnas par 'dud/ /'di mnga'i ston pa 'gro ba dag dang gnyis med bdag /shes rab ma yi khams ldan bde ba chen po'i bdag /shes rab thugs rje dbyer med nam mkha' lta bu'i bdag /de nyid sgrub thabs de sgom byed pa bdag gis bshad/ /dang por ri spyil la sogs par/ /lho phyogs kha bstan rnal 'byor pa/ /skra grol ro la 'dug nas ni/ /bdud rtsi lnga po khar bcug la/ /shrI he ru ka zhes yig don/ /bsam zhing sdom pa'i tshul du bsgyur//A li kA li'i 'od zer gyis/ /bgegs bsregs tshangs pa'i gnas bzhi bsgom/ /gzugs la rgyal ba rnam snang mdzad/ /tshor ba rdo rje nyi mar bsgom/ /'du shes pad+ma gar dbang phyug /rdo rje rgyal po 'du byed la/ /rnam shes phung po rdo rje can//thams cad stong nyid he ru ka'o/ /rim par dpral ba lte ba mgrin/ /rkang pa snying dang spyi bor ro/ /gti mug rdo rje mig dag la/ /zhe sdang dag byed snyan gnyis la/ /sna la ser sna gsod byed ma/ /kha la 'dod chags rdo rje ste/ /phrag dog rdo rje lus dpral la/ / byang chub sems dpa' dbang phyug sbyin/ /skye mched rnams kyi rang snying la'o/ /sa yi khams ni ltung byed ma/ /chu yi khams ni gsod byed ma/ /me yi khams ni 'gugs byed ma/ /rlung khams gar gyi dbang phyug ma/ /nam mkha'i rang bzhin pad 'bar ma/ /'di rnams rim pas lte ba snying //mgrin pa dpral ba gsang gnas su/ /yang na gzugs la sogs pa rnams/ /gzugs brnyan la sogs bzhin du bsam/ /de nas g.yon pa'i mtheb mdzub kyis/ /se gol gtogs pa sngon btang nas/ /sum+b+ha la sogs sngags bzhi po//rtse gcig rnal 'byor brjod pa yis/ /nag po ljang gu dmar po ser/ /shar la sogs pa'i phyogs su dgod/ /sa 'og tshangs pa'i gnas bar du/ /khyab pa'i lus chen 'bar ba rnams/ /sum+b+ha la sogs 'od zer gyi/ /ra ba bzhi po de bzhin bsam//hUM byung nges mtshan rdo rje yi/ /sna tshogs rdo rje'i rang bzhin sa/ /'og khyab rdo rje'i 'od rnams kyis/ /rdo rje rtse lngar gyur pa yi/ /ra ba rnams steng mda' dra ba/ /de yi 'og tu rdo rje'i gur/ /de 'og rdo rje bla re yang / /rang rang sngags kyis bsam par bya/ /khwa gdong ma la sogs pa bzhi//gsang sngags bzhi las byung ba dang / /gnyis gnyis phyogs 'od las byung ba/ /gshin rje brtan ma la sogs bzhi/ /zhal gcig phyag gnyis de rnams brgyad/ /lte ba man chad phur pa'i gzugs/ /de rnams g.yon na phur bu ni/ /de dang de yi ngang tshul can//g.yas pa'i lag pa rnams na ni/ /rdo rje'i tho ba chen po 'dzin/ /'phros te song bas phyogs bcu na/ /gnas pa'i bgegs rnams rab bkug nas/ /hUM ring brjod 'byung phyogs brgyad kyi/ /khron par de rnams rab bcug nas/ /gdab pa'i sngags kyis phur bus gdab//brdung ba'i sngags kyis brdung bya ste/ /gdab dang brdung pa dag gis ni/ /de bzhin nyid du ro gcig 'gyur/ /bgegs kyi lhag ma rnams bskrad nas/ /ra ba la thim lha mo rnams/ /chu la chu ni 'bab pa bzhin/ /mtshams kyi bcings pa'i phyir byung ba/ /rdo rje pad+ma 'khor lo yi/ / ra ba rnams kyang bsam par bya/ /gsang sngags rnams ni 'di lta ste/ /oM sum+b+ha ni sum+b+ha hUM hUM phaT/ oM gr-ih+Na gr-ih+Na hUM hUM phaT/ oM gr-ih+NA pa ya gr-ih+NA pa ya hUM hUM phaT/ oM A na ya hoH b+ha ga wA na/ badzra rA dza hUM hUM phaT/ oM g+ha g+ha g+hA ta ya g+hA ta ya sarba duSh+TA na hUM phaT/ kI la ya kI la ya sarba pA paM hUM phaT/hUM hUM hUM badzra kI la badzra d+ha ra Adz+nyA pa ya ti sarba bi g+h+TAM kA ya wA ka tsit+ta badzra kI la ya hUM phaT/ oM badzra mud+ga ra badzra kI la ya A ko Ta ya hUM phaT/ de nas snying gar a las zla ba'i dkyil 'khor te/ de yi steng du hUM yig 'od zer dang ldan bsam byas nas/ /de yi 'od kyis bkug nas mdun du dkyil 'khor la//phyag 'tshal la sogs bdun dang bdag nyid dbul bar bya/ /he ru ka zhes spyi bo mgrin pa snying ga ru/ /rim pas bltas te stong pa nyid bsgom gsang sngags brjod/ /oM swa b+hA ba shud+d+haHsarba d+harmAHswa b+hA ba shud+d+hou0f85haM/ sngon gyi smon lam dbang gis rang sems oM sogs gyur/ /de las ' od dang 'khor lo'i 'phro dang 'du ba bsam//de nas rang sems de yang rab tu snang ba tsam/ /de yang gsang sngags brjod cing stong pa nyid du bsgom/ /oM shU n+ya tA dz+nyA na badzra swa b+hA ba At+ma kou0f85haM/ stong pa'i ngang las langs te yaM yig las byung ba/ /de la rlung gi 'khor lo rnam par bsgom bya ste/ / sngo skya gzhu yi dbyibs can mtha' ma ba dan mtshan/ /de yi steng du raM yig las byung me'i dkyil 'khor/ /rtse mo bdun ldan dmar po gru gsum raM gyis mtshan/ /de steng baM yig las byung chu yi dkyil 'khor te/ /dkar po shin tu zlum po bum pas mtshan pa'o/ /de steng laM yig las byung sa yi dkyil 'khor te//ser po gru gsum rdo rjes mtshan pa'o/ /de steng suM yig las byung ri rab lhun po ste/ /lcog brgyad ldan pa gling la sogs pas bskor ba dang / /grwa bzhi ngos bzhi rin chen bzhi yi rang bzhin can/ /de steng pad+ma'i steng du hUM byung sna tshogs rdor/ /de steng paM yig las byung sna tshogs pad+ma ste//'dab ma brgyad pa ge sar lte ba dang ldan pa'o/ /de steng A li kA li las byung nyi zla'o/ /zhes bya ba rnal 'byor ro/ /de la