| བོད་ཡིག |
274a2 @##/ /rgya gar skad du/ shrI tsakra sam+b+ba ra tad+h+wa u pa de sha/ /bod skad du/ dpal 'khor lo sdom pa'i de kho na nyid kyi man ngag /dpal 'khor lo sdom pa la phyag 'tshal lo/ /dag pa'i de nyid mtshon pa yi/ /e waM sbyor ba las skyes pa/ /mkha' mnyam dri ma rnam spangs pa'i/ /
274a3 dbyer med chos la phyag 'tshal lo/ /rgyud rnams kun du ches gsang ba/ /bla ma rim brgyud las 'ongs nas/ /ji bzhin bdag gis nges rtogs pa/ /de 'dir rnam par gsal bar bya/ /'khor lo sdom pa pad+ma'i tshal/ /spyod 'chad gsung gi nyi zer gyis/ /phye bas legs thob snying
274a4 po mchog /'gro rnams tshims par byed pa 'di'o/ /gang du bskal pa grangs med par/ /'bad kyang 'dod don mi 'thob pa/ /de 'dir tshe 'di nyid sogs kyi/ /dngos grub go 'phang bla med 'gyur/ /lus gdung sems ni g.yeng byed pa'i/ /dka' thub la sogs rnam spangs
274a5 te//'dod pa nye bar brten pa yi/ /lam gyis bde ba'i 'bras bu bsgrub/ /gang zhig brten pas yul kun gyi/ /bde bas yongs su tshims byed cing / /spyod dang grol ba'i 'bras ster ba/ /mtshan nyid phun sum tshogs ldan pa'o/ /'jig rten rtog pas brtags pa yi/ /rigs
274a6 kyi zhen pa kun spangs nas//dbyibs dang kha dog long tsho dang / /na tshod la sogs rjes mthun zhing / /dam tshig spyod pa sogs brten pa'i/ /yon tan rnams kyi rten gyur pa/ /brten pas sgrub po dbang phyug gi /dngos grub kun gyi gzhi byed pa'o/ /legs brtags shin tu
274a7 legs rtogs pa//brten bya de las gzhan du ni/ /chags sogs 'jig rten dbang gyur pas/ /brten nas spyod sdug bsngal 'gyur/ /chags can ye shes mngon 'dod pas/ /tshul 'di nyid kyis bgrod bya yi/ /de las gzhan pa'i lam gyis ni/ /nam yang grub la
274b1 brten mi 'gyur//shin tu dben pa'i sar gnas te/ /'jig rten g.yeng ba kun spangs pas/ /bde ba'i ye shes 'phel byed pa'i/ /rjes mthun longs spyod brten pa dang / /rigs dang yang dag sbyor ba'i sems/ /mi mnyam bde ba'i rten gyur pa/ /de 'dir rang gi stobs kyis sam/ /
274b2 de bzhin phyag rgya'i stobs kyis kyang / /nor bu'i nang son dbyer med pas/ /bde mchog bla na med goms bya/ /de goms pa yi sbyor ba yis/ /ras dkar la ni snum dang ni/ /zas la bcud kyis phug pa dang / /chab rom las ni chu nyid dang / /chu rnams las kyang rgya mtsho dang / /chu rlabs
274b3 las ni chu bzhin 'gyur//gang zhig mchog tu goms pa'i mthus/ /sna tshogs snang ba der 'gyur te/ /ji ltar bu ram las byas gzugs/ /sna tshogs mngar ba'i ro bzhin no/ /gang 'dir thun nam nyin gcig gam/ /zla phyed zla gcig khyud kor du/ /goms pas bskal mang bye stong du/ /
274b4 mi 'gyur ba yi ye shes thob/ /'khor lo sdom dpal gzhung lugs las/ /bla ma'i dran gyis legs thob pa/ /de 'dir bdag gis gsal byas pas/ /dge des 'gro kun bla med shog /dpal 'khor lo sdom pa'i de kho na nyid kyi man ngag ku sa li pas mdzad pa rdzogs so// //
CLOSE WINDOW