274b5 kha che'i mkhas pa b+ha dra bo d+hi dang / lo tsA ba mar pa chos kyi dbang phyug gis bsgyur ba'o// @##/ /rgya gar skad du/ shrI tsakra sam+ba ra a dwe te d+h+yA no pa de sha yo ga tsaN+Da lI/ bod skad du/ dpal 'khor lo sdom pa'i gnyis su med pa'i bsam gtan gyi man ngag rnal 'byor gyi gtum
274b6 mo/dpal 'khor lo sdom pa la phyag 'tshal lo/ /gang la dmigs pas srid par 'ching ba yi/ /gzung dang 'dzin pa'i rnam rtog kun gcod cing / /rnam par mi rtog ye shes mchog 'char ba'i/ /gnyis med rtse yi 'khor lo la phyag 'tshal/ /gang zhig goms pas sa gsum ma lus
274b7 pa'i//rang bzhin bde ba chen po rtogs 'gyur ba'i/ /rang rig ye shes bde chen gcig pu pa/ /gang la brten nas rtog pa'i man ngag bshad/ /srid pa'i btson rar gzung 'dzin 'ching ba yi/ /bcing bas bcings sdug mgon med gyur pa la/ /snying rje'i rlan gyis nye bar bsgos pa yi/ /
275a1 yang dag byang chub sems ldan dbang bskur bas/ /yid 'ong khang par bde ba'i stan gnas te/ /lha yi bsam gtan mchog la rab gzhol ba'i/ /lus gnas thabs dang shes rab rang bzhin can/ /spyi bo lte bar gnas pa'i rtsa 'khor lo/ /gang la bcu drug thog mar
275a2 yi ge thig ler ldan//dro ba'i bzhi pa gzhom med rang bzhin can/ /a wa d+hU tI kun nas sbrel ba yi/ /'khor lo'i dbus gnas byang chub yi ge thig le la/ /rtse gcig yid kyis 'byung dang 'jug spangs te/ /drod dang du ba 'thul dang 'bar ba las/ /rlung bral mar me 'bar ba'i rtse
275a3 lta bu//glog gi 'od ltar kun nas gsal ba'i gzugs/ /gyen 'gros steng gi 'khor lo'i dbus gnas pa'i/ /gzhom med sa bon haM yig bzhu byas te/ /gang la brten nas ye shes mchog skye ba'i/ /byang chub rang bzhin 'o ma'i rgyun 'bab pas/ /gang du thabs dang shes
275a4 rab 'dres gyur pa//de ru gnyis med ye shes skye bar 'gyur/ /rang gis rang rig pa yi ye shes mchog /rtog ge rnams kyis brtag pa'i yul min zhing / /brjod bral ye shes lkugs pa'i rmi lam dang / /ji ltar gzhon nu ma yi dbang po gnyis/ /'dus las myong ba'i bde ba ji
275a5 bzhin pa//de bzhin rang rig ye shes skye bar 'gyur/ /gang tshe skyes pa'i bde ba che goms pas/ /de las gzhan pa'i dngos po mthong med cing / /sna tshogs snang ba'i dngos 'di ma lus pa/ /rang bzhin bde ba chen por 'char bar 'gyur/ /de tshe mig sogs dbang po'i yul snang
275a6 ba'i//gzugs la sogs pa'i dngos 'di ma lus pa/ /sgyu ma smig rgyu dri za'i grong khyer dang / /bar ma'i srid dang chu yi zla ba dang / /snang brnyan seng ge zla ba'i grong bzhin du/ /ma lus rang bzhin gcig pa mthong bar 'gyur/ /de tshe thog med srid pa'i btson ra ru/ /bsags
275a7 pa'i 'ching ba ma lus kun bcad nas//gnyis med ye shes bde ba chen po yi/ /go 'phang bla na med pa thob par 'gyur/ /dpal 'khor lo sdom pa'i gnyis su med pa bsam gtan gyi man ngag /rnal 'byor gyi gtum mo/ slob dpon chen po dge ba'i mgon pos mdzad pa
rdzogs so/

CLOSE WINDOW