hUM yig rdo rje 'dzin pa'i rang bzhin can/ /rang gi 'od zer 'phros pas 'khor lo lnga po yis/ /'gro ba'i 'khor lo'i rang bzhin byas nas rnal 'byor mar/ /bcas pa'i 'khor lo slar yang bsdus te bsgom par bya//zhes bya ba rjes su rnal 'byor ro/ /hUM la sogs pa las bskyed nyi ma'i 'khor lor gnas/ /he ru ka dpal nam mkha' bzhin du rang bzhin med/ /rtag pa'i dbang phyug chad pa'i u ma de wa la/ /brkyang bskum g.yas g.yon gnas pa zhal kun spyan gsum ldan//'khor lo dur khrod dang ldan gzhal yas khang gi nang / /mthing nag ljang gu dmar po ser po'i kha dog can/ /zhal bzhi dbu la rdo rje phreng ldan phyag bcu gnyis/ /rdo rje dril bu gnyis bcas phyag gis yum la 'khyud/ /gti mug dag phyir glang po'i pags pa phyag gnyis bsnams//g.yas pa rim pas DA ma ru dang dgra sta gri gug rtse gsum 'dzin/ /g.yon pas kha T+wAM ga dang thod pa zhags pa tshangs pa'i mgo bo bsnams/ /dbu la zla ba phyed pa thod pa'i phreng ba sna tshogs rdo rje can/ /mche ba rab tu gtsigs shing zhal 'gyur ral pa'i thor tshugs dag dang ldan//blo ldan bsam gtan sbyor bas nyams kun dang ldan pa/ /nyon mongs dri ma dag phyir stag gi pags pa bsnams/ /A li la sogs lnga bcu rnam par dag pa yis/ /mi mgo rlon pa lnga bcu'i do shal dang ldan pa/ /mgul rgyan snyan rgyan gdub kor spyi gtsug nor bu dang //tshangs skud dang ldan thal bas byugs pa du ba'i mdog /phag mo mgon po'i mdun gnas nyi ma lta bur ni/ /mdog dmar thod pa skam po'i phreng ba'i do shal can/ /zhal gcig ma dang spyan gsum phyag gnyis dang ldan ma/ /gcer bu bde ba'i ngang tshul skra grol rab dgyes ma/ / thod pa'i dum bu las byas ske rags dang ldan ma/ /g.yon pa bdud khrag bkang ba'i thod pa bsnams pa ste/ /g.yas pa rdo rje sdigs mdzub kyis/ /phyogs bcu'i gdug pa rnams 'joms byed/ /bskal pa'i me ltar gzi brjid che/ /khrag la dgyes shing khrag 'dzag ma/ /brla gnyis la ni rab tu 'khyud//bde chen snying rje'i bdag nyid can/ /mkha' 'gro ma dang lA ma dang / /khaN+Da ro he gzugs can ma/ /pad+ma'i phyogs kyi 'dab mar dgod/ /de rnams dngos grub thams cad bsgrub/ /nag mo ljang gu dmar mo ser/ /zhal gcig phyag ni bzhi pa rnams/ /g.yon pa thod pa kha T+wAM ga /DA ma ru dang gri gug g.yas/ /spyan gsum pa la skra grol ba/ /gcer bu brkyang bskum gnas pa rnams/ /phyogs mtshams rnams su bum steng du/ /byang chub sems sogs snod rnams so/ /dang por thugs 'khor rtsibs brgyad pa/ /mthing nag rdo rje phreng bas bskor//de shar pUl+lI ra mA lar/ /rab gtum khaN+Da ka pA lar/ /de byang dzA lan+d+ha ra ru/ /ma hA kang+ka gtum mig can/ /nub kyi o Di ya na ru/ /kang+ka la dang 'od ldan ma/ /lho phyogs arbu da ru ni/ /sna chen mche ba rnam par gtsigs/ /me mtshams go dA a ba rIr/ /su ra bai ri dpa' blo can//bden bral rA me shwa ra ru/ /'od dpag med dang mi thung ma/ /de bI ko Ta rlung mtshams su/ /lang ka dbang phyug rdo rje 'od/ /dbang ldan mtshams su mA la bar/ /rdo rje'i sku dang shing grib ma/ /gsung gi 'khor lo dmar po ste/ /pad+ma dmar po'i phreng bas bskor/ / shar ngos rtsibs kyi kA ma rUr/ /ang+ku ri dang ai ra ba/ /byang du o Tar 'jigs byed che/ /de dang rdo rje'i ral pa can/ /nub kyi tri sha ku ne ru/ /dpa' bo che dang rlung shugs ma/ /lho yi ko sa la ru ni/ /rdo rje hUM mdzad chang 'thung ma'o/ /me yi mtshams kyi ka ling gar/ / sh+ya ma de bi rab tu bzang / /bden bral mtshams su lam+pA kar/ /rdor bzang shin tu bzang mo'o/ /rlung gi mtshams kyi kAny+tsi ru/ /'jigs byed che dang rta rna ma/ /de bzhin dbang ldan hi mA lar/ /mig mi bzang dang khag na'o/ /sku yi 'khor lo dkar po ste/ /'khor lo'i phreng ba dkar pos bskor//shar rtsibs pre ta pu ri ru/ /stobs chen 'khor lo'i shugs can ma/ /byang gi gr-i ha de ba tAr/ /rin chen rdo rje dum skyes ma/ /nub kyi rtsibs la sau rASh+Tar/ /rta mgrin dang ni Shau N+Di nI/ /lho ru war+Na dI pa ru/ /'khor lo'i go cha nam mkha'i snying / /me yi mtshams kyi na ga rar//he ru ka dpal su bI ri/ /lho nub sin+d+hur pad+ma gar/ /dbang phyug dang ni stobs chen mo/ /rlung mtshams ma rur rnam snang mdzad/ /dpa' mo 'khor los sgyur ma'o/ /dbang ldan mtshams kyi ku lu tAr/ /rdo rje sems dpa' brtson chen mo/ /dpa' bo rnams ni zhal gcig phyag bzhi pa//brkyang bskum rdo rje dril bu bsnams pas 'khyud/ /g.yas dang g.yon na Da ma ru dang kha T+wAM ga /dpa' bo ral pa'i cod pan spyan gsum ldan/ /rab gtum la sogs lha mo rnams/ /zhal gcig phyag ni gnyis pa ste/ /thod pa bsnams pa'i phyag gis 'khyud/ / gdug pa 'jigs byed gri gug bsnams/ /gnyis med sbyor bas snyoms par 'jug /dpa' bo dpa' mo 'khor lo bzhin/ /khwa 'ug khyi phag gdong can ma/ /mkha' 'gro sogs bzhin phyogs bzhi ru/ /mtshams su gshin rje brtan ma sogs/ /gzugs gnyis ldan pa lha mo brgyad//de rnams zhal gcig phyag bzhi pa/ /brkyang bskum ro yi gdan la gnas/ /g.yon na thod pa kha T+wAM ga /Da ma ru dang gri gug g.yas/ /thams cad spyan gsum drag mo ste/ /skra grol gcer bu de rnams so/ /mgul rgyan gdu bu dpung rgyan dang / /rna rgyan dang ni tshangs skud dang //thams cad phyag rgya lnga dang ldan/ /dpral bar rdo rje'i phreng bas dkris/ /thod pa'i phreng bas mgrin par brgyan/ /ske rags sil sil sgra sgrogs pa'o/ /shar dang dbang ldan dbu byas te/ /thams cad phyogs dang mtshams rnams su/ /dur khrod rnal 'byor ma dgod la//g.yon dang g.yas su bskor bar bya/ /shar gyi dur khrod gtum drag na/ /shi ri Sha yi sdong chen dang / /brgya byin rab brtan la bcibs pa/ /gser mdog rdo rje thod pa bsnams/ /nor rgyas klu yi rgyal po yang / /mdog dkar ut+pal sngon pos mtshan/ /thal mo sbyar bar byas pa yis//'dud cing mgon po'i mdun na gnas/ /byang du tshang tshing a shwat+Thar/ /lus ngan mi la zhon pa ste/ /ne'u le rin chen skyugs pa dang / /thod pa 'chang ba sku mdog ser/ /klu yi dbang phyug tak+Sha ka /ban+d+ra ka yi me tog ltar/ /gdengs ka dpal gyi be'us mtshan/ /mgos btud thal mo sbyar ba'o//nub tu 'bar bas khyab pa ru/ /a sho ka yi sdong chen la/ /dkar po gdengs bdun ba ru Na/ /chu srin la gnas thod zhags 'dzin/ /lto 'phye'i dbang phyug karko Ta/ /dUr ba sngon po lta bu'i mdog /ri mo gsum ni mgrin par gnas/ /'dud nas spyi bor thal mo sbyar/ /lho ru 'jigs rung la a mrar//gshin rje ma he zhon pa ste/ /nag po mig dmar lus sbom po/ /drag po be con thod pa 'dzin/ /gdengs ldan dbang phyug pad+ma zhes/ /ston pa yi ni bka' sdod cing / /dkar po thal mo sbyar byas pa/ /dbu la thig le mang pos mtshan/ /ha ha dgod pa dbang ldan du//n+ya gro d+ha yi sdong chen po/ /dbang phyug rtse gsum thod pa thogs/ /dkar po glang zhon stag sham can/ /pad+ma chen po klu yi rgyal/ /zla ba'i 'od dang mnyam pa'i mdog /gdengs ka la ni rtse gsum mtshan/ /mgo la thal mo sbyar bas gnas/ /me mtshams dpal nags ka raM dzar//me lha bong thung ra skyes bcibs/ /sku mdog dmar po thod pa 'dzin/ /phreng ba spyi blugs bcas pa bsnams/ /mtha' yas rma bya'i mgrin pa bzhin/ /mgo la pad+mas mtshan pa ste/ /spyi bor thal mo sbyar gyur nas/ /'dud cing mgon po'i zhabs drung gnas/ /bden bral mun pa mi bzad par//srin po gcer bu sngon po'i mdog /ro gnas ral gri thod pa 'dzin/ /mi mgo'i phreng ba'i cod pan can/ /klu rgyal dung mdog rigs ldan ni/ /gdengs ka zla ba phyed pas mtshan/ /spyi bor thal mo sbyar byas te/ /la ta dza Da'i shing la gnas/ /rlung mtshams a rdzun yi shing //rlung lha du mdog sha ba bcibs/ /ba dan ser po thod pa 'chang / /ca co sgrogs par gnas pa'o/ /dung skyong ser po thig les mtshan/ /thal sbyar gus dang bcas pa'o/ /brgyad po klu rgyal sprin la gnas/ /dkar po rgyan gyis brgyan pa'o/ /brgya byin la sogs phyogs bdag brgyad//yum dang bcas pa phyag bzhi pa/ /gnyis kyis thal mo sbyar ba ste/ /lhag ma dag gis phyag mtshan bsnams/ /sprin rnams rgyal bzang dpal stug dang / /de bzhin char dang shin tu mthug /myur du dbyangs ldan gtum pa dang / /char pa rnying pa tsab krol lo//de brgyad dur khrod brgyad rnams na/ /gnas pa'i sprin ni 'jigs byed ldan/ /glog dang 'brug ni sgra rab sgrogs/ /gang yang rung ba'i char rgyun 'bebs/ /rang rang phyogs bdag gzhom pa'i gdong / /srin po rnams ni rang bzhin 'khrug /mi rnams kyi ni sha za zhing / /khrag 'thung zhing rnams la gnas pa//'di rnams shing sdong brgyad pa yi/ /ngos dang ngos kyi phyogs kun du/ /nye bar bzang po'i shing rnams gnas/ /me tog 'bras bu phun sum tshogs/ /seng ge ce spyang khyi sgra sgrogs/ /stag dang wa dang phag rnams dang / /byi la rkyang dang bri ka sbrul/ / khwa dang 'ug pa la sogs bya/ /gsal shing bskyon dang mdung gis phug /keng rus phyed mgo rus pa rnams/ /thab tu tshig dang phyed tshig pa/ /sha za dang ni ro sgrub byed/ /grub thob gtor ma ster ba dang / /rnal 'byor ma tshogs mchod pa dang / /gri gug thod pa kha T+wAM ga /rde'u chung kha zas dpag med snod//mchod rten dkar po'i ri la gnas/ /grub chen brgyad kyis brgyan pa'o/ /rnam shes brgyad kyi dag pa yang / /ston pa 'di yi dur khrod rnams/ /de nas byang chub phyogs rnams dang / /sku yi 'khor lo'i phyogs bshad bya/ /gnas sogs rim pa'i sbyor ba yis//sa bcu rnam par dag pa'o/ /pU dzA o a go rA de mA/ kA o tri ko ka la ke hi/ pre gri sau su na si ma ku zhes bya ba'o/ /snying la mkha' 'gro lus rjes dran/ /tshor dran mgo bor lA ma ste/ /chos dran mgrin par dum skyes ma/ /lte bar sems dran gzugs can ma'o/ / mgo bo pul+lI ra mA lar/ /'dun pa'i rdzu 'phrul rab gtum mo/ /spyi gtsug grong khyer dzA lan+d+ha ra/ /brtson 'grus rdzu 'phrul gtum pa'i mig /dbu rgyan g.yas pa'i rna ba la/ /dpyod pa'i rdzu 'phrul 'od ldan ma/ /mgo yi rgyab kyi arbu dAr/ /sems kyi rdzu 'phrul sna chen mo/ /gnas de sa rab dga' ba'o//go dA ba rI g.yon pa'i rnar/ /dad pa'i dbang po dpa' blo ma/ /rA me shwa rI smin mtshams su/ /brtson 'grus dbang po mi thung ma/ /de bI ko Tar mig dag la/ /lang+ka'i dbang phyug dran dbang po/ /mA la bar ni sdong sgrib ma/ /ting 'dzin dbang po dri med pa/ / phrag pa dag ste nye ba'i gnas/ /mkha' spyod thugs kyi 'khor lo'o/ /ai ra ba ti kA ma rUr/ /shes rab dbang po mchan khung gnyis/ /nu ma gnyis la dad pa'i stobs/ /'jigs byed chen mo o tre ru/ /zhing dang sa gsum 'od byed ma/ /brtson 'grus stobs ni rlung shugs ma//lte ba tri sha ku ne ru/ /dran pa'i stobs ni chang 'thung ma/ /ko sa lar ni sna rtse ste/ /sa 'od 'phro ba nye ba'i zhing / /ting nge 'dzin stobs kha ru ni/ /sh+yA ma de bi ka ling+kar/ /shin tu bzang mo lam+bA kar/ /mgrin par shes rab stobs dang ni/ /sa sbyang dka' ba tshan+do ha/ /byang chub yan lag ting nge 'dzin//rta rna kAny+tsi snying gar gnas/ /hi mA la ya mdoms su ni/ /brtson 'grus yang dag kha ga na/ /mngon gyur nye ba'i tshan+do ha/ /gsung gi 'khor lo longs spyod pa/ /dga' ba pre ta pur rtags la/ /'khor lo'i shugs can bshang lam du/ /kr-i ka do bar shin tu sbyangs//khaN+Da ro hA ring du song / /sa ste 'du ba can gyi gnas/ /brla gnyis chos rab rnam par 'byed/ /sau rASh+Ta ShauN+Di nI/ /byin gnyis 'khor lo'i go cha ma/ /su war+N+Na dwI par dran yang dag /mi g.yo'i sa ste nyer 'du can/ /btang snyoms byang chub yan lag ni/ / sor mo dpa' mo na gar/ /sin+d+hu rkang pa'i bol dag la'o/ /yang dag lta ba stobs chen mo/ /dur khrod legs pa'i blo gros sa/ /'khor los sgyur ma yang dag rtog /mthe bong ma ru brtson chen mo/ /pus mo ku lu tA yang dag /nye ba'i dur khrod chos kyi sprin/ /sku yi sa 'og gnas spyod pa'o//las mtha' khA gdong kha la gnas/ /'tsho ba 'ug gdong rna bug g.yon/ /rtsol ba khyi gdong rna bug g.yas/ /dran pa phag gdong bshang lam du/ /shrI he ru ka'i ting nge 'dzin/ /gshin rje brtan ma rna ba g.yas/ /dge chos skyed par byed pa'o/ /skyes pa'i dge ba srung byed pa//gshin rje pho nya rna ba g.yon/ /mi dge thams cad spong byed pa/ /mig g.yas gshin rje mche ba ma/ /mi dge ma skyes mi skyed pa/ /gshin rje 'joms ma mig g.yon la/ /rkang 'og gnas pa'i rlung 'khor lo/ /b+hai raM pa ni gzhu yi dbyibs/ /sum mdo'i phyogs su gnas pa ni//gru gsum me yang de bzhin no/ /zlum po'i rnam pa'i tshul can gyi/ /chu yi 'khor lo gsum par gnas/ /snying gar sa yi 'khor lo gnas/ /gru bzhi pa ni kun phyogs su/ /sgal tshigs dbyu gu'i tshul du ni/ /de bzhin ri rgyal lhun po ste/ /de yi spyi gtsug dkyil du yang //pad 'dab sum cu rtsa gnyis pa/ /dbyangs yig gsal yig yang dag gang / /byang chub phyogs chos sum cu gnyis/ /pad+ma'i dbus na yod pa gang / /zla ba'i dkyil 'khor de la brjod/ /mgo bo'i dbus na yod pa gang / /de la klad pa zhes brjod de/ /de yi dbus su haM yig ste//byang chub phyogs chos sum cu bdun/ /thig le'i tshul te rang sgra sgrogs/ /'jig rten kun gyi rtsa ba ste/ /brtan dang g.yo ba'i rang bzhin gyis/ /gnas pa sa bon tshul gyis ni/ /gsal dang mi gsal tshul gyis te/ /'dzag pa bdud rtsi'i tshul nyid kyis/ /rnam par gnas te nyid mtshan mo//ting 'dzin ye shes las byung ba'i/ /sangs rgyas nyid ni mdor bsdus nas/ /sangs rgyas sbyar ba yod min na/ /rnal 'byor sangs rgyas mi 'gyur ro/ /de phyir bden dang mi bden yang / /gang gang shin tu goms gyur pa/ /goms pa'i stobs ni rdzogs pa na//de gsal mi rtog blo 'bras bu/ /bsam pa gang dang gang gis ni/ /mi rnams yid ni yang dag sbyor/ /de dang de yi ngo bor 'gyur/ /sna tshogs nor bu ji bzhin no/ /sku gsung thugs kyi dbye bas ni/ /yi ge gsum gyi ngo bo las/ /mtho ris mi yul sa 'og gi /skad cig gcig gis sku gcig 'gyur//skad cig tsam gyis rnal 'byor bdag /skad cig phyag rgya'i rnam pa can/ /skad cig dkyil 'khor 'khor lor bcas/ /skad cig gis ni gsang sngags gdon/ /dbang bskur sku gsung thugs rgyas gdab/ /oM AH hUM sarba bI ra yo ga nI kA ya wA ka tsit+ta badzra swa b+hA wa At+ma kou0f85haM/oM badzra shud+d+haH sarba d+harmA badzra shud+d+hou0f85haM/ de nas go cha gnyis shes nas/ /ye shes 'khor lo rnam par bsgom/ /sngags dang phyag rgya'i sbyor shes pas/ /dam tshig 'khor lo la myur gzhug /oM ha rdo rje sems dpa' dkar/ /go cha gnyis kyang snying ga ru/ /rnam par s nang mdzad na ma hi//mgo la ser po rnam par bsgom/ /swA hA hu pad gar dbang phyug /spyi gtsug tu ni dmar po bsgom/ /bau ShaT ha ni phrag dag la/ /dpal he ru ka nag po gnyis/ /rdo rje nyi ma hUM hUM ho/ /mig gnyis la ni dmar po bsam/ /ljang gu tshigs pa thams cad la/ /phaT haM mtshan ma rta mchog go//dpa' bo rnams la 'di kho na'i/ /yan lag drug po yongs su bsgom/ /oM baM rdo rje phag mo sta/ /lta bar dmar po bsam par bya/ /snying gar haM oM ya mi ni/ /hriM moM kha ru rmongs byed ma/ /hreM hriM dpral bar skyed byed ma/ /hUM hUM skrag byed spyi gtsug tu/ /phaT phaT lus tshigs thams cad la//mtshon cha gtum mo 'di dag mdog /sngon mo dkar mo ser mo ljang / /du mdog dpa' mo rnams la yang / /lag pa'i mchod pa'i cho gas kyang / /'khor lo 'di nyid lag par mchod/ /rkang g.yas g.yon gyis mnan nas ni/ /g.yon mig cung dma' gyen du blta//lag gnyis mthe brtse thur bltas te/ /yang dag mnan nas sdigs mdzub gnyis/ /lu gu rgyud kyis rnam par bcings/ /gung mo gnyis ni sprad byas te/ /lhag ma brkyang nas mgo steng du/ /g.yon dang g.yas su bskor bar bya/ /phyag rgya dra ba zhes pa 'dis/ /phaiM yig brjod pa dang bcas pas//snying gar nyi gnas ting 'dzin sems/ /hUM yig 'od zer gyis bkug pa/ /ye shes 'khor lo pi wang sogs/ /mchod nas bdag la gzhug par bya/ /oM yo ga shud+d+haHsarba d+harmA yo ga shud+d+hou0f85haM/ gsang sngags brjod cing pad kor gyis/ /'khyud pa'i stangs kyis m nyes par bya//ye shes dus mnyam byon pa yis/ /spyan sogs Da ma ru dang ni/ /bdud rtsi'i thod pa thogs nas su/ /ji ltar bltams pa tsam gyis kyang / /de bzhin gshegs kun khrus gsol ltar/ /lha yi chu ni dag pa yis/ /de bzhin bdag gis khrus bya'o/ /oM sarba ta thA ga ta a b+hi She ka ta sa ma ya shri ye hUM/brjod cing bdud rtsi snod thogs kyis/ /dbang bskur bas ni dgyes par bsam/ /bdud rtsi'i lhag ma las byung ba'i/ /rgyal bas de rjes rgyas gdab bya/ /bde mchog spyi gtsug mi bskyod pa/ /phag mo'i rnam par snang mdzad do/ /mkha' 'gro ma sogs rin chen 'byung //thugs 'khor gnas pa'i mi bskyod pa/ /gsung gi 'khor lo 'od dpag med/ /sku yi 'khor lo rnam snang mdzad/ /dam tshig tu ni don yod grub/ /bdud rtsi ro mas drangs gsol nas/ /rab dgyes rkang pa brgyad pas bstod/ /ye shes lnga dang sku gsung nyid//gzugs brnyan bzhin du lhag par mos/ /de nas rang gi ston pa mchod/ /de la gsang sngags 'di lta ste/ /oM shrI badzra he he ru ru kaM hUM hUM phaT/ /DA ki nI dzA la sam+ba raM swA hA/ snying po'i sngags so/ /oM hrIH ha ha hUM hUM phaT/ nye ba'i snying po'i sngags so/ /oM badzra bai ro tsa nI ye hUM hUM phaT swA hA/lha mo'i snying po'i sngags so/ /oM sarba bud+d+ha DA ki nI ye badzra war+N+Na ni ye hUM hUM phaT swA hA/ lha mo'i nye ba'i snying po'o/ /oM ka ra ka ra khaN+Da kA pa la pra tsaN+De hUM hUM phaT/ oM ku ru ku ru ma hA kaM ka la tsaN+Da ak+Shi ye hUM hUM phaT/ oM ban+d+ha ban+d+h+ya kaM ka la pra b+ha ba tI ye hUM hUM phaT/ oM trA sa ya trA sa ya bi ka Ta daMSh+T+ra Ni ma hA na se hUM hUM phaT/oM k+Sho b+ha ya k+Sho b+ha ya su ra bai ri Na bI ra ma ti ye hUM hUM phaT/ oM hrauM hrauM a mi tA b+ha kharba rA ye hUM hUM phaT/ oM hraHhraHbadzra pra b+ha ba laM ke shwa rI ye hUM hUM phaT/ oM pheM pheM badzra kA ya dru mats+tsha ya hUM hUM phaT/ oM phaT phaT aM ku ri ka ai ra wa tI ye hUM hUM phaT/oM da ha da ha badzra dzA Ti la ma hA b+hai ra bI ye hUM hUM phaT/ oM pa tsa pa tsa ma hA bI re bA yu be+e ge hUM hUM phaT/ oM b+hak+Sha b+hak+Sha ba sa ru d+hi rAn+t+ra ma lA ba la m+bi ni badzra hUM ka ra su ra b+hak+Shu ye hUM hUM phaT/ oM gr-ih+Na gr-ih+Na sap+ta pA tA la ga ta b+hu dzaM gaM sarbam+bA ta r+dz+dza ya tar+dz+dza ya su b+ha dre sh+yA ma de wI ye hUM hUM phaT/ oM A kaD+D+h+ya A gaD+D+h+ya badzra b+ha dra su b+ha dre hUM hUM phaT/oM hriM hriM ma hA b+hai ra ba ha ya ka r+Ne hUM hUM phaT/ oM dz+nauM dz+nauM bi rU pA k+Sha kha gA na ne hUM hUM phaT/ oM k+Sh+maM k+Sh+maM ma hA ba la tsakra be+e ge hUM hUM phaT/ oM hAM hAM rat+na badzra khaN+Da ro he hUM hUM phaT/ oM hIM hIM ha ya grI ba shauN+DI nI ye hUM hUM phaT/ oM hUM hUM A kA sha gar+b+ha tsakra bar+m+mi Ni ye hUM hUM phaT/ oM ki li ki li shrI he ru ka su bI ri hUM hUM phaT/oM si li si li pad+ma na r+t+te shwa ra ma hA ba le hUM hUM phaT/ oM hi li hi li bai ro tsa kra wa r+t+ti ni ye hUM hUM phaT/ oM d+hi li d+hi li badzra satwa ma hA bI ra ye hUM hUM phaT/ oM kA ka s+ye hUM hUM phaT/ oM u lu kA s+ye hUM hUM phaT/ oM shwa nA s+ye hUM hUM phaT/ oM shu ka rA s+ye hUM hUM phaT/ oM ya ma da d+hI ye hUM hUM phaT/oM ya ma dU tI ye hUM hUM phaT/ oM ya ma daM Sh+Ti Ni ye hUM hUM phaT/ oM ya ma ma tha nI ye hUM hUM phaT/ oM DA ki nI ye hUM hUM phaT/ oM lA mA ye hUM hUM phaT/oM khaN+Da ro he hUM hUM phaT/ oM rU pi NI ye hUM hUM phaT/ oM bo d+hi tsit+ta badzra ye hUM hUM phaT/ oM na mo b+ha ga wa te wI re shA ya hUM hUM phaT/ oM ma hA kalpAg+ni san+ni b+hA ya hUM hUM phaT/ oM dzA Ta mu ku Tot+ka TA ya hUM hUM phaT/ oM daMSh+TA ka rA lo gra b+hi Sha Na mu khA ya hUM hUM phaT/ oM sa ha sra b+hu dza b+ha su rA ya hUM hUM phaT/ oM pa ra shu pA sho d+yA ta shU la kha T+wAM ga d+ha ri Ne ye hUM hUM phaT/ oM byA g+h+ra dzi nAM ba ra d+ha rA ya hUM hUM phaT/ oM ma hA d+hu m+b+rA n+d+ha ka ra wa pu ShA ya hUM hUM phaT/ de dag ni mchod pa'i sngags so//khaN+Da ka pA so sen mor/ /skra spu ma hA kang+ka la/ /pags dang dri mar kang+ka la/ /sha la mche ba rnam par gtsigs/ /su ra bai ri rgyus pa la/ /'od dpag med pa rus pa la'o/ /mchin pa la ni rdo rje 'od/ /snying la rdo rje'i sku gnas te/ /mig dag la ni ang+ku ri//rdo rje'i ral ldan mkhris pa la/ /dpa' bo chen po glo bar bzhugs/ /rgyu mar rdo rje hUM mdzad do/ /rab tu bzang mo gnye ma la/ /rdo rje bzang mo grod par gnas/ /'jigs byed chen po bshang ba la'o/ /smin mtshams la ni mig mi bzang / /bad kan la ni stobs po che/ /rnag rnams rin chen rdo rje'o//dpa' bo rta mgrin khrag la'o/ /rdul la nam mkha'i snying po gnas/ /tshil la dpal ldan he ru ka /mchi ma pad+ma gar dbang phyug /mchil ma la ni rnam snang mdzad/ /snabs la rdo rje sems dpa' ste/ /de ltar dpa' bo lus la bzhugs/ /phreng ba'i sngags sogs dpa' bo ni//tshangs skud la sogs brtag pa'o/ /dpa' bo nyi shu rtsa bzhi yis/ /lus kyi khams la rnam par brtag /go cha'i dpa' bo drug gis kyang / /phyag rgya drug gis lus mdzes te/ /phag mo'i phreng ba'i sngags kyis su/ /mgul rgyan phyag rgya'i dag pa'o/ /mgon po'i snying po'i sngags kyis kyang //mgo bo'i phreng ba brgya yi phyed/ /gsang sngags yi ge bdun gyis ni/ /rna cha yis ni rna ba mdzes/ /sarba bud+d+hI sngags sogs kyis/ /pags pa'i sham thabs dag pa'o/ /go cha'i lha mo drug gis ni/ /ske rags rgyan gyi dag pa'o/ /'khor lo lnga gnas lha mo yi//sngags kyis btung ba'i thod pa'o/ /bai ro tsa na'i sngags kyis kyang / /thod pas dbu la rnam par brgyan/ /kha T+wAM ga ni lha yi sku/ /'khor lo sdom pa'i bdag nyid ni/ /chos kyi dbyings kyi rang bzhin phyir/ /shes rab Da ma ru yi sgra/ /dmigs pa'i rang bzhin nyid kyi phyir/ / rdo rje 'dzin pa nyin mor brjod/ /de yi dngos med rang bzhin phyir/ /rnal 'byor ma ni mtshan mor bshad/ /ji ltar bar do'i sems 'byung ba/ /shes pa tsam de nam mkha' bzhin/ /mngon shes lnga ldan de bzhin tshul/ /rdo rje 'dzin pa mtshan dpes spras/ /stong nyid chos kyi sprul pa ni//phag mo zhes byar rab tu bstan/ /shrI yig gnyis med ye shes te/ /he zhes rgyu sogs stong pa nyid/ /ru yig rnam rtog tshogs dang bral/ /ka zhes gang du'ang mi gnas so/ /ngag yul min pa bA yi sgra/ /rA yig rnam pa rnams spangs pa/ /hI yig rgyu yi mi dmigs pa//phag mo'i sgrar ni grags pa'o/ /byang chub phyogs kyi rab sbyor gyis/ /thams cad shes pa nyid rab bstan/ /sa dang gnas sogs sbyor ba yis/ /'gro ba'i bla ma lam shes nyid/ /go cha la sogs rnam dag mthas/ /rnam pa kun mkhyen nyid kyang ngo / / go cha gnyis kyi sbyor ba yis/ /de ltar bdag nyid go bgos nas/ /sum+b+ha sogs kyis srung byas te/ /rnal 'byor ldan pas spyod par bya/ /rtag tu sems can thams cad la/ /sdom pa nyid du blta bar bya/ /rkang pa brgyad kyis rab bstod de/ /'jigs pa thams cad rnam spangs nas//rnal 'byor blo chen rnam par spyod/ /khams gsum dang ni dbyer med bdag /rigs lnga dag tu kun spyod pa/ /de rnams ro gcig nyid phyir ro/ /rnam par mi rtog bdag nyid sems/ /'dod pa'i yon tan lnga longs spyod/ /dogs pa thams cad rnam spangs te/ /rnal 'byor seng ge bzhin du spyod//ces bya ba ni shin tu rnal 'byor te gsum pa'o/ /A li kA li 'od zer lnga dang ldan pa ni/ /yang dag bkod cing 'khor lo gsum ni spros nas de/ /sna yi bu ga g.yas pa'i rlung dang bcas nas su/ /byung nas 'jig rten thams cad 'khor lo gsum gyur te/ /de nas sna bug g.yon pa'i rlung gi shugs las ni//rab tu zhugs nas lte bar zla ba'i dkyil 'khor te/ /de yi steng du skad cig hUM yig bsam byas nas/ /de dag yongs su gyur nas srid pa'i dbang phyug ni/ /mdog dkar zhal gcig phyag gnyis rdo rje dril bu bsnams/ /rten med 'ja' tshon ri mo bzhin du blta bar bya//rdo rje phag mo sku mdog dmar mo dang bcas pa/ /sgyu ma'i dga' ba de sgras 'gro ba ma lus bkug /srid dang dur khrod srung ba sku gsung thugs dang ni/ /bde ba chen po yab yum lte bar gnas pa dang / /bde bas zhu ba las khyung dkar dmar hUM U ha/ / mgo dang zla tshes thig le nA da rab tu thim/ /nA da tsam yang spangs nas su/ /bsam gyis mi khyab rtog pa'ang spang // /de las gzungs ni phyag rgya che/ /des ni rim pas thob par 'gyur/ /zhes bya ba rnal 'byor chen po ste bzhi pa'o/ /de nas myur bar yid kyis dkyil 'khor mos nas ni//nA da dkar dmar mdog ldan rang gi lte bar bsgom/ /de nas yi ge gsum pa yang dag rjod byed cing / /nA da las ni 'thon nas 'gro ba'i don byas te/ /de nas 'khor lo'i lha rnams rlung dang bcas nas su/ /slar yang phyi nas nang du zhugs nas de bzhin yang / /bla ma dam pa'i gdams pas yang dang yang du ste//skyo bar gyur na rdo rje'i bzlas pa rab tu bya/ /snying po nye ba'i snying po'i sngags/ /nA da 'khor lo'i lha tshogs kyi/ /spro dang bsdu ba dag gis ni/ /de bzhin blo ldan dam tshig bzlas/ /chos rnams mnyam nyid nga rgyal gyis/ /phreng sngags rang gi khar zhugs te/ / rdo rje'i lam nas b+ha gar zhugs/ /dbu mar zhugs nas kha ru thon/ /lha mo las byung kha ru zhugs/ /bskor sbyor 'do la'i bzlas pa'o/ /rang lus 'khor lo'i bdag nyid rab tu bsam byas nas/ /yi ge gsum gyis byin brlabs gtor ma phul nas su/ /'bar ba sogs kyis bza' ba'i zas ni dag par bya//chos la mnyam nyid nga rgyal ldan pas sngags brjod cing / /oM sa ma ya shung+ng+haHsarba d+harmAHsa ma ya shud+d+hou0f85haM/ oM a mr-i to da ka hUM hUM Tha Tha traM aM khaM hUM hUM gis rdo rje dkar po'i rang bzhin ljags byas nas/ /yi ge gsum gyis nA da dgyes par mdzad cing gsol/ /nyin phyed skad cig d kyil 'khor mos//cho ga sngar bzhin byas nas spyad/ /mtshan phyed na yang de bzhin bya/ /rang smra A li kA lir rtogs/ /spyon spyon dpa' bo chen po kye/ /dag pa'i tshig ni ston pa po/ /stong nyid ye shes kho na 'di/ /chags dang 'jig dang gnas pa'o/ /A li la sogs kA yi bar/ /hUM hUM phaT dang yang dag sbyor//oM swA sogs pa'i sngags brjod de/ /'od gsal mngon du phyogs nas su/ /nyal bya thun mtshams thams cad du/ /tha mar yi ge brgya pa brjod/ /khyim nas khyim gzhan 'gro ba bzhin/ /sems nyid dub pa'i ngal so tsam/ /'chi ba de nyid kho nar med/ /'jig rten rnam rtog yin phyir ro//'phro ba'i tshe na rnal 'byor de/ /dpa' bo rnal 'byor ma rnams kyis/ /sna tshogs mchod pa lag thogs te/ /'od gsal gnas su 'khrid par byed/ /phan yon no/ /ya~M dang ra~M las byung ba'i rlung dang me bsams te/ mgo gsum thab la a las byung ba'i pad snod du//zan sogs sngags kyis byin brlabs sgron ma lnga dang ni/ /bdud rtsi lngar mos rlung g.yos mes zhu dmar ba'i mdog /oM trAM aM khaM hUM laM mAM paM tAM baM/ hUM byung bdud rtsi'i rang bzhin thur bstan kha T+wAM gas/ /dkrugs pas de yang zhu nas kha ba lta bur bsam/ / A li kA li las byung yi ge gsum las 'thon/ /'khor lo gsum gyis sngar bzhin skye bo'i don byas nas/ /rgya mtsho la sogs gnas nas bdud rtsi bkug byas te/ /snyoms par zhugs pas zhu nas 'khor lo gsum gyi lha/ /rim pa bzhin du yi ge gsum la rab tu zhugs/ /oM sogs rim thim yi ge gsum gyis byin gyis brlab//'bar ba'i phyag rgya phaiM sngags kyi/ /mdun du 'khor lo spyan drangs nas/ /ar+g+haM sogs kyis mchod nas su/ /A li kA li yongs gyur te/ /g.yon dang g.yas pa'i lag pa gnyis/ /zla ba nyi ma'i rang bzhin gyur/ /de yi nang du hUM yig ni/ /sngags 'di brjod cing bsgom par bya//oM a n+yo n+yA nu ga tA sarba d+harmAHpa ra spa ra a nu pra baSh+Ti sarba d+harmAHat+ya n+tA nu pra baSh+Ti sarbad+harmA hUM/ zla ba la sogs yongs gyur pas/ /lag gnyis rdo rje thal mo la/ /bdud rtsi'i thod pa bzhag nas sam/ /yang na lag par bsgoms nas ni/ /lha mo rnams ni tshad ma dam tshig tshad ma dang //de gsung tshig rnams kyang ni mchog tu tshad ma ste/ /bden pa 'di dag gis ni lha mo 'di rnams kyis/ /bdag la rjes su 'dzin pa'i rgyur ni 'gyur bar shog /ces brjod mchod par bya ba sogs/ /dbyer med dmigs shing bdud rtsi'i snod/ /shar phyogs la sogs g.yon du ste//mtshams su g.yas kyis bskor bya ste/ /oM ka ra la sogs sngags brjod cing / /hUM byung dkar po'i ljags byas pa'i/ /'khor lo gsum gyi lha rnams la/ /rnal 'byor ldan pas gtor ma sbyin/ /oM ka ra ka ra/ ku ru ku ru/ b+han+d+ha ban+d+ha/ trA sa ya trA sa ya/ k+Sho b+ha ya k+Sho b+ha ya/hrauM hrauM/ hraH hraH/ pheM pheM/ phaT phaT/ da ha da ha/ pa tsa pa tsa/ /b+ha k+Sha b+hak+Sha/ ba sa ru d+hi rA n+t+ra mA lA ba lA m+bi ne/ gr-i h+Na gr-ih+Na/ sap+ta pA tA la ga ta b+hu dzaM gaM sarba m+bA/ tardza ya ta rdza ya/ A kaD+D+h+ya A kaD+D+h+ya/ hriM hriM/ dz+nauM dz+nauM/ k+Sh+mAM k+Sh+mAM/ hAM hAM/ hUM hUM/ ki li ki li/ si li si li/ /hi li hi li/ d+hi li d+hi li/ hUM hUM/ phaT phaT/ badzra a ral+li sogs kyis/ /rnam pa du mar de bzhag la/ /oM badzra a ral+li hoH/ /dzaH hUM baM hoH/ badzra DA ki nI sa ma ya s+t+waM dr-i sh+ya hoH/ /pi wang sogs kyis mchod byin nas/ /zhal bsil la sogs byas nas su/ / srid dang zhi ba mnyam par sbyor gyur kun rtog rlabs bcom pa/ /nam mkha'i rang bzhin dngos po mtha' dag de nyid kho nar gzigs/ /shin tu phul byung thugs rje'i chu rgyas sems kyi chu bo'i mgon/ /lha mo rnams kyis bdag la shin tu brtse bar mdzad mdzod cig /ces bstod mngon par 'dod don gsol//phyogs bdag sogs gtor de bzhin du/ /oM kha la sogs sngags brjod cing / /gnyis sam gsum gyis bstab par bya/ /oM kha kha khA hi khA hi sarba yak+Sha rak+Sha sa b+hU ta pre ta pi shA tson+ma dA pasma ra DA ka DA ki n+yA da ya i maM ba liM gr-i h+Na n+tu/ sa ma ya rak+Shan+tu ma ma sarba sid+d+hi praM yats+tsha n+tu/ya thai baM ya theSh+Ti/ b+huny+dza tha pi ba tha dzi g+h+ra tha mA ti kra ma thA/ ma ma sarba kA rta ya sa ta su khaM bi br-id d+ha ye sa hA yi ka b+ha ban+tu hUM hUM phaT phaT swA hA/ gtor ma gsol nas de rnams ni/ /bde ba chen po ldan par bsam/ /pi wang ma sogs rnams kyis mchod/ /go la la sogs dbul ba dang //rkang pa brgyad pa'i sngags kyis bstod/ /de nas 'dod don gsol ba gdab/ /ts+tsho ma'i lag pas se gol gtogs/ /chad lhag bskang bar bya ba'i phyir/ /gsang sngags yi ge brgya pa brjod/ /dril bu dkrol ba sngon btang nas/ /pad kor phyag rgyas dgyes par bya//oM yo ga la sogs sngags brjod cing / /nam mkha' lta bu'i dngos po nyid/ /mngon par 'khyud pa'i stangs byas nas/ /srin lag mthe bong se gol gtogs/ /oM badzra muHzhes byas nas su/ /rang la 'khor lo gzhug par bya/ /gtor ma'i de kho na nyid do/ /snga dro yang dag langs la sa phyogs gtsang ma ru/sum+b+ha la sogs gsang sngags brjod cing rnal 'byor pas/ /bdud rtsi lnga la sogs pas dkyil 'khor byugs nas su/ /pU dza la sogs gnas sogs brjod cing rim pa yis/ /oM pI Tha u pa pI Tha/ k+She tra u pa k+She tra/ tshan+do ha u pa tshan+do ha/ me lA pA ka u pa me lA pA ka / sh+ma shA nA u pa sh+ma shA na/ de nas skad cig 'byung bzhi ri rab pad+ma la/ hUM gzhag de yi 'od zer gyis ni rab bkug pa/ /de la ye shes 'khor lo rjes su bcug nas su/ /de nyid yongs su gyur nas dkyil 'khor rdzogs par blta//snying ga'i sa bon las byung pi wang ma sogs kyis mchod dang / /rin chen bdun po phul nas dag par byas pa yis/ /g.yon pas mngon du yi ge gsum gyis me tog dbul/ /de nas lha dang lha mo'i snying po la sogs kyis/ /de yi 'khor lo rang rang cho ga rab brjod nas//mtshams su g.yas su bskor zhing phyogs rnams g.yon du bskor/ /de nas lag par gnas pa'i de bzhin gshegs sogs la/ /oM ha la sogs sngags kyis me tog phul nas ni/ /rkang pa brgyad pa'i sngags kyis g.yon pa'i me tog ni/ /'khor lor dor nas mgo la thal mo sbyar nas des//rang la g.yon pa'i 'khor lo rab tu gzhug par bya/ /rkang pa brgyad pas bstod nas sdig pa bshags sogs dang / /smon lam gdab dang bzlas brjod yi ge brgya pa dang / /oM yo ga la sogs sngags dang pad kor phyag rgya yis/ /dgyes par byas te mngon par 'khyud pa'i phyag rgya dang //sa reg tsho Da ka dang badzra muHzhes pa/ /brjod cing bdag la 'khor lo thams cad rab bcug nas/ /de nas phyi rol dkyil 'khor ri mo bsrub par bya/ /phyi rol gyi mchod pa'i cho ga'o/ /mthe bo mdzub mo gung mo dang / /srin lag mthe chung de rnams khar/ /g.yon par rdo rje can rnam snang //rdo rje sems dang rnam snang mdzad/ /'od dpag med dang mi bskyod pa/ /rin 'byung don grub go rims bzhin/ /dkar ser dmar dang mthing ga dang / /dmar ser ljang gu'i kha dog ldan/ /oM ha la sogs byung ba ste/ /zhal gsum phyag drug rdo rje can/ /gzhan rnams zhal gcig phyag bzhi pa//g.yas pa rdo rje rde'u chung mgo/ /dril bu thod pa kha T+wAM ga /g.yon du'o rdo rje can gyi zhal/ /dkar dang dmar dang mthing ga'o/ /dbus dang g.yas g.yon rim bzhin no/ /gzhan pa rnams kyi mtshon char brjod/ /'khor lo pad+ma rdo rje rin/ /ral gri gzhan kun Da ma ru'o//dril bu thod bcas kha T+wAM ga /g.yas dang g.yon du go rims bzhin/ /lag mthil pad+ma 'dab ma lnga/ /dmar po 'dab ma g.yon skor sbyar/ /lte bar phag mo sku mdog dmar/ /zhal gsum phyag drug 'od 'bar ma/ /dmar po mthing ga ljang gu'i zhal/ /thod pa kha T+wAM zhags pa g.yon//lcags kyu tshangs mgo gri gug g.yas/ /ya mi ni dang rmongs byed ma/ /skyong byed ma dang skrag byed ma/ /gtum mo mthing ga dkar ser mo/ /ljang gu du ba'i mdog can rnams/ /sa dang chu dang me dang rlung / /nam mkha'i khams kyi rang bzhin no/ /thams cad spyan gsum skra grol ma//gcer bu phyag bzhi lha mo rnams/ /g.yon na thod pa kha T+wAM ga /phyag gzhan na ni dril bu bsnams/ /g.yas su rnge'u chung gri gug go/ /zhabs gnyis brkyang bskum gnas pa rnams/ /dkar po gang de zla bar gnas/ /de gzhan rnams ni nyi ma la'o/ /yang na 'di rnams sa bon nyid//dang por brjod pa'i rnam par bsgom/ /de yi mdog dang rang bzhin can/ /sngags dang lha gnyis khyad med phyir/ /'di yi gzugs brnyan 'khor lo'am/ /lag pa'i rgyab tu bsam par bya/ /de nas lag pa'i sa bon rnams/ /zhu ba'i rdzas kyis gdab byas nas/ /'khor lo gsum gyi rang bzhin bsam//rdo rje 'dzin pas byin gyis brlab/ /'di la rdzas ni rkang brgyad kyis/ /dbul ba'am yi ge gsum gyis so/ /cho ga lhag chad dag bya'i phyir/ /gsang sngags yi ge brgya pa brjod/ /'khor lo'i mgon po la gsol nas/ /rdzas de snod kyi nang du gzhug /lag pa la yod rdzas rnams ni/ /g.yon pa'i srin lag gis reg nas/ /snying ga lte dang dpral ba ru/ /hUM AHoM gyi sngags brjod cing / /byugs nas lha yi tshogs rnams ni/ /bdag la rab tu bstim par bya/ /lag pa'i mchod pa'i cho ga'o/ /hUM yig dkar po las byung rdo rje'i rang bzhin ljags//g.yas pa dgang gzar blugs gzar gyis ni blugs pa gang / /lte ba'i pad+ma rab tu 'bar ba'i 'khor lo ru/ /de ni bza' ba'i dus kyi nang gi sbyin sreg go/ /oM AHu ts+tshiSh+Ta badzra a d+hi tiSh+Tha i maM ba liM hUM hUM hUM phaT swA hA/ zhes bya ba 'dis zos pa'i lhag ma'i gtor ma bya'o//bdag nyid chen po'i khams kyi za ma tog 'di thun mong rnams kyis gzhal bar mi nus te/ de phyir 'di la kho bos kyang ni rab tu 'jug par nus par 'gyur ba ma yin mod/ /'on kyang rnal 'byor dbang phyug lU yi'i gsung tshig lhug gzung dka' bas goms phyir bzod ma gyur//de yi lam gyi rjes su 'gro bar 'dod pas 'di la gnas pa'i tshigs bcad bdag gis byas/ /mtshungs pa med pa yon tan phung po dang po'i mgon po ston pa yi/ /sgrub pa'i thabs kyi don ni rtsod pa'i snyigs ma sel byed bshad pa las/ /mtha' yas dri med bsod nams gang des 'jig rten sangs rgyas nyid gyur dang //bdag kyang 'gro ba'i don sgrub byed cing 'gro ba gnas par gnas gyur cig /rnal 'byor gyi dbang phyug rnams kyi gtsug gi nor bu lta bu dpal ldan lU yi bas mdzad pa/ /dpal 'khor lo sdom pa'i mngon par rtogs pa'i 'grel pa sdom pa 'byung ba zhes bya ba bla ma paN+Di ta chen po de bzhin gshegs pa'i rdo rjes mdzad pa rdzogs so/

CLOSE WINDOW